ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 19
| Isai | LinVB | 19:1 | Maloba ma bokaneli Ezipeti. Yawe ayei o Ezipeti, atamboli likolo lya limpata. O boso bwa ye banzambe ba mpamba ba Ezipeti bakolengeke, mpe mitema mya ba-Ezipeti mikolembeke. | |
| Isai | LinVB | 19:2 | Nakobebisa boyokani o kati ya bato ba Ezipeti, baninga bakobundisana, mboka na bikolo bikobundisana. | |
| Isai | LinVB | 19:3 | Mayele ya Ezipeti ekosila, nakobebisa mikano mya bango, Bakotuna bikeko, bamoni-makambo, milimo mya bawa na banganga ba bango. | |
| Isai | LinVB | 19:4 | Nakokaba ba-Ezipeti o maboko ma mokonzi mabe, moto wa nkanda enene akoyangela bango. Yawe Nzambe wa bokasi bonso alobi bongo. | |
| Isai | LinVB | 19:6 | Nzela ya mai ikolumba nsolo ebe, o mingala mya Ezipeti mai makokita mpe makosila, nsoló na matiti penepene na mai makokauka. | |
| Isai | LinVB | 19:7 | Matiti ma mabongo ma ebale Nil, binso bikokolaka penepene na ebale bikokauka, bikopanzana, bikosila. | |
| Isai | LinVB | 19:8 | Babomi mbisi bakokimela, baye bakobwakaka ndobo o Nil bakomilela, baye bakobwakaka monyama o mai bakolembe. | |
| Isai | LinVB | 19:9 | Baye bakolonaka mbuma ikopesa nsinga ya bilamba, na baye bakotongaka malekani bakosuka. | |
| Isai | LinVB | 19:10 | Mitema mya batongi bilamba mikolembe, baye bakosalaka mpo ya kozwa lifuta bakozala na mawa. | |
| Isai | LinVB | 19:11 | Bayangeli ba Soan bazali bazoba, balaki ba bwanya ba Farao bazangi mayele. Ndenge nini bokoki koloba na Farao : « Ngai mwana wa moto wa bwanya, moto wa libota lya bakonzi ? » | |
| Isai | LinVB | 19:12 | Bato ba yo ba bwanya bakei wapi ? Balakisa mpe bayebisa yo eloko nini Nzambe wa bokasi bonso akani kosala Ezipeti. | |
| Isai | LinVB | 19:13 | Bankumu ba Soan bazali bazoba mpenza, bankumu ba Memfis bakomikosaka, bakonzi ba mabota babungisi bato ba Ezipeti nzela. | |
| Isai | LinVB | 19:14 | Yawe abebisi mayele ma bango. Babungisi ba-Ezipeti o misala mya bango minso, bakomi lokola momeli masanga azali kosanza. | |
| Isai | LinVB | 19:15 | O Ezipeti bakolonga lisusu o mosala moko te, ezala mokonzi to moto moke, akobimisa mosala moko te. | |
| Isai | LinVB | 19:16 | O mokolo mona bato ba-Ezipeti bakokoma lokola basi ; bakobanga mpe bakolenge ntango Yawe wa bokasi bonso akokanela bango mpe akotombola loboko mpo ya kobete bango. | |
| Isai | LinVB | 19:17 | Ekolo ya Yuda ekobangisa bato ba Ezipeti. Ata mpo ya nkombo ya Yuda mpamba bakoyoka nsomo, mpo bayebi ’te Yawe wa bokasi bonso akaneli bango. | |
| Isai | LinVB | 19:18 | O mokolo mona bato ba bingumba bitano bya Ezipeti bakolobaka lokota la ba-Kanana mpe bakolayela Yawe wa bokasi bonso ndai ya botosi. ‘Engumba ya Mwese’ ekozala moko wa bingumba biye. | |
| Isai | LinVB | 19:19 | O mokolo mona bakotonga altare mpo ya kokumisa Yawe o kati ya mokili mwa Ezipeti mpe bakotelemisa likonzi mpo ya Yawe o ndelo ya mokili. | |
| Isai | LinVB | 19:20 | Yango ekozala elembo mpe ndakisa ya Yawe wa bokasi bonso o Ezipeti. Mokolo bakobelela Yawe ntango bakonyokwama, Yawe akotindela bango mobikisi oyo akobatela mpe akosikola bango. | |
| Isai | LinVB | 19:21 | Yawe akomilakisa na bato ba-Ezipeti, mpe bato ba-Ezipeti bakoyeba Yawe o mokolo mona. Bakobonzela ye mabonza na miboma, bakolakela Yawe bilako mpe bakokokisa byango. | |
| Isai | LinVB | 19:22 | Yawe akobete ba-Ezipeti, kasi na nsima akobikisa bango. Bakozongela Yawe, mpe Yawe akondimela bango mpe akobikisa bango. | |
| Isai | LinVB | 19:23 | O mokolo mona nzela enene ekobanda o Ezipeti mpe ekokende tee Asur. Ba-Asur bakokende o Ezipeti mpe ba-Ezipeti bakokende o Asur. Bango babale, Ezipeti na Asur, bakosalela Yawe. | |
| Isai | LinVB | 19:24 | O mokolo mona Israel ekozala ekolo ya bisato, elongo na Ezipeti mpe na Asur, eye ekozwa bobenisi bwa Nzambe. | |