ABPGRK - Ezra

Chapter 1

1:1  και εν τω έτει πρώτω Κύρου βασιλέως Περσών του τελεσθήναι λόγον κυρίου από στόματος Ιερεμίου εξήγειρε κύριος το πνεύμα Κύρου βασιλέως Περσών και παρήγγειλε φωνήν εν πάση βασιλεία αυτού και γε εν γραπτώ λέγων

1:2  ούτως είπε Κύρος ο βασιλεύς Περσών πάσας τας βασιλείας της γης έδωκέ μοι κύριος ο θεός του ουρανού και αυτός επεσκέψατο επ΄ εμέ του οικοδομήσαι αυτώ οίκον εν Ιερουσαλήμ τη εν τη Ιουδαία

1:3  τις εν υμίν από παντός του λαού αυτού και έσται ο θεός αυτού μετ΄ αυτού και αναβήτω εις Ιερουσαλήμ την εν τη Ιουδαία και οικοδομησάτω τον οίκον θεού Ισραήλ αυτός ο θεός ο εν Ιερουσαλήμ

1:4  και πας ο καταλιπόμενος από πάντων των τόπων ου αυτός παροικεί εκεί λήψονται αυτόυ άνδρες του τόπου αυτού εν αργυρίω και χρυσίω και εν αποσκευή και κτήνεσι μετά του εκουσίου εις οίκον του θεού του εν Ιερουσαλήμ

1:5  και ανέστησαν άρχοντες των πατριών των Ιούδα και Βενιαμίν και οι ιερείς και οι Λευίται πάντες ων εξήγειρεν ο θεός το πνεύμα αυτών του αναβήναι οικοδομήσαι τον οίκον κυρίου τον εν Ιερουσαλήμ

1:6  και πάντες οι κυκλόθεν αυτών ενίσχυσαν εν χερσίν αυτών εν σκεύεσιν αργυρίου εν χρυσώ και εν αποσκευή και εν κτήνεσι και εν ξενίοις πάρεξ των εν εκουσίοις

1:7  και ο βασιλεύς Κύρος εξήνεγκε τα σκεύη οίκου κυρίου α έλαβεν Ναβουχοδονόσορ από Ιερουσαλήμ και έδωκεν αυτά εν οίκω θεού αυτού

1:8  και εξήνεγκεν αυτά Κύρος ο βασιλεύς Περσών επί χείρα Μιθριδάτου γασβαρήνου και ηρίθμησεν αυτά τω Σασαβασάρ τω άρχοντι του Ιούδα

1:9  και ούτος ο αριθμός αυτών ψυκτήρες χρυσοί τριάκοντα και ψυκτήρες αργυροί χίλιοι παρηλλαγμένα εννέα και είκοσι κεφούροι χρυσοί τριάκοντα

1:10  και αργυροί διπλαί τετρακόσιαι και δέκα και σκεύη ετέρα χίλια

1:11  πάντα τα σκεύη του χρυσίου και του αργυρίου πεντακισχίλια τετρακόσια τα πάντα ανήγαγε Σασαβασάρ μετά αναβάσεως της αποικίας εκ Βαβυλώνος εις Ιερουσαλήμ

Chapter 2

2:1  και ούτοι οι υιοί της χώρας οι αναβαίνοντες από της αιχμαλωσίας της αποικίας ης απώκισε Ναβουχοδονόσορ ο βασιλεύς Βαβυλώνος εις Βαβυλώνα και επέστρεψαν εις Ιερουσαλήμ και Ιούδαν ανήρ εις την πόλιν αυτού

2:2  οι ήλθον μετά Ζοροβαβέλ Ιησούς Νεεμίας Σαραϊας Ρεελίας Μαρδοχαίος Βαλασάν Μάσφαρ Βαγουέ Ρεούμ Βαανά αριθμός ανδρών λαού Ισραήλ

2:3  υιοί Φόρος δισχίλιοι εκατόν εβδομηκονταδύο

2:4  υιοί Σαφατία τριακόσιοι εβδομηκονταδύο

2:5  υιοί Αρές επτακόσιοι εβδομηκονταπέντε

2:6  υιοί Φαάθ-μωάβ τοις υιοίς Ιησουέ Ιωάβ δισχιλίοι οκτακόσιοι και δώδεκα

2:7  υιοί Ελάμ χίλιοι διακόσιοι πεντηκοντατέσσαρες

2:8  υιοί Ζαθουά εννακόσιοι τεσσαρακονταπέντε

2:9  υιοί Ζακχαϊα επτακόσιοι εξήκοντα

2:10  υιοί Βανέα εξακόσιοι τεσσαρακονταδύο

2:11  υιοί Βαβαϊ εξακόσιοι εικοσιτρείς

2:12  υιοί Αζιγάδ χίλιοι διακόσιοι εικοσιδύο

2:13  υιοί Αδονικάμ εξακόσιοι εξηκονταέξ

2:14  υιοί Βαγουέ δισχίλιοι πεντηκονταέξ

2:15  υιοί Αδδίν τετρακόσιοι πεντηκοντατέσσαρες

2:16  υιοί Ατήρ τω Εζεκία εννενηκονταοκτώ

2:17  υιοί Βασσού τριακόσιοι εικοσιτρείς

2:18  υιοί Ιωρά εκατόν δώδεκα

2:19  υιοί Ασούμ διακόσιοι εικοσιτρείς

2:20  υιοί Γαβέρ εννενηκονταπέντε

2:21  υιοί Βεθλεέμ εκατόν εικοσιτρείς

2:22  υιοί Νετωφάθ πεντηκονταέξ

2:23  υιοί Αναθώθ εκατόν εικοσιοκτώ

2:24  υιοί Ασμώθ τεσσαρακονταδύο

2:25  υιοί Καριαθιαρίμ Χαφηρά και Βηρώθ επτακόσιοι τεσσαρακοντατρείς

2:26  υιοί της Ραμά και Γαβαά εξακόσιοι εικοσιείς

2:27  άνδρες Μαχμάς εκατόν εικοσιδύο

2:28  άνδρες Βαιθήλ και Αϊ διακόσιοι εικοσιτρείς

2:29  υιοί Ναβώ πεντηκονταδύο

2:30  υιοί Μαγβείς εκατόν πεντηκονταέξ

2:31  υιοί Ηλάμ ετέρου χίλιοι διακόσιοι πεντηκοντατέσσαρες

2:32  υιοί Ηράμ τριακόσιοι είκοσιν

2:33  υιοί Λοδ Αδίδ και Ωνώ επτακόσιοι εικοσιπέντε

2:34  υιοί Ιεριχώ τριακόσιοι τεσσαρακονταπέντε

2:35  υιοί Σεναά τρισχίλιοι εξακόσιοι τριάκοντα

2:36  και οι ιερείς υιοί Ιεδούα τω οίκω Ιησού εννακόσιοι εβδομηκοντατρείς

2:37  υιοί Εμμήρ χίλιοι πεντηκονταδύο

2:38  υιοί Φασούρ χίλιοι διακόσιοι τεσσαρακονταεπτά

2:39  υιοί Χαρίμ χίλιοι δεκαεπτά

2:40  και οι Λευίται υιοί Ιησού και Καδμιήλ τοις υιοίς Ωδουϊα εβδομηκοντατέσσαρες

2:41  οι άδοντες υιοί Ασάφ εκατόν εικοσιοκτώ

2:42  υιοί των πυλωρών υιοί Σελλούμ υιοί Ατήρ υιοί Τελμών υιοί Ακούβ υιοί Ατιτά υιοί Σωβαϊ οι πάντες εκατόν τριακονταεννέα

