ABPGRK - Nehemiah

Chapter 1

1:1  λόγοι Νεεμίου υιόυ Χαλκίου και εγένετο εν μηνί Χασελεύ έτους εικοστού και εγώ ήμην εν Σουσάν Αβιρά

1:2  και ήλθεν Ανανί εις από αδελφών μου αυτός και άνδρες Ιούδα και ηρώτησα αυτούς περί των Ιουδαίων των διασωθέντων οι κατελείφθησαν από της αιχμαλωσίας και περί Ιερουσαλήμ

1:3  και είπον προς με οι υπολελειμμένοι οι καταλειφθέντες από της αιχμαλωσίας εκεί εν τη χώρα εν πονηρία μεγάλη και εν ονειδισμώ και τα τείχη Ιερουσαλήμ καθηρημένα και πύλαι αυτής ενεπρήσθησαν εν πυρί

1:4  και εγένετο εν τω ακούσαί με τους λόγους τούτους εκάθισα και έκλαυσα και επένθησα ημέρας και ήμην νηστεύων και προσευχόμενος ενώπιον του θεού του ουρανού

1:5  και είπα ω δη κύριε ο θεός του ουρανού ο ισχυρός και μέγας και φοβερός φυλάσσων την διαθήκην και το έλεος τοις αγαπώσιν αυτόν και τοις φυλάσσουσι τας εντολάς αυτού

1:6  έστω δη το ους σου προσέχον και οι οφθαλμοί σου ανεωγμένοι του ακούσαι προσευχήν του δούλου σου ην εγώ προσεύχομαι ενώπιόν σου σήμερον ημέραν και νύκτα περί υιών Ισραήλ δούλων σου και εξαγορεύω επί αμαρτίαις υιών Ισραήλ αις ημάρτομέν σοι και εγώ και ο οίκος του πατρός μου ημάρτομεν

1:7  διαλύσει διελύσαμεν προς σε και ουκ εφυλαξάμεν τας εντολάς και τα προστάγματα και τα κρίματα α ενετείλω τω Μωυσή παιδί σου

1:8  μνήσθητι δη τον λόγον ον ενετείλω Μωυσή τω παιδί σου λέγων εάν ασυνθετήσητε υμείς εγώ διασκορπιώ υμάς εν τοις λαοίς

1:9  και εάν επιστρέψητε προς με και φυλάξητε τας εντολάς μου και ποιήσητε αυτάς και εάν η η διασπορά υμών εως άκρου του ουρανού εκείθεν συνάξω αυτούς και εισάξω αυτούς εις τον τόπον ον εξελεξάμην κατασκηνώσαι το όνομά μου εκεί

1:10  και αυτοί παίδές σου και λαός σου ους ελυτρώσω εν τη δυνάμει σου τη μεγάλη και εν τη χειρί σου τη κραταιά

1:11  δη κύριε έστω το ους σου προσέχον εις την προσευχήν του δούλου σου και εις την προσευχήν παίδων σου των θελόντων φοβείσθαι το όνομά σου και ευόδωσον δη τω παιδί σου σήμερον και δος αυτόν εις οικτιρμούς ενώπιον του ανδρός τούτου και εγώ ήμην οινοχόος τω βασιλεί

Chapter 2

2:1  και εγένετο εν μηνί Νισάν έτους εικοστού Αρθασασθά βασιλεί και ην ο οίνος ενώπιον αυτού και έλαβον τον οίνον και έδωκα τω βασιλεί και ουκ ην έτερος ενώπιον αυτού

2:2  και είπέ μοι ο βασιλεύς διατί το πρόσωπόν σου πονηρόν και ουκ ει μετριάζων και ουκ έστι τούτο ει μη πονηρία καρδίας και εφοβήθην πολύ σφόδρα

2:3  και είπα τω βασιλεί ο βασιλεύς εις τον αιώνα ζήτω διατί ου μη γένηται πονηρόν το πρόσωπόν μου διότι η πόλις οίκος μνημείων πατέρων μου ηρημώθη και αι πύλαι αυτής κατεβρώθησαν εν πυρί

2:4  και είπέ μοι ο βασιλεύς περί τίνος τούτο συ ζητείς και προσηυξάμην προς κύριον θεόν του ουρανού

2:5  και είπα τω βασιλεί ει επί τον βασιλέα αγαθόν και ει αγαθυνθήσεται ο παις σου ενώπιόν σου ώστε πέμψαι αυτόν εν Ιούδα εις πόλιν μνημείων πατέρων μου και ανοικοδομήσω αυτήν

2:6  και είπέ μοι ο βασιλεύς και η παλλακή η καθημένη εχόμενα αυτού έως πότε έσται η πορεία σου και πότε επιστρέψεις και ηγαθύνθη ενώπιον του βασιλέως και απέστειλέ με και έδωκα αυτώ όρον

2:7  και είπα τω βασιλεί ει επί τον βασιλέα αγαθόν δότω μοι επιστολάς προς τους επάρχους πέραν του ποταμού ώστε παραγαγείν με έως έλθω επί Ιούδαν

2:8  και επιστολήν επί Ασάφ φύλακα του παραδείσου ος εστι τω βασιλεί ώστε δούναί μοι ξύλα στεγάσαι τας πύλας της βάρεως του οίκου και εις το τείχος της πόλεως και εις οίκον εις ον εισελεύσομαι προς αυτόν και έδωκέ μοι ο βασιλεύς ως χειρ θεού η αγαθή επ΄ εμέ

2:9  και ήλθον προς τους επάρχους πέραν του ποταμού και έδωκα αυτοίς τας επιστολάς του βασιλέως και απέστειλε μετ΄ εμού ο βασιλεύς αρχηγούς δυνάμεως και ιππείς

2:10  και ήκουσε Σαναβαλάτ ο Αρωνί και Τωβίας ο δούλος ο Αμμωνί και πονηρόν αυτοίς εγένετο και ελυπήθησαν ότι ήκει άνθρωπος ζητήσαι αγαθόν τοις υιοίς Ισραήλ

2:11  και ήλθον εις Ιερουσαλήμ και ήμην εκεί ημέρας τρεις

2:12  και ανέστην νυκτός εγώ και άνδρες ολίγοι μετ΄ εμού και ουκ απήγγειλα ανθρώπω ότι ο θεός δίδωσι εις καρδίαν μου του ποιήσαι μετά του Ιερουσαλήμ και κτήνος ουκ έστι μετ΄ εμού ειμή το κτήνος ο εγώ επιβαίνω επ΄ αυτώ

2:13  και εξήλθον διά της πύλης του Γαιϊ νυκτός προς στόμα πηγής του δράκοντος και εις πύλην της κοπρίας και ήμην κατανοών τοις τείχεσιν Ιερουσαλήμ τοις κατεσπασμένοις και ταις πύλαις αυτής ταις ανηλωμέναις πυρί

2:14  και παρήλθον επί πύλην του πηγής και εις κολυμβήθραν του βασιλέως και ουκ ην τόπος τω κτήνει παρελθείν υποκάτω μου

2:15  και ήμην αναβαίνων διά του χειμάρρου νυκτός και ήμην κατανοών τω τείχει και ήμην εν τη πύλη της φάραγγος και επέστρεψα

2:16  και οι φυλάσσοντες ουκ έγνωσαν τι επορεύθην και τι εγώ ποιώ και τοις Ιουδαίοις και τοις ιερεύσι και τοις εντίμοις και τοις στρατηγοίς και τοις καταλοίποις τοις ποιούσι τα έργα έως τότε ουκ απήγγειλα

2:17  και είπα προς αυτούς υμείς βλέπετε την πονηρίαν ταύτην εν η εσμέν εν αυτή πως Ιερουσαλήμ έρημος και αι πύλαι αυτής εδόθησαν πυρί δεύτε και διοικοδομήσωμεν το τείχος Ιερουσαλήμ και ουκ εσόμεθα έτι όνειδος

2:18  και απήγγειλα αυτοίς την χείρα του θεού η εστιν αγαθή επ΄ εμέ και τους λόγους του βασιλέως ους είπέ μοι και είπον αναστώμεν και οικοδομήσωμεν και εκραταιώθησαν αι χείρες αυτών εις το αγαθόν

2:19  και ήκουσε Σαναβαλάτ ο Αρωνί και Τωβίας ο δούλος ο Αμμωνί και Γησάμ ο Αραβί και εξεγέλασαν ημάς και κατεφρόνουν ημών και είπον τι το ρήμα τούτο ο υμείς ποιείτε η επί τον βασιλέα υμείς αποστατείτε

2:20  και επέστρεψα αυτοίς λόγον και είπον αυτοίς ο θεός του ουρανού αυτός ευοδώσει ημίν και ημείς δούλοι αυτού καθαροί και αναστησόμεθα και οικοδομήσομεν και υμίν ουκ έστι μερίς και δικαιοσύνη και μνημόσυνον εν Ιερουσαλήμ

Chapter 3

3:1  και ανέστη Ελιασούβ ο ιερεύς ο μέγας και οι αδελφοί αυτού οι ιερείς και ωκοδόμησαν την πύλην την προβατικήν αυτοί ηγίασαν αυτήν και έστησαν θύρας αυτής και έως πύργου των εκατόν ηγίασαν αυτόν έως πύργου Ανανεήλ

3:2  και επί χείρας αυτού ωκοδόμησαν άνδρες Ιεριχώ και επί χείρας αυτού ωκοδόμησεν Ζακχούρ υιόυ Αμαρί

3:3  και την πύλην την ιχθυηράν ωκοδόμησαν υιοί Ασανά αυτοί εστέγασαν αυτήν και έστησαν θύρας αυτής και κλείθρα αυτής και μοχλούς αυτής

3:4  και επί χείρας αυτών κατέσχεν Μαριμώθ υιός Ουρία υιόυ Ακκώς και επί χείρα αυτών κατέσχε Μοσολάμ υιός Βαραχίου υιόυ Μασεζουβήλ και επί χείρα αυτών κατέσχε Σαδώκ υιός Βαανά

3:5  και επί χείρα αυτών κατέσχον οι Θεκωείμ και ισχυροί αυτών ουκ εισήνεγκαν τράχηλον αυτών εις δουλείαν του κυρίου αυτών

3:6  και την πύλην του Ιασανά εκράτησαν ωϊδα υιός Φασέκ και Μεσουλάμ υιός Βασωδία αυτοί εστέγασαν αυτήν και έστησαν θύρας αυτής και κλείθρα αυτής και μοχλούς αυτής

3:7  και επί χείρα αυτών εκράτησε Μαλτίας ο Γαβαωνίτης και Ευαρών ο Μηρωνωθίτης άνδρες της Γαβαών και της Μασσηφά έως θρόνου του άρχοντος του πέραν του ποταμού

3:8  και επί χείρα αυτών εκραταίωσαν Οζϊήλ υιός Αραχίου πυρωτών και επί χείρα αυτού εκραταίωσεν Ανανίας υιός των μυρεψών και έθηκαν Ιερουσαλήμ έως του τείχους του πλατέος

