LUKE
Chapter 6
Luke | LinVB | 6:1 | Mokolo mǒkó Yézu alekí o elanga ya mbuma ya mámpa. Ezalákí mokolo mwa sábato. Bayékoli babúkí mitó, babimísí mbuma na mabóko mpé baléí yangó. | |
Luke | LinVB | 6:3 | Yézu ayanólí bangó : « Bôngó botángí naíno té níni Davídi asálákí ntángo ayókákí nzala, yě na báníngá ba yě ? | |
Luke | LinVB | 6:4 | Ayíngélí o ndáko ya Nzámbe, akamátí mámpa babonzí, aléí mangó mpé akabélí báníngá ba yě. Nzókandé bobélé banganga Nzámbe bakokákí kolía mámpa mâná. » | |
Luke | LinVB | 6:6 | Mokolo mwa sábato mosúsu Yézu ayíngélí o sinagóga, abandí kotéya bato. Moto mǒ ko azalákí wâná, lobóko la yě la mobáli lokaúká. | |
Luke | LinVB | 6:7 | Batéyi ba Mobéko na ba-Farizéo bazalákí konóngo yě, bámóno sókó akobíkisa moto o mokolo mwa sábato, bôngó bázwa ntína ya kofúnda yě. | |
Luke | LinVB | 6:8 | Kasi yě ayébí makanisi ma bangó, alobí na moto anyě lá lobóko : « Yáká kotéleme áwa o míso ma bato bánso. » Akeí kotéleme wâná. | |
Luke | LinVB | 6:9 | Yézu alobí na bangó : « Natúní bínó : Bakokí kosála malámu o mokolo mwa sábato tǒ té ? Bábíkisa moto tǒ bátíka yě ákúfa ? » | |
Luke | LinVB | 6:10 | Atálí bangó mǒkó mǒkó ; na nsima alobí na moto ôná : « Tandá lobóko. » Yě atandí lobóko, mpé lobóko lokómí malámu mpenzá. | |
Luke | LinVB | 6:13 | Etání ntóngó, abéngí bayékoli ba yě ; o káti ya bangó aponí bato zómi na bábalé, apésí bangó nkómbó bapóstolo : | |
Luke | LinVB | 6:14 | Simóni, óyo apésí nkómbó Pétro, ndeko wa yě Andréa, Yakóbo na Yoáne, Filípo na Barteleméo, | |
Luke | LinVB | 6:17 | Akití ngómbá elongó na bangó, kasi atélémí o esíká ya patátálú. Bayékoli ba yě míngi bazalákí wâná, ná bato ebelé baútí o Yudéa mobimba, o Yerúzalem, o mokili mwa Tíro na Sidóni, penepene na mbú enéne. | |
Luke | LinVB | 6:18 | Bayéí koyóka yě mpé koluka ’te bábíka o mpási ya bangó. Baye banyókwámákí na bilímo mbindo babíkí. | |
Luke | LinVB | 6:19 | Bato bánso balukí kosímba yě, zambí ngúyá ezalákí kobima o nzóto ya yě mpé kobíkisa bangó bánso. | |
Luke | LinVB | 6:20 | Yézu atómbólí míso, atálí bayékoli ba yě, alobí : « Esengo na bínó babóla, zambí bokozwa Bokonzi bwa Nzámbe. | |
Luke | LinVB | 6:21 | Esengo na bínó bato bozalí koyóka nzala sikáwa, zambí bokotónda. Esengo na bínó bato bozalí kolela sikáwa, zambí bokosepela nsima. | |
Luke | LinVB | 6:22 | Esengo na bínó sókó bato bakoyina bínó, sókó bakobengana bínó, sókó bakofínga bínó mpé bakobébísa lokúmu la bínó mpô ya Mwána wa Moto. | |
Luke | LinVB | 6:23 | Mokolo bakosála bínó bôngó, bópimbwa na nsáí, zambí bokozwa lifúta linéne o likoló. Bankóko ba bangó basáláká na baproféta sé bôngó. | |
Luke | LinVB | 6:25 | Mawa na bínó botóndí sikáwa, zambí bokoyóka nzala. Mawa na bínó bozalí kosepela sikáwa, zambí bokozala na mawa mpé bokolela. | |
Luke | LinVB | 6:26 | Mawa na bínó sókó bato bánso bazalí kokúmisa bínó ! Bankóko ba bangó basáláká sé bôngó na baproféta ba lokutá. | |
Luke | LinVB | 6:27 | Kasi nalobí na bínó bato bozalí koyóka ngáí : Bólinga bangúná ba bínó. Bósála malámu na bato bayiní bínó. | |
