PSALMS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150
Chapter 69
| Psal | Kapingam | 69:2 | Au gu-abulu gi-lodo di gowaa gelegele waiwai llala, deai di gowaa e-togo ginai au ai. Au gu-dau-mai gi-di moana llala, gei nia beau ala gaa-hai au gi-melemu. | |
| Psal | Kapingam | 69:3 | Au gu-duadua gu-maanuhia di gahigahi do hagamaamaa. Dogu akii la-guu-mmae. Ogu golomada gu-maanu di halahala do hagamaamaa. | |
| Psal | Kapingam | 69:4 | Digau ala e-hagadugina-e-ginaadou au gei dono hadinga ai, le e-dogologowaahee i-nia ngaahulu o dogu libogo. Ogu hagadaumee le e-hai-baahi mai gi-di-au i nadau helekai tilikai. Digaula e-maaloo huoloo ge e-hiihai bolo ginaadou e-daaligi au gii-made. Digaula e-huuhuli-mai au bolo au gi-wanga agu goloo ala hagalee nia mee ne-gaiaa. | |
| Psal | Kapingam | 69:6 | Meenei Tagi, go Yihowah di Gowaa Aamua, Goe hudee heia au gi-haga-langaadia digau ala e-hagadagadagagee adu gi-di-Goe. Meenei di God o Israel, hudee heia au gi-hagatee-ina digau ala e-daumaha adu gi-di-Goe. | |
| Psal | Kapingam | 69:7 | Au gu-haganneennee go nia daangada mai i do ingoo, malaa, au gu-langaadia huoloo. | |
| Psal | Kapingam | 69:8 | Au guu-hai gadoo be tangada mai i-daha i-baahi ogu duaahina, ge guu-hai gadoo be tangada henua-gee i-baahi dogu madahaanau. | |
| Psal | Kapingam | 69:9 | Dogu haa-manawa i-nia madamada o do Hale Daumaha la-guu-gaa i ogu lodo gadoo be-di ahi. Nia haganneennee ala e-hai-adu gi-di-Goe le e-dau labelaa i-di-au. | |
| Psal | Kapingam | 69:10 | Au e-manawa hila-gi-lala i dogu noho hagaonge, gei nia daangada e-haganneennee au. | |
| Psal | Kapingam | 69:12 | Digaula e-leelee i-di-au i-hongo nia ala. Digau libaliba e-dili nadau daahili i-di-au. | |
| Psal | Kapingam | 69:13 | Gei au, au ga-dalodalo adu gi-di-Goe, meenei Dimaadua. Helekai-mai gi-di-au i do madagoaa dela gu-hiihai ginai, meenei God. Helekai-mai gi-di-au, mai i do aloho aamua, ge idimaa Goe dela e-dadaahi-hua dau hagababa dela bolo Goe e-hagamouli au. | |
| Psal | Kapingam | 69:14 | Hagamaamaa-ina au gi-de-abulu gi-lodo di gelegele waiwai. Haga-dagaloaha-ina au i ogu hagadaumee, haga-dagaloaha-ina au gi-daha mo-di moana llala. | |
| Psal | Kapingam | 69:15 | Hudee heia au gii-gahu go nia wai mmidi. Hudee heia au gi-melemu gi tua di moana, be e-abulu gi-lodo taalunga. | |
| Psal | Kapingam | 69:16 | Meenei Dimaadua, hagalongo-mai mua gi-di-au mai i tumaalia o do aloho dee-odi. Goe huli-mai mua gi-di-au mai i do manawa dumaalia aamua. | |
| Psal | Kapingam | 69:17 | Goe hudee hagammuni-ina Goe i dau dangada hai-hegau deenei. Au guu-noho i-lodo di haingadaa damanaiee, hagamaamaa-ina au dolomeenei! | |
| Psal | Kapingam | 69:18 | Hanimoi gi-di-au, haga-dagaloaha-ina au. Goe daawa au gi-daha mo ogu hagadaumee. | |