2:43  οι Ναθιναίοι υιοί Σουαά υιοί Ασουφάτ υιοί Ταβαώθ

2:44  υιοί Κορές υιοί Σιαά υιοί Φαδών

2:45  υιοί Βαλανά υιοί Αγαβά υιοί Ακούβ

2:46  υιοί Αγάβ υιοί Σελλαμί υιοί Αννάν

2:47  υιοί Γεδδήλ υιοί Γαήρ υιοί Ραϊα

2:48  υιοί Ρασών υιοί Νεκωδά υιοί Γαζάμ

2:49  υιοί Αζά υιοί Φασί υιοί Βασί

2:50  υιοί Ασενά υιοί Μοουνίμ υιοί Νεφουσείμ

2:51  υιοί Βαγβούκ υιοί Ακουφά υιοί Αρούρ

2:52  υιοί Βασαλώθ υιοί Μεϊδά υιοί Αρσά

2:53  υιοί Βαρκός υιοί Σισάρα υιοί Θαιμά

2:54  υιοί Νεσία υιοί Ατιφά

2:55  υιοί των δούλων Σολομών υιοί Σωταϊ υιοί Σεφηρά υιοί Φαρουδά

2:56  υιοί Ιελά υιοί Δερκών υιοί Γεδδήλ

2:57  υιοί Σαφατία υιοί Αττήλ υιοί Φαχεράθ υιοί Ασεβωείμ υιοί Ημεϊ

2:58  πάντες οι Ναθανίμ και υιοί δούλων Σολομώντος τριακόσιοι εννενηκονταδύο

2:59  και ούτοι οι αναβάντες από Θελμελέχ Θελαρησά Χερούβ Ηδάν Εμμήρ και ουκ ηδυνήθησαν του αναγγείλαι οίκον πατριάς αυτών και σπέρμα αυτών ει εξ Ισραήλ εισιν

2:60  υιοί Δαλαϊα υιοί Τωβίου υιόν Νεκωδά εξακόσιοι πεντηκονταδύο

2:61  και από των υιών των ιερέων υιοί Οβαϊα υιοί Ακκούς υιοί Βερζελλαϊ ος έλαβεν από των θυγατέρων Βερζελλαϊ του Γαλααδίτου γυναίκα και εκλήθη επί τω ονόματι αυτών

2:62  ούτοι ων εζήτησαν την γραφήν αυτών οι γενεαλογούντες και ουχ ευρέθησαν και εξώσθησαν από της ιερατείας

2:63  και είπεν Αθερσασθά αυτοίς του μη φαγείν από του αγίου των αγίων έως αναστή ιερεύς τοις φωτίζουσι και τοις τελείοις

2:64  πάσα δε η εκκλησία ομού ωσεί τέσσαρες μυριάδες δισχίλιοι τριακόσιοι εξήκοντα

2:65  χωρίς δούλων αυτών και παιδισκών αυτών ούτοι επτακισχίλιοι τριακόσιοι τριακονταεπτά και αυτοίς άδοντες και άδουσαι διακόσιοι

2:66  ίπποι αυτών επτακόσιοι τριακονταέξ ημίονοι αυτών διακόσιοι τεσσαρακονταπέντε

2:67  κάμηλοι αυτών τετρακόσιοι τριακονταπέντε όνοι αυτών εξακισχίλιοι επτακόσιοι είκοσι

2:68  και από των αρχόντων των πατριών εν τω εισελθείν αυτούς εις τον οίκον κυρίου τον εν Ιερουσαλήμ ηκουσιάσαντο εις οίκον του θεού του στήσαι αυτόν επί την ετοιμασίαν αυτού

2:69  ως η δύναμις αυτών έδωκαν εις θησαυρόν του έργου χρυσίου δραχμών εξ μυριάδες και χιλίας και αργυρίου μνας πεντακισχιλίας και χιτώνας των ιερέων εκατόν

2:70  και εκάθισαν οι ιερείς και οι Λευίται και οι από του λαού και οι άδοντες και οι πυλωροί και οι Ναθανίμ εν ταις πόλεσιν αυτών και πας Ισραήλ εν πόλεσιν αυτών

Chapter 3

3:1  και έφθασεν ο μην ο έβδομος και οι υιοί Ισραήλ εν πόλεσιν αυτών και συνήχθη ο λαός ως ανήρ εις εις Ιερουσαλήμ

3:2  και ανέστη Ιησούς ο του Ιωσεδέκ και οι αδελφοί αυτού οι ιερείς και Ζοροβαβέλ ο του Σαλαθιήλ και οι αδελφοί αυτού και ωκοδόμησαν το θυσιαστήριον του θεού Ισραήλ του ανενέγκαι επ΄ αυτό ολοκαυτώσεις καθώς γέγραπται εν νόμω Μωυσή ανθρώπου του θεού

3:3  και ητοίμασαν το θυσιαστήριον επί την ετοιμασίαν αυτού ότι εν καταπλήξει επ΄ αυτούς από των λαών των γαιών και ανεβίβασαν επ΄ αυτό ολοκαυτώσεις τω κυρίω τοπρωϊ και εις εσπέραν

3:4  και εποίησαν την εορτήν των σκηνών κατά το γεγραμμένον και ολοκαυτώσεις ημέραν εν ημέρα εν αριθμώ ως η κρίσις λόγον ημέρας εν ημέρα αυτού

3:5  και μετά τούτο την ολοκαύτωσιν του ενδελεχισμόυ και εις τας νουμηνίας και εις πάσας εορτάς τω κυρίω τας ηγιασμένας και παντί εκουσιαζομένω εκούσιον τω κυρίω

3:6  εν ημέρα μία του μηνός του εβδόμου ήρξαντο αναφέρειν ολοκαυτώσεις τω κυρίω και ο οίκος του κυρίου ουκ εθεμελιώθη

3:7  και έδωκαν αργύριον τοις λατόμοις και τοις τέκτοσι και βρώσιν και πόσιν και έλαιον τοις Σιδωνίοις και τοις Τυρίοις του εξενέγκαι ξύλα κέδρινα από του Λιβάνου προς θάλασσαν Ιόππης διά γνώμης Κύρου βασιλέως Περσών επ΄ αυτούς

3:8  και εν τω έτει τω δευτέρω του ελθείν αυτούς εις οίκον κυρίου του θεού τον εν Ιερουσαλήμ εν μηνί τω δευτέρω ήρξατο Ζοροβαβέλ ο του Σαλαθιήλ και Ιησούς ο του Ιωσεδέκ και οι κατάλοιποι των αδελφών αυτών οι ιερείς και οι Λευίται και πάντες οι ερχόμενοι από της αιχμαλωσίας εις Ιερουσαλήμ και έστησαν τους Λευίτας από εικοσαέτους και επάνω του νικοποιείν επί τους ποιούντας τα έργα εν οίκω κυρίου

3:9  και έστη Ιησούς και οι υιοί αυτού και οι αδελφοί αυτού Καδμιήλ και οι υιοί αυτού υιοί Ιούδα επί τους ποιούντας τα έργα εν οίκω του θεού υιοί Ηναδάδ υιοί αυτών και οι αδελφοί αυτών οι Λευίται

3:10  και εθεμελίωσαν οι οικοδομούντες του οικοδομήσαι τον οίκον κυρίου και έστησαν οι ιερείς εστολισμένοι εν σάλπιγξι και οι Λευίται υιοί Ασάφ εν κυμβάλοις του αινείν τον κύριον επί χείρας Δαυίδ βασιλέως Ισραήλ

3:11  και απεκρίθησαν εν αίνω και ανθομολογήσει τω κυρίω ότι αγαθόν ότι εις τον αιώνα το έλεος αυτού επί τον Ισραήλ και πας ο λαός ηλάλαξαν φωνή μεγάλη εν τω αινείν τω κυρίω επί τη θεμελιώσει του οίκου κυρίου

