ABPGRK - Daniel

Chapter 1

1:1  εν έτει τρίτω της βασιλείας Ιωακείμ βασιλέως Ιούδα ήλθε Ναβουχοδονόσορ ο βασιλεύς Βαβυλώνος εις Ιερουσαλήμ και επολιόρκει αυτήν

1:2  και έδωκέ κύριος εν χειρί αυτού τον Ιωακείμ βασιλέα Ιούδα και από μέρους των σκευών οίκου κυρίου και ήνεγκεν αυτά εις γην Σενναάρ οίκου του θεού αυτού και τα σκεύη εισήνεγκεν εις τον οίκον θησαυρού του θεού αυτού

1:3  και είπεν ο βασιλεύς τω Ασφανέζ τω αρχιευνούχω αυτού εισαγαγείν από των υιών της αιχμαλωσίας Ισραήλ και από του σπέρματος της βασιλείας και από των φορθομμιν

1:4  νεανίσκους οις ουκ έστιν εν αυτοίς μώμος και καλούς τη όψει και συνιέντας εν πάση σοφία και γινώσκοντας γνώσιν και διανοουμένους φρόνησιν και οις εστιν ισχύς εν αυτοίς εστάναι εν τω οίκω ενώπιον του βασιλέως και διδάξαι αυτούς γράμματα και γλώσσαν Χαλδαίων

1:5  και διέταξεν αυτοίς ο βασιλεύς το της ημέρας καθ΄ ημέραν από της τραπέζης του βασιλέως και από του οίνου του πότου αυτού και θρέψαι αυτούς έτη τρία και μετά ταύτα στήναι ενώπιον του βασιλέως

1:6  και εγένετο εν αυτοίς εκ των υιών Ιούδα Δανιήλ και Ανανίας και Μισαήλ και Αζαρίας

1:7  και επέθηκεν αυτοίς ο αρχιευνούχος ονόματα τω Δανιήλ Βαλτάσαρ και τω Ανανία Σεδράχ και τω Μισαήλ Μισάκ και τω Αζαρία Αβδεναγώ

1:8  και έθετο Δανιήλ επι την καρδίαν αυτού ως ου μη αλισγηθή εν τη τραπέζη του βασιλέως και εν τω οίνω του ποτου αυτού και ηξίωσε τον αρχιευνούχον ως ου μη αλισγηθή

1:9  και έδωκεν ο θεός τον Δανιήλ εις έλεον και οικτιρμόν ενώπιον του αρχιευνούχου

1:10  και είπεν ο αρχιευνούχος τω Δανιήλ φοβούμαι εγώ τον κύριόν μου τον βασιλέα τον εκτάξαντα την βρώσιν υμών και την πόσιν υμών μήποτε είδη τα πρόσωπα υμών σκυθρωπά παρά τα παιδάρια τα συνήλικα υμών και καταδικάσητε την κεφαλήν μου τω βασιλεί

1:11  και είπε Δανιήλ προς Μολσάρ ον κατέστησεν ο αρχιευνούχος επί Δανιήλ και Ανανίαν και Μισαήλ και Αζαρίαν

1:12  πείρασον δη τους παιδάς σου ημέρας δέκα και δότωσαν ημίν από σπερμάτων της γης και φαγόμεθα και ύδωρ πιόμεθα

1:13  και οφθήτωσαν ενώπιόν σου αι ιδέαι ημών και αι ιδέαι των παιδαρίων των εσθιόντων την τράπεζαν του βασιλέως και καθώς εάν ίδης ποίησον μετά των παίδων σου

1:14  και εισήκουσεν αυτών και επείρασεν αυτούς ημέρας δέκα

1:15  και μετά το τέλος των δέκα ημερών ωράθησαν αι ιδέαι αυτών αγαθαί και ισχυραί ταις σαρξίν υπέρ πάντα τα παιδάρια τα εσθίοντα την τράπεζαν του βασιλέως

1:16  και εγένετο Μελσάρ αναιρούμενος το δείπνον αυτών και τον οίνον του πόματος αυτών και εδίδου αυτοίς σπέρματα

1:17  και έδωκέν αυτοίς ο θεός σύνεσιν και φρόνησιν εν πάση γραμματική και σοφία και Δανιήλ συνήκεν εν πάση οράσει και ενυπνίοις

1:18  και μετά το τέλος των ημερών ων είπεν ο βασιλεύς εισαγαγείν αυτούς και εισήγαγεν αυτούς ο αρχιευνούχος εναντίον Ναβουχοδονόσορ

1:19  και ελάλησε μετ΄ αυτών ο βασιλεύς και ουχ ευρέθησαν εκ πάντων αυτών όμοιοι Δανιήλ και Ανανία και Μισαήλ και Αζαρία και έστησαν ενώπιον του βασιλέως

1:20  και εν παντί ρήματι σοφίας και επιστήμης όσα εζήτησε παρ΄ αυτών ο βασιλεύς εύρεν αυτούς δεκαπλασίονας παρά πάντας τους επαοιδούς και τους μάγους τους όντας εν πάση τη βασιλεία αυτού

1:21  και εγένετο Δανιήλ έως έτους ενός κύρου του βασιλέως

Chapter 2

2:1  εν τω έτει τω δευτέρω της βασιλείας Ναβουχοδονόσορ ενυπνιάσθη Ναβουχοδονόσορ ενύπνιον και εξέστη το πνεύμα αυτού και ο ύπνος αυτού εγένετο απ΄ αυτού

2:2  και είπεν ο βασιλεύς καλέσαι τους επαοιδούς και τους μάγους και τους φαρμακούς και τους Χαλδαίους του αναγγείλαι τω βασιλεί τα ενύπνια αυτού και ήλθον και έστησαν ενώπιον του βασιλέως

2:3  και είπεν αυτοίς ο βασιλεύς ενυπνιάσθην και εξέστη το πνεύμά μου του γνώναι το ενύπνιον

2:4  και ελάλησαν οι Χαλδαίοι τω βασιλεί Συριστί βασιλεύ εις τους αιώνας ζήθι συ είπον το ενύπνιον τοις παισί σου και την σύγκρισιν αυτού αναγγελούμεν

2:5  απεκρίθη ο βασιλεύς και είπε τοις Χαλδαίοις ο λόγος απ΄ εμού απέστη εάν ουν μη γνωρίσητέ μοι το ενύπνιον και την σύγκρισιν αυτού εις απώλειαν έσεσθε και οι οίκοι υμών διαρπαγήσονται

2:6  εάν δε το ενύπνιον και την σύγκρισιν αυτού γνωρίσητέ μοι δόματα και δωρεάς και τιμήν πολλήν λήψεσθε παρ΄ εμού πλην το ενύπνιον και την σύγκρισιν αυτού απαγγείλατέ μοι

2:7  απεκρίθησαν δεύτερον και είπαν ο βασιλεύς ειπάτω το ενύπνιον τοις παισίν αυτού και την σύγκρισιν αυτού αναγγελούμεν

2:8  και απεκρίθη ο βασιλεύς και είπεν επ΄ αληθείας οίδα εγώ ότι καιρόν υμείς εξαγοράζετε και καθότι είδετε ότι απέστη απ΄ εμού το ρήμα

2:9  εάν ουν το ενύπνιον μη αναγγείλητέ μοι οίδα ότι ρήμα ψευδές και διεφθαρμένον συνέθεσθε ειπείν ενώπιόν μου έως ου ο καιρός παρέλθη το ενύπνιόν μου είπατέ μοι και γνώσομαι ότι και την σύγκρισιν αυτού αναγγελείτέ μοι

2:10  απεκρίθησαν πάλιν οι Χαλδαίοι ενώπιον του βασιλέως και λέγουσιν ουκ έστιν άνθρωπος επί της ξηράς όστις δυνήσεται το ρήμα του βασιλέως γνωρίσαι καθότι πας βασιλεύς μέγας και άρχων ρήμα τοιούτον ουκ επερωτά επαοιδόν μάγον Χαλδαίον

2:11  ότι ο λόγος ον ο βασιλεύς επερωτά βαρύς και έτερος ουκ έστιν ος αναγγελεί αυτόν ενώπιον του βασιλέως αλλ΄ οι θεοί ων ουκ έστιν η κατοικία μετά πάσης σαρκός

2:12  τότε ο βασιλεύς εν θυμώ και οργή πολλή είπεν απολέσαι πάντας τους σοφούς Βαβυλώνος

2:13  και το δόγμα εξήλθε και οι σοφοί απεκτέννοντο και εζήτησαν Δανιήλ και τους φίλους αυτού ανελείν

2:14  τότε Δανιήλ απεκρίθη βουλήν και γνώμην τω Αριώχ τω αρχιμαγείρω του βασιλέως ος εξήλθεν ανελείν τους σοφούς Βαβυλώνος

2:15  και επυνθάνετο αυτού λέγων άρχων του βασιλέως περί τίνος εξήλθεν η γνώμη η αναιδής εκ προσώπου του βασιλέως εγνώρισε δε το ρήμα Αριώχ τω Δανιήλ

2:16  και Δανιήλ εισήλθε και ηξίωσεν τον βασιλέα όπως χρόνον δω αυτώ και την σύγκρισιν αυτού αναγγείλη τω βασιλεί

2:17  και εισήλθε Δανιήλ εις τον οίκον αυτού και τω Ανανία και τω Μισαήλ και τω Αζαρία τοις φίλοις αυτού το ρήμα εγνώρισε

2:18  και οικτιρμούς εζήτουν παρά του θεού του ουρανού υπέρ του μυστηρίου τούτου όπως αν μη απόλωνται Δανιήλ και οι φίλοι αυτού μετά των επιλοίπων σοφών Βαβυλώνος

2:19  τότε Δανιηλ εν οράματι νυκτός το μυστήριον απεκαλύφθη και ευλόγησε τον θεόν του ουρανού Δανιήλ

2:20  και είπεν είη το όνομα του θεού ευλογημένον από του αιώνος και έως του αιώνος ότι η σοφία και η ισχύς αυτού εστι

2:21  και αυτός αλλοιοί καιρούς και χρόνους καθιστά βασιλείς και μεθιστά διδούς σοφίαν τοις σοφοίς και φρόνησιν τοις ειδόσι σύνεσιν

2:22  αυτός αποκαλύπτει βαθέα και απόκρυφα γινώσκων τα εν τω σκότει και το φως μετ΄ αυτού εστι

2:23  σοι ο θεός των πατέρων μου εξομολογούμαι και αινώ ότι σοφίαν και δύναμιν έδωκάς μοι και εγνώρισάς μοι α ηξιώσαμεν παρά σου και το ρήμα του βασιλέως εγνώρισάς μοι

2:24  και ήλθε Δανιήλ προς Αριώχ ον κατέστησεν ο βασιλεύς απολέσαι τους σοφούς Βαβυλώνος και είπεν αυτώ τους σοφούς Βαβυλώνος μη απολέσης εισάγαγε δε με ενώπιον του βασιλέως και την σύγκρισιν τω βασιλεί αναγγελώ

2:25  τότε Αριώχ εν σπουδή εισήγαγε τον Δανιήλ ενώπιον του βασιλέως και είπεν αυτώ εύρηκα άνδρα εκ των υιών της αιχμαλωσίας της Ιουδαίας όστις το σύγκριμα τω βασιλεί αναγγελεί

2:26  και απεκρίθη ο βασιλεύς και είπε τω Δανιήλ ου το όνομα Βαλτασάρ ει δύνασαί μοι αναγγείλαι το ενύπνιον ο είδον και την σύγκρισιν αυτού

