CopSahBible2 - Habakkuk

Chapter 1

1:2  ϣⲁ ⲧⲛⲁⲩ ⲡϫⲟⲉⲓⲥ ⲉⲓⲛⲁϫⲓ ϣⲕⲁⲕ ⲉϩⲣⲁⲓ ⲉⲣⲟⲕ ⲛⲅⲧⲙⲥⲱⲧⲙ ⲉⲣⲟⲓ ⲁⲩⲱ ⲉⲓⲛⲁⲱϣ ⲉϩⲣⲁⲓ ⲉⲣⲟⲕ ⲉⲓϫⲏⲩ ⲛϭⲟⲛⲥ ⲛⲅⲧⲙⲛⲁϩⲙⲛⲧ

1:3  ⲉⲧⲃⲉ ⲟⲩ ⲁⲕⲧⲥⲁⲃⲟⲓ ⲉϩⲛϩⲓⲥⲉ ⲙⲛ ϩⲛⲙⲟⲕϩⲥ ⲉⲧⲣⲁϭⲱϣⲧ ⲉϫⲛ ⲟⲩⲇⲁⲗⲁⲓⲡⲱⲣⲓⲁ ⲙⲉⲛ ⲟⲩⲁⲥⲉⲃⲓⲁ ⲁⲩⲕⲣⲓⲥⲓⲥ ϣⲱⲡⲉ ⲙⲡⲁⲙⲧⲟ ⲉⲃⲟⲗ ⲁⲩⲱ ⲡⲉⲕⲣⲓⲧⲏⲥ ϥϫⲓ

1:4  ⲉⲧⲃⲉ ⲡⲁⲓ ⲁⲩⲛϫ ⲡⲛⲟⲙⲟⲥ ⲉⲃⲟⲗ ⲁⲩⲱ ⲙⲡⲟⲩϯ ϩⲁⲡ ⲉϥⲥⲟⲩⲧⲱⲛ ⲉⲃⲟⲗ ϫⲉ ⲡⲁⲥⲉⲃⲏⲥ ϥϫⲓ ⲛϭⲟⲛⲥ ⲙⲡⲇⲓⲕⲁⲓⲟⲥ ⲉⲧⲃⲉ ⲡⲁⲓ ⲡϩⲁⲡ ⲛⲁⲉⲓ ⲉⲃⲟⲗ ⲉϥϭⲟⲟⲙⲉ

1:5  ⲁⲛⲁⲩ ⲛⲉⲧⲕⲁⲧⲁⲫⲣⲟⲛⲉⲓ ⲛⲧⲉⲧⲛϯ ϩⲧⲏⲧⲛ ⲛⲧⲉⲧⲛⲛⲁⲩ ⲉϩⲛϣⲡⲏⲣⲉ ⲛⲧⲉⲧⲛⲧⲁⲕⲟ ϫⲉ ⲟⲩϩⲱⲃ ⲁⲛⲟⲕ ϯⲛⲁⲉⲓⲣⲉ ⲙⲙⲟϥ ϩⲛ ⲛⲉⲧⲛϩⲟⲟⲩ ⲡⲁⲓ ⲛⲧⲉⲧⲛⲁⲡⲓⲥⲧⲉⲩⲉ ⲁⲛ ⲉⲣⲟϥ ⲉⲣϣⲁⲛ ⲟⲩⲁ ⲧⲁⲟⲩⲟϥ ⲉⲣⲱⲧⲛ

1:6  ϫⲉ ⲉⲓⲥ ⲧⲉ ⲁⲛⲟⲕ ϯⲛⲁⲧⲟⲩⲛⲟⲥ ⲉϫⲱⲧⲛ ⲛⲛⲉⲭⲁⲗⲇⲁⲓⲟⲥ ⲛⲣϥⲙⲓϣⲉ ⲡϩⲉⲑⲛⲟⲥ ⲉⲧⲥⲁϣⲉ ⲁⲩⲱ ⲉⲧⲁⲥⲱⲟⲩ ⲡⲉⲧⲙⲟⲟϣⲉ ⲉϫⲛ ⲛⲧⲟϣ ⲙⲡⲕⲁϩ ⲉⲕⲗⲏⲣⲟⲛⲟⲙⲉⲓ ⲛϩⲛⲙⲁ ⲛϣⲱⲡⲉ ⲛⲛⲟⲩϥ ⲁⲛ ⲛⲉ

1:7  ⲟⲩϩⲟⲧⲉ ⲡⲉ ⲉϥⲟ ⲛⲥⲟⲉⲓⲧ ⲉⲣⲉ ⲡⲉϥϩⲁⲡ ⲛⲁϣⲱⲡⲉ ⲉⲃⲟⲗ ⲛϩⲏⲧϥ ⲁⲩⲱ ⲡⲉϥⲗⲓⲙⲙⲁ ⲛⲁⲉⲓ ⲉⲃⲟⲗⲙⲙⲟϥ

