TpiKJPB - Zephaniah

Chapter 1

1:1  ¶ Dispela tok bilong BIKPELA i kam long Sefanaia, pikinini man bilong Kusi, pikinini man bilong Gedalaia, pikinini man bilong Amaraia, pikinini man bilong Hiskaia, long ol de bilong Josaia, pikinini man bilong Amon, king bilong Juda.

1:2  Mi bai kaikai olgeta olgeta samting i lusim dispela hap, BIKPELA i tok.

1:3  Mi bai kaikai olgeta, man na animal. Mi bai kaikai olgeta ol pisin bilong heven, na ol pis bilong biksi, na ol samting bilong sutim lek wantaim ol man nogut. Na Mi bai rausim ol man i lusim dispela hap, BIKPELA i tok.

1:4  Mi bai stretim tu han bilong Mi ausait antap long Juda, na antap long olgeta lain i stap long Jerusalem. Na Mi bai rausim hap lain i stap yet bilong Beal i lusim dispela ples, na nem bilong ol lain Kemarim wantaim ol pris,

1:5  Na ol husat i lotuim ol ami bilong heven antap long ol antap bilong haus, na ol husat i lotuim na husat i wokim strongpela promis long nem bilong BIKPELA, na husat i wokim strongpela promis long nem bilong Malkam,

1:6  Na ol husat i tanim i go bek pinis i lusim BIKPELA, na ol husat i no bin painim BIKPELA, o askim long Em.

1:7  ¶ Pasim maus bilong yu long pes bilong GOD Bikpela. Long wanem, de bilong BIKPELA em i klostu. Long wanem, BIKPELA i bin redim wanpela sakrifais, Em i bin askim ol man long kam stap wantaim Em.

1:8  Na em bai kamap olsem long de bilong sakrifais bilong BIKPELA, long Mi bai wokim mekim save long ol hetman, na ol pikinini bilong king, na olgeta kain man husat i werim klos wantaim ol naispela klos i narakain.

1:9  Long dispela de stret tu bai Mi wokim mekim save long olgeta husat i kalap antap long as bilong dua, husat i pulimapim ol haus bilong ol bosman bilong ol wantaim pasin pait na pasin giaman.

1:10  Na em bai kamap olsem long dispela de, BIKPELA i tok, long bai gat nois bilong wanpela singaut i kam long dua bilong banis pis, na wanpela singaut sori i kam long namba tu, na wanpela bikpela nois bilong bikpela bagarap i kam long ol liklik maunten.

1:11  Singaut sori, yupela ol lain i stap long Maktes. Long wanem, olgeta bisnisman Mi katim i go daun. Olgeta husat i karim silva Mi rausim.

1:12  Na em bai kamap olsem long dispela taim, long Mi bai painimaut tru Jerusalem wantaim ol kandel, na wokim mekim save long ol man husat i sanap antap long ol pipia bilong dring bilong ol, husat i tok insait long bel bilong ol, BIKPELA i no inap mekim gutpela, na tu Em i no inap mekim nogut.

1:13  Olsem na ol kago bilong ol bai kamap wanpela prais bilong pait, na ol haus bilong ol wanpela samting i stap nating. Ol tu bai wokim ol haus, tasol ol i no inap stap long ol. Na ol bai planim ol gaden wain, tasol ol i no inap dringim wain bilong ol.

1:14  ¶ Dispela bikpela de bilong BIKPELA em i klostu, em i klostu, na i kam hariap tru, yes, nek bilong de bilong BIKPELA. Strongpela man bai krai long dispela hap wantaim bel i bagarap tru.

1:15  Dispela de em i wanpela de bilong belhat tru, wanpela de bilong trabel na bikpela wari, wanpela de bilong stap pipia na bilong stap nating, wanpela de bilong tudak na bilong bel i pilim hevi tru, wanpela de bilong ol klaut na strongpela tudak,

1:16  Wanpela de bilong biugel na tandok i birua long ol biktaun i gat banis, na i birua long ol taua antap.

1:17  Na Mi bai bringim bikpela wari antap long ol man, inap long ol bai wokabaut olsem ol aipas man, bilong wanem, ol i bin mekim sin i birua long BIKPELA. Na blut bilong ol bai Mi kapsaitim ausait olsem das, na mit bilong ol olsem pekpek.

1:18  Silva bilong ol o gol tu bilong ol bai i no inap long kisim bek ol long de bilong belhat tru bilong BIKPELA. Tasol dispela hap olgeta bai Em i kaikai olgeta wantaim paia bilong jeles pasin bilong Em. Long wanem, Em bai mekim, yes, wanpela pinis hariap bilong ol olgeta husat i stap long dispela hap.

