TpiKJPB - James

Chapter 1

1:1  ¶ Jems, wanpela wokboi bilong God na bilong Bikpela Jisas Kraist, i go long dispela twelpela lain husat i bruk nabaut ausait, gude.

1:2  ¶ Ol brata bilong mi, kaunim dispela wanpela amamas tru olgeta taim yupela i go insait long ol kain kain traim.

1:3  Taim yupela i save dispela, long traim bilong bilip tru bilong yupela i wokim pasin bilong sanap strong long traim.

1:4  Tasol larim pasin bilong sanap strong long traim i ken gat wok i inap tru bilong em, inap long yupela i ken stap inap tru na pulap olgeta, taim yupela i no sot tru long wanpela samting.

1:5  Sapos wanpela bilong yupela i sot long save tru, larim em askim long God, husat i givim long olgeta man wantaim laik bilong bel, na em i no givim sem. Na em bai givim dispela long em.

1:6  Tasol larim em askim wantaim bilip tru, na no ken muv i kam i go long wanpela samting. Long wanem, em husat i muv i kam i go em i olsem wanpela sibruk bilong biksi win i ranim i go na tromoi.

1:7  Long wanem, no ken larim dispela man ting long em bai kisim wanpela samting long Bikpela.

1:8  Man i gat tupela tingting i no strong long olgeta pasin bilong em.

1:9  Larim dispela brata i gat namba daunbilo i ken wokim amamas tru long dispela, God i litimapim em,

1:10  Tasol maniman, long dispela, God i mekim em i go daun. Bilong wanem, olsem plaua bilong gras em bai pinis olgeta.

1:11  Long wanem, san i no kam antap liklik taim yet wantaim strongpela hat i kuk, tasol em i mekim gras i go drai, na plaua bilong en i pundaun, na naispela bilong lukluk bilong en i dai olgeta. Olsem tasol tu maniman bai surik isi isi i go long ol pasin bilong em.

1:12  Blesing i stap long man husat i stap strong yet long traim. Long wanem, taim ol i traim em, em bai kisim hat king bilong laip, dispela Bikpela i bin promisim ol husat i laikim em tru.

1:13  ¶ No ken larim man i tok olsem taim traim i kam long em, God i traim mi. Long wanem, ol man i no inap traim God wantaim pasin nogut, na tu em i no traim wanpela man.

1:14  Tasol traim i kam long olgeta wan wan man taim aigris bilong em yet i pulim em i go, na grisim em.

1:15  Nau taim aigris i bin kisim bel, em i karim sin. Na sin, taim em i pinis, i karim dai.

1:16  No ken paul, ol brata i stap klostu tru long bel bilong mi.

1:17  Olgeta wan wan gutpela presen na olgeta wan wan presen i inap tru i kam long antap, na i lusim Papa bilong ol lait i kam daun, long husat i no gat senis senis, o tanim nabaut olsem tewel bilong san.

1:18  Long laik bilong em yet em i kamapim yumi wantaim tok bilong tok tru, inap long yumi ken stap wanpela kain namba wan kaikai bilong olgeta samting em i kamapim.

1:19  ¶ Olsem na, ol brata i stap klostu tru long bel bilong mi, larim olgeta wan wan man i ken hariap long harim, no ken hariap long toktok, no ken hariap long belhat tru.

1:20  Long wanem, belhat tru bilong man i no wokim stretpela pasin bilong God.

1:21  Olsem na lusim i stap em yet olgeta pasin i doti tru na pasin nogut i planti tumas, na kisim dispela tok i kam long narapela hap wantaim pasin bilong stap isi, dispela em inap long kisim bek ol tewel bilong yupela.

1:22  Tasol yupela i mas stap ol man bilong bihainim tok, na i no ol man bilong harim tasol, taim yupela i giamanim yupela yet.

1:23  Long wanem, sapos wanpela man i stap man bilong harim dispela tok, na em i no bihainim, em i wankain olsem man i lukim pes tru bilong em long wanpela glas.

1:24  Long wanem, em i lukim em yet, na em i go long rot bilong em, na kwiktaim em i lusim tingting long em i stap wanem kain man.