3:9  και επί χείρα αυτών εκραταίωσεν Ραφαϊας υιός Σουρ άρχων ημίσους περιχώρου Ιερουσαλήμ

3:10  και επί χείρα αυτών εκράτησεν Ιεδαϊας υιός Ερωμάφ και κατέναντι οικίας αυτού και επί χείρα αυτού εκράτησεν Άττους υιός Ασαβανία

3:11  και μέτρον δεύτερον εκράτησε Μελχίας υιός Ηράμ και Ασούβ υιός Φαάτ Μωάβ και έως πύργου των θαναρείμ

3:12  και επί χείρα αυτού εκράτησε Σαλλούμ υιός Αλλώης άρχων ημίσους περιχώρου Ιερουσαλήμ αυτός και αι θυγατέρες αυτού

3:13  την πύλην της φάραγγος εκράτησαν Ανούν και οι κατοικούντες Ζανώ αυτοί ωκοδόμησαν αυτήν και έστησαν θύρας αυτής και κλείθρα αυτής και μοχλούς αυτής και χίλιοι πήχεις εν τω τείχει έως της πύλης της κοπρίας

3:14  και την πύλην της κοπρίας εκράτησε Μελχίας υιός Ρηχάβ άρχων περιχώρου βηθαχχαράμ αυτός και οι υιοί αυτού και εσκέπασαν αυτήν και έστησαν θύρας αυτής και κλείθρα αυτής και μοχλούς αυτής

3:15  την δε πύλην της πηγής ησφαλίσατο Σολών υιός Χολεζέ άρχων μέρους της Μασσηφά αυτός εξωκοδόμησεν αυτήν και εστέγασεν αυτήν και έστησε τας θύρας αυτής και μοχλούς αυτής και το τείχος της κολυμβήθρας του Σιλωά εις τον κήπον του βασιλέως και έως των κλιμάκων των καταβαινόντων από πόλεως Δαυίδ

3:16  οπίσω αυτού εκράτησε Νεεμίας υιός Εζβούχ άρχων ημίσους περιχώρου Βηθσούρ έως κήπου τάφου Δαυίδ και έως της κολυμβήθρας της γεγονυίας και έως οίκου των δυνατών

3:17  οπίσω αυτού εκράτησαν οι Λευίται Ραούμ υιός Βανέα επί χείρα αυτού εκράτησεν Ασαβίας άρχων ημίσους περιχώρου Κειλά τω περιχώρω αυτού

3:18  και μετ΄ αυτόν εκράτησαν αδελφοί αυτών Βεβαϊ υιός Ηδανάδ άρχων ημίσους περιχώρου Κειλά

3:19  και εκράτησεν επί χείρα αυτού Αζούρ υιός Ιησού άρχων του Μασσηφά μέτρον δεύτερον εξεναντίας αναβάσεως των όπλων της συναπτούσης εις την γωνίαν

3:20  μετ΄ αυτόν εκράτησε Βαρούχ υιός Ζαβού μέτρον δεύτερον από της γωνίας έως θύρας οίκου Ελιασούβ του ιερέως του μεγάλου

3:21  και μετ΄ αυτόν εκράτησε Μεραμώθ υιός Ουρία υιόυ Ακκώς μέτρον δεύτερον από θύρας οίκου Ελιασούβ έως συντελείας οίκου Ελιασούβ

3:22  και μετ΄ αυτόν εκράτησαν οι ιερείς άνδρες Αχεχάρ

3:23  και μετ΄ αυτόν εκράτησε Βενιαμίν και Ασούβ κατέναντι οίκου αυτών και μετ΄ αυτούς εκράτησεν Αζαρίας υιός Μαασέου υιόυ Ανανίου εχόμενα οίκου αυτού

3:24  και μετ΄ αυτόν εκράτησε Βαανί υιός Ηνναδάδ μέτρον δεύτερον από οίκου Αζαρίου έως της γωνίας και έως της καμπής

3:25  Φαλάλι υιόυ Ουζαϊ εξεναντίας της γωνίας και του πύργου ο εξέχοντος εκ του οίκου του βασιλέως ανώτερος της αυλής της φυλακής και μετ΄ αυτόν Φαδαϊα υιός Φόρος

3:26  και οι Ναθηνίμ ήσαν οικούντες εν τω Ωφάλ έως απέναντι κήπου πύλης του ύδατος εις ανατολάς και ο πύργος ο εξέχων

3:27  και μετ΄ αυτόν εκράτησαν οι Θεκωείμ μέτρον δεύτερον εξεναντίας του πύργου του μεγάλου του εξέχοντος και έως του τείχους του Αφλά

3:28  ανώτερον πύλης των ίππων εκράτησαν οι ιερείς ανήρ εξεναντίας οίκου εαυτού

3:29  και μετ΄ αυτόν εκράτησε Σαδώκ υιός Εμμήρ εξεναντίας οίκου εαυτού και μετ΄ αυτόν εκράτησε Σαμαϊα υιός Σεχενία φύλαξ της πύλης της ανατολής

3:30  και μετ΄ αυτόν εκράτησεν Ανανίας υιός Σελλεμία και Ανών υιός Σελέφ ο έκτος μέτρον δεύτερον και μετ΄ αυτόν εκράτησε Μεσολλάμ υιός Βαραχίου εξεναντίας γαζοφυλακίου αυτού

3:31  και μετ΄ αυτόν εκράτησε Μελχίας υιός του Σαρεφί έως οίκου των Ναθηναών και των μεταβόλων απέναντι πύλης του Μαφεκάδ και έως αναβάσεως της καμπής

3:32  και αναμέσον της αναβάσεως της πύλης της προβατικής εκράτησαν οι χαλκείς και οι μετάβολοι

Chapter 4

4:1  και εγένετο ηνίκα ήκουσε Σαναβαλάτ ότι ημείς οικοδομούμεν το τείχος και πονηρόν ην αυτώ και ωργίσθη επί πολύ και εξεγέλα επί τοις Ιουδαίοις

4:2  και είπεν ενώπιον των αδελφών αυτού και της δυνάμεως Σαμαρείας και είπεν τι οι Ουδαμινοί ούτοι ποιούσιν οι Ιουδαίοι μη καταλείψομεν αυτούς άρα θυσιάζουσιν άρα δυνήσονται και σήμερον ιάσονται τους λίθους μετά το χώμα γενέσθαι καυθέντας

4:3  και Τωβίας ο Αμμανίτης εχόμενα αυτού και είπε προς αυτούς και γε αυτοί οικοδομούσιν ουχί αναβήσεται αλώπηξ και καθελεί το τείχος λίθων αυτών

4:4  άκουσον ο θεός ημών ότι εγενήθημεν εις μυκτηρισμόν και επίστρεψον ονειδισμόν αυτών εις κεφαλήν αυτών και δος αυτούς εις μυκτηρισμόν εν γη αιχμαλωσίας

4:5  και μη καλύψης επί ανομίαν αυτών και η αμαρτία αυτών εκ προσώπου σου μη εξαλειφθείη ότι παρώργισαν εναντίον των οικοδομούντων

4:6  και ωκοδομήσαμεν το τείχος και συνήφθη παν το τείχος έως του ημίσους αυτού και εγένετο η καρδία του λαού ώστε οικοδομήσαι

4:7  και εγένετο ως ήκουσε Σαναβαλάτ και Τωβίας και οι Άραβες και οι Αμμανίται και οι Αζώτιοι ότι ανέβη η φυή τοις τείχεσιν Ιερουσαλήμ ότι ήρξαντο αι διασφαγαί αναφράσσεσθαι και πονηρόν αυτοίς εφάνη σφόδρα

4:8  και συνήχθησαν πάντες επί το αυτό ελθείν και παρατάξασθαι εν Ιερουσαλήμ και ποιήσαι αυτήν πλανήσι

4:9  και προσηυξάμεθα προς τον θεόν ημών και εστήσαμεν προφύλακας επ΄ αυτούς ημέρας και νυκτός από προσώπου αυτών

4:10  και είπεν Ιούδας συνετρίβη η ισχύς των εχθρών και ο χούς πολύς και ημείς ου δυνησόμεθα οικοδομείν εν τω τείχω

4:11  και είπον οι θλίβοντες ημάς ου γνώσονται και ουκ όψονται έως ότου έλθωμεν εις μέσον αυτών και φονεύσωμεν αυτούς και καταπαυσώμεν το έργον

4:12  και εγένετο ως ήλθον οι Ιουδαίοι οι οικούντες εχόμενα αυτών και είπον ημίν αναβαίνουσιν εκ πάντων των τόπων ότι επεστρέψατε εφ΄ ημάς

4:13  και έστησα εις τα κατώτατα του τόπου κατόπισθεν του τείχους εν τοις σκεπεινοίς και έστησα τον λαόν κατά δήμους μετά ρομφαιών αυτών και των δοράτων αυτών και τόξων αυτών

4:14  και είδον και ανέστην και είπον προς τους εντίμους και προς τους στρατηγούς και προς τους καταλοίπους του λαού μη φοβηθήτε από προσώπου αυτών μνήσθητε του θεού ημών του μεγάλου και φοβερού και παρατάξασθε περί των αδελφών υμών υιών υμών και θυγατέρων υμών και γυναικών υμών και οικϊων υμών

4:15  και εγένετο ηνίκα ήκουσαν οι εχθροί ημών ότι εγνώσθη ημίν και διεσκέδασεν ο θεός την βουλήν αυτών και επεστρέψαμεν πάντες ημείς εις το τείχος ανήρ εις το έργον αυτού

4:16  και εγένετο από της ημέρας εκείνης ήμισυ των εκτεταγμένων εποίουν το έργον και ήμισυ αυτών αντείχοντο και λόγχαι και θυρεοί και τόξα και θώρακες και οι άρχοντες οπίσω παντός οίκου Ιούδα

4:17  των οικοδομούντων εν τω τείχει και οι αίροντες εν τοις αρτήρσιν ένοπλοι εν μία χειρί εποίει αυτού το έργον και εν μία εκράτει την βολίδα

4:18  και οι οικοδόμοι ανήρ ρομφαίαν αυτού εζωσμένος επί την οσφύν αυτού και ωκοδόμουσαν και ο σαλπίζων εν τη κερατίνη εχόμενά μου

4:19  και είπα προς τους εντίμους και προς τους άρχοντας και προς τους καταλοίπους του λαού το έργον πλατύ και πολύ και ημείς σκορπιζόμεθα επί του τείχους μακράν ανήρ από του αδελφού αυτού

4:20  εν τόπω ου αν ακούσητε την φωνήν της κερατίνης εκεί συναχθήσεσθε προς ημάς και ο θεός ημών πολεμήσει περί ημών

4:21  και ημείς εποιούμεν το έργον και το ήμισυ ημών κρατούντες τας λόγχας από αναβάσεως του όρθρου έως εξόδου των άστρων

4:22  και εν τω καιρώ εκείνω είπα τω λαώ έκαστος μετά του νεανίσκου αυτού αυλισθήσεται εν μέσω Ιερουσαλήμ και έστω ημίν η νυξ προφυλακή και η ημέρα έργον

