TpiKJPB - Ezra

Chapter 1

1:1  ¶ Nau long namba wan yia bilong Sairas, king bilong Persia, inap long God i ken inapim tok bilong BIKPELA long maus bilong Jeremaia, BIKPELA i kirapim spirit bilong Sairas, king bilong Persia, inap long em i wokim wanpela autim toksave i go long olgeta hap bilong kingdom bilong em, na putim dispela tu long rait, i spik,

1:2  Sairas, king bilong Persia, i tok olsem, God BIKPELA bilong heven i bin givim mi olgeta kingdom bilong dispela graun. Na Em bin givim wok long mi long wokim wanpela haus bilong Em long Jerusalem, dispela i stap long Juda.

1:3  Husat i stap namel long yupela bilong olgeta lain manmeri bilong Em? God bilong em i ken stap wantaim em, na larim em i go antap long Jerusalem, dispela i stap long Juda, na wokim haus bilong God BIKPELA bilong Isrel, (Em i God tru,) dispela i stap long Jerusalem.

1:4  Na husat man i stap yet long wanem ples we em i stap waira, larim ol man bilong ples bilong em helpim em wantaim silva, na wantaim gol, na wantaim ol kago, na wantaim ol animal, dispela i no kaunim ol ofa long laik bilong bel bilong dispela haus bilong God i stap long Jerusalem.

1:5  ¶ Nau ol nambawan hetman bilong ol tumbuna papa bilong Juda na Benjamin i kirap, na ol pris, na ol lain Livai, wantaim olgeta husat God i bin kirapim spirit bilong ol, bilong i go antap bilong wokim dispela haus bilong BIKPELA i stap long Jerusalem.

1:6  Na olgeta husat i stap nabaut long ol i strongim ol han bilong ol wantaim ol sospen samting bilong silva, wantaim gol, wantaim ol kago, na wantaim ol animal, na wantaim ol samting i dia tumas, dispela i no kaunim olgeta samting ol i givim wantaim bel.

1:7  Na tu king Sairas i bringim i kam ausait ol sospen samting bilong haus bilong BIKPELA, dispela Nebukatnesar i bin bringim i kam ausait long Jerusalem, na i bin putim ol long haus bilong ol god bilong em.

1:8  Yes, ol dispela Sairas, king bilong Persia, i bin bringim i kam ausait long han bilong Mitredat, wasman bilong samting i dia tru, na kaunim ol i go long Sesbasar, hetman bilong Juda.

1:9  Na dispela em i namba bilong ol, 30 bikpela sospen bilong gol, 1,000 bikpela sospen bilong silva, 29 naip,

1:10  30 traipela dis bilong gol, ol traipela dis sospen silva bilong namba tu kain 410, na ol arapela sospen samting 1,000.

1:11  Olgeta sospen samting bilong gol na silva em i 5,400. Olgeta dispela Sesbasar i bin bringim antap wantaim ol lain bilong kalabus husat ol i bringim antap i lusim Babilon i go long Jerusalem.

Chapter 2

2:1  ¶ Nau ol dispela em ol pikinini bilong dispela provins husat i go antap ausait long kalabus, bilong ol husat ol i bin karim i go, husat Nebukatnesar, king bilong Babilon, i bin karim i go long Babilon. Na ol i kam gen long Jerusalem na Juda, olgeta wan wan i go long biktaun bilong em.

2:2  Ol husat i kam wantaim Serubabel em Jesua, Niemaia, Serea, Relea, Mordekai, Bilsan, Mispar, Bikvai, Rehum, Beana. Namba bilong ol man bilong ol manmeri bilong Isrel i olsem,

2:3  Ol pikinini bilong Paros, 2,172.

2:4  Ol pikinini bilong Sefataia, 372.

2:5  Ol pikinini bilong Ara, 775.

2:6  Ol pikinini bilong Pahat-moap, bilong ol pikinini bilong Jesua na Joap, 2,812.

2:7  Ol pikinini bilong Ilam, 1,254.

2:8  Ol pikinini bilong Satu, 945.

2:9  Ol pikinini bilong Sakai, 760.

2:10  Ol pikinini bilong Bani, 642.

2:11  Ol pikinini bilong Bebai, 623.

2:12  Ol pikinini bilong Asgat, 1,222.

2:13  Ol pikinini bilong Adonikam, 666 .

2:14  Ol pikinini bilong Bikvai, 2,056.

2:15  Ol pikinini bilong Adin, 454.

2:16  Ol pikinini bilong Ater bilong Hesekaia, 98.

2:17  Ol pikinini bilong Besai, 323.

2:18  Ol pikinini bilong Jora, 112.

2:19  Ol pikinini bilong Hasum, 223.

2:20  Ol pikinini bilong Gibar, 95.

2:21  Ol pikinini bilong Betlehem, 123.

2:22  Ol man bilong Netofa, 56.

2:23  Ol man bilong Anatot, 128.

2:24  Ol pikinini bilong Asmavet, 42.

2:25  Ol pikinini bilong Kiriat-arim, Kefira, na Berot, 743.

2:26  Ol pikinini bilong Rama na Gaba, 621.

2:27  Ol man bilong Mikmas, 122.

2:28  Ol man bilong Betel na Eai, 223.

2:29  Ol pikinini bilong Nibo, 52.

2:30  Ol pikinini bilong Makbis, 156.

2:31  Ol pikinini bilong arapela Ilam, 1,254.

2:32  Ol pikinini bilong Harim, 320.

2:33  Ol pikinini bilong Lot, Hadit na Ono, 725.

2:34  Ol pikinini bilong Jeriko, 345.

2:35  Ol pikinini bilong Senea, 3,630.

2:36  ¶ Ol pris i olsem, ol pikinini bilong Jedea, bilong hauslain bilong Jesua, 973.

2:37  Ol pikinini bilong Imer, 1,052.

2:38  Ol pikinini bilong Pasur, 1,247.

2:39  Ol pikinini bilong Harim, 1,017.

2:40  Ol lain Livai i olsem, ol pikinini bilong Jesua na Katmiel, bilong ol pikinini bilong Hodavaia, 74.

2:41  Ol lain bilong singim song i olsem, ol pikinini bilong Asap, 128.

2:42  Ol pikinini bilong ol wasman bilong dua i olsem, ol pikinini bilong Salum, ol pikinini bilong Ater, ol pikinini bilong Talmon, ol pikinini bilong Akup, ol pikinini bilong Hatita, ol pikinini bilong Sobai, i 139 olgeta.

2:43  Ol wokboi bilong tempel i olsem, ol pikinini bilong Siha, ol pikinini bilong Hasufa, ol pikinini bilong Tabeot,

2:44  Ol pikinini bilong Keros, ol pikinini bilong Siaha, ol pikinini bilong Padon,

2:45  Ol pikinini bilong Lebana, ol pikinini bilong Hagaba, ol pikinini bilong Akup,

2:46  Ol pikinini bilong Hagap, ol pikinini bilong Salmai, ol pikinini bilong Hanan,

2:47  Ol pikinini bilong Gidel, ol pikinini bilong Gahar, ol pikinini bilong Reea,

2:48  Ol pikinini bilong Resin, ol pikinini bilong Nekoda, ol pikinini bilong Gasam,

2:49  Ol pikinini bilong Usa, ol pikinini bilong Pasea, ol pikinini bilong Besai,

2:50  Ol pikinini bilong Asna, ol pikinini bilong Mehunim, ol pikinini bilong ol wokboi bilong tempel,

2:51  Ol pikinini bilong Bakbuk, ol pikinini bilong Hakufa, ol pikinini bilong Harhur,

2:52  Ol pikinini bilong Baslut, ol pikinini bilong Mehida, ol pikinini bilong Harsa,

2:53  Ol pikinini bilong Barkos, ol pikinini bilong Sisera, ol pikinini bilong Tama,

2:54  Ol pikinini bilong Nesaia, ol pikinini bilong Hatifa.

