LinVB - Leviticus

Chapter 1

1:1  Yawe abengi Moze mpe ut’o Ema ya Likita alobi na ye boye :

1:2  Yebisa bana ba-Israel, loba na bango : Soko moko wa bino alingi kobonzela Yawe libonza, libonza lyango likoki kozala ngombe to mpata.

1:3  Soko abonzi libonza lya ngombe mpo ya kotumba, ngombe ezala mobali, ezala na mbeba te. Aya na yango penepene na Ema ya Likita, mpo ’te Yawe asepela na libonza lyango.

1:4  Atia loboko o motó, bo­ngo bandima yango ezala libonza mpo ’te azwa bolimbisi masumu.

1:5  Aboma ngombe mobali ena liboso lya Yawe ; banganga Nzambe, bana ba Aron, babonza makila ; banyakela mango zongazo­nga na altare eye ezali o monoko mwa Ema ya Likita.

1:6  Na nsima moto ababola nyama mpe asese yango.

1:7  Ba­nga­nga Nzambe, bana ba Aron baya kotia móto o altare ; batia mpe nkoni o móto.

1:8  Batia biteni bya nyama o nkoni, batia mpe motó na mafuta lokola.

1:9  Basukola misopo na makolo ma nyama na mai, na nsima nganga Nzambe atumba yango inso o altare. Ezali libonza lya kotumba lya nsolo mpimbo liye likosepelisa Yawe.

1:10  Soko abonzi mwana mpata to mwana ntaba, nyama eye ezala mobali, ezala na mbeba te.

1:11  Aboma yango penepene na altare o epai ya Nordi, bobele wana o liboso lya Yawe. Nganga Nzambe, bana ba Aron, banyakela makila zongazo­nga na altare.

1:12  Na nsima asese nyama mpe nganga Nzambe atia biteni, ná motó ná mafuta, o nkoni ipeli o altare.

1:13  Asukola misopo na makolo ma nyama na mai, mpe nganga Nza­mbe abonza mpe atumba nyo­nso o altare. Ezali libonza lya nsolo mpi­mbo liye likosepelisa Yawe.

1:14  Soko abonzeli Yawe ndeke, ezala ekokoba to ebenga.

1:15  Nganga Nza­mbe abonza yango o altare, alo­ngola motó mpe atumba mwango o altare ; na nsima atangisa makila o mipanzi mya altare.

1:16  Alongola libenga lya nkingo na biye bizali o kati, abwaka yango o esika eye bakobwakaka mputulu ya mafuta.

1:17  Apasola ndeke epai ya mapapu, kasi akabola biteni te. Nganga Nza­mbe atumba bongo ndeke o alta­re, o nkoni epeli móto. Ezali libonza lya kotumba lya nsolo mpi­mbo liye likosepelisa Yawe.

Chapter 2

2:1  Soko moto alingi kobonzela Yawe libonza lya bilei, akamata fufu, asopela yango mafuta mpe atia mpaka ya malasi.

2:2  Aya na yango epai ya banganga Nzambe, bana ba Aron. Nganga Nzambe akamata nda­mbo ya fufu, mwa mafuta na mpaka ya malasi o loboko ; atumba inso o altare mpo ’te Nzambe akanisa ye ; ekomi bongo bilei bitu-mbami na móto, ezali libonza lya nsolo mpimbo likosepelisa Yawe.

2:3  Biye bitikali, bapesa byango na Aron mpe na bana ba ye ; bizali bilei bileki bisantu zambi bitumbami na móto mpo ya Yawe.

2:4  Soko olingi kobonzela Yawe libonza lya bilei, libonza lya mampa matumbami o fulu, fufu ya yango ezala minkate milambami na nkisi te, kasi esangana na mafuta, to ezala bisikiti izangi nkisi, iye balambi na mafuta.

2:5  Soko obonzi libonza lya bilei, libonza bakalingi o lisasu, kamata mpe fufu elambami na mafuta, kasi na nkisi te.

2:6  Obuka yango biteni biteni, mpe osopela yango mafuta. Ezali libonza lya bilei.

2:7  Soko obonzi libonza lya bilei, libonza balambi o nzungu, kamata fufu ya mampa elambami na mafuta.

2:8  Obonzela Yawe bilei ola­mbaki bongo, mpe pesa Nganga Nzambe byango ; nganga Nzambe akomeme byango o altare.

2:9  Ye alongola ndambo mpe atumba ya­ngo o altare mpo ’te Yawe akanisaka ye. Ekomi bilei bitumbami na móto, ezali libonza lya nsolo mpi­mbo likosepelisaYawe.

2:10  Biye bitikali, bapesa Aron na bana ba ye ; bilei biye bileki bisantu, zambi babonzaki byango na Yawe.

2:11  Biloko binso bolingi kobonzela Yawe, bokoki kolamba byango na nkisi te, mpo bokoki kotumba bilei mpo ya Yawe te, soko bilambami na nkisi to na mafuta ma nzoi.

2:12  Bokoki kobonzela Yawe byango bo libonza lya mbuma ya yambo bya bilanga, kasi bokoki kobonza byango o altare te bo libonza likosepelisa Yawe.

2:13  Otia mongwa o mabonza ma bilei manso okobonzela Yawe ; ezali mongwa mwa bondeko na Nzambe wa yo, ekoki kozanga o libonza lya yo te. Obakisa mongwa o mabonza ma yo manso.

2:14  Soko obonzeli Yawe mbuma ya yambo ya bilanga, kamata mitó mya mbuma ya mampa, kalinga yango na móto, to nika yango moke mpe lamba yango bongo.

2:15  Sopela ya-ngo mafuta mpe tiela yango mpaka ya malasi ; ekozala libonza lya bilei.

2:16  Nganga Nzambe akotumba eteni eye ekosala ’te Yawe akanisa yo : eza­li ndambo ya mampa mpe ya ma­futa na mpe mpaka ya malasi ; libonza liye lya kotumbama likosepelisa Yawe.

Chapter 3

3:1  Moto alingi kobonzela Yawe libonza lya bondeko, soko apesi ngombe mobali to mwasi, ézala na mbeba te.

3:2  Atia loboko o motó mwa nyama ena mpe aboma yango liboso lya monoko mwa Ema ya Likita. Banganga Nzambe, bana ba Aron, banyakela makila ma nyama ena zo­ngazonga na altare.

3:3  Akobo­nzela Yawe eteni ya moboma mwa bondeko : mafuta makangemi na misopo, na mafuta manso malali o misopo ;

3:4  na mpiko, mpe mafuta makangemi na mpiko, mpe mafuta ma mokongo ; alongola libale na mpiko.

3:5  Bana ba Aron batumba mafuta maye o altare elongo na libonza lya kotumba, liye batiaki o nkoni epeli móto. Ekozala libonza lya nsolo mpimbo likosepelisa Yawe.

3:6  Soko abonzeli Yawe mpata to ntaba mobali to mwasi bo moboma mwa bondeko, ekoki kozala na mbeba te.

3:7  Soko abonzeli Yawe mpata,

3:8  atia loboko o motó mwa nyama mpe aboma yango liboso lya monoko mwa Ema ya Likita ; bana ba Aron banyakela makila ma yango zongazonga na altare.

3:9  Ya moboma moye mwa bondeko abonzela Yawe mafuta bo bilei bitumbami na móto ; akamata mokila mobimba, akata mwango o esika minkuwa mya mokongo mikosuka, na mafuta manso makangemi na misopo, mafuta ma­nso malali o misopo,

3:10  mpiko ibale na mafuta makangemi na mpiko ina, na mpe mafuta ma moko­ngo ; alongola ná libale ná mpiko.

3:11  Nga­nga Nzambe atumba mafuta maye o altare. Ekomi bilei bitu­mbami na móto mpo ya Yawe.

3:12  Soko abonzeli Yawe ntaba,

3:13  atia loboko o motó mwa ntaba mpe aboma yango liboso lya monoko mwa Ema ya Likita. Bana ba Aron banyakela makila ma yango zongazonga na altare.

3:14  Atumbela Yawe bilei biye : mafuta maye makangemi na misopo, mafuta malali o misopo,

3:15  mpiko ibale, mafuta makangemi na mpiko ina mpe mafuta ma mokongo ; alongola mpe libale na mpik­o.

3:16  Nganga Nzambe atumba biteni bina o altare, bizali bilei bitumbami na móto bo libo­nza lya nsolo mpimbo likosepelisa Yawe. Mafuta manso makozala ma Yawe.

3:17  Napesi bino mpe bankoko ba bino mobeko moye mwa seko, ata bafandi o mokili nini. Bolia mafuta ma nyama te, bomele makila ma yango mpe te.

Chapter 4

4:1  Yawe alobi na Moze :

4:2  Loba na bana ba-Israel boye : Soko moto abuki mobeko mwa Yawe, mpe na bokebi te asali bongo likambo lipekisami na mobeko,

4:3  soko nga-nga Nzambe, moto oyo bapakoli mafuta, asali lisumu, bongo azwisi bato ba ye lisumu, asengeli kobo-nzela Yawe ngombe mobali ezali na mbeba te, mpo azwa bolimbisi masumu ma ye.

4:4  Aya na ngombe penepene na monoko mwa Ema ya Likita, atia loboko o motó mwa nyama mpe aboma yango o miso ma Yawe.

4:5  Na nsima nganga Nzambe, moto oyo bapakoli mafuta, akamata nda­mbo ya makila ma ngombe mpe aya na mango o Ema ya Likita.

4:6  Atia mosapi o makila mpe anyakela na mango, o boso bwa Yawe, epai ya liboso ya elamba elai ya ndako esantu, mbala nsambo.

4:7  Nganga Nzambe atia mwa ndambo ya makila o maseke ma altare ya malasi, eye ezali liboso lya Yawe o Ema ya Likita, mpe asopa makila masusu ma ngombe o eteni ya nse ya altare ya mabonza ma kotumba, eye ezali penepene na monoko mwa Ema ya Likita.

4:8  O kati ya mafuta manso ma ngombe eye babomi mpo ya kozwa bolimbisi masumu, akamata biteni biye : mafuta makangemi na misopo, mafuta maye malali o misopo,

4:9  mpiko ibale na mafuta makangemi na mpiko ina, mpe mafuta ma mokongo ; alo­ngola mpe libale na mpiko,

4:10  se lokola balongoli yango na ngombe mobali mpo ya moboma mwa bondeko. Na nsima nganga Nzambe atumba yango o altare ya mabonza ma kotumba.

4:11  Lomposo la ngombe mpe misuni mya yango minso, motó, makolo, misopo na nyei,

4:12  lokola ’te ngo­mbe mobimba, ameme yango o libanda lya nganda, o esika peto, esi­k­a eye bakobwakaka mputulu ya mafuta batumbi. Atumba yango o móto mwa nkoni o esika bakobwakaka mputulu ya mafuta batumbi.

4:13  Soko lisanga mobimba lya Israel lisali lisumu, mpe na bokebi te basali bongo likambo lipekisami na mobeko mwa Yawe, kasi likambo lina liyebani na bato banso te,

4:14  o mokolo lisumu likomi koyebana na bato, lisanga mobimba libonza ngombe mobali mpo ya kozwa bolimbisi masumu ; bameme yango liboso lya Ema ya Likita.

4:15  Bakolo ba lisanga batia loboko o motó mwa nyama liboso lya Yawe, mpe baboma nyama o boso bwa Yawe.

4:16  Na nsima nganga Nzambe, moto oyo bapakoli mafuta, akamata mwa makila ma ngombe mobali mpe bameme mango o Ema ya Likita.

4:17  Atia mosapi o makila mpe anyakela na mango mbala nsambo epai ya liboso ya elamba elai, o boso bwa Yawe.

4:18  Na nsima atia mwa makila o maseke ma altare, eye ezali o boso bwa Yawe o Ema ya Likita ; na nsima asopa makila manso o eteni ya nse ya altare ya mabonza ma kotumba, eye ezali penepene na monoko mwa Ema ya Likita.

4:19  Na nsima alongola mafuta ma-nso ma nyama, mpe atumba mango o altare.

4:20  Asala na ngombe ena lokola asalaki na ngombe babomaki mpo ya kozwa bolimbisi masumu. Nganga Nzambe asala mpo ya bato banso ba lisanga milulu mya boli­mbisi masumu ; mpe masumu ma bango makolimbama.

4:21  Bakende na ngombe mobali o libanda lya nganda, batumba yango lokola batumbaki ngombe ya liboso. Ezali moboma mwa kozwa boli­mbisi masumu ma lisanga mobi­mba.

4:22  Soko nkumu moko asali lisumu, mpe na bokebi te asali bongo likambo lipekisami na mobeko mwa Yawe Nzambe wa ye, amemi ngambo.

4:23  O ntango bakoyebisa ye ’te asali lisumu, abonza ntaba mobali ezali na mbeba te.

4:24  Atia lobo­ko o motó mwa ntaba mpe aboma yango o esika bakotumbaka mabonza mpo ya Yawe. Ezali moboma mpo ya kozwa bolimbisi masumu.

4:25  Nganga Nzambe akamata mwa makila ma ntaba o mosapi mpe atia mango o maseke ma altare ya mabonza ma kotumba. Na nsima asopa makila o eteni ya nse ya altare ya mabonza.

4:26  Atumba mpe mafuta manso o altare, se lokola bakosalaka mpo ya moboma mwa bondeko. Nganga Nzambe asala milulu mya kozwa bolimbisi masumu mpo ya kobikisa nkumu ona o lisumu lya ye ; mpe lisumu lya ye likolimbama.

4:27  Soko moto mosusu asali lisumu, mpe na bokebi te asali bongo lika-mbo lipekisami na mobeko mwa Yawe, amemi ngambo.

4:28  O ntango bayebisi ye ’te asali lisumu, abonza ntaba mwasi ezali na mbeba te, soko alingi kozwa bolimbisi masumu.

4:29  Atia loboko o motó mwa ntaba mpe aboma yango o esika bakotu-mbaka mabonza mpo ya Yawe.

4:30  Nganga Nzambe akamata mwa makila o mosapi mpe atia mango o maseke ma altare ya mabonza. Na nsima asopa makila maye matikali o eteni ya nse ya altare.

4:31  Alongola mafuta manso se lokola bakosalaka na moboma mwa bondeko, mpe atumba mango o altare, lokola bakosalaka na libonza lya nsolo mpi­mbo likosepelisa Yawe. Nganga Nza­mbe asala bongo milulu mya bolimbisi masumu ma ye ; mpe lisumu lya ye likolimbama.

4:32  Soko alingi kobonzela Yawe mwa­na mpata, ezala mpata mwasi eye ezali na mbeba te.

4:33  Atia loboko o motó mwa nyama mpe aboma yango o esika bakotumbaka mabo­nza ; ezala bongo moboma mwa bolimbisi masumu.

4:34  Nganga Nza­mbe akamata mwa makila o mosapi mpe atia mango o maseke ma altare ya mabonza. Na nsima asopa makila masusu o eteni ya nse ya altare.

