TpiKJPB - I Samuel

Chapter 1

1:1  ¶ Nau i gat wanpela man bilong Ramataim-sofim, bilong maunten Ifraim, na nem bilong en em Elkana, pikinini man bilong Jeroham, pikinini man bilong Ilaihu, pikinini man bilong Tohu, pikinini man bilong Suf, wanpela man Efrata.

1:2  Na em i gat tupela meri. Nem bilong wanpela em Hana, na nem bilong arapela em Penina. Na Penina i gat ol pikinini, tasol Hana i no gat pikinini.

1:3  Na dispela man i save go antap ausait long biktaun bilong em olgeta wan wan yia long lotu na long sakrifais i go long BIKPELA bilong ol ami long Sailo. Na tupela pikinini man bilong Ilai, Hofni na Finias, ol pris bilong BIKPELA, i stap long dispela hap.

1:4  Na taim taim i kamap long Elkana i wokim ofa, em i givim long meri bilong em Penina, na long olgeta pikinini man bilong em na olgeta pikinini meri bilong em, ol hap skel.

1:5  Tasol long Hana em i givim hap skel i inap tru. Long wanem, em i laikim tru Hana. Tasol BIKPELA i bin pasim bel bilong em.

1:6  Na birua bilong em tu i skrapim bel bilong em strong tru, bilong mekim em wari, bilong wanem, BIKPELA i bin pasim bel bilong em.

1:7  Na taim man i mekim olsem olgeta wan wan yia, taim meri i go antap long haus bilong BIKPELA, olsem tasol meri i skrapim bel bilong em. Olsem na em i krai tru, na em i no bin kaikai.

1:8  Nau man bilong em Elkana i tokim em, Hana, bilong wanem yu krai tru? Na bilong wanem yu no kaikai? Na bilong wanem bel bilong yu i gat bel sori? Ating i yes long ai bilong yu long mi winim tenpela pikinini man?

1:9  ¶ Olsem na Hana i kirap bihain long taim ol i bin kaikai long Sailo, na bihain long taim ol i bin dring. Nau pris Ilai i sindaun antap long sia klostu long wanpela pos bilong tempel bilong BIKPELA.

1:10  Na tewel bilong meri em i pait tru, na em i beten long BIKPELA, na krai strong tru.

1:11  Na em i wokim strongpela promis na tok, O BIKPELA bilong ol ami, sapos tru tru Yu bai lukluk long hevi bilong wokmeri bilong Yu, na holim tingting long mi, na Yu no lusim tingting long wokmeri bilong Yu, tasol Yu ken givim long wokmeri bilong Yu wanpela pikinini man, orait mi bai givim em long BIKPELA olgeta de bilong laip bilong em, na bai i no gat resa i kam antap long het bilong em.

1:12  Na em i kamap olsem, taim em i wok long beten i stap long ai bilong BIKPELA, long Ilai i luksave long maus bilong em.

1:13  Nau Hana, em i toktok long bel bilong em, tasol tupela lip bilong em i muv, tasol i no gat wanpela i harim nek bilong em. Olsem na Ilai i ting meri i bin spak.

1:14  Na Ilai i tokim em, Inap long wanem taim bai yu stap spak? Rausim i go wain bilong yu long yu.

1:15  Na Hana i bekim na tok, Nogat, bikman bilong mi, mi wanpela meri husat spirit bilong em i pilim hevi. Mi no bin dringim wain o strongpela dring tu, tasol mi bin kapsaitim tewel bilong mi long ai bilong BIKPELA.

1:16  No ken kaunim wokmeri bilong yu olsem pikinini meri bilong Belial. Long wanem, ausait long wari na bel sori bilong mi i pulap tru, mi bin wokim toktok inap long hia.

1:17  Nau Ilai i bekim na tok, Go wantaim bel isi. Na God bilong Isrel i ken tok orait long dispela strongpela askim bilong yu yu bin askim long Em.

1:18  Na meri i tok, Larim wokmeri bilong yu i ken painim pinis marimari long ai bilong yu. Olsem na meri i go long rot bilong em, na em i bin kaikai, na pes bilong em i no soim hevi moa.

1:19  ¶ Na ol i kirap long moning tru, na lotu long ai bilong BIKPELA, na go bek, na kamap long haus bilong ol long Rama. Na Elkana i slip wantaim meri bilong em Hana. Na BIKPELA i holim tingting long em.

1:20  Olsem na em i kamap olsem, taim taim i kamap olsem bihain long taim Hana i bin kisim bel, long em i karim pikinini man, na kolim nem bilong em Samyuel, i spik, Bilong wanem, mi bin askim long em long BIKPELA.

1:21  Na dispela man Elkana, na olgeta hauslain bilong em, i go antap bilong ofaim i go long BIKPELA dispela sakrifais bilong olgeta wan wan yia, na strongpela promis bilong em.

1:22  Tasol Hana i no go antap. Long wanem, em i tokim man bilong em, Bai mi no inap go antap inap long taim pikinini i lusim susu, na nau mi bai bringim em, inap long em i ken kamap ples klia long ai bilong BIKPELA, na stap long dispela hap oltaim oltaim.

1:23  Na man bilong em Elkana i tokim em, Mekim wanem samting i luk olsem i gutpela long ai bilong yu. Yu stap yet inap long yu bin mekim em i lusim susu. BIKPELA i ken strongim tok bilong Em tasol. Olsem tasol meri i stap, na givim susu long pikinini man bilong em inap long em i mekim em lusim susu.

1:24  Na taim em i bin mekim em lusim susu, em i kisim em wantaim em, wantaim tripela bulmakau man, na wanpela ifa plaua, na wanpela skin meme wain, na bringim em i go long haus bilong BIKPELA long Sailo. Na pikinini em i yangpela.

1:25  Na ol i kilim i dai wanpela bulmakau man, na bringim dispela pikinini long Ilai.

1:26  Na meri i tok, O bikman bilong mi, olsem tewel bilong yu i stap laip, bikman bilong mi, mi dispela meri i sanap klostu long yu hia, na beten long BIKPELA.

1:27  Long dispela pikinini mi prea. Na BIKPELA i bin givim mi dispela strongpela askim bilong mi mi askim long Em.

1:28  Olsem na tu mi bin givim em olsem dinau long BIKPELA. Inap long taim em i stap laip, em bai stap olsem dinau long BIKPELA. Na em i lotuim BIKPELA long dispela hap.

Chapter 2

2:1  ¶ Na Hana i beten, na tok, Bel bilong mi i wokim amamas tru long BIKPELA, kom bilong mi i stap antap tru insait long BIKPELA. Maus bilong mi i go traipela antap long ol birua bilong mi. Bilong wanem, mi wokim amamas tru long kisim bek bilong Yu.

2:2  I no gat wanpela i holi olsem BIKPELA. Long wanem, i no gat wanpela i olsem Yu. Na tu i no gat wanpela ston i olsem God bilong mipela.

2:3  No ken toktok moa wantaim hambak pasin i bikpela moa yet olsem. No ken larim pasin bilong tingim yu winim ol arapela i kam ausait long maus bilong yu. Long wanem, BIKPELA em i wanpela God bilong save, na long Em Em i save skelim olgeta wok.

2:4  Ol banara bilong ol strongpela man i bruk, na ol husat i sutim lek i pasim bodi wantaim strong.

2:5  Ol husat i pulap i bin salim ol yet long kamap wokman bilong baim bret. Na ol husat i hangre i pinis long hangre. Olsem tasol meri i no inap long karim i bin karim sevenpela. Na meri husat i gat planti pikinini i wok long lusim strong.

2:6  BIKPELA i kilim, na givim laip. Em i bringim samting i go daun long matmat, na bringim samting i kam antap.

2:7  BIKPELA i mekim man i kamap rabisman, na mekim man i kamap maniman. Em i bringim samting i go daunbilo, na litimapim samting.

2:8  Em i kirapim rabisman i kam ausait long das, na litimapim man bilong pulim samting i lusim hip pekpek, long putim ol namel long ol hetman, na long mekim ol i kisim sia king bilong glori bihain olsem samting papa i givim pikinini. Long wanem, ol bikpela pos bilong dispela graun i bilong BIKPELA, na Em i bin putim dispela graun antap long ol.

2:9  Em bai lukautim ol lek bilong ol seint bilong Em, na ol man nogut bai pasim maus long tudak. Long wanem, i no gat man bai win long strong bilong em.

2:10  Ol birua bilong BIKPELA bai bruk long ol liklik hap hap. Ausait long heven Em bai pairap olsem klaut antap long ol. BIKPELA bai jasim ol las hap bilong dispela graun. Na Em bai givim strong long king bilong Em, na litimapim kom bilong man Em i makim.

2:11  ¶ Na Elkana i go long Rama long haus bilong em. Na dispela pikinini i bin wokim wok i go long BIKPELA long ai bilong pris Ilai.

2:12  Nau ol pikinini man bilong Ilai i stap ol pikinini man bilong Belial. Ol i no save long BIKPELA.

2:13  Na kastam bilong ol pris wantaim ol manmeri i olsem, long, taim wanpela man i ofaim sakrifais, wokboi bilong pris i kam, taim mit i wok long boil, wantaim huk bilong mit i gat tripela tit long han bilong em.

2:14  Na em i paitim dispela insait long sospen, o narakain sospen, o traipela sospen, o wanem kain sospen. Olgeta samting huk bilong mit i bringim i kam antap pris i kisim bilong em yet. Olsem tasol ol i mekim long Sailo long olgeta man Isrel husat i kam long dispela hap.

2:15  Na tu bipo ol i kukim gris olgeta, wokboi bilong pris i kam, na tokim man husat i wokim sakrifais, Givim mit bilong kukim long paia bilong pris. Long wanem, em i no laik kisim long yu mit yu boilim pinis, tasol mit i no tan.

2:16  Na sapos wanpela man i tokim em, No ken larim ol fel long kukim gris olgeta klostu nau, na nau kisim hamas tewel bilong yu i gat laik, orait em bai bekim tok long em, Nogat. Tasol yu bai givim dispela long mi nau. Na sapos nogat, mi bai yusim strong long kisim dispela.

2:17  Olsem na sin bilong dispela tupela yangpela man i bikpela tru long ai bilong BIKPELA. Long wanem, ol man i ting olsem ofa bilong BIKPELA i sting olgeta.

2:18  Tasol Samyuel i wokim wok long ai bilong BIKPELA, taim em i pikinini, na em i pasim wanpela naispela laplap ifat.

2:19  Na moa tu mama bilong em i wokim wanpela liklik saket long em, na bringim long em long olgeta wan wan yia, taim em i kam antap wantaim man bilong em long ofaim sakrifais bilong olgeta wan wan yia.

2:20  Na Ilai i blesim Elkana na meri bilong em, na tok, BIKPELA i ken givim yu tumbuna pikinini long dispela meri long dispela dinau, dispela dinau i go long BIKPELA. Na ol i go bek long ples bilong ol yet.

2:21  Na BIKPELA i kam lukim Hana, inap long em i kisim bel, na karim tripela pikinini man na tupela pikinini meri. Na dispela pikinini Samyuel i gro long ai bilong BIKPELA.

2:22  Nau Ilai i lapun tru, na em i harim olgeta samting ol pikinini man bilong em i mekim long olgeta Isrel, na long ol i slip olsem wanem wantaim ol meri husat i bung long dua bilong haus sel holi bilong bung bilong ol manmeri.

2:23  Na em i tokim tupela, Bilong wanem yutupela i wokim ol kain samting? Long wanem, mi save harim long maus bilong olgeta dispela manmeri long ol pasin nogut yutupela i mekim.

2:24  Nogat, tupela pikinini man bilong mi. Long wanem, dispela em i no gutpela ripot mi harim. Yutupela i mekim ol manmeri bilong BIKPELA long kalapim lo.

2:25  Sapos wanpela man i mekim sin i birua long narapela, jas bai jasim em. Tasol sapos man i mekim sin i birua long BIKPELA, husat bai mekim strongpela askim long helpim em? Tasol ol i no harim nek bilong papa bilong ol, bilong wanem, BIKPELA i gat laik long kilim ol i dai.

2:26  Na dispela pikinini Samyuel i gro yet, na em i kisim gutpela amamas wantaim BIKPELA, na tu wantaim ol man wantaim.

2:27  ¶ Na i gat wanpela man bilong God i kam long Ilai, na tokim em, BIKPELA i tok olsem, Ating Mi kamap ples klia long hauslain bilong tumbuna papa bilong yu, taim ol i stap long Isip, long haus bilong Fero, a?

2:28  Na ating Mi makim em ausait long olgeta wan wan lain bilong Isrel long stap pris bilong Mi, long ofaim long alta bilong Mi, long kukim insens, long werim ifat long ai bilong Mi, a? Na ating Mi givim long hauslain bilong tumbuna papa bilong yu olgeta ofa ol i wokim long paia bilong ol pikinini bilong Isrel, a?

2:29  Olsem wanem na yupela i kik long sakrifais bilong Mi na long ofa bilong Mi, dispela Mi bin tok strong long en insait long ples bilong stap bilong Mi, na yu onaim ol pikinini man bilong yu antap moa long Mi, long mekim yupela yet patpela wantaim ol nambawan bilong olgeta ofa bilong lain bilong Mi Isrel?

2:30  Olsem na God BIKPELA bilong Isrel i tok, Mi tok tru long hauslain bilong yu, na hauslain bilong tumbuna papa bilong yu, long ol i mas wokabaut long ai bilong Mi oltaim oltaim. Tasol nau BIKPELA i tok, Dispela i stap longwe long Mi. Long wanem, ol husat i onaim Mi, Mi bai onaim ol, na ol husat i ting olsem Mi samting nating bai kisim liklik ona.

2:31  Lukim, ol de bai kamap, long Mi bai rausim han bilong yu olgeta, na han bilong hauslain bilong tumbuna papa bilong yu, inap long bai i no gat lapun man i stap long hauslain bilong yu.

2:32  Na yu bai lukim wanpela birua insait long ples bilong Mi bilong stap, long olgeta dispela bikpela mani samting God bai givim long Isrel. Na bai i no gat wanpela lapun man long hauslain bilong yu oltaim oltaim.

2:33  Na dispela man bilong yu, husat Mi no bai rausim i go long alta bilong Mi olgeta, bai stap long kaikai olgeta tupela ai bilong yu, na long givim bel sori long bel bilong yu. Na olgeta tumbuna pikinini bilong hauslain bilong yu bai dai taim ol i stap long nambawan hap bilong laip bilong ol.

2:34  Na dispela bai stap wanpela mak long yu, dispela bai kam antap long tupela pikinini man bilong yu, long Hofni na Finias. Long wanpela de tupela wantaim bai dai long ol.

2:35  Na Mi bai kirapim long Mi wanpela pris Mi inap bilip long em, husat bai mekim bilong bihainim dispela samting i stap insait long bel bilong Mi na insait long tingting bilong Mi. Na Mi bai wokim long em wanpela hauslain i strong tru. Na em bai wokabaut long ai bilong man Mi makim oltaim oltaim.

2:36  Na em bai kamap olsem, long olgeta wan wan man husat i stap yet long hauslain bilong yu bai kam na lindaun long em bilong kisim wanpela hap silva na wanpela hap bret, na ol bai tok, Putim mi, mi askim yu plis, insait long wanpela bilong ol opis bilong ol pris, inap long mi ken kaikai hap bret.

Chapter 3

3:1  ¶ Na dispela pikinini Samyuel i wokim wok i go long BIKPELA long ai bilong Ilai. Na tok bilong BIKPELA i dia tumas long ol dispela de, i no gat ol driman samting i op.

3:2  Na em i kamap olsem long dispela taim, taim Ilai i slipim bodi long ples bilong em, na tupela ai bilong em i stat long wok long i go aipas, inap long em i no inap long lukluk ,

3:3  Na bipo lam bilong God i dai long tempel bilong BIKPELA, we bokis kontrak bilong God i stap, na Samyuel i slipim bodi bilong slip olgeta,

3:4  Long BIKPELA i singautim Samyuel. Na em i bekim tok, Mi stap hia.

3:5  Na em i ran i go long Ilai, na tok, Mi stap hia. Long wanem, yu singautim mi. Na em i tok, Mi no singautim yu. Slipim yu yet gen. Na em i go na slipim bodi.

3:6  Na BIKPELA i singaut yet gen, Samyuel. Na Samyuel i kirap na go long Ilai, na tok, Mi stap hia Long wanem, yu bin singautim mi. Na em i bekim tok, Mi no singautim yu, pikinini man bilong mi. Slipim bodi bilong yu gen.

3:7  Nau Samyuel i no bin save yet long BIKPELA, na tu tok bilong BIKPELA i no kamap ples klia yet long em.

3:8  Na BIKPELA i singautim Samyuel gen namba tri taim. Na em i kirap na go long Ilai, na tok, Mi stap hia. Long wanem, yu bin singautim mi. Na Ilai i kisim save long BIKPELA i bin singautim dispela pikinini.

3:9  Olsem na Ilai i tokim Samyuel, Go, slipim bodi bilong yu. Na em bai stap olsem, sapos Em i singautim yu, long yu bai tok, Toktok, BIKPELA. Long wanem, wokboi bilong yu i harim. Olsem na Samyuel i go na slipim bodi long ples bilong em.

3:10  Na BIKPELA i kam, na sanap, na singaut wankain olsem ol arapela taim, Samyuel, Samyuel. Nau Samyuel i bekim tok, Toktok. Long wanem, wokboi bilong Yu i harim.

3:11  ¶ Na BIKPELA i tokim Samyuel, Lukim, Mi bai mekim wanpela samting long Isrel, na long dispela, tupela ia bilong olgeta wan wan husat i harim dispela bai guria liklik.

3:12  Long dispela de Mi bai wokim i birua long Ilai olgeta dispela samting Mi bin toktok long sait bilong hauslain bilong em. Taim Mi statim, Mi bai mekim tu wanpela pinis.

3:13  Long wanem, Mi bin tokim em long Mi bai jasim hauslain bilong em oltaim oltaim bilong dispela sin nogut em i save long en. Bilong wanem, ol pikinini man bilong em i mekim ol yet nogut tru, na em i no pasim ol.

3:14  Na olsem na Mi bin wokim strongpela promis i go long hauslain bilong Ilai, long sin nogut bilong hauslain bilong Ilai bai i no inap kamap klin wantaim sakrifais o ofa oltaim oltaim.

3:15  Na Samyuel i slip inap long moning, na opim ol dua bilong haus bilong BIKPELA. Na Samyuel i pret long soim dispela driman samting long Ilai.

3:16  Nau Ilai i singautim Samyuel, na tok, Samyuel, pikinini man bilong mi. Na em i bekim tok, Mi stap hia.

3:17  Na em i tok, BIKPELA i bin tokim yu long wanem samting? Mi askim yu plis, no ken haitim dispela long mi. God i ken mekim olsem long yu, na moa tu, sapos yu haitim wanpela samting long mi bilong olgeta dispela samting Em i tokim yu.

3:18  Na Samyuel i tokim em long olgeta wan wan las hap samting, na em i no haitim wanpela samting long em. Na em i tok, Em BIKPELA tasol. Larim Em mekim wanem samting em i luk olsem i gutpela long ai bilong Em.

3:19  ¶ Na Samyuel i gro, na BIKPELA i stap wantaim em, na em i no bin larim wanpela bilong ol toktok bilong Em i pundaun long graun.

3:20  Na olgeta Isrel, i stat long Dan, yes, i go inap long Biar-siba, i save long God i strongim Samyuel pinis long kamap profet bilong BIKPELA.

3:21  Na BIKPELA i kamap ples klia gen long Sailo. Long wanem, BIKPELA i kamapim Em Yet ples klia long Samyuel long Sailo long tok bilong BIKPELA.

Chapter 4

4:1  ¶ Na tok bilong Samyuel i kam long olgeta Isrel. Nau Isrel i go ausait na birua long ol Filistin long pait, na sanapim haus sel klostu long Ebenisar. Na ol Filistin i sanapim haus sel long Afek.

4:2  Na ol Filistin i putim ol yet long lain i birua long Isrel. Na taim ol i kirapim pait, ol Filistin i paitim Isrel long ai bilong ol yet. Na ol i kilim i dai bilong ami i stap long ples kunai klostu olsem 4,000 man.

4:3  Na taim ol lain i kam insait long kem, ol lapun hetman bilong Isrel i tok, Olsem wanem na BIKPELA i bin paitim yumi tude long ai bilong ol Filistin? Yumi go kisim bokis bilong kontrak bilong BIKPELA ausait long Sailo i kam long yumi, long, taim em i kam namel long yumi, em i ken kisim bek yumi ausait long han bilong ol birua bilong yumi.

4:4  Olsem na ol lain i salim tok long Sailo, inap long ol i ken bringim long dispela ples dispela bokis bilong kontrak bilong BIKPELA bilong ol ami, husat i stap namel long tupela serupim. Na tupela pikinini man bilong Ilai, Hofni na Finias, i stap long dispela hap wantaim bokis bilong kontrak bilong God.

4:5  Na taim bokis bilong kontrak bilong BIKPELA i kam insait long kem, olgeta Isrel i singaut strong wantaim bikpela singaut, inap long dispela graun i ring gen.

4:6  Na taim ol Filistin i harim nois bilong dispela singaut, ol i tok, Wanem mining bilong nois bilong dispela bikpela singaut insait long kem bilong ol lain Hibru? Na ol i kisim save long bokis kontrak bilong BIKPELA i kam insait long kem.

4:7  Na ol Filistin i pret, long wanem, ol i tok, God i kam insait long kem bilong ol. Na ol i tok, Tok lukaut i kam long yumi! Long wanem, wanpela kain samting olsem dispela i no bin kamap bipo.

4:8  Tok lukaut i kam long yumi! Husat bai kisim bek yumi ausait long han bilong ol dispela strongpela God? Ol i ol God husat i paitim ol lain Isip wantaim olgeta sik nogut long ples i no gat man.

4:9  Stap strong, na sanapim yupela yet olsem ol man, O yupela ol Filistin, inap long yupela i no ken stap ol wokboi bilong ol lain Hibru, olsem ol i bin stap long yupela. Sanapim yupela yet olsem ol man, na pait.

4:10  ¶ Na ol Filistin i pait, na paitim Isrel, na Isrel i ranawe olgeta wan wan man long haus sel bilong em. Na i gat bikpela kilim i dai tru. Long wanem, 30,000 soldia bilong pait long lek bilong Isrel i pundaun.

4:11  Na ol birua i kisim bokis kontrak bilong God. Na tupela pikinini man bilong Ilai, Hofni na Finias, ol i kilim i dai.

4:12  ¶ Na wanpela man bilong Benjamin i ran ausait long ami, na kam long Sailo long dispela de stret wantaim ol klos bilong em i bruk, na wantaim graun antap long het bilong em.

4:13  Na taim em i kam, harim, Ilai i sindaun antap long sia klostu long sait bilong rot na was i stap. Long wanem, bel bilong em i wok long guria long bokis kontrak bilong God. Na taim dispela man i kam insait long biktaun, na stori long dispela, olgeta lain bilong biktaun i singaut.

4:14  Na taim Ilai i harim nois bilong ol lain i krai, em i tok, Wanem mining bilong nois bilong dispela bikpela paul nabaut? Na dispela man i kam insait hariap, na tokim Ilai.

4:15  Nau Ilai i gat 98 krismas. Na tupela ai bilong em i no lait gut, inap long em i no inap lukluk.

4:16  Na dispela man i tokim Ilai, Mi stap dispela man husat i kam ausait long ami, na mi ranawe tude ausait long ami. Na em i tok, Wanem samting i kamap long dispela hap, pikinini man bilong mi?

4:17  Na dispela mausman i bekim na tok, Isrel i ranawe long ai bilong ol Filistin, na i gat tu wanpela bikpela kilim i dai i kamap namel long ol lain, na tupela pikinini man bilong yu tu, Hofni na Finias, i dai pinis, na ol i kisim bokis kontrak bilong God.

4:18  Na em i kamap olsem, taim em i toktok liklik long bokis kontrak bilong God, long Ilai i pundaun long baksait bilong sia klostu long sait bilong dua bilong banis, na nek bilong em i bruk, na em i dai pinis. Long wanem, em i lapun man, na em i hevi. Na em i bin jasim Isrel 40 yia.

