ABPGRK - Lamentations

Chapter 1

1:1  και εγένετο μετά το αιχμαλωτισθήναι τον Ισραήλ και Ιερουσαλήμ ερημωθήναι εκάθισεν Ιερεμίας κλαίων και εθρήνησε τον θρήνον τούτον επί Ιερουσαλήμ και είπεν ΑΛΕΦ πως εκάθισε μόνη η πόλις η πεπληθυμμένη λαών εγενήθη ως χήρα πεπληθυμμένη εν έθνεσιν άρχουσα εν χώραις εγενήθη εις φόρον

1:2  ΒΗΘ κλαίουσα έκλαυσεν εν νυκτί και τα δάκρυα αυτής επί των σιαγόνων αυτής και ουχ υπήρχεν ο παρακαλών αυτήν από πάντων των αγαπώντων αυτήν πάντες οι φιλούντες αυτήν ηθέτησαν εν αυτή εγένοντο αυτή εις εχθρούς

1:3  ΓΙΜΑΛ μετωκίσθη Ιουδαία από ταπεινώσεως αυτής και από πλήθους δουλείας αυτής εκάθισεν εν έθνεσιν ουχ εύρεν ανάπαυσιν πάντες οι καταδιώκοντες αυτήν κατέλαβον αυτήν αναμέσον των θλιβόντων

1:4  ΔΑΛΕΘ οδοί Σιών πενθούσι παρά το μη είναι ερχομένους εν εορτή πάσαι αι πύλαι αυτής ηφανισμέναι οι ιερείς αυτής αναστενάζουσιν αι παρθένοι αυτής αγόμεναι και αυτή πικραινομένη εν εαυτή

1:5  Η εγένοντο οι θλίβοντες αυτήν εις κεφαλήν και οι εχθροί αυτής ευθυνούσιν ότι κύριος εταπείνωσεν αυτήν επί το πλήθος των ασεβειών αυτής τα νήπια αυτής επορεύθησαν εν αιχμαλωσία κατά πρόσωπον θλίβοντος

1:6  ΟΥΑΥ και εξήλθε εκ θυγατρός Σιών πάσα η ευπρέπεια αυτής εγένοντο οι άρχοντες αυτής ως κριοί ουχ ευρίσκοντες νομήν και επορεύοντο εν ουκ ισχύϊ κατά πρόσωπον διώκοντος

1:7  ΖΑΙΝ εμνήσθη Ιερουσαλήμ ημερών ταπεινώσεως αυτής και απωσμών αυτής πάντα τα επιθυμήματα αυτής όσα ην εξ ημερών αρχαίων εν τω πεσείν τον λαόν αυτής εις χείρας θλίβοντος και ουκ ην ο βοηθών αυτή ιδόντες οι εχθροί αυτής εγέλασαν επί τη μετοικεσία αυτής

1:8  ΗΘ αμαρτίαν ήμαρτεν Ιερουσαλήμ διά τούτο εις σάλον εγένετο πάντες οι δοξάζοντες αυτήν εταπείνωσαν αυτήν είδον γαρ την ασχημοσύνην αυτής και γε αυτή στενάζουσα και απεστράφη εις τα οπίσω

1:9  ΤΗΘ ακαθαρσία αυτής προς ποδών αυτής ουκ εμνήσθη έσχατα αυτής και κατεβίβασεν υπέρογκα ουκ έστιν ο παρακαλών αυτήν ίδε κύριε την ταπείνωσίν μου ότι εμεγαλύνθη ο εχθρός

1:10  ΙΩΘ χείρα αυτού εξεπέτασε ο θλίβων επί πάντα τα επιθυμήματα αυτής είδε γαρ έθνη εισελθόντα εις το αγιασμά αυτής α ενετείλω μη εισελθείν αυτά εις εκκλησίαν σου

1:11  ΧΑΦ πας ο λαός αυτής καταστενάζοντες ζητούντες άρτον έδωκαν τα επιθυμήματα αυτής εν βρώσει του επιστρέψαι ψυχήν ίδε κύριε και επίβλεψον ότι εγενήθη ητιμωμένη

1:12  ΛΑΜΕΔ οι προς υμάς πάντες παραπορευόμενοι οδόν επιστρέψατε και ίδετε ει έστιν άλγος ως άλγος μου ο εγενήθη φθεγξάμενος εν εμοί εταπείνωσέ με κύριος εν ημέρα οργής θυμού αυτού