2:55  Ol pikinini bilong ol wokboi bilong Solomon i olsem, ol pikinini bilong Sotai, ol pikinini bilong Soferet, ol pikinini bilong Peruda,

2:56  Ol pikinini bilong Jeala, ol pikinini bilong Darkon, ol pikinini bilong Gidel,

2:57  Ol pikinini bilong Sefataia, ol pikinini bilong Hatil, ol pikinini bilong Pokeret bilong Sebaim, ol pikinini bilong Ami.

2:58  Olgeta wokboi bilong tempel, na ol pikinini bilong ol wokboi bilong Solomon, ol i 392.

2:59  Na dispela em i ol husat i go antap i lusim Tel-mela, Tel-harsa, Serup, Adan, na Imer, tasol ol i no inap long soim hauslain bilong tumbuna papa bilong ol, na long ol i tumbuna pikinini bilong husat, long ol i bilong Isrel o nogat.

2:60  Ol pikinini bilong Delea, ol pikinini bilong Tobaia, ol pikinini bilong Nekoda, 652.

2:61  Na ol pikinini bilong ol pris i olsem, ol pikinini bilong Habea, ol pikinini bilong Kos, ol pikinini bilong Basilai, husat i maritim wanpela meri bilong ol pikinini meri bilong man Gileat Basilai, na ol i kolim nem bilong em i bihainim nem bilong ol.

2:62  Ol dispela i painim stori bilong ol namel long ol husat ol i kaunim long lain tumbuna, tasol ol i no lukim ol. Olsem na ol i rausim ol, olsem samting i doti, long wok pris.

2:63  Na Tirsata i tokim ol, long ol i no ken kaikai long ol samting i holi moa olgeta, inap long i gat wanpela pris i sanap wantaim Yurim na wantaim Tumim.

2:64  ¶ Na olgeta bung bilong ol manmeri wantaim em i 42,360,

2:65  Dispela i no kaunim ol wokboi bilong ol na ol wokmeri bilong ol, bilong husat i stap 7,337. Na i gat i stap namel long ol 200 man bilong singim song na meri bilong singim song.

2:66  Ol hos bilong ol em i 736. Ol miul bilong ol, 245.

2:67  Ol kemel bilong ol, 435, ol donki bilong ol 6,720.

2:68  Na sampela bilong ol nambawan hetman bilong ol papa, taim ol i kam long dispela haus bilong BIKPELA i stap long Jerusalem, i givim ofa long laik bilong bel bilong helpim haus bilong God, bilong sanapim dispela long ples bilong en.

2:69  Ol i givim i bihainim strong bilong ol i go long samting i dia tru bilong dispela wok 61,000 dram gol, na 5,000 paun silva, na 100 klos bilong ol pris.

2:70  Olsem tasol ol pris, na ol lain Livai, na sampela bilong ol manmeri, na ol lain bilong singim song, na ol wasman bilong dua, na ol wokboi bilong tempel, i stap long ol biktaun bilong ol, na olgeta Isrel long ol biktaun bilong ol.

Chapter 3

3:1  ¶ Na taim namba seven mun i kamap, na ol pikinini bilong Isrel i stap long ol biktaun, ol manmeri i bungim ol yet wantaim olsem wanpela man i go long Jerusalem.

3:2  Nau Jesua, pikinini man bilong Josadak i sanap, na ol brata bilong em ol pris, na Serubabel, pikinini man bilong Sialtiel, na ol brata bilong em, na ol wokim alta bilong God bilong Isrel, long ofaim ol ofa i kuk olgeta antap long en, olsem rait i stap pinis long lo bilong Moses, man bilong God.

3:3  Na ol i putim alta antap long ol as samting bilong en. Long wanem, pret i stap antap long ol, bilong tingim ol manmeri bilong ol dispela kantri. Na ol i ofaim ol ofa i kuk olgeta antap long en i go long BIKPELA, yes, ol ofa i kuk olgeta moning na apinun.

3:4  Ol i holimpas tu bikpela kaikai bilong ol haus win, olsem rait i stap pinis, na ol i ofaim olgeta wan wan de ol ofa i kuk olgeta long namba, bilong bihainim kastam, olsem wok stret bilong olgeta wan wan de i strong long en.

3:5  Na bihain long en ol i ofaim ofa i kuk olgeta i stap oltaim, bilong ol nupela mun, na bilong olgeta bikpela kaikai ol i makim bilong BIKPELA, dispela ol i mekim holi pinis, na bilong olgeta wan wan husat i ofaim wantaim bel wanpela ofa long laik bilong bel i go long BIKPELA wantaim.

3:6  I stat long namba wan de bilong namba seven mun ol i stat long ofaim ol ofa i kuk olgeta i go long BIKPELA. Tasol ol as ston bilong tempel bilong BIKPELA ol i no slipim yet.

3:7  Ol i givim mani tu i go long ol man bilong wok wantaim ston, na long ol kamda, na kaikai, na dring, na wel, long ol bilong Saidon, na long ol bilong Tair, bilong bringim ol diwai sida i kam long Lebanon i go long biksi bilong Jopa, bilong bihainim dispela presen ol i bin kisim long Sairas, king bilong Persia.

3:8  ¶ Nau long namba tu yia long ol i kam long haus bilong God long Jerusalem, long namba tu mun, Serubabel, pikinini man bilong Sealtiel i stat, na Jesua, pikinini man bilong Josadak, na hap lain i stap yet bilong ol brata bilong ol ol pris, na ol lain Livai, na olgeta husat i kam pinis ausait long kalabus i kam long Jerusalem. Na ol i makim ol lain Livai, i stat long 20 krismas i go antap, bilong putim i go long fran wok bilong haus bilong BIKPELA.

3:9  Nau Jesua i sanap wantaim ol pikinini man bilong em na ol brata bilong em, Katmiel na ol pikinini man bilong em, ol pikinini man bilong Juda, wantaim, bilong putim i go long fran ol wokman bilong haus bilong God, ol pikinini man bilong Henadat, wantaim ol pikinini man bilong ol na ol brata bilong ol ol lain Livai.

3:10  Na taim ol man bilong wokim haus i slipim ol as ston bilong tempel bilong BIKPELA, ol i putim ol pris long ol naispela klos bilong ol wantaim ol biugel, na ol lain Livai, ol pikinini man bilong Asap, wantaim ol simbol, bilong litimapim nem bilong BIKPELA, i bihainim lo Devit, king bilong Isrel, i makim.

3:11  Na ol i singim song wantaim long taim bilong en long pasin bilong litimapim na givim tok tenkyu i go long BIKPELA. Bilong wanem, Em i gutpela, long wanem, sori bilong Em i stap inap long oltaim oltaim i go long Isrel. Na olgeta manmeri i singaut wantaim wanpela bikpela singaut, taim ol i litimapim nem bilong BIKPELA, bilong wanem, ol i slipim ol as ston bilong haus bilong BIKPELA.

3:12  Tasol planti bilong ol pris na ol lain Livai na ol nambawan hetman bilong ol papa, husat i stap ol lapun man tru, husat i bin lukim dispela namba wan haus, taim ol i slipim ol as ston bilong dispela haus long ai bilong ol ai bilong ol, ol i krai tru wantaim bikpela nek. Na planti i singaut strong wantaim amamas tru,

3:13  Inap olsem long ol manmeri i no inap klia tru long nois bilong singaut bilong amamas tru na nois bilong krai tru bilong ol manmeri. Long wanem, ol manmeri i singaut wantaim wanpela bikpela singaut, na dispela nois ol man i harim longwe tru.

