CopSahBible2 - Joel

Chapter 1

1:1  ⲛϣⲁϫⲉ ⲙⲡϫⲟⲉⲓⲥ ⲉⲛⲧⲁϥϣⲱⲡ ϣⲁ ⲉⲓⲱⲏⲗ ⲡϣⲏⲣⲉ ⲛⲃⲁⲑⲟⲩⲏⲗ

1:2  ⲥⲱⲧⲙ ⲉⲛⲁⲓ ⲡⲉⲡⲣⲉⲥⲃⲏⲧⲉⲣⲟⲥ ⲁⲩⲱ …

1:13  ⲙⲏⲣⲧⲏⲩⲧⲛ ⲛϩⲉⲛϭⲟⲟⲩⲛⲉ ⲛⲟⲩⲏⲏⲃ ⲛⲧⲉⲧⲛⲛⲉϩⲡⲉ ⲛⲧⲉⲧⲛⲧⲟⲉⲓⲧ ⲛⲉⲧϣⲙϣⲉ ⲙⲡⲉⲑⲩⲥⲓⲁⲥⲧⲏⲣⲓⲟⲛ ⲃⲱⲕ ⲉϩⲟⲩⲛ ⲛⲉⲧⲉⲧⲛⲛⲕⲟⲧⲕ ϩⲛ ⲛϭⲟⲟⲩⲛⲉ ⲛⲉⲧϣⲙϣⲉ ⲙⲡⲛⲟⲩⲧⲉ ϫⲉ ⲁⲩⲱϫⲛ ⲉⲃⲟⲗ ϩⲙ ⲡⲏⲓ ⲙⲡⲛⲟⲩⲧⲉ ⲛϭⲓ ⲛⲉⲑⲩⲥⲓⲁ ⲙⲡⲟⲩⲱⲧⲛ ⲉⲃⲟⲗ

1:14  ⲧⲃⲃⲟ ⲛⲟⲩⲛⲏⲥⲧⲓⲁ ⲛⲧⲉⲧⲛⲧⲁϣⲉⲟⲉⲓϣ ⲛⲟⲩϣⲙϣⲉ ⲛⲧⲉⲧⲛⲥⲱⲟⲩϩ ⲉϩⲟⲩ ⲛⲛϩⲗⲗⲟ ⲛⲉⲧⲟⲩⲏϩ ⲧⲏⲣⲟⲩ ϩⲙ ⲡⲕⲁϩ ⲉϩⲟⲩⲛ ⲉⲡⲏⲓ ⲙⲡϫⲟⲉⲓⲥ ⲛⲧⲉⲧⲛϫⲓϣⲕⲁⲕ ⲉⲃⲟⲗ ⲉⲙⲁⲧⲉ ϫⲉ

1:15  ⲟⲩⲟⲓ ⲛⲁⲓ ⲟⲩⲟⲓ ⲛⲁⲓ ϫⲉ ⲡⲉϩⲟⲟⲩ ⲙⲡϫⲟⲉⲓⲥ ϫⲉ ⲉϩⲏⲛ ⲉϩⲟⲩⲛ ⲛϭⲓ ⲡⲉϩⲟⲟⲩ ⲙⲡϫⲟⲉⲓⲥ ⲁⲩⲱ ϥⲛⲁⲉⲓ ⲛⲑⲉ ⲛⲟⲩⲧⲁⲗⲁⲓⲣⲱⲣⲓⲁ

1:16  ⲙⲏ ⲛⲧⲁⲩϥⲓ ⲛⲛⲉϩ ϩⲣⲏⲩⲉ ⲙⲡⲉⲧⲛⲙⲧⲟ ⲉⲃⲟⲗ ϩⲓⲃⲟⲗ ϩⲙ ⲡⲏⲓ ⲙⲡⲉⲧⲛⲛⲟⲩⲧⲉ ⲁⲩⲱ ⲟⲩⲟⲩⲛⲟϥ ⲙⲛ ⲟⲩⲣⲁϣⲉ

