CopSahBible2 - Zechariah

Chapter 1

1:12  ⲁϥⲟⲩⲱϣϥ ⲛϭⲓ ⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲉϥϫⲱ ⲙⲙⲟⲥ ϫⲉ ⲡϫⲟⲉⲓⲥ ⲡⲡⲁⲛⲧⲱⲕⲣⲁⲧⲱⲣ ϣⲁ ⲧⲛⲁⲩ ⲛⲅⲛⲁⲛⲁ ⲁⲛ ⲛⲑⲓⲉⲗⲏⲙ ⲙⲛ ⲙⲡⲟⲗⲓⲥ ⲛⲓⲟⲩⲇⲁ ⲛⲁⲓ ⲛⲧⲁⲕⲟⲃϣⲕ ⲉⲣⲟⲟⲩ ⲉⲓⲥ ϣϥⲉ ⲛⲣⲟⲙⲡⲉ

1:13  ⲁⲩⲱ ⲡϫⲟⲉⲓⲥ ⲡⲡⲁⲛⲧⲱⲕⲣⲁⲧⲱⲣ ⲁϥⲟⲩⲱϣϥ ⲙⲡⲁⲅⲅⲉⲗⲟⲥ ⲉⲧϣⲁϫⲉ ⲛϩⲏⲧ ⲉϥϫⲱ ⲉⲣⲟϥ ⲛϩⲛϣⲁϫⲉ ⲉⲛⲁⲛⲟⲩⲟⲩ ⲙⲛ ϩⲛⲗⲟⲅⲟⲥ ⲛⲥⲟⲗⲥⲗ

1:14  ⲁⲩⲱ ⲡⲉϫⲁϥ ⲛⲁⲓ ⲛϭⲓ ⲡⲁⲅⲅⲉⲗⲟⲥ ⲉⲧϣⲁϫⲉ ⲛϩⲏⲧ ϫⲉ ⲱϣ ⲉⲃⲟⲗ ⲉⲕϫⲱ ⲙⲙⲟⲥ ϫⲉ ⲛⲁⲓ ⲛⲉⲧϥϫⲱ ⲙⲙⲟⲟⲩ ⲛϭⲓ ⲡϫⲟⲉⲓⲥ ⲡⲡⲁⲛⲧⲱⲕⲣⲁⲧⲱⲣ ϫⲉ ⲁⲓⲕⲱϩ ⲉⲑⲓⲉⲗⲏⲙ ⲙⲛ ⲥⲓⲱⲛ ⲛⲟⲩⲛⲟϭ ⲛⲕⲱϩ

1:15  ⲁⲩⲱ ϯⲛⲟϭⲥ ϩⲛ ⲟⲩⲛⲟϭ ⲛⲟⲣⲅⲏ ⲛϩⲉⲑⲛⲟⲥ ⲛⲧⲁⲩⲧⲱⲟⲩⲛ ϩⲓ ⲟⲩⲥⲟⲡ ⲉϫⲱⲧⲛ ⲉⲃⲟⲗ ϫⲉ ⲁⲛⲟⲕ ⲙⲛ ⲁⲓⲛⲟⲩϭⲥ ϩⲛ ⲟⲩⲕⲟⲩⲓ ⲛⲧⲟⲟⲩ ⲇⲉ ⲁⲩⲧⲱⲟⲩⲛ ⲉϩⲛⲡⲉⲑⲟⲟⲩ

1:16  ⲉⲧⲃⲉ ⲡⲁⲓ ⲛⲁⲓ ⲛⲉⲧⲉⲣⲉ ⲡϫⲟⲉⲓⲥ ϫⲱ ⲙⲙⲟⲟⲩ ϫⲉ ϯⲛⲁⲕⲧⲟⲓ ⲉϫⲛ ⲑⲓⲉⲗⲏⲙ ϩⲛ ⲟⲩⲙⲛⲧϣⲁ ⲛϩⲧⲏϥ ⲁⲩⲱ ⲡⲁⲏⲓ ⲥⲉⲛⲁⲕⲟⲧϥ ⲛϩⲏⲧⲥ ⲛⲟⲩⲱϩⲙ ⲡⲉϫⲉ ⲡϫⲟⲉⲓⲥ ⲡⲓⲓⲁⲛⲧⲱⲕⲣⲁⲧⲱⲣ ⲁⲩⲱ ⲥⲉⲛⲁⲥⲣ ⲟⲩϣⲓ ⲟⲛ ⲉⲃⲟⲗ ⲛⲟⲩⲱϩⲙ ⲉϫⲛ ⲑⲓⲉⲗⲏⲙ

1:17  ⲁⲩⲱ ⲡⲉϫⲁϥ ⲛⲁⲓ ⲛϭⲓ ⲡⲁⲅⲅⲉⲗⲟⲥ ⲉⲧϣⲁϫⲉ ⲛϩⲏⲧ ϫⲉ ⲱϣ ⲉⲃⲟⲗ ⲉⲕϫⲱ ⲙⲙⲟⲥ ϫⲉ ⲉϯ ⲙⲡⲟⲗⲓⲥ ⲥⲉⲛⲁⲟⲩⲱⲱⲗⲉ ⲛϩⲉⲛⲁⲅⲁⲑⲟⲛ ⲁⲩⲱ ⲡϫⲟⲉⲓⲥ ⲛⲁⲛⲁ ⲟⲛ ⲛⲥⲓⲱⲛ ⲛϥⲙⲉⲣⲉ ⲑⲓⲉⲗⲏⲙ

1:18  ⲁⲩⲱ ⲁⲓϥⲓⲁⲧⲉ ⲉϩⲣⲁⲓ ⲁⲓⲛⲁⲩ ⲉϥⲧⲟⲟⲩ ⲛⲧⲁⲡ

1:19  ⲡⲉϫⲁϥ ⲙⲡⲁⲅⲅⲉⲗⲟⲥ ⲉⲧϣⲁϫⲉ ⲛϩⲏⲧ ϫⲉ ⲟⲩ ⲛⲉ ⲛⲁⲓ ⲁⲩⲱ ⲡⲉϫⲁϥ ⲛⲁⲓ ϫⲉ ⲛⲁⲓ ⲛⲉ ⲛⲧⲁⲩϫⲉⲉⲣⲉ ⲓⲟⲩⲇⲁⲥ ⲉⲃⲟⲗ ⲙⲛ ⲡ …

Chapter 2

2:14  ⲣⲁϣⲉ ⲛⲧⲉⲉⲩⲫⲣⲁⲛⲉ ⲧϣⲉⲉⲣⲉ ⲛⲥⲓⲱⲛ ϫⲉ ⲉⲓⲥϩⲉⲉⲧⲉ ϯⲛⲏⲩ ⲛⲧⲁⲟⲩⲱϩ ϩⲛ ⲧⲟⲩⲙⲏⲧⲉ ⲡⲉϫⲉ ⲡϫⲟⲉⲓⲥ

2:15  ⲁⲩⲱ ⲥⲉⲛⲁⲡⲱⲧ ⲛϭⲓ ϩⲉⲛϩⲉⲑⲛⲟⲥ ⲉⲛⲁϣⲱⲟⲩ ⲉⲣⲁⲧϥ ⲙⲡϫⲟⲉⲓⲥ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲛⲥⲉϣⲱⲡⲉ ⲛⲁϥ ⲉⲩⲗⲁⲟⲥ ⲛⲥⲉⲟⲩⲱϩ ϩⲛ ⲧⲟⲩⲙⲏⲧⲉ ⲛⲧⲉⲉⲓⲙⲉ ϫⲉ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲡⲉⲛⲧⲁϥⲧⲛⲛⲟⲟⲩⲧ ϣⲁⲣⲟ