1:13  ΜΗΜ εξ ύψους αυτού απέστειλε πυρ εν τοις οστέοις μου και κατήγαγεν αυτό διεπέτασε δίκτυον τοις ποσί μου απέστρεψέ με εις τα οπίσω έδωκέ με ηφανισμένην όλην την ημέραν οδυνωμένην

1:14  ΝΟΥΝ εγρηγορήθη επί τα ασεβήματά μου εν χερσί μου συνεπλάκησαν ανέβησαν επί τον τράχηλόν μου ησθένησεν η ισχύς μου ότι έδωκε κύριος εν χερσί μου οδύνας ου δυνήσομαι στήναι

1:15  ΣΑΜΕΧ εξήρε πάντας τους ισχυρούς μου ο κύριος εκ μέσου μου εκάλεσεν επ΄ εμέ καιρόν του συντρίψαι εκλεκτούς μου ληνόν επάτησε κύριος παρθένω θυγατρί Ιούδα

1:16  ΑΙΝ επί τούτοις εγώ κλαίω ο οφθαλμός μου κατήγαγεν ύδωρ ότι εμακρύνθη απ΄ εμού ο παρακαλών με ο επιστρέφων ψυχήν μου εγένοντο οι υιοί μου ηφανισμένοι ότι εκραταιώθη ο εχθρός

1:17  ΦΗ διεπέτασε Σιών χείρας αυτής ουκ έστιν ο παρακαλών αυτήν ενετείλατο κύριος τω Ιακώβ κύκλω αυτού οι θλίβοντες αυτόν εγενήθη Ιερουσαλήμ εις αποκαθημένην αναμέσον αυτών

1:18  ΣΑΔΗ δίκαιός εστι κύριος ότι το στόμα αυτού παρεπίκρανα ακούσατε δη πάντες οι λαοί και ίδετε το άλγος μου παρθένοι μου και νεανίσκοι μου επορεύθησαν εν αιχμαλωσία

1:19  ΚΩΦ εκάλεσα τους εραστάς μου αυτοί δε παρελογίσαντό με οι ιερείς μου και οι πρεσβύτεροί μου εν τη πόλει εξέλιπον ότι εζήτησαν βρώσιν αυτοίς ίνα επιστρέψωσι ψυχάς αυτών

1:20  ΡΗΣ ίδε κύριε ότι θλίβομαι η κοιλία μου εταράχθη και η καρδία μου εστράφη εν εμοί παραπικραίνουσα παρεπίκρανα έξωθεν ητέκνωσέ με μάχαιρα ώσπερ θάνατος εν οίκω

1:21  ΣΙΝ ακούσατε δη ότι στενάζω εγώ ουκ έστιν ο παρακαλών με πάντες οι εχθροί μου ήκουσαν τα κακά μου και εχάρησαν ότι συ εποίησας επήγαγες ημέραν εκάλεσας καιρόν εγένοντο όμοιοί μοί

1:22  ΘΑΥ εισέλθοι πάσα η κακία αυτών κατά πρόσωπόν σου και επιφύλλισον αυτοίς ον τρόπον εποίησαν επιφυλλίδα περί πάντων των αμαρτημάτων μου ότι πολλοί οι στεναγμοί μου και η καρδία μου λυπείται

Chapter 2

2:1  ΑΛΕΦ πως εγνόφωσεν οργή αυτού κύριος την θυγατέρα Σιών κατέρριψεν εξ ουρανού εις γην δόξασμα Ισραήλ και ουκ εμνήσθη υποποδίου ποδών αυτού εν ημέρα οργής θυμού αυτού

2:2  ΒΗΘ κατεπόντισε κύριος ου φεισάμενος πάντα τα ωραία Ιακώβ καθείλεν εν θυμώ αυτού τα οχυρώματα της θυγατρός Ιούδα εκόλλησεν εις την γην εβεβήλωσεν βασιλέα αυτής και αρχοντα αυτής

2:3  ΓΙΜΕΛ συνέκλασεν εν οργή θυμού αυτού παν κέρας Ισραήλ απέστρεψεν εις τα οπίσω δεξιάν αυτού από προσώπου εχθρού και ανήψεν εν Ιακώβ ως πυρ φλόγα και κατέφαγε πάντα τα κύκλω