Chapter 2

2:1  ϯⲛⲁϣⲧⲟⲣⲧⲣ ⲛⲛⲉⲧⲟⲩⲏϩ ⲧⲏⲣⲟⲩ ϩⲓϫⲙ ⲡⲕⲁϩ ⲉⲃⲟⲗϫⲉ ⲁϥⲓ ⲛϭⲓ ⲡⲉϩⲟⲟⲩ ⲙⲡϫⲟⲉⲓⲥ

2:2  ϫⲉ ⲉϥϩⲏⲛ ⲉϩⲟⲩⲛ ⲛϭⲓ ⲟⲩϩⲟⲟⲩ ⲛⲕⲁⲕⲉ ϩⲓ ϭⲟⲥⲙ ⲟⲩϩⲟⲟⲩ ⲛⲕⲗⲟⲟⲗⲉ ϩⲓ ⲕⲣⲙⲧⲥ ϥⲛⲁⲡⲱⲣϣ ⲛⲑⲉ ⲙⲡⲛⲟⲩ ⲛⲥⲱⲣⲡ ϩⲓϫⲛ ⲛⲧⲟⲟⲩ ⲛϭⲓ ⲟⲩⲗⲁⲟⲥ ⲉϥⲟϣ ⲁⲩⲱ ⲉϥⲧⲁϫⲣⲏⲩ ⲙⲡⲉ ⲟⲩⲟⲛ ⲛⲓⲙ ϣⲱⲡⲉ ⲉϥⲉⲓⲛⲉ ⲙⲙⲟϥ ϫⲓⲛ ⲛϣⲟⲣⲡ ⲁⲩⲱ ⲙⲛⲛⲥⲁ ⲛⲁⲓ ⲙⲛ ⲟⲩⲟⲛ ⲛⲓⲙ ⲛⲁϣⲱⲡⲉ ⲛⲧⲉϥϩⲉ ϣⲁ ϩⲛⲣⲟⲙⲡⲉ ⲛϩⲉⲛϫⲱⲙ ⲛϫⲱⲙ

2:3  ⲟⲩⲕⲱϩⲧ ⲉϥⲟⲩⲱⲙ ⲡⲉⲧϩⲓ ϩⲏ ⲙⲙⲟϥ ⲁⲩⲱ ⲟⲩϣⲁϩ ⲉϥⲙⲟⲩϩ ⲡⲉⲧϩⲓ ⲡⲁϩⲟⲩ ⲙⲙⲟϥ

2:10  ⲁⲩⲱ ⲧⲡⲉ ⲛⲁⲛⲟⲉⲓⲛ ⲡⲣⲏ ⲙⲛ ⲡⲟⲟϩ ⲛⲁⲣϩⲏⲃⲉ ⲁⲩⲱ ⲛⲥⲓⲟⲩ ⲛⲥⲉⲛⲁϯ ⲁⲛ ⲙⲡⲉⲩⲟⲩⲟⲉⲓⲛ

2:11  ⲁⲩⲱ ⲡϫⲟⲉⲓⲥ ⲛⲁϯ ⲙⲡⲉϥϩⲣⲟⲟⲩ ⲙⲡⲉⲙⲧⲟ ⲉⲃⲟⲗ ⲛⲧⲉϥϭⲟⲙ ϫⲉ ⲟⲩⲛⲟϭ ⲉⲙⲁⲧⲉ ⲡⲉ ⲡⲉϩⲟⲟⲩ ⲙⲡϫⲟⲉⲓⲥ ⲟⲩⲛⲟϭ ⲡⲉ ⲉϥϩⲁ ϩⲟⲧⲉ ⲉϥⲟⲩⲟⲛϩ ⲉⲃⲟⲗ ⲁⲩⲱ ⲛⲓⲙ ⲡⲉⲧⲛⲁϣϥⲓ ϩⲁⲣⲟϥ