2:27  και απεκρίθη Δανιήλ ενώπιον του βασιλέως και είπε το μυστήριον ο ο βασιλεύς επερωτά ουκ έστι σοφών μάγων επαοιδών γαζαρηνών αναγγείλαι τω βασιλεί

2:28  αλλ΄ έστι θεός εν ουρανώ αποκαλύπτων μυστήρια και εγνώρισε τω βασιλεί Ναβουχοδονόσορ α δει γενέσθαι επ΄ εσχάτων των ημερών το ενύπνιόν σου και αι οράσεις της κεφαλής σου επί της κοίτης σου τούτό εστι

2:29  συ βασιλεύ οι διαλογισμοί σου επί της κοίτης σου ανέβησαν τι δει γενέσθαι μετά ταύτα και ο αποκαλύπτων μυστήρια εγνώρισέ σοι α δει γενέσθαι

2:30  και εμοί ουκ εν σοφία τη ούση εν εμοί παρά πάντας τους ζώντας το μυστήριον τούτο απεκαλύφθη αλλ΄ ένεκεν του την σύγκρισιν τω βασιλεί γνωρίσαι ίνα τους διαλογισμούς της καρδίας σου γνώς

2:31  συ βασιλευ εθεώρεις και ιδού εικών μία μεγάλη η εικών εκείνη μεγάλη και η πρόσοψις αυτής υπερφερής εστώσα προ προσώπου σου και η όρασις αυτής φοβερά

2:32  εικών ης η κεφαλή χρυσίου καθαρού αι χείρες και το στήθος και οι βραχίονες αυτής αργυροί η κοιλία και οι μηροί χαλκοί

2:33  αι κνήμαι σιδηραί οι πόδες μέρος μεν τι σιδηρούν μέρος δε τι οστράκινον

2:34  εθεώρεις έως απετμήθη λίθος εξ όρους άνευ χειρών και επάταξε την εικόνα επί τους πόδας τους σιδηρούς και οστρακίνους και ελέπτυνεν αυτούς εις τέλος

2:35  τότε ελεπτύνθησαν εισάπαξ το όστρακον ο σίδηρος ο χαλκός ο άργυρος ο χρυσός και εγένετο ωσεί κονιορτός από άλωνος θερινής και εξήρεν αυτά το πλήθος του πνεύματος και τόπος ουχ ευρέθη αυτοίς και ο λίθος ο πατάξας την εικόνα εγενήθη όρος μέγα και επλήρωσε πάσαν την γην

2:36  τούτό εστι το ενύπνιον και την σύγκρισιν αυτού ερούμεν ενώπιον του βασιλέως

2:37  συ βασιλεύ βασιλεύς βασιλέων ω ο θεός του ουρανού βασιλείαν ισχυράν και κραταιάν και έντιμον έδωκεν

2:38  εν παντί τόπω οπου κατοικούσιν οι υιοί των ανθρώπων θηρία τε αγρού και πετεινά ουρανού έδωκεν εν τη χειρί σου και κατέστησέ σε κύριον πάντων συ ει η κεφαλή η χρυσή

2:39  και οπίσω σου αναστήσεται βασιλεία ετέρα ήττων σου και βασιλεία τρίτη ήτις εστιν ο χαλκός η κυριεύσει πάσης της γης

2:40  και βασιλεία τετάρτη ήτις έσται ισχυρα ως σίδηρος ον τρόπον ο σίδηρος λεπτύνει και δαμάζει πάντα ούτως λεπτυνεί και δαμάσει

2:41  και ότι είδες τους πόδας και τους δακτύλους μέρος μεν τι οστράκινον μέρος δε τι σιδηρούν βασιλεία διηρημένη έσται και από της ρίζης της σιδηράς έσται εν αυτή ον τρόπον είδες τον σίδηρον αναμεμιγμένον τω οστράκω

2:42  και οι δάκτυλοι των ποδών μέρος μεν τι σιδηρούν μέρος δε τι οστράκινον μέρος τι της βασιλείας έσται ισχυρόν και απ΄ αυτής έσται συντριβόμενον

2:43  ότι είδες τον σίδηρον αναμεμιγμένον τω οστράκω συμμιγείς έσονται εν σπέρματι ανθρώπων και ουκ έσονται προσκολλώμενοι ούτος μετά τούτου καθώς ο σίδηρος ουκ αναμίγνυται μετά του οστράκου

2:44  και εν ταις ημέραις των βασιλέων εκείνων αναστήσει ο θεός του ουρανού βασιλείαν ήτις εις τους αιώνας ου διαφθαρήσεται και η βασιλεία αυτού λαώ ετέρω ουχ υπολειφθήσεται λεπτυνεί και λικμήσει πάσας τας βασιλείας και αύτη αναστήσεται εις τους αιώνας

2:45  ον τρόπον ειδες ότι από όρους ετμήθη λίθος άνευ χειρών και ελέπτυνε το όστρακον τον σίδηρον τον χαλκόν τον άργυρον τον χρυσόν ο θεός ο μέγας εγνώρισε τω βασιλεί α δει γενέσθαι μετά ταύτα και αληθινόν το ενύπνιον και πιστή η σύγκρισις αυτού

2:46  τότε ο βασιλεύς Ναβουχοδονόσορ έπεσεν επί πρόσωπον και τω Δανιήλ προσεκύνησε και μαναά και ευωδίας είπε σπείσαι αυτώ

2:47  και αποκριθείς ο βασιλεύς είπε τω Δανιήλ επ΄ αληθείας ο θεός υμών αυτός εστι θεός θεών και κύριος των βασιλέων και αποκαλύπτων μυστήρια ότι ηδυνήθης αποκαλύψαι το μυστήριον τούτο

2:48  και εμεγάλυνεν ο βασιλεύς τον Δανιήλ και δόματα μεγάλα και πολλά έδωκεν αυτώ και κατέστησεν αυτόν επί πάσης χώρας Βαβυλώνος και άρχοντα σατράπων επί πάντας τους σοφούς Βαβυλώνος

2:49  και Δανιήλ ητήσατο παρά του βασιλέως και κατέστησεν επί τα έργα της χώρας Βαβυλώνος τον Σεδράχ Μισάχ και Αβδεναγώ και Δανιήλ ην εν τη αυλή του βασιλέως

Chapter 3

3:1  Ναβουχοδονόσορ ο βασιλεύς εποίησεν εικόνα χρυσήν ύψος αυτής πηχεών εξήκοντα εύρος αυτής πηχεών εξ και έστησεν αυτήν εν πεδίω Δεηρά εν χώρα Βαβυλώνος

3:2  και απέστειλε συναγαγείν τους υπάτους και τους στρατηγούς και τους τοπάρχας ηγουμένους και τυράννους και τους επ΄ εξουσιών και πάντας τους άρχοντας των χωρών ελθείν εις τα εγκαίνια της εικόνος ης έστησε Ναβουχοδονόσορ ο βασιλεύς

3:3  και συνήχθησαν οι τοπάρχαι υπατοι στρατηγοί ηγούμενοι τύραννοι μεγάλοι οι επ΄ εξουσιών και πάντες οι άρχοντες των χωρών εις τον εγκαινισμόν της εικόνος ης έστησεν Ναβουχοδονόσορ ο βασιλεύς και ειστήκεισαν ενώπιον της εικόνος ης έστησεν Ναβουχοδονόσορ

3:4  και ο κήρυξ εβόα εν ισχύϊ υμίν λέγεται έθνη λαοί φυλαί γλώσσαι

3:5  η αν ώρα ακούσητε φωνής σάλπιγγος σύριγγός τε και κιθάρας σαμβύκης τε και ψαλτηρίου και παντός συμφωνίας γένους μουσικών πίπτοντες προσκυνείτε τη εικόνι τη χρυσή η έστησε Ναβουχοδονόσορ ο βασιλεύς

3:6  και ος αν μη πεσών προσκυνήση αυτή τη ώρα εμβληθήσεται εις την κάμινον του πυρός την καιομένην

3:7  και εγένετο ότε ήκουσαν οι λαοί της φωνής της σάλπιγγος σύριγγός τε και κιθάρας σαμβύκης τε και ψαλτηρίου και παντός γένους μουσικών πίπτοντες οι λαοί φυλαί γλώσσαι προσεκύνουν τη εικόνι τη χρυσή η έστησεν Ναβουχοδονόσορ ο βασιλεύς

3:8  τότε προσήλθον άνδρες Χαλδαίοι και διέβαλον τους Ιουδαίους και υπολαβόντες είπον Ναβουχοδονόσορ τω βασιλεί

3:9  βασιλεύ εις τους αιώνας ζήθι

3:10  συ βασιλεύ έθηκας δόγμα πας άνθρωπος ος αν ακούση της φωνής της σάλπιγγος σύριγγός τε και κιθαρας σαμβύκης τε και ψαλτηρίου και συμφωνίας και παντός γένους μουσικών

3:11  και μη πεσών προσκυνήση τη εικόνι τη χρυσή εμβληθήσεται εις την κάμινον του πυρός την καιομένην

3:12  εισίν άνδρες Ιουδαίοι ους κατέστησας επί τα έργα της χώρας Βαβυλώνος Σεδράχ Μισάχ Αβδεναγώ οι άνδρες εκείνοι ουχ υπήκουσαν βασιλεύ τω δόγματί σου και τοις θεοίς σου ου λατρεύουσι και τη εικόνι τη χρυσή η έστησας ου προσκυνούσι

3:13  τότε Ναβουχοδονόσορ εν θυμώ και οργή είπεν αγαγείν τον Σεδράχ Μισάχ και Αβδεναγώ και ήχθησαν ενώπιον του βασιλέως

3:14  και απεκρίθη Ναβουχοδονόσορ και είπεν αυτοίς ει αληθώς Σεδράχ Μισάχ Αβδεναγώ τοις θεοίς μου ου λατρεύετε και τη εικόνι τη χρυσή η έστησα ου προσκυνείτε

3:15  νυν ουν ει έχετε ετοίμως ίνα ως αν ακούσητε της φωνής της σάλπιγγος σύριγγός τε και κιθάρας σαμβύκης τε και ψαλτηρίου και συμφωνίας και παντός γένους μουσικών πεσόντες προσκυνήσητε τη εικόνι η εποίησα εάν δε μη προσκυνήσητε αυτή τη ώρα εμβληθήσεσθε εις την κάμινον του πυρός την καιομένην και τις εστί θεός ος εξελείται υμάς εκ των χειρών μου

3:16  και απεκρίθησαν Σεδράχ Μισάχ και Αβδεναγώ λέγοντες τω βασιλεί Ναβουχοδονόσορ ου χρείαν έχομεν ημείς περί του ρήματος τούτου αποκριθήναί σοι

3:17  εστι γαρ θεός ημών εν ουρανοίς ω ημείς λατρευόμεν δυνατός εξελέσθαι ημάς εκ της καμίνου του πυρός της καιομένης και εκ των χειρών σου βασιλεύ ρύσεται ημάς

3:18  και εάν μη γνωστόν έστω σοι βασιλεύ ότι τοις θεοίς σου ου λατρεύομεν και τη εικόνι τη χρυσή η έστησας ου προσκυνούμεν

3:19  τότε ο Ναβουχοδονόσορ επλήσθη θυμού και η όψις του προσώπου αυτού ηλλοιώθη επί Σεδράχ Μισάχ και Αβδεναγώ και είπεν εκκαύσαι την κάμινον επταπλασίως έως ου εις τέλος εκκαή

3:20  και άνδρας ισχυρούς ισχύϊ είπε πεδήσαντας τον Σεδράχ Μισάχ και Αβδεναγώ εμβαλείν εις την κάμινον του πυρός την καιομένην

