EXODUS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
Chapter 12
| Exod | Azeri | 12:3 | بوتون ائسرايئل جاماعاتينا ديئن: «قوي بو آيين اونونجو گونونده، اونلاردان هر بئري اؤزلري اوچون بئر قوزو، آتالارينين اِولرئنه گؤره، هر اِو بئر قوزو گؤتورسون. | |
| Exod | Azeri | 12:4 | اگر بئر آدامين عايئله‌سي بئر قوزو اوچون ساييجا آزدير، قوي او آدام، اِوئنه ياخين قونشوسي ائله بئرلئکده، بئر حيوان گؤتوروب آداملارين سايينا، هر کسئن يئيه‌جيئنه گؤره بؤلسون. | |
| Exod | Azeri | 12:5 | قوزونوز بئر ائلّئک قوصورسوز اِرکَک قوزو اولسون. اونو قويونلاردان يا دا کِچئلردن گؤتوره بئلرسئنئز. | |
| Exod | Azeri | 12:6 | اونو آيين اون دؤردونجو گونونه قدر ساخلايين. قوي آخشامچاغي ائسرايئل جاماعاتيندان هر کس اونو کسسئن. | |
| Exod | Azeri | 12:7 | قوربانين قانيندان گؤتوروب، اونو يئيه‌جکلري اِوئن قاپيسينين هر ائکي يان تاختاسينا و اوست دئره‌يئنه سورتسونلر. | |
| Exod | Azeri | 12:8 | همئن گجه اونون اَتئني يسئنلر؛ اَتي اوددا قيزارديب، ماياسيز چؤرک و آجي گؤيرتي ائله يسئنلر. | |
| Exod | Azeri | 12:9 | اونو چئي، و يا سودا قايناديلميش حالدا يمه‌يئن. کلّه‌سي، پاچاسي و ائچالاتي ائله بئرلئکده اوددا قيزارديلميش حالدا ييئن. | |
| Exod | Azeri | 12:11 | اونو بله ييئن: بِلئنئز قورشانميش، چاريقلارينيز آياغينيزدا، و دَيَنه‌يئنئز اَلئنئزده اولسون، اونو تَلَسئک ييئن. بو، ربّئن پاسخاسيدير. | |
| Exod | Azeri | 12:12 | لاکئن من او گجه مئصئر تورپاغيندان کچه‌جيم. مئصئر تورپاغيندا اولان هم ائنسانلارين بوتون ائلک اوشاقلاريني، هم ده حيوانلارين بوتون ائلک بالالاريني اؤلدوره‌جيم. بوتون مئصئر آللاهلارينا دا جزا وره‌جيم. رب منم. | |
| Exod | Azeri | 12:13 | اولدوغونوز اِولرئن اوستونده‌کي قان، سئزئن اوچون علامت اولاجاق. قاني گؤروب يانينيزدان کچه‌جيم و مئصئر اؤلکه‌سئني جزالانديرديغيم زامان، سئزه محو اِدئجي بلا گلميه‌جک. | |
| Exod | Azeri | 12:14 | بو گون سئزئن اوچون خاطئره گونو اولاجاق. اونو رب اوچون بايرام ادئن. نسئللر بويو ابدی قايدا اولاراق، اونو بايرام ادئن. | |
| Exod | Azeri | 12:15 | يدّي گون ماياسيز چؤرک ييئن. آمّا بئرئنجي گون اِولرئنئزدن ماياني ييغيشديرين. چونکي بئرئنجي گوندن يدّئنجي گونه قدر مايالي چؤرک يئين هر کسئن آياغي ائسرايئللی‌لرئن آراسيندان کسئلمه‌لئدئر. | |
| Exod | Azeri | 12:16 | سئزئن اوچون بئرئنجي و يدّئنجي گونلرده موقدّس ييغين اولاجاق. بو گونلر هر کس اؤزونه يمک حاضيرلاماقدان باشقا هچ بئر ائش گؤرمه‌سئن. | |
| Exod | Azeri | 12:17 | بو ماياسيز چؤرک بايراميني اونا گؤره رئعايت ادئن کي، محض همئن گون سئزئن دسته‌لرئنئزي مئصئر تورپاغيندان چيخارتديم. بو گونو نسئل بويو ابدی قايدا اولاراق رئعايت ادئن. | |
| Exod | Azeri | 12:18 | بئرئنجي آيين اون دؤردونجو گونونون آخشاميندان، آيين ائيئرمي بئرئنجي گونونون آخشامينا قدر، ماياسيز چؤرک ييئن. | |
| Exod | Azeri | 12:19 | يدّي گون اِوئنئزده مايا اولماسين. چونکي مايالي بئر شي يئين هر کس ائستر اؤلکه‌ده قرئب اولسون، ائستر يرلي، آياغي ائسرايئل ائجماعسينين آراسيندان کسئلمه‌لئدئر. | |
| Exod | Azeri | 12:21 | موسا ائسرايئلئن بوتون آغساقّاللاريني چاغيريب ددي: "عايئله‌لرئنئزه گؤره اؤزونوز اوچون قوزو گؤتورون و پاسخا قوربانيني کسئن. | |
| Exod | Azeri | 12:22 | بئر دسته مرجانکؤشک گؤتوروب لَيَنده اولان قانا باتيرين و اوراداکي قاندان قاپينين اوست دئره‌يئنه و يان تاختالارينا سورتون. سحره قدر هچ کس اِوئنئن قاپيسيندان چيخماسين. | |
