Site uses cookies to provide basic functionality.

OK
NEHEMIAH
1 2 3 4 5 6 7 8 9 10 11 12 13
Prev Up Next
Chapter 7
Nehe Kekchi 7:1  Ut nak ac xya̱loˈ li tzˈac ut nak ac xeˈqˈueheˈ saˈ xnaˈajeb li puerta re li oqueba̱l, queˈxakaba̱c laj levita chi cˈanjelac saˈ li templo. Cuan li queˈqˈueheˈ chi cˈacˈale̱nc saˈ eb li oqueba̱l, ut cuan li queˈqˈueheˈ chokˈ aj bichanel.
Nehe Kekchi 7:2  Quinxakab li cui̱tzˈin laj Hanani ut laj Hananías re nak eb aˈan teˈilok re li tenamit Jerusalén. Laj Hananías aˈan li nataklan saˈ xbe̱neb li soldados. Quinxakab aˈan xban nak aˈan kˈaxal ti̱c xchˈo̱l chiruheb li jun chˈol chic ut naxxucua ru li Dios.
Nehe Kekchi 7:3  Ut quinye reheb nak acak xcutanoˈ chi us nak teˈxte li puerta re li oqueba̱l. Ut nak toj cuanqueb laj cˈacˈalenel, teˈxtzˈap cuiˈchic li puerta ut teˈxnatˈ rix chi us. Ut quinye ajcuiˈ reheb nak teˈxxakabeb laj cˈacˈalenel re li tenamit Jerusalén re chi kˈek. Li cuanqueb rochocheb nachˈ riqˈuin li tzˈac, aˈaneb teˈcˈacˈale̱nk chiru li rochocheb.
Nehe Kekchi 7:4  Li tenamit nim chi us, abanan toj ma̱jiˈ qˈuiheb li cristian xban nak toj ma̱jiˈ yi̱banbileb chixjunileb li cab saˈ li tenamit.
Nehe Kekchi 7:5  Li Dios quixcˈut chicuu nak tento tebinchˈutub li nequeˈtaklan saˈ li tenamit ut eb li nequeˈcˈamoc be joˈqueb ajcuiˈ chixjunileb li tenamit re nak teˈajla̱k li junju̱nk cabal. Quintau li hu li tzˈi̱banbil cuiˈ lix cˈabaˈeb li queˈsukˈi chak xbe̱n cua. Tzˈi̱banbil retalil chi joˈcaˈin:
Nehe Kekchi 7:6  Aˈan aˈin lix cˈabaˈeb laj Israel li queˈchapeˈ ut queˈcˈameˈ Babilonia xban li rey Nabucodonosor ut queˈsukˈi cuiˈchic Jerusalén ut Judá. Ac saˈ xtenamit queˈcana li junju̱nk.
Nehe Kekchi 7:7  Aˈaneb aˈin lix cˈabaˈeb li queˈcˈamoc be chiruheb laj Israel li queˈchal xbe̱n cua: laj Zorobabel, laj Jesúa, laj Nehemías, laj Azarías, laj Raamías, laj Nahamani, laj Mardoqueo, laj Bilsán, laj Misperet, laj Bigvai, laj Nehum, ut laj Baana. Ut aˈan aˈin lix qˈuialeb li cui̱nk aj Israel li queˈsukˈi rochbeneb laj cˈamol be:
Nehe Kekchi 7:8  Eb li ralal xcˈajol laj Paros, aˈan cuib mil riqˈuin jun ciento riqˈuin cablaju xca̱cˈa̱l (2,172).
Nehe Kekchi 7:9  Eb li ralal xcˈajol laj Sefatías, aˈan oxib ciento riqˈuin cablaju roxcˈa̱l (372).
Nehe Kekchi 7:10  Eb li ralal xcˈajol laj Ara, aˈan cuakib ciento riqˈuin cablaju roxcˈa̱l (652).
Nehe Kekchi 7:11  Eb li ralal xcˈajol laj Pahat-moab, eb li ralal xcˈajol laj Jesúa ut eb li ralal xcˈajol laj Joab, aˈan cuib mil riqˈuin cuakxakib ciento riqˈuin cuakxaklaju (2,818).