1:8  ⲛϥϩⲧⲱⲱⲣ ⲥⲉⲛⲁϯ ⲙⲡⲉⲩⲟⲩⲟⲓ ⲉⲩⲁⲥⲱⲟⲩ ⲛϩⲟⲩⲉ ⲉϩⲛⲡⲁⲣⲇⲁⲗⲓⲥ ⲁⲩⲱ ⲛⲉϥϩⲓⲡⲡⲉⲩⲥ ⲥⲉⲁⲥⲱⲟⲩ ⲛϩⲟⲩⲉ ⲉϩⲛⲟⲩⲱⲛϣ ⲛⲧⲉ ⲧⲁⲣⲁⲃⲓⲁ ⲥⲉⲛⲁϫⲟⲛⲧⲟⲩ ϩⲛ ⲛⲉⲩϩⲧⲱⲱⲣ ⲛϭⲓ ⲛⲉⲩϩⲓⲡⲡⲏⲩⲥ ⲁⲩⲱ ⲥⲉⲛⲁϯ ⲙⲡⲉⲩⲟⲩⲟⲓ ⲉⲡⲟⲩⲉ ⲛⲥⲉϩⲱⲗ ⲛⲑⲉ ⲛⲟⲩⲁⲉⲧⲟⲥ ⲉϥⲥⲃⲧⲱⲧ ⲉⲟⲩⲱⲙ

1:9  ⲟⲩⲛ ⲟⲩⲥⲛⲇⲉⲗⲓⲁ ⲛⲁⲉⲓ ⲉϫⲛ ⲛⲁⲥⲉⲃⲏⲥ ⲉⲩϯ ⲟⲩⲃⲏⲩ ⲙⲡⲉⲩⲙⲧⲟ ⲉⲃⲟⲗ ⲁⲩⲱ ϥⲛⲁⲥⲱⲟⲩϩ ⲉϩⲟⲩⲛ ⲛⲟⲩⲁⲓⲭⲙⲁⲗⲱⲥⲓⲁ ⲛⲑⲉ ⲙⲡϣⲱ

1:10  ⲁⲩⲱ ⲛⲧⲟϥ ϥⲛⲁⲧⲣⲏⲫⲁ ϩⲛ ϩⲛⲣⲣⲱⲟⲩ ⲛϥϫⲓ ⲛϩⲣⲁϥ ϩⲛ ϩⲉⲛⲧⲏⲣⲁⲛⲛⲟⲥ ⲁⲩⲱ ϥⲛⲁⲥⲱⲃⲉ ⲛⲥⲁ ⲙⲁ ⲛⲓⲙ ⲉⲧⲟⲣϫ ⲛϥⲛϫ ⲧⲏⲛ ⲉⲣⲟⲟⲩ ⲛϥϭⲱ ϩⲓⲣⲱⲟⲩ

1:11  ⲧⲟⲧⲉ ⲡϥ ⲛⲁⲕⲧⲟϥ ⲛϥⲙⲟⲟϣⲉ ⲛϥⲕⲱ ⲉⲃⲟⲗ …

Chapter 2

Chapter 3

3:2  ⲡϫⲟⲉⲓⲥ ⲁⲓⲥⲱⲧⲙ ⲉⲡⲉⲕϩⲣⲟⲟⲩ ⲁⲩⲱ ⲁⲓⲣϩⲟⲧⲉ ⲁⲓⲥⲟⲩⲉⲛ ⲛⲉϩⲃⲏⲩⲉ ⲁⲓⲣϣⲡⲏⲣⲉ ϩⲛ ⲧⲙⲏⲏⲧⲉ ⲛⲝⲱⲟⲛ ⲥⲛⲁⲩ ⲥⲉⲛⲁⲥⲟⲩⲱⲛⲅ ϩⲙ ⲡⲧⲣⲉ ⲛⲣⲙⲉⲡⲟⲟⲩⲉ ϩⲱⲛ ⲉϩⲟⲩⲛ ⲥⲉⲛⲁⲉⲓⲙⲉ ⲉⲣⲟⲕ ϩⲙ ⲡⲧⲣⲉ

3:3  ⲡⲛⲟⲩⲧⲉ ⲛⲁⲉⲓ ⲉⲃⲟⲗ ϩⲛ ⲑⲁⲓⲙⲁⲛ ⲁⲩⲱ ⲡⲡⲉⲧⲟⲩⲁⲁⲃ ⲉⲃⲟⲗ ϩⲙ ⲡⲧⲟⲟⲩ ⲛⲫⲁⲣⲁⲛ ⲉϥⲟϣ ⲛϣⲏⲛ ⲉϥⲟ ⲛϩⲁⲓⲃⲉⲥ ⲁ ⲡⲥⲁ ⲙⲡⲉϥⲉⲟⲟⲩ ϩⲉⲃⲥ ⲙⲡⲏⲩⲉ ⲁⲩⲱ ⲧⲟⲓⲕⲟⲩⲙⲉⲛⲏ ⲙⲟⲩϩ ϩⲙ ⲡⲉϥⲥⲙⲟⲩ