2:19  … ⲡⲏⲣⲡ ⲙⲛ ⲡⲛⲉϩ ⲛⲧⲉⲧⲛⲧⲥⲓⲱⲧⲛ ⲙⲙⲟⲩ ⲁⲩⲱ ⲛϯⲛⲁϯⲧⲏⲩⲧⲛ ϭⲉ ⲁⲛ ⲉⲩⲛⲟϭⲛⲉϭ ϩⲛ ⲛϩⲉⲑⲛⲟⲥ

2:20  ⲁⲩⲱ ⲡⲉⲃⲟⲗ ϩⲙ ⲡⲉⲙϩⲓⲧ ϯⲛⲁⲛⲟϫϥ ⲉⲃⲟⲗ ⲙⲙⲱⲧⲛ ⲁⲩⲱ ϯⲛⲁⲛⲟϫϥ ⲉϩⲣⲁⲓ ⲉⲩⲕⲁϩ ⲉⲙⲛ ⲙⲟⲟⲩ ⲛϩⲏⲧϥ ϯⲛⲁⲧⲁⲕⲟ ⲙⲡⲉϥϩⲟ ⲉϩⲣⲁⲓ ⲉⲧⲉⲑⲁⲗⲁⲥⲥⲁ ⲛϣⲟⲣⲡ ⲁⲩⲱ ⲡⲉϥⲡⲁϩⲟⲩ ⲉϩⲣⲁⲓ ⲉⲧⲉⲑⲁⲗⲁⲥⲥⲁ ⲛϩⲁⲏ ⲡⲉϥⲧⲁⲕⲟ ⲛⲁⲉⲓ ⲉϩⲣⲁⲓ ⲉⲩⲱ ⲡⲉϥϣⲛⲟϣ ⲛⲁⲉⲓ ⲉϩⲣⲁⲓ ⲉⲃⲟⲗ ϫⲉ ⲁϥⲧⲁϣⲉ ⲛⲉϥϩⲃⲏⲩⲉ

2:21  ⲡⲕⲁϩ ⲧⲱⲕ ⲛϩⲏⲧ ⲣⲁϣⲉ ⲁⲩⲱ ⲛⲅⲟⲩⲛⲟϥ ϫⲉ ⲁ ⲡϫⲟⲉⲓⲥ ϫⲓⲥⲉ ⲉⲧⲣⲉϥⲉⲓⲣⲉ

2:22  ⲛⲕⲉⲧⲃⲛⲟⲟⲩⲉ ⲛⲧⲥⲱϣⲉ ⲧⲱⲕ ⲛϩⲏⲧ ϫⲉ ⲁⲩϯⲟⲩⲱ ⲉϩⲣⲁⲓ ⲛϭⲓ ⲛⲣⲱⲧ ⲛⲧⲉⲣⲏⲙⲟⲥ ⲟⲩϣⲏⲛ ⲁϥⲧⲁⲩⲟ ⲉⲃⲟⲗ ⲙⲡⲉϥⲕⲁⲣⲡⲟⲥ ⲧⲃⲱ ⲛⲉⲗⲟⲟⲗⲉ ⲙⲛ ⲧⲃⲱ ⲛⲕⲛⲧⲉ ⲁⲩϯ ⲛⲩⲥⲩϭⲟⲙ

2:23  ⲛϣⲏⲣⲉ ⲛⲥⲓⲱⲛ ⲣⲁϣⲉ ⲛⲧⲉⲧⲛⲉⲩⲫⲣⲁⲛⲉ ⲉϫⲙ ⲡϫⲟⲉⲓⲥ ⲡⲉⲧⲛⲛⲟⲩⲧⲉ ϫⲉ ⲁϥϯⲛⲏⲧⲛ ⲛⲛⲉⲧⲉⲧⲛⲁⲟⲩⲟⲙⲟⲩ ⲉⲩⲇⲓⲕⲁⲓⲟⲥⲩⲛⲏ ⲁⲩⲱ ϥⲛⲁϩⲱⲟⲩ ⲛⲏⲧⲛ ⲙⲡⲟⲩⲙⲡⲉ ⲛϣⲟⲣⲡ ⲁⲩⲱ ⲛϩⲁⲉ ⲛⲑⲉ ⲟⲛ ⲛⲧⲉϩⲟⲩⲉⲓⲧⲉ

2:24  ⲛⲧⲉ ⲛⲉϫⲛⲟⲟⲩ ⲙⲟⲩϩ ⲛⲥⲟⲩⲟ ⲁⲩⲱ ⲛⲉⲓⲟⲙ ⲥⲉⲛⲁⲣϩⲟⲩⲟ ⲡⲱⲱⲛ ⲉⲃⲟⲗ ϩⲁ ⲡⲏⲣⲡ ⲙⲛ ⲡⲛⲉϩ

2:25  ϯⲛⲁⲧⲱⲱⲃⲉ ⲛⲏⲧⲛ ⲉⲡⲙⲁ ⲛⲛⲣⲟⲙⲡⲉ ⲉⲛⲧⲁϥⲟⲩⲟⲙⲟⲩ ⲛϭⲓ ⲡⲉϣϫⲉ ⲙⲛ ⲛⲉⲃⲣⲟⲩⲭⲟⲥ ⲙⲛ ⲡⲡⲏⲣϣ ⲙⲛ ⲡⲕⲟⲟⲙⲉϥ ⲧⲁⲛⲟϭ ⲛϭⲟⲙ ⲉⲛⲧⲁⲓⲧⲛⲛⲟⲟⲩⲥ ⲉϩⲟⲩⲛ ⲉⲣⲱⲧⲛ

