TpiKJPB - Ruth

Chapter 1

1:1  ¶ Nau em i kamap olsem long taim ol jas i bosim Isrel, long i gat wanpela bikpela taim hangre long dispela hap. Na wanpela man bilong Betlehem-juda i go bilong stap waira long kantri bilong Moap, em, na meri bilong em, na tupela pikinini man bilong em.

1:2  Na nem bilong dispela man em Elimelek, na nem bilong meri bilong en em Neomi, na nem bilong tupela pikinini man bilong en em Malon na Kilion, ol man Efrat bilong Betlehem-juda. Na ol i kam insait long kantri bilong Moap, na stap olsem long dispela hap.

1:3  Na Elimelek, man bilong Neomi, i dai pinis. Na meri i stap yet, na tupela pikinini man bilong em.

1:4  Na tupela i maritim ol meri bilong ol meri bilong Moap. Nem bilong wanpela em Orpa, na nem bilong arapela em Rut. Na ol i sindaun long dispela hap klostu olsem tenpela yia.

1:5  Na Malon na Kilion i dai pinis tu, tupela wantaim. Na meri i stap yet taim tupela pikinini man bilong em na man bilong em i dai pinis.

1:6  ¶ Nau em i kirap wantaim tupela tambu pikinini meri bilong em, inap long em i ken go bek na lusim kantri bilong Moap. Long wanem, em i bin harim long kantri bilong Moap long BIKPELA i bin kam lukim ol lain manmeri bilong Em olsem wanem long givim ol kaikai.

1:7  Olsem na meri i go ausait long ples we em i stap, na tupela tambu pikinini meri bilong em wantaim em. Na ol i go long rot long go bek long hap bilong Juda.

1:8  Na Neomi i tokim tupela tambu pikinini meri bilong em, Goan, yutupela wan wan go bek long haus bilong mama bilong em. BIKPELA i ken mekim gutpela long yutupela, olsem yutupela i bin mekim long ol daiman, na long mi.

1:9  BIKPELA i ken tok orait long yutupela i ken painim malolo, yutupela wan wan, long hauslain bilong man bilong em. Nau em i givim kis long ol. Na ol i apim nek bilong ol, na krai tru.

1:10  Na tupela i tokim em, Tru tumas, mitupela bai go bek wantaim yu i go long lain bilong yu.

1:11  Na Neomi i tok, Tanim gen, tupela pikinini meri bilong mi. Bilong wanem yutupela i laik go wantaim mi? Ating i gat ol pikinini man moa liklik i stap yet long bel bilong mi, inap long ol i ken kamap ol man bilong yutupela?

1:12  Tanim gen, tupela pikinini meri bilong mi, go long rot bilong yutupela. Long wanem, mi lapun tumas long kisim man gen. Sapos mi ken tok, Mi gat hop, na sapos mi ken kisim man gen tu long tude nait, na tu mi ken karim ol pikinini man,

1:13  Ating yutupela bai stap yet inap long ol i kamap bikpela pinis? Ating yutupela bai pas long kisim ol man long wetim ol? Nogat, tupela pikinini meri bilong mi. Long wanem, em i givim bel sori long mi planti, taim mi tingim yutupela, long han bilong BIKPELA i go ausait na birua long mi.

1:14  Na ol i apim nek bilong ol, na krai tru gen. Na Orpa i givim kis long tambu mama bilong em. Tasol Rut i holimpas em strong.

1:15  Na em i tok, Lukim, tambu susa bilong yu i go bek pinis long ol lain bilong em, na long ol god bilong em. Yu mas go bek na bihainim tambu susa bilong yu.

1:16  Na Rut i tok, No ken mekim strongpela askim long mi mas lusim yu, o long mi mas go bek long bihainim yu. Long wanem, wanem ples yu bai go, Mi bai go. Na we yu bai stap, Mi bai stap. Lain bilong yu bai stap lain bilong mi, na God bilong yu bai stap God bilong mi.

1:17  We yu bai dai, mi bai dai, na long dispela hap ol bai planim mi. BIKPELA i mekim olsem long mi, na moa tu, sapos dai wanpela tasol i no brukim yu na mi.

