TpiKJPB - Hosea

Chapter 1

1:1  ¶ Dispela tok bilong BIKPELA i kam long Hosea, pikinini man bilong Beri, long ol de bilong Usaia, Jotam, Ehas, na Hesekaia, ol king bilong Juda, na long ol de bilong Jeroboam, pikinini man bilong Joas, king bilong Isrel.

1:2  ¶ Stat bilong tok bilong BIKPELA long han bilong Hosea. Na BIKPELA i tokim Hosea, Go, kisim i kam long yu wanpela meri bilong ol pamuk pasin na ol pikinini bilong ol pamuk pasin. Long wanem, dispela hap i bin mekim bikpela pamuk pasin, taim ol i lusim BIKPELA.

1:3  Olsem na em i go na kisim Gomer, pikinini meri bilong Diplaim, husat i kisim bel, na karim pikinini man long em.

1:4  Na BIKPELA i tokim em, Kolim nem bilong em Jesril. Long wanem, bilong liklik taim yet, na Mi bai bekim pe nogut bilong blut bilong Jesril antap long hauslain bilong Jehu, na mekim long pinis kingdom bilong hauslain bilong Isrel.

1:5  Na em bai kamap olsem long dispela de, long Mi bai brukim banara bilong Isrel long ples daun bilong Jesril.

1:6  Na meri i kisim bel gen, na karim pikinini meri. Na God i tokim Hosea, Kolim nem bilong em Lo-ruhama. Long wanem, Mi no inap gat sori long hauslain bilong Isrel moa. Tasol Mi bai tekewe ol i go olgeta.

1:7  Tasol Mi bai i gat sori long hauslain bilong Juda, na Mi bai kisim bek ol long han bilong BIKPELA, God bilong ol, na Mi no inap kisim bek ol wantaim banara, o wantaim bainat, o wantaim pait, wantaim ol hos, o wantaim ol man i ran long hos.

1:8  ¶ Nau taim meri i bin rausim Lo-ruhama long susu, em i kisim bel, na karim pikinini man.

1:9  Nau God i tok, Kolim nem bilong em Lo-ami. Long wanem, yupela i no stap lain manmeri bilong Mi, na Mi no inap stap God bilong yupela.

1:10  Tasol namba bilong ol pikinini bilong Isrel bai stap olsem wesan bilong biksi, dispela ol man i no inap long skelim o kaunim. Na em bai kamap olsem, long ples we Mi bin tokim ol, Yupela i no stap lain manmeri bilong Mi, long dispela hap bai Mi tokim ol, Yupela i stap ol pikinini man bilong God i stap laip.

1:11  Nau bai ol pikinini bilong Juda na ol pikinini bilong Isrel i bung wantaim, na makim bilong ol yet wanpela het., na ol bai kam antap ausait bilong dispela hap. Long wanem, de bilong Jesril bai stap bikpela.

Chapter 2

2:1  ¶ Yupela tokim ol brata bilong yupela, Ami, na ol susa bilong yupela, Ruhama.

2:2  Toktok wantaim strongpela askim wantaim mama bilong yupela, toktok wantaim strongpela askim. Long wanem, em i no meri bilong Mi, na tu Mi no man bilong em. Olsem na larim meri i rausim i go ol pamuk pasin bilong em ausait long hap ai bilong em i lukim, na ol pasin bilong bagarapim marit long pamuk pasin long namel bilong tupela susu bilong em.

2:3  Nogut Mi rausim ol klos bilong mekim em skin nating, na putim em olsem long dispela de mama i karim em, na mekim em olsem wanpela ples i no gat man, na putim em olsem wanpela hap graun i drai, na kilim em wantaim nekdrai.

2:4  Na Mi bai i no gat sori long ol pikinini bilong em. Long wanem, ol i stap ol pikinini bilong ol pamuk pasin.

2:5  Long wanem, mama bilong ol i bin pilai olsem pamuk meri. Meri husat i kisim bel bilong karim ol i bin mekim pasin i pulap long sem. Long wanem, em i tok, Mi bai go bihainim ol man mi laikim tru, husat i givim mi kaikai bilong mi na wara bilong mi, skin sipsip bilong mi na flaks bilong mi, wel bilong mi na dring bilong mi.

2:6  ¶ Olsem na, lukim, Mi bai banisim rot bilong yu wantaim ol nil, na wokim wanpela banis, inap long em bai i no inap painim ol liklik rot bilong em.

2:7  Na em bai bihainim ol man em i laikim tru, tasol em bai i no inap kamap long ol. Na em bai painim ol, tasol em bai i no inap lukim ol. Nau bai em i tok, Mi bai go na go bek long namba wan man bilong mi. Long wanem, bipo em i gutpela moa long mi long nau.

2:8  Long wanem, em i no bin save long Mi givim wit samting long em, na wain, na wel, na mekim silva bilong em na gol bilong em i kamap planti moa, dispela ol i redim bilong Beal.

2:9  Olsem na bai Mi go bek, na tekewe wit samting bilong Mi long taim bilong en, na wain bilong Mi long taim bilong en. Na Mi bai kisim bek gen skin sipsip bilong Mi na flaks bilong Mi, dispela Mi givim bilong karamapim skin nating bilong em.

2:10  Na nau bai Mi mekim i kamap ples klia pamuk rot pasin bilong em long hap ai bilong ol man em i laikim tru i lukim. Na i no gat wanpela bai kisim bek em ausait long han bilong Mi.

2:11  Mi bai mekim tu olgeta lap bilong em long pinis, ol de bilong bikpela kaikai bilong em, ol nupela mun bilong em, na ol sabat bilong em, na olgeta bikpela kaikai holi bilong em.