4:23  και ήμην εγώ και οι αδελφοί μου και τα παιδάρια και οι άνδρες της προφυλακής οπίσω μου και ουκ ην εξ ημών εκδιδυσκόμενος ανήρ τα ιμάτια εαυτού ανήρ και όπλον αυτού εις το ύδωρ

Chapter 5

5:1  και εγένετο η κραυγή του λαού και γυναικών αυτών μεγάλη προς τους αδελφούς αυτών τους Ιουδαίους

5:2  και ήσάν τινες λέγοντες εν υιοίς ημών και εν θυγατράσιν ημών ημείς πολλοί και ληψόμεθα σίτον και φαγόμεθα και ζησόμεθα

5:3  και εισί τινες λέγοντες αγροί ημών και αμπελώνες ημών και οικίαι ημών ημείς διεγγυώμεν και ληψόμεθα σίτον και φαγόμεθα

5:4  και εισί τινες λέγοντες εδανεισάμεθα αργύριον εις φόρους του βασιλέως αγροί ημών και αμπελώνες ημών και οικίαι ημών

5:5  και νυν ως σαρξ αδελφών ημών σαρξ ημών ως υιοί αυτών υιοί ημών και ιδού ημείς καταδυναστεύομεν τους υιούς ημών και τας θυγατέρας ημών εις δούλους και εισίν από θυγατέρων ημών καταδυναστευόμεναι και ουκ έστι δύναμις χειρών ημών και αγροί ημών και αμπελώνες ημών τοις εντίμοις

5:6  και ελυπήθην σφόδρα καθώς ήκουσα την κραυγήν αυτών και τους λόγους τούτους

5:7  και εβουλεύσατο καρδία μου επ΄ εμέ και εμαχεσάμην προς τους εντίμους και τους άρχοντας και είπον αυτοίς απαιτήσει ανήρ τον αδελφόν αυτού α υμείς ποιείτε και έδωκα επ΄ αυτούς εκκλησίαν μεγάλην

5:8  και είπον αυτοίς ημείς κεκτήμεθα τους αδελφούς ημών τους Ιουδαίους τους πωλουμένους τοις έθνεσιν εν εκουσίω ημών και υμείς πωλείτε τους αδελφούς υμών και πραθήσονται ημίν και ησύχασαν και ουχ εύρον λόγον

5:9  και είπα ουκ αγαθός ο λόγος ον υμείς ποιείτε ουχ ούτως εν φόβω θεού ημών απελεύσεσθε από ονειδισμού των εθνών των εχθρών ημών

5:10  και γε εγώ και οι αδελφοί μου και οι γνωστοί μου εθήκαμεν αυτοις αργύριον και σίτον εγκατελίπομεν δη την απαίτησιν ταύτην

5:11  επιστρέψατε δη αυτοίς ως σήμερον αγρούς αυτών και αμπελώνας αυτών και ελαιώνας αυτών και οικίας αυτών και από του αργυρίου τον σίτον και τον οίνον και το έλαιον εξενέγκατε αυτοίς

5:12  και είπον αποδώσομεν και παρ΄ αυτών ου ζητήσομεν ούτως ποιήσομεν καθώς συ λέγεις και εκάλεσα τους ιερείς και ώρκισα αυτούς ποιήσαι ως το ρήμα τούτο

5:13  και την αναβολήν μου εξετίναξα και είπον ούτως εκτινάξαι ο θεός πάντα άνδρα ος ου στήσει τον λόγον τούτον εκ του οίκου αυτού και εκ κόπου αυτού και έσται ούτως εκτετιναγμένος και κενός και είπε πάσα η εκκλησία αμήν και ήνεσαν τον κύριον και εποίησεν ο λαός το ρήμα τούτο

5:14  και γε από της ημέρας ης ενετείλατό μοι είναι εις άρχοντα αυτών εν γη Ιούδα από έτους εικοστού και έως έτους τριακοστού και δευτέρου τω Αρθασασθά τω βασιλεί έτη δώδεκα και εγώ και οι αδελφοί μου άρτον της ηγεμονίας μου ουκ εφάγομεν

5:15  οι δε άρχοντες οι έμπροσθέν μου εβάρυναν επί τον λαόν και έλαβον παρ΄ αυτών εν άρτοις και εν οίνω έσχατον αργύριον σίκλους τεσσαράκοντα και γε τα παιδάρια αυτών εκυρίευσαν επί τον λαόν καγώ ουκ εποίησα ούτως από προσώπου φόβου κυρίου

5:16  και εν έργω του τείχους τούτων εκράτησα αγρόν ουκ εκτησάμην και τα παιδάριά μου και πάντες οι συνηγμένοι εκεί διά το έργον

5:17  και οι Ιουδαίοι και οι άρχοντες εκατόν πεντήκοντα άνδρες και ερχόμενοι προς ημάς από των εθνών των κύκλω ημών επί τράπεζάν μου

5:18  και ην γινόμενον εις ημέραν μίαν μόσχος εις και πρόβατα εξ εκλεκτά και χίμαρος εγίνοντό μοι και αναμέσον δέκα ημερών εν πάσιν οίνος τω πλήθει και συν τούτοις άρτον της ηγεμονίας μου ουκ εζήτησα ότι βαρεία η δουλεία επί τον λαόν τούτον

5:19  μνήσθητί μου ο θεός εις αγαθόν πάντα όσα εποίησα τω λαώ τούτω

Chapter 6

6:1  και εγένετο καθώς ηκούσθη τω Σαναβαλάτ και τω Τωβία και τω Γησάμ τω Αραβί και τοις καταλοίποις των εχθρών ημών ότι ωκοδόμησα το τείχος και ου κατελείφθη εν αυτώ διακοπή και γε έως του καιρού εκείνου θύρας ουκ επέστησα εν ταις πύλαις

6:2  και απέστειλε Σαναβαλάτ και Γησάμ προς με λέγοντες δεύρο και συναχθώμεν επι το αυτό εν ταις κώμαις εν πεδίω Ωνώ και αυτοί λογιζόμενοί μοι ποιήσαι πονηρίαν

6:3  και απέστειλα επ΄ αυτούς αγγέλους λέγων έργον μέγα εγώ ποιώ και ου δυνήσομαι καταβήναι μή ποτε καταπαύση το έργον ως αν τελειώσω αυτό καταβήσομαι προς υμάς

6:4  και απέστειλαν προς με ως το ρήμα τούτο τέσσαρσι καθόδοις και απέστειλα αυτοίς κατά τον λόγον τούτον

6:5  και απέστειλε προς με Σαναβαλάτ κατά τον λόγον τούτον τον πέμπτον παίδα αυτού και επιστολήν ανεωγμένην εν χειρί αυτού

6:6  και ην γεγραμμένον εν αυτή εν έθνεσιν ηκούσθη και Γησάμ είπεν ότι συ και οι Ιουδαίοι λογίζεσθε αποστατήσαι διά τούτο συ οικοδομείς το τείχος και συ γίνη αυτοίς εις βασιλέα

6:7  και προς τούτοις προφήτας έστησας σεαυτώ κηρύσσειν περί σου εν Ιερουσαλήμ λέγοντας ότι εβασίλευσας εν Ιουδαία και νυν απαγγελήσονται τω βασιλεί οι λόγοι ούτοι και νυν δεύρο βουλευσώμεθα επί το αυτό

6:8  και απέστειλα προς αυτόν λέγων ουκ εγενήθη ως οι λόγοι ούτοι ους συ λέγεις ότι από καρδίας συ ψεύδη αυτούς

6:9  ότι πάντες φοβερίζουσιν ημάς λέγοντες εκλυθήσονται αι χείρες αυτών από του έργου τούτου και ου ποιηθήσεται και νυν εκραταίωσα τας χείράς μου

6:10  καγώ εισήλθον εις οίκον Σεμεϊ υιόυ Δελαϊα υιόυ Μεταβεήλ και αυτός συνεχόμενος και είπε συναχθώμεν εις οίκον του θεού εν μέσω αυτού και κλείσωμεν τας θύρας αυτού ότι έρχονται νυκτός φονεύσαί σε

6:11  και είπα τις εστίν ο ανήρ οίος εγώ φεύξεται η τις οίος εγώ εισελεύσεται εις τον οίκον και ζήσεται

6:12  ουκ εισελεύσομαι και επέγνων και ιδού ο θεός ουκ απέστειλεν αυτόν ότι η προφητεία λόγος κατ΄ εμού και Τωβίας και Σαναβαλάτ εμισθώσαντο αυτόν

6:13  όπως φοβηθώ και ποιήσω ούτως και αμάρτω και γένωμαι αυτοίς εις όνομα πονηρόν όπως ονειδίσωσί με

6:14  μνήσθητι ο θεός μου τω Τωβία και τω Σαναβαλάτ ως τα ποιήματα αυτών ταύτα και τω Νωαδία τω προφήτη και τοις καταλοίποις των προφητών οι ήσαν φοβερίζοντές με

6:15  και ετελέσθη το τείχος πέμπτη και εικάδι του Ελούλ μηνός εις πεντήκοντα δύο ημέρας

6:16  και εγένετο ηνίκα ήκουσαν πάντες οι εχθροί ημών και εφοβήθησαν πάντα τα έθνη τα κύκλω ημών και επέπεσε φόβος μέγας σφόδρα εν οφθαλμοίς αυτών και έγνωσαν ότι παρά του θεού ημών εγενήθη τελειωθήναι το έργον τούτο

6:17  και εν ταις ημέραις εκείναις από πολλών εντίμων Ιούδα επιστολαί επορεύοντο προς Τωβίαν και αι Τωβία ήρχοντο προς αυτούς

6:18  ότι πολλοί εν Ιούδα ένορκοι ήσαν αυτώ ότι γαμβρός ην του Σεχενία υιόυ Ηραϊ και Ιωνάν υιός αυτού έλαβε την θυγατέρα Μεσουλάμ υιόυ Βαραχίου εις γυναίκα

6:19  και γε τα συμφέροντα αυτώ έλεγεν ενώπιόν μου και λόγους μου ήσαν εκφέροντες αυτώ και επιστολάς απέστειλε Τωβία φοβερίσαι με

Chapter 7

7:1  και εγένετο ηνίκα ωκοδομήθη το τείχος και έστησα τας θύρας και επεσκέπησαν οι πυλωροί και οι άδοντες και οι Λευίται

7:2  και ενετειλάμην τω Ανανία τω αδελφώ μου και τω Ανανία άρχοντι της βιρά εν Ιερουσαλήμ ότι αυτός ην ως ανήρ αληθής και φοβούμενος τον θεόν υπέρ πολλούς

7:3  και είπον αυτοίς ουκ ανοιγήσονται πύλαι Ιερουσαλήμ έως άμα τω ηλίω και έτι αυτών γρηγορούντων κλειέσθωσαν αι θύραι και ασφαλιζέσθωσαν και στήσον προφύλακας οικούντων εν Ιερουσαλήμ ανήρ εν προφυλακή εαυτού και ανήρ απέναντι οικίας εαυτού

