ABPGRK - Joshua

Chapter 1

1:1  και εγένετο μετά την τελευτήν Μωυσή δούλου κυρίου και είπε κύριος τω Ιησού υιώ Ναυή τω υπουργώ Μωυσή λέγων

1:2  Μωυσής ο θεράπων μου τετελεύτηκε νυν ουν αναστάς διάβηθι τον Ιορδάνην συ και πας ο λαός ούτος εις την γην ην εγώ δίδωμι αυτοίς

1:3  πας ο τόπος εφ΄ ον αν επιβή τω ίχνη των ποδών υμών υμίν δώσω αυτόν ον τρόπον είρηκα τω Μωυσή

1:4  την έρημον και τον Αντιλίβανον έως του ποταμού του μεγάλου ποταμού Ευφράτου πάσαν γην Εταίων και έως της θαλάσσης της μεγάλης αφ΄ ηλίου δυσμών έσται τα όρια υμών

1:5  ουκ αντιστήσεται άνθρωπος κατενώπιον υμών πάσας τας ημέρας της ζωής σου και ώσπερ ήμην μετά Μωυσή ούτως έσομαι και μετά σου και ουκ εγκαταλείψω σε ουδ΄ υπερόψομαί σε

1:6  ίσχυε και ανδρίζου συ γαρ αποδιελείς τω λαώ τούτω την γην ην ώμοσα τοις πατράσιν υμών δούναι αυτοίς

1:7  ίσχυε ουν και ανδρίζου φυλάσσεσθαι και ποιείν καθότι ενετείλατό σοι Μωυσής ο παις μου και ουκ εκκλινείς απ΄ αυτών εις δεξιά η εις αριστερά ίνα συνής εν πάσιν οις εάν πράξης

1:8  και ουκ αποστήσεται η βίβλος του νόμου τούτου εκ του στόματός σου και μελετήσεις εν αυτώ ημέρας και νυκτός ίνα συνής ποιείν πάντα τα γεγραμμένα εν αυτώ τότε ευοδώσεις τας οδούς σου και τότε συνήσεις

1:9  ιδού εντέλλομαί σοι ίσχυε και ανδρίζου μη δειλιάσης μηδέ πτοηθής ότι μετά σου κύριος ο θεός σου εις πάντα τόπον ου εάν πορεύση

1:10  και ενετείλατο Ιησούς τοις γραμματεύσι του λαού λέγων

1:11  εισέλθετε κατά μέσον της παρεμβολής του λαού και εντείλασθε τω λαώ λέγοντες ετοιμάζεσθε επισιτισμόν ότι έτι τρεις ημέραι και υμείς διαβαίνετε τον Ιορδάνην τούτον εισελθόντες κατασχείν την γην ην κύριος ο θεός των πατέρων υμών δίδωσιν υμίν

1:12  και τω Ρουβήν και τω Γαδ και τω ημίσει φυλής Μανασσή είπεν Ιησούς

1:13  μνήσθητε το ρήμα κυρίου ο ενετείλατο υμίν Μωυσής ο παις κυρίου λέγων κύριος ο θεός υμών κατέπαυσεν υμάς και έδωκεν υμίν την γην ταύτην

1:14  αι γυναίκες υμών και τα παιδία υμών και τα κτήνη υμών κατοικείτωσαν εν τη γη η έδωκεν υμίν Μωυσής πέραν του Ιορδάνου υμείς δε διαβήσεσθε εύζωνοι πρότεροι των αδελφών υμών πας ο ισχύων και συμμαχήσετε αυτοίς

1:15  έως αν καταπαύση κύριος ο θεός υμών τους αδελφούς υμών ώσπερ και υμάς και κληρονομήσωσι και ούτοι την γην ην κύριος ο θεός υμών δίδωσιν αυτοίς και απελεύσεσθε έκαστος εις την κληρονομίαν εαυτού ην έδωκεν υμίν Μωυσής εν τω πέραν του Ιορδάνου απ΄ ανατολών ηλίου

1:16  και αποκριθέντες τω Ιησού είπαν πάντα όσα εάν εντείλη ημίν ποιήσομεν και εις πάντα τόπον ου εάν αποστείλης ημάς πορευσόμεθα

1:17  κατά πάντα όσα ηκούσαμεν Μωυσή ακουσόμεθά σου πλην έστω κύριος ο θεός ημών μετά σου ον τρόπον ην μετά Μωυσή

1:18  ο δε άνθρωπος ος αν απειθήση σοι και ος αν μη ακούση των ρημάτων σου καθότι αν εντείλη αυτώ αποθανέτω αλλά ίσχυε και ανδρίζου

Chapter 2

2:1  και απέστειλεν Ιησούς υιός Ναυή εκ Σαττίν δύο άνδρας κατασκοπεύσαι λέγων ανάβητε και ίδετε την γην και την Ιεριχώ και πορευθέντες εισήλθον εις οικίαν γυναικός πόρνης η όνομα Ραάβ και κατέλυσαν εκεί

2:2  και απηγγέλη τω βασιλεί Ιεριχώ λέγοντες εισπεπόρευνται ώδε άνδρες των υιών Ισραήλ κατασκοπεύσαι την γην

2:3  και απέστειλεν ο βασιλεύς Ιεριχώ και είπε προς Ραάβ λέγων εξάγαγε τους άνδρας τους εισπεπορευμένους εις την οικίαν σου την νύκτα κατασκοπεύσαι γαρ την γην ήκασι

2:4  και λαβούσα η γυνή τους δύο άνδρας έκρυψεν αυτούς και είπεν αυτοίς λέγουσα εισεληλύθασι προς με οι άνδρες και ουκ οίδα πόθεν ήσαν

2:5  ως δε η πύλη εκλείετο εν τω σκότει και οι άνδρες εξήλθον ουκ επίσταμαι που πεπόρευνται καταδίωξατε οπίσω αυτών και καταλήψεσθε αυτούς

2:6  αυτή δε ανεβίβασεν αυτούς επί το δώμα και έκρυψεν αυτούς εν τη λινοκαλάμη τη εστοιβασμένη αυτή επί του δώματος

2:7  και οι άνδρες κατεδίωξαν οπίσω αυτών οδόν την επί του Ιορδάνου επί τας διαβάσεις και η πύλη εκλείσθη

2:8  και εγένετο ως εξήλθοσαν οι καταδιώκοντες οπίσω αυτών και πριν η κοιμηθήναι αυτούς και αυτή ανέβη επί τω δώμα προς αυτούς

2:9  και είπε προς αυτούς επίσταμαι ότι έδωκεν υμίν κύριος την γην επιπέπτωκε γαρ ο φόβος υμών εφ΄ ημάς και κατέπτησον πάντες οι κατοικούντες την γην αφ΄ υμών

2:10  ακηκόαμεν γαρ ότι κατεξήρανε κύριος ο θεός την θάλασσαν την ερυθράν από προσώπου υμών ότε εξεπορεύεσθε εξ Αιγύπτου και όσα εποιήσατε τοις δυσί βασιλεύσι των Αμορραίων οι ήσαν πέραν του Ιορδάνου τω Σηών και τω Ωγ ους εξωλοθρεύσατε αυτούς

2:11  και ακούσαντες ημείς εξέστημεν τη καρδία ημών και ουκ έστη έτι πνεύμα εν ουδενί από προσώπου υμών ότι κύριος ο θεός υμών θεός εν ουρανώ άνω και επί της γης κάτω

2:12  και νυν ομόσατέ μοι κύριον τον θεόν ότι ποιώ υμίν έλεος και ποιήσετε και υμείς έλεος εν τω οίκω του πατρός μου και δώσετέ μοι σημείον αληθινόν

2:13  ζωγρήσατε τον οίκον του πατρός μου και την μητέρα μου και τους αδελφούς μου και τας αδελφάς μου και πάντα τον οίκόν μου και πάντα όσα εστίν αυτοίς και εξελείσθε την ψυχήν ημων εκ θανάτου

2:14  και είπαν αυτή οι άνδρες η ψυχή ημών ανθ΄ υμών εις θάνατον και αυτή είπεν ως αν παραδώ κύριος υμίν την πόλιν ποιήσετε εις εμέ έλεος και αλήθειαν

2:15  και κατεχάλασεν αυτούς διά της θυρίδος ότι ο οίκος αυτής εν τω τείχει και εν τω τείχει αυτή κατώκει

2:16  και είπεν αυτοίς εις την ορεινήν απέλθατε μη συναντήσωσιν υμίν οι καταδιώκοντες και κρυβήσεσθε εκεί τρεις ημέρας έως αν αποστρέψωσιν οι καταδιώκοντες οπίσω υμών και μετά ταύτα απελεύσεσθε εις την οδόν υμών

2:17  και είπαν προς αυτήν οι άνδρες αθώοι εσμέν τω όρκω σου τούτω

2:18  ιδού ημείς εισπορευόμεθα εις μέρος της πόλεως και θήσεις το σημείον το σπαρτίον το κόκκινον τούτο εκδήσεις εις την θυρίδα δι΄ ης κατεβίβασας ημάς δι΄ αυτής και τον πατέρα σου και την μητέρα σου και τους αδελφούς σου και πάντα τον οίκον του πατρός σου συνάξεις προς σεαυτήν εις την οικίαν σου

2:19  και έσται πας ος αν εξέλθη την θύραν της οικίας σου έξω ένοχος εαυτώ έσται ημείς δε αθώοι τω όρκω σου τούτω και όσοι αν γένωνται μετά σου εν τη οικία σου ημείς ένοχοι εσόμεθα εάν χειρ άψηται αυτού

2:20  εάν δε τις ημάς αδικήση και αποκαλύψη τους λόγους ημών τούτους εσόμεθα αθώοι τω όρκω σου τούτω ω ώρκισας ημάς

2:21  και είπεν αυτοίς κατά το ρήμα υμών ούτως έστω και εξαπέστειλεν αυτούς και επορεύθησαν και έδησεν το σημείον το κόκκινον εν τη θυρίδι

2:22  και επορεύθησαν και ήλθοσαν εις την ορεινήν και κατέμειναν εκεί τρεις ημέρας έως επέστρεψαν οι διώκοντες και εξεζήτησαν οι καταδιώκοντες πάσας τας οδούς και ουχ εύρον

2:23  και άπεστρεψαν οι δύο νεανίσκοι και κατέβησαν εκ του όρους και διέβησαν και ήλθοσαν προς τον Ιησούν υιόν Ναυή και διηγήσαντο αυτώ πάντα τα συμβεβηκότα αυτοίς

2:24  και είπαν προς Ιησούν ότι παραδέδωκε κύριος πάσαν την γην εν χειρί ημών και κατέπτηκε πας ο κατοικών την γην εκείνην αφ΄ ημών

Chapter 3

3:1  και ώρθρισεν Ιησούς τοπρωϊ και απήραν εκ Σαττίν και ήλθον έως του Ιορδάνου αυτός και πάντες οι υιοί Ισραήλ και κατέλυσαν εκεί προ του διαβήναι

3:2  και εγενήθη μετά τρεις ημέρας διήλθον οι γραμματείς δια της παρεμβολής

3:3  και ενετείλαντο τω λαώ λέγοντες όταν ίδητε την κιβωτόν της διαθήκης κυρίου του θεού ημών και τους ιερείς και τους Λευίτας αίροντας αυτήν και υμείς απαρείτε από τον τόπον υμών και πορεύεσθε οπίσω αυτής

3:4  αλλά μακράν έστω αναμέσον υμών και εκείνης όσον δισχιλίους πήχεις στήσεσθε μη προσεγγίσητε αυτή ίνα επίστησθε την οδόν ην πορεύεσθε εν αυτή ου γαρ πεπόρευσθε την οδόν απ΄ εχθές και τρίτης ημέρας

3:5  και είπεν Ιησούς τω λαώ αγιάσασθε εις την αύριον ότι αύριον ποιήσει κύριος εν υμίν θαυμάσια

3:6  και είπεν Ιησούς τοις ιερεύσι λέγων άρατε την κιβωτόν της διαθήκης κυρίου και προπορεύεσθε έμπροσθεν του λαού και ήραν οι ιερείς την κιβωτόν της διαθήκης κυρίου και επορεύοντο έμπροσθεν του λαού

3:7  και είπε κύριος προς Ιησούν εν τη ημέρα ταύτη άρχομαι του υψώσαί σε κατενώπιον πάντων υιών Ισραήλ ίνα γνώσιν καθότι ήμην μετά Μωυσή ούτως έσομαι και μετά σου

3:8  και νυν έντειλαι τοις ιερεύσι τοις αίρουσι την κιβωτόν της διαθήκης λέγων ως αν εισέλθητε επί μέρους του ύδατος του Ιορδάνου και εν τω Ιορδάνη στήσεσθε

3:9  και είπεν Ιησούς τοις υιοίς Ισραήλ προσαγάγετε ώδε και ακούσατε το ρήμα κυρίου του θεού υμών

3:10  και είπεν Ιησούς εν τούτω γνώσεσθε ότι θεός ζών εν υμίν και ολοθρεύων ολοθρεύσει από προσώπου ημών τον Χαναναίον και τον Χετταίον και τον Ευαίον και τον Φερεζαίον και τον Αμορραίον και τον Γεργεσαίον και τον Ιεβουσαίον

3:11  ιδού η κιβωτός διαθήκης κυρίου πάσης της γης διαβαίνει έμπροσθεν υμών τον Ιορδάνην

3:12  και νυν προχειρίσασθε υμίν δώδεκα άνδρας από των υιών Ισραήλ ένα αφ΄ εκάστης φυλής

3:13  και έσται ως αν καταπαύσωσιν οι πόδες των ιερέων των αιρόντων την κιβωτόν της διαθήκης κυρίου πάσης της γης εν τω ύδατι του Ιορδάνου το ύδωρ του Ιορδάνου εκλείψει το δε ύδωρ το καταβαίνον στήσεται άνωθεν ως σωρός

3:14  και εγένετο ως απήρεν ο λαός εκ των σκηνωμάτων αυτών διαβήναι τον Ιορδάνην οι δε ιερείς ήραν την κιβωτόν της διαθήκης κυρίου πρότεροι του λαού

3:15  ως δε εισεπορεύοντο οι ιερείς οι αίροντες την κιβωτόν της διαθήκης επί τον Ιορδάνην και οι πόδες των ιερέων των αιρόντων την κιβωτόν εβάφησαν εις μέρος του ύδατος του Ιορδάνου ο δε Ιορδάνης επληρούτο καθ΄ όλην την κρηπίδα αυτού ως εν ημέραις θερισμού

3:16  και έστησαν τα ύδατα τα καταβαίνοντα άνωθεν έστη πήγμα εν αφεστηκός μακράν σφόδρα σφοδρώς απο Αδαμί της πόλεως έως μέρους Καριαθιαρίμ το δε καταβαίνον κατέβη εις την θάλασσαν Αραβά θάλασσαν των αλών έως εις το τέλος εξέλιπε και ο λαός ειστήκει απέναντι Ιεριχώ

3:17  και έστησαν οι ιερείς οι αίροντες την κιβωτόν της διαθήκης κυρίου επί ξηράς εν μέσω του Ιορδάνου ετοίμως και πάντες οι υιοί Ισραήλ δίεβησαν διά ξηράς έως ου συνετέλεσε πας ο λαός διαβαίνων τον Ιορδάνην

Chapter 4

4:1  και επεί συνετέλεσε πας ο λαός διαβαίνων τον Ιορδάνην και είπε κύριος προς Ιησούν λέγων

4:2  παραλαβών δώδεκα άνδρας από του λαού άνδρα ένα αφ΄ εκάστης φυλής

4:3  σύνταξον αυτοίς λέγων ανέλεσθε αυτοίς εντεύθεν εκ μέσου του Ιορδάνου από στάσεως ποδών των ιερέων ετοίμους δώδεκα λίθους και τούτους διακομίσαντες άμα υμίν αυτοίς θέτε αυτούς εν τη στρατοπεδεία υμών ου εάν παρεμβάλητε εκεί την νύκτα

4:4  και ανακαλεσάμενος Ιησούς δώδεκα άνδρας των ενδόξων από των υιών Ισραήλ άνδρα ένα αφ΄ εκάστης φυλής

4:5  είπεν αυτοίς Ιησούς προσαγάγετε προ προσώπου κυρίου του θεού υμών εις μέσον του Ιορδάνου και ανελόμενος αράτω εκείθεν έκαστος λίθον ένα επί των ώμων αυτού κατά τον αριθμόν των φυλών του Ισραήλ

4:6  ίνα υπάρχωσιν υμίν ούτοι εις σημείον κείμενοι διαπαντός ίνα όταν ερωτά σε ο υιός σου αύριον λέγων τι εισίν οι λίθοι ούτοι υμίν

4:7  και συ δηλώσεις τω υιώ σου λέγων ότι εξέλιπεν ο Ιορδάνης ποταμός από προσώπου κιβωτού της διαθήκης κυρίου πάσης της γης ως διέβαινεν αυτόν τον Ιορδάνην και εξέλιπεν το ύδωρ του Ιορδάνου και έσονται οι λίθοι ούτοι υμίν μνημόσυνον τοις υιοίς Ισραήλ έως του αιώνος

4:8  και εποίησαν ούτως οι υιοί Ισραήλ καθότι ενετείλατο κύριος τω Ιησού και λαβόντες δώδεκα λίθους εκ μέσου του Ιορδάνου καθάπερ συνέταξε κύριος τω Ιησού εν τη συντελεία της διαβάσεως των υιών Ισραήλ και διεκόμισαν άμα εαυτοίς εις την παρεμβολήν και απέθηκαν αυτούς εκεί

4:9  έστησε δε Ιησούς και άλλους δώδεκα λίθους εν αυτώ τω Ιορδάνη εν τω γενομένω τόπω υπό τους πόδας των ιερέων των αιρόντων την κιβωτόν της διαθήκης κυρίου και εισίν εκεί έως της σήμερον ημέρας

4:10  ειστήκεισαν δε οι ιερείς οι αίροντες την κιβωτόν της διαθήκης εν μέσω τω Ιορδάνη έως ου συνετέλεσεν πάντα τα ρήματα α ενετείλατο κύριος τω Ιησού αναγγείλαι τω λαώ κατά πάντα όσα ενετείλατο Μωυσής τω Ιησού και έσπευσεν ο λαός και διέβησαν

4:11  και εγένετο ως συνετέλεσε πας ο λαός διαβήναι και διέβη η κιβωτός της διαθήκης κυρίου και οι ιερείς πρότεροι αυτών

4:12  και διέβησαν οι υιοί Ρουβήν και οι υιοί Γαδ και οι ημίσεις φυλής Μανασσή διεσκευασμένοι έμπροσθεν των υιών Ισραήλ καθάπερ ενετείλατο Μωυσής αυτοίς

4:13  τετρακισμύριοι εύζωνοι εις μάχην διέβησαν έναντι κυρίου εις πόλεμον προς την Ιεριχώ πόλιν

4:14  εν εκείνη τη ημέρα ηύξησε κύριος τον Ιησούν εναντίον παντός Ισραήλ και εφοβούντο αυτόν ώσπερ εφοβούντο τον Μωυσήν όσον χρόνον έζη

4:15  και είπε κύριος τω Ιησού λέγων

4:16  έντειλαι τοις ιερεύσι τοις αίρουσι την κιβωτόν της διαθήκης του μαρτυρίου εκβήναι εκ του Ιορδάνου

4:17  και ενετείλατο Ιησούς τοις ιερεύσι λέγων έκβητε εκ του Ιορδάνου

4:18  και εγένετο ως εξέβησαν οι ιερείς οι αίροντες την κιβωτόν της διαθήκης κυρίου εκ μέσου του Ιορδάνου και έθηκαν τους πόδας οι ιερείς επί της ξηράς και ώρμησε το ύδωρ του Ιορδάνου κατά χώραν και επορεύετο καθά και εχθές και τρίτην ημέραν δι΄ όλης της κρηπίδος αυτού

4:19  και ο λαός ανέβη εκ του Ιορδάνου δεκάτη του μηνός του πρώτου και κατεστρατοπέδευσαν οι υιοί Ισραήλ εν Γαλγάλοις κατά μέρος το προς ηλίου ανατολών από της Ιεριχώ