2:16  ⲁⲩⲱ ⲡϫⲟⲉⲓⲥ ϥⲛⲁⲡⲁⲧⲣⲉ ⲓⲟⲩⲇⲁ ⲕⲗⲏⲣⲟⲛⲟⲙⲉⲓ ϩⲛ ⲧⲉϥⲙⲏⲧⲉ ϩⲓϫⲙ ⲡⲕⲁϩ ⲉⲧⲟⲩⲁⲁⲃ ⲁⲩⲱ ⲟⲛ ϥⲛⲁⲙⲉⲣⲉ ⲑ

2:17  ⲙⲁⲣⲉ ⲥⲁⲣⲝ ⲛⲓⲙ ⲣ ϩⲟⲧⲉ ϩⲁ ⲑⲏ ⲙⲡϫⲟⲉⲓⲥ ⲉⲧⲃⲉ ϫⲉ ⲁϥⲧⲱⲟⲩⲛ ⲉⲃⲟⲗ ϩⲛ ⲛⲉϥⲕⲗⲟⲟⲗⲉ ⲉⲧⲟⲩⲁⲁⲃ

Chapter 3

3:1  ⲁⲩⲱ ⲁϥⲧⲟⲩⲟⲓ ⲛϭⲓ ⲡϫⲟⲉⲓⲥ ⲉⲓⲏⲥ ⲡⲛⲟϭ ⲛⲟⲩⲏⲏⲃ ⲉϥⲁϩ ⲉⲣⲁⲧϥ ϩⲓⲑⲏ ⲙⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲁⲩⲱ ⲡⲇⲓⲁⲃⲟⲗⲟⲥ ⲡⲉϥⲁϩ ⲉⲣⲁⲧϥ ⲛⲥⲁ ⲟⲩⲛⲁⲙ ⲙⲙⲟϥ ⲉⲧⲣⲉϥϯⲟⲩⲃⲏϥ

3:2  ⲁⲩⲱ ⲡⲉϫⲉ ⲡϫⲟⲉⲓⲥ ⲉϩⲟⲩⲛ ϩⲙ ⲡⲇⲓⲁⲃⲟⲗⲟⲥ ϫⲉ ⲉⲣⲉ ⲡϫⲟⲉⲓⲥ ⲉⲡⲓⲧⲓⲙⲁ ⲛⲁⲕ ⲡⲉⲛⲧⲁϥⲥⲉⲧⲡ ⲑ ⲁⲩⲱ ⲡⲁⲓ ⲛⲉϥⲟ ⲁⲛ ⲛⲑⲉ ⲛⲟⲩⲗⲁⲙⲡⲁⲥ ⲉⲁⲩⲧⲱⲕⲙⲉⲥ ⲉⲃⲟⲗ ϩⲙ ⲡⲕⲱϩⲧ

3:3  ⲁⲩⲱ ⲓⲏⲥ ⲛⲉⲣⲉ ϩⲉⲛϩⲟⲉⲓⲧⲉ ⲉⲩⲗⲁⲁⲙ ⲉⲧⲟ ϩⲓⲱⲱϥ ⲉϥⲁϩ ⲉⲣⲁⲧϥ ϩⲓ ϩⲏ ⲙⲡⲁⲅⲅⲉⲗⲟⲥ ⲙⲡϫⲟⲉⲓⲥ

3:4  ⲁⲩⲱ ⲁϥⲟⲩⲱϣⲃ ⲡⲉϫⲁϥ ⲛⲛⲉⲧⲁϩ ⲉⲣⲁⲧⲟⲩ ϩⲓ ϩⲏ ⲙⲙⲟϥ ⲉϥϫⲱ ⲙⲙⲟⲥ ϫⲉ ⲕⲁⲁϥ ⲕⲁϩⲏⲩ ⲛⲛϩⲟⲉⲓⲧⲉ ⲉⲧⲗⲁⲁⲙ ⲁⲩⲱ ⲡⲉϫⲁϥ ⲛⲁϥ ϫⲉ ⲉⲓⲥ ϩⲏⲏⲧⲉ ⲁⲓϥⲓ ⲙⲙⲁⲩ ⲛⲛⲉⲕⲁⲛⲟⲙⲓⲁ

3:5  ⲁⲩⲱ ⲡⲉϫⲁϥ ϫⲉ ϯ ϩⲓⲱⲱϥ ⲛⲟⲩⲡⲟⲇⲏⲣⲏ ⲛⲧⲉⲧⲛⲕⲱ ϩⲓϫⲱⲱϥ ⲛⲟⲩⲙⲓⲧⲣⲁ ⲁⲩⲱ ⲟⲩⲕⲓⲇⲁⲣⲓⲥ ⲉⲥⲣⲁϩⲉ ⲉϫⲛ ⲧⲉϥⲁⲡⲉ ⲁⲩⲱ ⲁⲩⲕⲁ ⲧⲕⲓⲇⲁⲣⲓⲥ ⲉⲧⲣⲁϩⲉ ⲉϫⲛ ⲧⲉϥⲁⲡⲉ ⲁⲩϭⲟⲟⲗⲉϥ ⲛϩⲉⲛϩⲟⲉⲓⲧⲉ ⲁⲩⲱ ⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲛⲉϥⲁϩ ⲉⲣⲁⲧϥ

3:6  ⲁⲩⲱ ⲡⲁⲅⲅⲉⲗⲟⲥ ⲙⲡϫⲟⲉⲓⲥ ⲛⲉϥⲣⲙⲛⲧⲣⲉ ⲛⲓⲏⲥ ⲉϥϫⲱ ⲙⲙⲟⲥ

3:7  ϫⲉ ⲛⲁⲓ ⲛⲉⲧϥϫⲱ ⲙⲙⲟoⲩ ⲛϭⲓ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ϫⲉ ⲉⲕϣⲁⲛⲙⲟⲟϣⲉ ϩⲛ ⲛⲁϩⲓⲟⲟⲩⲉ ⲛⲅϯϩⲧⲏⲕ ⲉⲣⲟⲕ ϩⲛ ⲛⲁⲟⲩⲉϩⲥⲁϩⲛⲉ ⲛⲧⲟⲕ ⲕⲛⲁϭⲱ ϩⲓϫⲙ ⲡⲁⲏⲓ ⲁⲩⲱ ⲉⲕϣⲁⲛϩⲁⲣⲉϩ ⲉⲧⲁⲁⲩⲗⲏ ϯⲛⲁϯ ⲛⲁⲕ ⲛⲛⲉⲧⲛⲁϣⲱⲡⲉ ⲛⲧⲙⲏⲧⲉ ⲛⲛⲁⲓ ⲉⲧⲁϩ ⲉⲣⲁⲧⲟⲩ

3:8  ⲥⲱⲧⲙ ϭⲉ ⲓⲏⲥ ⲡⲛⲟϭ ⲛⲟⲩⲏⲏⲃ ⲛⲧⲟⲕ ⲙⲛ ⲛⲉⲕϣⲃⲉⲉⲣ ⲉⲧϩⲙⲟⲟⲥ ⲙⲡⲉⲕⲙⲧⲟ ⲉⲃⲟⲗ ϫⲉ ϩⲉⲙⲣⲱⲙⲉ ⲛⲉ ⲛⲣⲉϥϫⲓⲙⲁⲉⲓⲛ ϫⲉ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁⲉⲓⲛⲉ ⲉϫⲙ ⲡⲁϩⲙϩⲁⲗ ⲛⲟⲩⲁⲛⲁⲧⲟⲗⲏ