7:4  και η πόλις πλατεία και μεγάλη και ο λαός ολίγος εν αυτή και ουκ ήσαν οικίαι ωκοδομημέναι

7:5  και έδωκεν ο θεός εις την καρδίαν μου και συνήξα τους εντίμους και τους άρχοντας και τον λαόν εις συνοδίας και εύρον βιβλίον της συνοδίας οι ανέβησαν εν πρώτοις και εύρον γεγραμμένον εν αυτώ

7:6  ούτοι οι υιοί της χώρας οι αναβάντες από της αιχμαλωσίας της αποικίας ης απώκισε Ναβουχοδονόσορ ο βασιλεύς Βαβυλώνος και επέστρεψαν εις Ιερουσαλήμ και εις Ιούδαν ανήρ εις πόλιν εαυτού

7:7  οι ελθόντες μετά Ζοροβαβέλ και Ιησού και Νεεμία Αζαρία και Ρεελμαϊ Ναιμανί Μαρδοχαίος Βαλσάν Μαασφαράθ Βογουϊα Ναούμ Βαανά και Μαασφάρ άνδρες λαού Ισραήλ

7:8  υιοί Φόρος δισχίλιοι εκατόν εβδομηκονταδύο

7:9  υιοί Σαφατία τριακόσιοι εβδομηκονταδύο

7:10  υιοί Ηρά εξακόσιοι πεντηκονταδύο

7:11  υιοί Φαάθ Μωάβ τοις υιοίς Ιησού και Ιωάβ δισχίλιοι οκτακόσιοι δεκαοκτώ

7:12  υιοί Ηλάμ χίλιοι διακόσιοι πεντηκοντατέσσαρες

7:13  υιοί Ζαθούα οκτακόσιοι τεσσαρακονταπέντε

7:14  υιοί Ζακχού επτακόσιοι εξήκοντα

7:15  υιοί Βανουϊ εξακόσιοι τεσσαρακονταοκτώ

7:16  υιοί Βηβαϊ εξακόσιοι εικοσιοκτώ

7:17  υιοί Ασγάδ δισχίλιοι τριακόσιοι εικοσιδύο

7:18  υιοί Αδωνικάμ εξακόσιοι εξηκονταεπτά

7:19  υιοί Βαγουϊ δισχίλιοι εξηκονταεπτά

7:20  υιοί Ηδάν εξακόσιοι πεντηκονταπέντε

7:21  υιοί Ατήρ τω Εζεκία εννενηκονταοκτώ

7:22  υιοί Ησάμ τριακόσιοι εικοσιοκτώ

7:23  υιοί Βεσεϊ τριακόσιοι εικοσιτέσσαρες

7:24  υιοί Αρήβ εκατόν δεκαδύο υιοί Ασέν διακόσιοι εικοσιτρείς

7:25  υιοί Γαβαών ενενηκονταπέντε

7:26  υιοί Βαιθαλέμ και Νετωφαθί εκατόν εικοσιτρείς

7:27  υιοί Αναθώθ εκατόν εικοσιοκτώ

7:28  υιοί Αζαμώθ άνδρες τεσσαρακονταδύο

7:29  άνδρες Καριαθιαρείμ Καφηρά και Βηρώθ επτακόσιοι τεσσαρακοντατρείς

7:30  άνδρες Αραμά και Γαβαά εξακόσιοι εικοσιείς

7:31  άνδρες Μαχεμάς εκατόν εικοσιδύο

7:32  άνδρες Βαιθήλ και Αϊ εκατόν εικοσιτρείς

7:33  άνδρες Ναβάβ ετέρου πεντηκονταδύο

7:34  υιοί Αιλάμ ετέρου χίλιοι διακόσιοι πεντηκοντατέσσαρες

7:35  υιοί Ηράμ τριακόσιοι είκοσι

7:36  υιοί Ιεριχώ τριακόσιοι τεσσαρακονταπέντε

7:37  υιοί Λαδαδί και Ωνώ επτακόσιοι εικοσιείς

7:38  υιοί Σεναά τρισχίλιοι ενακόσιοι τριάκοντα

7:39  οι ιερείς υιοί Ιωδαέ εις οίκον Ιησού εννακόσιοι εβδομηκοντατρείς

7:40  υιοί Εμμήρ χίλιοι πεντηκονταδύο

7:41  υιοί Φασεούρ χίλιοι διακόσιοι τεσσαρακονταεπτά

7:42  υιοί Ηράμ χίλιοι δεκαεπτά

7:43  οι Λευίται υιοί Ιησού του Καδμιήλ τοις υιοίς του Ωδουία εβδομηκοντατέσσαρες

7:44  οι άδοντες υιοί Ασάφ εκατόν τεσσαρακονταοκτώ

7:45  οι πυλωροί υιοί Σελλούμ υιοί Ατήρ υιοί Τελμών υιοί Ακούβ υιοί Ατιτά υιοί Σαβί εκατόν τριακονταοκτώ

7:46  οι Ναθηνείμ υιοί σηά υιοί Ασηφά υιοί Ταβαώθ

7:47  υιοί Κηράς υιοί Σιαϊα υιοί Φαδών

7:48  υιοί Λαβανά υιοί Αγγαβά υιοί Σελμεϊ

7:49  υιοί Ανάν υιοί Γαδήλ υιοί Γαήρ

7:50  υιοί Ρααϊα υιοί Ρασσών υιοί Νεκωδά

7:51  υιοί Γαζήμ υιοί Οζά υιοί Φεσί

7:52  υιοί Βησί υιοί Μεινών υιοί Νεφωσαϊ

7:53  υιοί Βακβούκ υιοί Αχιφά υιοί Αρούρ

7:54  υιοί Βασαλώθ υιοί Μειδά υιοί Αδασά

7:55  υιοί Βαρκουέ υιοί Σισαρά υιοί Θημά

7:56  υιοί Νισιά υιοί Ατιφά

7:57  υιοί δούλων Σολομώντος υιοί Σουτεϊ υιοί Σαφαράτ υιοί Φεριδά

7:58  υιοί Ιελά υιοί Δορκών υιοί Γαδαήλ

7:59  υιοί Σαφατία υιοί Ατίλ υιοί Φαχαράθ υιοί Σαβαϊν υιοί Αμών

7:60  πάντες οι Ναθηνείμ και οι υιοί δουλων Σολομώντος τριακόσιοι εννενηκονταδύο

7:61  και ούτοι ανέβησαν από Θελμελέχ Θελασάρ Χαρούβ Ηδάν Εμμήρ και ουκ ηδυνήθησαν απαγγείλαι οίκους πατριών αυτών και σπερμα αυτών ει από Ισραήλ εισιν

7:62  υιοί Δαλαϊα υιοί Τωβία υιοί Νεκωδά εξακόσιοι τεσσαρακονταδύο

7:63  και από των ιερέων υιοί Εβιά υιοί Ακκώς υιοί Βερζελεϊ ος έλαβεν από θυγατέρων Βερζελεϊ του Γαλααδίτου γυναίκα και εκλήθη επ΄ ονόματι αυτών

7:64  ούτοι εζήτησαν γραφήν εαυτών της συνοδίας και ουχ ευρέθη και απώσθησαν από της ιερατείας

7:65  και είπεν Αρθασασθά αυτοίς ίνα μη φάγωσιν από του αγίου των αγίων έως αναστή ιερεύς τοις φωτισμοίς και ταις τελειώσεσι

7:66  και εγένετο πάσα η εκκλησία ομοθυμαδόν ως τέσσαρες μυριάδες και δισχίλιοι τριακόσιοι εξήκοντα

7:67  πάρεξ δούλων αυτών και παιδισκών αυτών ούτοι επτακισχίλιοι τριακόσιοι τριακονταεπτά και άδοντες και άδουσαι διακόσιοι τεσσαρακονταπέντε

7:68  ίπποι επτακόσιοι τριακονταέξ ημίονοι διακόσιοι τεσσαρακονταπέντε κάμηλοι τετρακόσιοι τριακονταπέντε

7:69  όνοι εξακισχίλιοι επτακόσιοι είκοσι

7:70  και από μέρους αρχηγών των πατριών έδωκαν εις τον έργον τω Αρθασασθά εις θησαυρόν χρυσίου δραχμάς χιλίας φιάλας πεντήκοντα στολάς των ιερέων πεντηκοσίας τριάκοντα

7:71  και από αρχηγών των πατριών έδωκαν εις θησαυρούς του έργου χρυσού νόμισμα μυριάδας δύο και αργυρίου μνας δισχιλίας διακοσίας

7:72  και έδωκαν οι κατάλοιποι του λαού χρυσίου δραχμάς δύο μυριάδας και αργυρίου μνας δισχιλίας και στολάς των ιερέων εξηκονταεπτά

7:73  και εκάθισαν οι ιερείς και οι Λευίται και οι πυλωροί και οι άδοντες και οι από του λαού και οι Ναθηνείμ και πας Ισραήλ εν πόλεσιν αυτών

Chapter 8

8:1  και έφθασεν ο μην ο έβδομος και οι υιοί Ισραήλ εν πόλεσιν αυτών και συνήχθησαν πας ο λαός ως ανήρ εις εις το πλάτος το έμπροσθεν πύλης του ύδατος και είπον τω Έσδρα τω γραμματεί ενέγκαι το βιβλίον νόμου Μωυσή ον ενετείλατο κύριος τω Ισραήλ

8:2  και ήνεγκεν Έσδρας ο ιερεύς τον νόμον ενώπιον της εκκλησίας από ανδρός έως γυναικός και πας ο συνιών ακούειν εν ημέρα μία του μηνός του εβδόμου

8:3  και ανέγνω εν αυτώ απέναντι της πλατείας της έμπροσθεν της πύλης των υδάτων από της ώρας του διαφωτίσαι τον ήλιον έως μεσούσης της ημέρας απέναντι ανδρών και γυναικών και αυτοί συνιέντες και ώτα παντός του λαού εις το βιβλίον του νόμου

8:4  και έστη Έσδρας ο γραμματεύς επί βήματος ξυλίνου ο εποίησεν εις το δημηγορήσαι και έστησαν εχόμενα αυτού Ματθαθίας και Σαμεϊας και Ανανίας και Ουρίας και Χελκίας και Μαασίας εκ δεξιών αυτού και εξ ευωνύμων Φαδαϊας και Μισαήλ και Μελχίας και Ασώμ και Ασαβδανά και Ζαχαρίας και Μεσολλάμ

8:5  και ήνοιξεν Έσδρας το βιβλίον ενώπιον παντός του λαού ότι αυτός ην επάνω του λαού και εγένετο ηνίκα ήνοιξεν αυτό έστη πας ο λαός

8:6  και ευλόγησεν Έσδρας κύριον τον θεόν τον μέγαν και απεκρίθη πας ο λαός και είπον αμήν αμήν επάραντες τας χείρας αυτών και έκυψαν και προσεκύνησαν τω κυρίω επί πρόσωπον επί την γην

