TpiKJPB - Lamentations

Chapter 1

1:1  ¶ Biktaun i sindaun wanpis olsem wanem, dispela i pulap wantaim ol manmeri bipo! Em i kamap olsem wanpela meri man bilong em i dai pinis olsem wanem! Meri i gat biknem bipo namel long ol kantri, na hetmeri namel long ol provins, em i kamap wanpela bilong baim takis olsem wanem!

1:2  Em i krai strong tru long nait, na ol ai wara bilong em i stap long tupela wasket bilong em. Namel long olgeta man i laikim em tru em i no gat wanpela bilong givim bel isi long em. Olgeta pren bilong em i bin mekim trik pasin long em, ol i kamap birua bilong em.

1:3  Juda i go pinis long kalabus, bilong wanem, ol hevi i stap, na bilong wanem, bikpela hatwok nating long narapela i stap. Em i stap namel long ol haiden, em i no painim pinis malolo. Olgeta lain bilong givim hevi long em i kamap long em namel long ol liklik ples.

1:4  Ol rot bilong Saion i soim sori, bilong wanem, i no gat wanpela i kam long ol bikpela kaikai holi. Olgeta dua bilong banis bilong em i stap nating. Ol pris bilong em i lusim win bilong soim wari, ol meri bilong em i no bin slip wantaim man i kisim taim, na bel bilong em i holim kros.

1:5  Ol birua bilong em i stap nambawan, ol birua bilong em i kamap gutpela. Long wanem, BIKPELA i bin givim hevi long em long pasin bilong em bilong kalapim lo planti tru. Ol pikinini bilong em i go pinis long kalabus long ai bilong ol birua.

1:6  Na olgeta naispela pes tru bilong em i lusim pinis pikinini meri bilong Saion. Ol hetman bilong em i kamap olsem ol hart husat i no painim pinis ples gras, na ol i lusim pinis ai bilong ol lain i ran bihainim ol na i no gat strong.

1:7  Jerusalem i holim tingting, long ol de bilong kisim taim bilong em na bilong ol hevi nogut bilong em, long olgeta gutpela samting bilong em, dispela em i gat long ol de bilong bipo, taim ol lain manmeri bilong em i pundaun long han bilong birua, na i no gat wanpela i bin helpim em. Ol birua i lukim em, na ol i bin wokim pani long daunim ol sabat bilong em.

1:8  Jerusalem i bin sin nogut tru. Olsem na God i rausim em. Olgeta husat i givim biknem long em bipo i tingim em olsem i samting nating, bilong wanem, ol i bin lukim skin nating bilong em. Yes, em i lusim win bilong soim wari, na tanim pes i go long baksait.

1:9  Doti tru bilong em i stap long ol laplap bilong em. Em i no holim tingting long las pinis bilong em. Olsem na em i kam daun wantaim pasin bilong winim tingting. Em i no gat wanpela bilong givim bel isi. O BIKPELA, lukim hevi bilong mi. Long wanem, birua i bin litimapim em yet.

1:10  Birua i bin opim han bilong em i go autsait antap long olgeta gutpela samting bilong em. Long wanem, em i bin luksave long ol haiden i go insait long rum holi bilong em, husat Yu bin tok strong long ol long ol i no ken go insait long bung bilong ol manmeri bilong Yu.

1:11  Olgeta manmeri bilong em i lusim win bilong soim wari, ol i painim bret. Ol i bin givim ol gutpela samting bilong ol bilong kaikai bilong givim helpim long tewel. Lukim, O BIKPELA, na tingim na skelim. Long wanem, mi kamap nogut tru.

1:12  ¶ Ating em i samting nating long yupela, olgeta yupela husat i wokabaut klostu? Lukim, na luksave sapos i gat wanpela bel hevi i wankain olsem bel hevi bilong mi, dispela ol i mekim long mi, we BIKPELA i bin givim hevi long mi wantaim dispela long de bilong strongpela belhat bilong Em.

