MATTHEW
Chapter 13
Matt | LinVB | 13:2 | Bato ebelé bayéí kozínga yě ; yangó wâná akwélí o bwáto mpé afándí ; bato batélémí o libóngo. | |
Matt | LinVB | 13:3 | Atéyí bangó makambo míngi na miúlání. Alobí : « Moto mǒkó akeí kolóna mbóto o elanga. | |
Matt | LinVB | 13:5 | Mbóto isúsu ikwéí o esíká ya mabángá, izwí mabelé míngi té ; ibimí nokí, zambí ikótókí o mabelé bozindó té ; | |
Matt | LinVB | 13:8 | Mbóto isúsu ikwéí o mabelé malámu, ibótí mbuma : esúsu ebótí mbuma monkámá, esúsu ntúkú motóbá, esúsu ntúkú ísáto. | |
Matt | LinVB | 13:12 | Moto azalí na bilóko akozwa naíno, mpé akokóma na bilóko míngi ; kasi óyo azalí na bilóko té, bakobótolo yě atâ mwâ elóko ezalí na yě. | |
Matt | LinVB | 13:13 | Yangó wâná nakolobaka na bangó na miúlání ; mpô atâ batálí, bazalí komóno té ; mpé atâ bayókí na matói, bazalí koyéba ntína té. | |
Matt | LinVB | 13:14 | Bôngó maloba ma proféta Izáya makosálema na bangó : Atâ bokoyóka ndéngé níni, bokoyéba ntína té. Atâ bokotála ndéngé níni, bokomóno té. | |
Matt | LinVB | 13:15 | Zambí bato ba ekólo eye bakómí na motéma mabé : bazipí matói mpé bakangí míso, mpô ’te bámóno elóko yǒ kó na míso té, báyóka likambo lyǒ kó na matói té, mpé mitéma mya bangó míyóka ntína té. Bôngó bábóngola mitéma té, mpé ngáí nákoka kobíkisa bangó té. | |
Matt | LinVB | 13:16 | Kasi esengo na bínó, zambí míso ma bínó mazalí komóno, mpé matói ma bínó mazalí koyóka. | |
Matt | LinVB | 13:17 | Ya sôló sôló, nalobí na bínó : baproféta na bato ba bosémbo baíké balulákí komónó maye bínó bozalí komóno, kasi bamónókí mangó té ; balingákí koyóka maye bínó bozalí koyóka, kasi bayókákí mangó té ! | |
Matt | LinVB | 13:19 | Sókó moto ayókí Liloba lya Bokonzi, kasi atongólí ntína ya lyangó té, Mobébisi akoyâ kolongola mbóto elónámí o motéma mwa yě : yangó ndé mbóto ekwéí mpembéni ya nzelá. | |
Matt | LinVB | 13:20 | Moto ayambí mbóto o esíká mabángá mazalí, azalí moto óyo ayókí Liloba mpé ayambí lyangó nokí na esengo. | |
Matt | LinVB | 13:21 | Kasi azalí na minsisá o motéma té, andimí sé mokolo mǒkó. Sókó akómí na mpási tǒ na minyóko mpô ya Liloba, akokwéya nokí. | |
Matt | LinVB | 13:22 | Moto ayambí mbóto o káti ya nzúbe, azalí moto óyo ayókí Liloba, kasi makanisi ma bisengo bya nsé na mpósá ya nkita ibomí Liloba. Yangó wâná Liloba libótí mbuma té. | |
Matt | LinVB | 13:23 | Moto ayambí mbóto o mabelé malámu, azalí moto óyo ayókí Liloba, mpé atongólí ntína ya lyangó. Yě akobóta mbuma monkámá, mosúsu ntúkú motóbá, mosúsu ntúkú ísáto. » | |
Matt | LinVB | 13:24 | Yézu alobí na bangó moúlání mosúsu : « Bokonzi bwa Likoló boúlání na moto alónákí mbóto ilámu o elanga ya yě. | |
Matt | LinVB | 13:25 | Kasi ntángo bato balálí mpongí, mongúná ayéí kolóna mbóto ya matíti mabé o káti ya mbuma ya mámpa mpé akeí. | |
Matt | LinVB | 13:27 | Basáli bakeí epái ya nkóló wa elanga, balobí na yě : ‘Mokonzi, olónákí mbóto ilámu o elanga ya yǒ té ? Bôngó matíti mabé maútí wápi ?’ Azóngísí : | |
Matt | LinVB | 13:28 | ‘Mongúná mǒkó asálí bôngó.’ Basáli batúní yě : ‘Olingí tókende kolongola matíti mabé ?’ | |