1:18  Taim Neomi i luksave long em i gat strongpela tingting tru long go wantaim em, orait em i no toktok long em moa.

1:19  ¶ Olsem na tupela i go inap long ol i kamap long Betlehem. Na em i kamap olsem, taim ol i kamap long Betlehem, long olgeta bilong biktaun i kirap long sait bilong tupela, na ol i tok, Dispela em i Neomi?

1:20  Na em i tokim ol, No ken kolim mi Neomi, kolim mi Mara. Long wanem, Man i Gat Olgeta Strong i bin mekim samting i pait tru long mi.

1:21  Mi bin go ausait pulap, na BIKPELA i bin bringim mi long ples gen emti. Bilong wanem nau yupela i kolim mi Neomi, taim yupela i luksave olsem BIKPELA i bin tokaut birua long mi, na Man i Gat Olgeta Strong i bin givim hevi long mi?

1:22  Olsem na Neomi i kam bek, na meri Moap Rut, tambu pikinini meri bilong em, wantaim em, husat i kam bek ausait long kantri bilong Moap. Na ol i kam long Betlehem long stat bilong taim bilong kamautim bali.

Chapter 2

2:1  ¶ Na Neomi i gat wanpela kandre bilong man bilong em, wanpela strongpela man bilong bikpela mani samting, bilong famili bilong Elimelek. Na nem bilong en em Boas.

2:2  Na meri Moap Rut i tokim Neomi, Larim mi go nau long bikpela gaden, na mumutim las hap bilong ol ia bilong bali bihain long em husat mi bai painim pinis marimari long ai bilong em. Na em i tokim em, Go, pikinini meri bilong mi.

2:3  Na em i go, na kamap, na mumutim las hap bilong kaikai long bikpela gaden bihain long ol man bilong kamautim kaikai. Na hap bilong em em bilong kamap long wanpela hap bilong bikpela gaden i bilong Boas, husat i kandre bilong Elimelek.

2:4  ¶ Na, lukim, Boas i lusim Betlehem i kam, na tokim ol man bilong kamautim kaikai, BIKPELA i ken stap wantaim yupela. Na ol i bekim tok long em, BIKPELA i ken blesim yu.

2:5  Nau Boas i askim wokboi bilong em husat em i putim long bosim ol man bilong kamautim kaikai, Dispela yangpela meri em i bilong husat?

2:6  Na wokboi husat em i putim long bosim ol man bilong kamautim kaikai i bekim na tok, Em i dispela yangpela meri Moap husat i kam bek wantaim Neomi ausait long kantri bilong Moap.

2:7  Na meri i bin tok, Mi askim yu plis, larim mi mumutim las hap bilong kaikai na bungim namel long ol mekpas bihain long ol man bilong kamautim kaikai. Olsem tasol em i kam, na em i bin stap olsem, yes, i stat long moning i kam inap long nau, long em i stap yet liklik insait long haus.

2:8  Nau Boas i tokim Rut, Ating i yes long yu harim, pikinini meri bilong mi? No ken go mumutim las hap bilong kaikai long narapela bikpela gaden, o lusim hia, tasol stap hia pas klostu long ol yangpela meri bilong mi.

2:9  Larim tupela ai bilong yu stap long dispela bikpela gaden ol i kamautim kaikai long en, na yu go bihainim ol. Ating i yes long mi bin givim tok long ol yangpela man long ol bai i no ken tasim yu? Na taim yu stap nekdrai, go long ol sospen samting, na dring long dispela samting ol yangpela man i bin pulimap.

2:10  Nau meri i pundaun long pes bilong em, na lindaunim em yet long graun, na tokim em olsem, Bilong wanem mi bin painim pinis marimari long tupela ai bilong yu, inap long yu ken luksave long mi, taim yu luksave olsem mi ausait meri?

2:11  Na Boas i bekim na tokim em, Ol i bin soim mi olgeta long olgeta samting yu bin mekim long tambu mama bilong yu, long taim man bilong yu i dai pinis i kam inap long nau, na long yu bin lusim papa bilong yu na mama bilong yu olsem wanem, na hap we mama i bin karim yu, na yu bin kam long wanpela lain manmeri husat yu no save long ol bipo.