4:20  και τους δώδεκα λίθους τούτους ους έλαβεν εκ του Ιορδάνου έστησεν Ιησούς εν Γαλγάλοις

4:21  και είπεν προς τους υιούς Ισραήλ λέγων όταν ερωτώσιν οι υιοί υμών αύριον υμάς λέγοντες τι εισίν οι λίθοι ούτοι

4:22  αναγγελείτε τοις υιοίς υμών λέγοντες ότι επί ξηράς διέβη Ισραήλ τον Ιορδάνην τούτον

4:23  αποξηράναντος κυρίου του θεού ημών το ύδωρ του Ιορδάνου εκ του έμπροσθεν αυτών μέχρι ου διέβησαν καθάπερ εποίησε κύριος ο θεός ημών την θάλασσαν την ερυθράν ην απεξήρανε κύριος ο θεός έμπροσθεν ημών έως παρήλθομεν

4:24  όπως γνώσι πάντα τα έθνη της γης ότι η δύναμις του κυρίου ισχυρά εστι και ίνα υμείς σέβησθε κύριον τον θεόν ημών εν παντί χρόνω

Chapter 5

5:1  και εγένετο ως ήκουσαν πάντας οι βασιλείς των Αμορραίων οι ήσαν πέραν του Ιορδάνου παρά την θάλασσαν και πάντες οι βασιλείς της Φοινίκης οι παρά την θάλασσαν ότι απεξήρανε κύριος ο θεός τον Ιορδάνην ποταμόν εκ των έμπροσθεν των υιών Ισραήλ εν τω διαβήναι αυτούς και ετάκησαν αι δίανοιαι αυτών και κατεπλάγησαν και ουκ ην εν αυτοίς φρόνησις ουδεμία από προσώπου των υιών Ισραήλ

5:2  υπό δε τούτον τον καιρόν είπε κύριος τω Ιησού ποίησον σεαυτώ μαχαίρας πετρίνας και καθίσας περίτεμε τους υιούς Ισραήλ εκ δευτέρου

5:3  και εποίησεν εαυτώ Ιησούς μαχαίρας πετρίνας και περιέτεμε τους υιούς Ισραήλ επί του καλουμένου τόπου βουνός ακροβυστιών

5:4  και ούτος ο λόγος ον περιέτεμεν ο Ιησούς πας ο λαός οι εκπορευόμενοι εξ Αιγύπτου το αρσενικόν πάντες άνδρες πολέμου οι απέθανον εν τη ερήμω εν τη οδώ εξελθόντων αυτών εκ γης Αιγύπτου

5:5  ότι περιτετμημένοι ήσαν πας ο λαός ο εξελθών και πας ο λαός οι γεννηθέντες εν τη ερήμω εν τη οδώ εξελθόντων αυτών εκ γης Αιγύπτου ου περιετμήθησαν τεσσαράκοντα γαρ έτη ανέστραπτεν Ισραήλ εν τη ερήμω

5:6  διό απερίτμητοι ήσαν οι πλείστοι αυτών των μαχίμων των εξεληλυθότων εκ γης Αιγύπτου οι απειθήσαντες των εντολών κυρίου του θεού οις και διώρισε κύριος αυτοίς μη ιδείν αυτούς την γην ην ώμοσε κύριος τοις πατράσιν ημών δούναι ημίν γην ρέουσαν γάλα και μέλι

5:7  τους υιούς αυτών αντικατέστησεν αντί τούτων ους περιέτεμεν Ιησούς ότι ακρόβυστοι ήσαν διά το αυτούς γεγεννήσθαι κατά την οδόν απεριτμήτους

5:8  περιτμηθέντες δε παν το έθνος ησυχίαν είχον αυτόθι καθημένοι εν τη παρεμβολή έως υγιάσθησαν

5:9  και είπε κύριος τω Ιησού εν τη σήμερον ημέρα αφείλον τον ονειδισμόν Αιγύπτου αφ΄ υμών και εκάλεσε το όνομα του τόπου εκείνου Γάλγαλα έως της ημέρας ταύτης

5:10  και παρενέβαλον οι υιοί Ισραήλ εν Γαλγάλοις και εποίησαν το πάσχα τη τεσσαρεσκαιδεκάτη ημέρα του μηνός αφ΄ εσπέρας επί δυσμών Ιεριχώ εν τω πεδίω

5:11  και έφαγον από του σίτου της γης τη επαύριον του πάσχα άζυμα και νέα

5:12  εν τη ημέρα ταύτη εξέλιπε το μάννα τη επαύριον μετά το βεβρωκέναι αυτούς εκ του σίτου της γης και ουκέτι υπήρχε τοις υιοίς Ισραήλ μάννα εκαρπίσαντο δε την χώραν των Φοινίκων εν τω ενιαυτώ εκείνω

5:13  και εγένετο ως ην Ιησούς εν Ιεριχώ και αναβλέψας τοις οφθαλμοίς αυτού είδεν άνθρωπον εστηκότα εναντίον αυτού και η ρομφάια αυτού εσπασμένη εν τη χειρί αυτού και προσελθών ο Ιησούς είπεν αυτώ ημέτερος ει η των υπεναντίων ημών

5:14  ο δε είπεν αυτώ ότι εγώ αρχιστράτηγος δυνάμεως κυρίου νυνί παραγέγονα και Ιησούς έπεσεν επί πρόσωπον αυτού επί την γην και προσεκύνησεν και είπεν αυτώ δεσποτά μου τι προστάσσεις τω σω οικέτη

5:15  και λέγει ο αρχιστράτηγος κυρίου προς Ιησούν λύσαι του υπόδημά σου εκ των ποδών σου ο γαρ τόπος εφ΄ ω έστηκας επ΄ αυτού άγιός εστι και εποίησεν Ιησούς ούτως

Chapter 6

6:1  και Ιεριχώ συγκεκλεισμένη και ωχυρωμένη από προσώπου υιών Ισραήλ και ουδείς εξεπορεύετο εξ αυτής και ουδείς εισεπορεύετο

6:2  και είπε κύριος προς Ιησούν ιδού παραδίδωμί σοι υποχείριόν σοι την Ιεριχώ και τον βασιλέα αυτής τον εν αυτή και τους δυνατούς ισχύϊ

6:3  και κυκλώσατε την πόλιν πάντες άνδρες πολέμου κύκλω της πόλεως άπαξ ούτω ποιήσετε εξ ημέρας

6:4  και επτά ιερείς λήψονται επτά κερατίνας του ιωβήλ ενώπιον της κιβωτού και τη ημέρα τη εβδόμη κυκλώσατε την πόλιν επτάκις και οι ιερείς σαλπιούσιν ταις κερατίναις

6:5  και έσται ως αν σαλπίσητε τη σάλπιγγι ιωβήλ εν τω ακούσαι υμάς την φωνήν της κερατίνης ανακραγέτωσαν πας ο λαός και ανακραγόντων αυτών πεσείται αυτόματα τα τείχη της πόλεως υποκάτω αυτών και εισελεύσεται πας ο λαός ορμήσας έκαστος κατά πρόσωπον εις την πόλιν

6:6  και εισήλθεν Ιησούς υιός Ναυή προς τους ιερείς και είπεν προς αυτούς λάβετε την κιβωτόν της διαθήκης και επτά ιερείς λήψονται επτά κερατίνας του ιωβήλ κατά πρόσωπον της κιβωτού κυρίου

6:7  και είπεν αυτοίς λέγων παραγγείλατε τω λαώ περιελθείν και κυκλώσατε την πόλιν και οι μάχιμοι παραπορευέσθωσαν ενωπλισμένοι έναντι της κιβωτού κυρίου

6:8  και εγένετο ως είπεν Ιησούς προς τον λαόν και επτά ιερείς έχοντας επτά σάλπιγγας ιεράς και παρελθέτωσαν ωσαύτως εναντίον του κυρίου παραπορευέσθωσαν και σημαινέτωσαν ευτόνως και η κιβωτός της διαθήκης κυρίου επακολουθείτω αυτοίς

6:9  οι δε μάχιμοι παραπορευέσθωσαν έμπροσθεν και οι ιερείς σαλπίζοντες ταις κερατίναις και ο λοιπός όχλος άπας οπίσω της κιβωτού της διαθήκης κυρίου πορευόμενοι και σαλπίζοντες ταις κερατίναις

6:10  τω δε λαώ ενετείλατο Ιησούς λέγων μη βοάτε μηδέ ακουσάτω μηδείς την φωνήν υμών ου διελεύσεται εκ στόματος υμών λόγος έως αν διαγγείλη αυτός ημέραν αναβοήσαι και αναβοήσετε τότε

6:11  και περιελθούσα η κιβωτός της διαθήκης του θεού την πόλιν κύκλω ευθέως απήλθεν εις την παρεμβολήν και εκοιμήθη εκεί

6:12  και τη ημέρα τη δευτέρα ανέστη Ιησούς τοπρωϊ και ήραν οι ιερείς την κιβωτόν κυρίου

6:13  και οι επτά ιερείς οι φέροντες τας επτά σάλπιγγας τας ιεράς έναντι κιβωτού κυρίου προεπορεύοντο και οι ιερείς εσάλπισαν ταις σάλπιγξι και μετά ταύτα εισεπορεύοντο οι μάχιμοι και ο λοιπός όχλος άπας όπισθεν της κιβωτού της διαθήκης κυρίου πορευόμενοι και σαλπίζοντες ταις κερατίναις

6:14  και περιεκύκλωσαν την πόλιν εν τη ημέρα τη δευτέρα άπαξ εγγύθεν και απήλθον πάλιν εις την παρεμβολήν ούτως εποίει επ΄ εξ ημέρας

6:15  και εγένετο τη ημέρα τη εβδόμη ανέστησαν τη αναβάσει του όρθρου και περιήλθοσαν την πόλιν κατά το κρίμα τούτο επτάκις πλην εν τη ημέρα εκείνη εκύκλωσαν την πόλιν επτάκις

6:16  και εγένετο τη περιόδω τη εβδόμη εσάλπισαν οι ιερείς σάλπιγξι και είπεν Ιησούς τοις υιοίς Ισραήλ κεκράξατε παρέδωκε γαρ κύριος την πόλιν υμίν

6:17  και έσται η πόλις ανάθεμα αυτή και πάντα όσα εστίν εν αυτή τω κυρίω των δυνάμεων πλην Ραάβ την πόρνην περιποιήσασθε αυτήν και πάντα όσα εστίν αυτής εν τω οίκω ότι έκρυψεν τους αγγέλους ους απεστείλαμεν

6:18  αλλά υμείς φυλάξασθε από του αναθέματος μή ποτε ενθυμηθέντες υμείς λάβητε από του αναθέματος και ποιήσητε την παρεμβολήν των υιών Ισραήλ ανάθεμα και εκτρίψητε ημάς

6:19  και παν αργύριον η χρυσίον και πας χαλκός και σίδηρος άγιον έσται τω κυρίω εις θησαυρόν κυρίου εισενεχθήσεται

6:20  και ηλάλαξεν ο λαός και εσάλπιγξαν ταις σάλπιγξι οι ιερείς ως δε ήκουσεν ο λαός την φωνήν των σαλπίγγων ηλάλαξαν πας ο λαός αλαλαγμώ μεγάλω και ισχυρώ και έπεσεν το τείχος κύκλω και ανέβη ο λαός εις την πόλιν έκαστος εξ εναντίας αυτού και κατελάβοντο την πόλιν

6:21  και ανεθεμάτισαν αυτήν και όσα ην εν τη πόλει από ανδρός και έως γυναικός από νεανίσκου και έως πρεσβύτου και έως μόσχου και προβάτου και υποζυγίου εν στόματι ρομφαίας

6:22  και τοις δύο νεανίσκοις τοις κατασκοπεύσασι την γην είπεν Ιησούς εισέλθατε εις την οικίαν της γυναικός της πόρνης και εξαγάγετε εκείθεν αυτήν και πάντα όσα εστίν αυτή ως ωμόσατε αυτή

6:23  και εισήλθον οι δύο νεανίσκοι οι κατασκοπεύσαντες την πόλιν εις την οικίαν της γυναικός και εξήγαγον Ραάβ την πόρνην και τον πατέρα αυτής και την μητέρα αυτής και τους αδελφούς αυτής και πάντα όσα ην αυτή και την συγγένειαν αυτής και κατέστησαν αυτήν έξω της παρεμβολής Ισραήλ

6:24  και η πόλις ενεπρήσθη εν πυρί συν πάσι τοις εν αυτή πλην αργυρίου και χρυσίου και παντός χαλκού και σιδήρου έδωκαν εις θησαυρόν εισενεχθήναι

6:25  και Ραάβ την πόρνην και πάντα τον οίκον τον πατρικόν αυτής και πάντα τα αυτής εζώγρησεν Ιησούς και κατώκησεν εν τω Ισραήλ έως της ημέρας σήμερον διότι έκρυψε τους κατασκοπεύσαντας ους απέστειλεν Ιησούς κατασκοπεύσαι την Ιεριχώ

6:26  και ώρκισεν Ιησούς εν τη ημέρα εκείνη λέγων επικατάρατος ο άνθρωπος ος έναντι κυρίου ως αναστήσει η οικοδομήσει την πόλιν εκείνην την Ιεριχώ εν τω πρωτοτόκω αυτού θεμελίωσει αυτήν και εν τω ελαχίστω αυτού επιστήσει τας πύλας αυτής

6:27  και ην κύριος μετά Ιησού και ην το όνομα αυτού κατά πάσαν την γην

Chapter 7

7:1  και επλημμέλησαν οι υιοί Ισραήλ πλημμέλειαν και ενοσφίσαντο από του αναθέματος και έλαβεν Άχαν υιός Χαρμί υιόυ Ζαβδί υιόυ Ζαρά εκ της φυλής Ιούδα από του αναθέματος και εθυμώθη οργή κύριος τοις υιοίς Ισραήλ

7:2  και απέστειλεν Ιησούς άνδρας από Ιεριχώ εις Γαί η εστι κατά Βηθαυέν κατά ανατολάς Βαιθήλ και είπεν προς αυτούς λέγων αναβάντες κατασκέψασθε την γην και ανέβησαν οι άνδρες και κατεσκέψαντο την Γαί

7:3  και ανέστρεψαν προς Ιησούν και είπαν προς αυτόν μη αναβήτω πας ο λαός αλλ΄ ωσεί δισχίλιοι η τρισχίλιοι άνδρες αναβήτωσαν και εκπολιορκησάτωσαν την πόλιν μη αναγάγης εκεί πάντα τον λαόν ολίγοι γαρ εισι

7:4  και ανέβησαν από του λαού εκεί ωσεί τρισχίλιοι άνδρες και έφυγον από προσώπου ανδρών Γαί

7:5  και απέκτειναν απ΄ αυτών άνδρες Γαί ως τριακονταέξ άνδρας και κατεδίωξαν αυτούς από της πύλης έως συνέτριψαν αυτούς και έπληξαν αυτούς επί του καταφερούς και επτοήθη η καρδία του λαού και εγένετο ώσπερ ύδωρ

7:6  και διέρρηξεν Ιησούς τα ιμάτια αυτού και έπεσεν επί πρόσωπον αυτού επί την γην έναντι κιβωτού κυρίου έως εσπέρας αυτός και οι πρεσβύτεροι Ισραήλ και επεβάλοντο χουν επί την κεφαλήν αυτών

7:7  και είπεν Ιησούς δέομαι κύριε κύριε ινατί διαβιβάζων διεβίβασεν ο παις σου τον λαόν τούτον τον Ιορδάνην παραδούναι αυτόν τω Αμορραίω απολέσαι ημάς και ει κατεμείναμεν και κατωκίσθημεν παρά τον Ιορδάνην εν εμοί κύριε

7:8  και τι ερώ επεί μετέβαλεν Ισραήλ αυχένα απέναντι του εχθρού αυτού

7:9  και ακούσας ο Χαναναίος και πάντες οι κατοικούντες την γην περικυκλώσουσιν ημάς και εκτρίψουσιν ημάς από της γης και τι ποιήσεις το όνομά σου το μέγα

7:10  και είπε κύριος προς Ιησούν ανάστηθι ινατί συ τούτο πέπτωκας επί πρόσωπόν σου

7:11  ημάρτηκεν ο λαός και παρέβη την διαθήκην μου ην διεθέμην προς αυτόν και γε έλαβον από του αναθέματος και κλέψαντες εψεύσαντο και έβαλον εις τα σκεύη αυτών

7:12  και ου μη δύνωνται οι υιοί Ισραήλ υποστήναι κατά πρόσωπον των εχθρών αυτού αυχένα επιστρέψουσιν ενώπιον των εχθρών αυτών ότι εγενήθησαν ανάθεμα ου προσθήσω έτι είναι μεθ΄ υμών εάν μη εξάρητε το ανάθεμα εξ υμών αυτών

7:13  αναστάς άγνισον τον λαόν και είπον αγνισθήναι εις αύριον ότι τάδε λέγει κύριος ο θεός Ισραήλ το ανάθεμά εστιν εν υμίν Ισραήλ ου δυνήσεσθε αντιστήναι απέναντι των εχθρών υμών έως αν εξάρηται το ανάθεμα εξ υμών

7:14  και συναχθήσεσθε πάντες τοπρωϊ κατά φυλάς υμών και έσται η φυλή ην αν δείξη κύριος και προσάξετε κατά δήμους και τον δήμον ον αν δείξη κύριος προσάξετε κατά οίκον και τον οίκον ον αν δείξη κύριος κατά άνδρα προσάξετε

7:15  και ος αν ενδειχθή εν τω αναθέματι καυθήσεται εν τω πυρί αυτός και πάντα όσα εστίν αυτώ ότι παρέβη την διαθήκην κυρίου και ότι εποίησεν ανόμημα εν Ισραήλ

7:16  και ώρθρισεν Ιησούς τοπρωϊ και προσήγαγε τον λαόν κατά φυλάς αυτού και ανεδείχθη η φυλή Ιούδα

7:17  και ανεδείχθη δήμος ο Ζαραϊ και προσήχθη δήμος ο Ζαραϊ κατά άνδρα και ανεδείχθη Ζαβδί

7:18  και προσήχθη ο οίκος αυτού κατά άνδρα και ανεδείχθη Άχαρ υιός Χαρμί υιόυ Ζαβδί υιόυ Ζαρά της φυλής Ιούδα

7:19  και είπεν Ιησούς τω Άχαρ υιέ μου σήμερον δος δη δόξαν τω κυρίω θεώ Ισραήλ και δος αυτώ την εξομολόγησιν και ανάγγειλόν μοι τι εποίησας και μη κρύψης απ΄ εμού

7:20  και απεκρίθη Άχαρ τω Ιησοί και είπεν αληθώς εγώ ήμαρτον εναντίον κυρίου θεού Ισραήλ ούτως και ούτως πεποίηκα

7:21  είδον εν τη προνομή ψιλήν ποικίλην μίαν καλήν και διακόσια δίδραχμα αργυρίου και γλώσσαν χρυσήν μίαν πεντήκοντα διδράχμων ολκή αυτής και επεθύμησα αυτών και έλαβον και ιδού ταύτα κέκρυπται εν τη γη εν τη σκηνή μου και το αργύριον κέκρυπται υποκάτω αυτών

7:22  και απέστειλεν Ιησούς αγγέλους και έδραμον εις την σκηνήν εις την παρεμβολήν και ταύτα ην κεκρυμμένα εις την σκηνήν αυτού και το αργύριον υποκάτω αυτών

7:23  και εξήνεγκαν αυτά εκ της σκηνής και ήνεγκαν αυτά προς Ιησούν και προς πάντας πρεσβυτέρους Ισραήλ και έθηκαν αυτά έναντι κυρίου

7:24  και έλαβεν Ιησούς τον Άχαρ υιόν Ζαρά και το αργύριον και την στολήν και την γλώσσαν την χρυσήν και τους υιούς αυτού και τας θυγατέρας αυτού και τους μόσχους αυτού και τα υποζύγια αυτού και τα πρόβατα αυτού και την σκηνήν αυτού και πάντα τα υπάρχοντα αυτού και πας Ισραήλ μετ΄ αυτού και ανήγαγον αυτούς εις Εμεκαχώρ