3:21  τότε οι άνδρες εκείνοι επεδήθησαν συν τοις σαραβάροις αυτών και τιάραις και περικνήμισι και ενδύμασιν αυτών και εβλήθησαν εις το μέσον της καμίνου του πυρός της καιομένης

3:22  επεί το ρήμα του βασιλέως υπερίσχυσε και η κάμινος εξεκαύθη υπέρ εκ περισσού επταπλασίως

3:23  και οι τρεις ούτοι Σεδράχ Μισάχ και Αβδεναγώ έπεσον εις μέσον της καμίνου του πυρός της καιομένης πεπεδημένοι

3:24  και Ναβουχοδονόσορ ήκουσεν υμνούντων αυτών και εθαύμασε και εξανέστη εν σπουδή και είπε τοις μεγιστάσιν αυτού ουχί άνδρας τρεις εβάλομεν εις το μέσον του πυρός πεπεδημένους και είπον τω βασιλεί αληθώς βασιλεύ

3:25  και είπεν ο βασιλεύς ώδε εγώ ορώ άνδρας τέσσαρας λελυμένους και περιπατούντας εν μέσω του πυρός και διαφθορά ουκ έστιν εν αυτοίς και η όρασις του τετάρτου ομοία υιώ θεού

3:26  τότε προσήλθε Ναβουχοδονόσορ προς την θύραν της καμίνου του πυρός της καιομένης και είπε Σεδράχ Μισάχ και Αβδεναγώ οι δούλοι του θεού του υψίστου εξέλθετε και δεύτε και εξήλθον Σεδράχ Μισάχ Αβδεναγώ εκ μέσου του πυρός

3:27  και συνάγονται οι σατράπαι και οι στρατηγοί και οι τοπάρχαι και οι δυνάσται του βασιλέως και εθεώρουν τους άνδρας ότι ουκ εκυρίευσε το πυρ του σώματος αυτών και η θριξ της κεφαλής αυτών ουκ εφλογίσθη και τα σαράβαρα αυτών ουκ ηλλοιώθη και οσμή πυρός ουκ ην εν αυτοίς

3:28  και προσεκύνησεν ενώπιον αυτών ο βασιλεύς τω κυρίω και απεκρίθη Ναβουχοδονόσορ ο βασιλεύς και είπεν ευλογητός ο θεός του Σεδράχ Μισάχ και Αβδεναγώ ος απέστειλε τον άγγελον αυτού και εξείλετο τους παίδας αυτού ότι επεποίθεισαν επ΄ αυτώ και το ρήμα του βασιλέως ηλλοίωσαν και παρέδωκαν τα σώματα αυτών εις πυρ όπως μη λατρεύσωσι μηδέ προσκυνήσωσι παντί θεώ αλλ΄ η τω θεώ αυτών

3:29  και εγώ εκτίθεμαι δόγμα πας λαός φυλή γλώσσα η αν είπη βλασφημίαν κατά του θεού Σεδράχ Μισάχ Αβδεναγώ εις απώλειαν έσονται και οι οίκοι αυτών εις διαρπαγήν καθότι ουκ έστι θεός έτερος όστις δυνήσεται ρύσασθαι ούτως

3:30  τότε ο βασιλεύς κατεύθυνε τον Σεδράχ Μισάχ Αβδεναγώ εν τη χώρα Βαβυλώνος

Chapter 4

4:1  Ναβουχοδονόσορ ο βασιλεύς πάσι τοις λαοίς φυλαίς γλώσσαις τοις οικούσιν εν πάση τη γη ειρήνη υμίν πληθυνθείη

4:2  τα σημεία και τα τέρατα α εποίησε μετ΄ εμού ο θεός ο ύψιστος ήρεσεν εναντίον εμού αναγγείλαι υμίν

4:3  ως μεγάλα τα σημεία αυτού και ως ισχυρά τα τέρατα αυτού η βασιλεία αυτού βασιλεία αιώνιος και η εξουσία αυτού εις γενεάν και γενεάν

4:4  εγώ Ναβουχοδονόσορ ευθηνών ήμην εν τω οίκω μου και ευθαλών επί του θρόνου μου

4:5  ενύπνιον είδον και εφοβέρισέ με και εταράχθην επί της κοίτης μου και αι οράσεις της κεφαλής μου συνετάραξάν με

4:6  και δι΄ εμού ετέθη δόγμα του εισαγαγείν ενώπιον εμού πάντας τους σοφούς Βαβυλώνος όπως την σύγκρισιν του ενυπνίου γνωρίσωσί μοι

4:7  και εισεπορεύοντο οι επαοιδοί μάγοι γαζαρηνοί Χαλδαίοι και το ενύπνιον εγώ είπα ενώπιον αυτών και την σύγκρισιν αυτού ουκ εγνώρισάν μοι

4:8  έως ήλθε Δανιήλ ου το όνομα Βαλτάσαρ κατά το όνομα του θεού μου ος πνεύμα θεού άγιον εν εαυτώ έχει και το ενύπνιον ενώπιον αυτού είπα

4:9  Βαλτάσαρ ο άρχων των επαοιδών ον έγνων ότι πνεύμα άγιον εν σοι και παν μυστήριον ουκ αδυνατεί σε άκουσον την όρασιν του ενυπνίου μου ου είδον και την σύγκρισιν αυτού ειπέ μοι

4:10  και αι οράσεις της κεφαλής μου επί της κοίτης μου εθεώρουν και ιδού δένδρον εν μέσω της γης και το ύψος αυτού πολύ

4:11  εμεγαλύνθη το δένδρον και ίσχυσε και το ύψος αυτού έφθασεν έως του ουρανού και το κύτος αυτού εις τα πέρατα πάσης της γης

4:12  τα φύλλα αυτού ωραία και ο καρπός αυτού πολύς και τροφή πάντων εν αυτώ και υποκάτω αυτού κατεσκήνουν τα θηρία τα άγρια και εν τοις κλάδοις αυτού κατώκουν τα όρνεα του ουρανού εξ αυτού ετρέφετο πάσα σαρξ

4:13  εθεώρουν εν οράματι της νυκτός επί της κοίτης μου και ιδού ειρ και άγιος απ΄ ουρανού κατέβη

4:14  και εφώνησεν εν ισχύϊ και ούτως είπεν εκκόψατε το δένδρον και εκτίλατε τους κλάδους αυτού και εκτινάξατε τα φύλλα αυτού και διασκορπίσατε τον καρπόν αυτού σαλευθήτωσαν τα θηρία υποκάτωθεν αυτού και τα όρνεα από των κλάδων αυτού

4:15  πλην την φυήν των ριζών αυτού εν τη γη εάσατε και εν δεσμώ σιδηρώ και χαλκώ και εν τη χλοή τη έξω και εν τη δρόσω του ουρανού αυλισθήσεται και μετά των θηρίων η μερίς αυτού εν τω χόρτω της γης

4:16  η καρδία αυτού από των ανθρώπων αλλοιωθήσεται και καρδία θηρίου δοθήσεται αυτώ και επτά καιροί αλλαγήσονται επ΄ αυτόν

4:17  διά συγκρίματος ειρ ο λόγος και ρήμα αγίων το επερώτημα ίνα γνώσιν οι ζώντες ότι κύριός εστιν ο ύψιστος της βασιλείας των ανθρώπων και ω εάν δόξη δώσει αυτήν και εξουδένωμα ανθρώπων αναστήσει επ΄ αυτήν

4:18  τούτο το ενύπνιον είδον εγώ ο βασιλεύς Ναβουχοδονόσορ και συ Βαλτάσαρ το σύγκριμα είπον ότι πάντες οι σοφοί της βασιλείας μου ου δύνανται το σύγκριμα αυτού δηλώσαί μοι συ δε Δανιήλ δύνασαι ότι πνεύμα θεού άγιον εν σοι

4:19  τότε Δανιήλ ου το όνομα Βαλτάσαρ απηνεώθη ωσεί ώραν μίαν και οι διαλογισμοί αυτού συνετάρασσον αυτόν και απεκρίθη ο βασιλεύς και είπε Βαλτάσαρ το ενύπνιον και η σύγκρισις μη κατασπευσάτω σε απεκρίθη Βαλτάσαρ και είπε κύριε έστω το ενύπνιον τοις μισούσί σε και η σύγκρισις αυτού τοις εχθροίς σου

4:20  το δένδρον ο είδες το μεγαλυνθέν και το ισχυκός ου το ύψος εφθασεν εις τον ουρανόν και το κύτος αυτού εις πάσαν την γην

4:21  και τα φύλλα αυτού ευθαλή και ο καρπός αυτού πολύς και τροφή πάσιν εν αυτώ υποκάτω αυτού κατώκουν τα θηρία τα άγρια και εν τοις κλάδοις αυτού κατεσκήνουν τα όρνεα του ουρανού

4:22  συ ει βασιλευ ότι εμεγαλύνθης και ίσχυσας και η μεγαλωσύνη σου εμεγαλύνθη και έφθασεν εις τον ουρανόν και η κυρεία σου εις τα πέρατα της γης

4:23  και ότι είδεν ο βασιλεύς ειρ και άγιον καταβαίνοντα εκ του ουρανού και είπεν εκτίλατε το δένδρον και διαφθείρατε αυτό πλην την φυήν των ριζών αυτού εν τη γη εάσατε και εν δεσμώ σιδήρω και χαλκώ και εν τη χλοή τη έξω και εν τη δρόσω του ουρανού αυλισθήσεται και μετά θηρίων αγρίων η μερίς αυτού έως ου επτά καιροί αλλοιωθωσιν επ΄ αυτόν

4:24  τούτο η σύγκρισις αυτού βασιλεύ και σύγκριμα υψίστου εστίν ο έφθασεν επί τον κύριόν μου τον βασιλέα

4:25  και σε εκδιώξουσιν από των ανθρώπων και μετά θηρίων αγρίων έσται η κατοικία σου και χόρτον ως βούν ψωμιούσι σε και από της δρόσου του ουρανού αυλισθήση και επτά καιροί αλλαγήσονται επί σε έως ου γνως ότι κυριεύει ο ύψιστος της βασιλείας τνω ανθρώπων και ω αν δόξη δώσει αυτήν

4:26  και ότι είπαν εάσατε την φυήν των ριζών του δένδρου εν τη γη η βασιλεία σου σοι μένει αφ΄ ης αν γνως την εξουσίαν την επουράνιον

4:27  διά τούτο βασιλεύ η βουλή μου αρεσάτω σοι και τας αμαρτίας σου εν ελεημοσύναις λύτρωσαι και τας αδικίας σου εν οικτιρμοίς πενήτων ίσως έσται μακρόθυμος τοις παραπτώμασί σου

4:28  ταύτα πάντα έφθασεν επί Ναβουχοδονόσορ τον βασιλέα

4:29  μετά δωδεκάμηνον επί τω ναώ της βασιλείας αυτού εν Βαβυλώνι περιπατών

4:30  απεκρίθη ο βασιλεύς και είπεν ουχ αύτη εστί Βαβυλών η μεγάλη ην εγώ ωκοδόμησα εις οίκον βασιλείας εν τω κράτει της ισχύος μου εις τιμήν της δόξης μου

4:31  έτι του λόγου εν τω στόματι του βασιλέως όντος φωνή απ΄ ουρανού εγένετο σοι λέγεται Ναβουχοδονόσορ βασιλεύ η βασιλεία σου παρήλθεν από σου

4:32  και από των ανθρώπων σε εκδιώξουσι και μετά θηρίων αγρίων η κατοικία σου και χόρτον ως βούν ψωμιούσι σε και επτά καιροί αλλαγήσονται επί σε έως ου γνως ότι κυριεύει ο ύψιστος της βασιλείας των ανθρώπων και ω εάν δόξη δώσει αυτήν

