TpiKJPB - Leviticus

Chapter 1

1:1  ¶ Na BIKPELA i singaut long Moses na tokim em, na tok i kamaut long haus sel holi bilong bung bilong ol manmeri na tok,

1:2  Toktok long ol pikinini bilong Isrel na tok long ol olsem, Sapos wanpela man bilong yupela i bringim wanpela ofa i go long BIKPELA, yupela mas bringim ofa bilong yupela i bilong ol bulmakau samting, em bilong bung bilong ol bulmakau na bilong bung bilong sipsip o meme.

1:3  ¶ Sapos ofa bilong em i stap sakrifais bilong kuk olgeta na i bilong bung bilong ol bulmakau, larim em i ofaim wanpela bulmakau man i no gat mak nogut. Em i mas ofaim dispela long laik bilong em yet long dua bilong haus sel holi bilong bung bilong ol manmeri long pes bilong BIKPELA.

1:4  Na em i mas putim han bilong em antap long het bilong dispela ofa i kuk olgeta. Na BIKPELA bai orait long dispela i bilong em long mekim ofa bilong karamapim long mekim i kamap wanbel i bilong em.

1:5  Na em i mas kilim i dai dispela bulmakau man long pes bilong BIKPELA. Na ol pris, em ol pikinini man bilong Eron, ol i mas bringim dispela blut na tromoi isi isi dispela blut raun nabaut antap long alta i stap klostu long dua bilong haus sel holi bilong bung bilong ol manmeri.

1:6  Na em i mas rausim skin bilong dispela ofa i kuk olgeta na katim dispela i kamap ol hap bilong em.

1:7  Na ol pikinini man bilong Eron dispela pris i mas putim paia antap long alta na slipim ol diwai long stretpela we antap long paia.

1:8  Na ol pris, em ol pikinini man bilong Eron, ol i mas slipim ol hap, em het na gris, long stretpela we antap long diwai i stap antap long paia na dispela i stap antap long alta.

1:9  Tasol em i mas wasim ol insait bilong bel bilong ofa na ol lek bilong ofa long wara. Na pris i mas kukim olgeta antap long alta long i stap wanpela sakrifais i kuk olgeta, em ofa em i mekim long paia bilong i stap wanpela switpela smel i go long BIKPELA.

1:10  Na sapos ofa bilong em i stap long ol bung bilong sipsip samting, em bilong ol sipsip o bilong ol meme bilong i stap wanpela sakrifais i kuk olgeta, em i mas bringim wanpela i man na i no gat wanpela mak nogut long em.

1:11  Na em i mas kilim i dai dispela long sait bilong alta i go long not long pes bilong BIKPELA. Na ol pris, em ol pikinini man bilong Eron, ol i mas tromoi isi isi blut bilong ofa raun nabaut antap long alta.

1:12  Na em i mas katim dispela long ol hap wantaim het bilong em na gris bilong em. Na pris i mas slipim ol long stretpela we antap long diwai na dispela i stap antap long paia na dispela i stap antap long alta.

1:13  Tasol em i mas wasim ol insait bilong bel na ol lek long wara. Na pris i mas bringim olgeta bilong dispela na kukim dispela antap long alta. Em i wanpela sakrifais i kuk olgeta na wanpela ofa em i mekim long paia, bilong i stap wanpela switpela smel i go long BIKPELA.

1:14  Na sapos sakrifais i kuk olgeta i bilong ofa bilong em i go long BIKPELA em i stap bilong ol pisin samting, orait em i mas bringim ofa bilong em i long ol pisin ol i kolim turtel dov o long ol yangpela pisin.

1:15  Na pris i mas bringim dispela i kam long alta na rausim het bilong em na kukim dispela antap long alta. Na pris i mas holim em strong inap long blut i kapsait long sait bilong alta.

1:16  Na pris i mas rausim bilum bilong holim kaikai bilong pisin wantaim ol gras bilong em na tromoi dispela long sait bilong alta long hap san kamap long ples bilong ol sit bilong paia.

1:17  Na pris i mas brukim dispela wantaim ol wing bilong em, tasol em i no ken brukim long tupela hap. Na pris i mas kukim dispela antap long alta, em antap long diwai i stap antap long paia. Dispela em i sakrifais i kuk olgeta na wanpela ofa pris i mekim long paia bilong i stap wanpela switpela smel i go long BIKPELA.

Chapter 2

2:1  ¶ Na taim wanpela i laik ofaim wanpela ofa bilong kaikai i go long BIKPELA, ofa bilong em i mas i stap plaua i gutpela tru na em i mas kapsaitim wel antap long dispela na putim sanda frankinsens antap long em.

2:2  Na em i mas bringim dispela long ol pikinini man bilong Eron, em ol pris. Na em i mas pulapim han bilong em bilong dispela plaua na bilong dispela wel wantaim olgeta bilong dispela sanda frankensens. Na pris i mas kukim dispela hap bilong holim tingting bilong dispela antap long alta long i stap wanpela ofa ol i wokim long paia bilong i kamap wanpela switpela smel i go long BIKPELA.

2:3  Na hap i stap yet bilong dispela ofa bilong kaikai bai i bilong Eron na ol pikinini man bilong em. Dispela em i wanpela samting i holi olgeta bilong ol ofa bilong BIKPELA i kamap long paia.

2:4  Na sapos yu bringim i kam klostu long alta wanpela ofa bilong kaikai yu bin kukim long aven, dispela mas i stap kek i no gat yis bilong plaua i gutpela tru yu bin abusim wantaim wel o bisket i no gat yis yu bin putim wel antap long em.

2:5  Na sapos yu laik bringim klostu long alta wanpela ofa bilong kaikai yu bin kukim long sospen, dispela mas i stap long plaua i gutpela tru na i no gat yis na em i abusim wantaim wel.

2:6  Yu mas brukim dispela long ol hap na kapsaitim wel long ol. Dispela i stap wanpela ofa bilong kaikai.

2:7  Na sapos yu bringim i kam klostu long alta wanpela ofa bilong kaikai yu bin kukim long narakain sospen, dispela i mas i stap long plaua i gutpela tru wantaim wel.

2:8  Na yu mas bringim ofa bilong kaikai yu bin redim long ol dispela samting na i go long BIKPELA. Na taim yu givim dispela long pris, em i mas bringim dispela i go long alta.

2:9  Na pris i mas tekewe long dispela ofa bilong kaikai, wanpela hap bilong dispela bilong holim tingting na em i mas kukim dispela i go long alta. Dispela i stap wanpela ofa i kamap long paia bilong i kamap wanpela switpela smel i go long BIKPELA.

2:10  Na dispela samting i stap yet bilong dispela ofa bilong kaikai bai i bilong Eron na ol pikinini man bilong em. Dispela em i wanpela samting i holi olgeta bilong ol ofa bilong BIKPELA i kamap long paia.

2:11  ¶ Yupela i no ken bringim long BIKPELA wanpela ofa bilong kaikai yupela bin mekim wantaim yis. Long wanem yupela i no ken kukim yis o hani long wanpela ofa bilong BIKPELA i kamap long paia.

2:12  Na bilong bringim ol namba wan kaikai i kamap long gaden i kam klostu long alta, yupela mas ofaim ol i go long BIKPELA, tasol yu no ken kukim olgeta ol antap long alta bilong i kamap wanpela switpela smel.

2:13  Na olgeta ofa bilong kaikai yu bringim i kam klostu long alta, yu mas putim sol long em. Na tu yu no ken larim sol bilong kontrak bilong God bilong yu i kamap sot long ofa bilong kaikai bilong yu. Yu mas ofaim sol wantaim olgeta ofa bilong yu.

2:14  Na sapos yu ofaim wanpela ofa bilong kaikai bilong ol namba wan kaikai i kamap long gaden bilong yu i go long BIKPELA, yu mas ofaim bilong dispela ofa bilong kaikai i bilong ol namba wan kaikai i kamap long gaden, ol bung bilong pikinini bilong wit samting i no mau olgeta, yu bin mekim i kamap drai klostu long paia, em pikinini wit samting yu bin paitim bilong lusim bung bilong ol.

2:15  Na yu mas putim wel antap long dispela na slipim sanda frankensens antap long em. Em i stap wanpela ofa bilong kaikai.

2:16  Na pris i mas kukim hap bilong holim tingting bilong dispela, em hap bilong wit samting yu bin paitim em na hap bilong wel bilong em wantaim olgeta sanda frankensens bilong em. Dispela em i wanpela ofa i kamap long paia na i go long BIKPELA.

Chapter 3

3:1  ¶ Na sapos dispela samting em i laik bringim klostu long alta em i sakrifais bilong givim bel isi, na sapos em i ofaim dispela bilong bung bilong bulmakau samting, maski em i man o meri, em i mas ofaim dispela, tasol ofa i no ken i gat mak nogut long em long pes bilong BIKPELA.

3:2  Na em i mas putim han bilong em antap long het bilong ofa bilong em na kilim i dai dispela long dua bilong haus sel holi bilong bung bilong ol manmeri. Na ol pikinini man bilong Eron, em ol pris, ol i mas tromoi isi isi dispela blut antap long alta raun nabaut.

3:3  Na em i mas mekim sakrifais bilong dispela ofa bilong givim bel isi. Em i ofa ol i mekim long paia i go long BIKPELA, em ol gris i karamapim ol insait bilong bel na olgeta gris i stap antap long ol insait bilong bel,

3:4  Na tupela namba tri lewa kidni na gris i stap long antap ol na ol i stap klostu long sait na hap bilong bel ol i kolim kaul i stap antap long namba tu lewa liva na wantaim tupela kidni, pris i mas tekewe dispela.

3:5  Na ol pikinini man bilong Eron mas kukim dispela antap long alta na antap long sakrifais i kuk olgeta na em i stap antap long diwai na dispela i stap antap long paia. Dispela em i wanpela ofa i kamap long paia, bilong i kamap wanpela switpela smel i go long BIKPELA.

3:6  ¶ Na sapos ofa bilong em i stap wanpela sakrifais bilong givim bel isi i go long BIKPELA na dispela i stap bilong ol bung bilong sipsip o meme.Ofa i ken i stap man o meri, tasol em i mas ofaim wanpela i no gat wanpela mak nogut.

3:7  Sapos em i ofaim wanpela pikinini sipsip bilong i stap ofa bilong em, long dispela taim em i mas ofaim dispela long pes bilong BIKPELA.

3:8  Na em i mas putim han bilong em antap long het bilong ofa bilong em, na kilim i dai dispela long pes bilong haus sel holi bilong bung bilong ol manmeri, na ol pikinini man bilong Eron i mas tromoi isi isi blut bilong dispela raun nabaut antap long alta.

3:9  Na em i mas ofaim bilong dispela sakrifais bilong givim bel isi wanpela ofa i kamap long paia na i go long BIKPELA, em i gris bilong dispela na olgeta bilong baksait, na em i mas tekewe dispela klostu long bikpela bun bilong baksait, na gris i karamapim ol insait bilong bel na olgeta gris i stap antap long ol insait bilong bel,

3:10  Na dispela tupela namba tri lewa kidni na gris i stap antap long tupela na ol i stap klostu long sait na hap bilong bel ol i kolim kaul i stap antap long namba tu lewa liva wantaim tupela kidni, em i mas tekewe dispela.

3:11  Na pris i mas kukim dispela antap long alta. Dispela em i kaikai bilong dispela ofa i kamap long paia na i go long BIKPELA.

3:12  Na sapos ofa bilong em i stap wanpela meme, long dispela taim em i mas ofaim dispela long pes bilong BIKPELA.

3:13  Na em i mas putim han bilong em antap long het bilong dispela na kilim i dai dispela long pes bilong haus sel holi bilong bung bilong ol manmeri na ol pikinini man bilong Eron i mas tromoi blut bilong dispela raun nabaut antap long alta.

3:14  Na em i mas ofaim dispela ofa bilong em, em ofa i kamap long paia na i go long BIKPELA. Em gris i karamapim ol insait bilong bel na olgeta gris i stap antap long ol insait bilong bel,

3:15  Na tupela namba tri lewa kidni na gris i stap antap long tupela, na tupela i stap klostu long sait, na hap bilong bel ol i kolim kaul i stap antap long namba tu lewa liva wantaim tupela kidni na em i mas tekewe ol dispela.

3:16  Na pris i mas kukim ol antap long alta. Dispela em i kaikai bilong dispela ofa i kamap long paia bilong i kamap switpela smel. Na olgeta gris i bilong BIKPELA.

3:17  Dispela mas i stap wanpela lo i stap long buk na i bilong oltaim na i bilong lain bilong yupela i kamap bihain long olgeta ples yupela i stap long em, em i olsem, yupela i no ken kaikai gris o blut.

Chapter 4

4:1  ¶ Na BIKPELA i toktok long Moses na tok,

4:2  Toktok long ol pikinini bilong Isrel na tok, Sapos wanpela tewel bai i no save gut na sin long birua long wanpela samting bilong ol strongpela tok bilong BIKPELA na long ol samting em i no ken mekim na em i mekim samting i birua long wanpela bilong ol,

4:3  Sapos dispela pris ol i bin makim long wel em i mekim sin bilong bihainim sin bilong dispela manmeri, long dispela taim larim em i bringim, bilong sin bilong em em i bin mekim sin long dispela, wanpela yangpela bulmakau man i no gat wanpela mak nogut long em i kam long BIKPELA bilong i stap wanpela ofa bilong sin.

4:4  Na em i mas bringim dispela bulmakau man i kam long dua bilong haus sel holi bilong bung bilong ol manmeri long pes bilong BIKPELA. Na em i mas putim han bilong em antap long het bilong dispela bulmakau man na kilim i dai dispela bulmakau man long pes bilong BIKPELA.

4:5  Na dispela pris ol i bin makim long wel em i mas kisim sampela bilong ol blut bilong dispela bulmakau man na em i mas bringim dispela long haus sel holi bilong bung bilong ol manmeri.

4:6  Na dispela pris i mas putim pinga bilong em long dispela blut na tromoi isi isi sampela bilong blut sevenpela taim long pes bilong BIKPELA, em long pes bilong dispela laplap bilong ples holi.

4:7  Na pris i mas putim sampela bilong blut antap long ol kom bilong alta bilong switpela smel long pes bilong BIKPELA na dispela i stap insait long haus sel holi bilong bung bilong ol manmeri. Na em i mas kapsaitim olgeta bilong blut bilong dispela bulmakau man long as bilong alta bilong kukim ol ofa, na dispela i stap long dua bilong haus sel holi bilong bung bilong ol manmeri.

4:8  Na em i mas tekewe long em olgeta gris bilong dispela bulmakau man bilong ofa bilong sin, em gris i karamapim ol bel na olgeta gris i stap antap long bel,

4:9  Na tupela namba tri lewa kidni na gris i stap antap long ol, na dispela i stap klostu long ol sait na hap bilong bel ol i kolim kaul i stap antap long namba tu lewa liva wantaim tupela kidni, na em i mas tekewe dispela.

4:10  Em olsem pris i bin tekewe dispela long bulmakau man bilong sakrifais bilong ol ofa bilong givim bel isi. Na pris i mas kukim ol antap long alta bilong kukim ol ofa.

4:11  Na skin bilong bulmakau man na olgeta mit bilong em wantaim het bilong em na wantaim ol lek bilong em na ol bel bilong em na pekpek bilong em,

4:12  Em olgeta bilong dispela bulmakau man pris i mas karim dispela ausait long kem long wanpela klinpela ples em ples ol i bin kapsaitim ol sit bilong paia. Na pris i mas kukim bulmakau antap long diwai long paia. Em ples ol i bin kapsaitim ol sit bilong paia pris i mas kukim olgeta dispela bulmakau man.

4:13  ¶ Na sapos olgeta bilong bung bilong ol manmeri bilong Isrel i sin long ol i no bin save, na dispela samting i stap hait long ol ai bilong dispela bung, na ol i bin mekim sampela samting i birua long wanpela bilong ol dispela strongpela tok bilong BIKPELA long ol samting ol i no ken mekim na ol i gat asua long dispela,

4:14  Taim ol i save long dispela sin ol i bin mekim na i birua long ol strongpela tok bilong BIKPELA, long dispela taim bung bilong ol manmeri mas ofaim wanpela yangpela bulmakau man bilong dispela sin na bringim em long pes bilong haus sel holi bilong bung bilong ol manmeri.

4:15  Na ol lapun hetman bilong dispela bung bilong ol manmeri i mas putim ol han bilong ol antap long het bilong dispela bulmakau man long pes bilong BIKPELA. Na ol i mas kilim i dai dispela bulmakau man long pes bilong BIKPELA.

4:16  Na dispela pris i bin kisim mak long wel, em i mas bringim sampela blut bilong bulmakau man long haus sel holi bilong bung bilong ol manmeri.

4:17  Na dispela pris i mas putim pinga bilong em long sampela bilong dispela blut na tromoi isi isi dispela sevenpela taim long pes bilong BIKPELA, em long pes bilong laplap.

4:18  Na em i mas putim sampela bilong dispela blut antap long ol kom bilong alta i stap long pes bilong BIKPELA, na dispela i stap insait long haus sel holi bilong bung bilong ol manmeri. Na em i mas kapsaitim olgeta blut long as bilong alta bilong kukim ol ofa i stap long dua bilong haus sel holi bilong bung bilong ol manmeri.

4:19  Na pris i mas kisim olgeta gris bilong bulmakau na kukim dispela antap long alta.

4:20  Na pris i mas mekim long dispela bulmakau man olsem em i bin mekim long bulmakau man bilong ofa bilong sin, em i mas mekim olsem long dispela. Na pris i mas mekim ofa bilong karamapim long mekim i kamap wanbel i bilong ol, na BIKPELA bai pogivim ol long dispela sin.

4:21  Na pris i mas karim dispela bulmakau man i go ausait long kem na kukim em olsem em i kukim dispela namba wan bulmakau man. Dispela em i ofa bilong sin bilong dispela bung bilong ol manmeri.

4:22  ¶ Taim wanpela hetman i bin mekim sin na em i no save tasol em i bin mekim sampela samting i birua long wanpela bilong ol strongpela tok bilong BIKPELA, em God bilong em, long ol samting em i no ken mekim na em i gat asua long dispela,

4:23  O sapos em i kisim save long sin bilong em long samting em i mekim sin, em i mas bringim ofa bilong em, em wanpela pikinini man bilong ol meme na em i no gat mak nogut long em.

4:24  Na em i mas putim han bilong em antap long het bilong dispela meme na kilim em i dai long ples ol i kilim i dai ofa i kuk olgeta long pes bilong BIKPELA. Dispela em i wanpela ofa bilong sin.

4:25  Na pris i mas kisim sampela bilong blut bilong dispela ofa bilong sin long pinga bilong em na putim dispela antap long ol kom bilong alta bilong kukim ol ofa, na em i mas kapsaitim blut bilong dispela meme long as bilong alta bilong kukim ol ofa.

4:26  Na pris i mas kukim olgeta gris bilong meme antap long alta, olsem gris bilong dispela sakrifais bilong ol ofa bilong givim bel isi. Na pris i mas mekim ofa bilong karamapim long mekim i kamap wanbel i bilong em long daunim sin bilong em na BIKPELA bai pogivim em long dispela.

4:27  ¶ Na sapos wanpela bilong ol manmeri i no gat namba i no save na mekim sin taim em i mekim sampela samting i birua long wanpela bilong ol strongpela tok bilong BIKPELA long ol samting em i no ken mekim na em i gat asua long dispela,

4:28  O sapos em i kisim save long sin bilong em, em i bin mekim, long dispela taim em i mas bringim ofa bilong em, em wanpela pikinini meri bilong ol meme na em i no gat mak nogut, na dispela em i bilong sin bilong em i bin mekim.

4:29  Na em i mas putim han bilong em antap long het bilong dispela ofa bilong sin na kilim i dai dispela ofa bilong sin long ples bilong kukim ofa.

4:30  Na pris i mas kisim sampela bilong blut bilong dispela long pinga bilong em na putim dispela antap long ol kom bilong alta bilong kukim ofa, na em i mas kapsaitim olgeta blut bilong em long as bilong alta.

4:31  Na em i mas tekewe olgeta gris bilong dispela olsem ol i tekewe gris bilong dispela sakrifais bilong ol ofa bilong givim bel isi, na pris i mas kukim dispela antap long alta bilong wanpela switpela smel i go long BIKPELA. Na pris i mas mekim ofa bilong karamapim long mekim i kamap wanbel i bilong em. Na BIKPELA bai pogivim em long dispela.

4:32  Na sapos em i bringim wanpela pikinini sipsip bilong wanpela ofa bilong sin, em i mas bringim wanpela i meri na i no gat wanpela mak nogut long em.

4:33  Na em i mas putim han bilong em antap long het bilong dispela ofa bilong sin na kilim i dai dispela bilong i stap wanpela ofa bilong sin long ples ol i kilim i dai ofa bilong kuk olgeta.

4:34  Na pris i mas kisim sampela bilong blut bilong dispela ofa bilong sin long pinga bilong em na putim dispela antap long ol kom bilong alta bilong kukim ofa. Na em i mas kapsaitim olgeta blut bilong dispela long as bilong alta.

4:35  Na em i mas tekewe olgeta gris bilong dispela, olsem em i tekewe gris bilong pikinini sipsip i sakrifais bilong i stap ofa bilong givim bel isi. Na pris i mas kukim ol antap long alta bilong bihainim ol ofa em i mekim long paia na i go long BIKPELA. Na pris i mas mekim ofa bilong karamapim long mekim i kamap wanbel i bilong sin bilong em, em i bin mekim, na BIKPELA bai pogivim em long dispela.

Chapter 5

5:1  ¶ Na sapos wanpela tewel i mekim sin na harim nek bilong wanpela i tok long narapela i mas kisim bagarap, na em i stap wanpela witnes, sapos em i bin lukim dispela o em i bin save long dispela, sapos em i no tokaut long dispela, long dispela taim em i mas karim sin nogut bilong em.

5:2  O sapos wanpela tewel i putim han long wanpela samting i no klin sapos dispela i stap wanpela bodi i dai pinis bilong wanpela animal i no klin o wanpela bodi i dai pinis bilong bulmakau samting i no klin o wanpela bodi i dai pinis bilong ol binatang samting i no klin, na sapos dispela i stap hait long em, em tu i mas i stap i no klin na i gat asua long dispela.

5:3  O sapos em i putim han long ol samting i no klin bilong man, long wanem kain samting i no klin i stap long wanpela man i mas i stap doti long ai bilong God long dispela, na dispela i stap hait long em, taim em i save long dispela, long dispela taim em i mas i gat asua long dispela.

5:4  O sapos wanpela tewel i tok tru antap nating long arere bilong maus bilong em long mekim pasin nogut o long mekim gutpela pasin, long wanem samting i stap long wanpela man bai mekim toktok long wanpela tok tru antap na dispela i stap hait long em, taim em i save long dispela, long dispela taim em i mas i gat asua long wanpela bilong ol dispela.

5:5  Na em i mas i stap olsem, taim em i mas i gat asua long wanpela bilong ol dispela samting, orait em i mas tok yes long em i bin mekim sin long dispela samting.

5:6  Na em i mas bringim ofa bilong sakim lo bilong em i go long BIKPELA bilong sin bilong em, em i bin mekim sin long dispela, em wanpela meri i kam long bung bilong sipsip samting, wanpela pikinini sipsip o wanpela pikinini bilong ol meme bilong i stap wanpela ofa bilong sin. Na pris i mas mekim ofa bilong karamapim long mekim i kamap wanbel i bilong em long sin bilong em.

5:7  ¶ Na sapos em i no inap long bringim wanpela pikinini sipsip, orait em i mas bringim bilong dispela pasin bilong sakim lo bilong em, em i bin mekim, tupela pisin balus o tupela yangpela pisin i go long BIKPELA. Wanpela bilong i stap ofa bilong sin na arapela bilong i stap ofa i kuk olgeta.

5:8  Na em i mas bringim tupela i go long pris. Na pris i mas ofaim wanpela i stap ofa bilong sin pastaim, na rausim het bilong em long nek bilong em, tasol em i no ken brukim dispela long tupela hap.

5:9  Na pris i mas tromoi isi isi sampela bilong dispela blut bilong ofa bilong sin antap long sait bilong alta na olgeta i stap yet bilong dispela blut, em i mas rausim dispela i go long as bilong alta. Dispela em i ofa bilong sin.

5:10  Na em i mas ofaim namba tu pisin bilong i stap wanpela ofa i kuk olgeta, bilong bihainim pasin bilong mekim dispela. Na pris i mas mekim ofa bilong karamapim long mekim i kamap wanbel i bilong em bilong dispela sin bilong em, em i bin mekim sin long em, na BIKPELA bai pogivim em long dispela.

5:11  Tasol sapos em i no inap bringim tupela pisin balus o tupela yangpela pisin, orait man i bin mekim sin i mas bringim bilong i stap ofa bilong em namba ten hap bilong wanpela ipa bilong gutpela plaua bilong i stap wanpela ofa bilong sin. Em i no ken putim wel antap long dispela na tu em i no ken putim sanda frankensens antap long dispela. Long wanem em i ofa bilong sin.