2:12  Na Mi bai bagarapim ol rop wain bilong em olgeta, na ol diwai fik bilong em, we long en em i bin tok, Ol dispela em i ol pe bilong mi, dispela ol man mi laikim tru i bin givim mi. Na Mi bai mekim ol wanpela bikbus, na ol animal bilong ples kunai bai kaikai ol.

2:13  Na Mi bai bringim i kam antap long em ol de bilong Bealim, we long ol em i kukim insens long ol, na em i bilasim em yet tru wantaim ol ring bilong ia bilong em na ol bilas i dia tru bilong em, na em i go bihainim ol man em i laikim tru, na lusim tingting long Mi, BIKPELA i tok.

2:14  ¶ Olsem na, lukim, Mi bai pulim em, na bringim em insait long ples i no gat man, na toktok wantaim bel isi i go long em.

2:15  Na Mi bai givim em ol gaden wain bilong em long dispela ples, na ples daun bilong Ekor bilong wanpela dua bilong hop. Na em bai singim song long dispela hap, olsem long ol de bilong taim yangpela bilong em, na olsem long dispela de, taim em i kam antap ausait long hap bilong Isip.

2:16  Na em bai stap olsem long dispela de, BIKPELA i tok, long yu bai kolim Mi Isi. Na yu bai i no inap kolim Mi Beali moa.

2:17  Long wanem, Mi bai tekewe ol nem bilong Bealim ausait long maus bilong em, na ol man bai i no inap holim tingting long ol long nem bilong ol.

2:18  Na long dispela de bai Mi wokim wanpela kontrak bilong ol wantaim ol animal bilong ples kunai, na wantaim ol pisin bilong heven, na wantaim ol samting i wokabaut long bel bilong dispela graun. Na Mi bai brukim banara na bainat na pait ausait long dispela graun, na Mi bai mekim ol long slip na stap gut.

2:19  Na Mi bai wokim promis bilong marit wantaim yu i kam long Mi bilong oltaim oltaim. Yes, Mi bai wokim promis bilong marit wantaim yu i kam long Mi long stretpela pasin, na long kot, na long pasin bilong laikim tru na mekim gut, na long ol pasin sori.

2:20  Mi bai wokim, yes, promis bilong marit wantaim yu i kam long Mi wantaim pasin bilong bihainim tok. Na yu bai save long BIKPELA.

2:21  Na em bai kamap olsem long dispela de, Mi bai harim, BIKPELA i tok, Mi bai harim ol heven, na ol bai harim dispela graun.

2:22  Na dispela graun bai harim wit samting, na wain, na wel. Na ol bai harim Jesril.

2:23  Na Mi bai planim em i kam long Mi long dispela graun. Na Mi bai gat sori long em husat i no bin kisim sori. Na Mi bai tokim ol husat i no lain manmeri bilong Mi, Yu stap lain manmeri bilong Mi. Na ol bai tok, Yu stap God bilong mi.

Chapter 3

3:1  ¶ Nau BIKPELA i tokim mi, Go yet, laikim tru wanpela meri i klostu tru long bel bilong pren bilong em, yet em i meri bilong bagarapim marit long pamuk pasin, bilong bihainim laikim tru bilong BIKPELA i go long ol pikinini bilong Isrel, husat i lukluk long ol arapela god, na laikim tru ol sospen samting i gat liklik maus bilong wain.

3:2  Olsem na mi baim em long mi long 15 hap silva, na long wanpela omer bilong bali, na wanpela namba tu hap omer bilong bali.

3:3  Na mi tokim em, Yu bai stap bilong mi bilong planti de. Yu no ken pilai olsem pamuk meri, na yu no ken stap bilong narapela man. Olsem tasol bai mi tu i stap bilong yu.

3:4  Long wanem, ol pikinini bilong Isrel bai stap planti de na i no gat wanpela king, na i no gat wanpela hetman, na i no gat wanpela sakrifais, na i no gat wanpela piksa god, na i no gat wanpela ifat, na i no gat terafim.

3:5  Bihain long en ol pikinini bilong Isrel bai kam bek, na painim BIKPELA, God bilong ol, na Devit, king bilong ol. Na ol bai pret long BIKPELA na gutpela pasin bilong Em long ol de bihain.

Chapter 4

4:1  ¶ Harim tok bilong BIKPELA, yupela ol pikinini bilong Isrel. Long wanem, BIKPELA i gat wanpela pait wantaim ol husat i stap long dispela hap, bilong wanem, i no gat tok tru, o sori, o save long God i stap long dispela hap.

4:2  Wantaim strongpela promis, na giaman, na kilim, na stilim, na mekim pasin bilong bagarapim marit long pamuk pasin, ol i bruk ausait, na blut i tasim blut.

4:3  Olsem na bai dispela hap i soim sori, na olgeta wan wan husat i stap long en bai lusim strong isi isi, wantaim ol animal bilong ples kunai, na wantaim ol pisin bilong heven. Yes, ol pis bilong biksi tu bai God i tekewe.

4:4  Tasol yu no ken larim wanpela man i pait strong, o krosim narapela. Long wanem, ol manmeri bilong yu i stap olsem ol husat i pait strong wantaim ol pris.

4:5  Olsem na bai yu pundaun long san, na profet tu bai pundaun wantaim yu long nait, na Mi bai bagarapim mama bilong yu olgeta.

4:6  ¶ Ol manmeri bilong Mi i bagarap olgeta, long wanem, ol i sot long save. Bikos yu bin givim baksait long save, Mi bai givim baksait tu long yu, inap long yu bai i no inap i stap pris long Mi. Taim Mi luksave long yu bin lusim tingting long lo bilong God bilong yu, Mi bai lusim tingting tu long ol pikinini bilong yu.

4:7  Olsem ol i kamap planti moa, olsem tasol ol i mekim sin i birua long mi. Olsem na bai Mi senisim glori bilong ol i kamap sem.