Luke | LinVB | 6:28 | Bato babétélí bínó mobondo, bótómbela bangó mambí malámu, mpé bósámbelela bato basálí bínó mabé. | |
Luke | LinVB | 6:29 | Sókó moto abétí yǒ o litáma lyǒkó, pésá yě litáma lisúsu. Moto abótólí yǒ elambá, ópíma yě monkóto té. | |
Luke | LinVB | 6:30 | Moto aséngí yǒ elóko, pésá yě yangó ; sókó moto akamátí yangó na makási, ósénge yě yangó té. | |
Luke | LinVB | 6:32 | Sókó bolingí bobélé bato baye bakolingaka bínó, ntína níni bátóndo bínó ? Atâ basúmuki bakolingaka bato baye balingí bangó. | |
Luke | LinVB | 6:33 | Mpé sókó bosálí malámu na baye basálí bínó malámu, ntína níni bátóndo bínó ? Atâ basúmuki bakosálaka bôngó. | |
Luke | LinVB | 6:34 | Sókó bokodéfisa mosolo bobélé na baye bakokí kozóngisela bínó, ntína níni bátóndo bínó ? Atâ basúmuki bakodéfisaka báníngá mosolo na elíkyá ’te bázwa mwangó lisúsu. | |
Luke | LinVB | 6:35 | Kasi bínó bólinga bangúná. Bósála bato bánso malámu. Bódéfisa mosolo, atâ elíkyá ’te bázóngisa mwangó ezalí té. Bobélé bôngó bokozwa lifúta linéne, mpé bokozala bána ba Ntá-Likoló, zambí yě akosálaka malámu na bato bakotóndoko yě té mpé na bato babé. | |
Luke | LinVB | 6:37 | Bósámbisa moto té, bôngó bakosámbisa bínó té. Bókitisa moto té, mpé bakokitisa bínó té. Bólímbisa báníngá mpé bakolímbisa bínó. | |
Luke | LinVB | 6:38 | Bópésa báníngá bilóko mpé bakopésa bínó lokóla ; bakotóndisa bikoló bya bínó, bakofina mpé bakoningisa byangó mpô ’te bítónda meké ; zambí na emekeli bokomeka bato basúsu, bakomeka mpé bínó. » | |
Luke | LinVB | 6:39 | Alobí na bangó naíno moúlání moye : « Moto wa lolandá akokí ndé kokamba moto musúsu wa lolandá ? Bánso bábalé bakokwâ o libúlú té ? | |
Luke | LinVB | 6:40 | Moyékoli alekí molakisi wa yě té ; kasi sókó ayébí matéya mánso nyé, akokóma lokóla molakisi wa yě. | |
Luke | LinVB | 6:41 | Mpô níni ozalí kotála mwâ litíti likótélí ndeko wa yǒ o líso, kasi libáyá likótélí yǒ mǒkó o líso ozalí komóno liye lyangó té ? | |
Luke | LinVB | 6:42 | Bóníbóní okokí koloba na ndeko wa yǒ : ‘Ndeko, tíká nálongola litíti o líso lya yǒ’, kasi ozalí komóno libáyá o líso lya yǒ mǒkó té ? Mokíbisi, longólá libosó libáyá o líso lya yǒ mǒkó, na nsima okomóno malámu mpô ya kolongola litíti o líso lya ndeko wa yǒ. | |
Luke | LinVB | 6:44 | Bakoyébaka nzeté na mbuma ya yangó. Bakobúkaka ndé fígi o káti ya nzúbe, mpé mbuma ya víno o káti ya nséndé ? | |
Luke | LinVB | 6:45 | Moto malámu azalí na makambo malámu o motéma, mpé akobimisaka makambo malámu. Moto mabé azalí na makambo mabé o motéma, mpé akobimisaka makambo mabé ; mpámba té, monoko mokolobaka maye matóndí o motéma. | |
Luke | LinVB | 6:47 | Moto nyónso akoyâ epái ya ngáí, akoyóka maloba ma ngáí mpé akokokisa mangó, azalí lokóla náni ? Nakoyébisa bínó ! | |
Luke | LinVB | 6:48 | Azalí lokóla moto atóngí ndáko : libosó atímólí mabelé téé akútí mabángá o nsé, likoló lya mangó atóngísí mabángá ma nsé ma ndáko. Ntángo mbúla enókí makási, ekumbaki eyéí koningisa ndáko êná, kasi ndáko ebúkání té, mpô etóngámí o mabángá. | |