BurCBCM - I Corinthians

Chapter 1

1:1  ခရစ်တော်ယေဇူး၏တမန်တော်တစ်ပါးဖြစ်ရန် ဘုရားသခင်အလိုတော်ရှိ၍ ခေါ်တော်မူခြင်းခံခဲ့ ရသော ငါပေါလုနှင့် ငါတို့၏ညီ ဆော့စသေနက်တို့ထံမှ၊ -

1:2  ကောရိန့်မြို့ ရှိ ဘုရားသခင်၏အသင်းတော်မှစ၍ သူတို့နှင့် ငါတို့၏သခင်ဖြစ်တော်မူသည့် ယေဇူးခရစ်တော်၏နာမ တော်ကို အရပ်ရပ်တို့၌ ခေါ်တကြလျက် အသနားခံကြ သူအပေါင်းတို့နှင့်အတူ ခရစ်တော်ယေဇူးအားဖြင့် သန့် ရှင်းစင်ကြယ်ခြင်းသို့ ရောက်၍ သူတော်သူမြတ်များအ ဖြစ်သို့ ခေါ်တော်မူခြင်းခံရကြသောသူ အပေါင်းတို့ထံသို့ စာရေးလိုက်ပါ၏။

1:3  ငါတို့အဖဘုရားသခင်နှင့် ယေဇူးခရစ်တော်သခင် ၏ကျေးဇူးတော်နှင့် ငြိမ်းချမ်းသာယာခြင်းသည် သင်တို့အပေါ်သို့ သက်ရောက်တော်မူပါစေ။

1:4  ခရစ်တော်ယေဇူး၌ သင်တို့အား ပေးသနားတော် မူသော ဘုရားသခင်၏ကျေးဇူးတော်အတွက် ငါသည် ဘုရားသခင်၏ ကျေးဇူးတော်ကိုအစဉ်အမြဲချီးမွမ်းပါ၏။-

1:5  ဤသို့ဖြင့် သင်တို့သည် ကိုယ်တော်၌ နှုတ်မှုစွမ်းရည်နှင့် အသိဉာဏ်စွမ်းရည်အပေါင်းတို့ဖြင့် ပြည့်စုံကြွယ်၀ကြ သည်ဖြစ်၍၊-

1:6  ခရစ်တော်အား သက်သေခံခြင်းအမှုသည် သင်တို့အလယ်တွင် အခိုင်အမာတည်ရှိလေပြီ။-

1:7  သို့ဖြစ် ၍ သင်တို့သည် ငါတို့၏သခင် ယေဇူးခရစ်တော်၏ထင် ရှားတော်မူခြင်းကို စောင့်မျှော်နေကြစဉ်တွင် သင်တို့၌ ဝိညာဉ်ရေးဆိုင်ရာကျေးဇူးတော်များလစ်ဟင်းသည်ဟူ၍ မရှိပေ။-

1:8  ငါတို့၏သခင် ယေဇူးခရစ်တော်၏နေ့ရက်တွင် သင်တို့သည် အပြစ်ကင်းစင်လျက်ရှိနေကြစေရန် ကိုယ် တော်သည် သင်တို့ကိုအဆုံးတိုင် ခွန်အားဖြည့်တင်းပေး တော်မူလိမ့်မည်။-

1:9  မိမိသားတော်တည်းဟူသော ငါတို့၏ သခင် ယေဇူးခရစ်တော်၏မိတ်သဟာယတော်တွင်ပါဝင် ကြရန် သင်တို့ကို ခေါ်တော်မူသောဘုရားသခင်သည် သစ္စာရှိတော်မူ၏။

1:10  ညီအစ်ကိုတို့၊ သင်တို့အားလုံးသည် သဘောတူ ညီကြလျက် အချင်းချင်းကွဲပြားမှုမရှိဘဲ တူညီသောစိတ် ထား၊ တူညီသောဆုံးဖြတ်ချက်တို့ဖြင့် စည်းလုံးညီညွတ် မှုရှိကြစေရန် ငါတို့၏သခင် ယေဇူးခရစ်တော်၏နာမတော် ကိုအမှီပြုလျက် သင်တို့အား ငါတောင်းပန်ပါသည်။-

1:11  အ ကြောင်းမူကား ငါ၏ညီအစ်ကိုများဖြစ်ကြသော သင်တို့ သည် အချင်းချင်းခိုက်ရန်ဖြစ်ပွားကြကြောင်း ခလိုအေ၏ လူတို့ထံမှ ငါကြားသိရ၏။-

1:12  ငါဆိုလိုသည်ကား သင်တို့ အသီးသီးက ငါသည် ပေါလု၏တပည့်ဖြစ်၏၊ ငါသည် အာပိုလို၏တပည့်ဖြစ်၏၊ ငါသည် စေဖ၏တပည့်ဖြစ်၏၊ ငါသည် ခရစ်တော်၏တပည့်ဖြစ်၏ဟု ပြောဆိုနေကြ သည့်အကြောင်းပင်တည်း။-

1:13  ခရစ်တော်သည် အုပ်စုကွဲ ပြားနေသလော။ ပေါလုသည် သင်တို့အတွက် ကားတိုင် တင်ခြင်းခံခဲ့ရသလော။ သို့မဟုတ် သင်တို့သည် ပေါလု၏ နာမ၌ ဆေးကြောခြင်းခံခဲ့ကြရသလော။-

1:14  ငါသည် ခရစ္စပု နှင့် ဂါးယုမှလွဲ၍ သင်တို့တွင် မည်သူ့ကိုမျှဆေးကြော ခြင်းမပေးခဲ့သည့်အတွက် ဘုရားသခင်ကို ငါကျေးဇူးတင် ပါ၏။-

1:15  သို့မဟုတ်လျှင် တစ်ဦးတစ်ယောက်က သင်တို့ သည် ငါ၏နာမ၌ ဆေးကြောခြင်းခံခဲ့ရသည်ဟု ဆိုကောင်း ဆိုပေလိမ့်မည်။-

1:16  ငါသည် စတေဖာနာ့၏မိသားစုကိုလည်း ဆေးကြောခြင်းပေးခဲ့၏။ ထိုမှတစ်ပါး အခြားမည်သူ တစ်ဦးတစ်ယောက်ကိုမျှ ငါသည် ဆေးကြောခြင်းပေးခဲ့ သည်ဟု မထင်ပေ။-

1:17  အကြောင်းမူကား ခရစ်တော်သည် ဆေးကြောခြင်းပေးရန် ငါ့ကိုစေလွှတ်ခြင်းမဟုတ်ဘဲ ဧဝံဂေလိသတင်းကောင်းကို ဟောပြောရန် စေလွှတ်တော်မူခြင်းဖြစ်၏။ ဟောပြောရာတွင်လည်း ဉာဏ်ပညာကြွယ်၀ သောစကားများဖြင့် ဟောပြောရန်မဟုတ်ပေ။ ထိုသို့ မဟုတ်ပါလျှင် ခရစ်တော်၏ကားတိုင်တော်သည် ဘုန်း တန်ခိုးကင်းမဲ့သကဲ့သို့ဖြစ်ပေလိမ့်မည်။

1:18  လက်ဝါးကပ်တိုင်၏တရားစကားသည် ပျက်စီး ခြင်းသို့ရောက်မည့်သူများအတွက် မိုက်မဲသောအရာဖြစ် သော်လည်း ကယ်တင်ခြင်းခံရကြသည့်ငါတို့အတွက်မူ ဘုရားသခင်၏ဘုန်းတန်ခိုးတော်ပေတည်း။-

1:19  အကြောင်း မူကား ကျမ်းစာတော်မြတ်၌ ရေးထားသည်မှာ ငါသည် ပညာရှိသူတို့၏ဉာဏ်ပညာကိုဖျက်ဆီး၍ အသိပညာ ရှင်တို့၏တတ်သိနားလည်ခြင်းကို အချည်းနှီးဖြစ်စေမည် ဟူ၍ဖြစ်၏။

1:20  ပညာရှိသောသူကား အဘယ်မှာနည်း။ ကျမ်းတတ် ဆရာကား အဘယ်မှာနည်း။ ဤခေတ်ကာလ၌ စကားစစ်ထိုးနိုင်သောသူကား အဘယ်မှာနည်း။ ဘုရားသခင်သည် မိုက်မဲခြင်းကို ဤလောက၏ဉာဏ်ပညာဖြစ်စေခဲ့ပြီ မဟုတ်လော။-

1:21  အကြောင်းမူကား ဤလောကသည် လူတို့၏ဉာဏ်ပညာအားဖြင့် ဘုရားသခင်ကို မသိမမြင်နိုင်ကြောင်းကို ကိုယ်တော် သည် မိမိ၏ဉာဏ်ပညာဖြင့်သိရှိ သောကြောင့် ငါတို့ဟောပြောသည့်တရား၏မိုက်မဲခြင်းအားဖြင့် ယုံကြည်သူတို့ကို ကယ်တင် ရန် နှစ်သက်တော် မူလေသည်။-

1:22  အကြောင်းမူကား ဂျူးလူမျိုးတို့သည် နိမိတ်လက္ခဏာများကို တောင်းဆိုကြ၍ ဂရိလူမျိုးတို့သည် ဉာဏ်ပညာကို တောင်းဆိုကြ၏။-

1:23  သို့ရာတွင် ငါတို့သည် လက်ဝါးကပ်တိုင်အတင်ခံရသောခရစ်တော်၏အ ကြောင်းကိုဟောပြောကြ၏။ ယင်းသည် ဂျူးလူမျိုး တို့အတွက် အတားအဆီးတစ်ခုဖြစ်၍ လူမျိုးခြားတို့အတွက်လည်း မိုက်မဲသောအရာတစ်ခုဖြစ်လေ၏။-

1:24  သို့သော် လည်း ခေါ်တော်မူခြင်းခံရကြသောဂျူးလူမျိုးတို့နှင့် ဂရိလူမျိုးတို့အတွက်မှာမူ ခရစ်တော်သည် ဘုရားသခင်၏ ဘုန်းတန်ခိုးတော်နှင့် ဘုရားသခင်၏ဉာဏ်ပညာတော် ဖြစ်တော်မူ၏။-

1:25  အကြောင်းမူကား ဘုရားသခင်၏မိုက်မဲခြင်းသည် လူသားတို့ဉာဏ်ပညာရှိခြင်းထက် ပို၍အမြော်အမြင်ရှိပြီး ဘုရားသခင် ၏ ခွန်အားနည်းခြင်းသည် လူတို့ ခွန်အားရှိသည်ထက် ပို၍ခွန်အားကြီးမားတော်မူ၏။

1:26  ညီအစ်ကိုတို့၊ သင်တို့၏ခေါ်တော်မူခြင်းကို ဆင်ခြင် သုံးသပ်ကြလော့။ သင်တို့တွင် လောကီစံနှုန်းအရ ပညာရှိသူ၊ ဩဇာ အာဏာရှိသူ၊ မျိုးရိုးဇာတိမြင့်မြတ်သူဟူ၍ များစွာမရှိကြချေ။-

1:27  သို့ရာတွင် ဘုရားသခင်သည် ပညာရှိသူတို့အရှက်ရစေရန် လောကတွင် ဉာဏ်ပညာမဲ့သူတို့ ကိုရွေးချယ်ခဲ့ပြီး ခွန်အားကြီး သူတို့အရှက်ရစေရန် အားနည်းသောသူတို့ကို ရွေးချယ်တော်မူခဲ့၏။-

1:28  ဘုရားသခင်သည် လောကတွင် နိမ့်ကျသူများနှင့် ဝိုင်းပယ်ထားခြင်းခံ ရသူများကို ရွေးချယ်တော်မူသည့်အပြင် အရေးပါ သည့် အရာများကို အချည်းနှီးဖြစ်စေရန် အရေးမပါသည့်အရာ များကို ရွေးချယ်တော်မူခဲ့၏။-

1:29  ဤနည်းဖြင့် မည်သည့်လူ သားမျှ ဘုရားသခင်၏မျက်မှောက်တော်တွင် ကြွားဝါခြင်း မပြုနိုင်စေရန်ဖြစ်၏။-

1:30  ကိုယ်တော်သည် ယေဇူးခရစ်တော်အားဖြင့် အသက်ရှင်သော သင်တို့အသက်တာ၏ မူလဇာစ်မြစ်ဖြစ်၏။ ဘုရားသခင်သည် ခရစ်တော်ကို ငါတို့၏ဉာဏ်ပညာ၊ ငါတို့၏ဖြောင့်မတ်မှန်ကန်ခြင်း၊ သန့် ရှင်းစင်ကြယ်ခြင်းနှင့် ကယ်တင်ခြင်းဖြစ်စေ တော်မူခဲ့ လေပြီ။-

1:31  ထို့ကြောင့် ကျမ်းစာတော်မြတ်၌ ရေးထားသည့် အတိုင်း ကြွားဝါလိုသောသူသည် ထာ၀ရဘုရားသခင်၌သာလျှင် ကြွားဝါ ပါစေ။

Chapter 2

2:1  ညီအစ်ကိုတို့၊ ငါသည် သင်တို့ထံသို့ရောက်လာခဲ့စဉ်က ဘုရားသခင်၏နက်နဲရာကို အလွန်ပင် ပြောင်မြောက်သော စကားများ နှင့် ဉာဏ်ပညာတို့ဖြင့် ကြေညာဟောပြောလျက်လာခဲ့သည်မဟုတ်ပေ။-

2:2  အကြောင်းမူကား ငါသည် သင်တို့နှင့်ရှိစဉ်တွင် ယေဇူးခရစ်တော်နှင့် ကိုယ်တော်၏လက်ဝါးကပ်တိုင်တင်ခံရခြင်း အကြောင်း မှ တစ်ပါး အခြားမည်သည့်အရာကိုမျှ သိရှိရန် မလိုဟု ဆုံးဖြတ်ထားခဲ့၏။-

2:3  ငါသည် အားနည်းလျက် ကြောက်ရွံ့တုန်လှုပ်ခြင်းကြီးစွာဖြင့် သင်တို့နှင့်အတူရှိနေခဲ့၏။-

2:4  ငါ၏ဩဝါဒနှင့် တရားစကားတို့သည် ဉာဏ်ပညာ နှင့်ကြွယ်၀သောစကားများမဟုတ်သော်လည်း ဝိညာဉ်တော်နှင့်တန်ခိုး တော်တို့ကို ဖော်ပြခဲ့၏။-

2:5  သို့မှသာ သင်တို့၏ယုံကြည်ခြင်းသည် လူတို့၏ဉာဏ်ပညာအပေါ်၌ မတည်ဘဲ ဘုရားသခင်၏တန်ခိုးတော်အပေါ် ၌သာ တည် နေမည်ဖြစ်၏။

2:6  သို့ပင်သော်လည်း ငါတို့သည် ရင့်ကျက်သောသူ တို့အလယ်၌ ဉာဏ်ပညာကို ပြောဆိုကြ၏။ အမှန်စင်စစ် ထိုဉာဏ်ပညာ သည် ဤခေတ်ကာလနှင့်သော်လည်းကောင်း၊ မလွဲမသွေပျောက်ကွယ်သွားကြရမည့် ဤခေတ်ကာလမှ အုပ်ချုပ်သူများနှင့် သော်လည်းကောင်း မသက်ဆိုင်ပေ။-

2:7  သို့သော် ငါတို့၏ဘုန်းကျက်သရေအတွက် ဤခေတ်ကာလများမတည်ရှိမီကပင် ဘုရားသခင်စီရင်ထားတော်မူသော ကိုယ်တော်၏လျှို့ဝှက်ဖုံး ကွယ်လျက်ရှိသည့်ဉာဏ်ပညာကို ငါတို့သွန်သင်ပြောဆို ကြ၏။-

2:8  ဤခေတ်ကာလ၌ အုပ်ချုပ်သူများတွင် တစ်ဦးတစ်ယောက်မျှ ဤအရာကို နားမလည်ခဲ့ပေ။ အကြောင်းမူကား သူတို့သည် နားလည်ခဲ့ကြပါလျှင် ဘုန်းဂုဏ်တော်ရှင်ကို လက်ဝါးကပ်တိုင်တင်ခဲ့ကြမည်မဟုတ်ပေ။-

2:9  ကျမ်းစာတော်မြတ်၌လည်း ရေးထားသည်ကား မည်သည့် မျက်စိနှင့်မျှမမြင်စဖူး၊ နားဖြင့်လည်း မကြားစဖူး၊ လူသား ၏စိတ်နှလုံးဖြင့်လည်း မတွေးမိခဲ့ဖူးသည့်အမှုအရာကို ဘုရားသခင်သည် မိမိအား ချစ်သောသူတို့အတွက် ပြင်ဆင်ထားတော်မူ ၏ဟူ၍ဖြစ်သတည်း။

2:10  ဘုရားသခင်သည် ဤအမှုအရာများကို ဝိညာဉ် တော်အားဖြင့် ငါတို့အား ဖော်ပြတော်မူပြီ။ အကြောင်းမူကား ဝိညာဉ်တော် သည် ခပ်သိမ်းသောအရာတို့ကိုသာမက ဘုရားသခင်၏နက်နဲသောအရာများသို့တိုင်အောင် စူးစမ်းရှာဖွေတော်မူ၏။-

2:11  လူတစ်ဦး၏ကြံစည်တွေးတော ချက်များကို ထိုသူ၏အတွင်းရှိ စိတ်ဝိညာဉ်မှတစ်ပါးမည် သူသိနိုင်သနည်း။ ထိုနည်းတူ ဘုရားသခင်၏အကြံအစည်တော်များကိုလည်း ဘုရားသခင်၏ဝိညာဉ်တော်မှတစ်ပါး မည်သူမျှနားမလည်နိုင်ပေ။-

2:12  ယခု ငါတို့သည် ကမ္ဘာလောကနှင့်သက်ဆိုင်သောစိတ်ဝိညာဉ်ကို ခံယူခဲ့ ကြသည်မဟုတ်ဘဲ ဘုရားသခင်ထံတော်မှလာသော ဝိညာဉ်တော်ကို ခံယူခဲ့ရခြင်းဖြစ်၏။ ဤသို့ဖြင့် ငါတို့အား ဘုရားသခင်ပေးတော်မူသောကျေးဇူးတော်များကို ငါတို့ နားလည်နိုင်ကြပေလိမ့်မည်။-

2:13  ငါတို့သည် ဤအကြောင်း အရာများကို လူတို့၏ဉာဏ်ပညာက သင်ကြားပေးသော စကားများဖြင့်မဟုတ်ဘဲ ဝိညာဉ်တော် က သင်ကြားပေးသောစကားများဖြင့် သွန်သင်ပြောဆိုကြ၍ ဝိညာဉ်တော် ကိုရရှိကြသောသူတို့အား ဝိညာဉ်နှင့်ဆိုင်ရာ အမှန် တရား များကို အဓိပ္ပာယ်ဖွင့်ဆိုပေးကြ၏။

2:14  ဝိညာဉ်နှင့်ဆိုင်သောအရာကို မလိုက်နာသောသူသည် ဝိညာဉ်တော်၏ကျေးဇူးတော်များကို မခံယူနိုင်ပေ။ အကြောင်းမူကား ထိုကျေးဇူးတော်များသည် သူ့အတွက် မိုက်မဲသောအရာများဖြစ်သောကြောင့်တည်း။ ထိုကျေး ဇူးတော်များကို ဝိညာဉ်သဘော ဖြင့်သာ ခွဲခြားနားလည် နိုင်သောကြောင့် သူသည် ဤအရာများကိုနားမလည်နိုင် ပေ။-

2:15  ဝိညာဉ်နှင့်ဆိုင်ရာကို လိုက်နာကျင့်ကြံသူတို့သည် အရာခပ်သိမ်းကို စီရင်ဆုံးဖြတ်ပြီး သူကိုယ်တိုင်မှာမူ မည် သူ၏စီရင် ဆုံးဖြတ်မှုကိုမျှ မခံရပေ။-

2:16  ကျမ်းစာလာသည်ကား မည်သူသည် ထာ၀ရဘုရားသခင်၏စိတ်သဘော ကိုသိသည်ဖြစ်၍ ကိုယ်တော့်ကို သွန်သင်နိုင်ပါ သနည်း ဟူ၍ဖြစ်၏။ သို့သော် ငါတို့၌ ခရစ်တော်၏စိတ်သဘော ရှိ၏။

Chapter 3

3:1  ညီအစ်ကိုတို့၊ ငါသည် သင်တို့အားပြောဆိုရာတွင် ဝိညာဉ်နှင့်ဆိုင်ရာကို လိုက်နာကျင့်ကြံသူ များအား ပြောသကဲ့သို့ မပြော ဆိုနိုင်ဘဲ သွေးသားအလို အတိုင်းနေထိုင်သောလူများ၊ ခရစ်ယာန်အသက်တာ၌ နုနယ်သေးသောသူများအား ပြောသကဲ့သို့သာ ပြောဆိုနိုင်၏။-

3:2  သင်တို့သည် အစာကိုကြေအောင်စားရန် အဆင် သင့်မဖြစ်ခဲ့ကြသောကြောင့် ငါသည် သင်တို့အား နို့ရည် ကိုသာ တိုက်ကျွေး ခဲ့၏။ သို့တိုင်အောင် သင်တို့သည် အဆင်သင့်မဖြစ်ကြသေးပေ။-

3:3  အကြောင်းမူကား သင် တို့သည် သွေးသားအလိုအတိုင်း လိုက်နာကျင့်ကြံနေ ကြဆဲဖြစ်၏။ သင်တို့အချင်းချင်းမနာလို ဝန်တို၍ ခိုက်ရန်ဖြစ်ပွားနေကြသရွေ့ သင်တို့သည် သွေးသားအလို အတိုင်း ကျင့်ကြံနေကြပြီး သာမန်လူတို့ကဲ့သို့ပြုမူနေကြ သည်မဟုတ်ပါလော။-

3:4  အကြောင်းမူကား တစ်ဦးက ငါသည် ပေါလု၏တပည့်ဖြစ်သည်ဟုဆိုပြီး အခြားတစ်ဦး ကလည်း ငါသည် အာပိုလို၏ တပည့် ဖြစ်သည်ဟုဆိုလျှင် သင်တို့သည် သာမန်လူများကဲ့သို့ပင်မဟုတ်ပါလော။

3:5  သို့ဖြစ်လျှင် အာပိုလိုကား မည်သူဖြစ်သနည်း။ ပေါလုကား မည်သူဖြစ်သနည်း။ သူတို့သည်ကား သင်တို့ကို ယုံကြည်ခြင်း သို့ပို့ဆောင်ရန် ဘုရားသခင်က တစ်ဦးစီခန့် အပ်ထားသည့်အမှုတော်ဆောင်များသာဖြစ်ကြ၏။-

3:6  ငါသည် စိုက်ပျိုးခဲ့၏။ အာပိုလိုသည် ရေလောင်းခဲ့၏။ သို့ရာ တွင် ရှင်သန်ကြီးထွားစေသူမှာ ဘုရားသခင်ဖြစ်၏။-

