ABPGRK - Zephaniah

Chapter 1

1:1  λόγος κυρίου ος εγενήθη προς Σοφονίαν τον του Χουσί υιού Γοδολίου του Αμορίου του Εζεκίου εν ημέραις Ιωσία υιού Αμμών βασιλέως Ιούδα

1:2  εκλείψει εκλειπέτω από προσώπου της γης λέγει κύριος

1:3  εκλιπέτω άνθρωπος και κτήνη εκλειπέτω τα πετεινά του ουρανού και οι ιχθύες της θαλάσσης και ασθενήσουσιν οι ασεβείς και εξαρώ τους ανόμους από προσώπου της γης λέγει κύριος

1:4  και εκτενώ την χείρά μου επί Ιούδαν και επί πάντας τους κατοικούντας Ιερουσαλήμ και εξαρώ εκ του τόπου τούτου τα ονόματα της Βαάλ και τα ονόματα των ιερέων μετά των ιερέων

1:5  και τους προσκυνούντας επί τα δώματα τη στρατιά του ουρανού και τους προσκυνούντας και τους ομνύοντας κατά του κυρίου και τους ομνύοντας κατά του βασιλέως αυτών

1:6  και τους εκκλίνοντας από του κυρίου και τους μη ζητούντας τον κύριον και τους μη αντεχομένους αυτού

1:7  ευλαβείσθε από προσώπου κυρίου του θεού διότι εγγύς η ημέρα του κυρίου ότι ητοίμασε κύριος την θυσίαν αυτού και ηγίακε τους κλητούς αυτού

1:8  και έσται εν ημέρα θυσίας κυρίου και εκδικήσω επί τους άρχοντας και επί τον οίκον του βασιλέως και επί πάντας τους ενδεδυμένους ενδύματα αλλότρια

1:9  και εκδικήσω επί πάντας εμφανώς επί τα πρόπυλα εν εκείνη τη ημέρα τους πληρούντας τον οίκον κυρίου θεού αυτών ασεβείας και δόλου

1:10  και έσται εν τη ημέρα εκείνη λέγει κύριος φωνή κραυγής από πύλης αποκεντούντων και ολολυγμός από της δευτέρας και συντριμμός μέγας από των βουνών

1:11  θρηνήσατε οι κατοικούντες την κατακεκομμένην ότι ωμοιώθη πας ο λαός Χαναάν και εξωλοθρεύθησαν πάντες οι επηρμένοι αργυρίω

1:12  και έσται εν τη ημέρα εκείνη εξερευνήσω την Ιερουσαλήμ μετά λύχνου και εκδικήσω επί τους άνδρας τους καταφρονούντας επί τα φυλάγματα αυτών και οι λέγοντες εν ταις καρδίαις αυτών ου μη αγαθοποιήση κύριος ου δε μη κακώσει

1:13  και έσται η δύναμις αυτών εις διαρπαγήν και οι οίκοι αυτών εις αφανισμόν και οικοδομήσουσιν οικίας και ου μη κατοικήσουσιν εν αυταίς και καταφυτεύσουσιν αμπελώνας και ου μη πίωσι τον οίνον αυτών

1:14  ότι εγγύς ημέρα κυρίου η μεγάλη και εγγύς ταχεία σφόδρα φωνή ημέρας κυρίου πικρά και σκληρά τέτακται

1:15  δυνατή ημέρα οργής η ημέρα εκείνη ημέρα θλίψεως και ανάγκης ημέρα ταλαιπωρίας και αφανισμού ημέρα γνόφου και σκότους ημέρα νεφέλης και ομίχλης

1:16  ημέρα σάλπιγγος και κραυγής επί τας πόλεις τας οχυράς και επί τας γωνίας τας υψηλάς

1:17  και εκθλίψω τους ανθρώπους και πορεύσονται ως τυφλοί ότι τω κυρίω εξήμαρτον και εκχεεί το αίμα αυτών ως χουν και τας σάρκας αυτών ως βόλβιτα

1:18  και το αργύριον αυτών και το χρυσίον αυτών ου μη δύνηται εξελέσθαι αυτούς εν ημέρα οργής κυρίου και εν πυρί ζήλου αυτού καταναλωθήσεται πάσα η γη διότι συντέλειαν και σπουδήν ποιήσει επί πάντας τους κατοικούντας την γην