2:26  ⲛⲧⲉⲧⲛⲟⲩⲱⲙ ϩⲛ ⲟⲩⲟⲩⲱⲱⲙ ⲛⲧⲉⲧⲛⲧⲥⲓⲱⲧⲛ ⲙⲙⲟⲩ ⲛⲧⲉⲧⲛⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ ⲡⲉⲧⲛⲛⲟⲩⲧⲉ ϩⲁ ⲛⲉⲛⲧⲁϥⲁⲁⲩ ⲛⲙⲙⲏⲧⲛ ⲉϩⲉⲛϣⲡⲏⲣⲉ ⲛϥⲧⲙϫⲓ ϣⲓⲡⲉ ⲛϭⲓ ⲡⲁⲗⲁⲟⲥ ϣⲁ ⲉⲛⲉϩ

2:27  ⲛⲧⲉⲧⲛⲉⲓⲙⲉ ϫⲉ ⲁⲛⲟⲕ ϯ ϩⲛ ⲧⲙⲏⲧⲉ ⲙⲡ ⲁⲩⲱ ⲁⲛⲟⲕ ⲡⲉ ⲡϫⲟⲉⲓⲥ ⲡⲉⲧⲛⲛⲟⲩⲧⲉ ⲙⲙⲛ ⲕⲉⲟⲩⲁ ⲛⲃⲗⲗⲁⲓ ⲛⲥⲉⲧⲙϫⲓ ϣⲓⲡⲉ ϫⲓⲛ ⲡⲉⲓⲛⲁⲩ ⲛϭⲓ ⲡⲁⲗⲁⲟⲥ ϣⲁ ⲉⲛⲉϩ

Chapter 3

3:1  ⲁⲩⲱ ⲥⲛⲁϣⲱⲡⲉ ⲙⲛⲛⲥⲁ ⲛⲁⲓ ϯⲛⲁⲡⲱϩⲧ ⲉⲃⲟⲗ ϩⲙ ⲡⲁ ⲉϫⲛ ⲥⲁⲣⲝ ⲛⲓⲙ ⲛⲥⲉⲡⲣⲟⲫⲏⲧⲉⲩⲉ ⲛϭⲓ ⲛⲉⲧⲛϣⲏⲣⲉ ⲙⲛ ⲛⲉⲧⲛϣⲉⲉⲣⲉ ⲁⲩⲱ ⲛⲉⲧⲛϩⲗⲗⲟ ⲥⲉⲛⲁⲡⲱⲱⲣⲉ ⲛϩⲉⲛⲣⲁⲥⲟⲩ ⲁⲩⲱ ⲛⲉⲧⲛϩⲣϣⲓⲣⲉ ⲥⲉⲛⲁⲛⲁⲩ ⲉϩⲉⲛϩⲟⲣⲁⲥⲓⲥ

3:2  ⲛⲁⲕⲉϩⲙϩⲁⲗ ⲛϩⲟⲟⲩⲧ ⲙⲛ ⲛⲁⲕⲉϩⲙϩⲁⲗ ⲛⲥⲉϩⲓⲙⲉ ϩⲛ ⲛⲉϩⲟⲟⲩ ⲉⲧⲙⲙⲁⲩ ϯⲛⲁⲡⲱϩⲧ ⲉϫⲱⲟⲩ ⲉⲃⲟⲗ ϩⲙ ⲡⲁ ⲛⲥⲉⲡⲣⲟⲫⲏⲧⲉⲩⲉ

3:3  ⲛⲧⲁϯ ⲛϩⲉⲛϣⲡⲏⲣⲉ ϩⲛ ⲧⲡⲉ ⲛⲧⲡⲉ ⲁⲩⲱ ϩⲉⲛⲙⲁⲉⲓⲛ ⲙⲡⲉⲥⲏⲧ ϩⲓϫⲙ ⲡⲕⲁϩ ⲉⲟⲩⲥⲛⲟϥ ⲙⲛ ⲟⲩⲕⲱϩⲧ ⲙⲛ ⲟⲩⲗϩⲱⲃ ⲛⲕⲁⲡⲛⲟⲥ