5:12  Long dispela taim em i mas bringim dispela long pris na pris i mas kisim han bilong em i pulap long dispela, em wanpela samting bilong holim tingting bilong dispela, na kukim dispela antap long alta, bilong bihainim ol ofa em i mekim long paia i go long BIKPELA. Em i wanpela ofa bilong sin.

5:13  Na pris i mas mekim ofa bilong karamapim long mekim i kamap wanbel i bilong em long dispela sin bilong em, em i bin mekim sin long wanpela bilong ol dispela. Na BIKPELA bai pogivim em long dispela. Na ol plaua i stap yet mas i stap bilong pris olsem wanpela ofa bilong kaikai.

5:14  ¶ Na BIKPELA i toktok long Moses na tok,

5:15  Sapos wanpela tewel i sakim lo na mekim sin long wanem em i no save long ol samting holi bilong BIKPELA, long dispela taim em i mas bringim i kam long BIKPELA bilong pasin bilong sakim lo bilong em, wanpela sipsip man i no gat mak nogut i kamaut long ol bung bilong sipsip, wantaim hamas yu tingim em i mas givim long ol sekel bilong silva i bihainim sekel bilong ples holi bilong i stap wanpela ofa bilong dispela pasin bilong sakim lo.

5:16  Na em i mas wok long stretim dispela rong em i bin mekim long dispela samting i holi na em i mas brukim dinau bilong em long faipela hap na bungim sikispela hap bilong dispela na givim dispela long pris. Na pris i mas mekim ofa bilong karamapim long mekim i kamap wanbel i bilong em long dispela sipsip man bilong ofa bilong pasin bilong sakim lo, na BIKPELA bai pogivim em long dispela.

5:17  Na sapos wanpela tewel i sin na mekim wanpela bilong ol dispela samting i tambu long mekim long ol strongpela tok bilong BIKPELA, maski em i no save long dispela, em i gat asua na em i mas karim sin nogut bilong em.

5:18  Na em i mas bringim wanpela sipsip man i no gat mak nogut i kamaut long bung bilong sipsip na mani bilong stretim dispela i mas bihainim tingting bilong yu, bilong i stap ofa bilong pasin bilong sakim lo na dispela i go long pris. Na pris i mas mekim ofa bilong karamapim long mekim i kamap wanbel i bilong em long em i no save na long dispela em i mekim rong na em i no save long dispela na BIKPELA bai pogivim em long dispela.

5:19  Em i ofa bilong pasin bilong sakim lo. Tru tumas em i bin mekim pasin bilong sakim lo i birua long BIKPELA.

Chapter 6

6:1  ¶ Na BIKPELA i toktok long Moses na tok,

6:2  Sapos wanpela tewel i sin na mekim pasin bilong sakim lo i birua long BIKPELA na giaman long man i stap klostu long em long dispela samting em i bin givim long em long lukautim o long mak bilong bekim o long wanpela samting em i bin tekewe long pasin bilong paitim narapela o em i bin giamanim man i stap klostu long em,

6:3  O em i lukim dispela samting i bin stap lus na em i giaman long dispela na giaman long tok tru antap bilong em, long wanpela bilong olgeta bilong ol dispela long man i ken mekim na mekim sin long em,

6:4  Orait em i mas stap olsem, long wanem em i bin mekim sin na i gat asua, olsem na em i mas bekim dispela samting em i bin paitim narapela bilong kisim o dispela samting em i bin kisim long pasin giaman o dispela samting narapela i bin givim em long lukautim, o dispela samting i bin lus na em i lukim,

6:5  O olgeta samting em i bin giaman long tok tru antap bilong em, em i mas bekim dispela na em i mas kisim narapela wankain samting na brukim long faipela hap na bungim namba faiv hap wantaim ol samting em i bin bekim na em i mas givim dispela long man em i bin giamanim, long de bilong givim ofa long pasin bilong sakim lo bilong em.

6:6  Na em i mas bringim i kam long pris ofa bilong pasin bilong sakim lo i bilong em na i go long BIKPELA, em wanpela sipsip man i no gat mak nogut na i kamaut long bung bilong sipsip i bihainim tingting bilong yu, bilong i stap ofa bilong asua.

6:7  Na pris i mas mekim ofa bilong karamapim long mekim i kamap wanbel i bilong em long pes bilong BIKPELA. Na BIKPELA bai pogivim em long olgeta samting em i bin mekim long pasin bilong sakim lo long dispela.

6:8  ¶ Na BIKPELA i toktok long Moses, na tok,

6:9  Givim strongpela tok long Eron na ol pikinini man bilong em na tok, Dispela em i lo bilong ofa i kuk olgeta. Dispela em i ofa i kuk olgeta long wanem em i kuk antap long alta olgeta hap bilong nait inap long moningtaim na paia bilong alta i mas i stap insait long em bilong kukim dispela.

6:10  Na pris i mas putim naispela waitpela klos bilong em na naispela waitpela trausis bilong em i go long skin bilong em na kisim ol sit bilong paia, paia i bin pinisim ol diwai wantaim ofa i kuk olgeta antap long alta, na em i mas putim ol dispela klostu long alta.

6:11  Na em i mas lusim ol klos bilong em na putim arapela klos long em na karim ol dispela sit bilong paia i go ausait long kem long wanpela ples i klin.

6:12  Na dispela paia antap long alta mas i kuk long em. Wanpela i no ken kilim i dai dispela paia na pris i mas kukim ol diwai antap long alta olgeta moning na putim ofa i kuk olgeta long stretpela we antap long em. Na pris i mas kukim gris bilong ol ofa bilong bel isi antap long em.

6:13  Dispela paia i mas kuk olgeta taim antap long alta, em i no ken i dai.

6:14  ¶ Na dispela em i lo bilong ofa bilong kaikai. Ol pikinini man bilong Eron i mas ofaim dispela long pes bilong BIKPELA na long pes bilong alta.

6:15  Na pris i mas kisim bilong dispela wanpela han bilong em i pulap long plaua bilong dispela ofa bilong kaikai na bilong ol wel bilong dispela na olgeta sanda frankensens i stap antap long ofa bilong kaikai. Na em i mas kukim dispela antap long alta bilong i stap wanpela switpela smel, em bilong holim tingting long dispela i go long BIKPELA.

6:16  Na wanem samting i stap yet bilong dispela Eron na ol pikinini man bilong em i mas kaikai. Ol i mas kaikai dispela wantaim bret i no gat yis long ples holi. Em long insait bilong banis bilong haus sel holi bilong bung bilong ol manmeri ol i mas kaikai dispela.

6:17  Ol i no ken kukim dispela long aven wantaim yis. Mi bin givim dispela long ol bilong i stap hap skel bilong ol bilong ol ofa bilong Mi ol i mekim long paia. Dispela em i holi olgeta olsem ofa bilong sin na olsem ofa bilong pasin bilong sakim lo.

6:18  Olgeta man na pikinini man namel long ol pikinini bilong Eron mas kaikai bilong dispela. Dispela mas i stap wanpela lo i stap long buk oltaim oltaim long ol lain tumbuna bilong yupela na i tokaut long ol ofa bilong BIKPELA ol i mekim long paia. Olgeta i holim isi ol, ol i mas stap holi.

6:19  Na BIKPELA i toktok long Moses, na tok,

6:20  Dispela em i ofa bilong Eron na bilong ol pikinini man bilong em. Ol i mas ofaim dispela i go long BIKPELA long de yu putim wel bilong makim em. Em namba ten hap bilong wanpela ipa bilong gutpela plaua bilong wanpela ofa bilong kaikai i kamap olgeta taim, hap bilong dispela long moningtaim na hap bilong em long nait.

6:21  Yu mas mekim dispela long wanpela praipan wantaim wel na taim dispela i kuk long aven, yu mas bringim dispela insait. Na yu mas bringim ol hap i kuk long aven bilong dispela ofa bilong kaikai na yu mas ofaim dispela bilong i stap wanpela switpela smel i go long BIKPELA.

6:22  Na dispela pris i bilong ol pikinini man bilong em na em i bin welim bilong makim long kisim wok bilong papa bilong em, em i mas ofaim dispela. Dispela em i wanpela lo i stap long buk oltaim oltaim i go long BIKPELA. Paia i mas kukim na pinisim olgeta hap bilong dispela.

6:23  Long wanem olgeta wan wan ofa bilong kaikai bilong pris i mas kuk olgeta long paia. Wanpela i no ken kaikai dispela.

6:24  ¶ Na BIKPELA i toktok long Moses na tok,

6:25  Toktok long Eron na long ol pikinini man bilong em, na tok, Dispela em i lo bilong ofa bilong sin. Long ples yupela i kilim i dai ofa i kuk olgeta, yupela mas kilim i dai dispela ofa bilong sin, em long pes bilong BIKPELA. Dispela em i holi olgeta.

6:26  Pris i ofaim dispela i bilong sin, em i mas kaikai dispela. Em i mas kaikai dispela long dispela ples i holi, em long insait long banis bilong haus sel holi bilong bung bilong ol manmeri.

6:27  Wanem samting bai tasim dispela mit bilong ofa mas i stap holi. Na taim ol i tromoi isi isi blut bilong dispela i stap long wanpela hap bilong klos, yu mas wasim dispela klos i bin kisim blut long ples holi.

6:28  Tasol sospen graun yu bin wasim ol long em, yu mas brukim dispela. Na sapos yu bin wasim long wanpela sospen bras, yu mas klinim strong dispela na bihain wasim long wara.

6:29  Olgeta man na pikinini man namel long ol pris i mas kaikai dispela. Em i holi olgeta.

6:30  Na no ken kaikai wanpela samting bilong wanpela ofa bilong sin na pris i kisim sampela bilong blut bilong dispela na bringim dispela insait long haus sel holi bilong bung bilong ol manmeri long yusim dispela long kamap wanbel wantaim God long ples holi. Dispela ofa i mas kuk olgeta long paia.

Chapter 7

7:1  Olsem tasol dispela em i lo bilong ofa bilong pasin bilong sakim lo. Dispela em i holi olgeta.

7:2  Long ples ol i kilim i dai ofa i kuk olgeta, ol i mas kilim i dai ofa bilong pasin bilong sakim lo. Na em i mas tromoi isi isi blut bilong dispela raun nabaut antap long alta.

7:3  Na em i mas ofaim olgeta gris bilong dispela na baksait bilong dispela na gris i karamapim insait bilong bel,

7:4  Na tupela namba tri lewa kidni na gris i stap antap long ol, na dispela i stap klostu long sait na kaul i stap antap long namba tu lewa liva wantaim ol kidni, em i mas tekewe dispela kaul.

7:5  Na pris i mas kukim ol antap long alta bilong i stap wanpela ofa em i mekim long paia na i go long BIKPELA. dispela em i ofa bilong pasin bilong sakim lo.

7:6  Olgeta man na pikinini man namel long ol pris i mas kaikai dispela. Ol i mas kaikai dispela long ples holi. Dispela em i holi olgeta.

7:7  Olsem ofa bilong sin olsem tasol em i ofa bilong pasin bilong sakim lo. Em i gat wanpela lo bilong tupela. Pris i mekim ofa bilong karamapim long mekim i kamap wanbel, em i mas kisim dispela.

7:8  Na pris i ofaim ofa i kuk olgeta bilong wanpela man, yes dispela pris i mas kisim long em yet skin bilong dispela ofa i kuk olgeta em i bin ofaim dispela.

7:9  Na olgeta ofa bilong kaikai ol i kuk long aven na olgeta ofa i kuk long praipan na long sospen, ol i mas i stap bilong pris i bin ofaim dispela.

7:10  Na olgeta wan wan ofa bilong kaikai ol i bungim wantaim wel na i no gat wel, olgeta pikinini man bilong Eron bai kisim dispela, wanpela i wankain olsem narapela.

7:11  ¶ Na dispela em i lo bilong sakrifais bilong ol ofa bilong givim bel isi, na em i mas ofaim dispela i go long BIKPELA.

7:12  Sapos em i ofaim dispela bilong givim wanpela tenkyu, long dispela taim em i mas ofaim wantaim dispela sakrifais bilong givim tenkyu, ol bret i no gat yis em i abusim wantaim wel na ol bisket i no gat yis na em i putim wel antap long ol, na ol bret em i abusim wantaim wel i bilong gutpela plaua em i kukim long praipan.

7:13  Na moa yet long ol dispela bret i no gat yis, em i mas ofaim long ofa bilong em bret i gat yis wantaim dispela sakrifais bilong givim tenkyu bilong ol ofa bilong givim bel isi bilong em.

7:14  Na bilong dispela em i mas ofaim wanpela bilong olgeta hap bilong dispela ofa bilong i stap wanpela ofa bilong litimapim i go long BIKPELA. Na dispela mas i stap bilong pris i tromoi isi isi dispela blut bilong ofa bilong givim bel isi.

7:15  Na mit bilong dispela sakrifais bilong ofa bilong givim bel isi bilong givim tenkyu, em i mas kaikai dispela long de ofa i kamap. Em i no ken larim wanpela hap bilong em i stap inap long moningtaim.

7:16  Tasol sapos dispela sakrifais bilong ofa bilong em i stap wanpela strongpela promis i go long God o wanpela ofa i kamap long laik bilong em yet, em i mas kaikai dispela long de em i ofaim sakrifais bilong em, na long de bihain tu em i ken kaikai hap bilong dispela i stap yet.

7:17  Tasol ol samting bilong mit bilong dispela sakrifais i stap yet long namba tri de em i mas kukim dispela olgeta long paia.

7:18  Na sapos wanpela hap bilong mit bilong dispela sakrifais bilong ofa bilong givim bel isi bilong en i stap yet na em i kaikai liklik bilong dispela long namba tri de, BIKPELA i no orait long dispela, na tu BIKPELA i no tingim dispela bilong helpim man i bin ofaim dispela. Dispela bai stap sting pasin long tingting bilong BIKPELA, na tewel i kaikai sampela bilong dispela mas karim sin nogut bilong em.

7:19  Na mit i tasim wanpela samting i no klin, yu no ken kaikai dispela. Yu mas kukim em olgeta long paia. Na bilong mit i no bin tasim olgeta i stap klin ol i mas kaikai dispela.

7:20  Tasol tewel i kaikai sampela bilong dispela mit bilong sakrifais bilong ol ofa bilong givim bel isi, na ol i samting i go long BIKPELA, na em i gat pasin bilong i no stap klin i stap antap long em, yes ol i mas bagarapim bilong rausim dispela tewel long lain manmeri bilong em.

7:21  Na moa tu tewel i bai putim han long wanpela samting i no klin, olsem wanem samting i no klin bilong man, o wanpela animal i no klin, o wanpela samting i sting tru long tingting bilong God na i no klin, na dispela tewel i kaikai sampela bilong dispela mit bilong sakrifais bilong ol ofa bilong givim bel isi na em i samting i go long BIKPELA, na em i gat dispela pasin bilong i no stap klin antap long em, yes ol i mas bagarapim bilong rausim dispela tewel long lain manmeri bilong em.

7:22  Na BIKPELA i toktok long Moses na tok,

7:23  Toktok long ol pikinini bilong Isrel, na tok, Yupela i no ken kaikai gris bilong wanpela samting, em bilong bulmakau man o bilong sipsip o bilong meme.

7:24  Na gris bilong animal i dai pinis nating na gris bilong dispela samting narapela animal i bin bagarapim, yupela ken yusim long ol arapela kain wok. Tasol yupela i no ken kaikai sampela bilong dispela.

7:25  Long wanem, wanem man i kaikai gris bilong dispela animal i bilong kain animal ol man i ofaim wanpela ofa ol i mekim long paia na i go long BIKPELA, yes dispela tewel i kaikai dispela, yupela mas bagarapim bilong rausim em long lain manmeri bilong em.

7:26  Na moa tu yupela i no ken kaikai blut, maski em i stap blut bilong pisin o bilong animal long ol haus bilong yupela.

7:27  Wanem tewel i stap na em i kaikai blut, yupela mas bagarapim bilong rausim dispela tewel long lain manmeri bilong em.

7:28  Na BIKPELA i toktok long Moses na tok,

7:29  Toktok long ol pikinini bilong Isrel, na tok, Man i ofaim dispela sakrifais bilong ol ofa bilong givim bel isi i go long BIKPELA, em i mas bringim ofa bilong em i kam long BIKPELA bilong dispela sakrifais bilong ol ofa bilong givim bel isi bilong em.

7:30  Tupela han bilong em yet i mas bringim ol ofa bilong BIKPELA i kamap long paia. Em i mas bringim gris wantaim bros bilong dispela, bai pris i ken mekim dispela bros i kam i go bilong i stap wanpela ofa bilong i kam i go na i kamap long pes bilong BIKPELA.

7:31  Na dispela pris mas kukim gris antap long alta. Tasol bros mas i bilong Eron na ol pikinini man bilong em.

7:32  Na sol i bilong han sut yupela mas givim i go long pris bilong i stap wanpela ofa bilong litimapim bilong ol sakrifais bilong ol ofa bilong givim bel isi bilong yupela.

7:33  Man i stap namel long ol pikinini man bilong Eron i ofaim blut bilong ol ofa bilong givim bel isi na gris bilong dispela, em i mas kisim sol bilong han sut bilong ofa i bilong i stap hap bilong em.

7:34  Long wanem bros bilong i kam i go na sol bilong litimapim Mi bin kisim bilong ol pikinini bilong Isrel long lusim ol sakrifais bilong ol ofa bilong givim bel isi bilong ol. Na Mi bin givim ol i go long Eron dispela pris na long ol pikinini man bilong em long wanpela lo i stap long buk na i bilong oltaim oltaim long i stap namel long ol pikinini bilong Isrel.

7:35  ¶ Dispela em i hap skel bilong dispela welim bilong makim bilong Eron na bilong welim bilong makim bilong ol pikinini man bilong em. Em i kam long ol ofa bilong BIKPELA i kamap long paia long dispela de Em makim ol ples klia long mekim wok i go long BIKPELA long dispela wok bilong pris.

7:36  BIKPELA i bin givim strongpela tok long dispela, bilong ol pikinini bilong Isrel i mas givim dispela long ol, long dispela de Em i welim bilong makim ol, long wanpela lo i stap long buk na i bilong oltaim oltaim, namel long ol lain tumbuna pikinini bilong ol.

7:37  Dispela em i lo bilong ofa i kuk olgeta na bilong ofa bilong kaikai na bilong ofa bilong sin na bilong ofa bilong pasin bilong sakim lo na bilong ofa bilong makim samting i bilong BIKPELA na bilong dispela sakrifais bilong ol ofa bilong givim bel isi.

7:38  BIKPELA i givim strongpela tok long dispela long Moses long maunten Sainai long dispela de em i givim strongpela tok long ol pikinini bilong Isrel long ofaim ol ofa bilong ol i go long BIKPELA long ples i no gat man bilong Sainai.

Chapter 8

8:1  ¶ Na BIKPELA i toktok long Moses, na tok,

8:2  Kisim Eron na ol pikinini man bilong em wantaim em na ol dispela klos na wel bilong welim bilong makim na wanpela bulmakau man bilong i stap ofa bilong sin na tupela sipsip man na wanpela basket bilong bret i no gat yis.

8:3  Na yu mas bungim wantaim olgeta bilong dispela bung bilong ol manmeri long dua bilong haus sel holi bilong bung bilong ol manmeri.

8:4  Na Moses i mekim olsem BIKPELA i givim strongpela tok long em. Na dispela lain i bung wantaim long dua bilong haus sel holi bilong bung bilong ol manmeri.

8:5  Na Moses i tok long dispela bung bilong ol manmeri olsem, Dispela em i dispela samting BIKPELA i bin givim strongpela tok long mekim.

8:6  Na Moses i bringim Eron na ol pikinini man bilong em na wasim ol long wara.

8:7  Na Moses i putim long Eron dispela longpela siot na pasim let long em na putim longpela saket long em na putim ifot long em. Na Moses i pasim em long dispela let bilong ifot na pasim ifot long em long dispela.

8:8  Na em i putim bilum i go long bros long em. Na tu Moses i putim Yurim na Tumim insait long dispela.

8:9  Na em i putim hat bilong hetpris antap long het bilong Eron. Na tu antap bilong dispela hat, yes long poret bilong em, Moses i putim dispela stretpela hap gol, em dispela samting i holi, olsem BIKPELA i givim strongpela tok long Moses.

8:10  Na Moses i kisim dispela wel bilong welim bilong makim na em i welim bilong makim dispela haus sel holi na olgeta samting i stap insait na makim ol i kamap holi.

8:11  Na em i tromoi isi isi sampela bilong dispela wel antap long alta sevenpela taim na welim bilong makim alta na olgeta samting bilong mekim wok long dispela. Na tu em i mekim long bikpela dis bilong waswas na fut bilong em wantaim long makim ol dispela i kamap holi.

8:12  Na Moses i kapsaitim sampela bilong dispela wel bilong makim antap long het bilong Eron na welim em bilong makim em long makim em i kamap holi.

8:13  Na Moses i bringim i kam ol pikinini man bilong Eron na em i putim ol saket long ol na pasim ol long ol let na putim ol hat bilong pris long ol, olsem BIKPELA i givim strongpela tok long Moses.

8:14  ¶ Na em i bringim bulmakau man bilong ofa bilong sin. Na Eron na ol pikinini man bilong em ol i putim ol han bilong ol antap long het bilong dispela bulmakau man bilong ofa bilong sin.

8:15  Na em i kilim i dai dispela bulmakau man na Moses i kisim blut na putim dispela antap long ol kom bilong alta raun nabaut long pinga bilong em, na dispela i klinim alta, na em i kapsaitim blut long as bilong alta na makim dispela i kamap holi long mekim wok bilong kamap wanbel antap long em.

8:16  Na em i kisim olgeta gris i stap antap long insait bilong bel na dispela kaul i stap antap long namba tu lewa liva na tupela namba tri lewa kidni na gris bilong ol, na Moses i kukim dispela antap long alta.

8:17  Tasol Moses i kukim olgeta long paia dispela bulmakau man na skin bilong em na mit bilong em na pekpek bilong em ausait long kem, olsem BIKPELA i givim strongpela tok long Moses.

8:18  Na Moses i bringim sipsip man bilong i stap ofa i kuk olgeta. Na Eron na ol pikinini man bilong em i putim ol han bilong ol antap long het bilong dispela sipsip man.

8:19  Na em i kilim i dai dispela na Moses i tromoi isi isi dispela blut antap long alta raun nabaut.

8:20  Na em i katim dispela sipsip man long ol hap. Na Moses i kukim olgeta dispela het na ol hap na gris.

8:21  Na em i wasim ol insait bilong bel na ol lek long wara na Moses i kukim olgeta hap bilong dispela sipsip man antap long alta. Dispela em i sakrifais i kuk olgeta bilong i stap wanpela switpela smel na wanpela ofa em i mekim long paia na i go long BIKPELA, olsem BIKPELA i givim strongpela tok long Moses.

8:22  Na em i bringim arapela sipsip man, em sipsip man bilong makim. Na Eron na ol pikinini man bilong em, ol i putim ol han bilong ol antap long het bilong dispela sipsip man.

8:23  Na em i kilim i dai dispela na Moses i kisim sampela bilong blut bilong dispela na putim dispela long arere bilong ia bilong han sut bilong Eron na long bikpela pinga long han sut bilong em na long bikpela pinga bilong fut bilong han sut bilong em.

8:24  Na em i bringim ol pikinini man bilong Eron, na Moses i putim sampela bilong dispela blut long arere bilong ia bilong han sut bilong ol na long bikpela pinga bilong ol han sut bilong ol na long ol bikpela pinga bilong fut bilong han sut bilong ol. Na Moses i tromoi isi isi dispela blut raun nabaut antap long alta.

8:25  Na em i kisim gris na baksait na olgeta gris i stap long insait bilong bel na kaul i stap antap long namba tu lewa liva na tupela namba tri lewa kidni na gris bilong ol na sol bilong han sut.

8:26  Na long lusim basket bilong ol bret i no gat yis i stap long pes bilong BIKPELA, em i kisim wanpela bret i no gat yis na wanpela bret ol i abusim wel long em na wanpela bisket, na em i putim ol antap long dispela gris na antap long sol bilong han sut.

8:27  Na em i putim olgeta bilong dispela long ol han bilong Eron na long ol han bilong ol pikinini man bilong em na ol i mekim ol dispela i kam i go bilong i stap wanpela ofa bilong i kam i go long pes bilong BIKPELA.

8:28  Na Moses i kisim ol dispela long lusim ol han bilong ol na em i kukim ol antap long alta antap long ofa i kuk olgeta, ol i stap samting bilong makim bilong i stap switpela smel. Dispela em i wanpela ofa i kamap long paia na i go long BIKPELA.