1:25  Tasol husat man i lukluk i go insait long lo bilong stap fri i inap tru, na i stap yet insait long en, taim em i man i harim na i no lusim tingting, tasol em i man bilong mekim wok, dispela man bai gat blesing long wok bilong em.

1:26  Sapos wanpela man namel long yupela i luk olsem em i gat lotu pasin, na em i no stiaim gut tang bilong em, tasol em i giamanim bel bilong em yet, lotu bilong dispela man em i samting nating.

1:27  Lotu pasin i klin na i no doti long ai bilong God na Papa em i dispela, Long em i go lukim ol lain i no gat papa na ol meri man bilong ol i dai pinis long taim hevi bilong ol, na long pasim em yet long gat ol mak nogut i kam long dispela graun.

Chapter 2

2:1  ¶ Ol brata bilong mi, no ken gat bilip tru bilong Bikpela bilong yumi Jisas Kraist, Bikpela bilong glori, wantaim pasin bilong tingim namba bilong ol man.

2:2  Long wanem, sapos i gat i kam long bung bilong yupela wanpela man wantaim wanpela ring gol, long nambawan naispela klos, na i gat i kam insait tu wanpela rabisman wantaim klos nogut tru,

2:3  Na yupela i gat pasin bilong tingim namba long em husat i werim klos i gat amamas, na tokim em, Yu sindaun hia long gutpela ples, na tokim rabisman, Yu sanap long hap, o sindaun hia aninit long liklik sia bilong putim lek bilong mi,

2:4  Ating i yes long nau yupela i skelim kranki long yupela yet, na yupela i kamap ol jas bilong ol tingting nogut?

2:5  Harim, ol brata i stap klostu tru long bel bilong mi, Ating i yes long God i bin makim ol rabisman bilong dispela graun ol maniman long bilip tru, na ol pikinini i kisim kingdom long papa, dispela em i bin promisim long ol husat i laikim em tru?

2:6  Tasol yupela i bin tingim ol rabisman olsem ol i samting nating. Ating i yes long ol maniman i givim hevi long yupela, na pulim yupela i go long ai bilong ol sia bilong kot?

2:7  Ating i yes long ol i tok bilas long dispela nem i gat namba, dispela ol i kolim yupela long en?

2:8  ¶ Sapos yupela inapim dispela lo bilong king bilong bihainim rait bilong God, Yu bai laikim tru man i stap klostu long yu olsem yu laikim yu yet, yupela i mekim gutpela samting.

2:9  Tasol sapos yupela i gat pasin bilong tingim namba long ol man, yupela i mekim sin, na lo i soim tru tru olsem yupela i ol man bilong kalapim lo.

2:10  Long wanem, husat man bai bihainim lo olgeta, na yet em i bagarapim long wanpela poin, em i gat asua long olgeta.

2:11  Long wanem, em husat i tok, No ken bagarapim marit long pamuk pasin, i tok tu, No ken kilim man. Nau sapos yu no bagarapim marit long pamuk pasin, tasol sapos yu kilim man, yu bin kamap man bilong kalapim lo.

2:12  Yupela i mas toktok olsem, na mekim olsem, olsem ol husat lo bilong stap fri bai jasim.

2:13  Long wanem, em bai gat kot i no gat sori, husat i no bin soim sori. Na sori i wokim amamas tru i birua long kot.

2:14  ¶ Dispela save i gat wanem helpim, ol brata bilong mi, sapos wanpela man i tok em i gat bilip tru, na em i no gat ol wok? Bilip tru i ken kisim bek em?

2:15  Sapos wanpela brata o susa i stap skin nating, na i no gat kaikai olgeta bilong wan wan de,

2:16  Na wanpela bilong yupela i tokim ol, Go wantaim bel isi, yupela hatim skin na stap pulap, tasol yupela i no givim ol ol dispela samting, dispela ol bodi bilong ol i gat nid long en, em bai gat wanem helpim?

2:17  Yes, olsem tasol bilip tru, sapos i no gat ol wok, i dai pinis, taim em i stap wanpis.

2:18  Yes, wanpela man i ken tok, Yu gat bilip tru, na mi gat ol wok. Soim mi bilip tru bilong yu i no gat ol wok bilong yu, na mi bai soim yu bilip tru bilong mi wantaim ol wok bilong mi.