Nehe Kekchi 7:12  Eb li ralal xcˈajol laj Elam, aˈan jun mil riqˈuin cuib ciento riqˈuin ca̱laju roxcˈa̱l (1,254).
Nehe Kekchi 7:13  Eb li ralal xcˈajol laj Zatu, aˈan cuakxakib ciento riqˈuin o̱b roxcˈa̱l (845).
Nehe Kekchi 7:14  Eb li ralal xcˈajol laj Zacai, aˈan cuukub ciento riqˈuin oxcˈa̱l (760).
Nehe Kekchi 7:15  Eb li ralal xcˈajol laj Binúi, aˈan cuakib ciento riqˈuin cuakxakib roxcˈa̱l (648).
Nehe Kekchi 7:16  Eb li ralal xcˈajol laj Bebai, aˈan cuakib ciento riqˈuin cuakxakib xcaˈcˈa̱l (628).
Nehe Kekchi 7:17  Eb li ralal xcˈajol laj Azgad, aˈan cuib mil riqˈuin cuakib ciento riqˈuin cuib xcaˈcˈa̱l (2,622).
Nehe Kekchi 7:18  Eb li ralal xcˈajol laj Adonicam, aˈan cuakib ciento riqˈuin cuukub xca̱cˈa̱l (667).
Nehe Kekchi 7:19  Eb li ralal xcˈajol laj Bigvai, aˈan cuib mil riqˈuin cuukub xca̱cˈa̱l (2,067).
Nehe Kekchi 7:20  Eb li ralal xcˈajol laj Adín, aˈan cuakib ciento riqˈuin oˈlaju roxcˈa̱l (655).
Nehe Kekchi 7:21  Eb li ralal xcˈajol laj Ater, ut eb li ralal xcˈajol laj Ezequías, aˈan cuakxaklaju roˈcˈa̱l (98).
Nehe Kekchi 7:22  Eb li ralal xcˈajol laj Hasum, aˈan oxib ciento riqˈuin cuakxakib xcaˈcˈa̱l (328).
Nehe Kekchi 7:23  Eb li ralal xcˈajol laj Bezai, aˈan oxib ciento riqˈuin ca̱hib xcaˈcˈa̱l (324).
Nehe Kekchi 7:24  Eb li ralal xcˈajol laj Harif, aˈan jun ciento riqˈuin cablaju (112).
Nehe Kekchi 7:25  Eb li ralal xcˈajol laj Gabaón, aˈan oˈlaju roˈcˈa̱l (95).
Nehe Kekchi 7:26  Eb li cui̱nk li cuanqueb Belén ut eb li cuanqueb saˈ li naˈajej Netofa, aˈaneb jun ciento riqˈuin cuakxakib roˈcˈa̱l (188).
Nehe Kekchi 7:27  Eb li cui̱nk li cuanqueb saˈ li naˈajej Anatot, aˈan jun ciento riqˈuin cuakxakib xca̱cˈa̱l (128).
Nehe Kekchi 7:28  Eb li cui̱nk li cuanqueb Bet-azmavet, aˈaneb cuib roxcˈa̱l (42).
Nehe Kekchi 7:29  Ut eb li cui̱nk li cuanqueb saˈ eb li naˈajej Quiriat-jearim, ut Cafira ut Beerot, aˈan cuukub ciento riqˈuin oxib roxcˈa̱l (743).
Nehe Kekchi 7:30  Eb li cui̱nk li cuanqueb Ramá ut Geba, aˈan cuakib ciento riqˈuin jun xcaˈcˈa̱l (621).
Nehe Kekchi 7:31  Eb li cui̱nk li cuanqueb Micmas, aˈaneb jun ciento riqˈuin cuib xcaˈcˈa̱l (122).
Nehe Kekchi 7:32  Eb li cui̱nk li cuanqueb Bet-el ut Hai, aˈan jun ciento riqˈuin oxib xcaˈcˈa̱l (123).
Nehe Kekchi 7:33  Eb li cui̱nk re li tenamit jun chic Nebo xcˈabaˈ, aˈan cablaju roxcˈa̱l (52).