4:35  Alongola mafuta manso se lokola bakosalaka mpo ya moboma mwa bondeko, mpe atumba biteni binso o altare elongo na bilei bitumbami na móto mpo ya Yawe. Nganga Nza­mbe asala bongo milulu mya bolimbisi masumu ma ye ; mpe lisumu lya ye likolimbama.

Chapter 5

5:1  Soko moto asali lisumu, kanisa : zuzi abengi ye, alayisi ye ndai mpo asakola maye manso amonoki to ayokaki, kasi alingi kotanga ma­ngo te, moto oyo asali mabe.

5:2  Soko moto asimbi eloko mbi-ndo na maboko, ata na bokebi te, kanisa ebembe ya nyama mbindo ya zamba, ebembe ya nyama mbi-ndo ya mboka to ya nyama eke, moto oyo akomi na mbindo, amemi ngambo.

5:3  Soko asimbi bosoto bwa bato na maboko, ata na bokebi te, asimbi ata eloko nini ezali na mbindo, akomeme ngambo ntango bakoyebisa ye.

5:4  Soko ndai ya moto, oyo akanisaki malamu te, ezweli ye malamu to mabe, ata ndenge nini moto akoki bongo kobosana, o ntango bayebisi ye yango, akomeme ngambo.

5:5  Moto asali lisumu bongo mpo ya likambo lyoko, asakola lisumu asali ;

5:6  ayela Yawe moboma mwa kozwa bolimbisi masumu : mpata mwasi to ntaba mwasi. Ezala moboma mpo ya kozwa bolimbisi masumu : mpe nganga Nzambe akokisa milulu mya kolimbisa lisumu lya ye.

5:7  Soko moto akoki kozwa ata mpata te, abonzela Yawe bikokoba bibale to bibenga bibale mpo ya bolimbisi lisumu lya ye. Yoko ezala moboma mpo ya lisumu asali, yoko ezala libonza lya kotumba.

5:8  Apesa byango na nganga Nzambe, oyo akobonza liboso moboma mpo ya bolimbisi lisumu. Afina nkingo makasi, abuka yango, kasi alongola motó te.

5:9  Na makila ma ndeke ena anyakela mipanzi mya altare, mpe asopa makila matikali o eteni ya nse ya altare. Ezali moboma mpo ya bolimbisi lisumu.

5:10  Atu­mba ndeke esusu lokola etindami. Nganga Nza­mbe akokisa bongo milulu mya bolimbisi masumu, mpe lisumu lya ye likolimbama.

5:11  Soko azali mobola mpenza mpe akoki kobonza ata bikokoba bibale to bibenga bibale te, akamata sani ya fufu mpe abonza yango mpo ya kozwa bolimbisi masumu. Abakisa mafuta te, mpaka ya malasi mpe te, zambi ezali moboma mpo ya masumu.

5:12  Apesa yango na nganga Nza­mbe, oyo akokamata ndambo o ma­boko mpo ’te Yawe akanisa ye, atumba yango o altare elongo na bilei bitumbami na móto mpo ya Yawe. Ezali moboma mpo ya masumu.

5:13  Nganga Nzambe akokisa bongo milulu mya bolimbisi masumu asalaki, mpe masumu ma ye makolimbama. Biloko bitikali bikozala bya nganga Nzambe, se lokola mabonza ma bilei makozala ma nganga Nzambe.

5:14  Yawe alobi na Moze :

5:15  Soko moto asali lisumu, kasi na bokebi te, zambi abosani kofuta biye bise­ngeli kofutama na Yawe, apesa Yawe moboma mwa bolimbisi nyo­ngo. Ezala mpata mobali ya etonga ya ye, ezala na mbeba te, ezala ya mwa motuya ; batanga mosolo lokola bakotangaka mwango o ndako esantu.

5:16  Afuta bongo mosolo ase­ngelaki kofuta ndako esantu ; abakisa eteni ya mitano mpe apesa nga­nga Nzambe binso. Bongo nga­nga Nzambe asala milulu mya kolimbisa lisumu lya ye, awa apesaki mpata mobali mpo ya kosilisa nyo­ngo ya ye ; mpe lisumu lya ye likoli­mbama.

5:17  Soko moto asali lisumu, mpe na bokebi te asali likambo lipekisami na mobeko mwa Yawe, amemi ngambo.

5:18  Apesa nganga Nzambe mpata mobali ezali eye na mbeba te, mpo ’te ezala moboma mwa kolimbisa lisumu lya ye. Nganga Nza­mbe asala milulu mya bolimbisi lisu­mu, liye asalaki na bokebi te ; lisumu lya ye likolimbama.

5:19  Ezali moboma mwa kofuta nyongo, za­mbi moto oyo azalaki na likambo o miso ma Yawe.

5:20  Yawe alobi na Moze :

5:21  Soko moto asali lisumu o miso ma Yawe, kanisa : moninga atikeli ye eloko mpo ’te abomba yango, to adefisi ye eloko, kasi awangani na mayele mabe,

5:22  to soko alokoti eloko ya moninga, kasi awangani, to alayi ndai ya lokuta o likambo litali lisumu moto akoki kosala,

5:23  moto oyo asali lisumu mpe amemi ngambo. Asengeli kozongisa eloko akamataki na boyibi to asengeki na mayele mabe ; azongisa bongo biloko abo­mbaki to alokotoki ;

5:24  na mpe biloko biye alayaki ndai ya lokuta ’te bizali bya ye. Azongisa biloko biye, abakisa eteni ya bitano mpe apesa binso o maboko ma nkolo wa byango, bobele o mokolo bayebisi ye ’te amemi ngambo.

5:25  Na nsima abonzela Yawe moboma mwa bolimbisi nyongo : mpata mobali ya etonga ya ye, ezala na mbeba te. Ezala ya motuya mokokani na mosolo bakopesaka mpo ya bofuti moboma mwa bolimbisi nyongo.

5:26  Na nsima nganga Nzambe asala milulu mya bolimbisi masumu o miso ma Yawe, bongo lisumu lya ye likolimbama, ata asali mabe nini.

Chapter 6

6:1  Yawe alobi na Moze :

6:2  Pesa Aron na bana ba ye mibeko miye : Mobeko mwa libonza lya kotumba : libonza liye litikala o móto mosengeli kopela butu mobimba tee ntongo sa ; móto mokoki kozanga o altare te.

6:3  Nganga Nzambe alata monkoto mwa malekani na mpe kupé ya malekani o nzoto. Na nsima alongola mputulu eye etikali ya libonza litumbami o altare, mpe atia mango o nse penepene na altare.

6:4  Na nsima alo­ngola bilamba bya ye mpe alata bila­mba bisusu. Akende kotika makala mana o esika peto, o libanda lya nganda.

6:5  Móto mwa altare mokoki kozima te. Ntongo inso nganga Nzambe abakisa nkoni ya sika. Abongisa libonza o likolo mpe atumba mafuta ma miboma mya bondeko.

6:6  Móto o altare mokoki kozima te.

6:7  Mobeko mwa libonza lya bilei. Bana ba Aron bameme lyango o altare o miso ma Yawe.

6:8  Nganga Nza­mbe akamata ndambo ya fufu, mafuta na mpaka ya malasi mpe atumba yango o altare mpo ’te Yawe akanisa ye ; ezala bongo libonza lya nsolo mpimbo liye likosepelisa Yawe.

6:9  Aron na bana ba ye balia biye bitikali lokola mampa mazangi nkisi, bobele o esika peto, o lopa­ngo la Ema ya Likita.

6:10  Bakoki kolamba yango na nkisi te. Ngai moto nakopesa bango bilei biye ; ezali ndambo ya mabonza babonzeli ngai. Bizali biloko bisantu mpenza, se lokola moboma mwa bolimbisi masumu to moboma mwa boli­mbisi nyongo.

6:11  Babali banso ba libota lya Aron bakoki kolia nda­mbo eye ya biloko bya Yawe. Ezali mobeko mwa seko napesi bana na bankoko ba bango banso. Moto asimbi byango, akomi mosantu.

6:12  Yawe alobi na Moze :

6:13  O mokolo bakokula bonganga, Aron na bana ba ye babonzela Yawe libonza : sani yoko ya fufu ; babonza yango mokolo na mokolo, ndambo na nto­ngo, ndambo na mpokwa.

6:14  Eko­la­mbama na mafuta o lisasu ; basangisa inso malamu mpe bakata yango ndambo ndambo, ekoma bongo libonza lya nsolo mpimbo liye likosepelisa Yawe.

6:15  Nganga Nza­mbe oyo akokitana na Aron, asala bobele bongo : ezali mobeko mwa seko. Libonza litumbama mobimba mpo ya Yawe.

6:16  Libonza nganga Nza­mbe abonzeli Yawe litumbama mobimba ; eloko yoko ekoki koliama te.

6:17  Yawe alobi na Moze :

6:18  Loba na Aron mpe na bana ba ye : Mobeko mwa moboma mwa bolimbisi masumu mozala boye : baboma nyama o boso bwa Yawe, bobele o esika bakotumbaka libonza : ezali eloko esantu mpenza.

6:19  Nganga Nzambe, oyo abonzi libonza lina, asengeli kolia lyango o esika yoko esantu o lopango la Ema ya Likita.

6:20  Eloko esimbi nyama ya moboma ekomi esantu. Soko litanga lya makila litangi o elamba, bakende o esika esantu mpo ya kolongola mbindo ena.

6:21  Soko balambi mosuni o mbeki, babola mbeki ena ; soko balambi mwango o nzungu ya mbengi, ba­sukola yango malamu na mai.

6:22  Babali banso ba libota lya banga­nga Nzambe, bakoki kolia mwa­ngo ; ezali eloko esantu mpenza.

6:23  Kasi bakoki kolia nyama ya libo­nza mpo ya masumu te soko bakei kotika makila ma yango o Ema ya Likita mpo ya milulu mya bosengi bolimbisi. Batumba yango.

Chapter 7

7:1  Mobeko mwa moboma mwa bofuti nyongo mozali boye : ezali eloko esantu mpenza.

7:2  Baboma nyama o esika bakotumba libo­nza. Nganga Nzambe asopa ma­ki­la o mipanzi mya altare.

7:3  Na nsima abonza mafuta manso : mokila, mafu­ta, makangemi na misopo,

7:4  mpiko ibale, mafuta makangemi na ya­ng­o, mafuta ma mokongo, na mafuta makangemi na libale mpe na mpiko.

7:5  Nganga Nzambe atumba biteni bina o altare lokola bilei bitumbameli Yawe. Ezali moboma mwa bofuti nyongo.

7:6  Babali banso ba libota lya nganga Nzambe bakoki kolia mwango. Balia mwango o esika esantu, ezali eloko esantu mpenza.

7:7  Mobeko mwa moboma mwa masumu ná mobeko mwa moboma mwa bofuti nyongo mozali se nde­nge yoko. Nganga Nzambe akoki kokamata libonza liye abomi mpo ya kosala milulu mya bozwi boli­mbisimasumu.

7:8  Soko moto abo­nzeli Yawe nyama bo libonza lya kotumba, nganga Nzambe akoki kokamata lomposo.

7:9  Soko babo­nzeli Yawe libonza lya bilei, biye bakalingi na móto, to bilei balambi o lisasu to o nzungu, nganga Nza­mbe akoki kozwa bya­ngo.

7:10  Biloko binso bato babonzi, ata bilambami na mafuta to te, bizali bya bana babali ba libota lya Aron.

7:11  Mobeko mwa moboma mwa bondeko mozali boye :

7:12  Moto alingi kobonzela Yawe moboma elongo na nzembo mpo ya kotondo Yawe, abonza mpe minkate milambami na mafuta, kasi na nkisi te, ná mpe mampa malambami na mafuta, kasi na nkisi te, asangisa binso bikoma bisikiti.

7:13  Abonza naino mampa masusu malambami na nkisi, mazala wana penepene na moboma mwa bondeko bapesi mpo ya kotondo Yawe.

7:14  O kati ya biloko biye binso bakamata nda­mbo yoko mpo ya kobonzela Yawe, mpe nganga Nzambe oyo asopaki makila ma moboma mwa bondeko, azwa yango.

7:15  Misuni mya moboma mobonzami mpo ya kotondo Yawe, basengeli kolia myango o mokolo monamei ; eloko yoko ekoki kotikala tee lobi na ntongo te.

7:16  Soko moto abonzeli Yawe moboma o nkombo ya ye moko to zambi alakelaki bongo, akoki kolia mwango o mokolo mwa nsima.

7:17  Ekomi ndele abwaka o móto biye bya moboma bitikali.

7:18  Soko moto alei mosuni mwa moboma mwa bondeko bobele nsima ya mikolo mibale, libonza lya ye liko­ndimama te, likokende mpa­mba mpenza, zambi mosuni mobebi mpe moto oyo akolia mwa­ngo, akomeme ngambo.

7:19  Mosuni moye mosimbaki eloko mbindo ata nini, bakoki kolia mwa­ngo te, babwaka mwango o móto. Moto oyo azali peto akoki kolia nyama ya libonza.

7:20  Kasi moto azali na mbindo, soko alei nyama babonzeli Yawe bo moboma mwa bondeko, balongola ye o libota lya ye.

7:21  Soko moto asimbi eloko mbi­ndo ata nini, ezala moto to nyama to eloko nini, mpe na nsima alei nyama ya moboma mwa bo-ndeko babonzeli Yawe, balongola ye o libota lya ye.

7:22  Yawe alobi na Moze :

7:23  Loba na bana ba-Israel boye : Bolia mafuta ma ngombe mobali, ma mpata to ma ntaba te.

7:24  Mafuta ma nyama ekufi yango moko, to mafuta ma nyama eye nyama ya zamba ekatikati, bakoki kokamata mango mpo ya mosala mosusu, kasi bakoki kolia mango te.

7:25  Soko moto alei mafuta ma nyama eye babonzeli Yawe, balongola ye o libota lya ye.

7:26  Ata bokofandaka epai wapi, bokoki kolia bilei bya makila te, ezala makila ma ndeke to ma nyama.

7:27  Oyo ameli makila, ata ma moti­ndo nini, balongola ye o libota lya ye.

7:28  Yawe alobi na Moze :

7:29  Loba na bana ba-Israel boye : Oyo abonzeli Yawe moboma mwa bondeko, amemele ye ndambo ya moboma mwa ye.

7:30  Ye moko ameme mafuta manso ma ntolo o maboko bo bilei balambeli Yawe. Soko ayei na ma-ngo, atombola mango mpo ’te ala­ki­sa Yawe.

7:31  Nganga Nzambe atu­mba mafuta o altare ; ntolo ya nyama ekozala ya Aron na bana ba ye.

7:32  Ebelo ya mobali ekozala ya nga­nga Nzambe ; balongolela ye eteni eye ya moboma mwa bondeko.

7:33  Moko wa bana ba Aron, oyo abonzi makila na mafuta ma moboma mwa bondeko, akozwa ebelo.

7:34  Ya solo, o kati ya miboma mya bondeko bana ba-Israel babonzeli ngai, nakamati ntolo na ebelo mpo bapesa yango na nganga Nzambe Aron na bana ba ye ; ezali mobeko mwa seko napesi bana ba-Israel.