4:8  Ol i kaikai i go sin bilong ol lain bilong Mi, na ol i strongim bel bilong ol long sin nogut bilong ol.

4:9  Na em bai stap olsem, olsem ol manmeri, olsem pris. Na Mi bai wokim mekim save long ol bilong ol pasin bilong ol, na givim pe long ol long ol wok ol i mekim.

4:10  Long wanem, ol bai kaikai, na ol bai i no gat inap. Ol bai mekim pasin bilong pamuk meri, na ol bai i no inap kamap planti moa. Bilong wanem, ol i bin lusim pasin bilong harim gut long BIKPELA.

4:11  Pasin bilong pamuk meri na wain na nupela wain i tekewe bel i go.

4:12  ¶ Ol manmeri bilong Mi i askim tok helpim long ol diwai bilong ol, na ol stik wokabaut bilong ol i tokaut long ol. Long wanem, spirit bilong pasin bilong pamuk meri i bin mekim ol long lusim rot, na ol i bin go mekim pasin bilong pamuk meri na lusim pasin bilong i stap aninit long God bilong ol.

4:13  Ol i sakrifais antap long ol antap bilong ol maunten, na kukim insens antap long ol liklik maunten, aninit long ol ok na ol papla na ol elm. Bilong wanem, ol tewel bilong san bilong ol i gutpela. Olsem na ol pikinini meri bilong yupela bai mekim pasin bilong pamuk meri, na ol meri bilong yupela bai bagarapim marit long pamuk pasin.

4:14  Mi no bai wokim mekim save long ol pikinini meri bilong yupela taim ol i mekim pasin bilong pamuk meri, o ol meri bilong yupela taim ol i bagarapim marit long pamuk pasin. Long wanem, ol yet i bruk wantaim ol pamuk meri, na ol i sakrifais wantaim ol pamuk meri. Olsem na ol manmeri husat i no save gut bai pundaun.

4:15  Maski yu, Isrel, i pilai olsem pamuk meri, yet yu no ken larim Juda i bagarapim bel. Na yupela i no ken kam long Gilgal, na tu yupela i no ken go antap long Bet-aven, o wokim strongpela promis na tok, BIKPELA i stap laip.

4:16  Long wanem, Isrel i surik isi isi i go bek olsem wanpela bulmakau meri i surik i go bek. Nau BIKPELA bai givim kaikai long ol olsem wanpela pikinini sipsip long wanpela traipela ples.

4:17  Ifraim i pas pinis long ol piksa bilong god giaman, larim em i stap wanpis.

4:18  Dring bilong ol i pait. Ol i bin mekim pasin bilong pamuk meri olgeta taim. Ol hetman bilong em, wantaim sem, i laikim tru, Yupela i givim.

4:19  Win i bin pasim em antap insait long ol wing bilong em, na ol bai stap sem bikos ol sakrifais bilong ol i stap.

Chapter 5

5:1  ¶ Yupela harim dispela, O ol pris. Na harim, yupela hauslain bilong Isrel. Na yupela givim ia, O hauslain bilong king. Long wanem, kot i go long yupela, bilong wanem, yupela i bin stap wanpela trap antap long Mispa, na wanpela umben i op antap long Tebor.

5:2  Na ol man bilong bikhet i dip tru bilong wokim bikpela kilim i dai, maski Mi bin stap wanpela bilong man hatim ol olgeta.

5:3  Mi save long Ifraim, na Isrel i no stap hait long Mi. Long wanem, nau, O Ifraim, yu mekim pasin bilong pamuk meri, na Isrel i kamap doti pinis.

5:4  Ol bai i no inap wokim ol wok bilong ol bilong tanim i go long God bilong ol. Long wanem, spirit bilong ol pasin bilong pamuk meri i stap insait long namel bilong ol, n ol i no bin save long BIKPELA.

5:5  Na hambak bilong Isrel i bin tokaut long pes bilong em. Olsem na bai Isrel na Ifraim i pundaun long sin nogut bilong ol. Juda tu bai pundaun wantaim ol.

5:6  Ol bai go wantaim ol lain sipsip samting bilong ol na wantaim ol lain bulmakau samting bilong ol bilong painim BIKPELA. Tasol ol bai i no inap lukim Em. Em i bin surikim Em Yet long lusim ol.

5:7  Ol i bin mekim trik pasin i birua long BIKPELA. Long wanem, ol i bin kamapim ol narakain pikinini. Nau bai wanpela mun i kaikai ol olgeta wantaim ol hap skel bilong ol.

5:8  ¶ Yupela winim kornet long Gibia, na biugel long Rama. Singaut bikpela long Bet-aven, bihain long yu, O Benjamin.

5:9  Ifraim bai stap nating long dispela de bilong hatim. Namel long ol lain bilong Isrel Mi bin mekim ol long save long dispela samting i bai kamap tru.

5:10  Ol hetman bilong Juda i wankain olsem ol husat i rausim mak bilong arere. Olsem na Mi bai kapsaitim belhat tru bilong Mi antap long ol olsem wara.

5:11  Ifraim i kisim taim na em i bruk long kot, bilong wanem, em i gat laik na wokabaut i bihainim dispela tok strong.

5:12  Olsem na bai Mi stap long Ifraim olsem wanpela bataplai bilong nait, na long hauslain bilong Juda olsem sting samting.

5:13  Taim Ifraim i lukim sik bilong em, na Juda i lukim bagarap bilong em, nau Ifraim i go long ol lain Asiria, na salim tok long king Jarep. Yet em i no inap long stretim sik bilong yu, o oraitim yu long bagarap bilong yu.