7:25  και είπεν Ιησούς τι ωλόθρευσας ημάς εξολοθρεύσαι σε κύριος καθά και σήμερον και ελιθοβόλησαν αυτόν πας Ισραήλ λίθοις και κατέκαυσαν αυτά εν πυρί και ελιθοβόλησαν αυτούς εν λίθοις

7:26  και επέστησαν αυτώ σωρόν λίθων μέγαν έως της ημέρας ταύτης και επαύσατο κύριος του θυμού της οργής διά τούτο επωνόμασεν αυτό Εμεκαχώρ έως της ημέρας ταύτης

Chapter 8

8:1  και είπε κύριος προς Ιησούν μη φοβηθής μηδέ δειλιάσης λάβε μετά σου πάντας τους άνδρας τους πολεμούντας και αναστάς ανάβηθι εις Γαί ιδού δέδωκα εις τας χείράς σου τον βασιλέα Γαί και τον λαόν αυτού και την πόλιν αυτού και την γην αυτού

8:2  και ποιήσεις Γαί και τω βασιλεί αυτής ον τρόπον εποίησας την Ιεριχώ και τω βασιλεί αυτής και την προνομήν αυτής και των κτηνών αυτής προνομεύσεις σεαυτώ κατάστησον δε σεαυτώ ένεδρα τη πόλει εις τα οπίσω αυτής

8:3  και ανέστη Ιησούς και πας ο λαός ο πολεμιστής ώστε αναβήναι εις Γαί επέλεξε δε Ιησούς τριάκοντα χιλιάδας ανδρών δυνατούς εν ισχύϊ και απέστειλεν αυτούς νυκτός

8:4  και ενετείλατο αυτοίς λέγων ίδετε ότι υμείς ενεδρεύσατε την πόλιν οπίσω της πόλεως σφόδρα και έσεσθε πάντες έτοιμοι

8:5  και εγώ και πάντες οι μετ΄ εμού προσάξομεν προς την πόλιν και έσται ως αν εξέλθωσιν οι κατοικούντες Γαί εις συνάντησιν ημίν καθάπερ και πρωήν και φευξόμεθα από προσώπου αυτών

8:6  και ως αν εξέλθωσιν οπίσω ημών αποσπάσομεν αυτούς από της πόλεως και ερούσι φεύγουσιν αυτοί από προσώπου ημών ον τρόπον έμπροσθεν και φευξόμεθα απ΄ αυτών

8:7  υμείς δε εξαναστήσεσθε εκ της ενέδρας και πορεύσεσθε εις την πόλιν και εκτρίψατε την πόλιν και δώσει αυτήν κύριος ο θεός ημών εν χερσίν ημών

8:8  και έσται ως αν συλλάβητε την πόλιν εμπρήσατε αυτήν εν πυρί κατά το ρήμα τούτο ποιήσατε ιδού εντέταλμαι υμίν

8:9  και απέστειλεν αυτούς Ιησούς και επορεύθησαν εις την ενέδραν και ενεκάθισαν αναμέσον Βαιθήλ και αναμέσον Γαί από θαλάσσης της Γαί και ηυλίσθη Ιησούς την νύκτα εκείνην εν μέσω του λαού

8:10  και ορθρίσας Ιησούς τοπρωϊ επεσκέψατο τον λαόν και ανέβησαν αυτός και οι πρεσβύτεροι Ισραήλ κατά πρόσωπον του λαού επί Γαί

8:11  και πας ο λαός ο πολεμιστής ο μετ΄ αυτού ανέβησαν και πορευόμενοι ήλθον εξεναντίας της πόλεως από ανατολών και τα ένεδρα της πόλεως από θαλάσσης και παρενέβαλον από βορρά της Γαί και η κοιλάς αναμέσον αυτού και της Γαί

8:12  και έλαβεν ως πέντε χιλιάδας ανδρών και έθετο αυτούς ένεδρον αναμέσον της Βαιθήλ και της Γαί θάλασσαν της Γαί

8:13  και έταξεν ο λαός πάσαν την παρεμβολήν η ην από βορρά τη πόλει και τα έσχατα αυτού θάλασσαν της πόλεως και επορεύθη Ιησούς την νύκτα εκείνην εν μέσω της κοιλάδος

8:14  και εγένετο ως είδεν ο βασιλεύς Γαί και έσπευσε και ώρθρισε και εξήλθον οι άνδρες της πόλεως εις συνάντησιν αυτοίς επ ευθείας εις τον πόλεμον αυτός και πας ο λαός αυτού εις τον καιρόν κατά πρόσωπον της Αραβά και αυτός ουκ ήδει ότι ένεδρα αυτώ εστιν οπίσω της πόλεως

8:15  και είδε και ανεχώρησεν Ιησούς και πας Ισραήλ από προσώπου αυτών

8:16  και έφυγεν οδόν της ερήμου και ενίσχυσε πας ο λαός της Γαί του καταδιώξαι οπίσω αυτών των υιών Ισραήλ και αυτοί απέστησαν από της πόλεως

8:17  ου κατελείφθη ουδείς εν τη Γαί και εν Βαιθήλ ος ου κατεδίωξεν οπίσω Ισραήλ και κατέλιπον την πόλιν ανεωγμένην και κατεδίωξαν οπίσω Ισραήλ

8:18  και είπε κύριος προς Ιησούν έκτεινον την χείρά σου τω γαϊσώ τω εν τη χειρί σου επί την πόλιν εις γαρ τας χείράς σου έδωκα αυτήν και τα ένεδρα εξαναστήσονται εν τάχει εκ του τόπου αυτών

8:19  και εξέτεινεν ο Ιησούς τον γαϊσόν και την χείρα αυτού επί την πόλιν και τα ένεδρα εξανέστησαν εν τάχει εκ του τόπου αυτών και εξήλθοσαν ότε εξέτεινε την χείρα και εισήλθον εις την πόλιν και κατελάβοντο αυτήν και σπεύσαντες ενέπρησαν την πόλιν εν πυρί

8:20  και περιβλεψάμενοι οι κάτοικοι Γαί εις τα οπίσω αυτών και εθεώρουν τον καπνόν της πόλεως αναβαίνοντα εις τον ουρανόν και ουκ έτι είχον που φύγωσιν ώδε η ώδε και ο λαός ο φεύγων εις την έρημον εστράφησαν επί τους διώκοντας

8:21  και Ιησούς και πας Ισραήλ είδον ότι έλαβον τα ένεδρα την πόλιν και ότι ανέβη ο καπνός της πόλεως εις τον ουρανόν και μεταβαλλόμενοι επάταξαν τους άνδρας της Γαί

8:22  και ούτοι εξήλθον εκ της πόλεως εις συνάντησιν αυτών και εγενήθησαν αναμέσον της παρεμβολής ούτοι εντεύθεν και ούτοι εντεύθεν και επάταξαν αυτούς έως του μη καταλειφθήναι αυτών σεσωσμένον και διαπεφεύγοτα

8:23  και τον βασιλέα της Γαί συνέλαβον ζώντα και προσήγαγον αυτόν προς Ιησούν

8:24  και εγένετο ως επαύσαντο οι υιοί Ισραήλ αποκτείνοντες πάντας τους εν τη Γαί και εν τοις πεδίοις και εν τω όρει επί της καταβάσεως ου κατεδίωξαν αυτούς και έπεσον πάντες εν στόματι ρομφαίας απ΄ αυτής εις τέλος και επέστρεψεν Ιησούς εις Γαί και επάταξεν αυτήν εν στόματι ρομφαίας

8:25  και εγενήθησαν πάντες οι πεσόντες τη ημέρα εκείνη από ανδρός και έως γυναικός δώδεκα χιλιάδες πάντας τους κατοικούντας Γαί

8:26  και Ιησούς ουκ επέστρεψε χείρα αυτού ην εξέτεινεν εν τω γαϊσω έως ανεθεμάτισε σύμπαντας τους κατοικούντας Γαί

8:27  πλην των κτηνών και των σκύλων των εν τη πόλει εκείνη επρονόμευσαν εαυτοίς οι υιοί Ισραήλ κατά πρόσταγμα κυρίου ον τρόπον συνέταξε κύριος τω Ιησού

8:28  και ενεπύρισεν Ιησούς την πόλιν εν πυρί και έθηκεν αυτήν χώμα εις τον αιώνα αοίκητον έως της ημέρας ταύτης

8:29  και τον βασιλέα της Γαί εκρέμασεν επί ξύλου διδύμου και ην επί του ξύλου έως καιρού της εσπέρας και επιδύνοντος του ηλίου συνέταξεν Ιησούς και καθείλον το σώμα αυτού από του ξύλου και έρριψαν αυτόν εις τον βόθρον προς την πύλην της πόλεως και επέστησαν αυτώ σωρόν λίθων μέγαν έως της ημέρας ταύτης

8:30  τότε ωκοδόμησεν Ιησούς θυσιαστήριον κυρίω τω θεώ Ισραήλ εν όρει Γεβάλ

8:31  καθότι ενετείλατο Μωυσής ο θεράπων κυρίου τοις υιοίς Ισραήλ καθά γέγραπται εν τω νόμω Μωυσή θυσιαστήριον λίθων ολόκληρων εφ΄ ους ουκ επεβλήθη επ΄ αυτούς σίδηρος και ανεβίβασεν εκεί ολοκαυτώματα τω κυρίω και θυσίαν σωτηρίου

8:32  και έγραψεν Ιησούς επί των λίθων το δευτερονόμιον νόμον Μωυσή ον έγραψεν ενώπιον των υιών Ισραήλ

8:33  και πας Ισραήλ και οι πρεσβύτεροι αυτών και οι δικασταί αυτών και οι γραμματείς αυτών παρεπορεύοντο ένθεν και ένθεν της κιβωτού απέναντι και οι ιερείς και οι Λευίται ήραν την κιβωτόν της διαθήκης κυρίου και ο προσήλυτος και ο αυτόχθων ήσαν οι ημίσεις αυτών επι πλησίον όρους Γαριζίν και οι ήμισυ επι πλησίον όρους Γαιβάλ καθά ενετείλατο Μωυσής ο θεράπων κυρίου ευλογήσαι τον λαόν Ισραήλ εν πρώτοις

8:34  και μετά ταύτα ανέγνω σύμπαντα τα ρήματα του νόμου τούτου τας ευλογίας και τας κατάρας κατά πάντα τα γεγραμμένα εν τω νόμω Μωυσή

8:35  ουκ ην ρήμα από πάντων ων ενετείλατο Μωυσής τω Ιησού ο ουκ ανέγνω Ιησούς εις τα ώτα πάσης εκκλησίας Ισραήλ τοις ανδράσι και ταις γυναιξί και τοις παιδίοις και τοις προσηλύτοις τοις προσπορευομένοις τω Ισραήλ

Chapter 9

9:1  ως δε ήκουσαν πάντας οι βασιλείς των Αμορραίων εν τω πέραν του Ιορδάνου οι εν τη ορεινή και οι εν τη πεδινή και οι εν πάση τη παραλία της θαλάσσης της μεγάλης και οι προς τω Αντιλιβάνω και οι Χετταίοι και οι Αμορραίοι και οι Γεργεσαίοι και οι Χαναναίοι και οι Φερεζαίοι και οι Ευαίοι και οι Ιεβουσαίοι

9:2  και συνήλθοσαν εις το αυτό εκπολεμήσαι Ιησούν και Ισραήλ άμα πάντες

9:3  και οι κατοικούντες Γαβαών ήκουσαν πάντα όσα εποίησε Ιησούς τη Ιεριχώ και τη Γαί

9:4  και εποίησαν και γε αυτοί μετά πανουργίας και ελθόντες επεστήσαντο και ητοιμάσαντο και λαβόντες σάκκους παλαιούς επί των όνων αυτών και ασκούς οίνου παλαιούς και κατερρωγότας αποδεδεμένους

9:5  και τα κοίλα των υποδημάτων αυτών και τα σανδάλια αυτών παλαιά και καταπεπελματωμένα εν τοις ποσίν αυτών και τα ιμάτια αυτών πεπαλαιωμένα επ΄ αυτών και οι άρτοι του επισιτισμού αυτών ξηροί εγένετο και ευρωτιών και βεβρωμένος

9:6  και ήλθοσαν προς Ιησούν εις την παρεμβολήν Ισραήλ εις Γαλγαλά και είπαν προς Ιησούν και προς πάντα Ισραήλ εκ γης μακρόθεν ήκαμεν και νυν διάθεσθε ημίν διαθήκην

9:7  και είπαν οι υιοί Ισραήλ προς τον ευαίον όρα μη εν εμοί συκατοικής και πως διαθώμεν σοι διαθήκην

9:8  και είπαν προς Ιησούν οικέται σου εσμέν και είπε προς αυτούς Ιησούς πόθεν εστέ και πόθεν παραγεγόνατε

9:9  και είπαν προς αυτών εκ γης μακρόθεν σφόδρα ήκασιν οι παίδες σου εν ονόματι κυρίου του θεού σου ακηκόαμεν γαρ το όνομα αυτού και πάντα όσα εποίησεν εν Αιγύπτω

9:10  και πάντα όσα εποίησε τοις δυσί βασιλεύσι των Αμορραίων οι ήσαν πέραν του Ιορδάνου τω Σηών βασιλεί Εσεβών και τω Ωγ βασιλεί της Βασάν ος κατώκει εν Ασταρώθ και εν Εδραϊν

9:11  και είπαν προς ημάς οι πρεσβύτεροι ημών και πάντες οι κατοικούντες την γην ημών λέγοντες λάβετε εαυτοίς επισιτισμόν εις την οδόν και πορεύθητε εις συνάντησιν αυτών και ερείτε προς αυτούς οικέται υμών εσμέν και νυν διάθεσθε ημίν την διαθήκην

9:12  ούτοι οι άρτοι ημών θερμούς εφωδιάσθημεν αυτούς από οίκων ημών εν τη ημέρα η εξήλθομεν παραγενέσθαι προς υμάς νυν δε ιδού εξηράνθησαν και γεγόνασι βεβρώμενοι

9:13  και ούτοι οι ασκοί του οίνου ους επλήσαμεν καινούς και ούτοι ερρώγασι και ταύτα τα ιμάτια ημών πεπαλαίωνται από της πολλής οδού σφόδρα

9:14  και έλαβον οι άρχοντες τους επισιτισμούς αυτών και το στόμα κυρίου ουκ επηρώτησαν

9:15  και εποίησεν προς αυτούς Ιησούς ειρήνην και διέθετο προς αυτούς διαθήκην και ώμοσαν αυτοίς οι άρχοντες της συναγωγής

9:16  και εγένετο μετά τρείς ημέρας μετά το διαθέσθαι προς αυτούς διαθήκην ήκουσαν ότι εγγύθεν εισίν αυτών και ότι εν αυτοίς κατοικούσι

9:17  και απήραν οι υιοί Ισραήλ και εξήλθον εις τας πόλεις αυτών τη ημέρα τη τρίτη αι δε πόλεις αυτών Γαβαών και Κεφιρά και Βηρώθ και πόλεις Ιαρίμ

9:18  και ουκ επολέμησαν αυτοίς οι υιοί Ισραήλ ότι ώμοσαν αυτοίς πάντες οι άρχοντες της συναγωγής κύριον τον θεόν Ισραήλ και διεγόγγυσαν πάσα η συναγωγή επί τοις άρχουσι

9:19  και είπαν πάντες οι άρχοντες πάση τη συναγωγή ημείς ώμοσαμεν αυτοίς κύριον τον θεόν Ισραήλ και νυν ου δυνησόμεθα άψασθαι αυτών

9:20  τούτο ποιήσομεν αυτοίς ζωγρήσαι αυτούς και περιποιησόμεθα αυτούς και ουκ έσται καθ΄ ημών οργή διά τον όρκον ον ωμόσαμεν αυτοίς

9:21  και είπαν αυτοίς οι άρχοντες ζήσονται και έσονται ξυλοκόποι και υδροφόροι πάση τη συναγωγή καθάπερ είπαν αυτοίς οι άρχοντες

9:22  και συνεκάλεσεν αυτούς Ιησούς και είπεν αυτοίς λέγων διατί παρελογίσασθέ με λέγοντες μακράν εσμέν από σου σφόδρα υμείς δε εγχώριοι εστέ των κατοικούντων εν ημίν

9:23  και νυν επικατάρατοι εστέ ου μη εκλείπη εξ υμών δούλος ουδέ ξυλοκόπος ουδέ υδροφόρος εμοί και τω θεώ μου

9:24  και απεκρίθησαν τω Ιησού λέγοντες ότι αγγελία ανηγγέλη ημίν όσα συνέταξε κύριος ο θεός σου Μωυσή τω παιδί αυτού δούναι υμίν ταύτην την γην και εξολοθρεύσαι ημάς και πάντας τους κατοικούντας επ΄ αυτής από προσώπου υμών και εφοβήθημεν σφόδρα περί των ψυχών ημών από προσώπου υμών και εποιήσαμεν το πράγμα τούτο

9:25  και νυν ιδού ημείς υποχείριοι υμίν ως αρέσκει υμίν και ως δοκεί ποιήσαι ημίν ποιήσατε

9:26  και εποίησαν αυτοίς ούτως και εξείλατο αυτούς Ιησούς εν τη ημέρα εκείνη εκ χειρών υιών Ισραήλ και ουκ ανείλον αυτούς

9:27  και κατέστησεν αυτούς Ιησούς εν τη ημέρα εκείνη ξυλοκόπους και υδροφόρους πάση τη συναγωγή και τω θυσιαστηρίω του θεού έως της ημέρας σήμερον και εις τον τόπον ον αν εκλέξηται

Chapter 10

10:1  ως δε ήκουσεν Αδωνισεδέκ βασιλεύς Ιερουσαλήμ ότι έλαβεν Ιησούς την Γαί και εξωλόθρευσεν αυτήν ον τρόπον εποίησεν την Ιεριχώ και τον βασιλέα αυτής ούτω εποίησεν και την Γαί και τον βασιλέα αυτής και ότι ηυτομόλησαν οι κατοικούντες Γαβαών προς Ιησούν και προς Ισραήλ και εγένετο εν μέσω αυτών

10:2  και εφοβήθησαν εν αυτών σφόδρα ήδει γαρ ότι η πόλις ην μεγάλη Γαβαών ωσεί και μία των μητροπόλεων των βασιλέων ότι αυτή μεγάλη υπέρ την Γαί και πάντες οι άνδρες αυτής ίσχυροι

10:3  και απέστειλεν Αδωνισεδέκ βασιλεύς Ιερουσαλήμ προς Ελάμ βασιλέα Χεβρών και προς Περάμ βασιλέα Ιεριμούθ και προς Ιαφί βασιλέα Λαχίς και προς Δαάρ βασιλέα Οδολάμ λέγων

10:4  δεύτε ανάβητε προς με και βοηθήσατέ μοι και εκπολεμήσωμεν την Γαβαων ηυτομόλησεν γαρ προς Ιησούν και προς τους υιούς Ισραήλ

10:5  και συνήχθησαν και ανέβησαν οι πέντε βασιλείς των Αμορραίων βασιλεύς Ιερουσαλήμ και βασιλεύς Χεβρών και βασιλεύς Ιεριμούθ και βασιλεύς Λαχίς και βασιλεύς Οδολάμ αυτοί και πας ο λαός αυτών και περιεκάθισαν την Γαβαών και εξεπολιόρκουν αυτήν

10:6  και απέστειλαν οι κατοικούντες Γαβαών προς Ιησούν εις την παρεμβολήν Ισραήλ εις Γάλγαλα λέγοντες μη εκλύσης τας χείράς σου από των παίδων σου ανάβηθι προς ημάς το τάχος και εξελού ημάς και βοήθησον ημίν ότι συνηγμένοι εισίν εφ΄ ημάς πάντες οι βασιλείς των Αμορραίων οι κατοικούντες την ορεινήν