4:19  ¶ Na tambu pikinini meri bilong em, meri bilong Finias, i gat bel, na em i klostu long taim bilong karim. Na taim em i harim nius long ol birua i kisim bokis kontrak bilong God, na long tambu papa bilong em, na man bilong em, i dai pinis, orait em i lindaunim em yet na hatwok long karim pikinini. Long wanem, ol pen bilong em i kam antap long em.

4:20  Na klostu long taim bilong dai bilong em ol meri husat i sanap klostu long em i tokim em, No ken pret. Long wanem, yu bin karim pikinini man. Tasol em i no bekim tok, na tu em i no bin tingting planti long dispela.

4:21  Na em i putim nem Ikabot long pikinini, i spik, Glori i lusim Isrel. Bilong wanem, ol birua i kisim bokis kontrak bilong God, na bilong wanem, tambu papa bilong em na man bilong em i dai pinis.

4:22  Na em i tok, Glori i lusim Isrel. Long wanem, ol birua i kisim bokis kontrak bilong God.

Chapter 5

5:1  ¶ Na ol Filistin i kisim bokis kontrak bilong God, na bringim dispela i lusim Ebenisar i go long Asdot.

5:2  Taim ol Filistin i kisim bokis kontrak bilong God, ol i bringim dispela insait long haus bilong Degon, na putim em klostu long Degon.

5:3  Na taim ol lain bilong Asdot i kirap long moning tru long de bihain, lukim, Degon i bin pundaun long pes bilong em long graun long ai bilong bokis kontrak bilong BIKPELA. Na ol i kisim Degon, na putim em gen long ples bilong em.

5:4  Na taim ol i kirap long moning tru long de bihain, lukim, Degon i bin pundaun long pes bilong em long graun long ai bilong bokis kontrak bilong BIKPELA. Na het bilong Degon na tupela insait bilong ol han stret bilong em i bruk pinis antap long hap bilong as bilong dua. Bikpela hap bilong bodi bilong Degon tasol i stap yet long em.

5:5  Olsem na ol pris bilong Degon, o wanpela arapela husat i kam insait long haus bilong Degon, i no save krungutim hap bilong as bilong dua bilong Degon long Asdot inap long tude.

5:6  ¶ Tasol han bilong BIKPELA i hevi antap long ol lain bilong Asdot, na Em i bagarapim ol olgeta, na paitim ol wantaim ol sik emrot, yes, Asdot na ol hap arere bilong en.

5:7  Na taim ol man bilong Asdot i luksave long em i olsem, ol i tok, Bokis kontrak bilong God bilong Isrel bai i no inap stap wantaim yumi. Long wanem, han bilong Em i strong tru antap long yumi, na antap long Degon, god bilong yumi.

5:8  Olsem na ol i salim tok na bungim olgeta bikman bilong ol Filistin i kam long ol, na tok, Yumi bai mekim wanem wantaim bokis kontrak bilong God bilong Isrel? Na ol i bekim tok, Larim ol i karim nabaut bokis kontrak bilong God bilong Isrel i go long Gat. Na ol i karim bokis kontrak bilong God bilong Isrel nabaut long dispela hap.

5:9  Na em i stap olsem, long, bihain long ol i bin karim dispela nabaut, han bilong BIKPELA i birua long dispela biktaun wantaim wanpela bikpela bagarap olgeta tru. Na Em i paitim ol man bilong dispela biktaun, man nating na bikman wantaim, na ol i gat ol sik emrot long ol hap hait bilong ol.

5:10  Olsem na ol i salim bokis kontrak bilong God i go long Ekron. Na em i kamap olsem, taim bokis kontrak bilong God i kam long Ekron, long ol lain Ekron i singaut, i spik, Ol i bin bringim klostu dispela bokis kontrak bilong God bilong Isrel long yumi, long kilim yumi i dai na ol lain bilong yumi.

5:11  Olsem na ol i salim tok na bungim wantaim olgeta bikman bilong ol Filistin, na tok, Salim i go dispela bokis kontrak bilong God bilong Isrel, na larim em i go bek gen long ples bilong em yet, inap long em i no kilim yumi i dai, na ol lain bilong yumi. Long wanem, i gat wanpela bikpela bagarap olgeta bilong kamapim dai i stap long olgeta hap bilong dispela biktaun. Han bilong God i hevi tru long dispela hap.

5:12  Na ol man husat i no dai pinis, God i paitim wantaim ol sik emrot. Na krai bilong dispela biktaun i go antap long heven.

Chapter 6

6:1  ¶ Na bokis kontrak bilong BIKPELA i stap long kantri bilong ol Filistin sevenpela mun.

6:2  Na ol Filistin i singautim ol pris na ol glasman, i spik, Mipela bai mekim wanem long bokis kontrak bilong BIKPELA? Tokim mipela long mipela bai salim em i go long ples bilong em wantaim wanem samting.

6:3  Na ol i tok, Sapos yupela salim i go bokis kontrak bilong God bilong Isrel, yupela i no ken salim dispela emti. Tasol, long bihainim wanem rot, givim bek long Em wanpela ofa bilong sakim lo. Nau ol bodi bilong yupela bai orait gen, na em bai stap klia long yupela bilong wanem han bilong Em i no lusim yupela.

6:4  Nau ol i tok, Dispela ofa bilong sakim lo mipela bai givim bek long Em bai wanem samting? Ol i bekim tok, Faipela emrot gol, na faipela rat gol, bilong bihainim namba bilong ol bikman bilong ol Filistin. Long wanem, wanpela sik nogut i stap antap long yupela olgeta, na antap long ol bikman bilong yupela.

6:5  Olsem na yupela bai wokim piksa bilong ol emrot bilong yupela, na ol piksa bilong ol rat bilong yupela, dispela i bagarapim dispela hap. Na yupela bai givim glori long God bilong Isrel. Sapos i gat sans long Em bai rausim han bilong Em liklik i lusim yupela, na i lusim ol god bilong yupela, na i lusim dispela hap bilong yupela.

6:6  Olsem wanem na nau yupela i strongim ol bel bilong yupela, olsem ol lain Isip na Fero i strongim ol bel bilong ol? Taim Em i bin mekim wok i winim tingting namel long ol, ating i yes long ol i larim ol manmeri i go, na ol i lusim ol?

6:7  Olsem na nau wokim wanpela nupela karis, na kisim tupela susu bulmakau meri, antap long husat ol i no bin putim yok, na pasim tupela bulmakau meri long karis, na bringim ol pikinini bilong ol i lusim ol i kam bek long ples.

6:8  Na kisim bokis kontrak bilong BIKPELA, na slipim dispela antap long karis. Na putim ol bilas i dia tru bilong gol, dispela yupela i givim bek long Em bilong wanpela ofa bilong sakim lo, insait long wanpela liklik bokis i slip klostu long en. Na salim dispela i go, inap long em i ken go.

6:9  Na lukluk, sapos em i go antap long rot bilong hap arere bilong em yet long Bet-semes, orait Em i bin mekim dispela bikpela samting nogut long yumi. Tasol sapos nogat, orait yumi bai save long dispela em i no han bilong Em i paitim yumi, em i sans long dispela i kamap long yumi.

6:10  ¶ Na ol man i mekim olsem. Na ol i kisim tupela susu bulmakau meri, na pasim tupela long karis, na pasim tupela pikinini bilong ol bek long ples.

6:11  Na ol i slipim bokis kontrak bilong BIKPELA antap long karis, na liklik bokis wantaim ol rat gol, na ol piksa bilong ol emrot bilong ol.

6:12  Na tupela bulmakau meri i bihainim rot stret i go long rot bilong Bet-semes, na bihainim bikrot, na krai strong taim ol i go, na ol i no tanim long sait liklik long han sut o long han kais. Na ol bikman bilong ol Filistin i go bihainim ol inap long hap arere bilong Bet-semes.

6:13  Na ol bilong Bet-semes i wok long kamautim wit bilong ol long ples daun. Na ol i apim ol ai bilong ol, na lukim bokis kontrak, na wokim amamas tru long lukim dispela.

6:14  Na karis i kam long bikpela gaden bilong Josua, man Bet-semes, na sanap long dispela hap, we wanpela bikpela ston i stap. Na ol i brukim diwai bilong karis, na ofaim tupela bulmakau meri long ofa i kuk olgeta i go long BIKPELA.

6:15  Na ol lain Livai i kisim bokis kontrak bilong BIKPELA i kam daun, na liklik bokis i stap wantaim dispela, we ol bilas i dia tru bilong gol i stap, na putim ol antap long dispela bikpela ston. Na ol man bilong Bet-semes i ofaim ol ofa i kuk olgeta na ofaim ol sakrifais i go long BIKPELA long dispela de stret.

6:16  Na taim dispela faipela bikman bilong ol Filistin i bin lukim dispela, ol i go bek long Ekron long dispela de stret.

6:17  Na ol dispela em ol dispela emrot gol ol Filistin i givim bek long BIKPELA bilong wanpela ofa bilong sakim lo, bilong Asdot wanpela, bilong Gasa wanpela, bilong Askelon wanpela, bilong Gat wanpela, bilong Ekron wanpela.

6:18  Na ol rat gol, bilong bihainim namba bilong olgeta biktaun bilong ol Filistin i bilong dispela faipela bikman, ol biktaun i gat banis, na ol hap bilong ol vilis wantaim, yes, i go inap long dispela bikpela ston bilong Ebel, we ol i slipim bokis kontrak bilong BIKPELA antap long en. Dispela ston i stap yet inap long tude long bikpela gaden bilong Josua, man Bet-semes.

6:19  ¶ Na Em i paitim ol man bilong Bet-semes, bilong wanem, ol i bin lukluk i go insait long bokis kontrak bilong BIKPELA. Yes, Em i paitim long dispela lain manmeri 50,070 man. Na ol manmeri i krai sori, bilong wanem, BIKPELA i bin paitim planti bilong ol manmeri wantaim wanpela bikpela kilim i dai.

6:20  Na ol man bilong Bet-semes i tok, Husat em inap long sanap long ai bilong dispela holi God BIKPELA? Na Em bai lusim yumi long i go antap long husat?

6:21  Na ol i salim ol mausman long ol man i stap long Kiriat-jerim, i spik, Ol Filistin i bin bringim gen bokis kontrak bilong BIKPELA. Yupela kam daun, na kisim dispela i go antap long yupela.

Chapter 7

7:1  ¶ Na ol man bilong Kiriat-jerim i kam, na kisim bokis kontrak bilong BIKPELA, na bringim dispela insait long haus bilong Abinadap long liklik maunten, na mekim pikinini man bilong em Eliesar i kamap holi long lukautim bokis kontrak bilong BIKPELA.

7:2  Na em i kamap olsem, taim bokis kontrak i stap long Kiriat-jerim, long taim i go longpela. Long wanem, em i 20 yia. Na olgeta hauslain bilong Isrel i krai sori bihain long BIKPELA.

7:3  ¶ Na Samyuel i tokim olgeta hauslain bilong Isrel, i spik, Sapos i tru yupela i tanim i kam bek long BIKPELA wantaim olgeta bel bilong yupela, orait rausim i go ol narakain god na Astarot long namel long yupela, na redim ol bel bilong yupela i go long BIKPELA, na bihainim Em wanpela tasol. Na Em bai kisim bek yupela ausait long han bilong ol Filistin.

7:4  Nau ol pikinini bilong Isrel i bin rausim i go Bealim na Astarot, na bihainim BIKPELA tasol.

7:5  Na Samyuel i tok, Bungim olgeta Isrel long Mispa, na mi bai beten long yupela i go long BIKPELA.

7:6  Na ol i bung wantaim long Mispa, na pulimapim wara, na kapsaitim dispela i go long ai bilong BIKPELA, na tambuim kaikai long dispela de, na tok long hap, Mipela i bin mekim sin i birua long BIKPELA. Na Samyuel i jasim ol pikinini bilong Isrel long Mispa.

7:7  ¶ Na taim ol Filistin i harim long ol pikinini bilong Isrel i bung wantaim long Mispa, ol bikman bilong ol Filistin i go antap bilong birua long Isrel. Na taim ol pikinini bilong Isrel i harim dispela, ol i pret long ol Filistin.

7:8  Na ol pikinini bilong Isrel i tokim Samyuel, No ken lusim pasin bilong krai long BIKPELA, God bilong mipela, bilong helpim mipela, long Em bai kisim bek mipela ausait long han bilong ol Filistin.

7:9  Na Samyuel i kisim wanpela susu pikinini sipsip, na ofaim dispela bilong wanpela ofa i kuk olgeta i go long BIKPELA wanpela tasol. Na Samyuel i krai long BIKPELA bilong helpim Isrel. Na BIKPELA i harim em.

7:10  Na taim Samyuel i ofaim ofa i kuk olgeta i go antap, ol Filistin i wok long kam klostu long pait birua long Isrel. Tasol BIKPELA i pairap wantaim wanpela bikpela pairap long dispela de antap long ol Filistin, na bagarapim ol olgeta. Na BIKPELA i paitim ol long ai bilong Isrel.

7:11  Na ol man bilong Isrel i go ausait long Mispa, na ran bihainim ol Filistin, na paitim ol, inap long ol i kam aninit long Bet-ka.

7:12  Nau Samyuel i kisim wanpela ston, na sanapim dispela namel long Mispa na Sen, na kolim nem bilong en Ebenisar, i spik, Inap long hia, BIKPELA i bin helpim yumi.

7:13  ¶ Olsem tasol ol Filistin i stap aninit, na ol i no kam moa insait long hap arere bilong Isrel. Na han bilong BIKPELA i birua long ol Filistin olgeta de bilong Samyuel.

7:14  Na ol dispela biktaun ol Filistin i bin kisim long Isrel, Bikpela givim i go bek long Isrel, i stat long Ekron, yes, i go inap long Gat. Na ol hap arere bilong ol Isrel i bin kisim bek ausait long ol han bilong ol Filistin. Na i gat bel isi namel long Isrel na ol lain Amor.

7:15  Na Samyuel i jasim Isrel olgeta de bilong laip bilong em.

7:16  Na em i save go long olgeta wan wan yia long raun long Betel, na Gilgal, na Mispa, na jasim Isrel long olgeta dispela ples.

7:17  Na ples em i kam bek long en em Rama. Long wanem, haus bilong em i stap long dispela hap. Na long dispela hap em i jasim Isrel. Na long dispela hap em i wokim wanpela alta i go long BIKPELA.

Chapter 8

8:1  ¶ Na em i kamap olsem, taim Samyuel em i lapun pinis, long em i mekim ol pikinini man bilong em kamap ol jas long bosim Israel.

8:2  Nau nem bilong namba wan pikinini man bilong em em Joel. Na nem bilong namba tu, Abaia. Ol i stap ol jas long Biar-siba.

8:3  Na ol pikinini man bilong em i no wokabaut long ol rot bilong em, tasol ol i tanim long sait i bihainim mani samting, na kisim ol pe hait, na paulim kot.

8:4  ¶ Nau olgeta lapun hetman bilong Isrel i bungim ol yet wantaim, na kam long Samyuel long Rama.

8:5  Na ol i tokim em, Lukim, yu lapun pinis, na ol pikinini man bilong yu i no wokabaut long ol rot bilong yu. Nau makim long mipela wanpela king long jasim mipela olsem olgeta arapela kantri i gat.

8:6  Tasol dispela samting i bagarapim amamas bilong Samyuel, taim ol i tok, Givim mipela wanpela king bilong jasim mipela. Na Samyuel i beten i go long BIKPELA.

8:7  Na BIKPELA i tokim Samyuel, Harim long nek bilong ol manmeri long olgeta samting ol i toktok long yu. Long wanem, ol i no bin tok nogat olgeta long yu, tasol ol i bin tok nogat olgeta long Mi, inap long Mi no ken bosim kingdom long ol.

8:8  Bilong bihainim olgeta dispela wok ol i bin mekim i stat long taim Mi bringim ol i kam ausait long Isip, yes, i kam inap long tude, we long dispela ol i bin givim baksait long Mi, na bihainim ol arapela god, olsem tasol ol i mekim long yu tu.

8:9  Olsem na nau harim long nek bilong ol. Tasol yet yu mas strong long mekim strongpela tok i birua long ol, na soim ol pasin bilong dispela king husat bai bosim kingdom long ol.

8:10  Na Samyuel i tokim ol manmeri husat i askim long em long king long olgeta toktok bilong BIKPELA.

8:11  Na em i tok, Pasin bilong dispela king husat bai bosim kingdom long yupela bai stap olsem, em bai kisim ol pikinini man bilong yupela, na makim ol bilong em yet, bilong ol karis bilong em, na long kamap ol man i ran long ol hos bilong em. Na sampela bai ran i go pas long ol karis bilong em.

8:12  Na em bai makim long em ol kepten long bosim ol tausen, na ol kepten long bosim ol 50. Na em bai putim ol long planim wit samting long graun bilong em, na long kamautim kaikai bilong em, na long wokim ol samting bilong bikpela pait bilong em, na ol samting bilong ol karis bilong em.

8:13  Na em bai kisim ol pikinini meri bilong yupela long stap lain bilong kukim switkai, na long stap ol lain bilong kuk, na long stap ol lain bilong kukim bret.

8:14  Na em bai kisim ol bikpela gaden bilong yupela, na ol gaden wain bilong yupela, na ol gaden oliv bilong yupela, yes, ol nambawan bilong ol, na givim ol long ol wokboi bilong em.

8:15  Na em bai kisim namba ten hap bilong pikinini kaikai bilong yupela, na bilong ol gaden wain bilong yupela, na givim long ol ofisa bilong em, na long ol wokboi bilong em.

8:16  Na em bai kisim ol wokboi bilong yupela, na ol wokmeri bilong yupela, na ol nambawan yangpela man bilong yupela, na ol donki bilong yupela, na putim ol long wok bilong em.

8:17  Em bai kisim namba ten hap bilong ol sipsip bilong yupela. Na yupela bai stap ol wokboi bilong em.

8:18  Na yupela bai krai strong long dispela de, bilong wanem, long king bilong yupela husat yupela i bin makim bilong yupela. Na BIKPELA bai i no inap harim yupela long dispela de.

8:19  Tasol ol manmeri i tok nogat long bihainim nek bilong Samyuel. Na ol i tok, Nogat. Tasol mipela i gat laik long king long bosim mipela,

8:20  Inap long mipela tu i ken stap wankain olsem olgeta arapela kantri, na inap long king bilong mipela i ken jasim mipela, na go ausait pastaim long mipela, na paitim ol pait bilong mipela.

8:21  Na Samyuel i harim olgeta toktok bilong ol manmeri, na em i stori long ol long tupela ia bilong BIKPELA.

8:22  Na BIKPELA i tokim Samyuel, Harim long nek bilong ol, na makim long ol wanpela king. Na Samyuel i tokim ol man bilong Isrel, Yupela olgeta wan wan man go long biktaun bilong em yet.

Chapter 9

9:1  ¶ Nau i gat wanpela man bilong Benjamin, husat nem bilong en em Kis, pikinini man bilong Abiel, pikinini man bilong Seror, pikinini man bilong Bekorat, pikinini man bilong Afaia, wanpela man Benjamin, wanpela strongpela man i gat pawa.

9:2  Na em i gat pikinini man, husat nem bilong en em Sol, wanpela naispela yangpela man, na nambawan. Na i no gat namel long ol pikinini bilong Isrel wanpela i nambawan man moa long em. Long tupela sol bilong han bilong em i go antap em i longpela moa long olgeta wan wan bilong ol manmeri.

9:3  ¶ Na ol donki bilong Kis, papa bilong Sol, i lus. Na Kis i tokim pikinini man bilong em Sol, Kisim nau wanpela bilong ol wokboi wantaim yu, na kirap, na go painim ol donki.

9:4  Na em i wokabaut i go namel long maunten Ifraim, na wokabaut i go namel long hap bilong Salisa, tasol tupela i no lukim ol. Nau ol i wokabaut i go namel long hap bilong Salim, na ol i no stap long dispela hap. Na em i wokabaut i go namel long hap bilong ol lain Benjamin, tasol tupela i no lukim ol.

9:5  Na taim ol i kamap long hap bilong Suf, Sol i tokim wokboi bilong em husat i stap wantaim em, Kam, na yumi go bek. Nogut papa bilong mi i lusim wari bilong em long ol donki, na tingting planti long yumi.

9:6  Na em i tokim em, Lukim nau, i gat wanpela man bilong God i stap long dispela biktaun, na em i man i gat biknem. Olgeta samting em i tokaut long en, tru tumas, em i save kamap olsem. Nau yumi go long dispela hap, sapos i gat sans long em i ken soim yumi rot yumi mas wokabaut long en.

9:7  Nau Sol i tokim wokboi bilong em, Tasol, lukim, sapos yumi go, yumi bai bringim wanem samting long dispela man? Long wanem, bret i pinis long ol basket bilong yumi, na i no gat wanpela presen long bringim long dispela man bilong God. Yumi gat wanem samting?

9:8  Na wokboi i bekim tok long Sol gen, na tok, Lukim, mi gat hia klostu namba foa hap bilong wanpela sekel silva. Dispela bai mi givim long dispela man bilong God, long tokim yumi rot long bilong yumi.

9:9  (Long taim bipo long Isrel, taim man i go long askim long God, em i save tok olsem, Kam, na yumi go long sia. Long wanem, man husat yumi kolim nau Profet, long taim bipo ol i kolim Sia.)

9:10  Nau Sol i tokim wokboi bilong em, Yu tok gutpela. Kam, yumi go. Olsem na ol i go long biktaun we man bilong God i stap.

9:11  ¶ Na taim ol i go antap long liklik maunten long biktaun, ol i lukim ol yangpela meri husat i go ausait long pulimapim wara, na tokim ol, Sia i stap long hia?

9:12  Na ol i bekim ol, na tok, Em i stap. Lukim, em i stap long ai bilong yupela. Hariap nau, long wanem, em i kam tude long biktaun. Long wanem, i gat sakrifais bilong ol manmeri tude long ples antap.

9:13  Na long taim stret long yupela i kam insait long biktaun, yupela bai lukim em kwiktaim, bipo em i go antap long ples antap long kaikai. Long wanem, ol manmeri bai i no inap kaikai inap long em i kam, bilong wanem, em i save blesim dispela sakrifais. Na bihain long en, ol husat ol i askim long kam bai kaikai. Olsem na nau yupela go antap. Long wanem, klostu long dispela taim tasol yupela bai lukim em.

9:14  Na ol i go antap insait long biktaun. Na taim ol i kam insait long biktaun, lukim, Samyuel i kam ausait klostu long ol, bilong go antap long ples antap.

9:15  Nau BIKPELA i bin tokim Samyuel long ia bilong em wanpela de bipo Sol i kam, i spik,

9:16  Klostu long dispela taim tumora Mi bai salim long yu wanpela man i kam ausait long hap bilong Benjamin, na yu bai makim em long stap kepten long bosim ol lain bilong Mi Isrel, inap long em i ken kisim bek ol manmeri bilong Mi ausait long han bilong ol Filistin. Long wanem, Mi bin lukluk long ol lain bilong Mi, bilong wanem, krai bilong ol i kam pinis long Mi.

9:17  Na taim Samyuel i lukim Sol, BIKPELA i tokim em, Lukim, em i dispela man husat Mi tokim yu long en! Dispela man stret bai bosim kingdom long ol manmeri bilong Mi.

9:18  ¶ Nau Sol i go klostu long Samyuel long dua bilong banis, na tok, Tokim mi, mi askim yu plis, we haus bilong sia i stap.

9:19  Na Samyuel i bekim Sol, na tok, Mi dispela sia. Go pas long mi long ples antap. Long wanem, yupela bai kaikai wantaim mi tude, na tumora mi bai larim yu go, na mi bai tokim yu long olgeta samting i stap insait long bel bilong yu.

9:20  Na long sait bilong ol donki bilong yu, dispela i go lus tripela de i go pinis, yu no ken putim tingting bilong yu long ol. Long wanem, ol i painim ol pinis. Na olgeta laik bilong Isrel i stap antap long husat? Ating i yes long em i stap antap long yu, na antap long olgeta hauslain bilong papa bilong yu?

9:21  Na Sol i bekim na tok, Ating i yes long mi wanpela man Benjamin, bilong lain i liklik moa olgeta long ol lain bilong Isrel? Na ating i yes long famili bilong mi i las bilong olgeta famili bilong lain Benjamin? Olsem wanem na nau yu toktok olsem long mi?