7:35  Ezali eteni ya biloko bitumbami mpo ya Yawe, Aron na bana ba ye bazwi o mokolo Aron alakisi Yawe bana ba ye mpo ’te bazala banganga ba ye.

7:36  Yawe atindi bana ba-Israel ’te bapesa biloko bina o mokolo bakozwa bonganga. Ezali mobeko mwa seko napesi bankoko ba bango banso.

7:37  Milulu mina mitali libonza lya kotumba, libonza lya bilei, moboma mpo ya lisumu, moboma mwa bofuti nyongo, moboma mwa bo­kotisi moto o mosala, mpe moboma mwa bondeko.

7:38  Yawe ati­ndaki Mo­ze bongo o ngomba Sinai, o mo­kolo atindaki bana ba-Israel ’te babonzela Yawe mabonza o eliki ya Sinai.

Chapter 8

8:1  Yawe alobi na Moze :

8:2  Kamata Aron, bana ba ye, bilamba, mafuta ma bopakoli, ngombe mobali, eye ekozala moboma mwa boli­mbisi masumu, mpata babali ibale na mpe ekoló ya mampa mavimbi te.

8:3  Na nsima benga bato banso o monoko mwa Ema ya Likita.

8:4  Moze asali lokola Yawe atindi ye. Bato banso bayei kosangana o monoko mwa Ema ya Likita.

8:5  Moze alobi na bango : « Boyoka makambo Yawe atindi biso tosala. »

8:6  Abyangi Aron na bana ba ye baya koteleme penepene na ye ; na nsima asukoli bango na mai.

8:7  Alatisi Aron elamba elai, azingi ye na mokaba, na nsima alatisi ye monkoto na mpe efod. Akangisi ye elamba eye bakotiaka likolo lya efod.

8:8  Atieli ye libenga o ntolo, esika akotisi Urim na Tumim.

8:9  Akangi ye ngabuni o motó, mpe o epai ya liboso lya ngabuni akangi fulele ya wolo, elembo ya bonga-nga, lokola Yawe alobaki na Moze.

8:10  Na nsima Moze akamati mafuta ma bopakoli. Apakoli na mango Esika esantu mpe biloko binso bizalaki wana.

8:11  Anyakeli altare mai mbala nsambo ; na nsima apakoli mafuta o altare mpe o biloko binso bya altare mpo ya kosantisa bya-ngo.

8:12  Asopi mwa mafuta o motó mwa Aron mpe apakoli ye mango mpo ya kosantisa ye.

8:13  Moze abe­ngi bana ba Aron pene na ye, alatisi bango elamba elai, akangi ba­ngo mokaba, mpe alatisi bango mwa enkoti, lokola Yawe atindaki Moze.

8:14  Na nsima ayei na ngombe mobali bo moboma mwa bolimbisi masumu. Aron na bana ba ye batii loboko o motó mwa ngombe.

8:15  Moze abomi yango, akamati mwa makila o mosapi mpe atii mango o maseke ma altare bipai binei mpo ya kolongola na yango lisumu. Na nsima asopi makila o eteni ya nse ya altare mpe asantisi yango na losa­mbo la bolimbisi masumu.

8:16  Moze akamati mafuta makangemi na misopo, mafuta makangemi na libale, mpiko na mafuta ma yango, mpe atumbi mango o altare.

8:17  Kasi lo­mposo la ngombe, misuni na nyei, atumbi binso o libanda lya nganda, se lokola Yawe atindaki Moze.

8:18  Na nsima ayei na mpata mobali bo libonza lya kotumba. Aron na bana ba ye batii loboko o motó mwa mpata.

8:19  Moze abomi yango, asopi makila zongazonga na altare.

8:20  Na nsima asesi mpata biteni binei, ayiti yango, ayiti mpe motó na mafuta.

8:21  Ezali libonza lya kotumba lya nsolo mpimbo liye likosepelisa Yawe, se lokola Yawe atindaki Moze.

8:22  Na nsima ayei na mpata mobali esusu bo moboma mwa boyingisi Aron o mosala. Aron na bana ba ye batii loboko o motó mwa mpata.

8:23  Moze abomi yango ; akamati makila mpe atii mango o litoi lya mobali lya Aron, epai ya nse ; atii ma­ngo lisusu o mosapi monene mwa loboko la mobali mpe o mosapi monene mwa lokolo la mobali.

8:24  Moze abyangi bana ba Aron bateleme penepene na ye, atieli bango mpe makila o litoi lya mobali, o mosapi monene mwa loboko la mobali mpe o mosapi monene mwa lokolo la mobali. Na nsima Moze asopi makila zongazonga na altare.

8:25  Akamati mpe mafuta : mokila, mafuta manso makangemi na misopo, mafuta makangemi na libale, mpiko ibale ná mafuta ma yango ná mpe lokolo la mobali.

8:26  O ekoló ezali na mampa mala­mbami na nkisi te, eye etiami o boso bwa altare akamati monkate moko mozangi nkisi, na monkate moko molambami na mafuta, na mpe bisikiti yoko ; abakisi yango inso likolo lya mafuta mpe lya lokolo la mobali la nyama.

8:27  Atiki binso o maboko ma Aron mpe ma bana ba ye, atindi bango batombola byango mpo ya kolakisa Yawe.

8:28  Na nsima Moze akamati byango lisusu o maboko ma bango mpe atumbi binso o altare, esika yoko na libonza lya kotumba. Ekomi bongo moboma mwa boyingisi bango o mosala, libonza lya kotumba lya nsolo mpimbo liye likosepelisa Yawe.

8:29  Moze akamati ntolo ya mpata mpe atomboli yango mpo ya kolakisa Yawe. Akoki kokamata ntolo ya mpata bo eteni ya ye ya moboma moye mwa boyingisi moto o mosala, lokola Yawe ati-ndaki ye.

8:30  Na mafuta ma bopakoli mpe na makila mazalaki o altare Moze anyakeli Aron na bilamba bya ye ; anyakeli mpe bana ba ye na mpe bila-mba bya bango. Asantisi bango bongo.

8:31  Na nsima Moze alobi na Aron mpe na bana ba ye : « Bolamba misuni o monoko mwa Ema ya Likita ; bolia myango se wana elongo na mampa maye batiaki o ekoló ya moboma mwa boyingisi moto o mosala, zambi batindaki boye : “Aron na bana ba ye bakoki kolia yango.”

8:32  Biye bitikali bya mosuni to mampa, botumba byango na móto.

8:33  Mikolo nsambo mobimba, bolongwa o Ema ya Likita te ; bokoki kobima bobele soko mikolo mya boyingisi bino o mosala misili ; boyingisi moto o mosala boumela mikolo nsambo.

8:34  Yawe atindaki tosala bongo lokola tosali lelo mpo ya kosala milulu mya bolimbisi masumu.

8:35  Bongo, mikolo nsambo mobimba, butu moi, bosengeli kofanda o monoko mwa Ema ya Likita mpe kolanda milulu lokola Yawe atindaki ; mpe bongo bokokufa te. Bapesaki ngai etinda ena. »

8:36  Aron na bana ba ye basali manso Yawe atindaki na monoko mwa Moze.

Chapter 9

9:1  O mokolo mwa mwambe, Moze abengi Aron na bana ba ye na bakolo ba-Israel.

9:2  Alobi na Aron : « Kamata mwana ngombe bo moboma mwa masumu, mpe mpata mobali bo libonza lya kotumba, yango ibale izala na mbeba te, oya na yango o boso bwa Yawe.

9:3  Na nsima loba na bana ba-Israel : Bokamata ntaba mobali bo moboma mwa masumu, mwana ngombe na mwana mpata ya mbula yoko bo libonza lya kotumba, yango ibale izala na mbeba te.

9:4  Bokamata mpe ngombe mobali na mpata mobali bo miboma mya bondeko, bobo­nzela Yawe yango ; bakisa libonza lya bilei bilambami na mafuta, zambi lelo Yawe akomilakisa na bino. »

9:5  Bayei na byango binso o boso bwa Ema ya Likita, lokola Moze atindi. Bato banso bayei penepene mpe batelemi o boso bwa Yawe.

9:6  Moze alobi : « Yawe atindaki bino bongo mpo ’te bamono nkembo ya ye polele. »

9:7  Na nsima Moze alobi na Aron : « Beleme na altare, bo­nzela Yawe moboma mwa yo mwa masumu na libonza lya yo lya kotumba ; sala bongo milulu mya bolimbisi masumu mpo ya yo mpe mpo ya libota lya yo. Na nsima bonzela Yawe libonza lya bato mpe sala milulu mya kozwa bolimbisi masumu ma bango lokola Yawe atindaki. »

9:8  Aron abelemi na altare, abomi mwana ngombe, ezali moboma mpo ya lisumu lya ye moko.

9:9  Na nsima bana ba Aron bapesi ye makila ; atii mosapi o makila mpe apakoli mango o maseke ma altare ; na nsima asopi makila masusu o eteni ya nse ya altare.

9:10  Mafuta ma moboma mwa masumu, mpiko, mafuta makangemi na libale : atumbi yango inso o altare, lokola Yawe atindaki Moze.

9:11  Atumbi mosuni na lomposo o libanda lya nganda.

9:12  Na nsima abomi nyama ya libonza lya kotumba. Bana ba Aron bapesi ye makila, asopi mango zo-ngazonga na altare.

9:13  Bapesi ye mpe nyama esesemi na biteni binei, na mpe motó ; atumbi yango inso o altare.

9:14  Asukoli misopo na makolo, mpe atumbi inso o altare, esika yoko na libonza lya kotumba.

9:15  Abonzi mpe libonza lya bato. Bayeli ye ntaba mobali bo moboma mpo ya masumu ma bato. Abomi yango, mpe abonzi yango bo moboma mwa bolimbisi masumu, se lokola asalaki liboso.

9:16  Na nsima atindi ’te baya na libonza lya kotumba, mpe asali manso lokola mobeko motindi.

9:17  Na nsima atindi ’te baya na libonza lya bilei, akamati ndambo o maboko mpe atumbi binso o altare elongo na libonza lya kotumba lya ntongo.

9:18  Na nsuka abomi ngombe mobali na mpata mobali, izali miboma mya bondeko mpo ya bato banso. Bana ba Aron bapesi ye makila ; anye­kali mango zongazonga na altare.

9:19  Mafuta ma ngombe mpe ma mpata, mokila, mafuta makangemi na mpiko mpe libale,

9:20  atii mango o ntolo ya nyama mpe atumbi yango o altare.

9:21  Aron akamati ntolo na lokolo la mobali, atomboli yango mpo ya kolakisa Yawe, se lokola Yawe atindaki Moze.

9:22  Aron atandeli bato maboko mpe abenisi bango. Esilisi ye kobonza moboma mwa masumu, libonza lya kotumba na moboma mwa bondeko, alongwi o altare.

9:23  Elongo na Moze ayingeli o Ema ya Likita. Na nsima bango babale babimi mpo ’te babenisa bato. Nke­mbo ya Yawe emononi na bato ba­nso.

9:24  Móto mouti epai ya Yawe, mpe mosilisi libonza na mafuta mazali o altare. Emoni bato bongo, banso babandi koganga na ese­ngo mpe banso bakwei bilongi o nse.

Chapter 10

10:1  Nadab na Abiu, bana ba Aron, bakamati mbeki ya bango ya mpaka ya malasi. Batii móto o kati, na nsima basopeli mwango mpaka. Balakisi o miso ma Yawe móto mobenemi te ; Yawe atindaki bango bongo te.

10:2  Ut’o epai ya Yawe móto mobimi mpe mosilisi bango ; bakufi bongo o miso ma Yawe.

10:3  Moze alobi na Aron : « Yawe alobaki bongo na maloba maye : Bato bazali penepene na ngai, batala ngai lokola mosantu ; nalingi bato banso bamono nkembo ya ngai. »

10:4  Moze abengi Misael na Elsafan, bana ba Uziel, noko wa Aron, alobi na bango : « Boya awa, bokende kotika bandeko ba bino mosika na esika esantu, o libanda lya nganda. »

10:5  Bango bayei mpe bamemi bibe-mbe bya bandeko na minkoto mya bango, bakei na bango o libanda lya nganda, lokola Moze alobaki.

10:6  Moze alobi na Aron mpe na bana ba ye, Eleazar na Itamar : « Bofungola nsuki ya bino te, bopasola mpe bilamba bya bino te ; bokokufa te. Yawe asiliki na lisanga mobimba. Ba-Israel banso balela ba­nde­ko ba bino, baye móto mwa Nzambe mobomaki.

10:7  Bolongwa o monoko mwa Ema ya Likita te mpo ’te bokufa te, zambi bapakoli bino mafuta ma Yawe. » Basali lokola Moze atindaki.

10:8  Yawe alobi na Aron :

10:9  « Soko yo na bana ba yo, bolingi kokoto o Ema ya Likita, bomele vino to masanga makasi te, bongo bokokufa te. Ezali mobeko mwa seko napesi bana na bankoko ba yo banso

10:10  mpo ’te boyeba eloko nini ezali esantu, eloko nini ezali mpamba, boyeba eloko nini ezali na mbindo mpe eloko nini ezali peto.

10:11  Bosala mpe bongo soko bolingi koteya bana ba-Israel mibeko minso Yawe atindaki bino na monoko mwa Moze. »

10:12  Moze alobi na Aron mpe na bana ba ye batikali, Eleazar na Itamar : « Bokamata ndambo ya biloko bitikali bya libonza lya Yawe. Bolia mampa mazangi nkisi, mazali penepene na altare, zambi mazali masa­n­tu mpenza.

10:13  Bolia yango o esika esantu. Biloko bina bizali bya yo mpe bya bana ba yo ; Yawe ati­ndaki ngai bongo.

10:14  Ntolo ya nyama, eye botomboli mpo ya kolakisa Yawe, na lokolo loye bapesaki bino, okoki kolia yango elongo na bana babali na bana basi ba yo o esika peto. Bapesi yo na bana ba yo eteni eye balo-ngoli o miboma mya bondeko mya bana ba-Israel.

10:15  Lokolo loye bakabeli bino na ntolo eye batomboli mpo ya kolakisa Yawe, na mafuta matumbami mazali ma yo mpe ma bana ba yo ; bapesa yango nsima ya botomboli mpe bolakisi Yawe. Mobeko moye mozali mwa seko lokola Yawe atindaki. »

10:16  Moze atuni mpo ya ntaba mobali eye babonzi bo moboma mwa masumu. Ayoki ’te basili kotumba yango ! Moze asiliki mingi na Eleazar mpe na Itamar, bana ba Aron baye batikali.

10:17  Atuni bango : « Mpo nini boliaki nyama ena o esika esantu te ? Boyebi ’te bapesi bino eloko esantu mpo ya kolimbisa masumu ma lisanga mobimba, mpe mpo ya kosambela nsambo ya bolimbisi masumu ma bato.

10:18  Awa bayaki na makila o esika esantu te, bosengelaki kolia mosuni mwango lokola natindaki. »

10:19  Aron alobi na Moze : « Tala, lelo babonzeli Yawe moboma mwa bango mwa boli­mbisi masumu mpe libonza lya bango lya kotumba, mpe oyebi likambo nini ekwelaki ngai. Okanisi ’te Yawe akokaki kondima ’te nalia nyama ya moboma mwa bolimbisi masumu o mokolo moye ? »

10:20  Moze ayoki maloba ma Aron mpe andimi mango.