Chapter 2

2:1  συνάχθητε και συνδέθητε το έθνος το απαίδευτον

2:2  προ του γενέσθαι υμάς ως άνθος παραπορευόμενον ημέρα προς του επελθείν εφ΄ υμάς οργήν κυρίου προ του επελθείν εφ΄ υμάς ημέραν οργής θυμού κυρίου

2:3  ζητήσατε τον κύριον πάντες ταπεινοί γης κρίμα εργάζεσθε και δικαιοσύνην ζητήσατε και αποκρίνεσθε αυτά όπως σκεπασθήτε εν ημέρα οργής κυρίου

2:4  διότι Γάζα διηρπασμένη έσται και Ασκαλών εις αφανισμόν και Αζωτος μεσημβρίας εκριφήσεται και Ακκαρών εκριζωθήσεται

2:5  ουαί οι κατοικούντες το σχοίνισμα της θαλάσσης πάροικοι Κρητών λόγος κυρίου εφ\΄ υμάς Χαναάν γη αλλοφύλων και απολώ υμάς εκ κατοικίας

2:6  και έσται Κρήτη νομή ποιμνίων και μάνδρα προβάτων

2:7  και έσται το σχοίνισμα της θαλάσσης τοις καταλοίποις οίκου Ιούδα επ\΄ αυτούς νεμήσονται εν τοις οίκοις Ασκαλώνος δείλης καταλύσουσιν από προσώπου υιών Ιούδα ότι επέσκεπται αυτούς κύριος ο θεός αυτών και αποστρέψει την αιχμαλωσίαν αυτών

2:8  ήκουσα ονειδισμούς Μωάβ και κονδυλισμούς υιών Αμμών εν οις ωνείδιζον τον λαόν μου και εμεγαλύνοντο επί τα όριά μου

2:9  διά τούτο ζω εγώ λέγει κύριος των δυνάμεων ο θεός Ισραήλ διότι Μωάβ ως Σόδομα έσται και υιοί Αμμών ως Γόμορρα και Δαμασκός εκλελειμμένη και ως θημωνία αλός εις τον αιώνα και οι κατάλοιποι λαού μου διαρπώνται αυτούς και οι κατάλοιποι έθνους μου κληρονομήσουσιν αυτούς

2:10  αύτη αυτοίς αντί της ύβρεως αυτών διότι ωνείδισαν και εμεγαλύνθησαν επί κύριον τον παντοκράτορα

2:11  επιφανήσεται κύριος επ\΄ αυτούς και εξολοθρεύσει πάντας τους θεούς των εθνών της γης και προσκυνήσουσιν αυτώ έκαστος εκ του τόπου αυτού πάσαι αι νήσοι των εθνών

2:12  και υμείς Αιθίοπες τραυματίαι ρομφαίας μου εστέ

2:13  και εκτενεί την χείρα αυτού επί βορράν και απολεί τον Ασσύριον και θήσει την Νινευϊ εις αφανισμόν άνυδρον ως έρημον

2:14  και νεμήσονται εν μέσω αυτής ποίμνια και πάντα τα θηρία της γης και χαμαιλέοντες και εχίνοι εν τοις φατνώμασιν αυτής κοιτασθήσονται και θηρία φωνήσει εν τοις διορύγμασιν αυτής και κόρακες εν τοις πυλώσιν αυτής διότι κέδρος το ανάστημα αυτής

2:15  άυτη η πόλις η φαυλίστρια η κατοικούσα επ΄ ελπίδι η λέγουσα εν τη καρδία αυτής εγώ ειμι και ουκ έστι μετ\΄ εμέ έτι πως εγενήθη εις αφανισμόν νομή θηρίων πας ο διαπορευόμενος δι΄ αυτής συριεί και κινήσει τας χείρας αυτού

Chapter 3

3:1  ω η επιφανής και απολελυτρωμένη πόλις η περιστερά

3:2  ουκ εισήκουσε φωνής σου ουκ εδέξατο παιδείαν επί τω κυρίω ουκ επεποίθει και προς τον θεόν αυτής ουκ ήγγισεν

3:3  οι άρχοντες αυτής εν αυτή ως λέοντες ωρυόμενοι οι κριταί αυτής ως λύκοι της Αραβίας ουχ υπελίποντο εις το πρωϊ

3:4  οι προφήται αυτής πνευματοφόροι άνδρες καταφρονηταί ιερείς αυτής βεβηλούσι τα άγια και ασεβούσιν εις τον νόμον