8:7  και Ιησούς και Βανέας και Σαραβίας και Ιαμείν και Ακούβ και Σαβαθθαίος και Ωδουίας και Μαασίας και Καλλίτας και Ασαρίας και Ιωσαβέδ και Αναν και Φαλαϊας και οι Λευίται ήσαν συνετίζοντες τον λαόν εις τον νόμον και ο λαός εν τη στάσει αυτού

8:8  και ανέγνωσαν εν τω βιβλίω του νόμου του θεού και εδίδασκεν Έσδρας και διέστειλεν εν επιστήμη κυρίου και συνήκεν ο λαός εν τη αναγνώσει

8:9  και είπε Νεεμίας ος εστιν Αταρσαθά και Έσδρας ο ιερεύς και γραμματεύς και οι Λευίται οι συνετίζοντες τον λαόν και είπον παντί τω λαώ ημέρα αγία εστί τω κυρίω θεώ ημών μη πενθείτε μηδέ κλαίετε ότι έκλαιε πας ο λαός ως ήκουσε τους λόγους του νόμου

8:10  και είπεν αυτοίς πορεύεσθε και φάγετε λιπάσματα και πίετε γλυκάσματα και αποστείλατε μερίδας τοις μη έχουσιν ότι αγία εστίν η ημέρα τω κυρίω θεώ ημών και μη διαπέσητε ότι η χαρά κυρίου αύτη εστίν ισχύς ημών

8:11  και οι Λευίται κατεσιώπων πάντα τον λαόν λέγοντες σιωπάτε ότι ημέρα αγία και μη καταπίπτετε

8:12  και απήλθε πας ο λαός φαγείν και πιείν και αποστέλλειν μερίδας και ποιήσαι ευφροσύνην μεγάλην ότι συνήκαν εν τοις λόγοις οις εγνώρισεν αυτοίς

8:13  και εν τη ημέρα τη δευτέρα συνήχθησαν οι άρχοντες των πατριών τω παντί λαώ οι ιερείς και οι Λευίται προς Έσδραν τον γραμματέα επιστήσαι προς πάντας τους λόγους του νόμου

8:14  και εύρον γεγραμμένον εν τω νόμω ω ενετείλατο κύριος τω Μωυσή όπως κατοικήσωσιν οι υιοί Ισραήλ εν σκηναίς εν εορτή εν μηνί τω εβδόμω

8:15  και όπως σημάνωσιν εν σάλπιγξιν εν πάσαις ταις πόλεσιν αυτών και εν Ιερουσαλήμ και είπεν Έσδρας εξέλθετε εις το όρος και ενέγκατε φύλλα ελαίας και φύλλα ξύλων κυπαρισσίνων και φύλλα μυρσίνης και φύλλα φοινίκων και φύλλα ξύλου δασέος ποιήσαι σκηνάς κατά το γεγραμμένον

8:16  και εξήλθεν ο λαός και ήνεγκαν και εποίησαν εαυτοίς σκηνάς ανήρ επί του δώματος αυτού και εν ταις αυλαίς αυτών και εν ταις αυλαίς οίκου του θεού και εν πλατείαις της πύλης των υδάτων και εν ταις πλατείαις της πύλης Εφραϊμ

8:17  και εποίησαν πάσα η εκκλησία οι επιστρέψαντες από της αιχμαλωσίας σκηνάς και εκάθισαν εν σκηναίς ότι ουκ εποίησαν από ημερών Ιησού υιόυ Ναυή ούτως οι υιοί Ισραήλ έως της ημέρας εκείνης και εγένετο ευφροσύνη μεγάλη σφόδρα

8:18  και ανέγνω εν βιβλίω νόμου του θεού ημέραν εν ημέρα από της ημέρας της πρώτης έως της ημέρας της εσχάτης και εποίησαν εορτήν επτά ημέρας και τη ημέρα τη ογδόη εξόδιον κατά το κρίμα

Chapter 9

9:1  και εν ημέρα εικοστή και τετάρτη του μηνός τούτου συνήχθησαν οι υιοί Ισραήλ εν νηστεία και εν σάκκοις και σποδώ επί κεφαλής αυτών

9:2  και εχωρίσθησαν οι υιοί Ισραήλ από παντός υιόυ αλλοτρίου και έστησαν και εξηγόρευσαν τας αμαρτίας αυτών και τας ανομίας των πατέρων αυτών

9:3  και έστησαν επί τη στάσει αυτών και ανέγνωσαν εν βιβλίω νόμου κυρίου θεού αυτών το τέταρτον της ημέρας και ήσαν εξαγορεύοντες τω κυρίω το τέταρτον της ημέρας και προσκυνούντες τω κυρίω θεώ αυτών

9:4  και έστη επί αναβάσει των Λευιτών Ιησούς και οι υιοί Καδμιήλ Σαχανίας υιός Σαραβία υιόυ Χανανί και εβόησαν φωνή μεγάλη προς κύριον τον θεόν αυτών

9:5  και είπον οι Λευίται Ιησούς και Καδμιήλ Βοννείας Σαραβίας Ωδουίας Σοβανίας Φεσσίας ανάστητε ευλογείτε τον κύριον θεόν ημών από του αιώνος και έως του αιώνος και ευλογήσουσιν όνομα δόξης σου και υψώσουσιν επί πάση ευλογία και αινέσει

9:6  και είπεν Έσδρας συ ει αυτός κύριος μόνος συ εποίησας τον ουρανόν και τον ουρανόν του ουρανού και πάντας τας δυνάμεις αυτών την γην και πάντα όσα εστίν εν αυτή τας θαλάσσας και πάντα τα εν αυταίς και συ ζωοποιείς τα πάντα και σοι προσκυνούσιν αι στρατιαί των ουρανών

9:7  συ ει κύριε ο θεός συ εξελέξω Άβραμ και εξήγαγες αυτόν εκ της χώρας των Χαλδαίων και επέθηκας αυτώ όνομα Αβραάμ

9:8  και εύρες την καρδίαν αυτού πιστήν ενώπιόν σου και διέθου προς αυτόν διαθήκην δούναι αυτώ την γην των Χαναναίων και Χετταίων και Αμορραίων και Φερεζαίων και Ιεβουσαίων και Γεργεσαίων και δούναι αυτήν τω σπέρματι αυτού και έστησας τους λόγους σου ότι δίκαιος συ

9:9  και είδες την ταπείνωσιν των πατέρων ημών εν Αιγύπτω και την κραυγήν αυτών ήκουσας επί θάλασσαν ερυθράν

9:10  και έδωκας σημεία και τέρατα εν Αιγύπτω εν Φαραώ και εν πάσι τοις παισίν αυτού και εν παντί τω λαώ της γης αυτού ότι έγνως ότι υπερηφάνησαν επ΄ αυτούς και εποίησας σεαυτώ όνομα ως η ημέρα αύτη

9:11  και την θάλασσαν διέρρηξας ενώπιον αυτών και παρήλθον εν μέσω της θαλάσσης εν ξηρασία και τους καταδιώκοντας αυτούς έρριψας εις βυθόν ωσεί λίθον εν ύδατι σφοδρώ

9:12  και εν στύλω νεφέλης ωδήγησας αυτούς ημέρας και εν στύλω πυρός την νύκτα του φωτίσαι αυτοίς την οδόν εν η πορεύσονται εν αυτή

9:13  και επί όρος Σινά κατέβης και ελάλησας προς αυτούς εξ ουρανού και έδωκας αυτοίς κρίματα ευθέα και νόμους αληθείας προστάγματα και εντολάς αγαθάς

9:14  και το σάββατόν σου το άγιον εγνώρισας αυτοίς εντολάς και προστάγματα και νόμον ενετείλω αυτοίς εν χειρί Μωυσή του δούλου σου

9:15  και άρτον εξ ουρανού έδωκας αυτοίς εις σιτοδοσίαν αυτών και ύδωρ εκ πέτρας εξήνεγκας αυτοίς εις δίψαν αυτών και είπας αυτοίς εισελθείν κληρονομήσαι την γην εις ην εξέτεινας την χείρά σου δούναι αυτοίς

9:16  και αυτοί και οι πατέρες ημών υπερηφανεύσαντο και εσκλήρυναν τον τράχηλον αυτών και ουκ ήκουσαν των εντολών σου

9:17  και ανένευσαν του εισακούσαι και ουκ εμνήσθησαν των θαυμασίων σου ων εποίησας εν αυτοίς και εσκλήρυναν τον τράχηλον αυτών και έδωκαν αρχήν επιστρέψαι εις δουλείαν αυτών εν Αιγύπτω και συ ο θεός αφίων αμαρτίας ελεήμων και οικτίρμων μακρόθυμος και πολυέλεος και ουκ εγκατέλιπες αυτούς

9:18  έτι δε και εποίησαν εαυτοίς μόσχον χωνευτόν και είπαν ούτοι οι θεοί οι εξαγαγόντες ημάς εξ Αιγύπτου και εποίησαν παροργισμούς μεγάλους

9:19  και συ εν οικτιρμοίς σου τοις μεγάλοις ουκ εγκατέλιπες αυτούς εν τη ερήμω τον στύλον της νεφέλης ουκ εξέκλινας απ΄ αυτών ημέρας οδηγήσαι αυτούς εν τη οδώ και τον στύλον του πυρός την νύκτα φωτίζειν αυτοίς την οδόν εν η πορεύσονται εν αυτή

9:20  και το πνεύμά σου το αγαθόν έδωκας συνετίσαι αυτούς και το μάννα σου ουκ αφυστέρησας από στόματος αυτών και ύδωρ έδωκας αυτοίς εν τη δίψη αυτών

9:21  και τεσσαράκοντα έτη διέθρεψας αυτούς εν τη ερήμω ουχ υστέρησας αυτοίς ουδέν ιμάτια αυτών ουκ επαλαιώθησαν και υποδήματα αυτών ου διερράγησαν

9:22  και έδωκας αυτούς βασιλείας και λαούς διεμέρισας αυτοίς και εκληρονόμησαν την γην Σηών βασιλέως Εσεβών και την γην Ωγ βασιλέως του Βασάν

9:23  και τους υιούς αυτών επλήθυνας ως τους αστέρας του ουρανού και εισήγαγες αυτούς εις την γην ην είπας τοις πατράσιν αυτών του εισελθείν και εκληρονομήσαι

9:24  και εισήλθον υιοί αυτών και εκληρονόμησαν την γην και εξέτριψας ενώπιον αυτών τους κατοικούντας την γην των Χαναναίων και έδωκας αυτούς εις τας χείρας αυτών και τους βασιλείς αυτών και τους λαούς της γης ποιήσαι αυτοίς ως αρεστόν ενώπιον αυτών

9:25  και κατελάβοντο πόλεις υψηλάς και γην πίονα και εκληρονόμησαν οικίας πλήρεις πάντων αγαθών λάκκους λελατομημένους αμπελώνας και ελαιώνας και παν ξύλον βρώσιμον εις πλήθος και έφαγον και ενεπλήσθησαν και ελιπάνθησαν και ετρύφησαν εν αγαθωσύνη σου τη μεγάλη