8:29  Na Moses i kisim bros bilong dispela na mekim dispela i kam i go bilong i stap wanpela ofa bilong i kam i go long pes bilong BIKPELA. Long wanem dispela hap bilong sipsip man bilong makim em i hap bilong Moses, olsem BIKPELA i givim strongpela tok long Moses.

8:30  Na Moses i kisim sampela bilong wel bilong makim na sampela bilong blut i stap antap long alta na em i tromoi isi isi dispela long Eron na long ol klos bilong em na long ol pikinini man bilong em na long ol klos bilong ol pikinini man bilong em i stap wantaim em. Na em i makim i kamap holi Eron na ol klos bilong em na ol pikinini man bilong em na ol klos bilong ol pikinini man bilong em i stap wantaim em.

8:31  ¶ Na Moses i tok long Eron na long ol pikinini man bilong em, Kukim wantaim wara dispela mit long dua bilong haus sel holi bilong bung bilong ol manmeri. Na long dispela ples yupela i mas kaikai dispela wantaim dispela bret i stap long basket bilong ol makim i olsem mi givim strongpela tok na tok, Eron na ol pikinini man bilong em i mas kaikai dispela.

8:32  Na wanem samting i stap yet bilong dispela mit na bilong dispela bret yupela i mas kukim long paia.

8:33  Na yupela no ken i go ausait long dua bilong haus sel holi bilong bung bilong ol manmeri long sevenpela de, inap long ol de bilong makim yupela i pinis. Long wanem sevenpela de em bai makim yupela.

8:34  Olsem em i bin mekim dispela de, olsem tasol BIKPELA i bin givim strongpela tok long mekim, long mekim ofa bilong karamapim long mekim i kamap wanbel i bilong yupela.

8:35  Olsem na yupela i mas sindaun long dua bilong haus sel holi bilong bung bilong ol manmeri de na nait sevenpela de na bihainim dispela tok bilong BIKPELA, bai yupela i no ken dai pinis. Long wanem mi bin kisim strongpela tok olsem.

8:36  Orait Eron na ol pikinini man bilong em i mekim olgeta samting BIKPELA i givim strongpela tok long ol long han bilong Moses.

Chapter 9

9:1  ¶ Na em i kamap olsem, long namba et de Moses i singautim Eron na ol pikinini man bilong em na ol lapun hetman bilong Isrel.

9:2  Na em i tok long Eron, Yu mas kisim wanpela yangpela bulmakau bilong i stap ofa bilong sin na wanpela sipsip man bilong i stap ofa i kuk olgeta na tupela i no ken i gat mak nogut, na ofaim tupela long pes bilong BIKPELA.

9:3  Na long ol pikinini bilong Isrel yu mas toktok, na tok, Yupela kisim wanpela pikinini bilong ol meme bilong i stap ofa bilong sin, na wanpela pikinini bulmakau na wanpela pikinini sipsip na tupela i bilong namba wan yia bilong ol na ol i no gat mak nogut, bilong wanpela ofa i kuk olgeta.

9:4  Na tu wanpela bulmakau man na wanpela sipsip man bilong i stap ol ofa bilong givim bel isi long sakrifais long pes bilong BIKPELA, na wanpela ofa bilong kaikai ol i abusim wantaim wel. Long wanem tude BIKPELA bai kamap ples klia long yupela.

9:5  Na ol i bringim dispela samting Moses i givim strongpela tok long dispela i kam long pes bilong haus sel holi bilong bung bilong ol manmeri. Na olgeta bilong dispela bung bilong ol manmeri i kam klostu na ol i sanap long pes bilong BIKPELA.

9:6  Na Moses i tok, Dispela em i samting BIKPELA i givim strongpela tok long yupela i mas mekim. Na glori bilong BIKPELA bai kamap ples klia long yupela.

9:7  Na Moses i tok long Eron, Go long alta na ofaim ofa bilong sin bilong yu na ofa i kuk olgeta i bilong yu na mekim ofa bilong karamapim long mekim i kamap wanbel i bilong yu yet na bilong ol manmeri. Na ofaim dispela ofa bilong ol manmeri na mekim ofa bilong karamapim long mekim i kamap wanbel i bilong ol, olsem BIKPELA i givim strongpela tok.

9:8  ¶ Olsem na Eron i go long alta na kilim i dai dispela pikinini bulmakau bilong ofa bilong sin na dispela em i bilong em yet.

9:9  Na ol pikinini man bilong Eron i bringim dispela blut long em. Na em i putim pinga bilong em long blut na putim dispela antap long ol kom bilong alta na em i kapsaitim dispela blut long as bilong alta.

9:10  Tasol gris na tupela namba tri lewa kidni na kaul i stap antap long namba tu lewa liva bilong dispela ofa bilong sin, em i kukim antap long alta, olsem BIKPELA i givim strongpela tok long Moses.

9:11  Na mit na skin em i kukim long paia ausait long kem.

9:12  Na em i kilim i dai dispela ofa bilong kuk olgeta. Na ol pikinini man bilong Eron i givim em blut bilong dispela na em i tromoi isi isi dispela raun nabaut antap long alta.

9:13  Na ol i givim dispela ofa bilong kuk olgeta long em wantaim ol hap bilong dispela na het. Na em i kukim ol antap long alta.

9:14  Na em i wasim ol insait bilong bel na ol lek na kukim ol antap long dispela ofa i kuk olgeta antap long alta.

9:15  Na em i bringim ofa bilong ol manmeri na kisim dispela meme i stap ofa bilong sin bilong ol manmeri na em i kilim i dai dispela na ofaim dispela bilong sin olsem namba wan ofa bilong sin.

9:16  Na em i bringim dispela ofa bilong kuk olgeta na em i ofaim dispela bilong bihainim stretpela we.

9:17  Na em i bringim ofa bilong kaikai na kisim wanpela han i pulap long dispela na kukim dispela antap long alta klostu long sakrifais i kuk olgeta i bilong moningtaim.

9:18  Na tu em i kilim i dai dispela bulmakau man na dispela sipsip man bilong i stap wanpela sakrifais bilong ol ofa bilong givim bel isi na dispela em bilong ol manmeri. Na ol pikinini man bilong Eron i givim em dispela blut na em i tromoi isi isi dispela antap long alta raun nabaut,

9:19  Na gris bilong dispela bulmakau man na bilong dispela sipsip man na baksait na dispela samting i karamapim ol insait bilong bel na tupela namba tri lewa kidni na dispela kaul i stap antap long namba tu lewa liva,

9:20  Na ol i putim ol dispela gris antap long ol bros na em i kukim ol gris antap long alta.

9:21  Na ol bros na sol bilong han sut Eron mekim ol i kam i go bilong i stap wanpela ofa bilong i kam i go long pes bilong BIKPELA, olsem Moses i givim strongpela tok.

9:22  Na Eron i litimapim han bilong em i go long ol dispela manmeri na em i blesim ol, na em i kam daun long mekim ofa bilong ofa bilong sin na ofa i kuk olgeta na ol ofa bilong givim bel isi.

9:23  ¶ Na Moses na Eron i go insait long haus sel holi bilong bung bilong ol manmeri. Na tupela i kam ausait na blesim ol dispela manmeri. Na glori bilong BIKPELA i kamap ples klia long olgeta bilong ol dispela manmeri.

9:24  Na paia i kamaut long ples i stap long pes bilong BIKPELA na kukim inap long pinisim ofa bilong kukim na gris i stap long alta. Na taim olgeta bilong dispela manmeri i lukim dispela ol i singaut strong na pundaun long ol pes bilong ol.

Chapter 10

10:1  ¶ Na Nedap na Abaihu, tupela pikinini man bilong Eron, tupela i kisim samting bilong em yet wan wan long holim sit bilong paia na tupela i putim paia insait long dispela na tupela i putim paura i gat switpela smel antap long dispela. Na tupela i ofaim narapela kain paia long pes bilong BIKPELA, na Em i no bin givim strongpela tok long ol long mekim.

10:2  Na paia i kamaut long BIKPELA na kukim bilong pinisim tupela na tupela i dai pinis long pes bilong BIKPELA.

10:3  ¶ Long dispela taim Moses i tok long Eron, Dispela em i dispela samting BIKPELA i tok long em na tok, Mi mas i stap holi long ol husat i kam klostu long Mi, na long pes bilong olgeta bilong ol dispela manmeri Mi mas kisim glori. Na Eron i no gat tok.

10:4  Na Moses i singautim Misel na Elsafan, tupela pikinini man bilong Usiel, em smolpapa bilong Eron, na Moses i tok long tupela, kam klostu na karim tupela brata bilong yupela long lusim pes bilong ples holi na go ausait long kem.

10:5  Orait ol i kam klostu na karim tupela insait long ol saket bilong ol i go ausait long kem, olsem Moses i bin tok.

10:6  Na Moses i tok long Eron na long Eliesar na long Itamar, tupela pikinini man bilong em, Yupela i no ken rausim hat long ol het bilong yupela na tu no ken brukim ol klos bilong yupela. Nogut yupela i dai pinis na nogut belhat tru i kamap long olgeta bilong dispela manmeri. Tasol larim ol brata bilong yupela, em olgeta lain bilong Isrel i krai sori long dispela kukim BIKPELA i bin kirapim.

10:7  Na yupela i no ken go ausait long dua bilong haus sel holi bilong bung bilong ol manmeri. Nogut yupela i dai pinis. Long wanem wel bilong makim bilong BIKPELA i stap long yupela. Na ol i mekim bilong bihainim tok bilong Moses.

10:8  ¶ Na BIKPELA i toktok long Eron na tok,

10:9  No ken dringim wain o strongpela dring, em yu o ol pikinini man bilong yu i stap wantaim yu, taim yupela i go insait long haus sel holi bilong bung bilong ol manmeri. Nogut yupela i dai pinis. Dispela bai stap wanpela lo i stap long buk oltaim oltaim namel long ol lain tumbuna pikinini bilong yupela.

10:10  Na long yupela i ken makim i narakain namel long holi na i no holi, na namel long i no klin na klin.

10:11  Na long yupela i ken skulim ol pikinini bilong Isrel long olgeta bilong ol lo i stap long buk, BIKPELA i bin tokaut long ol dispela long ol long han bilong Moses.

10:12  ¶ Na Moses i tok long Eron na long Eliesar na long Itamar, tupela pikinini man bilong em i stap yet, Kisim dispela ofa bilong kaikai i stap yet bilong ol ofa bilong BIKPELA i kamap long paia na kaikai dispela i no gat yis klostu long alta. Long wanem dispela em i holi olgeta.

10:13  Na yupela mas kaikai dispela long ples holi. Long wanem dispela em i samting bilong yu na samting bilong ol pikinini man bilong yu na em i bilong ol sakrifais bilong BIKPELA i kamap long paia. Long wanem mi kisim strongpela tok olsem.

10:14  Na yupela mas kaikai dispela bros bilong i go i kam na dispela sol bilong litimapim long wanpela klin ples. Em yu na ol pikinini man bilong yu na ol pikinini meri bilong yu i stap wantaim yu. Long wanem ol dispela i samting bilong yu na samting bilong ol pikinini man bilong yu. Ol i bin givim ol dispela i kam long ol sakrifais bilong ol ofa bilong givim bel isi bilong ol pikinini bilong Isrel.

10:15  Ol i mas bringim sol bilong litimapim na bros bilong i kam i go wantaim ol ofa i kamap long paia bilong gris long mekim bros i kam i go bilong wokim ofa bilong i kam i go long pes bilong BIKPELA. Na dispela bai stap ol samting bilong yu na ol pikinini man bilong yu i stap wantaim yu long wanpela lo i stap long buk inap long oltaim oltaim, olsem BIKPELA i bin givim strongpela tok.

10:16  Na Moses i hatwok long painim dispela meme bilong ofa bilong sin, na harim, em i kuk pinis. Na Moses i kros long Eliesar na Itamar, tupela pikinini man bilong Eron husat i stap laip yet, na em i tok,

10:17  Bilong wanem yupela i no bin kaikai dispela ofa bilong sin long ples holi? Long wanem em i holi olgeta na God i bin givim dispela long yupela long karim sin nogut bilong dispela bung bilong ol manmeri long mekim ofa bilong karamapim long mekim i kamap wanbel i bilong ol long pes bilong BIKPELA.

10:18  Harim, blut bilong dispela i no bin kam insait long ples holi. Tru tumas yupela mas kaikai dispela long ples holi olsem mi bin givim strongpela tok.

10:19  Na Eron i tok long Moses, Harim, dispela de ol i bin ofaim ofa bilong sin bilong ol na ofa bilong kuk olgeta i bilong ol long pes bilong BIKPELA, na planti samting i bin kamap long mi. Na sapos mi bin kaikai dispela ofa bilong sin tude, ating dispela i bin stap orait long ai bilong BIKPELA?

10:20  Na taim Moses i harim dispela em i kisim bel isi.

Chapter 11

11:1  ¶ Na BIKPELA i toktok long Moses na long Eron, na Em i tokim tupela,

11:2  Toktok long ol pikinini bilong Isrel na tok, Ol dispela em i ol animal yupela i ken kaikai i stap namel long olgeta animal i stap long dispela graun.

11:3  Wanem samting i gat tupela hap kapa long fut bilong ol na ol i apim kaikai long bel bilong ol na kaikai dispela gen taim ol i malolo olsem bulmakau, namel long ol animal, yupela mas kaikai dispela.

11:4  Tasol tru tumas yupela i no ken kaikai bilong ol i apim kaikai long bel bilong ol na kaikai dispela gen taim ol i malolo, o bilong ol i gat tupela hap kapa long fut bilong ol, olsem kemel, long wanem em i apim kaikai long bel bilong em na kaikai dispela gen taim em i malolo, tasol em i no gat tupela hap kapa long fut bilong em. Em i no klin long yupela.

11:5  Na narapela kain rabbit koni, long wanem em i apim kaikai long bel bilong em na kaikai dispela gen taim em i malolo, tasol em i no gat tupela hap kapa long fut bilong em. Em i no klin long yupela.

11:6  Na rabbit, long wanem em i apim kaikai long bel bilong em na kaikai dispela gen taim em i malolo, tasol em i no gat tupela hap kapa long fut bilong em. Em i no klin long yupela.

11:7  Na pik, tru em i gat tupela hap kapa long fut bilong em, tasol em i no apim kaikai long bel bilong em na kaikai dispela gen taim em i malolo. Em i no klin long yupela.

11:8  Yupela no ken kaikai sampela bilong mit bilong ol na yupela i no ken putim han long ol taim ol i dai pinis. Ol i no klin long yupela.

11:9  ¶ Yupela i ken kaikai ol dispela bilong olgeta samting i stap long ol wara. Wanem samting i gat pul long pis na grile bilong pis i stap long ol wara, em long solwara na long ol wara riva, yupela i ken kaikai ol dispela.

11:10  Na olgeta samting i no gat pul bilong pis na grile bilong pis na i stap long ol solwara na long ol wara riva bilong olgeta samting i go nabaut long ol wara na bilong wanpela samting i stap laip na i stap long ol wara, ol i mas stap samting i sting tru long tingting bilong yupela.

11:11  Tru, ol i mas i stap samting i sting tru long tingting bilong yupela. Yupela i no ken kaikai sampela bilong mit bilong ol, tasol yupela i mas tingim bodi bilong ol i dai pinis em samting i sting tru long yupela.

11:12  Wanem samting i no gat pul long pis o grile bilong pis na i stap long wara, dispela mas i stap samting i sting tru long tingting bilong yupela.

11:13  Na ol dispela em ol samting yupela mas makim long i sting tru long tingting bilong yupela, na i stap namel long ol pisin. Yupela i no ken kaikai ol, ol i stap samting i sting tru long tingting. Em bikpela tarangau igal na tarangau osifrej na tarangau bilong solwara ospre,

11:14  Na tarangau vultyur na tarangau kait na ol i bihainim kain bilong em,

11:15  Na olgeta blekpela pisin reven i bihainim kain bilong em,

11:16  Na tarangau bilong nait na narakain tarangau bilong nait na pisin kuku na hawk i bihainim kain bilong em,

11:17  Na liklik tarangau bilong nait na pisin kormorant na bikpela tarangau bilong nait,

11:18  Na bikpela pisin swan na pisin pelikan na tarangau gia igal,

11:19  Na pisin stok na pisin heron i bihainim kain bilong em na pisin lapwing na blakbokis.

11:20  ¶ Olgeta pisin i wokabaut long ol lek na wing, ol i mas i stap samting i sting tru long tingting bilong yupela.

11:21  Tasol yupela i ken kaikai ol dispela bilong ol binatang samting i flai na wokabaut long fopela lek na ol i gat ol lek i stap antap long ol fut bilong ol long kalap long em long dispela graun.

11:22  Yes yupela i ken kaikai ol dispela bilong ol. Em grasop lokas i bihainim kain bilong em na lokas i kela i bihainim kain bilong em na wanpela binatang bilong kaikai lip bitel i bihainim kain bilong em na grasop tru i bihainim kain bilong em.

11:23  Tasol olgeta arapela binatang samting i gat fopela fut, ol i mas i stap samting i sting tru long tingting bilong yupela.

11:24  Na bilong ol dispela yupela i no ken stap klin. Wanem manmeri i putim han long bodi bilong ol taim ol i dai pinis, em i no ken stap klin inap long apinun tru.

11:25  Na wanem man o meri i karim wanpela hap bilong bodi bilong ol i dai pinis, em i mas wasim klos bilong em na em i no stap klin inap long apinun tru.

11:26  Ol bodi i dai pinis bilong olgeta animal i gat sampela hap long fut na i no gat tupela hap long fut na tu ol i no apim kaikai long bel bilong ol na kaikai dispela gen taim ol i malolo, ol i no klin long yupela. Olgeta wan wan i putim han o lek long ol, em i mas stap i no klin.

11:27  Na olgeta samting i wokabaut long ol fut i olsem fut bilong dok o bilong pusi na i stap namel long olgeta kain animal i wokabaut long fopela lek, ol dispela i no klin long yupela. Wanem man o meri i putim han long bodi bilong ol i bin dai pinis, em i mas i stap i no klin inap long apinun tru.

11:28  Na man i karim bodi i dai pinis bilong ol, em i mas wasim ol klos bilong em na stap i no klin inap long apinun tru. Ol dispela i no klin long yupela.

11:29  Na tu ol dispela mas i stap i no klin long yupela namel long ol samting i wokabaut long bel,na ol i wokabaut long bel long dispela graun. Em animal wisal na rat na trausel i bihainim kain bilong em,

11:30  Na animal feret na bikpela palai na ol arapela palai na talbum samting na liklik animal mol.

11:31  Ol dispela i no klin long yupela namel long olgeta samting i wokabaut long bel. Wanem man o meri i putim han long ol taim ol i dai pinis, em i mas i stap i no klin inap long apinun tru.

11:32  Na wanem samting ol i pundaun long em taim ol i dai pinis, dispela mas i stap i no klin, maski em i stap wanpela samting bilong holim ol i wokim long diwai o klos o skin o bek, wanem samting bilong holim i stap na ol i mekim wok long ol, ol i mas putim dispela long wara na em mas i stap i no klin inap long apinun tru, olsem em bai stap klin gen.

11:33  Na olgeta samting bilong holim ol i wokim long graun na ol dispela i no klin i pundaun insait long em, dispela i mekim em na ol samting i stap insait long em i no klin na yupela i mas brukim dispela.

11:34  Bilong olgeta kaikai yupela ken kaikai, sapos dispela wara bilong klinim pastaim i kam long em, dispela mit i no klin. Na olgeta samting yupela i ken dringim na i stap insait long dispela samting bilong holim i no klin, em tu i no klin.

11:35  Na olgeta samting wanpela hap bilong ol bodi bilong dispela samting i no klin i dai pinis i pundaun long em, em i no stap klin, maski em i aven o stov bilong putim sospen, yupela i mas brukim ol i go daun, long wanem ol i no klin na ol i mas i stap i no klin long yupela.

11:36  Tasol tru tumas, wanpela ples planti wara i kamaut long graun o hul i gat planti wara ol mas i stap klin. Tasol wanem samting i bin tasim bodi bilong ol i dai pinis, em i no klin.

11:37  Na sapos wanpela hap bilong bodi bilong ol i dai pinis i pundaun long pikinini kaikai bilong planim na i redi long tromoi long graun, dispela bai i stap klin.

11:38  Tasol sapos ol i putim sampela wara long dispela pikinini kaikai na wanpela hap bilong bodi bilong ol i dai pinis i pundaun long em, dispela pikinini kaikai i no ken i stap klin long yupela.

11:39  Na sapos wanpela animal bilong kain yupela i ken kaikai em, em i dai pinis, man i putim han long bodi bilong em, dispela man em i no klin inap long apinun tru.

11:40  Na wanpela i kaikai sampela bilong mit bilong dispela bodi bilong abus, em i mas wasim klos bilong em na stap i no klin inap long apinun tru. Man tu i karim bodi bilong dispela, em i mas wasim klos bilong em na stap i no klin inap long apinun tru.

11:41  Na olgeta arapela binatang samting i wokabaut long bel long dispela graun mas i stap samting sting tru long tingting bilong yupela. Yupela no ken kaikai dispela.

11:42  Wanem samting i go nabaut long bel bilong em na wanem arapela samting i go nabaut long fopela lek o wanem samting i gat moa ol lek i winim fopela namel long olgeta binatang samting i wokabaut long bel long dispela graun, yupela i no ken kaikai ol. Long wanem ol i sting tru long tingting bilong yupela.

11:43  ¶ Yupela i no ken mekim yupela yet i sting tru long tingting bilong Mi long wanpela binatang samting i wokabaut, na tu yupela i no ken mekim yupela yet i no klin long ol, bai yupela i stap doti long dispela.

11:44  Long wanem Mi stap BIKPELA na God bilong yupela. Olsem na yupela i mas mekim yupela yet i kamap klin, na yupela mas i stap holi, long wanem Mi stap holi. Na tu yupela i no ken mekim yupela yet i doti long wanpela kain bilong ol binatang samting i wokabaut long bel long dispela graun.

11:45  Long wanem Mi stap BIKPELA i bringim yupela antap long lusim graun bilong Isip, long Mi ken i stap God bilong yupela. Olsem na yupela i mas i stap holi, long wanem Mi stap holi.

11:46  Dispela em i lo bilong ol animal na bilong ol pisin na bilong olgeta samting i gat laip na i go nabaut long ol wara, na bilong olgeta samting i go nabaut long bel long dispela graun.

11:47  Long mekim ol samting i no klin i narakain long ol klinpela, na long ol animal yupela i ken kaikai i narakain long ol animal yupela i no ken kaikai.

Chapter 12

12:1  ¶ Na BIKPELA i toktok long Moses, na tok,

12:2  Toktok long ol pikinini bilong Isrel, na tok, Sapos wanpela meri i kisim pikinini long bel na karim wanpela pikinini man, long dispela taim meri mas i stap i no klin sevenpela de, bilong bihainim ol de bilong em i no ken bung wantaim ol arapela bilong hevi bilong em na em mas i stap i no klin.

12:3  Na long de namba et pris i mas katim skin bilong laplap bilong sem bilong pikinini.

12:4  Na meri i mas i stap olsem long blut bilong klinim em teti tri de. Em i no inap putim han bilong em long wanpela samting i stap holi, o kam insait long ples holi inap long ol de bilong em i kamap klin i pinis.

12:5  Tasol sapos em i karim pikinini meri, long dispela taim em mas i stap i no klin tupela wik, olsem long taim em i no ken bung wantaim ol arapela. Na em i mas stap olsem long blut bilong klinim em 66-pela de.

12:6  ¶ Na taim ol de bilong em i kamap klin i pinis bilong wanpela pikinini man o bilong wanpela pikinini meri, em i mas bringim wanpela pikinini sipsip i bilong namba wan yia bilong em bilong i stap wanpela ofa i kuk olgeta na wanpela yangpela pisin o wanpela pisin balus bilong i stap ofa bilong sin, na i kam long dua bilong haus sel holi bilong bung bilong ol manmeri na givim dispela long pris.

12:7  Pris i mas ofaim dispela long pes bilong BIKPELA na mekim ofa bilong karamapim long mekim i kamap wanbel i bilong dispela meri na em bai stap klin long dispela samting bilong blut bilong em. Dispela em i lo bilong meri i bin karim wanpela pikinini man o pikinini meri.

12:8  Na sapos em i no inap bringim wanpela pikinini sipsip, orait em i mas bringim tupela pisin balus o tupela yangpela pisin. Wanpela em bilong ofa i kuk olgeta na arapela i bilong ofa bilong sin. Na pris i mas mekim ofa bilong karamapim long mekim i kamap wanbel i bilong em, na em bai stap klin.

Chapter 13

13:1  ¶ Na BIKPELA i toktok long Moses na Eron, na tok,

13:2  Taim wanpela man i gat hap bilong skin bilong em i go antap liklik na wanpela hap skin i gat blut samting i drai antap long sua o wanpela hap bilong skin i waitpela na dispela i stap long skin bilong mit bilong em olsem bikpela sik lepra, long dispela taim ol i mas bringim em long Eron dispela pris, o long wanpela bilong ol pikinini man bilong em i stap ol pris.