10:7  και ανέβη Ιησούς εκ Γαλγάλων αυτός και πας ο πολεμιστής μετ΄ αυτού πας δυνατός εν ισχύϊ

10:8  και είπε κύριος προς Ιησούν μη φοβηθής αυτούς εις γαρ τας χείράς σου παραδέδωκα αυτούς ουχ υποστήσεται ουδείς εξ αυτών ενώπιον υμών

10:9  και επει παρεγένετο επ΄ αυτούς Ιησούς άφνω όλην την νύκτα εισεπορεύθη εκ Γαλγάλων

10:10  και εξέστησεν αυτούς κύριος από προσώπου Ισραήλ και συνέτριψεν αυτούς κύριος σύντριψιν μεγάλην εν Γαβαών και κατεδίωξαν αυτούς οδόν αναβάσεως Βηθωρών και κατέκοπτον αυτούς έως Αζηκά και έως Μακηδά

10:11  εν δε τω φεύγειν αυτούς από προσώπου των υιών Ισραήλ επί της καταβάσεως Βηθωρών και κύριος επέρριψεν αυτοίς λίθους χαλάζης εκ του ουρανού έως Αζηκά και εγένοντο πλείους οι αποθανόντες διά τους λίθους της χαλάζης η ους απέκτειναν οι υιοί Ισραήλ μαχαίρα εν τω πολέμω

10:12  τότε ελάλησεν Ιησούς προς κύριον η ημέρα παρέδωκεν ο θεός τον Αμορραίον υποχείριον υιών Ισραήλ και είπεν ο Ιησούς ο ήλιος κατά Γαβαών στήτω και η σελήνη κατά φάραγγας Εαλών

10:13  και έστη ο ήλιος και η σελήνη εν στάσει έως ημύνατο ο θεός τους εχθρούς αυτών ουχί τούτο γεγραμμένον επί βιβλίου του ευθούς και έστη ο ήλιος κατά μέσον του ουρανού ου προεπορεύετο εις δυσμάς εις τέλος ημέρας μιάς

10:14  και ουκ εγένετο ημέρα τοιαύτη ουδέ το πρότερον ουδέ το έσχατον ώστε επακούσαι θεόν φωνής ανθρώπου ότι κύριος συνεπολέμησε τω Ισραήλ

10:15  και επέστρεψεν Ιησούς και πας Ισραήλ μετ΄ αυτού εις την παρεμβολήν εις Γάλγαλα

10:16  και έφυγον οι πέντε βασιλείς ούτοι και κατεκρύβησαν εις το σπήλαιον το εν Μακηδά

10:17  και απηγγέλη τω Ιησού λέγοντες εύρηνται οι πέντε βασιλείς κεκρυμμένοι εν τω σπηλαίω τω εν Μακηδά

10:18  και είπεν Ιησούς κυλίσετε λίθους μεγάλους επί το στόμα του σπηλαίου και καταστήσατε επ΄ αυτούς άνδρας του φυλάσσειν επ΄ αυτούς

10:19  υμείς δε μη στήκετε καταδιώκοντες οπίσω των εχθρών υμών και καταλάβετε την ουραγίαν αυτών και μη αφήτε αυτούς εισελθείν εις τας πόλεις αυτών παρέδωκε γαρ αυτούς κύριος ο θεός ημών εις τας χείρας ημών

10:20  και εγένετο ως κατέπαυσεν Ιησούς και οι υιός Ισραήλ κ΄οπτοντες αυτούς κοπήν μεγάλην σφόδρα έως εις τέλος και οι διασωζόμενοι διεσωθησαν απ΄ αυτών και εισήλθον εις τας πόλεις τας οχυράς

10:21  και απεστράφη πας ο λαός προς Ιησούν εις Μακηδά εις την παρεμβολήν υγιείς και ουκ έγρυξεν των υιών Ισραήλ ουδείς τη γλώσση αυτού

10:22  και είπεν Ιησούς ανοίξατε το σπήλαιον και εξαγάγετε προς με τους πέντε βασιλείς τούτους εκ του σπηλαίου

10:23  και εποίησαν ούτως και εξήγαγον προς αυτόν τους πέντε βασιλείς τούτοις εκ του σπηλαίου τον βασιλέα Ιερουσαλήμ και τον βασιλέα Χεβρών και τον βασιλέα Ιεριμούθ και τον βασιλέα Λαχίς και τον βασιλέα Οδολλάμ

10:24  και επεί εξήγαγον αυτούς προς Ιησούν και συνεκάλεσεν Ιησούς πάντα άνδρα Ισραήλ λέγων αυτοίς και τους εναρχομένους του πολέμου τους συμπορευομένους αυτώ λέγων αυτοίς προπορεύεσθε και επίθετε τους πόδας υμών επί τους τραχήλους αυτών και προσελθόντες επέθηκαν τους πόδας αυτών επί τους τραχήλους αυτών

10:25  και είπεν προς αυτούς Ιησούς μη φοβηθήτε αυτούς μηδέ δειλιάσητε ανδρίζεσθε και ισχύετε ότι ούτως ποιήσει κύριος πάσι τοις εχθροίς υμών ους υμείς καταπολεμείτε αυτούς

10:26  και απέκτεινεν αυτούς Ιησούς μετά τούτο και εθανάτωσεν αυτούς και επεκρέμασεν αυτούς επί πέντε ξύλων και ήσαν κρεμάμενοι επί των ξύλων έως εσπέρας

10:27  και εγενήθη προς δυσμάς ηλίου και ενετείλατο Ιησούς και καθείλοσαν αυτούς από των ξύλων και έρριψαν αυτούς εις το σπήλαιον εις ο κατεφύγοσαν εκεί και επεκύλισαν λίθους μεγάλους επί το σπήλαιον έως της ημέρας σήμερον

10:28  και την Μακηδά έλαβεν Ιησούς εν τη ημέρα εκείνη και εφονευσέν αυτήν εν στόματι ξίφους και τον βασιλέα και εξωλόθρευσαν αυτούς και παν έμπνεον ο ην εν αυτή και ου κατελείφθη εν αυτή ουδείς διασεσωσμένος και εποίησαν τω βασιλεί Μακηδά ον τρόπον εποίησαν τω βασιλεί Ιεριχώ

10:29  και απήλθεν Ιησούς και πας Ισραήλ μετ΄ αυτού εκ Μακηδά εις Λεβνά και επολιόρκει επί Λεβνά

10:30  και παρέδωκεν κύριος και αυτήν εν χειρί Ισραήλ και έλαβον αυτήν και τον βασιλέα αυτής και εφόνευσαν αυτήν εν στόματι ξίφους και παν έμπνεον ο ην εν αυτή ου κατελείφθη εν αυτή ουδέ εις διασεσωσμένος και διαπεφευγώς και εποίησαν τω βασιλεί αυτής ον τρόπον εποίησαν τω βασιλεί Ιεριχώ

10:31  και απήλθεν Ιησούς και πας Ισραήλ μετ΄ αυτού εκ Λεβνά εις Λαχίς και περιεκάθισεν αυτήν και επολιόρκει αυτήν

10:32  και παρέδωκε κύριος την Λαχίς εις τας χείρας Ισραήλ και έλαβεν αυτήν τη δευτέρα ημέρα και εφόνευσεν αυτήν εν στόματι ξίφους και εξωλόθρευσεν αυτήν ον τρόπον εποίησε τη Λεβνά

10:33  τότε ανέβη Ελάμ βασιλεύς Γαζέρ βοηθήσαι τη Λαχίς και επάταξεν αυτόν Ιησούς εν στόματι ξίφους και τον λαόν αυτού έως του μη καταλειφθήναι αυτών σεσωσμένον και διαπεφευγότα

10:34  και απήλθεν Ιησούς και πας Ισραήλ μετ΄ αυτού εκ Λαχίς εις Εγλών και περιεκάθισεν αυτήν και εξεπολιόρκησεν αυτήν

10:35  και παρέδωκεν αυτήν κύριος εν χειρί Ισραήλ και έλαβεν αυτήν εν τη ημέρα εκείνη και εφόνευσεν αυτήν εν στόματι ξίφους και παν έμπνεον εν αυτή εν τη ημέρα εκείνη εφόνευσαν ον τρόπον εποίησαν τη Λαχίς

10:36  και απήλθεν Ιησούς και πας Ισραήλ μετ΄ αυτού από Εγλών εις Χεβρών και περιεκάθισαν αυτήν

10:37  και κατελάβοντο αυτήν και επάταξαν αυτήν εν στόματι ξίφους και τον βασιλέα αυτής και τας πάσας κώμας αυτής και πάντα τα εμπνέοντα όσα ην εν αυτή ουκ ην διασεσωσμένος ον τρόπον εποίησαν τη Εγλών και εξωλόθρευσαν αυτήν και παν έμπνεον όσα εν αυτή

10:38  και απέστρεψεν Ιησούς και πας Ισραήλ μετ΄ αυτού εις Δαβηρά και περικάθισαν αυτήν

10:39  και έλαβον αυτήν και τον βασιλέα αυτής και πάσας τας κώμας αυτής και επάταξαν αυτήν εν στόματι ξίφους και εξωλόθρευσαν αυτήν και παν έμπνεον εν αυτή και ου κατέλιπον ουδένα διασεσωσμένον ον τρόπον εποίησαν τη Χεβρών ούτως εποίησαν τη Δαβίρ και τω βασιλεί αυτής καθάπερ εποίησεν τη Λεβνά και τω βασιλεί αυτής

10:40  και επάταξεν Ιησούς την πάσαν γην της ορεινής και την Ναγέβ και την πεδινήν και την Ασιδώθ και τους πάντας βασιλείς αυτής ου κατέλιπον εν αυτή σεσωσμένον και παν έμπνεον ζωής εξωλόθρευσαν ον τρόπον ενετείλατο κύριος ο θεός Ισραήλ

10:41  και απέκτεινεν αυτούς Ιησούς από Κάδης Βαρνή έως Γάζης πάσαν την γην Γοσόν έως της Γαβαών

10:42  και πάντας τους βασιλείς τούτους και την γην αυτών έλαβεν Ιησούς εισάπαξ ότι κύριος ο θεός Ισραήλ συνεπολέμει τω Ισραήλ

10:43  και ανέστρεψεν Ιησούς εις Γάλγαλα

Chapter 11

11:1  ως δε ήκουσεν Ιαβίν βασιλεύς Ασώρ απέστειλε προς Ιωβάβ βασιλέα Μαδώμ και προς βασιλέα Σομεών και προς βασιλέα Χασάφ

11:2  και προς τους βασιλείς τους κατά Σιδώνα την μεγάλην εις την ορεινήν και εις την άραβα απέναντι Χενερέθ και το πεδίον και εις Ναφεθδώρ

11:3  και εις τους παραλίους Χαναναίους απ΄ ανατολών και εις τους παραλίους Αμορραίους και τους Χετταίους και Φερεζαίους και Ιεβουσαίους τους εν τω όρει και τους Ευαίους υπό Αερμών εις γην Μασσηφά

11:4  και εξήλθον αυτοί και οι βασιλείς αυτών μετ΄ αυτών λαός πολύς ώσπερ η άμμος η επί το χείλος της θαλάσσης τω πλήθει και ίπποι και άρματα πολλά σφόδρα

11:5  και συνέβαλλον πάντες οι βασιλείς ούτοι και παρεγένοντο και παρενέβαλον επι το αυτό επί του ύδατος Μερώμ πολεμήσαι τω Ισραήλ

11:6  και είπε κύριος προς Ιησούν μη φοβηθής από προσώπου αυτών ότι αύριον την ώραν ταύτην εγώ παραδίδωμι πάντας αυτούς τετροπωμένους εναντίον υιών Ισραήλ τους ίππους αυτών νευροκοπήσεις και τα άρματα αυτών κατακαύσεις πυρί

11:7  και ήλθεν Ιησούς και πας ο λαός ο πολεμιστής μετ΄ αυτού επ΄ αυτούς επί το ύδωρ Μερώμ εξάπινα και επέπεσαν αυτοίς εν τη ορεινή

11:8  και παρέδωκεν αυτούς κύριος υποχειρίους Ισραήλ και κόπτοντες αυτούς κατεδίωκον αυτούς έως Σιδώνος της μεγάλης και έως Μασρεφώθ μαϊν και έως των πεδίων Μασσηφά και ανατολάς και κατέκοψαν αυτούς έως του μη καταλειφθήναι αυτών διασεσωσμένον

11:9  και εποίησεν αυτοίς ο Ιησούς καθότι ενετείλατο αυτώ κύριος τους ίππους αυτών ενευροκόπησε και τα άρματα αυτών ενέπρησεν εν πυρί

11:10  και απέστρεψεν Ιησούς εν τω καιρώ εκείνω και κατελάβετο την Ασώρ και τον βασιλέα αυτής απέκτεινεν εν ρομφαία ην δε Ασώρ το πρότερον άρχουσα πασών των βασιλειών τούτων

11:11  και απέκτεινε παν έμπνεον εν αυτή εν στόματι ξίφους και εξωλόθρευσεν πάντας και ου κατελείφθη εν αυτή έμπνεον και την Ασώρ ενέπρησαν εν πυρί

11:12  και πάσας τας πόλεις των βασιλειών τούτων και πάντας τους βασιλείς αυτών έλαβεν Ιησούς και ανείλεν αυτούς εν στόματι ξίφους και εξωλόθρευσεν αυτούς ον τρόπον συνέταξε Μωυσής ο παις κυρίου

11:13  αλλά πάσας τας πόλεις τας κεχωματισμένας αυτών ουκ ενέπρησεν Ισραήλ πλην την Ασώρ μόνην ενέπρησεν Ιησούς

11:14  και πάντα τα σκύλα αυτής και τα κτήνη επρονόμευσαν αυτοίς οι υιοί Ισραήλ αυτούς δε πάντας εξωλόθρευσαν εν στόματι ξίφους και απώλεσεν αυτούς ου κατέλιπον αυτών ουδέν έμπνεον

11:15  ον τρόπον συνέταξε κύριος τω Μωυσή τω παιδί αυτού ωσαύτως ενετείλατο Μωυσής τω Ιησού και ούτως εποίησεν Ιησούς ου παρέβη ουδέν από πάντων ων συνέταξεν αυτώ Μωυσής

11:16  και έλαβεν Ιησούς πάσαν την γην ταύτην την ορεινήν και την πάσαν γην Ναγέβ και πάσαν την γην Γοσόμ και την πεδινήν και την προς δυσμαίς και το όρος Ισραήλ και τα ταπεινά τα προς τω όρει

11:17  από όρους Ααλάκ και ο προσαναβαίνει εις Σειρά και έως Βααλγάδ και το πεδίον του Λιβάνου υπό το όρος το Αερμόν και πάντας τους βασιλείς αυτών έλαβε και ανείλεν αυτούς και απέκτεινεν αυτούς

11:18  και ημέρας πλείους εποίησεν Ιησούς προς πάντας τους βασιλείς τούτους τον πόλεμον

11:19  και ουκ ην πόλις ην ου παρέδωκε τοις υιοίς Ισραήλ πλην ο Ευαίος ο κατοικών εν Γαβαών πάντας έλαβεν εν πολέμω

11:20  ότι διά κυρίου εγένετο κατισχύσαι την καρδίαν αυτών συναντάν εις πόλεμον προς Ισραήλ ίνα εξολοθρευθώσιν όπως μη δοθή αυτοίς έλεος αλλ΄ ίνα εξολοθρευθώσιν ον τρόπον είπε κύριος προς Μωυσήν

11:21  και ήλθεν Ιησούς εν τω καιρώ εκείνω και εξωλόθρευσε τους Ενακίμ εκ της ορεινής εκ Χεβρών και εκ Δαβίρ και εξ Ανώβ και εκ παντός όρους Ιούδα και εκ παντός όρους Ισραήλ συν ταις πόλεσιν αυτών και εξωλόθρευσεν αυτούς Ιησούς

11:22  ου κατελείφθη των Ενακίμ από των υιών Ισραήλ αλλά πλην εν Γάζη και εν Γεθ και εν Ασεδώδ κατελείφθη

11:23  και έλαβεν Ιησούς πάσαν την γην καθότι ενετείλατο κύριος τω Μωυσή και έδωκεν αυτούς Ιησούς εν κληρονομία Ισραήλ εν μερισμώ αυτών κατά φυλάς αυτών και η γη κατέπαυσε πολεμουμένη

Chapter 12

12:1  και ούτοι οι βασιλείς της γης ους ανείλον οι υιοί Ισραήλ και κατεκληρονόμησαν την γην αυτών πέραν του Ιορδάνου από ανατολών ηλίου από φάραγγος Αρνών έως του όρους Αερμών και πάσαν την Αραβά από ανατολών

12:2  τον Σηών τον βασιλέα των Αμορραίων ος κατώκει εν Εσεβών κυριεύων από Αροήρ η εστιν επί του χείλους εν τη φάραγγι Αρνών κατά μέσον της φάραγγος και το ήμισυ της Γαλαάδ έως Ιαβόκ του χειμάρρου όρια υιών Αμμών

12:3  και η Αραβά έως της θαλάσσης Χενερέθ κατ΄ ανατολάς και έως της θαλάσσης Αραβά θαλάσσας των αλών από ανατολών εις οδόν την κατά Βηθσιμόθ και από Θεμάν την υπό Ασηδώθ Φασγά

12:4  και όρια Ωγ βασιλεύς Βασάν ος υπελείφθη εκ των γιγάντων ο κατοικών εν Ασταρώθ και εν Αδραϊ

12:5  άρχων από όρους Αερμών και από Σελχάς και πάσαν την Βασάν έως ορίων Γεσουρέ και την Μαχαθί και το ήμισυ Γαλαάδ έως ορίων Σηών βασιλέως Εσεβών

12:6  Μωυσής ο παις κυρίου και οι υιοί Ισραήλ επάταξαν αυτούς και έδωκεν αυτήν Μωυσής ο παις κυρίου εν κληρονομία Ρουβήν και Γαδ και τω ημίσει φυλής Μανασσή

12:7  και ούτοι οι βασιλείς των Αμορραίων ους ανείλε Ιησούς και οι υιοί Ισραήλ εν τω πέραν του Ιορδάνου παρά θάλασσαν Βααλγάδ εν τω πεδίω του Λιβάνου και έως του όρους του Αλόκ αναβαινόντων εις Σηείρ και έδωκεν αυτήν Ιησούς ταις φυλαίς Ισραήλ κληρονομίαν κατά κλήρον αυτών

12:8  εν τω όρει και εν τω πεδίω και εν Αραβά και εν Ασηδώθ και εν τη ερήμω και Νεγέβ τον Χετταίον και τον Αμορραίον και τον Χαναναίον και τον Φερεζαίον και τον Ευαίον και τον Ιεβουσαίον

12:9  τον βασιλέα Ιεριχώ ένα και τον βασιλέα της Γαί η εστι πλησίον Βαιθήλ ένα

12:10  βασιλέα Ιερουσαλήμ ένα βασιλέα Χεβρών ένα

12:11  βασιλέα Ιεριμούθ ένα βασιλέα Λαχίς ένα

12:12  βασιλέα Εγλώμ ένα βασιλέα Γαζέρ ένα

12:13  βασιλέα Δαβίρ ένα βασιλέα Γαδέρ ένα

12:14  βασιλέα Ερμά ένα βασιλέα Αρέδ ένα

12:15  βασιλέα Λεβνά ένα βασιλέα Οδολάμ ένα

12:16  βασιλέα Μακηδά ένα βασιλέα Βαιθήλ ένα

12:17  βασιλέα Ταπφού ένα βασιλέα Εφέρ ένα

12:18  βασιλέα Αφέκ ένα βασιλέα Λεσαρών ένα

12:19  βασιλέα Μαδών ένα βασιλέα Ασσώρ ένα

12:20  βασιλέα Αμαρών ένα βασιλέα Αχασάφ ένα

12:21  βασιλέα Αθανάχ ένα βασιλέα Μαγεδδώ ένα

12:22  βασιλέα Κεδές ένα βασιλέα Ιεκονάμ του Χερμέλ ένα

12:23  βασιλέα Αδώρ του Ναφαθδώρ ένα βασιλέα Γωείμ της Γελγέλ ένα

12:24  βασιλέα Θερσά ένα πάντες ούτοι βασιλείς τριάκοντα και εις

Chapter 13

13:1  και Ιησούς πρεσβύτερος προβεβηκώς των ημερών και είπε κύριος προς Ιησούν συ γεγήρακας προβεβηκώς των ημερών και η γη υπολέλειπται πολλή σφόδρα εις κληρονομίαν

