ABPGRK - Hosea

Chapter 1

1:1  λόγος κυρίου ος εγενήθη προς Ωσηέ τον του Βεηρί εν ημέραις Οζίου και Ιωάθαμ και Άχαζ και Εζεκίου βασιλέων Ιούδα και εν ημέραις Ιεροβοάμ υιόυ Ιωάς βασιλέως του Ισραήλ

1:2  αρχή λόγου κυρίου εν Ωσηέ και είπε ο κύριος προς Ωσηέ βάδιζε λάβε σεαυτώ γυναίκα πορνείας και τέκνα πορνείας διότι εκπορνεύουσα εκπορνεύσει η γη από όπισθεν του κυρίου

1:3  και επορεύθη και έλαβε την Γομέρ θυγατέρα Δεβηλαίμ και συνέλαβε και έτεκεν αυτώ υιόν

1:4  και είπε ο κύριος προς αυτόν κάλεσον το όνομα αυτού Ιεζραέλ διότι έτι μικρόν και εκδικήσω το αίμα του Ιεζραέλ επί τον οίκον Ιούδα και καταπαύσω βασιλείαν οίκου Ισραήλ

1:5  και έσται εν τη ημέρα εκείνη συντρίψω το τόξον του Ισραήλ εν τη κοιλάδι του Ιεζραέλ

1:6  και συνέλαβεν έτι και έτεκε θυγατέρα και είπεν αυτώ κάλεσον το όνομα αυτής ουκ ηλεημένη διότι ου μη προσθήσω έτι ελεήσαι τον οίκον Ισραήλ αλλ΄ η αντιτασσόμενος αντιτάξομαι αυτοίς

1:7  τους δε υιούς Ιούδα ελεήσω και σώσω αυτούς εν κυρίω θεώ αυτών και ου σώσω αυτούς εν τόξω ουδέ εν ρομφαία ουδέ εν πολέμω ουδέ εν ίπποις ουδέ εν ιππεύσι

1:8  και απεγαλάκτισε την ουκ ηλεημένην και συνέλαβεν και έτεκεν υιόν

1:9  και είπε κάλεσον το όνομα αυτού ου λαός μου διότι υμείς ου λαός μου και εγώ ουκ ειμί υμών

1:10  και έσται ο αριθμός των υιών Ισραήλ ως η άμμος της θαλάσσης η ουκ εκμετρηθήσεται ουδέ εξαριθμηθήσεται και έσται εν τω τόπω ου ερρέθη αυτοίς ου λαός μου υμείς κληθήσονται υιοί θεού ζώντος

1:11  και συναχθήσονται υιοί Ιούδα και υιοί Ισραήλ επιτοαυτό και θήσονται εαυτοίς αρχήν μίαν και αναβήσονται εκ της γης ότι μεγάλη η ημέρα του Ιεζραέλ

Chapter 2

2:1  είπατε τοις αδελφοίς υμών λαός μου και τη αδελφή υμών ηλεημένη

2:2  κρίθητε προς την μητέρα υμών κρίθητε ότι αυτή ου γυνή μου και εγώ ουκ ανήρ αυτής και εξαρώ την πορνείαν αυτής εκ προσώπου μου και την μοιχείαν αυτής εκ μέσου των μαστών αυτής

2:3  όπως αν εκδύσω αυτήν γυμνήν και αποκαταστήσω αυτήν καθώς ημέρα γενέσεως αυτής και θήσω αυτήν ως έρημον και τάξω αυτήν ως γην άνυδρον και αποκτενώ αυτήν εν διψει

2:4  και τα τέκνα αυτής ου μη ελεήσω ότι τέκνα πορνείας εστίν

2:5  ότι εξεπόρνευσεν η μήτηρ αυτών κατήσχυνεν η τεκούσα αυτά ότι είπε πορεύσομαι οπίσω των εραστών μου των διδόντων μοι τους άρτους μου και το ύδωρ μου και τα ιμάτιά μου και τα οθόνιά μου και το έλαιόν μου και πάντα όσα μοι καθήκει

2:6  διά τούτο ιδού εγώ φράσσω την οδόν αυτής εν σκόλοψι και ανοικοδομήσω τας οδούς αυτής και την τρίβον αυτής ου μη εύρη

2:7  και καταδιώξεται τους εραστάς αυτής και ου μη καταλάβη αυτούς και ζητήσει αυτούς και ου μη εύρη και ερεί πορεύσομαι και επιστρέψω προς τον άνδρα μου τον πρότερον ότι καλός μοι ην τότε η νυν

2:8  και αυτή ουκ έγνω ότι εγώ έδωκα αυτή τον σίτον και τον οίνον και το έλαιον και αργύριον επλήθυνα αυτή αυτή δε αργυρά και χρυσά εποίησε τη Βάαλ

2:9  διά τούτο επιστρέψω και κομιούμαι τον σίτόν μου καθ΄ ώραν αυτού και τον οίνόν μου εν καιρώ αυτού και αφελούμαι τα ιμάτιά μου και τα οθόνιά μου του μη καλύπτειν την ασχημοσύνην αυτής

2:10  και νυν αποκαλύψω την ακαθαρσίαν αυτής ενώπιον των εραστών αυτής και μηδείς εξέληται αυτήν εκ χειρός μου

2:11  και αποστρέψω πάσας τας ευφροσύνας αυτής εορτάς αυτής και τας νουμηνίας αυτής και τα σάββατα αυτής και πάσας τας πανηγύρεις αυτής

