PROVERBS
Chapter 17
Prov | LinVB | 17:1 | Kolia mwa limpa likauki o ndako ya bato ba kimia eleki kolia limpati linene o ndako ya boswani. | |
Prov | LinVB | 17:2 | Mosali wa mayele akokoma mokonzi wa mwana alongobani te, akosangola biloko bya tata elongo na bana. | |
Prov | LinVB | 17:3 | Bakonyangwisaka palata o kopo mpe wolo o fulu, kasi se Yawe akomeka mitema mya bato. | |
Prov | LinVB | 17:4 | Moto mabe akotiaka matoi na maloba mabe, moto wa lokuta akondimaka monoko mwa mokosi. | |
Prov | LinVB | 17:5 | Moto aseki mobola, atumoli Mozalisi wa ye, oyo asepeli mpasi ekweli moninga, akozwa etumbu. | |
Prov | LinVB | 17:8 | Mabonza mazali nkisi o maboko ma moto azali na mango, ata akokende wapi, akolonga o makambo ma ye. | |
Prov | LinVB | 17:9 | Moto alingi bondeko akolimbisa mabe basali ye ; oyo akundoli mango, akobengana moninga. | |
Prov | LinVB | 17:10 | Kopalela moto wa mayele ekoki kobongisa ye, kobete moto zoba mbala nkama ekobongisa ye te. | |
Prov | LinVB | 17:12 | Kokutana na mama nkoi eye babotoli bana, ezali mabe, kasi kozwana na moto zoba angali na nkanda, eleki naino mabe. | |
Prov | LinVB | 17:14 | Kobanda boswani ezali lokola kofungola nzela enene ya mai, tika boswani liboso ’te ekoma etumba. | |
Prov | LinVB | 17:15 | Kolongisa moto wa makambo mpe kokitisa moto semba, yango nde makambo mabale Yawe akoyokaka nsomo. | |
Prov | LinVB | 17:16 | Mosolo o maboko ma moto zoba, mokozwela ye nini ? Asomba na mwango bwanya ? Kasi azangi mayele. | |
Prov | LinVB | 17:17 | Moninga wa motema akolingaka yo ntango inso, kasi ndeko abotami se mpo ’te asalisa yo o mikolo mya mpasi. | |
Prov | LinVB | 17:20 | Moto wa motema mabe akozwa bolamu te, oyo akolobaka maloba ma lokuta akokoma na mpasi. | |
Prov | LinVB | 17:22 | Kozala motema esengo ekosalisa kobikisa nzoto, kozala motema mawa mawa ekokaukisa minkuwa. | |
Prov | LinVB | 17:24 | Moto wa mayele akolukaka bwanya ntango inso, kasi zoba akotambwisaka miso tee ndelo ya mokili. | |
Prov | LinVB | 17:25 | Mwana zoba azali ntina ya mawa ma tata wa ye, mpe akoyokisa mama wa ye mpasi mingi. | |
Prov | LinVB | 17:27 | Moto ayebi kokanga monoko, atondi na bwanya, mpe oyo azali na motema mpio, azali moto wa mayele. | |