13:2  και αύτη η γη η καταλελειμμένη πάντα όρια Φυλιστιείμ και πας ο Γεσουρί και ο Χαναναίος

13:3  από της αοικήτου της κατά πρόσωπον Αιγύπτου έως των ορίων Ακκαρών εξ ευωνύμων των Χαναναίων προσλογίζεται ταις πέντε σατραπειαίς των Φυλιστιείμ τω Γαζαίω και τω Αζωτίω και τω Ασκαλωνίτη και τω Γεθθαίω και τω Αχαρωνίτι και τω Ευαίω

13:4  εκ Θεμάν και πάση τη γη Χαναάν από Γάζης και οι Σιδώνιοι έως Αφεκκά έως των ορίων των Αμορραίων

13:5  και πάσαν την γην Γαβαί Φυλιστιείμ και πάντα τον Λίβανον από ανατολών ηλίου από Βααλγάδ υπό το όρος το Αερμών έως της εισόδου Εμάθ

13:6  πας ο κατοικών την ορεινήν από του Λιβάνου έως Μασερεφώθ~μαίμ πάντας τους Σιδωνίους εγώ εξολοθρεύσω αυτούς από προσώπου υιών Ισραήλ αλλά διάδος αυτήν τω Ισραήλ εν κλήρω ον τρόπον ενετειλάμην σα

13:7  και νυν μέρισον την γην ταύτην εν κληρονομία ταις εννέα φυλαίς και τω ημίσει φυλής Μανασσή

13:8  τοις μετ΄ αυτού τω Ρουβήν και τω Γαδ ελάβοσαν κληρονομίαν αυτών ην έδωκεν αυτοίς Μωυσής εν τω πέραν του Ιορδάνου κατ΄ ανατολάς ηλίου δέδωκεν αυτοίς Μωυσής ο παις κυρίου

13:9  από Αροήρ η εστιν επί του χείλους χειμάρρου Αρνών και την πόλιν την εν μέσω της φάραγγος και πάσαν την Μισώρ από Μεδαβά έως Διβών

13:10  και πάσας τας πόλεις Σηών βασιλέως Αμορραίων ος εβασίλευσεν εν Εσεβών έως των ορίων υιών Αμμών

13:11  και την Γαλααδίτιν και τα όρια Γεσουρί και του Μαχατί παν όρος Αερμών και πάσαν την Βασανίτιν έως Σελχά

13:12  πάσαν την βασιλείαν Ωγ εν τη Βασανιτίδι ος εβασίλευσεν εν Ασταρώθ και εν Εδραϊ ούτος κατελείφθη από των λείμματος γιγάντων και επάταξεν αυτόν Μωυσής και εξωλόθρευσε αυτόν

13:13  και ουκ εξωλόθρευσαν οι υιοί Ισραήλ τον Γεσουρί και τον Μαχαθί και κατώκει βασιλεύς Γεσουρί και ο Μαχαθί εν τοις υιοίς Ισραήλ έως της ημέρας ταύτης

13:14  πλην τη φυλή Λευί ουκ έδωκεν κληρονομία κύριος ο θεός Ισραήλ ούτος κληρονομία αυτών καθά είπεν αυτοίς κύριος

13:15  και έδωκε Μωυσής τη φυλή υιών Ρουβήν κατά δήμους αυτών

13:16  και εγενήθη αυτών τα όρια από Αροήρ η εστι κατά πρόσωπον φάραγγος Αρνών και η πόλις η εν τη φάραγγι Αρνών και πάσαν την Μισώρ και Μεδαβά έως Εσεβών

13:17  και πάσας τας πόλεις αυτών τας ούσας εν τη Μισώρ και Δεβών και Βαμώθ Βαάλ και οίκους Βεελμών

13:18  και Ιεσσάν και Κεδιμώθ και Μαϊφάθ

13:19  και Καριαθαϊμ και Σεβαμά και Σαρθ και Σιώρ εν τω όρει Αιμάκ

13:20  και Βαθφογώρ και Ασηδώθ Φασγά και Βηθσιμούθ

13:21  και πάσας τας πόλεις του Μισούρ και πάσαν την βασιλείαν του Σηών βασιλέως των Αμορραίων ον εβασίλευσεν εν Εσεβών ον επάταξε Μωυσής αυτόν και τους ηγουμένους Μαδιάν και τον Ευεί και τον Ροκόμ και τον Σουρ και τον Ουρ και τον Ροβά άρχοντας Σηών τους κατοικούντας την γην

13:22  και τον Βαλαάμ υιόν Βεώρ τον μάντιν απέκτειναν οι υιοί Ισραήλ εν ρομφαία εν τη τροπή

13:23  εγένετο δε τα όρια υιών Ρουβήν ο Ιορδάνης όριον αύτη η κληρονομία υιών Ρουβήν κατά δήμους αυτών αι πόλεις και αι επαύλεις αυτών

13:24  έδωκε δε Μωυσής τοις υιοίς Γαδ κατά δήμους αυτών

13:25  και εγένετο αυτών τα όρια Ιαζίρ πάσα πόλεις Γαλαάδ και ήμισυ γης υιών Αμμών έως Αροήρ η εστι κατά πρόσωπον Ραββά

13:26  και από Εσεβών έως Ραμέθ κατά την Μασφά Βοτανίμ και Μααναϊμ έως των ορίων Δεβίρ

13:27  και Εννεμέκ Βηθαράμ και Βαθαναμρά και Σιχώθ και Σαφών και την λοιπήν βασιλείαν Σηών βασιλέως Εσεβών ο Ιορδάνης όριει έως μέρους της θαλάσσης Χενερέθ πέραν του Ιορδάνου απ΄ ανατολών

13:28  αύτη η κληρονομία υιών Γαδ κατά δήμους αυτών και κατά πόλεις αυτών και επαύλεις αυτών

13:29  και έδωκε Μωυσής τω ημίσει φυλής Μανασσή και εγενήθη τοις ημίσεσι φυλής υιών Μανασσή κατά δήμους αυτών

13:30  και εγένετο τα όρια αυτών από Μαναϊμ και πάσα βασιλεία Βασάν και πάσα βασιλεία Ωγ βασιλέως Βασάν και πάσας τας κώμας Ιαίρ αι εισιν εν γη Βασανίτιδι εξήκοντα πόλεις

13:31  και το ήμισυ της Γαλαάδ και εν Ασταρώθ και εν Εδραϊ πόλεις βασιλείας Ωγ εν Βασινίτιδι τοις υιοίς Μαχίρ υιόυ Μανασσή και τοις ημίσεσιν υιών Μαχίρ υιόυ Μανασσή κατά δήμους αυτών

13:32  ούτοι ους κατεκληρονόμησε Μωυσής εν αραβώθ Μωάβ εν τω πέραν του Ιορδάνου του κατά Ιεριχώ απ΄ ανατολών

13:33  και τη φυλή Λευί ουκ έδωκε Μωυσής κληρονομίαν κύριος ο θεός Ισραήλ αυτός κληρονομία αυτών ον τρόπον ελάλησεν αυτοίς

Chapter 14

14:1  και ούτοι οι κατακληρονομήσαντες υιών Ισραήλ εν τη γη Χαναάν οις κατεκληρονόμησεν αυτοίς Ελεάζαρ ο ιερεύς και Ιησούς ο του Ναυή και οι άρχοντες πατριών φυλών των υιών Ισραήλ

14:2  κατά κλήρους εκληρονόμησαν ον τρόπον ενετείλατο κύριος εν χειρί Μωυσή ταις εννέα φυλαίς και τω ημίσει φυλής

14:3  έδωκεν γαρ Μωυσής κληρονομίαν ταις δύο φυλαίς και τη ημίσει φυλής από του πέραν του Ιορδάνου και τοις Λευίταις ουκ έδωκε κλήρον εν αυτοίς

14:4  ότι ήσαν οι υιοί Ιωσήφ δύο φυλαί Μανασσή και Εφραϊμ και ουκ εδόθη μερίς τοις Λευίταις εν τη γη αλλ΄ η πόλεις κατοικείν και τα προάστεια αυτών τοις κτήνεσιν αυτών και τα κτήνη αυτών

14:5  ον τρόπον ενετείλατο κύριος τω Μωυσή ούτως εποίησαν οι υιοί Ισραήλ και εμερίσαντο την γην

14:6  και προσήλθοσαν υιοί Ιούδα προς Ιησούν εν Γαλγάλοις και είπε προς αυτόν Χαλέβ ο του Ιεφωνή ο Κενεζαίος συ επίστη το ρήμα ο ελάλησε κύριος προς Μωυσήν άνθρωπον του θεού περί εμού και σου εν Κάδης Βαρνή

14:7  τεσσαράκοντα γαρ ετών ήμην ότε απέστειλέ με Μωυσής ο παις του θεού εκ Κάδης Βαρνή κατασκοπεύσαι την γην και απεκρίθην αυτώ λόγον κατά τον νουν αυτού

14:8  οι δε αδελφοί μου οι αναβάντες μετ΄ εμού μετέστησαν την διάνοιαν του λαού εγώ δε προσετέθην επακολουθήσαι κυρίω τω θεώ μου

14:9  και ώμοσε Μωυσής εν τη ημέρα εκείνη λέγων ότι η γη εφ΄ ην επέβης εν αυτή σοι έσται εν κλήρω και τοις τέκνοις σου εις τον αιώνα ότι προσετέθης επακολουθήσαι οπίσω κυρίου του θεού μου

14:10  και νυν διέθρεψέ με κύριος ον τρόπον είπε τούτο τεσσαρακοστόν και πέμπτον έτος αφ΄ ου ελάλησε κύριος το ρήμα τούτο προς Μωυσήν και επορεύθη Ισραήλ εν τη ερήμω και νυν ιδού εγώ ειμι σήμερον υιός ογδοήκοντα και πέντε ετών

14:11  έτι ειμί σήμερον ισχύων ωσεί ότε απέστειλέ με Μωυσής ωσαύτως ισχύω νυν εις τον πόλεμον εξελθείν και εισελθείν

14:12  και νυν αιτούμαί σε το όρος τούτο καθά είπε κύριος τη ημέρα εκείνη ότι συ ακήκοας το ρήμα τούτο εν τη ημέρα εκείνη νυν δε οι Ενακίμ εκεί εισί πόλεις μεγάλαι και οχυραί εάν ουν κύριος μετ΄ εμού η εξολοθρεύσω αυτούς ον τρόπον είπέ μοι κύριος

14:13  και ευλόγησεν αυτόν Ιησούς και έδωκε την Χεβρών τω Χαλέβ υιώ Ιεφωνή εν κλήρω

14:14  διά τούτο εγενήθη η Χεβρών τω Χαλέβ τω του Ιεφωνή του Κενεζαίου εν κλήρω έως της σήμερον ημέρας διά το αυτόν επακολουθήσαι τω προστάγματι κυρίου του θεού Ισραήλ

14:15  το δε όνομα της Χεβρών το πρότερον πόλις Αρβαί μητρόπολις των Ενακίμ αύτη και η γη εκόπασε του πολέμου

Chapter 15

15:1  και εγένετο τα όρια φυλής Ιούδα κατά δήμους αυτών από των ορίων της Ιδουμαίας από της ερήμου Σιν προς λίβα έως Κάδης

15:2  και εγενήθη αυτών τα όρια από λιβός έως μέρους θαλάσσης της αλυκής από της λοφίας της φερούσης επί λίβα

15:3  και διαπορεύεται απέναντι της προσαναβάσεως Ακραβίν και εκπορεύεται Σινά και αναβαίνει από λιβός επί Κάδης Βαρνή και εκπορεύεται Εσρών και προσαναβαίνει εις Αδδαρά και εκπεριπορεύεται την κατά δυσμάς Κάδης

15:4  και εκπορεύεται επί Ασεμωνά και διεκβάλλει έως χειμάρρου Αιγύπτου και έσται η διέξοδος αυτού των ορίων επί την θάλασσαν τούτό εστιν αυτών τα όρια από λιβός

15:5  και τα όρια από ανατολών πάσα η θάλασσα η αλυκή έως μέρους του Ιορδάνου και τα όρια αυτών επί βορρά από της λοφίας της θαλάσσης και από του μέρους του Ιορδάνου

15:6  επιβαίνει τα όρια επί Βαιθαγλά και παραπορεύεται από βορρά επί Βαιθαραβά και προσαναβαίνει τα όρια επί λίθον Βαιόν υιόυ Ρουβήν

15:7  και προσαναβαίνει τα όρια επί το Δαβρά της φάραγγος Αχώρ και κατά βορράν καταβαίνει επί Γαλγάλ η εστιν απέναντι της προσβάσεως Αδαμμίν η εστι κατά λίβα τη φάραγγι και διεκβάλλει το όριον επί το ύδωρ πηγής ηλίου και έσται η διέξοδος αυτού πηγή Ρωγήλ

15:8  και αναβαίνει τα όρια εις φάραγγα υιόυ Εννόμ επί νώτου του Ιεβούς από λιβός αύτη εστίν Ιερουσαλήμ και διεκβάλλει τα όρια επί κορυφήν όρους η εστι κατά πρόσωπον φάραγγος Εννόμ προς θαλάσση η εστιν εκ μέρους γης Ραφαϊμ επί βορρά

15:9  και διεκβάλλει το όριον από κορυφής του όρους επί πηγήν ύδατος Ναφθώ και διεκβαλλεί επί κώμας όρους Εφρών και άξει το όριον εις Βαάλ αύτη εστί πόλις Ιαρίμ

15:10  και περιελεύσεται όριον από Βαάλ επί θάλασσαν και παρελεύσεται εις όρος Σηείρ και παρελεύσεται επί νώτου πόλιν Ιαρίμ από βορρά αύτη εστί Χασαλών και καταβήσεται επί πόλιν ηλίου και παρελεύσεται επί λίβα

15:11  και διεκβαλλεί το όριον κατά νώτου Ακκαρών επί βορράν και διεκβαλεί τα όρια εις Σαχαρωνά και παρελεύσεται όρος γης Βααλών και διεκβαλεί επί Ιαμνήλ και έσται η διέξοδος των ορίων επί θάλασσαν και τα όρια αυτών από θαλάσσης η θάλασσα η μεγάλη οριεί

15:12  ταύτα τα όρια υιών Ιούδα κύκλω κατά δήμους αυτών

15:13  και τω Χαλέβ υιώ Ιεφωνή έδωκε μερίδα εν μέσω υιών Ιούδα διά προστάγματος του θεού και έδωκεν αυτώ Ιησούς την πόλιν Αρβαί μητρόπολιν Ενάκ αύτη εστί Χεβρών

15:14  και εξωλόθρευσεν εκείθεν Χαλέβ υιός Ιεφωνή τους τρεις υιούς Ενάκ τον Σουσί και Αχειμάν και τον Θαλβαϊ γεννήματα του Ενάκ

15:15  και ανέβη εκείθεν Χαλέβ επί τους κατοικούντας Δαβίρ το δε όνομα Δαβίρ ην το πρότερον πόλις γραμμάτων

15:16  και είπε Χαλέβ ος εάν λάβη την πόλιν των γραμμάτων και κυριεύση αυτής δώσω αυτώ την Άχσαν θυγατέρα μου εις γυναίκα

15:17  και έλαβεν αυτήν Γοθονιήλ υιός Κενέζ ο αδελφός Χαλέβ ο νεώτερος και έδωκεν αυτώ Άχσαν θυγάτερα αυτού αυτώ εις γυναίκα

15:18  και εγένετο εν τω εκπορεύεσθαι αυτήν και συνεβουλεύσατο αυτώ λέγουσα αιτήσομαι τον πατέρα μου αγρόν και εβόησεν από την όνου και είπεν Χαλέβ τι εστί σοι

15:19  και είπεν αυτώ δος μοι ευλογίαν ότι εις γην Ναγέβ δέδωκάς με δος μοι την Γολαθμάϊμ και έδωκεν αυτή Χαλέβ την Γολαθμάϊμ την άνω και την Γολάθ την κάτω

15:20  αύτη η κληρονομία φυλής υιών Ιούδα κατά δήμους αυτών

15:21  εγενήθησαν δε πόλεις αυτών πόλεις πρώτη φυλής υιών Ιούδα εφ΄ ορίων Εδώμ επί της ερήμου Καβσήλ και ΄Εδερ και Ιαγούρ

15:22  και Κινά και Διμονά και Αδαδά

15:23  και Κεδής και Ασώρ και Ιονάν

15:24  Ζιφ και Τελέμ αι Βαλώθ

15:25  Ασώρ την καινήν και αι πόλεις Εσρών αύτη εστίν Ασώρ

15:26  Αμάν και Σαμά και Μωλαδά

15:27  και Ασαρσουάρ και Ασεργαδδά και Ασεμών και Βηθφελέθ

15:28  και Βηρσαβεέ και Βιζιωθία

15:29  και Βαλλά και Αυίμ και Ασέμ

15:30  και Ελθωλάδ και Σιίλ και Ερμά

15:31  και Σικελέθ και Μεδιμενά και Σανσαννά

15:32  και Λαβαώθ και Σελείμ και Αϊν και Ρεμμών πάσαι αι πόλεις εικοσιεννέα και αι κώμαι αυτών

15:33  εν τη πεδινή Ασθαώλ και Σαραά και Ασνά

15:34  και Ζανώ και Ηγοννίμ Ταφφουά και Εναϊμ

15:35  και Ιεριμούθ και Αδαλάμ και Σωχώ και Αζηκά

15:36  και Σεβαρίμ και Αγεθθαϊμ και Γαδιρά αι επαύλεις αυτής πόλεις τεσσαρεσκαιδέκα και αι κώμαι αυτών

15:37  Σενάμ και Αδασά και Μαγδαλγάδ

15:38  και Δαλλάν και Μασσηφά και Ιεχθαήλ

15:39  και Λαχίς και Βασεχάθ και Αγλών

15:40  και Χαββώ και Λαμμάς και Καθαλίς

15:41  και Γαδηρώθ και Βηθδαγών και Νομά και Μακηδά πόλεις δεκαέξ και αι κώμαι αυτών

15:42  Λεβνά και Αθέρ και Ασάν

15:43  και Ιεφθά και Ασαννά και Νεσείβ

15:44  και Κεϊλά και Αχζίβ και Μαρησά πόλεις εννέα και αι κώμαι αυτών

15:45  Ακκαρών και αι κώμαι αυτής και επαύλεις αυτής

15:46  από Ακκαρών και εις θάλασσαν Ιεμνάθ και πάσαι όσαι εισί πλησίον Εσδώδ και αι κώμαι αυτών

15:47  Εσδώθ και αι κώμαι αυτής και αι επαύλεις αυτής Γαζί και αι κώμαι αυτής και αι επαύλεις αυτής έως του χειμάρρου Αιγύπτου και η θάλασσα η μεγάλη διορίζει

15:48  και εν τη ορεινή Σαμίρ και Ιθέρ και Σωχώ

15:49  και Ρεννά και πόλις γραμμάτων αύτη εστί Δαβίρ

15:50  και Ανάβ και Ασθεμώ και Ανίμ

15:51  και Γοσόμ και Χιλούν και Γιλώ πόλεις ένδεκα και αι κώμαι αυτών

15:52  Ερέβ και Ρουμά και Εσάν

15:53  και Ιανούμ και Βηθφουέ και Αφακά

15:54  και Αμματά και πόλις Αρβαί αύτη εστι Χεβρών και Σιώρ πόλεις εννέα και αι επαύλεις αυτών

