ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 23
| Isai | WelBeibl | 23:1 | Neges am Tyrus: Udwch, longau masnach Tarshish! Does dim porthladd i fynd adre iddo – achos mae wedi'i ddryllio! Cafodd y newyddion ei gyhoeddi o Cyprus. | |
| Isai | WelBeibl | 23:2 | Galarwch, chi sy'n byw ar yr arfordir, chi fasnachwyr Sidon. Maen nhw wedi croesi'r môr i'w chyflenwi, | |
| Isai | WelBeibl | 23:3 | wedi croesi'r dyfroedd mawr gyda had o Sihor a chynhaeaf afon Nîl; dyna oedd ei henillion – hi oedd marchnad y gwledydd. | |
| Isai | WelBeibl | 23:4 | Cywilydd arnat ti, Sidon, achos mae'r môr – y gaer ddiogel honno – wedi dweud, “Fi ydy'r un sydd heb ddiodde poenau wrth gael plant. Dw i heb fagu bechgyn na merched ifanc!” | |
| Isai | WelBeibl | 23:5 | Pan fydd yr Aifft yn clywed am y peth byddan nhw'n gwingo mewn poen wrth glywed am Tyrus. | |
| Isai | WelBeibl | 23:7 | Ai dyma'r ddinas gawsoch chi'r fath firi ynddi – y ddinas sydd â hanes mor hen iddi? Ai hon deithiodd mor bell i fasnachu? | |
| Isai | WelBeibl | 23:8 | Pwy drefnodd i hyn ddigwydd i Tyrus, y ddinas oedd yn gwisgo coron, a'i masnachwyr yn dywysogion ac yn bobl mor bwysig? | |
| Isai | WelBeibl | 23:9 | Yr ARGLWYDD hollbwerus drefnodd y peth – i ddirmygu ei balchder yn ei harddwch, a chodi cywilydd ar y bobl bwysig i gyd. | |
| Isai | WelBeibl | 23:10 | Hwyliwch adre, bobl Tarshish, i drin eich tir fel y rhai sy'n ffermio wrth afon Nîl; does dim harbwr i chi yma bellach. | |
| Isai | WelBeibl | 23:11 | Pan gododd yr ARGLWYDD ei law dros y môr gwnaeth i deyrnasoedd grynu mewn ofn! Yr ARGLWYDD roddodd orchymyn i ddinistrio trefi caerog Canaan. | |
| Isai | WelBeibl | 23:12 | Dwedodd, “Dyna ddigon o dy rialtwch, ferch Sidon, sydd wedi'i gorthrymu.” Dos! Cod, a chroesa drosodd i Cyprus, ond fyddi di ddim yn cael llonydd yno chwaith! | |
| Isai | WelBeibl | 23:13 | Edrychwch ar wlad Babilonia – y bobl sydd wedi peidio â bod! Rhoddodd Asyria nhw i'r anifeiliaid gwyllt. Codi tyrau i warchae arni, ysbeilio'i phlastai a'i throi yn adfeilion. | |
| Isai | WelBeibl | 23:15 | Bryd hynny bydd Tyrus yn cael ei anghofio am saith deg mlynedd, sef hyd bywyd brenin. Ond ar ôl hynny bydd Tyrus fel y gân honno am y butain: | |
| Isai | WelBeibl | 23:16 | Cymer delyn, crwydra'r ddinas, butain a anghofiwyd; Cân dy alaw unwaith eto, i wneud i bobl gofio. | |
| Isai | WelBeibl | 23:17 | Achos, ar ôl saith deg mlynedd, bydd yr ARGLWYDD yn adfer Tyrus eto; bydd yn mynd yn ôl i werthu ei hun fel putain, a denu holl wledydd y byd i wneud busnes gyda hi. | |