3:12  και πολλοί από των ιερέων και των Λευιτών και άρχοντες των πατριών οι πρεσβύτεροι οι είδον τον οίκον τον πρώτον εν θεμελιώσει αυτού και τούτον τον οίκον εν οφθαλμοίς αυτών έκλαιον φωνή μεγάλη και πολλοι εν αλαλαγμώ μετ΄ ευφροσύνης του υψώσαι φωνήν

3:13  και ουκ ην ο λαός επιγινώσκων την φωνήν της σημασίας της ευφροσύνης από της φωνής του κλαυθμού του λαού ότι ο λαός εκραύγασε φωνή μεγάλη και η φωνή ηκούετο έως από μακρόθεν

Chapter 4

4:1  και ήκουσαν οι θλίβοντες Ιούδα και Βενιαμίν ότι οι υιοί της αποικίας οικοδομούσιν οίκον τω κυρίω τω θεώ Ισραήλ

4:2  και ήγγισαν προς Ζοροβαβέλ και προς τους άρχοντας των πατριών και είπον αυτοίς οικοδομήσωμεν μεθ΄ υμών ότι ως υμείς εκζητούμεν τω θεώ υμών και αυτώ ημείς θυσιάζομεν από ημερών Ασαραδάν βασιλέως Ασσούρ του ενέγκαντος ημάς ώδε

4:3  και είπε προς αυτούς Ζοροβαβέλ και Ιησούς και οι κατάλοιποι των αρχόντων των πατριών του Ισραήλ ουχ ημίν και υμίν του οικοδομήσαι οίκον τω θεώ ημών ότι ημείς αυτοί επί το αυτό οικοδομήσομεν τω κυρίω θεώ Ισραήλ ως ενετείλατο ημίν Κύρος ο βασιλεύς Περσών

4:4  και ην ο λαός της γης εκλύων τας χείρας του λαού Ιούδα και ενεπόδιζον αυτούς του οικοδομείν

4:5  και μισθούμενοι επ΄ αυτούς συμβούλους του διασκεδάσαι την βουλήν αυτών πάσας τας ημέρας Κύρου βασιλέως Περσών και έως βασιλείας Δαρείου του βασιλέως Περσών

4:6  και εν τη βασιλεία Ασουήρου και εν αρχή βασιλείας αυτού έγραψεν επιστολήν επί οικούντας Ιούδαν και Ιερουσαλήμ

4:7  και εν ταις ημέραις Αρθασασθά έγραψεν εν ειρήνη Μιθραδάτης και Ταβεήλ συν τοις λοιποίς συνδούλοις αυτού προς Αρθασασθά βασιλέα Περσών έγραψεν ο φορολόγος την γραφήν Συριστί και ηρμηνευομένην

4:8  Ρεούμ βααλτάμ και Σαμψά ο γραμματεύς έγραψαν επιστολήν μίαν κατά Ιερουσαλήμ τω Αρθασασθά βασιλεί

4:9  τάδε έκρινε Ρεούμ βααλτάμ και Σαμψά ο γραμματεύς και οι κατάλοιποι σύνδουλοι ημών Δεινάιοι Αρφασαθαχαίοι Ταρφαλλαίοι Αφαρσαίοι Αρχυαίοι Βαβυλώνιοι Σουσαναχαίοι Δαυαίοι Ελαμίται

4:10  και οι κατάλοιποι των εθνών ων απώκισεν Ασσεναφάρ ο μέγας και ο τίμιος και κατώκισεν αυτούς εν πόλεσι της Σαμαρείας και το κατάλοιπον πέραν του ποταμού

4:11  αυτή η διαταγή της επιστολής ης απέστειλαν προς αυτόν προς Αρθασασθά βασιλέα οι παίδές σου άνδρες πέραν του ποταμού

4:12  και νυν γνωστόν έστω τω βασιλεί ότι οι Ιουδαίοι αναβάντες από σου προς ημάς ήλθον εις Ιερουσαλήμ την πόλιν αποστάτιν και πονηράν ην οικοδομούσι και τα τείχη αυτής κατηρτισμένα εισί και θεμελίους αυτής ανύψωσαν

4:13  νυν ουν γνωστόν έστω τω βασιλεί ότι εάν η πόλις εκείνη ανοικοδομηθή και τα τείχη αυτής καταρτισθώσι φόρων πράξιν και συντέλεσμα ου δώσουσι και τούτο βασιλείς κακοποιεί

4:14  και νυν ουκ καθώς άλας του ναού ηλισάμεθα και ασχημοσύνην βασιλέως ουκ έξεστιν ημίν ιδείν διά τούτο επέμψαμεν και εγνωρίσαμεν τω βασιλεί

4:15  ίνα επισκέψη εν βίβλω υπομνηματισμάτων των πατέρων σου και ευρήσεις εν τω βίβλω των μνημοσύνων και γνώση ότι η πόλις εκείνη πόλις αποστάτις και κακοποιούσα βασιλείς και χώρας και φυγαδείαι δούλων γίνονται εν μέσω αυτής από χρόνων αιώνος διά τούτο η πόλις αύτη ηρήμωται

4:16  γνωρίζομεν ουν ημείς τω βασιλεί ότι εάν η πόλις εκείνη οικοδομηθή και τα τείχη αυτής καταρτισθή προς ταύτα μέρος εν τω πέραν του ποταμού ουκ έσται σοι

4:17  τον λόγον ον απέστειλεν ο βασιλεύς προς Ρεούμ βααλτάμ και Σαμψά γραμματέα και τους καταλοίπους συνδούλους αυτών τους οικούντας εν Σαμαρεία και τους καταλοίπους πέραν του ποταμού ειρήνην και φησίν

4:18  ο φορολόγος ον απεστείλατε προς ημάς εκλήθη έμπροσθεν εμού

4:19  και παρ΄ εμού ετέθη γνώμη και επεσκέψαντο και ευρέθη ότι η πόλις εκείνη αφ΄ ημερών αιώνος επί βασιλείς επαίρεται και αποστάσεις και φυγάδες γίνονται εν αυτή

4:20  και βασιλείς ισχυροί εγένοντο επί της Ιερουσαλήμ επικρατούντες παντός του πέραν του ποταμού και φόροι πράξεις τε και συντελέσματα δίδονται αυτοίς

4:21  και νυν θέτε γνώμην καταργήσαι τους άνδρας εκείνους και η πόλις εκείνη ουκ οικοδομηθήσεται έτι

4:22  όπως από της γνώμης πεφυλαγμένοι ήτε άνεσιν ποιήσαι περί τούτου μή ποτε πληθυνθή αφανισμός εις κακοποίησιν βασιλεύσι

4:23  τότε ο φορολόγος του Αρθασασθά βασιλέως ανέγνω ενώπιον Ρεούμ βααλτάμ και Σαμψά γραμματέως και συνδούλων αυτού και επορεύθησαν σπουδή εις Ιερουσαλήμ και εν Ιούδα και κατήργησαν αυτούς εν ίπποις και δυνάμει

4:24  τότε ήργησε το έργον οίκου του θεού το εν Ιερουσαλήμ και ην αργούν έως δευτέρου έτους της βασιλείας Δαρείου βασιλέως Περσών

Chapter 5

5:1  και προεφήτευσεν Αγγαίος ο προφήτης και Ζαχαρίας ο του Αδδώ προφητείαν επί τους Ιουδαίους τους εν Ιούδα και εν Ιερουσαλήμ εν ονόματι θεού Ισραήλ επ΄ αυτούς

5:2  τότε ανέστησαν Ζοροβαβέλ ο του Σαλαθιήλ και Ιησούς υιός Ιωσεδέκ και ήρξαντο οικοδομήσαι τον οίκον του θεού τον εν Ιερουσαλήμ και μετ΄ αυτών οι προφήται του θεού βοηθούντες αυτοίς