| Exod | Azeri | 12:23 | رب مئصئرلی‌لري بلايا سالماق اوچون گلنده، قاپينين اوست دئرک و يان تاختالارينين اوستونده اولان قاني گؤروب، او قاپينين يانيندان کچه‌جک. محو اِدئجي بلاني اِوئنئزه گئرميه قويماياجاق. | |
| Exod | Azeri | 12:27 | اونلارا جاواب ورئن: «بو، رب اوچون پاسخا قوربانيدير، او خئلاص ادن رب کي، مئصئرلی‌لري بلايا سالديغي زامان، مئصئرده‌کي ائسرايئل اؤولادلارينين اِولرئندن کچدي، لاکئن بئزئم اِولرئمئزي ساخلادي.»" خالق اَيئلئب سجده اتدي. | |
| Exod | Azeri | 12:29 | گجه ياريسي رب مئصئر تورپاغيندا اولان بوتون ائلک اؤولادلاري ووردو؛ تختده اوتوران فئرعونون ائلک اؤولاديندان توتموش، زئنداندا اولان اسئرئن ائلک اوشاغينا قدر؛ حيوانلارين ائلک بالاسيني دا ووردو. | |
| Exod | Azeri | 12:30 | گجه واختي فئرعون، اونون اعيانلاري و بوتون مئصئرلئلر قالخديلار. مئصئردن بؤيوک بئر فغان قوپدو، چونکي اله بئر اِو يوخ ائدي کي، اورادا اؤلَن اولماسين. | |
| Exod | Azeri | 12:31 | فئرعون گجه موسا و هاروني چاغيريب ددي: "چيخين گدئن! هم اؤزونوز، هم ده ائسرايئللی‌لر خالقيمين آراسيندان چيخين گدئن، ائسته‌دئيئنئز کئمي ربّه عئبادت ادئن. | |
| Exod | Azeri | 12:32 | نجه کي ديئرسئنئز، قويون-کچئنئزي و مال-حيوانينيزي دا گؤتوروب گدئن، منه ده برکت ورئن." | |
| Exod | Azeri | 12:33 | مئصئرلئلر خالقي زور آلتينا قويدولار کي، اؤلکه‌‌ني تَلَسئک ترک اتسئنلر، چونکي ديئردئلر: "يوخسا هاميميز اؤله‌جيئک." | |
| Exod | Azeri | 12:34 | خالق خمئرلرئن ماياسي آجيماميش حالدا، پالتارلارينا بورونموش خمئر طاباقلاريني چئيئنلرئنده آپاردي. | |
| Exod | Azeri | 12:35 | ائسرايئل اؤولادلاري موسانين سؤزونه عمل اتدئلر. مئصئرلی‌لردن قيزيل-گوموش و پالتارلار ائسته‌دئلر. | |
| Exod | Azeri | 12:36 | رب خالقا مئصئرلی‌لرئن گؤزونده لوطف قازانديردي و اونلارا ائسته‌دئکلرئني وردئلر. بلجه اونلار مئصئرلی‌لري سويدولار. | |
| Exod | Azeri | 12:37 | ائسرايئل اؤولادلاري رَعمِسِسدن سوکّوتا يولا دوشدولر. آرواد-اوشاقدان باشقا، آلتي يوز مئنه قدر پئيادا گدن کئشي وار ائدي. | |
| Exod | Azeri | 12:38 | قاريشيق بئر ائزدئحام، چوخلو قويون-کچي، مال-حيوان و آيري حيوانلار دا اونلارلا بئرلئکده يولا دوشدو. | |
| Exod | Azeri | 12:39 | مئصئردن چيخارتديقلاري خمئردن ماياسي آجيماديغي اوچون ماياسيز فطئرلر پئشئردئلر. چونکي مئصئردن قووولموشدولار. نه يوبادا بئلردئلر، نه ده اؤزلرئنه آذوقه حاضيرلاميشديلار. | |
| Exod | Azeri | 12:41 | محض بو دؤرد يوز اوتوز ائل قورتارديغي گونده، ربّئن بوتون دسته‌لري مئصئر تورپاغيندان چيخدي. | |
| Exod | Azeri | 12:42 | بو او گجه‌دئر کي، گرک رب اوچون ساخلانسين. چونکي مئصئر دئياريندان اونلاري قورتاردي. بو اله او گجه‌دئر کي، بوتون ائسرايئل خالقي نسئللر بويو او گجه‌ني ساخلاماليديرلار. | |
| Exod | Azeri | 12:43 | رب موسا و هارونا ددي: "پاسخا بايرامينين قايداسي بله‌دئر: هچ بئر قرئب اوندان يمه‌سئن؛ | |
| Exod | Azeri | 12:46 | قوي بو يمک بئر اِوده ييئلسئن؛ اَتي اِودن اشئيه چيخارديلماسين و اونون هچ بئر سومويونو ده سينديرماياجاقسينيز. | |
| Exod | Azeri | 12:48 | سنئن يانيندا قوناق اولان قرئب، اگر رب اوچون پاسخا کچئرتمک ائسته‌سه، قوي عايئله‌سئنده اولان بوتون کئشئلر ختنه اولونسون؛ آنجاق بو زامان اونو کچئرده بئلر و او دا سئزئن هم طايفانينيز کئمي ساييلار. ختنه اولونمايان هچ بئر کئشي اوندان يمه‌سئن. | |