2:4  ΔΑΛΕΘ ενέτεινε τόξον αυτού ως εχθρός εστερέωσε δεξιάν αυτού ως υπεναντίος και απέκτεινε πάντα τα επιθυμήματα των οφθαλμών μου εν σκηνή θυγατρός Σιών εξέχεεν ως πυρ τον θυμόν αυτού

2:5  Η εγενήθη κύριος ως εχθρός κατεπόντισεν Ισραήλ κατεπόντισε πάσας τας βάρεις αυτού διέφθειρε τα οχυρώματα αυτού και επλήθυνε τη θυγατρί Ιούδα ταπεινουμένην και ταταπεινωμένην

2:6  ΟΥΑΥ και διεπέτασεν ως άμπελον το σκήνωμα αυτού διέφθειρεν εορτήν αυτού επελάθετο κύριος α εποίησεν εν Σιών εορτής και σαββάτου και παρώξυνεν εμβριμήματι οργής αυτού βασιλέα και ιερέα

2:7  ΖΑΙΝ απώσατο κύριος θυσιαστήριον αυτού απετίναξεν αγίασμα αυτού συνέτριψεν εν χειρί εχθρού τείχος βαρέων αυτής φωνήν έδωκαν εν οίκω κυρίου ως εν ημέρα εορτής

2:8  ΗΘ ελογίσατο κύριος του διαφθείραι τείχος θυγατρός Σιών εξέτεινε μέτρον ουκ απέστρεψε χείρα αυτού από καταπατήματος και επένθησε το προτείχισμα και τείχος ομοθυμαδόν ησθένησεν

2:9  ΤΗΘ ενεπάγησαν εις γην πύλαι αυτής απώλεσε και συνέτριψεν αυτής μοχλούς βασιλέα αυτής και άρχοντας αυτής εν τοις έθνεσιν ουκ έστι νόμος και γε προφήται αυτής ουκ είδον όρασιν παρά κυρίου

2:10  ΙΩΘ εκάθισαν εις την γην εσιώπησαν πρεσβύτεροι θυγατρός Σιών ανεβίβασαν χουν επί την κεφαλήν αυτών περιεζώσαντο σάκκους κατήγαγον εις γην αρχηγούς παρθένους εν Ιερουσαλήμ

2:11  ΧΑΦ εξέλιπον εν δάκρυσιν οι οφθαλμοί μου εταράχθη η καρδία μου εξεχύθη εις την γην η δόξα μου επί το σύντριμμα της θυγατρός του λαού μου εν τω εκλείπειν νήπιον και θηλάζοντα εν πλατείαις πόλεως

2:12  ΛΑΜΕΔ ταις μητράσιν αυτών είπαν που σίτος και οίνος εν τω εκλύεσθαι αυτούς ως τραυματίας εν πλατείαις πόλεως εν τω εκχείσθαι ψυχάς αυτών εις κόλπον μητέρων αυτών

2:13  ΜΗΜ τι μαρτυρήσω η τι ομοιώσω σοι θύγατερ Ιερουσαλήμ τις σώσει σε παρθένος θυγάτηρ Σιών ότι εμεγαλύνθη ποτήριον συντριβής σου τις ιάσεταί σε

2:14  ΝΟΥΝ προφήταί σου είδοσάν σοι μάταια και αφροσύνην και ουκ απεκάλυψαν επί την αδικίαν σου του επιστρέψαι αιχμαλωσίαν σου και είδοσάν σοι λήμματα μάταια και εξώσματα

2:15  ΣΑΜΕΧ εκρότησαν επί σοι χείρας πάντες οι παραπορευόμενοι οδόν εσύρισαν και εκίνησαν την κεφαλήν αυτών επί την θυγατέρα Ιερουσαλήμ ει αύτη η πόλις ερούσι στέφανος δόξης ευφροσύνης πάσης της γης

2:16  ΑΙΝ διήνοιξαν επί σε στόμα αυτών πάντες οι εχθροί σου εσύρισαν και έβρυξαν οδόντας είπαν κατεπίομεν αυτήν πλην αύτη η ημέρα ην προσεδοκώμεν εύρομεν αυτήν είδομεν

2:17  ΦΗ εποίησε κύριος α ενεθυμήθη συνετέλεσε ρήμα αυτού α ενετείλατο εξ ημερών αρχαίων καθείλε και ουκ εφείσατο και εύφρανεν επί σε εχθρόν ύψωσε κέρας θλίβοντός σε

