GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 4
| Gene | Kapingam | 4:1 | Adam gaa-kii i-baahi dono lodo go Eve, gei mee ga-hai-dama. Mee ga-haanau dana dama-daane ga-helekai, “Mai i-di hagamaamaa Dimaadua, gei au guu-hai dagu dama-daane”, gei mee gaa-gahi di ingoo o-maa go Cain. | |
| Gene | Kapingam | 4:2 | Muli-mai gei mee ga-haanau labelaa dana dama-daane go Abel. Abel gaa-hai tangada hagaloohi-siibi, gei Cain gaa-hai tangada dogi-mee. | |
| Gene | Kapingam | 4:3 | Ga-noho-mai gi-muli, gei Cain ga-gaamai ana huwa-laagau i ana mee ala ne-hadi i dana gowaa dogi-mee, belee hai dana tigidaumaha ang-gi Dimaadua. | |
| Gene | Kapingam | 4:4 | Gei Abel ga-gaamai dana dama-siibi dela ne-haanau matagidagi i ana siibi, ga-daaligi, gaa-wanga nia baahi ala koia e-humalia e-hai tigidaumaha. Dimaadua gu-manawa lamalia gi Abel mo dana tigidaumaha. | |
| Gene | Kapingam | 4:5 | Gei Dimaadua gu-de-hiihai gi Cain mo dana tigidaumaha. Cain gu-manawa-gee huoloo guu-wou hagawelewele. | |
| Gene | Kapingam | 4:6 | Gei Dimaadua ga-helekai gi Cain, “Goe e-hagawelewele di-aha? Ma e-aha dela o golomada le e-mmee be-di mee goe e-hagawelewele huoloo? | |
| Gene | Kapingam | 4:7 | Goe nei-bolo ne-hai dau hai humalia, gei goe e-tenetene, gei di-maa dela goe ne-hai dau hai huaidu, gei di hala ga-tolo-adu gi do bontai. Di hala e-hiihai e-dagi goe, malaa gei goe belee hai gi-maaloo i di-maa.” | |
| Gene | Kapingam | 4:8 | Gei Cain ga-helekai gi dono duaahina go Abel, “Gidaua ga-hula-laalaa gi-hongo di gowaa maalama.” Di madagoaa meemaa ne-dau i-di gowaa maalama, gei Cain ga-huli-adu gi dono duaahina, ga-daaligi a-mee gii-made. | |
| Gene | Kapingam | 4:9 | Dimaadua ga-heeu gi Cain, “Dehee do duaahina go Abel?” Gei mee ga-helekai, “Au e-de-iloo. Ma e-aha? Ma ko-au dela belee madamada humalia i dogu duaahina-daane?” | |
| Gene | Kapingam | 4:10 | Gei Dimaadua ga-helekai, “Goe ne-hai di huaidu mada-ngauhou deenei eimaha? Nia dodo o do duaahina le e-dangidangi-aga gi-di-Au i-lodo di gelegele, e-hai gadoo be-di lee e-gahigahi, e-hiihai gi-di tala di hui. | |
| Gene | Kapingam | 4:11 | Au guu-dugu goe gi-lala di haga-halauwa, gu-deemee labelaa di hai au meegai i-di gelegele dela gu-uwa-aga nia dodo o do duaahina-daane, e-hai gadoo be-di mee guu-huge dono ngudu belee benebene a-mee i do madagoaa dela ne-daaligi a-mee. | |
| Gene | Kapingam | 4:12 | Maa goe gaa-hai bolo goe e-dogi au laagau hagadili, gei di gelegele hagalee hai ana mee, gei goe e-heehee-waa, do gowaa e-noho-iei goe i henuailala ai.” | |
| Gene | Kapingam | 4:13 | Gei Cain ga-helekai gi Dimaadua, “Di hagaduadua deenei le e-mada-kono dono kae ko-au. | |
| Gene | Kapingam | 4:14 | Goe e-hagabagi au gi-daha mo tenua, ge e-hai au gi mogowaa-loo i-di-Goe. Au gaa-hai tangada dogu gowaa e-noho-iei au ai, ga-heehee hagaloale i-hongo henuailala, gei tei dangada hua ma-ga-gidee-ia au, gi-daaligidia au.” | |
| Gene | Kapingam | 4:15 | Gei Dimaadua ga-helekai gi mee, “Deeai, maa tangada ga-daaligi goe, gei di-maa nia mouli e-hidu ala e-kae e-hui gi-muli.” Gei Dimaadua gaa-dugu dana maaga gi-hongo Cain bolo maa iai tangada gu-gidee-ia a-mee la-gi-hudee daaligidia a-mee. | |
| Gene | Kapingam | 4:16 | Gei Cain gaa-hana gi-daha mo Dimaadua, gaa-noho i tenua go Nod dela i-bahi-i-dua o Eden. | |
| Gene | Kapingam | 4:17 | Cain mo dono lodo guu-hai di-nau dama-daane go Enoch. Gei Cain gaa-hau dana waahale ga-haga-ingoo di waahale gi-di ingoo o dana dama. | |
| Gene | Kapingam | 4:18 | Enoch gaa-hai dana dama-daane, gaa-gahi dono ingoo bolo Irad, deelaa go tamana o Mehujael, gei Mehujael gaa-hai dana dama-daane go Methushael, dela go tamana o Lamech. | |
| Gene | Kapingam | 4:20 | Adah ga-haanau dana dama-daane go Jabal, dela go tamana-madua ni digau ala e-benebene nadau manu, gei e-noho i-lodo nia hale-laa. | |
| Gene | Kapingam | 4:21 | Tuaahina o-maa go Jubal, dela go tamana-madua ni nia daangada huogodoo ala e-daahili di ‘harp’ mo-di mee ngiingii-iliili. | |
| Gene | Kapingam | 4:22 | Zillah ga-haanau dana dama-daane go Tubal=Cain, dela nogo hai ana hagadilinga goloo dogi mai nia baalanga-mmee mo nia baalanga. Tuaahina-ahina o Tubal=Cain la-go Naamah. | |
| Gene | Kapingam | 4:23 | Lamech ga-helekai gi ono lodo, “Adah mo Zillah hagalongo-mai gi-di-au. Au gu-daaligi dagu damagiigi-daane guu-made i mee ne-hagamaawa au. | |
| Gene | Kapingam | 4:24 | Maa nia mouli e-hidu ala e-kae i-di hui tangada ma-ga-daaligi a Cain, gei di-maa nia mouli e-mada-hidu maa-hidu ala e-kae go tangada ma-ga-daaligi au.” | |
| Gene | Kapingam | 4:25 | Adam mo dono lodo guu-hai labelaa di-nau dama-daane, gei di ahina ga-helekai, “God gu-gaamai labelaa dagu dama-daane belee pono di lohongo o Abel dela ne-daaligi go Cain,” gei mee gaa-gahi di ingoo o-maa bolo Seth. | |