3:9  ⲉⲧⲃⲉ ϫⲉ ⲡⲱⲛⲉ ⲉⲛⲧⲁⲓⲧⲁⲁϥ ⲙⲡⲉⲙⲧⲟ ⲉⲃⲟⲗ ⲛⲓⲏⲥ ⲉϫⲙ ⲡⲟⲩⲁ ⲛⲛⲱⲛⲉ ⲥⲁϣϥ ⲛⲃⲁⲗ ⲛⲉ ⲁⲩⲱ ⲉⲓⲥ ϩⲏⲏⲧⲉ ⲁⲛⲟⲕ ϯⲛⲁϣⲉⲕⲧ ⲟⲩϩⲉⲓⲉⲓⲧ ⲡⲉϫⲉ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲁⲩⲱ ⲡϫⲓⲛϭⲟⲛⲥ ⲧⲏⲣϥ ⲙⲡⲕⲁϩ ⲉⲧⲙⲙⲁⲩ ϯⲛⲁϭⲙϭⲱⲙϥ ϩⲛ ⲟⲩϩⲟⲟⲩ ⲛⲟⲩⲱⲧ

3:10  ϩⲙ ⲡⲉϩⲟⲟⲩ ⲉⲧⲙⲙⲁⲩ ⲡⲉϫⲉ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲧⲉⲧⲛⲁⲙⲟⲩⲧⲉ ⲡⲟⲩⲁ ⲡⲟⲩⲁ ⲉⲡⲉⲧϩⲓⲧⲟⲩⲱϥ ϩⲁⲣⲟϥ ⲛⲧⲉϥⲃⲱ ⲛⲉⲗⲟⲟⲗⲉ ⲁⲩⲱ ϩⲁⲣⲟϥ ⲛⲧⲉϥⲃⲱ ⲛⲕⲛⲧⲉ

Chapter 4

4:1  ⲁⲩⲱ ⲁϥⲕⲧⲟϥ ⲛϭⲓ ⲡⲁⲅⲅⲉⲗⲟⲥ ⲉⲧϣⲁϫⲉ ϩⲣⲁⲓ ⲛϩⲏⲧ ⲁϥⲧⲟⲩⲛⲟⲥⲧ ⲙⲡⲉⲥⲙⲟⲧ ⲉϣⲁⲣⲉ ⲡⲣⲱⲙⲉ ⲧⲱⲟⲩⲛ ϩⲁ ⲡϩⲓⲛⲏⲃ

4:2  ⲡⲉϫⲁϥ ⲛⲁⲓ ϫⲉ ⲉⲕⲛⲁⲩ ⲛⲧⲟⲕ ⲉⲟⲩ ⲡⲉϫⲁⲓ ϫⲉ ⲁⲓⲛⲁⲩ ⲁⲩⲱ ⲉⲓⲥ ⲟⲩⲗⲩⲭⲛⲓⲁ ⲛⲛⲟⲩⲃ ⲧⲏⲣⲥ ⲁⲩⲱ ⲧⲉⲥⲗⲁⲙⲡⲁⲥ ⲛⲉⲥ ϩⲓϫⲱⲥ ⲛⲉⲣⲉ ⲥⲁϣϥ ⲛϩⲏⲃⲥ ϩⲓϫⲱⲥ ⲁⲩⲱ ⲥⲁϣϥⲉ ⲛϫⲟⲗⲥ ⲛⲛϩⲏⲃⲥ ⲉⲧϩⲓϫⲱⲥ

4:3  ⲁⲩⲱⲃⲱ ⲛϫⲟⲉⲓⲧ ⲥⲛⲧⲉ ⲛⲉⲩ ⲛⲧⲡⲉ ⲙⲙⲟⲥ ⲉⲣⲉ ⲟⲩⲉⲓ ⲛⲥⲁ ⲟⲩⲛⲁⲙ ⲛⲧⲉⲥⲗⲁⲙⲡⲁⲥ ⲁⲩⲱ ⲟⲩⲉⲓ ⲛⲥⲁ ϩⲃⲟⲩⲣ ⲙⲙⲟⲥ

4:4  ⲁⲩⲱ ⲁⲓⲟⲩⲱϣⲃ ⲉⲓϫⲱ ⲙⲙⲟⲥ ⲙⲡⲁⲅⲅⲉⲗⲟⲥ ⲉⲧϣⲁϫⲉ ϩⲣⲁⲓ ⲛϩⲏⲧ ϫⲉ ⲟⲩ ⲛⲉ ⲛⲁⲓ

4:5  ⲡⲉϫⲁϥ ⲛⲁⲓ ϫⲉ ⲛⲕⲥⲟⲟⲩⲛ ⲁⲛ ϫⲉ ⲟⲩ ⲛⲉ ⲛⲁⲓ ⲡⲉϫⲁⲓ ϫⲉ ⲙⲙⲟⲛ ⲡϫⲟⲉⲓⲥ

4:6  ⲁϥⲟⲩⲱϣⲃ ⲉϥϫⲱ ⲙⲙⲟⲥ ⲛⲁⲓ ϫⲉ ⲡⲁⲓ ⲡⲉ ⲡϣⲁϫⲉ ⲛⲧⲉ ⲡϫⲟⲉⲓⲥ ⲛⲛⲁϩⲣⲛ ⲍⲟⲣⲟⲃⲁⲃⲉⲗ ⲉϥϫⲱ ⲙⲙⲟⲥ ϫⲉ ϩⲛ ⲟⲩⲛⲟϭ ⲁⲛ ⲛϭⲟⲙ ⲟⲩⲧⲉ ϩⲛ ⲟⲩⲛⲟϭ ⲁⲛ ⲛⲛⲟⲙⲧⲉ ⲁⲗⲗⲁ ϩⲙ ⲡⲁ ⲡⲉϫⲉⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ

4:7  ⲛⲧⲕ ⲛⲓⲙ ⲛⲧⲟⲕ ⲡⲛⲟϭ ⲛⲧⲟⲟⲩ ⲡⲉⲧⲙⲡⲉⲙⲧⲟ ⲉⲃⲟⲗ ⲛⲍⲟⲣⲟⲃⲁⲃⲉⲗ ⲉⲥⲟⲟϩⲉ ⲉⲣⲟϥ ⲁⲩⲱ ϯⲛⲁⲉⲓⲛⲉ ⲙⲡⲱⲛⲉ ⲛⲧⲉⲕⲕⲗⲏⲣⲟⲛⲟⲙⲓⲁ ⲉⲣⲉ ⲧⲉⲥⲭⲁⲣⲓⲥ ϣⲏϣ ⲙⲛ ⲧⲉⲥⲭⲁⲣⲓⲥ

4:8  ⲁⲩⲱ ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁⲣⲟⲓ ⲉϥϫⲱ ⲙⲙⲟⲥ

4:9  ϫⲉ ⲛϭⲓϫ ⲛⲍⲟⲣⲟⲃⲁⲃⲉⲗ ⲁⲩⲥⲙⲛⲥⲛⲧⲉ ⲙⲡⲉⲓⲏⲓ ⲁⲩⲱ ⲛⲉϥϭⲓϫ ⲛⲉⲧⲛⲁϫⲟⲕϥ ⲉⲃⲟⲗ ⲁⲩⲱ ⲕⲛⲁⲉⲓⲙⲉ ϫⲉ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲛⲉⲛⲧⲁϥⲧⲛⲛⲟⲟⲩⲧ ϣⲁⲣⲟⲕ

