EZEKIEL
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
Chapter 10
| Ezek | LinVB | 10:1 | Natali mpe namoni o etando ezalaki likolo lya bakerubim libanga lyoko lya safir, limononi lokola ngwende. | |
| Ezek | LinVB | 10:2 | Alobi na moto alati elamba mpembe : « Kende o likalo, o nse ya kerubim, tondisa maboko na makala maye mazali o ntei ya bakerubim, mpe panza mango o engumba. » Mpe namoni ’te moto ona akei. | |
| Ezek | LinVB | 10:3 | Ntango moto akoti, bakerubim batelemi penepene na Tempelo, epai ya loboko la mobali, mpe limpata litondisi lopango loke la Tempelo. | |
| Ezek | LinVB | 10:4 | Nkembo ya Yawe elongwi likolo lya kerubim mpe ekei epai ya ezibeli ya Tempelo. Tempelo etondi na limpata, mpe lopango loke lotondi na mwinda mwa nkembo ya Yawe. | |
| Ezek | LinVB | 10:5 | Lokito la mapapu ma bakerubim loyokani tee o lopango lonene, lokola lolaka la Yawe wa bokasi bonso. | |
| Ezek | LinVB | 10:6 | Awa atindi moto alati elamba mpembe « Kamata móto o likalo lizali o ntei ya bakerubim », moto ona akei koteleme penepene na yika. | |
| Ezek | LinVB | 10:7 | Kerubim moko atandi loboko epai ya móto mozalaki o kati ya bakerubim. Akamati móto mpe apesi moto alati elamba mpembe. Ye akamati móto mpe abimi. | |
| Ezek | LinVB | 10:9 | Natali, namoni yika inei penepene na bakerubim, kerubim moko moko na yika o mpembeni ya ye. Yika izalaki kongenge lokola libanga lya krizolite. | |
| Ezek | LinVB | 10:11 | Bakerubim bakoki kokende o nzela inei, basengelaki komibongola te ; esika oyo wa liboso akei basusu balandi ye, basengelaki komibongola te. | |
| Ezek | LinVB | 10:12 | Nzoto ya bango mobimba, mikongo, maboko na mapapu itondi na miloli mike mike mizalaki kongenge makasi. Nzoto yoko yoko ezalaki na yika. | |
| Ezek | LinVB | 10:14 | Kerubim moko moko azalaki na bilongi binei : elongi ya yambo ezalaki ya kerubim ; elongi ya bibale, elongi ya moto ; eye ya bisato, elongi ya nkosi ; eye ya binei, elongi ya engondo. | |
| Ezek | LinVB | 10:15 | Bakerubim batombwami o likolo ; ezalaki lokola nyama eye namonoki penepene na ebale Kebar. | |
| Ezek | LinVB | 10:16 | Ntango bakerubim batamboli, yika inei itamboli mpembeni ya bango. Ntango bakerubim bafungoli mapapu mpo ya kopimbwa o likolo, yika mpe itombwami. | |
| Ezek | LinVB | 10:17 | Ntango batelemi, yika mpe itelemi, ntango bapimbwi o likolo, yika itombwami na bango elongo, mpo izalaki na elimo ya bikelamo bya bomoi. | |
| Ezek | LinVB | 10:19 | Bakerubim bafungoli mapapu mpe bapimbwi o likolo o miso ma ngai. Yika mpe itombwami o likolo. Bakiti penepene na ezibeli ya ndako ya Yawe, eye ezali epai ya Esti. Nkembo ya Yawe wa Israel ezalaki na bakerubim, likolo lya bango. | |
| Ezek | LinVB | 10:20 | Ezalaki nyama eye namonoki penepene na ebale Kebar, ezalaki komeme Yawe wa Israel. Nayebi malamu ’te ezalaki bakerubim. | |
| Ezek | LinVB | 10:21 | Kerubim moko moko azalaki na bilongi binei mpe na mapapu manei, mpe o nse ya mapapu na biloko lokola maboko ma moto. | |