| Psal | Kapingam | 69:19 | Goe dela e-iloo nia helekai haganneennee ala e-hai-mai gi-di-au mo dogu haga-balumee mo dogu haga-langaadia. Goe dela e-gidee ogu hagadaumee huogodoo. | |
| Psal | Kapingam | 69:20 | Nia haganneennee gu-oho dogu manawa, deai di mee e-mee di-hagamaamaa au ai. Au gu-hiihai huoloo bolo tangada gi-hagamaamaa-ina dogu manawa-gee, gei di-maa hagalee. Au ne-halahala dagu dangada belee haga-manawa lamalia au, gei au digi gidee. | |
| Psal | Kapingam | 69:21 | Dogu madagoaa nogo hiigai, gei digaula ga-gaamai gi-di-au nia poisin. Au nogo hieinu, gei digaula ga-gaamai gi-di-au nia ‘vinegar’. | |
| Psal | Kapingam | 69:22 | Nia hagamiami digaula la-gi-heia nia mee e-hagahuaidu digaula. Nia hagamiami digaula la-gi-heia nia mee haadanga-balua ang-gi ginaadou. | |
| Psal | Kapingam | 69:23 | Hagabouli-ina nia golomada digaula! Heia nia dua digaula gi-paagege i-nia madagoaa huogodoo! | |
| Psal | Kapingam | 69:24 | Goe llingi-iha do hagawelewele gi-hongo digaula. hagahuaidu-ina digaula gi do hagawelewele. | |
| Psal | Kapingam | 69:25 | Nia gowaa ala e-noho-ai digaula gi-diagia gii-hai nia gowaa lomo. Hudee heia tangada e-dahi gi-mouli i-lodo nadau hale-laa. | |
| Psal | Kapingam | 69:26 | Digaula e-hagahuaidu au daangada ala ne-hagaduadua Kooe. Digaula e-helehelekai i-di hagaduadua o au daangada ala ne-haga-mmaemmae Kooe. | |
| Psal | Kapingam | 69:27 | Hagailongo-ina nia huaidu huogodoo digaula. Hudee heia digaula gi-hai-mee gi dau hagamouli. | |
| Psal | Kapingam | 69:28 | Nia ingoo digaula la-gi-tono-ina gi-daha mo-di beebaa ingoo o digau ala e-haga-mouli. Hudee daulia digaula gi-baahi au daangada donu. | |
| Psal | Kapingam | 69:29 | Malaa, au guu-noho i-lodo dogu mmae mo dogu manawa-gee. Dahi-aga-ina au, meenei God, haga-dagaloaha-ina au! | |
| Psal | Kapingam | 69:30 | Au ga-hagaamu di ingoo o God gi taahili. Au ga-hagadele nia humalia o-Maa gi dagu hai-danggee gi Mee. | |
| Psal | Kapingam | 69:31 | Deenei di mee ga-haga-manawa lamalia a Dimaadua i-hongo nia tigidaumaha ala e-hai gi-nia kau, koia i-hongo di tigidaumaha dela e-hai gi-di kau-daane damanaiee. | |
| Psal | Kapingam | 69:32 | Digau ala e-manawa-daamaha gaa-mmada gi-di hai deenei, ga-manawa lamalia. Digau ala e-daumaha ang-gi God ga-manawa-maaloo. | |
| Psal | Kapingam | 69:33 | Dimaadua e-hagalongo ang-gi digau ala gu-deai nadau mee ai, gei mee hagalee e-de-langahia ana daangada ala i-lodo di hale galabudi. | |
| Psal | Kapingam | 69:34 | Di langi mo henuailala mo-di moana mono hagahonu huogodoo i-no-lodo, goodou huogodoo hagaamuina a God. | |
| Psal | Kapingam | 69:35 | Mee ga-haga-dagaloaha Jerusalem, gaa-hau haga-hoou nia waahale o Judah. Nia daangada donu a-Maa gaa-noho i-golo ga-hai-mee gi tenua deelaa. | |