4:33  αυτή τη ώρα ο λόγος συνετελέσθη επί Ναβουχοδονόσορ και από των ανθρώπων εξεδιώχθη και χόρτον ως βούς ήσθιε και από της δρόσου του ουρανού το σώμα αυτού εβάφη έως αι τρίχες αυτού ως λεόντων εμεγαλύνθησαν και οι όνυχες αυτού ως ορνέων

4:34  και μετά το τέλος των ημερών εγώ Ναβουχοδονόσορ τους οφθαλμούς μου εις τον ουρανόν ανελαβον και αι φρένες μου επ΄ εμέ επεστράφησαν και τω υψίστω ηυλόγησα και τω ζώντι εις τους αιώνας ήνεσα και εδόξασα ότι η εξουσία αυτού εξουσία αιώνιος και η βασιλεία αυτού εις γενεάν και γενεάν

4:35  και πάντες οι κατοικούντες την γην ως ουδέν ελογίσθησαν και κατά το θέλημα αυτού ποιεί εν τη δυνάμει του ουρανού και εν τη κατοικία της γης και ουκ έστιν ος αντιποιήσεται τη χειρί αυτού και ερεί αυτώ τι εποίησας

4:36  αυτώ τω καιρώ αι φρένες μου επεστράφησαν επ΄ εμέ και εις την τιμήν της βασιλείας μου ήλθον και η μορφή μου επέστρεψεν επ΄ εμέ και οι τύραννοί μου και οι μεγιστάνες μου εζήτουν με και επί την βασιλείαν μου εκραταιώθην και μεγαλωσύνη περισσοτέρα προσετέθη μοι

4:37  νυν ουν εγώ Ναβουχοδονόσορ αινώ και υπερυψώ και δοξάζω τον βασιλέα του ουρανού ότι πάντα τα έργα αυτού αληθινά και αι τρίβοι αυτού κρίσεις και πάντας τους πορευομένους εν υπερηφανία δύναται ταπεινώσαι

Chapter 5

5:1  Βαλτάσαρ ο βασιλεύς εποίησε δείπνον μέγα τοις μεγιστάσιν αυτού ανδράσι χιλιοις και κατέναντι των χιλίων ο οίνος

5:2  και πίνων Βαλτάσαρ είπεν εν τη γεύσει του οίνου του ενεγκείν τα σκεύη τα χρυσά και τα αργυρά α εξήνεγκεν Ναβουχοδονόσορ ο πατήρ αυτού εκ του ναού του εν Ιερουσαλήμ και πιέτωσαν εν αυτοίς ο βασιλεύς και οι μεγιστάνες αυτού και αι παλλακαί αυτού και αί παράκοιτοι αυτού

5:3  και ηνέχθησαν τα σκεύη τα χρυσά και τα αργυρά α εξήνεγκεν εκ του ναού του θεού του εν Ιερουσαλήμ και έπινον εν αυτοίς ο βασιλεύς και οι μεγιστάνες αυτού και αι παλλακαί αυτού και αι παράκοιτοι αυτού

5:4  έπινον οίνον και ήνεσαν τους θεούς τους χρυσούς και αργυρούς και χαλκούς και σιδηρούς και ξυλίνους και λιθίνους

5:5  εν αύτη τη ώρα εξήλθον δάκτυλοι χειρός ανθρώπου και έγραφον κατέναντι της λαμπάδος επί το κονίαμα του τοίχου του οίκου του βασιλέως και ο βασιλεύς έθεωρει τους αστραγάλους της χειρός της γραφούσης

5:6  τότε του βασιλέως η μορφη ηλλοιώθη και οι διαλογισμοί αυτού συνετάρασσον αυτόν και οι σύνδεσμοι της οσφύος αυτού διελύοντο και τα γόνατα αυτού συνεκροτούντο

5:7  και εβόησεν ο βασιλεύς εν ισχύϊ του εισαγαγείν τους μάγους και τους Χαλδαίους και τους γαζαρηνούς και είπε τοις σοφοίς Βαβυλώνος ος αν αναγνώ την γραφήν ταύτην και την σύγκρισιν αυτής γνωρίση μοι πορφύραν ενδύσεται και ο μανιάκης ο χρυσούς επί τον τράχηλον αυτού και τρίτος εν τη βασιλεία μου άρξει

5:8  και εισεπορεύοντο πάντες οι σοφοί του βασιλέως και ουκ ηδύναντο την γραφήν αναγνώναι ουδέ την σύγκρισιν γνωρίσαι τω βασιλεί

5:9  και ο βασιλεύς Βαλτάσαρ εταράχθη και η μορφή αυτού ηλλοιώθη εν αυτώ και οι μεγιστάνες αυτού συνεταράσσοντο

5:10  και η βασίλισσα εισήλθεν εις τον οίκον του πότου και απεκρίθη η βασίλισσα και είπε βασιλεύ εις τον αιώνα ζήθι μη ταρασσέτωσάν σε οι διαλογισμοί σου και η μορφή σου μη αλλοιούσθω

5:11  έστιν ανήρ εν τη βασιλεία σου εν ω πνεύμα θεού του αγίου εστί και εν ταις ημέραις του πατρός σου γρηγόρησις και σύνεσις και σοφία ως σοφία θεού ευρέθη εν αυτώ και ο βασιλεύς Ναβουχοδονόσορ ο πατήρ σου άρχοντα επαοιδών μάγων Χαλδαίων γαζαρηνών κατέστησεν αυτόν

5:12  οτι πνεύμα περισσόν εν αυτώ και φρόνησις και σύνεσις συγκρίνων ενύπνια και αναγγέλλων κρατουμενα και λύων συνδέσμους Δανιήλ και ο βασιλεύς επέθηκεν αυτώ όνομα Βαλτάσαρ νυν ουν κληθήτω και την σύγκρισιν αυτού αναγγελεί σοι

5:13  τότε Δανιήλ εισήχθη ενώπιον του βασιλέως και είπεν ο βασιλεύς τω Δανιήλ συ ει Δανιήλ ο από των υιών της αιχμαλωσίας της Ιουδαίας ης ήγαγεν ο βασιλεύς ο πατήρ μου

5:14  ήκουσα περί σου ότι πνεύμα θεού εν σοι και γρηγόρησις και σύνεσις και σοφία περισσή ευρέθη εν σοι

5:15  και νυν εισήλθον ενώπιόν μου οι σοφοί μάγοι γαζαρηνοί ίνα την γραφήν ταύτην αναγνώσι και την σύγκρισιν γνωρίσωσί μοι και ουκ ηδυνήθησαν αναγγείλαί μοι

5:16  και εγώ ήκουσα περί σου ότι δύνασαι κρίματα συγκρίναι νυν ουν εάν δυνηθής την γραφήν ταύτην αναγνώναι και την σύγκρισιν αυτής γνωρίσαι μοι πορφύραν ενδύση και ο μανιάκης ο χρυσούς έσται επί τον τραχηλόν σου και τρίτος εν τη βασιλεία μου αρξεις

5:17  τότε απεκρίθη Δανιήλ και είπε ενώπιον του βασιλέως τα δόματά σου σοι έστω και την δωρεάν της οικίας σου ετέρω δος εγώ δε την γραφήν αναγνώσομαι τω βασιλεί και την σύγκρισιν αυτής γνωρίσω σοι

5:18  βασιλεύ ο θεός ο ύψιστος την βασιλείαν και την μεγαλωσύνην και την τιμήν και την δόξαν έδωκεν Ναβουχοδονόσορ τω πατρί σου

5:19  και από της μεγαλωσύνης ης έδωκεν αυτώ πάντες οι λαοί φυλαί γλώσσαι ήσαν τρέμοντες και φοβούμενοι από προσώπου αυτού ους εβούλετο αυτός ανήρει και ους εβούλετο αυτός έτυπτεν και ους εβούλετο αυτός ύψου και ους εβούλετο αυτός εταπείνου

5:20  και ότε υψώθη η καρδία αυτού και το πνεύμα αυτού εκραταιώθη του υπερηφανεύσασθαι κατηνέχθη από του θρόνου της βασιλείας και η τιμή αφηρέθη απ΄ αυτού

5:21  και από των ανθρώπων εξεδιώχθη και η καρδία αυτού μετά των θηρίων εδόθη και μετά των ονάγρων η κατοικία αυτού και χόρτον ως βούν εψώμιζον αυτόν και από της δρόσου του ουρανού το σώμα αυτού εβάφη έως ου έγνω ότι κυριεύει ο θεός ύψιστος της βασιλείας των ανθρώπων και ω εάν δόξη δώσει αυτήν

5:22  και συ ο υιός αυτού Βαλτάσαρ ουκ εταπείνωσας την καρδίαν σου κατενώπιον του θεού ου πάντα ταύτα έγνως

5:23  και επί τον κύριον τον θεόν του ουρανού υψώθης και τα σκεύη του οίκου αυτού ήνεγκας ενώπιόν σου και συ και οι μεγιστάνες σου και αι παλλακαί σου και αι παράκοιτοί σου οίνον επίνετε εν αυτοίς και τους θεούς τους χρυσούς και αργυρούς και χαλκούς και σιδηρούς και ξυλίνους και λιθίνους οι ου βλέπουσι και ουκ ακούουσι και ου γινώσκουσιν ήνεσας και τον θεόν ου η πνοή σου εν χειρί αυτού και πάσαι αι οδοί σου αυτόν ουκ εδόξασας

5:24  διά τούτο εκ προσώπου αυτού απεστάλη αστράγαλος χειρός και την γραφήν ταύτην ενέταξε

5:25  και αύτη η γραφή εντεταγμένη μανή θεκέλ φαρές

5:26  τούτο το σύγκριμα του ρήματος μανή εμέτρησεν ο θεός την βασιλείαν σου και επλήρωσεν αυτήν

5:27  θεκέλ εστάθη εν ζυγώ και ευρέθη υστερούσα

5:28  φαρές διήρηται η βασιλεία σου και εδόθη Μήδοις και Πέρσαις

5:29  και είπε Βαλτάσαρ και ενέδυσαν τον Δανιήλ πορφύραν και τον μανιάκην τον χρυσούν περιέθηκαν περί τον τράχηλον αυτού και εκήρυξε περί αυτού είναι αυτόν άρχοντα τρίτον εν τη βασιλεία

5:30  εν αυτή τη νυκτί ανηρέθη Βαλτάσαρ ο βασιλεύς ο Χαλδαίος

5:31  και Δαρείος ο Μήδος παρέλαβε την βασιλείαν ων ετών εξήκοντα δύο

Chapter 6

6:1  και ήρεσεν ενώπιον Δαρείου και κατέστησεν επί της βασιλείας σατράπας εκατόν είκοσι του είναι αυτούς εν όλη τη βασιλεία αυτού

6:2  και επάνω αυτών τακτικούς τρεις ον ην Δανιήλ εις εξ αυτών του αποδιδόναι αυτοίς τους σατράπας λόγον όπως ο βασιλεύς μη ενοχλήται

6:3  και ην Δανιήλ υπέρ αυτούς ότι πνεύμα περισσόν ην εν αυτώ και ο βασιλεύς κατέστησεν αυτόν εφ΄ όλης της βασιλείας αυτού

6:4  και οι τακτικοί και οι σατράπαι εζήτουν πρόφασιν ευρείν κατά Δανιήλ και πάσαν πρόφασιν και παράπτωμα και αμπλάκημα ουχ εύρον κατ΄ αυτού ότι πιστός ην

6:5  και είπαν οι τακτικοί ουχ ευρήσομεν κατά Δανιήλ πρόφασιν ει μη εν νομίμοις θεού αυτού