2:12  και αφανιώ άμπελον αυτής και τας συκάς αυτής όσα είπε μισθώματά μου ταύτα εστιν α έδωκάν μοι οι ερασταί μου και θήσομαι αυτά εις μαρτύριον και καταφάγεται αυτά τα θηρία του αγρού και τα πετεινά του ουρανού και τα ερπετά της γης

2:13  και εκδικήσω επ΄ αυτήν τας ημέρας των Βααλείμ εν αις επέθυεν αυτοίς και περιετίθετο τα ενώτια αυτής και τα καθόρμια αυτής και επορεύετο οπίσω των εραστών αυτής εμού δε επελάθετο λέγει κύριος

2:14  διά τούτο ιδού εγώ πλανώ αυτήν και τάξω αυτήν ως έρημον και λαλήσω επί την καρδίαν αυτής

2:15  και δώσω αυτή τα κτήματα αυτής εκείθεν και την κοιλάδα Αχώρ διανοίξαι σύνεσιν αυτής και ταπεινωθήσεται εκεί κατά τας ημέρας της νηπιότητος αυτής και κατά τας ημέρας αναβάσεως αυτής εκ γης Αιγύπτου

2:16  και έσται εν εκείνη τη ημέρα λέγει κύριος καλέσει με ο ανήρ μου και ου καλέσει με έτι Βααλείμ

2:17  και εξαρώ τα ονόματα των Βααλείμ εκ στόματος αυτής και ου μη μνησθώσιν ουκέτι τα ονόματα αυτών

2:18  και διαθήσομαι αυτοίς διαθήκην εν τη ημέρα εκείνη μετά των θηρίων του αγρού και μετά των πετεινών του ουρανού και των ερπετών της γης και τόξον και ρομφαίαν και πόλεμον συντρίψω από της γης και κατοικιώ επ΄ ελπίδι

2:19  και μνηστεύσομαί σε εμαυτώ εις τον αιώνα και μνηστεύσομαί σε εμαυτώ εν δικαιοσύνη και εν κρίματι και εν ελέει και εν οικτιρμοίς

2:20  και μνηστεύσομαί σε εμαυτώ εν πίστει και επιγνώση τον κύριον

2:21  και έσται εν εκείνη τη ημέρα λέγει κύριος επακούσομαι τω ουρανώ και ο ουρανός επακούσεται τη γη

2:22  και η γη επακούσεται τον σίτον και τον οίνον και το έλαιον και αυτά επακούσεται τω Ιεζραέλ

2:23  και σπερώ αυτήν εμαυτώ επί της γης και αγαπήσω την ουκ ηγαπημένην και ερώ τω ου λαώ μου λαός μου ει συ και αυτός ερεί κύριος ο θεός μου ει συ

Chapter 3

3:1  και είπε κύριος προς με έτι πορεύθητι και αγάπησον γυναίκα αγαπώσαν πονηρά και μοιχαλίν καθώς αγαπά κύριος τους υιούς Ισραήλ και αυτοί αποβλέπουσιν επί τους θεούς τους αλλοτρίους και φιλούσι πέμματα μετά σταφίδος

3:2  και εμισθωσάμην αυτήν εμαυτώ πεντεκαίδεκα αργυρίου και γόμορ κριθων και νέβελ οίνου

3:3  και είπον προς αυτήν ημέρας πολλάς καθήση επ΄ εμοί και ου μη πορνεύσης ουδέ μη γένη ανδρί και εγώ επί σοι

3:4  διότι ημέρας πολλάς καθήσονται οι υιοί Ισραήλ ουκ όντος βασιλέως ουδέ όντος άρχοντος ουδέ ούσης θυσίας ουδέ όντος θυσιαστηρίου ουδέ ιερατείας ουδέ δήλων

3:5  και μετά ταύτα επιστρέψουσιν οι υιοί Ισραήλ και ζητήσουσι κύριον τον θεόν αυτών και Δαυίδ τον βασιλέα αυτών και εκστήσονται επί τω κυρίω και επί τοις αγαθοίς αυτού επ΄ εσχάτων των ημερών

Chapter 4

4:1  ακούσατε λόγον κυρίου υιοί Ισραήλ ότι κρίσις τω κυρίω προς τους κατοικούντας την γην διότι ουκ έστιν αλήθεια ουδέ έλεος ουδέ επίγνωσις θεού επί της γης

4:2  αρά και ψεύδος και φόνος και κλοπή και μοιχεία κέχυται επί της γης και αίματα εφ΄ αίμασι μίσγουσι

4:3  διά τούτο πενθήσει η γη και σμικρυνθήσεται συν πάσι τοις κατοικούσιν αυτήν συν τοις θηρίοις του αγρού και συν τοις πετεινοίς του ουρανού και οι ιχθύες της θαλάσσης εκλείψουσιν

4:4  όπως μηθείς μήτε δικάζηται μήτε ελέγχη μηθείς ο δε λαός μου ως ιερεύς αντιλεγόμενος

4:5  και ασθενήσει ημέρας και ασθενήσει και προφήτης μετά σου νυκτί ωμοίωσα την μητέρα σου

4:6  ωμοιώθη ο λαός μου ως ουκ έχων γνώσιν ότι επίγνωσιν απώσω συ απώσομαί σε καγώ του μη ιερατεύειν μοι και επελάθου νόμον θεού σου επιλήσομαι τεκνών σου