3:7  သို့ဖြစ်၍ စိုက်ပျိုးသူနှင့် ရေလောင်းသူတို့သည် အရေးပါသည်မဟုတ်။ ရှင်သန်ကြီးထွားစေသည့် ဘုရားသခင်တစ်ပါး တည်းသာလျှင် အရေးပါတော်မူ၏။-

3:8  စိုက်ပျိုးသူ နှင့် ရေလောင်းသူတို့သည် အတူတူဖြစ်ကြပြီး တစ်ဦးစီသည် မိမိ၏လုပ်ဆောင်မှုအလျောက် အကျိုးခံစားရလိမ့် မည်။-

3:9  အကြောင်းမူကား ငါတို့သည် ဘုရားသခင်၏အမှု တော်ဆောင်ဖက်များဖြစ်ကြ၍ သင်တို့သည်ကား ဘုရား သခင်၏လယ် ကွင်း၊ ဘုရားသခင်၏အဆောက်အဦများဖြစ်ကြ၏။

3:10  ငါ့အား ဘုရားသခင်ပေးသနားတော်မူသောကျေး ဇူးတော်နှင့်အညီ ငါသည် ကျွမ်းကျင်သောဗိသုကာပညာ ရှင်တစ်ဦးကဲ့သို့ အုတ်မြစ်ချခဲ့ပြီး အခြားတစ်ဦးက ယင်းအပေါ်တွင် ဆောက်လုပ်၏။ လူတိုင်းသည် ထိုအုတ်မြစ် ပေါ်တွင် မိမိမည်ကဲ့သို့ ဆောက် လုပ်သည်ကို သတိရှိပါစေ။-

3:11  အကြောင်းမူကား ချထားပြီးသောအုတ်မြစ်မှာ ခရစ်တော်ယေဇူးပင်ဖြစ်သောကြောင့် ထိုအုတ်မြစ်အပြင် အခြားအုတ်မြစ် ကို မည်သူမျှမချနိုင်ပေ။-

3:12  အကယ်၍ တစ်စုံတစ်ယောက်သည် ထိုအုတ်မြစ်ပေါ်တွင် ရွှေ၊ ငွေ၊ ကျောက်မျက်ရတနာ၊ သစ်သား၊ မြက်ခြောက်၊ ကောက်ရိုးအစရှိသည်တို့နှင့် ဆောက်လုပ်ပါလျှင်၊-

3:13  တစ်ဦးစီ၏လုပ် ဆောင်ချက်သည် ထင်ရှားလာလိမ့်မည်။ အကြောင်းမူကား တရားစီရင်ရာနေ့ရက်သည် လူတို့၏ လုပ်ဆောင်ချက်ကို ဖော်ပြ၍ ၎င်းသည် မီးအားဖြင့် ထင်ရှားလာလိမ့် မည်။ မီးသည်လည်း တစ်ဦးစီသည် မည်သည့်အရာများ လုပ်ဆောင်ခဲ့ကြောင်းကို စမ်းသပ်စစ်ဆေးလိမ့်မည်။-

3:14  အကယ်၍ အုတ်မြစ်ပေါ်တွင် လူတစ်ဦးတည်ဆောက် ထားသောလုပ်ဆောင်ချက်သည် တည်တံ့လျှင် ထိုသူသည် ဆုလာဘ်ကိုရလိမ့်မည်။-

3:15  အကယ်၍ လူတစ်ဦး ၏လုပ်ဆောင်ချက်သည် မီးလောင်ကျွမ်းခဲ့ပါလျှင် ထိုသူသည် ယင်းကိုဆုံးရှုံးရလိမ့်မည်။ သူကိုယ်တိုင်မှာမူ ကယ်တင်ခြင်းခံရသော်လည်း မီးထဲမှလွတ်မြောက်လာသူကဲ့ သို့ပင်ဖြစ်လိမ့်မည်။

3:16  သင်တို့သည် ဘုရားသခင်၏ဗိမာန်တော်ဖြစ်ကြ၍ ဘုရားသခင်၏ဝိညာဉ်တော်သည် သင်တို့၌ စံပယ်တော် မူသည်ကို သင်တို့မသိကြသလော။-

3:17  တစ်စုံတစ်ဦးသည် ဘုရားသခင်၏ဗိမာန်တော်ကိုဖျက်ဆီးလျှင် ဘုရားသခင်သည် ထိုသူ့ကို ဖျက်ဆီးတော်မူလိမ့်မည်။ အကြောင်းမူကား ဘုရားသခင်၏ဗိမာန်တော်သည် သန့်ရှင်းမွန်မြတ်၏။ ထိုဗိမာန်တော်သည်ကား သင်တို့ပင်ဖြစ်သတည်း။

3:18  မည်သူမျှ မိမိကိုယ်ကို မလှည့်စားစေနှင့်။ သင်တို့တွင် လောကစံနှုန်းဖြင့် မိမိကိုယ်ကို ဉာဏ်ပညာရှိသူဟု ထင်သောသူသည် အမှန်တကယ်ဉာဏ်ပညာရှိသူဖြစ် စေရန်အတွက် မိုက်မဲသူဖြစ်ပါစေ။-

3:19  အကြောင်းမူကား ဤ ကမ္ဘာလောက၏ဉာဏ်ပညာသည် ဘုရားသခင်အတွက် မိုက်မဲမှုသာဖြစ်၏။ ကျမ်းစာတော်မြတ်တွင် ကိုယ်တော်သည် ဉာဏ်ပညာရှိသူတို့အား သူတို့၏ပါးနပ်မှု၌ပင် ဖမ်းမိလေပြီဟူ၍လည်းကောင်း၊-

3:20  တစ်ဖန် ဉာဏ်ပညာရှိသူတို့ ၏အကြံအစည်တို့သည် အချည်းနှီးဖြစ်ကြောင်းကို ထာ၀ရဘုရားသခင်သိတော်မူသည် ဟူ၍ လည်းကောင်း ရေးသားထား၏။-

3:21  သို့ဖြစ်၍ မည်သူမျှလူတို့အကြောင်းကို မကြွားဝါစေနှင့်။ အကြောင်းမူကား ခပ်သိမ်းသောအရာ တို့သည် သင်တို့ပိုင်ဆိုင် သောအရာဖြစ်ကြ၏။-

3:22  ပေါလု ဖြစ်စေ၊ အာပိုလိုဖြစ်စေ၊ စေဖဖြစ်စေ၊ ကမ္ဘာလောကဖြစ်စေ၊ အသက်ရှင်ခြင်းဖြစ်စေ၊ သေခြင်းဖြစ်စေ၊ ပစ္စုပ္ပန်ဖြစ်စေ၊ အနာဂတ်ဖြစ်စေ၊ အားလုံးသောအရာတို့သည် သင်တို့ပိုင်ဆိုင်သောအရာများဖြစ်ကြ၏။-

3:23  သင်တို့ကို ခရစ် တော်ပိုင်ဆိုင်တော်မူ၍ ခရစ်တော်ကို ဘုရားသခင်ပိုင် ဆိုင်တော်မူ၏။

Chapter 4

4:1  သင်တို့သည် ငါတို့ကို ခရစ်တော်၏အစေခံများအဖြစ်လည်းကောင်း၊ ဘုရားသခင်၏နက်နဲဖွယ် ရာများကို စီမံအုပ်ထိန်းရ သူများအဖြစ်လည်းကောင်း မှတ်ယူသင့်၏။-

4:2  ထိုမျှမက စီမံအုပ်ချုပ်သူတိုင်းသည် ယုံကြည်စိတ်ချရသူများ ဖြစ်ရန် လိုအပ်ပေ၏။-

4:3  သို့ရာတွင် ငါသည် သင်တို့အားဖြင့်ဖြစ်စေ၊ လူတို့၏ခုံရုံးအားဖြင့် ဖြစ်စေ တရားစီရင်ခြင်းခံရပါလျှင် ယင်းသည် ငါ့အတွက် အလွန်သေးငယ်သောအမှုသာဖြစ်၏။ ငါသည် မိမိကိုယ်ကိုပင် စီရင်ဆုံးဖြတ်သည်မဟုတ်ပေ။-

4:4  ငါ၏အသိတရား ၌ မှားယွင်းနေသည့်အရာတစ်စုံတစ်ခုကိုမျှ ငါမတွေ့။ သို့သော်လည်း ငါသည် ဤနည်းဖြင့် အပြစ်လွတ် သည်ဟု မဆိုလို။ ငါ့ကိုစီရင်ဆုံးဖြတ်သောသူသည် သခင်ဘုရား ဖြစ်တော်မူ၏။-

4:5  ထို့ကြောင့် သခင်ဘုရားကြွလာတော် မမူမီ အချိန်မတန်ဘဲ စီရင်ဆုံးဖြတ်ချက်မချကြလေနှင့်။ ကိုယ်တော်သည် ယခု မှောင်မိုက်တွင် ဖုံးကွယ်လျက်ရှိ နေသည့်အရာများကို အလင်းသို့ယူဆောင်လာပြီး စိတ်နှလုံး၏အကြံအစည်များကိုလည်း ထုတ်ဖော်တော်မူ လိမ့်မည်။ ထိုအခါ လူတိုင်းသည် ထိုက်သင့်သောချီးမွမ်း ခြင်းကို ဘုရား သခင်ထံမှ ရရှိလိမ့်မည်။

4:6  ညီအစ်ကိုတို့၊ သင်တို့၏အကျိုးကိုမျှော်ကိုး၍ ဤအရာများအားလုံးကို အာပိုလိုနှင့် ငါကိုယ်တိုင်၌ ပုံဥပမာ ပေး၍ပြောခဲ့ လေပြီ။ ဤသို့ဖြင့် သင်တို့သည် ကျမ်းစာတော်မြတ်၌ ရေးထားသည်ထက်ကျော်လွန်၍ မပြုမူစေ ခြင်းငှာ ငါတို့ထံမှသင်ယူ ကြစေ ရန်နှင့် သင်တို့တွင် မည် သူတစ်ဦးတစ်ယောက်မျှ လူတစ်ဦးကို မျက်နှာလိုက်ကာ အခြားတစ်ဦးကိုဆန့်ကျင်ဘက်ပြု၍ ဝါကြွားပြောဆိုခြင်း မရှိကြစေရန်ဖြစ်၏။-

4:7  အကြောင်းမူကား အဘယ်သူ သည် သင်တို့၌ ထူးခြားသောအရာတစ်စုံတစ်ခုရှိသည် ဟူ၍မြင်မိသနည်း။ သင်တို့မခံယူခဲ့ ရသောအရာဟူ၍ မည်သည့်အရာရှိသနည်း။ အကယ်၍ သင်တို့ခံယူရရှိ ထားကြပါလျှင် ယင်းသည် ကျေးဇူးတော်မဟုတ်သကဲ့ သို့ အဘယ်ကြောင့် သင်တို့ကြွားဝါနေကြသနည်း။

4:8  သင်တို့သည် ပြည့်၀လျက်ရှိကြလေပြီ။ သင်တို့သည် ကြွယ်၀ကြလေပြီ။ သင်တို့သည် ငါတို့မပါဝင်ဘဲ ဘုရင်များဖြစ်ကြ လေပြီ။ ငါတို့သည် သင်တို့နှင့်အတူ အုပ် ချုပ်နန်းစံနိုင်ကြရန် သင်တို့သည် အမှန်ပင် ဘုရင်များဖြစ် ခဲ့ကြပါလျှင် ကောင်းလေ စွ။-

4:9  ဘုရားသခင်သည် တမန်တော်များဖြစ်သော ငါတို့အား သေဒဏ်စီရင်ခံရသောလူ များကဲ့သို့ နောက်ဆုံးနေရာတွင် ထားသည်ဟု ငါထင်မှတ်၏။ အကြောင်းမူကား ငါတို့သည် ကမ္ဘာလောကနှင့်တကွ ကောင်းကင်တမန်တော်များနှင့် လူအများ အတွက် ကြည့်ရှုစရာတစ်ခုဖြစ်လာကြလေပြီ။-

4:10  ငါတို့သည် ခရစ်တော်အတွက် မိုက်မဲသူများဖြစ်ကြပြီး သင်တို့မူကား ခရစ်တော်၌ ဉာဏ်ပညာရှိသူများဖြစ်ကြ၏။ ငါတို့သည် ခွန်အားနည်းကြပြီး သင်တို့မူကား ခွန်အားရှိကြ၏။ သင်တို့သည် ဂုဏ်သရေရှိကြပြီး ငါတို့မူကား အသရေမဲ့ကြ၏။-

4:11  ယခု အချိန်ထိ ငါတို့သည် အစာရေစာငတ်မွတ်ကြ၍ အဝတ်အစားနွမ်းပါးကြပြီး အရိုက်အပုတ်ခံကြရကာ အိမ်မဲ့ယာမဲ့ဖြစ်ကြရ၏။-

4:12  ငါတို့သည် ငါတို့၏လက်များဖြင့် ပင်ပန်းစွာ လုပ်ကိုင်ကြရ၏။ ငါတို့သည် ကျိန်ဆဲခြင်းကိုခံရသော အခါ သည်းခံကြ၍ ညှဉ်းပန်းနှိပ်စက်ခြင်းခံရသောအခါ ကြံ့ ကြံ့ခံကြ၏။-

4:13  အသေရေဖျက်ခံရသောအခါတွင်လည်း ကျေအေးရန် ငါတို့ကြိုးစားကြ၏။ ယခုအခါ ငါတို့သည် ခပ်သိမ်းသောအရာတို့တွင် အသုံးမဝင်သော ကမ္ဘာလော က၏အမှိုက်သရိုက်ကဲ့သို့ဖြစ်ကြရပြီ။

4:14  ငါသည် သင်တို့အရှက်ကွဲစေရန် ဤသို့ရေးသည် မဟုတ်။ သို့သော် ငါချစ်သောသားသမီးများအနေဖြင့် သင်တို့အား ဆုံးမရန်ရေးရခြင်းဖြစ်၏။-

4:15  အကြောင်းမူကား ခရစ်တော်၏လမ်းစဉ်ကို လိုက်ရာတွင် သင်တို့၌ လမ်းညွှန်သူများ မရေမတွက်နိုင်အောင်ရှိသော်လည်း ဖခင်များစွာရှိသည်မဟုတ်ပေ။ ငါသည် ဧဝံဂေလိသတင်း ကောင်းကိုဟောပြောခြင်းဖြင့် ခရစ်တော်၌ သင်တို့၏ဖခင် ဖြစ်လေ ပြီ။-

4:16  ထို့ကြောင့် ငါ့ကိုအတုယူကြလော့ဟု သင် တို့အား ငါနှိုးဆော်လိုပါ၏။-

4:17  သို့ဖြစ်၍ နေရာအရပ်ရပ်ရှိ အသင်းတော်အသီးသီးတွင် ငါသွန်သင်ဟောပြောသည့်အတိုင်း ခရစ်တော်၌ ငါကျင့်ကြံသည့် လမ်းစဉ်များကို သင်တို့အား ပြန်လည်သတိပေးစေရန် သခင်ဘုရား၌ ငါချစ် မြတ်နိုးသည့် သစ္စာရှိသော ငါ့သား တီမောသီဦးကို သင် တို့ထံသို့ ငါစေလွှတ်ခဲ့၏။

4:18  ငါသည် သင်တို့ထံသို့လာတော့မည်မဟုတ်သကဲ့သို့ သင်တို့တွင် အချို့တို့သည် မောက်မာထောင်လွှား လျက်ရှိကြ၏။-

4:19  သခင်ဘုရားအလိုတော်ရှိပါလျှင် ငါသည် သင်တို့ထံသို့ မကြာမီလာ၍ ဤမောက်မာထောင် လွှားသောသူတို့၏ အပြောကို မဟုတ်ဘဲ သူတို့၏အစွမ်းကို သိရှိနိုင်ရန် ငါလေ့လာမည်။-

4:20  အကြောင်းမူကား ဘုရား သခင်၏နိုင်ငံတော်သည် အပြော၌တည်ခြင်းမဟုတ်ဘဲ တန်ခိုးဖြင့်တည်ရှိခြင်းဖြစ်၏။-

4:21  သင်တို့သည် မည်သည့် အရာကို အလိုရှိကြသနည်း။ ငါသည် သင်တို့ထံသို့ ကြိမ်လုံးကိုင်၍ လာရမည်လော။ သို့တည်း မဟုတ် နူးညံ့သိမ်မွေ့သောစိတ်ကိုထားလျက် မေတ္တာတရားဖြင့် လာရမည်လော။

Chapter 5

5:1  သင်တို့အကြားတွင် လိင်ပိုင်းဆိုင်ရာကိုယ်ကျင့်တရားပျက်ပြားမှုရှိသည်ဟုငါကြားရ၏။ ထိုကဲ့ သို့အကျင့်ပျက်မှုမျိုးကို လူမျိုးခြားတို့အလယ်တွင်ပင် မတွေ့ရချေ။ အကြောင်းမူကား လူတစ်ဦးသည် မိမိဖခင်၏ မယားနှင့် ပေါင်းသင်းနေထိုင်လျက်ရှိ သည်ဟု ငါသိရ၏။-

5:2  ထိုသို့ဖြစ်လျက်နှင့် သင်တို့သည် မောက်မာထောင်လွှား ကြသေး၏။ အမှန်တကယ်တွင်မူ သင်တို့သည် ဝမ်းနည်း ပူဆွေးသင့် သည်မဟုတ်လော။ ဤအမူကိုကျူးလွန်သူ သည် သင်တို့ထဲမှ ဖယ်ရှားပစ်ခြင်းခံရပါစေ။

5:3  ငါသည် ခန္ဓာကိုယ်အားဖြင့် ဝေးကွာနေသော်လည်း စိတ်ဝိညာဉ်အားဖြင့် သင်တို့နှင့်ရှိနေ၏။ ငါအမှန်တကယ် ရှိနေသကဲ့သို့ ပင် တရားစီရင်ချက်ကို၊-

5:4  ထိုကဲ့သို့သောအမှု အား ပြုမူသူအပေါ် ယေဇူးသခင်၏နာမတော်၌ ချမှတ်လိုက်လေပြီ။ သင်တို့စည်းဝေးကြသောအခါ ငါ၏စိတ် ဝိညာဉ်သည် ငါတို့သခင်ယေဇူး၏တန်ခိုးတော်အားဖြင့် သင်တို့နှင့်အတူရှိနေပြီး၊-

5:5  သင်တို့သည် ထိုသူ့ကို သွေး သားခန္ဓာပျက်စီးစေရန် စာတန်နတ်ဆိုး၏လက်သို့အပ် ရမည်။ သို့မှသာလျှင် ယေဇူးသခင်၏ နေ့ရက်ကာလတွင် ထိုသူ၏ဝိညာဉ်သည် ကယ်တင်ခြင်းခံရပေလိမ့်မည်။

5:6  သင်တို့၏ကြွားဝါခြင်းသည် ကောင်းသောအရာ မဟုတ်ပေ။ တဆေးအနည်းငယ်သည် မုန့်ညက်တစ်ပြင် လုံးကိုဖောင်းကြွစေ ကြောင်း သင်တို့မသိကြသလော။-

5:7  တဆေးအဟောင်းကို စွန့်ပစ်ကြလော့။ သို့မှသာလျှင် သင်တို့သည် အမှန်စင်စစ် တဆေးမပါသောမုန့်ညက် အသစ်ဖြစ်ကြပေ လိမ့်မည်။ အကြောင်းမူကား ငါတို့၏ ပါစကားသိုးငယ်တော်ဖြစ်သောခရစ်တော်သည် ယဇ်ကောင်အဖြစ် ပူဇော်ခြင်းခံခဲ့ရ လေပြီ။-

5:8  ထို့ကြောင့် ယုတ်မာမှုနှင့် မကောင်းမှုတည်းဟူသော တဆေးဟောင်းဖြင့် မဟုတ်ဘဲ ရိုးသားဖြောင့်မတ်မှုနှင့် အမှန်တရား တည်း ဟူသောတဆေးမပါသည့်ပေါင်မုန့်ဖြင့် ပွဲတော်ကိုကျင်းပကြစို့။

5:9  ကိုယ်ကျင့်တရားပျက်ပြားသူတို့နှင့် မပေါင်းသင်း ကြရန် ငါ၏စာထဲတွင် သင်တို့အား ရေးသားမှာကြားခဲ့၏။-

5:10  ထိုသို့ဆိုရာတွင် ကမ္ဘာလောကအတွင်းရှိ လိင်ပိုင်းဆိုင်ရာအကျင့်စာရိတ္တပျက်ပြားသူများကို ဆိုလိုသည်မဟုတ်။ လောဘ ကြီးသူများ၊ သူခိုးဓားပြများ၊ ရုပ်တုကိုး ကွယ်သူများကို ဆိုလိုခြင်းလည်းမဟုတ်ပေ။ ထိုသို့ဆို လျှင် သင်တို့သည် ဤကမ္ဘာလောကကြီးထဲမှထွက်ခွာ သွားကြရန်သာ ရှိပေတော့မည်။-

5:11  အမှန်စင်စစ် သင်တို့အား ငါရေးခဲ့သည်မှာ မိမိကိုယ်ကို ခရစ်ယာန်ညီအစ်ကို ဟုအမည်ခံပြီး လိင်ပိုင်းဆိုင်ရာ အကျင့် စာရိတ္တပျက်ပြားမှု၊ လောဘကြီးမှုနှင့် ရုပ်တုကိုးကွယ်မှုတို့ဖြင့် ငြိစွန်းနေသူ၊ ပုတ်ခတ်ဝေဖန်တတ်သူ၊ သောက်စားမူးယစ်သူနှင့် သူခိုးဓားပြတို့နှင့် အပေါင်းအသင်းမလုပ်ရန်ကိုသာ ဆိုလိုခြင်းဖြစ်၏။ ထိုသို့သောသူနှင့် အတူတကွစားသောက်ခြင်းကိုပင် မပြုလေနှင့်။-

5:12  အကြောင်းမူကား ပြင်ပလူတို့ကို တရားစီရင်ခြင်းသည် ငါနှင့်မည်သို့သက်ဆိုင်သနည်း။ အသင်းတော်အတွင်း၌ရှိသော လူတို့ကိုသာ သင်တို့ တရားစီရင်ကြရမည်မဟုတ်လော။-

5:13  ဘုရားသခင်သည် ပြင်ပလူတို့ကို တရားစီရင်တော်မူလိမ့်မည်။ ဆိုးညစ် ယုတ်မာသောသူကို သင်တို့အထဲမှနှင်ထုတ် ကြလော့။

Chapter 6

6:1  သင်တို့တွင် တစ်ဦးတစ်ယောက်သည် မိမိ၏ညီအစ်ကိုအပေါ် မကျေနပ်ချက်ရှိလျှင် သန့်ရှင်းသူ များထံသို့မသွားဘဲ တရားမဲ့သူတို့၏စီရင်ချက်ကို ခံယူဝံ့ပါသလော။-

6:2  သန့်ရှင်းသူတို့သည် ကမ္ဘာလောကအား တရားစီရင်မည်ကို သင်တို့မသိကြ သလော။ ကမ္ဘာလောကသည် သင်တို့၏တရား စီရင်ခြင်းကို ခံရမည်ဖြစ်ပါလျှင် သင်တို့သည် သေးငယ်သောအမှုများကိုစီရင်ရန် အရည်အချင်းမရှိကြသလော။-