1:13  Em i bin salim paia i lusim antap i kam insait long ol bun bilong mi, na em i winim ol. Em i bin opim wanpela umben bilong tupela lek bilong mi, Em i bin tanim mi go bek. Em i bin mekim mi stap nating na hap i dai olde.

1:14  Em i pasim yok bilong ol pasin bilong mi bilong kalapim lo wantaim han bilong Em. Ol samting Em i sutim na tantanim, na ol i kamap antap long nek bilong mi. Em i bin mekim strong bilong mi long pundaun, Bikpela i bin givim mi i go long ol han bilong ol, long husat mi no inap long kirap gen.

1:15  Bikpela i bin krungutim aninit long lek olgeta strongpela man bilong mi long namel bilong mi. Em i bin singautim wanpela bung i birua long mi bilong krungutim ol yangpela man bilong mi. Bikpela i bin krungutim meri i no bin slip wantaim man, pikinini meri bilong Juda, olsem wanpela masin bilong krungutim wain.

1:16  Long ol dispela samting mi krai tru. Ai bilong mi, ai bilong mi i ran i go daun wantaim wara, bilong wanem, man bilong givim bel isi, husat i ken givim bel isi long tewel bilong mi, i stap longwe long mi. Ol pikinini bilong mi i stap nating, bilong wanem, birua i win.

1:17  Saion i opim tupela han bilong en i go ausait, na i no gat wanpela bilong givim bel isi long em. BIKPELA i bin tok strong long sait bilong Jekop, long ol birua bilong em i ken stap raun nabaut long em. Jerusalem em i olsem wanpela meri i gat sik mun namel long ol.

1:18  BIKPELA em i stretpela. Long wanem, mi bin bikhet i birua long tok strong bilong Em. Harim, mi askim yupela plis, olgeta manmeri, na lukim bel hevi bilong mi. Ol meri bilong mi i no bin slip wantaim man na olgeta yangpela man bilong mi i go pinis long kalabus.

1:19  Mi singautim ol man mi laikim tru, tasol ol i giamanim mi. Ol pris bilong mi na ol lapun hetman bilong mi i lusim spirit bilong ol long dispela biktaun, taim ol i painim kaikai bilong ol bilong helpim ol tewel bilong ol.

1:20  Lukim, O BIKPELA. Long wanem, mi stap long bikpela wari. Ol rop bilong bel bilong mi i pilim wari. Bel bilong mi i tantanim insait long mi. Long wanem, mi bin bikhet nogut tru. Ausait, bainat i mekim planti i stap nating, long ples, ol samting i stap olsem dai.

1:21  Ol i bin harim long mi lusim win bilong soim wari. I no gat wanpela bilong givim bel isi long mi. Olgeta birua bilong mi i bin harim olsem mi gat trabel. Ol i amamas long Yu bin mekim dispela. Yu bai bringim dispela de Yu bin singautim, na ol bai stap wankain olsem mi.

1:22  Larim olgeta pasin nogut bilong ol i ken kam long ai bilong Yu. Na mekim long ol olsem Yu bin mekim long mi bilong bekim olgeta pasin bilong mi bilong kalapim lo. Long wanem, ol pasin bilong lusim win bilong soim wari bilong mi i planti, na bel bilong mi i hap i dai.

Chapter 2

2:1  ¶ Bikpela i bin karamapim pikinini meri bilong Saion wantaim wanpela klaut long belhat bilong Em olsem wanem, na tromoi i lusim heven i go daun long dispela graun dispela naispela bilong Isrel, na Em i no holim tingting long liklik sia bilong lek bilong Em long de bilong belhat bilong Em!

2:2  Bikpela i bin daunim olgeta ples bilong stap bilong Jekop, na Em i no bin sori. Em i bin tromoi i go daun wantaim belhat tru bilong Em ol strongpela ples bilong hait bilong pikinini meri bilong Juda. Em i bin bringim ol i kam daun long graun. Em i bin mekim kingdom na ol hetman bilong en long kamap doti.

