GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 48
| Gene | LinVB | 48:1 | Esili makambo mana, bayei koyebisa Yosefu : « Tata wa yo azali kobele. » Bongo akei na bana ba ye babale, Manase na Efraim. | |
| Gene | LinVB | 48:2 | Balobi na Yakob : « Mwana wa yo Yosefu ayei. » Na makasi ma ye manso Israel amifandisi o mbeto. | |
| Gene | LinVB | 48:3 | Alobi na Yosefu : « Nzambe wa bokasi bonso abimelaki ngai o mboka Luz o mokili mwa Kanana, abenisaki ngai na maloba maye : | |
| Gene | LinVB | 48:4 | “Nakopesa yo nguya ya kobota mpo ’te ozwa bana baike. Nakokomisa yo lingomba linene lya bato. Nakopesa bankoko ba yo mokili moye, bafanda seko kuna.” | |
| Gene | LinVB | 48:5 | Yango wana bana ba yo babale, baye obotaki o mokili mwa Ezipeti, liboso ’te naya epai ya yo o Ezipeti, bakosala bana ba ngai ! Efraim na Manase bakozala bana ba ngai, se lokola Ruben na Simeon bazali bana ba ngai. | |
| Gene | LinVB | 48:6 | Bana obotaki nsima bakozala bana ba yo. O mokolo bakokabola mokili, bakozwa esika se lokola bandeko ba bango. | |
| Gene | LinVB | 48:7 | Mokolo nalongwaki o Padan, mama wa yo Rakele awaki o mokili mwa Kanana o nzela penepene na Efrata. Nakundaki ye bobele kuna o nzela ya Efrata, o Beteleme. » | |
| Gene | LinVB | 48:9 | Yosefu azongiseli tata wa ye : « Bazali bana Nzambe akabeli ngai awa. » Tata alobi lisusu : « Yaka na bango awa, nabenisa bango. » | |
| Gene | LinVB | 48:10 | Miso ma Israel malembi mpo ya bonuna, azalaki komono malamu lisusu te. Yosefu ayei na bango penepene na tata. Israel ayambi bango mpe azingi bango ekopi. | |
| Gene | LinVB | 48:11 | Alobi na Yosefu : « Nakanisaki soki moke te ’te nakomono lisusu elongi ya yo, mpe tala, Nzambe amonisi ngai mpe bana ba yo. » | |
| Gene | LinVB | 48:13 | Yosefu akamati bana ba ye babale, asimbi Efraim na loboko la mobali, mpo ’te azala o loboko la mwasi wa Israel ; asimbi Manase na loboko la mwasi mpo ’te azala o loboko la mobali la Israel, atii bango penepene na ye. | |
| Gene | LinVB | 48:14 | Kasi Israel atandi loboko la mobali o motó mwa Efraim, mwana wa nsuka, mpe loboko la mwasi o motó mwa Manase. Kasi, awa maboko matandami bongo, abungi, mpo Manase azali mwana wa yambo. | |
| Gene | LinVB | 48:15 | Abenisi Yosefu, alobi : « Nzambe oyo nkoko wa ngai Abarama mpe tata wa ngai Izaka batosaki, Oyo azalaki mokengeli wa ngai ut’o bomwana bwa ngai tee lelo, | |
| Gene | LinVB | 48:16 | Anzelu oyo abikisaki ngai o mabe manso, abenisa bana baye, bato banso bakumisa nkombo ya ngai na mpe nkombo ya batata ba ngai Abarama na Izaka mpo ya ba-ngo. Babota bana baike mpe bakoma bato ebele o mokili ! » | |
| Gene | LinVB | 48:17 | Ntango Yosefu amoni ’te tata wa ye atii loboko la mobali o motó mwa Efraim, mpo yango esepelisi ye te. Asimbi loboko la tata wa ye, mpo ’te alongola lango o motó mwa Efraim mpe atia lango o motó mwa Manase. | |
| Gene | LinVB | 48:18 | Alobi na tata wa ye : « Tata, bongo te, mwana oyo azali mwana wa yambo, tia loboko la mobali o motó mwa ye. » | |
| Gene | LinVB | 48:19 | Kasi tata wa ye aboyi, alobi : « Nayebi, mwana. Solo, ye mpe akokoma etuka enene, akozala moto monene, kasi leki wa ye akoleka ye, bankoko ba ye bakotondisa ekolo mobimba. » | |
| Gene | LinVB | 48:20 | O mokolo mona abenisi bango, alobi : « O Israel babenisa bato na nkombo ya yo na maloba maye : Nzambe asala yo malamu lokola asalaki Efraim na Manase. » Atangi nkombo ya Efraim liboso. | |
| Gene | LinVB | 48:21 | Na nsima Israel alobi na Yosefu : « Liwa lya ngai likomi penepene, kasi Nzambe akobatela yo, mpe akozongisa yo o mokili mwa ba-nkoko ba yo. | |