6:3  ငါတို့သည် ကောင်းကင်တမန် တော်များအား တရားစီရင်ရမည်ကို သင်တို့မသိကြသလော။ သို့ဖြစ်လျှင် ဤဘ၀နှင့်သက်ဆိုင် သည့်အမှုအရာ များကို ငါတို့ပို၍ဆောင်ရွက်နိုင်ကြရမည်မဟုတ်လော။-

6:4  သို့ဖြစ်၍ သင်တို့၌ ထိုကဲ့သို့သောအမှုအခင်း များရှိလျှင် အသင်းတော်၏လေးစားခြင်းကိုမခံရသောသူတို့၏ရှေ့ မှောက်တွင် အဘယ်ကြောင့်တင်ပြကြသနည်း။-

6:5  ဤသို့ ငါဆိုရခြင်းမှာ သင်တို့ကိုယ်သင်တို့ရှက်တတ်စေရန်ဖြစ်၏။ သင်တို့တွင် ညီအစ်ကိုအချင်းချင်းအကြား တရားစီ ရင်ဆုံးဖြတ်ပေးနိုင်လောက်သည့်ဉာဏ်ပညာရှိသူတစ်ဦး မျှ မရှိဟူ၍ ဖြစ်နိုင်ပါသလော။-

6:6  ညီအစ်ကိုများအချင်းချင်း တရားစွဲ၍ လူမျိုးခြားတို့ထံတင်ပြကြရပါသလော။

6:7  အချင်းချင်းတရားစွဲဆိုမှုသည် သင်တို့အတွက် ရှုံးနိမ့်ခြင်းပင်ဖြစ်သည်။ တရားစွဲဆိုမည့်အစား မတရားပြုခြင်းနှင့် လိမ်လည်လှည့်ဖြားခြင်းခံရသည်က ပို၍ကောင်းသည်မဟုတ်ပါလော။-

6:8  သို့ရာတွင် သင်တို့ကိုယ်တိုင် မတရားပြုကြ၍ လိမ်လည်လှည့်ဖြားကြပြီး မိမိတို့၏ညီ အစ်ကိုများကိုပင် ထိုကဲ့သို့ဆက်ဆံ ကြ၏။

6:9  မကောင်းမှုကိုပြုသောသူသည် ဘုရားသခင်၏နိုင်ငံတော်ကို အမွေခံရလိမ့်မည်မဟုတ်ကြောင်းကို သင်တို့ မသိကြသလော။ သင်တို့ကိုယ်သင်တို့မလှည့်စားကြနှင့်။ ကာမဂုဏ်လိုက်စားသူများ၊ ရုပ်တုကိုးကွယ်သူများ၊ သူ့သားမယားကိုပြစ်မှားသူများ၊ လိင်တူဆက်ဆံသူများ၊-

6:10  သူခိုးများ၊ လောဘကြီးသူများ၊ သောက်စားမူးယစ် သူများ၊ အသရေဖျက်သူများ၊ တိုက်ခိုက်လုယက်သူများတို့သည် ဘုရားသခင်၏နိုင်ငံတော်ကို အမွေခံရလိမ့်မည် မဟုတ်ပေ။-

6:11  သင်တို့တွင် အချို့တို့သည် ထိုကဲ့သို့ဖြစ်ခဲ့ကြ၏။ သို့ရာတွင် သင်တို့သည် ဆေးကြောခြင်းခံခဲ့ရပြီး သန့်ရှင်းမွန်မြတ်သည့် အဖြစ်သို့ရောက်ခဲ့ကြလေပြီ။ သင်တို့သည် ငါတို့၏သခင် ယေဇူးခရစ်တော်၏နာမတော်နှင့် ငါတို့ဘုရားသခင်၏ ဝိညာဉ်တော်အားဖြင့် ဖြောင့်မတ်ရာ သို့ရောက်ခဲ့ကြလေပြီ။

6:12  ငါသည် အားလုံးသောအရာတို့ကို ပြုလုပ်ပိုင်ခွင့်ရှိ သော်လည်း အားလုံးသောအရာတို့သည် ကောင်းကျိုးပြု သောအရာများမဟုတ်ပေ။ ငါသည် အားလုံးသောအရာ တို့ကိုပြုလုပ်ပိုင်ခွင့်ရှိသော်လည်း မည်သည့်အရာကိုမျှ ငါ့အားလွှမ်းမိုးစေ လိမ့်မည်မဟုတ်။-

6:13  အစားအစာသည် ဝမ်းဗိုက်အတွက်ဖြစ်၍ ဝမ်းဗိုက်သည်လည်း အစားအစာ အတွက်ဖြစ်ပြီး ဘုရားသခင်သည် ထိုအရာနှစ်ခုစလုံးကို ဖျက်ဆီးလိမ့်မည်။ ကိုယ်ခန္ဓာသည် ကာမဂုဏ်လိုက်စား ခြင်းအတွက်မဟုတ်ပေ။ ၎င်းသည် သခင်ဘုရားအတွက် သာဖြစ်ပြီး သခင်ဘုရားသည်လည်း ကိုယ်ခန္ဓာအတွက် ဖြစ်၏။-

6:14  ဘုရားသခင်သည် သခင်ဘုရားကို ရှင်ပြန်ထ မြောက်စေခဲ့ပြီး မိမိတန်ခိုးတော်အားဖြင့် ငါတို့ကိုလည်း ရှင်ပြန်ထမြောက်စေတော်မူလိမ့်မည်။

6:15  သင်တို့၏ခန္ဓာကိုယ်များသည် ခရစ်တော်၏ခန္ဓာ ကိုယ်အစိတ်အပိုင်းများဖြစ်ကြောင်း သင်တို့မသိကြသလော။ သို့ဖြစ်လျက်နှင့် ငါသည် ခရစ်တော်၏ခန္ဓာကိုယ် အစိတ်အပိုင်းများကိုယူ၍ ပြည့်တန်ဆာတစ်ဦး၏ခန္ဓာ ကိုယ်အစိတ်အပိုင်းများ အဖြစ်ပြုလုပ်ရမည်လော။ မည်သည့်အခါမျှမဖြစ်စေရ။-

6:16  ပြည့်တန်ဆာတစ်ဦးနှင့် ပေါင်းစပ်သောသူသည် သူမနှင့်တစ်သားတစ်ကိုယ်တည်းဖြစ် သွားကြောင်းသင်တို့မသိကြသလော။ အကြောင်းမူကား ထိုသူနှစ်ဦးသည် တစ်သားတစ်ကိုယ်တည်းဖြစ်ရ လိမ့်မည်ဟု ဆိုထား၏။-

6:17  သခင်ဘုရားနှင့်ပေါင်းစပ်သူမူကား ကိုယ်တော်နှင့် စိတ်တစ်လုံးတစ်၀တည်းဖြစ်၏။-

6:18  ကာမဂုဏ်လိုက်စားခြင်းကိုရှောင်ကြဉ်လော့။ လူတစ်ဦး ကျူးလွန်သည့် အခြားအပြစ်များသည် ကိုယ်ခန္ဓာ၏ပြင်ပ တွင်သာဖြစ်၏။ သို့သော် ကာမဂုဏ်လိုက်စားသူသည် မိမိ၏ကိုယ်ခန္ဓာကိုထိခိုက်၍ အပြစ်ကျူးလွန်၏။-

6:19  သင်တို့ ၏ကိုယ်ခန္ဓာသည် ဘုရားသခင်ထံမှ သင်တို့ခံယူရရှိထား သော၊ သင်တို့အတွင်း၌ ရှိတော်မူသည့် ဝိညာဉ်တော် မြတ်၏ဗိမာန်တော်ဖြစ်ကြောင်းကို သင်တို့မသိကြသ လော။ သင်တို့ကိုယ်ကို သင်တို့မပိုင်ဆိုင်ကြ။-

6:20  သင်တို့ ကို အဖိုးအခပေး၍ ဝယ်ယူထားခြင်းဖြစ်၏။ ထို့ကြောင့် သင်တို့၏ကိုယ်ခန္ဓာအားဖြင့် ဘုရားသခင်၏ဘုန်းဂုဏ် တော်ကိုထင်ရှားစေကြလော့။

Chapter 7

7:1  သင်တို့ရေးသားလိုက်သောအကြောင်းအရာများနှင့်စပ်လျဉ်း၍ပြောရမည်ဆိုပါက ယောက်ျားတစ်ယောက်သည် မိန်းမ တစ်ယောက်ကို မတို့မထိလျှင် ကောင်းပေ၏။-

7:2  သို့သော်လည်း ကာမဂုဏ်ကျူးလွန်ခြင်း အမှုသို့ကျရောက်စေရန် သွေးဆောင်ခံကြရမြဲဖြစ်သောကြောင့် ယောက်ျားတိုင်းတွင် မိမိ၏ဇနီးရှိသင့်ပြီး မိန်းမ တိုင်းတွင်လည်း မိမိ၏လင်ယောက်ျားရှိသင့်၏။-

7:3  လင်ယောက်ျားသည် မိမိဇနီးအား သူမ၏အိမ်ထောင်ဖက် အခွင့်အရေးကို ပေးသင့်သကဲ့သို့ ဇနီးသည်လည်း မိမိ၏ ခင်ပွန်းအား ထိုနည်းတူပြုရမည်။-

7:4  အကြောင်းမူကား ဇနီးသည် မိမိ၏ကိုယ်ခန္ဓာကိုမပိုင်ဆိုင်ဘဲ လင်ယောက်ျားက သာပိုင်ဆိုင်၏။ လင်ယောက်ျားသည်လည်း မိမိ၏ကိုယ် ခန္ဓာကိုမပိုင်ဆိုင်ဘဲ ဇနီးသည်ကသာလျှင် ပိုင်ဆိုင်၏။-

7:5  ဆုတောင်းမေတ္တာပြုရန်အတွက် အချိန်ကာလတစ်ခုကို သတ်မှတ်ပြီးနှစ်ဦးသဘောတူရှောင်ကြဉ်ခြင်းမှလွဲ၍ တစ်ဦး၏ အလိုဆန္ဒကို တစ်ဦးက ဖြည့်ဆည်းပေးရန် ငြင်းဆန်ခြင်းမပြုကြနှင့်။ ထို့နောက် ထိုအချိန်ကုန်လွန်သောအခါ ပြန်လည် ပေါင်းသင်းကြလော့။ ထိုသို့မဟုတ်လျှင် စိတ်အလိုဆန္ဒမထိန်းနိုင်မှုအပေါ် စာတန်နတ်ဆိုးသည် အခွင့်ကောင်းယူ၍ သင်တို့ အား နှောင့်ယှက်လိမ့်မည်။-

7:6  ငါသည် ဤသို့ဆိုရာတွင် အခွင့်ပေးခြင်းသာဖြစ်ပြီး အမိန့် ပေးနေခြင်းမဟုတ်ပေ။-

7:7  လူအားလုံးသည် ငါကဲ့သို့ဖြစ်ခဲ့ကြလျှင် ကောင်းပေစွ။ သို့သော် တစ်ဦးစီသည် ဘုရားသခင်ထံမှ အထူးကျေးဇူးတော်ကို သီးခြားစီ ရရှိခံစားရသည်။ တစ်ဦးသည် တစ်မျိုး၊ နောက်တစ်ဦးသည် အခြားတစ်မျိုးကို ရရှိ၏။

7:8  အိမ်ထောင်မပြုသူများနှင့် မုဆိုးမများအား ငါဆိုသည်မှာ ငါကဲ့သို့ တစ်ကိုယ်တည်းဆက်လက်နေထိုင် နိုင်ပါလျှင် သူတို့အ တွက် ကောင်းပါ၏။-

7:9  သို့သော် သူတို့သည် စိတ်အလိုဆန္ဒကိုမထိန်းနိုင်ကြလျှင် အိမ်ထောင်ပြုသင့်၏။ အကြောင်းမူကား ရာဂစိတ်ဖြင့်တောက် လောင် နေခြင်းထက် အိမ်ထောင်ပြုခြင်းကသာ၍ကောင်း၏။

7:10  အိမ်ထောင်သည်များအား ဤပညတ်ချက်ကို ငါပေး၏။ ယင်းသည် ငါ့ထံမှမဟုတ်ဘဲ သခင်ဘုရားထံမှ လာခြင်းဖြစ်၏။ ပညတ်ချက်သည်ကား ဇနီးသည် မိမိ၏ ခင်ပွန်းနှင့်မကွဲကွာအပ်။-

7:11  အကယ်၍ ကွဲကွာခဲ့လျှင် သူမ သည် တစ်ကိုယ်တည်းဆက်လက်နေထိုင်ပါစေ။ ထိုသို့ မဟုတ်ပါက ခင်ပွန်းသည်နှင့် ပြန်လည်ပေါင်းသင်းပါစေ။ လင်ယောက်ျားသည်လည်း မိမိ၏ဇနီးကိုမကွာရှင်းအပ်ပေ။

7:12  သခင်ဘုရား၏ပညတ်တော်မဟုတ်သော်လည်း ငါသည် ကျန်ရှိသောသူအားလုံးတို့အား ပြောလိုသည်မှာ ညီအစ်ကိုတစ်ဦး၌ မယုံကြည်သူဇနီးတစ်ဦးရှိ၍ ထိုဇနီး သည် သူနှင့်အတူပေါင်းသင်းနေထိုင်ရန် သဘောတူပါလျှင် သူနှင့်မကွာရှင်းအပ်။-

7:13  အမျိုးသမီးတစ်ဦး၌လည်း မယုံကြည်သူလင်ယောက်ျားရှိ၍ ထိုခင်ပွန်းသည် သူမနှင့် အတူပေါင်းသင်းနေထိုင်ရန် သဘောတူပါလျှင် သူမသည် သူ့ကို မကွာရှင်းအပ်ပေ။-

7:14  အကြောင်းမူကား မယုံကြည် သူလင်ယောက်ျားသည် မိမိ၏ဇနီးအားဖြင့် သန့်ရှင်းမွန် မြတ်သည့်အဖြစ်သို့ရောက်ရှိပြီး မယုံကြည်သောဇနီးသည်လည်း မိမိ၏လင်ယောက်ျားအားဖြင့် သန့်ရှင်းမွန်မြတ်သည့် အဖြစ်သို့ရောက်လေ၏။ ထိုသို့မဟုတ် ပါလျှင် သင်တို့၏သားသမီးတို့သည် မစင်ကြယ်ဘဲရှိကြလိမ့်မည်။ သို့သော် ယခုအတိုင်းဖြစ်လျှင် သူတို့သည် သန့်ရှင်းမွန်မြတ် ကြ၏။-

7:15  သို့ရာတွင် မယုံကြည်သောအိမ်ထောင်ဖက်က ကွာရှင်းလိုပါလျှင် ကွာရှင်းပါစေ။ ထိုသို့သော အခြေအနေမျိုးတွင် ယုံကြည် သူညီအစ်ကိုမောင်နှမတို့သည် အနှောင်အဖွဲ့မှ ကင်းလွတ်ကြ၏။ အကြောင်းမူကား ဘုရားသခင်သည် ငါတို့အား ငြိမ်းချမ်းသာ ယာစွာနေ ထိုင်စေရန် ခေါ်တော်မူခြင်းဖြစ်၏။-

7:16  အသင်ဇနီးသည်၊ သင်သည် သင်၏လင်ယောက်ျားကို ကယ်တင်နိုင်လိမ့် မည်ဟု မည်ကဲ့သို့သိနိုင်သနည်း။ အသင်ခင်ပွန်း သည်၊ သင်သည် သင်၏ဇနီးသည်ကို ကယ်တင်နိုင်လိမ့်မည်ဟု မည်ကဲ့သို့သိနိုင်သနည်း။

7:17  သို့သော်လည်း လူတိုင်းသည် မိမိအား ဘုရားသခင် ခေါ်တော်မူစဉ်က ကိုယ်တော်သတ်မှတ်ပေးထားသည့် ဘ၀အသက်တာ အတိုင်း နေထိုင်ပါစေ။ ငါသည် အသင်း တော်အားလုံးအား ဤကဲ့သို့ပင် သွန်သင်၏။-

7:18  တစ်စုံတစ်ယောက်သည် ခေါ်တော်မူခြင်းခံရချိန်တွင် အရေဖျား လှီးခြင်းခံရပြီးဖြစ်ပါက အရေဖျားလှီးခြင်းခံရချိန်က ရရှိခဲ့သည့် အမှတ်အသားများကိုဖယ်ရှားပစ်ရန် မကြိုးစားစေနှင့်။ တစ်စုံတစ်ယောက်သည် ခေါ်တော်မူခြင်းခံရချိန်၌ အရေဖျား လှီးခြင်းမခံရသေးပါက အရေဖျားလှီးခြင်းခံရန် မကြိုးစားစေနှင့်။-

7:19  အကြောင်းမူကား အရေဖျားလှီးခြင်းခံ သည်၊ မခံသည်မှာ အဓိကမဟုတ်ပေ။ ဘုရားသခင်၏ ပညတ်တော်များကို စောင့်ထိန်းခြင်းသည်သာ အဓိကဖြစ်၏။-

7:20  လူတိုင်းသည် မိမိခေါ်တော်မူခြင်းခံရစဉ်က ရှိနေသည့်ဘ၀အခြေအနေအတိုင်း ဆက်လက်နေထိုင်သင့်၏။-

7:21  သင်သည် ခေါ်တော်မူခြင်းခံရသည့်အချိန်က ကျွန်ဖြစ်နေခဲ့ပါလျှင်လည်း မစိုးရိမ်လေနှင့်။ သို့သော် သင်သည် လွတ်မြောက် ခြင်း ရနိုင်မည်ဆိုလျှင်မူ ထိုအခွင့်အရေးကို ယူပါလော့။-

7:22  အကြောင်းမူကား ကျွန်ဘ၀၌ သခင်ဘုရား ၏ခေါ်တော်မူခြင်းကို ခံရသောသူသည် သခင်ဘုရား၌ လွတ်လပ်သောသူဖြစ်၏။ ထိုနည်းတူစွာပင် ခေါ်တော်မူ ခြင်းခံရချိန်တွင် လွတ်လပ်သောသူသည်လည်း ခရစ် တော်၏ကျေးကျွန်ဖြစ်လေ၏။-

7:23  သင်တို့ကို အဖိုးအခပေး ၍ ဝယ်ယူထားသောကြောင့် လူတို့၏ကျေးကျွန်မဖြစ်စေကြနှင့်။-

7:24  သို့ဖြစ်၍ ညီအစ်ကိုတို့၊ သင်တို့အသီးသီးသည် မည်သို့သောအခြေအနေမျိုး၌ ခေါ်တော်မူခြင်းခံရသည် ဖြစ်စေ၊ ထိုအခြေအနေ၌သာလျှင် ဆက်လက်၍ ဘုရား သခင်၌ အသက်ရှင်နေထိုင်ကြပါလော့။

7:25  အိမ်ထောင်မပြုသောသူများနှင့်ပတ်သက်၍ သခင် ဘုရား၏ပညတ်ချက်ဟူ၍ ငါ၌မရှိပေ။ သို့သော် သခင်ဘုရား၏ ကရုဏာ တော်ကြောင့် ယုံကြည်စိတ်ချထိုက် သူတစ်ဦးအနေဖြင့် ငါ၏ထင်မြင်ချက်ကို ငါပေးမည်။-

7:26  ယခုကြုံတွေ့နေရသည့် စိတ်သောကဖိစီးမှုအခြေအနေအရ လူတစ်ဦးသည် လက်ရှိအခြေအနေအတိုင်း ဆက်လက်နေထိုင် လျှင် ကောင်းမည်ဟု ငါထင်၏။-

7:27  သင်၌ ဇနီးမယား၏အနှောင်အဖွဲ့ရှိလျှင် လွတ်လပ်ရန် မကြိုးစားလေ နှင့်။သင်သည် ဇနီးမယားမရှိဘဲ လွတ်လပ်သူဖြစ် ပါလျှင် လက်ထပ်ထိမ်းမြားရန် မကြိုးစားလေနှင့်။-

7:28  သို့သော် သင်လက်ထပ်ထိမ်းမြားပါက သင်သည် အပြစ်ပြုလုပ်နေခြင်း မဟုတ်ပေ။ အပျိုတစ်ဦးသည် လက်ထပ် ထိမ်းမြားလျှင်လည်း သူမသည် အပြစ်ပြုလုပ်နေခြင်းမဟုတ်ပေ။ သို့သော် အိမ်ထောင်ပြုသောသူတို့သည် လောကီဆင်းရဲ ဒုက္ခများကို ရင်ဆိုင်ကြရလိမ့်မည်။ ငါသည် သင်တို့ကို ထိုအခက်အခဲတို့မှ ကင်းဝေးစေလို၏။-

7:29  ညီအစ်ကိုတို့၊ ငါဆိုလိုသည်ကား သတ်မှတ်ထားသောအချိန်သည် လွန်စွာတိုတောင်းလာလေပြီ။ ယခုမှစ၍ ဇနီးမယားရှိသူ တို့သည် မရှိသကဲ့သို့ နေထိုင်ကြစေ။-

7:30  ငိုကြွေးသောသူ တို့သည်လည်း မငိုကြွေးသကဲ့သို့လည်းကောင်း၊ ပျော်ရွှင် ဝမ်းမြောက်ကြသောသူတို့သည်လည်း မပျော်ရွှင်သကဲ့ သို့လည်းကောင်း၊ ဥစ္စာပစ္စည်းကို ဝယ်ယူထားသောသူ တို့သည်လည်း သူတို့တွင် ဥစ္စာပစ္စည်းများမရှိသကဲ့သို့ လည်းကောင်း၊-

7:31  ကမ္ဘာလောကနှင့်ပတ်သက်နေသော သူတို့သည်လည်း ယင်းနှင့်ပတ်သက်ခြင်းမရှိသကဲ့သို့ လည်းကောင်း နေထိုင်ကြလော့။ အကြောင်းမူကား ဤ လောက၏အဆင်းသဏ္ဌာန်သည် ပျောက်ကွယ်လျက်ရှိ လေပြီ။

7:32  ငါသည် သင်တို့ကို စိုးရိမ်ပူပန်မှုများနှင့် ကင်းဝေးစေ လို၏။ အိမ်ထောင်မပြုသောလူတစ်ဦးသည် သခင်ဘုရား နှစ်သက်စေရန် မည်သို့ဆောင်ရွက်ရမည်ဟူသော သခင်ဘုရား၏အမှုကိစ္စများအတွက်သာ စိုးရိမ်ပူပန်၏။-

7:33  အိမ်ထောင်ရှိသောသူမူကား မိမိ၏ဇနီးနှစ်သက်စေရန် မည်ကဲ့သို့ဆောင်ရွက်ရမည်ဟူသော လောကီအမှုကိစ္စများအတွက် စိုးရိမ်ပူပန်ရလေ၏။-