9:22  Na Samyuel i kisim Sol na wokboi bilong em, na bringim tupela insait long rum, na mekim ol i sindaun long nambawan ples namel long ol lain husat ol i askim long kam, husat i klostu olsem 30 manmeri.

9:23  Na Samyuel i tokim kukboi, Bringim dispela hap skel mi givim long yu, dispela mi tokim yu long en olsem, Putim dispela klostu long yu.

9:24  Na kukboi i kisim sol bilong han, na dispela samting i stap antap long em, na putim long ai bilong Sol. Na Samyuel i tok, Lukim dispela samting i stap yet! Putim dispela long ai bilong yu, na kaikai. Long wanem, inap long dispela taim mipela i bin holim bilong yu, inap long taim mi bin tok, Mi bin singautim ol lain long kam. Olsem na Sol i bin kaikai wantaim Samyuel long dispela de.

9:25  Na taim ol i kam daun long ples antap long go insait long biktaun, Samyuel i stori wantaim Sol antap long antap bilong haus.

9:26  Na ol i kirap long moning tru. Na em i kamap olsem klostu long stat bilong de, long Samyuel i singautim Sol long kam long antap bilong haus, i spik, Kam antap, inap long mi ken salim yu i go. Na Sol i kirap, na ol i go ausait, em na Samyuel wantaim, ausait long hap.

9:27  Na taim ol i wok long go daun long arere bilong biktaun, Samyuel i tokim Sol, Tokim wokboi long go pas long yumi, (na em i go pas,) tasol yu sanap i stap liklik taim, inap long mi ken soim yu tok bilong God.

Chapter 10

10:1  ¶ Nau Samyuel i kisim wanpela dis wel, na kapsaitim dispela antap long het bilong em, na givim kis long em, na tok, Ating i yes long em i bikos BIKPELA i bin makim yu long stap kepten long bosim ol samting papa i givim pikinini bilong Em?

10:2  Taim yu bin lusim mi tude, nau yu bai lukim tupela man klostu long matmat bilong Resel long hap arere bilong Benjamin long Selsa. Na tupela bai tokim yu olsem, Ol dispela donki yu painim, ol i painim pinis. Na, harim, papa bilong yu i bin lusim wari bilong em long ol donki, na em i wok long pilim hevi long yu, i spik, Mi bai mekim wanem bilong helpim pikinini man bilong mi?

10:3  Nau yu bai lusim dispela ples na go moa, na yu bai kamap long ples stret bilong Tebor, na long dispela hap tripela man bai bungim yu husat i go long God long Betel, wanpela i karim tripela pikinini meme, na narapela i karim tripela hap bret, na narapela i karim wanpela skin meme wain.

10:4  Na ol bai tok gude long yu, na givim yu tupela hap bret. Dispela yu bai kisim long ol han bilong ol.

10:5  Bihain long dispela yu bai kamap long liklik maunten bilong God, we lain soldia bilong ol Filistin i stap. Na em bai kamap olsem, taim yu bin kamap long dispela hap long biktaun, long yu bai bungim wanpela lain bilong ol profet i kam daun long ples antap wantaim wanpela kain gita, na liklik kain kundu, na paip, na harp, i go pas long ol. Na ol bai autim tok profet.

10:6  Na Spirit bilong BIKPELA bai kam antap long yu, na yu bai autim tok profet wantaim ol, na yu bai senis i kamap narapela man.

10:7  Na larim i stap olsem, taim ol dispela mak i kamap long yu, orait yu mekim samting yu gat sans long mekim. Long wanem, God i stap wantaim yu.

10:8  Na yu bai go daun pastaim long mi long Gilgal. Na, lukim, mi bai kam daun long bungim yu, long ofaim ol ofa i kuk olgeta, na long ofaim ol sakrifais bilong ol ofa bilong givim bel isi. Sevenpela de yu bai stap yet, inap long mi kam long yu, na soim yu wanem samting yu bai mekim.

10:9  ¶ Na em i stap olsem, long taim em i bin tanim baksait bilong em long lusim Samyuel, God i givim em narapela bel. Na olgeta ol dispela mak i kamap long dispela de.

10:10  Na taim ol i kam long dispela hap long liklik maunten, lukim, wanpela lain bilong ol profet i bungim em. Na Spirit bilong God i kam antap long em, na em i autim tok profet namel long ol.

10:11  Na em i kamap olsem, taim olgeta husat i save long em long taim bipo i lukim dispela, lukim, em i autim tok profet namel long ol profet, orait ol manmeri i toktok wanpela i go long narapela, Dispela em i wanem samting i kamap long pikinini man bilong Kis? Sol tu i stap namel long ol profet?

10:12  Na wanpela bilong dispela ples stret i bekim na tok, Tasol husat i papa bilong ol? Olsem na dispela i kamap wanpela provep, Sol tu i stap namel long ol profet?

10:13  Na taim em i bin wokim wanpela pinis bilong autim tok profet, em i kamap long dispela ples antap.

10:14  Na smolpapa bilong Sol i tokim em na wokboi bilong em, Yutupela i go we? Na em i tok, Long painim ol donki. Na taim mitupela i luksave long ol i no stap long wanpela hap, mipela kamap long Samyuel.

10:15  Na smolpapa bilong Sol i tok, Tokim mi, mi askim yu plis, long wanem samting Samyuel i tokim yutupela.

10:16  Na Sol i tokim smolpapa bilong em, Em i tokim mitupela klia long ol i painim ol donki pinis. Tasol long samting bilong kingdom, we Samyuel i toktok long en, em i no tokim em.

10:17  ¶ Na Samyuel i singautim ol manmeri long bung wantaim long BIKPELA long Mispa.

10:18  Na em i tokim ol pikinini bilong Isrel, God BIKPELA bilong Isrel i tok olsem, Mi bringim Isrel antap ausait long Isip, na kisim bek yupela ausait long han bilong ol lain Isip, na ausait long han bilong olgeta kingdom, na ol lain husat i givim hevi long yupela.

10:19  Na tude yupela i bin tok nogat olgeta long God bilong yupela, husat Em Yet i kisim bek yupela ausait long olgeta kain kain hevi bilong yupela na olgeta bikpela hevi bilong yupela. Na yupela i bin tokim Em, Nogat, tasol putim king long bosim mipela. Olsem na nau, bringim yupela yet long ai bilong BIKPELA long ol lain bilong yupela, na long ol tausen bilong yupela.

10:20  Na taim Samyuel i bin mekim olgeta lain bilong Isrel long kam klostu,em i makim lain bilong Benjamin.

10:21  Taim em i bin mekim ol lain bilong Benjamin long kam klostu, long ol famili bilong ol, em i makim famili bilong Matri, na em i makim Sol, pikinini man bilong Kis. Na taim ol i painim em, ol i no lukim em.

10:22  Olsem na ol i askim moa long BIKPELA, sapos dispela man i mas kam yet long dispela hap. Na BIKPELA i bekim tok, Lukim, em i bin haitim em yet namel long ol kago.

10:23  Na ol i ran na kisim em long dispela ples. Na taim em i sanap namel long ol manmeri, em i antap moa long olgeta wan wan bilong ol manmeri, long tupela sol bilong han bilong em i go antap.

10:24  Na Samyuel i tokim olgeta manmeri, Yupela i lukim em husat BIKPELA i bin makim, long i no gat wanpela olsem em namel long olgeta dispela lain manmeri? Na olgeta lain manmeri i singaut strong, na tok, God i mas mekim king i stap laip.

10:25  Nau Samyuel i tokim ol manmeri long pasin bilong kingdom, na raitim dispela long wanpela buk, na putim dispela long ai bilong BIKPELA. Na Samyuel i salim olgeta manmeri i go, olgeta wan wan man long haus bilong em.

10:26  Na Sol tu i go long haus bilong em long Gibia. Na liklik lain bilong ol man i go wantaim em, husat God i bin tasim ol bel bilong ol.

10:27  Tasol ol pikinini bilong Belial i tok, Dispela man bai kisim bek mipela olsem wanem? Na ol i ting olsem em i samting nating, na ol i no bringim sampela presen long em. Tasol em i pasim maus bilong em.

Chapter 11

11:1  ¶ Nau man Amon Nehas i kam antap, na wokim kem i birua long Jebes-gileat. Na olgeta man bilong Jebes i tokim Nehas, Wokim kontrak wantaim mipela, na mipela bai stap aninit long yu.

11:2  Na man Amon Nehas i bekim tok long ol, Long dispela promis bai mi mekim kontrak wantaim yupela, long mi ken subim i kam ausait olgeta han sut ai bilong yupela, na putim dispela bilong givim sem long olgeta Isrel.

11:3  Na ol lapun hetman bilong Jebes i tokim em, Givim mipela sevenpela de pastaim, inap long mipela i ken salim ol mausman i go long olgeta hap arere bilong Isrel. Na nau, sapos i no gat man long kisim bek mipela, orait mipela bai kam ausait long yu.

11:4  Nau ol mausman i kam long Gibia bilong Sol, na tokim dispela nius long ol ia bilong olgeta manmeri. Na olgeta manmeri i apim ol nek bilong ol, na krai tru.

11:5  ¶ Na, lukim, Sol i kam bihain long lain bulmakau ausait long ples kunai. Na Sol i tok, Wanem samting i givim hevi long ol manmeri inap long ol i krai tru? Na ol i tokim em long nius bilong ol man bilong Jebes.

11:6  Na Spirit bilong God i kam antap long Sol taim em i harim ol dispela nius, na belhat bilong em i kirap bikpela.

11:7  Na em i kisim wanpela yok bilong ol bulmakau man, na katkatim ol long ol liklik hap hap, na salim ol i go long olgeta hap arere bilong Isrel long ol han bilong ol mausman, i spik, Husat man i no kam ausait i bihainim Sol na i bihainim Samyuel, olsem tasol bai ol i mekim dispela long ol bulmakau man bilong em. Na pret bilong BIKPELA i pundaun antap long ol manmeri, na ol i kam ausait wantaim wanpela tingting.

11:8  Na taim em i kaunim ol long Besek, ol pikinini bilong Isrel em 300,000, na ol man bilong Juda 30,000.

11:9  Na ol i tokim ol mausman husat i kam, Yupela bai tokim ol man bilong Jebes-gileat olsem, Tumora, bipo long taim san i stap hat, yupela bai gat helpim. Na ol mausman i kam na soim dispela long ol man bilong Jebes. Na ol i amamas.

11:10  Olsem na ol man bilong Jebes i tok, Tumora mipela bai kam ausait long yupela, na yupela bai mekim long mipela olgeta samting i luk olsem i gutpela long ai bilong yupela.

11:11  Na em i stap olsem long de bihain, long Sol i putim ol lain long tripela lain soldia. Na ol i kam insait long namel bilong dispela ami long taim bilong moning was, na kilim i dai ol lain Amon inap long taim hat bilong de. Na em i kamap olsem, long ol husat i stap yet i bruk nabaut, inap long i no gat tupela bilong ol i stap wantaim.

11:12  ¶ Na ol manmeri i tokim Samyuel, Em i husat husat i tok, Ating Sol bai bosim kingdom long mipela? Bringim ol dispela man, inap long mipela i ken mekim ol i dai.

11:13  Na Sol i tok, Bai i no gat wanpela man yupela iken mekim i dai long tude. Long wanem, tude BIKPELA i bin wokim pasin bilong kisim bek insait long Isrel.

11:14  Nau Samyuel i tokim ol lain, Kam, na yumi go long Gilgal, na strongim gen kingdom long dispela hap.

11:15  Na olgeta lain i go long Gilgal. Na long dispela hap ol i mekim Sol king long ai bilong BIKPELA long Gilgal. Na long dispela hap ol i ofaim ol sakrifais bilong ol ofa bilong givim bel isi long ai bilong BIKPELA. Na long dispela hap Sol na olgeta man bilong Isrel i wokim bikpela amamas tru.

Chapter 12

12:1  ¶ Na Samyuel i tokim olgeta Isrel, Lukim, mi bin harim nek bilong yupela long olgeta samting yupela i tokim mi, na mi bin makim wanpela king long bosim yupela.

12:2  Na nau, lukim, dispela king i wokabaut long ai bilong yupela. Na mi lapun na mi waitgras pinis. Na, lukim, ol pikinini man bilong mi i stap wantaim yupela. Na mi bin wokabaut long ai bilong yupela i stat long taim mi pikinini inap long tude.

12:3  Lukim, mi stap hia. Witnes i birua long mi long ai bilong BIKPELA, na long ai bilong man Em i makim. Mi bin kisim bulmakau man bilong husat? O mi bin kisim donki bilong husat? O mi bin stilim samting long husat wantaim giaman pasin? Mi bin givim hevi long husat? O long han bilong husat mi bin kisim wanpela pe hait long aipasim tupela ai bilong mi long en? Witnes, na mi bai givim dispela i go bek long yupela.

12:4  Na ol i tok, Yu no bin stilim samting bilong mipela wantaim giaman pasin, o givim hevi long mipela, na tu yu no bin kisim wanpela samting long han bilong wanpela man.

12:5  Na em i tokim ol, BIKPELA i stap witnes i birua long yupela, na man Em i makim i stap witnes tude, long yupela i no bin lukim wanpela samting long han bilong mi. Na ol i bekim tok, Em i stap witnes.

12:6  ¶ Na Samyuel i tokim ol manmeri, Em BIKPELA husat i mekim Moses na Aron i go antap, na husat i bringim ol tumbuna papa bilong yupela antap ausait long hap bilong Isip.

12:7  Olsem na nau yupela sanap i stap, inap long mi ken wok long stretim tok wantaim yupela long ai bilong BIKPELA long olgeta stretpela wok bilong BIKPELA, dispela Em i mekim long yupela na long ol tumbuna papa bilong yupela.

12:8  Taim Jekop i kam insait long Isip, na ol tumbuna papa bilong yupela i krai long BIKPELA, orait BIKPELA i salim Moses na Aron, husat i bringim ausait ol tumbuna papa bilong yupela ausait long Isip, na mekim ol long stap long dispela ples.

12:9  Na taim ol i lusim tingting long BIKPELA, God bilong ol, Em i salim ol i go long han bilong Sisera, kepten bilong ami bilong Hesor, na i go long han bilong ol Filistin, na i go long han bilong king bilong Moap, na ol i pait birua wantaim ol.

12:10  Na ol i krai long BIKPELA, na tok, Mipela i bin mekim sin, bilong wanem, mipela i bin givim baksait long BIKPELA, na mipela i bin bihainim Bealim na Astarot. Tasol nau kisim bek mipela ausait long han bilong ol birua bilong mipela, na mipela bai bihainim Yu.

12:11  Na BIKPELA i salim Jerubal, na Bedan, na Jepta, na Samyuel, na kisim bek yupela ausait long han bilong ol birua bilong yupela long olgeta wan wan sait, na yupela i stap gut.

12:12  Na taim yupela luksave long Nehas, king bilong ol pikinini bilong Amon, i kam birua long yupela, yupela i tokim mi, Nogat. Tasol wanpela king bai bosim kingdom long mipela. Em i taim BIKPELA, God bilong yupela, i stap king bilong yupela.

12:13  Olsem na nau lukim dispela king husat yupela i bin makim, na husat yupela i bin gat laik! Na, lukim, BIKPELA i bin putim wanpela king long bosim yupela.

12:14  Sapos yupela bai pret long BIKPELA, na bihainim Em, na bihainim nek bilong Em, na yupela i no bikhet i birua long tok strong bilong BIKPELA, orait yupela na dispela king tu husat i bosim kingdom long yupela wantaim bai stap yet na bihainim BIKPELA, God bilong yupela.

12:15  Tasol sapos yupela i no laik bihainim nek bilong BIKPELA, tasol yupela i bikhet i birua long tok strong bilong BIKPELA, orait han bilong BIKPELA bai birua long yupela, olsem em i birua long ol tumbuna papa bilong yupela.

12:16  ¶ Olsem na nau sanap na lukim dispela bikpela samting, dispela BIKPELA bai mekim long ai bilong yupela.

12:17  Ating i yes long tude em i taim bilong kamautim wit? Mi bai singaut long BIKPELA, na Em bai salim klaut i pairap na ren , inap long yupela i ken kisim save na luksave long pasin nogut bilong yupela i bikpela, dispela yupela i bin mekim long ai bilong BIKPELA, taim yupela askim long kisim wanpela king.

12:18  Olsem na Samyuel i singaut long BIKPELA. Na BIKPELA i salim klaut i pairap na ren long dispela de. Na olgeta manmeri i gat bikpela pret long BIKPELA na Samyuel.

12:19  Na olgeta manmeri i tokim Samyuel, Beten long ol wokboi bilong yu i go long BIKPELA, God bilong yu, long mipela i no ken dai. Long wanem, mipela i bin skruim dispela pasin nogut antap long olgeta sin bilong mipela, long mipela i askim long kisim wanpela king.

12:20  Na Samyuel i tokim ol manmeri, No ken pret. Yupela i bin mekim olgeta dispela pasin nogut. Tasol yupela i no ken tanim long sait long lusim pasin bilong bihainim BIKPELA, tasol bihainim BIKPELA wantaim olgeta bel bilong yupela.

12:21  Na yupela i no ken tanim long sait. Long wanem, nau yupela bai i go bihainim ol samting nating, dispela i no inap helpim o kisim bek yupela. Long wanem, ol i samting nating.

12:22  Long wanem, bilong tingim biknem bilong Em, BIKPELA bai i no inap givim baksait long ol lain bilong Em. Bilong wanem, em i bin amamasim BIKPELA long makim yupela ol lain bilong Em.

12:23  Na moa tu long sait bilong mi, i no ken tru long mi ken mekim sin i birua long BIKPELA long lusim pasin long beten long yupela. Tasol mi bai skulim yupela long gutpela na stretpela rot.

12:24  Pret long BIKPELA tasol, na bihainim Em long pasin i tru wantaim olgeta bel bilong yupela. Long wanem, tingim na skelim olsem wanem Em i bin mekim ol bikpela samting long helpim yupela.

12:25  Tasol sapos yupela bai mekim ol pasin nogut yet, Em bai kaikai yupela olgeta, yupela na king bilong yupela wantaim.

Chapter 13

13:1  ¶ Sol i bosim kingdom wanpela yia. Na taim em i bin bosim kingdom long Isrel tupela yia,

13:2  Sol i makim long em 3,000 man bilong Isrel. We long dispela, 2,000 i stap wantaim Sol long Mikmas na long maunten Betel, na 1,000 i stap wantaim Jonatan long Gibia bilong Benjamin. Na olgeta arapela bilong ol manmeri em i salim olgeta wan wan man long haus sel bilong em.

13:3  Na Jonatan i paitim lain soldia bilong ol Filistin husat i stap long Geba, na ol Filistin i harim long dispela. Na Sol i winim biugel i go long olgeta dispela hap, i spik, Larim ol lain Hibru i harim.

13:4  Na olgeta Isrel i harim tok long Sol i bin paitim lain soldia bilong ol Filistin, na long Isrel tu i luk olsem sting samting long ai bilong ol Filistin. Na ol i singautim ol lain long bung wantaim i bihainim Sol long Gilgal.

13:5  Na ol Filistin i bungim ol yet wantaim long pait wantaim Isrel, 30,000 karis, na 6,000 man i ran long hos, na ol manmeri i olsem dispela wesan i stap long nambis bilong biksi i planti tru. Na ol i kam antap, na sanapim haus sel long Mikmas, i lusim Bet-aven i go long hap is.

13:6  Taim ol man bilong Isrel i luksave long ol i stap long hatpela ples, (long wanem, ol lain i pilim bikpela wari,) orait ol lain i bin haitim ol yet insait long ol hul i go insait long maunten, na long ol ples bus i pas klostu, na long ol ston, na long ol ples antap, na long ol bikpela hul.

13:7  Na sampela bilong ol lain Hibru i go hapsait long Jordan long hap bilong Gat na Gileat. Na long sait bilong Sol, em i stap yet long Gilgal, na olgeta manmeri i bihainim em wantaim guria.

13:8  ¶ Na em i stap yet sevenpela de, bilong bihainim dispela taim stret Samyuel i bin makim. Tasol Samyuel i no kam long Gilgal. Na ol lain i bruk bruk nabaut na lusim em.

13:9  Na Sol i tok, Bringim long hia wanpela ofa i kuk olgeta i kam long mi, na ol ofa bilong givim bel isi. Na em i ofaim ofa i kuk olgeta.

13:10  Na em i kamap olsem, long taim stret long em i bin wokim wanpela pinis bilong ofaim ofa i kuk olgeta, lukim, Samyuel i kamap. Na Sol i go ausait long bungim em, inap long em i ken tok gude long em.

13:11  Na Samyuel i tok, Yu bin mekim wanem? Na Sol i tok, Bikos mi luksave long ol manmeri i bruk nabaut na lusim mi, na long yu no kamap insait long ol dispela de yu makim, na long ol Filistin i bungim ol yet wantaim long Mikmas,

13:12  Olsem na mi tok, Ol Filistin bai kam daun nau antap long mi long Gilgal, na mi no bin wokim autim askim i go long BIKPELA. Olsem na mi strong long mi yet, na wokim wanpela ofa i kuk olgeta.

13:13  Na Samyuel i tokim Sol, Yu bin mekim kranki pasin. Yu no bin holimpas tok strong bilong BIKPELA, God bilong yu, dispela Em i tok strong long yu. Long wanem, nau BIKPELA i bin gat laik long strongim kingdom bilong yu antap long Isrel bilong oltaim oltaim.

13:14  Tasol nau kingdom bilong yu bai i no inap go yet. BIKPELA i bin painim bilong em wanpela man bilong bihainim bel bilong Em yet, na BIKPELA i bin tok strong long em long stap kepten long bosim lain bilong Em, bilong wanem, yu no bin holimpas dispela samting BIKPELA i tok strong long yu.

13:15  ¶ Na Samyuel i kirap, na kisim em yet long lusim Gilgal i go long Gibia bilong Benjamin. Na Sol i kaunim ol lain husat i stap wantaim em, klostu olsem 600 man.

13:16  Na Sol, na Jonatan, pikinini man bilong em, na ol lain husat i stap wantaim ol, i stap long Gibia bilong Benjamin. Tasol ol Filistin i wokim kem long Mikmas.

13:17  Na ol lain bilong kisim kago bilong pait i kam ausait long kem bilong ol Filistin long tripela lain. Wanpela lain i tanim i go long rot i go long Ofra, i go long hap bilong Sual.

13:18  Na narapela lain i tanim long rot i go long Bet-horon. Na narapela lain i tanim i go long rot bilong dispela hap arere i lukluk i go long ples daun bilong Seboim i go long ples i no gat man.

13:19  Nau ol i no gat wanpela man bilong wokim ain long olgeta hap bilong Isrel. Long wanem, ol Filistin i tok, Nogut ol lain Hibru i wokim bilong ol ol bainat o ol spia bilong tromoi.

13:20  Tasol olgeta man bilong Isrel i save go daun long ol Filistin, long sapim olgeta wan wan man samting bilong em bilong brukim graun, na samting bilong em bilong katim graun, na akis bilong em, na baira bilong em.

13:21  Tasol ol i gat pail bilong ol baira, na bilong ol samting bilong katim graun, na bilong ol fok, na bilong ol akis, na bilong sapim ol ain bilong hariapim animal.

13:22  Olsem na em i kamap olsem long de bilong pait, long i no gat bainat o spia bilong tromoi tu i stap long han bilong wanpela bilong ol lain husat i stap wantaim Sol na Jonatan. Tasol wantaim Sol na wantaim Jonatan, pikinini man bilong em, i gat.

13:23  Na ol lain soldia bilong ol Filistin i go ausait long pasis bilong Mikmas.

Chapter 14

14:1  ¶ Nau em i kamap olsem long wanpela de, long Jonatan, pikinini man bilong Sol, i tokim dispela yangpela man husat i karim klos pait bilong em, Kam, na yumi go hapsait long lain soldia bilong ol Filistin, husat i stap long hapsait. Tasol em i no tokim papa bilong em.