2:12  BIKPELA i ken bekim pe long wok bilong yu, na wanpela pe i pulap God BIKPELA bilong Isrel i ken givim long yu, aninit long ol wing bilong husat yu bin putim bilip bilong yu.

2:13  Nau meri i tok, Larim mi painim gutpela amamas long ai bilong yu, bikman bilong mi. Long dispela, yu bin givim bel isi long mi, na long dispela, yu bin toktok olsem pren long wokmeri bilong yu, maski mi no stap olsem wanpela bilong ol wokmeri bilong yu.

2:14  Na Boas i tokim em, Long taim bilong kaikai yu kam long hia, na kaikai long bret, na putim hap bret bilong yu liklik long vinega. Na meri i sindaun klostu long ol man bilong kamautim kaikai. Na man i givim bali i drai olgeta long meri, na meri i bin kaikai, na em i inap, na sampela i stap yet.

2:15  Na taim meri i kirap long go mumutim las hap bilong kaikai, Boas i mekim strongpela tok long ol yangpela man bilong em, i spik, Larim meri mumutim las hap kaikai, yes, namel long ol mekpas, na no ken givim sem long em.

2:16  Na larim i pundaun tu sampela han i pulap bilong helpim em, na lusim ol, inap long em i ken mumutim las hap bilong kaikai bilong ol, na no ken hatim em.

2:17  ¶ Olsem na meri i mumutim las hap bilong kaikai long bikpela gaden inap long apinun tru, na paitim dispela em i bin mumutim. Na dispela i kamap klostu olsem wanpela ifa bilong bali.

2:18  Na em i kisim dispela, na em i go insait long biktaun. Na tambu mama bilong em i lukim wanem samting em i bin mumutim. Na em i bringim ausait, na givim long em dispela em i bin holim bek bihain long em i kisim inap.

2:19  Na tambu mama bilong em i askim em, Yu bin mumutim las hap bilong kaikai we tude? Na yu wok we? Blesing i stap long em husat i bin luksave long yu. Na em i soim tambu mama bilong em long em i bin wok wantaim husat, na tok, Nem bilong man husat mi wok wantaim tude em Boas.

2:20  Na Neomi i tokim tambu pikinini meri bilong em, Blesing i stap long em long BIKPELA, husat i no bin lusim gutpela pasin bilong em long ol lain i stap laip na long ol lain i dai pinis. Na Neomi i tokim em, Dispela man em i wanpela kandre klostu bilong yumi, wanpela kandre klostu tru bilong yumi.

2:21  Na meri Moap Rut i tok, Em i tokim mi tu, Yu bai stap pas klostu long ol yangpela man bilong mi, inap long ol i bin kamautim pinis olgeta kaikai bilong mi.

2:22  Na Neomi i tokim tambu pikinini meri bilong em Rut, Em i gutpela, pikinini meri bilong mi, long yu go ausait wantaim ol yangpela meri bilong em, inap long ol i no bungim yu long wanpela arapela bikpela gaden.

2:23  Olsem na em i stap pas klostu long ol yangpela meri bilong Boas long mumutim las hap bilong kaikai inap long pinis bilong taim bilong kamautim bali na bilong kamautim wit. Na em i stap wantaim tambu mama bilong em.

Chapter 3

3:1  ¶ Nau Neomi, tambu mama bilong em, i tokim em, Pikinini meri bilong mi, ating i yes long mi bai i painim malolo bilong yu, inap long em i ken stap gutpela long yu?

3:2  Na nau ating i yes long Boas, man husat yu stap wantaim ol yangpela meri bilong em, i bilong ol kandre bilong yumi? Lukim, em bai klinim ol bali long tude nait long plua bilong klinim bali.

3:3  Olsem na wasim yu yet, na welim yu, na putim klos bilong yu antap long yu, na kisim yu i go daun long dispela plua. Tasol no ken soim yu yet long dispela man, inap long bai em i bin kaikai na dring pinis.