4:7  κατά το πλήθος αυτών ούτως ήμαρτόν μοι την δόξαν αυτών εις ατιμίαν θήσομαι

4:8  αμαρτίας λαού μου φάγονται και εν ταις αδικίαις αυτών λήψονται τας ψυχάς αυτών

4:9  και έσται καθώς ο λαός ούτως και ο ιερεύς και εκδικήσω επ΄ αυτόν τας οδούς αυτού και τα διαβούλια αυτού ανταποδώσω αυτώ

4:10  και φάγονται και ου μη εμπλησθώσιν επόρνευσαν και ου μη κατευθυνθώσι διότι τον κύριον εγκατέλιπον του φυλάξαι

4:11  πορνείαν και οίνον και μέθυσμα εδέξατο καρδία λαού μου

4:12  εν συμβόλοις αυτών επηρώτων και εν ράβδοις αυτών απήγγελλον αυτώ πνεύματι πορνείας επλανήθησαν και εξεπόρνευσαν από του θεού αυτών

4:13  επί τας κορυφάς των ορέων εθυσίαζον και επί τους βουνούς έθυον υποκάτω δρυός και λεύκης και δένδρου συσκιάζοντος ότι καλόν σκέπη διά τούτο εκπορνεύσουσιν αι θυγατέρες υμών και αι νύμφαι υμών μοιχεύσουσι

4:14  και ου μη επισκέψωμαι επί τας θυγατέρας υμών όταν πορνεύσωσι και επί τας νύμφας υμών όταν μοιχεύσωσιν ότι αυτοί μετά των πορνών συνεφύροντο και μετά των τετελεσμένων έθυον και ο λαός ου συνιών συνεπλέκετο μετά πόρνης

4:15  συ δε Ισραήλ μη αγνόει και Ιούδα μη εισπορεύεσθε εις Γάλγαλα και μη αναβαίνετε εις τον οίκον Ων και μη ομνύετε ζη κύριος

4:16  ότι ως δάμαλις παροιστρώσα παροίστρησεν Ισραήλ νυν νεμήσει αυτούς κύριος ως αμνόν εν ευρυχώρω

4:17  μέτοχος ειδώλων Εφραϊμ έθηκεν αυτώ σκάνδαλα

4:18  ηρέτισε Χαναναίους πορνεύοντες εξεπόρνευσαν και ηγάπησαν ατιμίαν εκ φρυάγματος αυτών

4:19  συστροφή πνεύματος συ ει εν πτέρυξιν αυτής και καταισχυνθήσονται εκ των θυσιαστηρίων αυτών

Chapter 5

5:1  ακούσατε ταύτα οι ιερείς και προσέχετε οίκος Ισραήλ και οίκος του βασιλέως ενωτίζεσθε διότι προς υμάς εστι το κρίμα ότι παγίς εγενήθητε τη σκοπιά και ως δίκτυον εκτεταμένον επί το Ταβώρ

5:2  ο οι αγρεύοντες την θήραν κατέπηξαν εγώ δε παιδευτής υμών

5:3  εγώ έγνων τον Εφραϊμ και Ισραήλ ουκ απέστη απ΄ εμού διότι νυν εξεπόρνευσεν Εφραϊμ εμιάνθη Ισραήλ

5:4  ουκ έδωκαν τα διαβούλια αυτών του επιστρέψαι προς τον θεόν αυτών ότι πνεύμα πορνείας έστι εν μέσω αυτών τον δε κύριον ουκ επέγνωσαν

5:5  και ταπεινωθήσεται η ύβρις του Ισραήλ εις πρόσωπον αυτού και Ισραήλ και Εφραϊμ ασθενήσουσιν εν ταις αδικίαις αυτών και ασθενήσει και Ιούδας μετ΄ αυτών

5:6  μετά προβάτων και μόσχων πορεύσονται του εκζητήσαι τον κύριον και ου μη εύρωσιν αυτόν εκκέκλικεν απ΄ αυτών

5:7  ότι τον κύριον εγκατέλιπον ότι τέκνα αλλότρια εγεννήθησαν αυτοίς νυν καταφάγεται αυτούς η ερυσίβη και τους κλήρους αυτών

5:8  σαλπίσατε σάλπιγγι επί τους βουνούς ηχήσατε επί των υψηλών κηρύξατε εν τω οίκω ων εξέστη Βενιαμίν

5:9  Εφραϊμ εις αφανισμόν εγένετο εν ημέραις ελέγχου εν ταις φυλαίς του Ισραήλ έδειξα πιστά

5:10  εγένοντο οι άρχοντες Ιούδα ως μετατιθέντες όρια επ΄ αυτούς εκχεώ ως ύδωρ το όρμημά μου

5:11  κατεδυνάστευσεν Εφραϊμ τον αντίδικον αυτού κατεπάτησε το κρίμα ότι ήρξατο πορεύεσθαι οπίσω των ματαίων

5:12  και εγώ ως ταραχή τω Εφραϊμ και ως κέντρον τω οίκω Ιούδα

5:13  και είδεν Εφραϊμ την νόσον αυτού και Ιούδας την οδύνην αυτού και επορεύθη Εφραϊμ προς Ασσυρίους και απέστειλε πρέσβεις προς βασιλέα Ιαρείμ και αυτός ουκ ηδυνήθη ρύσασθαι και ου μη διαπαύση εξ υμών οδύνη