13:3  Na pris i mas lukluk long dispela sik i stap long skin bilong mit. Na taim gras i stap insait long ples bilong dispela sik i kamap waitpela na ples sik i stap i luk olsem i stap daunbilo long arapela skin bilong mit bilong em, dispela em i sik lepra. Na pris i mas lukluk long em na tokaut long em i no klin.

13:4  Sapos dispela liklik waitpela hap skin i stap wait long skin bilong mit bilong em na i luk olsem i no stap daunbilo long arapela skin na gras long em i no kamap waitpela, orait pris i mas pasim man i gat dispela sik sevenpela de.

13:5  Na pris i mas lukluk long em long de namba seven. Na harim, sapos long ai bilong pris sik i no kamap bikpela moa na sik i no go long narapela hap bilong skin, orait pris i mas pasim em sevenpela de moa.

13:6  Na pris i mas lukluk long em gen long de seven. Na harim, sapos sik i no waitpela olsem pastaim na sik i no go long narapela hap long skin, pris i mas tokaut long em i klin. Dispela em i blut samting i drai antap long sua tasol. Na em i mas wasim klos bilong em na stap klin.

13:7  Tasol sapos dispela blut samting i drai antap long sua i kamap bikpela moa long skin bihain long pris i bin lukim em bilong makim em klin, em i mas go bilong pris i ken lukim em gen.

13:8  Na harim, sapos pris i lukluk long dispela blut samting i drai antap long sua i kamap bikpela moa long skin, orait pris i mas tokaut long em i no klin. Dispela em i lepra.

13:9  Taim sik lepra i stap long wanpela man, orait ol i mas bringim em long pris.

13:10  Na pris i mas lukim em. Na harim, sapos hap i stap antap i stap waitpela long skin na dispela i mekim gras i kamap waitpela na i gat sua i op long skin bilong hap i stap antap,

13:11  Dispela em i olpela lepra long skin bilong mit bilong em na pris i mas tokaut long em i no klin. Na pris i no ken pasim em. Long wanem em i stap man i no klin.

13:12  Na sapos lepra i kamap ples klia nabaut long skin, na dispela lepra i karamapim olgeta skin bilong man i gat dispela sik long het bilong em inap long fut bilong em, long olgeta hap pris i lukim,

13:13  Orait pris i mas tingim na skelim. Na harim, sapos lepra i bin karamapim olgeta hap bilong mit bilong dispela man, pris i mas tokaut long dispela man i gat dispela sik em i klin. Olgeta hap bilong em i bin kamap waitpela. Em i stap klin.

13:14  Tasol taim sua i op i kamap long em, em mas i stap i no klin.

13:15  Na pris i mas lukim dispela sua i op na tokaut long dispela man i no klin. Long wanem sua i op i no klin. Em i lepra.

13:16  O sapos dispela sua i kamap narakain na kamap waitpela, em i mas kam long pris.

13:17  Na pris i mas lukluk long em. Na harim, sapos sua i bin kamap waitpela, orait pris i mas tokaut long man i gat dispela sua i klin. Em i stap klin.

13:18  ¶ Na mit bilong em tu long skin bilong em em i wanpela buk na em i kamap orait,

13:19  Na long hap buk i stap long em i gat skin i go antap na i stap waitpela o liklik hap i waitpela tu na em i soim dispela long pris,

13:20  Na sapos, taim pris i lukim dispela, harim, dispela i luk olsem em i stap daunbilo long arapela skin na gras i stap long em i kamap waitpela, pris i mas tokaut long dispela man i no klin. Dispela em i sik lepra i kamap long buk.

13:21  Tasol sapos pris i lukluk long dispela na, harim, i no gat ol waitpela gras long em na dispela i no stap daunbilo ol arapela skin, tasol em i stap tudak liklik, orait pris i mas pasim dispela man sevenpela de.

13:22  Na sapos dispela i go nabaut planti long skin, orait pris i mas tokaut long dispela man i no klin. Dispela em i sik lepra.

13:23  Tasol, sapos dispela liklik waitpela hap i stap long ples bilong em na i no go nabaut, dispela em i buk i retpela nabaut. Na pris i mas tokaut long man i klin.

13:24  O sapos i stap sampela mit long skin na dispela i hatpela liklik na i gat pen olsem em i kuk na dispela mit i stap nabaut i pilim hatpela na i gat liklik waitpela hap i gat retpela liklik o i waitpela olgeta,

13:25  Orait pris i mas lukluk long dispela. Na harim, sapos gras insait long liklik waitpela hap i kamap waitpela na em i luk olsem i stap daunbilo long ol arapela skin, dispela em i lepra i kamap long dispela hap i pilim olsem i kuk. Olsem na pris i mas tokaut long dispela man i no klin. Dispela em i sik lepra.

13:26  Tasol sapos pris i lukluk long dispela, na harim, i no gat waitpela gras long dispela liklik waitpela hap na dispela i no stap daunbilo long ol arapela skin, tasol em i kamap tudak liklik, orait pris i mas pasim dispela man sevenpela de.

13:27  Na pris i mas lukluk long em long de namba seven, na sapos dispela i go nabaut planti long skin, orait pris i mas tokaut long dispela man i no klin. Dispela i sik lepra.

13:28  Na sapos liklik waitpela hap i stap long ples bilong em tasol, na em i no kamap bikpela moa nabaut long skin, tasol dispela i kamap tudak liklik, dispela em i kirap bilong sua i pilim olsem em i kuk, na pris i mas tokaut long dispela man i klin. Long wanem dispela em i kirap bilong dispela sua i pilim olsem em i kuk.

13:29  Sapos wanpela man o meri i gat sik antap long het o long mausgras,

13:30  Orait pris i mas lukluk long dispela sik. Na harim, sapos dispela i luk olsem i stap daunbilo long arapela skin na wanpela yelopela liklik gras i stap insait long dispela, long dispela taim pris i mas tokaut long dispela man i no klin. Em i wanpela kain lepra i drai, yes em i lepra i stap long het o long mausgras.

13:31  Na sapos pris i lukluk long dispela sik bilong het o mausgras, na harim, dispela i no luk olsem em i daunbilo long arapela skin na i no gat blekpela gras i stap long dispela, orait pris i mas pasim dispela man i gat dispela sik bilong het o mausgras sevenpela de.

13:32  Na long de namba seven pris i mas lukluk long dispela sik. Na harim, sapos dispela sik bilong het o mausgras i no kamap bikpela moa na i no gat yelopela gras i stap long dispela na dispela sua i stap long het o long mausgras i no luk olsem em i stap daunbilo long arapela skin,

13:33  Em i mas rausim gras na mausgras bilong em, tasol hap i gat dispela sik em i no ken rausim gras, na pris i mas pasim man i gat dispela sik long het o mausgras sevenpela de moa.

13:34  Na long de namba seven pris i mas lukluk long dispela sik i stap long het o long mausgras. Na harim, sapos dispela sik i stap long het o long mausgras i no kamap bikpela moa long skin, na i no luk olsem dispela i stap daunbilo long arapela skin, orait pris i mas tokaut long dispela man i klin. Na em i mas wasim ol klos bilong em na stap klin.

13:35  Tasol sapos dispela sik i stap long het o long mausgras i kamap bikpela moa long skin bihain long pris i makim em klin,

13:36  Orait pris i mas lukluk long em. Na harim, sapos dispela sik i stap long het o long mausgras i kamap bikpela long skin, pris i no ken luk long painim yelopela gras. Dispela man i no klin.

13:37  Tasol sapos dispela sik long het o long mausgras i luk olsem em i no kamap bikpela moa long ai bilong pris na blekpela gras i kamap insait long sua, dispela sik bilong het o mausgras i pinis na dispela man i stap klin. Na pris i mas tokaut long em i klin.

13:38  ¶ Sapos tu wanpela man o wanpela meri i gat ol liklik hap i lait liklik long skin bilong mit bilong ol, yes em ol liklik hap i waitpela,

13:39  Orait pris i mas lukluk. Na harim, sapos ol dispela liklik hap i waitpela liklik long skin bilong mit em i no waitpela tumas, dispela em i liklik hap i gat mak nating i stap long skin. Dispela man em i klin.

13:40  Na man gras bilong em i lusim het bilong em, em i kela, tasol em i stap klin.

13:41  Na man gras bilong em i lusim hap bilong het bilong em i go long pes bilong em, em i kela long poret bilong em, tasol em i stap klin.

13:42  Na sapos i stap long het i kela o poret i kela wanpela waitpela na retpela sua, dispela em i lepra i kamap long het bilong em i kela o poret bilong em i kela.

13:43  Long dispela taim pris i mas lukluk long dispela, na harim, sapos antap hap bilong sua i stap waitpela na retpela long het bilong em i kela o long pret bilong em i kela, olsem lepra i luk olsem long skin bilong mit,

13:44  Em i man i gat lepra na em i no klin. Pris i mas tokaut long em i no klin olgeta, sik bilong em i stap long het bilong em.

13:45  Na dispela lepra man dispela sik i stap long em, em i mas brukim ol klos bilong em na em i no ken putim hat long het bilong em. Na em i mas putim liklik laplap i karamapim antap bilong maus bilong em, na em i mas singaut, Mi no stap klin, mi no stap klin.

13:46  Long olgeta de dispela sik i stap long em, em i mas i stap doti, em i no klin. Em mas i stap wanpis na em mas i stap ausait long kem.

13:47  ¶ Na tu klos dispela sik lepra i stap long em, maski em i klos i bilong gras bilong sipsip o naispela waitpela klos,

13:48  Maski em i stap long ples rop i go antap o i go daunbilo. Maski em i stap long naispela waitpela laplap o bilong gras bilong sipsip o em long wanpela skin o long wanpela samting ol i wokim long skin.

13:49  Na sapos dispela sik i stap grinpela o retpela long klos o long skin, o long ples rop i go antap o long ples rop i go daunbilo o long wanpela samting ol i wokim long skin, dispela em i sik bilong lepra na yu mas soim dispela long pris.

13:50  Na pris i mas lukluk long dispela sik na pasim wanem samting i gat dispela sik sevenpela de.

13:51  Na pris i mas lukluk long dispela sik long de namba seven. Sapos sik i kamap bikpela moa long klos, maski dispela long rop i stap antap o rop i stap daunbilo o long wanpela skin o long wanpela samting ol i wokim long skin, dispela sik em i wanpela strongpela lepra. Dispela samting em i no klin.

13:52  Olsem na em i mas kukim dispela klos, maski em ples rop i go antap o ples rop i go daunbilo, o long samting i kamap long gras bilong sipsip o long samting i kamap long naispela waitpela rop o wanpela samting bilong skin, na sik i stap long em. Long wanem dispela em i strongpela lepra. Em i mas kukim dispela long paia.

13:53  Na sapos pris i lukluk, na harim, sik i no kamap bikpela moa long klos, maski em i long ples rop i go antap o long ples rop i go daunbilo o long wanpela samting i bilong skin,

13:54  Orait pris i mas mekim strongpela tok long ol i wasim dispela samting sik i stap insait long em, na pris i mas pasim dispela sevenpela de moa.

13:55  Na pris i mas lukluk long dispela sik bihain long ol i wasim dispela. Na harim, sapos dispela sik i no bin senisim kala bilong em na sik i no kamap bikpela moa, dispela em i no klin. Yu mas kukim dispela long paia. Sik i go insait maski em i no gat wanpela samting long insait o long ausait.

13:56  Na sapos pris i lukluk, na harim, dispela sik i stap tudak liklik bihain long em i wasim dispela, orait em i mas rausim dispela hap long dispela klos o long dispela skin o long ples rop i go antap o long ples rop i go daunbilo.

13:57  Na sapos dispela sik i kamap ples klia yet long dispela klos, maski em i ples rop i go antap o long ples rop i go daunbilo o long wanpela samting i bilong skin, dispela em i sik i laik kamap bikpela moa. Yu mas kukim long paia wanem samting dispela sik i stap insait long em.

13:58  Na dispela klos, maski em ples rop i go antap o ples rop i go daunbilo o wanem samting i bilong skin na yu mas wasim dispela, sapos sik i lusim dispela, orait yu mas wasim dispela namba tu taim na dispela i mas i stap klin.

13:59  Dispela em i lo bilong sik lepra long klos i bilong gras bilong sipsip o bilong naispela waitpela rop, maski em i stap long ples rop i go antap o ples rop i go daunbilo o long wanpela samting i bilong skin, long tokaut long dispela i klin o long tokaut long dispela i no klin.

Chapter 14

14:1  ¶ Na BIKPELA i toktok long Moses na tok,

14:2  Dispela mas i stap lo bilong lepra man long de bilong em i kamap klin. Wanpela i mas bringim em long pris.

14:3  Na pris mas i go ausait long kem. Na pris mas i lukluk na, harim, sapos sik bilong lepra i kamap orait long dispela lepra man,

14:4  Orait pris i mas givim strongpela tok long kisim bilong dispela man i laik kamap klin, tupela klinpela pisin i stap laip na sampela diwai sida na retpela kala na hisop.

14:5  Na pris i mas givim strongpela tok long wanpela i mas kilim i dai pinis wanpela pisin insait long wanpela sospen graun antap long wara i ran i go.

14:6  Na bilong dispela pisin i stap laip yet, em i mas kisim dispela na dispela diwai sida na retpela kala na hisop. Na em i mas putim ol wantaim pisin i stap laip yet long dispela blut bilong pisin em i bin kilim i dai antap long wara i ran i go.

14:7  Na em i mas tromoi isi isi liklik bilong dispela sevenpela taim long man i laik kamap klin long lepra. Na em i mas tokaut klia long dispela man i klin. Na em i mas larim pisin i stap laip yet i kamap fri long graun i op.

14:8  Na man i laik kamap klin mas wasim klos bilong em na katim bilong rausim olgeta gras bilong em na wasim em yet long wara, bai em i ken stap klin. Na bihain long dispela em i mas kam insait long kem, na em i mas wet ausait long haus sel bilong em sevenpela de.

14:9  Tasol em i mas i stap olsem long de namba seven, long em i mas katim bilong rausim olgeta gras bilong em long het bilong em na mausgras bilong em na antap long ol ai bilong em, yes em olgeta gras bilong em em i mas katim bilong rausim. Na em i mas wasim klos bilong em na tu em i mas wasim skin bilong em long wara na em bai stap klin.

14:10  ¶ Na long de namba et em i mas kisim tupela pikinini sipsip man i no gat mak nogut na wanpela pikinini sipsip meri i stap aninit long wanpela krismas na i no gat wanpela mak nogut, na tripela bilong tenpela hap bilong wanpela dil bilong gutpela plaua bilong wanpela ofa bilong kaikai ol i bin abusim wantaim wel na klostu wanpela log bilong wel.

14:11  Na pris husat i mekim em klin i mas makim dispela man i laik kamap klin na ol dispela samting i kamap ples klia long pes bilong BIKPELA, long dua bilong haus sel holi bilong bung bilong ol manmeri.

14:12  Na pris i mas kisim wanpela pikinini sipsip man na ofaim em bilong i stap ofa bilong pasin bilong sakim lo na dispela log bilong wel na mekim ol i kam i go bilong i stap ofa bilong i kam i go long pes bilong BIKPELA.

14:13  Na em i mas kilim i dai dispela pikinini sipsip long ples em i mas kilim i dai ofa bilong sin na ofa i kuk olgeta long ples holi. Long wanem, olsem ofa bilong sin i bilong pris, ofa bilong pasin bilong sakim lo i stap olsem tasol. Dispela em i holi olgeta.

14:14  Na pris i mas kisim sampela bilong blut bilong ofa bilong pasin bilong sakim lo na pris i mas putim dispela long poin bilong ia i long han sut bilong man i laik kamap klin, na long bikpela pinga bilong han sut bilong em, na long bikpela pinga bilong fut i stap long han sut bilong em.

14:15  Na pris i mas kisim sampela bilong dispela wan log bilong wel na kapsaitim dispela i go long insait bilong han kais bilong em yet.

14:16  Na pris i mas putim pinga bilong han sut long dispela wel i stap long han kais bilong em na em i mas tromoi isi isi sampela bilong wel long pinga bilong em sevenpela taim taim em i stap long pes bilong BIKPELA.

14:17  Na bilong dispela wel i stap yet long han bilong em, pris i mas putim dispela long arere bilong antap bilong ia i stap long han sut bilong man i laik kamap klin, na long bikpela pinga bilong han sut bilong em, na long bikpela pinga bilong fut i stap long han sut bilong em na i antap long dispela blut bilong ofa bilong pasin bilong sakim lo.

14:18  Na wel i stap yet i stap long han bilong pris em i mas kapsaitim antap long het bilong man i laik kamap klin. Na pris i mas mekim ofa bilong karamapim long mekim i kamap wanbel i bilong em long pes bilong BIKPELA.

14:19  Na pris i mas ofaim ofa bilong sin na mekim ofa bilong karamapim long mekim i kamap wanbel i bilong man i laik kamap klin long dispela samting i mekim em i no klin, na bihain long dispela em i mas kilim i dai dispela ofa bilong kuk olgeta.

14:20  Na pris i mas ofaim ofa bilong kuk olgeta na ofa bilong kaikai antap long alta. Na pris i mas mekim ofa bilong karamapim long mekim i kamap wanbel i bilong em na bai em i stap klin.

14:21  ¶ Na sapos em i stap rabisman na em i no inap kisim ol dispela, orait em i mas kisim wanpela pikinini sipsip bilong i stap ofa bilong pasin bilong sakim lo long i stap long i kam i go long mekim ofa bilong karamapim long mekim i kamap wanbel i bilong em, na wanpela bilong tenpela hap dil bilong gutpela plaua ol i bin abusim wantaim wel bilong i stap ofa bilong kaikai na wanpela log bilong wel.

14:22  Na tupela pisin balus o tupela yangpela pisin olsem em i ken kisim, na wanpela i mas i stap ofa bilong sin na arapela i ofa i kuk olgeta.

14:23  Na em i mas bringim ol dispela long namba et de bilong em i kamap klin na i kam long pris long dua bilong haus sel holi bilong bung bilong ol manmeri long pes bilong BIKPELA.

14:24  Na pris i mas kisim pikinini sipsip bilong ofa bilong pasin bilong sakim lo na dispela log bilong wel na pris i mas mekim ol i kam i go bilong ofa bilong i kam i go long pes bilong BIKPELA.

14:25  Na em i mas kilim i dai dispela pikinini sipsip bilong ofa bilong pasin bilong sakim lo na pris i mas kisim sampela bilong dispela blut bilong ofa bilong pasin bilong sakim lo na putim dispela long arere bilong antap bilong ia i stap long han sut bilong man i laik kamap klin na long bikpela pinga bilong han sut bilong em na long bikpela pinga bilong fut i stap long han sut bilong em.

14:26  Na pris i mas kapsaitim sampela bilong wel i go long insait bilong han kais bilong em yet.

14:27  Na pris i mas tromoi isi isi long pinga i stap long han sut sampela bilong wel i stap long han kais bilong em sevenpela taim taim em i stap long pes bilong BIKPELA.

14:28  Na pris i mas putim sampela bilong wel i stap long han bilong em i go long arere bilong antap bilong ia i stap long han sut bilong man i laik kamap klin na long bikpela pinga bilong han sut bilong em na long bikpela pinga bilong fut i stap long han sut bilong em antap long ples blut bilong ofa bilong pasin bilong sakim lo i stap.

14:29  Na ol wel i stap yet long han bilong pris em i mas putim antap long het bilong man i laik kamap klin, long mekim ofa bilong karamapim long i mekim i kamap wanbel i bilong em long pes bilong BIKPELA.

14:30  Na em i mas ofaim wanpela bilong ol pisin balus o bilong ol yangpela pisin olsem em i ken kisim.

14:31  Yes wanem samting em inap kisim. Wanpela bilong i stap ofa bilong sin na arapela bilong i stap ofa i kuk olgeta wantaim ofa bilong kaikai. Na pris i mas mekim ofa bilong karamapim long mekim i kamap wanbel i bilong em i laik kamap klin long pes bilong BIKPELA.

14:32  Dispela em i lo bilong man i gat sik lepra na han bilong em i no inap kisim ol samting bilong mekim em i kamap klin.

14:33  ¶ Na BIKPELA i toktok long Moses na long Eron, na tok,

14:34  Taim yupela i kam long graun bilong Kenan, Mi givim dispela long yupela bilong holim, na Mi putim sik bilong lepra long wanpela haus bilong dispela graun bilong yupela i holim.

14:35  Na papa bilong haus bai kam na tokim pris na tok, I luk olsem long mi i olsem wanpela sik i stap long haus.

14:36  Long dispela taim pris i mas givim strongpela tok long ol i mas rausim olgeta samting i stap long dispela haus pastaim long pris i go insait long em long lukim dispela sik, bai olgeta samting i stap insait long haus i no ken kamap i no klin. Na bihain long dispela pris i mas go insait long lukim dispela haus.

14:37  Na em i mas lukluk long dispela sik na, harim, sapos sik i stap long ol banis bilong haus long sampela hap i stap daunbilo liklik na ol i grinpela o retpela na ol i luk olsem ol i stap daunbilo long banis bilong haus,

14:38  Orait, pris i mas i go ausait long haus long dua bilong haus na pasim haus sevenpela de.

14:39  Na pris i mas kam gen long de namba seven, na em i mas lukluk. Na harim, sapos sik i kamap bikpela moa long ol banis bilong haus,

14:40  Long dispela taim pris i mas givim strongpela tok long ol i mas tekewe ol ston i gat dispela sik long ol, na ol i mas tromoi ol long wanpela ples i no klin ausait long dispela biktaun.

14:41  Na em i mas kirapim ol long skrapim insait bilong haus raun nabaut. Na ol i mas kapsaitim ol das ol i bin skrapim ausait long biktaun long ples i no klin.

14:42  Na ol i mas kisim ol arapela ston na putim ol long senisim ol dispela ston, na em i mas kisim arapela simen na em i mas simenim dispela haus.

14:43  Na sapos dispela sik i kam gen na kamap long dispela haus bihain long em i bin tekewe ol dispela ston, na bihain long em i bin skrapim haus na bihain long em i simenim dispela,

14:44  Orait, pris mas i kam na lukluk na, harim, sapos dispela sik i kamap bikpela moa insait long haus, dispela em i strongpela lepra insait long dispela haus. Em i no klin.

14:45  Na em i mas brukim haus, em ol ston bilong em na ol diwai bilong em na olgeta simen bilong dispela haus. Na em i mas karim ol i go ausait long dispela biktaun long wanpela ples i no klin.

14:46  Na moa tu, wanem man i go insait long dispela haus olgeta taim dispela i pas, em i mas i stap i no klin inap long apinun tru.

14:47  Na man i slipim em yet insait long dispela haus em i mas wasim klos bilong em, na man i kaikai insait long dispela haus em tu i mas wasim klos bilong em.

14:48  Na sapos pris bai kam insait na lukluk long dispela, na harim, dispela sik i no bin kamap bikpela moa insait long haus bihain long ol i simenim haus, orait pris i mas tokaut klia long dispela haus em i klin, long wanem dispela sik i kamap orait.

14:49  Na em i mas kisim long klinim dispela haus, tupela pisin na diwai sida na retpela kala na hisop.

14:50  Na em i mas kilim i dai wanpela bilong ol pisin insait long wanpela sospen graun antap long wara i ran i go.

14:51  Na em i mas kisim diwai sida na hisop na retpela kala na pisin i stap laip na putim ol long blut bilong dispela pisin ol i kilim i dai na long wara i ran i go na tromoi isi isi dispela long haus sevenpela taim.

14:52  Na em bai klinim dispela haus long blut bilong pisin na long wara i ran i go na long pisin i stap laip na long diwai sida na long hisop na long retpela kala.

14:53  Tasol em i mas larim pisin i stap laip i go fri ausait long dispela biktaun na long ples i stap op na mekim ofa bilong karamapim long mekim i kamap wanbel i bilong dispela haus. Na bai dispela i stap klin.

14:54  Dispela em i lo bilong olgeta kain sik bilong lepra na sik long het gras o maus gras,

14:55  Na bilong lepra bilong klos na bilong haus,

14:56  Na bilong skin i kam antap liklik na bilong hap blut i drai i stap antap long sua na bilong dispela liklik waitpela hap i stap.

14:57  Em long skulim yupela i taim em i no klin na taim em i klin. Dispela em i lo bilong lepra.

Chapter 15

15:1  ¶ Na BIKPELA i toktok long Moses na long Eron, na tok,

15:2  Toktok long ol pikinini bilong Isrel na tok long ol olsem, Taim wanpela man i gat susu bilong sua i kamaut long skin bilong em, em i no klin, na dispela susu bilong em em i as bilong dispela.

15:3  Na dispela i mas i stap pasin bilong i no stap klin bilong em long dispela susu bilong em. Maski susu bilong sua i ran i go, o skin bilong em i pasim dispela susu, dispela em i pasin bilong i no stap klin bilong em.