Chapter 4

4:1  ¶ Nau taim ol birua bilong Juda na Benjamin i harim long ol pikinini bilong kalabus i wokim tempel i go long BIKPELA, God bilong Isrel,

4:2  Nau ol i kam long Serubabel, na long ol nambawan hetman bilong ol papa bilong ol, na tokim ol, Larim mipela wokim tempel wantaim yupela. Long wanem, mipela i painim God bilong yupela, olsem yupela i mekim. Na mipela i sakrifais i go long Em i stat long ol de bilong Esar-hadon, king bilong Asur, husat i bringim mipela antap long hia.

4:3  Tasol Serubabel, na Jesua, na olgeta arapela bilong ol nambawan hetman bilong ol papa bilong Isrel, i tokim ol, Yupela i no gat wanpela wok wantaim mipela bilong wokim wanpela haus i go long God bilong mipela. Tasol mipela yet wantaim bai wokim tempel i go long BIKPELA, God bilong Isrel, olsem king Sairas, king bilong Persia, i bin tok strong long mipela.

4:4  Nau ol manmeri bilong dispela hap i mekim ol han bilong ol manmeri bilong Juda i lusim strong, na givim wari long ol long wok,

4:5  Na baim ol man bilong givim tok helpim i birua long ol, bilong wok long pasim wok bilong ol, olgeta de bilong Sairas, king bilong Persia, yes, i go inap long taim bilong bosim kingdom bilong Darius, king bilong Persia.

4:6  ¶ Na long taim bilong bosim kingdom bilong Ahasuerus, long taim bilong stat bilong em bilong bosim kingdom, ol i raitim i go long em wanpela rait bilong sutim tok i birua long ol husat i stap long Juda na Jerusalem.

4:7  Na long ol de bilong Artaserksis Bislam, Mitredat, Tabel, na olgeta arapela bilong ol lain i save raun wantaim ol, i rait i go long Artaserksis, king bilong Persia. Na rait bilong dispela pas i stap long tok ples Siria, na ol i soim as mining long tok ples Siria.

4:8  Nambawan man bilong rait Rehum na man bilong rait Simsai i raitim wanpela pas i birua long Jerusalem i go long king Artaserksis i bihainim dispela kain.

4:9  Nau nambawan man bilong rait Rehum, na man bilong rait Simsai, na olgeta arapela lain i save raun wantaim ol, ol lain Dina, ol lain Afarsat, ol lain Tarpel, ol lain Afarsa, ol lain Arkeva, ol lain Babilon, ol lain Susan, ol lain Dehava, na ol lain Ilam,

4:10  Na olgeta arapela bilong ol kantri husat dispela bikpela bikman Asnapar i bringim hapsait, na putim long ol biktaun bilong Samaria, na olgeta arapela husat i stap long dispela sait bilong riva, na long kain taim olsem, i raitim pas.

4:11  Dispela em i kopi bilong dispela pas ol i salim long em, yes, i go long king Artaserksis. Ol wokboi bilong yu, ol man long dispela sait long riva, na long kain taim olsem.

4:12  Larim king i ken save long dispela, long ol Ju husat i lusim yu i kam antap long mipela long Jerusalem, i wokim dispela biktaun i bikhet na i nogut. Na ol i bin sanapim ol banis bilong en, na bungim ol as ston bilong en wantaim .

4:13  Larim king i ken save nau long dispela, long, sapos ol i wokim dispela biktaun, na ol banis i sanap gen, orait ol bai i no inap baim takis bilong kisim helpim, takis mani, na kastam mani, na olsem tasol yu bai bagarapim mani i save kam long ol king.

4:14  Nau bikos mipela save kisim mani bilong lukautim mipela i kam long haus king bilong king, na em i no fit long mipela long lukim samting i bagarapim ona bilong king, olsem na mipela i bin salim tok na strongim tok i go long king,

4:15  Inap long ol i ken wokim wanpela painim tru long buk bilong ol stori tru bilong ol tumbuna papa bilong yu. Olsem tasol bai yu lukim long buk bilong ol stori tru, na save long dispela biktaun em i wanpela bikhet biktaun, na i save bagarapim ol king na ol provins, na long ol i bin kirapim pasin bilong bikhet long gavman insait long em stret long taim bipo. Long dispela as tasol ol i bagarapim dispela biktaun olgeta.

4:16  Mipela strongim tok long king long, sapos ol i wokim dispela biktaun gen, na ol banis bilong en ol i sanapim, long dispela rot yu bai i no inap gat hap skel long dispela sait long riva.

4:17  ¶ Nau king i salim wanpela bekim i go long nambawan man bilong rait Rehum, na long man bilong rait Simsai, na long olgeta arapela bilong ol lain i save raun wantaim ol husat i stap long Samaria, na i go long olgeta arapela husat i stap hapsait long riva, Bel isi, na long kain taim olsem.

4:18  Dispela pas yupela i salim i kam long mipela ol i bin ritim klia long ai bilong mi.

4:19  Na mi tok strong, na ol i bin wokim wanpela painim tru, na ol i painim pinis long dispela biktaun long taim bipo i bin wokim bikpela kirap long birua long ol king, na long ol i bin mekim bikhet pasin na pasin bilong bikhet long gavman insait long en.

4:20  Ol i bin gat ol strongpela king tu long bosim Jerusalem, husat i bin bosim olgeta kantri hapsait long riva. Na takis bilong kisim helpim, takis mani, na kastam mani, ol man i baim i go long ol.

4:21  Yupela givim tok strong nau long mekim ol dispela man long lusim wok, na long ol i no ken wokim dispela biktaun, inap long taim mi bai givim narapela tok strong.

4:22  Was gut nau long yupela i no fel long mekim dispela. Bilong wanem bagarap i ken i go bikpela bilong bagarapim ol king?

4:23  Nau taim ol i ritim kopi bilong pas bilong king Artaserksis long ai bilong Rehum, na man bilong rait Simsai, na ol lain i save raun wantaim ol, ol i go antap hariap long Jerusalem i go long ol Ju, na mekim ol long lusim wok wantaim strong na pawa.

4:24  Nau ol i lusim wok long dispela haus bilong God i stap long Jerusalem. Olsem tasol wok i lus i go inap long namba tu yia bilong king Darius bilong Persia i bosim kingdom.

Chapter 5

5:1  ¶ Nau ol profet, profet Hagai, na Sekaraia, pikinini man bilong Ido, i autim tok profet i go long ol Ju husat i stap long Juda na Jerusalem long nem bilong God bilong Isrel, yes, i go long ol.

5:2  Nau Serubabel, pikinini man bilong Sealtiel, na Jesua, pikinini man bilong Josadak, i kirap na stat long wokim haus bilong God, dispela i stap long Jerusalem. Na wantaim ol em ol profet bilong God husat i helpim ol.

5:3  ¶ Long dispela taim stret Tatnai, nambawan gavman long dispela sait long riva, na Setar-bosnai, na ol lain i save raun wantaim ol i kam long ol, na tok olsem long ol, Husat i bin tok strong long yupela long wokim dispela haus, na bilong stretim dispela banis?

5:4  Nau mipela tokim ol i bihainim dispela pasin, Wanem em i ol nem bilong ol dispela man husat i wokim dispela haus?