5:14  διότι εγώ ειμι ως πάνθηρ τω Εφραϊμ και ως λέων τω οίκω Ιούδα και εγώ αρπώμαι και πορεύσομαι και λήψομαι και ουκ έσται ο εξαιρούμενος

5:15  πορεύσομαι και επιστρέψω εις τον τόπον μου έως ου αφανισθώσι και ζητήσουσι το πρόσωπόν μου

Chapter 6

6:1  εν τη θλίψει αυτών ορθριούσι προς με λέγοντες πορευθώμεν και επιστρέψωμεν προς κύριον τον θεόν ημών ότι αυτός ήρπακε και ιάσεται ημάς πατάξει και μοτώσει ημάς

6:2  υγιάσει ημάς μετά δύο ημέρας εν τη ημέρα τη τρίτη αναστησόμεθα και ζησόμεθα ενώπιον αυτού

6:3  και γνωσόμεθα και διώξωμεν του γνώναι τον κύριον ως όρθρον έτοιμον ευρήσομεν αυτόν και ήξει ημίν ως υετός πρωϊμος και όψιμος τη γη

6:4  τι σοι ποιήσω Εφραϊμ τι σοι ποιήσω Ιούδα το δε έλεος υμών ως νεφέλη πρωϊνή και ως δρόσος ορθρινή πορευομένη

6:5  διά τούτο απεθέρισα υμών τους προφήτας απέκτεινα αυτούς εν ρήματι στόματός μου και το κρίμά σου ως φως εξελεύσεται

6:6  διότι έλεος θέλω και ου θυσίαν και επίγνωσιν θεού μάλλον ολοκαυτώματα

6:7  αυτοί δε εισιν ως άνθρωπος παραβαίνων διαθήκην εκεί κατεφρόνησάν μου

6:8  Γαλαάδ πόλις εργαζομένη μάταια ταράσσουσα ύδωρ

6:9  και η ισχύς σου ανδρός πειράτου έκρυψαν ιερείς οδόν εφόνευσαν Σίκιμα ότι ανομίαν εποίησαν εν τω οίκω του Ισραήλ

6:10  είδον φρικώδη εκεί πορνείαν του Εφραϊμ εμιάνθη Ισραήλ και Ιούδας

6:11  άρχου τρυγάν σεαυτώ εν τω επιστρέφειν με την αιχμαλωσίαν του λαού μου

Chapter 7

7:1  εν τω ιάσασθαί με τον Ισραήλ και απεκαλύφθη η αδικία Εφραϊμ και η κακία Σαμαρείας ότι ειργάσαντο ψευδή και κλέπτης προς αυτόν εισήλθεν εκδιδύσκων ληστής εν τη οδώ αυτού

7:2  όπως συνάδωσιν ως άδοντες τη καρδία αυτών πάσας τας κακίας αυτών εμνήσθην νυν εκύκλωσαν αυτούς τα διαβούλια αυτών απέναντι του προσώπου μου εγένοντο

7:3  εν ταις κακίαις αυτών εύφραναν βασιλέα και εν τοις ψεύδεσιν αυτών άρχοντας

7:4  πάντες μοιχεύοντες ως κλίβανος καιόμενος εις πέψιν κατακαύματος από της φλογός από φυράσεως στέατος έως του ζυμωθήναι αυτό όλον

7:5  ημέραι των βασιλέων ημών ήρξαντο οι άρχοντες θυμούσθαι εξ οίνου εξέτεινε την χείρα αυτού μετά λοιμών

7:6  διότι ανεκαύθησαν ως κλίβανος αι καρδίαι αυτών εν τω καταράσσειν αυτούς όλην την νύκτα ύπνου Εφραϊμ ενεπλήσθη πρωϊ ανεκαύθη ως πυρός φλογής

7:7  πάντες εθερμάνθησαν ως κλίβανος και κατέφαγον τους κριτάς αυτών πάντες οι βασιλείς αυτών έπεσον ουκ ην εν αυτοίς ο επικαλούμενος προς με

7:8  Εφραϊμ εν τοις λαοίς αυτού συνανεμίγνυτο Εφραϊμ εγένετο εγκρυφίας ου μεταστρεφόμενος

7:9  και έφαγον αλλότριοι την ισχύν αυτού αυτός δε ουκ έγνω και πολιαί εξήνθησαν αυτώ και αυτός ουκ έγνω

7:10  και ταπεινωθήσεται η ύβρις Ισραήλ εις πρόσωπον αυτού και ουκ επέστρεψαν προς κύριον τον θεόν αυτών και ουκ εξεζήτησαν αυτόν εν πάσι τούτοις

7:11  και ην Εφραϊμ ως περιστερά άνους ουκ έχουσα καρδίαν Αίγυπτον επεκαλείτο και εις Ασσυρίους επορεύθησαν

7:12  καθώς αν πορεύσονται επιβαλώ επ΄ αυτούς το δικτύον μου καθώς τα πετεινά του ουρανού κατάξω αυτούς παιδεύσω αυτούς εν τη ακοή της θλίψεως αυτών

7:13  ουαί αυτοίς ότι απεπήδησαν απ΄ εμού δείλαιοί εισιν ότι ησέβησαν εις εμέ εγώ δε ελυτρωσάμην αυτούς αυτοί δε κατελάλησαν κατ΄ εμού ψευδή