4:10  ϫⲉ ⲛⲓⲙ ⲡⲉⲛⲧⲁϥϯ ⲥⲱϣ ⲛⲁⲕ ⲉϩⲉⲛⲕⲟⲩⲓ ⲛϩⲟⲟⲩ ⲁⲩⲱ ⲥⲉⲛⲁⲣⲁϣⲉ ⲛⲥⲉⲛⲁⲩ ⲉⲡⲱⲛⲉ ⲛⲃⲁⲥⲛϭ ϩⲛ ⲧϭⲓϫ ⲛⲍⲟⲣⲟⲃⲁⲃⲉⲗ ⲡⲥⲁϣϥ ⲛⲃⲁⲗ ⲙⲡϫⲟⲉⲓⲥ ⲛⲉ ⲛⲁⲓ ⲉⲧϭⲱϣⲧ ⲉϫⲙ ⲡⲕⲁϩ ⲧⲏⲣϥ

4:11  ⲁⲩⲱ ⲁⲓⲟⲩⲱϣⲃ ⲉⲓϫⲱ ⲙⲙⲟⲥ ϫⲉ ⲟⲩ ⲛⲉ ⲧⲉⲓⲃⲱ ⲛϫⲟⲉⲓⲧ ⲥⲛⲧⲉ ⲉⲧⲥⲁ ⲟⲩⲛⲁⲙ ⲛⲧⲗⲩⲭⲛⲓⲁ ⲁⲩⲱ ⲛⲥⲁ ϩⲃⲟⲩⲣ ⲙⲙⲟⲥ

4:12  ⲁⲓϫⲛⲟⲩϥ ⲟⲛ ⲙⲡⲙⲉϩⲥⲉⲡⲥⲛⲁⲩ ⲉⲓϫⲱ ⲙⲙⲟⲥ ⲛⲁϥ ϫⲉ ⲟⲩ ⲛⲉ ⲡⲉⲓⲕⲗⲁⲇⲟⲥ ⲥⲛⲁⲩ ⲛⲃⲱ ⲛϫⲟⲉⲓⲧ ⲛⲉⲧϩⲛ ⲧⲟⲟⲧⲟⲩ ⲙⲡⲙⲁ ⲛϯⲥⲟⲗ ⲥⲛⲁⲩ ⲛⲛⲟⲩⲃ ⲛⲉⲧⲟⲩⲱⲧⲓⲃ ⲁⲩⲱ ⲛⲉⲧⲉⲓⲛⲉ ⲉϩⲣⲁⲓ ⲛⲛ-ϫⲟⲗϩⲥ ⲛⲛⲟⲩⲃ

4:13  ⲡⲉϫⲁϥ ⲛⲁⲓ ϫⲉ ⲛⲕⲥⲟⲟⲩⲛ ⲁⲛ ϫⲉ ⲟⲩ ⲛⲉ ⲛⲁⲓ ⲡⲉϫⲁⲓ ϫⲉ ⲙⲙⲟⲛ ⲡϫⲟⲉⲓⲥ

4:14  ⲡⲉϫⲁϥ ⲛⲁⲓ ϫⲉ ⲡⲉⲓⲥⲛⲁⲩ ⲛϣⲏⲣⲉ ⲛⲉ ⲛⲧⲃⲱ ⲛϫⲓⲧⲛⲟⲩⲧⲙ ⲉⲩⲁϩⲉⲣⲁⲧⲟⲩ ⲙⲡⲃⲟⲗ ⲙⲡϫⲟⲉⲓⲥ ⲙⲡⲕⲁϩ ⲧⲏⲣϥ

Chapter 5

5:1  ⲁⲩⲱ ⲁⲓϥⲓⲓⲁⲧ ⲉϩⲣⲁⲓ ⲁⲓⲛⲁⲩ ⲁⲩⲱ ⲉⲓⲥ ⲟⲩⲟϩⲥ ⲉϥϩⲏⲗ

5:2  ⲡⲉϫⲁϥ ⲛⲁⲓ ϫⲉ ⲉⲕⲛⲁⲩ ⲛⲧⲟⲕ ⲉⲟⲩ ⲡⲉϫⲁⲓ ϫⲉ ⲉⲓⲛⲁⲩ ⲉⲩⲟϩⲥ ⲉϥϩⲏⲗ ⲉϥⲛⲁⲣ ϫⲟⲩⲱⲧ ⲙⲙⲁϩⲉ ⲛϣⲓⲏ ⲁⲩⲱ ⲙⲏⲧ ⲙⲙⲁϩⲉ ⲛⲟⲩⲱϣⲥ

5:3  ⲡⲉϫⲁϥ ⲛⲁⲓ ϫⲉ ⲡⲁⲓ ⲡⲉ ⲡⲥⲁϩⲟⲩ ⲉⲧⲛⲏⲩ ⲉⲃⲟⲗ ⲉϫⲙ ⲡⲕⲁϩ ⲧⲏⲣϥ ⲉⲃⲟⲗϫⲉ ⲣⲉϥϫⲓⲟⲩⲉ ⲛⲓⲙ ⲉⲩⲛⲁϫⲓ ⲕⲃⲁ ⲙⲙⲟϥ ϩⲙ ⲡⲁⲓ ϣⲁϩⲣⲁⲓ ⲉⲡⲙⲟⲩ ⲁⲩⲱ ⲟⲩⲟⲛ ⲛⲓⲙ ⲉⲧⲱⲣⲕ ⲛⲛⲟⲩϫ ⲉⲩⲛⲁϫⲓ ⲕⲃⲁ ⲟⲛ ⲙⲙⲟⲟⲩ ϩⲙ ⲡⲁⲓ ϣⲁϩⲣⲁⲓ ⲉⲡⲙⲟⲩ

5:4  ⲁⲩⲱ ϯⲛⲁⲛⲧϥ ⲉⲃⲟⲗ ⲡⲉϫⲉ ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲛϥⲃⲱⲕ ⲉϩⲟⲩⲛ ⲉⲡⲏⲓ ⲙⲣⲡⲣⲉϥϫⲓⲟⲩⲉ ⲁⲩⲱ ⲉϩⲟⲩⲛ ⲉⲡⲏⲓ ⲙⲡⲉⲧⲱⲣⲕ ⲛⲛⲟⲩϫ ⲙⲡⲁⲣⲁⲛ ⲉϫⲛ ⲟⲩϫⲓⲛϭⲟⲛⲥ ⲛϥⲟⲩⲱϩ ϩⲛ ⲧⲙⲏⲧⲉ ⲙⲡⲉϥⲏⲓ ⲛϥⲟϫⲛⲉϥ ⲙⲛ ⲛⲉϥⲕⲉϣⲉ ⲙⲛ ⲛⲉϥⲱⲛⲉ

5:5  ⲁⲩⲱ ⲁϥⲉⲓ ⲉⲃⲟⲗ ⲛϭⲓ ⲡⲁⲅⲅⲉⲗⲟⲥ ⲉⲧϣⲁϫⲉ ϩⲣⲁⲓ ⲛϩⲏⲧ ⲡⲉϫⲁϥ ⲛⲁⲓ ϫⲉ ϥⲓⲓⲁⲧⲕ ⲉϩⲣⲁⲓ ⲛⲕⲛⲁⲩ ⲉⲡⲁⲓ ⲉⲧⲛⲏⲩ ⲉⲃⲟⲗ