7:34  သို့ဖြစ်၍ သူ၏စိတ်အာရုံသည် ကွဲပြားလေ၏။ အိမ်ထောင်မပြုသောအမျိုးသမီး၊ သို့မဟုတ် အပျိုကညာသည် မိမိ၏ ကိုယ်ခန္ဓာနှင့် စိတ်ဝိညာဉ်ကို မည်ကဲ့သို့သန့်ရှင်းမွန်မြတ်စေရမည်ဟူသော သခင်ဘုရားနှင့်ဆိုင်သည့်အမှုကိစ္စ တို့အတွက် သာ စိုးရိမ်တတ်၏။ အိမ်ထောင်ရှိသောအမျိုးသမီးမူကား မိမိ၏ခင် ပွန်းနှစ်သက်ရန် မည်သို့ပြုလုပ်ရမည်ဟူသော လောကီ အမှုကိစ္စတို့အတွက် စိုးရိမ်ရလေ၏။-

7:35  ငါသည် သင်တို့၏ ကောင်းကျိုးအတွက် ဤသို့ဆိုခြင်းဖြစ်၏။ ငါသည် သင် တို့ကို ချုပ်ချယ်လို၍မဟုတ်ဘဲ သင်တို့အား ကောင်းမွန် သင့်လျော်ရာကိုပြုမူစေရန်နှင့် သခင်ဘုရား၌ အကြွင်းမဲ့ ဆက်ကပ်နိုင်ရန် ပြောဆိုခြင်းသာဖြစ်၏။

7:36  အကယ်၍ တစ်ဦးတစ်ယောက်က မိမိသည် မိမိနှင့် စေ့စပ်ထားသူအပေါ် ၌ လျော်ကန်စွာပြုမူခြင်းမရှိဟု ထင် လျှင်ဖြစ်စေ၊ မိမိ၏ဆန္ဒများသည်လည်း ပြင်းပြနေလျှင် ဖြစ်စေ ထိုသူအား သူအလိုရှိသကဲ့သို့ဆောင်ရွက်ပါစေ။ သူတို့နှစ်ဦးလက်ထပ် ထိမ်းမြားကြပါစေ။ ဤသို့ပြုခြင်း သည် အပြစ်မဟုတ်ပေ။-

7:37  သို့သော်လည်း မည်သူမဆို မိမိစိတ်နှလုံးကိုတည်ကြည်ခိုင်မာစေ၍ အတင်းအကျပ် မဟုတ်ဘဲ မိမိ၏ဆန္ဒရမ္မက်ကို ထိန်းချုပ်ကာ သူမအားစေ့စပ်ထားသူအဖြစ်နှင့်သာ ဆက်လက်ထားရှိမည်ဟု မိမိ၏စိတ်ထဲ၌ဆုံးဖြတ်ထားလျှင်လည်းကောင်း ပေ၏။-

7:38  သို့ဖြစ်၍ မိမိစေ့စပ်ထားသောသူကို လက်ထပ်ထိမ်းမြား သောသူသည် ကောင်းမွန်စွာပြုကျင့်၏။ လက်ထပ်ထိမ်း မြားခြင်း ကို ရှောင်ကြဉ်သောသူကား ပို၍ပင်ကောင်းမွန် စွာပြုကျင့်ပေလိမ့်မည်။

7:39  ဇနီးသည်တစ်ဦးသည် မိမိလင်ယောက်ျားအသက် ရှင်သရွေ့ ထိုသူ၌ နှောင်ဖွဲ့မှုရှိ၏။ လင်ယောက်ျားသေဆုံးလျှင်မူကား သူမသည် မိမိနှစ်သက်သောသူကို လက်ထပ်ထိမ်းမြားနိုင်၏။ သို့သော် ယင်းသည် သခင်ဘုရား၌ ယုံကြည်သူအချင်းချင်း လက်ထပ်ခြင်းသာဖြစ်ရမည်။-

7:40  ငါ၏ဆုံးဖြတ်ချက်အရမူကား သူမသည် လက်ရှိအခြေ အနေအတိုင်း ဆက်လက်နေထိုင်လျှင် ပိုမိုပျော်ရွှင်ပေ လိမ့်မည်။ ဘုရားသခင်၏ဝိညာဉ်တော်သည် ငါ၌တည် ရှိတော်မူသည်ဟု ငါယုံကြည်၏။

Chapter 8

8:1  ရုပ်တုများအား ပူဇော်ပသထားသည့်အစားအစာများနှင့်ပတ်သက်၍ ဆိုရသော် ငါတို့အားလုံး အသိဉာဏ်ရှိကြကြောင်းကို ငါတို့သိကြ၏။ အသိဉာဏ် သည် မောက်မာဝါကြွားစေတတ်ပြီး ချစ်ခြင်းမေတ္တာမှာမူ စိတ်ဓါတ်ကို မြှင့်တင်ပေးတတ်၏။-

8:2  အကြင်သူသည် မိမိ ကိုယ်ကို ပညာရှိသည်ဟုထင်မှတ်လျှင် ထိုသူသည် ပညာ ရှိသင့်သလောက်မရှိသေးပေ။-

8:3  သို့ရာတွင် ဘုရားသခင် ကိုချစ်သောသူအား ဘုရားသခင်သည် သိတော်မူ၏။

8:4  သို့ဖြစ်၍ ရုပ်တုများအား ပူဇော်ပသထားသောအစား အစာများကိုစားခြင်းနှင့်ပတ်သက်၍ဆိုရသော် ရုပ်တု ဘုရားသည် အမှန်တကယ်မတည်ရှိကြောင်းကိုလည်းကောင်း၊ တစ်ဆူတည်းသောဘုရားသခင်မှတစ်ပါး အခြားသောဘုရားမရှိသည်ကို လည်းကောင်း ငါတို့သိကြ၏။-

8:5  အကြောင်းမူကား ကောင်းကင်နှင့်မြေကြီးပေါ်တွင် ဘုရားဟုခေါ်သောအရာများရှိကောင်းရှိမည်ဖြစ်၍ များစွာသောဘုရား များနှင့် များစွာသောအရှင်သခင်များ ရှိကြပါသော်လည်း၊-

8:6  ငါတို့အတွက်မူကား အဖဘုရားသခင်တစ်ဆူတည်းသာရှိပြီး ကိုယ်တော့်ထံမှ ခပ်သိမ်းသောအရာတို့ဖြစ်လာကြ၍ ကိုယ်တော့်အတွက်သာလျှင် ငါတို့အသက်ရှင်ကြ၏။ ထို့အတူ ငါတို့အတွက် ယေဇူးခရစ်တော်တည်းဟူသော အရှင်သခင်တစ်ပါး တည်း သာရှိပြီး ခပ်သိမ်းသောအရာတို့သည် ကိုယ်တော်အား ဖြင့် တည်ရှိလျက် ကိုယ်တော်အားဖြင့်သာလျှင် ငါတို့ အသက်ရှင်လျက်ရှိကြ၏။

8:7  သို့သော် လူတိုင်း၌ ဤအသိတရားမျိုးရှိကြသည် မဟုတ်။ အချို့သောသူတို့သည် ယခုအချိန်ထိ ရုပ်တုကိုးကွယ်သည့် အလေ့ အထနှင့်အသားကျနေသဖြင့် ရုပ်တုများအား ပူဇော်ပသထားသောအစားအစာကိုစားရာတွင် အမှန်တကယ်ပူဇော်ထား သည့်အစာဟုခံယူ၍ စားသုံးကြ၏။ သူတို့၏ဆင်ခြင်တုံတရားသည်လည်း အားနည်းသောကြောင့် ယင်းသည် ညစ်ညူးသော အဖြစ်သို့ရောက်၏။-

8:8  အစားအစာသည် ငါတို့ကို ဘုရားသခင်ရှေ့တော်၌ မျက်နှာရစေသည်မဟုတ်။ ယင်းတို့ကို မစားလျှင် ငါတို့၌အကျိုး ဆုတ်ယုတ်မှုမရှိ။ စားလျှင်လည်း ငါတို့၌ပို၍အကျိုး ဖြစ်ထွန်းသည်မဟုတ်ပေ။-

8:9  သင်တို့၏လွတ်လပ်စွာစားသောက်ခြင်းသည် အားနည်းသူတို့အတွက် လမ်းလွဲစရာ အကြောင်းမဖြစ်စေရန်သာ ဂရုပြုကြ လော့။-

8:10  အကြောင်းမူကား အသိပညာရှိသောသင်တို့သည် ရုပ်တုကိုးကွယ်ရာပလ္လင်၌ စားသောက်နေကြသည်ကို ဆင်ခြင်တုံတရား အားနည်းသူတစ်ဦးကမြင်ပါလျှင် ရုပ်တုအား ပူဇော်ပသထားသောအစားအစာကိုစားရန် အားတက်လာမည်မဟုတ် လော။-

8:11  ဤသို့ဖြင့် ခရစ်တော်အသက်ပေးကယ် တင်ခဲ့သည့် ဤယုံကြည်ခြင်းအားနည်းသူ ညီအစ်ကိုသည် သင်တို့၏အသိပညာ ကြောင့် ပျက်စီးရလေ၏။-

8:12  သို့ဖြစ်၍ သင်တို့၏ညီအစ်ကိုများကို ပြစ်မှားလျက် သူတို့ ၏ဆင်ခြင်တုံတရားအားနည်းချိန်တွင် ၎င်းကိုထိခိုက်ခြင်းဖြင့် သင်တို့သည် ခရစ်တော်ကို ထိခိုက်ပြစ်မှားကြ၏။-

8:13  ထို့ကြောင့် အစားအစာသည် ငါ၏ညီအစ်ကိုအား အပြစ် သို့ကျရောက်စေသည့်အကြောင်းရင်းဖြစ်လျှင် ငါသည် ငါ၏ညီအစ်ကိုအား အပြစ်သို့မကျရောက်စေခြင်းငှာ မည် သည့်အခါမျှ အသားစားတော့မည်မဟုတ်။

Chapter 9

9:1  ငါသည် လွတ်လပ်သူမဟုတ်ပါလော။ ငါသည် တမန်တော်တစ်ပါးမဟုတ်ပါလော။ ငါသည် ငါတို့၏သခင် ယေဇူးကို ဖူးတွေ့ခဲ့ရသည်မဟုတ်ပါလော။ သင်တို့သည်ကား သခင်ဘုရား၏အမှုတော်ကို ငါထမ်းဆောင်သောကြောင့် ထွက်ပေါ်လာသော အကျိုးရလဒ် မဟုတ်ပါလော။-

9:2  ငါသည် အခြားသူများအတွက် တမန် တော်မဖြစ်လျှင်လည်း သင်တို့အတွက်မူ တမန်တော် ဖြစ်၏။ အကြောင်းမူကား သင်တို့သည် ဘုရားသခင်၌ ငါတမန်တော်ဖြစ်ရခြင်း၏ အမှတ်တံဆိပ်ပင်ဖြစ်ကြ၏။

9:3  ငါ့အား စစ်ဆေးကြသောသူတို့ကို ဤသို့ငါချေပပြောဆို၏။-

9:4  ငါတို့၌ စားသောက်ပိုင်ခွင့်မရှိပါသလော။-

9:5  ငါတို့သည် အခြားသောတမန်တော်များကဲ့သို့လည်းကောင်း၊ သခင်ဘုရား၏ညီများကဲ့သို့လည်းကောင်း၊ စေဖကဲ့သို့လည်း ကောင်း ခရီးထွက်ရာ၌ ဇနီးမယားလိုက်ပါ လာခွင့်မရှိပါသလော။-

9:6  သို့မဟုတ် ဘာနဘနှင့် ငါတို့သာလျှင် ငါတို့၏စားဝတ်နေရေးအတွက် အလုပ်လုပ်ရခြင်းမှ ကင်းလွတ်ခွင့်မရှိသူများဖြစ် သလော။-

9:7  မည်သူသည် မိမိ၏စရိတ်ဖြင့် စစ်မှုထမ်းသနည်း။ မည်သူသည် မိမိစိုက်ပျိုးထားသည့်စပျစ်ဥယျာဉ်မှ စပျစ်သီးကို မစားဘဲ နေမည်နည်း။ မည်သူသည် မိမိထိန်းကျောင်းရသည့်သိုး များမှ နို့ကို မသုံးဆောင်ဘဲ နေမည်နည်း။

9:8  ငါသည် ဤအရာများကို လူ့အမြင်နှင့်ပြောဆိုခြင်းဖြစ်သလော။ ပညတ်တရားကျမ်းကလည်း ဤသို့ပင် ဆိုထားသည် မဟုတ်လော။-

9:9  အကြောင်းမူကား မိုးဇက်၏ ပညတ်တရားကျမ်းတွင် စပါးနယ်သည့်နွားကိုပါးချုပ်စွပ်မထားရဟုပါရှိ၏။ ဤသို့မိန့်တော်မူရာ ၌ ဘုရားသခင်သည် နွားများအတွက် စိုးရိမ်ပူပန်သောကြောင့် မိန့်တော်မူခြင်းဖြစ်သလော။-

9:10  ကိုယ်တော်သည် ငါတို့အတွက်သာ မိန့်တော်မူခဲ့သည်မဟုတ်လော။ ၎င်းကို ငါတို့အတွက်ပင် ရေးသားထားခြင်းဖြစ် ကြောင်း ထင်ရှားပေ၏။ အဘယ်ကြောင့်ဆိုသော် လယ်ထွန်သောသူနှင့် တလင်းနယ်သောသူသည် မိမိတို့၏ဝေစုဖြစ်သည့် ကောက်ပဲသီးနှံကို ရမည်ဟူသောမျှော်လင့်ချက်ဖြင့် လုပ်ကိုင်ဆောင်ရွက် ကြရာ၏။-

9:11  ငါတို့သည် သင်တို့၌ ဝိညာဉ်နှင့်ဆိုင်သောမျိုးစေ့ကို စိုက်ပျိုးခဲ့ကြပြီးနောက် သင်တို့ထံမှ ရုပ်ဝတ္ထုပိုင်း ဆိုင်ရာအကျိုးကျေးဇူးများကို ရယူခံစားကြပါလျှင် ငါတို့၏အလွန်ဖြစ်သလော။-

9:12  အခြားသောသူတို့သည် ဤ ရပိုင်ခွင့်ကို သင်တို့ထံမှ တောင်းခံကြပါလျှင် ငါတို့သည်လည်း ပို၍ပင်ရပိုင်ခွင့် ရှိကြသည် မဟုတ်လော။ သို့သော်လည်း ငါတို့သည် ဤရပိုင်ခွင့်ကို အသုံးမချခဲ့ကြဘဲ ခရစ်တော်၏ဧဝံဂေလိသတင်းကောင်းအတွက် အဟန့်အတားမဖြစ်စေခြင်းငှာ အရာရာ၌ သည်းခံခဲ့ကြ၏။-

9:13  ဗိမာန်တော်၌ အမှုထမ်းဆောင်သောသူတို့သည် ဗိမာန်တော်မှ အစားအစာရရှိကြသည်ကိုလည်းကောင်း၊ ယဇ်ပလ္လင်တော် တွင် အမှုတော်ဆောင်သောသူတို့သည်လည်း ယဇ်ပူဇော်သကာများထဲမှ ဝေစုရရှိကြသည်ကိုလည်းကောင်း သင်တို့မသိကြသ လော။-

9:14  ထိုနည်းတူစွာ ပင် ဧဝံဂေလိသတင်းကောင်းကို ဟောပြောကြသောသူ တို့သည် သတင်းကောင်းအားဖြင့် အသက်မွေးကြရ မည် ဟု သခင်ဘုရားမိန့်မှာတော်မူခဲ့၏။

9:15  သို့ရာတွင် ငါသည် ထိုအခွင့်အရေးများကို မယူခဲ့ချေ။ ထိုသို့သောအထောက်အပံ့များရရှိရန် ယခုဤစာကို ရေးနေခြင်း လည်းမဟုတ်။ အကြောင်းမူကား ငါ၏ဂုဏ်ယူနိုင်ခွင့်ကို တစ်စုံတစ်ယောက်ကရုပ်သိမ်းထားသည် ထက်သေရခြင်းကို ငါပို၍လိုလား၏။-

9:16  ငါသည် ဧဝံဂေလိ သတင်းကောင်းကို ဟောပြောရသည့်အတွက် ငါ၌ ဝါကြွားစရာအကြောင်းမရှိ။ အဘယ်ကြောင့်ဆိုသော် ငါ၌ဟောပြောရမည့်ဝတ္တရားရှိ၏။ အကယ်၍ ငါသည် ဧဝံဂေလိသတင်းကောင်းကိုမဟောပြောလျှင် ငါ၌အမင်္ဂလာ ရှိ၏။-

9:17  ငါသည် ငါ့အလိုဆန္ဒဖြင့် ဟောပြောလျှင် ဆုလာဘ်ကို ရရှိမည်ဖြစ်၏။ သို့ရာတွင် ဤအမှုကို ငါ၏အလိုဆန္ဒဖြင့် ပြုလုပ်ခြင်းမဟုတ်ပါက ငါသည် တာဝန်ပေးအပ်ခံရခြင်းဖြစ်၏။-

9:18  သို့ဖြစ်လျှင် ငါသည် မည်သည့်ဆုလာဘ်ကို ရရှိမည်နည်း။ ငါ၏ဆုလာဘ်သည်ကား ငါသည် ဧဝံဂေလိသတင်းကောင်းကို ဟောပြောရာတွင် အမှုတော်၌ ခံစားရမည့်ရပိုင်ခွင့်ကို မတောင်းဆိုဘဲ သတင်းကောင်းကို အခမဲ့ဟောပြောနိုင်ခြင်း ပင်ဖြစ်၏။

9:19  ထို့ကြောင့် ငါသည် မည်သူ့ကျွန်မျှမဟုတ်သော်လည်း ယုံကြည်သူများပို၍များပြားလာစေရန် မိမိကိုယ် ကို လူအားလုံးတို့၏ကျွန်ဖြစ်စေခဲ့၏။-

9:20  ဂျူးလူမျိုးတို့အား ဆွဲဆောင်ရန် ငါသည် ဂျူးလူမျိုးတစ်ဦးကဲ့သို့ဖြစ်လာခဲ့ ၏။ ငါသည် ပညတ်တရားကိုလိုက်နာရန် မလို အပ်သော်လည်း ပညတ်တရားကိုလိုက်နာကြသောသူတို့အား ဆွဲ ဆောင်ရန် ပညတ်တရားကို လိုက်နာကျင့်သုံးသူတစ်ဦး ကဲ့သို့ နေထိုင်ခဲ့၏။-

9:21  ငါသည် ပညတ်တရားနှင့်ကင်းဝေး နေကြသောလူမျိုးခြားတို့အား ဆွဲဆောင်ရန် လူမျိုးခြား တစ်ဦးကဲ့သို့ဖြစ်လာခဲ့၏။ သို့သော် ငါသည် ဘုရားသခင် ၏ပညတ်တရားနှင့်လုံး၀ကင်းဝေးသွားခြင်းမဟုတ်ဘဲ ခရစ်တော်၏ပညတ်တော်ကို လိုက်နာ ကျင့်သုံးခဲ့၏။-

9:22  ငါသည် အားနည်းသောသူတို့အား ဆွဲဆောင်ရန် သူတို့ အလယ်တွင် အားနည်းသူတစ်ဦးဖြစ်လာခဲ့၏။ နည်းလမ်း ပေါင်းစုံဖြင့် လူအချို့ကို ကယ်တင်ရန် ငါသည် လူအားလုံး တို့အတွက် မည်သည့်အရာမဆိုဖြစ်လာခဲ့၏။-

9:23  ငါသည် သတင်းကောင်း၏ ကောင်းချီးမင်္ဂလာများကို ဝေငှနိုင်ရန် ဧဝံဂေလိသတင်းကောင်းအတွက် ဤအရာအားလုံးကို ပြုမူခဲ့၏။

9:24  အပြေးပြိုင်ပွဲတစ်ခုတွင် အပြေးသမားအားလုံးယှဉ် ပြိုင်သော်လည်း တစ်ယောက်တည်းသာလျှင် ဆုကိုရရှိကြောင်းကို သင်တို့မသိကြသလော။ ထို့ကြောင့် သင်တို့သည် ဆုကိုရရှိရန် ပြေးကြလော့။-

9:25  အားကစားသမား တိုင်းသည် လေ့ကျင့်နေစဉ်အတွင်း အရာရာ၌ စိတ်ကို ချုပ်တည်းကြရ၏။ ဤသို့သူတို့ပြုလုပ်ရခြင်းမှာ ပျက်စီး နိုင်သောပန်းဦးရစ်ကို ဆွတ်ခူးနိုင်ရန်ဖြစ်၏။ ငါတို့မူကား ထာ၀ရတည်သောဗောင်းသရဖူအတွက် လုပ်ဆောင်ကြ ၏။-

9:26  ထို့ကြောင့် ငါသည် ရည်မှန်းချက်မရှိဘဲ ဦးတည့်ရာ ပြေးခြင်းမဟုတ်။ ငါသည် လေထဲတွင်လက်သီးထိုးနေ သောလက်ဝှေ့သမားတစ်ဦးကဲ့သို့ လက်သီးမထိုးပေ။-

9:27  ငါသည် အခြားသောသူတို့အား ဟောပြောပြီးမှ မိမိကိုယ် တိုင်အရည်အချင်းမပြည့်မီ သူမဖြစ်စေရန် ငါ၏ကိုယ်ခန္ဓာ ကို ထိုးနှက်တွန်းတိုက်၍ ၎င်းကို ကောင်းစွာထိန်းချုပ်ထား၏။

Chapter 10

10:1  ညီအစ်ကိုတို့၊ ငါတို့၏ဘိုးဘေးများအားလုံးသည် မိုးတိမ်အောက်တွင်ရှိခဲ့ကြ၍ ပင်လယ်ကို ဖြတ်သန်းခဲ့ကြ၏။-

10:2  သူတို့သည် မိုးတိမ်နှင့် ပင်လယ်ထဲ၌ မိုး ဇက်၏နောက်လိုက်များအဖြစ် ဆေးကြောခြင်းခံယူခဲ့ကြ၏။-

10:3  သူတို့အားလုံးသည် ဝိညာဉ်ရေးဆိုင်ရာအစာ တစ်မျိုးတည်းကို စားခဲ့ကြ၍၊-

10:4  ဝိညာဉ်ရေးဆိုင်ရာရေ တစ်မျိုးတည်းကို သောက်ခဲ့ကြ၏။ အကြောင်းမူကား သူတို့အားလုံးသည် မိမိတို့နှင့်အတူ လိုက်ပါ သော၊ ဝိညာဉ် ရေးဆိုင်ရာကျောက်ဆောင်မှရေကို သောက်သုံးခဲ့ကြ၏။ထိုကျောက်ဆောင်ကား ခရစ်တော်ပင်ဖြစ်သတည်း။-

10:5  သို့သော်လည်း ဘုရားသခင်သည် ထိုသူအများစုကို နှစ် သက်တော်မမူချေ။ ထို့ကြောင့် သူတို့သည် တောကန္တာရ တွင် အသက်ဆုံးရှုံးခဲ့ကြ၏။

10:6  ငါတို့သည် ထိုသူတို့ကဲ့သို့ မကောင်းမှုကိုစွဲလမ်း ခြင်းမရှိကြရန် ဤအရာများသည် ငါတို့အတွက် သတိပေး ချက်များ ဖြစ်၏။-