2:3  Em i bin rausim long strongpela belhat bilong Em olgeta dispela kom bilong Isrel. Em i bin pulim i kam bek han sut bilong Em long ai bilong birua, na Em i birua long Jekop i kuk olsem wanpela paia i lait, dispela i kaikai olgeta raun nabaut.

2:4  Em i bin taitim banara bilong Em olsem wanpela birua. Em i sanap wantaim han sut bilong Em olsem wanpela birua, na kilim i dai olgeta husat i gutpela long ai insait long haus holi bilong pikinini meri bilong Saion. Em i kapsaitim belhat nogut tru bilong Em olsem paia.

2:5  Bikpela i stap olsem wanpela birua. Em i bin daunim Israel, Em i bin daunim olgeta haus king bilong en. Em i bin bagarapim olgeta strongpela ples hait bilong en. Na Em i bin mekim soim sori na krai sori bilong pikinini meri bilong Juda i kamap planti moa.

2:6  Na Em i bin tekewe haus holi bilong Em wantaim pasin pait, wankain olsem dispela i bilong wanpela gaden. Em i bin bagarapim olgeta ol ples bilong bung bilong Em. BIKPELA i bin mekim ol man lusim tingting long ol bikpela kaikai holi na ol sabat long Saion, na Em i bin tingim king na pris olsem ol i samting nating insait long bel nogut bilong belhat bilong Em.

2:7  Bikpela i bin tromoi i go alta bilong Em, Em i bin ting olsem rum holi bilong Em em i sting olgeta, Em i bin givim i go long han bilong birua ol banis bilong ol haus king bilong en. Ol i bin wokim wanpela nois long haus bilong BIKPELA, wankain olsem long de bilong wanpela bikpela kaikai holi.

2:8  BIKPELA i bin wokim tingting bilong bagarapim olgeta dispela banis bilong pikinini meri bilong Saion. Em i bin taitim i go wanpela rop, Em i no bin surikim han bilong Em i lusim pasin bilong bagarapim olgeta. Olsem na Em i mekim liklik maunten bilong pait na banis long krai sori. Tupela i lusim strong wantaim.

2:9  Ol dua bilong banis bilong en i go daun isi isi insait long graun. Em i bin bagarapim olgeta na brukim ol ba bilong en. King bilong en na ol hetman bilong en i stap namel long ol man i no Ju. Lo i no stap moa. Ol profet tu bilong en i no painim pinis wanpela driman samting i kam long BIKPELA.

2:10  ¶ Ol lapun hetman bilong pikinini meri bilong Saion i sindaun antap long graun, na pasim maus. Ol i bin tromoi das antap long ol het bilong ol. Ol i bin pasim ol yet namel wantaim bek laplap. Ol meri bilong Jerusalem i no bin slip wantaim man i daunim ol het bilong ol i go long graun.

2:11  Tupela ai bilong mi i fel wantaim aiwara, ol rop bilong bel bilong mi i pilim wari, liva bilong mi i kapsait long dispela graun, long wanem, pikinini meri bilong lain bilong mi i bagarap olgeta. Bilong wanem, ol pikinini na ol susu pikinini i hap i dai tru long ol rot bilong biktaun.

2:12  Ol i tok long ol mama bilong ol, Wit samting na wain i stap we? Ol i tok olsem taim ol i hap i dai tru olsem ol man i kisim bagarap long pait long ol rot bilong biktaun, taim ol tewel bilong ol i kapsait i go long bros bilong ol mama bilong ol.

2:13  Wanem samting bai mi kisim bilong witnes long sait bilong yu? Wanem samting bai mi makim i wankain olsem yu, O pikinini meri bilong Jerusalem? Wanem samting bai mi soim i wankain stret long yu, inap long mi ken givim bel isi long yu, O pikinini meri bilong Saion i no bin slip wantaim man? Long wanem, bruk bilong yu em i bikpela olsem biksi. Husat em inap long oraitim yu?