2:19  Yu bilip long i gat wanpela God tasol i stap, yu mekim gutpela samting. Ol spirit nogut tu i bilip olsem, na guria.

2:20  Tasol inap yu save, O man nating, long bilip tru i no gat ol wok i dai pinis?

2:21  Ating i yes long Ebraham, papa bilong yumi, i kamap stretpela long ol wok, taim em i bin ofaim pikinini man bilong em Aisak long alta?

2:22  Yu luksave long bilip tru i wok wantaim ol wok bilong em olsem wanem, na long ol wok, bilip tru i kamap inap tru?

2:23  Na dispela i inapim rait bilong God, dispela i tok, Ebraham i bilipim God, na God i makim dispela long em long stretpela pasin. Na God i kolim em Pren bilong God.

2:24  Yupela luksave nau olsem long ol wok wanpela man i kamap stretpela, na i no long bilip tru tasol.

2:25  Wankain olsem tu ating i yes long pamuk meri Rehap i kamap stretpela long ol wok, taim em i bin kisim ol mausman, na em i bin salim ol ausait long narapela rot?

2:26  Long wanem, olsem bodi i no gat spirit i dai pinis, olsem tasol bilip tru i no gat ol wok i dai pinis tu.

Chapter 3

3:1  ¶ Ol brata bilong mi, no ken stap planti bikman, taim yumi save long yumi bai kisim bikpela pe nogut moa long kot.

3:2  Long wanem, long planti samting yumi bagarapim bel bilong olgeta. Sapos wanpela man i no bagarapim bel wantaim toktok, dispela man stret em i inap tru, na inap tu long stiaim gut olgeta hap bilong bodi.

3:3  Lukim, yumi putim ol ain insait long maus bilong ol hos, inap long ol i ken bihainim tok bilong yumi. Na yumi tanim nabaut olgeta hap bilong bodi bilong ol.

3:4  Lukim tu ol sip, husat maski ol i stap bikpela olsem, na ol strongpela win i ranim ol i go, yet ol man i tanim ol nabaut wantaim wanpela liklik stia tru, long wanem hap we bosman i gat laik.

3:5  Yes, olsem tasol tang em i wanpela liklik hap bilong bodi, na i tok hambak long ol bikpela samting. Lukim, liklik paia i ken kirapim wanpela kain bikpela samting moa!

3:6  Na tang em i wanpela paia, wanpela samting i pulap tru long sin nogut. Tang em i olsem namel long ol hap bilong bodi bilong yumi, inap long em i mekim olgeta hap bilong bodi i doti, na kirapim paia long wok bilong pasin bilong dispela graun. Na hel i kirapim paia long en.

3:7  Long wanem, olgeta wan wan kain bilong ol animal, na bilong ol pisin, na bilong ol snek, na bilong ol samting insait long biksi, man i ken mekim em sindaun isi, na man i bin mekim em sindaun isi.

3:8  Tasol i no gat man i ken mekim tang long sindaun isi. Em i wanpela samting nogut man i no inap bosim gut, pulap long marasin nogut bilong mekim man i dai.

3:9  Wantaim dispela yumi blesim God, yes, Papa. Na wantaim dispela yumi tok nogutim ol man, husat em i wokim i bihainim samting i wankain olsem God.

3:10  Ausait long wanpela maus stret blesing na tok nogut i kam. Ol brata bilong mi, em i no gutpela long ol dispela samting i stap olsem.

3:11  Ating wanpela ai bilong wara i sut i salim i kam ausait wara i swit na wara i pait tru long wanpela ples stret?

3:12  Diwai fik, ol brata bilong mi, i ken karim ol oliv beri? O wanpela diwai wain, ol fik? Olsem tasol ai bilong wara i sut i no inap givim wara i sol na i klin wantaim.

3:13  ¶ Husat em i saveman na i pulap wantaim save namel long yupela? Larim em soim, ausait long gutpela pasin bilong em, ol wok bilong em wantaim pasin bilong stap isi bilong save tru.

3:14  Tasol sapos yupela i gat ol mangal tingting i gat pait tru na ol strongpela pait insait long ol bel bilong yupela, no ken glori long dispela, na no ken giaman i birua long tok tru.