9:26  και ήλλαξαν και απέστησαν από σου και έρριψαν τον νόμον σου οπίσω σώματος αυτών και τους προφήτας σου απέκτειναν οι διεμαρτύραντο εν αυτοίς επιστρέψαι αυτούς προς σε και εποίησαν παροργισμούς μεγάλους

9:27  και έδωκας αυτούς εν χειρί θλιβόντων αυτούς και έθλιψαν αυτούς και ανεβόησαν προς σε εν καιρώ θλίψεως αυτών και συ εξ ουρανού σου ήκουσας και εν οικτιρμοίς σου τοις μεγάλοις έδωκας αυτοίς σωτήρας και έσωσας αυτούς εκ χειρός θλιβόντων αυτούς

9:28  και ως ανεπαύσαντο επέστρεψαν ποιήσαι το πονηρόν ενώπιόν σου και εγκατέλιπες αυτούς εις χείρας εχθρών αυτών και κατήρξαν εν αυτοίς και πάλιν ανεβόησαν προς σε και συ εξ ουρανού εισήκουσας και ερρύσω αυτούς εν οικτιρμοίς σου πολλοίς

9:29  και επεμαρτύρω αυτοίς επιστρέψαι αυτούς εις τον νόμον σου αυτοί δε υπερηφανεύσαντο και ουκ ήκουσαν των εντολών σου και εν τοις κρίμασί σου ήμαρτον α ποιήσας αυτά άνθρωπος ζήσεται εν αυτοίς και έδωκαν νώτον απειθούντα και τράχηλον αυτών εσκλήρυναν και ουκ ήκουσαν

9:30  και εμακροθύμησας επ΄ αυτούς έτη πολλά και είλκυσας επ΄ αυτούς έτη πολλά και επεμαρτύρω αυτοίς εν πνεύματί σου εν χειρί προφητών σου και ουκ ηνωτίσαντο και έδωκας αυτούς εν χειρί λαών της γης

9:31  και συ εν οικτιρμοίς σου τοις πολλοίς ουκ εποίησας αυτούς εις συντέλειαν και ουκ εγκατέλιπες αυτούς ότι ισχυρός ει και ελεήμων και οικτίρμων

9:32  και νυν ο θεός ημών ο ισχυρός ο μέγας ο κραταιός και φοβερός φυλάσσων την διαθήκην σου και το έλεός σου μη ολιγωθήτω ενώπιόν σου πας ο μόχθος ος εύρεν ημάς και τους βασιλείς ημών και τους άρχοντας ημών και τους ιερείς ημών και τους προφήτας ημών και τους πατέρας ημών και εν παντί τω λαώ σου από ημερών βασιλέων Ασσούρ και έως της ημέρας ταύτης

9:33  και συ δίκαιος ει επί πάσι τοις ερχομένοις εφ΄ ημάς ότι αλήθειαν εποίησας και ημείς εξημάρτομεν

9:34  και οι βασιλείς ημών και οι άρχοντες ημών και οι ιερείς ημών και οι πατέρες ημών ουκ εποίησαν τον νόμον σου και ου προσέσχον τας εντολάς σου και τα μαρτύριά σου α διεμαρτύρω αυτοίς

9:35  και αυτοί εν βασιλεία σου και εν αγαθωσύνη σου τη πολλή η έδωκας αυτοίς και εν τη γη τη πλατεία και λιπαρά η έδωκας ενώπιον αυτών ουκ εδούλευσάν σοι και ουκ απέστρεψαν από επιτηδευμάτων αυτών των πονηρών

9:36  ιδού εσμέν σήμερον δούλοι και η γη ην έδωκας τοις πατράσιν ημών φαγείν τον καρπόν αυτής και τα αγαθά αυτής και ιδού εσμέν δούλοι επ΄ αυτής

9:37  και οι καρποί αυτής οι πολλοί εγένοντο τοις βασιλεύσιν ους έδωκας εφ΄ ημάς εν αμαρτίαις ημών και επί τα σώματα ημών εξουσιάζουσι και εν κτήνεσιν ημών ως αρεστόν αυτοίς και εν θλίψει μεγάλη εσμέν

9:38  και εν πάσι τούτοις ημείς διατιθέμεθα πίστιν και γράφομεν και επισφραγίζουσιν άρχοντες ημών Λευίται ημών ιερείς ημών

Chapter 10

10:1  και επί των σφραγιζόντων Νεεμίας Αρτασασθά υιός Αχαλία και Σεδεκίας

10:2  υιός Αραϊα και Αζαρίας και Ιερεμίας

10:3  Φασούρ Αμαρίας Μελχίας

10:4  Άττους Σεβανί Ηράμ Μαλούχ

10:5  Μεραμώθ Αβδία

10:6  Δανιήλ Γαανναθών Βαρούχ

10:7  Μεσουλάμ Αβιά Μιαμίν

10:8  Μααζίας Βελγαϊ και Σαμαϊας ούτοι ιερείς

10:9  και οι Λευίται Ιησούς υιός Αζανίου Βανέας από υιών Ηναδάδ Καδμιήλ

10:10  και οι αδελφοί αυτού Σαβανίας Αδουϊας Καλιτάν Φελιά Ανάν

10:11  Μιχά Ροώβ Ησεβίας

10:12  Ζακχούρ Σαραβίας Σεβανίας και Ωδουά

10:13  υιοί Βανουνέ

10:14  άρχοντες του λαού Φόρος Φαάθ Μωάβ Ηλάμ και Σαθθουϊα υιοί Βαανί

10:15  Άσγαγ Βηβαϊ

10:16  Αδονίας Βαγοϊ Αδίν

10:17  Ατήρ Εζεκίας Ασζούρ

10:18  Ωδουϊα Ασσόμ Βησί

10:19  Αρίφ Αναθώθ Νωβαϊ

10:20  Μεγάβ Μεσουλάμ Ηζήρ

10:21  Μεσωζεβήλ Σαδούκ Ιεδδούας

10:22  Φαλτίας Ανάν Αναϊα

10:23  Ωσηέ Ανανίας Ασούβ

10:24  Αλωής Φαλαϊ Σωβήκ

10:25  Ρεούμ Εσεβανά Μαασίας

10:26  Αϊα Αϊνάν Ηνάν

10:27  Μαλούχ Αρήμ Βαανά

10:28  και οι κατάλοιποι του λαού οι ιερείς οι Λευίται οι πυλωροί οι άδοντες οι Ναθηνείμ και πάντες διαχωρισθέντες από των λαών της γης προς νόμον του θεού γυναίκες αυτών υιοί αυτών θυγατέρες αυτών πας ο ειδώς και συνιών

10:29  ενίσχυον επί τους αδελφούς αυτών και κατηράσαντο αυτούς και εισήλθον εν αρά και εν όρκω του πορεύεσθαι εν νόμω του θεού ος εδόθη εν χειρί Μωυσή δούλου του θεού φυλάσσεσθαι και ποιείν πάσας τας εντολάς κυρίου του θεού ημών και τα κρίματα αυτού και τα προστάγματα αυτού

10:30  και του μη δούναι θυγατέρας ημών τοις λαοίς της γης και τας θυγατέρας αυτών ου ληψόμεθα τοις υιοίς ημών

10:31  και λαοί της γης οι φέροντες τους αγορασμούς και πάσαν πράσιν εν ημέρα του σαββάτου αποδόσθαι ουκ αγοράσομεν παρ΄ αυτών εν σαββάτω και εν ημέρα αγία και αναβήσομεν το έτος το έβδομον και απαίτησιν πάσης χειρός

10:32  και στήσομεν εφ΄ ημάς εντολάς δούναι εφ΄ ημάς τρίτον του διδράχμου κατ΄ ενιαυτόν εις δουλείαν οίκου του θεού ημών

10:33  εις άρτους του προσώπου και θυσίαν του ενδελεχισμού και εις ολοκαύτωμα του ενδελεχισμου των σαββάτων των νουμηνιών εις τας εορτάς και εις τα άγια και τα περί αμαρτίας εξιλάσασθαι περί Ισραήλ και εις έργα οίκου του θεού ημών

10:34  και κλήρους εβάλομεν περί των δώρων ξυλοφορίας οι ιερείς και οι Λευίται και ο λαός ενέγκαι εις οίκον θεού ημών εις οίκους πατριών ημών εις καιρούς από χρόνων ενιαυτόν κατ΄ ενιαυτόν εκκαύσαι επί το θυσιαστήριον κυρίου του θεού ημών ως γέγραπται εν τω νόμω

10:35  και ενέγκαι τα πρωτογεννήματα της γης ημών και πρωτογεννήματα καρπού παντός ξύλου ενιαυτόν κατ΄ ενιαυτόν εις οίκον κυρίου

10:36  και τα πρωτότοκα υιών ημών και κτηνών ημών ως γέγραπται εν τω νόμω και τα πρωτότοκα των βοών ημών και ποιμνίων ημών ενέγκαι εις οίκον θεού ημών τοις ιερεύσι τοις λειτουργούσιν εν οίκω θεού ημών

10:37  και την απαρχήν σίτων ημών και τας απαρχάς ημών και τον καρπόν παντός ξύλου οίνου και ελαίου οίσομεν τοις ιερεύσιν εις το γαζοφυλάκια οίκου του θεού ημών και δεκάτας γης ημών τοις Λευίταις και αυτοί οι Λευίται δεκατούντες εν πάσαις πόλεσι δουλείας ημών

10:38  και έσται ο ιερεύς υιός Ααρών μετά των Λευιτών εν τη δεκάτη των Λευιτών και οι Λευίται ανοίσουσι την δεκάτην της δεκάτης εις οίκον θεού ημων εις γαζοφυλάκιον οίκου του θησαυρού

10:39  ότι εις τους θησαυρούς εισοίσουσιν οι υιοί Ισραήλ και υιοί του Λευί τας απαρχάς του σίτου και του οίνου και του ελαίου και εκεί σκεύη τα άγια και οι ιερείς οι λειτουργοί και οι πυλωροί και οι άδοντες και ουκ εγκαταλείψομεν τον οίκον του θεού ημών

Chapter 11

11:1  και εκάθισαν οι άρχοντες του λαού εν Ιερουσαλήμ και οι κατάλοιποι του λαού έβαλον κλήρους ενέγκαι ένα από των δέκα καθίσαι εν Ιερουσαλήμ τη πόλει τη αγία και εννέα μέρη εν ταις πόλεσι

11:2  και ευλόγησεν ο λαός πάντας τους άνδρας τους εκουσιαζομένους καθίσαι εν Ιερουσαλήμ

11:3  και ούτοι οι άρχοντες της χώρας οι εκάθισαν εν Ιερουσαλήμ και εν πόλεσιν Ιούδα εκάθισαν ανήρ εν κατασχέσει αυτού εν πόλεσιν αυτών Ισραήλ οι ιερείς και οι Λευίται και οι Ναθιναίοι και οι υιοί δούλων Σολομώντος

11:4  και εν Ιερουσαλήμ εκάθισαν από υιών Ιούδα και από υιών Βενιαμίν από υιών Ιούδα Αθεέ υιός Οζία υιός Ζαχαρίας υιός Σαμαρία υιός Σαφατία υιός Μαλελιήλ και από των υιών Φαρές