Chapter 2

2:1  ¶ Bungim yupela yet wantaim, yes, bung wantaim, O kantri ol man i no laikim,

2:2  Bipo long strongpela tokaut i karim kaikai, bipo long de i pinis olsem skin bilong wit, bipo long strongpela belhat bilong BIKPELA i kam antap long yupela, bipo long de bilong belhat bilong BIKPELA i kam antap long yupela.

2:3  Yupela i mas painim BIKPELA, olgeta yupela man bilong pasin isi bilong dispela graun, husat i bin wokim kot bilong Em. Painim stretpela pasin, painim pasin isi. Em i ken i kamap olsem long Em bai haitim yupela long dispela de bilong belhat bilong BIKPELA.

2:4  ¶ Long wanem, ol bai givim baksait long Gasa, na Askelon bai stap wanpela ples i stap nating. Ol bai ranim i go ausait Asdot long belo stret, na ol bai pulim ol rop daunbilo bilong Ekron i kam antap.

2:5  Tok lukaut i go long ol lain i stap long nambis bilong biksi, kantri bilong ol lain Keret! Tok bilong BIKPELA i birua long yupela. O Kenan, dispela hap bilong ol Filistin, yes, Mi bai bagarapim yu olgeta, inap long bai i no gat wanpela i stap long yu.

2:6  Na nambis bilong biksi bai stap ol ples bilong stap na ol liklik haus bilong ol wasman bilong sipsip, na ol haus sipsip bilong ol lain sipsip.

2:7  Na dispela nambis bai stap bilong hap lain i stap yet bilong hauslain bilong Juda. Ol bai kaikai antap long en. Insait long ol haus bilong Askelon bai ol i slipim bodi long apinun tru. Long wanem, BIKPELA, God bilong ol, bai kam lukim ol, na tanim i go kalabus bilong ol.

2:8  ¶ Mi bin harim samting bilong givim sem bilong Moap, na ol sutim tok nogut bilong ol pikinini bilong Amon, we long dispela ol i bin givim sem long lain manmeri bilong Mi, na litimapim ol yet i birua long hap arere bilong ol.

2:9  Olsem na olsem Mi stap laip, BIKPELA bilong ol ami, God bilong Isrel, i tok, Tru tumas, Moap bai stap olsem Sodom, na ol pikinini bilong Amon olsem Gomora, yes, ples bilong kamapim ol salat, na ol bikpela hul bilong sol, na wanpela ples i stap nating i no inap long pinis. Dispela lain i stap yet bilong lain manmeri bilong Mi bai kisim ol kago bilong ol. Na hap lain i stap yet bilong Mi bai holimpas ol.

2:10  Dispela bai ol i gat bilong hambak pasin bilong ol, bilong wanem, ol i bin givim sem na litimapim ol yet i birua long ol manmeri bilong BIKPELA bilong ol ami.

2:11  BIKPELA bai stap samting bilong pretim ol nogut tru. Long wanem, Em bai mekim olgeta god bilong dispela graun long dai long hangre. Na ol man bai lotuim Em, olgeta wan wan long ples bilong em, yes, olgeta ailan bilong ol haiden.

2:12  ¶ Yupela ol lain Itiopia tu, Mi bai kilim i dai yupela long bainat bilong Mi.

2:13  Na Em bai stretim han bilong Em i go ausait i birua long hap not, na bagarapim Asiria olgeta. Na Em bai mekim Niniva wanpela ples i stap nating, na drai olsem wanpela ples i no gat man.

2:14  Na ol lain sipsip bai slipim bodi insait long namel bilong em, olgeta animal bilong ol kantri. Komorant na bitern wantaim bai stap long antap bilong dua bilong en. Nek bilong ol bai singsing long ol windo. Pasin bilong stap nating bai stap long ol as bilong dua. Long wanem, em bai rausim karamap ol i wokim long sida.

2:15  Dispela em i biktaun i wokim amamas tru, husat i no gat wari na stap, husat i tok insait long bel bilong em, Mi stap, na i no gat wanpela arapela, mi tasol. Em i kamap wanpela ples i stap nating moa, wanpela ples bilong ol animal bilong slipim bodi long en! Olgeta wan wan husat i wokabaut klostu long em bai wokim nois bilong daunim, na seksekim han bilong em.

Chapter 3

3:1  ¶ Tok lukaut i go long em husat i doti tru na i doti pinis, long dispela biktaun bilong givim hevi!

3:2  Em i no bihainim dispela nek. Em i no kisim stretim. Em i no putim bilip long BIKPELA. Em i no wok long go klostu long God bilong em.

3:3  Ol hetman bilong em insait long em i stap ol laion i krai bikpela. Ol jas bilong em i stap ol wolf bilong apinun tru. Ol i no kaikaim ol bun inap long de bihain.

