TpiKJPB - Esther

Chapter 1

1:1  ¶ Nau em i kamap olsem long ol de bilong Ahasuerus, (dispela em i Ahasuerus husat i bosim kingdom, i stat long India, yes, i go inap long Itiopia, i bosim 127 provins,)

1:2  Long ol dispela de, taim king Ahasuerus i sindaun antap long sia king bilong kingdom bilong em, dispela i stap long haus king Susan,

1:3  Long namba tri yia bilong bosim kingdom bilong em, em i wokim wanpela bikpela kaikai i go long olgeta hetman bilong em na ol wokboi bilong em, ol man i gat pawa long Persia na Media, ol bikman na ol hetman bilong ol provins, husat i stap long ai bilong em,

1:4  Taim em i soim ol planti mani samting bilong kingdom bilong em i gat glori, na ona bilong nambawan biknem tru bilong em planti de, yes, 180 de.

1:5  Na taim ol dispela de i pinis, king i wokim wanpela bikpela kaikai i go long olgeta manmeri husat i stap insait long haus king Susan, ol bikman na man nating wantaim, sevenpela de, long ples op bilong gaden bilong haus king bilong king,

1:6  We ol waitpela, grinpela, na blupela samting i hangamap, dispela ol i pasim strong wantaim ol rop bilong laplap i naispela tru na purpelpela long ol ring silva na ol pos marbel. Ol bet i bilong gol na silva, antap long wanpela plua ston i retpela, na blupela, na waitpela, na blakpela, marbel.

1:7  Na ol i givim ol dring long ol long ol jak gol, (ol jak i stap kain kain, wanpela long narapela,) na wain bilong king i planti moa yet, bilong bihainim sindaun bilong king.

1:8  Na pasin bilong dring i bilong bihainim lo, i no gat wanpela i pulim ol strong. Long wanem, olsem tasol king i bin makim long olgeta ofisa bilong haus bilong em, inap long olgeta wan wan man i ken mekim samting bilong bihainim amamas bilong em.

1:9  Na tu kwin Vasti i wokim wanpela bikpela kaikai bilong ol meri insait long dispela haus king i bilong king Ahasuerus.

1:10  ¶ Long namba seven de, taim bel bilong king i amamas wantaim wain, em i tok strong long Mehuman, Bista, Harbona, Bikta, na Abakta, Setar, na Karkas, dispela sevenpela man bilong bosim ol rum husat i wokim wok wokboi long pes bilong king Ahasuerus,

1:11  Long bringim kwin Vasti long ai long king wantaim hat kwin, bilong soim ol manmeri na ol hetman naispela pes bilong em. Long wanem, meri i naispela long lukluk long em.

1:12  Tasol kwin Vasti i tok nogat long kam long tok strong bilong king long han bilong ol man bilong em bilong bosim ol rum. Olsem na king i belhat nogut tru, na belhat bilong em i kuk insait long em.

1:13  Nau king i tokim ol saveman, husat i save long ol taim, (long wanem, olsem tasol em i pasin bilong king long olgeta husat i save long lo na kot,

1:14  Na klostu stret long em em Karsena, Setar, Admata, Tarsis, Meres, Marsena, na Memukan i stap, dispela sevenpela hetman bilong Persia na Media, husat i lukim pes bilong king, na husat i sindaun namba wan long kingdom,)

1:15  Yumi bai mekim wanem long kwin Vasti bilong bihainim lo? Bilong wanem, em i no bin bihainim tok strong bilong king Ahasuerus i kam long han bilong ol man bilong bosim ol rum.

1:16  Na Memukan i bekim tok long ai bilong king na ol hetman, Kwin Vasti i no bin wokim rong long king wanpela tasol, tasol long olgeta hetman tu, na long olgeta manmeri husat i stap long olgeta provins bilong king Ahasuerus.

1:17  Long wanem, dispela samting kwin i wokim bai kam ausait i go long olgeta meri, inap long ol bai tingim ol man bilong ol olsem ol i samting nating long ol ai bilong ol, taim ol man bai givim dispela ripot, King Ahasuerus i tok strong long kwin Vasti long ol i ken bringim em long ai bilong em, tasol em i no kam.

1:18  Wankain olsem ol bikmeri bilong Persia na Media bai toktok long dispela de i go long olgeta hetman bilong king, husat i bin harim samting kwin i wokim. Olsem tasol tumas bikpela sem na belhat tru bai kirap.

1:19  Sapos em i amamasim bel bilong king, larim wanpela tok strong bilong king i kam long maus bilong em i go ausait, na larim ol i raitim dispela namel long ol lo bilong ol lain Persia na ol lain Media, inap long i no gat man i ken senisim, Long Vasti i no ken kam moa long ai bilong king Ahasuerus. Na larim king i givim haus kwin na namba bilong em i go long narapela husat i winim em.

1:20  Na taim strongpela tokaut bilong king, dispela em bai mekim, bai kamap ples klia long olgeta hap bilong kingdom bilong em, (long wanem, em i bikpela,) olgeta maritmeri bai givim ona long ol man bilong ol, bikman na man nating wantaim.

1:21  Na dispela toktok i amamasim bel bilong king na ol hetman. Na king i mekim bilong bihainim tok bilong Memukan.

1:22  Long wanem, em i salim ol pas i go long olgeta provins bilong king, i go long olgeta wan wan provins bilong bihainim samting em i rait long en, na i go long olgeta wan wan lain manmeri i bihainim tok ples bilong ol, inap long olgeta wan wan man i ken bosim haus bilong em yet, na inap long ol i ken mekim dispela i kamap ples klia bilong bihainim tok ples bilong olgeta wan wan lain.