6:6  τότε οι τακτικοί και οι σατράπαι παρέστησαν τω βασιλεί και είπαν αυτώ Δαρείε βασιλεύ εις τους αιώνας ζήθι

6:7  συνεβουλεύσαντο παντες οι επί της βασιλείας σου στρατηγοί και σατράπαι ύπατοι και τοπάρχαι του στήσαι στάσει βασιλική και ενισχύσαι ορισμόν όπως ος εάν αιτήσηται αίτημα παρά παντός θεού και ανθρώπου έως ημερών τριάκοντα αλλ΄ η παρά σου βασιλεύ εμβληθήσεται εις τον λάκκον των λεόντων

6:8  νυν ουν βασιλεύ στήσον τον ορισμόν και έκθες γραφήν όπως μη αλλοιωθή το δόγμα Περσών και Μήδων

6:9  τότε ο βασιλεύς Δαρείος επέταξε γραφήναι το δόγμα

6:10  και Δανιήλ ηνίκα έγνω ότι ενετάγη το δόγμα εισήλθεν εις τον οίκον αυτού και αι θυρίδες ανεωγμέναι αυτώ εν τοις υπερώοις αυτού κατέναντι Ιερουσαλήμ και καιρούς τρεις της ημέρας ην κάμπτων επί τα γόνατα αυτού και προσευχόμενος και εξομολογούμενος εναντίον του θεού αυτού καθώς ην ποιών έμπροσθεν

6:11  τότε οι άνδρες εκείνοι παρετήρησαν και εύρον τον Δανιήλ αξιούντα και δεόμενον του θεού αυτού

6:12  και προσελθόντες λέγουσι τω βασιλεί βασιλεύ ουχ ορισμόν έταξας όπως πας άνθρωπος ος αν αιτήση παρά παντός θεού και ανθρώπου αίτημα έως ημερών τριάκοντα αλλ΄ η παρά σου βασιλεύ εμβληθήσεται εις τον λάκκον των λεόντων και είπεν ο βασιλεύς αληθινός ο λόγος και το δόγμα Μήδων και Περσών ου παρελεύσεται

6:13  τότε απεκρίθησαν και λέγουσιν ενώπιον του βασιλέως Δανιήλ ο από των υιών της αιχμαλωσίας της Ιουδαίας ουχ υπετάγη τω δόγματί σου και καιρούς τρεις της ημέρας αιτείται παρά του θεού αυτού τα αιτήματα αυτού

6:14  τότε ο βασιλεύς ως ήκουσε το ρήμα πολύ ελυπήθη επ΄ αυτώ και περί του Δανιήλ ηγωνίσατο του εξελέσθαι αυτόν και έως εσπέρας ην αγωνιζόμενος του εξελέσθαι αυτόν

6:15  τότε οι άνδρες εκείνοι λέγουσι τω βασιλεί γνώθι βασιλεύ ότι το δόγμα Μήδοις και Πέρσαις του παν ορισμόν και στάσιν ην ο βασιλεύς στήσει ου δει παραλλάξαι

6:16  τότε ο βασιλεύς είπε και ήγαγον τον Δανιήλ και ενέβαλον αυτόν εις τον λάκκον των λεόντων και είπεν ο βασιλεύς τω Δανιήλ ο θεός σου ω συ λατρεύεις ενδελεχώς αυτός εξελείταί σε

6:17  και ήνεγκαν λίθον ένα και επέθηκαν επί το στόμα του λάκκου και εσφραγίσατο ο βασιλεύς εν τω δακτυλίω αυτού και εν τω δακτυλίω των μεγιστάνων αυτού όπως μη αλλοιωθή πράγμα εν τω Δανιήλ

6:18  και απήλθεν ο βασιλεύς εις τον οίκον αυτού και εκοιμήθη άδειπνος και εδέσματα ουκ εισήνεγκαν αυτώ και ο ύπνος απέστη απ΄ αυτού

6:19  τότε ο βασιλεύς ανέστη τοπρωϊ εν τω φωτί και εν σπουδή ήλθεν επί τον λάκκον των λεόντων

6:20  και εν τω εγγίζειν αυτόν τω λάκκω τω Δανιήλ εβόησε φωνή ισχυρά Δανιήλ ο δούλος του θεού του ζώντος ο θεός σου ω συ λατρεύεις ενδελεχώς ει αδυνάσθη εξελέσθαι σε εκ στόματος των λεόντων

6:21  και είπε Δανιήλ τω βασιλεί βασιλεύ εις τους αιώνας ζήθι

6:22  ο θεός μου απέστειλε τον άγγελον αυτού και ενέφραξε τα στόματα των λεόντων και ουκ ελυμήναντό με ότι κατέναντι αυτού ευθύτης ευρέθη εν εμοί και ενώπιον δε σου βασιλεύ παράπτωμα ουκ εποίησα

6:23  τότε ο βασιλεύς πολύ ηγαθύνθη επ΄ αυτώ και τον Δανιήλ είπεν ανενέγκαι εκ του λάκκου και ανηνέχθη Δανιήλ εκ του λάκκου και πάσα διαφθορά ουχ ευρέθη εν αυτώ ότι επίστευσεν εν τω θεώ αυτού

6:24  και είπεν ο βασιλεύς και ήγαγον τους άνδρας τους διαβαλόντας τον Δανιήλ και εις τον λάκκον των λεόντων ενεβλήθησαν αυτοί και οι υιοί αυτών και αι γυναίκες αυτών και ουκ έφθασαν εις το έδαφος του λάκκου έως ου εκυρίευσαν αυτών οι λέοντες και πάντα τα οστά αυτών ελέπτυναν

6:25  τότε Δαρείος ο βασιλεύς έγραψε πάσι τοις λαοίς φυλαίς γλώσσαις τοις οικούσιν εν πάση τη γη ειρήνη υμίν πληθυνθείη

6:26  εκ προσώπου μου ετέθη δόγμα του εν πάση αρχή της βασιλείας μου είναι τρέμοντας και φοβουμένους από προσώπου του θεού Δανιήλ ότι αυτός εστι θεός ζών και μένων εις τους αιώνας και η βασιλεία αυτού ου διαφθαρήσεται και η κυρεία αυτού έως τέλους

6:27  αντιλαμβάνεται και ρύεται και ποιεί σημεία και τέρατα εν τω ουρανώ και επί της γης όστις εξείλατο τον Δανιήλ εκ στόματος των λεόντων

6:28  και Δανιήλ κατηυθυνεν εν τη βασιλεία Δαρείου και εν τη βασιλεία Κύρου του Πέρσου

Chapter 7

7:1  εν τω πρώτα έτει Βαλτάσαρ βασιλέως Χαλδαίων Δανιήλ ενύπνιον είδε και αι οράσεις της κεφαλής αυτού επί της κοίτης αυτού και το ενύπνιον αυτού έγραψεν και το κεφάλαιον των λόγων είπεν

7:2  εγώ Δανιήλ εθεώρουν εν οράματί μου της νυκτός και ιδού οι τέσσαρες άνεμοι του ουρανού προσέβαλον εις την θάλασσαν την μεγάλην

7:3  και τέσσαρα θηρία μεγάλα ανέβαινον εκ της θαλάσσης διαφέροντα αλλήλων

7:4  το πρώτον ωσεί λέαινα και πτερά αυτής αετου εθεώρουν έως ου εξετίλη τα πτερά αυτής και εξήρθη από της γης και επί ποδών ανθρώπου εστάθη και καρδία ανθρώπου εδόθη αυτή

7:5  και ιδού θηρίον δεύτερον όμοιον άρκω και εις μέρος εν εστάθη και τρία πλευρά εν τω στόματι αυτής αναμέσον των οδόντων αυτής και ούτως έλεγον αυτή ανάστηθι φάγε σάρκας πολλάς

7:6  οπίσω αυτού εθεώρουν και ιδού έτερον θηρίον ωσεί πάρδαλις και αυτή πτερά τέσσαρα πετεινού υπεράνω αυτής και τέσσαρες κεφαλαί τω θηρίω και εξουσία εδόθη αυτή

7:7  οπίσω τούτου εθεώρουν και ιδού θηρίον τέταρτον φοβερόν και εκθάμβον και ισχυρόν περισσώς και οι οδόντες αυτού σιδηροί μεγάλοι εσθίον και λεπτύνον και τα επίλοιπα τοις ποσίν αυτού συνεπάτει και αυτό διάφορον περισσώς παρά πάντα τα θηρία τα έμπροσθεν αυτού και κέρατα δέκα αυτώ

7:8  προσενόουν τοις κέρασιν αυτού και ιδού κέρας έτερον μικρόν ανέβη εν μέσω αυτών και τρία κέρατα των έμπροσθεν αυτού εξερριζώθη από προσώπου αυτού και ιδού οφθαλμοί ωσεί οφθαλμοί ανθρώπου εν τω κέρατι τούτω και στόμα λαλούν μεγάλα

7:9  εθεώρουν έως ότου θρόνοι ετέθησαν και παλαιός ημερών εκάθητο και το ένδυμα αυτού ωσεί χιών λευκόν και η θριξ της κεφαλής αυτού ωσεί έριον καθαρόν ο θρόνος αυτού φλοξ πυρός οι τροχοί αυτού πυρ φλέγον

7:10  ποταμός πυρός είλκεν εκπορευόμενος έμπροσθεν αυτού χίλιαι χιλιάδες ελειτούργουν αυτώ και μύριαι μυριάδες παρειστήκεισαν έμπροσθεν αυτού κριτήριον εκάθισε και βίβλοι ηνεώχθησαν

7:11  εθεώρουν τότε από φωνής των λόγων των μεγάλων ων το κέρας εκείνο ελάλει έως ανηρέθη το θηρίον και απώλετο και το σώμα αυτού εδόθη εις καύσιν πυρός

7:12  και των λοιπών θηρίων μετεστάθη η αρχή και μακρότης ζωής εδόθη αυτοίς έως χρόνου και καιρού

7:13  εθεώρουν εν οράματι της νυκτός και ιδού μετά των νεφελών του ουρανού και ως υιός ανθρώπου ερχόμενος ην και έως του παλαιού των ημερών έφθασε και ενώπιον αυτού προσηνέχθη

7:14  και αυτώ εδόθη η αρχή και η τιμή και η βασιλεία και πάντες οι λαοί φυλαί και γλώσσαι αυτώ δουλευσουσιν η εξουσία αυτού εξουσία αιώνιος ήτις ου παρελεύσεται και η βασιλεία αυτού ου διαφθαρήσεται

7:15  έφριξε το πνεύμά μου εγώ Δανιήλ εν τη έξει μου και αι οράσεις της κεφαλής μου συνετάρασσόν με

7:16  και προσήλθον ενί των εστηκότων και την ακρίβειαν εζήτουν παρ΄ αυτού μαθείν περί πάντων τούτων και είπε μοι την ακρίβειαν και την σύγκρισιν των λόγων εγνώρισέ μοι

7:17  ταύτα τα θηρία τα μεγάλα τα τέσσαρα τέσσαρες βασιλείαι αναστήσονται επί της γης

7:18  αι αρθήσονται και παραλήψονται την βασιλείαν άγιοι υψίστου και καθέξουσιν αυτήν έως αιώνος και έως αιώνος των αιώνων

7:19  και εζήτουν ακριβώς περί του θηρίου του τετάρτου ότι ην διάφορον παρά παν θηρίον φοβερόν περισσώς οι οδόντες αυτού σιδηροί και οι όνυχες αυτού χαλκοί εσθίον και λεπτύνον και τα επίλοιπα τοις ποσίν αυτού συνεπάτει