5:3  εν αυτώ τω καιρώ ήλθεν επ΄ αυτούς Θαθθαναϊ έπαρχος πέραν του ποταμού και Σαθραβουζάνης και οι σύνδουλοι αυτών και τοιάδε είπεν αυτοίς τις έθηκεν υμίν γνώμην του οικοδομήσαι τον οίκον τούτον και την χορηγίαν ταύτην καταρτίσασθαι

5:4  τότε ταύτα είπον αυτοίς τίνα εστί τα ονόματα των ανδρών των οικοδομούντων την πόλιν ταύτην

5:5  και οι οφθαλμοί του θεού εγένοντο επί την αιχμαλωσίαν Ιούδα και ου κατήργησαν αυτούς έως γνώμη τω Δαρείω απηνέχθη και τότε δίδωσι τω φορολόγω περί τούτου

5:6  διασάφησις επιστολής ης απέστειλε Θαθθαναϊ ο έπαρχος του πέραν του ποταμού και Σαθραβουζάνης και οι σύνδουλοι αυτών Αφασατχαίοι οι εν τω πέραν του ποταμού Δαρείω τω βασιλεί

5:7  ρήμασιν απέστειλαν προς αυτόν και τάδε γέγραπται εν αυτώ Δαρείω τω βασιλεί ειρήνη πάσα

5:8  γνωστόν έστω τω βασιλεί ότι επορεύθημεν εις την Ιουδαίαν χώραν εις οίκον του θεού του μεγαλου και αυτός οικοδομείται εν τοις λίθοις εκλεκτοίς και ξύλα εντίθεται εν τοις τοίχοις και το έργον εκείνο επιδέξιον γίνεται και ευοδούται εν ταις χερσίν αυτών

5:9  τότε ηρωτήσαμεν τους πρεσβυτέρους εκείνους και ούτως είπαμεν αυτοίς τις έθηκεν υμίν γνώμην τον οίκον τούτον οικοδομήσαι και την χορηγίαν ταύτην καταρτίσασθαι

5:10  και τα ονόματα αυτών ηρωτήσαμεν αυτούς του γνωρίσαι σοι ώστε γράψαι σοι τα ονόματα των ανδρών των αρχόντων αυτών

5:11  και τοιούτο ρήμα απεκρίθησαν ημίν λέγοντες ημείς εσμέν δούλοι του θεού του ουρανού και της γης και οικοδομούμεν τον οίκον ος ην ωκοδομημένος προ τούτου έτη πολλά και βασιλεύς του Ισραήλ μέγας ωκοδόμησεν αυτόν και κατηρτίσατο αυτόν αυτοίς

5:12  αφ΄ ότε δε παρώργισαν οι πατέρες ημών τον θεόν του ουρανού έδωκεν αυτούς εις χείρας Ναβουχοδονόσορ βασιλέως Βαβυλώνος του Χαλδαίου και τον οίκον τούτον κατέλυσε και τον λαόν απώκισεν εις Βαβυλώνα

5:13  αλλ΄ εν έτει τω πρώτω Κύρου του βασιλέως των Βαβυλωνίων Κύρος ο βασιλεύς έθετο γνώμην τον οίκον του θεού τούτον οικοδομηθήναι

5:14  και τα σκεύη του οίκου του θεού τα χρυσά και αργυρά α Ναβουχοδονόσορ εξήνεγκεν από του οίκου του εν Ιερουσαλήμ και απήνεγκεν αυτά εις τον ναόν του βασιλέως τον εν Βαβιλώνι εξήνεγκεν αυτά Κύρος ο βασιλεύς από του ναού του εν Βαβιλώνι και έδωκεν αυτά τω Σασαβασάρ τω θησαυροφύλακι τω επί του θησαυρού

5:15  και είπεν αυτώ ταύτα τα σκεύη λάβε και πορεύου θες αυτά εν τω οίκω τω εν Ιερουσαλήμ και ο οίκος του θεού οικοδομηθήτω εις τον αυτού τόπον

5:16  τότε Σασαβασάρ εκείνος ήλθε και έδωκε τους θεμελίους του οίκου του θεού του εν Ιερουσαλήμ και από τότε έως του νυν οικοδομείται και ουκ ετελέσθη

5:17  και νυν ει επί τον βασιλέα αγαθόν επισκοπείτω εν τω οίκω της γάζης του βασιλέως εκεί εν Βαβυλώνι όπως γνως ότι από του βασιλέως Κύρου ετέθη γνώμη οικοδομήσαι τον οίκον του θεού εκείνον τον εν Ιερουσαλήμ και γνους ο βασιλεύς περί τούτου πεμψάτω προς ημάς

Chapter 6

6:1  τότε Δαρείος ο βασιλεύς έθηκε γνώμην και επεσκέψατο εν ταις βιβλιοθήκαις ου αι γάζαι έκειντο εκεί εν Βαβυλώνι

6:2  και ευρέθη εν Αμαθά πόλει εν τη βάρει της Μήδων πόλεως κεφαλίς μία και τούτο ην γεγραμμένον εν αυτή το υπόμνημα

6:3  εν έτει πρώτω Κύρου βασιλέως Κύρος ο βασιλεύς έθηκε γνώμην περί οίκου του θεού του εν Ιερουσαλήμ ο οίκος οικοδομηθήτω και τόπος ου θυσιάζουσι τα θυσιάσματα και τα θεμέλια τεθήτω ύψος πήχεις εξήκοντα πλάτος αυτού πηχεών εξήκοντα

6:4  και δόμοι λίθινοι κραταιοί τρεις και δόμον ξύλων καινών ένα και η δαπάνη εξ οίκου του βασιλέως δοθήσεται

6:5  και τα σκεύη οίκου του θεού τα χρυσά και τα αργυρά α Ναβουχοδονόσορ εξήνεγκεν από του οίκου του εν Ιερουσαλήμ και εκόμισεν εις Βαβυλώνα και δοθήτω και απελθέτω εις τον ναόν τον εν Ιερουσαλήμ επί τόπου αυτών και τεθήτω εν οίκω του θεού

6:6  νυν ουν Θαθαναίε στρατηγέ του πέραν του ποταμού Σαθραβουζάνης και οι σύνδουλοι αυτού Αφαρσαχαίοι οι εν τω πέραν του ποταμού μακράν όντες εκείθεν

6:7  και νυν άφετε το έργον οίκου του θεού οι αφηγούμενοι των Ιουδαίων και οι πρεσβύτεροι των Ιουδαίων οίκον του θεού εκείνον οικοδομησάτωσαν επί του τόπου αυτού

6:8  και δι΄ εμού ετέθη δόγμα του ποιήσαι διά των πρεσβυτέρων των Ιουδαίων εκείνων του οικοδομηθήναι οίκον του θεού εκείνον και από των υπαρχόντων του βασιλέως των φόρων πέραν του ποταμού επιμελώς δαπάνη έστω διδομένη τοις ανδράσιν εκείνοις του μη καταργηθήναι

6:9  και ο αν υστέρημα και υιούς βοών και κριών και αμνούς εις ολοκαυτώσεις τω θεώ του ουρανού πυρούς άλας οίνον έλαιον κατά το ρήμα των ιερέων των εν Ιερουσαλήμ έστω διδόμενον αυτοίς ημέραν εν ημέρα απαραλλάκτως ο αν αιτήσωσιν

6:10  ίνα ώσιν ευωδίας προσφέροντες τω θεώ του ουρανού και προσεύχωνται εις ζωήν του βασιλέως και των υιών αυτού

6:11  και απ΄ μου ετέθη γνώμη ότι πας άνθρωπος ος αν αλλάξει το ρήμα τούτο καθαιρεθήσεται ξύλον εκ της οικίας αυτού και ωρθώμενος παγήσεται επ΄ αυτού και ο οίκος αυτού έσται εις διαρπαγήν