2:14  Ol profet bilong yu i bin lukim ol samting nating na kranki samting bilong helpim yu. Na ol i no bin soim ples klia sin nogut bilong yu, bilong tanim i go kalabus bilong yu. Tasol ol i bin lukim bilong helpim yu ol giaman hevi na ol as bilong God i ken rausim yu i go ausait.

2:15  Olgeta husat i wokabaut klostu i paitim ol han bilong ol long yu. Ol i wokim nois bilong daunim na seksekim het bilong ol long pikinini meri bilong Jerusalem, i spik, Ating dispela em i biktaun long ol man i save kolim Naispela tru i inap tru, Amamas tru bilong dispela graun olgeta?

2:16  Olgeta birua bilong yu i bin opim maus bilong ol i birua long yu. Ol i wokim nois bilong daunim na kaikaim ol tit. Ol i tok, Mipela bin daunim em. Tru tru dispela em i dispela de mipela i painim. Mipela i bin painim pinis, mipela i bin lukim dispela pinis.

2:17  BIKPELA i bin mekim dispela samting Em i bin kamapim plen long en. Em i bin inapim tok bilong Em, dispela Em i bin tok strong long en long ol de bilong bipo. Em i bin tromoi i go daun, na Em i no bin soim sori. Na Em i bin mekim birua bilong yu long wokim amamas tru antap long yu, Em i bin sanapim i go antap kom bilong ol birua bilong yu.

2:18  Bel bilong ol i singaut i go long Bikpela, O banis bilong pikinini meri bilong Saion, larim aiwara i ran i go daun olsem wanpela riva san na nait. No ken givim malolo long Yu Yet. No ken larim kiau bilong ai bilong Yu i ken pinis.

2:19  Kirap, singaut long nait. Long stat bilong ol was kapsaitim bel bilong yu olsem wara long ai bilong pes bilong Bikpela. Litimapim tupela han bilong yu i go long En bilong helpim laip bilong ol yangpela pikinini bilong yu, husat i hap i dai long hangre long antap bilong olgeta wan wan rot.

2:20  Lukim, O BIKPELA, na tingim na skelim long Yu bin mekim dispela long husat. Ating ol meri bai kaikai pikinini bilong ol, na ol pikinini i longpela olsem wanpela span? Ating ol bai kilim i dai pris na profet long rum holi bilong Bikpela?

2:21  Yangpela na lapun i slip long graun long ol rot. Ol meri bilong mi i no bin slip wantaim man na ol yangpela man bilong mi i pundaun pinis wantaim bainat. Yu bin kilim i dai ol long de bilong belhat bilong Yu. Yu bin kilim ol, na Yu no soim sori.

2:22  Yu bin singaut, olsem long wanpela de holi, ol pret nogut tru bilong mi raun nabaut, inap long insait long de bilong belhat bilong BIKPELA i no gat wanpela i ranawe o i stap yet. Ol dispela husat mi bin pasim klos bilong raunim bebi na lukautim inap long ol i bikpela, birua bilong mi i bin kaikai olgeta.

Chapter 3

3:1  ¶ Mi stap dispela man husat i bin lukim hevi long stik bilong belhat tru bilong Em.

3:2  Em i bin stiaim mi, na bringim mi insait long tudak, tasol mi no go insait long lait.

3:3  Tru tumas, Em i tanim na birua long mi. Em i tanim han bilong Em i birua long mi olde.

3:4  Mit bilong mi na skin bilong mi Em i bin mekim i go lapun. Em i bin brukim ol bun bilong mi.

3:5  Em i bin wokim samting i birua long mi, na raunim mi wantaim marasin i pait na hatwok wantaim pen.

3:6  Em i bin putim mi long ol ples tudak, olsem ol husat i stap daiman bilong bipo.

3:7  Em i bin banisim mi nabaut, inap long mi no inap long go ausait. Em i bin mekim sen bilong mi hevi.