10:7  လူတို့သည် ထိုင်၍ စားသောက်ကြပြီးနောက် ထ၍ ကခုန်ကြ၏ဟု ကျမ်းစာတော်မြတ်တွင် ရေးထားသည့်အတိုင်း သင်တို့ သည် ထိုသူအချို့တို့ကဲ့သို့ ရုပ်တုကိုးကွယ်သူများမဖြစ်ကြလေနှင့်။-

10:8  ငါတို့သည် ထိုသူ များထဲမှ အချို့တို့ကဲ့သို့ ကာမဂုဏ်လိုက်စားခြင်းမပြုရပေ။ သူတို့တွင် လူနှစ်သောင်းသုံးထောင်မျှ တစ်ရက်အတွင်း သေခဲ့ကြ၏။-

10:9  ထိုသူအချို့တို့ကဲ့သို့ ငါတို့သည် ထာ၀ရ ဘုရားသခင်အား စုံစမ်းခြင်းမပြုသင့်။ သူတို့သည် မြွေ ကိုက်ခံရ၍ သေခဲ့ကြလေပြီ။ ထိုသူအချို့တို့ကဲ့သို့ သင် တို့သည် ပြစ်တင်ညည်းတွားခြင်းမပြုကြနှင့်။-

10:10  ထိုသူတို့ သည် ဖျက်ဆီးတတ်သောတမန်တော်၏ လက်ချက်ဖြင့် ဖျက်ဆီးခြင်းခံခဲ့ကြရ၏။-

10:11  ယခုမူကား သတိပေးသည့် အနေဖြင့် ထိုသူတို့၌ ဤအရာများဖြစ်ပျက်ခဲ့ခြင်းဖြစ်၏။ ကပ်ကမ္ဘာကုန်ဆုံးခါနီးအချိန်၌ အသက်ရှင်နေကြရသူ များဖြစ်သော ငါတို့အား သတိပေးရန် ထိုအကြောင်းအရာ များကို ရေးထားခဲ့ခြင်းဖြစ်၏။-

10:12  ထို့ကြောင့် မိမိသည် ရပ်လျက်ရှိနေသည်ဟု ထင်မှတ်သောသူသည် မလဲကျစေ ရန် သတိပြုရာ၏။-

10:13  သင့်အပေါ်ကျရောက်လာသောစုံစမ်း နှောင့်ယှက်ခြင်းများသည် လူတစ်ဦးခံထမ်းနိုင်သည် ထက်မပိုပေ။ ဘုရားသခင်သည် သစ္စာရှိတော်မူသဖြင့် သင်တို့ခံနိုင်သည်ထက်ပိုသောစုံစမ်းနှောင့်ယှက်ခြင်းကို သင်တို့အား ခံစေတော်မူလိမ့်မည်မဟုတ်။ သို့ရာတွင် သင်တို့အား တည်ကြည်မြဲမြံစေခြင်းငှာ စုံစမ်းနှောင့်ယှက်ခြင်းနှင့်အတူ ကိုယ်တော်သည် လွတ်မြောက်ရာလမ်းကို လည်း ပေးသနားတော်မူလိမ့်မည်။

10:14  ထို့ကြောင့် ငါ၏ချစ်မိတ်ဆွေတို့၊ ရုပ်တုကိုးကွယ် ခြင်းကို ရှောင်ကြဉ်ကြလော့။-

10:15  သင်တို့အား အသိတရား ရှိသူများကဲ့သို့သတ်မှတ်၍ ငါပြောဆို၏။ ငါ၏စကားကို သင်တို့ကိုယ်တိုင်ဆင်ခြင်သုံး သပ် ကြလော့။-

10:16  ကောင်း ချီးမင်္ဂလာပေးရန် ငါတို့ဆုတောင်းထားသောမင်္ဂလာခွက် ဖလားတော်ကိုသောက်ကြသောအခါ ငါတို့သည် ခရစ်တော်၏အသွေးတော်၌ တစ်လုံးတစ်၀တည်း ပါဝင်ခြင်းမဟုတ်လော။ ငါတို့သည် ပေါင်မုန့်ကိုဖဲ့၍ စားကြသော အခါ ခရစ်တော်၏ကိုယ်ခန္ဓာ၌ တစ်လုံးတစ်၀တည်းရှိကြသည်မဟုတ်လော။-

10:17  ပေါင်မုန့်သည် တစ်လုံးတည်းဖြစ်သောကြောင့် အရေအတွက်အားဖြင့်များသောငါတို့သည် တစ်သားတစ်ကိုယ်တည်းဖြစ် ကြ၏။ အကြောင်းမူကား ငါတို့အားလုံးသည် ထိုပေါင်မုန့်တစ်လုံးတည်းကို ခွဲဝေသုံးဆောင်ကြ၏။-

10:18  အစ္စရာအဲလ်လူမျိုးတို့၏ဓလေ့ထုံးစံကို ကြည့်ကြလော့။ သူတို့သည် ယဇ်ကောင်များကို စားကြ၍ ယဇ်ပူဇော်ခြင်းအမှုတွင် ပါဝင်ကြသည်မဟုတ်လော။-

10:19  သို့ဖြစ်လျှင် ငါသည် မည်သည့်အရာကို ဆိုလိုသနည်း။ သို့ဖြစ်၍ ရုပ်တုအား ပူဇော်သောအစားအစာ၊ သို့မဟုတ် ထိုရုပ်တုသည် အရေးပါသည်ဟု ငါဆိုလိုပါသလော။-

10:20  ထိုသို့မဟုတ်။ ငါဆိုလိုသည်မှာ လူမျိုးခြားတို့ ပူဇော်သောယဇ်သည် နတ်ဆိုးများအား ပူဇော်သောယဇ် သာလျှင်ဖြစ်၍ ဘုရားသခင်အား ပူဇော်ခြင်းမဟုတ်။ ငါသည် သင်တို့ကို နတ်ဆိုးများနှင့် ပူးပေါင်းသူများမဖြစ်စေလိုပေ။-

10:21  သင်တို့သည် သခင်ဘုရား၏ခွက်တော်နှင့် နတ် ဆိုးတို့၏ခွက်နှစ်ခုစလုံးကို မသောက်နိုင်။ သင်တို့သည် သခင်ဘုရား၏ စားပွဲတော်နှင့် နတ်ဆိုးတို့၏စားပွဲနှစ်ခု စလုံး၌ မပါဝင်နိုင်။-

10:22  ငါတို့သည် သခင်ဘုရားအား သဝန် တိုစေမည်လော။ ငါတို့သည် သခင်ဘုရားထက် ပို၍ခွန် အားတန်ခိုးကြီးကြသလော။

10:23  ငါတို့သည် ခပ်သိမ်းသောအမှုတို့ကို ပြုလုပ်ပိုင်ခွင့်ရှိ၏။ သို့သော် အရာခပ်သိမ်းသည် အကျိုးပြုနိုင်သည်မဟုတ်။ ငါတို့သည် မည်သည့်အရာကိုမဆိုလုပ်ပိုင်ခွင့်ရှိသော်လည်း အရာခပ်သိမ်းသည် လူတို့ကို ကြီးပွားတိုး တက်စေသည်မဟုတ်။-

10:24  မည်သူမျှ မိမိကိုယ်ကျိုးကိုမရှာဘဲ မိမိနှင့်နီးစပ်သောသူ၏အကျိုးကိုသာရှာပါစေ။-

10:25  သင်တို့သည် ဈေးတွင်ရောင်းသမျှသောအသားကို အသိစိတ် အတွင်း၌ မည်သို့မျှမတွေးတောဘဲ စားသုံးကြလော့။-

10:26  အကြောင်းမူကား ဤကမ္ဘာမြေနှင့်ကမ္ဘာမြေပေါ်၌ ရှိသမျှအရာတို့သည် ထာ၀ရဘုရားသခင်နှင့်သက်ဆိုင်တော်မူ၏။-

10:27  အကယ်၍ မယုံကြည်သူတစ်ဦးက သင့်ကိုညစာ စားရန် ဖိတ်ခေါ်လျှင် သင်ဆန္ဒရှိပါက သွားလော့။ သင့်ရှေ့ ၌တည်ခင်း ကျွေးမွေးသမျှကို အသိစိတ်အတွင်း၌ မည်သို့ မျှမတွေးတောဘဲ စားသုံးလော့။-

10:28  သို့ရာတွင် တစ်စုံတစ် ယောက်က ဤအရာသည် ရုပ်တုအား ပူဇော်ထားသော ယဇ်ကောင်၏အသားဖြစ်သည်ဟုဆိုလျှင် ယင်းသို့ပြော ဆိုသူ၏သတိပေးချက်ကိုလည်းကောင်း၊ သူ၏အသိ စိတ်အတွင်းမှသိမြင်မှုကိုလည်းကောင်း ထောက်ရှုသော အားဖြင့် ထိုအသားကိုမစားနှင့်။-

10:29  အသိစိတ်ဟု ငါဆိုရာ၌ သင်တို့၏အသိစိတ်ကိုမဆိုလိုဘဲ ပြောဆိုသူ၏အသိ စိတ်ကို ဆိုလိုခြင်းဖြစ်၏။ အကြောင်းမူကား ငါ၏လွတ်လပ်ခွင့်ကို အခြားသူတစ်ဦး၏အသိစိတ်က အဘယ်ကြောင့်ချုပ်ချယ်ရမည်နည်း။-

10:30  အကယ်၍ ငါသည် မိမိစား သောက်သည့်အစားအစာအတွက် ဘုရားသခင်၏ကျေး ဇူးတော်ကိုချီးမွမ်းလျှင် ထိုသို့ကျေးဇူးတော်ချီးမွမ်းထား သောအစာကိုစားသည့်အတွက် အဘယ်ကြောင့် ငါ့ကို ဝေဖန်ရှုတ်ချရမည်နည်း။

10:31  ထို့ကြောင့် သင်တို့သည် စားသည်ဖြစ်စေ၊ သောက်သည်ဖြစ်စေ၊ မည်သည့်အရာကိုမဆိုပြုလုပ်သည်ဖြစ်စေ၊ ထိုအရာ အားလုံးတို့ကို ဘုရားသခင်၏ဘုန်းဂုဏ်တော်အတွက် ပြုလုပ်ကြလော့။-

10:32  ဂျူးလူမျိုးတို့အားလည်းကောင်း၊ ဂရိလူမျိုးတို့အားလည်းကောင်း၊ ဘုရားသခင်၏ အသင်းတော်ကိုလည်းကောင်း ထိခိုက်စော်ကားစရာအကြောင်း မဖြစ်စေကြနှင့်။-

10:33  ငါသည် လူအများကယ် တင်ခြင်းခံကြရစေရန် ငါ၏ကိုယ်ကျိုးကိုမရှာဘဲ ထိုသူအပေါင်းတို့၏အကျိုးကိုရှေးရှုလျက် ငါပြုလုပ်သမျှသော အရာတိုင်း၌ လူအပေါင်းတို့နှစ်သက်ကျေနပ်စေရန် ကြိုး ပမ်းသကဲ့သို့ သင်တို့သည်လည်း ပြုမူကြလော့။

Chapter 11

11:1  ငါသည် ခရစ်တော်ကို အတုယူသကဲ့သို့ သင်တို့သည်လည်း ငါ့ကိုအတုယူကြလော့။

11:2  သင်တို့သည်အရာရာတိုင်း၌ ငါ့ကိုအောက်မေ့သတိ ရကြ၍ ဓလေ့ထုံးတမ်းများကို သင်တို့အား ငါသင်ပြပေး ခဲ့သည့်အတိုင်း လိုက်နာကျင့်ကြံကြသောကြောင့် သင်တို့ကို ငါချီးမွမ်းပါ၏။-

11:3  သို့သော် ငါသည် သင်တို့အား ယောက်ျားတိုင်း၏ဦးခေါင်းကား ခရစ်တော်ဖြစ်သည်ကိုလည်းကောင်း၊ မိန်းမတစ်ယောက်၏ ဦးခေါင်းကား လင်ယောက်ျားဖြစ်သည်ကိုလည်းကောင်း၊ ခရစ်တော်၏ဦး ခေါင်းကား ဘုရားသခင်ဖြစ်သည်ကိုလည်းကောင်း နား လည်စေလို၏။-

11:4  သို့ဖြစ်၍ ယောက်ျားတစ်ယောက်သည် မိမိ၏ဦးခေါင်းကိုဖုံးအုပ်၍ ဆုတောင်းပတ္ထနာပြုလျှင်၊ သို့မဟုတ် ပရောဖက်ဉာဏ် နှင့် ဟောပြောလျှင် သူသည် မိမိ ဦးခေါင်း၏အသရေကို ရှုတ်ချသူဖြစ်၏။-

11:5  သို့သော် မိန်းမတစ်ဦးသည် ဦးခေါင်းကိုမဖုံးအုပ်ဘဲ ဆုတောင်းလျှင်၊ သို့မဟုတ် ပရောဖက်ဉာဏ်နှင့်ဟောပြောလျှင် သူမသည် မိမိဦးခေါင်း၏အသေရေကိုရှုတ်ချသူဖြစ်၏။ သူမသည် ခေါင်းတုံးရိတ်ထားသကဲ့သို့ပင်ဖြစ်လေ၏။-

11:6  အကယ်၍ မိန်းမတစ်ယောက်သည် မိမိ၏ဦးခေါင်းကို မဖုံးအုပ်ဘဲ ထားလျှင် သူမသည် မိမိ၏ဆံပင်ကိုဖြတ်ထားသင့်၏။ အကယ်၍ ဆံပင်ဖြတ်ခြင်း၊ သို့မဟုတ် ခေါင်းတုံးရိတ်ခြင်းတို့သည် မိန်းမတစ်ယောက်အတွက် ရှက်ဖွယ်ဖြစ်လျှင် သူမသည် မိမိဦးခေါင်းကိုဖုံးအုပ်ထားပါစေ။

11:7  ယောက်ျားသည် မိမိ၏ဦးခေါင်းကို ဖုံးအုပ်ထားရန်မလို။ အဘယ်ကြောင့်ဆိုသော် သူသည် ဘုရားသခင်၏ ပုံသဏ္ဌာန်တော်နှင့် ဘုန်းဂုဏ်တော်ဖြစ်သောကြောင့်တည်း။ မိန်းမသည်ကား ယောက်ျား၏ဂုဏ်ကျက်သရေဖြစ်၏။-

11:8  အကြောင်းမူကား ယောက်ျားသည် မိန်းမမှ ဖန်ဆင်းခြင်းခံရသည်မဟုတ်။ မိန်းမသာလျှင် ယောက်ျားအားဖြင့် ဖန်ဆင်းခြင်း ခံရ၏။-

11:9  ထို့အတူ ယောက်ျားသည် မိန်းမအတွက် ဖန်ဆင်းခံရသည်မဟုတ်။ မိန်းမသည်သာလျှင် ယောက်ျားအတွက် ဖန်ဆင်းခြင်းခံ ရ၏။-

11:10  သို့ဖြစ်၍ ကောင်းကင်တမန်တော်များကို လေးစားသောအားဖြင့် မိန်းမတစ်ယောက်သည် မိမိ၏ဦးခေါင်းကို ဖုံးအုပ်ထား သင့်၏။-

11:11  မည်သို့ပင်ဖြစ်စေကာမူ သခင်ဘုရား၌ မိန်းမသည် ယောက်ျားကိုမှီခိုရသကဲ့သို့ ယောက်ျားသည်လည်း မိန်းမကိုမှီခိုရ၏။-

11:12  အကြောင်းမူကား မိန်းမသည် ယောက်ျားမှ ဖန်ဆင်းခြင်းခံရသကဲ့သို့ပင် ယောက်ျားသည်လည်း ယခုအခါတွင် မိန်းမမ ှမွေးဖွားလာရ၏။ ခပ်သိမ်းသောအရာတို့သည် ဘုရားသခင်ထံမှဖြစ်၏။-

11:13  သင်တို့ကိုယ်တိုင် ဆင်ခြင်သုံးသပ်ကြပါလော့။ မိန်းမတစ်ဦးသည် ဦးခေါင်းကိုမဖုံးအုပ်ဘဲ ဘုရားသခင်ထံဆုတောင်း ပတ္ထနာပြုရန် သင့်လျော်ပါသလော။-

11:14  ဆံပင်ရှည်ထားခြင်းသည် ယောက်ျားတစ်ဦးအတွက် ရှက်ဖွယ်ဖြစ်ကြောင်းကို သဘာ၀တရားက သင်တို့အားသွန်သင်ထား သည် မဟုတ်လော။-

11:15  မိန်းမတစ်ဦးအတွက်မူကား ဆံပင်ရှည် ထားခြင်းသည် သူ၏ကျက်သရေပင် မဟုတ်ပါလော။ အကြောင်းမူကား သူမ၏ ဆံပင်ရှည်ကို ဖုံးလွှမ်းရာအဖြစ် သူမအား ပေးထားခြင်းဖြစ်၏။-

11:16  ဤအကြောင်းနှင့်စပ် လျဉ်း၍ တစ်စုံတစ်ယောက်သောသူသည် ငြင်းခုံလိုပါ လျှင် ငါတို့၌လည်းကောင်း၊ ဘုရားသခင်၏ အသင်းတော် များ၌လည်းကောင်း ထိုကဲ့သို့သောထုံးစံမရှိကြောင်း ငါ ပြောကြားလိုပါ၏။

11:17  သို့ရာတွင် အောက်ပါသွန်သင်ချက်များနှင့်စပ်လျဉ်း၍ ငါသည် သင်တို့အား မချီးမွမ်းပေ။ အဘယ်ကြောင့်ဆိုသော် သင်တို့သည် အတူတကွစုဝေးကြသောအခါ ယင်းသည် ကောင်းကျိုးထက် ဆိုးကျိုးကိုပေးလေ၏။-

11:18  ပထမ အကြောင်းမှာ သင်တို့သည် အသင်းတော်၌ စည်းဝေးကြ သောအခါတွင် အချင်းချင်းစိတ်ဝမ်းကွဲမှုများရှိကြောင်း ငါကြားသိရ၏။ ကြားရသည့်အတိုင်း တစ်စိတ်တစ်ဒေသ မှန်ကန်လိမ့်မည်ဟုလည်း ငါယုံကြည်၏။-

11:19  အကြောင်းမူကား သင်တို့တွင် အုပ်စုကွဲပြားမှုများရှိရမည်မှန်၏။ သို့မှ သာလျှင် မှန်ကန်စွာရပ်တည်သောသူများကို ပေါ်လွင်ထင်ရှားစွာ မြင်တွေ့နိုင်မည်ဖြစ်၏။-

11:20  သင်တို့သည် စုဝေး ကြသောအခါ သင်တို့စားကြသည်မှာ သခင်ဘုရား၏ ညစာစားပွဲမဟုတ်ပေ။-

11:21  အကြောင်းမူကား သင်တို့အသီး သီးသည် မိမိ၏အစာကိုယူ၍ စားကြသဖြင့် တစ်ယောက်သည် ဆာငတ်လျက်ရှိနေစဉ် အခြားတစ်ယောက်သည် မူးယစ်လျက်ရှိသောကြောင့်တည်း။-

11:22  အဘယ်ကြောင့်နည်း။ သင်တို့တွင် စားသောက်ကြရန် အိမ်များမရှိကြ သလော။ သို့မဟုတ်လျှင် သင်တို့သည် ဘုရားသခင် ၏ အသင်းတော်ကို မလေးမစားပြု၍ မရှိဆင်းရဲသားတို့အား အရှက်ရစေသလော။ သင်တို့အား ငါမည်သို့ပြောရမည်နည်း။ ဤအမှုအတွက် သင်တို့ကို ငါချီးမွမ်းရမည်လော။ ငါချီးမွမ်းလိမ့်မည်မဟုတ်။

11:23  အကြောင်းမူကား သခင်ဘုရားထံမှ ငါရရှိခဲ့၍ သင်တို့အား ငါပေးခဲ့သောသွန်သင်ချက်သည်ကား ယေဇူးသခင်သည် ရန်သူ၏လက်သို့ အပ်နှံခြင်းခံရသည့်ည၌ မုန့်ကိုယူ၍၊-

11:24  ကျေးဇူးတင်ချီးမွမ်းပြီးနောက် မုန့်ကိုဖဲ့၍ ဤအရာသည် သင်တို့အဖို့ဖြစ်သော ငါ၏ခန္ဓာကိုယ်ဖြစ်၏၊ ငါ့ကို အောက်မေ့ သတိရခြင်းငှာ ဤအမှုကို ပြုကြလော့ ဟုမိန့်တော်မူ၏။-

11:25  ထိုနည်းတူ ညစာစားပြီးနောက် ခွက်တော်ကိုလည်း ယူတော်မူလျက် ဤခွက်သည် ငါ၏သွေး၌တည်သော ပဋိညာဉအ သစ်ဖြစ်၏၊ ဤခွက်ကို သင်တို့သောက်ကြသည့်အခါတိုင်း ငါ့ကို အောက်မေ့သတိရခြင်းငှာ ဤအမှုကိုပြုကြလော့ ဟု မိန့်တော်မူ၏။-

11:26  အကြောင်းမူကား သင်တို့သည် ဤမုန့်ကိုစား၍ ဤခွက်ကို သောက်ကြသည့်အခါတိုင်း သခင်ဘုရား၏အသေခံခြင်း ကို ကိုယ်တော်ကြွလာတော်မူသည့်တိုင်အောင် ကြေ ညာဟောပြောလျက်ရှိသောကြောင့်တည်း။

11:27  သို့ဖြစ်၍ မထိုက်တန်ဘဲ သခင်ဘုရား၏မုန့်ကိုစား၍ ကိုယ်တော်၏ခွက်တော်မှသောက်သောသူဟူသမျှသည် သခင်ဘုရား ၏ကိုယ်ခန္ဓာတော်နှင့် အသွေးတော်ကို ပြစ်မှားရာရောက်၏။-

11:28  ထို့ကြောင့် လူတိုင်းသည် မိမိကိုယ်ကိုစစ်ဆေးပြီးမှ မုန့်တော်ကိုစား၍ ခွက်တော်မှ သောက်ပါစေ။-

11:29  အကြောင်းမူကား သခင်ဘုရား၏ကိုယ် ခန္ဓာအနက်အဓိပ္ပာယ်ကို မဆန်းစစ်ဘဲ မုန့်ကိုစား၍ ခွက် တော်မှသောက်သော သူသည် မိမိအပေါ် အပြစ်ဒဏ်ကျရောက်စေရန် စားသောက်သကဲ့သို့ဖြစ်၏။-

11:30  သို့ဖြစ်၍ သင်တို့ထဲတွင် များစွာသောလူတို့သည် အင်အားချည့်နဲ့ကြ၍ ဖျားနာကြခြင်းဖြစ်၏။ အချို့သည်လည်း သေကြလေပြီ။-

11:31  သို့သော် ငါတို့သည် မိမိတို့ကိုယ်ကို မှန်ကန်စွာ စီရင်ပါက အပြစ်စီရင်ခြင်းခံကြရလိမ့်မည်မဟုတ်။-