Nehe Kekchi 7:34  Eb li ralal xcˈajol laj Elam jun chic, aˈan jun mil riqˈuin cuib ciento riqˈuin ca̱laju roxcˈa̱l (1254).
Nehe Kekchi 7:35  Eb li ralal xcˈajol laj Harim, aˈan oxib ciento riqˈuin junmay (320).
Nehe Kekchi 7:36  Eb li ralal xcˈajol laj Jericó, aˈan oxib ciento riqˈuin o̱b roxcˈa̱l (345).
Nehe Kekchi 7:37  Eb li ralal xcˈajol laj Lod, eb li ralal xcˈajol laj Hadid ut eb li ralal xcˈajol laj Ono, aˈan cuukub ciento riqˈuin jun xca̱cˈa̱l (721).
Nehe Kekchi 7:38  Eb li ralal xcˈajol laj Senaa, aˈan oxib mil riqˈuin bele̱b ciento riqˈuin laje̱b xca̱cˈa̱l (3,930).
Nehe Kekchi 7:39  Eb laj tij: aˈan ralal xcˈajoleb laj Jedaía. Ut laj Jedaía, aˈan li ralal laj Jesúa. Aˈan bele̱b ciento riqˈuin oxlaju xca̱cˈa̱l (973).
Nehe Kekchi 7:40  Eb li ralal xcˈajol laj Imer, aˈan jun mil riqˈuin cablaju roxcˈa̱l (1,052).
Nehe Kekchi 7:41  Eb li ralal xcˈajol laj Pasur, aˈan jun mil riqˈuin cuib ciento riqˈuin cuukub roxcˈa̱l (1,247).
Nehe Kekchi 7:42  Eb li ralal xcˈajol laj Harim, aˈan jun mil riqˈuin cuuklaju (1,017).
Nehe Kekchi 7:43  Eb laj levitas: aˈaneb li ralal xcˈajol laj Jesúa. Laj Jesúa, aˈan li ralal laj Cadmiel ut laj Cadmiel, aˈan li ralal laj Hodavías. Aˈan ca̱laju xca̱cˈa̱leb (74).
Nehe Kekchi 7:44  Eb li nequeˈbichan, aˈaneb li ralal xcˈajol laj Asaf. Aˈan jun ciento riqˈuin cuakxakib roxcˈa̱l (148).
Nehe Kekchi 7:45  Eb li nequeˈcˈacˈalen re li oqueba̱l, aˈaneb li ralal xcˈajol laj Salum, laj Ater, laj Talmón, laj Acub, laj Hatita ut laj Sobai. Aˈan jun ciento riqˈuin cuakxaklaju xcaˈcˈa̱l (138).
Nehe Kekchi 7:46  Eb li nequeˈcˈanjelac sa li templo, aˈaneb li ralal xcˈajol laj Ziha, laj Hasufa, laj Tabaot,
Nehe Kekchi 7:57  Eb li ralal xcˈajol li queˈcˈanjelac chiru laj Salomón, aˈaneb li ralal xcˈajol laj Sotai, laj Soferet ut laj Perida,
Nehe Kekchi 7:58  eb li ralal xcˈajol laj Jaala, laj Darcón, ut laj Gidel,
Nehe Kekchi 7:59  eb li ralal xcˈajol laj Sefatías, laj Hatil, laj Poqueret-hazebaim, ut laj Amón.
Nehe Kekchi 7:60  Chixjunileb li queˈcˈanjelac saˈ li templo rochbeneb li ralal xcˈajol li queˈcˈanjelac chiru laj Salomón, aˈan oxib ciento riqˈuin cablaju roˈcˈa̱l (392).
Nehe Kekchi 7:61  Aˈaneb aˈin li queˈsukˈi saˈ li tenamit Tel-mela, Tel-harsa, Querub, Adón ut Imer. Abanan eb aˈan incˈaˈ queˈru xyebal ma aˈaneb tzˈakal laj Israel malaj ut incˈaˈ xban nak incˈaˈ queˈru xyebal ani tzˈakal lix xeˈto̱nil yucuaˈeb.