3:4  Ol profet bilong em i stap samting nating na ol lain bilong wokim trik. Ol pris bilong em i bin mekim doti rum holi, ol i bin mekim pasin pait long lo.

3:5  Dispela stretpela BIKPELA i stap insait long namel bilong en. Em bai i no inap wokim sin nogut. Olgeta wan wan moning Em i bringim kot bilong Em long lait, Em i no fel. Tasol ol man i no stretpela i no save sem liklik.

3:6  Mi bin rausim ol kantri. Ol taua bilong ol i stap nating. Mi mekim ol rot bilong ol i stap pipia, inap long i no gat wanpela i wokabaut klostu. Ol biktaun bilong ol i bagarap olgeta, inap long i no gat man, inap long i no gat wanpela i stap.

3:7  Mi tok, Tru tumas, yu bai pret long Mi, yu bai kisim skul. Olsem tasol ples ol i stap Mi no ken rausim, maski Mi wokim mekim save long ol olsem wanem. Tasol ol i kirap long moning tru, na paulim olgeta wok bilong ol.

3:8  ¶ Olsem na yupela wetim Mi, BIKPELA i tok, inap long dispela de Mi kirap long ol prais bilong pait. Long wanem, strongpela tingting bilong Mi em i bilong bungim ol kantri, inap long Mi ken bungim ol kingdom, bilong kapsaitim antap long ol bel nogut bilong Mi, yes, olgeta strongpela belhat bilong Mi. Long wanem, olgeta dispela graun bai Mi kaikai olgeta wantaim paia bilong jeles pasin bilong Mi.

3:9  Long wanem, nau bai Mi tanim long ol manmeri wanpela tok ples i klin tru, inap long olgeta i ken singaut long nem bilong BIKPELA, bilong bihainim Em wantaim wanpela tingting.

3:10  I stat long hapsait bilong ol riva bilong Itiopia, ol lain bilong Mi bilong autim askim, yes, pikinini meri bilong lain bilong Mi i bruk nabaut, bai bringim ofa bilong Mi.

3:11  Long dispela de bai yu no inap sem long olgeta wok bilong yu, we yu bin kalapim lo i birua bilong Mi long en. Long wanem, nau bai Mi tekewe ausait long namel bilong yu ol husat i wokim amamas tru insait long hambak pasin bilong yu, na yu bai i no inap ting yu nambawan moa bikos maunten holi bilong Mi i stap.

3:12  Mi bai lusim tu insait long namel bilong yu wanpela lain i kisim hevi na i ol rabisman, na ol bai putim bilip long nem bilong BIKPELA.

3:13  Hap lain i stap yet bilong Isrel bai i no inap mekim sin nogut, o mekim ol toktok giaman. Na tu wanpela tang bilong pasin giaman Mi no inap lukim insait long maus bilong ol. Long wanem, ol bai kaikai na slipim bodi, na bai i no gat wanpela bilong mekim ol i pret.

3:14  ¶ Singsing, O pikinini meri bilong Saion. Singaut, O Isrel. Stap amamas na wokim amamas tru wantaim olgeta bel bilong yu, O pikinini meri bilong Jerusalem.

3:15  BIKPELA i bin tekewe ol kot bilong yu, Em i bin tromoi i go ausait birua bilong yu. King bilong Isrel, yes, BIKPELA, i stap insait long namel bilong yu. Yu bai i no inap lukim samting nogut moa liklik.

3:16  Long dispela de ol bai tokim Jerusalem, Yu no ken pret, na long Saion, No ken larim ol han bilong yu i stap slek.

3:17  BIKPELA, God bilong yu insait long namel bilong yu, em i strongpela. Em bai kisim bek, Em bai wokim amamas tru antap long yu wantaim amamas tru. Em bai malolo insait long laikim tru bilong Em, Em bai amamas tru antap long yu wantaim pasin bilong singim song.

3:18  Mi bai bungim ol husat i pilim hevi bilong tingim bung holi, husat i bilong yu, long husat samting bilong givim sem bilong en em i wanpela hevi.

3:19  Lukim, long dispela taim Mi bai tanim bek gen olgeta husat i givim hevi long yu. Na Mi bai kisim bek em husat i wokabaut kranki, na bungim em husat ol i ranim i go ausait. Na Mi bai kisim bilong ol biknem na biknem tru long olgeta wan wan hap we ol i bin mekim ol long sem.

3:20  Long dispela taim bai Mi bringim yu gen, yes, long taim Mi bungim yu. Long wanem, Mi bai mekim yu wanpela nem na wanpela biknem namel long olgeta manmeri bilong dispela graun, taim Mi tanim i go bek kalabus bilong yu long ai bilong ol ai bilong yu, BIKPELA i tok.