TpiKJPB - I Peter

Chapter 1

1:1  ¶ Pita, wanpela aposel bilong Jisas Kraist, i go long ol ausait man i bruk nabaut namel long Pontas, Galesia, Kapadosia, Esia, na Bitinia,

1:2  Ol man God Papa i bin makim bilong bihainim save pastaim bilong em, long wok bilong pasin bilong Spirit bilong mekim man i kamap holi, i go long pasin bilong bihainim tok na blut bilong Jisas Kraist em i tromoi isi isi long yupela. Marimari i go long yupela, na bel isi, i ken kamap planti moa.

1:3  ¶ Blesing i stap long God na Papa bilong Bikpela bilong yumi Jisas Kraist, husat bilong bihainim sori bilong em i planti moa yet em i bin kamapim yumi gen i go long wanpela hop i gat laip long kirap bek bilong Jisas Kraist long dai,

1:4  I go long wanpela samting papa i givim pikinini i no inap bagarap, na i no doti, na dispela i no surik isi isi i go, dispela em i holim bek long heven bilong yupela,

1:5  Husat em i holimpas long pawa bilong God long wok bilong bilip tru i go long pasin bilong kisim bek i redi long kamap ples klia long las taim.

1:6  ¶ We yupela i wokim bikpela amamas tru insait long en, maski long liklik taim nau, sapos i gat nid, yupela i stap insait long hevi long ol planti kain kain traim.

1:7  Inap long traim bilong bilip tru bilong yupela, samting i stap dia tumas moa long dispela gol i dai olgeta, maski God i traim dispela wantaim paia, em i ken lukim i go inap long biknem na ona na glori taim Jisas Kraist i kamap ples klia.

1:8  Husat, taim yupela i no lukim, yupela i laikim tru. Long husat, maski nau yupela i no lukim em, yet yupela i bilip, yupela i wokim amamas tru wantaim amamas tru i winim toktok na i pulap long glori.

1:9  Na yupela i kisim dispela pinis bilong bilip tru bilong yupela, yes, kisim bek bilong ol tewel bilong yupela.

1:10  ¶ Em dispela kisim bek ol profet i bin askim long en na painim tru, husat i bin autim tok profet long dispela marimari i mas kam long yupela.

1:11  Ol i painim tru wanem, o wanem kain pasin bilong taim Spirit bilong Kraist husat i stap insait long ol i bin mekim klia, taim em i tokaut klia bipotaim long ol pen Kraist i karim, na dispela glori i mas kam bihain.

1:12  Long husat em i kamap ples klia, long i no long ol yet, tasol long yumi ol i bin wokim wok long ol dispela samting, dispela nau em i ripot i go long yupela long han bilong ol husat i bin autim gutnius i go long yupela wantaim Holi Spirit God i salim i kam daun long heven. Ol dispela samting ol ensel i gat laik long lukluk long en.

1:13  ¶ Olsem na pasim strong namel bilong bel bilong tingting bilong yupela, yusim tingting gut, na hop long marimari inap long dispela pinis em bai bringim long yupela long taim Jisas Kraist i kamap ples klia,

1:14  Olsem ol pikinini bilong bihainim tok, na no ken wokim yupela yet bilong bihainim ol aigris bilong bipo taim yupela i no klia.

1:15  Tasol olsem em husat i bin singautim yupela em holi, olsem tasol yupela i mas stap holi long olgeta kain pasin.

1:16  Bilong wanem, rait i stap pinis, Yupela i mas stap holi, long wanem, mi stap holi.

1:17  Na sapos yupela i singaut long Papa, husat, taim em i no gat pasin bilong tingim namba bilong ol man, i jasim bilong bihainim wok bilong olgeta wan wan man, yusim gut taim bilong yupela long stap waira hia wantaim pret.