5:5  Tasol ai bilong God bilong ol i stap antap long ol lapun hetman bilong ol Ju, inap long ol i no inap long mekim ol long lusim wok, inap long dispela samting i kam long Darius. Na nau ol i bekim tok wantaim pas long sait bilong dispela samting.

5:6  Kopi bilong dispela pas Tatnai, nambawan gavman long dispela sait long riva, na Setar-bosnai, na ol lain i save raun wantaim em, ol Afarsakait, husat i stap long dispela sait long riva, i salim i go long king Darius.

5:7  Ol i salim wanpela pas i go long em, we insait long en ol i raitim olsem, I go long king Darius, olgeta bel isi.

5:8  Larim king i ken save long dispela, long mipela i go long provins bilong Judia, long haus bilong dispela bikpela God, dispela ol i wokim wantaim ol bikpela ston, na diwai ol i slipim pinis insait long ol banis, na dispela wok i go hariap tru, na kamap gutpela long han bilong ol.

5:9  Nau mipela i askim ol dispela lapun hetman, na tokim ol olsem, Husat i tok strong long yupela long wokim dispela haus, na long stretim ol dispela banis?

5:10  Mipela askim ol nem bilong ol tu, bilong strongim tok i go long yu, inap long mipela ken raitim ol nem bilong ol man husat i stap nambawan namel long ol.

5:11  Na ol i bekim tok i kam bek long mipela olsem, i spik, Mipela i stap ol wokboi bilong God bilong heven na dispela graun, na wokim dispela haus ol i wokim ol dispela planti yia i go pinis, dispela wanpela bikpela king bilong Isrel i wokim na sanapim.

5:12  Tasol bihain long ol tumbuna papa bilong mipela i bin skrapim bel bilong God bilong heven bilong belhat tru, Em i givim ol i go long han bilong Nebukatnesar, king bilong Babilon, man Kaldia, husat i bagarapim dispela haus olgeta, na karim ol manmeri i go long Babilon.

5:13  Tasol long namba wan yia bilong Sairas, king bilong Babilon, dispela king Sairas stret i wokim wanpela strongpela tokaut bilong wokim dispela haus long God.

5:14  Na ol sospen samting tu bilong gol na silva bilong haus bilong God, dispela Nebukatnesar i kisim i go ausait long dispela tempel i stap long Jerusalem, na bringim ol i go insait long tempel bilong Babilon, ol dispela king Sairas i bin kisim i kam ausait long tempel bilong Babilon, na ol i givim ol i go long wanpela man, husat nem bilong en em Sesbasar, husat em i bin makim nambawan gavman.

5:15  Na em i tokim em, Kisim ol dispela sospen samting, go, karim ol i go long dispela tempel i stap long Jerusalem, na larim ol i ken wokim haus bilong God long ples bilong Em.

5:16  Nau dispela Sesbasar stret i kam, na slipim ol as ston bilong haus bilong God, dispela i stap long Jerusalem. Na i stat long dispela taim, yes, i kam inap long nau, ol i bin wokim dispela, na yet em i no pinis.

5:17  Olsem na nau, sapos em i luk olsem i gutpela long ai bilong king, larim ol wokim wanpela painim tru long haus bilong samting i dia tru bilong king, dispela i stap long Babilon, long em i tru o nogat, long king Sairas i wokim wanpela strongpela tokaut bilong wokim dispela haus bilong God long Jerusalem. Na larim king i salim amamas bilong em long mipela long sait bilong dispela samting.

Chapter 6

6:1  ¶ Nau king Darius i wokim wanpela strongpela tokaut, na ol i wokim wanpela painim tru long haus bilong ol rol, we ol i bungim ol samting i dia tru long Babilon.

6:2  Na ol i painim pinis long Ekmata, long dispela haus king i stap long provins bilong ol lain Media, wanpela rol. Na insait long en i gat wanpela stori tru ol i raitim olsem,

6:3  Long namba wan yia bilong king Sairas, dispela king Sairas stret i wokim wanpela strongpela tokaut long sait bilong haus bilong God long Jerusalem, Larim ol i wokim haus, dispela ples we ol i bin ofaim ol sakrifais, na larim ol slipim strong ol as ston bilong en. Antap bilong en i mas 60 kyubit, na brait bilong en 60 kyubit,

6:4  Wantaim tripela lain bilong ol bikpela ston, na wanpela lain bilong nupela diwai. Na larim ol i givim ol mani bilong baim wok i kam ausait long haus bilong king.

6:5  Na tu larim ol gol na silva sospen samting bilong haus bilong God, dispela Nebukatnesar i kisim i kam ausait long dispela tempel i stap long Jerusalem, na bringim i kam long Babilon, yumi ken givim bek, na ol i ken bringim gen i go long dispela tempel i stap long Jerusalem, olgeta wan wan i go long ples bilong em, na putim ol insait long haus bilong God.

6:6  Olsem na nau, Tatnai, nambawan gavman long hapsait long riva, Setar-bosnai, na ol lain i save raun wantaim yupela, ol Afarsakait, husat i stap hapsait long riva, yupela i mas stap longwe long dispela ples.

6:7  Larim wok bilong dispela haus bilong God i stap. Larim nambawan gavman bilong ol Ju na ol lapun hetman bilong ol Ju wokim dispela haus bilong God long ples bilong Em.

6:8  Na moa tu mi wokim wanpela strongpela tokaut long yupela bai mekim wanem long ol lapun hetman bilong ol dispela Ju bilong wokim dispela haus bilong God. Long i kam ausait long ol kago bilong king, yes, bilong ol takis mani hapsait long riva, wantu mani bilong wok ol i ken givim long ol dispela man, inap long samting i no ken pasim ol.

6:9  Na dispela samting ol i gat nid long en, ol yangpela bulmakau man, na ol sipsip man, na ol pikinini sipsip wantaim, bilong ol ofa i kuk olgeta bilong God bilong heven, wit, sol, wain, na wel, bilong bihainim samting ol pris husat i stap long Jerusalem i makim, larim ol i no ken fel long givim dispela long ol olgeta wan wan de,

6:10  Inap long ol i ken ofaim ol sakrifais bilong ol switpela smel i go long God bilong heven, na beten long laip bilong king, na bilong ol pikinini man bilong em.

6:11  Na tu mi bin wokim wanpela strongpela tokaut, long husat man bai senisim dispela tok, larim ol i ken pulim i kam daun ol diwai bilong haus bilong em, na taim ol i sanapim, larim ol i hangamapim em long en. Na larim haus bilong em i kamap wanpela hip pekpek long dispela.

6:12  Na God husat i bin mekim nem bilong Em long i stap long dispela hap i ken bagarapim olgeta olgeta king na lain manmeri husat bai putim han bilong ol bilong senisim na bilong bagarapim olgeta dispela haus bilong God, dispela i stap long Jerusalem. Mi Darius i bin wokim wanpela strongpela tokaut, larim ol i ken wokim dispela hariap.

6:13  ¶ Nau Tatnai, nambawan gavman long dispela sait bilong riva, Setar-bosnai, na ol lain i save raun wantaim ol, bilong bihainim dispela samting king Darius i bin salim, olsem tasol ol i mekim hariap.

6:14  Na ol lapun hetman bilong ol Ju i wokim haus, na ol i kamap gutpela long wok bilong autim tok profet bilong profet Hagai na Sekaraia, pikinini man bilong Ido. Na ol i wokim haus, na pinisim dispela, bilong bihainim ol tok strong bilong God bilong Isrel, na bilong bihainim tok strong bilong Sairas, na Darius, na Artaserksis, king bilong Persia.

6:15  Na dispela haus i pinis long namba tri de bilong mun Adar, dispela em i long namba sikis yia king Darius i bosim kingdom.