5:14  Long wanem, Mi bai stap long Ifraim olsem wanpela laion, na olsem wanpela yangpela laion long hauslain bilong Juda. Mi, yes Mi, bai brukim na go long hap. Mi bai tekewe, na i no gat wanpela bai kisim bek em.

5:15  Mi bai go na go bek long ples bilong Mi, inap long taim ol i tok yes long pasin bilong ol bilong bagarapim bel, na painim pes bilong Mi. Long hevi bilong ol, ol bai painim Mi hariap.

Chapter 6

6:1  ¶ Kam, na yumi go bek long BIKPELA. Long wanem, Em i bin brukim, na Em bai stretim sik bilong yumi. Em i bin paitim, na Em bai pasim sua bilong yumi.

6:2  Bihain long tupela de bai Em i kirapim yumi gen. Long namba tri de Em bai kirapim bek yumi, na yumi bai stap laip long hap ai bilong Em i lukim.

6:3  Nau bai yumi save, sapos yumi bihainim i go bilong save long BIKPELA. Go ausait bilong Em Em i redim olsem moning. Na Em bai kam long yumi olsem ren, olsem ren bilong bihain na ren bilong bipo i kam long dispela graun.

6:4  ¶ O Ifraim, Mi bai mekim wanem long yu? O Juda, Mi bai mekim wanem long yu? Long wanem, gutpela pasin bilong yu i stap olsem klaut bilong moning, na olsem wara bilong nait long moning tru em i go olgeta.

6:5  Olsem na Mi bin katim ol long han bilong ol profet. Mi bin kilim ol long ol tok bilong maus bilong Mi. Na ol kot bilong yu i stap olsem lait, dispela i go ausait.

6:6  Long wanem, Mi gat laik long sori, na i no sakrifais, na save long God moa long ol ofa i kuk olgeta.

6:7  Tasol ol, olsem ol man, i bin kalapim lo bilong dispela kontrak. Long dispela hap ol i bin mekim trik pasin i birua long Mi.

6:8  Gileat em i wanpela biktaun bilong ol husat i wokim sin nogut, na em i doti wantaim blut.

6:9  Na olsem ol liklik ami bilong ol raskol stilman i wetim wanpela man, olsem tasol ol lain bilong ol pris i kilim man i dai long rot taim ol i tok yes. Long wanem, ol i mekim pamuk rot pasin.

6:10  Mi bin lukim wanpela samting i nogut tru insait long hauslain bilong Isrel. Long dispela hap em pasin bilong pamuk meri bilong Ifraim. Isrel i kamap doti pinis.

6:11  Na tu, O Juda, Em i bin putim wanpela kamautim bilong yu, taim Mi tanim bek kalabus bilong ol lain bilong Mi.

Chapter 7

7:1  ¶ Taim Mi bin gat laik long stretim sik bilong Isrel, nau sin nogut bilong Ifraim i kamap ples klia, na pasin nogut bilong Samaria. Long wanem, ol i bin mekim pasin giaman. Na stilman i kam insait, na liklik ami bilong ol raskol stilman i kisim ol kago ausait.

7:2  Na ol i no tingim na skelim insait long ol bel bilong ol long Mi holim tingting long olgeta pasin nogut bilong ol. Nau ol wok bilong ol yet i bin raunim ol raun nabaut. Ol i stap long ai bilong pes bilong Mi.

7:3  Ol i mekim king amamas wantaim ol pasin nogut bilong ol, na ol hetman wantaim ol giaman bilong ol.

7:4  Olgeta bilong ol i stap ol lain bilong bagarapim marit long pamuk pasin, olsem wanpela aven man i wokim bret i hatim, husat i pinisim pasin bilong solapim bret bihain long em i bin wokwokim bret i no kuk yet, inap long dispela i kisim yis.

7:5  Long de bilong king bilong yumi, ol hetman i bin mekim em long kamap sik wantaim ol skin meme bilong wain. Em i stretim han bilong em i go ausait wantaim ol man bilong tok bilas bilong .

7:6  Long wanem, ol i bin redim bel bilong ol olsem wanpela aven, taim ol i wet hait. Man man i wokim bret bilong ol i slip olgeta hap bilong nait. Long moningtaim dispela i kuk olsem wanpela paia i lait.

7:7  Olgeta ol i hatpela olsem wanpela aven, na ol i bin kaikai olgeta ol jas bilong ol. Olgeta king bilong ol i pundaun. I no gat wanpela namel long ol husat i singaut long Mi.

7:8  ¶ Ifraim, em i bin abusim em yet namel long ol manmeri. Ifraim em i wanpela kek ol i no tanim.

7:9  Ol ausait man i bin kaikai strong bilong em olgeta, na em i no save long dispela. Yes, ol waitgras i stap hia na long hap antap long em, tasol em i no save.

7:10  Na hambak bilong Isrel i tokaut long pes bilong em. Na ol i no tanim i go bek long BIKPELA, God bilong ol, o painim Em long olgeta dispela.

7:11  Ifraim tu i stap olsem wanpela balus i no yusim save i no gat bel. Ol i singaut long Isip, ol i go long Asiria.

7:12  Taim ol bai go, Mi bai opim umben bilong Mi antap long ol. Mi bai bringim ol daun olsem ol pisin bilong heven. Mi bai stikim ol, olsem bung bilong ol manmeri bilong ol i bin harim.

7:13  Tok lukaut i go long ol! Long wanem, ol i bin ranawe long Mi. Bagarap olgeta i go long ol! Bilong wanem, ol i bin kalapim lo i birua long Mi. Maski Mi bin baim bek ol, yet ol i bin toktok long ol giaman i birua long Mi.

7:14  Na ol i no bin singaut long Mi wantaim bel bilong ol, taim ol singaut strong antap long ol bet bilong ol. Ol i bungim ol yet bilong wit samting na wain, na ol i bikhet i birua long Mi.

