Site uses cookies to provide basic functionality.

OK
I MACCABEES
1 2 3 4 5 6 7 8 9 10 11 12 13 14 15 16
Prev Up Next
Chapter 3
I Ma LinVB 3:1  Mwana wa ye Yudas, oyo atangemi Makabe, akitani tata wa ye ;
I Ma LinVB 3:2  bandeko ba ye banso, na mpe baninga ba tata wa ye bandimi kosalisa ye. Babundi etumba ya Israel na mpiko enene.
I Ma LinVB 3:3  Atomboli lokumu la ekolo ya ye, alati molato mwa bitumba lokola elombe, akangi bibuneli o loketo, abandi bitumba mbala na mbala, na mopanga abateli nganda ya ye.
I Ma LinVB 3:4  Na bikela bya ye alakisi bokasi bwa nkosi, nsomo lokola mwana wa nkosi aleli nzala.
I Ma LinVB 3:5  Baye bapangani na Mobeko te, akei koluka bango mpo ’te abengana ba­ngo ; atumbi baye batiaki mobulu o ekolo,
I Ma LinVB 3:6  ayokisi bango nsomo ; alengisi baye basali mabe ; akambi bato ba ye o nzela ya libiki.
I Ma LinVB 3:7  Ayokisi bakonzi baike mpasi mpe­nza, kasi asepelisi bato ba Yakob na bikela bya ye ; yango wana bato bakokumisa nkombo ya ye seko.
I Ma LinVB 3:8  Akatisi bingumba bya Yuda mpo ya koboma bato baboyi Nzambe, alo­ngoli bongo nkanda ya Nzambe o Israel.
I Ma LinVB 3:9  Nkombo ya ye ekotangema kin’o nsuka ya mokili, mpo asangisi bato baye bapalanganaki.
I Ma LinVB 3:10  Apolonio asangisi bikolo bya pene mpe bato baike ba Samaria mpo ’te bakende kobundisa Israel.
I Ma LinVB 3:11  Yudas ayoki yango mpe akei kokutana na ye ; alongi ye o etumba mpe abomi ye. Banguna ebele bazoki mpe bakufi ; basusu baye babiki, bakimi.
I Ma LinVB 3:12  Ba-Yuda babotoli biloko bya bango ; Yudas akamati mopanga mwa Apolonio ; banda wana azalaki kobunda bitu­mba bobele na mopanga mona.
I Ma LinVB 3:13  Seron, komanda wa basoda ba Siria ayoki ’te Yudas asangisi bato ba boyambi na basoda basusu mpo ya bitumba ;
I Ma LinVB 3:14  amilobeli : « Nazwi nzela ya kokoma moto wa lokumu, bongo bato banso o ekolo bakumisa ngai. Nakokende kobundisa Yudas na bato ba ye, baye baboyi bitinda bya mokonzi. »
I Ma LinVB 3:15  Bongo akei na limpinga linene lya basoda, bato baboyi Nza­mbe, mpo ’te asukisa bato ba Israel.
I Ma LinVB 3:16  Awa akomi penepene na ngomba Betoron, Yudas abimi mpe akei kokutana na ye elongo na mwa liboke lya basoda.
I Ma LinVB 3:17  Awa bamoni limpinga linene lya basoda liyeli bango etu­mba, balobi na Yudas : « Tozali na bato mingi te, tokoki nde kobunda na basoda ebele boye ? Biso tolembi mpenza, lelo tolei naino te. »
I Ma LinVB 3:18  Yudas azongiseli bango : « Bato bazali mingi te bakoki kolonga limpinga linene. Tozala bato baike to te, Nzambe akoki kobikisa biso.
I Ma LinVB 3:19  Tokolonga banguna mpo ya bokasi bwa basoda ebele te, kasi na bokasi bwa Nzambe wa likolo.
I Ma LinVB 3:20  Bato baye baboyi Nzambe ba­tondi na lolendo, bayei kobundisa biso mpo ya koboma biso, ná basi ná bana ba biso, mpe bayiba biloko bya biso.