3:8  Na tu taim mi krai na singaut, Em i pasim prea bilong mi i stap ausait.

3:9  Em i bin banisim ol rot bilong mi wantaim ol ston ol i katim pinis, Em i bin mekim ol liklik rot bilong mi krungut.

3:10  Em i stap long mi olsem wanpela bea husat i wet hait, na olsem wanpela laion i stap long ol ples hait.

3:11  Em i bin tanim i go long sait ol rot bilong mi, na pulim mi i kamap planti hap hap. Em i bin mekim mi stap nating.

3:12  Em i bin taitim banara bilong Em, na putim mi olsem mak bilong spia.

3:13  Em i bin mekim ol spia bilong paus spia bilong Em bilong go insait long ol stia bilong bel bilong mi.

3:14  Mi stap wanpela samting bilong lap nogut long en long olgeta manmeri bilong mi. Na mi stap song bilong ol olde.

3:15  Em i bin pulimapim mi wantaim pasin bilong holim kros, Em i bin mekim mi spak wantaim womwat.

3:16  Na tu Em i bin brukim ol tit bilong mi wantaim ol karanas ston, Em i bin karamapim mi wantaim ol sit bilong paia.

3:17  Na Yu bin rausim tewel bilong mi i go longwe long bel isi. Mi lusim tingting pinis long gutpela sindaun.

3:18  Na mi tok, Strong bilong mi na hop bilong mi i lus pinis long BIKPELA,

3:19  Taim mi holim tingting long taim bilong kisim hevi bilong mi na hevi nogut bilong mi, womwat na marasin i pait.

3:20  Tewel bilong mi i bin holim tingting yet long ol, na i stap daun insait long mi.

3:21  ¶ Mi bringim dispela gen long tingting bilong mi, olsem na mi gat hop.

3:22  Em i bilong ol sori bilong BIKPELA long ol i no kaikai yumi olgeta, bilong wanem, ol pasin sori bilong En i no save fel.

3:23  Ol i stap nupela olgeta wan wan moning. Pasin bilong mipela i ken bilip long Yu em i bikpela.

3:24  BIKPELA em i hap skel bilong mi, tewel bilong mi i tok. Olsem na mi bai hop long Em.

3:25  BIKPELA em i gutpela long ol husat i wetim Em, long tewel husat i painim Em.

3:26  Em i gutpela long wanpela man i ken hop na wet isi isi wantaim long pasin bilong kisim bek bilong BIKPELA.

3:27  Em i gutpela long wanpela man long em i ken karim yok taim em i stap yangpela.

3:28  Em i sindaun wanpis na pasim maus, bilong wanem, em i bin karim dispela antap long em.

3:29  Em i putim maus bilong em long das, sapos i stap olsem long i ken gat hop.

3:30  Em i givim wasket bilong em long man husat i paitim em. Em i pulap wantaim samting bilong givim sem.

3:31  Long wanem, Bikpela i no inap tromoi em i go oltaim oltaim.

3:32  Tasol maski Em i mekim bel sori i kamap, yet bai Em i gat pasin sori bilong bihainim ol sori bilong Em i planti tru.

3:33  Long wanem, Em i no givim hevi bikos Em i gat laik long en o givim bel sori long ol pikinini bilong ol man.

3:34  Bilong krungutim aninit long tupela lek bilong em olgeta kalabusman bilong dispela graun,

3:35  Long tanim long sait rait bilong wanpela man long ai bilong pes bilong Man i Antap olgeta,

3:36  Bilong paulim wanpela man long wari bilong em, Bikpela i no orait long en.

3:37  ¶ Em i husat husat i tok, na em i kamap olsem, taim Bikpela i no tok strong long en?

3:38  Ating i yes long ausait long maus bilong Man i Antap olgeta samting nogut na samting i gutpela i save kam?

3:39  Olsem wanem na wanpela man i stap laip i komplen, wanpela man long mekim save bilong ol sin bilong em?