2:18  ΣΑΔΗ εβόησε καρδία αυτών προς κύριον τείχη Σιών καταγαγέτω ως χειμάρρους δάκρυα ημέρας και νυκτός και δως έκνηψιν σεαυτή μηδέ σιωπησάτω κόρη οφθαλμού σου

2:19  ΚΩΦ ανάστηθι αδολεσχήσαι εν νυκτί εις αρχάς φυλακής σου έκχεον ως ύδωρ καρδίαν σου απέναντι προσώπου κυρίου άρον προς αυτόν χείράς σου περί ψυχών νηπίων σου των εκλυομένων λιμώ απ΄ αρχής πασών εξόδων

2:20  ΡΗΣ ίδε κύριε και επίβλεψον τίνι επεφύλλισας ούτως ει φάγονται γυναίκες καρπόν κοιλίας αυτών φονευθήσονται νήπια θηλάζοντα μαστούς ει αποκτενείς εν αγιάσματι κυρίου ιερέα και προφήτην

2:21  ΣΙΝ εκοιμήθησαν εις γην εξόδον παιδάριον και πρεσβύτης παρθένοι μου και νεανίσκοι μου επορεύθησαν εν αιχμαλωσία εν ρομφαία εν λιμω απέκτεινας εν ημέρα οργής σου εμαγείρευσας ουκ εφεισω

2:22  ΘΑΥ εκάλεσας ωσεί ημέραν εορτής παροικίας μου κυκλόθεν και ουκ εγένετο εν ημέρα οργής κυρίου ανασωζόμενος και καταλελειμμένος ως επεκράτησα και επλήθυνα εχθρούς μου πάντας

Chapter 3

3:1  ΑΛΕΦ εγώ ανήρ ο βλέπων πτωχείαν εν ράβδω θυμού αυτού επ΄ εμέ

3:2  παρέλαβέ με απήγαγέ με εις σκότος και ου φως

3:3  πλην εν εμοί επέστρεψε χείρα αυτού όλην την ημέραν

3:4  ΒΗΘ επαλαίωσε σάρκας μου και δέρμα μου οστέα μου συνέτριψεν

3:5  ανωκοδόμησε κατ΄ εμού και εκύκλωσε κεφαλήν μου και εμόχθησεν

3:6  εν σκοτεινοίς εκάθισέ με ως νεκρούς αιώνος

3:7  ΓΙΜΕΛ ανωκοδόμησε κατ΄ εμού και ουκ εξελεύσομαι εβάρυνε χαλκόν μου

3:8  και γε ότι κεκράξομαι και βοήσω απέφραξε προσευχήν μου

3:9  ανωκοδόμησεν οδούς μου ενέφραξε τρίβους μου ετάραξεν

3:10  ΔΑΛΕΘ αρκός ενεδρεύουσα αυτός μοι ως λέων εν κρυφαίοις

3:11  κατεδίωξεν αφεστηκότα και κατέπαυσέ με έθετό με ηφανισμένην

3:12  ενέτεινε τόξον αυτού και εστήλωσέ με ως σκοπόν εις βέλος

3:13  Η εισήγαγε εν τοις νεφροίς μου ιούς φαρέτρας αυτού

3:14  εγενήθην γέλως παντί λαώ μου ψαλμός αυτών όλην την ημέραν

3:15  εχόρτασέ με πικρίας εμέθυσέ με χολής

3:16  ΟΥΑΥ και εξέβαλε ψηφω οδόντας μου εψώμισέ με σποδόν

3:17  και απώσατο εξ ειρήνης ψυχήν μου επελαθόμην αγαθά

3:18  και είπα απώλετο το νίκός μου και η ελπίς μου από κυρίου

3:19  ΖΑΙΝ εμνησθην από πτωχείας μου και εκ διωγμού μου πικρίας μου και χολής μου

3:20  μνησθήσομαι και καταδολεσχήσει επ΄ εμέ η ψυχή μου

3:21  ταύτην τάξω εις την καρδίαν μου διά τούτο υπομένω

3:22  ΗΘ τα ελεή του κυρίου ότι ουκ ετελειώθησαν ότι ουκ εξίλιπον αι ελεημοσύναι αυτού