Chapter 11

11:1  Yawe alobi na Moze mpe na Aron :

11:2  Boloba na bana ba-Israel boye : O kati ya nyama ya mokili, bokoki kolia nyama iye :

11:3  Bokoki kolia nyama inso izali na matambi makabwani na misapi mibale mpe ikonyamutaka biloko.

11:4  Kasi o kati ya nyama inso ikonyamutaka biloko to izali na matambi makabwani na misapi mibale, nyama iye izali ekila : Kamela ezali nyama mbindo, zambi, ata ekonyamutaka biloko, makolo ma yango makabwani na misapi mibale te.

11:5  Monsole mozali nyama mbindo, zambi matambi ma yango maka­bwani na misapi mibale te, ata mokonyamutaka biloko.

11:6  Nsimbiliki ezali nyama mbindo : ata ekonyamutaka biloko, matambi ma yango makabwani na misapi mibale te.

11:7  Ngulu ezali nyama mbindo, zambi ekonyamuta biloko te, ata ezali na matambi makabwani na misapi mibale.

11:8  Bokoki kolia mosuni mwa yango te to kosimba ebembe ya yango te. Nyama ina inso izali na mbindo.

11:9  O kati ya mbisi inso ya mai, bokoki kolia mbisi inso izali na bi-nyanyeli mpe na biteku, inso ikozalaka o mai ma mbu to ma ebale.

11:10  Kasi mbisi izangi binyanyeli mpe biteku, izala o mai ma mbu to ma ebale, na nyama inso ikozalaka o mai,

11:11  botala yango lokola mbisi ya ekila. Bolia yango te, boyoka bibembe bya yango mpi.

11:12  Nyama inso ya mai, iye izangi bi­nyanyeli mpe biteku, botala yango lokola nyama mbindo.

11:13  O kati ya ndeke botala ndeke iye lokola nyama mbindo. Bolia yango te, zambi izali ekila : engondo, mpo­ngo, ewango,

11:14  nzengo, ndenge inso ya engondo,

11:15  ndenge inso ya ya­nganga,

11:16  maligbanga, nyabokele, ndenge inso ya kombekombe,

11:17  esulungutu, libata lya mai, esulungutu ya zamba,

11:18  esulungutu ya mboka, libeke, engo­ndo ya mpembe,

11:19  nko­ngi, ndenge inso ya punzebale, nsongonolo na longembu.

11:20  Nyama ike inso izali na mapapu mpe ikotambolaka na makolo manei, izali ekila.

11:21  Kasi o kati ya nyama ike inso izali na mapapu mpe ikotambolaka na makolo manei, bokoki kolia iye izali na makolo malai mpe ikoki kopimbwa o mabelé.

11:22  Bokoki kolia ndenge inso ya mapalela, mayoyo, makélele na makonko.

11:23  Nzokande nyama isusu inso izali na mapapu, kasi se na makolo manei, izali ekila.

11:24  Nyama ina ikokomisa bino mbindo. Moto asimbi ebembe ya yango azali na mbindo tee mpokwa.

11:25  Oyo amemi ebembe ya yango, asengeli kosukola bilamba, azali na mbindo tee mpokwa.

11:26  Botala lokola nyama mbindo nyama inso izali na matambi makabwani na misapi mibale te to iko­nyamutaka biloko te. Moto asimbi yango, akomi na mbindo.

11:27  Se bongo botala lokola nyama mbindo nyama inso ya makolo manei, iye izali na manzaka. Moto asimbi ebembe ya yango, azali na mbindo tee mpokwa.

11:28  Oyo amemi yango, asengeli kosukola bilamba, azali na mbindo tee mpo­kwa ; botala nyama ina lokola nyama mbindo.

11:29  O kati ya nyama ike inso ikola­ndaka o mabelé, iye izali na mbi-ndo : nyama ya mobenga, mpoko, mpe ndenge inso ya monselekete ;

11:30  kanisa eye ya ndako, eye ya zelo, eye ya zamba, na mpe longonya.

11:31  Botala nyama ina inso lokola ekila. Moto asimbi ebembe ya yango, azali na mbindo tee mpokwa.

11:32  Soko nyama eye ekufi mpe ekweli eloko ata nini, eloko eye ekomi na mbindo, ezala eloko esalemi na nzete, elamba, lomposo, ngoto, ata esaleli nini ; basukola yango na mai, eloko yango ezali na mbindo tee mpokwa ; na nsima ekokoma peto lisusu.

11:33  Soko nyama ena ekwei o mbeki ya mabelé, babola mbeki yango, zambi manso mazali o kati makomi na mbindo.

11:34  Soko mai ma yango masopani o bilei ata nini, bilei bina bikomi na mbindo, ata mai ma komele.

11:35  Soko ebembe ya nyama ekweli ata eloko nini, eloko eye ekomi na mbindo ; soko ezali etu-mbelo to lituka, babuka yango, zambi bikomi na mbindo. Bongo bosala na yango lokola bakosalaka na eloko mbindo.

11:36  Nzokande mai ma liziba to ma libulu makotikala peto, kasi oyo asimbi ebembe ya nyama eye ekwei o kati, ye akomi na mbindo.

11:37  Soko ebembe ya nyama ekweli mbuma ya kolona, mbuma itikali peto.

11:38  Kasi soko basili kotia mbuma o mai mpo ya kola­mba ya-ngo, mpe soko ebembe ya nyama ekweli yango, botala mbuma ya­ngo lokola mbuma ikomi na mbindo.

11:39  Soko nyama eye bato bakoliaka, ekufaki yango moko, moto asimbi ebembe ya yango akomi na mbindo tee mpokwa.

11:40  Moto alei mosuni mwa nyama eye ekufaki yango moko, asengeli kosukola bilamba, akozala na mbindo tee mpokwa. Moto amemi ebembe ya nyama ena, ase-ngeli kosukola bilamba, akozala na mbindo tee mpokwa.

11:41  Nyama inso ikotambolaka o mabelé, izali na mbindo ; balia ya­ngo te.

11:42  Nyama ina ikotambolaka o mabelé, ilanda o mabelé to ita­mbola na makolo manei to maike, bokoki kolia yango te, zambi izali ekila.

11:43  Bomikomisa na mbindo te na nyama ina inso, bomibebisa na yango te, ikomisa bino na mbindo te,

11:44  zambi ngai nazali Yawe Nza­mbe wa bino. Bongo bomisantisa mpe bokoma basantu, zambi ngai nazali mosantu. Bomikomisa na mbindo te na bolei nyama ina inso ikotambolaka o mabelé.

11:45  Solo, ngai Yawe nabimisi bino o Ezipeti mpo ’te nazala Nzambe wa bino. Bongo bozala basantu, zambi ngai nazali mosantu.

11:46  Tala mibeko mpo ya kolia nyama, ndeke mpe nyama isusu inso ikozalaka o mai to ikotambolaka o mabelé.

11:47  Mibeko mina mikosalisa bino mpo boyeba eloko nini ezali peto, eloko nini ezali na mbindo. Boyeba bongo nyama nini bokoki kolia, mpe nyama nini izali ekila.

Chapter 12

12:1  Yawe alobi na Moze :

12:2  Loba na bana ba-Israel : Mwasi azalaki na zemi, awa aboti mwana mobali, azali na mbindo mikolo nsambo, se lokola o mikolo azali komono sanza.

12:3  Bakatisa mwana o mokolo mwa mwambe.

12:4  Na nsima mama akozila mikolo ntuku isato na misato mpo mbindo ya makila esila. Akoki kosimba eloko esantu te mpe koyi­ngela o ndako esantu te tee akokisi mikolo mina.

12:5  Soko aboti mwana mwasi, azali na mbindo poso ibale lokola o mikolo azali komono sanza ; na nsima akozila mikolo ntuku motoba na motoba mpo mbindo ya makila ma ye esila.

12:6  Esili mikolo mya mbindo, ezala mpo ya mwana mobali to mpo ya mwana mwasi, akende o Ema ya Likita, amemele nganga Nzambe mwana mpata ya mbula yoko bo libonza na mpe ebenga yoko to ekokoba yoko bo moboma mwa masumu.

12:7  Nganga Nzambe abonzela Yawe yango, na nsima akokisa milulu mya bolimbisi masumu ma ye ; bongo akope­twama na likambo lya botangi makila. Mobeko moye motali mwasi aboti sika, mwana mobali to mwana mwasi.

12:8  Soko akoki kozwa mosolo te mpo ya kosomba mwana mpata, akamata bikokoba bibale to bibenga bibale, yoko bo libonza lya kotumba, yoko bo moboma mwa bolimbisi masumu. Nganga Nzambe akokokisa milulu mya bolimbisi masumu ma ye ; bongo akozala peto.

Chapter 13

13:1  Yawe alobi na Moze mpe na Aron :

13:2  Soko o lomposo la moto litutu, mpanda, to litono eba­ndi komonono, mbele ekoki kozala bokono bwa maba. Base-ngeli kokende na ye epai ya nganga Nzambe Aron to nganga Nzambe mo­susu wa libota lya Aron.

13:3  Nga­nga Nzambe atala mpota ya lo­mpo­so. Soko o esika ya mpota nsuki ekomi mpembe, mpe soko misuni miliami, nganga Nzambe, awa amoni yango, atanga ye moto mbi­ndo, moto ona azali na bokono bwa maba.

13:4  Kasi soko se litono mpembe limo­noni, misuni miliami te mpe nsuki ekomi mpembe te, nganga Nzambe atia mokoni mikolo nsa­mbo mobimba mpembeni.

13:5  O mokolo mwa nsambo atala ye lisusu : soko mabe mazali se ndenge ena mpe bokono bopanzani o lomposo te, atia ye lisusu mpembeni mikolo nsambo,

13:6  mpe na nsima akotala ye lisusu, o mokolo mwa nsambo : soko amoni ’te mpota elembi mpe mabe mapanzani o lomposo te, nganga Nzambe ata­nga ye moto peto : ezali se mpanda. Moto oyo asukola bilamba, bongo akozala peto.

13:7  Kasi, ata nganga Nzambe atalaki ye bongo mpe atangaki ye moto peto, nzokande na nsima mpanda ebandi kopanzana o lomposo, moto oyo asengeli komilakisa na nga-nga Nzambe lisusu.

13:8  Nganga Nza­mbe atala ye lisusu malamu, mpe soko amoni ’te mpanda ebandi kopanzana o lomposo atanga ye moto mbindo, mpo ezali mpota ya maba.

13:9  Soko moto akomi na mpota lokola mpota ya maba, bakende na ye epai ya nganga Nzambe.

13:10  Nganga Nzambe atala ye malamu, mpe soko amoni litutu lya mpembe o lomposo, nsuki o esika ena ekomi mpembe mpe mosuni mwa sika mobimi,

13:11  azali na mpota ya maba esili eumeli. Nganga Nzambe atanga ye moto mbindo. Atia ye o ndako ya mpembeni te, zambi ntembe ezali soki moke te : moto oyo azali na maba.

13:12  Soko lomposo lobimi makwa-nza mpe mabe mana mapanzani o nzoto mobimba, banda motó tee makolo, bipai binso nganga Nza-mbe akoki kotala,

13:13  atala ye malamu : soko amoni ’te mabe mapanzani o nzoto mobimba, atanga moto oyo moto peto. Awa nzoto mobimba ekomi mpembe, akomi peto.

13:14  Nzokande, mokolo mbuma ekobima lisusu o lomposo la ye, akomi na mbindo lisusu.

13:15  Soko nganga Nzambe amoni ’te mosuni mwa sika mobimi, atanga ye moto mbi-ndo, zambi mosuni moye mozali na mbindo : ezali nde maba.

13:16  Kasi soko mosuni moye mwa sika mokomi mpembe lisusu, moto ona azonga epai ya nganga Nzambe.

13:17  Nganga Nzambe atala ye lisusu, mpe soko amoni ’te mpota ekomi mpembe, akozala peto.

13:18  Soko moto abimi mbuma o nzoto, kasi mbuma yango ebeli,

13:19  mpe o esika ya mbuma litutu lya mpembe libimi to lisali litono lya motane ngwa, moto oyo akende komilakisa na nganga Nzambe.

13:20  Nganga Nzambe atala ye malamu : soko litono lyango likomi kolia lomposo, mpe nsuki ekomi mpe-mbe, nganga Nzambe atanga ye moto mbindo : ezali bokono lokola maba, litono likomi kobima mbuma.

13:21  Nzokande, soko nganga Nza­mbe atali malamu, mpe amoni nsuki mpembe te, lomposo lolongwi te, longengi mpe te, atia moto wa bokono mpembeni mikolo nsambo.

13:22  Soko mabe makomi kopanzana o lomposo, atanga ye moto mbindo, zambi ezali maba.

13:23  Soko litono lipanzani te, ezali lipipi lya mbuma ya kala. Nganga Nzambe atanga ye moto peto.

13:24  Soko moto aziki móto mpe mpota esali mbuma to litono litane to mpembe,

13:25  nganga Nzambe atala ye malamu : soko amoni ’te nsuki ekomi mpembe mpe mosuni mokomi koliama, yango ezali maba mazali kobima mbuma o kati ya mpota ya móto. Nganga Nzambe atanga ye moto mbindo, zambi ezali bokono lokola maba.

13:26  Nzokande, soko nganga Nzambe atali malamu mpe amoni nsuki mpembe te, lomposo lolongwi te, longengi mpe te, atia mokoni mpembeni mikolo nsambo.

13:27  Atala ye lisusu o mokolo mwa nsambo. Soko bokono bokomi kopanzana o lomposo, nganga Nzambe atanga ye moto mbindo, zambi ezali bokono lokola maba.

13:28  Kasi soko litono lipanzani o lomposo te mpe lomposo lo­ngengi lisusu te, ezali se mbuma iuti na mpota ya móto. Nganga Nza­mbe atanga ye moto peto : ezali lipipi lya mpota.

13:29  Soko mobali to mwasi azali na mpota o motó to o ebeku,

13:30  nganga Nzambe atala mpota : soko amoni ’te misuni mibandi koliama mpe nsuki ekomi motane so mpe ebandi kolongwa, atanga ye moto mbindo ; ezali mapaka lokola ’te maba ma motó to ma ebeku.

13:31  Nganga Nza­mbe atala mapaka mana malamu : soko amoni ’te mosuni moliami te mpe nsuki ekomi motane so te, atia moto wa mapaka mpembeni, mikolo nsambo.

13:32  O mokolo mwa nsa­mbo atala ye lisusu malamu : soko amoni ’te mapaka mapanzani te mpe nsuki ekomi motane so te, mpe mosuni moliami te,

13:33  mokoni akata nsuki, kasi akokola esika ya mapaka te ; nganga Nzambe atia ye lisusu mpembeni mbala ya ibale, mikolo nsambo.

13:34  Atala ye lisusu o mokolo mwa nsambo, mpe soko amoni ’te bokono bopanzani te o lomposo, mpe mosuni moliami te, nganga Nzambe atanga ye moto wa nzoto peto. Moto oyo asukola bilamba bya ye, bongo akomi peto.