Chapter 2

2:1  ¶ Na bihain long ol dispela samting, taim belhat tru bilong king Ahasuerus i kol gen, em i tingim gen Vasti, na wanem samting meri i bin mekim, na wanem strongpela tokaut i kamap i birua long em.

2:2  Nau ol wokboi bilong king husat i wokim wok long em i tokim em, Larim ol i painim bilong king ol naispela yangpela meri i no bin slip wantaim man.

2:3  Na larim king i makim ol ofisa bilong olgeta provins long kingdom bilong em, inap long ol i ken bungim wantaim olgeta naispela yangpela meri i no bin slip wantaim man i kam long haus king Susan, long haus bilong ol meri, i kam long han bilong Hege, man bilong king bilong bosim ol rum, wasman bilong ol meri. Na larim ol i givim long ol ol samting bilong ol bilong klinim.

2:4  Na larim dispela yangpela meri husat i amamasim bel bilong king kamap kwin bilong senisim Vasti. Na dispela samting i amamasim bel bilong king, na em i mekim olsem.

2:5  Nau long haus king Susan i gat wanpela Ju i stap, husat nem bilong en em Mordekai, pikinini man bilong Jair, pikinini man bilong Simei, pikinini man bilong Kis, wanpela man Benjamin,

2:6  Husat ol i bin karim i go lusim Jerusalem wantaim ol kalabus lain husat ol i bin karim i go wantaim Jekonaia, king bilong Juda, husat Nebukatnesar, king bilong Babilon, i bin karim i go.

2:7  Na em i lukautim Hadasa inap long em i bikpela, em i olsem, Esta, pikinini meri bilong liklik papa bilong em. Long wanem, em i no gat papa o mama tu, na dispela yangpela meri em i naispela na naispela tru, husat Mordekai, taim papa na mama bilong meri i dai pinis, i kisim olsem pikinini meri bilong em yet.

2:8  Olsem na em i kamap olsem, taim ol man i harim tok strong bilong king na strongpela tokaut bilong em, na taim planti yangpela meri i bung wantaim long haus king Susan, long han bilong Hegai, long ol i bringim Esta tu long haus bilong king, long han bilong Hegai, wasman bilong ol meri.

2:9  Na dispela yangpela meri i amamasim bel bilong em, na meri i kisim gutpela pasin long em. Na em i givim hariap long em ol samting bilong em bilong kamap klin, wantaim ol kain samting olsem em i bilong em, na sevenpela yangpela meri, husat i fit long em i ken givim long em, ausait long haus bilong king. Na em i putim em na ol yangpela meri bilong em i go pas long nambawan ples bilong haus bilong ol meri.

2:10  Na Esta i no bin soim lain bilong em o kandre bilong em. Long wanem, Mordekai i bin givim tok long em long em i no ken soim dispela.

2:11  Na Mordekai i wokabaut olgeta wan wan de long ai bilong ples op bilong haus bilong ol meri, long save long Esta i stap olsem wanem, na wanem samting bai kamap long em.

2:12  Nau taim taim bilong olgeta wan wan yangpela meri i kamap bilong go insait long king Ahasuerus, bihain long em i bin stap 12 mun, bilong bihainim pasin bilong ol meri, (long wanem, olsem tasol ol de bilong kamap klin bilong ol i kamap pinis, em i olsem, sikispela mun wantaim wel bilong mur, na sikispela mun wantaim ol switpela smel, na wantaim ol arapela samting bilong mekim ol meri i kamap klin,)

2:13  Nau olsem tasol olgeta wan wan yangpela meri i kam long king. Wanem samting meri i gat laik long kisim, ol i givim long em long go wantaim em ausait long haus bilong ol meri i go insait long haus bilong king.

2:14  Long apinun tru em i go, na long de bihain em i kam bek long namba tu haus bilong ol meri, long han bilong Sasgas, man bilong king bilong bosim ol rum, husat i lukautim ol nambatu lain meri. Meri i no kam insait i go long king moa, sapos king i no gat gutpela amamas long em, na long king i kolim em long nem bilong em.

2:15  Nau taim taim bilong Esta, pikinini meri bilong Abihail, liklik papa bilong Mordekai, husat i bin kisim em olsem pikinini meri bilong em, i kamap long go long king, em i no strong long askim long wanpela samting, em i kisim tasol wanem samting Hegai, man bilong king bilong bosim ol rum, wasman bilong ol meri, i makim. Na Esta i kisim gutpela amamas long ai bilong olgeta lain husat i lukluk long em.

2:16  Olsem na ol i kisim Esta i go long king Ahasuerus i go long haus king bilong em long namba ten mun, dispela em i mun Tebet, long namba seven yia em i bosim kingdom.

2:17  Na king i laikim tru Esta antap moa long olgeta meri, na em i kisim marimari na gutpela amamas long ai bilong em moa long olgeta meri i no bin slip wantaim man, inap long em i putim hat kwin antap long het bilong em, na makim em kwin bilong senisim Vasti.

2:18  Nau king i wokim wanpela bikpela kaikai tru i go long olgeta hetman bilong em na ol wokboi bilong em, yes, bikpela kaikai bilong Esta. Na em i wokim wanpela lusim long olgeta provins, na givim ol presen, bilong bihainim sindaun bilong king.

2:19  Na taim ol meri i no bin slip wantaim man i bung wantaim long namba tu taim, nau Mordekai i sindaun long dua bilong banis bilong king.

