PSALMS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150
Chapter 68
| Psal | Kapingam | 68:1 | God ga-du-gi-nua ga-hagamaaheu gi-daha ono hagadaumee. Digau ala e-de-hiihai gi Mee, la-ga-magedaa gaa-hula gaa-llele. | |
| Psal | Kapingam | 68:2 | E-hai gadoo be nia huiahi ma-ga-ili gi-daha, deelaa gadoo di hai a-Mee ma-ga-hagabagi digaula gi-daha. E-hai be nia ‘wax’ ma-ga-waiwai i-mua di ahi, deelaa gadoo digau huaidu ma-ga-hagalee i-mua o God. | |
| Psal | Kapingam | 68:3 | Gei digau ala e-donu le e-manawa lamalia ge tenetene i-mua o Mee. Digaula e-tenetene mo-di wwolowwolo tenetene. | |
| Psal | Kapingam | 68:4 | Daahili ang-gi God, daahili hagaamu-ina di ingoo o-Maa. Hagatogomaalia-ina di ala o Mee dela e-hana i-hongo nia gololangi. Di ingoo o-Maa go Yihowah, goodou tenetene i-mua o Mee! | |
| Psal | Kapingam | 68:5 | God dela e-noho i-lodo dono hale dabu, le e-madamada humalia i-nia dama ala gu-deai nadau maadua ai, mo e-abaaba nia ahina ala guu-mmade nadau lodo. | |
| Psal | Kapingam | 68:6 | Mee e-wanga gi digau ala e-hagaloale nia gowaa digaula e-noho-ai, gei e-dagi digau galabudi gi-daha gi-lodo di gowaa moholo mo-di tenetene, gei digau ala e-hai-baahi la-gaa-noho i-lodo tenua maangoo. | |
| Psal | Kapingam | 68:7 | Meenei God, do madagoaa nogo dagi au daangada, mo do madagoaa nogo hana i-lodo di anggowaa, | |
| Psal | Kapingam | 68:8 | gei henuailala nogo ngalungalua, nia uwa guu-too-iha i-di langi, idimaa go di hanimoi o-di God dela nogo helehelekai i tomo di Gonduu o Sinai, di hanimoi o-di God o Israel. | |
| Psal | Kapingam | 68:10 | Au daangada gu-haga-noho nadau guongo i-golo, idimaa go do humalia dela ne-hagahumalia digau hagaloale. | |
| Psal | Kapingam | 68:12 | “Nia king mo nadau gau-dauwa guu-hula guu-llele gi-daha!” Nia ahina ala i nadau guongo gu-duwweduwwe nadau goloo ala ne-kumi: | |
| Psal | Kapingam | 68:13 | ala go nia ada mwuroi guu-hii gi-nia silber, nia bakau digaula e-dabadaba i-nia goolo humalia. Ma e-aha dela hunu gau i goodou e-noho-hua i-lodo nia abaaba siibi i-di laangi nogo hai-tauwa? | |
| Psal | Kapingam | 68:14 | Di madagoaa o God Mogobuna ne-hai nia king gi-lellele dagidahi i-hongo di Gonduu Zalmon, Mee guu-hai nia ‘snow’ gi-monnono i-golo. | |
| Psal | Kapingam | 68:16 | Goodou go nia ulu gonduu haga-madagu le e-aha ala e-mmada-iha haga-balumee gi-hongo di gonduu a God dela ne-hilihili belee noho-ai? Dimaadua la-gaa-noho i-golo gaa-hana-hua beelaa! | |
| Psal | Kapingam | 68:17 | Di Tagi ga-hanimoi i Sinai gi-lodo di gowaa haga-madagu mo ana waga-dauwa hongo-henua e-logowaahee. | |
| Psal | Kapingam | 68:18 | Mee gaa-hana gi-nua gi-nia gowaa nnoo-nua, e-lahi ana gau galabudi dogologo madalia Ia, gei Mee e-kumi ana wanga-dehuia mai digau ala e-hai-baahi. Yihowah=God gaa-noho i-golo. | |