1:18  Bikos yupela i save long God i no baim bek yupela wantaim ol samting i bagarap, olsem silva na gol, long ol pasin nating bilong yupela, dispela yupela i kisim long kastam i kam long ol tumbuna papa bilong yupela,

1:19  Tasol wantaim blut bilong Kraist i dia tumas, olsem bilong wanpela pikinini sipsip i no gat mak nogut na i no gat mak.

1:20  Husat tru tumas, God i makim paslain, bipo long ol as ston bilong dispela graun i kamap, tasol em i kamap ples klia long ol dispela las taim bilong helpim yupela,

1:21  Husat long em yupela i bilip long God, husat i kirapim em long dai, na givim em glori. Inap long bilip tru na hop bilong yupela i ken stap long God.

1:22  Taim yumi luksave olsem yupela i bin klinim ol tewel bilong yupela taim yupela i bihainim tok tru long wok bilong Holi Spirit i go inap long laikim tru i no gat giaman i go long ol brata, lukluk gut long yupela i gat laikim tru wanpela i go long narapela wantaim strongpela pasin tru bilong bel i klin.

1:23  Taim yupela i kamap nupela gen, i no long pikinini kaikai i bagarap, tasol long dispela i no inap bagarap, long tok bilong God, dispela i stap laip na i stap oltaim oltaim.

1:24  ¶ Long wanem, olgeta bodi i olsem gras, na olgeta glori bilong man i olsem plaua bilong gras. Gras i go drai, na plaua bilong en i pundaun i go.

1:25  Tasol tok bilong Bikpela i stap strong yet oltaim oltaim. Na dispela em i dispela tok ol i autim gutnius i go long yupela long en.

Chapter 2

2:1  ¶ Olsem na rausim i go long sait olgeta bel nogut long narapela, na olgeta gris tingting, na ol pasin bilong tupela maus, na ol mangal tingting, na olgeta toktok nogut,

2:2  Olsem ol nupela bebi stret, yupela i mas gat laik long trupela susu bilong tok bilong God, inap long yupela i ken kamap bikpela long en,

2:3  Sapos em i olsem long yupela i bin testim long Bikpela i soim pasin bilong marimari.

2:4  ¶ Long husat yumi kam, olsem long wanpela ston i stap laip, em i tru ol man i tok nogat long em, tasol God i makim, na em i dia tumas,

2:5  Yupela tu, olsem ol ston i stap laip, em i wokim i kamap wanpela haus long sait bilong spirit, wanpela lain pris i holi, long ofaim i go antap ol sakrifais long sait long spirit, dispela God i orait long en long Jisas Kraist.

2:6  Olsem na tu dispela i stap pinis insait long rait bilong God, Lukim, mi slipim long Saion wanpela nambawan ston bilong kona, samting God i bin makim, dia tumas. Na em husat i putim bilip long em bai i no inap paul.

2:7  Olsem na long yupela husat i bilip em i dia tumas. Tasol long ol husat i sakim tok, dispela ston ol wokman i bin tok nogat long en, dispela ston stret God i mekim het bilong kona,

2:8  Na wanpela ston bilong sutim lek, na wanpela ston bilong bagarapim bel, yes, long ol husat i sutim lek long tok bilong God, taim ol i sakim tok, we tu God i makim ol long stap long en.

2:9  Tasol yupela i stap wanpela lain tumbuna God i makim, wanpela lain pris i king, wanpela kantri holi, wanpela lain manmeri i narakain, inap long yupela i ken soim klia ol biknem bilong em husat i bin singautim yupela i kam ausait long tudak long go insait long lait bilong em i mekim ol man tingting planti.

2:10  Husat long taim bipo i no stap wanpela lain manmeri, tasol nau yupela istap lain manmeri bilong God. Husat i no bin kisim sori pinis bipo, tasol yupela nau i bin kisim sori pinis.