2:20  Esta i no bin soim yet ol kandre bilong em o ol lain bilong em, olsem Mordekai i bin givim tok long em. Long wanem, Esta i save wokim tok strong bilong Mordekai, wankain olsem taim Mordekai i lukautim em inap long em i bikpela.

2:21  ¶ Long ol dispela de, taim Mordekai i sindaun long dua bilong banis bilong king, tupela bilong ol man bilong king bilong bosim ol rum, Biktan na Teres, bilong ol husat i lukautim dua, i belhat tru, na painim rot bilong putim han long king Ahasuerus.

2:22  Na dispela samting Mordekai i save long en, husat i tokim kwin Esta long en. Na Esta i strongim tok i go long king long en long nem bilong Mordekai.

2:23  Na taim bikpela painimaut i kamap long dispela samting, ol i painimaut pinis dispela. Olsem na ol i hangamapim tupela wantaim long wanpela diwai. Na dispela ol i raitim long buk bilong ol stori long ai bilong king.

Chapter 3

3:1  ¶ Bihain long ol dispela samting king Ahasuerus i litimapim Haman, pikinini man bilong man Egak Hamedata, bilong go antap, na putim em i go, na putim sia bilong em antap moa long olgeta hetman husat i stap wantaim em.

3:2  Na olgeta wokboi bilong king, husat i stap long dua bilong banis bilong king, i lindaun, na givim biknem tru long Haman. Long wanem, king i bin tok strong olsem long sait bilong em. Tasol Mordekai i no lindaun, o givim biknem tru long em.

3:3  Nau ol wokboi bilong king, husat i stap long dua bilong banis bilong king, i tokim Mordekai, Bilong wanem yu kalapim lo long tok strong bilong king?

3:4  Nau em i kamap olsem, taim ol i toktok olgeta wan wan de long em, na em i no harim long ol, long ol i tokim Haman, bilong luksave long ol samting bilong Mordekai bai sanap o nogat. Long wanem, em i bin tokim ol long em i wanpela Ju.

3:5  Na taim Haman i luksave long Mordekai i no lindaun, o givim biknem tru long em, nau Haman i pulap long belhat tru.

3:6  Na em i ting em i sem bilong tok bilas long putim ol han long Mordekai wanpela tasol. Long wanem, ol i bin soim em lain bilong Mordekai. Olsem na Haman i painim rot bilong bagarapim olgeta olgeta Ju husat i stap long olgeta hap bilong kingdom bilong Ahasuerus olgeta, yes, lain manmeri bilong Mordekai.

3:7  ¶ Long namba wan mun, em i olsem, long mun Nisan, long namba 12 yia bilong king Ahasuerus, ol i tromoi Pur, em i olsem, dispela satu, long ai bilong Haman long olgeta wan wan de, na long olgeta wan wan mun, i go long namba 12 mun, em i olsem, mun Adar.

3:8  Na Haman i tokim king Ahasuerus, I gat wanpela lain i bruk nabaut ausait na ol i tromoi ol i go namel long ol lain manmeri long olgeta provins bilong kingdom bilong yu. Na ol lo bilong ol i narakain long olgeta manmeri. Na tu ol i no holimpas ol lo bilong king. Olsem na em i no samting bilong helpim king long larim ol i stap.

3:9  Sapos em i amamasim bel bilong king, larim ol i raitim dispela inap long ol i ken bagarapim ol olgeta. Na mi bai baim 10,000 talent silva i go long ol han bilong ol husat i gat wok bilong bosim dispela wok, bilong bringim dispela i go long ol haus bilong samting i dia tru bilong king.

3:10  Na king i kisim ring bilong em i lusim han bilong em, na givim dispela i go long Haman, pikinini man bilong man Egak Hamedata, birua bilong ol Ju.

3:11  Na king i tokim Haman, Dispela silva mi givim long yu, ol manmeri tu, long mekim long ol samting i luk olsem i gutpela long ai bilong yu.

3:12  Nau ol i singautim ol man bilong rait bilong king long namba 13 de bilong namba wan mun, na ol i raitim bilong bihainim olgeta samting Haman i bin tok strong long ol namba tu hetman bilong king, na long ol nambawan gavman husat i bosim olgeta wan wan provins, na long ol hetman bilong olgeta wan wan lain bilong olgeta wan wan provins, bilong bihainim toktok bilong dispela rait, na long olgeta wan wan lain i bihainim tok ples bilong ol. Long nem bilong king Ahasuerus ol i raitim dispela, na pasim wantaim ring bilong king.

3:13  Na ol pas ol i salim long ol man bilong karim pas i go long olgeta provins bilong king, bilong bagarapim olgeta, bilong kilim i dai, na bilong mekim i dai olgeta, olgeta Ju, yangpela na lapun wantaim, ol liklik pikinini na ol meri, long wanpela de, yes, long namba 13 de bilong namba 12 mun, dispela em i mun Adar, na bilong kisim kago bilong ol olsem prais bilong pait.

3:14  Kopi bilong dispela rait bilong wanpela tok strong, long ol i ken givim long olgeta wan wan provins, ol i mekim i kamap ples klia i go long olgeta lain manmeri, inap long ol i ken stap redi long dispela de.

3:15  Ol man bilong karim pas i go ausait, taim tok strong bilong king i hariapim ol, na dispela strongpela tokaut ol i givim long haus king Susan. Na king na Haman i sindaun bilong dring, tasol biktaun Susan i paul.

Chapter 4

4:1  ¶ Taim Mordekai i klia long olgeta samting ol i mekim, Mordekai i brukim klos bilong em, na putim bek laplap wantaim ol sit bilong paia antap long em, na go ausait insait long namel bilong biktaun, na singaut wantaim wanpela bikpela nek na wanpela singaut bilong bel i bagarap.