5:6  ⲡⲉϫⲁⲓ ϫⲉ ⲟⲩ ⲡⲉ ⲡϫⲟⲉⲓⲥ ⲡⲉϫⲁϥ ⲛⲁⲓ ϫⲉ ⲡⲉⲓϣⲓ ⲉⲧⲛⲏⲩ ⲉⲃⲟⲗ ⲁⲩⲱ ⲡⲁⲓ ⲡⲉ ⲡⲉⲩϫⲓⲛϭⲟⲛⲥ ϩⲙ ⲡⲕⲁϩ ⲧⲏⲣϥ

5:7  ⲁⲩⲱ ⲉⲓⲥ ⲟⲩϭⲓⲛϭⲱⲣ ⲛⲧⲁϩⲧ ⲉⲩϥⲓ ⲙⲙⲟϥ ⲁⲩⲱ ⲉⲓⲥ ⲟⲩⲥϩⲓⲙⲉ ⲉⲥϩⲙⲟⲟⲥ ⲛⲧⲙⲏⲧⲉ ⲙⲡϣⲓ

5:8  ⲁⲩⲱ ⲡⲉϫⲁϥ ϫⲉ ⲧⲁⲓ ⲧⲉ ⲧⲁⲛⲟⲙⲓⲁ ⲁⲩⲱ ⲁⲥⲛⲟϫⲥ ⲛⲧⲙⲏⲧⲉ ⲙⲡϣⲓ ⲁⲩⲱ ⲁⲥⲛⲟⲩϫⲉ ⲙⲡⲱⲛⲉ ⲛⲧⲁϩⲧ ⲉϩⲟⲩⲛ ⲉⲣⲱⲥ

5:9  ⲁⲓϥⲓ ⲛⲛⲁⲃⲁⲗ ⲉϩⲣⲁⲓ ⲁⲓⲛⲁⲩ ⲁⲩⲱ ⲉⲓⲥ ⲥϩⲓⲙⲉ ⲥⲛⲧⲉ ⲉⲩⲛⲏⲩ ⲉⲃⲟⲗ ⲉⲣⲉ ⲟⲩ ϩⲛ ⲛⲉⲩⲧⲛϩ ⲁⲩⲱ ⲛⲧⲟⲟⲩ ⲛⲉⲩ ⲛϩⲉⲛⲧⲛϩ ⲙⲙⲟⲟⲩ ⲛⲑⲉ ⲛϩⲉⲛⲧⲛϩ ⲛⲉⲡⲟⲯ ⲁⲩⲧⲱⲟⲩⲛ ⲉϩⲣⲁⲓ ⲙⲡϣⲓ ⲟⲩⲧⲉ ⲧⲙⲏⲧⲉ ⲙⲡⲕⲁϩ ⲁⲩⲱ ⲟⲩⲧⲉ ⲧⲙⲏⲧⲉ ⲛⲧⲡⲉ

5:10  ⲡⲉϫⲁⲓ ⲙⲡⲁⲅⲅⲉⲗⲟⲥ ⲉⲧϣⲁϫⲉ ϩⲣⲁⲓ ⲛϩⲏⲧ ϫⲉ ⲉⲣⲉ ⲛⲁⲓ ⲛⲁϫⲓ ⲡϣⲓ ⲉⲧⲱⲛ

5:11  ⲡⲉϫⲁϥ ⲛⲁⲓ ϫⲉ ⲉⲕⲱⲧ ⲛⲁϥ …

Chapter 6

Chapter 7

7:1  ⲁⲩⲱ ⲁⲥϣⲱⲡⲉ ϩⲛ ⲧⲙⲉϩ ϥⲧⲟⲉ ⲛⲣⲟⲙⲡⲉ ϩⲓ ⲇⲁⲣⲓⲟⲥ ⲡⲣⲣⲟ ⲡϣⲁϫⲉ ⲙⲡϫⲟⲉⲓⲥ ⲁϥϣⲱⲡⲉ ϣⲁ ⲍⲁⲭⲁⲣⲓⲁⲥ ⲛⲥⲟⲩ ϥⲧⲟⲟⲩ ⲙⲡⲙⲉϩ ⲯⲓⲥ ⲛⲉⲃⲟⲧ ⲭⲁⲥⲓⲗⲓⲟⲩ

Chapter 8

Chapter 9

9:9  ⲣⲁϣⲉ ⲙⲁⲧⲉ ⲧϣⲉⲉⲣⲉ ⲛⲥⲓⲱⲛ ⲕⲏⲣⲏⲥⲥⲉ ⲧϣⲉⲉⲣⲉ ⲛⲑ ⲉⲓⲥ ⲡⲟⲩⲉⲣⲣⲟ ϥⲛⲁⲉⲓ ⲛⲏ ⲟⲩⲇⲓⲕⲁⲓⲟⲥ ⲡⲉ ⲁⲩⲱ ⲉϥⲧⲁⲛϩⲟ ⲛⲧⲟϥ ⲟⲩⲣⲙⲣⲁϣ ⲡⲉ ⲉϥⲧⲁⲗⲏⲩ ⲉϫⲛ ⲟⲩⲃⲁⲓ ⲛⲁϩⲃ ⲁⲩⲱ ⲟⲩⲥⲏϭ ⲛⲃⲣⲣⲉ

9:10  ⲁⲩⲱ ϥⲛⲁⲧⲁⲕⲟ ⲛϩⲛϩⲁⲣⲙⲁ ⲉⲃⲟⲗϩⲛ ⲉⲫⲣⲁⲓⲙ ⲁⲩⲱ ϩⲛϩⲧⲱⲱⲣ ⲉⲃⲟⲗϩⲛ ⲑ ⲁⲩⲱ ⲟⲩⲡⲓⲧⲉ ⲙⲡⲟⲗⲉⲙⲓⲕⲟⲛ ⲥⲉⲛⲁⲧⲁⲕⲟⲥ ⲙⲛ ⲟⲩⲙⲏⲏϣⲉ ⲉⲛϥϫⲱ ⲛⲟⲩⲉⲓⲣⲏⲛⲏ ⲛⲛϩⲉⲑⲛⲟⲥ ⲧⲉϥⲉⲝⲟⲩⲥⲓⲁ ⲥⲛⲁϣⲱⲡⲉ ϫⲓⲛ ⲑⲁⲗⲁⲥⲥⲁ ⲁⲩⲱ ϫⲓⲛ ⲡⲓⲉⲣⲣⲟ ϣⲁ ⲣⲏϫϥ ⲙⲡⲕⲁϩ

9:11  ⲁⲩⲱ ⲛⲧⲟⲕ ϩⲙ ⲡⲉⲥⲛⲟϥ ⲛⲧⲉⲕⲇⲓⲁⲑⲏⲕⲉ ⲁⲕϫⲟⲟⲩ ⲉⲃⲟⲗ ⲛⲛⲉⲧⲥⲟⲛϩ ⲛⲧⲁⲕ ⲉⲃⲟⲗϩⲛ ⲟⲩϣⲏⲓ ⲉⲙⲛ ⲙⲟⲟⲩ ⲛϩⲏⲧϥ

9:12  ⲕⲧⲉ ⲧⲏⲩⲧⲛ ⲉⲩⲟⲣϫ ⲛⲉⲧⲥⲟⲛϩ ⲛⲧⲉ ⲑⲉⲗⲡⲓⲥ ⲁⲩⲱ ⲉⲡⲙⲁ ⲙⲡⲉϩⲟⲟⲩ ⲛⲟⲩⲱⲧ ⲙⲡⲉⲕϭⲟⲓⲗⲉ ϯⲛⲁⲧⲟⲩⲓⲟ ⲛⲁⲕ ⲙⲡⲕⲱⲃ