15:4  Olgeta bet man i gat dispela susu bilong sua i slip long em, ol i no klin. Na olgeta samting em i sindaun long em mas i stap i no klin.

15:5  Na wanem man o meri i putim han long bet bilong em, dispela man o meri i mas wasim klos bilong em na wasim em yet long wara na stap i no klin inap long apinun tru.

15:6  Na man i sindaun long wanpela samting dispela man i gat dispela susu bilong sua i bin sindaun long dispela, em i mas wasim klos bilong em na wasim em yet long wara, na em i stap i no klin inap long apinun tru.

15:7  Na man i putim han long skin bilong man i gat dispela susu bilong sua, em i mas wasim klos bilong em na wasim em yet long wara na stap i no klin inap long apinun tru.

15:8  Na sapos man i gat dispela susu bilong sua i spet long man i stap klin, orait dispela man i mas wasim klos bilong em na wasim em yet long wara na stap i no klin inap long apinun tru.

15:9  Na wanem sia i stap long baksait bilong hos samting na man i gat susu bilong sua i sindaun long em, dispela sia mas i stap i no klin.

15:10  Na wanem man o meri i putim han long wanpela samting i bin stap aninit long em, dispela wanpela i putim han mas i stap i no klin inap long apinun tru. Na man i karim wanpela bilong ol dispela samting, em i mas wasim klos bilong em na wasim em yet long wara na stap i no klin inap long apinun tru.

15:11  Na wanem man o meri dispela man i gat susu bilong sua i putim han bilong em i go long em na man i gat susu i no wasim ol han bilong em long wara pastaim, dispela arapela man i mas wasim klos bilong em na wasim em yet long wara na stap i no klin inap long apinun tru.

15:12  Na sospen graun dispela man i gat susu bilong sua i putim han long em, ol i mas brukim dispela. Na olgeta sospen i bilong diwai ol i mas wasim long wara.

15:13  Na taim dispela man i gat susu bilong sua i kamap klin long dispela susu, orait em i mas makim long em yet sevenpela de bilong em i kamap klin na wasim klos bilong em na wasim skin bilong em long wara i ran i go, na em bai stap klin.

15:14  Na long de namba et em i mas kisim i kam long em tupela pisin balus o tupela yangpela pisin na kam long pes bilong BIKPELA long dua bilong haus sel holi bilong bung bilong ol manmeri na givim ol long pris.

15:15  Na pris i mas ofaim ol, wanpela bilong i stap ofa bilong sin, na arapela bilong i stap ofa i kuk olgeta. Na pris i mas mekim ofa bilong karamapim long mekim i kamap wanbel i bilong em long pes bilong BIKPELA bilong dispela susu bilong em.

15:16  Na sapos wara bilong marit pasin bilong wanpela man i go ausait long em, orait em i mas wasim olgeta skin bilong em long wara na stap i no klin inap long apinun tru.

15:17  Na olgeta klos na olgeta skin dispela wara bilong marit pasin i stap long em, ol i mas wasim long wara na ol dispela i stap i no klin inap long apinun tru.

15:18  Na meri tu i bin slip wantaim dispela man wara bilong marit pasin bilong em i go lusim em, tupela mas wasim ol yet long wara na stap i no klin inap long apinun tru.

15:19  ¶ Na sapos wanpela meri i gat susu bilong sua na dispela susu i stap long skin bilong em i stap blut, ol i mas putim em i stap longwe long ol arapela sevenpela de. Na wanem man o meri i putim han long em mas i stap i no klin inap long apinun tru.

15:20  Na olgeta samting dispela meri i bin slip long em long taim em i stap longwe, ol mas i stap i no klin. Na olgeta samting em i sindaun antap long em mas i stap i no klin.

15:21  Na wanem man o meri i putim han long bet bilong dispela meri, em i mas wasim klos bilong em na wasim em yet long wara na stap i no klin inap long apinun tru.

15:22  Na wanem man o meri i putim han long wanpela samting dispela meri i bin sindaun long em, em i mas wasim klos bilong em na wasim em yet long wara na stap i no klin inap long apinun tru.

15:23  Na sapos dispela i stap antap long bet bilong dispela meri o antap long wanpela samting em i bin sindaun long em, taim wanpela i putim han bilong em long dispela, em i mas i stap i no klin inap long apinun tru.

15:24  Na sapos wanpela man i slip long bet wantaim dispela meri wanpela taim na hap bilong dispela sik mun bilong em i stap long dispela man, em mas i stap i no klin sevenpela de na olgeta hap bilong dispela bet em i slip long em mas i stap i no klin.

15:25  Na sapos wanpela meri i gat sik mun planti de na i no long taim em mas i stap longwe, o sapos dispela sik i winim taim bilong em mas i stap longwe, olgeta de bilong dispela blut bilong mekim em i no klin mas i stap olsem ol de bilong em i stap longwe. Em mas i stap i no klin.

15:26  Olgeta bet em i slip long em long olgeta de bilong blut bilong em i kamaut mas i stap long em olsem bet bilong em taim em i stap longwe. Na wanem samting em i sindaun long em dispela mas i stap i no klin olsem pasin bilong i no stap klin bilong taim em i stap longwe.

15:27  Na wanem man o meri i putim han long ol dispela samting mas i stap i no klin na em i mas wasim klos bilong em na wasim em yet long wara na stap i no klin inap long apinun tru.

15:28  Tasol sapos em i kamap klin long sik mun bilong em, orait em i mas makim long em yet sevenpela de na bihain long dispela em mas i stap klin.

15:29  Na long de namba et em i mas kisim i kam long em tupela pisin balus o tupela yangpela pisin na bringim ol long pris long dua bilong haus sel holi bilong bung bilong ol manmeri.

15:30  Na pris i mas ofaim wanpela bilong i stap ofa bilong sin na arapela bilong i stap ofa bilong kuk olgeta. Na pris i mas mekim ofa bilong karamapim long mekim i kamap wanbel i bilong em long pes bilong BIKPELA bilong dispela blut bilong em i no stap klin.

15:31  Long dispela pasin yupela i mas mekim ol pikinini bilong Isrel i stap longwe long ol samting bilong ol i no klin, bai ol i no ken dai pinis long pasin bilong ol i no klin taim ol i mekim haus sel holi bilong Mi i stap namel long ol i kamap doti.

15:32  Dispela em i lo bilong man i gat susu bilong sua na bilong man wara bilong marit pasin bilong em i lusim em na em i kamap doti long dispela,

15:33  Na bilong meri i gat sik mun bilong em, na bilong man i gat susu bilong sua, bilong dispela man na bilong dispela meri na bilong man i slip wantaim meri i no klin.

Chapter 16

16:1  ¶ Na BIKPELA i toktok long Moses bihain long i dai pinis bilong dispela tupela pikinini man bilong Eron taim ol i ofaim long pes bilong BIKPELA na dai pinis.

16:2  Na BIKPELA i toktok long Moses, Toktok long Eron brata bilong yu long em i no ken kam olgeta taim insait long ples holi i stap insait long dispela bikpela laplap long pes bilong sia bilong marimari i stap antap bilong bokis kontrak, bai em i no ken dai pinis. Long wanem bai Mi kamap ples klia long klaut i stap antap long sia bilong marimari.

16:3  Eron mas i kam insait long ples holi olsem, wantaim wanpela yangpela bulmakau man bilong i stap ofa bilong sin na wanpela sipsip man bilong i stap ofa bilong kuk olgeta.

16:4  Em i mas putim saket holi ol i wokim long naispela waitpela rop na em i mas i gat trausis ol i wokim long naispela waitpela rop i stap long skin bilong em na em i mas i gat let ol i wokim long naispela waitpela rop i pasim em na em i mas putim hat ol i wokim long naispela waitpela rop. Ol dispela em i klos i holi, olsem na em i mas wasim skin bilong em long wara na putim ol long em.

16:5  ¶ Na em i mas kisim bilong bung bilong ol pikinini bilong Isrel tupela pikinini bilong ol meme bilong i stap ofa bilong sin na wanpela sipsip man bilong i stap ofa bilong kuk olgeta.

16:6  Na Eron i mas ofaim yangpela bulmakau man bilong em bilong i stap ofa bilong sin na dispela i bilong em yet na mekim ofa bilong karamapim long mekim i kamap wanbel i bilong em yet na bilong ol wanhaus bilong em.

16:7  Na em i mas kisim dispela tupela meme na soim ol long pes bilong bilong BIKPELA long dua bilong haus sel holi bilong bung bilong ol manmeri.

16:8  Na Eron i mas tromoi ol ston bilong makim dispela tupela meme. Wanpela ston i makim bilong BIKPELA na arapela ston bilong makim meme bilong salim i go.

16:9  Na Eron i mas bringim meme, ston i bin makim long BIKPELA, na ofaim em bilong i stap ofa bilong sin.

16:10  Tasol meme, ston bilong makim i makim em long i stap meme bilong salim i go, em mas i kam laip long pes bilong BIKPELA long yusim em long mekim ofa bilong karamapim long mekim i kamap wanbel na long larim em i go bilong i stap meme bilong salim i go long ples i no gat man.

16:11  Na Eron i mas bringim yangpela bulmakau man bilong ofa bilong sin na dispela i bilong em yet na em i mas mekim ofa bilong karamapim long mekim i kamap wanbel i bilong em yet na bilong ol wanhaus bilong em. Na em i mas kilim i dai dispela yangpela bulmakau man bilong ofa bilong sin na dispela i bilong em yet.

16:12  Na em i mas kisim wanpela samting bilong holim sit bilong paia i pulap long hatpela sit bilong paia i kam long lusim alta long pes bilong BIKPELA na tupela han bilong em i pulap long switpela samting bilong mekim smok smel ol i bin paitim inap long ol i liklik tru na bringim dispela insait long bikpela laplap.

16:13  Na em i mas putim dispela samting bilong mekim smok smel antap long paia long pes bilong BIKPELA, bai dispela klaut bilong smok smel i ken karamapim sia bilong marimari i stap antap long bokis testimoni, bai em i no ken dai pinis.

16:14  Na em i mas kisim sampela bilong blut bilong dispela bulmakau man na tromoi isi isi dispela long pinga bilong em antap long sia bilong marimari long hap san i kamap. Na long pes bilong sia bilong marimari em i mas tromoi isi isi sampela bilong dispela blut long pinga bilong em sevenpela taim.

16:15  ¶ Long dispela taim em i mas kilim i dai dispela meme bilong ofa bilong sin na dispela i bilong ol manmeri, na bringim blut bilong em insait long bikpela laplap na mekim long dispela blut olsem em i bin mekim long blut bilong bulmakau man, na tromoi isi isi dispela antap long sia bilong marimari na long pes bilong sia bilong marimari.

16:16  Na em i mas mekim ofa bilong karamapim long mekim i kamap wanbel i bilong dispela ples holi na as bilong dispela em i ol pikinini bilong Isrel i no klin, na narapela as bilong dispela em ol pasin bilong ol long kalapim lo long olgeta sin bilong ol. Na em i mas mekim olsem bilong haus sel holi bilong bung bilong ol manmeri i stap yet namel long ol taim ol i stap i no klin.

16:17  Na i no gat wanpela man i ken stap insait long haus sel holi bilong bung bilong ol manmeri taim em i go insait long mekim ofa bilong karamapim long mekim i kamap wanbel i stap long ples holi inap long em i kam ausait na em i bin mekim ofa bilong karamapim long mekim i kamap wanbel i bilong em yet na bilong ol wanhaus bilong em na bilong olgeta bilong bung bilong ol manmeri bilong Isrel.

16:18  Na em i mas go ausait long alta i stap long pes bilong BIKPELA na mekim ofa bilong karamapim long mekim i kamap wanbel i bilong dispela. Na em i mas kisim sampela bilong blut bilong dispela bulmakau man na sampela bilong blut bilong dispela meme na putim dispela antap long ol kom bilong alta raun nabaut.

16:19  Na em i mas tromoi isi isi sampela bilong dispela blut antap long dispela long pinga bilong em sevenpela taim na klinim dispela na makim dispela i kamap klinpela long ol samting i no klin bilong ol pikinini bilong Isrel.

16:20  ¶ Na taim em i pinis long mekim ol dispela bilong God i ken wanbel long ples holi na haus sel holi bilong bung bilong ol manmeri na alta, em i mas bringim meme i stap laip yet.

16:21  Na Eron i mas putim tupela han bilong em antap long het bilong meme i stap laip yet na tok yes antap long em long olgeta sin nogut pasin bilong ol pikinini bilong Isrel na olgeta pasin bilong kalapim lo bilong ol long olgeta sin bilong ol, na putim ol antap long het bilong dispela meme na em i mas salim meme i go long han bilong wanpela strongpela man na i go long ples i no gat man.

16:22  Na dispela meme i mas karim long em olgeta sin nogut bilong ol i go long graun i no gat man. Na dispela man i mas lusim i go dispela meme long dispela ples i no gat man.

16:23  Na Eron i mas kam insait long haus sel holi bilong bung bilong ol manmeri na em i mas rausim dispela klos ol i wokim long naispela waitpela rop, em i bin putim ol long em taim em i go insait long ples holi, na em i mas lusim ol long dispela hap.

16:24  Na em i mas wasim skin bilong em long wara long ples holi na putim klos bilong em long em yet na kam ausait na ofaim ofa bilong kuk olgeta i bilong em na ofa bilong kuk olgeta i bilong ol manmeri na mekim ofa bilong karamapim long mekim i kamap wanbel i bilong em yet na bilong ol manmeri.

16:25  Na em i mas kukim dispela gris bilong ofa bilong sin antap long alta.

16:26  Na man i larim i go dispela meme bilong i stap meme bilong salim i go, em i mas wasim klos bilong em na wasim skin bilong em long wara na bihain em i ken kam insait long kem.

16:27  Na dispela bulmakau man i bilong ofa bilong sin, na dispela meme bilong ofa bilong sin na pris i bin bringim blut bilong tupela insait long ples holi long mekim ofa bilong karamapim long mekim i kamap wanbel, wanpela mas karim tupela i go ausait long kem na ol i mas kukim long paia ol skin bilong ol na ol mit bilong ol na ol pekpek bilong ol.

16:28  Na man i kukim ol em i mas wasim klos bilong em na wasim skin bilong em long wara na bihain em i mas kam insait long kem,

16:29  ¶ Na dispela i mas i stap wanpela lo i stap long buk oltaim oltaim long yupela. Long namba seven mun long namba ten de bilong dispela mun, yupela mas daunim ol tewel bilong yupela na yupela i no ken mekim wanpela wok, maski em i stap wanpela bilong kantri bilong yupela yet o wanpela man bilong narapela kantri i stap waira namel long yupela.

16:30  Long wanem long dispela de pris i mas mekim ofa bilong karamapim long mekim i kamap wanbel i bilong yupela long klinim yupela, bai yupela ken i stap klin long olgeta sin bilong yupela long pes bilong BIKPELA.

16:31  Dispela mas i stap sabat bilong malolo long yupela na yupela mas daunim ol tewel bilong yupela long dispela lo i stap long buk oltaim oltaim.

16:32  Na dispela pris em bai putim wel bilong makim long em na em bai makim em long mekim wok long wok bilong pris, long kisim wok bilong papa bilong em, em i mas mekim dispela ofa bilong karamapim long mekim i kamap wanbel na em i mas putim klos ol i wokim long naispela waitpela rop, yes em ol klos holi.

16:33  Na em i mas mekim ofa bilong karamapim long mekim i kamap wanbel i bilong ples holi, na em i mas mekim ofa bilong karamapim long mekim i kamap wanbel i bilong haus sel holi bilong bung bilong ol manmeri na bilong alta, na em i mas mekim ofa bilong karamapim long mekim i kamap wanbel i bilong ol pris na bilong olgeta manmeri bilong dispela bung bilong ol manmeri.

16:34  Na dispela mas i stap wanpela lo i stap long buk oltaim oltaim na i go long yupela, long mekim wanpela ofa bilong karamapim long mekim i kamap wanbel i bilong ol pikinini bilong Isrel bilong olgeta sin bilong ol wanpela taim long wanpela yia. Na em i mekim olsem BIKPELA i givim strongpela tok long Moses.

Chapter 17

17:1  ¶ Na BIKPELA i toktok long Moses, na tok,

17:2  Toktok long Eron na long ol pikinini man bilong em, na long olgeta pikinini bilong Isrel na tok long ol olsem, Dispela em i samting BIKPELA i bin givim strongpela tok long em, na Em i tok,

17:3  Wanem man i stap bilong lain bilong Isrel na em i kilim i dai wanpela bulmakau man o pikinini sipsip o meme insait long kem o em i kilim i dai dispela ausait long kem,

17:4  Na em i no bringim dispela long dua bilong haus sel holi bilong bung bilong ol manmeri long ofaim wanpela ofa i go long BIKPELA long pes bilong haus sel holi bilong BIKPELA, yupela mas makim blut i go long dispela man. Em i bin kapsaitim blut, na yupela mas bagarapim dispela man long namel long ol manmeri bilong em.

17:5  Long dispela as, long ol pikinini bilong Isrel i ken bringim ol sakrifais bilong ol, ol i ofaim dispela long ples i op, yes long ol i ken bringim ol i kam long BIKPELA long dua bilong haus sel holi bilong bung bilong ol manmeri na long pris na ofaim ol bilong i stap ol ofa bilong givim bel isi i go long BIKPELA.

17:6  Na pris i mas tromoi isi isi dispela blut antap long alta bilong BIKPELA long dua bilong haus sel holi bilong bung bilong ol manmeri na kukim dispela gris bilong i stap wanpela switpela smel i go long BIKPELA.

17:7  Na ol i no ken ofaim moa ol sakrifais i go long ol spirit nogut, ol i bin bihainim pasin bilong pamuk long bihainim ol. Dispela mas i stap wanpela lo i stap long buk oltaim oltaim i go long ol namel long ol lain tumbuna pikinini bilong ol.

17:8  Na yu mas toktok long ol, Wanem man i stap bilong lain bilong Isrel, o bilong ol man bilong narapela ples i stap waira namel long yupela, na em i ofaim wanpela ofa bilong kuk olgeta o sakrifais,

17:9  Na em i no bringim dispela long dua bilong haus sel holi bilong bung bilong ol manmeri long ofaim dispela i go long BIKPELA, yes yupela mas bagarapim dispela man long namel long ol manmeri bilong em.

17:10  ¶ Na wanem man i stap bilong lain bilong Isrel o bilong ol man bilong narapela ples i stap waira namel long yupela na em i kaikai blut, maski em wanem kain blut, bai Mi strongim pes bilong Mi i birua long dispela tewel i kaikai blut na bai Mi bagarapim em long namel long ol manmeri bilong em.

17:11  Long wanem laip bilong bodi i stap long blut. Na Mi bin givim dispela long yupela antap long alta long mekim ofa bilong karamapim long mekim i kamap wanbel i bilong ol tewel bilong yupela. Long wanem em i blut i mekim ofa bilong karamapim bilong mekim i kamap wanbel i bilong tewel.

17:12  Olsem na Mi toktok long ol pikinini bilong Isrel, No gat wanpela tewel bilong yupela i ken kaikai blut, na tu wanpela man bilong narapela kantri i stap waira namel long yupela i no ken kaikai blut.

17:13  Na wanem man i stap bilong ol pikinini bilong Isrel o bilong ol man bilong narapela kantri i stap waira namel long yupela na em i lukaut long abus na kisim wanpela abus o pisin long kain em i ken kaikai, tru em i mas kapsaitim blut bilong dispela abus na karamapim dispela blut long das.

17:14  Long wanem dispela em i laip bilong olgeta bodi. Blut bilong em em i bilong givim laip long em. Olsem na Mi toktok long ol pikinini bilong Isrel, Yupela i no ken kaikai blut bilong wanpela bilong olgeta kain mit. Long wanem laip bilong olgeta bodi i stap long blut bilong em. Olgeta manmeri i kaikai dispela yupela mas bagarapim ol.

17:15  Na olgeta wan wan tewel i kaikai dispela samting i bin i dai nating o samting narapela animal i bin bagarapim em, maski em i stap wanpela bilong kantri bilong yupela o wanpela man bilong narapela kantri, em i mas wasim klos bilong em na wasim em yet wantaim long wara, na stap i no klin inap long apinun tru. Long dispela taim em bai stap klin.

17:16  Tasol sapos em i no wasim klos o wasim bodi bilong em, orait em i mas karim sin nogut bilong em.

Chapter 18

18:1  ¶ Na BIKPELA i toktok long Moses, na tok,

18:2  Tokaut long ol pikinini bilong Isrel na tok olsem long ol, Mi stap God na BIKPELA bilong yupela.

18:3  Yupela no ken mekim ol pasin i bilong graun bilong Isip, em ples yupela i bin stap long em. Na yupela no ken mekim ol pasin bilong graun bilong Kenan, em ples Mi bringim yupela i kam long em. Na tu yupela i no ken wokabaut long ol lo bilong ol.

18:4  Yupela mas bihainim ol tok bilong Mi long pe bilong kot na holimpas long ol lo Mi makim long wokabaut long ol. Mi stap God na BIKPELA bilong yupela.

18:5  Olsem na yupela mas bihainim ol lo bilong Mi i stap long buk na lukautim gut ol tok bilong Mi long pe bilong kot. Sapos wanpela man i mekim ol dispela em bai stap laip long ol. Mi stap BIKPELA.

18:6  ¶ I no gat wanpela bilong yupela i ken kam klostu long narapela i stap long lain bilong em long mekim ol i stap skin nating long ai bilong yu. Mi stap BIKPELA.

18:7  Yu no ken mekim papa bilong yu i stap skin nating o mama bilong yu i stap skin nating. Em i mama bilong yu, yu no ken mekim em i stap skin nating long ai bilong yu.

18:8  Yu no ken mekim meri bilong papa bilong yu i stap skin nating long ai bilong yu. Dispela skin nating em i samting bilong papa bilong yu.

18:9  Yu no ken mekim i kamap skin nating long ai bilong yu susa bilong yu, o pikinini meri bilong papa bilong yu, o pikinini meri bilong mama bilong yu, maski mama i bin karim em long ples o karim em long narapela ples.

18:10  Yu no ken mekim i kamap skin nating pikinini meri bilong pikinini man bilong yu, o pikinini meri bilong pikinini meri bilong yu. Long wanem skin nating bilong ol i stap skin nating bilong yu yet.

18:11  Pasin bilong i stap skin nating bilong pikinini meri bilong meri bilong papa bilong yu i papa tru bilong em, dispela meri em i susa bilong yu. Yu no ken mekim em i stap skin nating long ai bilong yu.

18:12  Yu no ken mekim i stap skin nating long ai bilong yu susa bilong papa bilong yu. Em i stap lain bilong papa bilong yu.

18:13  Yu no ken mekim i stap skin nating long ai bilong yu susa bilong mama bilong yu. Long wanem em i stap kandre bilong yu.

18:14  Yu no ken mekim i stap skin nating long ai bilong yu smolpapa bilong yu, yu no ken kam klostu long meri bilong em, em i smolmama bilong yu.

18:15  Yu no ken mekim i stap skin nating long ai bilong yu meri bilong pikinini man bilong yu. Em i stap meri bilong pikinini man bilong yu. Yu no ken mekim em i stap skin nating long ai bilong yu.

18:16  Yu no ken mekim i stap skin nating long ai bilong yu meri bilong brata bilong yu. Dispela skin nating i bilong brata bilong yu.

18:17  Yu no ken mekim i stap skin nating long ai bilong yu wanpela meri wantaim pikinini meri bilong em. Na tu yu no ken kisim pikinini meri bilong pikinini man bilong em o pikinini meri bilong pikinini meri bilong em long mekim em i stap skin nating long ai bilong yu. Long wanem ol i stap lain i klostu dispela meri. Dispela em i pasin nogut.

18:18  Na tu yu no ken maritim wanpela meri long mekim em i stap skin nating long ai bilong yu taim yu marit pinis long susa bilong em, long givim hevi long namba wan meri bilong yu, taim em i stap laip yet.

18:19  ¶ Na tu yu no ken kam klostu long wanpela meri long mekim em i stap skin nating long ai bilong yu taim em i stap longwe long em i no klin.

18:20  Na moa tu yu no ken mekim marit pasin wantaim meri bilong man i stap klostu long yu, long mekim yu yet i kamap doti wantaim em.

18:21  Na yu no ken larim wanpela pikinini bilong yu i go insait long paia long Molek. Na tu yu no ken mekim nem bilong God bilong yu i kamap doti. Mi stap BIKPELA.

18:22  Yu no ken pilai wantaim narapela man olsem yu mekim wantaim meri. Dispela i samting i sting tru long ai bilong BIKPELA.

18:23  Na tu yu no ken slip wantaim wanpela animal long mekim yu yet i kamap doti long dispela. Na tu wanpela meri i no ken sanap long pes bilong wanpela animal long slip long graun long animal i ken slip wantaim em. Dispela em i pasin i gat sem.