15:55  Μαών και Χερμέλ και Ζιφ και Ιεττά

15:56  και Ιεζρεέλ και Ιεκδαάμ και Ζανουά

15:57  Έκεν και Γαβαά και Θαμνά πόλεις δέκα και αι κώμαι αυτών

15:58  Αλουέ και Βεθσούρ και Γεδώρ

15:59  και Μααρώθ και Βηθανώθ και Ελθεκέν πόλεις εξ και αι κώμαι αυτών

15:60  Καριαθβαάλ αύτη πόλις Ιαρίμ και Αρεμβά πόλεις δύο και αι επαύλεις αυτών

15:61  εν τη ερήμω Βηθαραβά και Μαδδίν και Σχαχά

15:62  και Νεβσάν και αι πόλεις των Αλών και Εγγαδδί πόλεις εξ και αι κώμαι αυτών

15:63  και ο Ιεβουσαίος κατώκει εν Ιερουσαλήμ και ουκ ηδυνήθησαν οι υιοί Ιούδα απολέσαι αυτούς και κατώκησαν οι Ιεβουσαίος μετά των υιών Ιούδα εν Ιερουσαλήμ έως της ημέρας ταύτης

Chapter 16

16:1  και εγένετο τα όρια υιών Ιωσήφ από του Ιορδάνου κατά Ιεριχώ από ανατολών την έρημον και αναβήσεται από Ιεριχώ εις την ορεινήν εις Βαιθήλ

16:2  και εξελεύσεται από Βαιθήλ εις λουζά και παρελεύσεται επί τα όρια του Αρχιαταρώθ

16:3  και διελεύσεται επί την θάλασσαν επί τα όρια Ιεφλητί έως των ορίων Βαιθωρών την κάτω και έως Γαζέρ και έσται η διέξοδος αυτών επί την θάλασσαν

16:4  και εκληρονόμησαν οι υιοί Ιωσήφ Μανασσή και Εφραϊμ

16:5  και εγενήθη όρια υιών Εφραϊμ κατά δήμους αυτών και εγενήθη τα όρια της κληρονομίας αυτών από ανατολών Αταρώθ Αδάρ έως Βηθωρών την άνω

16:6  και διελεύσεται τα όρια επί την θάλασσαν εις Μαχθώθ από βορρά και περιελεύσεται το οριος επ΄ ανατολάς εις Θηναθασηλώ και παρελεύσεται αυτο απ΄ ανατολών εις Ιανωχά

16:7  και καταβήσεται από Ιανωχά εις Αταρώθ και αι κώμαι αυτών και εις Αναραθά και ελεύσεται επί Ιεριχώ και διεκβαλεί επί τον Ιορδάνην

16:8  και από Θαπφουέ πορεύσεται τα όρια επί θάλασσαν επί χειμάρρουν Χανά και έσται η διέξοδος αυτού επί θάλασσαν αύτη η κληρονομία φυλής υιών Εφραϊμ κατά δήμους αυτών

16:9  και αι πόλεις αι αφορισθείσαι τοις υιοίς Εφραϊμ αναμέσον της κληρονομίας υιών Μανασσή πάσαι αι πόλεις και αι κώμαι αυτών

16:10  και ουκ απώλεσεν Εφραϊμ τον Χαναναίον τον κατοικούντα εν Γαζέρ και κατώκει ο Χαναναίος εν Εφραϊμ έως της ημέρας ταύτης και εγένοντο υπόφοροι δούλοι

Chapter 17

17:1  και εγένετο τα όρια φυλής Μανασσή ότι ούτος πρωτότοκος τω Ιωσήφ τω Μαχείρ πρωτοτόκω Μανασσή πατρί Γαλαάδ αυτός γαρ ανήρ πολεμιστής εν τη Γαλααδίτιδι και εν τη Βασανίτιδι

17:2  και εγενήθη τοις υιοίς Μανασσή τοις λοιποίς κατά δήμους αυτών τοις υιοίς Αβιέζερ και τοις υιοίς Ελέκ και τοις υιοίς Εσριήλ και τοις υιοίς Συχέμ και τοις υιοίς Εφέρ και τοις υιοίς Σεμιδαέ ούτοι υιοί Μανασσή υιόυ Ιωσήφ οι άρσενες κατά δήμους αυτών

17:3  και τω Σαλπαάδ υιώ Οφέρ υιόυ Γαλαάδ υιόυ Μαχείρ υιόυ Μανασσή ουκ ήσαν αυτώ υιοι αλλά θυγατέρες και ταύτα τα ονόματα των θυγατέρων Σαλπαάδ Μααλά και Νουά και Εγλά και Μελχά και Θερσά

17:4  και έστησαν εναντίον Ελεάζαρ του ιερέως και εναντίον Ιησού υιόυ Ναυή και εναντίον των αρχόντων λέγουσαι ο θεός ενετείλατο διά χειρός Μωυσή δούναι ημίν κληρονομίαν εν μέσω των αδελφών ημών και εδόθη αυταίς κληρονομία διά προστάγματος κυρίου κλήρος εν μέσω των αδελφών αυτών του πατρός αυτών

17:5  και έπεσεν ο σχοινισμός Μανασσή πεδίον Λαβέδ εκ της γης Γαλαάδ και της Βασάν η εστι πέραν του Ιορδάνου

17:6  ότι θυγατέρες υιών Μανασσή εκληρονόμησαν κλήρον εν μέσω των αδελφών αυτών η δε γη Γαλαάδ εγενήθη τοις υιοίς Μανασσή τοις καταλελειμμένοις

17:7  και εγενήθη όρια Μανασσή από Ασήρ Μαχθώθ η εστι κατά πρόσωπον Σιχέμ και πορεύεται επί τα όρια επί Ιαμίν και εις Ιασήβ και επί πηγήν Ναφθώθ

17:8  επί των ορίων Μανασσή τοις υιοίς Εφραϊμ

17:9  και καταβήσεται τα όρια επί φάραγγα επί λίβα κατά φάραγγα Ιαρϊρηλ τερέβινθος την Εφραϊμ αναμέσον πόλεως Μανασσή και όρια Μανασσή επί βορράν εις τον χειμάρρουν και έσται η διέξοδος αυτού θάλασσα

17:10  από λιβός τω Εφραϊμ και επί βορράν Μανασσή και έσται η θάλασσα όρια αυτοίς και επί Ασήρ συνάψουσιν επί βορράν και τω Ισσάχαρ από ανατολών

17:11  και έσται Μανασσή εν Ισσάχαρ και εν Ασήρ Βηθσάν και αι κώμαι αυτών και Ιαβλαάμ και αι θυγατέρες αυτής και επί τους κατοικούντας Δωρ και τας κώμας αυτής και επί τους κατοικούντας Ενδώρ και τας κώμας αυτής και επί τους κατοικούντας Θανάχ και τας κώμας αυτής και τους κατοικούντας Μαγγεδώ και τας κώμας αυτής και το τρίτον της Νοφέθ και τας κώμας αυτής

17:12  και ουκ εδυνήθησαν οι υιοί Μανασσή εξολοθρεύσαι τας πόλεις ταύτας και ήρξατο ο Χαναναίος κατοικείν εν τη γη ταύτη

17:13  και εγενήθη επεί κατίσχυσαν οι υιοί Ισραήλ και εποίησαν τους Χαναναίους υπηκόους και εξολοθρεύσει ουκ εξωλόθρευσαν αυτούς

17:14  αντείπαν δε οι υιοί Ιωσήφ τω Ιησού λέγοντες διατί εκληρονόμησας ημάς κλήρον ένα και σχοίνισμα εν εγώ δε λαός πολύς και ευλόγησέ με ο θεός

17:15  και είπεν αυτοίς Ιησούς ει λαός πολύς ει συ ανάβηθι εις τον δρυμόν και εκκάθαρον σεαυτώ εκεί εν τη γη του Φερεζαίου και του Ραφαϊμ ει στενοχωρίσαι το όρος το Εφραϊμ

17:16  και είπαν οι υιοί Ιωσήφ ουκ αρέσκει ημίν το όρος το Εφραϊμ και ίπποις επίλεκτος και σίδηρος παντί τω Χαναναίω τω κατοικούντι εν τη γη Εμέκ εν Βαιθασάν και εν ταις κώμαις αυτής και εν τη κοιλάδι Ιεσραέλ

17:17  και είπεν Ιησούς τοις υιοίς Ιωσήφ τω Εφραϊμ και τω Μανασσή λέγων ει λαός ει πολύς και ισχύν μεγάλην έχεις ουκ έσται σοι κλήρος εις

17:18  ο γαρ δρυμός έσται σοι ότι δρυμός εστιν και εκκαθαριείς αυτόν και έσται σοι η εξοδία αυτού όταν εξολοθρεύσης τον Χαναναίον ότι ίππος επίλεκτός εστι αυτώ ότι ισχυρός εστι συ γαρ υπερισχύεις αυτόν

Chapter 18

18:1  και εξεκκλησιάσθη πάσα συναγωγή υιών Ισραήλ εις Συλώ και έπηξαν εκεί την σκηνήν του μαρτυρίου και η γη εκρατήθη υπ΄ αυτών

18:2  και κατελείφθησαν οι υιοί Ισραήλ ότι ου κατεκληρονόμησαν την κληρονομίαν αυτών επτά φυλαί

18:3  και είπεν Ιησούς τοις υιοίς Ισραήλ έως τίνος υμείς εκλυθήσεσθε εισελθείν κληρονομήσαι την γην ην έδωκεν ημίν κύριος ο θεός των πατέρων ημών

18:4  δότε εξ υμών τρεις άνδρας εκ φυλής και αποστελώ αυτούς και αναστάντες διελθέτωσαν την γην και διαγραψάτωσαν αυτήν εναντίον μου καθά δεήσει διελείν αυτήν και ήλθον προς αυτόν

18:5  και διείλεν αυτοίς επτά μερίδας Ιούδα στήσεται όριον από λιβός αυτοίς και οι υιοί Ιωσήφ στήσονται επί το όριον αυτών από βορρά

18:6  υμείς δε μερίσατε την γην επτά μερίδας και ενέγκατε προς με ώδε και εξοίσω υμίν κλήρον ώδε έναντι κυρίου του θεού υμών

18:7  ου γαρ εστι μερίς τοις υιοίς Λευί εν υμίν ιερατεία γαρ κυρίου μερίς αυτού και Γαδ και Ρουβήν και το ήμισυ φυλής Μανασσή έλαβον την κληρονομίαν αυτού πέραν του Ιορδάνου επ΄ ανατολάς ην έδωκεν αυτοίς Μωυσής ο παις κυρίου

18:8  και αναστάντες οι άνδρες επορεύθησαν και ενετείλατο ο Ιησούς τοις ανδράσι τοις πορευομένοις χωροβατήσαι την γην λέγων διέλθατε και πορεύθητε την γην και χωροβατήσατε αυτήν και παραγενήθητε προς με και εξοίσω υμίν ώδε κλήρον έναντι κυρίου εν Συλώ

18:9  και επορεύθησαν οι άνδρες και διήλθον εν τη γη και εχωροβάτησαν αυτήν και είδοσαν αυτήν και έγραψαν αυτήν κατά πόλεις αυτής επτά μερίδας εις βιβλίον και ήνεγκαν προς Ιησούν εις παρεμβολήν εν Συλώ

18:10  και ενέβαλεν αυτοίς Ιησούς κλήρον εν Συλώ έναντι κυρίου

18:11  και εμέρισεν εκεί Ιησούς την γην τοις υιοίς Ισραήλ κατά μερισμούς αυτών και εξήλθεν ο κλήρος φυλής υιών Βενιαμίν πρώτος κατά δήμους αυτών και εξήλθεν όρια του κλήρου αυτών αναμέσον υιών Ιούδα και αναμέσον των υιών Ιωσήφ

18:12  και εγενήθη αυτών τα όρια από βορρά από του Ιορδάνου προσαναβήσεται τα όρια κατά νώτου Ιεριχώ επί βορρά και αναβήσεται επί το όρος επί την θάλασσαν και έσται η διέξοδος αυτού η Μαδβαρίτις Βαιθαούν

18:13  και διελεύσεται εκείθεν τα όρια Λουζά από λιβός αύτη εστί Βαιθήλ και καταβήσεται τα όρια από Αταρώθ Εδδάρ επί την ορεινήν η εστι προς λίβα Βαιθωρών η κάτω

18:14  και διελεύσεται τα όρια και περιελεύσεται επί το μέρος το βλέπον το παρά θάλασσαν από λιβός από του όρους επί πρόσωπον Βαιθορών λίβα και έσται η διέξοδος αυτού εις Καριαθβαάλ αύτη εστί Καριαθαρίμ πόλις υιών Ιούδα τούτο εστί το μέρος το προς θάλασσαν

18:15  και μέρος το προς λίβα από μέρους Καριαθβαάλ και διελεύσεται εις Γασήν και εξελεύσεται επί πηγήν ύδατος Ναφθώ

18:16  και καταβήσεται τα όρια επί μέρους του όρους ο εστι κατά πρόσωπον νάπης υιόυ Ενόμ ο εστιν εκ μέρους Εμεκραφαϊμ από βορρά και καταβήσεται επί Γαιωννάμ επί νώτον Ιεβούς από λιβός και καταβήσεται επί πηγήν Ρωγήλ

18:17  και διεκβαλεί επί βορράν και διελεύσεται επί πηγήν Βαιθσαμύς

18:18  και παρελεύσεται επί Γαλιλώθ η εστιν απέναντι προς ανάβασιν Εδωμίμ και καταβήσεται επί λίθον Βαάν υιών Ρουβήν και διελεύσεται κατά νώτου Βαιθαραβά από βορρά και καταβήσεται επί Αραβά και παρελεύσεται επί τα όρια επί νώτον θάλασσα από βορρά

18:19  και έσται η διέξοδος των ορίων επί λοφίαν της θαλάσσης των αλών από βορρά εις μέρος του Ιορδάνου από λιβός ταύτα τα όριά εστιν από λιβός

18:20  και ο Ιορδάνης οριεί αυτό από μέρους απ΄ ανατολών αύτη η κληρονομία υιών Βενιαμίν τα όρια αυτής κύκλω κατά δήμους αυτών

18:21  και εγενήθησαν αι πόλεις της φυλής των υιών Βενιαμίν κατά δήμους αυτών Ιεριχώ και Βηθαγλά και Μεκκασίς

18:22  και Βαιθαβαρά και Σαμαρίμ και Βηθήλ

18:23  και Αυίμ και Αφρά και Αφαρά

18:24  και Καφαραμμωνά και την Αφνί και Γαβαά πόλεις δώδεκα και αι κώμαι αυτών

18:25  Γαβαών και Ραμά και Βηρώθ

18:26  και Μασσηφά και Κεφιρά και Μασσά

18:27  και Ρεκέν και Ιερφήλ και Θεραλά

18:28  και Ιεβούς αύτη εστίν Ιερουσαλήμ και Γαβαώθ και πόλις Ιαρίμ πόλεις δεκατρείς και αι κώμαι αυτών αύτη η κληρονομία υιών Βενιαμίν κατά δήμους αυτών

Chapter 19

19:1  και εξήλθεν ο κλήρος ο δεύτερος τω Συμεών τη φυλή υιών Συμεών κατά δήμους αυτών και εγενήθη η κληρονομία αυτών αναμέσον κλήρων υιών Ιούδα

19:2  και εγενήθη αυτοίς ο κλήρος αυτών Βηρσαβεέ και Σαβέ και Μολαδά

19:3  και Αρσεσουάλ και Βολά και Ιασόμ

19:4  και Ελθουλάδ και Βαθούλ και Ερμά

19:5  και Σικελάγ και Βηθαμαρχαβώθ και Ασερσουσίμ

19:6  και Βηθλεβαώθ και οι αγροί αυτών πόλεις δεκατρείς και αι κώμαι αυτών

19:7  Αϊν και Ρεμμών και Εθέρ και Ασάν πόλεις τέσσαρες και αι κώμαι αυτών

19:8  και πάσαι αι επαύλεις κύκλω των πόλεων τούτων έως Βααλάθ Βηρραθμώθ πορευομένων κατά λίβα αυτή η κληρονομία φυλής υιών Συμεών κατά δήμους αυτών

19:9  από του κλήρου του Ιούδα η κληρονομία φυλής υιών Συμεών ότι εγενήθη η μερίς υιών Ιούδα μείζων της αυτών και εκληρονόμησαν οι υιοί Συμεών εν μέσω του κλήρου αυτών

19:10  και εξήλθεν ο κλήρος ο τρίτος τω Ζαβουλών κατά δήμους αυτών έσται τα όρια της κληρονομίας αυτών έως Σαρίδ

19:11  και προσαναβαίνει τα όρια αυτών εις θάλασσαν και Μαραλά και συνάψει επί Δαβασθέ και απαντήσει εις την φάραγγα η εστι κατά πρόσωπον Ιεκνάμ

19:12  και ανέστρεψαν από Σαρίδ εξ εναντίας απ΄ ανατολών Σαμές επί τα όρια Χασελλαθθαβώρ και διελεύσεται επί Δαβράθ και προσαναβήσεται επί Ιαφφιέ

19:13  και εκείθεν περιελεύσεται εξ εναντίας επ΄ ανατολάς επί Γεθαεφέρ και Σιν και διελεύσεται επί Ρεμμωνά Αμαθάρ Ανούα

19:14  και περιελεύσεται όρια επί βορράν επί Αναθών και έσται η διέξοδος αυτών επί Γαϊ Ιεφθαήλ

19:15  και Κοττάθ και Νααλώλ και Σεμρών και Ιεδαλά και Βηθλεέμ πόλεις δώδεκα και αι κώμαι αυτών

19:16  αύτη η κληρονομία της φυλής υιών Ζαβουλών κατά δήμους αυτών αι πόλεις αύται και αι κώμαι αυτών

19:17  και τω Ισσάχαρ εξήλθεν ο κλήρος ο τέταρτος τοις υιοίς Ισσάχαρ κατά συγγένειαν αυτών

19:18  και εγενήθη τα όρια αυτών Ιζραέλ και Αχασελώθ και Συνήμ

19:19  και Αφαρέμ και Σηών και Ανερέθ

19:20  και Ραβώθ και Κεσιών και Αεβής

19:21  και Ραμώθ και Ενγαννίμ και Ανναδά και Βηθφασής

19:22  και συνάψει τα όρια επί Ταβώρ και επί Σασιμά και Βαιθσαμίς και έσται η διέξοδος των ορίων αυτών ο Ιορδάνης πόλεις εκκαίδεκα και αι κώμαι αυτών

19:23  αύτη η κληρονομία φυλής υιών Ισσάχαρ κατά δήμους και αι πόλεις και αι επαύλεις αυτών

19:24  και εξήλθεν ο κλήρος πέμπτος τη φυλή υιών Ασήρ κατά δήμους αυτών

19:25  και εγενήθη τα όρια αυτών Ελκάθ και Αλί και Βεθέν και Αχασάφ

19:26  και Ελμέλεχ και Αμαάδ και Μασάλ και συνάψει τω Καρμήλω κατά θάλασσαν και τω Συώρ και Λαβανάθ

19:27  και επιστρέψει απ΄ ανατολών ηλίου και Βηθδαγών και συνάψει τω Ζαβουλών και εν Γαιεφθαήλ κατά βορράν Βηθαεμέκ και Ναιήλ και ελεύσεται εις Χοβώλ από αριστερών

19:28  και Ακράν και Ροώβ και Αμών και Καναϊ έως Σιδώνος της μεγάλης

19:29  και αναστρέψει τα όρια εις Ραμά και έως πόλεως οχυρώματος των Τυρίων και αναστρέψει τα όρια επί Ωσά και έσται η διέξοδος αυτού η θάλασσα και έσται από του σχοινίσματος Αχαζίβ

19:30  και Αμμά και Αφέκ και Ραόβ πόλεις εικοσιδύο και αι κώμαι αυτών

19:31  αύτη η κληρονομία φυλής υιών Ασήρ κατά δήμους αυτών αι πόλεις αυτών και αι κώμαι αυτών

19:32  και εξήλθε τω Νεφθαλί ο κλήρος ο έκτος τοις υιοίς Νεφθαλί κατά δήμους αυτών