3:4  ⲡⲣⲏ ⲛⲁⲕⲟⲧϥ ⲉⲩⲕⲁⲕⲉ ⲁⲩⲱ ⲡⲟⲟϩ ⲉⲩⲥⲛⲟϥ ⲉⲙⲡⲁⲧϥⲉⲓ ⲛϭⲓ ⲡⲛⲟϭ ⲛϩⲟⲟⲩ ⲙⲡϫⲟⲉⲓⲥ ⲉⲧⲟⲩⲱⲛϩ ⲉⲃⲟⲗ

3:5  ⲁⲩⲱ ⲥⲛⲁϣⲱⲡⲉ ⲟⲩⲟⲛ ⲛⲓⲙ ⲉⲧⲛⲁⲉⲡⲓⲕⲁⲗⲉⲓ ⲙⲡⲣⲁⲛ ⲙⲡϫⲟⲉⲓⲥ ϥⲛⲁⲟⲩϫⲁⲓ ϫⲉ ϥⲛⲁϣⲱⲡⲉ ⲛϭⲓ ⲡⲉⲧⲛⲁⲟⲩϫⲁⲓ ϩⲙ ⲡⲧⲟⲟⲩ ⲛⲥⲉⲓⲱⲛ ⲁⲩⲱ ϩⲛ ⲑ ⲉⲃⲟⲗ ϫⲉ ⲁ ⲡϫⲟⲉⲓⲥ ϫⲟⲟⲥ ⲁⲩⲱ ⲡⲉⲧⲉⲩⲁⲅⲅⲉⲗⲓⲍⲉ ⲛⲛⲉⲛⲧⲁ ⲡϫⲟⲉⲓⲥ ⲧⲁϩⲙⲟⲩ

Chapter 4

4:1  ϫⲉ ⲉⲓⲥϩⲏⲏⲧⲉ ⲁⲛⲟⲕ ϩⲛ ⲛⲉϩⲟⲟⲩ ⲉⲧⲙⲙⲁⲩ ⲁⲩⲱ ϩⲙ ⲡⲉⲟⲩⲟⲉⲓϣ ⲉⲧⲙⲙⲁⲩ ⲉⲓϣⲁⲛⲕⲧⲟ ⲛⲧⲁⲓⲭⲙⲁⲗⲱⲥⲓⲁ ⲛⲓⲟⲩⲇⲁ ⲙⲛ ⲑⲓⲉⲣⲟⲩⲥⲁⲗⲏⲙ

4:2  ϯⲛⲁⲥⲱⲟⲩϩ ⲉϩⲟⲩⲛ ⲛⲛϩⲉⲑⲛⲟⲥ ⲧⲏⲣⲟⲩ ⲛⲧⲁⲛⲧⲟⲩ ⲉϩⲣⲁⲓ ⲉⲡⲉⲓⲁ ⲛⲓⲱⲥⲁⲫⲁⲧ ⲛⲧⲁϫⲓ ϩⲁⲡ ⲛⲙⲙⲁⲩ ϩⲙ ⲡⲙⲁ ⲉⲧⲙⲙⲁⲩ ⲉⲧⲃⲉ ⲡⲁⲗⲁⲟⲥ ⲙⲛ ⲧⲁⲕⲗⲏⲣⲟⲛⲟⲙⲓⲁ ⲡ ⲛⲁⲓ ⲉⲛⲧⲁⲩϫⲟⲟⲣⲟⲩ ⲉⲃⲟⲗ ϩⲛ ⲛϩⲉⲑⲛⲟⲥ ⲁⲩⲱ ⲡⲁⲕⲁϩ ⲁⲩⲡⲟϣϥ ⲉϩⲣⲁⲩ

4:3  ⲁⲩⲛⲉϫ ⲕⲗⲏⲣⲟⲥ ⲉϫⲙ ⲡⲁⲗⲁⲟⲥ ⲁⲩⲱ ⲁⲩϯ ⲛⲛϣⲏⲣⲉ ϣⲏⲙ ⲉⲩⲡⲣⲟⲛⲉⲓⲁ ⲁⲩⲱ ⲛϣⲉⲉⲣⲉ ϣⲏⲙ ⲁⲩⲧⲧⲁⲩ ⲉⲃⲟⲗ ϩⲁ ⲟⲩⲏⲣⲡ ⲁⲩⲥⲟⲟϥ