| Psal | Kapingam | 68:19 | Hagaamu-ina di Tagi, dela e-aamo tadau hagadaamaha i-nia laangi huogodoo. Mee go di God dela e-haga-dagaloaha gidaadou. | |
| Psal | Kapingam | 68:20 | Tadau God la di God dela e-haga-mouli gidaadou. Mee go Yihowah, go tadau Dagi, dela e-daa-mai gidaadou gi-daha mo-di made. | |
| Psal | Kapingam | 68:21 | Ma e-donu bolo God ga-haga-mamaawa nia libogo o ono hagadaumee gi-momooho hagalligi, go digau ala e-manawa hamaaloo i-lodo nadau haihai huaidu. | |
| Psal | Kapingam | 68:22 | Di Tagi gu-helekai, “Au ga-laha-mai labelaa gi muli o hagadaumee i Bashan, Au ga-laha-mai labelaa digaula mai tua di moana, | |
| Psal | Kapingam | 68:23 | gii-mee goe di-haele i-lodo nia dodo digaula, gii-mee labelaa au paana di-tobotobo nadau mee ala e-hiihai ginai.” | |
| Psal | Kapingam | 68:24 | Meenei God, do haele aali la-guu-mmada ginai digau huogodoo, di hula dagi a God, go dogu king, gi-lodo dono lohongo haga-madagu. | |
| Psal | Kapingam | 68:25 | Digau ala e-huwa nadau daahili le e-hula i-mua, digau ala e-hai nadau gatangi e-hula i-muli, mugi-lodo la-go nia dama-ahina ala e-haga-tangitangi nadau ‘tambourine’. | |
| Psal | Kapingam | 68:26 | “Goodou hagaamu-ina a God i-lodo nia dagabuli o ana daangada. Hagaamu-ina Dimaadua, goodou huogodoo go di hagadili ni Jacob!” | |
| Psal | Kapingam | 68:27 | Matagidagi go Benjamin di madawaawa mulibee, ga-nomuli go nia dagi o Judah mo nadau hagabuulinga daangada, ga-nomuli go nia dagi Zebulun mo Naphtali. | |
| Psal | Kapingam | 68:28 | Meenei God, hagamodongoohia-ina-aga o mogobuna, nia mogobuna ala nogo hai Kooe i madau baahi, | |
| Psal | Kapingam | 68:29 | mai i do Hale Daumaha i Jerusalem, i-di gowaa dela e-gaamai ginai nia wanga-dehuia o-nia king gi-di-Goe. | |
| Psal | Kapingam | 68:30 | Wou gi Egypt, go di manu llamu-dauwa dela i-lodo nia aalek. Wou gi-nia henua, ala go nia hagabuulinga kau-daane mo nadau dama, gaa-dae-loo gi digaula huogodoo gaa-pala gi-lala mo-di gowadu dehuia gi-di-Goe nadau silber. Heia digau ala e-hiihai bolo ginaadou e-hai nadau dauwa gi-lellele dagidahi! | |
| Psal | Kapingam | 68:31 | Nia daangada oobidi ga-lloomoi i Egypt. Digau Ethiopia ga-daahi-aga nadau lima e-dalodalo ang-gi God. | |
| Psal | Kapingam | 68:32 | Goodou go nia henua llauehe huogodoo o henuailala, daahili ang-gi God, daahili hagaamu-ina di Tagi, | |
| Psal | Kapingam | 68:33 | dela e-noho i-lala di langi, go di langi dela namua. Hagalongo gi-di lee o-Maa dela e-wolo ngoloolo. | |
| Psal | Kapingam | 68:34 | Goodou hagadele-ina nia mogobuna o God, mo dono dagi be-di king i-hongo Israel, mo ono mogobuna ala i-lala di langi. | |