7:14  και ουκ εβόησαν προς με αι καρδίαι αυτών αλλ΄ η ωλόλυζον εν ταις κοίταις αυτών επί σίτω και οίνω κατετέμνοντο

7:15  επαιδεύθησαν εν εμοί κατίσχυσα τους βραχίονας αυτών και εις εμέ ελογίσαντο πονηρά

7:16  απεστράφησαν εις ουδέν εγένοντο ως τόξον εντεταμένον πεσούνται εν ρομφαία οι άρχοντες αυτών διά απαιδευσίαν γλώσσης αυτών ούτος ο φαυλισμός αυτών εν γη Αιγύπτω

Chapter 8

8:1  εις κόλπον αυτών ως γη ως αετός επί οίκον κυρίου ανθ΄ ων παρέβησαν την διαθήκην μου και κατά του νόμου μου ησέβησαν

8:2  εμέ κεκράξονται ο θεός εγνώκαμεν σε

8:3  ότι Ισραήλ απερρίψατο αγαθά εχθρόν κατεδίωξαν

8:4  εαυτοίς εβασίλευσαν και ου δι΄ εμού ήρξαν και ουκ εγνώρισάν μοι το αργύριον αυτών και το χρυσίον αυτών εποίησαν εαυτοίς είδωλα όπως εξολοθρευθώσιν

8:5  απόρριψαι τον μόσχον σου Σαμάρεια παρωξύνθη ο θυμός μου επ΄ αυτούς έως τίνος ου μη δύνωνται καθαρισθήναι εν τω Ισραήλ

8:6  και αυτό τέκτων εποίησε και ου θεός εστι διότι πλανών ην ο μόσχος σου Σαμάρεια

8:7  ότι ανεμόφθορα έσπειραν και η καταστροφή αυτών εκδέξεται αυτά δράγμα ουκ έχον ισχύν του ποιήσαι άλευρον εάν δε και ποιήση αλλότριοι καταφάγονται αυτό

8:8  κατεπόθη Ισραήλ νυν εγένετο εν τοις έθνεσιν ως σκεύος άχρηστον

8:9  ότι αυτοί ανέβησαν εις Ασσυρίους ανέθαλε καθ΄ εαυτόν Εφραϊμ δώρα ηγάπησεν

8:10  διά τούτο παραδοθήσονται εν τοις έθνεσι νυν εισδέξομαι αυτούς και κοπάσουσι μικρόν του χρίειν βασιλέα και άρχοντας

8:11  ότι επλήθυνεν Εφραϊμ θυσιαστήρια εις αμαρτίας εγένοντο αυτώ θυσιαστήρια ηγαπημένα

8:12  καταγράψω αυτώ πλήθος τα νόμιμα αυτού εις αλλότρια ελογίσθησαν θυσιαστήρια τα ηγαπημένα

8:13  διότι εάν θύσωσι θυσίαν και φάγωσι κρέα κύριος ου προσδέξεται αυτά νυν μνησθήσεται αδικίας αυτών και εκδικήσει τας αμαρτίας αυτών αυτοί εις Αίγυπτον απέστρεψαν

8:14  και επελάθετο Ισραήλ του ποιήσαντος αυτόν και ωκοδόμησαν τεμένη και Ιούδας επλήθυνε πόλεις τετειχισμένας και εξαποστελώ πυρ εις τας πόλεις αυτού και καταφάγεται τα θεμέλια αυτού

Chapter 9

9:1  μη χαίρε Ισραήλ μηδέ ευφραίνου καθώς οι λαοί ότι επόρνευσας από κυρίου θεού σου ηγάπησας δόματα επί πάντα άλωνα σίτου

9:2  άλων και ληνός ουκ έγνω αυτούς και ο οίνος εψεύσατο αυτοίς

9:3  ου κατώκησαν εν τη γη του κυρίου κατώκησεν Εφραϊμ εις Αίγυπτον και εν Ασσυρίοις ακάθαρτα φάγονται

9:4  ουκ έσπεισαν τω κυρίω οίνον και ουχ ήδυναν αυτώ αι θυσίαι αυτών ως άρτος πένθους αυτοίς πάντες οι εσθίοντες αυτά μιανθήσονται διότι άρτοι αυτών ταις ψυχαίς αυτών ουκ εισελεύσονται εις τον οίκον κυρίου

9:5  τι ποιήσετε εν ημέρα πανηγύρεως και εν ημέρα εορτής του κυρίου

9:6  διά τούτο ιδού πορεύονται εκ ταλαιπωρίας Αιγύπτου και εκδέξεται αυτούς Μεμφίς και θάψει αυτούς Μαχμάς το αργύριον αυτών όλεθρος κληρονομήσει αυτό άκανθαι εν τοις σκηνώμασιν αυτών

9:7  ήκασιν αι ημέραι της εκδικήσεως ήκασιν αι ημέραι της ανταποδόσεώς σου και κακωθήσεται Ισραήλ ώσπερ ο προφήτης ο παρεξεστηκώς άνθρωπος ο πνευματοφόρος υπό του πλήθους των αδικιών σου επληθύνθη μανία σου

9:8  σκοπός Εφραϊμ μετά θεού προφήτης παγίς σκολιά επί πάσας τας οδούς αυτού μανίαν εν οίκω θεού κατέπηξαν

9:9  εφθάρησαν κατά τας ημέρας του βουνού μνησθήσεται αδικίας αυτών εκδικήσει αμαρτίας αυτών