4:4  ⲟⲩ ⲡⲉ ⲡⲉⲧⲛϩⲱⲃ ⲛⲧⲱⲧⲛ ⲛⲙⲙⲁⲓ ⲧⲩⲣⲟⲥ ⲙⲛ ⲥⲓⲇⲱⲛ ⲁⲩⲱ ⲧⲅⲁⲗⲓⲗⲁⲓⲁ ⲧⲏⲣⲥ ⲛⲛⲁⲗⲗⲟⲫⲩⲗⲟⲥ ⲙⲏ ⲛⲧⲱⲧⲛ ⲉⲧⲉⲧⲛⲁⲧⲱⲱⲃⲉ ⲛⲁⲓ ⲛⲟⲩⲧⲱⲱⲃⲉ ⲏ ⲛⲧⲱⲧⲛ ⲉⲧⲉⲧⲛⲛⲁⲙⲉⲉⲩⲉ ⲉⲩⲕⲁⲕⲓⲁ ⲉⲣⲟⲓ ϩⲛ ⲟⲩϭⲉⲡⲏ ⲉⲙⲛ ⲱⲥⲕ ϯⲛⲁϯ ⲙⲡⲉⲧⲛⲧⲱⲱⲃⲉ ⲉϫⲛ ⲛⲉⲧⲛⲁⲡⲏⲩⲉ

4:5  ⲉⲃⲟⲗ ϫⲉ ⲡⲁϩⲁⲧ ⲙⲛ ⲡⲁⲛⲟⲩⲃ ⲁⲧⲉⲧⲛϫⲓⲧⲟⲩ ⲁⲩⲱ ⲛⲁⲥⲱⲧⲡ ⲉⲧⲧⲙⲁⲉⲓⲏⲩ ⲁⲧⲉⲧⲛϫⲓⲧⲟⲩ ⲉϩⲟⲩⲛ ⲉⲛⲉⲧⲛⲣⲡⲏⲩⲉ

4:6  ⲁⲩⲱ ⲛϣⲏⲣⲉ ⲛⲓⲟⲇⲁ ⲙⲛ ⲛϣⲏⲣⲉ ⲛⲑ ⲁⲧⲉⲧⲛⲧⲁⲁⲩ ⲉⲃⲟⲗ ⲛⲛϣⲏⲣⲉ ⲛⲛⲟⲩⲉⲓⲉⲛⲓⲛ ϫⲉⲕⲁⲥ ⲉⲧⲉⲧⲛⲁⲛⲟϫⲟⲩ ⲉⲃⲟⲗ ϩⲛ ⲛⲉⲩⲧⲟϣ

4:7  ⲉⲓⲥϩⲏⲏⲧⲉ ⲁⲛⲟⲕ ϯⲛⲁⲧⲟⲩⲛⲟⲥⲟⲩ ⲉⲃⲟⲗ ϩⲙ ⲡⲙⲁ ⲉⲛⲧⲁⲧⲉⲧⲛⲧⲁⲁⲩ ⲉϩⲣⲁⲓ ⲉⲣⲟϥ ⲁⲩⲱ ϯⲛⲁϯ ⲙⲡⲉⲧⲛⲧⲱⲱⲃⲉ ⲉϫⲛ ⲛⲉⲧⲛⲁⲡⲏⲩⲉ

4:8  ⲁⲩⲱ ϯⲛⲁϯ ⲛⲛⲉⲧⲛϣⲏⲣⲉ ⲙⲛ ⲛⲉⲧⲛϣⲉⲉⲣⲉ ⲉϩⲣⲁⲓ ⲉⲧⲟⲟⲧⲟⲩ ⲛⲛϣⲏⲣⲉ ⲛⲓⲟⲩⲇⲁ ⲛⲥⲉⲧⲁⲁⲩ ⲉⲩⲁⲓⲙⲁⲗⲱⲥⲓⲁ ⲉⲩϩⲉⲑⲛⲟⲥ ⲉϥⲟⲩⲏϩ ⲉⲃⲟⲗ ϫⲉ ⲁⲡϫⲟⲉⲓⲥ ϣⲁϫⲉ

4:9  ⲧⲁϣⲉⲟⲉⲓϣ ⲛⲛⲁⲓ ϩⲛ ⲛϩⲉⲑⲛⲟⲥ ⲧⲃⲃⲟ ⲛⲟⲩⲡⲟⲗⲉⲙⲟⲥ ⲧⲟⲩⲛⲟⲥ ⲛⲛⲣⲉϥⲙⲓϣⲉ ϯⲡⲉⲧⲛⲟⲩⲟⲉⲓ ⲉϩⲟⲩⲛ ⲛⲧⲉⲧⲛⲃⲱⲕ ⲉϩⲣⲁⲓ ⲛⲣⲱⲙⲉ ⲧⲏⲣⲟⲩ ⲛⲣⲱⲙⲉ ⲧⲏⲣⲟⲩ ⲛⲣⲉϥⲙⲓϣⲉ