11:32  သို့ရာတွင် သခင်ဘုရားသည် ငါတို့အား စီရင်တော်မူသောအခါ ငါတို့သည် လောကသားတို့နှင့်အတူ အပြစ်ဒဏ်မခံရစေ ရန် ဆုံးမတော်မူခြင်းသာဖြစ်၏။

11:33  ထို့ကြောင့် ညီအစ်ကိုတို့၊ သင်တို့သည် စားပွဲတော်အတွက် စုဝေးကြသောအခါ တစ်ဦးကိုတစ်ဦးစောင့်ကြလော့။-

11:34  အကယ်၍ တစ်စုံတစ်ယောက်သည် ဆာလောင် လျှင် မိမိ၏အိမ်တွင် စားသောက်စေ။ ဤသို့ဖြင့် သင်တို့ သည် စုဝေးသော အခါ အပြစ်ဒဏ်စီရင်ခြင်းမခံရဘဲ ရှိ လိမ့်မည်။ အခြားအမှုကိစ္စရပ်များကိုမူ ငါလာသောအခါ သွန်သင်လမ်းညွှန်ပေးမည်။

Chapter 12

12:1  ညီအစ်ကိုတို့၊ ငါသည် သင်တို့အား ဝိညာဉ်တော်နှင့်ဆိုင်သောဆုကျေးဇူးတော်များအကြောင်း ကိုသိစေရန်အလိုရှိ၏။-

12:2  သင်တို့သည် ဘာသာခြားများ ဖြစ်ခဲ့စဉ်က အသက်မဲ့သောရုပ်တုတို့ကို ကိုးကွယ်ရန် သွေးဆောင်ခြင်းခံခဲ့ရ၍ လမ်းလွဲခဲ့ ကြသည် ကို သင်တို့ သိကြ၏။-

12:3  ထို့ကြောင့် ဘုရားသခင်၏ဝိညာဉ်တော်အားဖြင့် လှုံ့ဆော်မှုခံရသူတို့တွင် မည်သူကမျှ ယေဇူးအား ကျိန်စာသင့်ပါစေ ဟူ၍မပြောဆိုနိုင်ကြောင်းကိုလည်းကောင်း၊ မည်သူကမျှလည်း ဝိညာဉ်တော်မြတ်၏လှုံ့ဆော်ခြင်းမှလွဲ၍ ယေဇူးသည် အရှင်သခင်ဖြစ်ပါသည်ဟူ၍ ဝန်မခံနိုင်ကြောင်းကိုလည်းကောင်း သင်တို့အားသိနားလည်စေလို၏။

12:4  ဆုကျေးဇူးတော်အမျိုးမျိုးရှိသော်လည်း ၎င်းတို့ကို ဝိညာဉ်တော်တစ်ပါးတည်းက ပေးတော်မူခြင်းဖြစ်၏။-

12:5  ထို့အတူ အစေခံခြင်းအမှုအမျိုးမျိုးရှိသော်လည်း ငါတို့ အစေခံနေသည့်သခင်မှာ တစ်ပါးတည်းသာဖြစ်၏။-

12:6  အမှုတော်ဆောင်ရန် တာဝန်အမျိုးမျိုးရှိသော်လည်း ၎င်းတို့ကိုလုပ်ဆောင်ရန် လူတိုင်းအား တာဝန်အသီးသီးပေးသနား သောသခင်သည် တစ်ပါးတည်းသာ ဖြစ်တော်မူ၏။-

12:7  အများကောင်းကျိုးအတွက် လူအသီးသီး၌ ဝိညာဉ်တော်ဘုရားအား ပေါ်လွင်ထင်ရှားစေနိုင်သည့်အခွင့်ကို ပေးထားလျက် ရှိ၏။-

12:8  ဝိညာဉ်တော်သည် လူတစ်ဦးအား ဉာဏ်ပညာဖြင့် ပြောဆိုနိုင်သောအခွင့်ကိုပေးတော်မူ၍ အခြားတစ်ဦးအား အသိပညာဖြင့် ထုတ်ဖော်ပြောဆိုနိုင် သောအခွင့်ကိုပေးတော်မူ၏။-

12:9  ထိုဝိညာဉ်တော်ကပင် လူတစ်ဦးအား ယုံကြည်ခြင်းကျေးဇူးကိုလည်းကောင်း၊ အခြားတစ်ဦးအား အနာရောဂါကိုကုသ ပျောက်ကင်းစေ နိုင်သောတန်ခိုးကိုလည်းကောင်း၊-

12:10  နောက်တစ်ဦးအား အံ့ဖွယ်ရာများကို ပြနိုင်သောတန်ခိုးကိုလည်းကောင်း၊ အခြားတစ်ဦးအား ပရောဖက်ဉာဏ်နှင့် ဟောနိုင် သော အခွင့်ကိုလည်းကောင်း၊ နောက်တစ်ဦးအား ဝိညာဉ်တော်မှရရှိသောဆုကျေးဇူးတော်များဟုတ်မဟုတ် ပိုင်းခြားသိ ရှိနိုင်သောအခွင့်ကိုလည်းကောင်း၊ အခြားတစ်ဦးအား ဘာသာစကားအမျိုးမျိုးပြောဆိုနိုင်သောအခွင့်ကိုလည်းကောင်း၊ အခြားသူတစ်ဦးအား ဘာသာစကားအမျိုးမျိုး ၏အနက်အဓိပ္ပာယ်ကို ပြန်ဆိုနိုင်သောအခွင့်ကိုလည်းကောင်း ပေးတော်မူ၏။-

12:11  ဤဆုကျေးဇူးများကိုပေးသနား တော်မူသောအရှင်ကား ဝိညာဉ်တော်တစ်ပါးတည်းသာ ဖြစ်တော်မူ၏။ ကိုယ်တော်သည် လူတစ်ဦးစီအား မိမိ အလိုရှိသည့်အတိုင်း ဆုကျေးဇူးကိုပေးတော်မူ၏။

12:12  အကြောင်းမူကား ကိုယ်ခန္ဓာတစ်ခုတည်း၌ ကိုယ် အင်္ဂါအစိတ်အပိုင်းများစွာရှိပြီး ကိုယ်အင်္ဂါအစိတ်အပိုင်း အားလုံးသည် အရေအတွက်အားဖြင့်များသော်လည်း ကိုယ်ခန္ဓာတစ်ခုတည်းအဖြစ် တည်ရှိကြသကဲ့သို့ ခရစ်တော်၌လည်း ထိုနည်းတူပင်ဖြစ် ၏။-

12:13  အဘယ်ကြောင့် ဆိုသော် ငါတို့အားလုံးသည် ဂျူးလူမျိုးဖြစ်စေ၊ လူမျိုးခြားဖြစ်စေ၊ ကျွန်ဖြစ်စေ၊ လွတ်လပ်သူဖြစ်စေ ဝိညာဉ်တော် တစ်ပါးတည်းအားဖြင့် ကိုယ်ခန္ဓာတစ်ခုတည်းအဖြစ် ဆေးကြောခြင်းခံယူခဲ့ကြ၏။ ငါတို့အားလုံးသည် ဝိညာဉ် တော်တစ်ပါးတည်းထံမှ သောက်သုံးခဲ့ကြရ၏။

12:14  လူ၏ကိုယ်ခန္ဓာတွင် အင်္ဂါအစိတ်အပိုင်းတစ်ခု တည်းသာရှိသည်မဟုတ်ဘဲ များစွာသောအင်္ဂါအစိတ် အပိုင်းတို့ရှိကြ၏။-

12:15  ခြေက ငါသည် လက်မဟုတ်သောကြောင့် ကိုယ်ခန္ဓာနှင့်မဆိုင်ဟုဆိုရုံမျှနှင့် ကိုယ်ခန္ဓာ၏ အင်္ဂါအစိတ်အပိုင်းတစ်ခု မဖြစ်ဘဲနေမည်မဟုတ်။-

12:16  နားကလည်း ငါသည် မျက်စိမဟုတ်သောကြောင့် ဤကိုယ်ခန္ဓာနှင့်မဆိုင်ဟုဆိုရုံမျှနှင့် ကိုယ်ခန္ဓာ၏အစိတ်အပိုင်း မဖြစ်ဘဲ နေမည်မဟုတ်။-

12:17  ကိုယ်ခန္ဓာတစ်ခုလုံးသည် မျက်စိသာ ဖြစ်ခဲ့ပါလျှင် မည်ကဲ့သို့ကြားနိုင်မည်နည်း။ ကိုယ်ခန္ဓာတစ်ခုလုံးသည် နားသာဖြစ်ခဲ့ ပါလျှင် မည်ကဲ့ သို့အနံ့ခံနိုင်ပါမည်နည်း။

12:18  သို့ရာတွင် ဘုရားသခင်သည် မိမိအလိုရှိသည့်အတိုင်း ကိုယ်ခန္ဓာတွင် အင်္ဂါအစိတ်အပိုင်းအသီးသီးကို သူ့နေရာနှင့်သူရှိစေ တော်မူ၏။-

12:19  အင်္ဂါအစိတ်အပိုင်း အားလုံးသည် တစ်ခုတည်းသာဖြစ်ခဲ့ပါလျှင် ကိုယ်ခန္ဓာသည် အဘယ်မှာရှိမည်နည်း။-

12:20  အမှန်စင်စစ် အင်္ဂါအစိတ် အပိုင်းများစွာရှိသော်လည်း ကိုယ်ခန္ဓာတစ်ခုတည်းသာရှိ၏။-

12:21  ထို့ကြောင့် မျက်စိက လက်အား ငါသည် သင့်ကို မလိုအပ်ဟုမဆိုနိုင်။ ထို့အတူ ဦးခေါင်းကလည်း ခြေအား ငါသည် သင့်ကို မလိုအပ်ဟု မဆိုနိုင်ချေ။-

12:22  အမှန်စင်စစ် အားနည်းဟန်ရှိသောကိုယ်အင်္ဂါတို့သည် မရှိမဖြစ်အသုံးဝင်ကြ၏။-

12:23  ဂုဏ်ငယ်သည်ဟုထင်ရသောကိုယ်အင်္ဂါ အစိတ်အပိုင်းများကို ငါတို့သည်ပို၍ဂရုစိုက်ကြ၏။ မတင့်တယ်သော ကိုယ်အင်္ဂါ အစိတ်အပိုင်းများကို ပို၍ပင် တင့်တယ်စွာထားရှိကြ၏။-

12:24  လှပတင့်တယ်သောကိုယ်အင်္ဂါ အစိတ်အပိုင်းတို့ကိုမူကား ထိုသို့ပြုလုပ်ရန်မလိုအပ်ပေ။-

12:25  သို့သော် ဘုရားသခင်သည် ဂုဏ်ငယ်သောကိုယ်အင်္ဂါ အစိတ်အပိုင်းများကို ပို၍ဂုဏ်ကျက်သရေရှိစေခြင်းဖြင့် ကိုယ်ခန္ဓာကို မျှတစွာဖွဲ့စည်းထားတော်မူသောကြောင့် ကိုယ်အင်္ဂါအစိတ်အပိုင်းများသည် ကိုယ်ခန္ဓာအတွင်း၌ စိတ်ဝမ်းကွဲမှုမရှိဘဲ အချင်းချင်း တစ်ခုနှင့်တစ်ခု တူညီစွာ အကျိုးပြုလျက်ရှိကြ၏။- ၂၆. ကိုယ်အင်္ဂါအစိတ်အပိုင်းတစ်ခုသည် ဝေဒနာခံစားရလျှင် အခြားသောအစိတ်အပိုင်းများ အားလုံးသည်လည်း အတူတကွ ခံစားကြရ၏။ ကိုယ်အင်္ဂါအစိတ်အပိုင်းတစ်ခုသည် ဂုဏ်ပြုချီးမွမ်းခြင်းခံရလျှင် အားလုံးသောအစိတ်အပိုင်းများသည် အတူ တကွဝမ်းမြောက်ရွှင်လန်းကြ၏။

12:27  သို့ဖြစ်၍ သင်တို့သည် ခရစ်တော်၏ကိုယ်ခန္ဓာတော်ဖြစ်ကြ၍ သင်တို့တစ်ဦးစီသည် ထိုကိုယ်ခန္ဓာတော်၏အင်္ဂါအစိတ် အပိုင်းများဖြစ်ကြ၏။-

12:28  ဘုရားသခင်သည် အသင်းတော်ထဲတွင် တာဝန်ခန့်အပ်ရာ၌ ပထမဦးစွာ တမန်တော်များကိုလည်းကောင်း၊ ဒုတိယအနေ နှင့် ပရောဖက်များကိုလည်းကောင်း၊ တတိယအနေနှင့်သွန်သင်သူများကိုလည်းကောင်း၊ ပြီးလျှင်အံ့ဖွယ်လက္ခဏာ များကိုပြ သော သူတို့ကိုလည်းကောင်း၊ ထို့နောက်မှ အနာရောဂါများကိုပျောက်ကင်းစေနိုင်သူများ၊ သူတစ်ပါးကို ကူညီသူများ၊ ရှေ့ဆောင်လမ်းပြနိုင်စွမ်းရှိသူများ၊ ဘာသာစကားအမျိုးမျိုးပြောဆိုနိုင်သူများအသီးသီးတို့ကို လည်းကောင်း ခန့်ထားတော် မူ၏။-

12:29  ထိုသူအားလုံးတို့ သည် တမန်တော်များဖြစ်ကြသလော။ အားလုံးသည် ပရောဖက်များဖြစ်ကြသလော။ အားလုံးသည် သွန်သင် သောဆရာများဖြစ်ကြသလော။ အားလုံးသည် အံ့ဖွယ်လက္ခဏာများကိုပြနိုင်ကြသလော။-

12:30  လူအားလုံးတို့၌ အနာရောဂါပျောက်ကင်းစေနိုင်သည့်ဆုကျေးဇူးရှိကြ သလော။ အားလုံးသည် ဘာသာစကားအမျိုးမျိုးကို ပြော ဆိုနိုင်ကြသလော။ အားလုံးသည် ဘာသာစကား၏ အနက်အဓိပ္ပာယ်ကို ပြန်ဆိုနိုင်ကြသလော။

12:31  သင်တို့သည် ပိုမိုမြင့်မြတ်သောဆုကျေးဇူးများကို ရရှိရန်ကြိုးပမ်းအားထုတ်ကြလော့။ ငါသည်လည်း သင် တို့အား အမွန်မြတ်ဆုံးလမ်းကို ဖော်ပြမည်။

Chapter 13

13:1  ငါသည် လူတို့၏ဘာသာစကားများနှင့် ကောင်းကင်တမန်တော်တို့၏ဘာသာစကားများကို ပြောဆိုနိုင်သော်လည်း ချစ်ခြင်းမေတ္တာမရှိလျှင် ဆူညံသောမောင်းသံကဲ့သို့လည်းကောင်း၊ အသံမြည်သော လင်းကွင်းကဲ့သို့လည်းကောင်းဖြစ်၏။-

13:2  ငါသည် ပရောဖက်ဉာဏ်ကိုရ၍ နက်နဲသောအရာရှိသမျှနှင့် အတတ်ပညာရှိသမျှတို့ကို နားလည်တတ်ကျွမ်းပြီး တောင်များကို ရွှေ့နိုင်သောယုံကြည်ခြင်းမျိုးရှိသော်လည်း ချစ်ခြင်းမေတ္တာမရှိလျှင် ငါသည် အချည်းနှီးသက်သက်ဖြစ်၏။-

13:3  ငါ၌ရှိသမျှဥစ္စာ တို့ကိုပေးကမ်းစွန့်ကြဲ၍ ငါ၏ကိုယ်ခန္ဓာကို မီးရှို့စေခြင်းငှာ အပ်နှံပူဇော်သော်လည်း ချစ်ခြင်းမေတ္တာ မရှိလျှင် ငါ ၌ အကျိုးမခံစားရ။

13:4  ချစ်ခြင်းမေတ္တာသည် အစဉ်အမြဲစိတ်ရှည်၍ ကြင်နာသနားတတ်၏။ ချစ်ခြင်းမေတ္တာသည် မနာလိုခြင်းမရှိ၊ ဝါကြွားခြင်း လည်း မရှိ။-

13:5  ၎င်း၌ မာန်မာနမရှိသကဲ့သို့ ရိုင်း ပျမှုလည်းမရှိ။ ချစ်ခြင်းမေတ္တာသည် ကိုယ်ကျိုးကိုမရှာ တတ်၊ အမျက်ဒေါသမထွက်တတ်၊ အငြိုးအတေးလည်း မထားတတ်။-

13:6  ချစ်ခြင်းမေတ္တာသည် မကောင်းသောအမှု၌ ဝမ်းမြောက်ခြင်းမရှိတတ်။ သမ္မာတရား၌မူ ဝမ်းမြောက်တတ်၏။-

13:7  ချစ်ခြင်းမေတ္တာသည် အရာရာကိုခံထမ်းနိုင်၏၊ အရာအားလုံးကို ယုံကြည်၏၊ အရာအားလုံးကိုမျှော်လင့်၏။ အရာအားလုံးကို လည်း ကြံ့ကြံ့ခံနိုင်၏။

13:8  ချစ်ခြင်းမေတ္တာသည် အဆုံးမရှိ။ ပရောဖက်တို့၏ ဟောထားချက်များသည် ပျောက်ကွယ်သွားကြလိမ့်မည်။ ဘာသာစကား အမျိုးမျိုးတို့ကိုပြောနိုင်သောလျှာ တို့သည်လည်း တိတ်ဆိတ်သွားကြလိမ့်မည်။-

13:9  အဘယ်ကြောင့်ဆိုသော် ငါတို့၏အသိပညာနှင့် ဗျာဒိတ်တော်အားဖြင့် ဟောပြောနိုင်သော ငါတို့၏အစွမ်းတို့သည် မပြည့်စုံ ပေ။-

13:10  သို့သော် စုံလင်သောအရာရောက်ရှိလာ သောအခါတွင် မစုံလင်သောအရာသည် ကွယ်ပျောက်လိမ့်မည်။-

13:11  ငါသည် ကလေးသူငယ်ဘ၀က ကလေးသူ ငယ်ကဲ့သို့ပြောဆို၍ ကလေးသူငယ်ကဲ့သို့ထင်မြင်ပြီး ကလေးသူငယ်ကဲ့သို့ စဉ်းစားဆင်ခြင်၏။ ကြီးပြင်းလာ သောအခါ၌မူကား ငါသည် ကလေးဆန်သောအလေ့ အထများကို စွန့်လွှတ်ခဲ့၏။-

13:12  အကြောင်းမူကား ငါတို့သည် ယခုအချိန်၌ ကြည့်မှန်ပေါ်တွင် မထင်မရှားတွေ့ မြင်ကြရ၏။ ထိုအချိန်အခါ၌မူကား မျက်ဝါးထင်ထင်တွေ့ မြင်ကြရလိမ့်မည်။ ငါသည် ယခုအခါ၌ စုံလင်စွာမသိပေ။ ထိုအချိန်အခါ၌မူကား ဘုရားသခင်သည် ငါ့ကိုစုံလင်စွာ သိ မြင်တော်မူသကဲ့သို့ ငါသည် စုံလင်စွာသိမြင်လိမ့်မည်။-

13:13  သို့ဖြစ်၍ ယုံကြည်ခြင်း၊ မျှော်လင့်ခြင်း၊ ချစ်ခြင်းတည်းဟူ သော ပါရမီသုံးပါးတို့သည် တည်လျက်ရှိပြီး ဤသုံးပါး တို့တွင် ချစ်ခြင်းမေတ္တာသည် အမြတ်ဆုံးဖြစ်သတည်း။

Chapter 14

14:1  သင်တို့သည် ချစ်ခြင်းမေတ္တာကိုလက်ကိုင်ပြုရန် ကြိုးပမ်းအားထုတ်ကြလော့။ ဝိညာဉ်တော်၏ ဆုကျေးဇူးတော်များကို စိတ်အားထက်သန်စွာ တောင့်တကြလော့။ အထူးသဖြင့် ပရောဖက်ဉာဏ်နှင့်ဟောပြောနိုင်သောကျေးဇူးတော်ကို တောင့်တကြ လော့။-

14:2  အကြောင်းမူကား ဘာသာစကားအမျိုးမျိုးကိုပြောဆိုကြ သောသူတို့သည် လူတို့အား ပြောဆိုခြင်းမဟုတ်ဘဲ ဘုရားသခင် အား ပြောဆိုခြင်းဖြစ်၏။ အဘယ်ကြောင့်ဆိုသော် သူ၏စကားကို မည်သူမျှနားမလည်ကြ။ သူသည် ဝိညာဉ်တော်၏တန်ခိုး အားဖြင့် နက်နဲဖွယ်ရာများကို ပြောဆိုလေ၏။-

14:3  ပရောဖက်ဉာဏ်နှင့်ဟောပြောသောသူတို့သည်ကား လူတို့အား တည်ကြည်ခိုင်မာစေခြင်းငှာ ပြုလုပ်ပေးရန်၊ အားပေးရန်နှင့် နှစ်သိမ့်မှုပေးရန်အတွက် ပြောဆိုခြင်းဖြစ်၏။-

14:4  ဘာသာစကားအမျိုးမျိုးကိုပြောဆို သောသူသည် မိမိကိုယ်ကိုသာ အကျိုးပြု၏။ ပရောဖက် ဉာဏ်နှင့်ဟောပြောသော သူသည်ကား အသင်းတော်ကို အကျိုးပြု၏။-

14:5  ငါသည် သင်တို့အားလုံးကို ဘာသာ စကားအမျိုးမျိုးပြောစေလိုသော်လည်း ပရောဖက်ဉာဏ် နှင့်ဟောပြောသောဆုကျေးဇူး ကို ပို၍ရစေလို၏။ ဘာသာစကားအမျိုးမျိုးဖြင့် ပြောဆိုသူသည် မိမိစကား၏ အနက်အဓိပ္ပာယ်ကို ရှင်းလင်းဖော်ပြနိုင်သော သူရှိမှသာလျှင် အသင်းတော်ကိုအကျိုးပြုနိုင်၏။ သို့မဟုတ်ပါက ပရောဖက်ဉာဏ်နှင့်ဟောပြောသူသည် ထိုသူထက် ပို၍ ကြီးမြတ်၏။

14:6  ညီအစ်ကိုတို့၊ ငါသည် သင်တို့ထံသို့လာ၍ ဘာသာ စကားအမျိုးမျိုးဖြင့် ပြောဆိုသော်လည်း သင်တို့အား ဗျာဒိတ်တော် စကား၊ အသိပညာ၊ ကြိုတင်ဟောထားချက်နှင့်ဆုံးမသွန်သင်ခြင်းအကြောင်းတို့ကို မပြောဆိုလျှင် သင်တို့အတွက် မည်သို့ အကျိုးရှိ မည်နည်း။-

14:7  ပလွေ၊ သို့မဟုတ် စောင်းကဲ့သို့သော အသက်မဲ့သည့်တူရိယာပင် လျှင် ထင်ရှားပြတ်သားသောတေးသံများမထွက်ပေါ်စေ လျှင် တီးမှုတ်နေသည့်တေးသွားကို မည်သူသည်သိနိုင်မည်နည်း။-