4:2  Na em i kam, yes, long ai bilong dua bilong banis bilong king. Long wanem, i no gat wanpela husat i ken go insait long dua bilong banis bilong king husat i werim bek laplap.

4:3  Na long olgeta wan wan provins, long wanem hap we tok strong na strongpela tokaut bilong king i kamap, i gat bikpela soim sori namel long ol Ju, na ol i tambuim kaikai, na krai tru, na krai wantaim singaut. Na planti i slip long bek laplap na sit bilong paia.

4:4  Olsem na ol wokmeri bilong Esta na ol man bilong em bilong bosim ol rum i kam na tokaut long em long en. Nau kwin i gat bel sori nogut tru planti moa yet. Na em i salim klos bilong putim long Mordekai, na bilong tekewe bek laplap i lusim em. Tasol em i no kisim dispelas.

4:5  ¶ Nau Esta i singautim Hatak, wanpela bilong ol man bilong king bilong bosim ol rum, husat em i bin makim bilong lukautim em, na givim em wanpela tok strong bilong Mordekai, bilong save em i wanem samting, na bilong wanem samting i olsem.

4:6  Olsem na Hatak i go ausait long Mordekai long rot bilong biktaun, dispela i stap long ai bilong dua bilong banis bilong king.

4:7  Na Mordekai i tokim em long olgeta samting i bin kamap long em, na long namba olgeta bilong dispela mani Haman i bin promis bilong baim i go long ol haus bilong samting i dia tru bilong king, bilong ol Ju, bilong bagarapim ol olgeta.

4:8  Na tu em i givim em wanpela kopi bilong dispela rait bilong strongpela tokaut ol i givim long Susan long bagarapim ol olgeta, long em i ken soim long Esta, na long tokaut long en i go long em, na long givim tok long em long em i ken go insait i go long king, long mekim autim askim long em, na long mekim askim long ai bilong em bilong helpim lain manmeri bilong em.

4:9  Na Hatak i kam na tokim Esta long ol toktok bilong Mordekai.

4:10  Na gen Esta i toktok long Hatak, na givim tok strong long em i go long Mordekai.

4:11  Olgeta bilong ol wokboi bilong king, na ol manmeri bilong ol provins bilong king, i save pinis, long husat man, sapos em i man o meri, bai kam long king i go insait long ples op insait, husat king i no singautim, long i gat wanpela lo tasol bilong mekim em i dai, sapos em i no kain man husat king bai holim stik king gol i go ausait long em, inap long em i ken i stap laip. Tasol king i no bin singautim mi long i kam insait i go long king inap long dispela 30 de.

4:12  Na ol i tokim Mordekai long ol toktok bilong Esta.

4:13  Nau Mordekai i tok strong long bekim tok long Esta, No ken tingting long yu yet long yu bai ranawe na hait insait long haus bilong king, moa long olgeta Ju.

4:14  Long wanem, sapos yu pasim maus bilong yu long dispela taim, orait bai i gat traipela helpim na kisim bek i kirap long ol Ju i kam long narapela ples. Tasol yu na hauslain bilong papa bilong yu bai bagarap olgeta. Na husat i ken save long sapos yu bin kam long kingdom bilong kain taim olsem dispela?

4:15  Nau Esta i tokim long ol long go bek long Mordekai wantaim dispela bekim,

4:16  Go, bungim olgeta Ju wantaim husat i stap long Susan, na yupela tambuim kaikai bilong helpim mi, na tu yupela i no ken kaikai o dring tripela de, nait o san. Mi tu na ol yangpela meri bilong mi bai tambuim kaikai wankain tu. Na olsem tasol bai mi go insait i go long king, long dispela rot i no bihainim lo. Na sapos mi dai olgeta, mi dai olgeta.

4:17  Olsem na Mordekai i go long rot bilong em, na mekim bilong bihainim olgeta dispela Esta i bin tok strong long em.

Chapter 5

5:1  ¶ Nau em i kamap olsem long namba tri de, long Esta i putim naispela klos kwin bilong em, na sanap long ples op insait bilong haus bilong king, i pas klostu long haus bilong king. Na king i sindaun antap long sia king bilong em insait long haus king, i pas klostu long dua bilong banis bilong haus.

5:2  Na em i stap olsem, taim king i lukim kwin Esta i sanap long ples op, long meri i kisim gutpela amamas long ai bilong em. Na king i holim i go long Esta dispela stik king gol i stap long han bilong em. Olsem na Esta i wok long go klostu, na tasim antap bilong stik king.

5:3  Nau king i tokim em, Yu laikim wanem, kwin Esta? Na askim bilong yu em i wanem? Mi bai givim dispela long yu, yes, inap long namba tu hap bilong kingdom.

5:4  Na Esta i bekim tok, Sapos em i luk olsem i gutpela long ai bilong king, larim king na Haman i kam tude i go long dispela naispela bikpela kaikai mi bin redim bilong em.

5:5  Nau king i tok, Mekim Haman long go hariap, inap long em i ken mekim olsem Esta i bin tok. Olsem na king na Haman i kam long dispela naispela bikpela kaikai Esta i bin redim.

5:6  Na king i tokim Esta long dispela naispela bikpela kaikai wain, Strongpela askim bilong yu em i wanem? Na mi bai oraitim dispela long yu. Na askim bilong yu em i wanem? Yes, inap long namba tu hap bilong kingdom, dispela ol man bai mekim.