4:10  ⲟⲩⲱⲧϩ ⲛⲛⲉⲧⲛⲥⲓⲛⲉ ⲛⲥⲕⲁⲓ ⲉϩⲉⲛⲥⲏϥⲉ ⲁⲩⲱ ⲛⲉⲧⲛⲟϩⲥ ⲉϩⲉⲛⲙⲉⲣⲉϩ ⲡⲉⲧⲉⲙⲛϭⲟⲙ ⲙⲙⲟϥ ⲙⲁⲣⲉϥϫⲟⲟⲥ ϫⲉ ϯϭⲙϭⲟⲙ ⲁⲛⲟⲕ

4:11  ⲥⲉⲩϩⲧⲏⲩⲧⲛ ⲉϩⲟⲩⲛ ⲛⲧⲉⲧⲛⲃⲱⲕ ⲉϩⲟⲩⲛ ⲛϩⲉⲑⲛⲟⲥ ⲧⲏⲣⲟⲩ ⲉⲧ ϩⲓ ⲛⲉⲩⲉⲣⲏⲩⲩ ⲛⲧⲉⲧⲛⲥⲉⲩϩⲧⲏⲩⲧⲛ ⲉⲡⲙⲁ ⲉⲧⲙⲙⲁⲩ ⲡⲣⲙⲣⲁϣ ⲙⲁⲣⲉϥϣⲱⲡⲉ ⲛⲣⲉϥⲙⲓϣⲉ

4:12  ⲙⲁⲣⲟⲩⲧⲱⲟⲩⲛ ⲛϭⲉⲃⲱⲕ ⲉϩⲣⲁⲓ ⲛϭⲓ ⲛϩⲉⲑⲛⲟⲥ ⲧⲏⲣⲟⲩ ⲉⲧ ϩⲓ ⲛⲉⲩⲉⲣⲏⲩ ⲛⲧⲉⲧⲛⲥⲉⲩϩⲧⲏⲩⲧⲛ ⲉⲡⲙⲁ ⲉⲧⲙⲙⲁⲩ ⲡⲣⲙⲣⲁϣ ⲙⲁⲣⲉϥϣⲱⲡⲉ ⲛⲣⲉϥⲙⲓϣⲉ

4:13  ⲧⲛⲛⲟⲟⲩ ⲛⲛⲉⲧⲛⲟϩⲥ ϫⲉ ⲁⲡϫⲱⲱⲗⲉ ϩⲱⲛ ⲉϩⲟⲩⲛ ⲃⲱⲕ ⲉϩⲟⲩⲛ ⲛⲧⲉⲧⲛϩⲱⲙ ϫⲉ ⲁⲧⲉϩⲣⲱⲧ ⲙⲟⲩϩ ⲁⲩⲱ ⲛⲉⲓⲟⲙ ⲁⲩⲣ ϩⲟⲩⲉ ⲡⲱⲱⲛ ⲉⲃⲟⲗ ϫⲉ ⲁⲥⲁϣⲁⲓ ⲛϭⲓ ⲧⲉⲩⲕⲁⲕⲓⲁ

4:14  ϩⲉⲛⲣⲟⲟⲩ ⲁⲩⲱϣ ⲉⲃⲟⲗ ϩⲙ ⲡⲓⲁ ⲙⲡϩⲁⲡ ⲁⲩⲱ ϥϩⲏⲛ ⲉϩⲟⲩⲛ ⲛϭⲓ ⲡϩⲟⲟⲩ ⲙⲡϫⲟⲉⲓⲥ ϩⲙ ⲡⲓⲁ ⲙⲡϩⲁⲡ

4:15  ⲡⲣⲏ ⲙⲛ ⲡⲟⲟϩ ⲥⲛⲁⲣ ⲉⲃⲏ ⲁⲩⲱ ⲛⲥⲓⲟⲩ ⲛⲥⲉⲛⲁϯ ⲁⲛ ⲙⲡⲉⲩⲟⲩⲟⲉⲓⲛ

4:16  ⲡϫⲟⲉⲓⲥ ⲇⲉ ϥⲛⲁⲱϣ ⲉⲃⲟⲗ ϩⲛ ⲥⲓⲱⲛ ⲁⲩⲱ ϥⲛⲁϯ ⲙⲡⲉϥϩⲣⲟⲟⲩ ⲉⲃⲟⲗ ϩⲛ ⲑ ⲧⲡⲉ ⲙⲛ ⲡⲕⲁϩ ⲛⲁⲛⲟⲉⲓⲛ ⲡϫⲟⲉⲓⲥ ⲇⲉ ⲛⲁϯⲥⲟ ⲉⲡⲉϥⲗⲁⲟⲥ ⲁⲩⲱ ϥⲛⲁϯϭⲟⲙ ⲛⲛϣⲏⲣⲉ ⲙⲡ