3:40  Larim yumi painim tru na traim ol rot bilong yumi, na tanim gen i go long BIKPELA.

3:41  Larim yumi litimapim bel bilong yumi wantaim ol han bilong yumi i go long God husat i stap long ol heven.

3:42  ¶ Mipela i bin kalapim lo na mipela i bin bikhet. Yu no bin lusim pe bilong sin.

3:43  Yu bin karamapim wantaim belhat, na givim hevi long mipela. Yu bin kilim i dai, Yu no bin soim sori.

3:44  Yu bin karamapim Yu Yet wantaim wanpela klaut, inap long prea bilong mipela i no ken go namel.

3:45  Yu bin mekim mipela olsem pipia bilong tromoi na pipia namel long ol manmeri.

3:46  Olgeta birua bilong mipela i bin opim ol maus bilong ol i birua long mipela.

3:47  Pret na wanpela trap i kam antap long mipela, pasin bilong i stap nating na pasin bilong bagarap olgeta.

3:48  Ai bilong mi i ran daun wantaim ol riva bilong wara bilong tingim pikinini meri bilong lain manmeri bilong mi i bagarap olgeta.

3:49  Ai bilong mi i ran isi i go daun, na i no save pinis, na i no gat wanpela taim bilong pinis liklik,

3:50  Inap long taim BIKPELA i lukluk i kam daun, na lukluk long heven i kam.

3:51  Ai bilong mi i wokim samting long bel bilong mi, bilong tingim olgeta pikinini meri bilong biktaun bilong mi.

3:52  Ol birua bilong mi i ranim mi strong tru, olsem wanpela pisin, na i no gat as bilong en.

3:53  Ol i bin rausim laip bilong mi long dispela strongpela kalabus, na tromoi wanpela ston antap long mi.

3:54  Ol wara i ran antap long het bilong mi. Nau mi tok, Ol i rausim mi.

3:55  ¶ Mi bin singaut long nem bilong Yu, O BIKPELA, ausait long dispela strongpela kalabus i daunbilo.

3:56  Yu bin harim nek bilong mi. No ken haitim ia bilong Yu taim mi pulim win, taim mi krai.

3:57  Yu bin wok long kam klostu long dispela de mi singaut long Yu. Yu tok, No ken pret.

3:58  O Bikpela, Yu bin toktok wantaim strongpela askim long sait bilong ol wari bilong tewel bilong mi. Yu bin baim bek laip bilong mi.

3:59  O BIKPELA, Yu bin lukim rong bilong mi. Yu mas jasim wari bilong mi.

3:60  Yu bin lukim olgeta bekim pe nogut bilong ol na olgeta tingting nating bilong ol i birua long mi.

3:61  Yu bin harim ol tok bilong ol bilong givim sem, O BIKPELA, na olgeta tingting nating bilong ol i birua long mi,

3:62  Ol lip bilong maus bilong ol husat i kirap i birua long mi, na plen bilong ol i birua long mi olde.

3:63  Lukim sindaun bilong ol, na kirap bilong ol. Mi stap musik bilong ol.

3:64  Mekim long ol wanpela bekim pe, O BIKPELA, bilong bihainim wok bilong ol han bilong ol.

3:65  Givim bel hevi bilong bel long ol, tok nogut bilong Yu i go long ol.

3:66  Givim hevi na bagarapim ol olgeta wantaim belhat i kam aninit long ol heven bilong BIKPELA.

Chapter 4

4:1  ¶ Gol i no lait gut olsem wanem! Nambawan naispela gol i senis olsem wanem! Ol ston bilong rum holi ol i kapsaitim i go long antap bilong olgeta wan wan rot.

4:2  Ol pikinini man bilong Saion i dia tumas, husat i wankain olsem naispela gol, ol man i givim ona long ol olsem ol jak graun olsem wanem, wok bilong ol han bilong man bilong wokim sospen graun!

