NUMBERS
Chapter 31
Numb | LinVB | 31:2 | « Sala ’te bana ba Israel bazongisela bato ba Madian mabe basalaki. Na nsima okokende kokutana na bankoko ba yo. » | |
Numb | LinVB | 31:3 | Moze alobi na bato : « Bopono bato bamilengele na etumba ya Yawe na bato ba Madian, bazongisela bango mabe o nkombo ya Yawe. | |
Numb | LinVB | 31:5 | Basangisi bato nkoto yoko o libota lyoko lyoko lya Israel, bongo bazwi basoda nkoto zomi na ibale mpo ya etumba. | |
Numb | LinVB | 31:6 | Moze atindi bango o etumba, basoda nkoto yoko o libota lyoko lyoko, elongo na Pinekas, mwana wa nganga Nzambe Eleazar, oyo azali komeme biloko bisantu na mindule mpo ya koyebisa ngonga ya kobunda. | |
Numb | LinVB | 31:8 | Babomi mpe bakonzi ba Madian : Evia, Rekem, Sur, Ur na Reba, bakonzi batano ba Madian. Babomi mpe Balaam, mwana wa Beor na mopanga. | |
Numb | LinVB | 31:9 | Bana ba Israel bakangi mpe basi ba Madian na bana ba bango bo baombo, babotoli mpe bibwele bya bango binso, ngombe na biloko bya bango bisusu. | |
Numb | LinVB | 31:12 | Bakei na baombo mpe na biloko babotoli epai ya Moze na nganga Nzambe Eleazar mpe o miso ma bato banso ba lisanga tee bakomi o nganda, o esobe ya Moab, o ngambo ya Yordane, penepene na Yeriko. | |
Numb | LinVB | 31:13 | Moze na nganga Nzambe Eleazar na bankumu banso ba lisanga babimi o nganda mpo ya kokutana na bato bauti etumba. | |
Numb | LinVB | 31:14 | Moze asilikeli bakomanda ba basoda, baye bazalaki bakonzi ba bato nkoto yoko to monkama, baye bauti kobunda etumba. | |
Numb | LinVB | 31:16 | Bango nde balandaki maloba ma Balaam mpe bapesaki bana ba Israel mayele mabe mpo baboya Yawe kuna o Peor. Yango wana etumbu ekwelaki lisanga lya Yawe. | |
Numb | LinVB | 31:18 | Kasi bana basi bayebi naino mobali te, boboma bango te. Bino moko bokoki kokamata bango. | |
Numb | LinVB | 31:19 | Bino bokende kolala o libanda lya nganda mikolo nsambo, bino banso bobomaki moto to bosimbaki ebembe. Bomipetola, bino elongo na bato bokangi, o mokolo mwa misato mpe mwa nsambo. | |
Numb | LinVB | 31:20 | Bosukola mpe bilamba bya bino na mpe biloko binso bisalemi na lomposo la nyama, bilamba binso bisalami na nsuki ya ntaba mpe biloko binso bisalami na nzete. » | |
Numb | LinVB | 31:21 | Nganga Nzambe Eleazar alobi na basoda bauti etumba : « Boyoka mobeko Yawe apesaki Moze : | |
Numb | LinVB | 31:23 | biloko bina binso bikozikaka na móto te, bopetola byango na móto mpe bikozala peto ; kasi bikokoma peto mpenza mpo ya mai masantu. Biloko binso bikoki kozika na móto, bonyakela byango mai masantu. | |
Numb | LinVB | 31:24 | Bosukola bilamba bya bino o mokolo mwa nsambo, mpe bokokoma peto. Nsima bokoki kozonga o nganda. » | |
Numb | LinVB | 31:26 | « Elongo na nganga Nzambe Eleazar mpe na bankumu banso ba mabota mpe ba lisanga, tanga biloko binso bozwaki o etumba : ná bato ná nyama. | |
Numb | LinVB | 31:27 | Kabola biloko ndambo ibale : pesa basoda bakendeki etumba ndambo yoko, bato ba lisanga ndambo esusu. | |
Numb | LinVB | 31:28 | Basoda bakendeki etumba bapesa Yawe eteni yoko ya nkama itano ya binso babotoli : bato, ngombe, mpunda na mpata. | |
Numb | LinVB | 31:29 | Kamata yango o kati ya ndambo eye ya bango mpe pesa yango na nganga Nzambe Eleazar, ezala mpako ya Yawe. | |
Numb | LinVB | 31:30 | Ya ndambo eye ekozala mpo ya ba-Israel basusu, longola mpe ndambo : pesa yoko ya ntuku itano, ezala ya bato, mpunda, nyama inene to ike ; pesa yango na ba-Levi, baye bakosalaka mosala o Ndako ya Yawe. » | |
Numb | LinVB | 31:47 | Ya biloko binso bapesi bana ba Israel, o kati ya bato to nyama ntuku itano, Moze akamati moko mpe apesi ba-Levi, baye bakosalaka mosala o Ndako ya Yawe, lokola Yawe atindaki Moze. | |
Numb | LinVB | 31:49 | Balobi na ye : « Biso basaleli ba yo totangi motango mwa basoda ba biso, mpe ata moko azangi te. | |
Numb | LinVB | 31:50 | Yango wana toyei moto na moto na libonza lya ye mpo ya Yawe. Tozwaki biloko biye bya wolo : bikomo, mpete, biloko bya matoi, mayaka ma nkingo. Inso ikosalisa mpo ’te tozwa bolimbisi masumu o miso ma Yawe. » | |
Numb | LinVB | 31:52 | Biloko binso bya wolo bapesi Yawe bikoki mitako 16 750. Bakonzi ba bato nkoto yoko mpe bakonzi ba bato monkama bapesi byango. | |