2:11  Ol man i stap klostu tru long bel bilong mi, mi askim yupela plis strong olsem ol ausait man na ol waira, stap longwe long ol aigris bilong bodi, dispela i wokim bikpela pait i birua long tewel,

2:12  Taim pasin bilong yupela i pasin i no gat giaman namel long ol man i no Ju. Inap long, we ol i toktok nogut i birua long yupela olsem yupela i stap ol man i mekim nogut, ol i ken long ol gutpela wok bilong yupela, dispela ol bai lukim, givim glori long God long de bilong em i kam lukim ol.

2:13  ¶ Bilong tingim Bikpela, putim yupela yet aninit long olgeta wan wan lo man i makim. Sapos em i long king, olsem man i gat nambawan namba,

2:14  O long ol nambawan gavman, olsem long ol husat em i salim bilong wokim mekim save long ol man i mekim nogut, na bilong givim biknem long ol husat i mekim gutpela.

2:15  Long wanem, laik bilong God em i olsem, long, wantaim gutpela pasin, yupela i ken pasim maus bilong ol krankiman i no klia,

2:16  Olsem ol man i fri, na yupela i no yusim pasin bilong stap fri bilong yupela olsem wanpela ausait saket bilong bel nogut long arapela, tasol olsem ol wokboi bilong God.

2:17  Givim ona long olgeta man. Laikim tru dispela ol brata. Pret long God. Givim ona long king.

2:18  Ol wokboi, stap aninit long ol bosman bilong yupela wantaim olgeta pret. I no long bosman i gutpela na i gat pasin isi tasol, tasol tu ol husat i bikhet.

2:19  Long wanem, dispela em i samting inap long ol man i ken tok tenkyu long en, sapos wanpela man, bilong bihainim mausbel i go long God, i stap strong yet long bel sori, taim em i karim hevi taim em i no mekim rong.

2:20  Long wanem, em i wanem glori, sapos, taim ol i paitim yupela long ol asua bilong yupela, yupela bai kisim dispela wantaim pasin bilong sanap strong long traim? Tasol sapos, taim yupela i mekim gutpela pasin, na karim hevi long en, yupela i kisim dispela wantaim pasin bilong sanap strong long traim, dispela em i orait long ai bilong God.

2:21  Long wanem, yes, inap long dispela God i singautim yupela. Bilong wanem, Kraist tu i karim pen long helpim yumi, na givim yumi wanpela piksa, inap long yupela i ken bihainim ol step bilong em.

2:22  Husat i no bin mekim sin, na tu ol i no lukim gris tingting insait long maus bilong em.

2:23  Husat, taim ol i sutim tok nogut long em, em i no sutim tok nogut gen. Taim em i karim pen, em i no toktok long bagarapim ol. Tasol em i putim em yet long em husat i jasim stretpela.

2:24  Husat em yet i karim ol sin bilong yumi insait long bodi bilong em yet antap long dispela diwai, inap long yumi, taim yumi stap daiman long ol sin, i ken stap laip i go inap long stretpela pasin. Long ol mak bilong wip bilong husat yupela i kamap orait gen.

2:25  Long wanem, yupela i bin stap olsem ol sipsip i wok long go lus. Tasol nau yupela i kam bek pinis long Wasman Bilong Sipsip na Bisop bilong ol tewel bilong yupela.

Chapter 3

3:1  ¶ Wankain olsem, yupela ol maritmeri, stap aninit long ol man bilong yupela yet. Inap long, sapos wanpela i no bihainim tok bilong God, ol maritmeri i ken winim ol tu ausait long tok bilong God wantaim pasin bilong ol,

3:2  Taim ol i lukim pasin i stap klin tru bilong yupela i pas wantaim pasin pret.

3:3  Husat bilas bilong ol, no ken larim i stap dispela bilas bilong ausait bilong tantanim gras, na werim gol, o putim tru ol naispela klos.