7:20  και περί των κεράτων αυτού των δέκα των εν τη κεφαλή αυτού και του ετέρου του αναβάντος και εκτινάξαντος των προτέρων τρία κέρας εκείνο ω οι οφθαλμοί και στόμα λαλούν μεγάλα και η όρασις αυτού μείζων των λοιπών

7:21  εθεώρουν και το κέρας εκείνο εποίει πόλεμον μετά των αγίων και ίσχυσε προς αυτούς

7:22  έως ου ήλθεν ο παλαιός των ημερών και το κρίμα έδωκεν αγίοις υψίστου και ο καιρός έφθασε και την βασιλείαν κατέσχον οι άγιοι

7:23  και είπε το θηρίον το τέταρτον βασιλεία τετάρτη έσται εν τη γη ήτις υπερέξει πάσας τας βασιλείας και καταφάγεται πάσαν την γην και συμπατήσει αυτήν και κατακόψει

7:24  και τα δέκα κέρατα αυτού δέκα βασιλείς αναστήσονται και οπίσω αυτών αναστήσεται έτερος ος υπεροίσει πάντας τους έμπροσθεν και τρεις βασιλείς ταπεινώσει

7:25  και λόγους προς τον ύψιστον λαλήσει και τους αγίους υψίστου πλανήσει και υπονοήσει του αλλοιώσαι καιρούς και νόμον και δοθήσεται εν χειρί αυτού έως καιρού και καιρών και ήμισυ καιρού

7:26  και το κριτήριον καθίσει και την αρχήν μεταστήσουσι του αφανίσαι και του απολέσαι έως τέλους

7:27  και η βασιλεία και η εξουσία και η μεγαλωσύνη των βασιλέων των υποκάτω παντός του ουρανού εδόθη αγίοις υψίστου και η βασιλεία αυτού βασιλεία αιώνιος και πάσαι αι αρχαί αυτώ δουλεύσουσι και υπακούσονται

7:28  έως ώδε το πέρας του λόγου εγώ Δανιήλ επί πολύ οι διαλογισμοί μου συνετάρασσόν με και η μορφή μου ηλλοιώθη επ΄ εμοί και το ρήμα εν τη καρδία μου συνετήρησα

Chapter 8

8:1  εν έτει τρίτω της βασιλείας Βαλτάσαρ του βασιλέως όρασις ώφθη προς με εγώ Δανιήλ μετά την οφθείσάν μοι την αρχήν

8:2  και ήμην εν Σούσοις τη βάρει η εστιν εν χώρα Αιλάμ και είδον εν οράματι και ήμην επί του Ουλαι

8:3  και ήρα τους οφθαλμούς μου και είδον και ιδού κριός εις εστηκώς προ του Ούβαλ και αυτώ κέρατα και τα κέρατα υψηλά και το εν υψηλότερον του ετέρου και το υψηλόν ανέβαινεν επ΄ εσχάτων

8:4  και είδον τον κριόν καρατίζοντα κατά θάλασσαν και βορράν και νότον και πάντα τα θηρία ου στήσονται ενώπιον αυτού και ουκ ην ο εξαιρούμενος εκ χειρός αυτού και εποίησε κατά το θέλημα αυτού και εμεγαλύνθη

8:5  και εγώ ήμην συνιών και ιδού τράγος αιγών ήρχετο από λιβός επί πρόσωπον πάσης της γης και ουκ ην απτόμενος της γης και τω τράγω κέρας θεωρητόν αναμέσον των οφθαλμών αυτού

8:6  και ήλθεν έως του κριού του τα κέρατα έχοντος ου είδον εστώς ενώπιον του Ούβαλ και έδραμε προς αυτόν εν ορμή της ισχύος αυτού

8:7  και είδον αυτόν φθάνοντα έως του κριού και εξηγριώθη προς αυτόν και έπαισε τον κριόν και συνέτριψεν αμφότερα τα κέρατα αυτού και ουκ ην ισχύς τω κριώ του στήναι ενώπιον αυτού και έρριψεν αυτόν επί την γην και συνεπάτησεν αυτόν και ουκ ην ο εξαιρούμενος τον κριόν εκ χειρός αυτού

8:8  και ο τράγος των αιγών εμεγαλύνθη έως σφόδρα και εν τω ισχύσαι αυτόν συνετρίβη το κέρας αυτού το μέγα και ανέβη έτερα κέρατα τέσσαρα υποκάτω αυτού εις τους τέσσαρας ανέμους του ουρανού

8:9  και εκ του ενός αυτών εξήλθε κέρας εν ισχυρόν και εμεγαλύνθη περισσώς προς τον νότον και προς την ανατολήν και προς την δύσιν

8:10  και εμεγαλύνθη έως της δυνάμεως του ουρανού και έπεσεν επί την γην από της δυνάμεως του ουρανού και από των άστρων και συνεπάτησεν αυτά

8:11  και έως του αρχιστρατηγού εμεγαλύνθη και δι΄ αυτόν θυσία εταράχθη και το άγιον ερημωθήσεται

8:12  και εδόθη επί την θυσίαν αμαρτία και ερρίφη χαμαί η δικαιοσύνη και εποίησεν και ευωδώθη

8:13  και ήκουσα ενός αγίου λαλούντος και είπεν εις άγιος τω φελμουνί τω λαλούντι έως πότε η όρασις στήσεται η θυσία η αρθείσα και η αμαρτία ερημώσεως η δοθείσα και το άγιον και η δύναμις συμπατηθήσεται

8:14  και είπεν αυτώ έως εσπέρας και πρωϊ ημέραι δισχίλιαι τριακόσιαι και καθαρισθήσεται το άγιον

8:15  και εγένετο εν τω είδειν με εγώ Δανιήλ την ορασιν και εζήτουν σύνεσιν και ιδού έστη ενώπιον μού ως όρασις ανδρός

8:16  και ήκουσα φωνήν ανδρός αναμέσον του Ουλαί και εκάλεσε και είπε Γαβριήλ συνέτισον εκείνον την ορασιν

8:17  και ήλθε και έστη εχόμενος της στάσεώς μου και εν τω ελθείν αυτόν εθαμβήθην και πίπτω επί πρόσωπόν μου και είπε προς με σύνες υιέ ανθρώπου έτι γαρ εις καιρού πέρας η όρασις

8:18  και εν τω λαλείν αυτόν μετ΄ εμού πίπτω επί πρόσωπόν μου επί την γην και ήψατό μου και έστησέ με επί πόδας

8:19  και είπεν ιδού εγώ γνωρίζω σοι τα εσόμενα επ΄ εσχάτων της οργής έτι γαρ εις καιρού πέρας

8:20  ο κριός ον είδες ο έχων τα κέρατα βασιλεύς Μήδων και Περσών

8:21  και ο τράγος των αιγών βασιλεύς Ελλήνων και το κέρας το μέγα ο ην αναμέσον των οφθαλμών αυτού αυτός εστιν ο βασιλεύς ο πρώτος

8:22  και του συντριβέντος ου έστησαν τέσσαρα κέρατα υποκάτω τέσσαρες βασιλείς εκ του έθνους αυτού αναστήσονται και ουκ εν τη ισχύϊ αυτού

8:23  και επ΄ εσχάτων της βασιλείας αυτών πληρουμένων των αμαρτιών αναστήσεται βασιλεύς αναιδής προσώπω και συνιών προβλήματα

8:24  και κραταιά η ισχύς αυτού και ουκ εν τη ισχύϊ αυτού και θαυμαστά διαφθερεί και κατευθυνεί και ποιήσει και διαφθερεί ισχυρούς και λαόν άγιον

8:25  και ο ζυγός του κλοιού κατευθυνεί δόλος εν χειρί αυτού και εν καρδία αυτού μεγαλυνθήσεται και δόλω διαφθερεί πολλούς και επί απωλεία πολλών στήσεται και ως ωά χειρί συντρίψει

8:26  και η όρασις της εσπέρας και της πρωϊας της ρηθείσης αληθής εστι και συ σφράγισον την όρασιν ότι εις ημέρας πολλάς

8:27  και εγώ Δανιήλ εκοιμήθην και εμαλακίσθην ημέρας και ανέστην και εποίουν τα έργα του βασιλέως και εθαύμαζον την όρασιν και ουκ ην ο συνιών

Chapter 9

9:1  εν τω πρώτω έτει Δαρείου του υιόυ Ασσουήρου από του σπέρματος των Μήδων ος εβασίλευσεν επί την βασιλείαν Χαλδαίων

9:2  εν έτει ενί της βασιλείας αυτού εγώ Δανιήλ συνήκα εν ταις βίβλοις τον αριθμόν των ετών ος εγενήθη λόγος κυρίου προς Ιερεμίαν τον προφήτην εις συμπλήρωσιν της ερημώσεως Ιερουσαλήμ εβδομήκοντα έτη

9:3  και έδωκα το πρόσωπόν μου προς κύριον τον θεόν του εκζητήσαι προσευχήν και δέησιν εν νηστείαις και σάκκω και σποδώ

9:4  και προσευξάμην προς κύριον τον θεόν μου και εξομολογησάμην και είπα κύριε ο θεός ο μέγας και θαυμαστός ο φυλάσσων την διαθήκην σου και το έλεος τοις αγαπώσί σε και τοις φυλάσσουσι τας εντολάς σου

9:5  ημάρτομεν ηδικήσαμεν ησεβήσαμεν και απέστημεν και εξεκλίναμεν από των εντολών σου και από των κριμάτων σου

9:6  και ουκ εισηκούσαμεν των δούλων σου των προφητών οι ελάλουν εν τω ονόματί σου προς τους βασιλείς ημών και άρχοντας ημών και πατέρας ημών και προς πάντα τον λαόν της γης

9:7  σοι κύριε η δικαιοσύνη και ημίν η αισχύνη του προσώπου ως η ημέρα αύτη ανδρί Ιούδα και τοις ενοικούσιν Ιερουσαλήμ και παντί Ισραήλ τοις εγγύς και τοις μακράν εν πάση τη γη ου διέσπειρας αυτούς εκεί αν αθεσία αυτών η ηθέτησαν εν σοι κύριε

9:8  ημίν η αισχύνη του προσώπου και τοις βασιλεύσιν ημών και τοις άρχουσιν ημών και τοις πατράσιν ημών οίτινες ημάρτομέν σοι

9:9  κυρίω θεώ ημών οι οικτιρμοί και οι ιλασμοί ότι απέστημεν από κυρίου

9:10  και ουκ εισηκούσαμεν της φωνής κυρίου του θεού ημών πορεύεσθαι εν τοις νόμοις αυτού οις έδωκε κατά πρόσωπον ημών εν χερσί των δούλων αυτού των προφητών

9:11  και πας Ισραήλ παρέβησαν τον νόμον σου και εξέκλιναν του μη ακούσαι της φωνής σου και επήλθεν εφ΄ ημάς η κατάρα και ο όρκος ο γεγραμμένος εν νόμω Μωυσέως δούλου του θεού ότι ημάρτομεν αυτώ

9:12  και έστησε τους λόγους αυτού ους ελάλησεν εφ΄ ημάς και επί τους κριτάς ημών οι έκριναν ημάς επάγαγειν εφ΄ ημάς κακά μεγάλα οία ου γέγονεν υποκάτω παντός του ουρανού κατά τα γενόμενα εν Ιερουσαλήμ

9:13  καθώς γέγραπται εν τω νόμω Μωυσή πάντα τα κακά ταύτα ήλθεν εφ΄ ημάς και ουκ εδεήθημεν του προσώπου κυρίου του θεού ημών αποστρέψαι από των αδικιών ημών και του συνιέναι εν πάση αληθεία

9:14  και εγρηγόρησε κύριος ο θεός ημών επί την κακίαν και επήγαγεν αυτά εφ΄ ημάς ότι δίκαιος κύριος ο θεός ημών επί πάσαν την ποίησιν αυτού ην εποίησε και ουκ εισηκούσαμεν της φωνής αυτού