6:12  και ο θεός ου κατασκηνοί το όνομα εκεί καταστρέψει πάντα βασιλέα και λαόν ος εκτείνη την χείρα αυτού αλλάξαι και αφανίσαι τον οίκον του θεού εκείνον τον εν Ιερουσαλήμ εγώ Δαρείος έθηκα γνώμην επιμελώς γινέσθω

6:13  τότε Θαθανναϊ ο έπαρχος πέραν του ποταμού και Σαθραβουζάνης και οι σύνδουλοι αυτού καθότι απέστειλε Δαρείος ο βασιλεύς ούτως εποίησαν επιμελώς

6:14  και οι πρεσβύτεροι των Ιουδαίων ωκοδόμουν και κατεύθυνον εν προφητεία Αγγαίου του προφήτου και Ζαχαρίου υιόυ Αδδώ και ανωκοδόμησαν και κατηρτίσαντο από γνώμης θεού Ισραήλ και από γνώμης Κύρου και Δαρείου και Αρθασασθά βασιλέων Περσών

6:15  και ετέλεσαν τον οίκον τούτον έως ημέρας τρίτης μηνός Αδάρ ο εστιν έτος έκτον της βασιλείας Δαρείου του βασιλέως

6:16  και εποίησαν οι υιοί Ισραήλ οι ιερείς και οι Λευίται και οι κατάλοιποι υιών αποικεσίας εγκαίνια του οίκου του θεού μετ΄ ευφροσύνης

6:17  και προσήνεγκαν εις τα εγκαίνια του οίκου του θεού τούτου μόσχους εκατόν κριούς διακοσίους αμνούς τετρακοσίους χιμάρους αιγών περί αμαρτίας υπέρ παντός Ισραήλ δώδεκα εις αριθμόν φυλών Ισραήλ

6:18  και έστησαν τους ιερείς εν διαιρέσεσιν αυτών και τους Λευίτας εν μερισμοίς αυτών επί δουλείας οίκου του θεού του εν Ιερουσαλήμ κατά την γραφήν βίβλου Μωυσή

6:19  και εποίησαν οι υιοί της αποικεσίας το πάσχα τη τεσσαρεσκαιδεκάτη του μηνός του πρώτου

6:20  ότι εκαθαρίσθησαν οι ιερείς και οι Λευίται ως εις πάντες καθαροί και έσφαξαν το πάσχα τοις πάσιν υιοίς της αποικεσίας και τοις αδελφοίς αυτών τοις ιερεύσι και εαυτοίς

6:21  και έφαγον οι υιοί Ισραήλ το πάσχα οι εξελθόντες από της αποικεσίας και πας ο χωριζόμενος της ακαθαρσίας εθνών της γης προς αυτούς του εκζητήσαι κύριον θεόν Ισραήλ

6:22  και εποίησαν την εορτήν των αζύμων επτά ημέρας μετ΄ ευφροσύνης ότι εύφρανεν αυτούς κύριος και απέστρεψε καρδίαν βασιλέως Ασσούρ επ΄ αυτούς κραταιώσαι τας χείρας αυτών εν έργοις οίκου του θεού Ισραήλ

Chapter 7

7:1  και μετά τα ρήματα ταύτα εν τη βασιλεία Αρθασασθά βασιλέως Περσών ανέβη Έσδρας υιός Σαραϊου υιόυ Αζαρίου υιόυ Χελκίου

7:2  υιόυ Σελλούμ υιόυ Σαδώκ υιόυ Αχιτώβ

7:3  υιόυ Αμαρίου υιόυ Αζαρίου υιόυ Μαριώθ

7:4  υιόυ Ζαραϊου υιόυ Οζί υιόυ Βοκκί

7:5  υιόυ Αβισουέ υιόυ Φινεές υιόυ Ελεάζαρ υιόυ Ααρών του ιερέως του πρώτου

7:6  αυτός Έσδρας ανέβη εκ Βαβυλώνος και αυτός γραμματεύς ταχύς εν νόμω Μωυσή ον έδωκε κύριος ο θεός Ισραήλ και έδωκεν αυτώ ο βασιλεύς ότι χειρ κυρίου θεού αυτού επ΄ αυτόν εν πάσιν οις εζήτει αυτός

7:7  και ανέβησαν από των υιών Ισραήλ και από των ιερέων και από των Λευιτών και οι άδοντες και οι πυλωροί και οι Ναθιναίοι εις Ιερουσαλήμ εν έτει εβδόμω τω Αρθασασθά τω βασιλεί

7:8  και ήλθον εις Ιερουσαλήμ τω μηνί τω πέμπτω τούτο το έτος έβδομον τω βασιλεί

7:9  ότι εν μία του μηνός του πρώτου αυτός εθεμελίωσε την ανάβασιν την από Βαβυλώνος εν δε τη πρώτη του μηνός του πέμπτου ήλθεν εις Ιερουσαλήμ ότι χειρ θεού αυτού ην αγαθή επ΄ αυτόν

7:10  ότι Έσδρας ετοίμασε την καρδίαν αυτού ζητήσαι τον νόμον του κυρίου και ποιείν και διδάσκειν εν Ισραήλ προστάγματα και κρίματα

7:11  και τούτο το αντίγραφον του διατάγματος ου έδωκεν Αρθασασθά ο βασιλεύς Έσδρα τω ιερεί τω γραμματεί βιβλίου λόγων εντολών κυρίου και προσταγμάτων αυτού επί τον Ισραήλ

7:12  Αρθασασθά βασιλεύς βασιλέων Έσδρα τω ιερεί γραμματεί νόμου του θεού του ουρανού τετέλεσται λόγος και η απόκρισις

7:13  απ΄ εμού ετέθη γνώμη ότι πας ο εκουσιαζόμενος εν βασιλεία μου από λαού Ισραήλ και ιερέων και Λευιτών πορευθήναι εις Ιερουσαλήμ μετά σου πορευθήτω

7:14  καθ ότι από προσώπου του βασιλέως και των επτά συμβούλων αυτού απεστάλης σκέψασθαι επί την Ιουδαίαν και Ιερουσαλήμ και εν νόμω θεού αυτών εν χειρί σου

7:15  απενεγκείν και εις τον οίκον κυρίου αργύριον και χρυσίον ο ο βασιλεύς και οι σύμβουλοι εκουσιάσθησαν τω θεώ του Ισραήλ τω εν Ιερουσαλήμ κατοικούντι

7:16  και παν αργύριον και χρυσίον οτι αν εύρης εν πάση χώρα Βαβυλώνος μετά εκουσιασμού του λαού και ιερέων των εκουσιαζομένων εις οίκον θεού τον εν Ιερουσαλήμ

7:17  και πάντα προσπορευόμενον τούτον ετοίμως ένταξον εν βιβλίω τούτω μόσχους κριούς αμνούς και θυσίας αυτών και σπονδάς αυτών και προσοίσεις αυτά επί του θυσιαστηρίου του οίκου του θεού υμών του εν Ιερουσαλήμ

7:18  και ει τι επί σε και τους αδελφούς σου αγαθυνθή εν καταλοίπω του αργυρίου και χρυσίου ποιήσαι ως αρεστόν τω θεώ υμών ποιήσατε

7:19  και τα σκεύη τα διδόμενά σοι εις λειτουργίαν οίκου θεού παράδος ενώπιον θεού εν Ιερουσαλήμ

7:20  και το κατάλοιπον χρείας οίκου θεού σου ο αν φανή σοι δούναι δώσεις από οίκων γάζης βασιλέως

7:21  εγώ Αρθασασθά βασιλεύς έθηκα γνώμην πάσαις ταις γάζαις ταις εν πέραν του ποταμού ότι παν ο αν αιτήση υμάς Έσδρας ο ιερεύς και γραμματεύς του νόμου του θεού του ουρανού ετοίμως γινέσθω

