ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 48
| Isai | Kapingam | 48:1 | Nia daangada Israel, goodou go di hagadili mai i Judah, hagalongo gi-di mee deenei: Goodou gu-dowangi i-di ingoo Dimaadua, guu-hai bolo goodou e-daumaha gi-di God o Israel, malaa, godou helekai huogodoo la ono hadinga ai. | |
| Isai | Kapingam | 48:2 | Goodou e-helekai hagapuu bolo goodou nia daangada ni-di waahale dabuaahia, ge bolo goodou e-gana gi-di God o Israel, dono ingoo go Yihowah, di Gowaa Aamua. | |
| Isai | Kapingam | 48:3 | Dimaadua e-helekai gi Israel, “I-mua-loo, Au gu-hagamodongoohia nia mee ala ma-ga-gila-aga maalia, gei gu-limalima-hua Au guu-hai nia maa gi-gila-aga. | |
| Isai | Kapingam | 48:4 | Au gu-iloo bolo goodou ga-hagamodongoohia bolo goodou digau e-hamaaloo godou manawa, e-hamaaloo be di baalanga-‘iron’ ge hagalee hagalongo be di baalanga-mmee. | |
| Isai | Kapingam | 48:5 | I-mua-loo, gei Au guu-hagi-adu di-godou mouli maalia, gu-hagamodongoohia nia mee ala ma-gaa-hai i-mua nia maa ma-ga-kila-aga, belee duuli goodou di helekai bolo godou balu ada-god ala ne-hai nia maa gi-gila-aga. | |
| Isai | Kapingam | 48:6 | “Nia mee huogodoo ala ne-hagi-adu bolo ga-kila-aga, la-gu-kila-aga dolomeenei. Goodou belee haga-uaa bolo agu helekai ne-haga-dagu-aga le e-donu. Dolomeenei gei Au ga-hagi-adu nia mee hoou ala ma-ga-kila-aga, nia mee digi hagamodongoohia ko-Au i-mua. | |
| Isai | Kapingam | 48:7 | Dolomeenei hua Au e-hai nia maa gi-kila-aga. Di-mee beenei ne-gila-aga i-mua ai. Maa nei-bolo ne-gila-aga, gei goodou e-hai bolo goodou gu-iloo hagatau nia maa. | |
| Isai | Kapingam | 48:8 | Au gu-iloo bolo goodou hagalee ne-belee hagadonu ko-Au, i-nia madagoaa huogodoo goodou nogo hagaingoo bolo digau hai-baahi. Deelaa tadinga goodou digi longono-loo di-maa, ge dahi bida helekai ne-longono-goodou ai. | |
| Isai | Kapingam | 48:9 | “Au e-hagakono dogu hagawelewele, e-hagalee daaligi goodou, gii-mee nia daangada di-hagaamu dogu ingoo. | |
| Isai | Kapingam | 48:10 | Au gu-hagamada goodou i-lodo di ahi hagaduadua, be silber dela e-hagamadammaa i-lodo di ahi. Malaa, Au guu-gida bolo goodou e-balumee. | |
| Isai | Kapingam | 48:11 | Agu mee ala e-hai le e-hai belee hagahumalia-hua Au. Au e-hagalee dumaalia gi dogu ingoo gi-haga-balumee-ina, be gi tei dangada gi-hai-mee labelaa gi-di madamada dela belee hai-mee ginai Au modogo-Au.” | |
| Isai | Kapingam | 48:12 | Dimaadua e-helekai, “Israel, nia daangada ala ne-gahigahi ko-Au, hagalongo-mai gi-di-Au! Au go Taamada mo-di Hagaodi, go di God hua e-dahi! | |
| Isai | Kapingam | 48:13 | Ogu lima ne-hai nia hagamau o henuailala, ga-hagamoholo di langi gi-daha. Dogu madagoaa e-hagagahi henuailala mo-di langi, meemaa e-limalima di-lloomoi gii-dau i-di-Au. | |
| Isai | Kapingam | 48:14 | “Dagabuli-mai goodou huogodoo, hagalongo! Deai dahi god e-mee di-kokohp bolo tangada dela ne-hilihili ko-Au, ga-heebagi gi Babylon. Mee gaa-hai dagu mee dela e-hiihai ginai Au bolo gi-heia. | |
| Isai | Kapingam | 48:15 | Ma ko-Au dela ne-helekai ga-gahigahi a-mee. Au ne-dagi a-mee gi-daha, gaa-wanga gi-mee di gila o ana mee huogodoo ala e-hai. | |
| Isai | Kapingam | 48:16 | “Lloomoi gi-hoohoo-mai dolomeenei, hagalongo gi agu helekai. Mai taamada Au nogo leelee hagamadammaa, ge haga-gila agu helekai.” (Dolomeenei, Tagi go Yihowah gu-gaamai ono mogobuna gu-hagau-mai au.) | |
| Isai | Kapingam | 48:17 | Di God Dabuaahia o Israel, Dimaadua dela e-haga-dagaloaha goodou ga-helekai, “Au go Dimaadua, di-godou God, e-hiihai e-aago goodou gi-humalia-adu, ge dagi goodou i-di ala dela belee hula-ai goodou. | |
| Isai | Kapingam | 48:18 | “Maa nei-bolo goodou ne-hagalongo-hua gi agu helekai! Gei nia maluagina guu-hali-adu gi goodou be di monowai dela e-hagalee maangoo. Di aali ne-belee lloo-adu gi goodou be nia beau ala e-nnoo-mau e-bagubaguu i tongotai. | |
| Isai | Kapingam | 48:19 | Godou hagadili gi-muli ne-belee logowaahee be nia gelegele, gei Au guu-hai bolo digaula e-hagalee-loo e-daaligi gi-daha.” | |
| Isai | Kapingam | 48:20 | Hula gi-daha mo Babylon i-di aumaalia! Tenetene wwolowwolo, hagadele-ina di longo, heia di-maa gi-iloo i-nia gowaa huogodoo, “Dimaadua gu-haga-dagaloaha ana daangada hai-hegau Israel!” | |
| Isai | Kapingam | 48:21 | Di madagoaa Dimaadua ne-dagi ana daangada laa-lodo di anggowaa welengina maangoo, digaula digi hieinu. Mee ne-hagahali ana wai mai di hadugalaa gi digaula. Mee ne-haahi-lua di hadu gei nia wai ga-malingi-mai gi-daha. | |