7:15  Maski Mi bin pasim na strongim ol han bilong ol, yet ol i tingting nating bilong mekim pasin i gat trabel long Mi.

7:16  Ol i kam bek, tasol i no long Man i Stap Antap Olgeta. Ol i olsem wanpela banara i giaman. Ol hetman bilong ol bai pundaun long bainat bilong inapim belhat nogut tru bilong ol tang bilong ol. Dispela bai stap lap nogut bilong ol long hap bilong Isip.

Chapter 8

8:1  ¶ Putim biugel long maus bilong yu. Em bai kam olsem wanpela igal i birua long haus bilong BIKPELA. Bilong wanem, ol i bin kalapim lo bilong kontrak bilong Mi, na sakim lo i birua long lo bilong Mi.

8:2  Isrel bai singaut long Mi, God bilong mi, mipela i save long Yu.

8:3  Isrel i bin tromoi i go dispela samting i gutpela. Birua bai ran bihainim em.

8:4  Ol i bin sanapim ol king, tasol i no long Mi. Ol i bin mekim ol hetman, na Mi no save long en. Long ol silva bilong ol na ol gol bilong ol, ol i bin wokim ol piksa bilong god giaman bilong ol, inap long Mi ken rausim ol.

8:5  Pikinini bulmakau bilong yu, O Samaria, i bin tromoi yu i go. Belhat bilong Mi i kirap i birua long ol. Inap long wanem taim bai em i stap bipo ol i kamap long pasin bilong i no bin mekim rong?

8:6  Long wanem, long Isrel em i stap tu. Wokman i wokim dispela. Olsem na dispela em i no God. Tasol pikinini bulmakau bilong Samaria bai Mi brukim long planti hap hap.

8:7  Long wanem, ol i bin planim win, na ol bai kamautim raunwin. Dispela i no gat bun bilong wit samting bilong en. Kru bai i no inap givim plaua bilong wit samting. Sapos i olsem long em i givim, ol ausait man bai daunim dispela olgeta.

8:8  ¶ Ol i daunim Isrel olgeta. Nau bai ol i stap namel long ol lain i no Ju olsem wanpela sospen samting we insait long en i no gat amamas.

8:9  Long wanem, ol i go antap long Asiria pinis, wanpela wail donki wanpela long em yet. Ifraim i bin baim ol lain em i laikim tru.

8:10  Yes, maski ol i bin baim namel long ol kantri, nau bai Mi bungim ol, na ol bai bel hevi liklik bilong tingim hevi bilong king bilong ol hetman.

8:11  Bikos Ifraim i bin wokim planti alta long sin, ol alta bai stap sin long em.

8:12  Mi bin raitim long em ol bikpela samting bilong lo bilong Mi, tasol em i kaunim ol olsem wanpela narakain samting.

8:13  Ol i sakrifais mit bilong ol sakrifais bilong ol ofa bilong Mi, na kaikai dispela. Tasol BIKPELA i no orait long ol. Nau bai Em i holim tingting long sin nogut bilong ol, na kam lukim ol sin bilong ol. Ol bai go bek long Isip.

8:14  Long wanem, Isrel i bin lusim tingting long Man i Wokim em, na wokim ol tempel. Na Juda i bin mekim ol biktaun i gat banis i kamap planti moa. Tasol Mi bai salim wanpela paia antap long ol biktaun bilong em, na dispela bai kaikai olgeta ol haus king bilong ol.

Chapter 9

9:1  ¶ No ken wokim amamas tru, O Isrel, wantaim amamas tru, olsem ol arapela manmeri. Long wanem, yu bin go bihainim pasin bilong pamuk meri i lusim God bilong yu. Yu bin laikim tru pe antap long olgeta wan wan plua bilong wit samting.

9:2  Plua na masin bilong krungutim wain bai i no inap long givim kaikai long ol, na nupela wain bai fel insait long em.

9:3  Ol bai i no inap stap insait long hap bilong BIKPELA. Tasol Ifraim bai go bek long Isip, na ol bai kaikai ol samting i no klin long Asiria.

9:4  Ol bai i no inap ofaim ol ofa bilong wain i go long BIKPELA, na tu bai ol i no inap amamasim Em. Ol sakrifais bilong ol bai stap long ol olsem bret bilong ol lain bilong soim sori. Olgeta husat i kaikai long en bai kamap doti. Long wanem, bret bilong ol bilong ol tewel bilong ol bai i no inap kam insait long haus bilong BIKPELA

9:5  Yupela bai mekim wanem long dispela de holi, na long de bilong bikpela kaikai bilong BIKPELA?

9:6  Long wanem, harim, ol i go pinis, bilong wanem, bagarap olgeta i stap. Isip bai bungim ol, Memfis bai planim ol. Ol gutpela ples bilong silva bilong ol, ol salat bai holimpas ol. Ol nil bai stap insait long ol haus holi bilong ol.

9:7  ¶ Ol de bilong kam lukim i kamap pinis, ol de bilong bekim pe i kam pinis. Isrel bai save long dispela. Profet em i wanpela kranki man, man i pulap long spirit em i longlong, bilong tingim dispela planti tru sin nogut bilong yu, na dispela bikpela pasin bilong hetim.

9:8  Wasman bilong Ifraim i stap wantaim God bilong mi. Tasol dispela profet em i wanpela trap bilong man bilong kisim pisin long olgeta pasin bilong em, na pasin bilong hetim insait long haus bilong God bilong em.

9:9  Ol i bin bagarapim ol yet dip tru, olsem long ol de bilong Gibia. Olsem na Em bai holim tingting long ol sin nogut bilong ol, Em bai kam lukim ol sin bilong ol.