5:7  Nau Esta i bekim, na tok, Strongpela askim na askim bilong mi em i olsem,

5:8  Sapos mi bin painim pinis gutpela amamas long ai bilong king, na sapos em i amamasim bel bilong king bilong oraitim strongpela askim bilong mi, na bilong wokim askim bilong mi, larim king na Haman i kam long dispela naispela bikpela kaikai mi bai redim bilong ol, na mi bai mekim tumora olsem king i bin toktok.

5:9  ¶ Nau Haman i go ausait long dispela de wantaim amamas tru na wantaim bel i amamas. Tasol taim Haman i lukim Mordekai long dua bilong banis bilong king, long em i no sanap, o muv liklik long tingim em, em i pulap long bel nogut i birua long Mordekai.

5:10  Tasol Haman i holim bek em yet. Na taim em i kam long haus, em i salim tok na singautim ol wantok bilong em, na meri bilong em Seres.

5:11  Na Haman i tokim ol long glori bilong ol planti mani samting bilong em, na bilong ol pikinini bilong em i planti tru, na olgeta samting we insait long ol king i bin litimapim em i go antap, na long em i bin mekim em i go antap olsem wanem i winim ol hetman na ol wokboi bilong king.

5:12  Haman i tok moa tu, Yes, kwin Esta i no bin larim wanpela man i kam insait wantaim king i go long dispela naispela bikpela kaikai em i bin redim, mi yet tasol. Na tumora em i singautim mi bilong kam long em tu wantaim king.

5:13  Tasol olgeta dispela i no helpim mi liklik, taim mi lukim yet olsem dispela Ju Mordekai i sindaun long dua bilong banis bilong king.

5:14  Nau Seres, meri bilong em, na olgeta wantok bilong em, i tokim em, Larim ol i wokim wanpela ples bilong hangamapim man i antap olsem 50 kyubit, na tumora yu toktok long king long Mordekai i ken hangamap antap long en. Nau yu go insait wantaim amamas wantaim king i go long dispela naispela bikpela kaikai. Na dispela samting i amamasim bel bilong Haman. Na em i mekim ol long wokim ples bilong hangamapim man.

Chapter 6

6:1  ¶ Long dispela nait king i no inap long slip, na em i tok strong long bringim ol buk bilong tokaut bilong ol stori. Na ol i ritim ol long ai bilong king.

6:2  Na ol i lukim long rait bilong en, long Mordekai i bin tokaut long tingting bilong Biktana na Teres, tupela bilong ol man bilong king i bosim ol rum, ol wasman bilong dua, husat i painim rot bilong putim han long king Ahasuerus.

6:3  Na king i tok, Wanem ona na bikpela namba yumi bin mekim long Mordekai bilong bekim dispela? Nau ol wokboi bilong king husat i wokim wok long em, i tokim em I no gat wanpela samting yumi bin mekim bilong bekim em.

6:4  ¶ Na king i tok, Husat i stap long ples op? Nau Haman i kam pinis insait long ples op ausait bilong haus bilong king, bilong toktok long king long hangamapim Mordekai long dispela ples bilong hangamapim man em i bin redim bilong em.

6:5  Na ol wokboi bilong king i tokim em, Lukim, Haman i sanap long ples op. Na king i tok, Larim em i kam insait.

6:6  Olsem na Haman i kam insait. Na king i tokim em, Yumi bai mekim wanem long man husat king i gat gutpela amamas long givim ona long em? Nau Haman i tingting insait long bel bilong em, King i ken gat gutpela amamas long givim ona long husat moa long mi yet?

6:7  Na Haman i bekim tok long king, Long man husat king i gat gutpela amamas long givim ona,

6:8  Larim ol i bringim ol naispela klos bilong king, dispela king i werim bipo, na dispela hos king i save ran antap long en, na dispela hat king i sindaun antap long het bilong em.

6:9  Na larim ol givim dispela naispela klos na hos long han bilong wanpela nambawan hetman bilong king i gat biknem moa, inap long em i ken putim klos olgeta long man husat king i gat gutpela amamas long givim ona, na bringim em antap long baksait bilong hos namel long ol rot bilong biktaun, na go pas long em na autim toksave, Olsem tasol bai em i kamap long man husat king i gat gutpela amamas long givim ona long em.

6:10  Nau king i tokim Haman, Go hariap, na kisim dispela naispela klos na dispela hos, olsem yu bin tok, na mekim olsem, yes, long Ju Mordekai, husat i save sindaun long dua bilong banis bilong king. No ken larim wanpela samting i fel long olgeta samting yu bin toktok.

6:11  Nau Haman i kisim dispela naispela klos na dispela hos, na putim klos long Mordekai, na bringim em antap long baksait bilong hos i go namel long rot bilong biktaun. Na em i go pas long em na autim toksave, Olsem tasol bai kamap long man husat king i gat gutpela amamas long givim ona long em.

6:12  ¶ Na Mordekai i kam gen long dua bilong banis bilong king. Tasol Haman i hariap i go long haus bilong em wantaim bel i soim sori, na taim em i karamapim het bilong em.

6:13  Na Haman i tokim Seres, meri bilong em, na olgeta wantok bilong em long olgeta wan wan samting i bin pundaun long em. Nau ol saveman bilong em na Seres, meri bilong em, i tokim em, Sapos Mordekai i stap bilong tumbuna pikinini bilong ol Ju, long ai bilong husat yu bin stat long pundaun, yu bai i no inap winim em, tasol tru tumas, yu bai pundaun long ai bilong em.

6:14  Na taim ol i toktok yet wantaim em, ol man bilong king bilong bosim ol rum i kam, na wok hariap long bringim Haman i go long dispela bikpela kaikai Esta i bin redim.