6:16  Na ol pikinini bilong Isrel, ol pris, na ol lain Livai, na olgeta arapela bilong ol pikinini bilong kalabus, i holimpas dispela taim makim bilong dispela haus bilong God wantaim amamas tru.

6:17  Na ol i ofaim long dispela taim makim bilong dispela haus bilong God 100 bulmakau man, 200 sipsip man, 400 pikinini sipsip, na bilong wanpela ofa bilong sin bilong olgeta Isrel, 12 meme man, bilong bihainim namba bilong ol lain bilong Isrel.

6:18  Ol i putim ol pris insait long ol bruk bilong ol, na ol lain Livai insait long ol lain wok bilong ol, bilong wokim wok bilong God, husat i stap long Jerusalem, olsem rait i stap pinis long buk bilong Moses.

6:19  Na ol pikinini bilong kalabus i holimpas pasova long namba 14 de bilong namba wan mun.

6:20  Long wanem, ol pris na ol lain Livai i kamap klin wantaim, olgeta bilong ol i stap klin, na kilim pasova bilong olgeta pikinini bilong kalabus, na bilong ol brata bilong ol ol pris, na bilong ol yet.

6:21  Na ol pikinini bilong Isrel, husat i kam gen ausait long kalabus, na olgeta kain lain husat i bin brukim ol yet i go long ol i lusim ol pasin i doti tru bilong ol haiden bilong dispela hap, bilong painim God BIKPELA bilong Isrel, i bin kaikai.

6:22  Na ol i holimpas dispela bikpela kaikai bilong bret i no gat yis sevenpela de wantaim amamas tru. Long wanem, BIKPELA i bin mekim ol amamas tru, na tanim bel bilong king bilong Asiria i go long ol, bilong strongim ol han bilong ol long wok bilong haus bilong God, God bilong Isrel.

Chapter 7

7:1  ¶ Nau bihain long ol dispela samting, long taim Artaserksis, king bilong Persia, i bosim kingdom, Esra, pikinini man bilong Serea, pikinini man bilong Asaraia, pikinini man bilong Hilkaia,

7:2  Pikinini man bilong Salum, pikinini man bilong Sedok, pikinini man bilong Ahitup,

7:3  Pikinini man bilong Amaraia, pikinini man Asaraia, pikinini man bilong Meraiot,

7:4  Pikinini man bilong Serahaia, pikinini man bilong Usi, pikinini man bilong Buki,

7:5  Pikinini man bilong Abisua, pikinini man bilong Finias, pikinini man bilong Eleasar, pikinini man bilong bikpris Eron,

7:6  Dispela Esra i lusim Babilon i go antap. Na em i wanpela man bilong rait i stap redi long lo bilong Moses, dispela God BIKPELA bilong Isrel i bin givim. Na king i tok orait long em long olgeta askim bilong em, bilong bihainim han bilong BIKPELA, God bilong em, antap long em.

7:7  Na sampela i go antap bilong ol pikinini bilong Isrel, na bilong ol pris, na bilong ol lain Livai, na bilong ol lain bilong singim song, na bilong ol wasman bilong dua, na bilong ol wokboi bilong tempel, i go long Jerusalem, long namba seven yia bilong king Artaserksis.

7:8  Na em i kam long Jerusalem long namba faiv mun, dispela em i long namba seven yia bilong king.

7:9  Long wanem, long namba wan de bilong namba wan mun em i stat long lusim Babilon i go antap, na long namba wan de bilong namba faiv mun em i kamap long Jerusalem, bilong bihainim gutpela han bilong God bilong em antap long em.

7:10  Long wanem, Esra i bin redim bel bilong em bilong painim lo bilong BIKPELA, na bilong mekim, na bilong skulim long Isrel ol lo God i raitim na ol kot.

7:11  ¶ Nau dispela em i kopi bilong dispela pas king Artaserksis i givim i go long pris Esra, man bilong rait, yes, wanpela man bilong rait bilong ol toktok bilong ol tok strong bilong BIKPELA, na ol lo bilong Em Em i raitim long Isrel.

7:12  Artaserksis, king bilong ol king, i go long pris Esra, wanpela man bilong rait bilong lo bilong God bilong heven, bel isi i inap tru, na long kain taim olsem.

7:13  Mi wokim wanpela strongpela tokaut, long olgeta bilong ol manmeri bilong Isrel, na bilong ol pris na ol lain Livai bilong em, insait long kingdom bilong mi, husat i gat tingting long laik bilong bel bilong ol yet bilong go antap long Jerusalem, i ken go wantaim yu.

7:14  Bikos king na sevenpela man bilong givim tok helpim bilong em i bin salim yu i go, bilong askim long sait bilong Juda na Jerusalem, bilong bihainim lo bilong God bilong yu, dispela i stap long han bilong yu,

7:15  Na bilong karim silva na gol, dispela king na ol man bilong givim tok helpim long em i bin ofaim long laik bilong bel i go long God bilong Isrel, husat ples bilong Em long stap em i long Jerusalem,

7:16  Na olgeta dispela silva na gol yu ken painim insait long olgeta provins bilong Babilon, wantaim ol ofa long laik bilong bel bilong ol manmeri, na bilong ol pris, husat i ofaim wantaim bel bilong tingim dispela haus bilong God bilong ol i stap long Jerusalem,

7:17  Inap long yu ken baim hariap wantaim dispela mani ol bulmakau man, ol sipsip man, ol pikinini sipsip, wantaim ol ofa bilong kaikai bilong ol na ol ofa bilong dring bilong ol, na ofaim ol antap long alta bilong dispela haus bilong God bilong yu i stap long Jerusalem.

7:18  Na wanem samting bai luk olsem i gutpela long ai bilong yu, na long ol brata bilong yu, bilong mekim wantaim olgeta arapela bilong dispela silva na gol, mekim dispela i bihainim laik bilong God bilong yu.

7:19  Ol dispela sospen samting tu ol i givim yu bilong wok bilong haus bilong God bilong yu, ol dispela yu givim long ai bilong God bilong Jerusalem.

7:20  Na wanem samting moa bai i gat nid long en long haus bilong God bilong yu, dispela yu bai gat sans bilong givim, givim dispela i kam ausait long haus bilong samting i dia tru bilong king.

7:21  Na mi, yes, mi king Artaserksis, wokim tru wanpela strongpela tokaut i go long olgeta dispela wasman bilong samting i dia tru i stap hapsait long riva, long wanem samting pris Esra, man bilong rait bilong lo bilong God bilong heven, bai strong long askim long yupela, yupela i ken mekim dispela hariap,

7:22  I go inap long 100 talen silva, na i go inap long 100 hap skel bilong wit, na i go inap long 100 bat wain, na i go inap long 100 bat wel, na sol i no gat mak bilong hamas.

7:23  Wanem samting God bilong heven i tok strong long en, larim ol man wok strong long mekim dispela bilong haus bilong God bilong heven. Long wanem, bilong wanem i ken i gat belhat tru i birua long kingdom bilong king na ol pikinini man bilong em?

7:24  Na tu mipela strongim tok long yu, long sait bilong wanpela bilong ol pris na ol lain Livai, ol lain bilong singim song, ol wasman bilong dua, ol wokboi bilong tempel, o ol man bilong wokim wok long haus bilong God, em bai tambu long lo bilong makim takis bilong kisim helpim, takis mani, o kastam mani, antap long ol.

7:25  Na yu, Esra, long bihainim save tru bilong God bilong yu, dispela i stap long han bilong yu, putim ol kiap na ol jas, husat i ken jasim olgeta manmeri husat i stap hapsait long riva, olgeta kain lain husat i save long ol lo bilong God bilong yu. Na yupela skulim ol husat i no save long ol.