4:3  Yes, ol strongpela animal bilong biksi i pulim i go ausait susu, ol i givim susu long ol yangpela bilong ol. Pikinini meri bilong lain bilong mi i kamap meri i amamas bilong givim pen, olsem ol ostaris long ples i no gat man.

4:4  Tang bilong susu pikinini i pas strong long rup bilong maus bilong en, long wanem, em i nekdrai. Ol yangpela pikinini i askim long bret, na i no gat man bilong brukim dispela i go long ol.

4:5  Ol husat i bin kaikai isi tru i stap nating long ol rot. Ol husat mama i lukautim inap long ol i bikpela wantaim skalet klos i holimpas ol hip pekpek.

4:6  Long wanem, mekim save bilong sin nogut bilong pikinini meri bilong lain bilong mi i bikpela moa long mekim save bilong sin bilong Sodom, dispela God i bagarapim wantu tasol, na i no gat ol han i pas antap long en.

4:7  Ol Nasarait bilong i bin klin moa long ais, ol i bin wait moa long susu, ol i retpela moa long bodi long ol rubi, klinim bilong ol i kam long sapaia.

4:8  Pes bilong ol i blakpela moa long wanpela sakol. Ol man i no save long ol long ol rot. Skin bilong ol i pas strong long ol bun bilong ol. Em i go drai pinis, em i kamap olsem wanpela stik.

4:9  Ol husat ol i kilim i dai wantaim bainat i stap gutpela moa long ol husat ol i kilim i dai wantaim hangre. Long wanem, ol dispela i wok long go bun nating, ol i kisim taim, long wanem, ol i sot long ol kaikai bilong bikpela gaden.

4:10  Ol han bilong ol meri i gat nid long sori i bin boilim ol pikinini bilong ol yet. Ol i kaikai bilong ol long taim pikinini meri bilong lain manmeri bilong mi i kisim bagarap olgeta.

4:11  BIKPELA i bin inapim belhat nogut tru bilong Em. Em i bin kapsaitim strongpela belhat bilong Em, na Em i bin kirapim wanpela paia long Saion, na dispela i bin kaikai ol as ston bilong en olgeta.

4:12  Ol king bilong dispela graun, na olgeta husat i stap long dispela graun, i no bin bilip long ol birua nogut na ol birua i ken go insait long ol dua bilong banis bilong Jerusalem.

4:13  ¶ Bilong tingim ol sin bilong ol profet bilong en, na ol sin nogut bilong ol pris bilong en, husat i bin kapsaitim blut bilong ol stretpela man insait long namel bilong en,

4:14  Ol i bin raun nating olsem ol aipas man long ol rot, ol i bin mekim ol yet i kamap doti wantaim blut, inap long ol man i no ken tasim ol klos bilong ol.

4:15  Ol i singaut long ol, Yupela go.Em i no klin. Go, go, no ken tasim. Taim ol i ranawe i go na raun nating, ol i tok namel long ol haiden, Ol bai i no inap stap waira long dispela hap.

4:16  Belhat bilong BIKPELA i bin brukim ol. Em i no inap tingting planti long ol moa. Ol i no givim namba long nem bilong ol pris, ol i no soim laikim moa long ol lapun hetman.

4:17  Long sait bilong mipela, ol ai bilong mipela i fel yet long helpim nating bilong mipela. Taim mipela i was, mipela i bin was long wanpela kantri husat i no inap long kisim bek mipela.

4:18  Ol i painim ol step bilong mipela, inap long mipela no ken go long ol rot bilong mipela. Pinis bilong mipela i klostu, ol de bilong mipela em inap pinis. Long wanem, pinis bilong mipela i kamap pinis.

4:19  Ol lain i givim hevi long mipela i save hariap moa long ol igal bilong heven. Ol i ran bihainim mipela antap long ol maunten, ol i wet hait long mipela long ples i no gat man.