18:24  Yupela i no ken mekim yupela yet i kamap doti long wanpela bilong ol dispela samting. Long wanem olgeta bilong ol dispela kantri Mi rausim ol long pes bilong yupela, ol i kamap doti long dispela olgeta samting.

18:25  Na dispela hap graun i kamap doti. Olsem na Mi makim dispela sin nogut long em, na graun em yet i traut ol manmeri i stap long em.

18:26  Olsem na yupela mas lukautim gut ol lo bilong Mi i stap long buk na tu ol tok bilong Mi long pe bilong kot, na yupela no ken mekim wanpela bilong ol dispela samting i sting tru long ai bilong Mi, em wanpela bilong kantri bilong yupela yet o wanpela man bilong narapela kantri i stap waira namel long yupela.

18:27  (Long wanem ol man bilong dispela hap graun i bin stap paslain long yupela ol i bin mekim olgeta bilong ol dispela sting pasin na graun i kamap doti.)

18:28  Nogut graun i traut yupela tu taim yupela i mekim em i kamap doti olsem em i traut ol kantri i stap paslain long yupela.

18:29  Long wanem wanem man o meri bai mekim wanpela bilong ol dispela samting i sting tru long ai bilong Mi, yes ol dispela tewel i mekim ol, yupela mas bagarapim ol bilong rausim ol long namel long ol manmeri bilong ol.

18:30  Olsem na yupela mas lukautim gut lo Mi makim, bai yupela i no ken mekim wanpela bilong ol dispela sting pasin, ol i bin mekim paslain long yupela, na bai yupela i no ken mekim yupela yet i kamap doti long ol dispela. Mi stap God na BIKPELA bilong yupela.

Chapter 19

19:1  ¶ Na BIKPELA i toktok long Moses na tok,

19:2  Toktok long olgeta bilong dispela bung bilong ol pikinini bilong Isrel na tok olsem long ol, Yupela mas i stap holi. Long wanem Mi BIKPELA na God bilong yupela, Mi stap holi.

19:3  Yupela olgeta man wan wan i mas pret long mama bilong em na papa bilong em na holimpas long ol sabat bilong Mi. Mi stap BIKPELA na God bilong yupela.

19:4  Yupela i no ken tanim yupela yet i go long ol god giaman, o mekim gol samting i kuk bilong wokim ol god long yupela yet. Mi stap BIKPELA na God bilong yupela.

19:5  Na sapos yupela i ofaim wanpela sakrifais i bilong ol ofa bilong givim bel isi i go long BIKPELA, yupela mas ofaim dispela long laik bilong yupela yet.

19:6  Yupela mas kaikai dispela long de yupela i ofaim dispela na long de bihain. Na sapos sampela i stap yet inap long de namba tri, yupela mas kukim dispela olgeta long paia.

19:7  Na sapos yupela i kaikai wanpela samting bilong dispela long de namba tri, dispela pasin i sting tru long ai bilong Mi. Bai Mi no orait long dispela.

19:8  Olsem na olgeta wan wan i kaikai dispela, em i mas karim sin nogut bilong em, long wanem em i bin mekim i kamap doti dispela samting holi bilong BIKPELA. Na yupela i mas bagarapim bilong rausim dispela tewel long namel long ol manmeri bilong em.

19:9  Na taim yupela i kamautim kaikai bilong graun bilong yupela, yu no ken kamautim olgeta samting i stap long ol kona bilong gaden bilong yu. Na tu yu no ken kisim ol las liklik hap kaikai i stap yet bilong ol kaikai yu bin bungim.

19:10  Na yu no ken kisim ol liklik hap kaikai bilong ol diwai wain bilong yu, na tu yu no ken bungim olgeta pikinini bilong diwai wain bilong yu. yu mas larim ol i stap yet bilong ol rabis manmeri na ol man bilong narapela ples i ken kisim. Mi stap BIKPELA na God bilong yupela.

19:11  ¶ Yupela i no ken stil o trikim narapela o wanpela i tok giaman long narapela.

19:12  Na yupela i no ken tok tru antap long nem bilong Mi na giaman. Na tu yu no ken mekim nem bilong God bilong yu i kamap doti. Mi stap BIKPELA.

19:13  Yu no ken sitim man i stap klostu long yu, na tu yu no ken stilim samting bilong em. Pe bilong man yu baim long mekim wok i no ken stap wantaim yu olgeta hap bilong nait inap long moningtaim.

19:14  Yu no ken tok long daunim wanpela iapas o putim wanpela samting bilong sutim lek long pes bilong wanpela aipas, tasol yu mas pret long God bilong yu. Mi stap BIKPELA.

19:15  Yupela i no ken mekim pasin i no stretpela long makim pe bilong kot. Yu no ken litimapim man i no gat planti samting o givim biknem long bikpela man, tasol yu mas jasim man i stap klostu long yu long stretpela pasin.

19:16  Yu no ken go nabaut olsem wanpela man bilong karim tok win namel long ol manmeri bilong yu. Na tu yu no ken sanap birua long blut bilong man i stap klostu long yu. Mi stap BIKPELA.

19:17  Yu no ken i no laikim tru brata bilong yu long bel bilong yu. Yu mas hatim man i stap klostu long yu long wanpela samting i no stret, na yu no ken larim sin i stap long em.

19:18  Yu no ken bekim pe nogut o karim bel nogut i birua long ol pikinini bilong manmeri bilong yu, tasol yu mas laikim tru man i stap klostu long yu olsem yu laikim yu yet. Mi stap BIKPELA.

19:19  ¶ Yupela mas holimpas long ol lo bilong Mi i stap long buk. Yu no ken larim ol bulmakau samting bilong yu i givim bel long narapela kain bulmakau samting. Yu no ken tromoi kain kain pikinini kaikai long gaden bilong yu. Na tu yu no ken putim long yu wanpela klos i abusim naispela waitpela rop na ol gras bilong sipsip.

19:20  Na wanem man i pilai wantaim wanpela meri i stap wokmeri nating na ol i makim em long maritim wanpela man na i no gat wanpela i bin baim bek em o mekim em i kamap fri, ol i mas wipim dispela meri. Ol i no ken kilim i dai tupela, long wanem meri i no stap fri.

19:21  Na dispela man i mas bringim ofa bilong pasin bilong sakim lo i bilong em i kam long BIKPELA long dua bilong haus sel holi bilong bung bilong ol manmeri, em wanpela sipsip man bilong i stap ofa bilong pasin bilong sakim lo.

19:22  Na pris i mas mekim ofa bilong karamapim long mekim i kamap wanbel i bilong em long dispela sipsip man bilong ofa bilong pasin bilong sakim lo long pes bilong BIKPELA, bilong sin bilong em, em i bin mekim dispela. Na dispela sin em i bin mekim BIKPELA bai pogivim em long dispela.

19:23  Na taim yupela bai kam insait long dispela hap graun na yupela bin planim olgeta kain diwai bilong kisim kaikai, orait yupela mas tingim ol kaikai i kamap long ol dispela diwai i no klin olsem man i no bin katim skin bilong bihainim kontrak wantaim God. Tripela yia dispela mas i stap olsem man i no bin katim skin long yupela. Yupela no ken kaikai ol dispela.

19:24  Tasol long yia namba foa olgeta kaikai bilong ol dispela diwai mas i stap holi long litimapim nem bilong BIKPELA long dispela.

19:25  Na long yia namba faiv yupela mas kaikai sampela bilong kaikai bilong ol, bai em i ken givim long yupela ol kaikai i kamap moa yet bilong em. Mi stap BIKPELA na God bilong yupela.

19:26  Yupela i no ken kaikai wanpela samting wantaim blut. Na tu yupela i no ken wokim poisin o mekim hait pasin sanguma.

19:27  Yupela i no ken rausim gras long ol sait bilong ol het bilong yupela, na tu yu no ken bagarapim ol kona bilong mausgras bilong yu.

19:28  Yupela i no ken mekim wanpela kat long skin bilong yupela bilong sori long ol daiman o mekim wanpela mak long skin bilong yupela. Mi stap BIKPELA.

19:29  Yu no ken mekim pikinini meri bilong yu i kamap pamuk meri long mekim em i kamap rot meri, nogut dispela hap graun i pundaun long pasin pamuk na dispela hap graun i kamap pulap long ol pasin nogut.

19:30  ¶ Yupela mas lukautim gut ol sabat bilong Mi na givim biknem long ples holi bilong Mi. Mi stap BIKPELA.

19:31  No ken tanim yupela yet i go long ol husat i glasman na tu no ken wok long painim ol man i wokim poisin long yupela i stap doti long ol. Mi stap BIKPELA na God bilong yupela.

19:32  Yu mas sanap long pes bilong wanpela i gat waitpela gras na givim biknem long pes bilong lapun man na pret long God bilong yu. Mi stap BIKPELA.

19:33  Na sapos wanpela man bilong narapela ples i stap waira wantaim yu long graun bilong yupela, yupela no ken givim hevi long em.

19:34  Tasol man bilong narapela kantri i stap wantaim yupela, em i mas stap long yupela olsem wanpela mama i bin karim namel long yupela. Na yu mas laikim tru em olsem yu laikim yu yet. Long wanem yupela bin i stap man bilong narapela kantri long graun bilong Isip. Mi stap BIKPELA na God bilong yupela.

19:35  Yupela no ken makim wanpela samting i no stretpela long makim pe bilong kot o long makim longpela o long makim hevi o long makim hamas.

19:36  Yupela mas i gat stretpela samting bilong skelim na stretpela samting bilong makim hevi na stretpela samting bilong makim hamas plaua samting i stap na stretpela samting bilong makim hamas wel samting i stap. Mi stap BIKPELA na God bilong yupela na Mi bin bringim yupela long lusim graun bilong Isip.

19:37  Olsem na yupela mas wok long bihainim olgeta lo bilong Mi i stap long buk na olgeta tok bilong Mi long pe bilong kot na na mekim ol. Mi stap BIKPELA.

Chapter 20

20:1  ¶ Na BIKPELA i toktok long Moses na tok,

20:2  Gen, yu mas toktok long ol pikinini bilong Isrel olsem, Wanem man bilong ol pikinini bilong Isrel o bilong ol man bilong narapela kantri i stap waira long Isrel i givim wanpela pikinini bilong em i go long Molek, yupela mas strong long kilim em i dai pinis. Ol manmeri bilong dispela hap graun mas paitim em long ol ston.

20:3  Na bai Mi strongim pes bilong Mi i birua long dispela man na Mi bai bagarapim bilong rausim em long namel long ol manmeri bilong em, long wanem em i bin givim wanpela bilong ol pikinini bilong em i go long Molek long mekim ples holi bilong Mi i kamap doti na long mekim nem holi bilong Mi i kamap doti.

20:4  Na sapos ol manmeri bilong dispela hap graun i mekim pasin bilong haitim ol ai bilong ol long dispela man taim em i givim wanpela bilong ol pikinini bilong em i go long Molek na ol i no kilim em i dai,

20:5  Long dispela taim bai Mi strongim pes bilong Mi i birua long dispela man na birua long famili bilong em na bai Mi bagarapim em bilong rausim em namel long ol manmeri bilong em na olgeta manmeri i go long mekim pasin pamuk long bihainim em long mekim pasin pamuk wantaim Molek.

20:6  Na tewel i tanim em yet long bihainim man i glasman na long bihainim ol man i wokim poisin, long go long mekim pasin pamuk long bihainim ol, bai Mi strongim pes bilong Mi i birua long dispela tewel na bai Mi bagarapim em bilong rausim em long namel long ol manmeri bilong em.

20:7  Olsem na yupela mas mekim yupela yet i kamap klin na yupela mas i stap holi, long wanem Mi stap BIKPELA na God bilong yupela.

20:8  Na yupela mas holimpas long ol lo bilong Mi i stap long buk na bihainim ol. Mi stap BIKPELA husat i mekim yupela i stap klin.

20:9  Long wanem olgeta wan wan i mekim tok long daunim papa bilong em o mama bilong em, tru tumas ol i mas kilim em i dai pinis. Em i bin tok long daunim papa bilong em o mama bilong em. Blut bilong em mas i stap long em.

20:10  ¶ Na man i mekim pasin pamuk wantaim meri bilong narapela man, em man i mekim pasin pamuk wantaim meri bilong man i stap klostu long em, dispela man i mekim pasin pamuk na dispela meri i mekim pasin pamuk, tru tumas ol i mas kilim tupela i dai pinis.

20:11  Na man i slip wantaim meri bilong papa bilong em, em i bin lukim skin nating i bilong papa bilong em. Tru tumas ol i mas kilim tupela i dai pinis. Blut bilong tupela mas i stap long tupela.

20:12  Na sapos wanpela man i slip wantaim meri bilong pikinini man bilong em, tru tumas ol i mas kilim tupela i dai pinis. Tupela i bin mekim pasin i gat sem, na blut bilong tupela bai stap long tupela.

20:13  Na tu sapos wanpela man i slip wantaim narapela man olsem em i slip wantaim wanpela meri, tupela i bin mekim pasin i sting tru long tingting bilong God. Tru tumas ol i mas kilim tupela i dai pinis, na blut bilong tupela mas i stap long tupela.

20:14  Na sapos wanpela man i kisim meri bilong em na mama bilong dispela meri long i stap ol meri bilong em, dispela em i pasin nogut. Yupela mas kukim tripela long paia, em dispela man na tupela meri wantaim, bai dispela pasin nogut i no ken stap namel long yupela.

20:15  Na sapos wanpela man i slip wantaim wanpela animal, tru tumas yupela mas kilim em i dai pinis na yupela mas kilim i dai dispela animal.

20:16  Na sapos wanpela meri i kam klostu long wanpela animal, long slipim em yet bilong slip wantaim em, yu mas kilim i dai dispela meri, na dispela animal. Tru tumas yu mas kilim i dai tupela, na blut bilong tupela mas i stap long tupela.

20:17  Na sapos wanpela man bai kisim susa bilong em i pikinini meri bilong papa bilong em o pikinini meri bilong mama bilong em na lukim skin nating bilong dispela meri na meri i lukim skin nating bilong em, dispela em i samting i nogut tru, na yu mas bagarapim long rausim tupela long ai bilong ol manmeri bilong tupela. Em i bin lukim skin nating bilong susa bilong em, na em i mas karim sin nogut bilong em.

20:18  Na sapos wanpela man i pilai wantaim wanpela meri i gat sik mun na em bai lukim skin nating bilong dispela meri, em i bin lukim ples i olsem hul wara bilong blut bilong em na meri i bin mekim ples i olsem hul wara bilong blut bilong em i kamap ples klia. Na yu mas bagarapim bilong rausim tupela long namel long ol manmeri bilong ol.

20:19  Na yu no ken lukim skin nating bilong susa bilong mama bilong yu o bilong susa bilong papa bilong yu. Long wanem em i lukluk long wanpela i lain bilong em na tupela bai karim sin nogut bilong tupela.

20:20  Na sapos wanpela man bai pilai wantaim meri bilong smolpapa bilong em, em i bin lukim skin nating i bilong smolpapa bilong em. Tupela i mas karim sin bilong tupela. Tupela bai i no karim pikinini inap long ol i dai pinis.

20:21  Na sapos wanpela man bai kisim meri bilong brata bilong em, dispela samting em i no klin. Em i bin lukim skin nating i bilong brata bilong em, na bai tupela i no gat pikinini.

20:22  ¶ Olsem na yupela mas holimpas long olgeta lo bilong Mi i stap long buk na olgeta tok bilong Mi long pe bilong kot na bihainim ol, bai dispela hap graun Mi bringim yupela long em long i stap long dispela hap i no ken traut yupela.

20:23  Na yupela i no ken wokabaut long pasin bilong dispela kantri Mi rausim ol long pes bilong yupela. Long wanem ol i bin mekim olgeta bilong ol dispela samting, olsem na Mi tingim ol i nogut tru.

20:24  Tasol Mi bin tokim yupela olsem, Yupela bai kisim graun bilong ol olsem samting papa i laik givim pikinini na bai Mi givim dispela long yupela long sindaun long em, em graun i pulap long susu na hani. Mi stap BIKPELA na God bilong yupela, na Mi bin mekim yupela i no stap wantaim ol arapela manmeri.

20:25  Olsem na yupela mas makim i narakain namel long klinpela animal na animal i no klin na namel long pisin i no klin na pisin i klinpela na yupela i no ken mekim ol tewel bilong yupela i sting tru long animal o long pisin o long wanpela kain samting i stap laip na i wokabaut long bel long graun na Mi bin makim ol long stap longwe long yupela long ol i no klin.

20:26  Na yupela mas i stap holi long Mi. Long wanem Mi BIKPELA na Mi stap holi na Mi bin makim yupela i narakain long ol arapela manmeri, bai yupela i ken stap lain bilong Mi.

20:27  Na tu wanpela man o meri i stap glasman o i stap wanpela i wokim poisin, tru tumas yupela mas kilim ol i dai pinis. Ol i mas paitim ol long ol ston. Blut bilong ol mas i stap long ol.

Chapter 21

21:1  ¶ Na BIKPELA i toktok long Moses, Toktok long ol pris, em ol pikinini man bilong Eron, na tok olsem long ol, I no gat wanpela bilong yupela i ken stap doti bilong putim han long ol daiman i stap namel long ol manmeri bilong em.

21:2  Tasol bilong lain bilong em i stap klostu long em olsem bilong mama bilong em na bilong papa bilong em na bilong pikinini man bilong em na bilong pikinini meri bilong em na bilong brata bilong em,

21:3  Na bilong susa bilong em i no bin slip wantaim wanpela man na i stap klostu long em na em i no gat man bilong em, bilong em, em i ken i stap doti.

21:4  Tasol em i no ken mekim em yet i doti, long wanem em i wanpela nambawan hetman namel long ol manmeri bilong em, maski long mekim em yet i stap nogut.

21:5  Ol i no ken mekim het bilong ol i kamap kela, na tu ol i no ken rausim kona bilong mausgras bilong ol o mekim wanpela kat long skin bilong ol.

21:6  Ol i mas stap holi long God bilong ol, na ol i no ken mekim nem bilong God bilong ol i kamap doti. Long wanem ol i ofaim ol ofa bilong BIKPELA ol i mekim long paia na bret bilong God bilong ol. Olsem na ol mas i stap holi.

21:7  Ol i no ken maritim wanpela meri i stap pamuk meri o wanpela i mekim pasin i doti. Na tu ol i no ken kisim wanpela meri man bilong em i bin rausim em pastaim. Long wanem dispela pris i stap holi long God bilong em.

21:8  Olsem na yu mas makim em i stap holi. Long wanem em i ofaim bret bilong God bilong yu. Em i mas stap holi long yu. Long wanem Mi BIKPELA i mekim yupela i stap holi, Mi stap holi.

21:9  Na pikinini meri bilong wanpela bilong olgeta pris, sapos em i paulim em yet long mekim pasin pamuk, em i paulim papa bilong em. Yu mas kukim em long paia.

21:10  ¶ Na man i stap hetpris namel long ol brata bilong em na yu bin kapsaitim wel bilong makim antap long het bilong em na yu bin makim em long putim ol klos bilong hetpris, em i no ken rausim hat long het bilong em o brukim klos bilong em.

21:11  Na tu em i no ken go klostu long wanpela bodi bilong daiman o mekim em yet i doti bilong papa bilong em o bilong mama bilong em.

21:12  Na tu em i no ken i go ausait long ples holi o mekim doti ples holi bilong God bilong em. Long wanem dispela hat king bilong wel bilong makim bilong God bilong em i stap antap long em. Mi stap BIKPELA.

21:13  Na em i mas maritim wanpela meri i no bin slip wantaim wanpela man pastaim.

21:14  Em i no ken kisim wanpela meri man bilong em i bin dai pinis o i bin mekim pasin i sting o i stap pamuk meri. Tasol em i mas kisim meri i no bin slip wantaim wanpela man na i bilong lain manmeri bilong em long maritim.

21:15  Na tu em i no ken mekim pasin i mekim ol pikinini bilong em i no stap klin namel long ol manmeri bilong em. Long wanem Mi BIKPELA i mekim em i stap holi.

21:16  ¶ Na BIKPELA i toktok long Moses na tok,

21:17  Toktok long Eron na tok, Wanem man i stap bilong ol pikinini bilong yu long taim bilong ol na em i gat wanpela hap i bagarap long bodi bilong em, yu no ken larim em i kam klostu long ofaim bret bilong God bilong em.

21:18  Long wanem, wanem man i stap na i gat hap bilong bodi i bagarap, em i no ken kam klostu, em aipas man, o lek nogut, o man i gat nus i bagarap, o man i gat wanpela samting long bodi ol arapela man i no gat,

21:19  O man i gat fut i bruk, o han i bruk,

21:20  O baksait i krungut, o wanpela i liklik man tru, o em i gat bagarap long ai bilong em, o wanpela i gat sua o bagarap long skin, o ol ston bilong em i bruk.

21:21  No gat wanpela man i gat bagarap long bodi bilong ol pikinini bilong Eron dispela pris i ken i kam klostu long ofaim ol ofa bilong BIKPELA long mekim wok long paia. Em i gat bagarap, em i no ken kam klostu long ofaim bret bilong God bilong em.

21:22  Em i mas kaikai bret bilong God bilong em, em bilong ol samting i holi olgeta na bilong ol samting i holi wantaim.

21:23  Tasol em i no ken go insait long bikpela laplap o kam klostu long alta, long wanem em i gat bagarap long bodi, bai em i no ken mekim ol haus lotu bilong Mi i kamap i no klin. Long wanem Mi BIKPELA i mekim ol i holi.

21:24  Na Moses i tok long dispela long Eron na long ol pikinini man bilong em na long olgeta pikinini bilong Isrel.

Chapter 22

22:1  ¶ Na BIKPELA i toktok long Moses, na tok,

22:2  Toktok long Eron na long ol pikinini man bilong em, bai ol i ken mekim ol yet i stap longwe long ol samting i holi bilong ol pikinini bilong Isrel, na long ol i no ken mekim holi nem bilong Mi i kamap doti long ol dispela samting ol i makim klin long Mi. Mi stap BIKPELA.

22:3  Toktok long ol olsem, Wanem man bilong olgeta pikinini bilong yupela i stap namel long ol lain tumbuna pikinini i kamap bihain na em i go long ol samting i holi, ol pikinini bilong Isrel i makim ol i go long BIKPELA, na pasin bilong i no stap klin i stap long em, dispela tewel mas kisim bagarap bilong rausim em long pes bilong Mi. Mi stap BIKPELA.

22:4  Wanem man bilong ol pikinini bilong Eron i stap lepraman o em i gat susu i kamaut long sua, em i no ken kaikai long ol samting i holi inap long em i stap klin. Na wanem man i putim han long wanpela samting daiman i mekim dispela i no klin o man wara bilong marit pasin bilong em i lusim bodi bilong em,

22:5  O wanem man i tasim wanpela binatang samting i wokabaut long bel, na long dispela em i kamap i no klin, o em i putim han long wanpela man na long dispela man em i kisim pasin bilong i no stap klin, long wanem samting dispela man i no stap klin long em,

22:6  Tewel i bin putim han long wanpela olsem em i mas stap i no klin inap long apinun tru, na em i no ken kaikai sampela bilong ol samting i holi inap long em i wasim skin bilong em long wara.

22:7  Na taim san i stap daun em bai stap klin na bihain em i ken kaikai sampela bilong ol samting i holi, long wanem dispela em i kaikai bilong em.

22:8  Dispela samting i dai pinis nating o ol arapela animal i bin bagarapim, em i no ken kaikai long mekim em yet i kamap doti long dispela. Mi stap BIKPELA.

22:9  Olsem na ol i mas holimpas ol lo bilong Mi,Mi bin makim. Nogut ol i karim sin bilong dispela na dai pinis long dispela, sapos ol i mekim dispela i kamap doti. Mi BIKPELA i makim ol i holi.

22:10  ¶ I no gat wanpela man bilong narapela kantri i ken kaikai samting i holi. Wanpela i stap waira wantaim pris o wokboi pris i baim em long wok ol i no ken kaikai sampela bilong samting i holi.

22:11  Tasol sapos pris i baim wanpela tewel long mani bilong em long i stap slev, dispela slev i ken kaikai sampela bilong dispela na man mama bilong em i karim em long haus bilong pris, ol i ken kaikai sampela bilong kaikai bilong pris.

22:12  Na tu sapos pikinini meri bilong pris i stap marit long man bilong narapela kantri, dispela meri i no ken kaikai sampela bilong wanpela ofa bilong ol samting i holi.

22:13  Tasol sapos pikinini meri bilong pris i stap meri man bilong em i dai pinis o man bilong em i rausim em na em i no gat pikinini na em i bin go bek long haus bilong papa bilong em, olsem taim em i stap yangpela, em i ken kaikai sampela bilong kaikai bilong papa bilong em. Tasol i no gat wanpela bilong narapela kantri i ken kaikai dispela.