7:26  Na husat man i no gat laik long bihainim lo bilong God bilong yu, na lo bilong king, larim ol i mekim kot hariap antap long em, sapos em i bilong dai, o bilong rausim em long ples, o bilong kisim ol kago bilong em, o bilong go long kalabus.

7:27  ¶ Blesing i stap long God BIKPELA bilong ol tumbuna papa bilong mipela, husat i bin putim kain samting olsem dispela insait long bel bilong king, bilong mekim haus bilong BIKPELA, dispela i stap long Jerusalem, i kamap naispela tru.

7:28  Na Em i bin skruim sori i go long mi long ai bilong king, na ol man bilong givim tok helpim bilong em, na long ai bilong olgeta strongpela hetman bilong king. Na mi kisim strong olsem han bilong BIKPELA, God bilong mi, i stap antap long mi, na mi bungim wantaim ausait long Isrel ol nambawan man bilong go antap wantaim mi.

Chapter 8

8:1  ¶ Nau ol dispela em i ol nambawan hetman bilong ol papa bilong ol, na dispela em i lain tumbuna bilong ol husat i go antap wantaim mi i lusim Babilon, long taim king Artaserksis i bosim kingdom.

8:2  Bilong ol pikinini man bilong Finias, Gersom. Bilong ol pikinini man bilong Itamar, Danyel. Bilong ol pikinini man bilong Devit, Hatus.

8:3  Bilong ol pikinini man bilong Sekanaia, bilong ol pikinini man bilong Faros, Sekaraia. Na wantaim em ol i kaunim long lain tumbuna bilong ol man 150.

8:4  Bilong ol pikinini man bilong Pahat-moap, Elioenai, pikinini man bilong Serahaia, na wantaim em 200 man.

8:5  Bilong ol pikinini man bilong Sekanaia, pikinini man bilong Jahasiel, na wantaim em 300 man.

8:6  Bilong ol pikinini man tu bilong Adin, Ebet, pikinini man bilong Jonatan, na wantaim em 50 man.

8:7  Na bilong ol pikinini man bilong Ilam, Jesea, pikinini man bilong Atalaia, na wantaim em 70 man.

8:8  Na bilong ol pikinini man bilong Sefataia, Sebadaia, pikinini man bilong Maikel, na wantaim em 80 man.

8:9  Bilong ol pikinini man bilong Joap, Obadaia, pikinini man bilong Jehiel, na wantaim em 218 man.

8:10  Na bilong ol pikinini man bilong Selomit, pikinini man Josifaia, na wantaim em 160 man.

8:11  Na bilong ol pikinini man bilong Bebai, Sekaraia, pikinini man bilong Bebai, na wantaim em 28 man.

8:12  Na bilong ol pikinini man bilong Asgat, Johanan, pikinini man bilong Hakatan, na wantaim em 110 man.

8:13  Na bilong ol las pikinini man bilong Adonikam, husat nem bilong ol em dispela, Elifelet, Jeiel, na Semea, na wantaim ol 60 man.

8:14  Bilong ol pikinini man tu bilong Bikvai, Utai, na Sabut, na wantaim ol 70 man.

8:15  Na mi bungim ol wantaim long dispela riva i ran i go long Ahava. Na long dispela hap mipela i stap long ol haus sel tripela de. Na mi lukim ol manmeri, na ol pris, na mi no lukim wanpela bilong ol pikinini man bilong Livai long dispela hap.

8:16  Nau mi salim tok long Eliesar, long Ariel, long Semea, na long Elnatan, na long Jarip, na long Elnatan, na long Netan, na long Sekaraia, na long Mesulam, ol nambawan man, i ken kam. Na tu mi salim tok long Joiarip, na long Elnatan, ol man i gat save, i ken kam.

8:17  Na mi salim ol wantaim tok strong i go long Ido, nambawan hetman bilong ples Kasifia, na mi tokim ol long ol i mas tok wanem i go long Ido, na long ol brata bilong em, ol wokboi bilong tempel, long ples Kasifia, long ol i mas bringim i kam long mipela ol wokman bilong haus bilong God bilong mipela.

8:18  Na long gutpela han bilong God bilong mipela antap long mipela, ol i bringim mipela wanpela man i gat save, bilong ol pikinini man bilong Mali, pikinini man bilong Livai, pikinini man bilong Isrel, na Serebaia, wantaim ol pikinini man bilong em na ol brata bilong em, 18,

8:19  Na Hasabaia, na wantaim em Jesea, bilong ol pikinini man bilong Merari, ol brata bilong em na ol pikinini man bilong ol, 20.

8:20  Na tu bilong ol wokboi bilong tempel, husat Devit na ol hetman i bin makim bilong wokim wok bilong ol lain Livai, 220 wokboi bilong tempel. Olgeta bilong ol ol i kolim long nem bilong ol.

8:21  ¶ Nau mi autim toksave long wanpela taim bilong tambuim kaikai, long riva Ahava, inap long mipela ken givim hevi long mipela yet long ai bilong God bilong mipela, bilong painim long Em wanpela stretpela rot bilong mipela, na bilong ol liklik pikinini bilong mipela, na bilong olgeta kago bilong mipela.

8:22  Long wanem, mi sem long strong long askim long king long wanpela liklik lain bilong ol soldia na ol man i ran long hos long helpim mipela long ol birua long rot. Bilong wanem, mipela bin toktok long king, i spik, Han bilong God bilong mipela i stap antap long olgeta husat i painim Em, bilong mekim gut long ol. Tasol pawa bilong Em na belhat tru bilong Em i stap birua long olgeta husat i givim baksait long Em.

8:23  Olsem na mipela tambuim kaikai na askim long daun pasin God bilong mipela long dispela. Na Em i harim strongpela askim bilong mipela.

8:24  ¶ Nau mi brukim i go 12 bilong ol nambawan bilong ol pris, Serebaia, Hasabaia, na tenpela bilong ol brata bilong ol wantaim ol.

8:25  Na mi skelim i go long ol silva, na gol, na ol sospen samting, yes, ofa bilong haus bilong God bilong mipela, dispela long king, na ol man bilong givim tok helpim bilong em, na ol bikman bilong em, na olgeta Isrel husat i stap long dispela hap, i bin ofaim.

8:26  Yes, mi skelim i go long han bilong ol 650 talen bilong silva, na ol sospen samting silva i 100 talen, na bilong gol 100 talen.

8:27  Na tu 20 traipela dis gol i 1,000 dram, na tupela sospen samting bilong naispela kapa i dia tumas olsem gol.

8:28  Na mi tokim ol, Yupela stap holi i go long BIKPELA. Ol sospen samting tu i stap holi. Na dispela silva na gol i stap wanpela ofa long laik bilong bel i go long God BIKPELA bilong ol tumbuna papa bilong yupela.

8:29  Yupela was, na holimpas ol, inap long yupela skelim ol long ai bilong ol nambawan bilong ol pris na ol lain Livai, na ol nambawan bilong ol papa bilong Isrel, long Jerusalem, insait long ol rum bilong haus bilong BIKPELA.

8:30  Olsem na ol pris na ol lain Livai i kisim mak bilong skel bilong silva, na gol, na ol sospen samting, bilong bringim ol i go long Jerusalem i go long haus bilong God bilong mipela.

8:31  ¶ Nau mipela i lusim wara Ahava long namba 12 de bilong namba wan mun, bilong go long Jerusalem. Na han bilong God bilong mipela i stap antap long mipela, na Em i kisim bek mipela long han bilong ol birua bilong mipela, na long kain lain husat i save slip hait klostu long rot.