14:2  Na Sol i stap yet long las hap bilong Gibia aninit long wanpela diwai pomigranet, dispela i stap long Migron. Na ol lain husat i stap wantaim em i klostu olsem 600 man,

14:3  Na Ahaia, pikinini man bilong Ahitup, brata bilong Ikabot, pikinini man bilong Finias, pikinini man bilong Ilai, pris bilong BIKPELA long Sailo, husat i werim wanpela ifat. Na ol lain i no save long Jonatan i lusim ol.

14:4  Na namel long ol pasis, long ol dispela Jonatan i painim rot bilong go hapsait long lain soldia bilong ol Filistin, i gat ston i sap long wanpela sait, na ston i sap long arapela sait. Na nem bilong wanpela em Boses, na nem bilong arapela em Sene.

14:5  Pes bilong wanpela i lukluk i go long hap not i pas klostu long Mikmas, na arapela i lukluk i go long hap saut i pas klostu long Gibia.

14:6  Na Jonatan i tokim dispela yangpela man husat i karim klos pait bilong em, Kam, na yumi go hapsait i go long dispela lain soldia bilong ol lain i no katim skin. Em i ken kamap long BIKPELA bai mekim wok long sait bilong yumi. Long wanem, i no gat wanpela samting long pasim BIKPELA long kisim bek wantaim planti lain o liklik lain.

14:7  Na man bilong karim klos pait bilong em i tokim em, Mekim olgeta samting i stap insait long bel bilong yu. Tanim yu. Lukim, Mi stap wantaim yu bilong bihainim bel bilong yu.

14:8  Nau Jonatan i tok, Lukim, yumi bai go hapsait i go long ol dispela man, na yumi bai soim yumi yet ples klia long ol.

14:9  Sapos ol tok olsem long yumi, Stap yet inap long mipela i kam long yutupela, orait yumi bai sanap i stap long ples bilong yumi, na yumi bai i no inap go long ol.

14:10  Tasol sapos ol i tok olsem, Yutupela kam long mipela, orait yumi bai go long ol. Long wanem, BIKPELA i bin givim ol long han bilong yumi. Na dispela bai stap wanpela mak long yumi.

14:11  Na tupela wantaim bilong ol i soim ol yet ples klia long lain soldia bilong ol Filistin. Na ol Filistin i tok, Lukim, ol Hibru i kam ausait long ol hul we ol i bin haitim ol yet.

14:12  Na ol man bilong lain soldia i bekim Jonatan na man bilong karim klos pait bilong em, na tok, Kam antap long mipela, na mipela bai soim yutupela wanpela samting. Na Jonatan i tokim man bilong karim klos pait bilong em, Kam antap bihain long mi. Long wanem, BIKPELA i bin givim ol long han bilong Isrel.

14:13  Na Jonatan i kalap i go antap long ol han bilong em na long ol lek bilong em, na man bilong karim klos pait bilong em i bihainim em. Na ol man i pundaun long ai bilong Jonatan. Na man bilong karim klos pait bilong em i kam bihain long em na kilim ol i dai.

14:14  Na dispela namba wan bikpela kilim i dai, dispela Jonatan na man bilong karim klos pait bilong em i mekim, em i klostu olsem 20 man, insait long samting olsem wanpela namba tu hap eker graun, dispela wanpela yok bulmakau man i ken brukim.

14:15  Na i gat pasin guria insait long ami, long ples kunai, na namel long olgeta manmeri. Dispela lain soldia, na ol lain bilong kisim kago bilong pait, ol tu i guria, na graun i guria. Olsem tasol dispela em i wanpela bikpela guria tru.

14:16  ¶ Na ol wasman bilong Sol long Gibia bilong Benjamin i lukluk. Na, lukim, dispela bikpela lain tru i ran olsem wara i go, na ol i go yet long paitim i go daun wanpela i go long narapela.

14:17  Nau Sol i tokim ol lain husat i stap wantaim em, Kaunim nau, na luksave husat i go lusim yumi. Na taim ol i bin kaunim, lukim, Jonatan na man bilong karim klos pait bilong em i no stap long dispela hap.

14:18  Na Sol i tokim Ahaia, Bringim long hia dispela bokis kontrak bilong God. Long wanem, bokis kontrak bilong God i stap wantaim ol pikinini bilong Isrel long dispela taim.

14:19  Na em i kamap olsem, taim Sol i toktok long pris, long dispela nois i stap long ami bilong ol Filistin i wok long go yet na kamap bikpela. Na Sol i tokim pris, Surikim han bilong yu.

14:20  Na Sol na olgeta manmeri husat i stap wantaim em i bungim ol yet, na ol i kam long pait. Na, lukim, bainat bilong olgeta wan wan man i birua long poroman bilong em, na i gat bikpela bagarap tru i kamap long ol Filistin.

14:21  Na moa tu ol lain Hibru husat i stap wantaim ol Filistin bipo long dispela taim, husat i bin go antap wantaim ol long kem long ol hap raun nabaut, yes, ol tu i tanim bilong stap wantaim ol lain Isrel husat i stap wantaim Sol na Jonatan.

14:22  Na wankain olsem, olgeta man bilong Isrel husat i bin haitim ol yet long maunten Ifraim, taim ol i harim long ol Filistin i ranawe, yes, ol tu i ran bihainim ol strong long pait.

14:23  Olsem tasol BIKPELA i kisim bek Isrel long dispela de. Na dispela pait i go hapsait i go long Bet-aven.

14:24  ¶ Na ol man bilong Isrel i pilim bikpela wari long dispela de. Long wanem, Sol i bin tok strong long ol lain, i spik, Tok nogut i stap antap long man husat i kaikai long wanpela hap kaikai inap long apinun tru, inap long mi ken bekim pe nogut long ol birua bilong mi. Olsem na i no gat wanpela bilong ol lain husat i testim wanpela hap kaikai.

14:25  Na olgeta bilong dispela hap i kamap long wanpela ples diwai. Na i gat hani i stap antap long graun.

14:26  Na taim ol lain i kam long ples diwai, lukim, hani i go daun. Tasol i no gat wanpela man i putim han bilong em long maus bilong em. Long wanem, ol lain i pretim dispela strongpela promis.

14:27  Tasol Jonatan i no harim taim papa bilong em i givim tok long ol lain wantaim dispela strongpela promis. Olsem na em i putim i go ausait arere bilong dispela stik i stap long han bilong em, na putim dispela liklik insait long wanpela kom bilong hani, na putim han bilong em long maus bilong em. Na tupela ai bilong em i kisim lait.

14:28  Nau wanpela bilong ol lain i bekim, na tok, Papa bilong yu i givim tok stret long ol lain wantaim wanpela strongpela promis, i spik, Tok nogut i stap antap long man husat i kaikai long wanpela hap kaikai tude. Na olgeta lain i laik hap i dai.

14:29  Nau Jonatan i tok, Papa bilong mi i bin givim trabel long dispela hap. Luksave, mi askim yu plis, long tupela ai bilong mi i bin kisim lait olsem wanem, bilong wanem, mi testim liklik long dispela hani.

14:30  Na hamas moa, sapos i bin kamap long ol lain i bin kaikai long laik bilong ol tude long ol kago bilong pait bilong ol birua bilong ol, dispela ol i lukim? Long wanem, ating i yes long nau bikpela kilim i dai moa i bin kamap namel long ol Filistin?

14:31  Na ol i paitim ol Filistin long dispela de long Mikmas i go long Aisalon. Na olgeta lain i laik hap i dai tru.

14:32  Na ol manmeri i flai i go antap long kago bilong pait, na kisim ol sipsip, na ol bulmakau man, na ol pikinini bulmakau, na kilim ol i dai long graun. Na ol manmeri i bin kaikai ol wantaim blut.

14:33  Nau ol i tokim Sol, i spik, Lukim, ol manmeri i mekim sin i birua long BIKPELA, long, ol i kaikai wantaim blut. Na em i tok, Yupela bin kalapim lo. Tantanim wanpela bikpela ston i kam long mi tude.

14:34  Na Sol i tok, Brukim yupela yet namel long ol lain, na tokim ol, Bringim i kam long mi hia olgeta wan wan man bulmakau man bilong em, na olgeta wan wan man sipsip bilong em, na kilim ol i dai hia, na kaikai. Na no ken mekim sin i birua long BIKPELA, long sait bilong kaikai wantaim blut. Na olgeta lain i bringim olgeta wan wan man bulmakau man bilong em wantaim em long dispela nait, na kilim ol i dai long dispela hap.

14:35  Na Sol i wokim alta i go long BIKPELA. Dispela alta stret em i namba wan alta long em i wokim long BIKPELA.

14:36  ¶ Na Sol i tok, Yumi go daun na bihainim ol Filistin long nait, na kisim ol kago bilong pait long ol inap long lait bilong moning, na yumi no ken larim wanpela man bilong ol i stap. Na ol i tok, Mekim wanem samting i luk olsem i gutpela long ai bilong yu. Nau pris i tok, Yumi go klostu hia long God.

14:37  Na Sol i askim tok helpim long God, Bai mi go daun na bihainim ol Filistin? Bai Yu givim ol long han bilong Isrel? Tasol Em i no bekim tok long em long dispela de.

14:38  Na Sol i tok, Yupela kam klostu long hia, olgeta nambawan bilong ol manmeri. Na yumi bai save na luksave long dispela sin i bin stap insait long wanem samting tude.

14:39  Long wanem, olsem BIKPELA i stap laip, husat i kisim bek Isrel, maski em i stap insait long pikinini man bilong mi Jonatan, tru tumas, em bai dai. Tasol i no gat wanpela man namel long olgeta lain husat i bekim tok long em.

14:40  Nau em i tokim olgeta Isrel, Yupela stap long wanpela sait, na mi na pikinini man bilong mi Jonatan bai stap long arapela sait. Na ol manmeri i tokim Sol, Mekim wanem samting i luk olsem i gutpela long ai bilong yu.

14:41  Olsem na Sol i tokim God BIKPELA bilong Isrel , Givim satu i inap tru . Na satu i makim Sol na Jonatan. Tasol olgeta manmeri i abrusim bagarap.

14:42  Na Sol i tok, Tromoi satu namel long mi na pikinini man bilong mi Jonatan. Na satu i makim Jonatan.

14:43  Nau Sol i tokim Jonatan, Tokim mi long yu bin mekim wanem samting. Na Jonatan i stori long em, na tok, Mi bin testim liklik hap hani tasol wantaim arere bilong dispela stik i stap long han bilong mi, na, harim, mi mas dai.

14:44  Na Sol i bekim tok, God i mekim olsem na moa tu. Long wanem, tru tumas Jonatan, yu bai dai.

14:45  Na ol manmeri i tokim Sol, Jonatan bai dai, husat i bin wokim dispela bikpela kisim bek insait long Isrel? I no ken tru. Olsem BIKPELA i stap laip, bai i no gat wanpela hap gras bilong het bilong em bai pundaun long graun. Long wanem, em i bin wok wantaim God tude. Olsem tasol ol lain i kisim bek Jonatan, inap long em i no dai.

14:46  Nau Sol i go antap na lusim wok bilong bihainim ol Filistin. Na ol Filistin i go long ples bilong ol yet.

14:47  ¶ Olsem tasol Sol i kisim kingdom long bosim Isrel, na pait birua long olgeta birua bilong em long olgeta wan wan sait, em i birua long Moap, na birua long ol pikinini bilong Amon, na birua long Idom, na birua long ol king bilong Soba, na birua long ol Filistin. Na long wanem hap em i tanim em yet, em i givim hevi long ol.

14:48  Na em i bungim wanpela ami, na paitim ol lain Amalek, na kisim bek Isrel ausait long ol han bilong ol husat i kisim ol kago bilong pait long ol.

14:49  Nau ol pikinini man bilong Sol em Jonatan, na Isui, na Melkisua. Na ol nem bilong tupela pikinini meri bilong em em i olsem, nem bilong namba wan pikinini em Merap, na nem bilong liklik em Mikal.

14:50  Na nem bilong meri bilong Sol em Ahinoam, pikinini meri bilong Ahimeas. Na nem bilong kepten bilong ami bilong em em Apner, pikinini man bilong Ner, smolpapa bilong Sol.

14:51  Na Kis i papa bilong Sol. Na Ner, papa bilong Apner, i pikinini man bilong Abiel.

14:52  Na i gat bikpela pait i strong tru i birua long ol Filistin long olgeta de bilong Sol. Na taim Sol i lukim wanpela strongpela man, o wanpela strongpela man bilong pait, em i kisim em i kam long em.

Chapter 15

15:1  ¶ Samyuel tu i tokim Sol, BIKPELA i salim mi long makim yu long stap king long bosim ol lain bilong Em, long bosim Isrel. Olsem na nau yu harim nek bilong ol toktok bilong BIKPELA.

15:2  BIKPELA bilong ol ami i tok olsem, Mi tingim gen dispela samting Amalek i mekim long Isrel, long em i wet hait long em long rot olsem wanem, taim em i kam ausait long Isip.

15:3  Nau go na paitim Amalek, na bagarapim olgeta olgeta samting ol i gat, na no ken soim sori long ol. Tasol kilim i dai man na meri, liklik pikinini na susu pikinini, bulmakau man na sipsip, kemel na donki wantaim.

15:4  Na Sol i bungim ol lain wantaim, na kaunim ol long Telaim, 200,000 soldia bilong wokabaut, na 10,000 man bilong Juda.

15:5  Na Sol i kam long wanpela biktaun bilong Amalek, na wet hait long ples daun.

15:6  Na Sol i tokim ol lain Ken, Go, lusim dispela hap, yupela go daun na lusim ol lain Amalek, nogut mi bagarapim yupela olgeta wantaim ol. Long wanem, yupela bin soim gutpela pasin long olgeta pikinini bilong Isrel, taim ol i kam ausait long Isip. Olsem na ol lain Ken i lusim ol lain Amalek.

15:7  Na Sol i paitim ol lain Amalek i stat long Havila i go inap long yu kamap long Sur, dispela i pas klostu long Isip.

15:8  Na em i kisim Egak, king bilong ol lain Amalek, i stap laip yet, na bagarapim olgeta olgeta lain manmeri wantaim sap bilong bainat

15:9  Tasol Sol na ol lain i soim sori long Egak, na ol nambawan bilong ol sipsip, na bilong ol bulmakau man, na bilong ol yangpela abus i patpela, na ol pikinini sipsip, na olgeta samting i gutpela, na ol i no gat laik long bagarapim ol olgeta. Tasol olgeta wan wan samting i nogut tru na i pipia, dispela ol i bagarapim olgeta.

15:10  ¶ Nau tok bilong BIKPELA i kam long Samyuel, i spik,

15:11  Em i tanim bel long Mi long Mi bin putim Sol long stap king. Long wanem, em i tanim i go bek i lusim pasin bilong bihainim Mi, na em i no bin mekim ol tok strong bilong Mi. Na dispela i givim bel sori long Samyuel. Na em i krai long BIKPELA olgeta hap bilong nait.

15:12  Na taim Samyuel i kirap long moning tru long bungim Sol, ol i tokim Samyuel, i spik, Sol i kam long Karmel, na, lukim, em i sanapim wanpela ples bilong em, na em i go nabaut, na go hapsait, na go daun long Gilgal.

15:13  Na Samyuel i kam long Sol. Na Sol i tokim em, Blesing i stap long yu long BIKPELA. Mi bin inapim tok strong bilong BIKPELA.

15:14  Na Samyuel i tok, Wanem mining nau long dispela krai bilong sipsip long tupela ia bilong mi, na krai strong bilong ol dispela bulmakau man mi harim?

15:15  Na Sol i tok, Ol i bin bringim ol i kam long hap bilong ol lain Amalek. Long wanem, ol lain i holim bek ol nambawan bilong ol sipsip na bilong ol bulmakau man, long sakrifais i go long BIKPELA, God bilong yu. Na olgeta arapela mipela bin bagarapim olgeta.

15:16  Nau Samyuel i tokim Sol, Stap yet, na mi bai tokim yu long wanem samting BIKPELA i bin tokim mi long dispela nait. Na em i tokim em, Yu tok.

15:17  Na Samyuel i tok, Taim yu stap liklik long ai bilong yu yet, ating i yes long God i makim yu het bilong ol lain bilong Isrel, na BIKPELA i makim yu king long bosim Isrel?

15:18  Na BIKPELA i salim yu long wanpela wokabaut, na tok, Go na bagarapim olgeta ol dispela sinman, dispela ol lain Amalek, na pait birua long ol inap long yu kaikai ol olgeta.

15:19  Olsem wanem na nau yu no bin bihainim nek bilong BIKPELA, tasol yu bin flai antap long ol kago bilong pait, na bin mekim nogut long ai bilong BIKPELA?

15:20  Na Sol i tokim Samyuel, Yes, mi bin bihainim nek bilong BIKPELA, na mi bin go long dispela rot BIKPELA i salim mi long en, na mi bin bringim Egak king bilong Amalek, na mi bin bagarapim olgeta ol lain Amalek.

15:21  Tasol ol manmeri i kisim ol kago bilong pait, ol sipsip na ol bulmakau man, nambawan bilong ol samting mipela i sapos long bagarapim olgeta, long sakrifais i go long BIKPELA, God bilong yu, long Gilgal.

15:22  Na Samyuel i tok, Ating BIKPELA i gat bikpela amamas moa long ol ofa i kuk olgeta na ol sakrifais, long Em i amamas long man i bihainim nek bilong BIKPELA? Lukim, pasin bilong bihainim tok i winim sakrifais, na pasin bilong harim tok i winim gris bilong ol sipsip man.

15:23  Long wanem, bikhet pasin i wankain olsem sin bilong pasin poisin, na pasin bikhet i wankain olsem sin nogut na pasin bilong lotuim ol piksa god. Bikos yu bin tok nogat olgeta long tok bilong BIKPELA, Em i bin tok nogat olgeta long yu tu long yu i ken stap king.

15:24  ¶ Na Sol i tokim Samyuel, Mi bin mekim sin. Long wanem, mi bin kalapim lo bilong tok strong bilong BIKPELA, na ol toktok bilong yu. Bilong wanem, mi pretim ol manmeri, na mi bihainim nek bilong ol.

15:25  Olsem na nau, mi askim yu plis, lusim pe bilong sin bilong mi, na tanim gen wantaim mi, inap long mi ken lotuim BIKPELA.

15:26  Na Samyuel i tokim Sol, Mi bai i no inap tanim i go bek wantaim yu. Long wanem, yu bin tok nogat olgeta long tok bilong BIKPELA, na BIKPELA i bin tok nogat olgeta long yu long yu i ken stap king long bosim Isrel.

15:27  Na taim Samyuel i tanim nabaut long lusim em i go, em i holimpas arere bilong saket bilong em, na em i bruk.

15:28  Na Samyuel i tokim em, BIKPELA i bin brukim kingdom bilong Isrel i lusim yu tude, na Em i bin givim dispela long wanpela man i stap klostu long yu, husat i winim yu.

15:29  Na tu Strong bilong Isrel bai i no inap giaman o tanim bel. Long wanem, em i no man, inap long Em i mas tanim bel.

15:30  Nau em i tok, Mi bin mekim sin. Tasol givim biknem long mi nau, mi askim yu plis, long ai bilong ol lapun hetman bilong ol lain manmeri bilong mi, na long ai bilong Isrel, na tanim gen wantaim mi, inap long mi ken lotuim BIKPELA, God bilong yu.

15:31  Olsem na Samyuel i tanim gen i bihainim Sol. Na Sol i lotuim BIKPELA.

15:32  ¶ Nau Samyuel i tok, Yupela bringim hia long mi Egak, king bilong ol lain Amalek. Na Egak i kam long em isi isi. Na Egak i tok, Tru tumas, ating holim kros bilong i dai i go pinis, a?

15:33  Na Samyuel i tok, Olsem bainat bilong yu i bin mekim ol meri i no gat pikinini, olsem tasol bai mama bilong yu i no gat pikinini namel long ol meri. Na Samyuel i katkatim Egak long ol liklik hap hap long ai bilong BIKPELA long Gilgal.

15:34  Nau Samyuel i go long Rama. Na Sol i go antap long haus bilong em long Gibia bilong Sol.

15:35  Na Samyuel i no kam moa long lukim Sol inap long de em i dai pinis. Tasol Samyuel i soim sori long Sol. Na BIKPELA i tanim bel long Em i bin mekim Sol king long bosim Isrel.

Chapter 16

16:1  ¶ Na BIKPELA i tokim Samyuel, Yu bai soim sori long Sol inap long wanem taim, taim yu luksave pinis long Mi bin tok nogat olgeta long em long bosim kingdom bilong Isrel? Pulimapim kom bilong yu wantaim wel, na go. Mi bai salim yu i go long Jesi, man bilong Betlehem. Long wanem, Mi bin redim bilong Mi wanpela king namel long ol pikinini man bilong em.

16:2  Na Samyuel i tok, Mi ken go olsem wanem? Sapos Sol i harim dispela, em bai kilim mi. Na BIKPELA i tok, Karim bulmakau meri wantaim yu, na tok, Mi kam long sakrifais long BIKPELA.

16:3  Na singautim Jesi long sakrifais, na Mi bai soim yu wanem samting yu bai mekim. Na yu bai makim long Mi em husat Mi kolim long yu.

16:4  Na Samyuel i mekim dispela samting BIKPELA i tok, na kam long Betlehem. Na ol lapun hetman bilong taun i guria taim em i kam, na tok, Yu kam wantaim pasin bilong bel isi?

16:5  Na em i tok, Wantaim pasin bilong bel isi. Mi kam long sakrifais i go long BIKPELA. Mekim yupela yet i kamap holi, na kam wantaim mi long dispela sakrifais. Na em i mekim Jesi na ol pikinini man bilong em i kamap holi, na singautim ol long dispela sakrifais.

16:6  ¶ Na em i kamap olsem, taim ol i kam pinis, long em i lukim Eliap, na tok, Tru tumas, man BIKPELA i makim i stap long ai bilong Em.

16:7  Tasol BIKPELA i tokim Samyuel, No ken lukluk long pes bilong em, o long longpela bilong bodi bilong em. Bilong wanem, Mi bin tok nogat long em. Long wanem, BIKPELA i no lukim samting olsem man i lukim. Long wanem, man i save lukluk long ausait lukluk bilong man, tasol BIKPELA i save lukluk long bel.

16:8  Nau Jesi i singautim Abinadap, na mekim em i wokabaut long ai bilong Samyuel. Na em i tok, Na tu BIKPELA i no bin makim dispela.

16:9  Nau Jesi i mekim Sama long wokabaut klostu. Na em i tok, Na tu BIKPELA i no bin makim dispela.

16:10  Na gen, Jesi i mekim sevenpela pikinini man bilong em i wokabaut long ai bilong Samyuel. Na Samyuel i tokim Jesi, BIKPELA i no bin makim ol dispela.

16:11  Na Samyuel i tokim Jesi, Ating olgeta pikinini bilong yu i stap long hia? Na em i tok, Pikinini i yangpela moa i stap yet, na, lukim, em i lukautim ol sipsip. Na Samyuel i tokim Jesi, Salim man na kisim em. Long wanem, yumi bai i no inap sindaun inap long em i kam long hia.

16:12  Na em i salim tok, na ol i bringim em i kam insait. Na em i retpela, na i gat naispela pes olgeta, na em i nambawan long lukluk long em. Na BIKPELA i tok, Kirap, makim em. Long wanem, em dispela man tasol.

16:13  Nau Samyuel i kisim kom wel, na makim em namel long ol brata bilong em. Na Spirit bilong BIKPELA i kam antap long Devit long dispela de i go. Olsem na Samyuel i kirap, na go long Rama.

16:14  ¶ Tasol Spirit bilong BIKPELA i lusim Sol, na wanpela spirit nogut i kam long BIKPELA i givim trabel long em.

16:15  Na ol wokboi bilong Sol i tokim em, Lukim nau, wanpela spirit nogut i kam long BIKPELA i givim trabel long yu.

16:16  Nau larim bikman bilong mipela tok strong long ol wokboi bilong yu, husat i stap long ai bilong yu, long painim man husat i saveman stret bilong paitim harp. Na em bai kamap olsem, taim dispela spirit nogut i kam long God i stap antap long yu, long em bai paitim harp wantaim han bilong em, na yu bai stap gutpela.

16:17  Na Sol i tokim ol wokboi bilong em, Redim long mi nau wanpela man husat i ken pilai gut, na bringim em long mi.