9:15  και νυν κύριε ο θεός ημών ος εξήγαγες τον λαόν σου εκ γης Αιγύπτου εν χειρί κραταιά και εποίησας σεαυτώ όνομα ως η ημέρα αύτη ημάρτομεν ηνομήσαμεν ηδικήσαμεν

9:16  κύριε εν πάση ελεημοσύνη σου αποστραφήτω δη ο θυμός σου και η οργή σου από της πόλεως σου Ιερουσαλήμ όρους αγίου σου ότι ημάρτομεν εν ταις αδικίαις ημών και των πατέρων ημών Ιερουσαλήμ και ο λαός σου εις ονειδισμόν εγένετο εν πάσι τοις περικύκλω ημών

9:17  και νυν εισάκουσον κύριε ο θεός ημών της προσευχής του δούλου σου και των δεήσεων αυτού και επίφανον το πρόσωπόν σου επί το αγίασμά σου το έρημον ένεκέν σου κύριε

9:18  κλίνον ο θεός μου το ους σου και άκουσον άνοιξον τους οφθαλμούς σου και ίδε τον αφανισμόν ημών και της πόλεώς σου εφ΄ ης επικέκληται το όνομά σου επ΄ αυτής ότι ουκ επί ταις δικαιοσύναις ημών ημείς ριπτούμεν τον οικτιρμόν ημών ενώπιόν σου αλλ΄ επί τους οικτιρμούς σου τους πολλούς κύριε

9:19  εισάκουσον κύριε ιλάσθητι κύριε πρόσχες κύριε ποίησον και μη χρονίσης ένεκεν σου κύριος ο θεός μου ότι το όνομά σου επικέκληται επί την πόλιν σου και επί τον λαόν σου

9:20  και έτι μου λαλούντος και προσευχομένου και εξαγορεύοντος τας αμαρτίας μου και τας αμαρτίας του λαού μου Ισραήλ και ριπτούντος τον έλεόν μου εναντίον κυρίου του θεού μου περί του όρους του αγίου του θεού μου

9:21  και έτι μου λαλούντος εν τη προσευχή και ιδού ανήρ Γαβριήλ ον είδον εν τη οράσει εν τη αρχή πετόμενος και ήψατό μου ωσεί ώραν θυσίας εσπερινής

9:22  και συνέτισέ με και ελάλησε μετ΄ εμού και είπε Δανιήλ νυν εξήλθον συμβιβάσαι σε σύνεσιν

9:23  εν αρχή της δεήσεώς σου εξήλθεν ο λόγος και εγώ ήλθον του αναγγείλαί σοι ότι ανήρ επιθυμιών ει συ και εννοήθητι εν τω ρήματι και σύνες εν τη οπτασία

9:24  εβδομήκοντα εβδομάδες συνετμήθησαν επί τον λαόν σου και επί την πόλιν την αγίαν του συντελεσθήναι αμαρτίαν και του σφραγίσαι αμαρτίας και απαλείψαι τας ανομίαις και του εξιλάσασθαι αδικίας και του αγαγείν δικαιοσύνην αιώνιον και του σφραγίσαι όρασιν και προφητείαν και του χρίσαι άγιον αγίων

9:25  και γνώση και συνήσεις από εξόδου λόγου του αποκριθήναι και του οικοδομήσαι Ιερουσαλήμ έως χριστού ηγουμένου εβδομάδες επτά και εβδομάδες εξηκονταδύο πάλιν οικοδομηθήσεται πλατεία και τείχος εν στενοχωρία των χρόνων

9:26  και μετά τας εβδομάδας τας εξηκονταδύο εξολοθρευθήσεται χρίσμα και κρίμα ουκ έστιν εν αυτώ την δε πόλιν και το άγιον διαφθερεί συν τω ηγουμένω τω ερχομένω και εκκοπήσονται ως εν κατακλυσμώ και έως τέλους πολέμου συντετμημένου τάξει αφανισμοίς

9:27  και δυναμώσει διαθήκην πολλοίς εβδομάς μία και εν τω ημίσει της εβδομάδος αρθήσεται θυσία και σπονδή και επί το ιερόν βδέλυγμα των ερημώσεων έσται και έως της συντελείας καιρού συντέλεια δοθήσεται επί την ερήμωσιν

Chapter 10

10:1  εν έτει τρίτω Κύρου βασιλέως Περσών λόγος απεκαλύφθη τω Δανιήλ ου το όνομα επεκλήθη Βαλτάσαρ και αληθινός ο λόγος και δύναμις μεγάλη και σύνεσις εδόθη αυτώ εν τη οπτασία

10:2  εν ταις ημέραις εκείναις εγώ Δανιήλ ήμην πενθών τρεις εβδομάδας ημερών

10:3  άρτον επιθυμιών ουκ έφαγον και κρέας και οίνος ουκ εισήλθεν εις το στόμα μου και άλειμμα ουκ ηλειψάμην έως πληρώσεως τριών εβδομάδων ημερών

10:4  εν ημέρα εικοστή τετάρτη του μηνός του πρώτου και εγώ ήμην εχόμενος του ποταμού του μεγάλου αυτός εστι Τίγρις

10:5  και ήρα τους οφθαλμούς μου και ίδον και ιδού ανήρ εις ενδεδυμένος βαδδίν και η οσφύς αυτού περιεζωσμένη εν χρυσίω Οφάζ

10:6  και το σώμα αυτού ως θαρσείς και το πρόσωπον αυτού ωσεί όρασις αστραπής και οι οφθαλμοί αυτού ωσεί λαμπάδες πυρός και οι βραχίονες αυτού και τα σκέλη αυτού ωσεί όρασις χαλκού στίλβοντος και η φωνή των λόγων αυτού ως φωνή όχλου

10:7  και είδον εγώ Δανιήλ μόνος την οπτασίαν και οι άνδρες οι μετ΄ εμού ουκ είδον την οπτασίαν αλλ΄ η έκστασις μεγάλη επέπεσεν επ΄ αυτούς και έφυγον εν φόβω

10:8  και εγώ υπελείφθην μόνος και είδον την οπτασίαν την μεγάλην ταύτην και ουχ υπελείφθη εν εμοί ισχύς και η δόξα μου μετεστράφη εις διαφθοράν και ουκ εκράτησα ισχύος

10:9  και ήκουσα την φωνήν των λόγων αυτού και εν τω ακούσαί με την φωνήν ρημάτων αυτού ήμην κατανενυγμένος και το πρόσωπόν μου επί την γην

10:10  και ιδού χειρ απτομένη μου και ήγειρέ με επί τα γόνατά μου και ταρσούς χειρών μου

10:11  και είπε προς με Δανιήλ ανήρ επιθυμιών σύνες εν τοις λόγοις οις εγώ λαλώ προς σε και στήθι επί τη στάσει σου ότι νυν απεστάλην προς σε και εν τω λαλήσαι αυτόν προς με τον λόγον τούτον ανέστην έντρομος

10:12  και είπε προς με μη φόβου Δανιήλ ότι από της ημέρας της πρώτης ης έδωκας την καρδίαν σου του συνιέναι και κακωθήναι εναντίον κυρίου του θεού σου ηκούσθησαν οι λόγοι σου και εγώ ήλθον εν τοις λόγοις σου

10:13  και ο άρχων βασιλείας Περσών ειστήκει εξεναντίας μου είκοσι και μίαν ημέραν και ιδού Μιχαήλ εις των αρχόντων των πρώτων ήλθε βοηθήσαί μοι και αυτόν κατέλιπον εκεί μετά του άρχοντος βασιλείας Περσών

10:14  και ήλθον συνετίσαί σε όσα απαντήσει τω λαώ σου επ΄ εσχάτων των ημερών ότι έτι η όρασις εις ημέρας

10:15  και εν τω λαλήσαι αυτόν μετ΄ εμού κατά τους λόγους τούτους έδωκα το πρόσωπόν μου επί την γην και κατενύγην

10:16  και ιδού ως ομοίωσις υιόυ ανθρώπου ήψατο των χειλέων μου και ήνοιξα το στόμα μου και ελάλησα και είπα προς τον εστώτα εναντίον εμού κύριε εν τη οπτασία σου εστράφη τα εντός μου εν εμοί και ουκ έσχον ισχύν

10:17  και πως δυνήσεται ο παις σου κύριε λαλήσαι μετά του κυρίου μου τούτου και εγώ από του νυν ου στήσεται εν εμοί ισχύς και πνοή ουχ υπελείφθη εν εμοί

10:18  και προσέθετο και ήψατό μου ως όρασις ανθρώπου και ενίσχυσέ με

10:19  και είπε μοι μη φοβού ανήρ επιθυμιών ειρήνη σοι ανδρίζου και ίσχυε και εν τω λαλήσαι αυτόν μετ΄ εμού ίσχυσα και είπα λαλείτω ο κύριός μου ότι ενίσχυσάς με

10:20  και είπεν ει οίδας ινατί ήλθον προς σε και νυν επιστρέψω του πολεμήσαι μετά του άρχοντος Περσών και εγώ εξεπορευόμην και ο άρχων των Ελλήνων ήρχετο

10:21  αλλ΄ η αναγγελώ σοι το εντεταγμένον εν γραφή αληθείας και ουκ έστιν εις αντεχόμενος μετ΄ εμού περί τούτων αλλ΄ η Μιχαήλ ο άρχων υμών

Chapter 11

11:1  και εγώ εν έτει πρώτω Κύρου έστην εις κράτος και ισχύν

11:2  και νυν αλήθειαν αναγγελώ σοι ιδού έτι τρεις βασιλείς αναστήσονται εν τη Περσίδι και ο τέταρτος πλουτήσει πλούτον μέγαν παρά πάντας και μετά το κρατήσαι αυτόν του πλούτου αυτού επαναστήσεται πάσαις βασιλείαις Ελλήνων

11:3  και αναστήσεται βασιλεύς δυνατός και κυριεύσει κυρίας πολλής και ποιήσει κατά το θέλημα αυτού

11:4  και ως αν στη η βασιλεία αυτού συντριβήσεται και διαιρεθήσεται εις τους τέσσαρας ανέμους του ουρανού και ουκ εις τα έσχατα αυτού ουδέ κατά την κυρείαν αυτού ην εκυρίευσεν ότι εκτιλήσεται η βασιλεία αυτού και ετέροις εκτός τούτων δοθήσεται

11:5  και ενισχύσει ο βασιλεύς του νότου και εις των αρχόντων αυτού ενισχύσει επ΄ αυτόν και κυριεύσει κυρείαν πολλήν επ΄ εξουσίας αυτού

11:6  και μετά τα έτη αυτού συμμιγήσονται και θυγάτηρ βασιλέως του νότου εισελεύσεται προς βασιλέα του βορρά του ποιήσαι συνθήκας μετ΄ αυτού και ου κρατήσει ισχύος βραχίονος και ου στήσεται το σπέρμα αυτού και παραδοθήσεται αυτή και οι φέροντες αυτήν και η νεάνις και ο κατισχύων αυτήν εν τοις καιροίς

11:7  και αναστήσεται εκ του άνθους της ρίζης αυτής επί της ετοιμασίας αυτού και ήξει προς την δύναμιν και εισελεύσεται εις τα υποστηρίγματα του βασιλέως του βορρά και ποιήσει εν αυτοίς και κατισχύσει

11:8  και γε τους θεούς αυτών μετά των χωνευτών αυτών παν σκεύος επιθυμητόν αυτών αργυρίου και χρυσίου μετά αιχμαλωσίας οίσει εις Αίγυπτον και αυτός στήσεται υπέρ βασιλέα του βορρά

