TpiKJPB - I Chronicles - 12

12:1  ¶ Nau ol dispela em i ol husat i kam long Devit long Siklak, taim em i pasim em yet klostu yet, bilong wanem, bilong tingim Sol, pikinini man bilong Kis. Na ol i stap namel long ol strongpela man, ol man bilong helpim long bikpela pait.

12:2  Ol i gat ol banara bilong pait, na ol i inap long yusim han sut na han kais wantaim long tromoi ol ston na sutim ol spia ausait long banara, yes, ol brata bilong Sol bilong lain Benjamin

12:3  Nambawan bilong ol em Ahieser, nau Joas, ol pikinini man bilong man Gibia Semea, na Jesiel, na Pelet, ol pikinini man bilong Asmavet, na Beraka, na man Anatot Jehu,

12:4  Na man Gibion Ismea, wanpela strongpela man namel long dispela 30, na i bosim dispela 30, na Jeremaia, na Jahasiel, na Johanan, na man Gedera Josabat,

12:5  Elusai, na Jerimot, na Bealaia, na Semaraia, na man Harup Sefataia,

12:6  Elkana, na Jesaia, na Asarel, na Joeser, na Jasobeam, ol lain Kora,

12:7  Na Joela, na Sebadaia, ol pikinini man bilong Jeroham bilong Gedor.

12:8  Na bilong ol lain Gat i gat husat i brukim ol yet i go long Devit i go long dispela ples hait long ples i no gat man, ol strongpela man, na ol man bilong bikpela pait i fit bilong pait, husat i inap long holim plang na plang bilong han, husat ol pes bilong ol em i olsem ol pes bilong ol laion, na ol i stap ol man bilong ran hariap olsem ol ro antap long ol maunten.

12:9  Eser namba wan, Obadaia namba tu, Eliap namba tri,

12:10  Mismana namba foa, Jeremaia namba faiv,

12:11  Atai namba sikis, Eliel namba seven,

12:12  Johanan namba et, Elsabat namba nain,

12:13  Jeremaia namba ten, Makbanai namba eleven.

12:14  Ol dispela em i ol pikinini man bilong Gat, ol kepten bilong ami. Wanpela i las bilong ol i bosim wan handret, na bikpela moa bilong ol i bosim wan tausen.

12:15  Ol dispela em ol husat i go hapsait long Jordan long namba wan mun, taim dispela i bin kapsaitim olgeta hap arere bilong en. Na ol i mekim olgeta lain bilong ol ples daun long ranawe, i go long hap is, na i go long hap wes wantaim.

12:16  Na i gat i kam, bilong ol pikinini bilong Benjamin na Juda, long dispela ples hait i go long Devit.

12:17  Na Devit i go ausait bilong bungim ol, na bekim na tokim ol, Sapos yupela i kam wantaim bel isi long mi long helpim mi, bel bilong mi bai pas long yupela. Tasol sapos yupela i kam long putim mi long han bilong ol birua bilong mi, taim yupela i luksave olsem i no gat rong long han bilong mi, God bilong ol tumbuna papa bilong yumi ken lukluk long en na hatim dispela.

12:18  Nau spirit i kam antap long Amasai, husat i nambawan bilong ol kepten, na em i tok, Mipela i bilong yu, Devit, na stap long sait bilong yu, yu pikinini man bilong Jesi. Bel isi, bel isi i stap long yu, na bel isi i stap long ol lain bilong helpim yu. Long wanem, God bilong yu i save helpim yu. Nau Devit i kisim ol, na mekim ol i kamap ol kepten bilong liklik lain ami.

12:19  Na i gat sampela bilong Manasa i go long Devit, taim em i kam wantaim ol lain Filistin long birua long Sol long pait. Tasol ol i no helpim ol. Long wanem, ol bikman bilong ol lain Filistin, taim ol i kisim tingting, i salim em i go, i spik, Em bai go long bikman bilong em Sol bilong putim ol het bilong yumi aninit long bikpela bagarap.