3:5  ο δε κύριος δίκαιος εν μέσω αυτής και ου μη ποιησεί άδικον πρωϊ πρωϊ δώσει κρίμα αυτού εις φως και ουκ απεκρύβη και ουκ έγνω αδικίαν εν απαιτήσει και ουκ εις νείκος αδικίαν

3:6  κατέσπασα υπερηφάνους ηφανίσθησαν γωνίαι αυτών εξερήμωσω τας οδούς αυτών το παράπαν του μη διοδεύειν εξέλιπον αι πόλεις αυτών διά το μηδένα υπάρχειν μηδέ κατοικείν

3:7  είπα πλην φοβείσθέ με και δέξασθε παιδείαν και ου μη εξολοθρευθήτε εξ οφθαλμών αυτής πάντα όσα εξεδίκησα επ΄ αυτήν ετοιμάζου όρθρισον διέφθαρται πάσα η επιφυλλίς αυτών

3:8  διά τούτο υπόμεινόν με λέγει κύριος εις ημέραν αναστάσεώς μου εις μαρτύριον διότι το κρίμά μου εις συναγωγάς εθνών του εισδέξασθαι βασιλείς του εκχέαι επ΄ αυτούς την οργήν μου πάσαν οργήν θυμού διότι εν πυρί ζήλου μου καταναλωθήσεται πάσα η γη

3:9  ότι τότε μεταστρέψω επί λαούς γλώσσαν εις γενεάν αυτής του επικαλείσθαι πάντας το όνομα κυρίου του δουλεύειν αυτώ υπό ζυγόν ένα

3:10  εκ περάτων ποταμών Αιθιοπίας υποδέξομαι τους διεσπαρμένους μου οίσουσι θυσιάσματα εμοί

3:11  εν τη ημέρα εκείνη ου μη καταισχυνθής εκ πάντων των επιτηδευμάτων σου ων ησέβησας εις εμέ ότι τότε περιελώ από σου τα φαυλίσματα της υβρεώς σου και ουκέτι μη προσθής του μεγαλαυχήσαι επί το όρος το αγιόν μου

3:12  και υπολείψομαι εν σοι λαόν πραϋν και ταπεινόν και ευλαβηθήσονται από του ονόματος κυρίου

3:13  οι κατάλοιποι του Ισραήλ και ου ποιήσουσιν αδικίαν και ου λαλήσουσι μάταια και ου μη ευρεθή εν τω στόματι αυτών γλώσσα δολία διότι αυτοί νεμήσονται και κοιτασθήσονται και ουκ έσται ο εκφοβών αυτούς

3:14  χαίρε θύγατερ Σιών κήρυσσε θύγατερ Ιερουσαλήμ ευφραίνου και κατατέρπου εξ όλης της καρδίας σου θύγατερ Ιερουσαλήμ

3:15  περιείλε κύριος τα αδικήματά σου λελύτρωταί σε εκ χειρός εχθρών σου βασιλεύς Ισραήλ κύριος εν μέσω σου ουκ όψει κακά ουκέτι

3:16  εν τω καιρώ εκείνω ερεί κύριος τη Ιερουσαλήμ θάρσει Σιών μη παρείσθωσαν αι χείρές σου

3:17  κύριος ο θεός σου εν σοι ο δυνατός σώσει σε επάξει επί σε ευφροσύνην και καινιεί σε εν τη αγαπήσει αυτού και ευφρανθήσεται επί σοι εν τέρψει ως εν ημέρα εορτής

3:18  και συνάξω τους συντετριμμένους σου ουαί τις έλαβεν επ΄ αυτήν ονειδισμόν

3:19  ιδού εγώ ποιώ εν σοι ένεκέν σου εν τω καιρώ εκείνω και σώσω την εκπεπιεσμένην και την απωσμένην εισδέξομαι και θήσομαι αυτούς εις καύχημα και ονομαστούς εν πάση τη γη

3:20  και καταισχυνθήσονται εν τω καιρώ εκείνω όταν καλώς υμίν ποιήσω και εν τω καιρώ όταν εισδέξομαι υμάς διότι δώσω υμάς ονομαστούς και εις καύχημα εν πάσι τοις λαοίς της γης εν τω επιστρέφειν με την αιχμαλωσίαν υμών ενώπιον υμών λέγει κύριος