7:22  έως αργυρίου ταλάντων εκατόν και έως πυρού κόρων εκατόν και έως οίνου βατών εκατόν και έως ελαίου βατών εκατόν και άλας ου ουκ έστι γραφή

7:23  παν ο εστιν εν γνώμη του θεού του ουρανού γινέσθω εν τω οίκω του θεού του ουρανού προσέχετε μη τις επιχειρήση εις τον οίκον του θεού του ουρανού μήποτε γένηται οργή επί την βασιλείαν του βασιλέως και των υιών αυτού

7:24  και υμίν εγνώρισται εν πάσι τοις ιερεύσι και τοις Λευίταις άδουσι πυλωροίς Ναθινίμ και λειτουργοίς οίκου θεού τούτο τον φόρον και πράξιν και αποφοράν ουκ έχειν υμάς εξουσίαν επιβαλείν επ΄ αυτούς

7:25  και συ Έσδρα κατά την σοφίαν του θεού την εν χειρί σου κατάστησον γραμματείς και κριτάς ίνα ώσι κρίνοντες παντί τω λαώ τω εν πέραν του ποταμού πάσι τοις ειδόσι τα νόμημα του θεού σου και τω μη ειδότι γνωριείτε

7:26  και πας ος αν μη η ποιών τον νόμον του θεού και τον νόμον του βασιλέως επιμελώς το κρίμα έσται γινόμενον εξ αυτού εάν τε εις θάνατον εάν τε η εκριζώσαι αυτόν η παιδεύσαι η ζημιώσαι τα υπάρχοντα η εις φυλακήν εγκλείσαι

7:27  ευλογητός κύριος ο θεός των πατέρων ημών ος έδωκεν εν καρδία του βασιλέως ούτως του δοξάσαι τον οίκον κυρίου τον εν Ιερουσαλήμ

7:28  και επ΄ εμέ έκλινεν έλεος εν οφθαλμοίς του βασιλέως και των συμβούλων αυτού και πάντων των αρχόντων του βασιλέως των δυνατών και εγώ εκραταιώθην εν τη χειρί κυρίου θεού μου τη αγαθή επ΄ εμέ και συνήξα από Ισραήλ άρχοντας του αναβήναι μετ΄ εμού

Chapter 8

8:1  και ούτοι οι άρχοντες πατριών αυτών και η γενεαλογία των αναβάντων μετ΄ εμού εν τη βασιλεία Αρθασασθά του βασιλέως Βαβυλώνος

8:2  από των υιών Φινεές Γηρσώμ από υιών Ιθάμαρ Δανιήλ από υιών Δαυίδ Αττούς

8:3  από υιών Σαχανϊα από υιών Φόρος Ζαχαρίας και μετ΄ αυτού εγενεαλογήθησαν οι άρσενες εκατόν και πεντήκοντα

8:4  από υιών Φαάθ-Μωάβ Ελιαναϊ υιός Σαραϊα και μετ΄ αυτού διακόσιοι τα αρσενικά

8:5  από υιών Σεχενίου υιός Αζιήλ και μετ΄ αυτού τριακόσια τα αρσενικά

8:6  από των υιών Αδίν Ωβήδ υιός Ιωνάθαν και μετ΄ αυτού πεντήκοντα τα αρσενικά

8:7  από των υιών Ηλάν Ισαϊας υιός Αθελία και μετ΄ αυτού εβδομήκοντα τα αρσενικά

8:8  από των υιών Σαφατία Σαβδίας υιός Μιχαήλ και μετ΄ αυτού ογδοήκοντα τα αρσενικά

8:9  από των υιών Ιωάβ Αβδίας υιός Ιεϊήλ και μετ΄ αυτού διακόσιοι δεκαοκτώ τα αρσενικά

8:10  από των υιών Σελιμούθ υιός Ιωσεφία και μετ΄ αυτού εκατόν εξήκοντα τα αρσενικά

8:11  από των υιών Βαβί Ζαχαρίας υιός Βεβί και μετ΄ αυτού εικοσιοκτώ τα αρσενικά

8:12  από των υιών Ασγάδ Ιωανάν υιός Ακατάν και μετ΄ αυτού εκατόν δέκα τα αρσενικά

8:13  από των υιών Αδωνικάμ έσχατοι και ταύτα τα ονόματα αυτών Ελιφαλάτ Ιεϊήλ και Σαμαϊα και μετ΄ αυτών εξήκοντα τα αρσενικά

8:14  από των υιών Βαγουέ Ουθαϊ και Ζαβούδ και μετ΄ αυτών εβδομήκοντα τα αρσενικά

8:15  και συνήξα αυτούς προς τον ποταμόν τον ερχόμενον προς το Ευϊ και παρενεβάλομεν εκεί ημέρας τρεις και συνήκα εν τω λαώ και εν τοις ιερεύσι και από υιών Λευί ουχ εύρον εκεί

8:16  και απέστειλα τω Ελεάζαρ τω Αριήλ τω Σεμεϊα και τω Ελινάθαν και τω Ιαρήβ τω Ελναθάν τω Νάθαν τω Ζαχαρία τω Μεσολάμ άρχοντας τω Ιωαρείβ και τω Ελναθάν συνιέντας

8:17  και ενετειλάμην αυτοίς προς Αδαϊ τον άρχοντα εκ Κασφίε του τόπου και έθηκα εν στόματι αυτών λόγους λαλήσαι προς Αδδαεί και προς τους αδελφούς αυτών των Ναθινίμ τους εν αργυρίω του τόπου Κασφίε του ενέγκαι ημίν λειτουργούς και άδοντας εις οίκον θεού ημών

8:18  και ήλθον ημίν ως η χειρ του θεού ημών η αγαθή εφ΄ ημάς ανήρ συνετός από υιών Μοολεί του Λευί του Ισραήλ και Σαρουϊα και οι υιοί αυτού και αδελφοί αυτού δεκαοκτώ

8:19  και τον Ασεβία και τον Ισαϊα από των υιών Μεραρί αδελφοί αυτού και υιοί αυτού είκοσι

8:20  και από των Ναθινίμ ων έδωκε Δαυίδ και οι άρχοντες εις δουλείαν των Λευιτών Ναθινίμ διακόσιοι είκοσι πάντες ούτοι ωνομάσθησαν

8:21  και εκάλεσα εκεί νηστείαν επί τον ποταμόν Αθουέ του ταπεινωθήναι ενώπιον του θεού ημών ζητήσαι παρ΄ αυτού οδόν ευθείαν ημίν και τοις τέκνοις ημών και πάση τη κτήσει ημών

8:22  ότι ησχύνθην αιτήσασθαι παρά του βασιλέως δύναμιν και ιππείς σώσαι ημάς από εχθρού εν τη οδώ ότι είπαμεν τω βασιλεί λέγοντες χειρ του θεού ημών επί πάντας τους ζητούντας αυτόν εις αγαθόν και κράτος αυτού και θυμός αυτού επί πάντας τους εγκαταλείποντας αυτόν

8:23  και ενηστεύσαμεν και εζητήσαμεν παρά του θεού ημών περί τούτου και επήκουσεν ημών

8:24  και διέστειλα από αρχόντων των ιερέων δώδεκα τω Σαραϊα τω Ασαβία και μετ΄ αυτών από αδελφών αυτών δέκα

8:25  και έστησα αυτοίς το αργύριον και το χρυσίον και τα σκεύη της απαρχής οίκου θεού ημών α αφώρισεν ο βασιλεύς και οι σύμβουλοι αυτού και οι άρχοντες αυτού και πας Ισραήλ οι ευρισκόμενοι

8:26  και έστησα επί χείρας αυτών αργυρίου τάλαντα εξακόσια πεντήκοντα και σκεύη αργυρά εκατόν και τάλαντα χρυσίου εκατόν