9:13  ⲉⲃⲟⲗ ϫⲉ ⲓⲟⲩⲇⲁ ⲁⲓϫⲟⲗⲉⲕⲕ ⲛⲁⲓ ⲛⲟⲩⲡⲓⲧⲉ ⲁⲓⲙⲟⲩϩ ⲉⲛⲉⲫⲣⲁⲓⲙ ⲁⲩⲱ ϯⲛⲁⲧⲟⲩⲛⲉⲥ ⲛⲟⲩϣⲏⲣⲉ ⲥⲓⲱⲛ ⲉϫⲛ ⲛϣⲏⲣⲉ ⲛⲉⲛⲟⲩⲉⲉⲓⲛⲓⲛ ⲛⲧⲁϭⲙϭⲱⲙⲟⲩ ⲛⲑⲉ ⲛⲟⲩⲥⲏⲃⲉ ⲛⲣϥⲙⲓϣⲉ

9:14  ⲁⲩⲱ ⲡϫⲟⲉⲓⲥ ⲛⲁⲉⲓ ⲉϩⲣⲁⲓ ⲉϫⲱⲟⲩ ⲁⲩⲱ ⲡⲉϥⲥⲟⲧⲉ ⲛⲁⲉⲓ ⲉⲃⲟⲗ ⲛⲑⲉ ⲛⲟⲩⲉⲃⲣⲏϭⲉ ⲁⲩⲱ ⲡϫⲟⲉⲓⲥ ⲡⲛⲟⲩⲧⲉ ⲉϥⲛⲁⲥⲁⲗⲡⲓⲍⲉ ϩⲛ ⲟⲩⲛⲟϭ ⲛⲥⲁⲗⲡⲓⲅⲝ

Chapter 10

Chapter 11

11:12  ⲁⲩⲱ ϯⲛⲁϫⲟⲟⲥ ⲛⲁⲩ ϫⲉ ⲉϣϫⲉ ⲛⲁⲛⲟⲩⲥ ⲙⲡⲉⲧⲛⲙⲧⲟ ⲉⲃⲟⲗ ⲙⲁ ⲛⲁⲓ ⲙⲡⲁⲃⲉⲕⲉ ⲛⲧⲉⲧⲛⲧⲁϩⲟϥ ⲉⲣⲁⲧϥ ⲏ ⲙⲙⲟⲛ ⲁⲙⲡⲟⲧⲁⲥⲥⲉ ⲁⲩⲱ ⲁⲩⲧⲁϩⲟ ⲛⲁⲓ ⲉⲣⲁⲧϥ ⲙⲡⲁⲃⲉⲕⲉ ⲙⲙⲁⲁⲃ ⲛϩⲁⲧ

11:13  ⲁⲩⲱ ⲡⲉϫⲉ ⲡϫⲟⲉⲓⲥ ⲛⲁⲓ ϫⲉ ⲛⲟϫϥ ⲉⲡⲙⲁ ⲛⲟⲩⲱⲧϩ ⲧⲁϫⲟⲛⲧϥ ϫⲉⲛⲉ ϥⲥⲱⲧⲛ ⲙⲡⲉⲥⲙⲟⲧ ⲛⲧⲁⲩϫⲟⲛⲧ ⲉϫⲱϥ ⲁⲩⲱ ⲁⲓϫⲓ ⲙⲡⲙⲁⲁⲃ ⲛϩⲁⲧ ⲁⲓⲛⲟϫⲟⲩ ⲉⲡⲙⲁ ⲛⲟⲩⲱⲧϩ ⲙⲡⲏⲓ ⲙⲡϫⲟⲉⲓⲥ …

Chapter 12

12:11  ϩⲙ ⲡⲉϩⲟⲟⲩ ⲉⲧⲙⲙⲁⲩ ϥⲛⲁⲁϣⲁⲓ ⲛϭⲓ ⲡⲛⲉϩⲡⲉ ⲛⲑ ⲁⲩⲱ ⲛⲑⲉ ⲙⲡⲕⲱⲱⲣⲉ ⲛⲟⲩⲙⲁ ⲛϩⲉⲣⲙⲁⲛ ⲉⲩⲕⲱⲱⲣⲉ ⲙⲙⲟϥ ϩⲛ ⲧⲥⲱϣⲉ

12:12  ⲁⲩⲱ ⲡⲕⲁϩ ϥⲛⲁⲛⲉϩⲡⲉ ⲕⲁⲧⲁ ⲫⲩⲗⲏ ⲧⲟⲩⲉⲓ ⲧⲟⲩⲉⲓ ⲙⲙⲛⲧⲉⲓⲱⲧ ϩⲁⲣⲓ ϩⲁⲣⲟⲥ ⲧⲉⲫⲩⲗⲏ ⲙⲡⲏⲓ ⲛⲇⲁⲩⲉⲓⲇ ⲟⲩⲁⲁⲥ ⲁⲩⲱ ⲛⲉⲩϩⲓⲟⲙⲉ ⲟⲛ ⲟⲩⲁⲁⲩ ⲧⲉⲫⲩⲗⲏ ⲙⲡⲏⲓ ⲛⲁⲑⲁⲛ ⲟⲩⲁⲁⲥ ⲁⲩⲱ ⲛⲉⲩϩⲓⲟⲙⲉ ⲟⲛ ⲙⲁⲩⲁⲁⲩ

12:13  ⲧⲉⲫⲩⲗⲏ ⲙⲡⲏⲓ ⲛⲗⲉⲩⲉⲓ ⲙⲁⲩⲁⲁⲥ ⲁⲩⲱ ⲛⲉⲩϩⲓⲟⲙⲉ ⲟⲛ ⲟⲩⲁⲁⲧⲟⲩ ⲧⲉⲫⲩⲗⲏ ⲙⲡⲏⲓ ⲛⲥⲩⲙⲉⲱⲛ ⲟⲩⲁⲁⲥ ⲁⲩⲱ ⲛⲉⲩϩⲓⲟⲙⲉ ⲟⲛ ⲟⲩⲁⲁⲧⲟⲩ

12:14  ⲛⲉⲫⲓⲗⲟⲟⲩⲉ ⲧⲏⲣⲟⲩ ⲛⲧⲁⲩⲥⲉⲉⲡⲉ ⲧⲟⲩⲉⲓ ⲧⲟⲩⲉⲓ ϩⲁⲣⲓ ϩⲁⲣⲟⲥ ⲁⲩⲱ ⲛⲉⲩϩⲓⲟⲙⲉ ⲟⲛ ϩⲁⲣⲓ ϩⲁⲣⲟⲟⲩ

Chapter 13

13:1  ⲁⲩⲱ ϥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲛϭⲓ ⲙⲁ ⲛⲓⲙ ⲉⲧⲟⲩⲛⲁⲟⲩⲱⲛ ⲙⲙⲟϥ ϥⲛⲁϣⲱⲡⲉ ⲛⲏⲓ ⲛⲇⲁⲩⲉⲓⲇ ⲁⲩⲱ ⲥⲉⲛⲁⲟⲩⲱⲛ ⲛⲟⲩⲡⲩⲅⲏ ⲙⲡⲏⲓ ⲛⲇⲁⲩⲉⲓⲇ ⲙⲛ ⲛⲉⲧⲟⲩⲏϩ ϩⲛ ⲑ