8:32  Na mipela kam long Jerusalem, na stap long dispela hap tripela de.

8:33  Nau long namba foa de ol i skelim silva na gol na ol sospen samting insait long haus bilong God bilong mipela long han bilong Meremot, pikinini man bilong pris Yuraia. Na wantaim em Eliesar, pikinini man bilong Finias, i stap. Na wantaim ol Josabat i stap, pikinini man bilong Jesua, na Noadaia, pikinini man bilong Binui, ol lain Livai.

8:34  Ol i skelim long namba na long hevi bilong olgeta wan wan. Na olgeta hevi bilong ol ol i raitim long dispela taim.

8:35  Na tu ol pikinini bilong ol husat ol i bin karim i go, husat i kam ausait long kalabus, i ofaim ol ofa i kuk olgeta i go long God bilong Isrel, 12 bulmakau man bilong olgeta Isrel, 96 sipsip man, 77 pikinini sipsip, 12 meme man bilong wanpela ofa bilong sin. Olgeta dispela em i wanpela ofa i kuk olgeta i go long BIKPELA.

8:36  Na ol i givim ol oda bilong king i go long ol namba tu hetman bilong king, na long ol nambawan gavman long dispela sait long riva. Na ol i helpim ol manmeri, na haus bilong God.

Chapter 9

9:1  ¶ Nau taim ol i mekim ol dispela samting pinis, ol hetman i kam long mi, i spik, Ol manmeri bilong Isrel, na ol pris, na ol lain Livai, i no bin brukim ol yet long ol manmeri bilong ol dispela hap. Ol i mekim samting bilong bihainim ol sting pasin bilong ol, yes, bilong ol lain Kenan, ol lain Hit, ol lain Peris, ol lain Jebus, ol lain Amon, ol lain Moap, ol lain Isip, na ol lain Amor.

9:2  Long wanem, ol i bin kisim bilong ol pikinini meri bilong ol bilong ol yet, na bilong ol pikinini man bilong ol, inap long tumbuna pikinini holi i bin abusim ol yet wantaim ol manmeri bilong ol dispela hap. Yes, han bilong ol hetman na ol bosman i bin nambawan long dispela pasin bilong sakim lo.

9:3  Na taim mi harim dispela samting, mi brukim klos bilong mi na saket bilong mi, na pulim gras bilong het bilong mi na bilong mausgras bilong mi i kam ausait, na sindaun paul na mauspas olsem ston.

9:4  Nau i gat i bung i kam long mi olgeta wan wan husat i guria long ol toktok bilong God bilong Isrel, bilong wanem, ol i tingim pasin bilong kalapim lo bilong ol husat ol i bin karim i go. Na mi sindaun paul na mauspas olsem ston inap long taim bilong apinun sakrifais.

9:5  ¶ Na long taim bilong sakrifais bilong apinun tru mi kirap na lusim hevi bilong mi. Na taim mi bin brukim klos bilong mi na saket bilong mi pinis, mi pundaun long tupela skru bilong lek bilong mi, na opim i go ausait tupela han bilong mi i go long BIKPELA, God bilong mi.

9:6  Na mi tok, O God bilong mi, mi gat sem na soim sem long pes taim mi laik litimapim pes bilong mi i go long Yu, God bilong mi. Long wanem, ol sin nogut bilong mipela i kamap planti moa antap long het bilong mipela, na pasin bilong sakim lo bilong mipela i kamap bikpela i go antap i go long ol heven.

9:7  I stat long ol de bilong ol tumbuna papa bilong mipela, mipela i bin stap long wanpela bikpela pasin bilong sakim lo i kam inap long tude. Na bilong ol sin nogut bilong mipela, mipela, ol king bilong mipela, na ol pris bilong mipela, Yu bin givim i go long han bilong ol king bilong ol dispela hap, long bainat, long kalabus, na long kamap wanpela kago bilong pait, na long tingting paul bilong pes, olsem em i stap tude.

9:8  Na nau, long liklik taim, BIKPELA, God bilong mipela, i bin soim marimari long mipela, long larim i stap long mipela wanpela hap lain i stap yet long ranawe, na long givim long mipela wanpela nil long ples holi bilong Em, inap long God bilong mipela i ken givim lait long ol ai bilong mipela, na givim long mipela wanpela liklik taim bilong kirap gen insait long kalabus bilong mipela.

9:9  Long wanem, mipela i bin stap ol wokboi nating. Yet God bilong mipela i no bin givim baksait long mipela long taim kalabus bilong mipela, tasol Em i bin skruim sori i kam long mipela long ai bilong ol king bilong Persia, long givim long mipela wanpela taim bilong kirap gen, long sanapim haus bilong God bilong mipela, na long stretim ol hap i stap nating bilong en, na long givim mipela wanpela banis long Juda na long Jerusalem.

9:10  Na nau, O God bilong mipela, mipela bai tok wanem bihain long dispela? Long wanem, mipela i bin givim baksait long ol tok strong bilong Yu,

9:11  Dispela Yu bin tok strong long en long han bilong ol wokboi bilong Yu ol profet, i spik, Dispela hap, dispela yupela i go long en long holimpas dispela, em i wanpela hap i doti wantaim ol pasin i doti bilong ol manmeri bilong ol dispela hap, wantaim ol sting pasin bilong ol, dispela i bin pulimapim wanpela arere i go long narapela wantaim pasin doti bilong ol.

9:12  Olsem na nau yupela no ken givim ol pikinini meri bilong yupela long ol pikinini man bilong ol, o kisim ol pikinini meri bilong ol i kam long ol pikinini man bilong yupela tu, o painim bel isi bilong ol o ol bikpela mani samting bilong ol oltaim oltaim, inap long yupela i ken stap strong, na kaikai ol gutpela samting bilong dispela hap, na lusim dispela olsem wanpela samting papa i givim pikinini long ol pikinini bilong yupela oltaim oltaim.

9:13  Na bihain long olgeta dispela i kam antap long mipela bilong ol wok nogut bilong mipela, na bilong dispela bikpela pasin bilong sakim lo bilong mipela, taim mipela i luksave olsem Yu, God bilong mipela, i bin mekim save long mipela liklik moa long ol sin nogut bilong mipela i winim, na Em i bin givim mipela kain kisim bek olsem dispela,

9:14  Ating mipela bai brukim gen ol tok strong bilong Yu, na bung long poroman kontrak wantaim ol manmeri bilong ol dispela sting pasin? Ating i yes long Yu bai kamap belhat wantaim mipela inap long Yu bin kaikai mipela olgeta, inap long i no ken i gat hap lain i stap yet o lain bilong ranawe?

9:15  O God BIKPELA bilong Isrel, Yu stap stretpela. Long wanem, mipela i stap yet lain i ranawe pinis, olsem em i stap tude. Lukim, mipela i stap long ai bilong Yu long ol pasin bilong mipela bilong sakim lo. Long wanem, mipela i no inap sanap long ai bilong Yu bikos dispela i stap.

Chapter 10

10:1  ¶ Nau taim Esra i bin beten pinis, na taim em i bin autim sin pinis, taim em i krai tru na tromoi em yet i go daun long ai bilong haus bilong God, i gat i kam bung long em ausait long Isrel wanpela bikpela bung tru bilong ol manmeri bilong ol man na ol meri na ol pikinini. Long wanem, ol manmeri i krai nogut tru.

10:2  Na Sekanaia, pikinini man bilong Jehiel, wanpela bilong ol pikinini man bilong Ilam, i bekim na tokim Esra, Yumi bin sakim lo i birua long God bilong yumi, na yumi bin maritim ol ausait meri bilong ol manmeri bilong dispela hap. Tasol nau i gat hop long Isrel long sait bilong dispela samting.

