ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 11
| Isai | LinVB | 11:2 | Elimo wa Yawe akofandela ye : elimo wa bwanya mpe wa mayele, elimo wa malako mpe wa nguya, elimo wa boyebi mpe wa bobangi Yawe. | |
| Isai | LinVB | 11:3 | Bobangi Yawe bokokamba ye : akotala makambo se na libanda te, akokata makambo te lokola matoi ma ye makoyoka. | |
| Isai | LinVB | 11:4 | Akosambisa bato batau na bosembo, akobatela makoki ma babola. Akobete banyokoli na maloba ma ye, akoboma bato babe na mpema ya ye. | |
| Isai | LinVB | 11:5 | Bosembo bokozala mokaba o loketo la ye, mpe bosolo bokozala nsinga ya kokanga bilamba bya ye. | |
| Isai | LinVB | 11:6 | Ngombolo ekofanda esika yoko na mpata, nkoi ekolala esika yoko na mwana ntaba, mwana ngombe na mwana ntambwe bakolia esika yoko, mwana moke akokoka kokamba yango. | |
| Isai | LinVB | 11:7 | Ngombe na ngombolo ikolia matiti esika yoko, bana ba yango bakolala esika yoko, ntambwe na ngombe ikolia matiti makauki. | |
| Isai | LinVB | 11:8 | Mwana moke akosakana o libulu lya nyoka, mwana moke akokotisa loboko o lidusu lya etupa. | |
| Isai | LinVB | 11:9 | O ngomba esantu ya ngai bato bakoyokisana mpasi lisusu te, zambi ekolo mobimba ekotonda na boyebi Nzambe, lokola mbu etondi na mai. | |
| Isai | LinVB | 11:10 | O mokolo mona eboto ya Yese akozala elembo o kati ya bikolo bya mokili. Bato ba bikolo bakoluka ye, mpe mboka ya ye ekozala na nkembo. | |
| Isai | LinVB | 11:11 | O mokolo mona Mokonzi akotanda loboko lisusu mpo ya kosikola bato batikali ba ekolo ya ye, baye bapanzanaki o Asur mpe o Ezipeti, o mikili mya Patros, mya Kus mpe mya Elam, o Sinear, o Amat mpe o bisanga bya mbu. | |
| Isai | LinVB | 11:12 | Akotikela bato ba bikolo bisusu elembo, akosangisa ba-Israel banso bakangemaki o boombo, akozongisa bato banso ba Yuda bapanzanaki ut’o nsuka inei ya nse mobinda. | |
| Isai | LinVB | 11:13 | Efraim akotika zuwa mpe banyokoli ba Yuda bakosila ; Efraim akobundisa Yuda lisusu te, mpe Yuda akonyokolo Efraim lisusu te. | |
| Isai | LinVB | 11:14 | Bakokende kobundisa ba-Filisti o Westi, bango lisanga bakobotolo bato ba Esti biloko. Bakoyangela ba-Edom na ba-Moab, mpe ba-Amon bakotosa bango. | |
| Isai | LinVB | 11:15 | Yawe akokaukisa mai ma mbu ya Ezipeti, akotanda loboko epai ya ebale Efrate : na nguya ya mpema ya ye akokabola mai o miluka nsambo, mpe akolekisa bato ba ye mapapa o makolo. | |