I Ma LinVB 3:21  Kasi biso tokobunda etumba mpo ’te tobatela bomoi bwa biso mpe mibeko mya biso.
I Ma LinVB 3:22  Nzambe akosilisa bokasi bwa bango, bakokoka biso te ; bobanga bango soki te ! »
I Ma LinVB 3:23  Esilisi ye koloba bongo, akei kobundisa banguna na mbalakaka. Bo­ngo Yudas akweisi Seron na basoda ba ye.
I Ma LinVB 3:24  Alandi baye bazalaki kokita ngomba Betoron tee bakomi o esobe. Bato soki nkama mwambe bakufi ; basusu bakimi o mokili mwa ba-Filisti.
I Ma LinVB 3:25  Ut’o mokolo mona bato banso babangi bokasi bwa Yudas na bandeko ba ye. O bikolo binso bya penepene babandi koyoka nsomo.
I Ma LinVB 3:26  Mokonzi monene mpe ayoki nsa­ngo ya ye, bipai binso bato bazalaki kosolola lisolo lya bitumba bya ye.
I Ma LinVB 3:27  Eyoki Antioko makambo mana manso, atoki na nkanda. Atindi ’te basangisa limpinga linene lya basoda ba mpiko enene.
I Ma LinVB 3:28  Afungoli sanduku ya mosolo mwa leta, afuti na mwa-ngo basoda lifuta lya mobu mobimba. Akebisi bango ’te bakoka ata na likama nini.
I Ma LinVB 3:29  Kasi amoni ’te mosolo mokomi moke : bato batombokoki mpo abomaki mibeko mya kala mya ekolo, bongo mpako ezalaki kofutama malamu lisusu te.
I Ma LinVB 3:30  Abangi ’te mosolo moye mokokoka te na bofuti bato ba ye ; yango esili esalemaki mpo azalaki kokabela bato ba ye bikabela. Na likambo liye aleki bakonzi banso bazalaki liboso lya ye.
I Ma LinVB 3:31  Ekomi ye na kwokoso, akani kokende o ekolo ya ba-Persi mpo ya kofutisa bango mpako, azwa mosolo mingi.
I Ma LinVB 3:32  Aponi Lisias, nkumu mpe moto wa libota lya bakonzi, bo moyangeli wa mokili mwa ye banda ebale Efrate tee ndelo ya Ezipeti.
I Ma LinVB 3:33  Atiki mpe mwana wa ye Antioko o maboko ma Lisias, abokolo ye tee ye moko azongi.
I Ma LinVB 3:34  Atikeli ye ndambo ya mampinga ma basoda ná mpe nzoku. Ayebisi ye motindo nini asengeli kosala, liboso mpenza o maye matali bato ba Yuda mpe ba Yeruzalem.
I Ma LinVB 3:35  Akani kokende kobundisa ba-Israel mpo ya kokweisa mpe kosilisa bango, na mpe baye batikali o Yeruzalem. Bongo na nsima, ata nko­mbo ya bango eyebana lisusu te.
I Ma LinVB 3:36  Akani mpe kotondisa mokili mwa bango na bato ba bikolo bisusu, mpe akabola mabelé ma bango.
I Ma LinVB 3:37  Ye moko mokonzi akei na limpinga lisusu lya basoda, atiki Antioko, mboka mokonzi ya ekolo ya ye o mobu mwa monkama na ntuku inei na nsambo. Akatisi ebale Efrate mpe akei o bikolo bya ngomba.
I Ma LinVB 3:38  O kati ya baninga ba mokonzi Lisias aponi Tolemeo, mwana wa Dorimeno, na Nikanor na mpe Gorgias,
I Ma LinVB 3:39  mpe atindi bango na basoda ba makolo nkoto ntuku inei, mpe na basoda ba farasa nkoto nsambo ; atindi bango bakende o mokili mwa Yuda, babebisa mwango lokola mokonzi alobaki.