19:33  και εγενήθη τα όρια αυτών Μεελέφ και Ωλάν Σεενανίμ και Αδεμμί Αννεκέβ και Ιαβνιήλ έως Λακούμ και εγενήθησαν αι διέξοδοι αυτών ο Ιορδάνης

19:34  και επιστρέψει τα όρια εις θάλασσαν Αζνώθ Θαβώρ και διελεύσεται εκείθεν εις Ικώκ και συνάψει τω Ζαβουλών από νώτου και Ασήρ συνάψει κατά θάλασσαν και Ιούδα ο Ιορδάνης απ΄ ανατολών ηλίου

19:35  και αι πόλεις τειχήρεις των Τυρίων Τύρος και Αμάθ και Ρακκάθ και Χενερέθ

19:36  και Αδαμί και Ραμά και Ασώρ

19:37  και Κεδές και Αδραϊ και πηγή Ασώρ

19:38  και Ιερών και Μαγδαλιήλ Ωράμ και Βηθανάθ και Βηθσαμίς πόλεις δέκα και εννέα και αι επαύλεις αυτών

19:39  αύτη η κληρονομία φυλής υιών Νεφθαλί κατά συγγένειαν αυτών και αι πόλεις και αι επαύλεις αυτών

19:40  και τη φυλή υιών Δαν κατά δήμους αυτών εξήλθεν ο κλήρος ο έβδομος

19:41  και εγενήθη τα όρια κληρονομίας αυτών Σαραά και Εσθαόλ πόλις Σαμές

19:42  και Σααλαβίν και Ελών και Ιεθλά

19:43  και Ιαλών και Θαμνά και Ακκαρών

19:44  και Ελθεκώ και Γαβατθών και Βααλώθ

19:45  και Ουδ και Βανηβαράκ και Γεθρεμμών

19:46  και από θαλάσσης Ιερακών και Ηρεκκών όριον πλησίον Ιόππης

19:47  και εξήλθεν το όριον υιών Δαν και επορεύθησαν οι υιοί Δαν και επολέμησαν την Λεσέν και κατελάβοντο αυτήν και επάταξαν αυτήν εν στόματι μαχαίρας και κατεκληρονόμησαν αυτήν και κατώκησαν αυτήν και εκάλεσαν το όνομα Λεσέν Δαν κατά το όνομα Δαν του πατρός αυτών

19:48  αύτη η κληρονομία φυλής υιών Δαν κατά συγγένειαν αυτών αι πόλεις αύται και αι επαύλεις αυτών

19:49  και συνετέλεσαν του κληροδοτήσαι την γην εις τα όρια αυτών και έδωκαν οι υιοί Ισραήλ κλήρον τω Ιησού υιώ Ναυή εν αυτοίς

19:50  διά προστάγματος κυρίου και έδωκαν αυτώ την πόλιν ην ητήσατο Θαμναθασαρά η εστιν εν τω όρει Εφραϊμ και ωκοδόμησε την πόλιν και κατώκει εν αυτή

19:51  αύται αι διαιρέσεις ας κατεκληροδότησεν Ελεάζαρ ο ιερεύς και Ιησούς ο του Ναυή και οι άρχοντες των πατριών εν ταις φυλαίς του Ισραήλ κατά κλήρους εν Σηλώ έναντι κυρίου παρά τας θύρας της σκηνής του μαρτυρίου και επορεύθησαν εμβατεύσαι την γην

Chapter 20

20:1  και ελάλησε κύριος τω Ιησού λέγων

20:2  λάλησον τοις υιοίς Ισραήλ λέγων δότε υμίν τας πόλεις των φυγαδευτηριών ας είπα προς υμάς διά Μωυσή

20:3  φυγαδευτήριον τω φονευτή τω πατάξαντι ψυχήν ακουσίως άνευ προνοίας και έσονται υμίν αι πόλεις φυγαδευτήριον και ουκ αποθανείται ο φονευτής υπό του αγχιστεύοντος το αίμα

20:4  και φεύξεται εις μίαν των πόλεων τούτων και στήσεται επί την θύραν της πύλης της πόλεως αυτού και λαλήσει εν τοις ώσι των πρεσβυτέρων της πόλεως εκείνης τους λόγους αυτού και επιστρέψουσιν αυτόν η συναγωγή προς αυτούς και δώσουσιν αυτώ τόπον και κατοικήσει μετ΄ αυτών

20:5  και ότε διώξη ο αγχιστεύων το αίμα οπίσω αυτού και ου συγκλείσουσι τον φονεύσαντα εν χειρί αυτού ότι ουκ ειδώς επάταξε τον πλησίον αυτού και ου μισών αυτός αυτόν απ΄ εχθές και τρίτης

20:6  και κατοικήσει εν τη πόλει εκείνη έως στη κατά πρόσωπον της συναγωγής εις κρίσιν έως αποθάνη ο ιερεύς ο μέγας ος έσται εν ταις ημέραις εκείναις τότε επιστρέψει ο φονεύς και ελεύσεται προς την πόλιν αυτού και προς τον οίκον αυτού και προς την πόλιν όθεν έφυγεν εκείθεν

20:7  και διέστειλε την Κεδής εν τη Γαλιλαία εν τω όρει τω Νεφθαλί και Σιχέμ εν τω όρει τω Εφραϊμ και την πόλιν Αρβόκ αύτη εστί Χεβρών εν τω όρει τω Ιούδα

20:8  και εν τω πέραν του Ιορδάνου Ιεριχώ απ΄ ανατολών έδωκε Βοσώρ εν τη ερήμω εν τω πεδίω από της φυλής Ρουβήν και την Ραμώθ εν τη Γαλαάδ εκ της φυλής Γαδ και την Γωλάν εν τη Βασανίτιδι εκ της φυλής Μανασσή

20:9  αύται αι πόλεις αι επίκλητοι τοις πάσιν υιοίς Ισραήλ και τω προσηλύτω τω προσκειμένω εν αυτοίς καταφυγείν εκεί παντί παίοντι ψυχήν ακουσίως ίνα μη αποθάνη εν χειρί του αγχιστεύοντος το αίμα έως αν καταστή έναντι της συναγωγής εν κρίσει

Chapter 21

21:1  και προσήλθοσαν οι αρχιπατριώται των υιών Λευί προς Ελεάζαρ τον ιερέα και προς Ιησούν τον του Ναυή και προς τους αρχιφύλους πατριών εκ των φυλών των υιών Ισραήλ

21:2  και είπαν προς αυτούς εν Συλώ εν γη Χαναάν λέγοντες κύριος ενετείλατο εν χειρί Μωυσή δούναι ημίν πόλεις κατοικείν και τα περισπόρια αυτών τοις κτήνεσιν ημών

21:3  και έδωκαν οι υιοί Ισραήλ τοις Λευίταις εν τω κατακληρονομείν αυτούς διά προστάγματος κυρίου τας πόλεις ταύτας και τα περισπόρια αυτών

21:4  και εξήλθεν ο κλήρος τω δήμω Καάθ και εγένετο τοις υιοίς Ααρών τοις ιερεύσι τοις Λευίταις από φυλής Ιούδα και από φυλής Συμεών και από φυλής Βενιαμίν κληρωτί πόλεις δεκατρείς

21:5  και τοις υιοίς Καάθ τοις καταλελειμμένοις εκ της συγγενείας φυλής Εφραϊμ και εκ της φυλής Δαν και από του ημίσους φυλής Μανασσή κληρωτί πόλεις δέκα

21:6  και τοις υιοίς Γερσών από της συγγενείας φυλής Ισσάχαρ και από της φυλής Ασήρ και από της φυλής Νεφθαλί και από του ημίσους φυλής Μανασσή εν τω Βασάν κληρωτί πόλεις δεκατρείς

21:7  και τοις υιοίς Μεραρί κατά δήμους αυτών από φυλής Ρουβήν και από φυλής Γαδ και από φυλής Ζαβουλών κληρωτί πόλεις δώδεκα

21:8  και έδωκαν οι υιοί Ισραήλ τοις Λευίταις τας πόλεις ταύτας και τα περισπόρια αυτών ον τρόπον ενετείλατο κύριος τω Μωυσή κληρωτί

21:9  και έδωκεν η φυλή υιών Ιούδα και η φυλή Συμεών τας πόλεις ταύτας και επεκλήθησαν εν ονόματι

21:10  και εγένοντο τοις υιοίς Ααρών από του δήμου του Καάθ των υιών Λευί ότι τούτοις εγενήθη ο κλήρος πρώτος

21:11  και έδωκεν αυτοίς την Καριάθ αρβώκ μητρόπολιν των Ενάκ αύτη εστί Χεβρών εν τω όρει Ιούδα τα δε περισπόρια αυτής κύκλω αυτής

21:12  και τους αγρούς της πόλεως και τας κώμας αυτής έδωκεν Ιησούς τω Χαλέβ υιώ Ιεφωνή εν κατασχέσει αυτού

21:13  και τοις υιοίς Ααρών του ιερέως έδωκε την πόλιν φυγαδευτήριον τω φονεύσαντι την Χεβρών και τα αφωρισμένα συν αυτή και την Λεβνά και τα αφωρισμένα τα προς αυτή

21:14  και την Ιέθερ και τα αφωρισμένα τα προς αυτή και την Ισθιμώ και τα αφωρισμένα τα προς αυτή

21:15  και την Ηλών και τα αφωρισμένα τα προς αυτή και την Δαβίρ και τα αφωρισμένα τα προς αυτή

21:16  και την Αϊν και τα αφωρισμένα τα προς αυτή και την Ιεττά και τα αφωρισμένα τα προς αυτή και Βεθσαμές και τα αφωρισμένα τα προς αυτή πόλεις εννέα παρά των δύο φυλών τούτων

21:17  και παρά της φυλής Βενιαμίν την Γαβαών και τα αφωρισμένα τα προς αυτή και Γαβέ και τα αφωρισμένα τα προς αυτή

21:18  και Αναθώθ και τα αφωρισμένα τα προς αυτή και την Ελμών και τα αφωρισμένα τα προς αυτή πόλεις τέσσαρες

21:19  πάσαι αι πόλεις υιών Ααρών των ιερέων πόλεις δεκατρείς και τα περισπόρια αυτών

21:20  και τοις δήμοις υιών Καάθ τοις Λευίταις καταλελειμμένοις από των υιών Καάθ και εγενήθη η πόλις των ορίων αυτών από φυλής Εφραϊμ

21:21  και έδωκαν αυτοίς την πόλιν του φυγαδευτηρίου την του φονεύοντος την Συχέμ και τα αφωρισμένα τα προς αυτή εν τω όρει Εφραϊμ και Γαζερά και τα αφωρισμένα τα προς αυτήν

21:22  και την Καβσέμ και τα αφωρισμένα τα προς αυτή και Βαιθορόν και τα αφωρισμένα τα προς αυτή πόλεις τέσσαρες

21:23  και εκ της φυλής Δαν την Ελθεκά και τα αφωρισμένα τα προς αυτή και την Γεβθών και τα αφωρισμένα τα προς αυτή

21:24  και την Αιλών και τα αφωρισμένα τα προς αυτή και την Γεθρέμμων και τα αφωρισμένα τα προς αυτή πόλεις τέσσαρες

21:25  και από του ημίσους φυλής Μανασσή την Τανάχ και τα αφωρισμένα τα προς αυτή και την Γεθρεμμών και τα αφωρισμένα τα προς αυτή πόλεις δύο

21:26  πάσαι πόλεις δέκα και τα αφωρισμένα τα προς αυταίς τοις δήμοις υιών Καάθ τοις υπολελειμμένοις

21:27  και τοις υιοίς Γηρσών τοις συγγενέσιν τοις Λευίταις εκ του ημίσους φυλής Μανασσή τας πόλεις τας αφωρισμένας τοις φονεύσασι την Γωλάν εν τη Βασανίτιδι και τα αφωρισμένα τα προς αυτή και την Βεεσθερά και τα αφωρισμένα τα προς αυτή πόλεις δύο

21:28  και εκ της φυλής Ισσάχαρ την Κεσιών και τα αφωρισμένα τα προς αυτή την Δαβράθ και τα αφωρισμένα τα προς αυτή

21:29  και την Ιερμώθ και τα αφωρισμένα τα προς αυτή και Πηγήν γραμμάτων και τα αφωρισμένα τα προς αυτή πόλεις τέσσαρες

21:30  και εκ της φυλής Ασήρ την Μισαλά και τα αφωρισμένα τα προς αυτή και Αβδών και τα αφωρισμένα τα προς αυτή

21:31  και Χαλκάθ και τα αφωρισμένα τα προς αυτή και την Ροώβ και τα αφωρισμένα τα προς αυτή πόλεις τέσσαρες

21:32  και εκ της φυλής Νεφθαλί τας πόλις τας αφωρισμένας τω φονεύσαντι την Κεδές εν τη Γαλιλαία και τα αφωρισμένα τα προς αυτή και την Αμαθδώρ και τα αφωρισμένα τα προς αυτή και την Καρθάν και τα αφωρισμένα τα προς αυτή πόλεις τρεις

21:33  πάσαι αι πόλεις του Γερσών κατά δήμους αυτών πόλεις δεκατρείς και τα αφωρισμένα τα προς αυταίς

21:34  και τω δήμω υιών Μεραρί τοις Λευίταις τοις λοιποίς εκ της φυλής υιών Ζαβουλών την Ιεκνάμ και τα περισπόρια αυτής και την Καριθά και τα περισπόρια αυτής

21:35  και την Δαμνά και τα περισπόρια αυτής και την Νααλώλ και τα περισπόρια αυτής πόλεις τέσσαρες

21:36  και πόλεις του Ιορδάνου την Ιεριχώ εκ της φυλής Ρουβήν την πόλιν του φυγαδευτήριον του φονεύσαντος την Βοσώρ και τα περισπόρια αυτής και την Ιαζήρ και τα περισπόρια αυτής

21:37  και την Κεδσών και τα περισπόρια αυτής και την Μαφά και τα περισπόρια αυτής πόλεις τέσσαρες

21:38  και από φυλής Γαδ την πόλιν του φυγαδευτηρίου του φονεύσαντος την Ραμώθ εν τη Γαλαάδ και τα περισπόρια αυτής και την Μαανέμ και τα περισπόρια αυτής

21:39  και την Εσεβών και τα περισπόρια αυτής και την Ιαζήρ και τα περισπόρια αυτής πάσαι αι πόλεις τέσσαρες

21:40  πάσαι αι πόλεις τοις υιοίς Μεραρί κατά δήμους αυτών των καταλελειμμένων από της φυλής της Λευί και εγενήθη τα όρια αυτών πόλεις δώδεκα

21:41  πάσαι πόλεις των Λευιτών εν μέσω κατασχέσεως υιών Ισραήλ τεσσαρακονταοκτώ πόλεις

21:42  και τα περισπόρια αυτών κύκλω των πόλεων τούτων πόλεις και πόλεις και τα περισπόρια αυτών κύκλω των πόλεων ούτως πάσαις ταις πόλεσι ταύταις

21:43  και έδωκε κύριος τω Ισραήλ πάσαν την γην ην ώμοσε δούναι τοις πατράσιν αυτών και κατεκληρονόμησαν αυτήν και κατώκησαν εν αυτή

21:44  και κατέπαυσεν αυτούς κύριος κυκλόθεν καθότι ώμοσε τοις πατράσιν αυτών ουκ ανέστη ουδείς κατενώπιον αυτών από πάντων των εχθρών αυτών πάντας τους εχθρούς αυτών παρέδωκε κύριος εις τας χείρας αυτών

21:45  ου διέπεσεν ρήμα από πάντων των ρημάτων των καλών ων ελάλησε κύριος τοις υιοίς Ισραήλ πάντα παρεγένετο

Chapter 22

22:1  τότε συνεκάλεσεν Ιησούς τους υιούς Ρουβήν και τους υιούς Γαδ και το ήμισυ φυλής Μανασσή

22:2  και είπεν αυτοίς υμείς ακηκόατε σύμπαντα όσα ενετείλατο υμίν Μωυσής ο παις κυρίου και επηκούσατε της φωνής μου κατά πάντα όσα ενετειλάμην υμίν

22:3  και ουκ εγκαταλελοίπατε τους αδελφούς υμών ταύτας τας ημέρας και πλείους έως ημέρας της σήμερον εφυλάξασθε την εντολήν κυρίου του θεού ημών

22:4  νυν δε κατέπαυσε κύριος ο θεός ημών τους αδελφούς ημών ον τρόπον είπεν αυτοίς νυν ουν αποστραφέντες απέλθετε εις τους οίκους υμών και εις την γην της κατασχέσεως υμών ην έδωκεν υμίν Μωυσής δούλος κυρίου εν τω πέραν του Ιορδάνου

22:5  αλλά φυλάξασθε σφόδρα ποιείν τας εντολάς και τον νόμον ον ενετείλατο υμίν Μωυσής ο παις κυρίου αγαπάν κύριον τον θεόν υμών και πορεύεσθαι εν πάσαις ταις οδοίς αυτού φυλάξασθαι τας εντολάς αυτού και προσκείσθαι αυτώ και λατρεύειν αυτώ εξ όλης της διανοίας υμών και εξ όλης της ψυχής υμών

22:6  και ευλόγησεν αυτούς Ιησούς και εξαπέστειλεν αυτούς και επορεύθησαν εις τους οίκους αυτών

22:7  και τοις ημίσεσι φυλής έδωκε Μωυσής εν τη Βασανίτιδι και τοις ημίσεσιν έδωκεν Ιησούς μετά των αδελφών αυτών εν τω πέραν του Ιορδάνου παρά θάλασσαν και ηνίκα εξαπέστειλεν αυτούς Ιησούς εις τους οίκους αυτών και ευλόγησεν αυτούς λέγων

22:8  εν χρήμασι πολλοίς απήλθοσαν εις τους οίκους αυτών και κτήνη πολλά σφόδρα και αργύριον και χρυσίον και χαλκόν και σίδηρον και ιματισμόν πολύν σφόδρα διείλαντο την προνομήν των εχθρών αυτών μετά των αδελφών αυτών

22:9  και απέστρεψαν και επορεύθησαν οι υιοί Ρουβήν και οι υιοί Γαδ και το ήμισυ φυλής Μανασσή από των υιών Ισραήλ εκ Συλώ εν γη Χαναάν απελθείν εις την γην Γαλαάδ εις γην κατασχέσεως αυτών ην εκληρονόμησαν αυτήν διά προστάγματος κυρίου εν χειρί Μωυσή

22:10  και ήλθοσαν εις Γαληλώθ του Ιορδάνου η εστιν εν γη Χαναάν και ωκοδόμησαν οι υιοί Ρουβήν και οι υιοί Γαδ και το ήμισυ φυλής Μανασσή εκεί βωμόν επί του Ιορδάνου βωμόν μέγαν του ιδείν

22:11  και ήκουσαν οι υιοί Ισραήλ λεγόντων ιδού ωκοδόμησαν οι υιοί Ρουβήν και οι υιοί Γαδ και το ήμισυ φυλής Μανασσή βωμόν εφ΄ όριον γης Χαναάν επί του Γαλαάδ του Ιορδάνου εν τω πέραν υιών Ισραήλ

22:12  και ήκουσαν οι υιοί Ισραήλ και συνηθροίσθησαν πάντες οι υιοί Ισραήλ εις Συλώ ώστε αναβάντες αυτούς εκπολεμήσαι

22:13  και απέστειλαν οι υιοί Ισραήλ προς τους υιούς Ρουβήν και προς τους υιούς Γαδ και προς το ήμισυ φυλής Μανασσή εις την γην Γαλαάδ τον τε Φινεές υιόν Ελεάζαρ υιόυ Ααρών του ιερέως

22:14  και δέκα των αρχόντων των μετ΄ αυτού άρχων εις από οίκου πατριάς από πασών των φυλών Ισραήλ άνδρες άρχοντες οίκων πατριών εισί χιλίαρχοι Ισραήλ

22:15  και παρεγένοντο προς τους υιούς Ρουβήν και προς τους υιούς Γαδ και προς τους ημίσεις φυλής Μανασσή εις γην Γαλαάδ και ελάλησαν προς αυτούς λέγοντες

