GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 42
Gene | Kapingam | 42:1 | Di madagoaa Jacob ne-iloo bolo nia meegai i Egypt, mee ga-helekai gi ana dama-daane, “Goodou de-ga-hai di-godou mee! | |
Gene | Kapingam | 42:2 | Au e-longo bolo nia meegai i Egypt, hula huia godou meegai e-daahi gidaadou gi-de-hiigai gaa-mmade.” | |
Gene | Kapingam | 42:4 | gei Jacob digi hagau-ina tuaahina a Joseph donu go Benjamin dalia digaula, idimaa mee e-madagu bolo di-mee huaidu gaa-tale gi-mee. | |
Gene | Kapingam | 42:5 | Nia dama-daane Jacob ne-loomoi dalia digau labelaa i-golo e-hui nadau meegai, idimaa tau-magamaga nogo hai i Canaan. | |
Gene | Kapingam | 42:6 | Joseph dela nogo hai di gobinaa o Egypt, nogo huihui ana meegai gi-nia daangada huogodoo o henuailala. Gei nia duaahina-daane Joseph gu-loomoi gaa-pala i-mua o mee, nadau golomada guu-tale gi-nia gelegele. | |
Gene | Kapingam | 42:7 | Di madagoaa Joseph ne-mmada gi ono duaahina-daane, mee gu-modongoohia digaula, gei mee gaa-hai be ia e-de-iloo digaula. Mee ga-heeu gi digaula hagawelewele, “Goodou ne-loomoi i-hee?” Digaula ga-helekai, “Gimaadou ne-loomoi i Canaan belee hui madau meegai.” | |
Gene | Kapingam | 42:9 | Mee ne-langahia ana midi ne-hai i digaula, ga-helekai, “Goodou digau halahala mee hagammuni, goodou ne-loomoi belee halahala di gowaa e-bagege i-di madau henua.” | |
Gene | Kapingam | 42:10 | Digaula ga-helekai, “Meenei, deeai! Gimaadou ne-loomoi be nia hege ni-aau, belee hui madau meegai. | |
Gene | Kapingam | 42:11 | Gimaadou huogodoo tagahaanau daane. Gimaadou hagalee digau halahala-mee hagammuni. Meenei, gimaadou nia daane helekai donu.” | |
Gene | Kapingam | 42:12 | Joseph ga-helekai, “Deeai, goodou ne-loomoi belee halahala di gowaa e-bagege i-di madau henua.” | |
Gene | Kapingam | 42:13 | Digaula ga-helekai, “Meenei, gimaadou tagahaanau daane dilongoholu maa-lua ni taane e-dahi i Canaan. Tuaahina-daane e-dahi guu-made, ge tuaahina-daane dulii la i-baahi di-madau damana.” | |
Gene | Kapingam | 42:14 | Joseph ga-helekai, “E-hai-hua be dagu helekai, goodou digau halahala mee hagammuni. | |
Gene | Kapingam | 42:15 | Deenei di hai e-hagadina goodou: Au e-doangi i-di ingoo di king bolo goodou hagalee-loo e-hula go di-maa hua di-godou duaahina dulii la-gu-hanimoi gi kinei. | |
Gene | Kapingam | 42:16 | Tangada e-dahi i goodou e-hana e-laha-mai a-mee. Goodou ala i-golo e-noho i-lala di hagaloohi gaa-dae-loo gi-di tonu o godou helekai ga-hagi-aga goodou. Maa ga-deeai, e-donu be di king dela e-mouli, gei goodou aalaa hua go digau halahala-mee hagammuni.” | |
Gene | Kapingam | 42:18 | Togo-dolu laangi, Joseph ga-helekai gi digaula, “Au tangada e-hagalaamua God, gei au gaa-hai goodou gi-mouli maa goodou gaa-hai beenei: | |
Gene | Kapingam | 42:19 | Goodou belee hagadina be goodou e-donu, tangada e-dahi i goodou gaa-noho i-lodo di hale-galabudi, di gowaa nogo noho-ai goodou, goodou ala i-golo gaa-kae nia meegai gi-di-godou madahaanau dela gu-hiigai. | |
Gene | Kapingam | 42:20 | Goodou e-hai gi-laha-mai di-godou duaahina dulii gi-di-au. Deenei di-mee ga-haga-donu bolo goodou nogo helekai di tonu, gei au ga-hagalee daaligi goodou gii-mmade.” Digaula guu-donu gi-di hai deenei, | |