11:5  Μαασία υιός Βαρούχ υιός Χαλαζά υιός Οζιά υιός Αδαϊα υιός Ιωαρείβ υιός Ζαχαρίου υιός του Σηιλονί

11:6  πάντες υιοί Φαρές οι καθήμενοι εν Ιερουσαλήμ τετρακόσιοι εξηκονταοκτώ άνδρες δυνάμεως

11:7  και ούτοι οι υιοί Βενιαμίν Σηλώμ υιός Μεσουλάμ υιός Ιωάδ υιός Φαδαϊα υιός Κωλεία υιός Μαασίου υιός Εθιήλ υιός Ιεσσεία

11:8  και οπίσω αυτού Γεβουέ Σηλεεϊ εννακόσιοι εικοσιοκτώ

11:9  και Ιωήλ υιός Ζεχρί επίσκοπος επ΄ αυτούς και Ιούδα υιός Ασάμ επί της πόλεως δεύτερος

11:10  από των ιερέων και Ιαδεία υιός Ιωρείβ Ιαχίν

11:11  Σαρέας υιός Ελχία υιός Μεσουλάμ υιός Σαδδούκ υιός Μαριώθ υιός Ααχιτώβ ηγούμενος οίκου του θεού

11:12  και αδελφοί αυτών ποιούντες το έργον του οίκου οκτακόσιοι εικοσιδύο και Αδαϊα υιός Ιεροάμ υιόυ Φαλαλία υιόυ ναμασί υιόυ Ζαχαρία υιόυ Φασούρ υιόυ Μελχία

11:13  και αδελφοί αυτού άρχοντες πατριών διακόσιοι τεσσαρακονταδύο και Αμασαϊ υιός Εσριήλ υιόυ Σακχίου υιόυ Μασαλιμώθ υιόυ Εμμήρ

11:14  και αδελφοί αυτού δυνατοί παρατάξεως εκατόν εικοσιοκτώ και επίσκοπος επ΄ αυτούς Ζεχριήλ υιός των μεγάλων

11:15  και από των Λευιτών Σαμαϊα υιός Ασούβ υιόυ Εσρικάμ υιόυ Ασαβία υιόυ Βοννά

11:16  και Σαββαθαίος και Ιωσαβάδ επί τα έργα του οίκου του θεού εξωτάτου και από των αρχόντων των Λευιτών

11:17  και Ματθανίας υιός Μιχά υιός Ζεχρεί υιόυ Ασάβ άρχων του αίνου και Ιούδας της προσευχής και Βοκχείας δεύτερος εκ των αδελφών αυτού και Αβδίας υιός Σαμαϊου υιόυ Γαλέλ υιόυ Ιδιθούν

11:18  πάντες οι Λευίται εν τη πόλει τη αγία διακόσιοι ογδοηκοντατέσσαρες

11:19  και οι πυλωροί Ακούβ Τελαμίν και οι αδελφοί αυτών οι φυλάσσοντες εν ταις πύλαις εκατόν εβδομηκονταδύο

11:20  το δε λοιπόν του Ισραήλ και οι ιερείς και οι Λευίται εν πάσαις ταις πόλεσι της Ιουδαίας ανήρ εν τη κληρονομία αυτού

11:21  και οι Ναθιναίοι οι κατώκησαν εν Οφλά και Σιαά και Γεσφάς από των Ναθναίων

11:22  και επίσκοπος Λευιτών εν Ιερουσαλήμ Οζεϊ υιός Βανί υιόυ Σαβία υιόυ Μαθθανίου υιόυ Μιχά από υιών Ασάφ των αδόντων απέναντι έργου οίκου του θεού

11:23  ότι εντολή του βασιλέως επ΄ αυτούς και διέμενεν εν πίστει επί τοις ωδοίς λόγος εκάστης ημέρας εν τη ημέρα αυτού

11:24  και Φαθαϊα υιός Μασσιζαβήλ από των υιών Ζάρα υιόυ Ιούδα προς χείρα του βασιλέως εις πάντα λόγον τω λαώ

11:25  και προς τας επαύλεις εν αγρώ αυτών και από υιών Ιούδα εκάθισαν εν Καριαθαρβώγ και εν ταις θυγατράσιν αυτής και εν Δαιβών και εν ταις θυγατράσιν αυτής και εν Καβσεήλ και εν ταις αυλαίς αυτής

11:26  και εν Ιησού και εν Μωλαδά και εν Βηθφαλάτ

11:27  και εν Ασερσωάλ και εν Βηρσαβεαί και ταις θυγατράσιν αυτής

11:28  και εν Σεκελάγ και εν Μαβνή και εν ταις θυγατράσιν αυτής

11:29  και εν Ρεμαών και εν Σαρά και εν Ιεριμούθ

11:30  και εν Ζαννοά και Οδολλάμ και ταις επαύλεσιν αυτών και εν Λαχείς και τοις αγροίς αυτής και εν Αζηκά και εν ταις θυγατράσιν αυτής και παρενεβάλοσαν εν Βηρσαβεαί έως φάραγγος Εννόμ

11:31  και οι υιοί Βενιαμίν από Γαβαά και Μαχμάς και Γε και Βαιθήλ και των θυγατέρων αυτής

11:32  και εν Αναθώθ Νοβ Ανία

11:33  Ασώρ Ραμά Γεθθαϊμ

11:34  Αδώδ Σεβωείμ Ναβαλάτ

11:35  Λύδδα και Ονωγκαρασείμ

11:36  και εκ των Λευιτών μερίδες εν τω Ιούδα και Βενιαμίν

Chapter 12

12:1  και ούτοι οι ιερείς και οι Λευίται οι αναβάντες μετά Ζοροβάβελ υιόυ Σαλαθιήλ και Ιησού Σαραϊα Ιερεμίας Έσδρας

12:2  Αμαρίας Μαλούχ Αττούς

12:3  Σεχενίας Ρεούμ Μαρειμώθ

12:4  Αδαϊας Γεναθών Αβίας

12:5  Μιαμείν Μααδίας Βελγάς

12:6  Σεμεϊας Ιωιαρείβ Ιδεϊας

12:7  Σαλού Αμούκ Χελκείας Ωδουϊας ούτοι οι άρχοντες των ιερέων και αδελφοί αυτών εν ημέραις Ιησού

12:8  και οι Λευίται Ιησούς Βανουϊ Καδμιήλ Σαραβίας Ιωδαέ Ματθανίας επί των εξομολογήσεων αυτός και οι αδελφοί αυτού

12:9  και Βακβακίας και Αναϊ οι αδελφοί αυτών απέναντι αυτών εις τας εφημερίας

12:10  και Ιησούς εγέννησε τον Ιωακείμ και Ιωακείμ εγέννησε τον Ελιασήβ και Ελιασήβ τον Ιωδαέ

12:11  και Ιωδαέ εγέννησε τον Ιωνάθαν και Ιωνάθαν εγέννησε τον Αδδού

12:12  και εν ημέραις Ιωακείμ ήσαν οι ιερείς και οι άρχοντες των πατριών τω Σαραϊα Αμαρίας τω Ιερεμία Ανανίας

12:13  τω Έσδρα Μεσουλάμ τω Αμαρία Ιωνάν

12:14  τω Αμαλούχ Ιωνάθαν τω Σεχενία Ιωσήφ

12:15  τω Αρές Εδνάς τω Μαριώθ Ελκέ

12:16  τω Αδδαϊ Ζαχαρίας τω Γαναθών Μεσολάμ

12:17  τω Αβιά Ζεχρί τω Μιαμίν Μααδαϊ τω Φελετί

12:18  τω Βαλγάς Σαμουέ τω Σεμεϊα Ιωνάθαν

12:19  τω Ιωαρείβ Μαθαναϊ τω Ιδίω Οζί

12:20  τω Σαλαϊ Καλλαϊ τω Αμούκ Αβέδ

12:21  τω Ελκία Ασαβία τω Οδουϊα Ναθαναήλ

12:22  οι Λευίται εν ημέραις Ελιασίβ Ιωάδα και Ιωά και Ιωανάν και Ιδουά γεγραμμένοι άρχοντες των πατριών και οι ιερείς εν βασιλεία Δαρείου του Πέρσου

12:23  υιοί δε Λευί άρχοντες των πατριών γεγραμμένοι επί βιβλίου λόγων των ημερών και έως ημερών Ιωνάν υιόυ Ελιασούβ

12:24  και οι άρχοντες των Λευιτών Ασαβίας και Σαραβίας και Ιησού και οι υιοί Καδμιήλ και αδελφοί αυτών κατέναντι αυτών εις το αινείν και εξομολογείσθαι εν εντολή Δαυίδ ανθρώπου του θεού εφημερία προς εφημερίαν

12:25  Μαθθανίας και Βακβακίας Αβδείας Μοσολάμ Τελμών Ακκούβ φυλάσσοντες πυλωροί φυλακής εν τω συναγαγείν με τους πυλωρούς

12:26  ούτοι εν ημέραις Ιωακείμ υιόυ Ιησού υιόυ Ιωσεδέκ και εν ημέραις Νεεμία του άρχοντος και Έσδρας του ιερέως και γραμματέως

12:27  και εν εγκαινίοις τείχους Ιερουσαλήμ εζήτησαν τους Λευίτας εν τοις τόποις αυτών του ενέγκαι αυτούς εις Ιερουσαλήμ ποιήσαι εγκαίνια και ευφροσύνην και εν αινέσει και εν ωδαίς κυμβαλίζοντες και ψαλτήρια και κινύραις

12:28  και συνήχθησαν οι υιοί των αδόντων και από της περιχώρου κυκλόθεν Ιερουσαλήμ και από επαύλεων του Νετωφατί

12:29  και εν Βαιθγαλγάλ και από αγρών Γαβέαι και Ασμώθ ότι επαύλεις ωκοδόμησαν εαυτοίς οι άδοντες περικύκλω Ιερουσαλήμ

12:30  και εκαθαρίσθησαν οι ιερείς και οι Λευίται και εκαθάρισαν τον λαόν και τας πύλας και το τείχος

12:31  και ανήνεγκαν τους άρχοντας Ιούδα επάνω του τείχους και έστησαν δύο περί αινέσεως μεγάλους και διήλθον εκ δεξιών του τείχους της πύλης της κοπρίας

12:32  και επορεύθη οπίσω αυτών Ασαϊας και ήμισυ αρχόντων Ιούδα

12:33  και Αζαρίας και Έσδρας και Μεσολάμ

12:34  και Ιούδας και Βενιαμίν και Σαμαϊας και Ιερεμίας

12:35  και από των υιών των ιερέων εν σάλπιγξι Ζαχαρίας υιός Ιωνάθαν υιόυ Σαμαϊα υιόυ Ματθανία υιόυ Μαχαϊα υιόυ Ζακχούρ υιόυ Ασάφ