12:20  Taim em i go long Siklak, i gat i go long em bilong Manasa, Atna, na Josabat, na Jediel, na Maikel, na Josabat, na Ilaihu, na Siltai, ol kepten bilong ol tausen husat i bilong Manasa.

12:21  Na ol i helpim Devit long birua long liklik lain ami bilong raun. Long wanem, olgeta bilong ol i strongpela man tru bilong pait, na ol kepten insait long ami.

12:22  Long wanem, long dispela taim, long olgeta wan wan de, i gat ol man i kam long Devit long helpim em, inap long dispela i stap wanpela bikpela ami, olsem ami bilong God.

12:23  ¶ Na ol dispela em ol namba bilong ol liklik lain ami husat i redi bilong pait long bikpela pait, na i kam long Devit long Hibron, bilong tanim kingdom bilong Sol i go long em, bilong bihainim tok bilong BIKPELA.

12:24  Ol pikinini bilong Juda husat i karim ol plang na spia bilong tromoi em 6,800, redi long pait long bikpela pait.

12:25  Bilong ol pikinini bilong Simion, ol strongpela man tru bilong pait bilong bikpela pait, 7,100.

12:26  Bilong ol pikinini bilong Livai 4,600.

12:27  Na Jehoiada em i hetman bilong ol lain Eron, na wantaim em i gat 3,700,

12:28  Na Sedok, wanpela yangpela strongpela man tru bilong pait, na bilong hauslain bilong tumbuna papa bilong em 22 kepten.

12:29  Na bilong ol pikinini bilong Benjamin, ol kandre bilong Sol, 3,000. Long wanem, i kam inap long nau, bikpela hap moa bilong ol i bin holimpas was bilong hauslain bilong Sol.

12:30  Na ol pikinini bilong Ifraim 20,800, ol strongpela man tru bilong pait, husat i gat biknem tru long olgeta hap bilong hauslain bilong ol tumbuna papa bilong ol.

12:31  Na bilong hap lain bilong Manasa, 18,000, husat ol i kolim long nem bilong ol, long kam na mekim Devit king.

12:32  Na bilong ol pikinini bilong Isakar, husat i ol man husat i gat gutpela save long ol taim, long save long Isrel i mas i mekim wanem, ol het bilong ol em 200. Na olgeta brata bilong ol i stap aninit long tok strong bilong ol.

12:33  Bilong Sebyulan, kain man husat i go ausait long pait, husat i saveman tru long bikpela pait, wantaim olgeta samting bilong bikpela pait, 50,000, husat i ken holimpas lain gut. Ol i no gat tupela bel.

12:34  Na bilong Naptalai wan tausen kepten, na wantaim ol, wantaim plang na spia bilong tromoi, 37,000.

12:35  Na bilong ol lain Dan husat i saveman tru long bikpela pait 28,600.

12:36  Na bilong Aser, kain man husat i go ausait long pait, husat i saveman tru long bikpela pait, 40,000.

12:37  Na long hapsait bilong Jordan, bilong ol lain Ruben, bilong ol lain Gat, na bilong hap lain bilong Manasa, wantaim olgeta kain kain samting bilong bikpela pait bilong pait, 120,000.

12:38  Olgeta dispela ol man bilong bikpela pait, husat i ken holimpas lain gut, i kam wantaim wanpela bel i inap tru long Hibron, long mekim Devit king long bosim olgeta Isrel. Na olgeta arapela tu bilong Isrel i gat wanpela bel bilong mekim Devit king.

12:39  Na long dispela hap ol i stap wantaim Devit tripela de, na kaikai na dring. Long wanem, ol brata bilong ol i bin redim bilong ol.

12:40  Na moa tu ol husat i stap klostu long ol, yes, i go long Isakar na Sebyulan na Naptalai, i bringim bret antap long ol donki, na antap long ol kemel, na antap long ol miul, na antap long ol bulmakau man, na abus, plaua, ol kek bilong fik, na ol mekpas bilong resen, na wain, na wel, na ol bulmakau man, na sipsip i planti moa yet. Long wanem, i gat amamas tru i stap long Isrel.