Chapter 7

7:1  ¶ Olsem na king na Haman i kam long naispela bikpela kaikai wantaim kwin Esta.

7:2  Na king i tok gen i go long Esta long namba tu de long naispela bikpela kaikai wain, Strongpela askim bilong yu em i wanem, kwin Esta? Na mi bai oraitim long yu. Na askim bilong yu em i wanem? Na dispela bai go long yu, yes, inap long namba tu hap bilong kingdom.

7:3  Nau kwin Esta i bekim na tok, Sapos mi bin painim pinis gutpela amamas long ai bilong yu, O king, na sapos em i amamasim bel bilong king, larim ol i givim mi laip bilong mi long strongpela askim bilong mi, na ol lain bilong mi long askim bilong mi.

7:4  Long wanem, ol i salim mipela, mi na ol lain bilong mi, long ol i ken bagarapim mipela olgeta, long ol i ken kilim mipela i dai, na long ol i ken i dai olgeta. Tasol sapos ol i bin salim mipela long kamap ol wokboi nating na ol wokmeri nating, mi bin pasim maus bilong mi, maski birua i no inap long stretim dispela bagarap bilong ol samting bilong king.

7:5  Nau king Ahasuerus i bekim na tokim kwin Esta, Em i husat, na em i stap we, husat i gat bikhet tingting insait long bel bilong em bilong mekim olsem?

7:6  Na Esta i tok, Man i birua long mipela na birua em i dispela man nogut Haman. Nau Haman i pret long ai bilong king na kwin.

7:7  ¶ Na king, taim em i kirap na lusim bikpela kaikai wain long belhat tru bilong em, i go insait long gaden bilong haus king. Na Haman i sanap bilong wokim askim bilong laip bilong em long kwin Esta. Long wanem, em i luksave long king i pasim tok long em yet long mekim samting nogut i birua long em.

7:8  Nau king i kam bek ausait long gaden bilong haus king i go insait long ples bilong naispela bikpela kaikai wain. Na Haman i bin pundaun antap long bet we Esta i stap antap long en. Nau king i tok, Ating em bai bagarapim kwin tu long ai bilong mi insait long haus? Taim stret long dispela tok i kam ausait long maus bilong king, ol i karamapim pes bilong Haman.

7:9  Na Harbona, wanpela bilong ol man bilong bosim ol rum, i tok long ai bilong king, Lukim tu, ples bilong hangamapim man i antap 50 kyubit, dispela Haman i bin wokim bilong Mordekai, husat i bin toktok gutpela bilong helpim king, i sanap long haus bilong Haman. Nau king i tok, Hangamapim em long en.

7:10  Olsem na ol i hangamapim Haman long dispela ples bilong hangamapim man em i bin redim bilong Mordekai. Nau belhat tru bilong king i go kol.

Chapter 8

8:1  ¶ Long dispela de king Ahasuerus i bin givim haus bilong Haman, birua bilong ol Ju, i go long kwin Esta. Na Mordekai i kam long ai bilong king. Long wanem, Esta i bin tokaut long em i wanem long em.

8:2  Na king i rausim ring bilong em, dispela em i bin kisim long Haman, na givim dispela long Mordekai. Na Esta i putim Mordekai long bosim haus bilong Haman.

8:3  ¶ Na Esta i toktok yet gen long ai bilong king, na pundaun long tupela lek bilong em, na askim em long daun pasin wantaim aiwara long rausim i go dispela trabel bilong man Egak Haman, na plen bilong em, dispela em i bin kamapim plen long en i birua long ol Ju.

8:4  Nau king i holim i go ausait stik king gol i go long Esta. Olsem na Esta i kirap, na sanap long ai bilong king,

8:5  Na tok, Sapos em i amamasim bel bilong king, na sapos mi bin painim pinis gutpela amamas long ai bilong em, na dispela samting i luk olsem i stretpela long ai bilong king, na sapos mi stap samting bilong amamasim tupela ai bilong em, larim ol i raitim dispela long tanim bek ol pas Haman, pikinini man bilong man Egak Hamedata, i kamapim plen long ol, dispela em i raitim bilong bagarapim ol Ju olgeta husat i stap long olgeta provins bilong king.

8:6  Long wanem, olsem wanem mi ken stap strong yet long hevi taim mi lukim dispela samting nogut i bai kam antap long lain bilong mi? O olsem wanem mi ken stap strong yet long hevi taim mi lukim bagarap olgeta bilong kandre bilong mi?

8:7  Nau king Ahasuerus i tokim kwin Esta na Ju Mordekai, Lukim, mi bin givim Esta haus bilong Haman, na em ol i bin hangamapim antap long ples bilong hangamapim man, bilong wanem, em i putim han bilong em antap long ol Ju.

8:8  Yupela raitim tu bilong helpim ol Ju, olsem yupela i gat laik, long nem bilong king, na pasim dispela wantaim ring bilong king. Long wanem, dispela rait ol i raitim long nem bilong king, na pasim wantaim ring bilong king, i no gat man i ken tanim bek.

8:9  Nau ol i singautim ol man bilong rait bilong king long dispela taim long namba tri mun, em i olsem, mun Sivan, long namba 23 de bilong en. Na ol i raitim dispela bilong bihainim olgeta samting Mordekai i tok strong i go long ol Ju, na long ol namba tu hetman, na ol tultul na ol hetman bilong ol provins, dispela i stat long India i go long Itiopia, 127 provins, i go long olgeta wan wan provins bilong bihainim rait bilong en, na i go long olgeta wan wan lain i bihainim tok ples bilong ol, na long ol Ju bilong bihainim ol rait bilong ol, na bilong bihainim tok ples bilong ol.