Nehe Kekchi 7:62  Eb li ralal xcˈajol laj Delaía, eb li ralal xcˈajol laj Tobías, ut eb li ralal xcˈajol laj Necoda, aˈan cuakib ciento riqˈuin cuib roxcˈa̱l (642).
Nehe Kekchi 7:63  Eb laj tij: aˈaneb li ralal xcˈajol laj Habaía, laj Cos ut laj Barzilai li quixsicˈ rixakil saˈ xya̱nkeb li ralal xcˈajol laj Barzilai jun chic, Galaad xtenamit. Li ixk aˈan quiqˈueheˈ xcˈabaˈ joˈ xcˈabaˈeb aˈan.
Nehe Kekchi 7:64  Quisiqˈueˈ xcˈabaˈeb saˈ li hu tzˈi̱banbil cuiˈ xcˈabaˈeb laj tij. Abanan incˈaˈ quitaˈeˈ. Joˈcan nak queˈisi̱c saˈ xya̱nkeb laj tij.
Nehe Kekchi 7:65  Ut li gobernador quixye nak incˈaˈ naru teˈxtzaca li kˈaxtesinbil tzacae̱mk toj cua̱nk junak aj tij ta̱tzˈilok a̱tin chirix riqˈuin li Urim ut Tumim.
Nehe Kekchi 7:66  Lix qˈuialeb chixjunileb lix comoneb rib, aˈan cuib roxcˈa̱l mil riqˈuin oxib ciento riqˈuin oxcˈa̱l (42,360).
Nehe Kekchi 7:67  Cuanqueb ajcuiˈ cuukub mil riqˈuin oxib ciento riqˈuin cuuklaju xcaˈcˈa̱l (7,337) xmo̱seb, ixk ut cui̱nk. Ut saˈ xya̱nkeb aˈan cuanqueb cuib ciento riqˈuin o̱b roxcˈa̱l (245) laj bichanel, joˈ ixk joˈ cui̱nk.
Nehe Kekchi 7:68  Cuanqueb cuukub ciento riqˈuin cuaklaju xcaˈcˈa̱l (736) xcacua̱yeb. Ut lix mu̱leb cuib ciento riqˈuin o̱b roxcˈa̱l (245).
Nehe Kekchi 7:69  Ut lix camelleb ca̱hib ciento riqˈuin oˈlaju xcaˈcˈa̱l (435). Ut cuanqueb ajcuiˈ cuakib mil riqˈuin cuukub ciento riqˈuin junmay (6,720) lix bu̱reb.
Nehe Kekchi 7:70  Ut cuanqueb junju̱nk li nequeˈjolomin re li junju̱nk cabal queˈxqˈue xmayejeb re li cˈanjel. Li gobernador quixqˈue re laj xocol tumin numenak cuuklaju (17) libra li oro, laje̱b roxcˈa̱l (50) li ni̱nki secˈ, ut o̱b ciento riqˈuin laje̱b xcaˈcˈa̱l (530) li rakˈeb laj tij.
Nehe Kekchi 7:71  Chixjunil li mayej li queˈxqˈue li nequeˈjolomin re li junju̱nk cabal, aˈan aˈin: oxib ciento riqˈuin cablaju roxcˈa̱l (352) libra li oro, ut cuib mil riqˈuin cuakib ciento riqˈuin cuib xca̱cˈa̱l libra (2,662) li plata.
Nehe Kekchi 7:72  Chixjunil li mayej li queˈxqˈue li tenamit, aˈan aˈin: oxib ciento riqˈuin cablaju roxcˈa̱l (352) libra li oro, ut cuib mil riqˈuin ca̱hib ciento riqˈuin junmay (2,420) libra li plata ut cuukub xca̱cˈa̱l (67) li rakˈeb laj tij.
Nehe Kekchi 7:73  Eb laj tij, ut eb laj levita joˈ eb ajcuiˈ li queˈcˈacˈalen chire xpuertil li templo, eb li nequeˈbichan, ut eb li nequeˈcˈanjelac saˈ li templo ut chixjunileb laj Israel ac saˈ xtenamiteb queˈcana chi cua̱nc.