9:10  ως σταφυλήν εν ερήμω εύρον τον Ισραήλ ως σύκον εν συκή πρώϊμον είδον πατέρας αυτών αυτοί εισήλθον προς τον Βεελφεγώρ και απηλλοτριώθησαν εις αισχύνην και εγένοντο οι εβδελυγμένοι ως οι ηγαπημένοι

9:11  Εφραϊμ ως όρνεον εξεπετάσθη η δόξα αυτών εκ τόκων και ωδίνων και εκ συλλήψεων

9:12  διότι εάν και εκθρέψωσι τα τέκνα αυτών ατεκνωθήσονται εξ ανθρώπων διότι και ουαί αυτοίς εστι η σαρξ μου εξ αυτών

9:13  Εφραϊμ ον τρόπον είδον εις θήραν παρέστησαν τα τέκνα αυτών του εξαγαγείν εις αποκέντησιν τα τέκνα αυτών

9:14  δος αυτοίς κύριε τι δώσεις αυτοίς δος αυτοίς μήτραν ατεκνούσαν και μαστούς ξηρούς

9:15  πάσαι αι κακίαι αυτών εν Γαλγάλ ότι εκεί εμίσησα αυτούς διά της κακίας των επιτηδευμάτων αυτών εκ του οίκου μου εκβαλώ αυτούς ου μη προσθήσω του αγαπήσαι αυτούς πάντες οι άρχοντες αυτών απειθούντες

9:16  επόνεσεν Εφραϊμ τας ρίζας αυτού εξηράνθη καρπόν ουκ έτι ου μη ενέγκη διότι εάν γεννήσωσιν αποκτενώ τα επιθυμήματα της κοιλίας αυτών

9:17  απώσεται αυτούς ο θεός ότι ουκ εισήκουσαν αυτού και έσονται πλανηταί εν τοις έθνεσιν

Chapter 10

10:1  άμπελος ευκληματούσα Ισραήλ ο καρπός αυτής ευθηνών κατά το πλήθος των καρπών αυτής επλήθυνε τα θυσιαστήρια κατά τα αγαθά της γης αυτού ωκοδόμησε στήλας

10:2  εμερίσαν καρδίας αυτών νυν αφανισθήσονται αυτός κατασκάψει τα θυσιαστήρια αυτών ταλαιπωρήσουσιν αι στήλαι αυτών

10:3  διότι νυν ερούσιν ουκ έστι βασιλεύς ημίν ότι ουκ εφοβήθημεν τον κύριον ο δε βασιλεύς τι ποιήσει ημίν

10:4  λαλών ρήματα προφάσεις ψευδείς διαθήσεται διαθήκην ανατελεί ως άγρωστις κρίμα επί χέρσον αγρού

10:5  τω μόσχω του οίκου ων παροικήσουσιν οι κατοικούντες Σαμάρειαν ότι επένθησεν ο λαός αυτού επ΄ αυτόν και καθώς παρεπίκραναν αυτόν επιχαρούνται επί την δόξαν αυτού ότι μετωκίσθη απ΄ αυτού

10:6  και αυτόν εις Ασσυρίους δήσαντες απήνεγκαν ξένια τω βασιλεί Ιαρίβ εν δόματι Εφραϊμ δέξεται αισχύνην αισχυνθήσεται Ισραήλ εν τη βουλή αυτού

10:7  απέρριψε Σαμαρεία βασιλέα αυτής ως φρύγανον επί προσώπου ύδατος

10:8  και εξαρθήσονται βωμοί ων αμαρτήματα του Ισραήλ άκανθαι και τρίβολοι αναβήσονται επί τα θυσιαστήρια αυτών και ερούσι τοις όρεσι καλύψατε ημάς και τοις βουνοίς πέσατε εφ΄ ημάς

10:9  αφ΄ ου οι βουνοί ήμαρτεν Ισραήλ εκεί έστησαν ου μη καταλάβη αυτούς εν τω βουνώ πόλεμος επί τα τέκνα αδικίας ήλθε

10:10  του παιδεύσαι αυτούς και συναχθήσονται λαοί επ΄ αυτούς εν τω παιδεύεσθαι αυτούς εν ταις δυσίν αδικίαις αυτών

10:11  Εφραϊμ δάμαλις δεδιδαγμένη αγαπάν νείκος εγώ δε επελεύσομαι επί το κάλλιστον του τραχήλου αυτής επιβιβώ Εφραϊμ παρασιωπήσομαι Ιούδαν ενισχύσει αυτώ Ιακώβ

10:12  σπείρατε εαυτοίς εις δικαιοσύνην τρυγήσατε εις καρπόν ζωής φωτίσατε εαυτοίς φως γνώσεως εκζητήσατε τον κύριον έως του ελθείν γενήματα δικαιοσύνης υμίν

10:13  ινατί παρεσιωπήσατε ασέβειαν και τας αδικίας αυτής ετρυγήσατε εφάγετε καρπόν ψευδή ότι ήλπισας εν τοις άρμασι σου εν πλήθει δυνάμεώς σου

10:14  και εξαναστήσεται απώλεια εν τω λαώ σου και πάντα τα περιτετειχισμένα σου οιχήσεται ως άρχων Σάλμανα εκ του οίκου Ιεροβοάμ εν ημέραις πολέμου μητέρα επί τέκνοις ηδάφισαν

