ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 49
Isai | LinVB | 49:1 | Bino bato ba bisanga, boyoka ngai, bino bato bofandi mosika, bofongola matoi : Yawe abyangi ngai ut’o libumu lya mama wa ngai, atangi nkombo ya ngai liboso ’te nabotama. | |
Isai | LinVB | 49:2 | Abongisi monoko mwa ngai lokola mopanga mopotu, abateli ngai o elilingi ya loboko la ye, akomisi ngai lokola likula lipotu, abombi ngai malamu o libenga lya ye lya makula. | |
Isai | LinVB | 49:3 | Alobi na ngai : « Israel, ozali mosaleli wa ngai, nakozwa lokumu na mosala mwa yo. » | |
Isai | LinVB | 49:4 | Mpe ngai nalobaki : Namilembisi se mpamba, nasilisi bokasi bwa nzoto mpo ya eloko mpamba. Nzokande Yawe akolongisa ngai, Nzambe akopesa ngai mbano. | |
Isai | LinVB | 49:5 | Nazwi lokumu o miso ma Yawe, Nzambe azali bokasi bwa ngai. Mpe sikawa Yawe alobi, ye moto abongisi ngai o libumu lya mama, mpo ’te nazala mosaleli wa ye, bongo nazongisa bato ba Yakob o maboko ma ye, mpe nasangisa bato ba Israel o libota lyoko. | |
Isai | LinVB | 49:6 | Alobi na ngai : « Ekoki te ’te ozala se mosaleli wa ngai, mpo ya kotombola mabota ma Yakob mpe kozongisa bato ba Israel babikaki o liwa. Nakokomisa yo mpe mwinda mwa bikolo binso, mpo ’te bato ba mokili mobimba babika. » | |
Isai | LinVB | 49:7 | Yawe, Mobikisi mpe Mosantu wa Israel aloba boye na moto oyo atiolami mpe aboyami na bato banso, na oyo akomi moombo wa baya-ngeli babe : « Bakonzi banene bakomono yo mpe bakoteleme, bankumu mpe bakotala mpe bakogumbama o nse, mpo ya Yawe wa lobokó, Mosantu wa Israel, oyo aponi yo. » | |
Isai | LinVB | 49:8 | Yawe alobi boye : O ntango nalakisaki bolingi, nandimeli yo, o mokolo mwa libiki, nasalisi yo. Nabongisi yo mpe naponi yo mpo ya kozala bondeko na bato baye, mpo ya kolendisa ekolo, kozongisela bato mabelé, | |
Isai | LinVB | 49:9 | mpe koloba na baye bakangemi o boombo : « Bobima wana », mpe na baye bafandi o molili : « Bomilakisa ! » Lokola mpata ikozwaka bilei o nzela inso, bakozwa biloko o bisika bya mabanga. | |
Isai | LinVB | 49:10 | Bakoyoka lisusu nzala mpe mposa ya mai te, molunge mwa moi mpe mwa zelo mokolembisa bango te, mpo oyo atondi na ngolu akokamba bango mpe akolakisa bango maziba ma mai ma mpio. | |
Isai | LinVB | 49:13 | Likolo, yemba nzembo, mokili sepela, ngomba boganga na nsai, zambi Yawe abondi bato ba ye, bato ba mawa, ayokeli bango ngolu. | |
Isai | LinVB | 49:15 | Mama akoki nde kobosana mwana oyo akonungisaka ? Akoki nde kotika kolinga mwana oyo amemeki o libumu ? Ata bamama bakoki kobosana bana ba bango, ngai nakobosana bino mokolo moko te ! | |
Isai | LinVB | 49:16 | Tala, nakomi nkombo ya yo o kati ya loboko la ngai, nakopanganaka na mboka ya yo ntango inso. | |
Isai | LinVB | 49:17 | Bato bakotonga mboka ya yo bakoya noki, bato babotoloki mpe babebisaki yo ndebakei. | |
Isai | LinVB | 49:18 | Bwaka miso zongazonga na yo mpe tala : bato banso basangani mpe bazali koya epai ya yo. Yawe alobi : Lokola nazali na bomoi, bango bakokembisa yo lokola eloko ya motuya, bakozala lokola liputa likobongisaka mwasi alingi abala. | |
Isai | LinVB | 49:19 | Solo, ndako ya yo ikufi mpe mokili mobebi, awa mokomi moke, bato bakoki kofanda wana lisusu te, mpe baye bazalaki konyokolo yo bakolongwa. | |
Isai | LinVB | 49:20 | Bana ba yo, baye okanisaki ’te babungi, bakoloba lisusu o matoi ma yo : « Mboka eleki moke mpo tofanda wana, lukela biso esika mpo ’te biso mpe tofanda. » | |
Isai | LinVB | 49:21 | Mokolo mona okomilobela : « Nani aboteli ngai bana baye ? Nazangaki bana, nazalaki ekomba, nakendeki boombo mpe babwakaki ngai, bongo bana baye, nani abokoli bango ? Nazalaki ngai moko, bango bazalaki nde wapi ? » | |
Isai | LinVB | 49:22 | Mokonzi Yawe alobi boye : « Nakotombola loboko epai ya bato ba bikolo, nakotelemisa bendele mpo ’te bamono yango. Bakozongisela yo bana ba yo o maboko, bakomeme bana basi ba yo o mapeke. | |
Isai | LinVB | 49:23 | Bakonzi bakozala batata babokoli ba yo, mpe bana basi ba bakonzi bakobokolo yo. Bakogumbamela yo bilongi o nse, bakoya kolete mputulu ya makolo ma yo. Bongo okoyeba ’te ngai nazali Yawe, baye bakotiaka elikya na ngai, bakoyoka nsoni te. » | |
Isai | LinVB | 49:24 | Bakobotoloko nde elombe eloko akamati o etumba ? Moombo wa monyokoli, akoki nde kokima ? | |
Isai | LinVB | 49:25 | Kasi Yawe alobi boye : Ya solo, bakobotolo elombe moombo wa ye, bakobikisa moto akomi moombo wa mobuni ! Moto aluki yo na likambo, nakoluka ye mpe na likambo, ngai moko nakobikisa bana ba yo. | |