16:18  Nau wanpela bilong ol wokboi i bekim, na tok, Lukim, mi bin lukim pikinini man bilong Jesi, man Betlehem, husat i saveman stret bilong pilai, na strongpela man bilong pait, na man bilong bikpela pait, na man bilong yusim save long ol samting, na man i fit tru, na BIKPELA i stap wantaim em.

16:19  Olsem na Sol i salim ol mausman long Jesi, na tok, Salim pikinini man bilong yu Devit i kam long mi, husat i stap wantaim ol sipsip.

16:20  Na Jesi i kisim wanpela donki i pulap wantaim bret, na skin meme wain, na pikinini meme, na salim ol long han bilong pikinini man bilong em Devit i go long Sol.

16:21  Na Devit i kamap long Sol, na sanap long ai bilong em. Na em i laikim em bikpela tru. Na em i kamap man bilong karim klos pait bilong em.

16:22  Na Sol i salim tok long Jesi, i spik, Larim Devit, mi askim yu plis, sanap long ai bilong mi. Long wanem, em i bin painim pinis gutpela amamas long ai bilong mi.

16:23  Na em i kamap olsem, taim dispela spirit nogut i kam long God i stap antap long Sol, long Devit i kisim harp, na paitim wantaim han bilong em. Olsem tasol Sol i kisim strong gen, na em i stap gutpela, na dispela spirit nogut i lusim em.

Chapter 17

17:1  ¶ Nau ol Filistin i bungim wantaim ol ami bilong ol long pait, na ol i bung wantaim long Soko, dispela i bilong Juda, na sanapim haus sel namel long Soko na Aseka, long Efes-damin.

17:2  Na Sol na ol man bilong Isrel i bung wantaim, na sanapim haus sel klostu long ples daun bilong Ila, na putim pait long lain i birua long ol Filistin.

17:3  Na ol Filistin i sanap long maunten long wanpela sait, na Isrel i sanap long maunten long arapela sait. Na i gat wanpela ples daun namel long ol.

17:4  Na i gat wanpela nambawan man bilong winim pait i go ausait long kem bilong ol Filistin, nem bilong en em Golaiat, bilong Gat, husat antap bilong em i sikispela kyubit na wanpela span.

17:5  Na em i gat hat ain antap long het bilong em, na em i werim klos pait long wanpela saket ain. Na hevi bilong dispela saket em 5,000 sekel bras.

17:6  Na em i gat ol kapa bras antap long tupela lek bilong em, na plang bilong han bras namel long tupela sol bilong han bilong em.

17:7  Na handel bilong spia bilong tromoi bilong em i stap olsem bikpela hap diwai bilong man bilong wokim laplap. Na hevi bilong het bilong spia bilong tromoi bilong em em 600 sekel ain. Na wanpela i karim wanpela plang i go pas long em.

17:8  Na em i sanap na singaut long ol ami bilong Isrel, na tokim ol, Bilong wanem yupela i kam ausait long putim ol soldia bilong yupela long lain? Ating i yes long mi wanpela Filistin, na yupela i ol wokboi bilong Sol? Yupela makim wanpela man bilong yupela, na larim em i kam daun long mi.

17:9  Sapos em i stap inap long pait wantaim mi, na long kilim mi, orait bai mipela i stap ol wokboi bilong yupela. Tasol sapos mi winim em, na kilim em, orait yupela bai stap ol wokboi bilong mipela, na bihainim mipela.

17:10  Na Filistin i tok, Mi duim ol ami bilong Isrel tude. Givim mi wanpela man, inap long mitupela i ken pait wantaim.

17:11  Taim Sol na olgeta Isrel i harim ol dispela tok bilong dispela Filistin, ol i wari planti, na ol i gat bikpela pret.

17:12  ¶ Nau Devit em i pikinini man bilong dispela man Efrat bilong Betlehem-juda, husat nem bilong em em Jesi. Na em i gat etpela pikinini man. Na dispela man i wokabaut namel long ol man olsem lapun man long taim bilong Sol.

17:13  Na tripela pikinini man bilong Jesi i bikpela moa i go na bihainim Sol long pait. Na ol nem bilong tripela pikinini man bilong em husat i go long pait em Eliap, namba wan pikinini, na bihain long em Abinadap, na namba tri Sama.

17:14  Na Devit em i las. Na tripela i bikpela moa i bihainim Sol.

17:15  Tasol Devit i bin lusim Sol na go bek long givim kaikai long ol sipsip bilong papa bilong em long Betlehem.

17:16  Na dispela Filistin i kam klostu moning na apinun tru, na soim em yet 40 de.

17:17  Na Jesi i tokim pikinini man bilong em Devit, Kisim nau bilong ol brata bilong yu wanpela ifa bilong dispela wit samting i drai olgeta, na dispela tenpela hap bret, na ran i go long kem bilong ol brata bilong yu.

17:18  Na karim dispela tenpela hap sis long kepten bilong 1,000 bilong ol, na luksave long ol brata bilong yu i stap olsem wanem, na kisim mak bilong promis bilong ol.

17:19  Nau Sol, na ol, na olgeta man bilong Isrel, i stap long ples daun bilong Ila, na pait wantaim ol Filistin.

17:20  Na Devit i kirap long moning tru, na lusim ol sipsip long han bilong wanpela wasman, na kisim ol samting, na go, olsem Jesi i bin tok strong long em. Na em i kam long dispela baret bilong hait, taim ami i go ausait bilong pait, na singaut bilong pait.

17:21  Long wanem, Isrel na ol Filistin i bin putim ol lain bilong pait, ami i birua long ami.

17:22  Na Devit i lusim ol samting ol i karim bilong em long han bilong wasman bilong samting ol i karim, na ran i go insait long ami, na kam na tok gude long ol brata bilong em.

17:23  Na taim em i toktok wantaim ol, lukim, dispela man bilong winim pait i kam antap, dispela Filistin bilong Gat, nem bilong en em Golaiat, ausait long ol ami bilong ol Filistin, na toktok bilong bihainim ol dispela wankain toktok stret. Na Devit i harim ol toktok.

17:24  Na olgeta man bilong Isrel, taim ol i lukim dispela man, i ranawe long em, na ol i pret tru.

17:25  Na ol man bilong Isrel i tok, Ating yupela i bin lukim dispela man husat i kam antap? Tru tumas, em i kam antap long duim Isrel. Na em bai stap olsem, long husat man i kilim em, king bai mekim em i kamap maniman wantaim bikpela planti mani samting tru, na em bai givim pikinini meri bilong em long em, na mekim hauslain bilong papa bilong em fri insait long Isrel.

17:26  Na Devit i tokim ol man husat i sanap klostu long em, i spik, Wanem samting bai kamap long man husat i kilim dispela Filistin, na tekewe dispela sem long Isrel? Long wanem, dispela Filistin i no katim skin em i husat, inap long em i ken duim ol ami bilong God i stap laip?

17:27  Na ol lain i bekim tok long em i bihainim dispela pasin, i spik, Olsem tasol ol bai mekim dispela long man husat i kilim em.

17:28  Na namba wan brata bilong em Eliap i harim taim em i toktok wantaim ol man. Na belhat bilong Eliap i kirap i birua long Devit, na em i tok, Bilong wanem yu kam daun long hia? Na yu bin lusim dispela liklik lain sipsip long ples i no gat man wantaim husat? Mi save long bikhet pasin bilong yu, na pasin nogut i stap insait long bel bilong yu. Long wanem, yu bin kam daun inap long yu ken lukim pait.

17:29  Na Devit i tok, Mi bin mekim wanem nau? Ating i yes long i gat as bilong pait?

17:30  Na em i tanim long em long go long narapela, na toktok long toktok i bihainim dispela wankain pasin. Na ol lain i bekim tok long em gen i bihainim dispela wankain pasin bilong bipo.

17:31  ¶ Na taim ol i harim ol dispela toktok Devit i tok, ol i stori gen long ol long ia bilong Sol. Na em i salim tok long bringim em i kam.

17:32  Na Devit i tokim Sol, No ken larim bel bilong wanpela man fel bikos em i tingim em. Wokboi bilong yu bai go na pait wantaim dispela Filistin.

17:33  Na Sol i tokim Devit, Yu no stap inap long go birua long dispela Filistin long pait wantaim em. Long wanem, yu stap wanpela yangpela man tasol, na em i man bilong bikpela pait taim em i yangpela inap long nau.

17:34  Na Devit i tokim Sol, Wokboi bilong yu i lukautim ol sipsip bilong papa bilong em, na wanpela laion i kam, na wanpela bea, na kisim wanpela pikinini sipsip ausait long lain sipsip.

17:35  Na mi go ausait na bihainim em, na paitim em, na kisim bek dispela ausait long maus bilong em. Na taim em i kirap na birua long mi, mi holimpas em long mausgras bilong em, na paitim em, na kilim em i dai.

17:36  Wokboi bilong yu i kilim i dai laion na bea wantaim. Na dispela Filistin i no katim skin bai stap olsem wanpela bilong ol, taim yumi luksave long em i bin duim ol ami bilong God i stap laip.

17:37  Devit i tok moa tu, BIKPELA husat i kisim bek mi ausait long han bilong laion, na ausait long han bilong bea, Em bai kisim bek mi ausait long han bilong dispela Filistin. Na Sol i tokim Devit, Goan, na BIKPELA i ken stap wantaim yu.

17:38  Na Sol i putim klos pait long Devit wantaim klos pait bilong em, na em i putim hat ain antap long het bilong em. Na tu em i putim klos pait long em wantaim wanpela saket ain.

17:39  Na Devit i pasim bainat bilong em antap long klos pait bilong em, na em i laik traim pastaim long i go. Long wanem, em i no bin pruvim dispela. Na David i tokim Sol, Mi no ken go wantaim ol dispela samting. Long wanem, mi no bin pruvim ol. Na Devit i rausim ol long em.

17:40  ¶ Na em i kisim stik bilong em long han bilong em, na makim bilong em faipela ston i no rap liklik i kam ausait long liklik wara, na putim ol long dispela bilum bilong wasman bilong sipsip em i gat, yes, insait long wanpela liklik bek. Na katapel bilong em i stap long han bilong em. Na em i wok long go klostu long dispela Filistin.

17:41  Na dispela Filistin i kam yet na wok long kam klostu long Devit. Na dispela man husat i karim plang i go pas long em.

17:42  Na taim dispela Filistin i lukluk nabaut, na lukim Devit, em i lap long daunim em. Long wanem, em i wanpela yangpela man tasol, na retpela, na pes bilong em i naispela.

17:43  Na dispela Filistin i tokim Devit, Mi wanpela dok, inap long yu kam long mi wantaim ol stik bilong pait? Na dispela Filistin i tok nogutim Devit long ol god bilong em.

17:44  Na dispela Filistin i tokim Devit, Kam long mi, na mi bai givim bodi bilong yu long ol pisin bilong skai, na long ol animal bilong ples kunai.

17:45  Nau Devit i tokim Filistin, Yu kam long mi wantaim bainat, na wantaim spia bilong tromoi, na wantaim plang. Tasol mi kam long yu long nem bilong BIKPELA bilong ol ami, God bilong ol ami bilong Isrel, husat yu bin duim.

17:46  Tude bai BIKPELA i givim yu i kam long han bilong mi. Na mi bai paitim yu, na rausim het bilong yu i lusim yu. Na tude mi bai givim ol daibodi bilong dispela ami bilong ol Filistin long ol pisin bilong skai, na long ol wail animal bilong dispela graun, inap long olgeta dispela graun i ken save long i gat wanpela God i stap long Isrel.

17:47  Na olgeta bilong dispela lain i bung bai save long BIKPELA i no kisim bek wantaim bainat na spia bilong tromoi. Long wanem, pait em i bilong BIKPELA, na Em bai givim yu long han bilong mipela.

17:48  ¶ Na em i kamap olsem, taim dispela Filistin i kirap, na kam na wok long kam klostu long bungim Devit, long Devit i hariap, na ran i go long ami bilong bungim dispela Filistin.

17:49  Na Davit i putim han bilong em insait long bek bilong em, na kisim long dispela ples wanpela ston, na sutim, na paitim dispela Filistin long poret bilong em, inap long dispela ston i go pinis insait long poret bilong em. Na em i pundaun long pes bilong em long graun.

17:50  Olsem na Devit i winim dispela Filistin wantaim katapel na wantaim ston, na paitim dispela Filistin, na kilim em i dai. Tasol i no gat bainat long han bilong Devit.

17:51  Olsem na Devit i ran, na sanap antap long dispela Filistin, na kisim bainat bilong em, na kamautim dispela long paus bilong en, na kilim em i dai, na rausim het bilong em wantaim dispela. Na taim ol Filistin i lukim pinis man bilong winim pait bilong ol i dai pinis, ol i ranawe.

17:52  Na ol man bilong Isrel na bilong Juda i kirap, na singaut, na ran bihainim ol Filistin, inap long yu kam long ples daun, na long ol dua bilong banis bilong Ekron. Na ol man i kisim bagarap bilong ol Filistin i pundaun long rot i go long Saraim, yes, inap long Gat, na inap long Ekron.

17:53  Na ol pikinini bilong Isrel i kam bek long wok bilong ran bihainim ol Filistin, na ol i kisim ol kago bilong pait bilong ol haus sel bilong ol.

17:54  Na Devit i kisim het bilong dispela Filistin, na bringim dispela i go long Jerusalem. Tasol em i putim klos pait bilong em long haus sel bilong em.

17:55  Na taim Sol i lukim Devit i go ausait long birua long dispela Filistin, em i tokim Apner, kepten bilong ami, Apner, dispela yangpela man em i pikinini man bilong husat? Na Apner i tok, Olsem tewel bilong yu i stap laip, O king, mi no save.

17:56  Na king i tok, Yu askim nabaut long dispela bun nating manki em i pikinini man bilong husat.

17:57  Na taim Devit i kam bek long dispela bikpela kilim i dai bilong ol Filistin, Apner i kisim em, na bringim em long ai bilong Sol wantaim het bilong dispela Filistin long han bilong em.

17:58  Na Sol i tokim em, Yangpela man, yu pikinini man bilong husat? Na Devit i bekim tok, Mi pikinini man bilong wokboi bilong yu Jesi, man bilong Betlehem.

Chapter 18

18:1  ¶ Na em i kamap olsem, taim em i bin wokim wanpela pinis bilong toktok long Sol, long tewel bilong Jonatan i pas wantaim tewel bilong Devit, na Jonatan i laikim em tru olsem tewel bilong em yet.

18:2  Na Sol i kisim em long dispela de, na em i no gat laik long larim em i go long ples moa long haus bilong papa bilong em.

18:3  Nau Jonatan na Devit i wokim kontrak, bilong wanem, em i laikim em tru olsem tewel bilong em yet.

18:4  Na Jonatan i rausim dispela longpela saket bilong em yet i stap long em, na givim dispela long Devit, na ol klos bilong em, yes, inap long bainat bilong em, na banara bilong em, na bikpela let bilong em.

18:5  Na Devit i go ausait long wanem hap we Sol i salim em, na em yet i wokabaut wantaim save tru. Na Sol i putim em long bosim ol lain bilong bikpela pait, na em i kisim orait long ai bilong olgeta manmeri, na tu long ai bilong olgeta wokboi bilong Sol.

18:6  ¶ Na em i kamap olsem taim ol i kam, taim Devit i kam bek long bikpela kilim i dai bilong ol Filistin, long ol meri i kam ausait long olgeta biktaun bilong Isrel, na singim song na danis, long bungim king Sol, wantaim ol liklik kundu, wantaim amamas tru, na wantaim ol samting bilong wokim musik.

18:7  Na ol meri i bekim wanpela i go long narapela taim ol i pilai, na tok, Sol i bin kilim i dai ol tausen bilong em, na Devit ol ten tausen bilong em.

18:8  Na Sol i belhat nogut tru, na dispela toktok i no amamasim em. Na em i tok, Ol i bin kolim ol ten tausen long Devit, na long mi ol i bin kolim ol tausen tasol. Na em i ken kisim wanem samting moa , kingdom tasol?

18:9  Na Sol i putim ai long Devit long dispela de i go.

18:10  Na em i kamap olsem long de bihain, long dispela spirit nogut i kam long God i kam antap long Sol, na em i autim tok profet insait long namel bilong haus bilong em. Na Devit i pilai wantaim han bilong em, olsem em i wokim long ol arapela taim. Na i gat bikpela spia i stap long han bilong Sol.

18:11  Na Sol i tromoi dispela bikpela spia. Long wanem, em i tok, Mi bai paitim Devit, yes, long banis wantaim dispela. Na Devit i ranawe i go longwe long pes bilong em tupela taim.

18:12  ¶ Na Sol em i pret long Devit, bilong wanem, BIKPELA i stap wantaim em, na Em i lusim Sol.

18:13  Olsem na Sol i rausim em long em, na makim em kepten long bosim 1,000. Na em i go ausait na kam insait long ai bilong ol manmeri.

18:14  Na Devit i wokabaut em yet wantaim save tru long olgeta pasin bilong em. Na BIKPELA i stap wantaim em.

18:15  Olsem na taim Sol i luksave long Devit i wokabaut em yet wantaim save tru tru, em i pret long em.

18:16  Tasol olgeta Isrel na Juda i laikim tru Devit, bilong wanem, em i go ausait na kam insait long ai bilong ol.

18:17  Na Sol i tokim Devit, Lukim namba wan pikinini meri bilong mi Merap. Mi bai givim em long yu long maritim. Tasol yu mas stap strong bilong pait long sait bilong mi, na paitim ol pait bilong BIKPELA. Long wanem, Sol i tok, No ken larim han bilong mi stap antap long em, tasol larim han bilong ol Filistin stap antap long em.

18:18  Na Devit i tokim Sol, Mi husat? Na laip bilong mi em i wanem samting, o famili bilong papa bilong mi long Isrel, inap long mi ken stap tambu pikinini man bilong king?

18:19  Tasol em i kamap olsem long dispela taim, taim Sol i sapos long givim pikinini meri bilong em Merap i go long Devit, long Sol i givim em long Adriel, man Ebel-mehola, long maritim.

18:20  Na pikinini meri bilong Sol Mikal i laikim tru Devit. Na ol i tokim Sol, na dispela samting i amamasim em.

18:21  Na Sol i tok, Mi bai givim meri long em, inap long em i ken stap wanpela trap long em, na inap long ol han bilong ol Filistin i ken birua long em. Olsem na Sol i tokim Devit, Yu bai stap tambu pikinini man bilong mi tude long wanpela bilong tupela.

18:22  Na Sol i tok strong long ol wokboi bilong em, i spik, Stori wantaim Devit hait, na tok, Lukim, king i gat gutpela amamas long yu, na olgeta wokboi bilong em i laikim yu tru. Olsem na nau yu mas kamap tambu pikinini man bilong king.

18:23  Na ol wokboi bilong Sol i tokim ol dispela toktok long tupela ia bilong Devit. Na Devit i tok, Ating em i luk olsem i liklik samting long ai bilong yupela long stap tambu pikinini man bilong king, taim yumi luksave olsem mi rabisman, na mi no gat biknem liklik?

18:24  Na ol wokboi bilong Sol i tokim em, i spik, Devit i toktok long dispela kain pasin olsem.

18:25  Na Sol i tok, Yupela bai tokim Devit olsem, King i no gat laik long yu baim em long mani, tasol em i laikim 100 laplap bilong sem bilong ol Filistin, long bekim pe nogut long ol birua bilong king. Tasol Sol i gat tingting long mekim Devit pundaun long han bilong ol Filistin.

18:26  Na taim ol wokboi bilong em i tokim Devit long ol dispela toktok, em i amamasim Devit gutpela long kamap tambu pikinini man bilong king. Na ol de i no pinis yet.

18:27  Olsem na Devit i kirap na go, em na ol lain bilong em, na kilim i dai bilong ol Filistin 200 man. Na Devit i bringim ol laplap bilong sem bilong ol, na ol i givim dispela namba olgeta long king, inap long em i ken stap tambu pikinini man bilong king. Na Sol i givim pikinini meri bilong em Mikal long em long maritim.

18:28  Na Sol i lukim na save long BIKPELA i stap wantaim Devit, na long Mikal, pikinini meri bilong Sol, i laikim em tru.

18:29  Na Sol i pret moa yet long Devit. Na Sol i kamap birua bilong Devit oltaim.

18:30  Nau ol hetman bilong ol Filistin i go ausait. Na em i kamap olsem, bihain long ol i go ausait, long Devit em yet i wokabaut wantaim save tru moa long olgeta wokboi bilong Sol. Olsem tasol nem bilong em i gat bikpela namba.

Chapter 19

19:1  ¶ Na Sol i tokim pikinini man bilong em Jonatan, na olgeta wokboi bilong em, long ol i mas kilim Devit.

19:2  Tasol pikinini man bilong Sol Jonatan i gat planti gutpela amamas long Devit. Na Jonatan i tokim Devit, i spik, Papa bilong mi Sol i painim rot long kilim yu. Olsem na nau, mi askim yu plis, lukaut gut long yu yet inap long moning, na stap long ples hait, na haitim yu yet.

19:3  Na mi bai go ausait na sanap klostu long papa bilong mi long ples kunai we yu stap, na mi bai stori wantaim papa bilong mi long yu. Na wanem samting mi lukim, dispela mi bai tokim yu.

19:4  Na Jonatan i toktok gut long sait bilong Devit long papa bilong em, na tokim em, No ken larim king i mekim sin i birua long wokboi bilong em, i birua long Devit. Bilong wanem, em i no bin mekim sin i birua long yu, na bilong wanem, ol wok bilong em i bin gutpela tru i go long yu.

19:5  Long wanem, em i bin putim laip bilong em long han bilong em, na kilim i dai dispela Filistin, na BIKPELA i wokim bikpela kisim bek bilong helpim olgeta Isrel. Yu lukim dispela, na yu bin wokim amamas tru. Olsem wanem na nau yu laik mekim sin i birua long blut i no bin mekim rong, na long kilim Devit i dai taim i no gat as bilong en?

19:6  Na Sol i harim nek bilong Jonatan. Na Sol i wokim strongpela promis, Olsem BIKPELA i stap laip, mi bai i no inap kilim em i dai.

19:7  Na Jonatan i singautim Devit, na Jonatan i soim em olgeta dispela samting. Na Jonatan i bringim Devit i go long Sol, na em i stap long pes bilong em, olsem long ol taim bipo.

19:8  ¶ Na i gat bikpela pait gen. Na Devit i go ausait, na pait wantaim ol Filistin, na kilim ol i dai wantaim wanpela bikpela kilim i dai. Na ol i ranawe long em.

19:9  Na dispela spirit nogut i kam long BIKPELA i stap antap long Sol, taim em i sindaun long haus bilong em wantaim bikpela spia bilong em long han bilong em. Na Devit i pilai musik wantaim han bilong em.

19:10  Na Sol i painim rot long paitim Devit, yes, long banis wantaim dispela bikpela spia. Tasol em i lusim i go isi isi pes bilong Sol, na em i paitim bikpela spia long banis. Na Devit i ranawe, na ranawe olgeta long dispela nait.

19:11  ¶ Sol tu i salim ol mausman long haus bilong Devit, long was long em, na long kilim em i dai long moning. Na Mikal, meri bilong Devit, i tokim em, i spik, Sapos yu no kisim bek laip bilong yu tude nait, tumora ol bai kilim yu i dai.

19:12  Olsem na Mikal i lusim Devit i go daun ausait long wanpela windo. Na em i go, na ranawe, na i ranawe olgeta.

19:13  Na Mikal i kisim wanpela piksa god, na slipim dispela long bet, na putim pilo ol i wokim long gras bilong meme bilong stap pilo bilong em, na karamapim dispela wantaim wanpela laplap.

19:14  Na Taim Sol i salim ol mausman long kisim Devit, meri i tok, Em i sik.

19:15  Na Sol i salim ol mausman gen long lukim Devit, i spik, Bringim em long bet i kam antap long mi, inap long mi ken kilim em i dai.

19:16  Na taim ol mausman i kam insait, lukim, i gat wanpela piksa god i stap long bet, wantaim pilo ol i wokim long gras bilong meme bilong pilo bilong em.