3:23  τα καινά εν τω πρωϊ πολλή η πίστις σου

3:24  το μέρος μου κύριος είπεν η ψυχή μου διά τούτο υπομενώ αυτόν

3:25  ΤΗΘ αγαθός κύριος τοις υπομένουσιν αυτόν ψυχή η ζητήσει αυτόν

3:26  αγαθόν και υπομενεί και ησυχάσει εις το σωτήριον κυρίου

3:27  αγαθόν ανδρί όταν άρη ζυγόν εκ νεότητι αυτού

3:28  ΙΩΘ καθήσεται κατά μόνας και σιωπήσεται ότι ήρεν εφ΄ εαυτώ

3:29  θήσει εν κονιορτώ το στόμα αυτού ει ποτε η ελπίς

3:30  δώσει τω παίοντι αυτόν σιαγόνα χορτασθήσεται ονειδισμών

3:31  ΧΑΦ ότι ουκ εις τον αιώνα απώσεται κύριος

3:32  ότι ο ταπεινώσας οικτειρήσει κατά το πλήθος του ελέους αυτού

3:33  ουκ απεκρίθη από καρδίας αυτού και εταπείνωσεν υιούς ανδρός

3:34  ΛΑΜΕΔ του ταπεινώσαι υπό τους πόδας αυτού πάντας δεσμίους γης

3:35  του εκκλίναι κρίσιν ανδρός κατέναντι προσώπου υψίστου

3:36  καταδικάσαι άνθρωπον εν τω κρίνεσθαι αυτόν κύριος ουκ είπε

3:37  ΜΗΝ τις ούτως είπε και εγενήθη κυριός ουκ ενετείλατο

3:38  εκ στόματος υψίστου ουκ εξελεύσεται κακά και το αγαθόν

3:39  τι γογγύσει άνθρωπος ζων ανήρ περί της αμαρτίας αυτού

3:40  ΝΟΥΝ εξηρευνήθη η οδός ημών και ητάσθη και επιστρέψωμεν έως κυρίου

3:41  αναλάβωμεν καρδίας ημών επί χειρών ημών προς υψηλόν εν ουρανώ

3:42  ημαρτήσαμεν ησεβήσαμεν και ουχ ιλάσθης

3:43  ΣΑΜΕΧ επεσκέπασας εν θυμώ και απεδίωξας ημάς απέκτεινας και ουκ εφείσω

3:44  επεσκέπασας νεφέλην σεαυτώ ένεκεν προσευχής καμμύσαι με

3:45  και απωσθήναι έθηκας ημάς εν μέσω των λαών

3:46  ΑΙΝ διήνοιξαν εφ΄ ημάς στόμα αυτών πάντες οι εχθροί ημών

3:47  φόβος και θάμβος εγενήθη ημίν έπαρσις και συντριβή

3:48  αφέσεις υδάτων κατάξει ο οφθαλμός μου επί το σύντριμμα της θυγατρός του λαού μου

3:49  ΦΗ ο οφθαλμός μου κατεπόθη και ου σιγήσομαι του μη είναι έκνηψιν

3:50  έως ου διακύψη και είδη κύριος εξ ουρανού

3:51  ο οφθαλμός μου επιφυλλιεί επί την ψυχήν μου παρά πάσας θυγατέρας πόλεως

3:52  ΣΑΔΗ θηρεύοντες εθήρευσάν με ως στρουθίον οι εχθροί μου δωρεάν

3:53  εθανάτωσαν εν λάκκω ζωήν μου και επέθηκαν λίθον επ΄ εμοί

3:54  υπερεχύθη ύδωρ επί την κεφαλήν μου είπα απώσμαι

3:55  ΚΩΦ επεκαλεσάμην το όνομά σου κύριε εκ λάκκου κατωτάτου

3:56  φωνής μου ήκουσας μη κρύψης τα ωτά σου εις την δέησίν μου

3:57  εις την βοήθείαν μου ήγγισας εν ημέρα η επεκαλεσάμην σε είπάς μοι μη φόβου

3:58  ΡΗΣ εδίκασας κύριε τας δίκας της ψυχής μου ελυτρώσω την ζωήν μου

3:59  είδες κύριε τας ταραχάς μου έκρινας την κρίσιν μου

3:60  είδες πάσαν την εκδίκησιν αυτών και πάντας τους διαλογισμούς αυτών επ΄ εμοί