22:14  Na sapos wanpela man i no save na em i kaikai sampela bilong samting holi, orait em i mas bungim wanpela bilong faipela hap bilong dispela i go long dispela na em i mas givim dispela long pris wantaim dispela samting i holi.

22:15  Na ol i no ken mekim i kamap doti ol samting holi bilong ol pikinini bilong Isrel na ol i bin ofaim dispela long BIKPELA,

22:16  O larim ol i karim sin nogut bilong pasin bilong sakim lo taim ol i kaikai ol samting holi bilong ol. Long wanem Mi BIKPELA i makim ol i holi.

22:17  ¶ Na BIKPELA i toktok long Moses, na tok,

22:18  Toktok long Eron na long ol pikinini man bilong em na long olgeta pikinini bilong Isrel na tok olsem long ol, Wanem man i bilong lain bilong Isrel o bilong ol man bilong narapela kantri na ol i stap long Isrel, na em i laik ofaim ofa bilong em bilong bihainim olgeta strongpela promis bilong em, na bilong olgeta ofa em i laik givim na ol i laik ofaim dispela i go long BIKPELA bilong i stap ofa bilong kuk olgeta,

22:19  Yupela mas ofaim long laik bilong yupela wanpela i man na i no gat mak nogut bilong ol bulmakau o bilong ol sipsip o bilong ol meme.

22:20  Tasol wanem samting i gat mak nogut, yupela i no ken ofaim dispela. Long wanem dispela i no ken stap samting i orait bilong yupela.

22:21  Na wanem man i ofaim wanpela sakrifais bilong ol ofa bilong givim bel isi i go long BIKPELA long bekim strongpela promis bilong em o wanpela ofa em i gat laik long givim long ol bulmakau o sipsip, dispela ofa mas i stap gutpela tru long i stap orait, na i no gat wanpela mak nogut i ken stap long em.

22:22  Samting i aipas o bun i bruk o lek nogut o i skrapim skin bilong em o i gat bagarap long skin, yupela i no ken ofaim ol dispela i go long BIKPELA o mekim wanpela ofa long paia long ol antap long alta na i go long BIKPELA.

22:23  Wanpela bulmakau man o wanpela pikinini sipsip husat i gat wanpela samting long bodi moa long ol arapela o em i sot long wanpela samting long bodi ol arapela i gat, yu ken ofaim dispela bilong i stap ofa yu gat laik long givim, tasol bilong bekim wanpela strongpela promis dispela em i no orait.

22:24  Yupela no ken ofaim i go long BIKPELA dispela samting i gat liklik bagarap o bikpela bagarap o bruk o i gat kat, na tu yupela i no ken mekim wanpela ofa long dispela long graun bilong yupela.

22:25  Na tu yupela no ken kisim long han bilong man bilong narapela kantri wanpela samting yupela i ofaim bilong wanpela bilong ol dispela, em kaikai bilong God bilong yupela, long wanem doti bilong ol i stap long ol na ol mak nogut i stap long ol, bai ol i no stap orait bilong yupela i ofaim.

22:26  Na BIKPELA i toktok long Moses na tok,

22:27  Taim mama i karim wanpela bulmakau man o wanpela sipsip o wanpela meme, orait em i mas stap sevenpela de aninit long mama. Na long namba et de na bihain em i ken stap orait bilong i stap ofa yu mekim long paia na i go long BIKPELA.

22:28  Na sapos dispela mama i stap bulmakau meri o sipsip meri yupela no ken kilim i dai pinis em na pikinini bilong em wantaim long wanpela de.

22:29  Na taim yupela i laik ofaim wanpela sakrifais i bilong givim tenkyu i go long BIKPELA, ofaim dispela long laik bilong yupela yet.

22:30  Yupela mas kaikai olgeta bilong dispela long de yupela i mekim ofa. Yupela i no ken larim sampela bilong dispela i stap inap long tumora. Mi stap BIKPELA.

22:31  Olsem na yupela mas lukautim gut ol strongpela tok bilong Mi na bihainim ol. Mi stap BIKPELA.

22:32  Na tu yupela no ken mekim nem holi bilong Mi i doti, tasol Mi mas i stap samting i klinpela namel long ol pikinini bilong Isrel. Mi stap BIKPELA husat i makim yupela i klin.

22:33  Na Mi bin bringim yupela long lusim graun bilong Isip long i stap God bilong yupela. Mi stap BIKPELA.

Chapter 23

23:1  ¶ Na BIKPELA i toktok long Moses, na tok,

23:2  Toktok long ol pikinini bilong Isrel na tok olsem long ol, Dispela i tokaut long ol bikpela kaikai bilong BIKPELA, yupela mas autim toksave long dispela i stap ol bung i holi, yes ol dispela i stap ol bikpela kaikai bilong Mi.

23:3  Sikispela de wok mas i kamap. Tasol de seven em i sabat bilong malolo na wanpela bung holi. Yupela no ken mekim wok long dispela. Dispela em i sabat bilong BIKPELA long olgeta haus bilong yupela.

23:4  ¶ Ol dispela em i ol bikpela kaikai bilong BIKPELA, yes em ol bung i holi na yupela mas autim toksave long ol long taim bilong ol.

23:5  Long namba 14 de bilong mun namba wan long apinun tru em i taim bilong pasova bilong BIKPELA.

23:6  Na long de fiftin bilong dispela mun em i bikpela kaikai bilong bret i no gat yis i go long BIKPELA. Sevenpela de yupela mas kaikai bret i no gat yis.

23:7  Long de namba wan yupela mas i gat wanpela bung holi. Yupela i no ken mekim wanpela wok long dispela de.

23:8  Tasol yupela mas ofaim wanpela ofa i kamap long paia na i go long BIKPELA long sevenpela de. Long de namba seven wanpela bung holi em i stap. Yupela i no ken mekim wanpela wok long dispela de.

23:9  Na BIKPELA i toktok long Moses, na tok,

23:10  Toktok long ol pikinini bilong Isrel na tok olsem long ol, Taim yupela i kam long dispela hap graun Mi givim dispela long yupela, na bai yupela i kamautim kaikai long dispela, orait yupela mas bringim wanpela bung bilong wit samting bilong namba wan kaikai bilong taim bilong kamautim bilong yupela i go long pris.

23:11  Na pris i mas mekim dispela bung bilong wit samting i go i kam long pes bilong BIKPELA long dispela i stap orait bilong yupela. Long tumora, bihain long dispela sabat, pris i mas mekim dispela i go i kam.

23:12  Na long de yupela i mekim bung bilong wit samting i go i kam yupela mas ofaim wanpela pikinini sipsip man i no gat mak nogut na i stap long namba wan yia bilong i stap ofa bilong kuk olgeta i go long BIKPELA.

23:13  Na ofa bilong kaikai bilong dispela mas i stap tupela hap bilong tenpela hap bilong wanpela dil bilong gutpela plaua yupela abusim wantaim wel, na ofa bilong dring bilong dispela mas i stap bilong wain, em wanpela hap bilong fopela hap hin.

23:14  Na yupela i no ken kaikai bret o wit samting yupela bin kukim o nupela wit samting inap long dispela wanpela de yupela i bin bringim wanpela ofa i go long God bilong yupela. Dispela mas i stap wanpela lo i stap long buk oltaim oltaim namel long ol lain tumbuna pikinini bilong yupela na long olgeta haus bilong yupela.

23:15  ¶ Na long dispela de bihain long sabat, em dispela de yupela i bin bringim dispela bung bilong wit samting bilong mekim ofa bilong i kam i go, yupela mas kaunim long yupela sevenpela sabat i mas kamap pinis.

23:16  Yes, yupela i mas makim fifti de, em long de bihain long namba seven sabat, na yupela i mas ofaim ofa bilong nupela kaikai i go long BIKPELA.

23:17  Yupela mas bringim i kam ausait long ol haus bilong yupela tupela bret bilong i go i kam long pes bilong BIKPELA i bilong tupela hap bilong tenpela hap bilong wanpela dil i bilong gutpela plaua. Yupela mas kukim ol wantaim yis. Ol i stap namba wan kaikai i go long BIKPELA.

23:18  Na yupela mas ofaim wantaim dispela bret, sevenpela pikinini sipsip i no gat mak nogut na i bilong namba wan yia, na wanpela yangpela bulmakau man na tupela sipsip man. Ol i mas i stap bilong ofa bilong kuk olgeta i go long BIKPELA wantaim ofa bilong kaikai bilong ol na ol dring ofa bilong ol, yes em ofa yupela i mekim long paia bilong switpela smel i go long BIKPELA.

23:19  Long dispela taim yupela mas sakrifais wanpela pikinini bilong ol meme bilong i stap ofa bilong sin na tupela pikinini sipsip i bilong namba wan yia bilong i stap wanpela sakrifais bilong ol ofa bilong givim bel isi.

23:20  Na pris i mas mekim ol i kam i go wantaim bret bilong dispela namba wan kaikai bilong i stap wanpela ofa bilong i kam i go long pes bilong BIKPELA wantaim dispela tupela pikinini sipsip. Ol bai stap holi long BIKPELA, na i bilong pris.

23:21  Na yupela mas autim toksave long dispela de long dispela ken i stap wanpela bung i holi long yupela. Yupela i no ken mekim wanpela wok long dispela de. Dispela bai stap wanpela lo i stap long buk oltaim oltaim long olgeta haus bilong yupela na namel long ol lain tumbuna pikinini bilong yupela bihain.

23:22  Na taim yupela i kamautim kaikai bilong graun bilong yupela, yu no ken pinisim olgeta kaikai bilong ol kona bilong gaden bilong yu taim yu kamautim. Na tu yu no ken go bek long kisim las wan wan kaikai i stap long gaden. Yu mas larim dispela i stap long ol rabisman na long ol man bilong narapela kantri. Mi stap BIKPELA na God bilong yupela.

23:23  ¶ Na BIKPELA i toktok long Moses, na tok,

23:24  Toktok long ol pikinini bilong Isrel na tok, Long mun namba seven na long de namba wan bilong dispela mun, yupela mas makim wanpela sabat, em wanpela samting bilong holim tingting bilong winim bilong ol biugel, em wanpela bung i holi.

23:25  Yupela no ken mekim wanpela wok long dispela de. Tasol yupela mas ofaim wanpela ofa i kamap long paia na i go long BIKPELA.

23:26  Na BIKPELA i toktok long Moses, na tok,

23:27  Na tu long de namba ten bilong dispela namba seven mun em mas i stap de bilong ofa bilong karamapim long mekim i kamap wanbel wantaim God. Dispela i mas i stap wanpela bung i holi long yupela, na yupela mas daunim ol tewel bilong yupela na ofaim wanpela ofa i kamap long paia na i go long BIKPELA.

23:28  Na yupela i no ken mekim wok long dispela de. Long wanem dispela em i de bilong ofa bilong karamapim long mekim i kamap wanbel wantaim God na long mekim ofa bilong karamapim long mekim i kamap wanbel i bilong yupela long pes bilong BIKPELA na God bilong yupela.

23:29  Long wanem, wanem tewel i stap na em i no laik daunim em yet long dispela de, yupela mas bagarapim em bilong rausim em long namel long ol manmeri bilong em.

23:30  Na wanem tewel i stap na em i mekim wanpela wok long dispela de, dispela wanpela tewel bai Mi bagarapim em long namel long ol manmeri bilong em.

23:31  Yupela i no ken mekim wanpela kain wok. Dispela mas i stap wanpela lo i stap long buk namel long ol lain tumbuna pikinini bilong yupela na long olgeta haus bilong yupela.

23:32  Dispela mas i stap wanpela sabat bilong malolo long yupela na yupela mas daunim ol tewel bilong yupela. Long de namba nain bilong dispela mun long apinun tru, em long apinun tru inap long apinun tru, yupela mas bihainim strong sabat bilong yupela.

23:33  ¶ Na BIKPELA i toktok long Moses na tok,

23:34  Toktok long ol pikinini bilong Isrel na tok, De fiftin bilong dispela mun namba seven mas i stap bikpela kaikai bilong ol haus win i bilong sevenpela de na i go long BIKPELA.

23:35  Long de namba wan wanpela bung holi mas i stap. Yupela no ken mekim wanpela wok long dispela de.

23:36  Sevenpela de yupela mas ofaim wanpela ofa i kamap long paia na i go long BIKPELA. Long de namba et wanpela bung holi mas i stap long yupela, na yupela mas ofaim wanpela ofa i kamap long paia na i go long BIKPELA. Dispela em i bung i holi na yupela i no ken mekim wanpela wok long dispela de.

23:37  Ol dispela em i ol bikpela kaikai bilong BIKPELA na yupela mas autim toksave long ol i stap ol bung i holi, long ofaim wanpela ofa i kamap long paia na i go long BIKPELA, em ofa bilong kuk olgeta na ofa bilong kaikai na wanpela sakrifais na ol ofa bilong dring, olgeta samting long de bilong em.

23:38  Wantaim ol dispela na tu i stap ol sabat bilong BIKPELA na tu ol samting yupela i laik givim olsem presen, na tu olgeta strongpela promis i go long Mi, na tu olgeta ofa yupela i amamas long givim na yupela i givim long BIKPELA.

23:39  Na tu, long de fiftin bilong mun namba seven taim yupela i bin bungim ol kaikai bilong graun, yupela mas mekim wanpela bikpela kaikai i go long BIKPELA sevenpela de. Long de namba wan sabat mas i stap na long de namba et sabat mas i stap.

23:40  Na long de namba wan yupela mas kisim ol han bilong gutpela diwai, em ol han bilong diwai palmen na ol han bilong ol diwai i stap bung klostu na diwai wilo bilong ol liklik wara, na yupela mas wokim amamas tru sevenpela de long pes bilong BIKPELA na God bilong yupela.

23:41  Na yupela mas mekim dispela, em wanpela bikpela kaikai i go long BIKPELA sevenpela de long yia. Dispela mas i stap wanpela lo i stap long buk oltaim oltaim long ol lain tumbuna pikinini bilong yupela. Yupela mas mekim dispela long mun namba seven.

23:42  Yupela mas sindaun long ol haus win sevenpela de. Olgeta manmeri i kamap long lain bilong Isrel mas i sindaun long ol haus win.

23:43  Bai ol lain tumbuna pikinini bilong yupela i ken save long Mi bin mekim ol pikinini bilong Isrel i sindaun long ol haus win taim Mi bringim ol i lusim Isip. Mi stap BIKPELA na God bilong yupela.

23:44  Na Moses i tokaut long ol pikinini bilong Isrel long ol bikpela kaikai bilong BIKPELA.

Chapter 24

24:1  ¶ Na BIKPELA i toktok long Moses, na tok,

24:2  Givim strongpela tok long ol pikinini bilong Isrel, long ol i mas bringim i kam long yu klinpela wel oliv ol i paitim bilong givim lait, long mekim ol lam i lait olgeta taim.

24:3  Eron mas putim dispela long apinun tru inap long moningtaim ausait long laplap bilong testimoni insait long haus sel holi bilong bung bilong ol manmeri, na long pes bilong BIKPELA olgeta taim. Dispela mas i stap wanpela lo i stap long buk oltaim oltaim long ol lain tumbuna pikinini bilong yupela.

24:4  Em i mas putim ol lam antap long dispela lek bilong kandel i klin olgeta na i stap long pes bilong BIKPELA olgeta taim.

24:5  Na yu mas kisim gutpela plaua na kukim twelpela bret long aven long dispela. Wan wan bret mas i stap tupela hap bilong tenpela hap dil plaua.

24:6  Na yu mas putim ol long tupela lain, em sikispela long wanpela lain antap long dispela tebol i klin olgeta na i stap long pes bilong BIKPELA.

24:7  Na yu mas putim sanda frankinsens i klin olgeta antap long tupela lain, bai dispela i ken stap antap long bret bilong kirapim tingting, em wanpela ofa yu mekim long paia na i go long BIKPELA.

24:8  Olgeta sabat em i mas lainim dispela long pes bilong BIKPELA olgeta taim na em i mas kisim dispela long ol pikinini bilong Isrel long wanpela kontrak i stap oltaim oltaim.

24:9  Na dispela mas i stap bilong Eron na ol pikinini man bilong em. Na ol i mas kaikai dispela long ples holi. Long wanem dispela i stap holi olgeta long em bilong ol ofa bilong BIKPELA em i mekim long paia long wanpela lo i stap long buk olgeta taim.

24:10  ¶ Na pikinini man bilong wanpela meri Isrel na papa bilong em i man Isip, em i go na stap namel long ol pikinini bilong Isrel. Na dispela pikinini man bilong dispela meri Isrel na wanpela man bilong Isrel i pait wantaim long kem,

24:11  Na dispela pikinini man bilong meri Isrel i tok bilas long nem bilong BIKPELA na em i tok nogut. Na ol i bringim em long Moses. (Na nem bilong mama bilong em i Selomit, em pikinini meri bilong Dibri i bilong lain bilong Dan.)

24:12  Na ol i putim em long kalabus, bai BIKPELA i ken soim ol tingting bilong Em.

24:13  Na BIKPELA i toktok long Moses na tok,

24:14  Bringim dispela man i bin tok bilas long em i kam ausait long kem, na larim olgeta i bin harim em putim ol han bilong ol antap long het bilong em, na larim olgeta bilong bung bilong ol manmeri i tromoi ol ston long em.

24:15  Na yu mas toktok long ol pikinini bilong Isrel na tok, Wanem man o meri i tok bilas long God bilong em, em yet i mas karim sin bilong em.

24:16  Na man i tok bilas long nem bilong BIKPELA, tru tumas yupela mas kilim i dai pinis em, na olgeta bilong bung bilong ol manmeri i mas strong long tromoi ol ston long em. Dispela i tru long ol man bilong narapela kantri na long man mama i bin karim em long dispela hap graun, taim em i tok bilas long nem bilong BIKPELA, yupela mas kilim em i dai pinis.

24:17  Na man i kilim i dai pinis narapela man, tru tumas yupela mas kilim i dai pinis em.

24:18  Na man i kilim i dai pinis wanpela animal, em i mas bekim dispela, wankain animal bilong bekim long animal.

24:19  Na sapos wanpela man i mekim mak nogut i kamap long man i stap klostu long em, olsem em i bin mekim, olsem tasol yupela mas mekim long em.

24:20  Em, wankain bun i bruk bilong bekim bun i bruk, na ai bilong bekim ai, na tit bilong bekim tit. Olsem em i bin kirapim wanpela bagarap long narapela man, yupela i mas mekim olsem long em gen.

24:21  Na man i kilim i dai pinis wanpela animal em i mas bekim dispela. Na man i kilim i dai pinis wanpela man, tru tumas yupela mas kilim em i dai pinis.

24:22  Yupela mas i gat wanpela kain lo tu bilong man bilong narapela kantri i olsem lo bilong wanpela bilong kantri bilong yupela yet. Long wanem Mi stap BIKPELA na God bilong yupela.

24:23  Na Moses i toktok long ol pikinini bilong Isrel, long ol i mas bringim dispela man i bin tok bilas ausait long kem na kilim i dai pinis em long ol ston. Na ol pikinini bilong Isrel i mekim olsem BIKPELA i givim strongpela tok long Moses.

Chapter 25

25:1  ¶ Na BIKPELA i toktok long Moses long maunten Sainai, na tok,

25:2  Toktok long ol pikinini bilong Isrel na tok olsem long ol, Taim yupela i kam insait long graun Mi givim yupela, long dispela taim graun i mas i gat wanpela sabat i go long BIKPELA.

25:3  Sikispela yia yu mas tromoi pikinini kaikai long gaden bilong yu, na sikispela yia yu mas katim han bilong bung bilong ol diwai wain bilong yu, na bungim ol kaikai bilong dispela.

25:4  Tasol long yia namba seven em mas i stap wanpela sabat bilong malolo long graun, em wanpela sabat bilong BIKPELA. Yu no ken tromoi pikinini kaikai long gaden bilong yu, o katim ol han bilong bung bilong diwai wain bilong yu.

25:5  Yu no ken kamautim ol samting bilong gaden bilong yu i kamap long strong bilong em yet, na tu yu no ken bungim ol pikinini bilong diwai wain i kamap nating. Long wanem dispela em i yia bilong malolo long dispela hap graun.

25:6  Na dispela sabat bilong graun bai stap kaikai bilong yupela. Em bilong yu na bilong wokboi bilong yu na bilong wokmeri bilong yu na bilong wokboi yu baim wok bilong em na bilong man bilong yu i bilong narapela kantri na i stap waira wantaim yu,

25:7  Na bilong ol bulmakau samting bilong yu na bilong ol animal i stap long graun bilong yu, olgeta bilong dispela kaikai i mas i stap kaikai bilong ol.

25:8  ¶ Na yu mas makim sevenpela sabat bilong ol yia i go long yu sevenpela taim sevenpela yia, na taim bilong dispela sevenpela sabat bilong ol yia bai stap long yu em foti na nain yia.

25:9  Long dispela taim yu mas mekim biugel bilong jubili long krai long de namba ten bilong mun namba seven. Em long de bilong ofa bilong karamapim long mekim i kamap wanbel wantaim God na yupela mas mekim biugel i krai long olgeta hap bilong graun bilong yupela.

25:10  Na yupela mas makim i holi dispela yia namba fifti na autim toksave long pasin bilong i stap fri em i stap namel long olgeta hap bilong dispela hap graun na i go long olgeta manmeri i stap long dispela hap graun. Dispela mas i stap wanpela jubili long yupela, na yupela mas larim olgeta wan wan man i go bek long graun bilong em na yupela mas larim olgeta wan wan man i go bek long famili bilong em.

25:11  Dispela yia namba fifti mas i stap wanpela jubili long yupela. Yupela i no ken tromoi kaikai long gaden, o kamautim kaikai long dispela samting i kamap long strong bilong em yet, o bungim ol pikinini bilong diwai wain long diwai wain yu no bin katim han bilong ol.

25:12  Long wanem dispela em i jubili. Em bai stap holi long yupela. Yupela mas kaikai ol samting i kamap long gaden.

25:13  Long yia bilong dispela jubili yupela mas larim olgeta man i go bek long graun bilong em.

25:14  Na sapos yu salim wanpela samting long man i stap klostu long yu o yu baim wanpela samting long han bilong man i stap klostu long yu, yupela no ken givim hevi wanpela long narapela.

25:15  Bilong bihainim namba bilong ol yia bihain long jubili yu mas baim graun bilong man i stap klostu long yu na em i mas salim dispela long yu bilong bihainim namba bilong ol yia bilong kisim kaikai long dispela.

25:16  Bilong bihainim planti tru yia i stap yet yu mas apim pe long dispela graun, na bilong bihainim i no planti yia i stap yet yu mas daunim pe bilong dispela graun. Long wanem em bilong bihainim namba bilong ol yia bilong kisim kaikai em i as bilong em i salim dispela long yu.

25:17  Olsem na yupela i no ken givim hevi wanpela long narapela. Tasol yu mas pret long God bilong yu. Long wanem Mi stap BIKPELA na God bilong yupela.

25:18  Long dispela as, yupela mas bihainim ol lo bilong Mi i stap long buk na lukautim gut ol tok bilong Mi long pe bilong kot na bihainim ol, na yupela bai sindaun long dispela hap graun na no gat birua.

25:19  Na dispela hap graun bai givim kaikai bilong em, na yupela bai kaikai long yupela inap tru na sindaun long dispela hap graun long yupela i no gat birua.

25:20  Na sapos yupela bai tok, Bai yumi kaikai wanem samting long namba seven yia? Harim, yumi no ken tromoi pikinini kaikai o bungim ol kaikai bilong yumi.

25:21  Long dispela taim bai Mi givim strongpela tok long blesing bilong Mi i kam long yupela long yia namba sikis, na dispela bai karim kaikai inap long tripela yia.

25:22  Na yupela mas tromoi pikinini kaikai long yia namba et na kaikai yet long olpela kaikai inap long yia namba nain, inap long ol kaikai bilong graun i kamap mau yupela mas kaikai olpela kaikai.

25:23  ¶Yupela i no ken salim graun bilong yupela inap long oltaim oltaim. Long wanem dispela hap graun i bilong Mi. Long wanem yupela i stap ol man bilong narapela kantri na ol waira i stap wantaim Mi.

25:24  Na long olgeta bilong dispela hap graun bilong yupela i holim, yupela mas larim narapela brata i baim bek graun bilong em.

25:25  Sapos brata bilong yu i kamap rabis na em i bin salim sampela graun bilong wanem samting em i holim, na sapos wanpela bilong lain bilong em i kam long baim bek dispela, orait em i mas baim bek wanem samting brata bilong em i bin salim.

25:26  Na sapos dispela man i no gat wanpela man long baim bek dispela na em yet inap long baim bek dispela,

25:27  Nau larim em kaunim ol yia bilong em i bin salim dispela na bekim hamas em i stap yet long man em i bin salim dispela long em, bai em i ken go bek gen long graun bilong em.

25:28  Tasol sapos dispela man i no inap bekim dispela hap i stap yet long man i bin baim, orait graun em i bin salim mas stap yet long han bilong man i bin baim dispela, inap long yia bilong jubili. Na long yia bilong jubili dispela dinau bai go na em i ken go bek long graun bilong em.