3:4  Tasol larim em i stap dispela man hait bilong bel, long dispela samting i no bagarap, yes, bilas bilong spirit bilong pasin isi na i no gat nois, dispela i gat bikpela pe long ai bilong God.

3:5  Long wanem, long bihainim dispela kain pasin long taim bipo ol meri holi tu, husat i putim bilip long God, i bilasim ol yet, taim ol i stap aninit long ol man bilong ol yet.

3:6  Yes, olsem Sara i bihainim Ebraham, taim em kolim em bikman. Bilong husat yupela i stap ol pikinini meri, inap long taim yupela i mekim gutpela, na yupela i no stap pret wantaim wanpela kirap nogut tru.

3:7  Wankain olsem, yupela ol maritman, stap wantaim ol bilong bihainim save, taim yupela i givim ona long meri, olsem i go long bodi i no gat strong olsem yupela yet, na olsem taim yupela i stap ol pikinini wantaim i kisim marimari bilong laip long papa, inap long em i no ken pasim rot bilong ol prea bilong yupela.

3:8  ¶ Na las, yupela olgeta i mas gat wanpela tingting, na gat pasin sori wanpela i go long narapela, laikim tru olsem ol brata, stap pulap long pasin sori, na mekim gutpela pasin.

3:9  No ken bekim pasin nogut wantaim pasin nogut, o daunim tru wantaim daunim tru, tasol samting i narakain olgeta, blesim, taim yupela i save long God i singautim yupela long dispela, inap long yupela i ken kisim wanpela blesing olsem samting papa i givim pikinini.

3:10  Long wanem, em husat bai laikim tru laip, na lukim ol gutpela de, larim em holim bek tang bilong em long tok nogut, na ol lip bilong em long ol i no toktok wantaim gris tingting.

3:11  Larim em ranawe long pasin nogut, na mekim gutpela pasin. Larim em painim bel isi, na bihainim dispela.

3:12  Long wanem, ol ai bilong Bikpela i stap antap long ol stretpela man, na ol ia bilong em i op long ol prea bilong ol. Tasol pes bilong Bikpela i birua long ol husat i mekim pasin nogut.

3:13  Na em i husat husat bai bagarapim yupela, sapos yupela i stap lain bilong bihainim dispela samting i gutpela?

3:14  Tasol na sapos yupela i karim hevi long sait bilong stretpela pasin, amamas i stap long yupela. Na no ken stap pret long pret nogut tru bilong ol, o pilim wari.

3:15  Tasol mekim God Bikpela i stap holi insait long ol bel bilong yupela. Na stap redi oltaim long givim wanpela bekim long olgeta wan wan man husat i askim yupela long as bilong dispela hop i stap insait long yupela wantaim pasin bilong stap isi na pret,

3:16  ¶ Taim yupela i gat gutpela mausbel, inap long, we ol i toktok nogut long sait bilong yupela olsem, olsem ol man bilong mekim pasin nogut, ol i ken pilim sem husat i giaman na sutim tok long gutpela pasin bilong yupela insait long Kraist.

3:17  Long wanem, em i gutpela moa, sapos laik bilong God i stap olsem, long yupela karim hevi taim yupela i mekim gutpela pasin, long yupela i karim hevi taim yupela i mekim pasin nogut.

3:18  ¶ Long wanem, Kraist tu i bin karim pen long ol sin wanpela taim, stretpela man bilong helpim man i no stretpela, inap long em i ken bringim yumi long God, taim ol i mekim em dai long bodi, tasol Spirit i givim laip gen.

3:19  Long dispela tu em i bin go na autim tok long ol spirit i stap long kalabus.

3:20  Husat sampela taim ol i sakim tok, taim wanpela taim bipo pasin bilong karim pen longpela taim bilong God i wet long ol de bilong Noa, taim Noa i redim sip, we insait long en liklik lain, em olsem, etpela tewel, God i kisim bek long wara.