I Ma LinVB 3:40  Bakei na limpinga liye linene mpe bakomi penepene na Emaus o esobe, esika bapiki nganda ya bango.
I Ma LinVB 3:41  Ntango bato ba mombongo bayoki yango, bakamati wolo na palata ebele, na mpe minyololo, bakei o nganda ya basoda kosomba ba-Israel bo baombo. Bato ba Idumea na ba-Filisti basali se bongo.
I Ma LinVB 3:42  Yudas na bandeko ba ye bamoni mabe malingi kokwela bango, awa basoda ebele bakomi o mokili mwa bango. Bayebi mpe etinda eye mokonzi apesaki basoda ’te baboma bato banso.
I Ma LinVB 3:43  Yango wana balobani : « Totombola lokumu la eko­lo ya biso, tobunda mpo tobikisa bato ba biso na mpe Tempelo esantu. »
I Ma LinVB 3:44  Babengi bato o likita mpo ’te bamilengele mpo ya kobunda, basa­mbela mpe babondela Nzambe, ayokela bango mawa mpe ngolu.
I Ma LinVB 3:45  Yeruzalem ekomi mopotu monene, moto moko azalaki koyingela to kobima wana lisusu te. Banyatinyati ndako esantu, bauta bakomi kofanda o ebombamelo, esika bapagano bazalaki kokutana. Bato ba Yakob bazalaki na esengo lisusu te, nzenze na likembe iyokani lisusu te.
I Ma LinVB 3:46  Banso bayei kosangana o Mispa, eye etalani na Yeruzalem. Liboso ba-Israel bazalaka kosambela wana.
I Ma LinVB 3:47  Mokolo bakomi, balali nzala, balati ngoto, bapakoli mputulu ya makala o mitó, mpe bapasoli bilamba.
I Ma LinVB 3:48  Bali­ngoli buku ya Mobeko mpo ’te bayeba maye bapagano bakotunaka bikeko bya bango bya banzambe ba lokuta.
I Ma LinVB 3:49  Bayei na bilamba bya banganga Nzambe, na mbuma ya yambo ya bilanga, mpe na eteni ya zomi ya biloko binso bya bilanga. Babengi ba-Nazir, baye bakokisi eleko ya elako eye balakelaki Nzambe.
I Ma LinVB 3:50  Batali o likolo mpe babeleli : « Tosala nini na bato baye ? Tokende na bango epai wapi ?
I Ma LinVB 3:51  Banyati mpe basantoli Te­mpelo esantu ya yo. Banganga Nza­mbe bazali na lilaka, bazali koyoka nsoni.
I Ma LinVB 3:52  Bapagano banso bayokani ’te basilisa biso. Oyebi makambo nini balingi kosala biso.
I Ma LinVB 3:53  Boniboni tokolonga bango soko yo okosalisa biso te ? »
I Ma LinVB 3:55  Nsima ya yango Yudas aponi bayangeli : basusu ba bato nkoto yoko, basusu ba bato monkama, basusu ba bato ntuku itano, basusu ba bato zomi.
I Ma LinVB 3:56  Baye bazalaki kotonga ndako, na baye babalaki sika, baye bazalaki na elanga ya vino ya sika, na baye bazalaki kobanga, alingisi bango ’te bazonga o mboka ya bango, lokola Mobeko molingisi.
I Ma LinVB 3:57  Balongwi wana mpe bakei kopika nganda o Sudi ya Emaus.
I Ma LinVB 3:58  Yudas alobi : « Bokamata bibuneli bya bino, bozala na mpiko ! Bomilengele mpo ’te lobi tobanda etumba na bato baye bayokani mpo ya kosilisa biso mpe koboma Tempelo ya biso.
I Ma LinVB 3:59  Eleki malamu tokufa o etumba, kasi tomono te mpasi eye ekokwela ekolo mpe Tempelo ya biso.
I Ma LinVB 3:60  Maye Nzambe alingi kosala, akokokisa mango. »