3:4  Na em bai kamap olsem, taim em i slipim bodi bilong em, long yu bai luksave long ples we em bai slip, na yu bai go insait, na rausim samting long tupela lek bilong em, na slipim bodi bilong yu. Na em bai tokim yu long yu bai mekim wanem samting.

3:5  Na em i tokim em, Olgeta samting yu tokim mi mi bai mekim.

3:6  ¶ Na em i go daun long dispela plua, na mekim bilong bihainim olgeta samting tambu mama bilong em i tokim em.

3:7  Na taim Boas i bin kaikai na dring pinis, na bel bilong em i amamas, em i go bilong slipim bodi long arere bilong hip bali samting. Na meri i kam isi isi, na rausim samting long tupela lek bilong em, na slipim bodi bilong em.

3:8  Na em i kamap olsem long belo biknait, long man em i pret, na tanim em yet. Na, lukim, wanpela meri i slip long tupela lek bilong em.

3:9  Na em i tok, Yu husat? Na meri i bekim tok, Mi Rut, wokmeri bilong yu. Olsem na opim laplap bilong yu antap long wokmeri bilong yu. Long wanem, yu wanpela kandre klostu.

3:10  Na em i tok, Blesing bilong BIKPELA i stap long yu, pikinini meri bilong mi. Long wanem, yu bin soim gutpela pasin moa long las hap long yu bin soim long stat, bikos yu no bihainim ol yangpela man, sapos ol i rabisman o maniman.

3:11  Na nau, pikinini meri bilong mi, no ken pret. Mi bai mekim long yu olgeta samting yu strong long askim. Long wanem, olgeta bilong biktaun bilong ol lain bilong mi i save long yu stap wanpela meri i gat gutpela pasin.

3:12  Na nau em i tru long mi kandre klostu bilong yu. Tasol i gat wanpela kandre husat i klostu moa long mi.

3:13  Stap yet dispela nait, na em bai kamap olsem long moning, long sapos em i laik mekim long yu dispela wok bilong kandre, gutpela. Larim em i wokim wok bilong kandre. Tasol sapos em i no laik mekim wok bilong kandre long yu, orait mi bai mekim wok bilong kandre long yu, olsem BIKPELA i stap laip. Slipim bodi bilong yu inap long moning.

3:14  ¶ Na meri i slip long tupela lek bilong em inap long moning. Na meri i kirap bipo long wanpela i ken save long narapela. Na man i tok, No ken larim ol lain i save long wanpela meri i kam insait long plua.

3:15  Na tu em i tok, Bringim dispela laplap bilong pes yu gat antap long yu, na holim dispela. Na taim meri i holim dispela, em i skelim sikispela skel bilong bali, na slipim dispela antap long em. Na meri i go insait long biktaun.

3:16  Na taim em i kam long tambu mama bilong em, em i tok, Yu husat, pikinini meri bilong mi? Na em i tokim em long olgeta samting dispela man i bin mekim long em.

3:17  Na em i tok, Dispela sikispela skel bali em i givim mi. Long wanem, em i tokim mi, No ken i go emti long tambu mama bilong yu.

3:18  Nau em i tok, Sindaun isi, pikinini meri bilong mi, inap long yu save long samting bai kamap olsem wanem. Long wanem, dispela man i no inap malolo gut, inap long em i bin pinisim samting tude.

Chapter 4

4:1  ¶ Nau Boas i go antap, long dua bilong banis, na sindaunim em yet long dispela hap. Na, lukim, dispela kandre husat Boas i bin toktok long em i kam klostu, long husat Boas i tok, Oloman, kain man olsem! Tanim long sait, sindaun long hia. Na em i tanim long sait na sindaun.

4:2  Na em i kisim tenpela man bilong ol lapun hetman bilong biktaun, na tok, Yupela sindaun hia. Na ol i sindaun.

4:3  Na em i tokim kandre, Neomi, husat i kam gen ausait long kantri bilong Moap, i salim wanpela hap graun, dispela i bilong brata bilong yumi Elimelek bipo.