3:21  ¶ Dispela wankain piksa olsem we long yes, baptais nau tu i kisim bek yumi (i no taim man i rausim i go doti tru bilong bodi, tasol em i bekim bilong gutpela mausbel i go long God,) long kirap bek bilong Jisas Kraist.

3:22  Husat i go pinis long heven, na i stap long han sut bilong God. Ol ensel na ol man i gat namba na ol man i gat pawa God i mekim long stap aninit long em.

Chapter 4

4:1  ¶ Nau olsem bikos Kraist i bin karim pen long bodi bilong helpim yumi, redim yupela yet long pait wankain olsem wantaim dispela wankain tingting. Long wanem, em husat i bin karim pen long bodi i bin lusim pinis sin.

4:2  Inap long em i no ken stap laip, long olgeta arapela taim yet bilong em long bodi, long ol aigris pasin bilong ol man, tasol long laik bilong God.

4:3  Long wanem, long taim bipo bilong laip bilong yumi yumi bin orait long wokim laik bilong ol man i no Ju, taim yumi bin wokabaut insait long pasin bilong mangal nogut, ol aigris, tumas wain, ol pati nogut, ol naispela bikpela kaikai, na ol sting pasin bilong lotuim ol piksa bilong god giaman.

4:4  ¶ We insait long en ol i ting em i narakain samting long yupela i no ran wantaim ol long dispela wankain wail pasin tumas, taim ol i toktok nogut long sait bilong yupela long en.

4:5  Husat bai givim stori long em husat i redi long jasim man i stap laip na daiman.

4:6  Long wanem, long dispela as ol i bin autim gutnius tu long ol husat i stap daiman, inap long ol i ken jasim ol bilong bihainim ol man i stap long bodi, tasol wokabaut bilong bihainim pasin bilong God long spirit.

4:7  ¶ Tasol pinis bilong olgeta samting i stap klostu. Olsem na yupela i mas yusim tingting gut, na was i go inap long prea.

4:8  Na antap long olgeta samting yupela i mas gat pasin bilong laikim tru i strongpela tru namel long yupela yet. Long wanem, pasin bilong laikim tru bai karamapim planti sin tru.

4:9  Yusim pasin bilong lukautim man i kam long haus wanpela i go long narapela, na no ken gat pasin bilong toktok planti wantaim.

4:10  Olsem olgeta wan wan man i bin kisim presen, yes, olsem tasol wokim wok wanpela i go long narapela wantaim dispela stret, olsem ol gutpela man bilong lukautim samting bilong planti kain kain marimari bilong God.

4:11  Sapos wanpela man i toktok, larim em i toktok olsem tok i kam long maus bilong God. Sapos wanpela man i wokim wok, larim em i mekim dispela i bihainim dispela strong God i givim. Inap long God i ken kisim glori long olgeta samting long wok bilong Jisas Kraist, long husat biknem na biknem bilong bosim i mas stap oltaim oltaim na oltaim. Amen.

4:12  ¶ Ol man i stap klostu tru long bel bilong mi, no ken tingim dispela i narakain samting, long sait bilong dispela traim i olsem paia i traim yupela, olsem sampela narakain samting i kamap long yupela.

4:13  Tasol wokim amamas tru, bikos yupela i kisim hap bilong ol pasin bilong Kraist long karim pen. Long, taim glori bilong em bai kamap ples klia, yupela i ken stap amamas tu wantaim amamas tru moa yet.

4:14  Sapos ol i givim sem long yupela bilong tingim nem bilong Kraist, amamas i stap long yupela. Long wanem, spirit bilong glori na bilong God i malolo antap long yupela. Long sait bilong ol ol i tok nogut long sait bilong em, tasol long sait bilong yupela, em i kisim glori.

4:15  Tasol no ken larim wanpela bilong yupela karim hevi olsem man bilong kilim man, o olsem stilman, o olsem man bilong mekim nogut, o olsem man i sutim nus bilong em insait long samting bilong ol arapela man.