8:10  Na em i raitim long nem bilong king Ahasuerus, na pasim dispela wantaim ring bilong king, na salim ol pas long han bilong ol man bilong karim pas antap long baksait bilong hos, na ol man bilong ran long ol miul, ol kemel, na ol yangpela dromederi kemel,

8:11  We insait long en king i oraitim pinis ol Ju husat i stap long olgeta wan wan biktaun long bungim ol yet wantaim, na long sanap bilong lukautim laip bilong ol, long bagarapim olgeta, long kilim i dai, na long mekim i dai, olgeta pawa bilong ol manmeri na provins husat i gat laik long paitim ol, ol liklik pikinini na meri wantaim, na bilong kisim kago long ol olsem prais bilong pait,

8:12  Antap long wanpela de long olgeta provins bilong king Ahasuerus, em i olsem, antap long namba 13 de bilong namba 12 mun, dispela em i mun Adar.

8:13  Kopi bilong rait bilong wanpela tok strong ol i mas givim long olgeta wan wan provins ol i mekim i kamap ples klia i go long olgeta manmeri, na long ol Ju i mas stap redi long dispela de long bekim pe nogut bilong ol yet i go long ol birua bilong ol.

8:14  Olsem na ol man bilong karim pas husat i ran antap long ol miul na ol kemel i go ausait, taim tok strong bilong king i hariapim ol na i strong long ol. Na strongpela tokaut ol i givim long haus king Susan.

8:15  ¶ Na Mordekai i go ausait i lusim pes bilong king na em i werim ol naispela klos king i blupela na waitpela, na wantaim wanpela bikpela hat king gol, na wantaim wanpela klos bilong laplap i naispela tru na purpelpela. Na biktaun Susan i wokim amamas tru na i stap amamas.

8:16  Ol Ju i gat lait, na amamas, na amamas tru, na ona.

8:17  Na long olgeta wan wan provins, na long olgeta wan wan biktaun, long wanem hap we tok strong bilong king na strongpela tokaut bilong em i kamap, ol Ju i gat amamas tru na amamas, wanpela bikpela kaikai na wanpela gutpela de. Na planti bilong ol manmeri bilong dispela hap i kamap ol Ju. Long wanem, pret bilong ol Ju i pundaun antap long ol.

Chapter 9

9:1  ¶ Nau long namba 12 mun, em i olsem, mun Adar, long namba 13 de bilong en stret, taim tok strong bilong king na strongpela tokaut bilong em i wok long kam klostu long ol i mekim i kamap, long de long ol birua bilong ol Ju i gat hop long ol bai gat pawa antap long ol, (maski em i tanim i kamap narakain, long ol Ju i gat pawa long bosim ol lain husat i hetim ol,)

9:2  Ol Ju i bungim ol yet wantaim insait long ol biktaun bilong ol long olgeta hap bilong olgeta provins bilong king Ahasuerus, long putim han antap long kain lain husat i painim rot bilong givim pen long ol. Na i no gat man husat i inap long sanap strong na birua long ol. Long wanem, pret bilong ol i pundaun antap long olgeta manmeri.

9:3  Na olgeta hetman bilong ol provins, na ol namba tu hetman, na ol tultul, na ol ofisa bilong king, i helpim ol Ju. Bilong wanem, pret bilong Mordekai i pundaun antap long ol.

9:4  Long wanem, Mordekai em i bikman insait long haus bilong king, na biknem tru bilong em i go ausait i go long olgeta hap bilong olgeta provins. Long wanem, dispela man Mordekai i wok long kamap bikpela na bikpela moa.

9:5  Olsem tasol ol Ju i paitim olgeta birua bilong ol wantaim paitim bilong bainat, na bikpela kilim i dai, na bagarap olgeta, na mekim wanem samting ol i gat laik i go long ol husat i hetim ol.

9:6  Na long haus king Susan ol Ju i bin kilim i dai na bagarapim olgeta 500 man.

9:7  Na Parsandata, na Dalfon, na Aspata,

9:8  Na Porata, na Adalia, na Aridata,

9:9  Na Parmasta, na Arisai, na Aridai, na Vajesata,

9:10  Tenpela pikinini man bilong Haman, pikinini man bilong Hamedata, birua bilong ol Ju, ol i kilim i dai. Tasol long ol kago bilong pait ol i no putim han bilong ol.

9:11  Long dispela de namba bilong ol husat ol i kilim i dai long haus king Susan ol i bringim long ai bilong king.

9:12  Na king i tokim kwin Esta, Ol Ju i bin kilim i dai na bagarapim olgeta 500 man long haus king Susan, na tenpela pikinini man bilong Haman. Ol i bin mekim wanem long olgeta arapela hap bilong ol provins bilong king? Nau strongpela askim bilong yu em i wanem? Na mi bai oraitim long yu. O, askim moa bilong yu em i wanem? Na dispela ol bai mekim.

9:13  Nau Esta i tok, Sapos em i amamasim bel bilong king, larim em oraitim ol Ju husat i stap long Susan bilong mekim tumora tu bilong bihainim dispela strongpela tokaut bilong tude, na larim ol i hangamapim tenpela pikinini man bilong Haman long ples bilong hangamapim man.

9:14  Na king i tok strong olsem dispela i mas kamap. Na ol i givim dispela strongpela tokaut long Susan. Na ol i hangamapim tenpela pikinini man bilong Haman.