25:29  Na sapos wanpela man i salim wanpela haus bilong i stap insait na em i insait long wanpela biktaun i gat banis nabaut, orait em i ken baim bek dispela insait long wanpela yia bihain long em i bin salim dispela, insait long wanpela yia em i ken baim bek dispela.

25:30  Na sapos em i no baim bek dispela insait long wanpela yia, orait haus i stap insait long biktaun i gat banis nabaut bai stap oltaim oltaim long man i bin baim dispela namel long ol lain tumbuna pikinini bilong em. Dispela bai i no inap go bek long jubili.

25:31  Tasol ol haus bilong liklik taun i no gat banis i stap raun nabaut long ol, yupela mas makim ol olsem ol bikpela gaden i no stap long taun. Yupela i ken baim bek ol, na ol bai kamaut fri long jubili.

25:32  Tasol ol biktaun bilong ol Livai na ol haus bilong ol biktaun bilong ol, ol Livai i ken baim bek ol long olgeta taim.

25:33  Na sapos wanpela man i baim haus bilong ol Livai, orait dispela haus man Livai i bin salim na dispela biktaun bilong em, mas i go fri long yia bilong jubili. Long wanem ol haus bilong ol biktaun bilong lain bilong Livai i stap samting bilong ol namel long ol pikinini bilong Isrel.

25:34  Tasol hap bilong ol gaden i stap arere bilong ol biktaun bilong ol, ol i no ken salim. Long wanem dispela i stap samting bilong ol olgeta taim.

25:35  Na sapos brata bilong yu i kamap rabisman na em i pundaun long bagarap long ai bilong yu, orait, yu mas helpim em. Yes, maski em i stap man bilong narapela kantri o waira i stap wantaim yu, bai em i ken i stap laip wantaim yu.

25:36  Yu no ken kisim profit mani long em o wanpela samting i antap long wanem samting yu bin givim em. Tasol yu mas pret long God bilong yu, bai brata bilong yu i ken stap laip wantaim yu.

25:37  Yu no ken givim em mani bilong yu long kisim profit mani, o larim em i kisim kaikai bilong yu bilong yu ken kisim moa kaikai long em.

25:38  Mi stap BIKPELA na God bilong yupela, na Mi bin bringim yupela i kamaut long graun bilong Isip long givim yupela dispela graun bilong Kenan, na long Mi stap God bilong yupela.

25:39  ¶ Na sapos brata bilong yu i sindaun klostu long yu i kamap rabisman na wanpela i salim em long yu, yu no ken mekim em i mekim wok bilong yu olsem wanpela wokboi nating.

25:40  Tasol olsem wanpela wokboi yu baim wok bilong em na olsem man i stap waira wantaim yu, em i mas stap wantaim yu na mekim wok bilong yu inap long yia bilong jubili.

25:41  Na long dispela taim em bai lusim yu, em na ol pikinini bilong em wantaim em, na ol bai go bek long famili bilong em yet na em bai go bek long graun samting bilong ol papa bilong em.

25:42  Long wanem ol i stap ol wokboi bilong Mi, na Mi bin bringim ol long lusim graun bilong Isip. Yupela no ken salim ol olsem ol wokboi nating.

25:43  Yu no ken bosim em long pasin bilong bagarapim em, tasol yu mas pret long God bilong yu.

25:44  Ol wokboi nating na ol wokmeri nating yu bai kisim, ol i mas stap bilong ol haiden i stap raun nabaut long yupela, yupela mas baim ol wokboi nating na wokmeri nating i bilong ol.

25:45  Na moa tu ol pikinini bilong ol man bilong narapela kantri i stap waira namel long yupela, yupela i ken baim bilong ol na bilong ol famili bilong ol i stap wantaim yupela, ol i bin karim ol long hap graun bilong yupela. Na ol bai stap samting i bilong yupela.

25:46  Na yupela bai kisim ol olsem samting bilong givim ol pikinini bilong yupela i kamap bihain long yupela, long ol i ken kisim ol bilong i stap samting bilong ol yet. Ol bai stap ol wokboi nating bilong yupela oltaim oltaim. Tasol wanpela bilong yupela i no ken bosim narapela long pasin bilong bagarapim em long ol brata bilong yupela, em ol pikinini bilong Isrel.

25:47  Na sapos man i stap waira wantaim yu o man bilong narapela kantri i kamap maniman klostu long yu na brata bilong yu i stap klostu long em i kamap rabisman, na em i salim em yet long dispela man i stap man bilong narapela kantri, o i stap waira i stap wantaim yu o long wanpela i bilong famili bilong man bilong narapela kantri,

25:48  Bihain long wanpela i bin salim em, narapela i ken baim bek em gen, wanpela bilong ol brata bilong em i ken baim bek em.

25:49  Em smolpapa bilong em o pikinini man bilong smolpapa bilong em, ol i ken baim bek em, o wanpela i klostu bilong lain bilong em i ken baim bek em, o sapos em inap em i ken baim bek em yet.

25:50  Na em i mas skelim wantaim man i bin baim em long yia wanpela i bin salim em long dispela man inap long yia bilong jubili. Na pe bilong salim em bek mas i stap bilong bihainim namba bilong ol yia na bilong bihainim taim bilong wanpela wokman em i bin baim wok bilong em, em i mas stap olsem long em.

25:51  Sapos i stap planti yia yet bihain, bilong bihainim ol em i mas givim gen pe bilong baim bek em i kamaut long mani arapela i bin baim em long dispela mani.

25:52  Na sapos i gat liklik namba bilong yia i stap yet i go long yia bilong jubili, orait em i mas kaunim wantaim em na bilong bihainim ol yia bilong em, em i mas givim dispela man gen pe bilong baim bek em yet.

25:53  Na olsem wanpela wokman papa bilong graun i baim wok bilong em long olgeta wan wan yia, em bai stap olsem wantaim em. Na bosman i no ken bosim em long pasin bilong bagarapim em long ai bilong yu.

25:54  Na sapos wanpela i no baim bek em long ol dispela yia, orait em i mas go long yia bilong jubili, em dispela man na ol pikinini bilong em wantaim em.

25:55  Long wanem ol pikinini bilong Isrel i stap ol wokboi bilong Mi. Ol i stap ol wokboi bilong Mi na Mi bin bringim ol i kamaut long graun bilong Isip. Mi stap BIKPELA na God bilong yupela.

Chapter 26

26:1  ¶ Yupela no ken mekim long yupela ol god giaman o piksa long god giaman, na tu yupela i no ken kirapim wanpela god giaman i sanap, na tu yupela i no ken putim wanpela god giaman bilong ston long graun bilong yupela long lindaun long dispela. Long wanem Mi stap BIKPELA na God bilong yupela.

26:2  Yupela mas lukautim gut ol sabat bilong Mi na givim biknem long ples holi bilong Mi. Mi stap BIKPELA.

26:3  Sapos yupela i wokabaut long ol lo bilong Mi i stap long buk na lukautim gut ol strongpela tok bilong Mi na bihainim ol,

26:4  Long dispela taim bai Mi givim ren long yupela long taim stret bilong dispela, na dispela hap graun bai givim ol kaikai bilong em na ol diwai bilong hap i op bai givim kaikai bilong ol.

26:5  Na taim yupela i kamautim wit samting bai go inap long taim bilong kisim ol pikinini bilong diwai wain, na taim bilong kisim ol pikinini bilong diwai wain bai go inap long taim bilong tromoi pikinini kaikai long graun. Na yupela bai kaikai bret bilong yupela inap long pulap, na stap gutpela long graun bilong yupela.

26:6  Na bai Mi givim pasin bilong i no gat bikpela pait long dispela hap graun na yupela bai malolo na no gat wanpela bai mekim yupela i pret. Na bai Mi rausim ol animal nogut long dispela hap graun, na tu bainat i no inap go nabaut long graun bilong yupela.

26:7  Na yupela bai rausim ol birua bilong yupela, na ol bai dai pinis long ol bainat bilong yupela long pes bilong yupela.

26:8  Na faipela bilong yupela bai raunim wan handret na wan handret bilong yupela bai mekim ten tausen i ranawe. Na ol birua bilong yupela bai dai pinis long ol bainat bilong yupela long pes bilong yupela.

26:9  Long wanem Mi bai givim biknem long yupela na mekim yupela i karim kaikai na mekim yupela i kamap planti na kirapim kontrak bilong Mi wantaim yupela.

26:10  Na yupela bai kaikai olpela kaikai na bringim i kam dispela olpela, na as bilong dispela em i nupela.

26:11  Na bai Mi putim haus sel holi bilong Mi namel long yupela. Na bai tewel bilong Mi i no tingim yupela i nogut tru.

26:12  Na bai Mi wokabaut namel long yupela na bai Mi stap God bilong yupela na yupela bai stap ol manmeri bilong Mi.

26:13  Mi stap BIKPELA na God bilong yupela na Mi bin bringim yupela i kamaut long graun bilong Isip, bai yupela i no ken stap ol wokboi nating bilong ol. Na Mi bin brukim strong bilong dispela samting i bin i stap long nek bilong yupela na mekim yupela i sanap stretpela na go.

26:14  ¶ Tasol sapos yupela i no laik harim gut Mi na yupela i no laik bihainim olgeta bilong ol dispela strongpela tok bilong Mi,

26:15  Na sapos yupela bai tingim ol lo i stap long buk bilong Mi i samting nating, o sapos tewel bilong yupela i tingim ol tok bilong Mi long pe bilong kot i samting i nogut tru, bai yupela i no laik bihainim olgeta strongpela tok bilong Mi, tasol yupela i brukim kontrak bilong Mi.

26:16  Mi tu bai mekim dispela long yupela, bai Mi makim pasin bilong i stap pret tru long yupela na pasin bilong i stap bun nating na bikpela skin hat na dispela bai bagarapim ol ai na kirapim bel i sori. Na yupela bai tromoi nating bilong planim ol pikinini kaikai bilong yupela. Long wanem ol birua bilong yupela bai kaikai dispela.

26:17  Na bai Mi strongim pes bilong Mi i birua long yupela na ol bai kilim i dai yupela long pes bilong ol birua bilong yupela. Lain i no laikim tru yupela bai bosim kingdom bilong yupela, na yupela bai ranawe taim i no gat man i ranim yupela.

26:18  Na bilong olgeta bilong dispela, sapos yupela i no laik yet long harim gut Mi, orait bai Mi mekim save long yupela sevenpela taim moa bilong ol sin bilong yupela.

26:19  Na bai Mi brukim hambak pasin bilong strong bilong yupela, na bai Mi mekim skai bilong yupela i olsem ain na graun bilong yupela i olsem bras.

26:20  Na bai yupela i yusim strong bilong yupela nating. Long wanem bai graun bilong yupela i no givim kaikai bilong em, na tu ol diwai i no ken givim ol kaikai bilong ol.

26:21  Na sapos yupela i wokabaut long pasin i birua long Mi, na i no laik harim gut tok bilong Mi, Mi bai bringim sevenpela taim moa ol bagarap i kamap long yupela bilong bihainim ol sin bilong yupela.

26:22  Na tu bai Mi salim ol wel animal namel long yupela, na ol bai stilim long yupela ol pikinini bilong yupela na bagarapim ol bulmakau samting bilong yupela na mekim yupela i liklik lain, na ol bikpela rot bilong yupela bai stap nating.

26:23  Na sapos yupela i no laik kisim stretim bilong Mi long ol dispela samting, tasol yupela i laik wokabaut long pasin i birua long Mi,

26:24  Orait bai Mi tu i wokabaut long pasin i birua long yupela, na bai Mi mekim save long yupela sevenpela taim bilong ol sin bilong yupela.

26:25  Na bai Mi bringim wanpela bainat i kam long yupela, na dispela bai bekim pe nogut long dispela sakim bilong kontrak bilong Mi. Na taim yupela i bung wantaim insait long ol biktaun bilong yupela, bai Mi salim bikpela sik namel long yupela. Na Mi bai putim yupela i go long han bilong birua.

26:26  Na taim Mi bin brukim dispela lukautim bilong bret bilong yupela, tenpela meri bai kukim bret bilong yupela long wanpela aven, na ol bai bringim bret bilong yupela long yupela long pasin bilong skelim hevi bilong em. Na yupela bai kaikai na dispela i no inapim yupela.

26:27  Na bilong olgeta bilong dispela, sapos yupela i no laik harim gut Mi, tasol yupela i wokabaut long pasin i birua long Mi,

26:28  Orait, bai Mi tu i wokabaut long pasin i birua long yupela long pasin bilong bikpela belhat, na Mi, yes, bai Mi mekim save long yupela sevenpela taim bilong ol sin bilong yupela.

26:29  Na bai yupela i kaikai mit bilong bodi bilong ol pikinini man bilong yupela. na yupela bai kaikai mit bilong bodi bilong ol pikinini meri bilong yupela.

26:30  Na bai Mi bagarapim ol ples bilong yupela i stap antap na katim bilong rausim ol piksa bilong ol god giaman bilong yupela na tromoi ol bodi bilong yupela, taim yupela i stap ol daiman, antap long ol bodi bilong ol god giaman bilong yupela taim ol i daiman na tewel bilong Mi bai tingim yupela i samting i nogut tru.

26:31  Na bai Mi mekim ol biktaun bilong yupela i bagarap olgeta na bringim ol ples lotu bilong yupela long i bruk daun. Na bai Mi no smelim dispela smel bilong ol switpela smel bilong yupela.

26:32  Na bai Mi bringim dispela hap graun long i bruk daun. Na ol birua bilong yupela i stap long dispela hap graun bai kirap nogut long dispela.

26:33  Na bai Mi tromoi nabaut yupela namel long ol haiden, na bai Mi kisim wanpela bainat i kam long baksait bilong yupela. Na graun bilong yupela bai stap nating na ol biktaun bilong yupela i bagarap.

26:34  Long dispela taim graun bai laikim ol sabat bilong em, em inap long dispela graun i stap nating. Na yupela i stap long graun bilong ol birua bilong yupela, yes long dispela taim graun bai malolo na laikim ol sabat bilong em.

26:35  Inap long em i stap nating em bai malolo, long wanem em i no bin kisim malolo long ol sabat bilong yupela, taim yupela i stap long em.

26:36  Na long ol bilong yupela i stap laip yet, bai Mi salim pasin bilong pret long bel bilong ol long ol graun bilong ol birua bilong ol. Na nois bilong wanpela lip i seksek bai ranim ol. Na ol bai ranawe olsem ol i ranawe long wanpela bainat. Na ol bai pundaun taim i no gat wanpela i ranim ol.

26:37  Na bai ol i pundaun wanpela antap long narapela, olsem ol i stap long pes bilong wanpela bainat, taim i no gat wanpela i ranim ol. Na bai yupela i nogat strong long sanap long pes bilong ol birua bilong yupela.

26:38  Na yupela bai bagarap olgeta namel long ol haiden. Na graun bilong ol birua bilong yupela bai kaikai pinis yupela.

26:39  Na ol i stap yet bilong yupela bai pilim nogut na kamap liklik lain long sin nogut bilong ol long ol graun bilong ol birua bilong yupela. Na tu ol bai pilim nogut na kamap liklik lain wantaim ol papa bilong ol long ol sin nogut bilong ol papa bilong ol.

26:40  ¶ Sapos ol bai tok yes long sin nogut bilong ol na sin nogut bilong ol papa bilong ol, wantaim pasin bilong sakim lo i bilong ol na long dispela pasin bilong sakim lo i birua long Mi, na tu long ol i bin wokabaut long rot i birua long Mi,

26:41  Na long Mi tu i bin wokabaut birua long ol na Mi bin bringim ol long graun bilong ol birua bilong ol, na sapos ol i daunim ol bel bilong ol, ol i no bin makim i bilong Mi, na long dispela taim ol i tok orait long Mi bin mekim save long ol long sin nogut bilong ol,

26:42  Orait, bai Mi tingim gen kontrak bilong Mi wantaim Jekop, na tu kontrak bilong Mi wantaim Aisak, na tu kontrak bilong Mi wantaim Ebraham. Bai Mi tingim gen ol dispela, na bai Mi tingim gen dispela hap graun.

26:43  Na tu dispela hap graun bai i no gat ol i stap long em, na em bai laikim ol sabat bilong em taim em i stap nating na ol i no stap. Na ol bai tok orait long ol i bin kisim stik bilong sin nogut bilong ol, long wanem, yes long wanem ol i bin tingim ol tok bilong Mi long pe bilong kot i samting nating, na long wanem tewel bilong ol i no laikim tru ol lo bilong Mi i stap long buk.

26:44  Na yet bilong olgeta bilong dispela, taim ol i stap long graun bilong ol birua bilong ol, bai Mi no tromoi ol na tu bai Mi no tingim ol i samting i nogut tru long bagarapim ol olgeta na long brukim kontrak bilong Mi wantaim ol. Long wanem Mi stap BIKPELA na God bilong ol.

26:45  Tasol bai Mi tingim gen dispela kontrak bilong ol tumbuna bilong ol bilong helpim ol, em lain Mi bin bringim i lusim graun bilong Isip long ai bilong ol haiden, bai Mi ken i stap God bilong ol. Mi stap BIKPELA.

26:46  Ol dispela i ol lo i stap long buk na ol tok long pe bilong kot na ol lo BIKPELA i bin mekim namel long Em na ol pikinini bilong Isrel long maunten Sainai long han bilong Moses.

Chapter 27

27:1  ¶ Na BIKPELA i toktok long Moses, na tok,

27:2  Toktok long ol pikinini bilong Isrel na tok olsem long ol, Taim wanpela man bai mekim strongpela promos long makim sampela man o meri i go long BIKPELA, ol dispela manmeri bai i stap bilong BIKPELA,na pe bilong baim bek ol i bilong bihainim tok bilong yu.

27:3  Na tok bilong yu bai stap olsem, bilong man i stap twenti krismas inap long 60-pela krismas, yes, tok bilong yu bai stap olsem, fifti sekel bilong silva bilong bihainim sekel bilong ples holi.

27:4  Na sapos em i meri, orait tok bilong yu bai stap olsem, teti sekel.

27:5  Na sapos em i stap faipela krismas inap long twenti krismas, orait tok bilong yu mas i stap olsem, bilong man twenti sekel na bilong meri tenpela sekel.

27:6  Na sapos em i stap wanpela mun inap long faipela krismas, orait tok bilong yu bai stap olsem, bilong pikinini man faipela sekel bilong silva, na bilong pikinini meri makim bilong yu mas i stap tripela sekel bilong silva.

27:7  Na sapos em i stap 60-pela krismas na i go antap long dispela, sapos em i stap man, orait tok bilong yu mas i stap fiftin sekel na bilong meri tenpela sekel.

27:8  Tasol sapos man i no gat mani bilong bekim tok yu mekim, orait man i mas soim em yet long pes bilong pris na pris bai makim pe bilong em. Pris bai makim pe bilong em bilong bihainim hamas dispela man bilong mekim strongpela promis i inap bekim.

27:9  Na sapos em i stap wanpela animal na ol man i bringim dispela i wanpela ofa i go long BIKPELA, olgeta bilong dispela wanpela man i givim i go long BIKPELA mas i stap holi.

27:10  Em i no inap mekim wanpela samting long dispela o senisim dispela, em wanpela i gutpela bilong senisim wanpela i nogut, o wanpela i nogut bilong senisim wanpela i gutpela. Na sapos em bai senisim wanpela animal bilong narapela animal, orait dispela na senis bilong em, tupela bai stap holi.

27:11  Na sapos em i stap wanpela animal i no klin na ol i no ofaim wanpela bilong dispela kain long i stap sakrifais i go long BIKPELA, orait em i mas bringim dispela animal long pes bilong pris.

27:12  Na pris bai makim pe long dispela, na makim em i gutpela o nogut. olsem yu husat i stap pris i makim pe long dispela, em i mas stap olsem tasol.

27:13  Tasol sapos man i laik long baim bek dispela, orait em i mas bekim pe yu bin makim na brukim wankain pe long faipela hap na bungim wanpela hap moa antap long pe.

27:14  ¶ Na taim wanpela man bai makim haus bilong em long i stap holi long BIKPELA, orait pris bai makim pe long dispela, na makim em i gutpela o nogut. Na dispela pe bai stap olsem pris i makim.

27:15  Na sapos man i bin makim dispela i go long BIKPELA em i laik baim bek haus bilong em, orait em i mas bekim pe yu bin makim na brukim wankain pe long faipela hap na bungim wanpela hap moa antap long pe, na bai dispela haus i bilong em.

27:16  Na sapos wanpela man bai makim i go long BIKPELA sampela hap bilong wanpela ples op i bilong em, orait makim bilong yu long pe mas i stap bilong bihainim ol pikinini kaikai i stap long em. Wanpela homa bilong pikinini kaikai bali pe bilong dispela mas i stap fifti sekel bilong silva.

27:17  Sapos em i makim i go long BIKPELA ples op bilong em long yia bilong jubili, em bai stap bilong bihainim pe yu bin makim.

27:18  Tasol sapos em i makim i go long BIKPELA ples op bilong em bihain long yia bilong jubili, orait pris i mas makim long em mani i bihainim hamas yia i stap yet inap long yia bilong jubili, na dispela bai mekim hamas yu makim i go daun long dispela namba.

27:19  Na sapos man i bin makim i go long BIKPELA dispela ples op na em i laik baim bek dispela, orait em i mas bekim pe yu bin makim na brukim wankain pe long faipela hap na bungim wanpela hap bilong dispela antap long pe, na dispela bai kam bek long em.

27:20  Na sapos em i no laik baim bek dispela ples op o sapos em i bin salim dispela ples op long narapela man, em i no ken baim bek dispela gen.

27:21  Tasol dispela ples op taim em i go ausait long yia bilong jubili mas i stap holi i go long BIKPELA olsem wanpela ples op wanpela i bin givim long BIKPELA oltaim oltaim. Na dispela bai kamap samting bilong pris.

27:22  Na sapos wanpela man i makim i go long BIKPELA wanpela ples op em i bin baim na dispela i no bilong ol ples op bilong graun tru bilong em,

27:23  Long dispela taim pris bai tok save long em long dispela pe yu bin makim inap long yia bilong jubili. Na em bai givim wanem samting yu makim long dispela de, olsem samting i holi i go long BIKPELA.

27:24  Long yia bilong jubili, dispela ples op bai go bek long man dispela arapela man i bin baim dispela long em, em man i stap papa tru bilong dispela hap graun.

27:25  Na olgeta pe yu makim mas bihainim sekel bilong ples holi. Sekel mas i stap twenti gera.

27:26  ¶ Namba wan pikinini tasol bilong ol animal, na dispela mas i stap namba wan pikinini na i bilong BIKPELA, i no gat wanpela man i ken makim dispela i go long BIKPELA, maski em i stap bulmakau man o sipsip. Dispela i stap bilong BIKPELA.

27:27  Na sapos dispela i stap pikinini bilong wanpela animal i no klin, orait em bai baim bek dispela bilong bihainim pe yu bin makim na em i mas kisim wankain pe na brukim dispela long faipela hap na bungim wanpela hap moa long dispela pe. O sapos em i no baim bek dispela, orait yu mas salim dispela long bihainim pe yu bin makim.

27:28  Tasol wanpela samting bilong i go olgeta long BIKPELA, wanpela man i bin givim dispela i go olgeta long BIKPELA, bilong olgeta samting bilong em, em bilong man na animal na bilong ples op bilong em, ol dispela yu no ken salim o larim em i baim bek. Olgeta samting wanpela i givim i go olgeta long BIKPELA i stap holi olgeta i go long BIKPELA.

27:29  No gat wanpela samting wanpela i bin givim i go olgeta long BIKPELA bilong ol man na wanpela i ken baim bek dispela, tasol ol i mas kilim dispela i dai pinis.

27:30  Na olgeta wanpela hap bilong tenpela bilong graun, em bilong ol pikinini kaikai bilong graun o bilong pikinini kaikai bilong diwai, ol i bilong BIKPELA. Em i stap holi i go long BIKPELA.

27:31  Na sapos wanpela man i laik baim bek sampela bilong dispela wanpela hap bilong tenpela, em i mas kisim wankain pe na brukim dispela long faipela hap na bungim wanpela bilong dispela long pe bilong dispela hap em i laik kisim.

27:32  Na bilong dispela wanpela hap bilong tenpela bilong ol bulmakau samting o bilong ol sipsip samting, em bilong ol samting i go aninit long stik bilong wokabaut, wanpela bilong tenpela bai stap holi i go long BIKPELA.

27:33  Em i no ken wok long kisim save long em i gutpela o nogut, na tu em i no ken senisim dispela. Na sapos em i senisim wanpela, orait dispela na senis bilong em, tupela bai stap holi, na man i no ken baim bek dispela.

27:34  Ol dispela em i ol strongpela tok BIKPELA i givim strongpela tok long dispela long Moses na i bilong ol pikinini bilong Isrel long maunten Sainai.