19:17  Na Sol i tokim Mikal, Bilong wanem yu bin giamanim mi olsem, na salim birua bilong mi i go, inap long em i ranawe olgeta? Na Mikal i bekim tok long Sol, Em i tokim mi, Larim mi go, bilong wanem mi mas kilim yu?

19:18  ¶ Olsem na Devit i ranawe, na ranawe olgeta, na kamap long Samyuel long Rama, na tokim em long olgeta samting Sol i bin mekim long em. Na em na Samyuel i go na stap long Naiot.

19:19  Na ol i tokim Sol, i spik, Lukim, Devit i stap long Naiot long Rama.

19:20  Na Sol i salim ol mausman long kisim Devit. Na taim ol i lukim ol lain bilong ol profet i wok long autim tok profet, na Samyuel i sanap olsem God i makim em long bosim ol, Spirit bilong God i stap antap long ol mausman bilong Sol, na ol tu i autim tok profet.

19:21  Na taim ol i tokim Sol long en, em i salim ol arapela mausman, na ol i autim tok profet wankain olsem. Na Sol i salim ol mausman gen long namba tri taim, na ol i autim tok profet tu.

19:22  Nau em i go tu long Rama, na kamap long dispela bikpela hul wara i stap long Seku. Na em i askim na tok, Samyuel tupela Devit i stap we? Na wanpela i tok, Lukim, ol i stap long Naiot long Rama.

19:23  Na em i go long dispela hap long Naiot long Rama. Na Spirit bilong God i stap antap long em tu, na em i go yet, na autim tok profet, inap long em i kamap long Naiot long Rama.

19:24  Na em i rausim olgeta klos bilong em tu, na autim tok profet long ai bilong Samyuel long wankain pasin, na slip skin nating olgeta hap bilong dispela de na olgeta hap bilong dispela nait. Olsem na ol i save tok, Sol tu i stap namel long ol profet?

Chapter 20

20:1  ¶ Na Devit i ranawe long Naiot long Rama, na kam na toktok long ai bilong Jonatan, Mi bin mekim wanem? Mi gat wanem sin nogut? Na sin bilong mi long ai bilong papa bilong yu em wanem, long em i painim laip bilong mi?

20:2  Na em i tokim em, I no ken tru. Yu bai i no inap long dai. Lukim, papa bilong mi bai i no inap mekim wanpela bikpela o liklik samting, tasol em bai soim dispela long mi pastaim. Na bilong wanem papa bilong mi bai haitim dispela samting long mi? Em i no olsem.

20:3  Na moa tu Devit i wokim strongpela promis, na tok, Papa bilong yu i save tru tru long mi bin painim pinis marimari long ai bilong yu. Na em i tok, No ken larim Jonatan save long dispela, nogut dispela i givim bel sori long em. Tasol tru tumas, olsem BIKPELA i stap laip, na olsem tewel bilong yu i stap laip, i gat wanpela step tasol namel long mi na dai.

20:4  Nau Jonatan i tokim Devit, Wanem samting tewel bilong yu i gat laik, yes, mi bai mekim dispela bilong helpim yu.

20:5  Na Devit i tokim Jonatan, Lukim, tumora em i nupela mun, na mi no ken fel long kam sindaun wantaim king long kaikai. Tasol larim mi go, inap long mi ken haitim mi yet long ples kunai inap long namba tri de long apinun tru.

20:6  Sapos papa bilong yu i askim long mi liklik, orait tokim em, Devit i askim mi strong long taim malolo inap long em i ken ran i go long biktaun bilong em Betlehem. Long wanem, i gat sakrifais bilong olgeta wan wan yia bilong olgeta dispela famili.

20:7  Sapos em i tok olsem, Em i gutpela, wokboi bilong yu bai gat bel isi. Tasol sapos em i belhat nogut tru, orait yu ken save tru long em i gat strongpela tingting long mekim nogut long mi.

20:8  Olsem na yu mas mekim gutpela pasin long wokboi bilong yu. Long wanem, yu bin bringim wokboi bilong yu insait long kontrak bilong BIKPELA wantaim yu. Tasol, sapos i gat sin nogut insait long mi, yu yet i mas kilim mi i dai. Long wanem, bilong wanem bai yu gat nid long bringim mi long papa bilong yu?

20:9  ¶ Na Jonatan i tok, Dispela i mas stap longwe long yu. Long wanem, sapos mi save tru tru long papa bilong mi i gat strongpela tingting long kam antap long yu, orait ating i yes long mi bai tokim yu?

20:10  Nau Devit i tokim Jonatan, Husat bai tokim mi? O olsem wanem sapos papa bilong yu i bekim tok long yu strong?

20:11  Na Jonatan i tokim Devit, Kam, na yumi go ausait long go insait long ples kunai. Na tupela wantaim i go ausait long go insait long ples kunai.

20:12  Na Jonatan i tokim Devit, O BIKPELA, God bilong Isrel, taim mi bin painimaut long papa bilong mi long sampela taim tumora, o long namba tri de, na, lukim, sapos i gat gutpela pasin i go long Devit, na nau mi no salim toksave long yu, na soim dispela long yu,

20:13  Orait BIKPELA i ken mekim olsem na moa yet long Jonatan. Tasol sapos em i amamasim papa bilong mi long mekim nogut long yu, orait mi bai soim dispela long yu, na salim yu i go, inap long yu ken go wantaim bel isi. Na BIKPELA i ken stap wantaim yu, olsem Em i bin stap wantaim papa bilong mi.

20:14  Na bai yu no ken soim gutpela pasin bilong BIKPELA long mi taim mi stap laip yet tasol, inap long mi no ken dai,

20:15  Tasol tu bai yu no ken rausim gutpela pasin bilong yu olgeta long hauslain bilong mi inap long oltaim oltaim. Nogat, yu no ken mekim taim BIKPELA i bin rausim ol birua bilong Devit olgeta, olgeta wan wan, long pes bilong dispela graun.

20:16  Olsem tasol Jonatan i wokim kontrak wantaim hauslain bilong Devit, i spik, Yes, larim BIKPELA i ken strong long en long han bilong ol birua bilong Devit.

20:17  Na Jonatan i mekim Devit long wokim strongpela promis gen, bilong wanem, em i laikim em tru. Long wanem, em i laikim em tru olsem tewel bilong em yet.

20:18  Nau Jonatan i tokim Devit, Tumora em i nupela mun. Na em bai askim long yu, bilong wanem, sia bilong yu bai stap emti.

20:19  Na taim yu bin stap yet tripela de, orait yu bai go daun kwiktaim, na kam long dispela ples we yu bin haitim yu yet taim dispela wok i stap klostu, na yu bai stap yet klostu long ston Esel.

20:20  Na mi bai sutim tripela spia long sait long em, olsem mi sut long wanpela mak.

20:21  Na, lukim, mi bai salim wanpela manki, i spik, Go, painim ol spia. Sapos mi tok stret long manki, Lukim, ol spia i stap long dispela sait bilong yu, kisim ol. Orait yu kam . Long wanem, pasin bel isi i stap wantaim yu, na i no gat bagarap, olsem BIKPELA i stap laip.

20:22  Tasol sapos mi tok olsem long dispela yangpela man, Lukim, ol spia i stap hapsait long yu. Orait go long rot bilong yu. Long wanem, BIKPELA i bin salim yu i go.

20:23  Na long sait bilong dispela samting yu na mi i bin toktok long en, lukim, BIKPELA i stap namel long yu na mi oltaim oltaim.

20:24  ¶ Olsem na Devit i haitim em yet long ples kunai. Na taim nupela mun i kam pinis, king i sindaun long kaikai kaikai.

20:25  Na king i sindaun antap long sia bilong em, olsem ol arapela taim, yes, antap long wanpela sia klostu long banis. Na Jonatan i kirap, na Apner i sindaun long saitim Sol, na ples bilong Devit i emti.

20:26  Tasol Sol i no tokaut long dispela samting long dispela de. Long wanem, em i ting olsem, Samting i bin kamap long em, em i no klin. Tru tumas, em i no klin.

20:27  Na em i kamap olsem long de bihain, dispela em i namba tu de bilong mun, long ples bilong Devit i emti. Na Sol i tokim Jonatan, pikinini man bilong em, Olsem wanem na pikinini man bilong Jesi i no kam bilong kaikai, asde, o tude tu?

20:28  Na Jonatan i bekim tok long Sol, Devit i askim mi strong long taim malolo long go long Betlehem.

20:29  Na em i tok, Larim mi go, mi askim yu plis. Long wanem, famili bilong mi i gat wanpela sakrifais long biktaun. Na brata bilong mi, em i bin tok strong long mi long stap long hap. Na nau, sapos mi bin painim pinis gutpela amamas long ai bilong yu, larim mi go, mi askim yu plis, na lukim ol brata bilong mi. Olsem na em i no kam long tebol bilong king.

20:30  Nau belhat bilong Sol i kirap i birua long Jonatan, na em i tokim em, Yu pikinini man bilong paul bikhet meri, ating i yes long mi save long yu bin makim pikinini man bilong Jesi inap long paul bilong yu yet, na inap long paul bilong skin nating bilong mama bilong yu?

20:31  Long wanem, inap long taim pikinini man bilong Jesi i stap laip long dispela graun, yu, o kingdom bilong yu, bai i no inap stap strong. Olsem na nau salim tok na kisim em i kam long mi, long wanem, tru tumas, em bai dai.

20:32  Na Jonatan i bekim papa bilong em Sol, na tokim em, Olsem wanem na yu bai kilim em i dai? Em i bin mekim wanem samting?

20:33  Na Sol i tromoi bikpela spia long em long paitim em. We long dispela rot Jonatan i save long em i strongpela tingting bilong papa bilong em long kilim Devit i dai.

20:34  Olsem na Jonatan i kirap long tebol wantaim strongpela belhat, na em i no bin kaikai long namba tu de bilong mun. Long wanem, em i gat bel sori long Devit, bilong wanem, papa bilong em i bin givim sem long em.

20:35  ¶ Na em i kamap olsem long moning, long Jonatan i go ausait long ples kunai long taim em i makim wantaim Devit, na wanpela liklik manki wantaim em.

20:36  Na em i tokim manki bilong em, Ran, painim nau ol dispela spia mi bai sutim. Na taim dispela manki i ran, em i sutim spia hapsait long em.

20:37  Na taim dispela manki i kam pinis long ples bilong dispela spia Jonatan i bin sutim, orait Jonatan i singaut bihain long dispela manki, na tok, Ating i yes long dispela spia i stap hapsait long yu?

20:38  Na Jonatan i singaut bihain long dispela manki, Wokim hariap, hariap, no ken stap yet. Na dispela manki bilong Jonatan i bungim olgeta spia, na kam long bikman bilong em.

20:39  Tasol dispela manki i no save long wanpela samting. Jonatan tupela Devit tasol i save long dispela samting.

20:40  Na Jonatan i givim ol samting bilong em bilong pait long manki bilong em, na tokim em, Go, karim ol long biktaun.

20:41  Na long taim stret long manki i go, Devit i kirap i kam ausait long ples i go long hap saut, na pundaun long pes bilong em long graun, na lindaunim em yet tripela taim. Na ol i givim kis wanpela i go long narapela, na krai tru, wanpela wantaim narapela, inap long Devit i go planti moa yet.

20:42  Na Jonatan i tokim Devit, Go wantaim bel isi, bikos yumitupela i bin wokim strongpela promis wantaim long nem bilong BIKPELA, i spik, BIKPELA i stap namel long mi na yu, na namel long tumbuna pikinini bilong mi na tumbuna pikinini bilong yu oltaim oltaim. Na em i kirap na lusim em. Na Jonatan i go insait long biktaun.

Chapter 21

21:1  ¶ Nau Devit i kam long Nop long pris Ahimelek. Na Ahimelek i pret taim em i bungim Devit, na tokim em, Bilong wanem yu stap wanpis, na i no gat man wantaim yu?

21:2  Na Devit i tokim pris Ahimelek, King i bin tok strong long mi long wanpela wok, na em i bin tokim mi, No ken larim wanpela man save long wanpela samting bilong dispela wok we mi salim yu long em, na wanem samting mi bin tok strong long yu. Na mi bin makim ol wokboi bilong mi long kain kain ples olsem.

21:3  Olsem na nau wanem samting i stap aninit long han bilong yu? Givim mi faipela hap bret long han bilong mi, o wanem samting i stap hia.

21:4  Na pris i bekim Devit, na tok, I no gat sampela bret nating i stap aninit long han bilong mi, bret i holi olgeta tasol i stap. Sapos ol yangpela man i bin pasim ol yet long ol meri tasol, orait yu ken kisim.

21:5  Na Devit i bekim pris, na tokim em, Em i tru, ol meri i bin stap longwe long mipela nabaut long dispela tripela de, long taim mi kam ausait inap long nau, na ol bodi bilong ol yangpela man i holi, na dispela bret i stap wanpela kain bret nating, yes, maski long ol i mekim dispela i kamap holi tude insait long basket.

21:6  Olsem na pris i givim em bret i holi olgeta. Long wanem, i no gat arapela kain bret long dispela hap, bret bilong soim tasol, dispela ol i kisim long ai bilong BIKPELA, long putim bret i hatpela long dispela de, taim ol i tekewe dispela.

21:7  Nau wanpela man bilong ol wokboi bilong Sol i stap long dispela de, pas bek long ai bilong BIKPELA. Na nem bilong en em Doek, man Idom. Em i nambawan bilong ol wasman bilong lain bulmakau samting husat i bilong Sol.

21:8  Na Devit i tokim Ahimelek, Na ating i yes long i gat spia bilong tromoi o bainat hia i stap aninit long han bilong yu? Long wanem, mi no bin bringim bainat bilong mi o tu ol samting bilong pait bilong mi wantaim mi, bilong wanem, wok bilong king em i samting i gat nid long mi i mas mekim hariap.

21:9  Na pris i tok, Bainat bilong dispela Filistin Golaiat, husat yu kilim i dai long ples daun bilong Ila, lukim, em i stap hia pas insait long laplap baksait long ifat. Sapos yu laik kisim dispela, kisim. Long wanem, i no gat arapela i stap hia, dispela tasol. Na Devit i tok, I no gat wanpela i olsem dispela. Givim dispela long mi.

21:10  ¶ Na Devit i kirap, na ranawe long dispela de, long wanem, em i pret long Sol, na em i go long Ekis, king bilong Gat.

21:11  Na ol wokboi bilong Ekis i tokim em, Ating i yes long dispela em i Devit, king bilong dispela hap? Ating i yes long ol i bin singim song wanpela i go long narapela long em long ol danis, i spik, Sol i bin kilim i dai ol tausen bilong em, na Devit ol ten tausen bilong em?

21:12  Na Devit i bungim ol dispela toktok i stap insait long bel bilong em, na em i pret tru long Ekis, king bilong Gat.

21:13  Na em i senisim wokabaut bilong em long ai bilong ol, na giaman olsem em yet i longlong long ol han bilong ol, na skrapim tupela han bilong em long ol dua bilong dua bilong banis, na larim spet bilong em i pundaun long mausgras bilong em.

21:14  Nau Ekis i tokim ol wokboi bilong em, Harim, yupela i luksave olsem dispela man em i longlong. Olsem wanem na nau yupela i bin bringim em long mi?

21:15  Ating mi gat nid long ol longlong man, inap long yupela i bin bringim dispela man bilong pilai olsem longlong man long pes bilong mi? Ating dispela man bai kam insait long haus bilong mi?

Chapter 22

22:1  ¶ Olsem na Devit i lusim dispela ples, na ranawe i go long hul i go insait long maunten Adulam. Na taim ol brata bilong em, na olgeta hauslain bilong papa bilong em i harim dispela, ol i go daun long em long dispela hap.

22:2  Na olgeta wan wan husat i pilim bikpela wari, na olgeta wan wan husat i gat dinau, na olgeta wan wan husat i no amamas long laip bilong em, i bungim ol yet long em. Na em i kamap kepten long bosim ol. Na namba bilong ol man i stap wantaim em i klostu olsem 400 man.

22:3  Na Devit i lusim dispela ples na go long Mispa bilong Moap. Na em i tokim king bilong Moap, Larim papa bilong mi na mama bilong mi, mi askim yu plis, kam ausait, na stap wantaim yu, inap long mi save wanem samting God bai mekim bilong helpim mi.

22:4  Na em i bringim ol long ai bilong king bilong Moap, na ol i stap wantaim em long olgeta taim Devit i stap long ples hait.

22:5  Na profet Gat i tokim Devit, No ken stap long ples hait. Lusim dispela hap, na kisim yu yet i go long hap bilong Juda. Nau Devit i lusim dispela hap, na kam long bikbus bilong Haret.

22:6  ¶ Taim Sol i harim long Devit i kamap ples klia, na ol man husat i stap wantaim em, (nau Sol i stap long Gibia aninit long diwai long Rama, taim em i gat spia bilong tromoi bilong em long han bilong em, na olgeta wokboi bilong em i sanap nabaut long em,)

22:7  Nau Sol i tokim ol wokboi bilong em husat i sanap nabaut long em, Harim nau, yupela ol lain Benjamin. Ating pikinini man bilong Jesi bai givim yupela olgeta wan wan ol bikpela gaden na ol gaden wain, na mekim yupela olgeta i kamap ol kepten bilong ol tausen, na ol kepten bilong ol handret,

22:8  Inap long yupela olgeta i bin pasim tok hait i birua long mi, na i no gat wanpela husat i soim mi long pikinini man bilong mi i bin wokim kontrak bilong bel isi wantaim pikinini man bilong Jesi, na i no gat wanpela bilong yupela husat i sori long mi, o soim mi long pikinini man bilong mi i bin kirapim wokboi bilong mi long birua long mi, long wet hait, olsem i stap tude?

22:9  Nau man Idom Doek, husat Sol i putim long bosim ol wokboi bilong em i bekim, na tok, Mi lukim pikinini man bilong Jesi i kam long Nop, long Ahimelek, pikinini man bilong Ahitup.

22:10  Na em i askim long BIKPELA bilong helpim em, na givim em kaikai, na givim em bainat bilong dispela Filistin Golaiat.

22:11  Nau king i salim tok long singautim pris Ahimelek, pikinini man bilong Ahitup, na olgeta hauslain bilong papa bilong em, ol pris husat i stap long Nop. Na olgeta bilong ol i kam long king.

22:12  Na Sol i tok, Harim nau, yu pikinini man bilong Ahitup. Na em i bekim tok, Mi stap hia, bikman bilong mi.

22:13  Na Sol i tokim em, Bilong wanem yupela bin pasim tok hait i birua long mi, yu na pikinini man bilong Jesi, long dispela, yu bin givim em bret, na bainat, na yu bin askim long God long helpim em, inap long em i ken kirap na birua long mi, bilong wet hait, olsem i stap tude?

22:14  Nau Ahimelek i bekim king, na tok, Na husat i stap man yu inap bilip long em moa namel long olgeta wokboi bilong yu olsem Devit, husat i tambu pikinini man bilong king, na i save go long tok strong bilong yu, na i gat ona insait long hauslain bilong yu?

22:15  Ating nau mi bin stat long askim long God long helpim em? Em i stap longwe long mi. No ken larim king makim wanpela samting long wokboi bilong em, o long olgeta hauslain bilong papa bilong mi. Long wanem, wokboi bilong yu i no save long olgeta dispela samting, liklik o moa.

22:16  Na king i tokim em, Tru tumas, yu bai dai, Ahimelek, yu, na olgeta hauslain bilong papa bilong yu.

22:17  Na king i tokim ol soldia bilong wokabaut husat i sanap nabaut long em, Tanim, na kilim i dai ol pris bilong BIKPELA. Bilong wanem, han bilong ol tu i stap wantaim Devit, na bilong wanem, ol i save taim em i ranawe, na ol i no bin soim dispela long mi. Tasol ol wokboi bilong king i no gat laik long putim han bilong ol i go ausait long pundaun antap long ol pris bilong BIKPELA.

22:18  Na king i tokim Doek, Yu tanim, na pundaun antap long ol pris. Na dispela man Idom Doek i tanim, na em i pundaun antap long ol pris, na kilim i dai long dispela de 85 man husat i bin werim naispela laplap ifat.

22:19  Na Nop, biktaun bilong ol pris, em i paitim wantaim sap bilong bainat, ol man na ol meri, ol pikinini na ol susu pikinini, na ol bulmakau man, na ol donki, na ol sipsip wantaim, wantaim sap bilong bainat.

22:20  ¶ Na wanpela bilong ol pikinini man bilong Ahimelek, pikinini bilong Ahitup, husat nem bilong en em Abaiatar, i ranawe olgeta, na ranawe i go bihainim Devit.

22:21  Na Abaiatar i soim Devit long Sol i bin kilim i dai ol pris bilong BIKPELA.

22:22  Na Devit i tokim Abaiatar, Mi save long dispela long dispela de, taim man Idom Doek i stap long dispela hap, long tru tumas, em bai tokim Sol. Mi bin givim sans long dai long kisim olgeta manmeri bilong hauslain bilong papa bilong yu.

22:23  Yu stap wantaim mi, no ken pret. Long wanem, em husat i painim laip bilong mi i painim laip bilong yu. Tasol wantaim mi yu bai stap orait.

Chapter 23

23:1  ¶ Nau ol i tokim Devit, i spik, Lukim, ol Filistin i pait birua long Keila, na ol i stil long ol ples bilong klinim wit samting.

23:2  Olsem na Devit i askim long BIKPELA, i spik, Bai mi go na paitim ol dispela Filistin? Na BIKPELA i tokim Devit, Go, na paitim ol Filistin, na kisim bek Keila.

23:3  Na ol lain bilong Devit i tokim em, Lukim, mipela i stap pret hia long Juda. Mipela bai pret hamas moa nau sapos mipela i kam long Keila na birua long ol ami bilong ol Filistin?

23:4  Nau Devit i askim yet long BIKPELA gen. Na BIKPELA i bekim em na tok, Kirap, go daun long Keila. Long wanem, Mi bai givim ol Filistin long han bilong yu.

23:5  Olsem na Devit na ol lain bilong em i go long Keila, na pait wantaim ol Filistin, na bringim i kam ol bulmakau samting bilong ol, na paitim ol wantaim bikpela kilim i dai. Olsem tasol Devit i kisim bek ol man i stap long Keila.

23:6  Na em i kamap olsem, taim Abaiatar, pikinini man bilong Ahimelek, i ranawe i go long Devit long Keila, long em i kam daun wantaim wanpela ifat long han bilong em.

23:7  ¶ Na ol i tokim Sol long Devit i kam pinis long Keila. Na Sol i tok, God i bin givim em long han bilong mi. Long wanem, em i pas insait, taim em i go insait long taun i gat ol dua bilong banis na ol ba.

23:8  Na Sol i singautim olgeta manmeri long bung wantaim long bikpela pait, long go daun long Keila, long pasim Devit na ol lain bilong em long biktaun.

23:9  Na Devit i save long Sol i wokim trabel hait i birua long em. Na em i tokim pris Abaiatar, Bringim dispela ifat i kam long hia.

23:10  Nau Devit i tok, O God BIKPELA bilong Isrel, wokboi bilong Yu i bin harim tru tru long Sol i painim rot long kam long Keila, long bagarapim dispela biktaun olgeta bilong tingim mi.

23:11  Ol man bilong Keila bai givim mi long han bilong em? Sol bai kam daun, olsem wokboi bilong Yu i bin harim? O God BIKPELA bilong Isrel, mi askim Yu long daun pasin, tokim wokboi bilong Yu. Na BIKPELA i tok, Em bai kam daun.

23:12  Nau Devit i tok, Bai ol man bilong Keila i givim mi, na ol lain bilong mi, long han bilong Sol? Na BIKPELA i tok, Ol bai givim yu i go.

23:13  Nau Devit na ol lain bilong em, husat i klostu olsem 600 man, i kirap na lusim Keila i go ausait, na go long wanem hap we ol i inap long go. Na ol i tokim Sol long Devit i ranawe pinis long Keila. Na em i no go ausait long dispela hap.

23:14  ¶ Na Devit i stap long ples i no gat man long ol strongpela ples hait, na stap yet long maunten long ples i no gat man Sif. Na Sol i painim em olgeta wan wan de, tasol God i no givim em long han bilong em.

23:15  Na Devit i lukim long Sol i kam ausait long painim laip bilong em. Na Devit i stap long ples i no gat man bilong Sif long wanpela ples diwai.