14:8  စစ်ခရာတို့သည် မပြတ်သားသောအသံကို ထွက်ပေါ်စေလျှင် မည်သူသည် စစ်ပွဲဝင်ရန် ပြင်ဆင်မည်နည်း။-

14:9  ထိုနည်းတူစွာ ဘာသာစကားအမျိုးမျိုးဖြင့် သင်တို့ပြောဆိုသည့်စကားသည် နားမလည်နိုင်သည့်အရာ ဖြစ်လျှင် အဘယ်အရာ အားပြောဆိုကြောင်း မည်သူသိရှိမည်နည်း။ သင်သည် လေထဲ၌ စကားပြောနေရလိမ့်မည်။-

14:10  ကမ္ဘာပေါ် တွင် ဘာသာစကားအမျိုးပေါင်းများစွာ ရှိသော်လည်း မည်သည့်ဘာသာစကားမျှအဓိပ္ပာယ်ကင်း မဲ့သည်ဟူ၍မရှိ။-

14:11  သို့ရာတွင် ငါသည် ဘာသာစကား တစ်ခုကို နားမလည်ပါလျှင် ပြောဆိုသူအတွက် ငါသည် တိုင်းတစ်ပါးသားဖြစ်၏။ ထိုသူသည်လည်း ငါ့အတွက် တိုင်းတစ်ပါးသားဖြစ်၏။-

14:12  သင်တို့သည်လည်း ထိုနည်း တူဖြစ်ကြ၏။ သင်တို့သည် ဝိညာဉ်တော်၏ဆုကျေးဇူးများကို လိုလားတောင့်တကြသည့် အလျောက် အသင်းတော်၏ကြီးပွားတိုးတက်မှုကို အထောက်အကူပြုမည့် ဆုကျေးဇူးတို့ဖြင့် ကြွယ်၀စေရန် ကြိုးပမ်းအားထုတ် ကြလော့။

14:13  ထို့ကြောင့် ဘာသာစကားတစ်မျိုးကိုပြောဆိုနိုင် သောသူသည် အဓိပ္ပာယ်ပြန်ဆိုနိုင်သောဆုကျေးဇူးကို ရရှိရန် ဆုတောင်း သင့်၏။-

14:14  အကြောင်းမူကား ငါသည် ဘာသာစကားတစ်မျိုးဖြင့် ဆုတောင်းပတ္ထနာပြုသောအခါ ငါ၏စိတ်ဝိညာဉ်သည် ဆုတောင်း ပတ္ထနာပြုသော်လည်း ငါ၏အသိစိတ်၌ အကျိုးမခံစားရချေ။-

14:15  ငါသည် မည်ကဲ့သို့ ပြုလုပ်ရမည်နည်း။ ငါသည် စိတ်ဝိညာဉ်နှင့်သာမက အသိစိတ်နှင့်လည်း ဆုတောင်းပတ္ထနာပြုမည်။ ငါ သည် စိတ်ဝိညာဉ်နှင့်သာမက အသိစိတ်နှင့်လည်း သီဆိုကျူးအေးမည်။-

14:16  ထိုသို့မဟုတ်လျှင် သင်တို့သည် စိတ်ဝိညာဉ်ဖြင့်သာ ကျေးဇူးတော်ကိုချီးမွမ်းပါက ဆုကျေးဇူးမရရှိသောအပြင် လူတစ်ဦး သည် သင်တို့ပြောဆိုသော စကားများကို နားမလည်သောကြောင့် သင်တို့၏ကျေးဇူးတော်ချီးမွမ်းခြင်းကို အာမင်ဟု မည်ကဲ့သို့ ပြောဆိုနိုင်မည်နည်း။-

14:17  အကြောင်းမူကား သင်သည် ဘုရားသခင်အား ကောင်းမွန်စွာ ချီးမွမ်းနိုင်မည်ဖြစ်သော်လည်း အခြားသူ တစ်ဦးအတွက် အကျိုးမရှိချေ။-

14:18  ငါသည် သင်တို့ထက် ပို၍ ဘာသာစကားအမျိုးမျိုးကို ပြောနိုင်သောကြောင့် ဘုရားသခင်၏ကျေးဇူးတော်ကို ချီးမွမ်းပါ၏။-

14:19  သို့သော် ငါသည် စုဝေးဝတ်ပြု ခြင်းများတွင် မသိနားမလည်သော ဘာသာစကားဖြင့် စကားအခွန်းတစ်သောင်းကိုပြောဆို ခြင်းထက် တစ်ပါးသူတို့အား သွန်သင်ခြင်းငှာ ထိုသူတို့ နားလည်နိုင်သောစကားငါးခွန်းကိုသာ ပြောဆိုရန် အလိုရှိ၏။

14:20  ညီအစ်ကိုတို့၊ သင်တို့သည် စဉ်းစားဆင်ခြင်ကြရာ၌ ကလေးသူငယ်ကဲ့သို့မဖြစ်စေကြနှင့်။ မကောင်းမှုနှင့် သက်ဆိုင်သော အရာများတွင် ကလေးသူငယ်များကဲ့ သို့ဖြစ်ကြလော့။ စဉ်းစားဆင်ခြင်ကြရာတွင်မူကား ရင့်ကျက်ကြလော့။-

14:21  ပညတ်တရားကျမ်း၌ ရေးထားသည် ကား ငါသည် ဤလူမျိုးအား အခြားသောဘာသာစကား ပြောသူတို့အားဖြင့် လည်းကောင်း၊ လူမျိုးခြားတို့၏နှုတ် ဖြင့်လည်းကောင်းပြောဆိုမည်။ သို့ပင်သော်လည်း သူတို့သည် ငါ့ကိုနားထောင်ကြ လိမ့်မည်မဟုတ်ဟု ထာ၀ရ ဘုရားသခင်မိန့်တော်မူ၏ဟူ၍ဖြစ်၏။-

14:22  ထို့ကြောင့် ဘာ သာစကားအမျိုးမျိုးပြောဆိုနိုင်သောဆုကျေးဇူးသည် ယုံကြည်သူတို့အတွက်မဟုတ်ဘဲ မယုံကြည်သောသူ တို့အတွက် နိမိတ်လက္ခဏာဖြစ်၏။ ပရောဖက်ဉာဏ်ဖြင့် ဟောသောဆုကျေးဇူးသည်ကား မယုံကြည်သောသူတို့အတွက် မဟုတ်ဘဲ ယုံကြည်သူတို့အတွက် နိမိတ်လက္ခ ဏာဖြစ်၏။-

14:23  ထို့ကြောင့် အသင်းတော်တစ်ခုလုံးသည် စုဝေး၍ လူအားလုံးတို့သည် ဘာသာစကားအမျိုးမျိုးကို ပြောဆိုကြလျှင် ပြင်ပလူများ၊ သို့မဟုတ် မယုံကြည်သူတို့ဝင်ရောက်လာခဲ့သည်ရှိသော် သူတို့က သင်တို့သည် ရူးသွပ်နေကြသည်ဟု ဆိုကြ လိမ့်မည်မဟုတ်လော။-

14:24  သို့သော်လည်း အားလုံးသောလူတို့သည် ပရောဖက်ဉာဏ်နှင့်ဟောပြောနေကြလျှင် မယုံကြည်သူ၊ သို့မဟုတ် ပြင်ပ လူတစ်ယောက် ဝင်ရောက်လာခဲ့သည်ရှိသော် သင်တို့အားလုံးကြောင့် သူသည် အပြစ်ရှိကြောင်းကိုသိရှိ၍ သင်တို့အားလုံး ၏ စီရင်ခြင်းကိုလည်း ခံရလိမ့်မည်။-

14:25  သူ၏ စိတ်နှလုံးအတွင်းမှလျှို့ဝှက်ထားသောအရာများသည် ပေါ်လွင်ထင်ရှားလာသဖြင့် သူသည်ပျပ်ဝပ်လျက် ဘုရား သခင်ကိုရှိခိုးကိုးကွယ်ပြီး သင်တို့၏အလယ်တွင် ဘုရား သခင်တည်ရှိတော်မူကြောင်းကို ဝန်ခံလိမ့်မည်။

14:26  ညီအစ်ကိုတို့၊ သို့ဖြစ်လျှင် ငါမည်သို့ပြုလုပ်ရမည် နည်း။ သင်တို့သည် ဝတ်ပြုကိုးကွယ်ရန် စုဝေးကြသော အခါ တစ်ဦးစီက ဓမ္မသီချင်းသီဆိုချီးမွမ်းခြင်း၊ သွန်သင်ခြင်း၊ ဗျာဒိတ်တော်ကိုပြန်ကြားပေးခြင်း၊ ဘာသာစကား အသစ်ဖြင့်ပြောဆိုခြင်း၊ အနက်အဓိပ္ပာယ်ပြန်ဆိုခြင်း စသည်တို့ကိုပြုလုပ်ကြ၏။ ဤအရာအားလုံးတို့ကို ယုံ ကြည်သူအစုအဝေးအား အကျိုးပြုစေရန် ရည်ရွယ်၍ ပြု လုပ်ကြပါလော့။-

14:27  ဘာသာစကားအသစ်ဖြင့်ပြောဆိုမည့် သူရှိလျှင် နှစ်ယောက်၊ သို့မဟုတ် အများဆုံးသုံးယောက် သာဖြစ်ပါစေ။ သူတို့သည်လည်း တစ်ယောက်စီအလှည့် ကျပြောကြပါစေ။ ထို့နောက် တစ်ယောက်က အနက် အဓိပ္ပာယ်ကို ရှင်းပြပါစေ။-

14:28  အကယ်၍ အနက်အဓိပ္ပာယ် ကို ရှင်းပြမည့်သူမရှိပါလျှင် ထိုသူအယောက်စီတိုင်းသည် တိတ်ဆိတ်စွာနေ၍ မိမိကိုယ်မိမိ အား လည်းကောင်း၊ ဘုရားသခင်အားလည်းကောင်း ပြောဆိုကြပါစေ။-

14:29  ပရောဖက်ဉာဏ်ရှိသူနှစ်ယောက်၊ သို့မဟုတ် သုံးယောက်က ဟောပြောနေစဉ် အခြားသူတို့သည် ဟောပြောချက်ကို ဆင်ခြင်သုံးသပ်ကြပါစေ။-

14:30  သို့ရာတွင် ထိုင်နေသောသူ တစ်ယောက်သည် ဘုရားသခင်၏ဗျာဒိတ်တော်ကိုခံရလျှင် ပထမပြောနေသောသူသည် တိတ်ဆိတ်စွာနေပါစေ။-

14:31  အကြောင်းမူကား လူတိုင်းသည် သွန်သင်မှုကိုခံယူ ပြီး အားတက်စေခြင်းငှာ သင်တို့အားလုံးတစ်ယော က်စီ အလှည့်ကျ ပရောဖက်ဉာဏ်နှင့်ဟောပြောနိုင်လေ၏။-

14:32  ပရောဖက်တို့၏စိတ်ဝိညာဉ်များသည် ပရောဖက်တို့ကို နာခံရမည်။-

14:33  အကြောင်းမူကား ဘုရားသခင်သည် စိတ်ရှုပ်ထွေးစေသောဘုရားမဟုတ်ဘဲ ငြိမ်းချမ်းသာယာခြင်း ကိုပေးသော ဘုရားဖြစ် တော်မူသောကြောင့်တည်း။ သန့်ရှင်းသူတို့၏အသင်းတော်များအားလုံးတွင် ပြုကျင့်ကြသည့်အတိုင်း၊-

14:34  အမျိုးသမီးများသည် ဝတ်ပြုစုဝေးခြင်းများတွင် တိတ်ဆိတ်စွာနေကြရမည်။ အကြောင်းမူကား သူတို့သည် စကားပြော ပိုင်ခွင့်မရှိကြချေ။ပညတ်တရားကျမ်းကပင် ပြဋ္ဌာန်းထားသည့်အတိုင်း အမျိုးသမီးတို့သည် နာခံကြရမည်။-

14:35  သူတို့သည် တစ်စုံတစ်ရာကို သိ ရှိလိုပါလျှင် မိမိတို့၏ခင်ပွန်းကို အိမ်၌မေးမြန်းကြပါစေ။ အကြောင်းမူကား အသင်းတော် ထဲ၌ စကားပြောဆိုခြင်းသည် အမျိုးသမီးများအတွက် ရှက်ဖွယ်ဖြစ်၏။-

14:36  ဘုရား သခင်၏နှုတ်တော်ထွက်စကားသည် သင်တို့ထံမှလာ သလော။ သို့တည်းမဟုတ် ၎င်းသည် သင်တို့ထံသို့သာ လျှင် ရောက်ရှိလာသလော။

14:37  သင်တို့ထဲတွင် မိမိကိုယ်ကိုပရောဖက်ဖြစ်သည်ဟူ၍လည်းကောင်း၊ ဝိညာဉ်တော်၏ဆုကျေးဇူးများရရှိသည် ဟူ၍လည်း ကောင်း ထင်မြင်ယူဆသောသူသည် ယခုငါရေးလိုက်သောစကားတို့မှာ ဘုရားသခင်၏ပညတ်ချက် များဖြစ်ကြောင်း သိမှတ်ဝန်ခံရမည်။-

14:38  ဤအချက်ကို အသိအမှတ်မပြုသောသူသည် အသိအမှတ်ပြုခြင်းကိုလည်း ခံရမည်မဟုတ်။-

14:39  သို့ဖြစ်၍ ငါ၏ညီအစ်ကိုတို့၊ သင် တို့သည် ပရောဖက်ဉာဏ်နှင့်ဟောပြောရန် စိတ်အားထက်သန်စွာ တောင့်တကြလော့။ အမျိုးမျိုးသောဘာ သာစကားဖြင့်ပြောဆိုခြင်းကိုလည်း မတားမြစ်ကြနှင့်။-

14:40  သို့သော်လည်း ခပ်သိမ်းသောအရာအလုံးစုံကို သင့်တင့် လျောက်ပတ်စွာဖြင့် စနစ်တကျလုပ်ဆောင်ကြပါလော့။

Chapter 15

15:1  ညီအစ်ကိုတို့၊ သင်တို့အား ငါဟောပြောခဲ့သည့် ဧဝံဂေလိသတင်းကောင်းမှာ မည်သည့်အရာကိုဆိုလိုကြောင်း ငါသည် သင်တို့အား သတိရစေလို၏။ သင်တို့သည် ထိုသတင်းကောင်းကို လက်ခံခဲ့ကြ၍ ၎င်းအားဖြင့် ဆက်လက်အသက်ရှင်ကြ၏။-

15:2  သင်တို့သည် ငါဟောပြောခဲ့သော ထိုသတင်းကောင်းကို စွဲမြဲစွာယုံ ကြည်လက်ခံလျှင် ၎င်းအားဖြင့် ကယ်တင်ခြင်းခံကြရ လိမ့်မည်။ သို့မဟုတ်လျှင် သင်တို့၏ယုံကြည်ခြင်းမှာ အချည်းနှီးဖြစ်လိမ့်မည်။

15:3  အကြောင်းမူကား ငါသည် ငါခံယူရရှိသောအရာကို သင်တို့အား ပထမဦးစွာလက်ဆင့်ကမ်းပေးခဲ့၏။ ယင်းတို့မှာ ကျမ်းစာတော်မြတ်၌ရေးထားသည့်အတိုင်း ခရစ်တော်သည် ငါတို့၏အပြစ်များအတွက် အသေခံတော်မူကြောင်း၊-

15:4  ကိုယ်တော်သည် သင်္ဂြိုဟ်ခြင်းကိုခံ၍ ကျမ်းစာတော်မြတ်၌ ရေးထားသည့်အတိုင်း သုံးရက်မြောက် သောနေ့တွင် ရှင်ပြန် ထမြောက်တော်မူကြောင်း၊-

15:5  ကိုယ်တော်သည် ပေတရုအား ထင်ရှားပြပြီးလျှင် နောက်ပိုင်း၌ တမန်တော်ကြီးတစ်ဆယ့်နှစ်ပါးတို့အား ထင်ရှားပြတော် မူကြောင်း အစရှိသည့်အချက်များပင်ဖြစ်၏။-

15:6  ထို့နောက် ကိုယ်တော်သည် ညီအစ်ကိုငါးရာကျော်တို့အား တစ်ပြိုင်တည်းထင်ရှားပြတော်မူ၏။ ထိုသူတို့အထဲမှ အချို့တို့သည် သေလွန်ကြပြီဖြစ်သော်လည်း အများစုမှာ ယနေ့တိုင်အောင် အသက်ရှင်လျက်ရှိသေး၏။-

15:7  ထို့နောက် ကိုယ်တော်သည် ယာကုပ်အား ထင်ရှားပြတော်မူ၏။ ပြီးလျှင် တမန်တော်အားလုံးတို့ကိုလည်း ထင်ရှား ပြတော်မူ၏။-

15:8  နောက်ဆုံးတွင် ကိုယ်တော်သည် လမစေ့ဘဲမွေးဖွားသောသူငယ်ကဲ့သို့ဖြစ်သည့် ငါ့ကိုလည်း ထင်ရှားပြတော်မူ၏။-

15:9  အကြောင်းမူကား ငါသည် တမန်တော်တို့တွင် အနိမ့်ကျဆုံးဖြစ်၏။ ငါသည် ဘုရားသခင်၏ အသင်းတော်ကို ညှဉ်းပန်း နှိပ်စက်ခဲ့သူဖြစ်သောကြောင့် တမန်တော်ဟုခေါ်ဆိုခြင်းကိုပင် မခံထိုက်ပေ။-

15:10  သို့ရာတွင် ဘုရားသခင်၏ ကျေးဇူးတော်အားဖြင့် ငါသည် ယခုအခြေအနေအတိုင်း တည်ရှိနေ၏။ ငါ့အား ဘုရားသခင် ပေးသနားတော်မူခဲ့သောကျေးဇူးတော်မှာ အကျိုးမဲ့ မဖြစ်ခဲ့သည့်အပြင် ငါသည် အခြားသောတမန်တော်တို့ ထက်ပို၍ကြိုးစား လုပ်ဆောင်ခဲ့၏။ သို့သော် ငါသည် ဤသို့လုပ်ဆောင်ခြင်းမဟုတ်ဘဲ ငါနှင့်အတူရှိတော်မူသော ဘုရားသခင်၏ကျေးဇူးတော်က လုပ်ဆောင်ခြင်းသာဖြစ်၏။-

15:11  သို့ဖြစ်၍ ငါဖြစ်စေ၊ သူတို့ဖြစ်စေ၊ ငါတို့အားလုံးသည် ဟောပြောခဲ့ကြ၍ သင်တို့သည်လည်း ယုံကြည်ခဲ့ကြ၏။

15:12  ခရစ်တော်သည် သေခြင်းမှရှင်ပြန်ထမြောက်တော် မူသည်ဟု ဟောပြောသည်မှာမှန်လျှင် သင်တို့အထဲမှ အချို့က သေခြင်း မှ ရှင်ပြန်ထမြောက်ခြင်းမရှိဟု အဘယ်ကြောင့်ဆိုနိုင်ကြသနည်း။-

15:13  သေခြင်းမှ ရှင်ပြန်ထမြောက် ခြင်းမရှိလျှင် ခရစ်တော်သည် ရှင်ပြန်ထမြောက်ခဲ့လိမ့်မည်မဟုတ်။-

15:14  ခရစ်တော်သည် သေခြင်းမှ ရှင်ပြန်ထမြောက် ခဲ့ခြင်းမရှိလျှင် ငါတို့၏ဟောပြောခြင်းသည် အချည်းနှီးဖြစ်၍ သင်တို့၏ ယုံကြည်ခြင်းသည်လည်း အချည်းနှီးပင်ဖြစ်လေ၏။-

15:15  ထိုမျှမက ငါတို့သည် ဘုရားသခင်အား လွဲမှား စွာသရုပ်ဖော်နေ သကဲ့သို့ပင် ဖြစ်လေပြီ။ အကြောင်းမူ ကား ဘုရားသခင် သည် ခရစ်တော်ကို ရှင်ပြန်ထမြောက် စေခဲ့ပြီဟူ၍ ကိုယ်တော်အား ငါတို့သက်သေခံခဲ့ကြ သောကြောင့်ဖြစ်၏။ အကယ်၍ သေလွန်သူတို့၌ ရှင်ပြန်ထမြောက်ခြင်းမရှိသည်မှန်လျှင် ဘုရားသခင်သည်လည်း ခရစ်တော်ကို သေခြင်းမှ ရှင်ပြန်ထမြောက် စေခဲ့ ခြင်းမရှိပေ။-

15:16  အကြောင်းမူကား သေသူတို့၏ရှင်ပြန်ထ မြောက်ခြင်းမရှိလျှင် ခရစ်တော်သည်လည်း ရှင်ပြန်ထ မြောက်ခဲ့ခြင်းမရှိပေ။-

15:17  အကယ်၍ ခရစ်တော်သည် ရှင်ပြန်ထမြောက်ခဲ့ခြင်းမရှိလျှင် သင်တို့၏ယုံကြည်ခြင်းသည် အချည်းနှီးဖြစ်၍ သင်တို့သည် လည်း သင်တို့၏ အပြစ်များထဲတွင် ဆက်လက်တည်ရှိနေကြ၏။-

15:18  သို့ဖြစ်လျှင် ခရစ်တော်၌ အိပ်ပျော်သွားကြသောသူတို့သည်လည်း ပျက်စီးဆုံးရှုံးခြင်းသို့ရောက်ကြလေပြီ။-

15:19  ငါတို့သည် ဤဘ၀အတွက်သာ ခရစ်တော်ကိုမျှော်လင့်အားကိုးခဲ့ကြပါလျှင် ငါတို့သည် လူအပေါင်းတို့တွင် သနားဖွယ် အကောင်းဆုံးသောသူများဖြစ်ကြလေပြီ။

15:20  သို့သော် ခရစ်တော်သည် အမှန်ပင် သေခြင်းမှ ရှင်ပြန်ထမြောက်တော်မူသဖြင့် အိပ်ပျော်ခဲ့သောသူတို့တွင် အဦးဆုံးသီး သောအသီးဖြစ်၏။-

15:21  အကြောင်းမူကား သေခြင်းတရားသည် လူတစ်ယောက်အားဖြင့် ဖြစ်ပေါ်လာ သကဲ့သို့ သေခြင်းမှရှင်ပြန်ထမြောက်ခြင်း တရားသည်လည်း လူတစ်ယောက်အားဖြင့်ပင် ဖြစ်ပေါ်လာလေပြီ။-

15:22  လူအပေါင်းတို့သည် အာဒံ၌ သေကြရသကဲ့သို့ ထိုသူ အားလုံးတို့သည် ခရစ်တော်၌ အသက်ရှင်ကြရလိမ့်မည်။-

15:23  သို့သော် လူအသီးသီးတို့သည် မိမိတို့အလှည့်ကျ ရှင်ပြန်ထမြောက်ကြရမည်။ ခရစ်တော်သည် ပထမဦးစွာ ရှင်ပြန် ထမြောက်တော်မူ၏။ ထို့နောက် ကိုယ်တော်ကြွ လာတော်မူသောအခါ ကိုယ်တော်၏နောက်လိုက်အဖွဲ့ ဝင်တို့သည် ရှင်ပြန် ထမြောက်ကြလိမ့်မည်။-