4:17  ⲛⲧⲉⲧⲛⲉⲓⲙⲉ ϫⲉ ⲁⲛⲟⲕ ⲡⲉ ⲡϫⲟⲉⲓⲥ ⲡⲉⲧⲛⲛⲟⲩⲧⲉ ⲉⲓⲟⲩⲏϩ ϩⲛ ⲥⲓⲱⲛ ⲡⲁⲧⲟⲟⲩ ⲉⲧⲟⲩⲁⲁⲃ ⲁⲩⲱ ⲑ ⲛⲁϣⲱⲡⲉ ⲛⲟⲩⲡⲟⲗⲓⲥ ⲉⲥⲟⲩⲁⲁⲃ ⲛⲧⲉⲧⲙϣⲙⲙⲟ ϭⲉ ⲙⲟⲟϣⲉ ⲉϩⲣⲁⲓ ⲛϩⲏⲧⲥ

4:18  ⲁⲩⲱ ⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲛⲧⲟⲩⲉⲓⲏ ⲛⲁϣⲟⲩⲟ ⲉⲃⲟⲗ ⲛⲟⲩⲗⲟϭ ⲁⲩⲱ ⲛⲃⲟⲩⲛⲟⲥ ⲥⲉⲛⲁϣⲟⲩⲉ ⲉⲣⲱⲧⲉ ⲉⲃⲟⲗ ⲁⲩⲱ ⲙⲙⲁ ⲛϯⲙⲟⲟⲩ ⲧⲏⲣⲟⲩ ⲛⲓⲟⲩⲇⲁ ⲥⲉⲛⲁⲧⲁⲩⲉ ⲛⲉⲩⲙⲟⲟⲩ ⲉⲃⲟⲗ ⲁⲩⲱ ⲟⲩⲛ ⲟⲩⲡⲏⲅⲏ ⲛⲁⲉⲓ ⲉⲃⲟⲗ ϩⲙ ⲡⲏⲓ ⲙⲡϫⲟⲉⲓⲥ ⲛⲥⲧⲟ ⲙⲡⲉⲭⲉⲓⲙⲁⲣⲣⲟⲥ ⲛⲛϣⲟⲛⲧⲉ

4:19  ⲕⲏⲙⲉ ⲛⲁϣⲱⲡⲉ ⲉⲩⲧⲁⲕⲟ ⲁⲩⲱ ϯⲇⲟⲩⲙⲁⲓⲁ ⲉⲩⲙⲁ ⲛϫⲁⲓⲉ ⲛⲧⲁⲕⲟ ⲉⲃⲟⲗ ⲙⲡϫⲓⲛϭⲟⲛⲥ ⲛⲛϣⲏⲣⲉ ⲛⲓⲟⲩⲇⲁ ⲉⲧⲃⲉ ϫⲉ ⲁⲩⲡⲉϩⲧ ⲟⲩⲥⲛⲟϥ ⲛⲇⲓⲕⲁⲓⲟⲓ ⲉⲃⲟⲗ ϩⲙ ⲡⲉⲩⲕⲁϩ

4:20  ϯⲇⲟⲩⲙⲁⲓⲁ ⲇⲉ ⲥⲛⲁϭⲱⲣϭ ϣⲁ ⲉⲛⲉϩ ⲁⲩⲱ ⲑ ⲉϩⲉⲛϫⲱⲙ ⲛϫⲱⲙ

4:21  ⲁⲩⲱ ϯⲛⲁⲉⲓⲣⲉ ⲙⲡⲉⲕⲃⲁ ⲙⲡⲉⲩⲥⲛⲟϥ ⲛⲧⲁⲧⲙⲕⲱ ⲉⲃⲟⲗ ⲉⲩⲱ ⲡϫⲟⲉⲓⲥ ϥⲛⲁⲟⲩⲱϩ ϩⲛ ⲥⲓⲱⲛ