9:10  Mi painim pinis Isrel olsem ol pikinini wain long ples i no gat man. Mi lukim ol tumbuna papa bilong yupela olsem ol namba wan kaikai i mau long diwai fik long namba wan taim bilong em. Tasol ol i go long Beal-pior, na brukim ol yet i go long dispela sem. Na ol sting pasin bilong ol i bilong bihainim olsem ol i laikim tru.

9:11  ¶  Long sait bilong Ifraim, glori bilong ol bai flai i go olsem wanpela pisin, long taim mama i karim ol, na long bel bilong mama, na long taim mama i kisim bel.

9:12  Maski ol i lukautim ol pikinini bilong ol, yet bai Mi mekim ol i stap nating, inap long bai i no gat wanpela man i stap yet. Yes, tok lukaut tu i go long ol taim Mi lusim ol!

9:13  Ifraim, olsem Mi lukim Tairas, ol i planim long wanpela gutpela ples. Tasol Ifraim bai karim ol pikinini bilong em i go long man bilong kilim man i dai.

9:14  Givim ol, O BIKPELA. Yu bai givim wanem? Givim ol wanpela bel i karim pikinini i dai pinis na ol susu i drai.

9:15  Olgeta pasin nogut bilong ol i stap long Gilgal. Long wanem, long dispela hap Mi hetim ol. Bilong ol pasin nogut bilong ol wok ol i mekim Mi bai ranim ol i go ausait long haus bilong Mi, Mi bai i no inap laikim ol tru moa. Olgeta hetman bilong ol i stap ol man bilong bikhet.

9:16  Ol i paitim Ifraim, ol rop daunbilo bilong ol i drai pinis, ol bai i no inap karim kaikai. Yes, maski ol i karim, yet bai Mi kilim, yes, kaikai bilong bel bilong ol i klostu tru long bel bilong ol.

9:17  God bilong mi bai tromoi ol i go, bilong wanem, ol i no bin harim long Em. Na ol bai stap ol man bilong raun nating namel long ol kantri.

Chapter 10

10:1  ¶ Isrel em i wanpela rop wain i emti, em i karim kaikai long em yet. Bilong bihainim planti tru bilong ol kaikai bilong em, em i bin mekim ol alta bilong em i kamap planti moa. Bilong bihainim gutpela bilong graun bilong em ol i bin wokim ol nambawan piksa god.

10:2  Bel bilong ol i bruk long tupela hap. Nau bai Em i lukim asua insait long ol. Em bai brukim ol alta bilong ol i go daun, Em bai bagarapim ol piksa god bilong ol.

10:3  Long wanem, nau ol bai tok, Mipela i no gat wanpela king, bilong wanem, mipela i no bin pret long BIKPELA. Wanpela king bai mekim wanem long mipela nau?

10:4  Ol i bin tokim ol toktok, na mekim strongpela promis wantaim giaman taim ol i wokim wanpela kontrak. Olsem tasol kot i sut i kam antap olsem hemlok long ol lain graun bilong bikpela gaden.

10:5  Ol husat i stap long Samaria bai pret bikos ol pikinini bulmakau bilong Bet-aven i stap. Long wanem, ol manmeri bilong en bai soim sori antap long en, na ol pris bilong en husat i wokim amamas tru long en, bilong tingim glori bilong en, bilong wanem, dispela glori i lusim em pinis.

10:6  Ol bai karim dispela tu i go long Asiria bilong wanpela presen bilong king Jarep. Ifraim bai kisim sem, na Isrel bai stap sem long tok helpim bilong em yet em i givim.

10:7  Long sait bilong Samaria, king bilong em ol i rausim olsem waitpela pipia antap long wara.

10:8  Ol ples antap tu bilong Aven, sin bilong Isrel, bai bagarap olgeta. Nil na tisel bai kam antap long ol alta bilong ol. Na ol bai tokim ol maunten, Karamapim mipela, na long ol liklik maunten, Pundaun antap long mipela.

10:9  ¶ O Isrel, yu bin mekim sin i stat long ol de bilong Gibia. Ol i sanap long dispela hap. Pait long Gibia i birua long ol pikinini bilong sin nogut i no bin kamap long ol.

10:10  Dispela i stap insait long laik bilong Mi long Mi ken stikim ol. Na ol manmeri bai bung bilong birua long ol, taim ol bai pasim ol yet insait long tupela lain graun bilong gaden bilong ol.

10:11  Na Ifraim i stap olsem wanpela bulmakau meri, dispela ol i skulim, na i laikim tru bilong krungutim wit samting. Tasol Mi bin go hapsait antap long naispela nek bilong em. Mi bai mekim Ifraim bilong ran antap long en. Juda bai brukim graun, na Jekop bai brukim ol strongpela hap graun i pas bilong em.

10:12  Planim long yupela yet long stretpela pasin, kamautim long sori. Brukim i go strongpela graun bilong yupela. Long wanem, em i taim bilong painim BIKPELA, inap long taim Em i kam na givim ren bilong stretpela pasin antap long yupela.

10:13  Yupela i bin brukim graun bilong pasin nogut, yupela i bin kamautim sin nogut. Yupela i bin kaikai long kaikai bilong ol giaman. Bilong wanem, yu bin putim bilip long rot bilong yu, long planti tru bilong ol strongpela man bilong yu.

10:14  Olsem na wanpela bikpela paul nabaut bai kirap namel long ol lain bilong yu. na ol bai kisim ol kago bilong olgeta strongpela ples hait bilong yu, olsem Salman i kisim pinis ol kago bilong Bet-arbel long de bilong pait. Mama ol i brukim nabaut long planti hap hap antap long ol pikinini bilong em.

10:15  Olsem tasol bai Betel i mekim long yupela, bilong wanem, bikpela pasin nogut bilong yupela i stap. Long wanpela moning ol bai rausim king bilong Isrel olgeta.