13:2  ⲁⲩⲱ ⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲡⲉϫⲉ ⲡϫⲟⲉⲓⲥ ⲛⲛϭⲟⲙ ϫⲉ ϯⲛⲁϥⲱⲧⲉ ⲉⲃⲟⲗ ⲙⲡⲣⲁⲛ ⲛⲛⲉⲓⲇⲱⲗⲟⲛ ϩⲣⲓϫⲙ ⲡⲕⲁϩ ⲛⲥⲉⲧⲙⲕⲟⲧⲟⲩ

13:3  ⲁⲩⲱ ⲉϣⲱⲡⲉ ⲣϣⲁⲛ ⲟⲩⲣⲱⲙⲉ ⲡⲣⲟⲫⲏⲧⲉⲩⲉ ⲛⲟⲩⲱϩⲙ ⲛⲥⲉϫⲟⲟⲥ ⲛⲁϥ ⲛϭⲓ ⲡⲉϥⲉⲓⲱⲧ ⲙⲛ ⲧⲉϥⲙⲁⲁⲩ ⲛⲧⲁⲩϫⲡⲟϥ ϫⲉ ⲛⲅⲛⲁⲱⲛϩ ⲁⲛ ϫⲉ ⲁⲕϫⲱ ⲛϩⲛⲙⲛⲧⲛⲟⲩϫ ϩⲙ ⲡⲣⲁⲛ ⲙⲡϫⲟⲉⲓⲥ ⲁⲩⲱ ⲉⲩⲉⲥⲱⲛϩϥ ⲛϭⲓ ⲡⲉϥⲉⲓⲱⲧ ⲙⲛ ⲧⲉϥⲙⲁⲁⲩ ⲛⲧⲁⲩϫⲡⲟϥ ϩⲙ ⲡⲧⲣⲉϥⲡⲣⲟⲫⲏⲧⲉⲩⲉ

13:4  ⲁⲩⲱ ⲉⲥⲛⲁϣⲱⲡⲉ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲥⲉⲛⲁϫⲓ ϣⲓⲡⲉ ⲛϭⲓ ⲛⲉⲡⲣⲟⲫⲏⲧⲏⲥ ⲡⲟⲩⲁ ⲡⲟⲩⲁ ϩⲛ ⲧⲉϥϩⲟⲣⲁⲥⲓⲥ ϩⲙ ⲡⲧⲣⲉϥⲡⲣⲟⲫⲏⲧⲉⲩⲉ ⲁⲩⲱ ⲉⲩϯ ϩⲓⲱⲟⲩ ⲛϩⲛϭⲟⲟⲩⲛⲉ ⲉⲃⲟⲗϫⲉ ⲁⲩϫⲓ ϭⲟⲗ

13:5  ⲁⲩⲱ ϥⲛⲁϫⲟⲟⲥ ϫⲉ ⲁⲛⲅ ⲟⲩⲡⲣⲟⲫⲏⲧⲏⲥ ⲁⲛ ⲁⲛⲟⲕ ⲉⲃⲟⲗϫⲉ ⲟⲩⲣⲱⲙⲉ ⲡⲉ ⲛⲧⲁϥϫⲡⲟⲓ ⲁⲩⲱ ⲁϥⲧⲥⲁⲃⲟⲓ ϫⲓⲛ ⲧⲁⲙⲛⲧϣⲏⲣⲉϣⲏⲙ

13:6  ⲁⲩⲱ ϯⲛⲁϫⲟⲟⲥ ⲛⲁϥ ϫⲉ ⲟⲩ ⲛⲉ ⲛⲉⲓⲥⲏϣⲉ ⲉⲧϩⲛ ⲧⲙⲏⲧⲉ ⲛⲛⲉⲕϭⲣⲓϫ ⲁⲩⲱ ϥⲛⲁϫⲟⲟⲥ ⲛⲁⲓ ϫⲉ ⲛⲁⲓ ⲛⲉ ⲛⲧⲁⲩⲁⲁⲩ ⲛⲁⲓ ϩⲙ ⲛⲏⲓ ⲣⲙⲡⲁⲙⲉⲣⲣⲓⲧ

13:7  ⲧⲥⲏⲃⲉ ⲧⲱⲟⲩⲛ ϩⲓϫⲙ ⲡϣⲱⲥ ⲁⲩⲱ ⲉϫⲙ ⲡⲣⲱⲙⲉ ⲡⲉϥⲣⲙⲣⲛϯⲙⲉ ⲡⲉϫⲉ ⲡϫⲟⲉⲓⲥ ⲡⲡⲁⲛⲧⲱⲕⲣⲁⲧⲱⲣ ⲣⲱϩⲧ ⲙⲡϣⲱⲥ ⲁⲩⲱ ⲙⲁⲣⲟⲩϫⲱⲱⲣⲉ ⲉⲃⲟⲗ ⲛϭⲓ ⲛⲉⲥⲟⲟⲩ ⲁⲩⲱ ϯⲛⲁⲉⲓⲛⲉ ⲛⲧⲁϭⲓϫ ⲉϫⲛ ⲛⲕⲟⲩⲓ ⲛϣⲟⲟⲥ

13:8  ⲁⲩⲱ ϥⲛⲁϣⲱⲡⲉ ⲙⲡⲕⲁϩ ⲧⲏⲣϥ ⲡⲉϫⲉ ⲡϫⲟⲉⲓⲥ ϫⲉ ⲟⲩⲱⲛ ⲥⲛⲁⲩ ⲥⲉⲛⲁⲧⲁⲕⲟ ⲛⲥⲉⲱϫⲛ ⲡⲟⲩⲛⲉ ϣⲟⲙⲛⲧ ⲇⲉ ϥⲛⲁϣⲱϫⲡ ⲛϩⲏⲧϥ

13:9  ⲁⲩⲱ ⲡⲟⲩⲛ ⲛϣⲟⲙⲛⲧ ϯⲛⲁⲛⲧϥ ⲉⲃⲟⲗϩⲓⲧⲛ ⲟⲩⲕⲱϩⲧ ⲛⲧⲁⲡⲁⲥⲧⲟⲩ ⲛⲑⲉ ⲙⲡϩⲁⲧ ⲉϣⲁⲩⲡⲁⲥⲧϥ ⲁⲩⲱ ϯⲛⲁⲇⲟⲕⲓⲙⲁⲍⲉ ⲙⲙⲟⲟⲩ ⲛⲑⲉ ⲙⲡⲛⲟⲩⲃ ⲉϣⲁⲩⲇⲟⲕⲓⲙⲁⲍⲉ ⲙⲙⲟϥ ⲛⲧⲟϥ ϥⲛⲁⲉⲡⲉⲓⲕⲁⲗⲉⲓ ⲙⲡⲁⲣⲁⲛ ⲁⲩⲱ ⲁⲛⲟⲕ ϯⲛⲁⲥⲱⲧⲙ ⲉⲣⲟϥ ⲧⲁϫⲟⲟⲥ ϫⲉ ⲡⲁⲓ ⲡⲉ ⲡⲁⲗⲁⲟⲥ ⲁⲩⲱ ⲛⲧⲟϥ ϥⲛⲁϫⲟⲟⲥ ϫⲉ ⲛⲧⲟⲕ ⲡⲉ ⲡϫⲟⲉⲓⲥ ⲡⲁⲛⲟⲩⲧⲉ