8:27  και χαφουρή χρυσούς είκοσι δραχμών χιλίων και σκεύη χαλκού στίλβοντος αγαθού διάφορα επιθυμητά ως χρυσίον

8:28  και είπα προς αυτούς υμείς άγιοι κυρίω τω θεώ και τα σκεύη άγια και το αργύριον και το χρυσίον εκούσια τω κυρίω θεώ των πατέρων ημών

8:29  αγρυπνείτε και τηρείτε έως στήτε ενώπιον των αρχόντων των ιερέων και των Λευιτών και αρχόντων των πατριών του Ισραήλ εν Ιερουσαλήμ εις παστοφόρια οίκου κυρίου

8:30  και εδέξαντο οι ιερείς και οι Λευίται τον σταθμόν του αργυρίου και του χρυσίου και των σκευών του ενεγκείν εις Ιερουσαλήμ εις οίκον του θεού ημών

8:31  και εξήραμεν από του ποταμού του Αχουά εν τη δωδεκάτη του μηνός του πρώτου του ελθείν εις Ιερουσαλήμ και χειρ θεού ημών ην εφ΄ ημίν και ερρύσατο ημάς εκ χειρός εχθρού και πολεμίου εν τη οδώ

8:32  και ήλθομεν εις Ιερουσαλήμ και εκαθίσαμεν εκεί ημέρας τρεις

8:33  και τη ημέρα τη τετάρτη εστήσαμεν το αργύριον και το χρυσίον και τα σκεύη εν οίκω του θεού ημών επί χείρα Μαριμώθ υιόυ Ουρία του ιερέως και μετ΄ αυτού Ελεάζαρ υιός Φινεές και μετ΄ αυτών Ιωσαβάδ υιός Ιησού και Νωαδία υιός Βαανία οι Λευίται

8:34  εν αριθμώ και εν σταθμώ τα πάντα και εγράφη πας ο σταθμός εν τω καιρώ εκείνω

8:35  οι ελθόντες από της αιχμαλωσίας υιοί της παροικίας προσήνεγκαν ολοκαυτώσεις τω θεώ Ισραήλ μόσχους δώδεκα περί παντός Ισραήλ κριούς εννενηκονταέξ αμνούς εβδομηκονταεπτά χιμάρους περί αμαρτίας δώδεκα τα πάντα ολοκαυτώματα τω κυρίω

8:36  και έδωκαν το νόμισμα του βασιλέως τοις διοικηταίς του βασιλέως και επάρχοις πέραν του ποταμού και εδόξασαν τον λαόν και τον οίκον του θεού

Chapter 9

9:1  και ως ετελέσθη ταύτα ήγγισαν προς με οι άρχοντες λέγοντες ουκ εχωρίσθησαν ο λαός Ισραήλ και οι ιερείς και οι Λευίται από λαών των γαιών εν τοις βδελύγμασιν αυτών του Χαναναίου ο Εθθί ο Φερεζί ο Ιεβουσί ο Αμμωνί ο Μωαβί και ο Μοσρί και ο Αμορί

9:2  ότι έλαβον από θυγατέρων αυτών εαυτοίς και τοις υιοίς αυτών και συνεμίγη σπέρμα το άγιον εν λαοίς των γαιών και χειρ των αρχόντων και των στρατηγών εν τη ασυνθεσία ταύτη εν αρχή

9:3  και ως ήκουσα τον λόγον τούτον διέρρηξα τα ιμάτιά μου και τον υποδύτην μου και επαλλόμην και έτιλλον τας τρίχας της κεφαλής μου και από του πώγωνός μου και εκαθήμην ηρεμάζων

9:4  και συνήχθησαν προς με πας ο έντρομος λόγον θεού Ισραήλ επί ασυνθεσία της αποικίας καγώ καθήμενος ηρέμαζων έως της θυσίας της εσπερινής

9:5  και εν θυσία τη εσπερινή ανέστην από της ταπεινώσεώς μου και εν τω διαρρήξαί με τα ιμάτιά μου και τον υποδύτην μου και κλίνω επί τα γόνατά μου και εκπετάζω τας χείράς μου προς κύριον τον θεόν μου

9:6  και είπα κύριε ησχύνθην και ενετράπην του υψώσαι θεέ μου το πρόσωπόν μου προς σε ότι αι ανομίαι ημών επληθύνθησαν υπέρ κεφαλής ημών και αι πλημμέλειαι ημών εμεγαλύνθησαν έως τον ουρανόν

9:7  από ημερών πατέρων ημών εσμέν εν πλημμελεία μεγάλη έως της ημέρας ταύτης και ταις ανομίαις ημών παρεδόθημεν ημείς και οι βασιλείς ημών και οι ιερείς ημών εν χειρί βασιλέων των εθνών εν ρομφαία και εν αιχμαλωσία και εν αρπαγή και εν αισχύνη προσώπου ημών ως η ημέρα αύτη

9:8  και νυν ως βραχύ επιεικεύσατο ημίν κύριος ο θεός ημών του καταλιπείν ημάς εις σωτηρίαν και δούναι ημίν στήριγμα εν τόπω αγιάσματος αυτού του φωτίσαι οφθαλμούς ημών και δούναι ζωοποίησιν μικράν εν τη δουλεία ημών

9:9  ότι δούλοι εσμέν και εν τη δουλεία ημών ουκ εγκατέλιπεν ημάς κύριος ο θεός ημών και έκλινεν εφ΄ ημάς έλεος ενώπιον βασιλέων Περσών του δούναι ημίν ζωοποίησιν του υψώσαι αυτούς τον οίκον του θεού ημών και αναστήσαι τα έρημα αυτής και του δούναι ημίν φραγμόν εν Ιούδα και Ιερουσαλήμ

9:10  και νυν τι είπωμεν ο θεός ημών μετά τούτο ότι εγκατελίπομεν τας εντολάς σου

9:11  ας έδωκας ημίν εν χειρί των δούλων σου των προφητών λέγων η γη εις ην εισπορεύεσθε εκεί κληρονομήσαι αυτήν γη μετακινουμένη εστίν εν μετακινήσει λαών των γαιών βδελύγμασιν αυτών ων έπλησαν αυτήν από στόματος επί στόμα εν ακαθαρσίαις αυτών

9:12  και νυν τας θυγατέρας υμών μη δότε τοις υιοίς αυτών και από των θυγατέρων αυτών μη λάβητε τοις υιοίς υμών και ουκ εκζητήσετε ειρήνην αυτών και αγαθόν αυτών έως αιώνος όπως ενισχύσητε και φάγητε τα αγαθά της γης και κληροδοτήσητε τοις υιοίς υμών έως αιώνος

9:13  και μετά παν το ερχόμενον εφ΄ ημάς εν ποιήμασιν ημών τοις πονηροίς και εν πλημμελεία ημών τη μεγάλη ότι συ ο θεός ημών εκούφισας ημών τας ανομίας και έδωκας ημίν σωτηρίαν

9:14  ότι επεστρέψαμεν διασκεδάσαι τας εντολάς σου και επιγαμβρεύσαι τοις λαοίς των γαιών τούτων μη παροξυνθής εν ημίν έως συντελείας του μη είναι εγκατάλειμμα και διασωζόμενον

9:15  κύριε ο θεός Ισραήλ δίκαιος συ ότι κατελείφθημεν διασωζόμενοι ως η ημέρα αύτη ιδού ημείς πάντας εναντίον σου εν πλημμελείαις ημών ότι ουκ έστι στήναι ενώπιόν σου επί τούτω

Chapter 10

10:1  και ως προσηύξατο Έσδρας και ως εξηγόρευσε κλαίων και προσπίπτων ενώπιον οίκου του θεού συνήχθησαν προς αυτόν από Ισραήλ εκκλησία πολλή σφόδρα άνδρες και γυναίκες και νεανίσκοι ότι κλαυθμώ μεγάλω έκλαυσεν ο λαός