Chapter 11

11:1  ¶ Taim Isrel i stap pikinini, nau Mi laikim em tru, na singautim pikinini man bilong Mi bilong kam ausait long Isip.

11:2  Olsem ol i singautim ol, olsem tasol ol i go lusim ol. Ol i sakrifais i go long Bealim, na kukim insens i go long ol piksa god ol i sapim.

11:3  Mi skulim Ifraim tu long go, taim Mi kisim ol long ol han bilong ol. Tasol ol i no save long Mi bin stretim sik bilong ol.

11:4  Mi pulim ol wantaim ol rop bilong wanpela man, wantaim ol hankap samting bilong laikim tru. Na Mi stap long ol olsem ol husat i rausim yok long ol bun bilong wasket bilong ol, na givim kaikai long ol.

11:5  Em bai i no inap go bek long hap bilong Isip, tasol man Asiria bai stap king bilong em, bilong wanem, ol i tok nogat long go bek.

11:6  Na bainat bai stap long ol biktaun bilong em, na bai kaikai olgeta ol han diwai bilong em, na kaikai ol olgeta, bilong wanem, long ol tok helpim bilong ol yet ol i givim.

11:7  Na ol manmeri bilong Mi i strong tru long pasin bilong go bek na lusim Mi. Maski ol i singautim ol long go long Man i Antap Olgeta, i no gat wanpela liklik i gat laik long litimapim Em.

11:8  ¶ Mi bai givim yu i go olsem wanem, Ifraim? Mi bai kisim bek yu olsem wanem, Isrel? Mi bai mekim yu olsem Atma olsem wanem? Mi bai putim yu olsem Seboim olsem wanem? Bel bilong Mi i tanim insait long Mi, ol pasin bilong Mi bilong tanim bel i kirap wantaim.

11:9  Mi no inap mekim strong bilong belhat bilong Mi. Mi no inap tanim i go bek bilong bagarapim Ifraim olgeta. Long wanem, Mi stap God, na Mi no man. Mi stap Man Holi insait long namel bilong yu. Na Mi bai i no inap go insait long biktaun.

11:10  Ol bai wokabaut bihainim BIKPELA. Em bai krai bikpela olsem wanpela laion. Taim Em bai i krai bikpela, nau ol pikinini bai guria i stat long hap wes.

11:11  Ol bai guria olsem wanpela pisin i kam ausait long Isip, na olsem wanpela balus i kam ausait long hap bilong Asiria. Na Mi bai putim ol insait long ol haus bilong ol, BIKPELA i tok.

11:12  Ifraim i raunim Mi raun nabaut wantaim ol giaman, na hauslain bilong Isrel wantaim ol pasin giaman. Tasol Juda i bosim samting yet wantaim God, na i stap man yu inap bilip long em wantaim ol seint.

Chapter 12

12:1  ¶ Ifraim i kaikai long win, na bihainim dispela is win. Olgeta wan wan de em i mekim ol giaman na pasin bilong stap nating bilong i kamap planti moa. Na ol i wokim wanpela kontrak wantaim ol lain Asiria, na wel ol i karim i go long Isip.

12:2  BIKPELA i gat tu wanpela pait wantaim Juda, na Em bai wokim mekim save long Jekop bilong bihainim ol pasin bilong em. Bilong bihainim ol samting em i mekim bai Em i bekim pe long em.

12:3  Em i kisim brata bilong em long baksait bilong fut insait long bel. Na long strong bilong em, em i gat pawa wantaim God.

12:4  Yes, em i gat pawa antap long ensel, na em i win. Em i krai tru, na mekim autim askim i go long em. Em i painim em pinis long Betel, na long dispela hap em i bin tok wantaim Mipela.

12:5  Yes, God BIKPELA bilong ol ami. BIKPELA em i samting bilong holim tingting bilong em.

12:6  Olsem na yu tanim i go long God bilong yu. Holimpas sori na kot, na wet long God bilong yu olgeta taim.

12:7  ¶  Em i stap wanpela bisnisman, ol skel bilong pasin giaman i stap long han bilong em. Em i laikim tru long mekim man i kisim taim.

12:8  Na Ifraim i tok, Yet mi bin kamap maniman, mi bin painim pinis bilong mi ol kago. Long olgeta hatwok bilong mi ol bai i no inap lukim wanpela sin nogut insait long mi, dispela i stap sin.

12:9  Na Mi husat i stap BIKPELA, God bilong yu, i stat long hap bilong Isip, yet bai mekim yu long stap insait long ol haus holi, olsem long ol de bilong bikpela kaikai holi.

12:10  Mi bin toktok tu long han bilong ol profet, na Mi bin mekim ol driman samting i kamap planti moa, na yusim ol tok i wankain olsem, long wok bilong ol profet.

12:11  Ating i gat sin nogut long Gileat? Tru tumas, ol i samting nating. Ol i sakrifaisim ol bulmakau man long Gilgal. Yes, ol alta bilong ol i stap ol hip insait long ol lain graun bilong ol bikpela gaden.

12:12  Na Jekop i ranawe i go long kantri bilong Siria, na Isrel i wokim wok wokboi bilong kisim wanpela meri, na bilong kisim wanpela meri em i lukautim ol sipsip.

12:13  Na long han bilong wanpela profet BIKPELA i bringim Isrel ausait long Isip, na long han bilong wanpela profet em i stap gutpela yet.

12:14  Ifraim i skrapim bel bilong Em long belhat i pait moa yet. Olsem na bai Em i lusim blut bilong em antap long em, na samting bilong givim sem bilong em bai Bikpela bilong em i tanim i go bek long em.

Chapter 13

13:1  ¶ Taim Ifraim i toktok wantaim guria, em i litimapim em yet insait long Isrel. Tasol taim em i bagarapim bel insait long Beal, em i dai pinis.