Chapter 14

14:1  ⲉⲓⲥ ϩⲏⲏⲧⲉ ϥⲛⲏⲩ ⲛϭⲓ ⲟⲩϩⲟⲟⲩ ⲛⲧⲉ ⲡϫⲟⲉⲓⲥ ⲁⲩⲱ ⲥⲉⲛⲁⲡⲱϣ ⲛⲛϣⲱⲗ ϩⲣⲁⲓ ⲛϩⲏⲧⲉ

14:2  ⲁⲩⲱ ϯⲛⲁⲥⲱⲟⲩϩ ⲉϩⲟⲩⲛ ⲛⲛϩⲉⲑⲛⲟⲥ ⲧⲏⲣⲟⲩ ⲉⲑⲓⲉⲗⲏⲙ ⲉⲩⲡⲟⲗⲉⲙⲟⲥ ⲛⲥⲉϫⲓ ⲧⲡⲟⲗⲓⲥ ⲛⲥⲉϣⲱⲗ ⲛⲛⲏⲓ ⲁⲩⲱ ⲛⲉϩⲓⲟⲙⲉ ⲥⲉⲛⲁϫⲁϩⲙⲟⲩ ⲛⲧⲉ ⲧⲡⲁϣⲉ ⲙⲡⲗⲁⲟⲥ ⲛⲧⲡⲟⲗⲓⲥ ⲉⲓ ⲉⲃⲟⲗ ϩⲛ ⲟⲩⲁⲓⲭⲙⲁⲗⲱⲥⲓⲁ ⲛⲕⲟⲟⲩⲉ ⲇⲉ ⲙⲡⲗⲁⲟⲥ ⲛⲥⲉⲧⲙⲧⲁⲕⲟⲟⲩ ⲉⲃⲟⲗϩⲛ ⲧⲡⲟⲗⲓⲥ

14:3  ⲁⲩⲱ ⲡϫⲟⲉⲓⲥ ϥⲛⲁⲉⲓ ⲉⲃⲟⲗ ⲛϥⲙⲓϣⲉ ⲙⲛ ⲛϩⲉⲑⲛⲟⲥ ⲉⲧⲙⲙⲁⲩ ⲕⲁⲧⲁ ⲛⲉϩⲟⲟⲩ ⲙⲡⲉϥⲙⲓϣⲉ ϩⲙ ⲡⲉϩⲟⲟⲩ ⲙⲡⲡⲟⲗⲉⲙⲟⲥ

14:4  ⲁⲩⲱ ⲛϥⲟⲩⲉⲣⲏⲧⲉ ⲥⲉⲛⲁⲁϩⲉⲣⲁⲧⲟⲩ ϩⲓϫⲙ ⲡⲧⲟⲟⲩ ⲛⲉⲛϫⲟⲉⲓⲧ ⲡⲉⲧⲉⲙⲡⲙⲧⲟ ⲉⲃⲟⲗ ⲛⲑⲓⲉⲗⲏⲙ ϩⲛ ⲙⲙⲁ ⲛϣⲁ

14:5  ⲁⲩⲱ ϥⲛⲁⲉⲓ ⲛϭⲓ ⲡϫⲟⲉⲓⲥ ⲡⲁⲛⲟⲩⲧⲉ ⲙⲛ ⲛⲉⲧⲟⲩⲁⲁⲃ ⲧⲏⲣⲟⲩ ⲛⲙⲙⲁϥ

14:6  ⲁⲩⲱ ϩⲙ ⲡⲉϩⲟⲟⲩ ⲉⲧⲙⲙⲁⲩ ⲙⲛ ⲟⲩⲟⲉⲓⲛ ⲛⲁϣⲱⲡⲉ ⲁⲩⲱ ⲟⲩⲛ ϩⲛⲱϭⲃ ⲙⲛ ⲟⲩϫⲁϥ ⲛⲁϣⲱⲡⲉ ϩⲛ ⲟⲩϩⲟⲟⲩ ⲛⲟⲩⲱⲧ

14:7  ⲁⲩⲱ ⲉϥⲟⲩⲱⲛϩ ⲉⲃⲟⲗ ⲉⲡϫⲟⲉⲓⲥ ⲛϭⲓ ⲡⲉϩⲟⲟⲩ ⲉⲧⲙⲙⲁⲩ ⲟⲩϩⲟⲟⲩ ⲇⲉ ⲁⲛ ⲡⲉ ⲟⲩⲇⲉ ⲛⲟⲩⲟⲩϣⲏ ⲁⲛ ⲡⲉ ⲁⲩⲱ ϩⲙ ⲡⲛⲁⲩ ⲛⲣⲟⲩϩⲉ ϥⲛⲁϣⲁ ⲛϭⲓ ⲟⲩⲟⲉⲓⲛ

14:8  ⲁⲩⲱ ϩⲙ ⲡⲉϩⲟⲟⲩ ⲉⲧⲙⲙⲁⲩ ϥⲣⲛⲁⲉⲓ ⲉⲃⲟⲗϩⲛ ⲑ ⲛϭⲓ ⲟⲩⲟⲉⲓⲛ ⲉϥⲟⲛϩ ⲧⲉϥⲡⲁϣⲉ ⲉⲑⲁⲗⲁⲥⲥⲁ ⲛϣⲟⲣⲡ ⲁⲩⲱ ⲧⲉϥⲕⲉⲡⲁϣⲉ ⲉⲑⲁⲗⲁⲥⲥⲁ ⲛϩⲁⲏ ⲁⲩⲱ ϩⲙ ⲡϣⲱⲙ ⲙⲛ ⲡⲉⲁⲣ ⲧⲁⲓ ⲧⲉ ⲑⲉ ⲉⲧⲉϥⲛⲁϣⲱⲡⲉ

14:9  ⲁⲩⲱ ⲡϫⲟⲉⲓⲥ ⲛⲁⲣⲣⲣⲟ

14:10  ⲉϫⲙ ⲡⲕⲁϩ ⲧⲏⲣϥ ⲙⲛ ⲧⲉⲣⲏⲙⲟⲥ ϫⲓⲛ ⲅⲁⲃⲉⲗ ϣⲁϩⲣⲁⲓ ⲉϩⲣⲙⲱⲛ ⲡⲣⲏⲥ ⲛⲑ ⲣⲏⲙⲙⲁ ⲇⲉ ⲛⲁϣⲱⲡⲉ ϩⲙ ⲡⲉⲥⲙⲁ ⲛⲟⲩⲱϩ ϫⲓⲛ ⲧⲡⲩⲗⲏ ⲛⲃⲉⲛⲓⲁⲙⲓⲛ ϣⲁϩⲣⲁⲓ ⲉⲧϣⲟⲣⲡⲉ ⲙⲡⲩⲗⲏ ⲙⲛ ⲧⲡⲩⲗⲏ ⲛⲕⲱⲛⲓⲁ ⲙⲛ ⲡⲡⲩⲣⲅⲟⲥ ⲛⲁⲙⲉⲏⲗ ϣⲁϩⲣⲁⲓ ⲉⲛⲉϩⲣⲱⲧ ⲙⲡⲣⲣⲟ

14:11  ⲁⲩⲱ ⲥⲉⲛⲁⲟⲩⲱϩ ⲛϩⲏⲧⲥ ⲛⲥⲉⲧⲙϣⲱⲡⲉ ⲛⲁⲛⲁⲑⲉⲙⲁ ϫⲓⲛ ⲧⲉⲛⲟⲩ ⲁⲩⲱ ⲛⲑ ⲛⲁϭⲱⲣϭ ⲉⲥⲧⲏⲕ ⲛϩⲏⲧ …