9:15  Long wanem, ol Ju husat i stap long Susan i bungim ol yet wantaim long namba 14 de tu bilong mun Adar, na kilim i dai 300 man long Susan. Tasol long ol prais bilong pait ol i no putim han bilong ol.

9:16  Tasol ol arapela Ju, husat i stap long ol provins bilong king, i bungim ol yet wantaim, na sanap bilong lukautim ol laip bilong ol, na i gat malolo long ol birua bilong ol, na kilim i dai bilong ol birua bilong ol 75,000. Tasol ol i no putim ol han bilong ol long ol prais bilong pait,

9:17  Long namba 13 de bilong mun Adar. Na long namba 14 de bilong en stret ol i malolo, na makim dispela wanpela de bilong bikpela kaikai na amamas.

9:18  Tasol ol Ju husat i stap long Susan i bung wantaim long namba 13 de bilong en, na long namba 14 bilong en. Na long namba 15 de bilong en stret ol i malolo, na makim dispela wanpela de bilong bikpela kaikai na amamas.

9:19  Olsem na ol Ju bilong ol vilis, husat i stap long ol taun i no gat banis, i mekim namba 14 de bilong mun Adar wanpela de bilong amamas na bikpela kaikai, na wanpela gutpela de, na bilong salim ol hap skel wanpela i go long narapela.

9:20  ¶ Na Mordekai i raitim ol dispela samting, na salim ol pas i go long olgeta Ju husat i stap long olgeta provins bilong king Ahasuerus, klostu na longwe wantaim,

9:21  Long makim strong dispela namel long ol, inap long ol mas holimpas namba 14 de bilong mun Adar, na namba 15 de bilong en stret, olgeta wan wan yia,

9:22  Olsem ol de we ol Ju i malolo insait long ol long ol birua bilong ol, na long dispela mun i tanim long ol long lusim bel hevi i kamap amamas tru, na i lusim soim sori i kamap wanpela gutpela de. Ol i makim inap long ol i ken makim ol ol de bilong bikpela kaikai na amamas tru, na bilong salim ol hap skel wanpela i go long narapela, na ol presen long ol rabisman.

9:23  Na ol Ju i mekim pinis olsem ol i bin stat long mekim, na olsem Mordekai i bin raitim i go long ol.

9:24  Bilong wanem, Haman, pikinini man bilong Hamedata, man Egak, birua bilong olgeta Ju, i bin kamapim plen i birua long ol Ju bilong bagarapim ol olgeta. Na em i bin tromoi Pur, em i olsem, dispela satu, bilong kaikai ol olgeta, na bilong bagarapim ol olgeta.

9:25  Tasol taim Esta i kam long ai bilong king, em i tok strong long ol pas long plen nogut bilong em, dispela em kamapim plen long en i birua bilong ol Ju, i ken kam bek antap long het bilong em yet, na long em na ol pikinini man bilong em i ken hangamap long ples bilong hangamapim man.

9:26  Olsem na ol i kolim nem bilong ol dispela de Purim bilong bihainim nem Pur. Olsem na olgeta toktok bilong dispela pas, na bilong dispela samting ol i bin lukim long sait bilong dispela samting, na dispela i bin kam antap long ol,

9:27  Ol Ju i makim, na kisim antap long ol, na antap long tumbuna pikinini bilong ol, na antap long olgeta kain husat husat i bungim ol yet i go long ol, inap long em i no ken fel, long ol i ken holimpas dispela tupela de bilong bihainim ol rait bilong ol, na bilong bihainim taim ol i makim bilong ol olgeta wan wan yia.

9:28  Na long ol i ken holim tingim long ol dispela de na holimpas ol i go long olgeta wan wan lain tumbuna, olgeta wan wan famili, na olgeta wan wan provins, na olgeta wan wan biktaun, na long ol dispela de bilong Purim i no ken fel namel long ol Ju, o samting bilong holim tingting long ol i no inap i dai olgeta long tumbuna pikinini bilong ol.

9:29  Nau kwin Esta, pikinini meri bilong Abihail, na Ju Mordekai, i rait wantaim olgeta namba, bilong tok yes long dispela namba tu pas bilong Purim.

9:30  Na em i salim ol pas i go long olgeta Ju, long dispela 127 provins bilong kingdom bilong Ahasuerus, wantaim ol toktok bilong bel isi na tok i tru,

9:31  Bilong tok yes long ol dispela de bilong Purim long ol taim ol i makim bilong ol, bilong bihainim olsem Ju Mordekai na kwin Esta i bin tok strong long ol, na olsem ol i bin givim strongpela tokaut bilong ol yet na bilong tumbuna pikinini bilong ol, bilong ol samting bilong tambuim kaikai na krai bilong ol.

9:32  Na strongpela tokaut bilong Esta i tok yes long ol dispela samting bilong Purim. Na ol i raitim dispela long buk.

Chapter 10

10:1  ¶ Na king Ahasuerus i putim wanpela takis antap long dispela hap, na antap long ol ailan bilong biksi.

10:2  Na olgeta wok em i mekim wantaim pawa na strong bilong em, na dispela tokaut long Mordekai em i bikman tru, we king i bin mekim em i go antap, ating i yes long ol i raitim ol long buk bilong ol stori bilong ol king bilong Media na Persia?

10:3  Long wanem, Ju Mordekai em i nambatu bilong king Ahasuerus, na bikpela namel long ol Ju, na ol brata bilong em i planti tru i orait long em, na em i painim rot bilong mekim lain bilong em i ken gat ol bikpela mani samting, na em i toktok wantaim bel isi long olgeta tumbuna pikinini bilong em.