Site uses cookies to provide basic functionality.

OK
PSALMS
Prev Up Next
Chapter 71
Psal NorSMB 71:1  Til deg, Herre, flyr eg, lat meg aldri verta til skammar!
Psal NorSMB 71:2  Fria meg ut og berga meg ved di rettferd, bøyg ditt øyra til meg og frels meg!
Psal NorSMB 71:3  Ver meg eit berg til å bu på, der eg alltid kann koma! Du hev påbode frelsa for meg, for du er mitt fjell og mi festning.
Psal NorSMB 71:4  Min Gud, berga meg frå handi til den ugudlege, frå hans neve som er urettferdig og gjer valdsverk!
Psal NorSMB 71:5  For du er den eg vonar på, Herre, Herre, den eg set mi lit til alt frå ungdomen.
Psal NorSMB 71:6  På deg hev eg studt meg alt frå morsfanget; du er den som drog meg ut or morslivet, um deg vil eg alltid syngja min lovsong.
Psal NorSMB 71:7  Som eit under hev eg vore for mange; men du er mi sterke borg.
Psal NorSMB 71:8  Min munn er full av ditt lov, av di æra heile dagen.
Psal NorSMB 71:9  Kasta meg ikkje burt i min alderdom, forlat meg ikkje når mi kraft vert til inkjes!
Psal NorSMB 71:10  For mine fiendar hev sagt um meg, og dei som lurar på mi sjæl, legg råder i hop,
Psal NorSMB 71:11  og segjer: «Gud hev forlate honom; forfylg honom og tak honom, for det er ingen som bergar!»
Psal NorSMB 71:12  Gud, ver ikkje langt frå meg! Min Gud, kom meg snart til hjelp!
Psal NorSMB 71:13  Lat deim som stend etter mitt liv, verta til skammar og ganga til grunnar! Lat deim som søkjer mi ulukka, verta klædde i spott og skam!
Psal NorSMB 71:14  Men eg vil alltid venta, og stødt vil eg lova deg meir og meir.
Psal NorSMB 71:15  Min munn skal fortelja um di rettferd, um di frelse all dagen, for eg veit ikkje tal på deim.
Psal NorSMB 71:16  Eg vil koma fram med Herrens, Herrens velduge verk, eg vil forkynna di rettferd, berre di.
Psal NorSMB 71:17  Gud, du hev lært meg upp alt frå ungdomen, og til dessa kunngjer eg dine undergjerningar.
Psal NorSMB 71:18  Forlat meg då ikkje heller når eg vert gamall og grå, du Gud, til dess eg fær forkynna um din arm til ei onnor ætt, um di magt til kvar den som skal koma.
Psal NorSMB 71:19  Og di rettferd, Gud, når upp til det høge, du Gud, som hev gjort store ting, kven er som du?
Psal NorSMB 71:20  Du som hev late oss sjå mange trengslor og ulukkor, du vil gjera oss livande att og draga oss upp att or dypterne i jordi.
Psal NorSMB 71:21  Du vil lata meg veksa og vil venda um og trøysta meg.
Psal NorSMB 71:22  So vil eg prisa deg med harpespel, din truskap, min Gud! Eg vil syngja deg lov med cither, du Israels Heilage.
Psal NorSMB 71:23  Mine lippor skal fegnast når eg syng deg lov, og mi sjæl, som du hev løyst ut.
Psal NorSMB 71:24  Ogso tunga mi skal heile dagen kveda ut di rettferd, for dei hev vorte til skam og spott, dei som søkjer mi ulukka.