4:4  Na mi tingting long toksave long yu, i spik, Baim dispela long ai bilong ol man i stap long hia, na long ai bilong ol lapun hetman bilong ol lain bilong mi. Sapos yu laik baim bek, baim bek. Tasol sapos yu no gat laik long baim bek, orait tokim mi, inap long mi ken save. Long wanem, i no gat narapela long yu bilong baim bek dispela. Na mi bihain long yu. Na em i tok, Mi bai baim bek.

4:5  Nau Boas i tok, Wanem de yu baim bikpela gaden long han bilong Neomi, yu mas baim tu long meri Moap Rut, meri bilong daiman, long kirapim nem bilong daiman antap long graun papa i givim pikinini bilong em.

4:6  Na dispela kandre i tok, Mi no ken baim bek dispela long mi yet, nogut mi bagarapim samting papa i givim pikinini bilong mi yet. Yu kisim rait bilong mi bilong baim bek long yu yet. Long wanem, mi no ken baim bek dispela.

4:7  Nau dispela em i kastam long taim bipo long Isrel long sait bilong baim bek na long sait bilong senisim, bilong tok yes long olgeta samting. Wanpela man i save rausim su bilong em, na givim long man i stap klostu long em. Na dispela em i wanpela testimoni insait long Isrel.

4:8  Olsem na dispela kandre i tokim Boas, Baim dispela bilong yu. Olsem na em i rausim su bilong em.

4:9  ¶ Na Boas i tokim ol lapun hetman, na olgeta manmeri, Yupela i stap ol witnes tude, long mi bin baim olgeta samting i bilong Elimelek, na olgeta samting i bilong Kilion na Malon, long han bilong Neomi.

4:10  Na moa tu meri Moap Rut, meri bilong Malon, mi bin baim bilong kamap meri bilong mi, bilong kirapim nem bilong daiman antap long graun papa i givim pikinini bilong em, inap long nem bilong daiman i no ken bruk pinis long namel long ol brata bilong em, na long dua bilong banis bilong ples bilong em. Yupela i stap ol witnes tude.

4:11  Na olgeta manmeri husat i stap long dua bilong banis, na ol lapun hetman, i tok, Mipela i stap ol witnes. BIKPELA i ken mekim dispela meri husat i kam insait long haus bilong yu wankain olsem Resel na wankain olsem Lia, tupela husat i bin wokim hauslain bilong Isrel. Na yu mekim gutpela wok long Efrata, na kisim biknem long Betlehem.

4:12  Na larim hauslain bilong yu stap olsem hauslain bilong Feres, husat Temar i karim long Juda, long dispela tumbuna pikinini BIKPELA bai givim yu long dispela yangpela meri.

4:13  ¶ Olsem na Boas i kisim Rut, na em i stap meri bilong em. Na taim em i go long em, BIKPELA i larim em i kisim bel, na em i karim wanpela pikinini man.

4:14  Na ol meri i tokim Neomi, Blesing i stap long BIKPELA, husat i no bin lusim yu tude, long yu no gat wanpela kandre, inap long nem bilong em i ken kamap bikpela long Isrel.

4:15  Na em bai stap long yu olsem man bilong givim bek laip bilong yu, na man bilong givim kaikai long yu long taim lapun bilong yu. Long wanem, tambu pikinini meri bilong yu, husat i laikim yu tru, husat i gutpela moa long yu long sevenpela pikinini man, i bin karim em.

4:16  Na Neomi i kisim dispela pikinini, na slipim em long bros bilong em, na kamap wasmama bilong em.

4:17  Na ol meri i stap klostu long em i givim em nem, i spik, I gat wanpela pikinini man meri i karim long Neomi. Na ol i kolim nem bilong em Obet. Em i papa bilong Jesi, papa bilong Devit.

4:18  Nau dispela em i ol lain tumbuna bilong Feres. Feres i kamapim Hesron,

4:19  Na Hesron i kamapim Ram, na Ram i kamapim Aminadap,

4:20  Na Aminadap i kamapim Nason, na Nason i kamapim Salmon.

4:21  Na Salmon i kamapim Boas, na Boas i kamapim Obet,

4:22  Na Obet i kamapim Jesi, na Jesi kamapim Devit.