3:15  Dispela save tru i no kam daun long antap, tasol em i samting bilong dispela graun, em i samting bilong bihainim bodi, na em i samting bilong ol spirit nogut.

3:16  Long wanem, we mangal tingting na strongpela pait i stap, i gat pasin paul i stap na olgeta wan wan wok nogut.

3:17  Tasol dispela save tru i kam long antap em i klin pastaim, bihain i gat pasin bel isi, pasin isi, na em i isi long mekim strongpela askim long en, pulap long sori na gutpela kaikai, i no gat pasin bilong skelim kranki, na i no gat pasin bilong tupela maus.

3:18  Na kaikai bilong stretpela pasin ol i planim long bel isi bilong ol husat i wokim bel isi.

Chapter 4

4:1  ¶ Ol bikpela pait na ol pait namel long yupela i kam long we? Ating i yes long ol i kam long hia, yes, long dispela ol aigris bilong yupela i wokim ol bikpela pait insait long ol hap bilong bodi bilong yupela?

4:2  Yupela i aigris, na yupela i no gat. Yupela i kilim man, na gat laik long kisim, na yupela i no inap long kisim. Yupela i pait na wokim bikpela pait, tasol yupela i no gat, bilong wanem, yupela i no askim.

4:3  Yupela i askim, na yupela i no kisim, bilong wanem, yupela i askim rong, inap long yupela i ken kaikai dispela olgeta long ol aigris bilong yupela.

4:4  Yupela ol man na meri bilong bagarapim marit wantaim pamuk pasin, ating yupela i no save long pasin pren wantaim dispela graun em i pasin birua wantaim God? Olsem na husat man i gat laik long stap pren bilong dispela graun em i birua bilong God.

4:5  Yupela i ting long rait bilong God i tok nating, Dispela spirit husat i stap insait long yumi i aigris inap long mangal tingting?

4:6  Tasol em i givim marimari moa. Olsem na em i tok, God i sanap na birua long hambak man, tasol em i givim marimari long man bilong daunim em yet.

4:7  Olsem na putim yupela yet aninit long God. Sanap na birua long Seten, na em bai ranawe long yupela.

4:8  Go klostu long God, na em bai go klostu long yupela. Klinim ol han bilong yupela, yupela ol sinman. Na klinim ol bel bilong yupela, yupela ol man bilong tupela tingting.

4:9  Kisim hevi, na soim sori, na krai tru. Larim ol lap bilong yupela i tanim i kamap pasin bilong soim sori, na amamas tru bilong yupela i kamap pasin hevi.

4:10  Daunim yupela yet long ai bilong Bikpela, na em bai litimapim yupela.

4:11  ¶ No ken toktok nogut wanpela i go long sait bilong narapela, ol brata. Em husat i toktok nogut long sait bilong brata bilong em, na jasim brata bilong em, i toktok nogut long sait bilong lo, na jasim lo. Tasol sapos yu jasim lo, yu no stap wanpela man bilong bihainim lo, tasol wanpela jas.

4:12  I gat wanpela man bilong givim lo, husat em i inap long kisim bek na long bagarapim olgeta. Yu husat long yu jasim narapela?

4:13  Goan nau, yupela husat i tok, Tude o tumora mipela bai go insait long wanpela kain biktaun, na stap yet long dispela hap wanpela yia, na baim na salim samting, na kisim win samting,

4:14  We yupela i no save long wanem samting bai stap long de bihain. Long wanem, laip bilong yupela em i wanem samting? Yes, em i wanpela smuk wara, dispela i kamap ples klia long liklik taim tasol, na nau em i pinis olgeta i go.

4:15  Long wanem, em i gutpela moa long yupela i tok, Sapos Bikpela i laik, mipela bai stap laip, na mekim dispela, o dispela.

4:16  Tasol nau yupela i wokim amamas tru long ol tok hambak bilong yupela. Olgeta kain pasin bilong wokim amamas tru olsem em i nogut.

4:17  Olsem na long em husat i save long mekim gutpela, na em i no mekim, long em dispela em i sin.

