Bela - Genesis - 5

5:1  І вось радавод Адама: калі Бог стварыў чалавека, паводле падабенства Божага стварыў яго,

5:2  мужчыну і жанчыну стварыў іх, і дабраславіў іх, і даў ім імя: чалавек, у дзень стварэньня іх.

5:3  Адам жыў сто трыццаць гадоў, і спарадзіўсына паводле падабенства свайго і паводле вобразу свайго, і даў яму імя: Сіф.

5:4  Дзён Адама пасьля нараджэньня ім Сіфа было васемсот гадоў, і спарадзіў ён сыноў і дочак.

5:5  А ўсіх дзён жыцьця Адамавага было дзевяцьсот трыццаць гадоў; і ён памёр.

5:6  Сіф жыў сто пяць гадоў і спарадзіў Эноса.

5:7  Пасьля нараджэньня Эноса Сіф жыў васемсот сем гадоў і спарадзіў сыноў і дочак.

5:8  А ўсіх дзён Сіфавых было дзевяцьсот дванаццаць гадоў; і ён памёр.

5:9  Энос жыў дзевяноста гадоў і спарадзіў Каінана.

5:10  Пасьля нараджэньня Каінана Энос жыў васемсот пятнаццаць гадоў і спарадзіў сыноў і дочак.

5:11  А ўсіх дзён Эносавых было дзевяцьсот пяць гадоў; і ён памёр.

5:12  Каінан жыў семдзесят гадоў і спарадзіў Малелэіла.

5:13  Пасьля нараджэньня Малелэіла Каінан жыў васемсот сорак гадоў і спарадзіў сыноў і дочак.

5:14  А ўсіх дзён Каінанавых было дзевяцьсот дзесяць гадоў; і ён памёр.

5:15  Малелэіл жыў шэсьцьдзесят пяць гадоў і спарадзіў Ярэда.

5:16  Пасьля нараджэньня Ярэда Малелэіл жыў васемсот трыццаць гадоў і спарадзіў сыноў і дочак.

5:17  А ўсіх дзён Малелэілавых было васемсот дзевяноста пяць гадоў; і ён памёр.

5:18  Ярэд жыў сто шэсьцьдзесят два гады і спарадзіў Эноха.

5:19  Пасьля нараджэньня Эноха Ярэд жыў сто восемдзесят гадоў і спарадзіў сыноў і дочак.

5:20  А ўсіх дзён Ярэдавых было дзевяцьсот шэсьцьдзесят два гады; і ён памёр.

5:21  Энох жыў шэсьцьдзесят пяць гадоў і спарадзіў Мафусала.

5:22  І хадзіў Энох перад Богам, пасьля нараджэньня Мафусала, трыста гадоў і спарадзіў сыноў і дочак.

5:23  А ўсіх дзён Эноха было трыста шэсьцьдзесят пяць гадоў.

5:24  І хадзіў Энох перад Богам; і ня стала яго, бо Бог узяў яго.

5:25  Мафусал жыў сто восемдзесят сем гадоў і спарадзіў Ламэха.

5:26  Пасьля нараджэньня Ламэха Мафусал жыў семсот восемдзесят два гады і спарадзіў сыноў і дочак.

5:27  А ўсіх дзён Мафусалавых было дзевяцьсот шэсьцьдзесят дзевяць гадоў; і ён памёр.

5:28  Ламэх жыў сто восемдзесят два гады і спарадзіў сына,

5:29  і даў яму імя: Ной, сказаўшы: ён суцешыць нас у працы нашай і ў працы рук нашых, калі ўрабляцьме зямлю, якую пракляў Гасподзь Бог .

5:30  І жыў Ламэх пасьля нараджэньня Ноя пяцьсот дзевяноста пяць гадоў і спарадзіў сыноў і дочак.

5:31  А ўсіх дзён Ламэхавых было семсот семдзесят сем гадоў; і ён памёр.

5:32  Ною было пяцьсот гадоў; і спарадзіў Ной трох сыноў : Сіма, Хама і Яфэта.