Gene | Kapingam | 42:21 | ga-helekai i nadau mehanga, “Uaa, dolomeenei gidaadou e-hagaduadua, i-di gili tadau mee ne-hai gi tadau duaahina-daane. Gidaadou gu-gidee di haingadaa o-maa dono dangidangi i-di hagamaamaa, gei gidaadou digi hagalongo. Deenei-laa gidaadou gu-i-lodo di haingadaa dolomeenei.” | |
Gene | Kapingam | 42:22 | Reuben ga-helekai, “Au gu-helekai bolo goodou gi-hudee hagahuaidu-ina a-mee, gei goodou digi hagalongo. Dolomeenei gidaadou e-hui dono made.” | |
Gene | Kapingam | 42:23 | Joseph gu-iloo nadau helekai, gei digaula digi iloo, idimaa nadau helekai laa-nogo hagadonu go tangada gi mee. | |
Gene | Kapingam | 42:24 | Joseph ga-hagatanga gi-daha mo digaula gaa-dangi, ga-hanimoi labelaa ga-lawalawa Simeon i-mua digaula. | |
Gene | Kapingam | 42:25 | Joseph ga-helekai bolo gi-haawa-ina nia peege digaula gi-nia meegai gii-honu, wanga-ina nadau bahihadu ne-hui nia maa gi-lodo nadau peege huogodoo, ge gi-wanga-ina nadau meegai e-gai i-di-nadau hula. Nia mee aanei la-guu-hai. | |
Gene | Kapingam | 42:26 | Nia duaahina-daane ga-hagauda nadau meegai ne-hui gi-hongo nadau ‘donkey’ ga-hagatanga. | |
Gene | Kapingam | 42:27 | Di gowaa dela ne-noho gaa-kii-ai digaula i-di boo, tangada e-dahi i digaula gaa-huge dana peege belee haangai dana ‘donkey’, ga-gidee ana bahihadu i-di ulu gi-nua dana peege. | |
Gene | Kapingam | 42:28 | Mee gaa-wolo gi ono duaahina-daane, “Agu bahihadu la-gu-gaamai gi-muli, aanei i-lodo dagu peege.” Nadau manawa gu-ngaalua, gei gu-mmaadagu, ga-heeu, “God ne-hai dana-aha mai gi gidaadou?” | |
Gene | Kapingam | 42:29 | Di-nadau loomoi gi di-nadau damana go Jacob i Canaan, digaula ga-hagi-anga nia mee huogodoo ala ne-hai ang-gi ginaadou: | |
Gene | Kapingam | 42:30 | “Di gobinaa o Egypt gu-helekai-mai hagawelewele bolo gimaadou e-halahala hagammuni nia mee e-hai-baahi gi di-nadau henua. | |
Gene | Kapingam | 42:31 | Gimaadou ga-helekai, ‘Gimaadou hagalee digau halahala-mee hagammuni. Gimaadou digau hai mee donu. | |
Gene | Kapingam | 42:32 | Gimaadou tagahaanau daane dilongoholu maa-lua huogodoo. Tuaahina e-dahi guu-made, gei tuaahina kaedahi dulii i Canaan i-baahi di-madau damana.’ | |
Gene | Kapingam | 42:33 | Taane deelaa ga-helekai, ‘Deenei dagu hai e-halahala be goodou digau e-donu: Goodou gaa-kae godou meegai gaa-hula gi-di-godou madahaanau dela gu-hiigai, kaina godou meegai, ge tangada e-dahi e-noho i dogu baahi. | |
Gene | Kapingam | 42:34 | Laha-mai di-godou duaahina-daane dulii gi-di-au, gei au ga-iloo bolo goodou hagalee digau halahala-mee hagammuni, gei digau e-donu. Au ga-gowadu di-godou duaahina gi-muli gi goodou, gei goodou gaa-mee di noho i ginei ga-huihui godou mee.’ ” | |
Gene | Kapingam | 42:35 | Digaula gaa-dui gi-daha nadau peege gei digaula huogodoo ga-gidee nadau bahihadu i-lodo nadau peege, gei digaula mo di-nadau damana gu-mmaadagu. | |
Gene | Kapingam | 42:36 | Di-nadau damana ga-helekai, “Goodou e-hiihai agu dama gi-hagalee huogodoo? Joseph gu-hagalee. Simeon hogi, gei dolomeenei goodou e-hiihai e-lahi a Benjamin. Ma ko-au dela e-duadua!” | |
Gene | Kapingam | 42:37 | Reuben ga-helekai gi dono damana, “Maa au ga-hagalee laha-mai Benjamin gi-di-goe, goe e-mee di-daaligi agu dama-daane dogolua gii-mmade. Dugua mai a-mee gi-di-au, gei au ga-laha-mai a-mee gi-muli gi-di-goe.” | |