ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 38
| Isai | Kapingam | 38:1 | Hoohoo gi-di madagoaa deenei, King Hezekiah guu-magi hoohoo-hua bolo gaa-made. Soukohp Isaiah, tama-daane Amoz, guu-hana belee mmada a-mee, ga-helekai gi-mee, “Dimaadua e-helekai-adu bolo goe gi-hagatogomaalia-ina nia mee huogodoo, idimaa, doo magi la-hagalee hili. Hagatogomaalia-ina goe gaa-made.” | |
| Isai | Kapingam | 38:3 | “Dimaadua, Goe e-langahia bolo au nogo hai-hegau-adu gi-di-Goe i-di manawa-dahi mo-di tonu, ge hagamahi i-nia madagoaa huogodoo e-hagagila-aga do manawa.” Gei mee ga-daamada ga-dangidangihia. | |
| Isai | Kapingam | 38:5 | gii-hana gi-muli gi Hezekiah, gi-helekai gi-mee, “Ko-Au go Yihowah, di God o do damana-madua David, Au gu-longono au dalodalo gu-gidee oo dangi. Au ga-dumaalia-adu nia ngadau e-madangaholu maa-lima gi-mada-waalooloo do mouli. | |
| Isai | Kapingam | 38:6 | Au gaa-daa goe mo-di waahale deenei gi-daha mo-di king aamua o Assyria, ga-benebene hagahumalia gi-muli di waahale.” | |
| Isai | Kapingam | 38:7 | Isaiah ga-helekai, “Dimaadua ga-gowadu gi-di-goe di hagamodongoohia e-hagadootonu bolo Mee ga-daahi dana hagababa. | |
| Isai | Kapingam | 38:8 | I-hongo di gaagenge dela ne-hai go King Ahaz, Dimaadua gaa-hai di malu gii-hana gi-muli nia habodo e-madangaholu.” Gei e-donu, di malu gu-menege gi-muli nia habodo e-madangaholu. | |
| Isai | Kapingam | 38:10 | Au gu-hagamaanadu bolo i-di madagoaa maaloo o dogu mouli, gei au guu-hana gi-di henua o digau mmade. Hagalee-loo e-mouli dogu mouli. | |
| Isai | Kapingam | 38:11 | Au e-hagamaanadu bolo i-lodo tenua o digau mouli, au ga-deemee labelaa di mmada gi Dimaadua go Yihowah, be dahi dangada dela e-mouli. | |
| Isai | Kapingam | 38:12 | Dogu mouli guu-tuu gi-daha gu-hagalawa, gadoo be di hale-laa dela e-dugu gi-lala, gadoo be di gahu dela e-tuu-mai di masiini llanga gahu. Au gu-hagamaanadu bolo God gu-hagalawa dogu mouli. | |
| Isai | Kapingam | 38:13 | I-di boo hagatau gei au gu-dangidangi mo ogu mmae, gadoo be di laion dela e-hadihadi ogu iwi. Au gu-hagamaanadu bolo God gu-hagalawa dogu mouli. | |
| Isai | Kapingam | 38:14 | Dogu lee gu-maeha gei gu-bagege, gei au gu-nguunguu be di mwuroi. Ogu golomada gu-maanu di mmada gi-di langi. Meenei Tagi, haga-dagaloaha-ina au gi-daha mo nia haingadaa huogodoo aanei. | |
| Isai | Kapingam | 38:15 | Gei au belee helekai bolo-aha? Dimaadua ne-hai di-mee deenei. Au e-manawa-gee, ge deemee di-kii. | |
| Isai | Kapingam | 38:16 | Meenei Tagi, au ga-mouli-adu gi-di-Goe hua modo-Gooe. Hagahili-ina au, heia au gi-mouli. | |
| Isai | Kapingam | 38:17 | Dogu manawa-gee gaa-huli gaa-hai di aumaalia. Goe gu-haga-dagaloaha dogu mouli gi-daha mo nia haingadaa, Goe gu-dumaalia gi ogu huaidu huogodoo. | |
| Isai | Kapingam | 38:18 | Tangada i-lodo tenua o digau mmade e-mee di-hagaamu Goe ai. Digau mmade e-deemee di hagadonu do manawa-dahi. | |
| Isai | Kapingam | 38:19 | Ma go digau mouli ala e-hagaamu Goe, be dagu hagaamu Goe dolomeenei. Nia damana e-hagi-anga gi nadau dama i dau hai dela e-manawa-dahi. | |
| Isai | Kapingam | 38:20 | Dimaadua, Goe gu-hagahili au. Gimaadou ga-daahili i-nia ‘harp’ e-hagaamu Goe. Daahili hagaamu i-lodo dau Hale Daumaha i-di waalooloo o madau mouli. | |
| Isai | Kapingam | 38:21 | Isaiah ne-hagi-anga gi-di king gi-dugua di walee ne-hai gi-nia huwa-‘fig’ gi-hongo dono magi buu, geia gaa-hili. | |