3:61  ΣΙΝ ήκουσας τον ονειδισμόν αυτών πάντας τους διαλογισμούς αυτών κατ΄ εμού

3:62  χείλη επανισταμένων μοι και μελέτας αυτών κατ΄ εμού όλην την ημέραν

3:63  καθέδραν αυτών και ανάστασιν αυτών επίβλεψον επί οφθαλμους αυτών

3:64  ΤΑΥ ανταποδώσεις αυτοίς ανταπόδομα κύριε κατά τα έργα των χειρών αυτών

3:65  αποδώσεις αυτοίς υπερασπισμόν καρδίας μου μόχθον

3:66  συ αυτούς καταδιώξεις εν οργή και εξαναλώσεις αυτούς υποκάτωθεν του ουρανού κύριε

Chapter 4

4:1  ΑΛΕΦ πως αμαυρωθήσεται το χρυσίον αλλοιωθήσεται το αργύριον το αγαθόν εξεχύθησαν λίθοι άγιοι επ΄ αρχής πασών εξόδων

4:2  ΒΗΘ οι υιοί Σιών οι τίμιοι επηρμένοι εν χρυσίω πως ελογίσθησαν εις αγγεία οστράκινα έργα χειρών κεραμέως

4:3  ΓΙΜΕΛ και γε δράκοντες εξέδυσαν μαστούς εθήλασαν σκύμνους αυτών θυγατέρας λαού μου εις ανίατον ως στρουθίον εν ερήμω

4:4  ΔΑΛΕΘ εκολλήθη η γλώσσα θηλάζοντος προς τον φάρυγγα αυτού εν δίψει νήπια ήτησαν άρτον ο διακλών ουκ έστιν αυτοίς

4:5  Η οι έσθοντες τας τρυφάς ηφανίσθησαν εν ταις εξόδοις οι τιθηνούμενοι επί κόκκων περιελάβοντο κοπρίας

4:6  ΟΥΑΥ και εμεγαλύνθη ανομία θυγατρός λαού μου υπέρ ανομίας Σοδόμων της κατεστραμμένης ώσπερ σπουδή και ουκ επόνεσαν εν αυτή χείρας

4:7  ΖΑΙΝ εκαθαριώθησαν Ναζαραίοι αυτής υπέρ χιόνα έλαμψαν υπέρ γάλα επυρώθησαν υπέρ λίθου σαπφείρου το απόσπασμα αυτών

4:8  ΗΘ εσκότασεν υπέρ ασβόλην το είδος αυτών ουκ επεγνώσθησαν εν ταις εξόδοις επάγη δέρμα αυτών επί τα οστά αυτών εξηράνθησαν εγενήθησαν ώσπερ ξύλον

4:9  ΤΗΘ καλοί ήσαν οι τραυματίαι ρομφαίας η οι τραυματίαι λιμού επορεύθησαν εκκεκεντημένοι από γεννημάτων αγρών

4:10  ΙΩΘ χείρες γυναικών οικτιρμόνων ήψησαν τα παιδία αυτών εγενήθησαν εις βρώσιν αυταίς εν τω συντρίμματι της θυγατρός του λαού μου

4:11  ΧΑΦ συνετέλεσε κύριος θυμόν αυτού εξέχεε θυμόν οργής αυτού και ανήψε πυρ εν Σιών και κατέφαγε τα θεμέλια αυτής

4:12  ΛΑΜΕΔ ουκ επίστευσαν βασιλείς γης πάντες οι κατοικούντες την οικουμένην ότι εισελεύσεται εχθρός και εκθλίβων διά των πυλών Ιερουσαλήμ

4:13  ΜΗΜ εξ αμαρτιών προφητών αυτής αδικιών ιερέων αυτής των εκχεόντων αίμα δίκαιον εν μέσω αυτής

4:14  ΝΟΥΝ εσαλεύθησαν οι εγρήγοροι αυτής εν ταις εξόδοις εμολύνθησαν εν αίματι εν τω μη δύνασθαι αυτούς ήψαντο ενδυμάτων αυτών

4:15  ΣΑΜΕΧ απόστητε ακαθάρτων καλέσατε αυτούς απόστητε απόστητε μη άπτεσθε ότι ανήφθησαν και γε εσαλεύθησαν είπατε εν τοις έθνεσιν ου μη προσθώσι του παροικείν

4:16  ΑΙΝ πρόσωπον κυρίου μερίς αυτών ου προσθήσει επιβλέψαι αυτοίς πρόσωπον ιερέων ουκ έλαβον πρεσβύτας ουκ ηλέησαν