4:16  Tasol sapos wanpela man i karim hevi olsem Kristen, larim em i no ken sem. Tasol larim em givim glori long God long dispela sait.

4:17  Long wanem, taim i kam pinis long kot i mas stat long haus bilong God. Na sapos em i stat pastaim long yumi, pinis bai stap wanem long ol husat i no bihainim gutnius bilong God?

4:18  Na sapos klostu God i no kisim bek ol stretpela man, ol man nogut na ol sinman bai kamap ples klia we?

4:19  Olsem na larim em husat i karim hevi bilong bihainim laik bilong God putim wok bilong lukautim gut ol tewel bilong ol long em long gutpela pasin, olsem i go long Man Bilong Kamapim Samting Long Nating yu inap bilip long em.

Chapter 5

5:1  ¶ Mi strongim bel bilong ol lapun hetman husat i stap namel long yupela, husat tu em i wanpela lapun hetman, na wanpela witnes bilong ol pen Kraist i karim, na tu wanpela i kisim hap insait long dispela glori i bai kamap ples klia.

5:2  Givim kaikai long dispela lain sipsip bilong God i stap namel long yupela, taim yupela i kisim wok bilong bosim, i no long ol i mas pulim strong yupela long mekim, tasol mekim long laik bilong yupela. I no bilong kisim mani samting i doti tru, tasol wantaim tingting i redi.

5:3  Na tu i no olsem yupela i stap ol bikman antap long lain bilong God, tasol i olsem yupela i stap ol piksa long lain sipsip.

5:4  Na taim nambawan Wasman Bilong Sipsip bai kamap ples klia, yupela bai kisim wanpela hat king bilong glori, dispela i no surik isi isi i go.

5:5  ¶ Wankain olsem, yupela i yangpela moa, putim yupela yet aninit long lapun hetman. Yes, olgeta bilong yupela i mas stap aninit, wanpela i go long narapela, na werim pasin bilong daunim yu yet olsem klos. Long wanem, God i sanap na birua long ol hambak man, na givim marimari long ol man bilong daunim ol yet.

5:6  Olsem na daunim yupela yet aninit long strongpela han bilong God, inap long em i ken litimapim yupela long taim stret,

5:7  Taim yupela i tromoi olgeta wari bilong yupela antap long em. Long wanem, em i wari long yupela.

5:8  ¶ Yusim tingting gut, was gut. Bilong wanem, birua bilong yupela Seten, olsem wanpela laion i krai bikpela, i wokabaut nabaut, na painim husat man em i ken kaikai olgeta.

5:9  Husat yupela i mas sanap na birua long em insait long bilip tru, taim yupela i save long ol dispela wankain hevi i kamap pinis long ol brata bilong yupela husat i stap long dispela graun.

5:10  ¶ Tasol God bilong olgeta marimari, husat i bin singautim yumi long glori bilong oltaim oltaim bilong Em long Jisas Kraist, bihain long yupela i bin karim hevi liklik taim, bai mekim yupela kamap inap tru, mekim yupela sanap strong, givim strong long yupela, na mekim yupela sanap gut.

5:11  Glori na biknem bilong bosim i stap long em oltaim oltaim na oltaim. Amen.

5:12  Long Silvanas, wanpela brata yupela inap bilip long em, olsem mi ting olsem, mi bin raitim liklik, bilong strongim bel bilong yupela, na tokaut klia long dispela em i marimari tru bilong God we yupela sanap insait long en.

5:13  Sios i stap long Babilon, husat God i bin makim wantaim yupela, i salim gude long yupela. Na Markus i mekim olsem tu, pikinini man bilong mi.

5:14  Yupela tok gude wanpela i go long narapela wantaim wanpela kis bilong pasin bilong laikim tru. Bel isi i stap wantaim yupela olgeta husat i stap insait long Kraist Jisas. Amen.