3:4  ⲡⲉϥϩⲏⲃⲥ ⲛⲁϣⲱⲡⲉ ⲛⲑⲉ ⲙⲡⲟⲩⲟⲉⲓⲛ ⲁⲩⲱ ⲟⲩⲛ ϩⲛⲧⲁⲡ ϩⲛ ⲛϥϭⲓϫ ⲁϥⲕⲱ ⲛⲟⲩⲁⲅⲁⲡⲏ ⲉⲥⲧⲁϫⲣⲏⲟⲩ ϩⲛ ⲧⲉϥϭⲟⲙ

3:5  ⲡϣⲁϫⲉ ⲛⲁⲙⲟⲟϣⲉ ϩⲁⲧⲉϥϩⲏ ⲁⲩⲱ ⲥⲉⲛⲁⲉⲓ ⲉⲃⲟⲗ ⲛⲥⲱϣⲉ ⲛϭⲓ ⲛϩⲁⲗⲁⲧⲉ ⲉⲩⲟⲩⲏϩ ⲛⲥⲱϥ

3:6  ⲁϩⲉⲣⲁⲧϥ ϩⲓϫⲛ ⲛⲥⲱϣⲉ ⲁ ⲡⲕⲁϩ ⲕⲓⲙ ⲁϥϭⲱϣⲧ ⲁⲩⲱ ⲁ ⲛϩⲉⲑⲛⲟⲥ ⲃⲱⲗ ⲉⲃⲟⲗ ⲁ ⲛⲧⲟⲩⲉⲓⲏ ⲟⲩⲱϣϥ ϩⲛ ⲟⲩϭⲟⲙ ⲁⲩⲃⲱⲗ ⲉⲃⲟⲗ ⲛϭⲓ ⲛⲃⲟⲩⲛⲟⲥ ϣⲁ ⲉⲛⲉϩ

3:7  ⲉⲡⲙⲁ ⲛⲛⲉϩⲓⲥⲉ ⲁⲓⲛⲁⲩ ⲉⲛⲉⲥⲕⲩⲛⲏ ⲛⲛⲉϭⲟⲟϣⲉ

3:9  ⲡⲕⲁϩ ⲛⲛⲉⲓⲉⲣⲱⲟⲩ ⲛⲁⲡⲱϩ ⲁⲩⲱ ⲁⲩⲡⲱⲧ ⲛϭⲓⲛⲉⲩⲙⲟⲟⲩ

3:10  ⲥⲉⲛⲁⲛⲁⲩ ⲉⲣⲟⲕ ⲛϭⲓⲛⲗⲁⲟⲥ ⲛⲥⲉϯⲛⲁⲁⲕⲉ ⲡⲉϫⲱⲱⲣⲉ ⲉⲃⲟⲗ ⲛⲛⲙⲟⲩⲛⲉⲓⲟⲟⲩⲉ ϩⲛⲛⲉϥϭⲓⲛⲙⲟⲟϣⲉ ⲡⲛⲟⲩⲛ ⲁϥϯ ⲙⲡⲉϥϩⲣⲟⲟⲩ ⲕⲁⲧⲁ ϫⲓⲥⲉ ⲙⲡⲉϥⲟⲩⲱⲛϩ ⲉⲃⲟⲗ

3:11  ⲁⲡⲣⲏ ϫⲓⲥⲉ ⲁⲩⲱ ⲡⲟⲟϩ ⲁϥⲁϩⲉⲣⲁⲧϥ ϩⲛⲧⲉϥⲧⲁⲝⲓⲥ ⲥⲉⲛⲁⲙⲟⲟϣⲉ ⲉⲡⲟⲩⲱⲛϩ ⲉⲃⲟⲗ ⲛϭⲓⲛⲉⲕⲥⲟⲧⲉ ⲁⲩⲱ ⲡⲟⲩⲟⲉⲓⲛ ⲛⲛⲉϥⲣⲏϭⲉ ⲛⲛⲉⲕϩⲟⲡⲗⲟⲛ

3:12  ϩⲙⲡⲉⲕϭⲱⲛⲧ ⲕⲛⲁⲧⲥⲃⲕⲉⲡⲕⲁϩ ⲁⲩⲱ ϩⲙⲡⲉⲕⲑⲩⲙⲟⲥ

3:13  ⲕⲛⲁⲉⲓⲛⲉ ⲉⲡⲉⲥⲏⲧ ⲛⲛϩⲉⲑⲛⲟⲥ· ⲁⲕⲉⲓ ⲉⲃⲟⲗ ⲉⲡⲟⲩϫⲁⲓ ⲙⲡⲉⲕⲗⲁⲟⲥ ⲉⲧⲣⲉⲕⲛⲟⲩϩⲙ̄ ⲛⲛⲉⲕⲭⲣⲓⲥⲧⲟⲥ ⲁⲕⲛⲟⲩϫⲛ ⲟⲩⲙⲟⲩ ⲉϫⲛⲧⲁⲁⲡⲉ