13:35  Nzokande, soko nsima ya bopetoli boye, mapaka mabandi kopanzana o lomposo lisusu,

13:36  nganga Nzambe atala ye malamu : soko amoni ’te mapaka mapa­nzani o lomposo lisusu, yango elakisi ’te mokoni azali na mbindo, atala mpe soko nsuki ya ye ekomi motane so te.

13:37  Kasi soko mapaka mapanzani te mpe nsuki moindo etikali malamu, ya­ngo elakisi ’te moto oyo abiki na mapaka. Azali peto, nganga Nza­mbe atanga ye mpe moto peto.

13:38  Soko mobali to mwasi abimi matono mpembe o nzoto,

13:39  nganga Nzambe atala mango malamu. Soko amoni ’te matono mana mazali ko­ngenge te, bokono bwa loto bobimaki o nzoto ya ye ; moto oyo azali peto.

13:40  Soko nsuki ya moto ebandi kolongwa o motó, moto oyo akomi na libandi, azali peto.

13:41  Soko nsuki iba­ndi kolongwa o elongi, azali na lipepe, azali peto.

13:42  Kasi soko emononi o motó mwa ye, epai ya elongi to epai ya bongó, litono litane, ezali nde maba mabimeli ye o motó epai ya elongi to epai ya bongó.

13:43  Nga­nga Nzambe atala ye malamu : soko amoni litono litane o elongi to o bongó, lokola litono lya maba ma lomposo,

13:44  elakisi ’te moto oyo azali na maba, azali na mbindo. Nga­nga Nzambe asengeli kotanga ye moto mbindo, azali na maba ma motó.

13:45  Moto wa maba asengeli kolata bi­lamba bibe, akanga mpe nsuki te ; azipa mandefu, mpe aganga : « Nazali na mbindo ! Nazali na mbindo ! »

13:46  Akotikala na mbindo mikolo mi­nso tee bokono bwa ye bokosila. Awa azali na mbindo, afanda o ndako ya ye moko, o libanda lya nganda.

13:47  Soko maba masimbi elamba ya moto, ezali elamba ya nsuki ya mpa­ta to ya ntokia,

13:48  ezala bolangiti boto­ngami na nsuki ya mpata to na malekani, ezala elamba esonomi na mposo ya ntaba to na mposo ya nyama esusu,

13:49  soko molato mona to lomposo to elamba to bolangiti bibimisi litono liindo to litane ngwa, litono lina lizali lya maba ; basengeli kolakisa nganga Nzambe.

13:50  Nganga Nzambe atala mabe mana mpe atia eloko ena mpembeni, mikolo nsambo.

13:51  Soko o mokolo mwa nsambo amoni ’te mabe mapanzani o molato, o elamba, o bola­ngiti, o lomposo to o eloko esonomi na lomposo ata nini, elakisi ’te maba mapanzani. Eloko esi­mbi maba, ezali na mbindo.

13:52  Atumba molato, elamba, bolangiti botongami na nsuki ya mpata to na malekani, eloko esonomi na lomposo ata nini, biye bisimbi maba, zambi ezali maba mapanzani, esengeli kotumbama o móto.

13:53  Kasi soko nganga Nzambe atali malamu mpe amoni ’te mabe mapa­nzani te o molato, o elamba, o bolangiti to o eloko esalemi na lo­mposo ata nini,

13:54  atinda ’te basukol­a eloko ebebi mpe atia yango mpe­mbeni mbala ya ibale, mikolo nsambo.

13:55  Soko nsima ya bosukoli elamba, atali yango malamu mpe amoni ’te litono libongwani te, mpe litikali bobele linene, elamba ena ezali na mbindo. Batumba yango o móto : mpamba te, ebebi epai ya likolo mpe epai ya kati.

13:56  Nzokande, soko nganga Nza­mbe atali malamu mpe amoni ’te nsima ya bosukoli, mabe makomi kosila, alo­ngola eteni ebebi ya molato, ya lomposo, ya elamba to ya bolangiti.

13:57  Kasi soko litono limononi lisusu o molato, o elamba, o bola­ngiti, o lomposo ata nini, elakisi ’te bokono bosili te ; bongo batumba eteni eye ebebi.

13:58  Soko basukoli molato, elamba, bolangiti to lomposo ata nini mpe lotono lizongi te, biloko bina bikozala peto soko ba­sukoli yango naino mbala ya ibale.

13:59  Tala mobeko motali maba ma bilamba bya nsuki ya mpata to malekani, elamba, bolangiti, to eloko esalemi na lomposo ata nini. Engebene na mobeko moye bokotanga elamba peto to mbindo.

Chapter 14

14:1  Yawe alobi na Moze :

14:2  Tala mobeko basengeli kolanda mokolo bakopetola moto wa maba. Bakende na ye epai ya nganga Nza­mbe,

14:3  mpe nganga Nzambe abima o nganda. Soko atali malamu mpe amoni ’te moto wa maba abiki o maba ma ye,

14:4  atinda ’te balukela moto oyo alingi komipetola na maba, ndeke ibale izali na bomoi, izali mpe na mbindo te, nkoni ya nzete ya sédere, ngola mpe isope.

14:5  Na nsima atinda bato ’te baboma ndeke yoko likolo lya nzungu ya ma­be­lé, ezali na mai ma liziba.

14:6  Na nsima akamata ndeke eye ezali na bomoi, na mpe nkoni ya nzete ya sédere, ngola na isope, akotisa ya­ngo inso, na ndeke lokola, o makila ma ndeke eye babomaki o likolo lya mai ma liziba.

14:7  Anyakela moto oyo alingi komipetola na mbindo ya maba mai mbala nsambo ; na nsima atanga ye moto peto, mpe atika ndeke eye ezali na bomoi eke­nde kopimbwa o esobe.

14:8  Moto oyo alingi komipetola asu­kola bilamba, akokola nsuki mpe asukola nzoto mobimba ; na nsima azonga o nganda, kasi akoto o ema ya ye naino te, atikala o liba­nda mikolo nsambo.

14:9  Mokolo mwa nsambo akokola nsuki o nzoto mobimba, nsuki o motó, ya mandefu, mpe ya nkiki ya ye, akata nsuki ins­o ya nzoto. Awa asukoli bilamba na mpe nzoto, akomi peto.

14:10  Mokolo mwa mwambe akamata bana mpata ibale, izali na mbeba te, na mpe mwana mpata mwasi ya mbula yoko, ezali na mbeba te ; akamata mpe sani enene ya fufu, esangani na mafuta, bo libonza lya bilei, mpe kopo yoko ya mafuta.

14:11  Nganga Nzambe oyo asali milulu mya bopetoli akende na moto oyo alingi komipetola elongo na mabonza ma ye penepene na monoko mwa Ema ya Likita o boso bwa Yawe.

14:12  Na nsima akamata mpata yoko, abonza yango elongo na kopo ya mafuta bo moboma mwa bofuti nyongo. Atombola yango mpe alakisa Yawe yango.

14:13  Aboma mpata o esika esantu, esika bokobomaka nyama bo moboma mwa bolimbisi masumu mpe bo libonza lya kotumba. Moboma moye mwa bofuti nyongo ya mbindo mokozala mwa nganga Nzambe, se lokola moboma mwa masumu ; ezali eloko esantu mpenza.

14:14  Na nsima nganga Nza­mbe akamata makila ma moboma mona, atia mango o litoi lya mobali lya moto oyo azali komipetola, atia mango mpe o mosapi monene mwa lokolo la ye la mobali.

14:15  Na nsima akamata kopo ya mafuta mpe asopa ndambo o kati ya loboko la ye la mwasi.

14:16  Atia mosapi mwa loboko la ye la mobali o mafuta maye mazali o loboko la ye la mwasi, mpe o boso bwa Yawe anyakela mafuta mbala nsambo.

14:17  Na nsima akamata nda­mbo ya mafuta matikali o loboko la ye la mwasi mpe atia mango o eteni ya nse ya litoi lya mobali lya moto azali komipetola, o mosapi monene mwa loboko la ye la mobali, mpe o mosapi monene mwa lokolo la ye la mobali, atia mango o makila ma moboma mwa bofuti nyongo.

14:18  Mafuta maye matikali o loboko la ye, atia mango o motó mwa moto oyo azali komipetola. Nganga Nzambe akosala bongo milulu mya bozwi bolimbisi masumu ma ye o miso ma Yawe.

14:19  Na nsima nganga Nzambe abo­nza moboma mwa masumu, akokisa bongo milulu mya bolongoli mbi­ndo ya moto alingi komipetola. Na nsima abonza libonza lya kotumba.

14:20  Mpe bongo akende na libonza lya kotu­mba mpe na libo­nza lya bilei epai ya altare. Esilisi nganga Nza­mbe milulu mya bolimbisi masumu, moto oyo akomi peto.

14:21  Soko azali mobola mpenza mpe akoki kopesa biloko binso te, akamata se mpata yoko, eye bakobo-nzaka bo moboma mwa bofuti nyongo, batombola yango mpo ya kolakisa Yawe, mpe bakokisa bongo milulu mya bolimbisi masumu. Akamata kilo isato ya fufu esangani na mafuta bo libonza lya bilei, na mpe kopo ya mafuta.

14:22  Akamata mpe bikokoba bibale to bibenga bibale, soko akoki kofuta byango. Babonza yoko bo moboma mwa masumu, yoko bo libonza lya kotumba.

14:23  Ameme byango epai ya nganga Nzambe o mokolo mwa mwambe o monoko mwa Ema ya Likita, mpo ’te bapetola ye o miso ma Yawe.

14:24  Nganga Nzambe akamata mwana mpata bo moboma mwa bofuti nyongo, na mpe kopo ya mafuta. Atombola yango mpo ya kolakisa Yawe.

14:25  Na nsima, soko babomi mwana mpata bo moboma mwa bofuti nyongo, nganga Nza­mbe akamata mwa makila mpe atia mango o eteni ya nse ya litoi lya mobali la moto oyo azali komipetola, o mosapi monene mwa loboko la ye la mobali, mpe o mosapi monene mwa lokolo la ye la mobali.

14:26  Asopa mafuta mana o kati ya loboko la ye la mwasi,

14:27  akamata mafuta maye mazali o loboko la ye la mwasi, mpe na mosapi anyakela ye mbala nsambo o boso bwa Yawe.

14:28  Atia ndambo o eteni ya nse ya litoi lya mobali lya moto azali komipetola, o mosapi monene mwa loboko la ye la mobali, o mosapi monene mwa lokolo la ye la mobali, bobele o esika batiaki makila ma moboma mwa bofuti nyongo.

14:29  Mafuta maye matikali o loboko la ye, atia mango o motó mwa moto oyo azali komipetola, asala bongo milulu mya kozwa bolimbisi masumu ma ye o miso ma Yawe.

14:30  Na nsima akamata ekokoba yoko to ebenga yoko, eye azwi,

14:31  mpe abo­nza yoko bo moboma mwa masumu, esusu bo libonza lya kotumba elongo na libonza lya bilei, lokola akokaki kozwa yango. Nga­nga Nzambe akosala milulu mina mpo ya bolimbisi masumu ma moto ona o miso ma Yawe.

14:32  Ezali mobeko motali moto wa maba, soko akoki kokaba libonza mpo ya komipetola te.

14:33  Yawe alobi na Moze mpe na Aron :

14:34  Ntango bokokoma o mokili mwa Kanana, moye nakopesa bino mpo ’te bozala bankolo ba ma­belé mana, soko nasali ’te ndako yoko ya mokili moye mwa bino ekoma na bokono bwa maba,

14:35  nko­lo wa ndako asengeli koyebisa nganga Nzambe mpe koloba : « Namoni eloko lokola mpota ya maba o ndako. »

14:36  Nganga Nza­mbe atinda ’te babimisa biloko bi­nso o ndako ; na nsima ye moko ayingela mpo atala mpota ena malamu. Bongo biloko bizalaki o ndako bizwa mbindo te.

14:37  Awa atali, soko amoni ’te bifelo bya ndako bizali na matono lokola mai ma mpondu to ma motane ngwa, mpe esika ya litono efelo eliami moke,

14:38  nganga Nzambe abima o ndako ; awa abimi o monoko mwa ndako, akangisa yango mikolo nsambo.

14:39  Nsima ya mikolo nsambo, azo­nga mpe atala lisusu. Soko amoni ’te matono mayei manene o bifelo bya ndako,

14:40  atinda ’te balongola maba­nga mana mabebi mpo ya bokono mpe babwaka mango o esika mbindo, o libanda lya mboka.

14:41  Na nsima atinda bato bapalola bifelo binso bya ndako, mpe ba­bwaka bipalola bina o esika mbi­ndo, o libanda lya mboka.

14:42  Batia mabanga ma sika o esika balongolaki maye ma liboso ; na nsima bapakola mabelé masusu o esika bapalolaki maye ma kala.

14:43  Soko balongoli mabanga, bapaloli mpe bapakoli ndako lisusu, kasi bokono bozali se kopanzana,

14:44  nga­nga Nzambe aya kotala. Soko amoni ’te bokono bozali se kopa-nzana, ezali maba masimbi ndako mobimba ; ndako eye ekomi na mbindo.

14:45  Babuka ndako ena, mpe babwaka ya­ngo o esika mbindo, o libanda lya mboka, ná mabanga, ná mabaya, ná biloko bapakolaki wana.

14:46  Soko moto ayingeli o ndako ena o ntango ekangemi, akozala na mbindo tee mpokwa.

14:47  Moto alali to alei o ndako ena, asukola bilamba.

14:48  Kasi soko nganga Nzambe ayei ko­tala bokono bwa ndako, mpe amoni ’te mabe mapanzani te nsima ya bopakoli, atanga ndako ena ndako peto, zambi bokono bosili.

14:49  Mpo ya kobonza moboma mwa masumu ma bato ba ndako ena, akamata ndeke ibale, nkoni ya nzete ya sédere, ngola na isope.

14:50  Aboma ndeke yoko likolo lya nzungu ya mabelé, ezali na mai ma liziba.

14:51  Na nsima akamata nkoni ya nzete ya sédere, ngola na ndeke eye ezali na bomoi, akotisa yango inso o makila ma ndeke eye babomaki o likolo lya mai ma liziba. Anyakela na yango ndako mbala nsambo.

14:52  Na nsima abonza moboma mwa boli­mbisi masumu ma bato ba ndako, alongola bongo mbindo na makila ma ndeke, mai ma liziba, ndeke eye ezali na bomoi, nkoni ya nzete ya sédere, isope na ngola.

14:53  Na nsima atika ndeke eye ezali na bomoi eke­nde kopimbwa o libanda lya mboka. Awa asilisi milulu mya bolimbisi masumu mpo ya ndako, ndako ekomi peto.

14:54  Tala mibeko minso mitali maba ma bato to mpanda,

14:55  maba ma bilamba to ma ndako,

14:56  matutu, mbu­ma na matono.

14:57  Mibeko miye miko­lakisa ntango biloko bizali mbi­ndo to peto. Tala mobeko motali maba.