4:17  ΦΗ έτι όντων ημών εξέλιπον οι οφθαλμοί ημών εις βοήθειαν ημών μάταια αποσκοπευόντων ημών απεσκοπεύσαμεν εις έθνος ου σώζον

4:18  ΣΑΔΗ εθηρεύσαντο μικρούς ημών του μη πορεύεσθαι εν ταις πλατείαις ημών ήγγικεν ο καιρός ημών επληρώθησαν αι ημέραι ημών πάρεστι το πέρας ημών

4:19  ΚΩΦ κούφοι εγένοντο οι διώκοντες ημάς υπέρ αετούς ουρανού επί των ορέων εξήφθησαν εν ερήμω ενήδρευσαν ημάς

4:20  ΡΗΣ πνεύμα προσώπου ημών χριστός κύριος συνελήφθη εν ταις διαφθοραίς ημών ου είπαμεν εν τη σκιά αυτού ζησόμεθα εν τοις έθνεσι

4:21  ΣΙΝ χαίρε και ευφραίνου θύγατερ Ιδουμαίας η κατοικούσα επί της γης Ους και γε επί σε διελεύσεται το ποτήριον κυρίου μεθυσθήση και αποχεείς

4:22  ΘΑΥ εξέλιπεν η ανομία σου θύγατερ Σιών ου προσθήσει επί του αποικίσαι σε επεσκέψατο ανομίας σου θύγατερ Εδωμ απεκάλυψεν επί τα ασεβήματά σου

Chapter 5

5:1  μνήσθητι κύριε ο τι εγενήθη ημίν επίβλεψον και ίδε τον ονειδισμόν ημών

5:2  κληρονομία ημών μετεστράφη αλλοτρίοις οικοι ημών ξένοις

5:3  ορφανοί εγενήθημεν ουχ υπάρχει πατήρ μητέρες ημών ως αι χήραι

5:4  ύδωρ ημών εν αργυρίω επίομεν ξύλα ημών εν αλλάγματι ήλθεν

5:5  επί τον τράχηλον ημών εδιώχθημεν εκοπιάσαμεν ουκ ανεπαύθημεν

5:6  Αίγυπτος έδωκε χείρα Ασσούρ εις πλησμονήν αυτών

5:7  οι πατέρες ημών ήμαρτον και ουχ υπάρχουσιν ημείς τα ανομήματα αυτών υπέσχομεν

5:8  δούλοι εκυρίευσαν ημών λυτρούμενος ουκ έστιν εκ της χειρός αυτών

5:9  εν ταις ψυχαίς ημών εισοίσομεν άρτον ημών από προσώπου ρομφαίας της ερήμου

5:10  το δέρμα ημών ως κλίβανος επελιώθη συνεσπάσθησαν από προσώπου καταιγίδων λιμού

5:11  γυναίκας εν Σιών εταπείνωσαν παρθένους εν πόλεσιν Ιούδα

5:12  άρχοντες εν χερσίν αυτών εκρεμάσθησαν πρεσβύτεροι ουκ εδοξάσθησαν

5:13  εκλεκτοί κλαυθμόν ανέλαβον και νεανίσκοι εν ξύλω ησθένησαν

5:14  και πρεσβύται από πύλης κατέπαυσαν εκλεκτοί εκ ψαλμών αυτών κατέπαυσαν

5:15  κατέλυσε χαρά καρδίας ημών εστράφη εις πένθος ο χορός ημών

5:16  έπεσεν ο στέφανος της κεφαλής ημών ουαί δε ημίν ότι ημάρτομεν

5:17  περί τούτου εγενήθη οδύνη οδυνηρά η καρδία ημών περί τούτου εσκότασαν οι οφθαλμοί ημών

5:18  επ΄ όρος Σιών ότι ηφανίσθη αλώπεκες διήλθον εν αυτή

5:19  συ δε κύριε εις τον αιώνα κατοικήσεις ο θρόνος σου εις γενεάν και γενεάν

5:20  ινατί εις νίκος επιλήση ημών καταλείψει ημάς εις μακρότητα ημερών

5:21  επίστρεψον ημάς προς σε κύριε και επιστραφησόμεθα και ανακαίνισον ημέρας ημών καθώς έμπροσθεν

5:22  ότι απωθούμενος απώσω ημάς ωργίσθης εφ΄ ημάς έως σφόδρα