23:16  Na Jonatan, pikinini man bilong Sol, i kirap, na go long Devit long dispela ples diwai, na strongim han bilong em long God.

23:17  Na em i tokim em, No ken pret. Long wanem, han bilong papa bilong mi Sol bai i no inap painim yu pinis. Na yu bai stap king long bosim Isrel, na mi bai stap namba tu bilong yu. Na dispela tu papa bilong mi Sol i save.

23:18  Na tupela i wokim kontrak long ai bilong BIKPELA. Na Devit i stap long dispela ples diwai, na Jonatan i go long haus bilong em.

23:19  ¶ Nau ol lain Sif i kam long Sol long Gibia, i spik, Ating i yes long Devit i haitim em yet wantaim mipela long ol strongpela ples hait long dispela ples diwai, long liklik maunten bilong Hakila, dispela i stap long hap saut bilong Jesimon?

23:20  Olsem na nau, O king, kam daun bilong bihainim olgeta laik bilong tewel bilong yu long long kam daun. Na hap bilong mipela bai stap long givim em long han bilong king.

23:21  Na Sol i tok, Blessing bilong BIKPELA i stap long yupela. Long wanem, yupela i bin sori tru long mi.

23:22  Go, mi askim yupela plis, redim tasol, na save na lukim ples em bilong em we hap bilong em long raun i stap, na husat i bin lukim em long dispela hap. Long wanem, ol i tokim mi long em i save mekim samting wantaim save i antap tru.

23:23  Olsem na luksave, na kisim save long olgeta ples hait we em i save haitim em yet, na yupela kam gen long mi taim yupela i save tru tru, na mi bai go wantaim yupela. Na em bai kamap olsem, sapos em i stap insait long dispela hap, long mi bai painim em tru long olgeta hap bilong olgeta ol tausen bilong Juda.

23:24  Na ol i kirap, na go long Sif paslain long Sol. Tasol Devit na ol lain bilong em i stap long ples i no gat man bilong Meon, long ples stret i stap long hap saut bilong Jesimon.

23:25  Sol tu na ol lain bilong em i go long painim em. Na ol i tokim Devit. Olsem na em i kam daun insait long wanpela ston, na stap long ples i no gat man bilong Meon. Na taim Sol i harim dispela, em i ran bihainim Devit long ples i no gat man bilong Meon.

23:26  Na Sol i go long dispela sait bilong maunten, na Devit na ol lain bilong em i go long hapsait bilong maunten. Na Devit i hariap long ranawe, long wanem, em i pret long Sol. Long wanem, Sol wantaim ol lain bilong em i raunim Devit nabaut wantaim ol lain bilong em long kisim ol.

23:27  Tasol i gat wanpela mausman i kam long Sol, i spik, Yu mas hariap, na kam. Long wanem, ol Filistin i bin kam insait long pait long dispela hap

23:28  Olsem na Sol i lusim wok bilong ran bihainim Devit, na go birua long ol Filistin. Olsem na ol i kolim nem bilong dispela ples Sela-hamalekot.

23:29  Na Devit i lusim dispela ples i go antap, na stap long ol strongpela ples hait bilong En-gedi.

Chapter 24

24:1  ¶ Na em i kamap olsem, taim Sol i kam bek long bihainim ol Filistin, long ol i tokim em, i spik, Lukim, Devit i stap long ples i no gat man bilong En-gedi.

24:2  Nau Sol i kisim 3,000 nambawan man ausait long olgeta Isrel, na go long painim Devit na ol lain bilong em antap long ol ston bilong ol wail meme.

24:3  Na em i kam long ol liklik banis bilong ol sipsip klostu long rot, we wanpela hul i go insait long maunten i stap. Na Sol i go insait long karamapim tupela lek bilong em. Na Devit na ol lain bilong em i stap yet long ol sait bilong hul i go insait long maunten.

24:4  Na ol lain bilong Devit i tokim em, Lukim dispela de BIKPELA i tokim yu long en, Lukim, Mi bai givim birua bilong yu long han bilong yu, inap long yu ken mekim long em wanem samting bai i luk olsem i gutpela long ai bilong yu. Nau Devit i kirap, na katim i go hait arere bilong longpela saket bilong Sol.

24:5  Na em i kamap olsem bihain long en, long bel bilong Devit i paitim em, bilong wanem, em i bin katim i go arere bilong longpela saket bilong Sol.

24:6  Na em i tokim ol lain bilong em, I no ken tru long mi ken mekim dispela samting long bosman bilong mi, man BIKPELA i makim, long stretim han bilong mi i go ausait long birua long em, taim mi luksave em i man BIKPELA i makim.

24:7  Olsem na Devit i pasim ol wokboi bilong em wantaim dispela toktok, na em i no larim ol kirap na birua long Sol. Tasol Sol i kirap na go ausait long hul i go insait long maunten, na go long rot bilong em.

24:8  Devit tu i kirap bihain long en, na go ausait long hul i go insait long maunten, na singaut bihain long Sol, i spik, King, bikman bilong mi. Na taim Sol i lukluk baksait long em, Devit i lindaun wantaim pes bilong em long graun, na lindaunim em yet.

24:9  ¶ Na Devit i tokim Sol, Olsem wanem na yu harim ol toktok bilong ol man, i spik, Lukim, Devit i painim rot long bagarapim yu?

24:10  Lukim, tude tupela ai bilong yu i bin luksave olsem wanem long BIKPELA i bin givim yu long han bilong mi tude insait long hul i go insait long maunten. Na sampela i tokim mi long kilim yu. Tasol ai bilong mi i soim sori long yu. Na mi tok, Mi bai i no inap putim han bilong mi i go ausait long birua long bikman bilong mi. Long wanem, em i man BIKPELA i makim.

24:11  Na moa tu, papa bilong mi, lukim, yes, lukim arere bilong longpela saket bilong yu long han bilong mi. Long wanem, long dispela, mi katim i go arere bilong longpela saket bilong yu, na mi no kilim yu, yu save nau na luksave long i no gat pasin nogut o pasin bilong kalapim lo long han bilong mi, na mi no bin mekim sin i birua long yu. Tasol yu painim tewel bilong mi long kisim dispela.

24:12  BIKPELA i ken stap jas namel long mi na yu, na BIKPELA i ken bekim pe nogut bilong mi long yu. Tasol han bilong mi bai i no inap stap antap long yu.

24:13  Olsem dispela provep bilong ol lain bipo i tok, Pasin nogut i save kam ausait long ol man nogut. Tasol han bilong mi bai i no inap stap antap long yu.

24:14  King bilong Isrel i kam ausait long bihainim husat? Yu wok long ran bihainim husat? Yu ran bihainim dok i dai pinis, yu ran bihainim wanpela fli.

24:15  Olsem na BIKPELA i stap jas, na jasim namel long mi na yu, na luksave, na toktok wantaim strongpela askim long wari bilong mi, na kisim bek mi ausait long han bilong yu.

24:16  ¶ Na em i kamap olsem, taim Devit i bin wokim pinis ol dispela toktok long Sol, long Sol i tok, Dispela nek i bilong yu, pikinini man bilong mi Devit? Na Sol i apim nek bilong em, na krai tru.

24:17  Na em i tokim Devit, Yu stap stretpela moa long mi. Long wanem, yu bin givim pe long mi wantaim gutpela pasin, we mi bin givim pe long yu wantaim pasin nogut olsem.

24:18  Na yu bin soim tude long yu bin mekim gutpela pasin long mi olsem wanem. Bikos taim BIKPELA i bin givim mi long han bilong yu, yu no kilim mi.

24:19  Long wanem, sapos wanpela man i painim birua bilong em, ating em bai larim em i ranawe gutpela? Olsem na BIKPELA i ken givim gutpela pe long yu long dispela yu bin mekim long mi tude.

24:20  Na nau, lukim, tru tumas, mi save gut long yu bai stap king, na long God bai strongim kingdom bilong Isrel long han bilong yu.

24:21  Olsem na wokim strongpela promis nau long mi long nem bilong BIKPELA, long yu bai i no inap rausim olgeta ol tumbuna pikinini bilong mi bihain long mi, na long yu bai i no inap bagarapim nem bilong mi olgeta ausait long hauslain bilong papa bilong mi.

24:22  Na Devit i wokim strongpela promis i go long Sol. Na Sol i go long ples bilong em. Tasol Devit na ol lain bilong em i kisim ol yet i go long dispela ples hait.

Chapter 25

25:1  ¶ Na Samyuel i dai pinis. Na olgeta Isrel i bung wantaim, na krai sori long em, na planim em long haus bilong em long Rama. Na Devit i kirap, na go daun long ples i no gat man bilong Paran.

25:2  ¶ Na i gat wanpela man long Meon, husat ol holimpas bilong em i stap long Karmel. Na dispela man em i bikman stret, na em i gat 3,000 sipsip, na 1,000 meme. Na em i katim gras bilong ol sipsip bilong em long Karmel.

25:3  Nau nem bilong dispela man em Nebal. Na nem bilong meri bilong em em Abigel. Na em i meri i gat gutpela save, na i gat naispela pes tru. Tasol man bilong em em i man bilong tingim em yet tasol na em i save mekim nogut long olgeta wok bilong em. Na em i bilong hauslain bilong Kelep.

25:4  Na Devit i harim long ples i no gat man long Nebal i katim gras bilong ol sipsip bilong em.

25:5  Na Devit i salim tenpela yangpela man i go, na Devit i tokim ol yangpela man, Yupela go antap long Karmel, na go long Nebal, na tok gude long em long nem bilong mi.

25:6  Na yupela bai tok olsem long em husat i gat gutpela sindaun, Bel isi i stap long yu, na bel isi i stap long hauslain bilong yu, na bel isi i stap long olgeta samting yu gat wantaim.

25:7  Na nau mi bin harim long yu gat ol man bilong katim gras bilong sipsip. Nau ol wasman bilong sipsip bilong yu husat i stap wantaim mipela, mipela i no bagarapim ol, na tu i no gat wanpela samting i lus ol, olgeta dispela taim ol stap long Karmel.

25:8  Askim ol yangpela man bilong yu, na ol bai soim yu. Olsem na larim ol dispela yangpela man i painim gutpela amamas long ai bilong yu. Long wanem, mipela i kam long wanpela gutpela de. Givim, mi askim yu plis, wanem samting i kam long han bilong yu i go long han bilong ol wokboi bilong yu, na long pikinini man bilong yu Devit.

25:9  Na taim ol yangpela man bilong Devit i kam, ol i toktok long Nebal bilong bihainim olgeta dispela toktok long nem bilong Devit, na ol i pinis.

25:10  Na Nebal i bekim ol wokboi bilong Devit, na tok, Devit em i husat? Na pikinini man bilong Jesi em i husat? I gat planti ol wokboi nau long dispela taim husat i bruk i go, olgeta wan wan man, long bikman bilong em.

25:11  Ating nau mi bai kisim bret bilong mi, na wara bilong mi, na ol abus bilong mi, dispela mi bin kilim bilong ol man bilong katim gras bilong sipsip bilong mi, na givim dispela long ol man husat mi no save long ol i kam we?

25:12  ¶ Olsem na ol yangpela man bilong Devit i tanim i go long rot bilong ol, na go gen, na kam na tokim em long olgeta dispela toktok.

25:13  Na Devit i tokim ol lain bilong em, Yupela olgeta wan wan man pasim bainat bilong em antap long em. Na olgeta wan wan man i pasim bainat bilong em. Na Devit tu i pasim bainat bilong em. Na ol man i bihainim Devit i klostu olsem 400 man. Na 200 man i stap yet wantaim ol kago.

25:14  Tasol wanpela bilong ol dispela yangpela man i tokim Abigel, meri bilong Nebal, i spik, Lukim, Devit i salim ol mausman i kam ausait long ples i no gat man long tok gude long bikman bilong yumi. Na em i tok bilong daunim ol tru.

25:15  Tasol ol man i mekim gutpela pasin tru long mipela, na mipela i no kisim bagarap, na tu i no gat wanpela samting i lus, taim mipela i toktok wantaim ol, taim mipela i stap long ol ples kunai.

25:16  Ol i stap wanpela banis bilong mipela long nait na san wantaim, olgeta taim mipela i stap wantaim ol na lukautim ol sipsip.

25:17  Olsem na nau save na tingim na skelim wanem samting yu bai mekim. Long wanem, ol i pasim tok long ol yet long mekim nogut na birua long bikman bilong yumi, na birua long olgeta hauslain bilong em. Long wanem, em i wanpela kain pikinini man bilong Belial olsem, inap long wanpela man i no inap toktok long em.

25:18  ¶ Nau Abigel i wok hariap, na kisim 200 hap bret, na tupela skin meme wain, na faipela sipsip ol i redim pinis, na faipela hap wit samting i drai olgeta, na 100 lain bung bilong ol resen, na 200 kek bilong ol fik, na slipim ol long ol donki.

25:19  Na em i tokim ol wokboi bilong em, Go paslain long mi. Lukim, mi bai kam bihain long yupela. Tasol em i no tokim man bilong em Nebal.

25:20  Na em i stap olsem, taim em i ran long donki, long em i kam daun klostu long ples hait bilong liklik maunten, na, lukim, Devit na ol lain bilong em i kam daun klostu long em. Na meri i bungim ol.

25:21  Na Devit i bin tok, Tru tumas, mi bin lukautim nating olgeta samting dispela man i gat long ples i no gat man, inap long i no gat wanpela samting bilong olgeta samting i bilong em i lus. Na em i bin bekim pe nogut long gutpela pasin bilong mi.

25:22  Olsem na moa tu God i ken mekim long ol birua bilong Devit, sapos mi larim i stap long lait bilong moning wanpela bilong olgeta husat i bilong em husat i save pispis long banis.

25:23  Na taim Abigel i lukim Devit, em i hariap, na kalap i lusim donki, na pundaun long pes bilong em long ai bilong Devit, na lindaunim em yet long graun.

25:24  Na em i pundaun long tupela lek bilong em, na tok, Antap long mi, bikman bilong mi, antap long mi larim dispela sin nogut i stap. Na larim wokmeri bilong yu, mi askim yu plis, toktok long ia bilong yu, na harim ol toktok bilong wokmeri bilong yu.

25:25  Bikman bilong mi, mi askim yu plis, no ken tingting planti long dispela man bilong Belial, yes, Nebal. Long wanem, olsem nem bilong em i stap, em i stap olsem. Nebal em i nem bilong em, na longlong pasin i stap wantaim em. Tasol mi, wokmeri bilong yu, i no lukim ol dispela yangpela man bilong bikman bilong mi, husat yu bin salim i kam.

25:26  Olsem na nau, bikman bilong mi, olsem BIKPELA i stap laip, na olsem tewel bilong yu i stap laip, taim yumi luksave long BIKPELA i bin holim bek yu long kam long kapsaitim blut, na long bekim pe nogut yu yet wantaim han bilong yu yet, orait nau larim ol birua bilong yu, na ol husat i painim rot long mekim nogut long bikman bilong mi, i stap olsem Nebal.

25:27  Na nau dispela blesing, dispela wokmeri bilong yu i bin bringim long bikman bilong mi, yes, larim mi givim dispela long ol yangpela man husat i bihainim bikman bilong mi.

25:28  Mi askim yu plis, lusim pasin bilong sakim lo bilong wokmeri bilong yu. Long wanem, tru tru BIKPELA bai wokim long bikman bilong mi wanpela hauslain i strong tru. Bilong wanem, bikman bilong mi i wok long paitim ol pait bilong BIKPELA, na ol i no bin lukim pasin nogut insait long yu olgeta de bilong yu.

25:29  Tasol wanpela man i kirap long ran bihainim yu, na long painim tewel bilong yu. Tasol tewel bilong bikman bilong mi bai pas wantaim mekpas bilong laip wantaim BIKPELA, God bilong yu. Na ol tewel bilong ol birua bilong yu, Em bai tromoi ol i go ausait, olsem samting i go ausait long namel stret bilong wanpela katapel.

25:30  Na em bai kamap olsem, taim BIKPELA i bin mekim pinis long bikman bilong mi bilong bihainim olgeta gutpela samting Em i bin toktok long sait bilong yu, na taim Em i bin makim yu pinis hetman long bosim Isrel,

25:31  Long dispela bai i no ken stap wanpela bel sori long yu, o samting i bagarapim bel bilong bikman bilong mi, long yu bin kapsaitim blut na i no gat as bilong en, o tu long bikman bilong mi i bin bekim pe nogut em yet. Tasol taim BIKPELA i bin mekim gutpela long bikman bilong mi, orait tingim gen wokmeri bilong yu.

25:32  ¶ Na Devit i tokim Abigel, Blesing i stap long BIKPELA, God bilong Isrel, husat i salim yu tude long kam bungim mi.

25:33  Na blesing i stap long tingting bilong yu yu givim, na blesing i stap long yu, husat i bin pasim mi tude long kam long kapsaitim blut, na long bekim pe nogut mi yet wantaim han bilong mi yet.

25:34  Long wanem, tru tru, olsem BIKPELA, God bilong Isrel, i stap laip, husat i bin pasim mi long bagarapim yu, sapos yu no bin hariap na kam long bungim mi, tru tumas, i no bin gat wanpela i stap yet long Nebal long lait bilong moning husat i save pispis long banis.

25:35  Olsem na Devit i kisim long han bilong em dispela samting em i bin bringim em, na tokim meri, Go antap wantaim bel isi long haus bilong yu. Lukim, mi bin harim nek bilong yu, na mi bin orait long yu yet.

25:36  ¶ Na Abigel i kam long Nebal. Na, lukim, em i wokim bikpela kaikai long haus bilong em, olsem bikpela kaikai bilong king. Na bel bilong Nebal i stap amamas insait long em, long wanem, em i spak tru. Olsem na meri i no tokim em long wanpela samting, liklik o moa, inap long lait bilong moning.

25:37  Tasol em i kamap olsem long moning, taim wain i lusim Nebal pinis, na meri bilong em i bin tokim em long ol dispela samting, long bel bilong em i dai insait long em, na em i kamap olsem ston.

25:38  Na em i kamap olsem klostu olsem tenpela de bihain, long BIKPELA i paitim Nebal, inap long em i dai.

25:39  Na taim Devit i harim long Nebal i dai pinis, em i tok, Blesing i stap long BIKPELA, husat i bin toktok wantaim strongpela askim long wari bilong pasim sem bilong mi long han bilong Nebal, na Em i bin pasim wokboi bilong Em long pasin nogut. Long wanem, BIKPELA i bin bekim pasin nogut bilong Nebal antap long het bilong em yet. Na Devit i salim tok na stori wantaim Abigel, bilong kisim em long kamap meri bilong em.

25:40  Na taim ol wokboi bilong Devit i kamap long Abigel long Karmel, ol i tokim em, i spik, Devit i salim mipela long yu, long kisim yu i go long em long kamap meri bilong em.

25:41  Na em i kirap, na lindaunim em yet long pes bilong em i go long graun, na tok, Lukim, larim wokmeri bilong yu i stap wokmeri bilong wasim ol fut bilong ol wokboi bilong bikman bilong mi.

25:42  Na Abigel i hariap, na kirap, na ran antap long wanpela donki, wantaim faipela yangpela meri bilong em husat i kam bihain long em. Na em i kam bihain long ol mausman bilong Devit, na kamap meri bilong em.

25:43  Devit i kisim tu Ahinoam bilong Jesril. Na tupela wantaim tu i stap ol meri bilong em.

25:44  Tasol Sol i bin givim Mikal, pikinini meri bilong em, meri bilong Devit, long Falti, pikinini man bilong Lais, husat i man bilong Galim.

Chapter 26

26:1  ¶ Na ol lain Sif i kam long Sol long Gibia, i spik, Ating i yes long Devit i haitim em yet long liklik maunten bilong Hakila, dispela i stap long ai bilong Jesimon?

26:2  Nau Sol i kirap, na go daun long ples i no gat man bilong Sif, taim em i gat 3,000 man ol i makim bilong Isrel wantaim em, long painim Devit long ples i no gat man bilong Sif.

26:3  Na Sol i sanapim haus sel long liklik maunten bilong Hakila, dispela i stap long ai bilong Jesimon, klostu long rot. Tasol Devit i stap long ples i no gat man, na em i luksave long Sol i kam bihainim em long ples i no gat man.

26:4  Olsem na Devit i salim ol man bilong lukstil, na kisim save long Sol i kam tru tru.

26:5  Na Devit i kirap, na kam long ples we Sol i bin sanapim haus sel. Na Devit i lukim ples we Sol i slip, na Apner, pikinini man bilong Ner, kepten bilong ami bilong em. Na Sol i slip long dispela baret bilong hait, na ol lain i sanapim haus sel raun nabaut long em.

26:6  ¶ Nau Devit i bekim na tokim man Hit Ahimelek, na tokim Abisai, pikinini man bilong Seruaia, brata bilong Joap, i spik, Husat bai go daun wantaim mi long kem long Sol? Na Abisai i tok, Mi bai go daun wantaim yu.

26:7  Olsem na Devit na Abisai i kam long ol lain long nait. Na, lukim, Sol i slip i dai insait long dispela baret bilong hait, na spia bilong tromoi bilong em i pas long graun klostu long pilo bilong em. Tasol Apner na ol lain i slip raun nabaut long em.

26:8  Nau Abisai i tokim Devit, God i bin givim birua bilong yu long han bilong yu tude. Olsem na nau larim mi paitim em, mi askim yu plis, wantaim spia bilong tromoi, yes, long graun wantu, na mi bai i no inap paitim em namba tu taim.

26:9  Na Devit i tokim Abisai, No ken bagarapim em olgeta. Long wanem, husat i ken stretim han bilong em ausait long birua long man BIKPELA i makim, na i no gat asua?

26:10  Devit i tok tu moa olsem, Olsem BIKPELA i stap laip, BIKPELA bai paitim em, o de bilong em long dai bai kam, o em bai go daun long pait, na dai olgeta.

26:11  I no ken tru long mi ken stretim han bilong mi ausait long birua long man BIKPELA i makim. Tasol, mi askim yu plis, yu kisim nau dispela spia bilong tromoi i stap klostu long pilo bilong em, na dispela liklik jak wara, na yumi go.

26:12  Olsem na Devit i kisim spia bilong tromoi na liklik jak wara klostu long pilo bilong Sol. Na tupela i kisim ol yet i go, na i no gat man i lukim dispela, o save long dispela, o kirap tu. Long wanem, olgeta bilong ol i slip i dai. Bilong wanem, slip i dip tru i kam long BIKPELA i pundaun antap long ol.

26:13  ¶ Nau Devit i go long hapsait, na sanap antap long liklik maunten i stap longwe tru. Wanpela bikpela spes i stap namel long ol.

26:14  Na Devit i singaut long ol lain, na long Apner, pikinini man bilong Ner, i spik, Yu no bekim tok, Apner? Nau Apner i bekim na tok, Yu husat man i singaut long king?

26:15  Na Devit i tokim Apner, Ating i yes long yu wanpela strongpela man bilong pait? Na husat i wankain olsem yu long Isrel? Olsem wanem na nau yu no bin lukautim gut king, bikman bilong yu? Long wanem, i gat wanpela bilong ol lain i kam insait long bagarapim king olgeta, bikman bilong yu.

26:16  Dispela samting i no gutpela, dispela yu bin mekim. Olsem BIKPELA i stap laip, em i gutpela long yupela i ken dai, bilong wanem, yupela i no bin lukautim gut bikman bilong yupela, dispela man BIKPELA i makim. Na nau painim spia bilong tromoi bilong king i stap we, na dispela liklik jak wara i stap klostu long pilo bilong em.

26:17  Na Sol i save long nek bilong Devit, na tok, Dispela em i nek bilong yu, pikinini man bilong mi Devit? Na Devit i tok, Em i nek bilong mi, bikman bilong mi, O king.

26:18  Na em i tok, Olsem wanem na bikman bilong mi i wok long ran bihainim wokboi bilong em olsem? Long wanem, mi bin mekim wanem? O wanem pasin nogut i stap long han bilong mi?

26:19  Olsem na nau, mi askim yu plis, larim king, bikman bilong mi, harim ol toktok bilong wokboi bilong em. Sapos BIKPELA i bin kirapim yu long birua long mi, larim Em i orait long kisim wanpela ofa. Tasol sapos em i ol pikinini bilong ol man, ol i mas lus long kot long ai bilong BIKPELA. Long wanem, tude ol i bin ranim mi i go ausait long stap long graun papa i givim pikinini bilong BIKPELA, i spik, Go, bihainim ol arapela god.