10:3  Olsem na nau larim yumi wokim wanpela kontrak wantaim God bilong yumi bilong rausim i go olgeta dispela maritmeri, na kain lain husat ol i karim, bilong bihainim tok helpim bilong bikman bilong mi, na bilong ol husat i guria long tok strong bilong God bilong yumi. Na larim mipela wokim dispela long bihainim lo.

10:4  Kirap. Long wanem, dispela samting i bilong yu. Mipela tu bai stap wantaim yu. Holimpas gutpela strong bilong pait, na mekim.

10:5  Nau Esra i kirap, na mekim ol bikpris, ol lain Livai, na olgeta Isrel, long wokim strongpela promis long ol i mas mekim bilong bihainim dispela tok. Na ol i wokim strongpela promis.

10:6  ¶ Nau Esra i kirap long lusim ai bilong haus bilong God, na i go insait long rum bilong Johanan, pikinini man bilong Eliasip. Na taim em i kam long dispela hap, em i no bin kaikai bret, o dring wara. Long wanem, em i soim sori bilong tingim pasin bilong kalapim lo bilong ol husat ol i bin karim i go.

10:7  Na ol i wokim wanpela autim toksave i go long olgeta hap bilong Juda na Jerusalem i go long olgeta pikinini bilong kalabus, inap long ol i mas bungim ol yet wantaim i go long Jerusalem,

10:8  Na long husat man i tok nogat long kam bipo long tripela de i lus, bilong bihainim tok helpim bilong ol hetman na ol lapun hetman, olgeta kago bilong em i ken lus, na em yet bai bruk long bung bilong ol manmeri bilong ol husat ol i bin karim i go.

10:9  Nau olgeta man bilong Juda na Benjamin i bungim ol yet wantaim i go long Jerusalem bipo long tripela de i lus. Dispela em i namba nain mun, long namba 20 de bilong mun. Na olgeta manmeri i sindaun long rot bilong haus bilong God, na guria bilong tingim dispela samting, na long dispela bikpela ren.

10:10  Na pris Esra i sanap, na tokim ol, Yupela i bin kalapim lo, na yupela i bin maritim ol ausait meri, bilong mekim i kamap planti moa dispela pasin bilong sakim lo bilong Isrel.

10:11  Olsem na nau autim sin i go long God BIKPELA bilong ol tumbuna papa bilong yupela, na mekim amamas bilong Em. Na brukim yupela yet long ol manmeri bilong dispela hap, na long ol dispela ausait meri yupela i bin maritim.

10:12  Nau olgeta bung bilong ol manmeri i bekim na tok wantaim wanpela bikpela nek, Olsem yu bin tok, olsem tasol mipela i mas mekim.

10:13  Tasol ol manmeri i planti, na em i wanpela taim bilong planti ren, na mipela i no inap long sanap ausait, na tu dispela em i no wok bilong wanpela de o tupela. Long wanem, mipela i planti husat i bin kalapim lo long dispela samting.

10:14  Larim nau ol hetman bilong mipela bilong olgeta dispela bung bilong ol manmeri sanap, na larim olgeta husat i bin maritim ol ausait meri long ol biktaun bilong yumi kam long ol taim ol i makim, na ol lapun hetman bilong olgeta wan wan biktaun wantaim ol, na ol jas bilong ol, inap long strongpela belhat nogut tru bilong God bilong yumi long dispela samting i tanim na lusim yumi.

10:15  ¶ Jonatan tasol, pikinini man bilong Asahel, na Jahasaia, pikinini man bilong Tikva, i gat wok long sait bilong dispela samting. Na Mesulam na man Livai Sabetai i helpim ol.

10:16  Na ol pikinini bilong kalabus i mekim olsem. Na pris Esra, wantaim sampela nambawan hetman bilong ol papa, i bihainim hauslain bilong ol tumbuna papa bilong ol, na olgeta bilong ol i bihainim ol nem bilong ol, i bruk, na sindaun long namba wan de bilong namba ten mun long skelim gut dispela samting.

10:17  Na ol i wokim wanpela pinis wantaim olgeta man husat i bin maritim ol ausait meri bipo long namba wan de bilong namba wan mun.

10:18  Na namel long ol pikinini man bilong ol pris ol i lukim sampela husat i bin maritim ol ausait meri. Em i olsem, bilong ol pikinini man bilong Jesua, pikinini man bilong Josadak, na ol brata bilong em, Measeaia, na Eliesar, na Jarip, na Gedalaia.

10:19  Na ol i givim ol han bilong ol long ol bai rausim i go ol meri bilong ol. Na bikos ol i gat asua, ol i ofaim wanpela sipsip man bilong lain sipsip bilong stretim pasin bilong ol bilong sakim lo.

10:20  Na bilong ol pikinini man bilong Imer, Hanani, na Sebadaia.

10:21  Na bilong ol pikinini man bilong Harim, Measeaia, na Ilaija, na Semea, na Jehiel, na Usaia.

10:22  Na bilong ol pikinini man bilong Pasur, Elioenai, Measeaia, Ismel, Netanel, Josabat, na Elasa.

10:23  Na tu bilong ol lain Livai, Josabat, na Simei, na Kelea, (dispela man yet em Kelita,) Petahaia, Juda, na Eliesar.

10:24  Bilong ol lain bilong singim song tu, Eliasip. Na bilong ol wasman bilong dua, Salum, na Telem, na Uri.

10:25  Na moa tu bilong Isrel, bilong ol pikinini man bilong Paros, Ramaia, na Jesaia, na Malkaia, na Miamin, na Eleasar, na Malkaisa, na Benea.

10:26  Na bilong ol pikinini man bilong Ilam, Matanaia, Sekaraia, na Jehiel, na Apdi, na Jeremot, na Elaia.

10:27  Na bilong ol pikinini man bilong Satu, Elioenai, Eliasip, Matanaia, na Jeremot, na Sabat, na Asisa.

10:28  Bilong ol pikinini man tu bilong Bebai, Jehohanan, Hananaia, Sabai, na Atlai.

10:29  Na bilong ol pikinini man bilong Bani, Mesulam, Maluk, na Adea, Jasup, na Seal, na Ramot.

10:30  Na bilong ol pikinini man bilong Pahat-moap, Atna, na Kelal, Benea, Measaia, Matanaia, Besalel, na Binui, na Manasa.

10:31  Na bilong ol pikinini man bilong Harim, Eliesar, Isaisa, Malkaia, Semea, Simeon,

10:32  Benjamin, Maluk, na Semaraia.

10:33  Bilong ol pikinini man bilong Hasum, Matenai, Matata, Sabat, Elifelet, Jeremai, Manasa, na Simei.

10:34  Bilong ol pikinini man bilong Bani, Meadai, Amram, na Uel,

10:35  Benea, Bedeaia, Kelu,

10:36  Vanaia, Meremot, Eliasip,

10:37  Matanaia, Matenai, na Jeasau,

10:38  Na Bani, na Binui, Simei,

10:39  Na Selemaia, na Netan, na Adea,

10:40  Maknadebai, Sasai, Sarai,

10:41  Asarel, na Selemaia, Semaraia,

10:42  Salum, Amaraia, na Josep.

10:43  Bilong ol pikinini man bilong Nibo, Jeiel, Matitaia, Sabat, Sebina, Jadau, na Joel, Benea.

10:44  Olgeta dispela i bin maritim ol ausait meri. Na sampela bilong ol i gat ol meri long husat ol i bin karim ol pikinini.