Chapter 15

15:1  Yawe alobi na Moze mpe na Aron :

15:2  Boloba na bana ba-Israel : Soko mobali abeli bokono bwa botangi mai akomi na mbindo.

15:3  Ata nzoto ya ye ebimi mai to ekangi mai, mbindo azwi mpo ya botangi mai, ezali boye :

15:4  Mbeto esika mobali mokoni oyo alali, ezali na mbindo ; kiti mpe ebo-nga esika afandi ezali na mbindo.

15:5  Moto asimbi mbeto ya ye, ase-ngeli kosukola bilamba, asukola mpe nzoto ; akozala na mbindo tee mpo­kwa.

15:6  Oyo afandi o kiti ya mobali abeli, asukola bilamba, asukola mpe nzoto, akozala na mbindo tee mpo­kwa.

15:7  Oyo asimbi mobali abeli bokono bongo, asukola bilamba, asukola mpe nzoto ; akozala na mbindo tee mpokwa.

15:8  Soko mobali oyo abwakeli moto peto nsoi, moto oyo asukola bila­mba, asukola mpe nzoto ; akozala na mbindo tee mpokwa.

15:9  Efandeli ya mpunda ye afandelaki ekozala na mbindo.

15:10  Moto asimbi eloko ata nini mobali oyo afandelaki, akozala na mbindo tee mpokwa. Moto amemi eloko ena, asukola bilamba, asukola mpe nzoto ; akozala na mbindo tee mpokwa.

15:11  Soko mobali oyo asimbi bato, kasi asukoli maboko liboso te, ba-ngo basukola bilamba, basukola mpe nzoto ; bakozala na mbindo tee mpokwa.

15:12  Soko mobali oyo asimbi mbeki ya mabelé, babola mbeki yango, soko ezali mbeki ya nzete, basukola yango malamu.

15:13  Soko mobali oyo abiki o bokono boye, azila naino mikolo nsambo, na nsima akoki komipetola. Asukola bilamba, asukola mpe nzoto na mai ma liziba, bongo akokoma peto.

15:14  O mokolo mwa mwambe akamata bikokoba bibale to bibenga bibale, ameme byango o boso bwa Yawe o monoko mwa Ema ya Likita, mpe apesa nganga Nzambe byango.

15:15  Nga­nga Nzambe akobonza yoko bo moboma mwa masumu, esusu bo libonza lya kotumba. Nganga Nzambe asala bongo o boso bwa Yawe milulu mya bolongoli mbi-ndo ya moto azali na bokono bwa botangi mai ma nzoto.

15:16  Soko mai ma mobali mabimeli ye, asukola nzoto mobimba na mai, akozala naino na mbindo tee mpo­kwa.

15:17  Bilamba to mposo ya nyama bizwaki mai mana, basukola bya­ngo, bikozala naino na mbindo tee mpokwa.

15:18  Soko mwasi ayebani na mobali, bango babale basengeli kosukola nzoto ; bakozala na mbindo tee mpo­kwa.

15:19  Soko mwasi amoni sanza to abimi makila, atikali mikolo nsa-mbo na mbindo ya makila. Moto ata nani asimbi ye, akozala na mbi­ndo tee mpokwa.

15:20  Mbeto esika mwasi wa motindo mona alalaki ezali na mbindo, na mpe kiti to ebonga afandelaki.

15:21  Moto asimbi mbeto ya ye, asukola bilamba, asukola mpe nzoto, akozala na mbindo tee mpokwa.

15:22  Oyo asimbi kiti to ebonga to efandeli ata nini eye afandelaki, asukola bilamba, asukola mpe nzoto ; akozala na mbindo tee mpokwa.

15:23  Soko eloko yoko elali o mbeto to o efandeli esika afandaki, eloko ena ekozala na mbindo tee mpokwa.

15:24  Soko mobali moko ayebani na ye, mbindo ya makila ma ye eko­zwa ye mpe. Akozala na mbindo mikolo nsambo mobimba. Mbeto esika akei kolala ekozala na mbindo.

15:25  Soko mwasi atangi makila mwa mikolo mingi nsima ya bomoni sanza, to mikolo mya sanza ya ye miumeli, akozala na mbindo o eleko mobimba azali kotanga makila, se lokola azali na mbindo o mikolo mya sanza ya ye.

15:26  Bobele bongo na mbeto esika alali o eleko abeli bokono bwa botangi makila na mpe mbeto esika alali o ntango azali na sanza. Efandeli ata nini esika afandi, ezali na mbindo, se lokola o ntango amoni sanza.

15:27  Moto asimbi yango, akomi mbindo ; asukola bilamba, asukola mpe nzoto ; akozala na mbindo tee mpokwa.

15:28  Soko mwasi oyo abiki o botangi makila, azila naino mikolo nsambo, na nsima akokoma peto.

15:29  O mokolo mwa mwambe, akamata bikokoba bibale to bibenga bibale mpe apesa nganga Nzambe byango o monoko mwa Ema ya Likita.

15:30  Nga­nga Nzambe abonza yoko bo moboma mwa masumu, esusu bo libo­nza lya kotumba. Nganga Nza­mbe asala bongo o miso ma Yawe milulu mya bolimbisi mabe mauti na botangi makila makomisi ye mbi­ndo.

15:31  Boyebisa bana ba-Israel maka­mbo makoki kokomisa bango mbi­ndo : mpo bakufa te o mokolo bakokoto o Ndako esantu, eye ezali o kati ya bango.

15:32  Tala mibeko mitali babali babeli bokono bwa botangi mai to bakomi na mbindo zambi mai ma mobali mabimeli bango,

15:33  mpe mibeko mitali mpe basi bamoni sanza, mobali to mwasi abeli bokono bwa botangi mai, na mpe mobali alali na mwasi azali na mbindo.

Chapter 16

16:1  Yawe alobi na Moze, nsima ya liwa lya bana babale ba Aron, baye bakufaki ntango babelemeki na Yawe.

16:2  Alobi na ye : Loba na ndeko wa yo Aron ’te ayi­nge­la ntango inso o esika esa­ntu te, nsima ya elamba elai penepene na ezi­pe­li, eye ezipi Sanduku ya Bondeko, mpo ’te akufa te ntango nakomilakisa likolo lya ezipeli o kati ya li­mpata.

16:3  Soko Aron alingi koyingela o esi­ka esantu asengeli koya na ngo­mbe mobali bo moboma mwa masumu mpe na mpata mobali bo libonza lya kotumba.

16:4  Alata elamba elai ya malekani babenisi, alata mpe kupé ya malekani, akanga mpe mokaba mwa malekani o loketo, azala mpe na ngabuni ya malekani o motó. Bilamba bina bisantu alata bya­ngo nsima ya bosukoli nzoto na mai.

16:5  Bana ba lisanga lya ba-Israel bapesa ye ntaba babali ibale bo miboma mya masumu mpe mpata mo­bali yoko bo libonza lya kotumba.

16:6  Liboso Aron abonza ngombe mobali bo moboma mwa bolimbisi masumu ma ye moko, mpe asala milulu mya bolimbisi masumu ma ye moko mpe ma bato ba libota lya ye.

16:7  Na nsima akamata ntaba ina ibale, mpe atia yango o boso bwa Yawe o monoko mwa Ema ya Likita.

16:8  Abete zeke likolo lya ntaba ibale : zeke yoko mpo ya Yawe, zeke esusu mpo ya Azazel.

16:9  Ntaba eye ebimi mpo ya Yawe, Aron abonza yango bo moboma mwa masumu.

16:10  Ntaba eye ebimi mpo ya Azazel, batia yango o boso bwa Yawe, mpe basala likolo lya yango milulu mya bolimbisi masumu, na nsima bati­nda yango o eliki esika Azazel akofandaka.

16:11  Aron abonza ngombe mobali mpo ’te ezala moboma mwa boli­mbisi masumu ma ye moko, na nsima asala milulu mya bolimbisi ma­sumu ma ye moko mpe ma bato ba libota lya ye, aboma mpe ngo­mbe mobali ena.

16:12  Na nsima ato­ndisa mbeki ya mpaka ya malasi na makala ma móto, maye akamataki o altare, eye ezali o boso bwa Yawe ; akamata mpe na maboko mpaka ya malasi ma nsolo mpimbo mbala ibale. Ameme yango inso nsima ya elamba elai,

16:13  mpe atia mpaka ya malasi o móto o boso bwa Yawe. Atondisa bongo ezipeli, eye ezali likolo lya Sanduku ya Bondeko, na milinga mya mpaka ya malasi, soki te akokufa.

16:14  Na nsima akamata ma­kila ma ngombe mpe anyakela na mango mopanzi mwa Esti mwa ezipeli. Anyakela bongo makila ma­na na misapi mbala nsambo.

16:15  Na nsima aboma ntaba mobali bo moboma mwa bolimbisi masumu ma bato, mpe akende na makila ma yango nsima ya elamba elai. Asala na makila mana lokola asalaki na makila ma ngombe, anyakela mango o ezipeli mpe o boso bwa yango.

16:16  Asala bongo milulu mya bolimbisi masumu ma esika esantu mpe mya bopetoli bana ba-Israel o mbindo mpe o masumu ma bango manso. Asala bobele bongo na Ema ya Likita, ezali penepene na bango, ata bazali na mbindo.

16:17  Moto moko akoki kozala o Ema ya Likita te, o ntango Aron akoyingela mpo ya kosala milulu mya bolimbisi masumu ; bakoki kokoto wana bobele soko Aron abimi. Esilisi ye kosala milulu mya bolimbisi masumu mpo ya mabe ma ye moko, mabe ma bato ba libota lya ye, na mabe ma ba-Israel banso,

16:18  abima, akende epai ya altare, eye ezali o boso bwa Yawe, mpe asala milulu mya bolimbisi masumu o altare. Akamata makila ma ngombe mpe ma ntaba, mpe atia mango o maseke manei ma altare.

16:19  Na makila mana anyakela altare mbala nsambo na mosapi mwa ye. Bobele bongo akopetola yango mpe akolongola mbindo inso ya bana ba-Israel.

16:20  Esilisi ye milulu mya bopetoli esika esantu na Ema ya Likita na altare, aya na ntaba mobali, eye ezali na bomoi.

16:21  Aron atia maboko mabale o motó mwa ntaba, asakola mabe manso ma bana ba-Israel, botomboki bwa bango ná masumu ma bango manso. Awa atii bongo mabe manso o motó mwa ntaba, apono moto moko akende kotika ntaba o eliki.

16:22  Bongo ntaba mobali ekokende kotika masumu ma bango manso o esika ya mabelé ma­kauka. Awa atindi ntaba mobali o eliki,

16:23  Aron akoto lisusu o Ema ya Likita, alongola bilamba bya malekani, biye alataki mpo ya koyingela o esika esantu. Atia byango se wana ;

16:24  na nsima asukola nzoto na mai o esika yoko esantu. Alata lisusu bilamba mpe abima mpo ’te abonza libonza lya kotumba mpo ya ye mpe mpo ya bato banso. Asala milulu mya bopetoli mpo ya ye moko mpe mpo ya bato banso.

16:25  Mafuta ma moboma mwa masumu, atumba mango o altare.

16:26  Moto oyo akendeki na ntaba mobali epai ya Azazel, asukola bilamba, asukola mpe nzoto na mai ; bobele nsima akoki kozonga o nga­nda.

16:27  Basilisa milulu mya bopetoli o esika esantu na makila ma ngo­mbe mobali mpe ma ntaba mobali, iye babonzaki bo miboma mya bolimbisi masumu. Na nsima batika yango o libanda lya nganda, mpe batumba mposo, misuni na misopo mya yango.

16:28  Oyo atumbi yango, asukola bilamba, asukola mpe nzoto ; bobele nsima akoki kozonga o nganda.

16:29  Tala mobeko mwa seko napesi bino : o mokolo mwa zomi mwa sanza ya nsambo, bolala nzala ; moto moko asala mosala makasi ata moke te, azala mwana mboka to mompaya akofandaka epai ya bino.

16:30  Mpamba te, bobele o mokolo mona, basala mpo ya bino milulu mya bolimbisi masumu mpo ’te bokoma peto. Bokope­twa na masumu ma bino manso o miso ma Yawe.

16:31  Botala mokolo moye lokola mokolo mwa bopemi mpe mwa bolali nzala : ezali mobeko mwa seko.

16:32  Nganga Nzambe, oyo bapakoli mafuta mpe bakotisi o mosala mpo ’te akitana tata wa ye, ye moto asala milulu mya bolimbisi masumu. Alata bilamba bya malekani, bilamba bisantu.

16:33  Asala milulu mya bopetoli esika esantu na Ema ya Likita na altare. Na nsima asala milulu mya bolimbisi masumu ma banganga Nzambe banso mpe ma bato banso ba lisanga.

16:34  Tala mobeko mwa seko napesi bino : mbala yoko o mobu basala milulu mya bolimbisi masumu ma bato banso ba-Israel. Bongo basali makambo manso lokola Yawe atindaki Moze.

Chapter 17

17:1  Yawe alobi na Moze :

17:2  Loba na Aron, na bana ba ye mpe na bana banso ba-Israel boye : Yawe apesi mobeko moye :

17:3  Soko mo-Israel abomi ngombe mobali, mwana mpata to mwana ntaba o kati to o libanda lya nganda,

17:4  mpe soko ayei na yango o monoko mwa Ema ya Likita mpo ’te abonzela Yawe o boso bwa ndako ya ye, moto oyo akosambama mpo ya makila masopani. Balongola ye o libota lya ye.

17:5  Bana ba-Israel bayela nganga Nza­mbe mabonza maye balingi kobo­nzela Yawe o esobe ; baya o monoko mwa Ema ya Likita mpe babonzela Yawe mango lokola miboma mya bondeko.

17:6  Nganga Nzambe anyakela makila o altare ya Yawe, eye ezali o monoko mwa Ema ya Likita, mpe atumba mafuta mpo ’te mazala libonza lya nsolo mpimbo likosepelisa Yawe.

17:7  Babonzela bilimo bibe bya eliki lisusu mabonza te, biye bazalaki kokumisa liboso. Ezali mobeko mwa seko napesi bango mpe bankoko ba bango.

17:8  Loba na bango lisusu : Soko moto wa mboka to mompaya akofa-ndaka epai ya bino, abonzi libonza lya kotumba to moboma,

17:9  mpe ayei na nyama o Ema ya Likita te mpo ya kobonzela Yawe yango, balongola moto oyo o libota lya ye.

17:10  Soko moto wa libota lya Israel to mompaya akofandaka epai ya bino, akomele ata makila nini, ngai nakopesa ye mokongo mpe nakolongola ye o libota lya ye,

17:11  zambi bomoi bwa ekelamo bozali o kati ya makila ma yango. Napesi bino makila mana mpo ’te bosala na mango o altare milulu mya kobikisa bomoi bwa bino ; solo, makila makozwela moto bolimbisi, zambi makila mazali bomoi.

17:12  Yango wana nalobaki na bana ba-Israel : Moto moko te, ata mompaya oyo akofandaka epai ya bino, amele makila.