26:20  Olsem na nau, no ken larim blut bilong mi pundaun long graun long ai bilong pes bilong BIKPELA. Long wanem, king bilong Isrel i kam ausait long painim wanpela fli, wankain olsem taim wanpela i painim wanpela patrij long ol maunten.

26:21  ¶ Nau Sol i tok, Mi bin mekim sin. Kam bek, pikinini man bilong mi Devit. Long wanem, mi bai i no inap bagarapim yu moa, bilong wanem, tewel bilong mi i dia tumas long ai bilong yu tude. Lukim, mi bin pilai olsem krankiman, na mi bin paul planti moa yet.

26:22  Na Devit i bekim na tok, Lukim spia bilong tromoi bilong king! Na larim wanpela bilong ol yangpela man i kam hapsait na kisim dispela.

26:23  Na BIKPELA i ken mekim long olgeta wan wan man long stretpela pasin bilong em, na pasin bilong Em bilong mekim ol man i bilip long Em. Long wanem, BIKPELA i givim yu long han bilong mi tude, tasol mi no gat laik long stretim han bilong mi i go ausait long birua long man BIKPELA i makim.

26:24  Na, lukim, olsem laip bilong yu i bikpela samting long ai bilong mi tude, olsem tasol larim laip bilong mi stap bikpela samting long ai bilong BIKPELA, na larim Em kisim bek mi ausait long olgeta bikpela hevi.

26:25  Nau Sol i tokim Devit, Blesing i stap long yu, pikinini man bilong mi Devit. Yu bai mekim ol bikpela samting, na tu yu bai win yet wantaim. Olsem na Devit i go long rot bilong em yet, na Sol i go bek long ples bilong em.

Chapter 27

27:1  ¶ Na Devit i tok insait long bel bilong em, Nau mi bai dai olgeta wanpela de long han bilong Sol. I no gat wanpela samting i gutpela moa long mi long mi ken go hariap na go olgeta long hap bilong ol Filistin. Na Sol bai lusim hop long mi, long painim mi moa long wanpela hap arere bilong Isrel. Olsem tasol bai mi go olgeta ausait long han bilong em.

27:2  Na Devit i kirap, na em i go hapsait wantaim dispela 600 man husat i stap wantaim em i go long Ekis, pikinini man bilong Meok, king bilong Gat.

27:3  Na Devit i stap wantaim Ekis long Gat, em na ol lain bilong em, olgeta wan wan man wantaim hauslain bilong em, yes, Devit wantaim tupela meri bilong em, meri Jesril Ahinoam, na meri Karmel Abigel, meri bilong Nebal.

27:4  Na ol i tokim Sol long Devit i ranawe i go long Gat. Na em i no painim em moa gen.

27:5  Na Devit i tokim Ekis, Sapos nau mi bin painim pinis marimari long tupela ai bilong yu, larim ol i givim mi wanpela ples long wanpela taun long hap i no gat planti man, inap long mi ken stap long dispela hap. Long wanem, bilong wanem wokboi bilong yu i ken stap long biktaun bilong king wantaim yu?

27:6  Nau Ekis i givim em Siklak long dispela de. Olsem na Siklak i bilong ol king bilong Juda i kam inap long tude.

27:7  Na taim long Devit i stap long dispela kantri bilong ol Filistin em i wanpela yia olgeta na fopela mun.

27:8  ¶ Na Devit, na ol lain bilong em, i go antap, na go insait bilong pait long hap bilong ol lain Gesur, na ol lain Geser, na ol lain Amalek. Long wanem, ol dispela kantri i stap bilong bipo ol man i stap long dispela hap, olsem yu go long Sur, yes, inap long hap bilong Isip.

27:9  Na Devit i paitim dispela hap, na tu em i no larim man o meri i stap laip, na em i tekewe ol sipsip, na ol bulmakau man, na ol donki, na ol kemel, na ol naispela klos, na kam bek, na kam long Ekis.

27:10  Na Ekis i tok, Yupela i bin raun we tude? Na Devit i tok, Mipela i birua long hap saut bilong Juda, na birua long hap saut bilong ol lain Jeramel, na birua long hap saut bilong ol lain bilong Ken.

27:11  Na Devit i no kisim bek wanpela man o meri i stap laip yet tu, long bringim nius long Gat, i spik, Nogut ol i ken kam na tokaut long yumi, i spik, Olsem tasol Devit i mekim, na olsem tasol pasin bilong em bai stap olgeta taim em i stap long kantri bilong ol Filistin.

27:12  Na Ekis i bilipim Devit, i spik, Em i bin mekim ol lain bilong em Isrel long ting olsem em i sting olgeta. Olsem na em bai stap wokboi bilong mi oltaim oltaim.

Chapter 28

28:1  ¶ Na em i kamap olsem long ol dispela de, long ol Filistin i bungim ol ami bilong ol wantaim bilong wokim bikpela pait, long pait wantaim Isrel. Na Ekis i tokim Devit, Yu mas save tru tru long yu bai go ausait wantaim mi long pait, yu na ol lain bilong yu.

28:2  Na Devit i tokim Ekis, Tru tumas, yu bai save long wanem samting wokboi bilong yu i ken mekim. Na Ekis i tokim Devit, Olsem na bai mi mekim yu wasman bilong het bilong mi oltaim oltaim.

28:3  Nau Samyuel i dai pinis, na olgeta Isrel i bin krai sori long em, na planim em long Rama, yes, long biktaun bilong em yet. Na Sol i bin rausim i go ol dispela husat i gat ol spirit klostu, na ol glasman, ausait long dispela hap.

28:4  Na ol Filistin i bungim ol yet wantaim, na kam na sanapim haus sel long Sunem. Na Sol i bungim olgeta Isrel wantaim, na ol i sanapim haus sel long Gilboa.

28:5  Na taim Sol i lukim ami bilong ol Filistin, em i pret, na bel bilong em i guria bikpela.

28:6  Na taim Sol i askim long BIKPELA, BIKPELA i no bekim tok long em, long ol driman, o long Yurim, o long ol profet tu.

28:7  ¶ Nau Sol i tokim ol wokboi bilong em, Painim long mi wanpela meri husat i gat wanpela spirit klostu, inap long mi ken go long em, na askim long em. Na ol wokboi bilong em i tokim em, Lukim, i gat wanpela meri husat i gat wanpela spirit klostu i stap long Endor.

28:8  Na Sol i senisim pes bilong em yet, na putim ol arapela klos, na em i go, na tupela man wantaim em, na ol i kam long meri long nait. Na em i tok, Mi askim yu plis, glasim long mi wantaim dispela spirit klostu, na bringim i kam antap bilong mi em husat mi bai kolim nem bilong em long yu.

28:9  Na meri i tokim em, Lukim, yu save pinis wanem samting Sol i bin mekim, long olsem wanem em i bin rausim olgeta ol dispela husat i gat ol spirit klostu, na ol glasman, i go ausait long dispela hap. Olsem wanem na nau yu putim trap long laip bilong mi, long mekim mi long dai?

28:10  Na Sol i wokim strongpela promis long em long nem bilong BIKPELA, i spik, Olsem BIKPELA i stap laip, bai i no gat mekim save i kamap long yu long dispela samting.

28:11  Nau meri i tokim em, Mi bai bringim antap husat i kam long yu? Na em i tok, Bringim antap Samyuel long mi.

28:12  Na taim meri i lukim pinis Samyuel, em i singaut wantaim bikpela nek. Na meri i tokim Sol, i spik, Bilong wanem yu bin giamanim mi? Long wanem, yu Sol.

28:13  Na king i tokim em, No ken pret. Long wanem, yu lukim wanem? Na meri i tokim Sol, Mi lukim ol god i kam antap ausait long dispela graun.

28:14  Na em i tokim em, Em i luk olsem wanem? Na em i tok, Wanpela lapun man i kam antap. Na wanpela saket i karamapim em. Na Sol i save long dispela em Samyuel, na em i lindaun wantaim pes bilong em long graun, na lindaunim em yet.

28:15  ¶ Na Samyuel i tokim Sol, Bilong wanem yu bin bagarapim gutpela sindaun bilong mi, long bringim mi antap? Na Sol i bekim tok, Mi pilim bikpela wari tru. Long wanem, ol Filistin i wokim bikpela pait i birua long mi, na God i lusim mi, na Em i no bekim tok long mi moa, long ol profet, o long ol driman tu. Olsem na mi bin singautim yu, inap long yu ken givim save long mi long mi bai mekim wanem.

28:16  Nau Samyuel i tok, Olsem wanem na nau yu askim long mi, taim yu luksave olsem BIKPELA i lusim yu, na Em i kamap birua bilong yu?

28:17  Na BIKPELA i bin mekim long em, olsem Em i toktok long maus bilong mi. Long wanem, BIKPELA i bin brukim kingdom ausait long han bilong yu, na givim dispela long man i stap klostu long yu, yes, long Devit.

28:18  Bilong wanem, yu no bihainim nek bilong BIKPELA, o wokim strongpela belhat tru bilong Em antap long Amalek. Olsem na BIKPELA i bin mekim dispela samting long yu tude.

28:19  Na moa tu, BIKPELA bai givim tu Isrel, wantaim yu, i go long han bilong ol Filistin. Na tumora yu na ol pikinini man bilong yu bai stap wantaim mi. BIKPELA tu bai givim ami bilong Isrel i go long han bilong ol Filistin.

28:20  ¶ Nau Sol i pundaun kwiktaim long graun olgeta, na em i pret tru, bilong wanem, dispela toktok bilong Samyuel i pretim em. Na i no gat strong insait long em. Long wanem, em i no bin kaikai bret olgeta hap bilong de, o olgeta hap bilong nait.

28:21  Na dispela meri i kam long Sol, na luksave long em i pilim trabel tru, na tokim em, Lukim, wokmeri bilong yu i bin bihainim nek bilong yu, na mi bin putim laip bilong mi long han bilong mi, na mi bin harim ol dispela toktok bilong yu yu tokim mi.

28:22  Olsem na nau, mi askim yu plis, yu harim tu nek bilong wokmeri bilong yu, na larim mi putim liklik hap bret long ai bilong yu. Na yu kaikai, inap long yu ken gat strong, taim yu go long rot bilong yu.

28:23  Tasol em i tok nogat, na tok, Mi bai i no inap kaikai. Tasol ol wokboi bilong em, wantaim meri, i pulim em strong. Na em i harim nek bilong ol. Olsem na em i kirap long graun, na sindaun antap long bet.

28:24  Na dispela meri i gat wanpela patpela pikinini bulmakau long haus bilong em. Na em i hariap, na kilim dispela, na kisim plaua, na wokwokim dispela, na em i bin kukim bret i no gat yis long en.

28:25  Na em i bringim dispela long ai bilong Sol, na long ai bilong ol wokboi bilong em. Na ol i bin kaikai. Nau ol i kirap, na go pinis long dispela nait.

Chapter 29

29:1  ¶ Nau ol Filistin i bungim wantaim olgeta ami bilong ol long Afek. Na ol lain Isrel i sanapim haus sel klostu long wanpela ai bilong wara i sut, dispela i stap long Jesril.

29:2  Na ol bikman bilong ol Filistin i mas i go long ol handret, na long ol tausen. Tasol Devit na ol lain bilong em i mas long las lain bihain wantaim Ekis.

29:3  Nau ol hetman bilong ol Filistin i tok, Ol dispela Hibru i mekim wanem long hia? Na Ekis i tokim ol hetman bilong ol Filistin, Ating i yes long dispela em i Devit, wokboi bilong Sol, king bilong Isrel, husat i bin stap wantaim mi ol dispela de, o ol dispela yia? Na mi no bin lukim wanpela asua long em long taim em i kam long mi inap long tude.

29:4  Na ol hetman bilong ol Filistin i belhat tru long em. Na ol hetman bilong ol Filistin i tokim em, Mekim dispela man i go bek, inap long em i ken go gen long ples bilong em, dispela yu bin makim long em, na no ken larim em i go daun wantaim yumi long pait, nogut long taim bilong pait em i kamap birua bilong yumi. Long wanem, wantaim wanem arapela samting em i ken mekim em yet i kamap wanbel wantaim bikman bilong em? Ating i yes long em bai kamap wanbel wantaim ol het bilong ol dispela man?

29:5  Ating i yes long dispela em i Devit, long husat ol i singsing wanpela i go long narapela long ol danis, i spik, Sol i kilim i dai ol tausen bilong em, na Devit ol ten tausen bilong em?

29:6  ¶ Nau Ekis i singautim Devit, na tokim em, Tru tumas, olsem BIKPELA i stap laip, yu bin mekim pasin i stretpela, na go ausait bilong yu na kam insait bilong yu wantaim mi long ami i gutpela long ai bilong mi. Long wanem, mi no bin lukim pasin nogut insait long yu i stat long dispela de yu kam long mi inap long tude. Tasol ol bikman i no amamas gut long yu.

29:7  Olsem na nau go bek, na go wantaim bel isi, inap long yu no ken bagarapim amamas bilong ol bikman bilong ol Filistin.

29:8  Na Devit i tokim Ekis, Tasol mi bin mekim wanem? Na yu bin lukim wanem samting long wokboi bilong yu taim mi bin kam long yu inap long tude, inap long mi no ken go pait birua long ol birua bilong king, bikman bilong mi?

29:9  Na Ekis i bekim na tokim Devit, Mi save long yu stap gutpela long ai bilong mi, olsem wanpela ensel bilong God. Tasol ol hetman bilong ol Filistin i bin tok, Em bai i no inap go antap wantaim yumi long pait.

29:10  Olsem na nau kirap long moning tru wantaim ol wokboi bilong bikman bilong yu husat i kam wantaim yu. Na long taim stret long yupela kirap long moning tru, na yupela i gat lait, lusim dispela hap.

29:11  Olsem na Devit wantaim ol lain bilong em i kirap long moning tru long lusim dispela hap, long go bek long hap bilong ol Filistin. Na ol Filistin i go antap long Jesril.

Chapter 30

30:1  ¶ Na em i kamap olsem, taim Devit na ol lain bilong em i kam long Siklak long namba tri de, long ol lain Amalek i bin kam insait long pait long hap saut, na Siklak, na paitim Siklak, na kukim dispela olgeta wantaim paia.

30:2  Na ol i bin kisim ol meri i go kalabus, husat i stap insait long en. Ol i no kilim i dai wanpela, bikpela o liklik, tasol ol i karim ol i go, na ol i go long rot bilong ol.

30:3  Olsem na Devit na ol lain bilong em i kam long dispela biktaun, na, lukim, em i kuk olgeta wantaim paia. Na ol meri bilong ol, na ol pikinini man bilong ol, na ol pikinini meri bilong ol, ol lain kisim i go kalabus.

30:4  Nau Devit na ol lain husat i stap wantaim em i apim nek bilong ol na krai tru, inap long ol i no gat pawa moa long krai tru.

30:5  Na tupela meri bilong Devit ol i karim i go kalabus, meri Jesril Ahinoam, na Abigel, meri bilong man Karmel Nebal.

30:6  Na Devit i pilim bikpela wari tru. Long wanem, ol lain i toktok long tromoi ol ston long em, bilong wanem, tewel bilong olgeta lain i gat bel sori, olgeta wan wan man long tingim ol pikinini man bilong em na long tingim ol pikinini meri bilong em. Tasol Devit i strongim em yet insait long BIKPELA, God bilong em.

30:7  ¶ Na Devit i tokim pris Abaiatar, pikinini man bilong Ahimelek, Mi askim yu plis, bringim dispela ifat hia long mi. Na Abaiatar i bringim dispela ifat long Devit long dispela hap.

30:8  Na Devit i askim long BIKPELA, i spik, Bai mi go ran bihainim dispela liklik ami? Bai mi kamap long ol? Na Em i bekim tok long em, Ran bihainim. Long wanem, tru tumas, yu bai kamap long ol, na yu no inap fel long kisim bek gen olgeta samting.

30:9  Olsem na Devit i go, em na dispela 600 man husat i stap wantaim em, na kamap long liklik wara Besor, we ol i lusim ol dispela husat i stap bek yet.

30:10  Tasol Devit i ran bihainim ol, em na 400 man. Long wanem, 200 man i stap bek, husat i laik hap i dai inap long ol i no inap go hapsait long liklik wara Besor.

30:11  Na ol i lukim wanpela man Isip long ples kunai, na bringim em long Devit, na givim em bret, na em i bin kaikai. Na ol i mekim em dring wara.

30:12  Na ol i givim em wanpela hap bilong wanpela kek bilong ol fik, na tupela lain bung bilong ol resen. Na taim em i bin kaikai pinis, spirit bilong em i kam bek long em gen. Long wanem, em i no bin kaikai bret, o dringim wanpela hap wara, tripela de na tripela nait.

30:13  Na Devit i tokim em, Yu bilong husat? Na yu bilong we? Na em i tok, Mi wanpela yangpela man bilong Isip, wokboi bilong wanpela man Amalek. Na bikman bilong mi i lusim mi, bilong wanem, tripela de i go pinis mi kamap sik.

30:14  Mipela i go insait bilong pait long hap saut bilong ol lain Keretait, na long dispela hap arere i bilong Juda, na long hap saut bilong Kelep. Na mipela kukim Siklak wantaim paia.

30:15  Na Devit i tokim em, Yu inap long bringim mi daun long dispela lain soldia? Na em i tok, Wokim strongpela promis long mi long nem bilong God, long yu no inap kilim mi, o givim mi long han bilong bikman bilong mi tu, na mi bai bringim yu daun long dispela lain soldia.

30:16  Na taim em i bin bringim em i kam daun, lukim, ol i bruk nabaut antap long olgeta hap bilong graun, taim ol i kaikai na dring, na danis, bilong wanem, long tingim olgeta dispela bikpela kago bilong pait ol i bin kisim i kam ausait long hap bilong ol Filistin, na ausait long hap bilong Juda.

30:17  Na Devit i paitim ol i stat long las lait bilong apinun, yes, i go inap long apinun tru bilong de bihain. Na i no gat wanpela man i ranawe olgeta bilong ol, 400 yangpela man tasol, husat i ran antap long ol kemel, na ranawe.

30:18  Na Devit i kisim bek gen olgeta samting lain Amalek i bin karim i go. Na Devit i kisim bek tupela meri bilong em.

30:19  Na i no gat wanpela samting i sot long ol, liklik samting o bikpela samting tu, ol pikinini man o ol pikinini meri tu, o ol kago bilong pait tu, o wanpela samting long ol i bin kisim i kam long ol. Devit i kisim bek gen olgeta.

30:20  Na Devit i kisim olgeta lain sipsip na lain bulmakau, dispela ol i ranim i go pas long ol dispela arapela bulmakau samting, na tok, Dispela em i kago bilong pait bilong Devit.

30:21  ¶ Na Devit i kam long dispela 200 man, husat i laik hap i dai inap long ol i no inap long bihainim Devit, husat ol i bin mekim ol tu long stap long liklik wara Besor. Na ol i kam ausait long bungim Devit, na long bungim ol lain husat i stap wantaim em. Na taim Devit i kam klostu long ol lain, em i tok gude long ol.

30:22  Nau olgeta man nogut na ol man bilong Belial, bilong ol dispela husat i go wantaim Devit, i bekim na tok, Bikos ol i no go wantaim yumi, yumi bai i no inap givim ol wanpela hap bilong dispela kago bilong pait yumi bin kisim bek gen, long olgeta wan wan man tasol meri bilong em, na ol pikinini bilong em, inap long ol i ken karim ol i go, na lusim dispela hap.

30:23  Nau Devit i tok, Yupela i no ken mekim olsem, ol brata bilong mi, wantaim dispela samting BIKPELA i bin givim yumi, husat i bin mekim yumi stap gut yet, na givim dispela lain soldia husat i kam birua long yumi long han bilong yumi.

30:24  Long wanem, husat bai harim long yupela long dispela samting? Tasol olsem hap bilong man husat i go daun long pait, olsem tasol bai hap i stap bilong husat man i stap yet klostu long kago. Tupela bai brukim wankain.

30:25  Na em i stap olsem, long dispela de i go, long em i mekim dispela wanpela lo ol i raitim na wanpela lo ol i makim bilong Isrel inap long tude.

30:26  Na taim Devit i kam long Siklak, em i salim bilong dispela kago bilong pait i go long ol lapun hetman bilong Juda, yes, long ol pren bilong em, i spik, Lukim presen bilong yupela bilong kago bilong pait bilong ol birua bilong BIKPELA,

30:27  Long ol husat i stap long Betel, na long ol husat i stap long hap saut bilong Ramot, na long ol husat i stap long Jatir,

30:28  Na long ol husat i stap long Aroa, na long ol husat i stap long Sipmot, na long ol husat i stap long Estemoa,

30:29  Na long ol husat i stap long Rakal, na long ol husat i stap long ol biktaun bilong ol lain Jeramel, na long ol husat i stap long ol biktaun bilong ol lain Ken,

30:30  Na long ol husat i stap long Horma, na long ol husat i stap long Korasan, na long ol husat i stap long Atak,

30:31  Na long ol husat i stap long Hibron, na long olgeta ples we Devit em yet na ol lain bilong em i save gat laik long raun long en.

Chapter 31

31:1  ¶ Nau ol Filistin i pait birua long Isrel. Na ol man bilong Isrel i ranawe long ai bilong ol Filistin, na pundaun taim ol i kilim ol i dai long maunten Gilboa.

31:2  Na ol Filistin i ran strong long bihainim Sol na ol pikinini man bilong em. Na ol Filistin i kilim i dai Jonatan, na Abinadap, na Malkisua, ol pikinini man bilong Sol.

31:3  Na pait i go strong tru i birua long Sol, na ol man bilong sutim banara i sutim em. Na em i kisim bagarap tru long ol man bilong sutim banara.

31:4  Nau Sol i tokim man bilong karim klos pait bilong em, Kamautim bainat bilong yu, na sutim mi i go namel olgeta wantaim dispela. Nogut ol dispela lain i no katim skin i kam na sutim mi i go namel olgeta, na bagarapim mi nogut. Tasol man bilong karim klos pait bilong em i no laik. Long wanem, em i pret tru. Olsem na Sol i kisim bainat, na pundaun antap long en.

31:5  Na taim man bilong karim klos pait bilong em i luksave long Sol i dai pinis, em i pundaun wankain olsem antap long bainat bilong em, na dai pinis wantaim em.

31:6  Olsem na Sol i dai pinis, na tripela pikinini man bilong em, na man bilong karim klos pait bilong em, na olgeta soldia bilong em, dispela de stret wantaim.

31:7  Na taim ol man bilong Isrel husat i stap long hapsait long ples daun, na ol husat i stap long hapsait bilong wara Jordan, i luksave long ol man bilong Isrel i ranawe, na long Sol na ol pikinini man bilong em i dai pinis, ol i givim baksait long ol biktaun, na ranawe. Na ol Filistin i kam na stap long ol.

31:8  ¶ Na em i kamap olsem long de bihain, taim ol Filistin i kam long rausim ol kago long ol man ol i kilim i dai, long ol i lukim Sol na tripela pikinini man bilong em i pundaun long maunten Gilboa.

31:9  Na ol i rausim het bilong em olgeta, na rausim ol klos pait bilong em, na salim tok i go long hap bilong ol Filistin raun nabaut, long mekim dispela i kamap ples klia insait long haus bilong ol piksa god bilong ol, na namel long ol lain manmeri bilong ol.

31:10  Na ol i putim ol klos pait bilong em long haus bilong Astarot. Na ol i pasim bodi bilong em long banis bilong Bet-san.

31:11  Na taim ol man i stap long Jebes-gileat i harim long ol dispela samting ol Filistin i bin mekim long Sol,

31:12  Olgeta strongpela man bilong pait i kirap, na go olgeta hap bilong nait, na kisim bodi bilong Sol na ol bodi bilong ol pikinini man bilong em long banis bilong Bet-san, na kam long Jebes, na kukim ol olgeta long dispela hap.

31:13  Na ol i kisim ol bun bilong ol, na planim ol aninit long wanpela diwai long Jebes, na tambuim kaikai sevenpela de.