10:15  ούτως ποιήσω υμίν οίκος του Ισραήλ από προσώπου κακιών υμών

Chapter 11

11:1  όρθρου απερρίφησαν απερρίφη βασιλεύς Ισραήλ διότι νήπιος Ισραήλ και εγώ ηγάπησα αυτόν και εξ Αιγύπτου μετεκάλεσα τα τέκνα αυτού

11:2  καθώς μετεκάλεσα αυτούς ούτως απώχοντο εκ προσώπου μου αυτοί τοις Βααλείμ έθυον και τοις γλυπτοίς εθυμίων

11:3  και εγώ συνεπόδισα τον Εφραϊμ ανέλαβον αυτόν επί τον βραχίονα μου και ουκ έγνωσαν ότι ίαμαι αυτούς

11:4  εν διαφθορά ανθρώπων εξέτεινα αυτούς εν δεσμοίς αγαπήσεώς μου και έσομαι αυτοίς ως ραπίζων άνθρωπος επί τας σιαγόνας αυτού και επιβλέψομαι προς αυτόν δυνήσομαι αυτώ

11:5  κατώκησεν Εφραϊμ εν Αιγύπτω και Ασσούρ αυτός βασιλεύς αυτού ότι ουκ ηθέλησεν επιστρέψαι

11:6  και ησθένησεν εν ρομφαία εν ταις πόλεσιν αυτού και κατέπαυσεν εν ταις χερσίν αυτού και φάγονται εκ των διαβουλιών αυτών

11:7  και ο λαός αυτού επικρεμάμενος εκ της κατοικίας αυτού και ο θεός επί τα τίμια αυτού θυμωθήσεται και ου μη υψώση αυτόν

11:8  τι σοι ποιήσω Εφραϊμ υπερασπιώ σε Ισραήλ τι σοι ποιήσω ως Αδαμάν θήσομαί σε και ως Σεβοείμ μετεστράφη η καρδία μου εν τω αυτώ συνεταράχθη η μεταμέλειά μου

11:9  ου μη ποιήσω κατά την οργήν του θυμού μου ου μη εγκαταλίπω του εξαλειφθήναι τον Εφραϊμ διότι ο θεός εγώ ειμι και ουκ άνθρωπος εν σοι άγιος και ουκ εισελεύσομαι εις πόλιν

11:10  οπίσω κυρίου πορεύσομαι ως λέων ερεύξεται ότι αυτός ωρύσεται και εκστήσονται τέκνα υδάτων

11:11  εκστήσονται ως όρνεον εξ Αιγύπτου και ως περιστερά εκ γης Ασσυρίων και αποκαταστήσω αυτούς εις τους οίκους αυτών λέγει κύριος

11:12  εκύκλωσέ με εν ψεύδει Εφραϊμ και εν ασεβείαις οίκος Ισραήλ και Ιούδα νυν έγνω αυτούς ο θεός και λαός άγιος κεκλήσεται θεού

Chapter 12

12:1  ο δε Εφραϊμ πονηρόν πνεύμα εδίωξε καύσωνα όλην την ημέραν κενά και μάταια επλήθυνε και διαθήκην μετά Ασσυρίων διέθετο και έλαιον εις Αίγυπτον ενεπορεύετο

12:2  και κρίσις τω κυρίω προς Ιούδαν του εκδικήσαι τον Ιακώβ κατά τας οδούς αυτού και κατά τα επιτηδεύματα αυτού ανταποδώσει αυτώ

12:3  εν τη κοιλία επτέρνισε τον αδελφόν αυτού και εν κόποις αυτού ενίσχυσε προς θεόν

12:4  και ενίσχυσε μετά αγγέλου και ηδυνάσθη έκλαυσαν και εδεήθησάν μου εν τω οίκω ων ευροσάν με εκεί ελαλήθη προς αυτούς

12:5  ο δε κύριος ο θεός ο παντοκράτωρ έσται μνημόσυνον αυτού

12:6  και συ εν θεώ σου επιστρέψεις έλεον και κρίμα φυλάσσου και έγγιζε προς τον θεόν σου διαπαντός

12:7  Χαναάν εν χειρί αυτού ζυγός αδικίας καταδυναστεύειν ηγάπησε

12:8  και είπεν Εφραίμ πλην πεπλούτηκα εύρηκα αναψυχήν εμαυτώ πάντες οι πόνοι αυτού ουχ ευρεθήσονται αυτώ δι΄ αδικίας εν αις ήμαρτεν

12:9  εγώ δε κύριος ο θεός σου ανήγαγόν σε εκ γης Αιγύπτου έτι κατοικιώ σε εν σκηναίς καθώς εν ημέραι εορτής

12:10  και λαλήσω προς προφήτας και εγώ οράσεις επλήθυνα και εν χερσί προφητών ωμοιώθην

12:11  ει μη Γαλγάλα εστίν άρα και ψευδείς ήσαν εν Γαλγάλ άρχοντες θυσιάζοντες και τα θυσιαστήρια αυτών ως χελώναι επί χέρσον αγρού

12:12  και ανεχώρησεν Ιακώβ εις πεδίον Συρίας και εδούλευσεν Ισραήλ εν γυναικί και εν γυναικί εφυλάξατο

12:13  και εν προφήτη ανήγαγε κύριος τον Ισραήλ εκ γης Αιγύπτου και εν προφήτη διεφυλάχθη