17:13  Soko moto wa Israel to mo-mpa­ya akofandaka epai ya bino, akei bokila mpe abomi nyama to ndeke, eye bakoki kolia, asengeli kosopa makila mpe kozipa mango na mabelé,

17:14  zambi bomoi bwa ekelamo bozali o kati ya makila ma yango. Nalobaki na bana ba-Israel : Bokoki komele makila ma ekelamo yoko te, zambi bomoi bwa ekelamo bozali o kati ya makila ma ya­ngo ; moto akomele mango, balo­ngola ye o libota lya ye.

17:15  Soko mwana mboka to mompaya alei nyama ekufi yango moko to eye nyama ekatakati, asukola bila-mba bya ye, asukola mpe nzoto na mai. Akozala na mbindo tee mpo­kwa, na nsima akokoma peto.

17:16  Kasi soko asukoli byango te mpe asukoli nzoto te, akomeme ngambo.

Chapter 18

18:1  Yawe alobi na Moze :

18:2  Loba na bana ba-Israel : Ngai Yawe, Nzambe wa bino.

18:3  Bosala te lokola bakosalaka o mokili mwa Ezipeti, esika bofandaki ; bosala te lokola bakosalaka o mokili mwa Kanana, esika nakokotisa bino. Bolanda mibeko mya bango te.

18:4  Kasi bolanda mimeseno nalakisi bino, botosa mibeko ngai napesi bino. Ngai Yawe Nzambe wa bino.

18:5  Botosa mibeko na mimeseno mya ngai : moto akotosa myango, akoumela na bomoi. Ngai Yawe.

18:6  Moto moko aluka moto wa libota lya ye te mpo alala na ye. Ngai Yawe.

18:7  Otala bolumbu bwa tata to mama wa yo te. Okoki komono bolu­mbu bwa mama wa yo te.

18:8  Olala na mwasi wa tata wa yo te ; soko omoni bolumbu bwa ye, omo­ni bolumbu bwa tata.

18:9  Olala na ndeko mwasi wa yo te, azala mwana wa tata wa yo to mwana wa mama wa yo ; ata abotami o ndako ya yo to o ndako esusu, oko­ki kolala na ye te.

18:10  Olala na mwana mwasi te, oyo mwana mobali wa yo to mwana mwa­si wa yo abotaki, zambi bolu­mbu bwa bango bozali lokola bolumbu bwa yo moko.

18:11  Olala mpe na mwana mwasi te, oyo tata wa yo abotaki na mwasi mosusu. Ozali ndeko wa ye tata moko ; okoki kolala na ye te.

18:12  Olala na tata mwasi wa yo te, zambi bango na tata bazali makila moko.

18:13  Olala na ndeko mwasi wa mama wa yo te, zambi azali makila moko na mama wa yo.

18:14  Olala na ndeko mobali wa tata wa yo te, zambi azali makila moko na tata wa yo.

18:15  Olala na bokilo wa yo te : azali mwasi wa mwana wa yo, okoki kolala na ye te.

18:16  Olala na semeki wa yo te, za-mbi soko omoni bolumbu bwa ye, omoni bolumbu bwa ndeko wa yo.

18:17  Olala na mwasi mpe na mwana wa ye te, olala mpe na nkoko wa ye te, zambi bazali makila moko na baboti ba bango : ezali likambo lya nsoni o kati ya bandeko.

18:18  Soko obali mwasi, okoki kolala na ndeko wa ye te, ntango mwasi wa yo azali na bomoi. Okoki koyokisa ye zuwa ya bombanda te.

18:19  Olala na mwasi te soko azali komono sanza.

18:20  Olala na mwasi wa moninga te, mpo okoma na mbindo te.

18:21  Oboma bana ba yo te mpo ya kobonza bango na nzambe Molok ; soko osali bongo, okosantola nkombo ya Nzambe wa yo. Ngai nazali Yawe.

18:22  Olala na mobali te lokola bakolalaka na mwasi ; ezali likambo lya nsomo.

18:23  Osangisa nzoto na nyama te ; yango ekokomisa yo mbindo. Mwasi mpe asangisa nzoto na nyama te. Likambo lina lileki bosoto.

18:24  Bosala makambo ma motindo mona te mpo bokoma mbindo te. Bato baye nazali kobengana o miso ma bino bakomi bato ba mbindo bobele na makambo mana.

18:25  Solo, mokili mwa bango mokomi na mbindo, napesi bango etu-mbu mpo ya mabe ma bango, mpe mokili moboyi bango.

18:26  Kasi bino botosa mibeko mpe mimeseno mya ngai, bosala likambo lyoko lya nsomo boye te, ozala mwana mboka to mompaya akofandaka epai ya bino,

18:27  zambi bato bafandaki o mokili mona liboso lya bino basalaki makambo mana ma nsomo, mpe ekolo ya bango ekomi na mbindo.

18:28  Soko bokomisi ekolo eye ekolo mbindo, mbele ekoboya bino lokola eboyaki bato bafandaki wana liboso.

18:29  Moto ata nani asali likambo lya nsomo boye, balongola ye o libota lya ye.

18:30  Botosa mibeko mya ngai mpe bolanda makambo ma nsomo te, maye bato bazalaki kosala liboso lya bino, bongo bokokoma na mbindo te. Ngai nazali Yawe Nza­mbe wa bino.

Chapter 19

19:1  Yawe alobi na Moze :

19:2  Loba na bana banso ba-Israel boye : Bozalaka basantu, zambi ngai Yawe Nzambe wa bino nazali mosantu.

19:3  Moto na moto amemya mama na tata wa ye. Botosa mobeko mwa mokolo mwa Sabato. Ngai nazali Yawe Nzambe wa bino.

19:4  Bobondela bikeko te, botula mpe bikeko bya banzambe ba lokuta te. Ngai nazali Yawe Nzambe wa bino.

19:5  Soko bobonzeli Yawe moboma mwa bondeko, bobonza mwango bo ebongi mpo ’te Yawe akoka koyamba mwango.

19:6  Bokoki kolia nyama ena o mokolo bobonzi ya-ngo to o mokolo mwa nsima ; biloko bitikali, botumba byango.

19:7  Soko bolei byango mikolo mibale na nsima, ekozala lisusu bilei bya malonga te, Yawe akoyamba libonza lyango lisusu te.

19:8  Moto alei byango, asali lisumu, zambi asantoli biloko babonzeli Yawe. Balongola ye o libota lya ye.

19:9  Soko bokei kobuka mbuma ya bilanga bya bino, bosilisa mbuma ya bilanga inso te, bolokoto mintika mpe te.

19:10  Bokoki mpe kobuka mbuma ya nzete ya vino mbala ibale te ; mbuma ikwei bolokoto yango te. Botikela babola na bampaya mbuma ina. Ngai Yawe Nzambe wa bino.

19:11  Boyiba te, bobukela baninga lokuta te, bokosa bango mpe te.

19:12  Bolaya ndai ya lokuta na nkombo ya ngai te : yango ezali kosantola nko­mbo ya Nzambe wa bino. Ngai nazali Yawe.

19:13  Bobuba moninga te, bo­bo­tolo mpe biloko na mayele te : mosali asali mosala, bofuta ye se lelo, lobi te.

19:14  Moto akufa matoi, bofinga ye te ; botiela moto wa lolanda libaku o makolo te ; bobanga Nza­mbe wa bino. Ngai nazali Mokonzi.

19:15  Bokata makambo se na bose-mbo. Botala bilongi bya bato te, ata bazali babola ; bobanga mpe miso ma bato banene te ; kasi bokata maka-mbo ma bato na bosembo.

19:16  Bobebisa lokumu la bandeko ba bino te. Bofunda moninga na lokuta te, mpo ’te baboma ye. Ngai nazali Yawe.

19:17  Bobombela ndeko moko nka-nda o motema te ; bopalela baninga mpo ’te bozwa lisumu te mpo ya mabe ma bango.

19:18  Soko basali bino mabe, bozongisela bango mabe te, bobombelabangonkandate. Boli­nga baninga lokola bokomili-nga­ka. Ngai nazali Yawe.

19:19  Botosa mibeko mya ngai. Nya­ma ya etonga ya yo ekoki kosangisa nzoto na nyama ya lolenge losusu te. Olona mpe mbuma ya ndenge ibale o elanga ya yo te. Olata molato te, moye motongami na bilamba bya ndenge ibale.

19:20  Soko mobali ayebani na mwasi moombo, oyo moto mosusu alingi kobala, kasi bafutaki mosolo te mpo ya kosikola ye, mpe bapesaki ye bonsomi te, mobali oyo asengeli kofuta mosolo, kasi baboma bango te, zambi mwasi azali nsomi te.

19:21  Mobali oyo abonzela Yawe mo­bo­ma mwa bofuti nyongo o monoko mwa Ema ya Likita, ezala mpata mobali mpo ya kofuta nyo­ngo ya ye.

19:22  Na mpata mobali eye nganga Nzambe alanda milulu mya boli­mbisi masumu o miso ma Yawe ; lisumu lya ye likolimbama.

19:23  Mokolo bosili kokoto o mokili mona mpe boloni ata nzete nini, bokeba na mbuma ya ekila izali na mbindo lokola mobali akatemi nzo­to te. Mibu misato botala yango lokola mbuma ya ekila, balia mbuma yango te.

19:24  O mobu mwa minei, bosepela eyenga ya bokumisi Yawe mpe bobonzela ye mbuma inso.

19:25  Bobele o mobu mwa mitano bokoki kolia mbuma. Soko bosali bo­ngo, nzete ya bino ikobota mbuma mingi. Ngai nazali Yawe Nzambe wa bino.

19:26  Bokoki kolia mosuni te soko mozali naino na makila. Bokende nzela ya nganga te mpe bondima bikelakela bya ye te.

19:27  Bokata nsuki zongazonga na motó te, bokata mandefu o matama mpe te.

19:28  Soko moto akufi, bomikata mpota to nkoma o nzoto te. Ngai nazali Yawe.

19:29  Obebisa mwana mwasi wa yo te na botindi ye o nzela ya bondu­mba, mpo ’te ekolo mobimba ebeba te mpe ekoma mokili mwa maka­mbo ma bosoni te.

19:30  Botosa mikolo mya Sabato mpe bomemya ndako esantu ya ngai. Ngai Yawe.

19:31  Bolanda makambo ma bilimo te, mpe boluka banganga nkisi te. Bokende nzela ya bango te, mpo ’te bozwa mbindo te o kati ya bango. Ngai Yawe Nzambe wa bino.

19:32  Oteleme mpo ya moto wa nsuki mpembe mpe omemya mobange ; okolakisa bongo ’te okobanga Nza­mbe wa yo. Ngai Yawe.

19:33  Soko moto ayei kofanda o ekolo ya yo, onyokolo ye te.

19:34  Mo-mpa­ya akofandaka o mboka ya yo, otala ye lokola mwana mboka mpe ndeko wa yo, mpe olinga ye lokola okomilingaka, mpo yo mpe ozalaki mompaya o mokili mwa Ezipeti. Ngai Yawe Nzambe wa yo.

19:35  Ozala na bosembo o makambo manso mobeko motindi. Mpo ya komeka bolai, bozito to bonene bwa eloko,

19:36  ozala na metele, na kilo mpe na kopo lokola mobeko motindi. Ngai Yawe Nzambe, oyo abimisaki bino o mokili mwa Ezipeti.

19:37  Bomemya mibeko na mimeseno mya ngai minso, bolanda se myango. Ngai nazali Yawe.

Chapter 20

20:1  Yawe alobi na Moze :

20:2  Loba na bana ba-Israel : Moto abomi mwana wa ye, azala moto wa Israel to mompaya akofandaka o ekolo Israel mpe abonzi ye na nzambe Molok, baboma moto ona. Bana mboka baboma ye na maba-nga.

20:3  Ngai moto nakopesa ye mokongo mpe nakolongola ye o libota lya ye, zambi, awa apesi mwana moko na Molok, abebisi esika esa­ntu ya ngai, ekomi na mbindo, asantoli nkombo esantu ya ngai.

20:4  Soko bana mboka bamoni mabe te ’te abonzeli Molok mwana wa ye, mpe babomi ye te,

20:5  ngai moko nakopesa moto oyo na mpe libota lya ye mobimba etumbu. Nakolo-ngola bango o libota lya bango, ye na baye banso balandi ndakisa ya ye mpe bakumisi Molok.

20:6  Moto alandi bilimo to akei epai ya ba-nganga nkisi mpe alandi makambo ma bango, ngai nakopesa ye mokongo mpe nakolongola ye o libota lya ye.

20:7  Bomibongisa mpo ’te bokoma basantu, zambi ngai nazali Yawe Nzambe wa bino.

20:8  Bolanda mibeko mya ngai mpe botosa myango, zambi ngai Yawe nakokomisa bino basantu.

20:9  Yango wana, moto abeteli tata to mama wa ye mobondo, baboma ye. Awa asali yango, ye moko amilukeli liwa.

20:10  Soko moto asali bokali na mwasi wa moninga, akoki na liwa : baboma ná mobali ná mwasi.

20:11  Soko moto alali na mwasi wa tata wa ye, amoni bongo bolumbu bwa tata wa ye, baboma bango babale, ná mobali ná mwasi. Bango moko bamilukeli liwa.

20:12  Moto alali na mwa­si wa mwana wa ye, baboma bango babale. Likambo basali lileki nsomo. Bango moko bamilukeli liwa.

20:13  Soko mobali alali na moninga mobali lokola bakolalaka na mwasi, bango babale basali likambo lya nsomo mpenza ; baboma bango, bango moko bamilukeli liwa.

20:14  Soko mobali abali basi babale, ná mama ná mwana, asali likambo lya nsoni mpenza. Batumba bango o móto, mpo ’te mobulu mosila o ntei ya bino.

20:15  Mobali asangisi nzoto na nyama, baboma ye, ná mpe nyama ena.

20:16  Mwasi asangisi nzoto na nyama, baboma ye ná mpe nyama ; bango babale, mwasi ná nyama, baluki liwa.

20:17  Soko moto abali ndeko mwasi wa ye, oyo bazali na ye tata moko to mama moko : soko amoni bolu­mbu bwa ndeko mwasi wa ye, mpe nwasi ona amoni bolumbu bwa ndeko mobali wa ye, basali likambo lya nsoni mpenza. Baboma bango o miso ma bato banso ba mboka, mpamba te, bamoni bolu­mbu bwa ndeko wa bango, bazwa etumbu mpo ya mabe basali.

20:18  Soko mobali alali na mwasi o nta­ngo azali komono sanza, awa amoni makila o nzoto ya mwasi, mwasi mpe amoni makila ma ye moko, baboma bango babale, balongola bango o libota lya bango.

20:19  Olala na mama motomolo te, na mama mozimi te, na tata mwasi mpe te. Moto asali yango, asambwi­si libota lya ye moko ; bango babale bazwa etumbu mpo ya mabe basali.

20:20  Moto alali na mwasi wa tata motomolo to wa tata mozimi, ezali lokola amoni bolumbu bwa tata wa ye moko. Bango babale bazwa etumbu mpo ya mabe ma bango ; bakufa, ata baboti bana te.