12:36  και αδελφοί αυτού Σαμαϊας και Εζριήλ Γελωλαϊ Μαϊα Ναθαναήλ και Ιούδας και Ανανί του αινείν εν σκεύεσιν ωδαίς Δαυίδ ανθρώπου θεού και Έσδρας ο γραμματεύς έμπροσθεν αυτών

12:37  επί πύλης της πηγής κατέναντι αυτών ανέβησαν επί τοις κλίμακας πόλεως Δαυίδ εν αναβάσει του τείχους επάνωθεν του οίκου Δαυίδ και έως της πύλης του ύδατος κατ΄ ανατολάς

12:38  και περί αινέσεως η δευτέρα εξεπορεύετο συναντώσα αυτοίς και εγώ οπίσω αυτής και το ήμισυ του λαού επάνω του τείχους υπεράνω του πύργου των θεννουρίμ και έως του τείχους του πλατέος

12:39  και υπεράνω της πύλης Εφραϊμ και επί την πύλην την Εισιανά και επί την πύλην την ιχθυηράν και πύργον Αναμεήλ και από του πύργου του Μεά και έως της πύλης της προβατικής και έστησαν επί πύλην της φυλακής

12:40  και έστησαν αι δύο της αινέσεως εν οίκω του θεού και εγώ και το ήμισυ των στρατηγών μετ΄ εμού

12:41  και οι ιερείς Ελιακείμ Μαασίας Μιαμίν Μιχαϊας Ελιωηναϊ Ζαχαρίας Ανανίας εν σάλπιγξιν

12:42  και Μαασίας και Σεμεϊας Ελεάζαρ Οζί Ιωανάν Μελχίας και Αιλάμ και Ιεζούρ και ηκούσθησαν οι άδοντες και Ιεσρίας επίσκοπος

12:43  και έθυσαν εν τη ημέρα εκείνη θυσιάσματα μεγάλα και ηυφράνθησαν ότι ο θεός εύφρανεν αυτούς ευφροσύνη μεγάλη και αι γυναίκες αυτών και τα τέκνα αυτών ηυφράνθησαν και ηκούσθη η ευφροσύνη εν Ιερουσαλήμ μακρόθεν

12:44  και κατέστησαν εν τη ημέρα εκείνη άνδρας επί των γαζοφυλακίων τοις θησαυροίς ταις απαρχαίς και ταις δεκάταις του συναγαγείν εν αυτοίς από των αγρών των πόλεων μερίδας τοις ιερεύσι και τοις Λευίταις ότι ευφροσύνη ην εν Ιούδα και επί τους ιερείς και τους Λευίτας τους εστώτας

12:45  και εφύλαξαν φυλακήν του θεού αυτών και φυλακάς του καθαρισμού και τους άδοντας και τους πυλωρούς ως εντολαί Δαυίδ και Σολομώντος υιού αυτού

12:46  ότι εν ημέραις Δαυίδ και Ασάφ απ΄ αρχής πρώτος των αδόντων και ύμνον και αίνεσιν τω θεώ

12:47  και πας Ισραήλ εν ημέραις Ζοροβάβελ και εν ταις ημέραις Νεεμίου διδόντες μερίδας των αδόντων και των πυλωρών λόγον ημέρας εν ημέρα αυτού και αγιάζοντες τοις Λευίταις και οι Λευίται αγιάζοντες τοις υιοίς Ααρών

Chapter 13

13:1  εν τη ημέρα εκείνη ανεγνώσθη εν βιβλίω Μωυσή εν ωσί του λαού και ευρέθη γεγραμμένον εν αυτώ όπως μη εισέλθωσιν Αμμανίται και Μωαβίται εν εκκλησία θεού έως αιώνος

13:2  ότι ου συνήντησαν τοις υιοίς Ισραήλ εν άρτω και ύδατι και εμισθώσαντο επ΄ αυτούς τον Βαλαάμ καταράσασθαι αυτούς και επέστρεψεν ο θεός ημών την κατάραν εις ευλογίαν

13:3  και εγένετο ως ήκουσαν τον νόμον και εχωρίσθησαν πας επίμικτος εν Ισραήλ

13:4  και προ τούτου Ελιασίβ ο ιερεύς οίκων εν γαζοφυλακίω οίκου θεού ημων εγγιών Τωβία

13:5  και εποίησεν αυτώ γαζοφυλάκιον μέγα και εκεί ήσαν πρότερον διδόντες την θυσίαν και τον λίβανον και τα σκεύη και την δεκάτην του σίτου και του οίνου και του ελαίου εντολήν των Λευιτών και των αδόντων και των πυλωρών και απαρχάς των ιερέων

13:6  και εν παντί τούτω ουκ ήμην εν Ιερουσαλήμ ότι εν έτει τριακοστώ και δευτέρω του Αρθασασθά βασιλέως Βαβυλώνος ήλθον προς τον βασιλέα και μετά το τέλος των ημερών ητησάμην παρά του βασιλέως

13:7  και ήλθον εις Ιερουσαλήμ και συνήκα εν τη πονηρία η εποίησεν Ελιασίβ τω Τωβία ποιήσαι αυτώ γαζοφυλάκιον εν αυλή οίκου του θεού

13:8  και πονηρόν μοι εφάνη σφόδρα και έρριψα πάντα τα σκεύη οίκου Τωβία έξω από του γαζοφυλακίου

13:9  και είπα και εκαθάρισαν τα γαζοφυλάκια και επέστρεψα εκεί σκεύη οίκου του θεού την θυσίαν και τον λίβανον

13:10  και έγνων ότι μερίδες των Λευιτών ουκ εδόθησαν και έφυγον ανήρ εις αγρόν εαυτού οι Λευίται και οι άδοντες και ποιούντες το έργον

13:11  και εμαχεσάμην τοις στρατηγοίς και είπον διατί εγκατελείφθη ο οίκος του θεού και συνήγαγον αυτούς και έστησαν αυτούς επί τη στάσει αυτών

13:12  και πας Ιούδα ήνεγκαν δεκάτην του πυρού και του οίνου και του ελαίου εις τους θησαυρούς

13:13  και ενετειλάμην επί χείρα Σελεμία του ιερέως και Σαδώκ του γραμματέως και Φαδαϊα από των Λευιτών και επί χείρα αυτών Ανάν υιός Ζακχούρ υιόυ Ματθανίου ότι πιστοί ελογίσθησαν επ΄ αυτούς μερίζειν τοις αδελφοίς αυτών

13:14  μνήσθητί μου ο θεός εν ταύτη και μη εξαλειφθή το έλεός μου ο εποίησα εν οίκω κυρίου του θεού μου και εν ταις φυλακαίς αυτού

13:15  εν ταις ημέραις εκείναις είδον εν Ιούδα πατούντας ληνούς εν τω σαββάτω και φέροντας δράγματα και επιγεμίζοντας επί τους όνους και οίνον και σταφυλήν και σύκα και παν βάσταγμα και φέροντας εις Ιερουσαλήμ εν ημέρα του σαββάτου και επεμαρτυράμην εν ημέρα πράσεως αυτών

13:16  ότι επώλουν επισιτισμόν και οι Τύριοι και εκάθισαν εν αυτή φέροντες ιχθύν και πάσαν πράσιν πωλούντες εν τω σαββάτω τοις υιοίς Ιούδα και εν Ιερουσαλήμ

13:17  και εκρίθην μετά των ελευθέρων Ιούδα και είπα αυτοίς τις ο λόγος ούτος ο πονηρός ον υμείς ποιείτε και βεβηλούτε την ημέραν του σαββάτου

13:18  ουχί ούτως εποίησαν οι πατέρες υμών και ήνεγκεν επ΄ αυτούς ο θεός ημών και εφ΄ ημάς πάντα τα κακά ταύτα και επί την πόλιν ταύτην και υμείς προστίθετε οργήν επί Ισραήλ βεβηλώσαι το σάββατον

13:19  και εγένετο ηνίκα κατέστησαν πύλαι εν Ιερουσαλήμ προ του σαββάτου και είπα και έκλεισαν τας πύλας και είπα ώστε μη ανοιγήναι αυτάς έως οπίσω του σαββάτου και εκ των παιδαρίων μου έστησα επί τας πύλας ώστε μη αίρειν βαστάγματα εν ημέρα του σαββάτου

13:20  και ηυλίσθησαν πάντες οι μετάβολοι και εποίησαν πράσιν έξω Ιερουσαλήμ άπαξ και δις

13:21  και διεμαρτυράμην αυτοίς και είπον προς αυτούς διατί υμείς αυλίζεσθε απέναντι του τείχους εάν δευτερώσητε εκτενώ την χείρά μου εν υμίν από του καιρού εκείνου ουκ ήλθον εν σαββάτω

13:22  και είπα τοις Λευίταις οι ήσαν καθαριζόμενοι και ερχόμενοι φυλάσσοντες τας πύλας αγιάζειν την ημέραν του σαββάτου προς ταύτα μνήσθητί μου ο θεός μου και φείσαί μου κατά το πλήθος του ελέους σου

13:23  και εν ταις ημέραις εκείναις είδον τους Ιουδαίους οι εκάθισαν γυναίκας Αζωτίας Αμμανίτιδας Μωαβίτιδας

13:24  και οι υιοί αυτών ήμισυ λαλούσιν Αζωτιστί και ουκ εισίν επιγινώσκοντες λαλείν Ιουδαϊστι αλλά κατά γλώσσαν λαού και λαού

13:25  και εμαχεσάμην μετ΄ αυτών και κατηρασάμην αυτούς και επάταξα εν αυτοίς άνδρας και εμαδάρωσα αυτούς και ώρκισα αυτούς εν τω θεώ αν δώτε τας θυγατέρας υμών τοις υιοίς αυτών και αν λήψεσθε των θυγατέρων αυτών τοις υιοίς υμών και εαυτοίς

13:26  ουχ ούτως ήμαρτε Σολομών βασιλεύς Ισραήλ και εν έθνεσι πολλοίς ουκ ην βασιλεύς όμοιος αυτώ και αγαπώμενος τω θεώ ην και έδωκεν αυτόν ο θεός εις βασιλέα επί πάντα Ισραήλ και τούτον εξέκλιναν αι γυναίκες αι αλλότριαι

13:27  και υμών μη ακούσωεν ποιήσαι την πονηρίαν ταύτην ασυνθετήσαι εν τω θεώ ημών και καθίσαι γυναίκας αλλοτρίας

13:28  και από υιών Ιωαδά του Ελιασούβ του ιερέως του μεγάλου γαμβρός του Σαναβαλάτ του Ουρανίτου και εξέβρασα αυτόν απ΄ εμού

13:29  μνήσθητι αυτοίς ο θεός μου επί αγχιστεία της ιερατείας και την διαθήκη της ιερατείας και των Λευιτών

13:30  και εκαθάρισα αυτούς από πάσης αλλοτριώσεως και έστησα εφημερίας τοις ιερεύσι και τοις Λευίταις ανήρ ως το έργον αυτού

13:31  και εις το δώρον των ξύλων εν καιροίς από χρόνων και εν τοις προτογεννήμασι μνήσθητί μου ο θεός ημών εις αγαθωσύνην