12:14  εθύμωσεν Εφραϊμ και παρώργισε και το αίμα αυτού επ΄ αυτόν εκχυθήσεται και τον ονειδισμόν αυτού ανταποδώσει κύριος αυτώ

Chapter 13

13:1  κατά τον λόγον Εφραϊμ δικαιώματα έλαβεν αυτός εν Ισραήλ και έθετο τη Βάαλ και απέθανε

13:2  και νυν προσέθεντο του αμαρτάνειν και εποίησαν εαυτοίς χωνεύματα εκ του αργυρίου αυτών κατ΄ εικόνα ειδώλων έργα τεκτόνων συντετλεσμένα αυτοίς αυτοί λέγουσι θύσατε ανθρώπους μόσχοι γαρ εκλελοίπασι

13:3  διά τούτο έσονται ως νεφέλη πρωϊνή και ως δρόσος ορθρινή πορευομένη ως χνους αποφυσώμενος απ΄ άλωνος και ως ατμίς από δακρύων

13:4  εγώ δε κύριος ο θεός σου εγώ ανήγαγόν σε εκ γης Αιγύπτου και θεόν πλην εμού ου γνώση και σώζων ουκ έστι πάρεξ εμού

13:5  εγώ εποίμαινόν σε εν τη ερήμω εν γη αοικήτω

13:6  κατά τας νομάς αυτών και ενεπλήσθησαν εις πλησμονήν και υψώθησαν αι καρδίαι αυτών ένεκα τούτου επελάθοντό μου

13:7  και έσομαι αυτοίς ως πάνθηρ και ως πάρδαλις κατά την οδόν Ασσυρίων

13:8  απαντήσομαι αυτοίς ως άρκος η απορουμένη και διαρρήξω συγκλεισμόν καρδίας αυτών και καταφάγονται αυτούς εκεί σκύμνοι δρυμού και θηρία αγρού διασπάσει αυτούς

13:9  τη διαφθορά σου Ισραήλ τις βοηθήσει

13:10  που ο βασιλεύς σου ούτος και διασωσάτω σε εν πάσαις ταις πόλεσί σου κρινάτω σε ον είπας δος μοι βασιλέα και άρχοντα

13:11  και έδωκά σοι βασιλέα εν οργή μου και έσχον εν τω θυμώ μου

13:12  συστροφή αδικίας Εφραϊμ εγκεκρυμμένη αμαρτία αυτού

13:13  ωδίνες ως τικτούσης ήξουσιν αυτώ ούτος ο υιός σου ο φρόνιμος διότι νυν ου μη υποστή εν συντριβή τέκνων

13:14  εκ χειρός άδου ρύσομαι αυτούς εκ θανάτου λυτρώσομαι αυτούς που η δίκη σου θάνατε που το κέντρον σου άδη παράκλησις κέκρυπται από οφθαλμών μου

13:15  διότι ούτος αναμέσον αδελφών διαστελεί επάξει καύσωνα άνεμον κύριος εκ της ερήμου επ΄ αυτόν και αναξηρανεί τας φλέβας αυτού εξερημώσει τας πηγάς αυτού αυτός καταξηρανεί την γην αυτού και πάντα τα σκεύη τα επιθυμητά αυτού

13:16  αφανισθήσεται Σαμάρεια ότι αντέστη προς θεόν αυτής εν ρομφαία πεσούνται και τα υποτίτθια αυτών εδαφισθήσεται και αι εν γαστρί έχουσαι αυτών διαρραγήσονται

Chapter 14

14:1  επιστράφηθι Ισραήλ προς κύριον τον θεόν σου διότι ησθένησας εν ταις αδικίαις σου

14:2  λάβετε μεθ΄ εαυτών λόγους και επιστράφητε προς κύριον είπατε αυτώ όπως μη λάβητε αδικίαν και λάβητε αγαθά και ανταποδώσομεν καρπόν χειλέων ημών

14:3  Ασσούρ ου μη σώση ημάς εφ΄ ίππον ουκ αναβησόμεθα ουκέτι ου μη είπωμεν θεοί ημών τοις έργοις των χειρών ημών ος εν σοι ελεήσει ορφανόν

14:4  ιάσομαι τας κατοικίας αυτών αγαπήσω αυτούς ομολόγως ότι απέστρεψεν οργή μου απ΄ αυτών

14:5  και έσομαι ως δρόσος τω Ισραήλ ανθήσει ως κρίνον και βαλεί τας ρίζας αυτού ως ο Λίβανος

14:6  πορεύσονται οι κλάδοι αυτού και έσται ως ελαία κατάκαρπος και η οσφρασία αυτού ως Λιβάνου

14:7  επιστρέψουσι και καθιούνται υπό την σκέπην αυτού ζήσονται και στηριχθήσονται σίτω και εξανθήσουσιν ως άμπελος το μνημόσυνον αυτού ως οίνος Λιβάνου

14:8  τω Εφραϊμ τι αυτώ έτι και ειδώλοις εγώ εταπείνωσα αυτόν και κατισχύσω αυτόν εγώ ως άρκευθος πυκάζουσα εξ εμού ο καρπός σου εύρηται

14:9  τις σοφός και συνήσει ταύτα συνετός και επιγνώσεται αυτά ότι ευθείαι αι οδοί του κυρίου και δίκαιοι πορεύσονται εν αυταίς οι δε ασεβείς ασθενήσουσιν εν αυταίς