22:16  τάδε λέγει πάσα η συναγωγή κυρίου τις η πλημμέλεια αύτη ην επλημμελήσατε έναντι του θεού Ισραήλ αποστραφήναι σήμερον από όπισθεν κυρίου οικοδομήσαντες εαυτοίς βωμόν αποστάτας γενέσθαι υμάς σήμερον από κυρίου

22:17  μη μικρόν υμίν το αμάρτημα Φογώρ ότι ουκ εκαθαρίσθημεν απ΄ αυτού έως της ημέρας ταύτης και εγενήθη η πληγή εν τη συναγωγή κυρίου

22:18  και υμείς απεστράφητε σήμερον από κυρίου και αύριον επί πάντα Ισραήλ έσται οργή

22:19  και νυν ει μικρά η γη της κατασχέσεως υμών διαβήτε εις την γην της κατασχέσεως κυρίου όπου κατασκηνοί εκεί η σκηνή κυρίου και κατακληρονομήσατε εν ημίν και από κυρίου μη αποστάται γενήθητε και από ημών μη αποστήτε διά το οικοδομήσαι υμάς βωμόν έξω του θυσιαστηρίου κυρίου του θεού ημών

22:20  ουκ ιδού Άχαρ ο του Ζαρά πλημμέλειαν επλημμέλησεν από του αναθέματος και επί πάσαν την συναγωγήν εγενήθη οργή και ούτος εις μόνος μη ούτος μόνος απέθανεν εν τη αμαρτία αυτού

22:21  και απεκρίθησαν οι υιοί Ρουβήν και οι υιοί Γαδ και το ήμισυ φυλής Μανασσή και ελάλησαν τοις χιλιάρχοις Ισραήλ λέγοντες

22:22  ο θεός ο θεός κύριός εστι και ο θεός ο θεός κύριος αυτός οίδε και Ισραήλ αυτός γνώσεται ει εν αποστασία επλημμελήσαμεν έναντι κυρίου μη ρύσαιτο ημάς εν τη ημέρα ταύτη

22:23  και ει ωκοδομήσαμεν εαυτοίς βωμόν ώστε αποστήναι από κυρίου η ώστε αναβιβάσαι επ΄ αυτού θυσίαν ολοκαυτωμάτων η ώστε ποιήσαι επ΄ αυτού θυσίαν σωτηρίου κύριος αυτός εκζητήσει

22:24  αλλ΄ ένεκεν ευλαβείας ρήματος εποιήσαμεν τούτο λέγοντες ίνα μη αύριον είπωσιν τα τέκνα υμών τοις τέκνοις ημών λέγοντες τι υμίν και κυρίω τω θεώ Ισραήλ

22:25  και όρια έθηκε κύριος αναμέσον ημών και υμών οι υιοί Ρουβήν και οι υιοί Γαδ τον Ιορδάνην και ουκ έστιν υμίν μερίς κυρίου και απαλλοτριώσουσιν οι υιοί υμών τους υιούς ημών ίνα μη σέβωνται κύριον

22:26  και είπαμεν ποιήσαι ούτως του οικοδομήσαι τον βωμόν τούτον ουχ ένεκεν καρπωμάτων ουδ΄ ένεκεν θυσιών

22:27  αλλ΄ ίνα η μαρτύριον τούτο αναμέσον ημών και αναμέσον υμών και αναμέσον των γενεών ημών μεθ΄ ημάς του λατρεύειν την λατρείαν κυρίου εναντίον αυτού εν τοις καρπώμασιν ημών και εν ταις θυσίαις ημών και εν ταις θυσίαις των σωτηρίων ημών και ουκ ερούσι τα τέκνα υμών αύριον τοις τέκνοις ημών ουκ έστιν υμίν μερίς κυρίου

22:28  και είπαμεν εάν γένηταί ποτε και λαλήσουσι προς ημάς η ταις γενεαίς ημών αύριον και ερούμεν ίδετε ομοίωμα του θυσιαστηρίου κυρίου ο εποίησαν οι πατέρες ημών ουχ ένεκεν καρπωμάτων ουδ΄ ένεκεν θυσιών αλλά μαρτύριόν εστιν αναμέσον υμών και αναμέσον ημών και αναμέσον των υιών ημών

22:29  μη γένοιτο ουν ημάς αποστήναι από κυρίου ώστε αποστραφήναι εν ταις σήμερον ημέραις από κυρίου ώστε οικοδομήσαι ημάς θυσιαστήριον τοις καρπώμασι και ταις θυσίαις και τη θυσία του σωτηρίου πλην του θυσιαστηρίου κυρίου του θεού ημών ο εστιν εναντίον της σκηνής αυτού

22:30  και ήκουσεν Φινεές ο ιερεύς και πάντες οι άρχοντες της συναγωγής και οι χιλίαρχοι Ισραήλ οι ήσαν μετ΄ αυτού τους λόγους ους ελάλησαν οι υιοί Ρουβήν και οι υιοί Γαδ και οι υιοί Μανασσή και ήρεσεν αυτοίς

22:31  και είπε Φινεές υιός Ελεάζαρ ο ιερεύς τοις υιοίς Ρουβήν και τοις υιοίς Γαδ και τοις υιοίς Μανασσή σήμερον εγνώκαμεν ότι μεθ΄ ημών κύριος διότι ουκ επλημμελήσατε εναντίον κυρίου πλημμέλειαν ταύτην και ότι ερρύσασθε τους υιούς Ισραήλ εκ χειρός κυρίου

22:32  και απέστρεψε Φινεές υιός Ελεάζαρ ο ιερεύς και οι άρχοντες από των υιών Ρουβήν και από των υιών Γαδ εκ της Γαλαάδ εις γην Χαναάν προς τους υιούς Ισραήλ και απεκρίθησαν αυτοίς τους λόγους

22:33  και ήρεσεν ο λόγος τοις υιοίς Ισραήλ και ευλόγησαν τον θεόν υιών Ισραήλ και ουκ έτι είπαν αναβήναι προς αυτούς εις πόλεμον εξολοθρεύσαι την γην των υιών Ρουβήν και των υιών Γαδ ην κατώκησαν επ΄ αυτής

22:34  και επωνόμασεν τω Ρουβήν και τω Γαδ τον βωμόν και είπαν ότι μαρτύριόν εστιν αναμέσον αυτών ότι κύριος αυτός θεός αυτών εστί

Chapter 23

23:1  και εγένετο μεθ΄ ημέρας πλείους μετά το καταπαύσαι κύριον τον θεόν Ισραήλ από πάντων των εχθρών αυτού κυκλόθεν και Ιησούς πρεσβύτερος προβεβηκώς ταις ημέραις

23:2  και συνεκάλεσεν Ιησούς πάντας τους υιούς Ισραήλ και την γερουσίαν αυτών και τους άρχοντας αυτών και τους δικαστάς αυτών και τους γραμματείς αυτών και είπε προς αυτούς εγώ γεγήρακα και προβέβηκα ταις ημέραις

23:3  υμείς δε εωράκατε σύμπαντα όσα εποίησε κύριος ο θεός ημών πάσι τοις έθνεσι τουτοις από προσώπου υμών ότι κύριος ο θεός ημών αυτός ο εκπολεμήσας υμίν

23:4  ίδετε όπερ είπα επέρριφα υμίν έθνη τα καταλελειμμένα υμίν ταύτα εν τοις κλήροις εις τας φυλάς υμών από του Ιορδάνου πάντα τα έθνη εξωλόθρευσα και από της θαλάσσης της μεγάλης οριεί επί δυσμάς ηλίου

23:5  κυριός δε ο θεός υμών ούτος εξολοθρεύσει αυτούς από προσώπου υμών και εξολοθρεύσει αυτούς από προσώπου σου και κατακληρονομήσετε την γην αυτών καθά ελάλησε κύριος ο θεός υμών υμίν

23:6  κατισχύσατε ουν σφόδρα φυλάσσειν και ποιείν σύμπαντα τα γεγραμμένα εν τω βιβλίω του νόμου Μωυσή ίνα μη εκκλινήτε απ΄ αυτού εις δεξιά η εις ευώνυμα

23:7  όπως μη εισέλθητε εις τα έθνη τα καταλελειμμένα ταύτα μεθ΄ υμών και τα ονόματα των θεών αυτών ουκ ονομασθήσεται εν υμίν και ουκ ομήσθε ουδέ μη λατρεύσητε ουδέ μη προσκυνήσητε αυτούς

23:8  αλλά κυρίω τω θεώ υμών προσκολληθήσεσθε καθάπερ εποιήσατε έως της ημέρας ταύτης

23:9  και εξολοθρεύσει αυτούς κύριος από προσώπου υμών έθνη μεγάλα και ισχυρά και υμίν ουδείς αντέστη κατενώπιον υμών έως της ημέρας ταύτης

23:10  ανήρ εις υμών εδιώξε χιλίους ότι κύριος ο θεός ημών ούτος εξεπολέμει υμίν καθάπερ είπεν υμίν

23:11  και φυλάξασθε σφόδρα ταις ψυχαίς υμών του αγαπάν κύριον τον θεόν υμών

23:12  εάν γαρ αποστραφήτε και προστεθήτε τοις υπολειφθείσιν έθνεσι τούτοις μεθ΄ υμών και επιγαμίας ποιήσησθε προς αυτούς και συγκαταμιγήτε αυτοίς και αυτοί υμίν

23:13  γνώσει γινώσκετε ότι ου μη προσθή κύριος ο θεός υμών του εξολοθρεύσαι τα έθνη ταύτα από προσώπου υμών και έσονται υμίν εις παγίδας και εις σκάνδαλα και εις ήλους εν ταις πτέρναις υμών και εις βολίδας εν τοις οφθαλμοίς υμών έως αν απόλησθε από της γης της αγαθής ταύτης ης έδωκεν υμίν κύριος ο θεός υμών

23:14  εγώ δε αποτρέχω σήμερον την οδόν καθά και πάντες οι επί της γης και γνώσεσθε εν όλη τη καρδία υμών και εν όλη τη ψυχή υμών διότι ου διέπεσε λόγος εις από πάντων των λόγων τον αγαθών ων είπε κύριος ο θεός ημών προς υμάς πάντα τα ανήκοντα ημίν ου διεφώνησεν εξ αυτών ρήμα εν

23:15  και έσται ον τρόπον ήκει εφ΄ υμάς πάντα τα ρήματα τα καλά α ελάλησε κύριος ο θεός υμών εφ΄ υμάς ούτως επάξει κύριος εφ΄ υμάς πάντα τα ρήματα τα πονηρά έως εξολοθρεύση υμάς από της γης της αγαθής ταύτης ης έδωκεν υμίν κύριος ο θεός υμών

23:16  εν τω παραβήναι υμάς την διαθήκην κυρίου του θεού υμών ην ενετείλατο υμίν και πορευθέντες λατρεύσετε θεοίς ετέροις και προσκυνήσετε αυτοίς και οργισθήσεται θυμώ κύριος εν υμίν και απολείσθε το τάχος από της γης της αγαθής ης έδωκεν υμίν κύριος

Chapter 24

24:1  και συνήγαγεν Ιησούς πάσας τας φυλάς Ισραήλ εις Συχέμ και συνεκάλεσε τους πρεσβυτέρους Ισραήλ και τους άρχοντας αυτών και τους δικαστάς αυτών και τους γραμματείς αυτών και έστησαν απέναντι του θεού

24:2  και είπεν Ιησούς προς πάντα τον λαόν τάδε λέγει κύριος ο θεός Ισραήλ πέραν του ποταμού κατώκησαν οι πατέρες υμών το απ΄ αρχής Θάρα ο πατήρ Αβραάμ και ο πατήρ Ναχώρ και ελάτρευσαν θεοίς ετέροις

24:3  και έλαβον τον πατέρα υμών τον Αβραάμ εκ του πέραν του ποταμού και ωδήγησα αυτόν εν πάση τη γη Χαναάν και επλήθυνα το σπέρμα αυτού

24:4  και έδωκα αυτώ τον Ισαάκ και έδωκα τω Ισαάκ τον Ιακώβ και τον Ησαύ και έδωκα τω Ησαύ το όρος το Σειρ κληρονομίαν αυτώ και Ιακώβ και οι υιοί αυτού κατέβησαν εις Αίγυπτον

24:5  και απέστειλα Μωυσήν και Ααρών και επάταξεν την Αίγυπτον εν οις εποίησεν εν αυτοίς

24:6  και μετά ταύτα εξήγαγε υμάς και εξήγαγεν τους πατέρας υμών εξ Αιγύπτου και εισήλθετε εις την θάλασσαν και κατεδίωξαν οι Αιγύπτιοι οπίσω των πατέρων υμών εν άρμασι και εν ίπποις εις την θάλασσαν την ερυθράν

24:7  και εβοήσαμεν προς κύριον και έδωκε νεφέλην και γνόφον αναμέσον υμών και αναμέσον των Αιγυπτίων και επήγαγεν επ΄ αυτούς την θάλασσαν και εκάλυψεν αυτούς και είδοσαν οι οφθαλμοί υμών όσα εποίησε κύριος εν γη Αιγύπτω και ήτε εν τη ερήμω ημέρας πλείους

24:8  και ήγαγεν υμάς εις γην Αμορραίων των κατοικούντων πέραν του Ιορδάνου και παρετάξαντο υμίν και παρέδωκεν αυτούς κύριος εις τας χείρας υμών και κατεκληρονομήσατε την γη αυτών και εξωλοθρεύσατε αυτούς από προσώπου υμών

24:9  και ανέστη Βαλάκ ο του Σεπφώρ βασιλεύς Μωάβ και παρετάξατο τω Ισραήλ και αποστείλας εκάλεσε τον Βαλαάμ υιόν Βεώρ αράσασθαι υμίν

24:10  και ουκ ηθέλησε κύριος ο θεός σου απολέσαι σε και ευλογίαις ευλόγησεν υμάς και εξείλατο υμάς εκ χειρών αυτών

24:11  και διέβητε τον Ιορδάνην και παρεγενήθητε εις Ιεριχώ και επολέμησαν προς υμάς οι κατοικούντες Ιεριχώ ο Αμορραίος και ο Φερεζαίος και ο Χαναναίος και ο Χετταίος και ο Γεργεσαίος και ο Ευαίος και ο Ιεβουσαίος και παρέδωκεν αυτούς εις τας χείρας υμών

24:12  και εξαπέστειλεν προτέραν υμών την σφηκίαν και εξέβαλεν αυτούς από προσώπου υμών δύο βασιλείς των Αμορραίων ουκ εν τη ρομφαία σου ουδέ εν τω τόξω σου

24:13  και έδωκεν υμίν γην εφ΄ ην ουκ εκοπιάσατε επ΄ αυτήν και πόλεις ας ουκ ωκοδομήσατε και κατωκίσθητε επ΄ αυταίς και αμπελώνας και ελαιώνας ους ου κατεφυτεύσατε υμείς έδεσθε

24:14  και νυν φοβήθητε τον κύριον και λατρεύσατε αυτώ εν ευθύτητι και εν δικαιοσύνη και περιέλεσθε τους θεούς τους αλλοτρίους οις ελάτρευσαν οι πατέρες υμών εν τω πέραν του ποταμού και εν Αιγύπτω και λατρεύσατε τω κυρίω

24:15  ει δε μη αρέσκει υμίν λατρεύειν τω κυρίω εκλέξασθε υμίν αυτοίς σήμερον τίνι λατρεύσητε ειτε τοις θεοίς των πατέρων υμών τοις εν τω πέραν του ποταμού είτε τοις θεοίς των Αμορραίων εν οις υμείς κατοικείτε επί της γης αυτών εγώ δε και ο οίκός μου λατρεύσομεν τω κυρίω

24:16  και αποκριθείς ο λαός είπε μη γένοιτο ημίν καταλιπείν τον κύριον ώστε λατρεύειν θεοίς ετέροις

24:17  κύριος ο θεός ημών αυτός ανήγαγεν ημάς και τους πατέρας ημών εξ γης Αιγύπτου εξ οίκου δουλείας και όσα εποίησεν ημίν τα σημεία τα μεγάλα ταύτα και διεφύλαξεν ημάς εν πάση τη οδώ η επορεύθημεν εν αυτή και εν πάσι τοις έθνεσιν ους παρήλθομεν δι΄ αυτών

24:18  και εξέβαλε κύριος σύμπαντα τα έθνη και τον Αμορραίον τον κατοικούντα την γην από προσώπου ημών αλλά και ημείς λατρεύσομεν τω κυρίω ούτος γαρ εστιν ο θεός ημών

24:19  και είπεν ο Ιησούς προς πάντα τον λαόν ου μη δύνησθε λατρεύειν τω κυρίω ότι άγιός εστι και θεός ζηλωτής εστιν ούτος ουκ ανήσει τα ανομήματα υμών και τα αμαρτήματα υμών

24:20  ηνίκα αν εγκαταλίπητε κύριον και λατρεύσητε θεοίς αλλοτρίοις και επελθών κακώσει υμάς και εξαναλώσει υμάς ανθ΄ ων ευ εποίησεν υμίν

24:21  και είπεν ο λαός προς Ιησούν ουχί αλλά κυρίω λατρεύσομεν

24:22  και είπεν Ιησούς προς τον λαόν μάρτυρες υμείς καθ΄ υμών ότι εξελέξασθε υμείς εαυτοίς τον κύριον λατρεύειν αυτώ και είπαν μάρτυρες

24:23  και νυν περιέλεσθε τους θεούς τους αλλοτρίους τους εν υμίν και ευθύνατε την καρδίαν προς κύριον θεόν Ισραήλ

24:24  και είπεν ο λαός προς Ιησούν κυρίω τω θεώ ημών λατρεύσομεν και της φωνής αυτού ακουσόμεθα

24:25  και διέθετο Ιησούς διαθήκην προς τον λαόν εν τη ημέρα εκείνη και έδωκεν αυτώ νόμον και κρίσιν εν Συχέμ

24:26  και έγραψεν Ιησούς τα ρήματα ταύτα εις βιβλίον νόμον του θεού και έλαβεν λίθον μέγαν και έστησεν αυτόν Ιησούς εκεί υπό την τερέβινθον την απέναντι κυρίου

24:27  και είπεν Ιησούς προς πάντα τον λαόν ιδού ο λίθος ούτος έσται υμίν εις μαρτύριον ότι αυτός ακήκοε πάντα τα λεχθέντα υπό κυρίου όσα ελάλησεν προς υμάς σήμερον και ούτος έσται εν υμίν εις μαρτύριον επ΄ εσχάτων των ημερών ηνίκα αν ψεύσησθε κυρίω τω θεώ υμών

24:28  και απέστειλεν Ιησούς τον λαόν έκαστος εις τον τόπον αυτού

24:29  και εγένετο μετ΄ εκείνα απέθανεν Ιησούς υιός Ναυή δούλος κυρίου ος εκατόν δέκα ετών

24:30  και έθαψαν αυτόν προς τοις ορίοις του κληρονομίας αυτού εν Θαμνασαράχ εν τω όρει τω Εφραϊμ από βορρά του όρους Γαάς

24:31  και ελάτρευσεν Ισραήλ τω κυρίω πάσας τας ημέρας Ιησού και πάσας τας ημέρας των πρεσβυτέρων όσοι εφείλκυσαν τον χρόνον μετά Ιησού και όσοι είδοσαν σύμπαντα τα έργα κυρίου όσα εποίησε τω Ισραήλ

24:32  και τα οστά Ιωσήφ ανήγαγον οι υιοί Ισραήλ εξ Αιγύπτου και κατώρυξαν εν Σικίμοις εν τη μερίδι του αγρού ου εκτήσατο Ιακώβ παρά των Αμορραίων των κατοικούντων εν Σικίμοις εκατόν αμνάδων και έδωκεν αυτήν τω Ιωσήφ εν μερίδι

24:33  και Ελεάζαρ ο υιός Ααρών ο αρχιερεύς ετελεύτησε και ετάφη εν Γαβαάθ Φινεές του υιού αυτού ην έδωκεν αυτώ εν τω όρει Εφραϊμ