4:20  Win bilong tupela hul bilong nus bilong mipela, man BIKPELA i makim, ol i kisim long ol bikpela hul bilong ol, long sait bilong husat mipela i tok, Aninit long tewel bilong san bilong em mipela bai stap laip namel long ol haiden.

4:21  ¶ Wokim amamas tru na stap amamas, O pikinini meri bilong Idom, husat i stap long hap bilong Us. Kap tu bai wokabaut namel long yu. Yu bai stap spak, na yu bai mekim yu yet i kamap skin nating.

4:22  Mekim save bilong sin nogut bilong yu i kamap pinis, O pikinini meri bilong Saion. Em bai i no inap karim yu i go long kalabus moa. Em bai kam lukim sin nogut bilong yu, O pikinini meri bilong Idom. Em bai soim ples klia ol sin bilong yu.

Chapter 5

5:1  ¶ Holim tingting, O BIKPELA, long wanem samting i kam antap long mipela. Tingim na skelim, na lukim samting i givim sem long mipela.

5:2  Samting papa i givim pikinini bilong mipela i tanim i go long han bilong ol ausait man, ol haus bilong mipela i go long ol ausait man.

5:3  Mipela kamap ol pikinini i no gat papamama na i no gat papa, ol mama bilong mipela i stap olsem ol meri man bilong ol i dai pinis.

5:4  Mipela bin dringim wara bilong mipela long mani. Ol diwai bilong mipela ol i salim long mipela.

5:5  Ol nek bilong mipela i stap aninit long ol hevi ol i givim mipela. Mipela hatwok, na no gat malolo.

5:6  Mipela bin givim han long ol lain Isip, na long ol lain Asiria, bilong stap amamas tasol long bret.

5:7  Ol tumbuna papa bilong mipela i bin mekim sin, na ol i no stap. Na mipela bin karim hevi bilong ol sin nogut bilong ol.

5:8  Ol wokboi i bin bosim mipela. I no gat wanpela husat i kisim bek mipela ausait long han bilong ol.

5:9  Mipela kisim bret bilong mipela wantaim samting i laik bagarapim laip bilong mipela, bilong wanem, bainat i stap long ples i no gat man.

5:10  Skin bilong mipela i blakpela olsem wanpela aven, bilong wanem, bikpela taim hangre bilong pretim nogut tru i stap.

5:11  Ol i bagarapim nogut ol meri insait long Saion, na ol yangpela meri long ol biktaun bilong Juda.

5:12  Ol hetman i hangamap i stap long han bilong ol. Ol pes bilong ol lapun hetman i no kisim ona.

5:13  Ol i kisim ol yangpela man bilong krungutim wit, na ol pikinini i pundaun aninit long ol diwai.

5:14  Ol lapun hetman i bin lusim dua bilong banis, ol yangpela man i lusim musik bilong ol.

5:15  Amamas tru bilong bel bilong mipela i pinis. Danis bilong mipela i tanim i kamap soim sori.

5:16  Hat king i pundaun pinis i lusim het bilong mipela. Tok lukaut i kam long mipela, long mipela bin mekim sin!

5:17  ¶ Bilong dispela, bel bilong mipela i hap i dai. Bilong ol dispela samting, ol ai bilong mipela i no lait gut.

5:18  Bilong wanem, bilong maunten bilong Saion, dispela i stap nating, ol foks i wokabaut antap long en.

5:19  Yu, O BIKPELA, i stap yet oltaim oltaim. Sia king bilong Yu i stap long wanpela lain tumbuna i go long narapela lain tumbuna.

5:20  Olsem wanem na Yu laik lusim tingting long mipela oltaim oltaim, na givim baksait long mipela longpela taim olsem?

5:21  Yu tanim mipela i go long Yu, O BIKPELA, na mipela bai tanim i stap. Stretim gen ol de bilong mipela olsem long bipo.

5:22  Tasol Yu bin tok nogat olgeta long mipela. Yu stap belhat nogut tru i birua long mipela.