Chapter 5

5:1  ¶ Goan nau, yupela ol maniman, krai tru na singaut sori bilong tingim ol dispela hevi nogut bilong yupela i bai kam antap long yupela.

5:2  Ol mani samting bilong yupela i bagarap pinis, na ol klos bilong yupela ol bataplai bilong nait i kaikai pinis.

5:3  Ol gol na silva bilong yupela i bagarap long ros. Na ros bilong ol bai stap wanpela witnes i birua long yupela, na em bai kaikai bodi bilong yupela samting olsem em i paia. Yupela i bin hipim ol samting i dia tru wantaim bilong ol las de.

5:4  Lukim, pe bilong ol wokman husat i bin kamautim kaikai long ol bikpela gaden bilong yupela, dispela yupela i holim bek long pasin giaman, i singaut. Na ol singaut bilong ol husat i bin kamautim kaikai i go insait long tupela ia bilong Bikpela bilong sabaot.

5:5  Long dispela graun, yupela i bin stap laip insait long amamas, na bin raun nating nogut. Yupela i bin mekim ol bel bilong yupela i kisim strong, olsem long wanpela de bilong bikpela kilim i dai.

5:6  Yupela i bin sutim tok na kilim ol stretpela man. Na em i no sanap na birua long yupela.

5:7  Olsem na sanap strong long traim, ol brata, inap long kam bek bilong Bikpela. Lukim, man bilong lukautim gaden i wet long ol kaikai i dia tumas bilong dispela graun, na em i gat pasin bilong sanap strong longpela taim long traim bilong wetim dispela, inap long taim em i kisim ren bilong pastaim na ren bilong bihain.

5:8  Yupela tu mas sanap strong long traim. Strongim ol bel bilong yupela. Long wanem, kam bek bilong Bikpela i wok long kam klostu.

5:9  No ken gat tok wanpela i birua long narapela, ol brata, nogut yupela i lus long kot. Lukim, jas i sanap long ai bilong dua.

5:10  Kisim, ol brata bilong mi, ol profet, husat i bin toktok long nem bilong Bikpela, long wanpela piksa bilong karim pen long taim hevi, na bilong sanap strong long traim.

5:11  Lukim, yumi kaunim ol i amamas husat i stap strong yet long traim. Yupela i bin harim long pasin bilong Jop long sanap strong long traim, na yupela i bin lukim pinis bilong Bikpela, long Bikpela em i man bilong soim sori tru, na bilong sori i isi moa.

5:12  ¶ Tasol antap long olgeta samting, ol brata bilong mi, no ken wokim strongpela promis, long heven, o long dispela graun, o long wanpela arapela strongpela promis. Tasol larim ol yes bilong yupela i stap yes, na ol nogat bilong yupela i stap nogat. Nogut yupela i pundaun long pe nogut bilong kot.

5:13  I gat wanpela namel long yupela i kisim hevi? Larim em beten. I gat wanpela i amamas? Larim em singim ol sam.

5:14  I gat wanpela i sik namel long yupela? Larim em singautim ol lapun hetman bilong sios. Na larim ol beten antap long em, taim ol i welim em wantaim wel long nem bilong Bikpela.

5:15  Na prea bilong bilip tru bai kisim bek sikman, na Bikpela bai kirapim em. Na sapos em i bin mekim ol sin, God bai lusim ol.

5:16  Autim ol asua bilong yupela wanpela i go long narapela, na beten wanpela bilong helpim narapela, inap long yupela i ken kamap orait gen. Strongpela prea tru i gat pawa bilong wanpela stretpela man bai helpim planti.

5:17  Ilaias em i wanpela man i stap aninit long ol wankain hevi olsem yumi stap, na em i beten strong long em i no ken ren. Na em i no ren long dispela graun long taim bilong tripela yia na sikispela mun.

5:18  Na em i beten gen, na heven i givim ren, na dispela graun i karim kaikai bilong em.

5:19  Ol brata, sapos wanpela bilong yupela i lusim rot bilong tok tru, na wanpela i senisim bilip bilong em,

5:20  Larim em save, long em husat i senisim bilip bilong sinman long paul bilong pasin bilong em bai kisim bek wanpela tewel long dai, na em bai haitim planti sin tru.