15:24  ထို့နောက် ကမ္ဘာကုန်ဆုံးချိန်ရောက်လာပြီးလျှင် ကိုယ်တော်သည် ရှိသမျှသောမင်းများ၊ အုပ်ချုပ်သူများနှင့် အာဏာပိုင်များ ကိုဖျက်ဆီး၍ နိုင်ငံတော်ကို ခမည်းတော်ဘုရား၏လက် တော်သို့ပေးအပ်တော်မူလိမ့်မည်။-

15:25  အကြောင်းမူကား ကိုယ်တော်သည် ရန်သူအပေါင်းတို့အား မိမိ၏ခြေဖဝါး အောက်သို့ရောက်သည့်တိုင်အောင် အုပ်စိုးရလိမ့် မည်။-

15:26  နောက်ဆုံးနှိမ်နင်းရမည့်ရန်သူကား သေခြင်းပင်ဖြစ်၏။-

15:27  အကြောင်းမူကား ဘုရားသခင်သည် အရာခပ်သိမ်းတို့ကို ကိုယ်တော်၏ခြေဖဝါးအောက်၌ ချထားတော်မူလေပြီဟု ကျမ်းစာတော်မြတ်တွင်ရေးထားသောကြောင့်ဖြစ်၏။ အရာခပ်သိမ်းတို့ကို ကိုယ်တော်၏ခြေဖဝါးအောက်၌ ချထားတော်မူ၏ ဟုဆိုရာတွင် ခပ်သိမ်းသောအရာတို့ကို ကိုယ်တော်၏ခြေဖဝါးအောက်တွင်ချထားတော်မူသော အရှင်သည် ထိုအရာများထဲတွင် မပါဝင်ကြောင်း ထင်ရှား၏။-

15:28  ခပ်သိမ်းသောအရာတို့အား သားတော်၏အုပ်စိုးမူ ကို ခံစေတော်မူသောအခါ သားတော်ကိုယ်တိုင်သည် မိမိ၏အုပ်စိုးမှု အောက်၌ အရာအားလုံးကိုချထားတော်မူ သောဘုရားသခင်၏အုပ်စိုးမှုကို ခံယူလိမ့်မည်။ ဤသို့ဖြင့် ဘုရားသခင်သည် ခပ်သိမ်းသောအရာတို့အပေါ် အပြည့် အဝအုပ်စိုးတော်မူလိမ့်မည်။

15:29  ထိုသို့မဟုတ်လျှင် သေလွန်သောသူတို့ကိုယ်စား ဆေးကြောခြင်းခံယူကြသောလူတို့၏လုပ်ရပ်မှာ မည်သို့ အဓိပ္ပာယ်ရှိမည် နည်း။ သေလွန်သောသူတို့သည် ရှင်ပြန်ထမြောက်ခြင်းမရှိလျှင် လူတို့သည် အဘယ်ကြောင့် သေသောသူတို့၏ကိုယ်စား ဆေးကြောခြင်းကိုခံယူကြသနည်း။-

15:30  အဘယ်ကြောင့် ငါကိုယ်တိုင် အချိန်နာရီတိုင်း ၌ ဘေးအန္တရာယ်ကို ရင်ဆိုင်နေရပါသနည်း။-

15:31  ညီအစ်ကိုတို့၊ ငါသည် နေ့တိုင်းသေရ၏။ ငါသည် ငါတို့၏သခင် ခရစ်တော်ယေဇူး၌ သင်တို့အတွက်ဂုဏ်ယူဝင့်ကြွား စိတ်ဖြင့် ဤကဲ့သို့ချေပပြောဆိုပါ၏။-

15:32  အကယ်၍ ငါသည် ဧဖက်ဆုမြို့မှ တောရိုင်းတိရစ္ဆာန်တို့နှင့်တိုက်ခိုက်ခဲ့ပါလျှင် လူတို့ပြောစကားအရ ငါ့အတွက် အဘယ် အကျိုးရှိပါမည်နည်း။ သေလွန်သူတို့၏ရှင်ပြန်ထမြောက်ခြင်းမရှိလျှင် ဆိုရိုးစကားရှိသည့်အတိုင်း ငါတို့သည် စားသောက် ကြကုန်အံ့။ အကြောင်းမူကား မနက်ဖြန်တွင် ငါတို့သေ ကြလိမ့်မည်ဖြစ်သောကြောင့်တည်း။-

15:33  သင်တို့သည် လှည့်ဖြားခြင်းမခံကြရစေနှင့်။ မကောင်းသောအပေါင်း အသင်းသည် ကောင်းမြတ်သောအကျင့်သိက္ခာကို ဖျက် ဆီးတတ်၏။-

15:34  အမြင်မှန်ရကြလော့။ အပြစ်ဒုစရိုက်များ ကို မပြုကြနှင့်။ အကြောင်းမူကား အချို့သောသူတို့သည် ဘုရားသခင်ကိုမသိကြ။ ငါသည် သင်တို့ရှက်တတ်စေ ရန် ဤသို့ပြောဆိုခြင်းဖြစ်၏။

15:35  သို့သော် တစ်စုံတစ်ယောက်က သေလွန်သူတို့သည် မည်ကဲ့သို့ရှင်ပြန်ထမြောက်ကြပါသနည်း၊ သူတို့သည်မည်ကဲ့ သို့သောကိုယ်ခန္ဓာမျိုးဖြင့် ပြန်လာကြမည်နည်းဟု မေးမြန်းပေလိမ့်မည်။-

15:36  အသင်လူမိုက်၊ သင်စိုက်ပျိုးသောမျိုးစေ့သည် ဦးစွာမပျက်စီးဘဲ အပင်မပေါက်တတ်။-

15:37  သင်စိုက်ပျိုးသောအရာသည် နောင်တွင် ဖြစ်ပေါ်လာမည့်အပင်၏ကိုယ်ထည်မဟုတ်ဘဲ အစေ့တစ်စေ့မျှသာဖြစ်၏။ ယင်းသည် ဂျုံစေ့၊ သို့မဟုတ် အခြားသော မျိုးစေ့တစ်ခုခုဖြစ်နိုင်၏။-

15:38  ဘုရားသခင်သည် မိမိ၏အလို တော်နှင့်အညီ ထိုမျိုးစေ့အား ကိုယ်ထည်ကိုပေးတော် မူ၏။ မျိုးစေ့အသီးသီးတို့အားလည်း ၎င်းတို့နှင့်သင့်လျော် သည့် ကိုယ်ထည်ကိုပေးတော်မူ၏။-

15:39  အကြောင်းမူကား အားလုံးသောသက်ရှိသတ္တဝါတို့၏အသားသည် တစ်မျိုး တည်းမဟုတ်။ လူ၏အသားသည် တစ်မျိုးဖြစ်၍ တိရစ္ဆာန်၏အသားသည် တစ်မျိုးဖြစ်၏။ ငှက်၏အသားသည် တစ် မျိုးဖြစ်၍ ငါး၏အသားသည်လည်း တစ်မျိုးဖြစ်လေ၏။-

15:40  ကောင်းကင်၌ရှိသောအရာတို့၏ကိုယ်ထည်များနှင့် မြေကြီးပေါ်၌ရှိသောအရာတို့၏ကိုယ်ထည်များဟူ၍ လည်း ရှိကြ၏။ ကောင်းကင်၌ရှိသောကိုယ်ထည်များ၏ လှပတင့်တယ်ခြင်းသည် တစ်မျိုးဖြစ်၍ မြေကြီးပေါ် ၌ရှိ သောကိုယ်ထည်များ၏ လှပတင့်တယ်ခြင်းသည် တစ်မျိုးဖြစ်၏။-

15:41  နေ၏ဂုဏ်ကျက်သရေသည်တစ်မျိုး၊ လ၏ဂုဏ်ကျက်သရေသည် တစ်မျိုး၊ ကြယ်များ၏ဂုဏ်ကျက် သရေသည် တစ်မျိုးဖြစ် ကြ၏။ အကြောင်းမူကား ကြယ်တစ်လုံးနှင့်တစ်လုံးတို့ပင်လျှင် ဂုဏ်ကျက်သရေချင်း မတူညီကြချေ။

15:42  သေလွန်သူတို့၏ရှင်ပြန်ထမြောက်ခြင်းသည်လည်း ဤအတိုင်းပင်ဖြစ်၏။ စိုက်ပျိုးထားသောအရာသည် ဆွေးမြည့် ပျက်စီးတတ်၍ ရှင်သန်လာသောအရာသည် ဆွေးမြည့်ပျက်စီးခြင်းမရှိချေ။-

15:43  ၎င်းကို ဂုဏ်သရေမဲ့စွာ စိုက်ပျိုးထားသော်လည်း ဘုန်းကျက်သရေနှင့် ရှင်သန်လာ၏။ ၎င်းကို အားနည်းသည့် အဖြစ်အခြေ အနေ၌ စိုက်ပျိုးထားသော်လည်း ဘုန်းတန်ခိုးနှင့်ရှင်သန်လာလေ၏။-

15:44  ၎င်းကို ရုပ်ခန္ဓာဖြင့်စိုက်ပျိုးထားသော်လည်း ဝိညာဉ်ခန္ဓာနှင့်ရှင်ပြန်ထမြောက်လာ၏။ ကာယနှင့်ဆိုင် သောခန္ဓာကိုယ်ရှိ လျှင် ဝိညာဉ်နှင့်ဆိုင်သောခန္ဓာကိုယ်လည်းရှိ၏။-

15:45  သို့ဖြစ်၍ ပထမဆုံးလူသားဖြစ်သော အာဒံသည် သက်ရှိသတ္တဝါဖြစ်လာ၏ဟု ကျမ်းစာတော်မြတ်တွင်ရေးထားခြင်းဖြစ်၏။ နောက်ဆုံးသောအာဒံသည်ကား အသက်ကိုပေးသောဝိညာဉ်တော်ဖြစ်၏။-

15:46  သို့ရာ တွင် ဝိညာဉ်နှင့်ဆိုင်သောခန္ဓာသည် ပထမဦးစွာဖြစ်ပေါ် လာသည်မဟုတ်ပေ။ ရုပ်ခန္ဓာဖြစ်ပေါ် ပြီးမှသာ ဝိညာဉ်နှင့် ဆိုင်သောခန္ဓာဖြစ်ပေါ်လာ၏။-

15:47  ပထမဆုံးလူသား အာဒံသည် မြေမှုန့်ဖြင့် ဖန်ဆင်းခြင်းခံရ၍ မြေကြီးမှလာသူဖြစ်၏။ ဒုတိယအာဒံသည်ကား ကောင်းကင်မှ ကြွလာသူဖြစ်၏။-

15:48  မြေကြီးသားတို့သည် မြေမှုန့်မှဖန်ဆင်းခံရသော လူကဲ့သို့ဖြစ်လာကြ၏။ ကောင်းကင်သားတို့သည် ကောင်းကင်မှလာ သော လူကဲ့သို့ဖြစ်လာကြ၏။-

15:49  ငါတို့သည် မြေမှုန့်မှ ဖန်ဆင်းခြင်းခံရသူ၏ပုံသဏ္ဌာန်ဖြင့် မွေးဖွားလာကြသကဲ့သို့ ကောင်းကင်မှလာသောလူသား၏ ပုံသဏ္ဌာန်ကိုလည်း ဆောင်ကြရမည်။-

15:50  ညီအစ်ကိုတို့၊ သင်တို့အား ငါဆိုလိုသည်မှာ အသွေးနှင့်အသားတို့ဖြင့် ဘုရားသခင်၏နိုင်ငံတော်ကို အမွေမခံနိုင်ရာ။ သေကြေ ပျက်စီးတတ်သောအရာသည် မသေကြေမပျက်စီးတတ် သောအရာကို မဆက်ခံနိုင်ပေ။

15:51  လျှို့ဝှက်နက်နဲရာကို သင်တို့အား ယခုငါပြောမည်။

15:52  ငါတို့အားလုံးသည် အိပ်ပျော်ကြမည်မဟုတ်။ သို့ရာတွင် နောက်ဆုံး တံပိုးခရာမှုတ်သောအခါ ငါတို့အားလုံးသည် မျက်စိတစ်မှိတ်၊ လျှပ်တစ်ပြက်အချိန်အတွင်း၌ ပြောင်းလဲကြရလိမ့်မည်။ အကြောင်းမူကား တံပိုးခရာမှုတ်သော အခါ သေလွန်သူတို့သည် မသေကြေမပျက်စီးတတ် သောအဖြစ်သို့ ရှင်ပြန်ထမြောက်ကြ လိမ့်မည်။ ထိုအခါ ငါတို့သည်လည်း ပြောင်းလဲကြရလိမ့်မည်။-

15:53  အကြောင်း မူကား ဤပုပ်ပျက်တတ်သောအရာသည် မပုပ်ပျက်နိုင် သောအရာကိုဆင်မြန်းရမည်။ သေကြေတတ်သောအ ရာသည် မသေကြေနိုင်သောအရာကိုဆင်မြန်းရမည်။-

15:54  ပုပ်ပျက်တတ်သောအရာသည် မပုပ်ပျက်နိုင်သောအရာ ကိုဆင်မြန်း၍ သေကြေတတ်သောအရာသည် မသေနိုင်သော အရာကိုဆင်မြန်းသောအခါ ကျမ်းစာတော်မြတ်၌ ရေးသားထားသောကျမ်းစကားသည် ပြည့်စုံခြင်းသို့ ရောက်လိမ့်မည်။ ကျမ်းစကားသည်ကား သေခြင်းသည် အောင်မြင်ခြင်း၌ ဝါးမျိုခြင်းကိုခံရလေပြီ။-

15:55  အိုသေမင်း၊ သင်၏အောင်မြင်ခြင်းကား အဘယ်မှာနည်း။ အိုသေမင်း၊ သင်၏အဆိပ်ဆူးကား အဘယ်မှာနည်း ဟူ၍ဖြစ် ၏။-

15:56  သေမင်း၏အဆိပ်ဆူးကား အပြစ်ဒုစရိုက်ပေတည်း။ အပြစ်ဒုစရိုက်၏တန်ခိုးကား ပညတ်တရားပေတည်း။-

15:57  သို့ရာတွင် ငါတို့၏သခင် ယေဇူးခရစ်တော်အားဖြင့် ငါတို့အား အောင်မြင်ခြင်းကိုပေးတော်မူသော ဘုရားသခင်၏ကျေးဇူး တော် ကိုချီးမွမ်းပါ၏။

15:58  သို့ဖြစ်၍ ငါချစ်ခင်ရသောညီအစ်ကိုတို့၊ တည်ကြည်ခိုင်မာစွာရပ်တည်ကြလော့။ သခင်ဘုရား၏အမှုတော်မြတ်ကို ဆောင်ရွက်ခြင်းသည် မည်သည့်အခါမျှ အချည်းနှီးမဖြစ်ကြောင်းသိမှတ်လျက် ကိုယ်တော်၏အမှုတော်မြတ်ကို အစဉ်ထမ်း ရွက်ကြလော့။

Chapter 16

16:1  ဂျူဒေးယပြည်ရှိ ဘုရားသခင်၏လူမျိုးတော်ကို ကူညီထောက်ပံ့သောအလှူငွေများနှင့်စပ်လျဉ်း၍ ဂါလားဆီယာမြို့၌ရှိသော အသင်းတော်များအား ငါမှာကြားထားသည့်အတိုင်း သင်တို့သည်လည်း ပြုလုပ်ကြလော့။-

16:2  ရက်သတ္တပတ်တိုင်း၏ပထမနေ့၌ သင်တို့တစ်ဦး စီသည် မိမိရရှိသောဝင်ငွေများမှ သီးသန့်ဖယ်၍ စုဆောင်း ထားကြလော့။ ဤသို့ဖြင့် ငါရောက်လာသောအခါ အလှူ ငွေကောက်ခံရန် မလိုတော့ချေ။-

16:3  ငါရောက်လာသော အခါ သင်တို့အတည်ပြုရွေးချယ်ထားသူများအား ငါ၏ စာနှင့်အတူ ထိုအလှူငွေများကို ဂျေရုဆလင်မြို့သို့ ယူ ဆောင်သွားရန် ငါစေလွှတ်မည်။-

16:4  အကယ်၍ ငါသွား ရန်လိုအပ်ပါလျှင် ထိုသူတို့သည် ငါနှင့်အတူလိုက်လာ ကြလိမ့်မည်။

16:5  ငါသည် မာစီဒိုးနိယပြည်ဘက်မှလာမည်ဟု ရည်ရွယ်ထားသောကြောင့် ထိုပြည်တစ်လျှောက် ခရီးပြုပြီးမှ သင်တို့ထံသို့ လာမည်။-

16:6  ငါသည် သင်တို့နှင့်အတူ ကာလအတန်ကြာနေနိုင်လိမ့်မည်ဟုထင်ပါ၏။ ဖြစ်နိုင်လျှင် ဆောင်းတွင်းတစ်ခုလုံးပင် သင်တို့နှင့် အတူ ငါနေမည်။ ထို့နောက်မှ မည်သည့်အရပ်သို့ ငါသွားသည်ဖြစ်စေ၊ ငါသွားရမည့်ခရီးအတွက် သင်တို့ကူညီနိုင်လိမ့်မည်ဟု ငါ မျှော်လင့်ပါ၏။-

16:7  ငါသည် သင်တို့ထံသို့ ခေတ္တဖြတ်သန်းသွားရရုံကို မလိုလားပါ။ သခင်ဘုရားအခွင့်ပြုပါက ငါသည် အချိန်အတန်ကြာ သင်တို့နှင့်အတူနေရန် မျှော်လင့်ပါ၏။-

16:8  သို့သော် ငါသည် ပင်တေကော့စတေပွဲတော် နေ့တိုင်အောင် ဧဖက်ဆုမြို့ ၌နေမည်။-

16:9  အကြောင်းမူကား ထိုမြို့၌ အရေးပါ၍ အခွင့်အလမ်းသာသောတံခါးသည် ငါ့အတွက် ကျယ်ပြန့်စွာဖွင့်ထားလျက်ရှိ၍ ငါတို့ကို ဆန့် ကျင်ဘက်ပြုသူများစွာလည်း ရှိကြ၏။

16:10  သင်တို့ထံသို့ တီမောသီဦးရောက်ရှိလာသောအခါ သူ့အား သင်တို့အကြားတွင် ငြိမ်းအေးစွာနေနိုင်ရန်ကြို ဆိုလက်ခံကြ လော့။ အကြောင်းမူကား သူသည် ငါကဲ့ သို့ပင် သခင်ဘုရား၏အမှုတော်ကိုဆောင်ရွက်နေသူဖြစ်၏။-

16:11  မည်သူမျှ သူ့ကို မထီလေးစားမပြုစေနှင့်။ ငါသည် ညီအစ်ကိုများနှင့်အတူ သူ့ကို စောင့်မျှော်လျက်ရှိသောကြောင့် ငါ့ထံသို့ သူပြန်လာနိုင်စေရန် သူ့ကိုငြိမ်းချမ်းသာ ယာစွာ ကူညီကြလော့။

16:12  ငါတို့၏ညီတော်အာပိုလိုနှင့်စပ်လျဉ်း၍ပြောရလျှင် သူ့အား အခြားညီအစ်ကိုများနှင့်အတူ သင်တို့ထံသို့လာရောက်လည် ပတ်ရန် ငါများစွာတိုက်တွန်းပါ၏။ သို့သော် ယခုအချိန်၌သွားရန် အခါမသင့်သေးဟု သူယုံကြည်ထား၏။ သူ၌အခွင့်အလမ်း သာသောအခါ သူရောက် လာလိမ့်မည်။

16:13  သတိဝီရိယရှိကြလော့။ ယုံကြည်ခြင်း၌ တည်ကြည်ခိုင်မာကြ၍ ရဲစွမ်းသတ္တိရှိကြလော့။-

16:14  သင်တို့ပြုမူ သမျှသောအမှုတို့ကို ချစ်ခြင်းမေတ္တာ၌ ပြုမူကြလော့။

16:15  ညီအစ်ကိုတို့၊ စတေဖာနာ့နှင့် သူ၏မိသားစုသည် အာခါယာပြည်တွင် ပထမဦးဆုံးခရစ်ယာန်များဖြစ်လာ ခဲ့ကြသည်ကို သင်တို့သိကြ၏။ သူတို့သည် သန့်ရှင်းသူ များကိုကူညီစောင့်ရှောက်ရန် မိမိတို့ကိုယ်ကိုဆက်ကပ် ထားကြ၏။-

16:16  သင်တို့သည် ထိုသို့သောသူများနှင့် အမှုတော်ဆောင်လုပ်ဖော်ကိုင်ဖက်ရှိသမျှတို့ကိုနာခံကြရန် ငါမေတ္တာရပ်ခံပါ၏။-

16:17  စတေဖာနာ့၊ ဖော်ကြူနာတုနှင့် အာခိုင်ကုတို့ရောက်လာသဖြင့် ငါဝမ်းမြောက်၏။ အကြောင်းမူကား ထိုသူတို့သည် သင်တို့၏ကိုယ်စား ငါ့အားပြုစုပေး ခဲ့ကြ၏။-

16:18  သူတို့သည် သင်တို့၏ စိတ်နှလုံးကိုရွှင်လန်းစေသကဲ့သို့ ငါ၏စိတ်နှလုံးကိုလည်း ရွှင်လန်းစေခဲ့ကြ၏။ ထိုကဲ့သို့သော သူတို့ ကို အသိအမှတ်ပြုကြလော့။

16:19  အာရှပြည်ရှိ အသင်းတော်များက သင်တို့အားနှုတ်ဆက်လိုက်ပါ၏။ အာကွိလ၊ ပရစ္စကာနှင့် သူတို့၏အိမ်တွင်စုဝေးကြ သော အသင်းတော်ကလည်း သင်တို့အား သခင်ဘုရား၌ လှိုက်လှဲစွာနှုတ်ဆက်လိုက်ပါ၏။-

16:20  ညီအစ်ကိုအားလုံးတို့ကလည်း သင်တို့ကို နှုတ်ဆက်လိုက် ပါ၏။ သင်တို့အချင်းချင်း သန့်ရှင်းသောအနမ်းဖြင့် နှုတ် ဆက်ကြလော့။

16:21  ငါပေါလုသည် ဤနှုတ်ဆက်စကားကို ငါကိုယ်တိုင် ရေးသားလိုက်ပါ၏။-

16:22  မည်သူမဆို သခင်ဘုရားကိုမချစ်လျှင် ကျိန်စာသင့်စေသတည်း။ “မာရာနာသ”။ အကျွန်ုပ် တို့၏သခင်ဘုရား၊ ကြွလာတော် မူပါ။-

16:23  ယေဇူးသခင်၏ ကျေးဇူးတော်သည် သင်တို့နှင့်အတူရှိစေသတည်း။-

16:24  ခရစ်တော်ယေဇူး၌ ငါ၏ချစ်ခြင်းမေတ္တာသည် သင်တို့ အားလုံးနှင့်အတူရှိပါစေသော်။ အာမင်။