10:2  και απεκρίθη Σεχενίας υιός Ιεϊήλ από υιών Ηλάμ και είπε τω Έσδρα ημείς ησυνθετήσαμεν τω θεώ ημών και εκαθίσαμεν γυναίκας αλλοτρίας από των λαών της γης και νυν εστιν ελπίς τω Ισραήλ επί τούτω

10:3  και νυν διαθώμεθα διαθήκην τω θεώ ημών εξαγαγείν πάσας τας γυναίκας και τα γεννώμενα εξ αυτών εν βουλή κυρίου και των τρεμόντων εν εντολαίς θεού ημών και ως ο νόμος γενηθήτω

10:4  ανάστηθι ότι επί σε το ρήμα και ημείς μετά σου κραταιού και ποίησον

10:5  και ανέστη Έσδρας και ώρκισε τους άρχοντας των ιερείς και Λευίτας και πάντα Ισραήλ του ποιήσαι κατά το ρήμα τούτο και ώμοσαν

10:6  και ανέστη Έσδρας από προσώπου οίκου του θεού και επορεύθη εις γαζοφυλάκιον Ιωανάν υιόυ Ελισούβ και ηυλίσθη εκεί άρτον ουκ έφαγεν και ύδωρ ουκ έπιεν ότι επένθει επί τη ασυνθεσία της αποικίας

10:7  και παρήνεγκαν φωνήν εν Ιούδα και εν Ιερουσαλήμ πάσι τοις υιοίς της αποικίας του συναθροισθήναι εις Ιερουσαλήμ

10:8  πας ος αν μη έλθη εις τρεις ημέρας ως αν η βουλή των αρχόντων και των πρεσβυτέρων αναθεματισθήσεται πάσα η ύπαρξις αυτού και αυτός διασταλήσεται από εκκλησίας της αποικίας

10:9  και συνήχθησαν πάντες άνδρες Ιούδα και Βενιαμίν εις Ιερουσαλήμ εις τας τρεις ημέρας ούτος ο μην ο έννατος εν τη εικάδι του μηνός εκάθισε πας ο λαός εν πλατεία οίκου του θεού εν τρόμω περί του ρήματος και από του χειμώνος

10:10  και ανέστη Έσδρας ο ιερεύς και είπε προς αυτούς υμείς ησυνθετήκατε και εκαθίσατε γυναίκας αλλοτρίας του προσθείναι επί πλημμέλειαν Ισραήλ

10:11  και νυν δότε αίνεσιν κυρίω τω θεώ των πατέρων ημών και ποιήσατε το αρεστόν ενώπιον αυτού και διαστάλητε από λαών της γης και από των γυναικών των αλλοτρίων

10:12  και απεκρίθησαν πάσα η εκκλησία φωνή μεγάλη και είπον κατά τους λόγους σου ους έφης ούτως ποιήσομεν

10:13  αλλά ο λαός πολύς και ο καιρός χειμερινός και ουκ έστι δύναμις στήναι έξω και το έργον ουκ εις ημέραν μίαν ουδέ δύο ότι επληθύναμεν του αδικήσαι εν τω ρήματι τούτω

10:14  στήτωσαν δη οι άρχοντες ημών τη πάση εκκλησία και πάσι τοις εν πόλεσιν ημών ος εκάθισε γυναίκας αλλοτρίας ελθέτωσαν εις καιρούς από συνταγών και μετ΄ αυτών οι πρεσβύτεροι πόλεως και πόλεως και κρίται του αποστρέψαι οργήν θυμού θεού ημών εξ ημών περί του ρήματος τούτου

10:15  πλην Ιωνάθαν υιός Ασαήλ και Ιαζίας υιός Θεκουέ μετ΄ εμού και Μεσολάμ και Σαβαθαϊ ο Λευίτης αντελαμβάνοντο αυτοίς

10:16  και εποίησαν ούτως οι υιοί της αποικίας και διεστάλησαν Έσδρας ο ιερεύς και άνδρες άρχοντες πατριών των οίκων και πάντες εν ονόμασιν ότι επέστρεψαν εν ημέρα μία του μηνός του δεκάτου εκζητήσαι το ρήμα

10:17  και ετέλεσαν εν πάσιν ανδράσιν οι εκάθισαν γυναίκες αλλοτρίας έως ημέρας μιάς του μηνός του πρώτου

10:18  και ευρέθησαν από υιών των ιερέων οι εκάθισαν γυναίκας αλλοτρίας από υιών Ιησού υιόυ Ιωσεδέκ και αδελφοί αυτού Μαασία και Ελιέζερ και Ιαρίβ και Γαδαλίας

10:19  και έδωκαν χείρα αυτών του εξενέγκαι γυναίκας εαυτών και πλημμελείας κριόν εκ προβάτων περί πλημμελήσεως αυτών

10:20  και από υιών Εμμήρ Ανανία και Ζαβδία

10:21  και από υιών Ηράμ Μαασία και Ελία και Σαμαρία και Ιεϊέλ και Οζίας

10:22  και από υιών Φασούρ Ελιωναϊ Μαασία Ισμαήλ και Ναθαναήλ και Ιωζαβάδ και Ηλασά

10:23  και από των Λευιτών Ιωσαβάδ και Σεμεεί και Κωλία αυτός Κωλίτας και Φεθεϊα και Ιούδας και Ελιέζερ

10:24  και από των αδόντων Ελιασάβ και από των πυλωρών Σολήν και Τελλήν και Ουρίας

10:25  και από Ισραήλ από υιών Φόρος Ραμία και Αζία και Μελχία και Μεϊμίν και Ελεάζαρ και Μελχίας και Βανέας

10:26  και από υιών Ηλάμ Ματθανίας και Ζαχαρίας και Ιαϊήλ και Αβδίας και Ιεριμώθ και Ηλία

10:27  και από των υιών Ζαθούα Ελιωναϊ Ελισούβ Ματθαναϊ και Ιαρμώθ και Ζαβάδ και Οζιζά

10:28  και από των υιών Βαβί Ιανάν και Ανανί και Ζαβού και Θαλί

10:29  και από των υιών Βαανί Μοσσολάμ και Μαλούχ και Αδαϊας και Ιασούβ και Σαάλ και Ραμώθ

10:30  και από των υιών Φαάθ Μωάβ Εδνέ και Χαλήλ και Βαναϊ και Μαασίας και Ματθανίας και Βεσσελεήλ και Βανουϊ και Μανασσή

10:31  και από των υιών Ηράμ Ελιέζερ Ιεσεϊα Μελχίας Σαμαϊ Σεμεών

10:32  Βενιαμίν Μελούχ και Σαμαρί

10:33  και από των υιών Ασήμ Ματθαναϊ Ματθαθά Ζαβάδ Ελιφαλέτ Ιερεμί Μανασσής και Σεμεϊ

10:34  και από των υιών Βανί Μοοδίας Αμράμ και Ουήλ

10:35  Βαναϊ Βαδαϊας Χελίας

10:36  Ουανία Μαριμώθ Ελιασίβ

10:37  Ματθανίας και Ματθανί

10:38  και εποίησαν οι υιοί Βαουνί και οι υιοί Σεμεϊ

10:39  και Σελεμίας και Νάθαν και Αδαϊας

10:40  και Μαχναδά και Σαρουά και Σεσεϊ

10:41  Εζριήλ και Σελεμίας και Σαμαρίας

10:42  και Σελλουμ και Αμαρίας και Ιωσήφ

10:43  από υιών Ναβού Ιεϊήλ Ματθαθίας Ζαβάδ Ζεβεννά Ιαδαϊ Ιωήλ και Βαναϊας

10:44  πάντες ούτοι έλαβον γυναίκας αλλοτρίας και εισί δε εξ αυτών των γυναικών αι εγέννησαν εξ αυτών υιούς