11:9  και εισελεύσεται εις την βασιλείαν του βασιλέως του νότου και αναστρέψει εις την γην αυτού

11:10  και οι υιοί αυτού συνάξουσιν όχλον δυνάμεων πολλών και ελευσεται ερχόμενος και κατακλύζων και παρελεύσεται και καθίεται και συμπροσπλακήσεται έως της ισχύος αυτού

11:11  και αγριανθήσεται ο βασιλεύς του νότου και εξελεύσεται και πολεμήσει μετά του βασιλέως του βορρά και στήσει όχλον πολύν και παραδοθήσεται όχλος εν χειρί αυτού

11:12  και λήψεται τον όχλον και υψωθήσεται η καρδία αυτού και καταβαλεί μυριάδας και ου κατισχύσει

11:13  και επιστρέψει ο βασιλεύς του βορρά και άξει όχλον πολύν υπέρ τον πρότερον και εις το τέλος των καιρών επελεύσεται εισοδία εν δυνάμει μεγάλη και εν υπάρξει πολλή

11:14  και εν τοις καιροίς εκείνοις πολλοί επαναστήσονται επί βασιλέα του νότου και οι υιοί των λοιμών του λαού σου επαρθήσονται του στήσαι όρασιν και ασθενήσουσι

11:15  και εισελεύσεται βασιλεύς του βορρά και εκχεεί πρόσχωμα και συλλήψεται πόλεις οχυράς και οι βραχίονες του βασιλέως του νότου ου στήσονται και αναστήσονται οι εκλεκτοί αυτού και ουκ έσται ισχύς του στήναι

11:16  και ποιήσει ο εισπορευόμενος προς αυτόν κατά το θέλημα αυτού και ουκ έστιν εστώς κατά πρόσωπον αυτού και στήσεται εν τη γη του σαβεί και συντελεσθήσεται εν τη χειρί αυτού

11:17  και τάξει το πρόσωπον αυτού εισελθείν εν ισχύϊ πάσης της βασιλείας αυτού και ευθεία πάντα μετ΄ αυτού ποιήσει και θυγατέρα των γυναικών δώσει αυτώ του διαφθείραι αυτήν και ου μη παραμείνη και ουκ αυτώ έσται

11:18  και επιστρέψει το πρόσωπον αυτού εις τας νήσους και συλλήψεται πολλάς και καταπαύσει άρχοντας ονειδισμού αυτών πλην ο ονειδισμός αυτού επιστρέψει αυτώ

11:19  και επιστρέψει το πρόσωπον αυτού εις την ισχύν της γης αυτού και ασθενήσει και πεσείται και ουκ ευρεθήσεται

11:20  και αναστήσεται εκ της ρίζης αυτού φυτόν βασιλείας επί την ετοιμασίαν αυτού παραβιβάζων πράσσων δόξαν βασιλείας και εν ταις ημέραις εκείναις συντριβήσεται και ουκ εν προσώπω ουδέ εν πολέμω

11:21  στήσεται επί την ετοιμασίαν αυτού εξουδενωθή και ουκ έδωκαν επ΄ αυτόν δόξαν βασιλείας και ήξει εν ευθηνία και κατισχύσει βασιλείας εν ολισθήμασι

11:22  και βραχίονες του κατακλύζοντος κατακλυσθήσονται από προσώπου αυτού και συντριβήσονται και ηγούμενος διαθήκης

11:23  και από των συνανμίξεων προς αυτόν ποιήσει δόλον και αναβήσεται και υπερισχύσει αυτού εν ολίγω έθνει

11:24  και εν ευθηνία και εν πίοσι χώραις ήξει και ποιήσει α ουκ εποίησαν οι πατέρες αυτού και οι πατέρες των πατέρων αυτού προνομήν και σκύλα και ύπαρξιν αυτοίς διασκορπιεί και επ΄ Αίγυπτον λογιείται λογισμούς αυτού έως καιρού

11:25  και εξεγερθήσεται η ισχύς αυτού και η καρδία αυτού επί βασιλέα του νότου εν δυνάμει μεγάλη και ο βασιλεύς του νότου συνάψει πόλεμον και εν δυνάμει μεγάλη και ισχυρά σφόδρα και ου στήσονται ότι λογιούνται επ΄ αυτόν λογισμούς

11:26  και φάγονται τα δέοντα αυτού και συντρίψουσιν αυτόν και δυνάμεις καταλύσει και πεσούνται τραυματίαι πολλοί

11:27  και αμφότεροί οι βασιλείς αι καρδίαι αυτών εις πονηρίαν και επί τραπέζη μία ψευδή λαλήσουσι και ου κατευθυνεί ότι πέρας εις καιρόν

11:28  και επιστρέψει εις την γην αυτού εν υπάρξει πολλή και η καρδία αυτού επί διαθήκην αγίαν και ποιήσει και επιστρέψει εις την γην αυτού

11:29  εις τον καιρόν επιστρέψει και ήξει εν τω νότω και ουκ έσται ως η πρώτη και η εσχάτη

11:30  και εισελεύσονται εν αυτώ και οι εκπορευόμενοι Κίτιοι και ταπεινωθήσεται και επιστρέψει και θυμωθήσεται επί διαθήκην αγίαν και ποιήσει και επιστρέψει και συνήσει επί τους καταλιπόντας διαθήκην αγίαν

11:31  και βραχίονες εξ αυτού αναστήσονται και βεβηλώσουσι το αγίασμα της δυναστείας και μεταστήσουσι τον ενδελεχισμόν και δώσουσι βδέλυγμα ηφανισμένον

11:32  και οι ανομούντες διαθήκην επάξουσιν εν ολισθήμασι και λαός γινώσκοντες θεόν αυτού κατισχύσουσι και ποιήσουσι

11:33  και οι συνετοί του λαού συνήσουσιν εις πολλά και ασθενήσουσιν εν ρομφαία και εν φλογί και εν αιχμαλωσία και εν διαρπαγή ημερών

11:34  και εν τω ασθενήσαι αυτούς βοηθήσονται βοήθειαν μικράν και προστεθήσονται επ΄ αυτούς πολλοί εν ολισθήμασι

11:35  και από των συνιέντων ασθενήσουσι του πυρώσαι αυτούς και του εκλέξασθαι και του αποκαλυφθήναι έως καιρού πέρας ότι έτι εις καιρόν

11:36  και ποιήσει κατά το θέλημα αυτού και ο βασιλεύς υψωθήσεται και μεγαλυνθήσεται επί πάντα θεόν και επί τον θεόν των θεών και λαλήσει υπέρογκα και κατευθυνεί μέχρις ου συντελεσθή η οργή εις γαρ συντέλειαν γίνεται

11:37  και επί πάντας θεούς των πατέρων αυτού ου συνήσει και επιθυμία γυναικών και επί πάντα θεόν ου συνήσει ότι επί πάντας μεγαλυνθήσεται

11:38  και θεόν μαωζείν επί του τόπου αυτού δοξάσει και θεόν ον ουκ έγνωσαν οι πατέρες αυτού δοξάσει εν χρυσίω και αργυρίω και λίθω τιμίω και εν επιθυμήμασι

11:39  και ποιήσει τοις οχυρώμασι των καταφυγών μετά θεού αλλοτρίου ου εάν επιγνώ και πληθυνεί δόξαν και υποτάξει αυτοίς πολλούς και γην διελεί εν δώροις

11:40  και εν καιρού πέρατι συγκερατισθήσεται μετά του βασιλέως του νότου και συναχθήσεται επ΄ αυτόν βασιλεύς του βορρά εν άρμασι και εν ιππεύσι και εν ναυσί πολλαίς και εισελεύσεται εις την γην και συντρίψει και παρελεύσεται

11:41  και εισελεύσεται εις την γην του σαβεί και πολλοί ασθενήσουσι και ούτοι διασωθήσονται εκ χειρός αυτού Εδών και Μωάβ και αρχή υιών Αμμών

11:42  και εκτενεί την χείρα αυτού επί την γην και γη Αιγύπτου ουκ έσται εις σωτηρίαν

11:43  και κυριεύσει εν τοις αποκρύφοις του χρυσίου και του αργυρίου και εν πάσιν επιθυμητοίς Αιγύπτου και Λιβύων και Αιθιόπων εν τοις οχυρώμασιν αυτών

11:44  και ακοαί ταράξουσιν αυτόν εξ ανατολών και βορρά και ήξει εν θυμώ πολλώ του αφανίσαι και του αναθεματίσαι πολλούς

11:45  και πήξει την σκηνήν αυτού εφαδανώ αναμέσον των θαλασσών εις όρος σαβεί άγιον και ήξει έως μέρους αυτού και ουκ έσται ο ρυόμενος αυτόν

Chapter 12

12:1  και εν τω καιρώ εκείνω αναστήσεται Μιχαήλ ο άρχων ο μέγας ο εστηκώς επί τους υιούς του λαού σου και έσται καιρός θλίψεως οία ου γέγονεν αφ΄ ου γεγένηται έθνος επί της γης έως του καιρού εκείνου και εν τω καιρώ εκείνω σωθήσεται ο λαός σου πας ο ευρεθείς γεγραμμένος εν τη βίβλω

12:2  και πολλοί των καθευδόντων εν γης χώματι εξεγερθήσονται ούτοι εις ζωήν αιώνιον και ούτοι εις ονειδισμόν και εις αισχύνην αιώνιον

12:3  και οι συνιέντες εκλάμψουσιν ως η λαμπρότης του στερεώματος και από των δικαίων των πολλών ως οι αστέρες εις τους αιώνας και έτι

12:4  και συ Δανιήλ έμφραξον τους λόγους και σφράγισον το βιβλίον έως καιρού συντελείας έως διδαχθώσι πολλοί και πληθυνθή η γνώσις

12:5  και είδον εγώ Δανιήλ και ιδού δύο έτεροι ειστήκεισαν εις εντεύθεν του χείλους του ποταμού και εις εντεύθεν του χείλους του ποταμού

12:6  και είπον τω ανδρί τω ενδεδυμένω τα βαδδίν ος ην επάνω του ύδατος του ποταμού έως πότε το πέρας ων είρηκας των θαυμασίων

12:7  και ήκουσα του ανδρός του ενδεδυμένου τα βαδδίν ος ην επάνω του ύδατος του ποταμού και ύψωσε την δεξιάν αυτού και την αριστεράν αυτού εις τον ουρανόν και ώμοσεν εν τω ζώντι εις τον αιώνα ότι εις καιρόν και καιρούς και ήμισυ καιρού εν τω συντελεσθήναι διασκορπισμόν χειρός λαού ηγιασμένου γνώσονται πάντα ταύτα

12:8  και εγώ ήκουσα και ου συνήκα και είπα κύριε τι τα έσχατα τούτων

12:9  και είπεν δεύρο Δανιήλ ότι εμπεφραγμένοι και εσφραγισμένοι οι λόγοι έως καιρού πέρας

12:10  εκλεγώσι και εκλευκανθώσι και πυρωθώσι και αγιασθωσι πολλοί και ανομήσωσιν άνομοι και ου συνήσουσι πάντες άνομοι και οι νοήμονες συνήσουσι

12:11  και από καιρού παραλλάξεως του ενδελεχισμού και του δοθήναι το βδέλυγμα ερημώσεως ημέραι χίλιαι διακόσια εννενήκοντα

12:12  μακάριος ο υπομένων και φθάσας εις ημέρας χιλίας τριακοσίας τριακονταπέντε

12:13  και συ δεύρο εις αναπλήρωσιν συντελείας και αναπαύση και αναστήση εις τον κληρόν σου εις συντέλειαν ημερών