13:2  Na nau ol i sin moa na moa, na ol i bin wokim bilong ol ol piksa god ain bilong ol silva bilong ol, na ol piksa bilong god giaman bilong bihainim gutpela save bilong ol yet, olgeta bilong dispela em wok bilong ol man bilong wokim naispela wok. Ol i toktok long sait bilong ol, Larim ol man husat i sakrifais givim kis long ol pikinini bulmakau.

13:3  Olsem na ol bai stap olsem klaut bilong moningtaim, na olsem dispela wara bilong nait long moning tru i pinis olgeta, olsem dispela skin bilong wit raunwin i ranim i go ausait long plua, na olsem smok ausait long ples paia.

13:4  Yet Mi stap BIKPELA, God bilong yu, i stat long hap bilong Isip, na yu no bai save long narapela god, Mi tasol. Long wanem, i no gat narapela man bilong kisim bek, Mi tasol.

13:5  ¶ Mi bin save long yu long ples i no gat man, long hap we wara i sot bikpela.

13:6  Bilong bihainim ol ples gras bilong ol, olsem tasol Mi pulimapim ol. Ol i pulap, na bel bilong ol i go antap moa. Olsem na ol i bin lusim tingting long Mi.

13:7  Olsem na Mi bai stap long ol olsem wanpela laion. Olsem wanpela lepat klostu long rot bai Mi lukluk gut long ol.

13:8  Mi bai bungim ol olsem wanpela bea husat em i stap nating long ol pikinini bilong em, na Mi bai brukim umben bilong bel bilong ol, na long dispela hap bai Mi kaikai ol olgeta olsem wanpela laion. Wail animal bai brukim ol.

13:9  ¶ O Isrel, yu bin bagarapim yu yet olgeta. Tasol insait long Mi helpim bilong yu i stap.

13:10  Mi bai stap king bilong yu. Wanpela arapela husat i ken kisim bek yu insait long olgeta biktaun bilong yu i stap we? Na ol jas bilong yu i stap we, long ol husat yu bin tok, Givim mi wanpela king na ol hetman?

13:11  Mi givim yu wanpela king long belhat bilong Mi, na tekewe em long belhat tru bilong Mi.

13:12  Sin nogut bilong Ifraim em i pas wantaim. Sin bilong em i stap hait.

13:13  Ol bel hevi bilong wanpela meri i hatwok long karim pikinini bai kam antap long em. Em i stap wanpela pikinini man i no yusim save tru. Long wanem, em i no gutpela long em i stap yet longpela taim long ples bilong ol pikinini i kam ausait.

13:14  Mi bai givim pe bilong baim bek ol long pawa bilong matmat. Mi bai baim bek ol long dai. O dai, Mi bai stap ol sik nogut bilong yu. O matmat, Mi bai stap bagarap olgeta bilong yu. Pasin bilong tanim bel bai stap hait long tupela ai bilong Mi.

13:15  Maski em i karim planti kaikai namel long ol brata bilong em, wanpela is win bai kam, win bilong BIKPELA bai kam antap i lusim ples i no gat man, na wara i sut i kam antap bilong em bai kamap drai, na ai bilong wara i sut bilong em bai stap drai olgeta. Em bai kisim ol kago bilong ol samting i dia tumas bilong olgeta gutpela sospen samting.

13:16  Samaria bai kamap ples i stap nating. Long wanem, em i bin bikhet i birua long God bilong em. Ol bai pundaun long bainat. Ol bebi bilong ol bai ol man i brukim long planti hap hap, na ol meri bilong ol i gat bel, ol bai katim ol olgeta.

Chapter 14

14:1  ¶ O Isrel, tanim i kam bek long BIKPELA, God bilong yu. Long wanem, yu bin pundaun long sin nogut bilong yu.

14:2  Kisim wantaim yu ol toktok, na tanim i go long BIKPELA. Tokim Em, Tekewe olgeta sin nogut, na kisim mipela wantaim pasin i soim marimari. Olsem tasol bai mipela i mekim long ol pikinini bulmakau bilong ol lip bilong maus bilong mipela.

14:3  Asur bai i no inap kisim bek mipela. Mipela bai i no inap ran antap long ol hos. Na tu bai mipela i no inap tok moa liklik long wok bilong ol han bilong mipela, Yupela i stap ol god bilong mipela. Long wanem, insait long Yu ol pikinini i no gat papa i painim pinis sori.

14:4  ¶ Mi bai stretim sik bilong ol pasin bilong ol bilong go bek, Mi bai laikim ol tru planti. Long wanem, belhat bilong Mi i tanim long lusim em pinis.

14:5  Mi bai stap olsem wara bilong nait i go long Isrel. Em bai go bikpela olsem lili, na tromoi i go ol rop daunbilo bilong em olsem Lebanon.

14:6  Ol han bilong diwai bilong em bai op, na naispela tru bilong em bai stap olsem diwai oliv, na smel bilong em olsem Lebanon.

14:7  Ol husat i stap aninit long tewel bilong san bilong em bai go bek. Ol bai kirap gen olsem wit samting, na go bikpela olsem rop wain. Smel bilong en bai stap olsem wain bilong Lebanon.

14:8  ¶ Ifraim bai tok, Mi gat wanem wok moa liklik wantaim ol piksa bilong god giaman? Mi bin harim em, na lukluk gut long em. Mi stap olsem wanpela grinpela diwai fir. Long Mi yu painim pinis prut bilong yu.

14:9  Husat i gat save tru, na em bai save gut long ol dispela samting? Husat i yusim save, na em bai save long ol? Long wanem, ol rot bilong BIKPELA i stretpela, na ol stretpela man bai wokabaut insait long ol. Tasol ol lain bilong kalapim lo bai pundaun insait long ol.