Matt | LinVB | 13:30 | Bótíka matíti mánso mákóla téé ntángo ya bobúki mbuma ekokí. O ntángo êná nakoloba na basáli : Bósangisa libosó matíti mabé, bókanga mangó mabóké mabóké mpô ya kotumba mangó, na nsima bókende kotíka mbuma ilámu o ebómbelo ya ngáí’. » | |
Matt | LinVB | 13:31 | Yézu alobí na bangó moúlání mosúsu : « Bokonzi bwa Likoló boúlání na mbóto ya sénevé moto mǒkó alónákí o elanga ya yě. | |
Matt | LinVB | 13:32 | Mbóto eye elekí mbóto ínso na boké. Kasi sókó ekólí, elekí ndúnda ínso na bolaí. Ekotanda bitápi lokóla nzeté mpenzá, mpé ndeke ya likoló ikoyâ kofánda wâná. » | |
Matt | LinVB | 13:33 | Alobí na bangó moúlání mosúsu : « Bokonzi bwa Likoló boúlání na nkísi ya mámpa mwásí akamátí mpé asangísí na sǎ ni ísáto ya fufú ya mámpa. Nkísi ebutísí fufú yangó ínso. » | |
Matt | LinVB | 13:35 | Akokísí bôngó maloba ma proféta : Nakofungola monoko mpô ya koloba na miúlání, nakoyébisa maye mabómbámí út’o libandela lya mokili. | |
Matt | LinVB | 13:36 | Na nsima atíkí bato bákende mpé azóngí o ndáko. Bayékoli bayéí epái ya yě mpé batúní yě : « Limbólélá bísó moúlání mwa matíti mabé o elanga. » | |
Matt | LinVB | 13:38 | elanga, yangó ndé mokili ; mbóto ilámu, yangó ndé bána ba Bokonzi ; matíti mabé, mangó ndé bato ba Sátana ; | |
Matt | LinVB | 13:39 | mo-ngúná óyo alóní matíti mabé ezalí zábolo ; eleko ya bobúki mbuma ezalí nsúka ya molóngó, mpé bato bakobúka mbuma, ezalí bǎnzelú. | |
Matt | LinVB | 13:40 | Lokóla bakosangisaka matíti mabé mpé bakobwákaka mangó o móto, ekosálema sé bôngó o nsúka ya molóngó : | |
Matt | LinVB | 13:41 | Mwána wa Moto akotínda bǎnzelú ba yě básangisa o Bokonzi bwa yě bato bánso bapésí esímbisi mpé baye bazangí bosémbo ; | |
Matt | LinVB | 13:43 | Kasi bato ba bosémbo bakongenge lokóla mwésé o Bokonzi bwa Tatá wa bangó. Moto azalí na matói, áyóka ! | |
Matt | LinVB | 13:44 | Bokonzi bwa Likoló boúlání na elóko ya motúya ebómbámí o elanga. Moto mǒkó amóní yangó, kasi abómbí yangó lisúsu. Na esengo enéne akeí kotéke bilóko bya yě bínso mpé asómbí elanga êná. | |
Matt | LinVB | 13:46 | Awa amóní lyǒ kó lya motúya monéne, akeí kotéke bilóko bya yě bínso mpé asómbí liyaka lîná. | |
Matt | LinVB | 13:47 | Bokonzi bwa Likoló boúlání na monyámá babwákí o mbú, mpé motóndí na mbísi ndéngé na ndéngé. | |
Matt | LinVB | 13:48 | Etóndí monyámá, babomi mbísi babéndí mwangó o libóngo ; na nsima bafándí, baponí mbísi ilámu, batíí yangó o bikoló, kasi babwákí iye ya mpámba. | |
Matt | LinVB | 13:49 | Ekozala sé bôngó o nsúka ya molóngó : bǎnzelú bakobima mpé bakokabola bato babé na bato ba bosémbo. | |
Matt | LinVB | 13:52 | Alobí na bangó : « Yangó wâná motéyi wa Mobéko, sókó akómí kondima Bokonzi bwa Likoló, azalí lokóla nkóló wa ndáko azalí na bilóko míngi ; o káti ya bilóko bya yě, akopono biye bya sika mpé biye bya kala ». | |
Matt | LinVB | 13:54 | Ekómí yě o ekólo ya yě, abandí kotéya bato o sinagóga ya bangó. Bakámwí míngi mpenzá, balobí : « Bwányá na ngúyá ya kosála makamwísi, azwí yangó wápi ? | |
Matt | LinVB | 13:55 | Yě mwána wa mokabínda té ? Mamá wa yě María té ? Yakóbo, Yozéfu, Simóni na Yúda bazalí bandeko ba yě té ? | |
Matt | LinVB | 13:57 | Yangó wâná ayókísí bangó mabé mpenzá. Kasi Yézu alobí na bangó : « Bakokínolaka proféta bobélé o ekólo mpé o libótá lya yě. » | |