ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 52
| Isai | LinVB | 52:1 | E Sion, longwa o mpongi, lamuka, zala makasi ! Lata bilamba binzenga, Yeruzalem, engumba esantu, mpo bato basutu, bato mbindo bakoya lisusu o mboka yo te. | |
| Isai | LinVB | 52:2 | E Yeruzalem, yo moombo, pupola mputulu mpe teleme, yo Sion, moombo, longola minyololo o nkingo ! | |
| Isai | LinVB | 52:4 | Ya solo, Yawe Nzambe alobi boye : Kala bato ba ngai bakendeki o Ezipeti mpe bafandaki kuna, na nsima ba-Asur banyokoli bango. | |
| Isai | LinVB | 52:5 | Kasi sikawa, natikali na nani ? Yawe alobi bongo. Bato ba ngai bakangemaki o boombo se mpamba, banyokoli bagangi migango mya lilonga, maloba ma Yawe, batioli nkombo ya ngai ntango inso, kolembe te. | |
| Isai | LinVB | 52:6 | Yango wana bato ba ngai bakoyeba nkombo ya ngai, o mokolo mona bakoyeba oyo akoloba : « Ngai oyo, nayei ! » | |
| Isai | LinVB | 52:7 | Makolo kitoko o likolo ya ngomba ya moto oyo akomema nsango ya kitoko, ya boboto. Akoyebisa ’te libiki likomi penepene ; akoloba na bato ba Sion : Nzambe wa bino azwi bokonzi ! | |
| Isai | LinVB | 52:8 | Boyoka basinzili ba yo batomboli mongongo, banso lisanga bagangi na nsai, mpo bamoni na miso ma bango moko ’te Yawe azali kozonga o Sion. | |
| Isai | LinVB | 52:9 | Bino mabanga ma Yeruzalem mabebaki, banso elongo bosepela mpe boganga na nsai, mpo Yawe abondi ekolo ya ye, asikoli bato ba Yeruzalem. | |
| Isai | LinVB | 52:10 | O miso ma bato ba bikolo binso bya nse, Yawe nta bosantu alakisi bokasi bwa loboko la ye ; bato banso ba mikili mosika bamoni ’te Nzambe wa biso abikisi biso. | |
| Isai | LinVB | 52:11 | Bolongwa wana, bokende ! Bobima o esika ena, bosimba eloko mbindo na maboko te. Bobima o Babilone, bomipetola, bino bato bokomemeke biloko bya Yawe. | |
| Isai | LinVB | 52:12 | Bokokende mbangu mbangu te, bokolongwa te lokola bato bakimi mboka, zambi Yawe moto akotambola o boso bwa bino, mpe Nzambe wa Israel akokengele bato ba nsuka ! | |
| Isai | LinVB | 52:14 | Bato bakamwaki mingi na ndenge abebaki, mpo elongi ya ye ezalaki lisusu lokola ya moto te, aulanaki na moto lisusu te. | |