20:21  Moto abali mwasi wa ndeko wa ye, asali likambo lya nsoni. Amoni bolumbu bwa ndeko wa ye. Bango babale ba­ko­bota te tee bakokufa.

20:22  Bolanda mibeko na mimeseno mya ngai mpe botosa myango. Bo­ngo ekolo esika nakotinda bino bofa­nda kuna, ekoboya bino te.

20:23  Bolanda mibeko mya bato bana te, baye nakobengana o miso ma bino, zambi bango basali makambo mana manso ; yango wana nayoki bango mpi.

20:24  Nalobaki na bino : Bokoma bankolo ba mabelé, ngai moko nakopesa bino mango ; mokili mona motondi na mabéle ma ngo­mbe mpe na mafuta ma nzoi. Ngai Yawe Nzambe wa bino, na­kaboli bino na bato ba bikolo bina.

20:25  Bokabola bongo nyama peto na nyama mbindo, ndeke peto na ndeke mbindo. Bondima te ’te nyama mbindo na ndeke mbindo to nyama ike inso ikolandaka o mabelé, ikomisa bino mbindo. Nalakisi bino ’te botia yango mpembeni lokola nyama mbindo.

20:26  Bino bozala basantu o miso ma ngai, zambi ngai Yawe nazali mosantu. Nakokabola bino na bato ba bikolo bina, mpo ’te bozala bato ba ngai.

20:27  Mobali to mwasi abengi molimo mwa mowei, to azali na elimo ebe, baboma ye na mabanga. Ye mo­ko amilukeli liwa.

Chapter 21

21:1  Yawe alobi na Moze : Loba na banganga Nzambe, bana ba Aron, boye : Nganga Nzambe moko te amikomisa na mbindo pene na ebembe ya mwana mboka.

21:2  Akoki kokende bobele pene na ebembe ya bandeko bazali na ye makila moko mpenza, kanisa : tata wa ye na mama wa ye, mwana wa ye wa mobali to wa mwasi, ndeko wa ye wa tata moko.

21:3  Soko ndeko wa ye wa mwasi azali naino ngondo, awa babali ye naino te, azali se moto wa libota lya ye, mpe akoki ko­zwa mbindo mpo ya ye.

21:4  Soko ndeko ona azali na mobali, nganga Nzambe amikomisa mbindo te, mpo ’te akoma mosumuki te.

21:5  Banganga Nzambe bakokola motó te, bakata mpe mandefu o mpe­mbeni te, bakata nzoto ya ba-ngo nzoloko te.

21:6  Bazala basantu o miso ma Nzambe wa bango, basa-ntola nkombo ya Nzambe wa ba-ngo te, zambi bango bakobonzelaka Yawe bilei, biloko bya Nzambe wa bango. Bazala basantu o miso ma Yawe.

21:7  Babala mwasi ndumba te, to mwasi oyo basili babebisi. Babala mwasi te oyo alongwaki o libala, zambi nganga Nzambe abo­nzami na Nzambe wa ye.

21:8  Otala ye lokola mosantu, zambi ye moto akobonza bilei bya Nzambe wa yo. Omemya ye lokola mosantu, za­mbi ngai nazali mosantu, ngai Yawe nakosantisa bino.

21:9  Soko mwana wa nganga Nza-mbe asali bondumba, abebisi bobele lokumu la ye moko te, kasi na mpe lokumu la tata wa ye. Batumba ye o móto.

21:10  Nganga Nzambe monene, oyo azali liboso lya baninga ba ye, awa bapakoli ye mafuta masantu mpe bakotisi ye o mosala mwa bonga-nga mokolo balatisi ye bilamba bisantu, akoki kofungola nsuki te mpe kopasola bilamba bya ye te.

21:11  Akoki kokoma pene na ebembe ya moto te, ata ya tata to ya mama wa ye te, mpo akoma mbindo te.

21:12  Akoki kobima o esika esantu te, mpo abebisa ndako ya Nzambe wa ye te, zambi atikali na elembo ya mafuta masantu, maye bapakolaki ye mpo ya Nzambe wa ye. Ngai Yawe.

21:13  Abala bobele mwasi oyo azali ngondo.

21:14  Abala mwasi bozenge te, mwasi aboyami na mobali wa ye te, mwasi ndumba mpe te ; abala bobele ngondo, mwasi wa mboka ya ye.

21:15  Bobele bongo akosa­nto­la bana ba ye te, zambi ngai Yawe nasantisi bango.

21:16  Yawe alobi na Moze :

21:17  Loba na Aron : Soko moko wa bana to wa bankoko ba yo azali na mbeba ya nzoto, ameka kobonzela Yawe bilei bya Nzambe wa ye te.

21:18  Ya solo, bato bazali na mbeba o nzoto, bakoki kobeleme na Nzambe te : moto wa lolanda, motengoli, moto azali na mpota o zolo to na mbeba o binama,

21:19  moto abukana loboko to lokolo,

21:20  moto azali na mokundu to aleki na bokuse ; oyo azali na mbeba o liso, oyo azali na mpanda to na mpota ekobima mayina, to oyo balongoli ye bokasi bwa kobota.

21:21  O kati ya bana ba nganga Nza­mbe Aron, moto moko akoki kobeleme na Yawe te mpo ya kobo­nzela ye bilei, soko azali na mbeba o nzoto. Awa azali na mbeba, abeleme te mpo ya kobonzela Yawe bilei.

21:22  Akoki kolia bilei bya Nzambe wa ye, ezala mabonza masantu to maye maleki bosantu ;

21:23  kasi akoma penepene na elamba elai te, akoma mpe penepene na altare te, zambi azali na mbeba o nzoto. Mbele akosantola biloko bisantu bya ngai, zambi ngai Yawe nasantisi byango.

21:24  Moze alobi maloba maye na Aron, na bana ba ye mpe na bana banso ba-Israel.

Chapter 22

22:1  Yawe alobi na Moze :

22:2  Loba na Aron mpe na bana ba ye, yebisa bango makambo nini mapekisi bango kolia mabonza masantu, maye bana ba-Israel babo-nzeli ngai, mpo ’te basantola nko-mbo ya ngai te. Ngai Yawe.

22:3  Loba na bango : Soko moto moko wa libota lya yo azali na mbindo, nzokande abelemi na mabonza masan­tu, maye bana ba-Israel babonzeli Yawe, balongola moto oyo o miso ma ngai. Ezali mobeko mwa seko. Ngai nazali Yawe.

22:4  Soko moto moko wa libota lya Aron azali na bokono bwa maba to na bokono bwa botangi mai, akoki kolia bilei bisantu te, soko liboso amipetoli te. Se bongo na moto asimbi eloko ekomi mbindo mpo ya ebembe, moto abimi mai ma mobali,

22:5  moto asimbi nyama yoko ekokomisaka mbindo, to asimbi moto moko azali na mbindo ata nini.

22:6  Moto asali bongo akomi na mbindo tee mpokwa, mpe akoki kolia mabonza masantu te, soko liboso asukoli nzoto na mai te.

22:7  Ekiti moi akomi peto mpe akoki kolia mabonza masantu, zambi mazali bilei bya ye.

22:8  Akoki kolia nyama te eye ekufaki yango moko to eye nyama ya zamba ebomaki. Soko alei yango, azwi mbindo. Ngai Yawe.

22:9  Batosa mibeko mya ngai mpe basala lisumu te na makambo mana. Soko basantoli mabonza, bakokufa. Ngai Yawe nasantisi mango.

22:10  Moto azali nganga Nzambe te, akoki kolia makabo masantu te. Mompaya to mosali akofandaka o ndako ya nganga Nzambe, akoki kolia mango mpe te.

22:11  Kasi soko nganga Nzambe asombi moto na mosolo, moto oyo na mpe moto abotami o ndako ya ye bakoki kolia biloko bya nganga Nzambe.

22:12  Soko babalaki mwana wa nganga Nzambe na mobali moko, oyo azali nganga Nzambe te, akoki kolia bilei bisantu te.

22:13  Kasi soko mobali aboyi ye to mobali akufi, mpe azali na bana te, mpe azongi o ndako ya tata, akoki kolia bilei bya tata wa ye, lokola o ntango ya bolenge bwa ye ; bilei bina bipekisami na moto mosusu.

22:14  Soko moto alei eloko esantu mpo akebaki te, asengeli kozongisa eloko esusu o maboko ma nganga Nzambe, mpe abakisa eteni ya bitano.

22:15  Basantola mabonza masantu te, maye bana ba-Israel babonzeli Yawe.

22:16  Soko balei mango, bamemisi ba-Israel lisumu liye likoli­mbama bobele soko bafuti nyongo, zambi ngai Yawe nasantisi mabo­nza mana.

22:17  Yawe alobi na Moze :

22:18  Loba na Aron mpe na bana ba ye, mpe na bato banso ba-Israel maloba maye : Soko moto wa libota lya Israel to mompaya akofandaka o Israel, ayei na nyama mpo ya kobonzela Yawe, zambi alakelaki yango, to alingi kobonza yango na motema mwa ye moko,

22:19  ezala nyama mobali : ngo­mbe, mpata to ntaba, ezala na mbeba te, bakoyamba libonza lya ye.

22:20  Soko abonzi nyama ezali na mbeba, ekondimama soki te.

22:21  Soko moto abonzeli Yawe mo­bo­ma mwa bondeko, zambi alakelaki bongo, to alingi kobonza mwango ye moko, ezala ngombe to mpata, mpo ’te Yawe ayamba libonza lya ye malamu, nyama ena ekoki kozala na mbeba te :

22:22  lolanda te, mpota te, mbengo te, mapaka te, mpanda te, mbuma ebe ekobimisa maina te. Bokoki kotia nyama ya motindo mona o altare te mpo ekoma libo­nza lya bilei bilambami mpo ya Yawe.

22:23  Soko yo moko olingi kobo­nze­la Yawe ngombe to mpata, yango ekoki kozala nyama na mbeba to na nzoto ebe ; kasi soko obonzeli Yawe libonza zambi olakelaki ye bo­ngo, nyama ena ezala kitoko ; soki te, Yawe akoyamba libonza lya yo te.

22:24  Bobonzela Yawe nyama te, eye ezangi biloko bya mobali, kanisa banyetaki, bapasolaki to bakataki byango. O ekolo ya bino bosala makambo mana te.

22:25  Ata mompaya alingi kobonza nyama ya motindo mona, oyamba yango te mpo ya kobonza yango bo bilei bya Nza-mbe wa yo. Awa bato babebisaki nyama bongo, yango ezwi mbeba. Yawe akoyamba yango o maboko ma bino te.

22:26  Yawe alobi na Moze :

22:27  Awa ngo­mbe, mpata to ntaba eboti mwana, nyama ena etikala esika yoko na mama wa yango mikolo nsa­mbo. Ut’o mokolo mwa mwa­mbe bakoki kobonza yango mpo ’te ezala bilei bilambami mpo ya Yawe.

22:28  Bokoki koboma mwana ngombe, mwana mpata to mwana ntaba mokolo moko na mama wa yango te.

22:29  Soko bobonzeli Yawe libonza mpo ya kokumisa ye, bosala yango bo ebongi, mpo ’te Yawe ayamba lyango.

22:30  Bolia lyango se o mokolo mwa libonza, eloko yoko etikala mpo ya lobi te. Ngai Yawe.

22:31  Botosa mibeko mya ngai mpe bokokisa myango. Ngai Yawe.

22:32  Bosantola nkombo esantu ya ngai te, mpo ’te nazwa lokumu o ntei ya bana ba-Israel. Ngai nazali Yawe, nakosantisa bino.

22:33  Ngai moto nabimisaki bino o Ezipeti mpo ’te nazala Nzambe wa bino. Ngai Yawe.

Chapter 23

23:1  Yawe alobi na Moze :

23:2  Loba na bana ba-Israel bo­ye : Biyenga bya Yawe, biye bato banso bakobyangema o lisanga lisantu, bya­ngo biye :

23:3  Bosala mosala mikolo motoba, kasi mokolo mwa nsambo mozali mokolo mwa bopemi, mokolo mwa kosangana lisanga lisantu mpe mwa kotika mosala nye. Bisika binso bokofanda, mokolo mona mozala Sabato, mokolo mwa Yawe.

23:4  Tala biyenga bya Yawe ; o makita masantu okobyanga bana ba-Israel soko elaka ekoki.

23:5  Sanza ya yambo o mokolo mwa zomi na minei ezali eyenga ya Pasika mpo ya kokumisa Yawe.

23:6  Mokolo mwa zomi na mitano mwa sanza eye ezali eyenga ya Mampa mazangi nkisi o miso ma Moko-nzi. Mikolo nsambo bokolia ma-mpa mazangi nkisi.

23:7  Mokolo mwa yambo bokosangana lisanga lisa-ntu, mpe bokosala mosala makasi te.

23:8  Mikolo nsambo bokobonzela Nzambe libonza ; mokolo mwa nsambo bokosangana lisanga lisa-ntu lisusu, mpe bokosala mosala makasi soki te.

23:9  Yawe alobi na Moze :

23:10  Loba na bana ba-Israel boye : Soko bosili bokomi o mokili nakopesa bino, mokolo bokobuka mbuma o bila­nga, bokoyela nganga Nzambe libo­ke lya liboso.

23:11  Ye moto akobonzela Nzambe yango, mpo ’te Nzambe abenisa bino. Akobonza lyango o mokolo nsima ya Sabato.

23:12  Mokolo bokobonza mbuma ya mampa, bobonzela Yawe mpe libonza lya mwana mpata ya mbula yoko, ezala na mbeba te.

23:13  Mokolo mona bobonza libonza lya bilei : kilo libwa ya fufu elambami na mafuta, ezala bilei bya nsolo mpimbo bilambami mpo ya kosepelisa Yawe. Bopesa mpe litele ibale ya vino.

23:14  Bokoki kolia mampa to mbuma ya mampa ma kokalinga te, soko liboso bobonzeli Nzambe wa bino libonza lina te. Ezali mobeko mwa seko napesi bino mpe bana ba bino, ata bakofandaka o esika nini.

23:15  Banda mokolo nsima ya Sabato, moye bokendeki kobonza liboke lya mbuma, bokotanga poso nsambo,

23:16  mikolo ntuku itano tee mokolo nsima ya Sabato ya nsa-mbo : o mokolo mona bobonzela Nzambe libonza lisusu.

23:17  Ut’o esika bofandi, bosengeli komeme mampa mabale bo libo-nza : mampa mabale ma kilo libwa, malambami na lokweza ; bokobo-nzela Yawe mango bo ‘libonza lya mbuma ya yambo’.

23:18  Bobakisa naino libonza lya bana mpata nsambo, ya mbula yoko, izala na mbeba te, na mpe ngombe mobali yoko, na mpata babali ibale bo libonza lya kotumbela Yawe. Bobakisa bilei na mpe limeli, ezala bongo libonza lya nsolo mpimbo likosepelisa Yawe.

23:19  Boboma mpe ntaba mobali yoko bo moboma mwa bolimbisi masumu, na mpe mpata basi ibale, ibotami se o mobu mona, bo moboma mwa bondeko.

23:20  Nganga Nzambe atombola ya­ngo mpo ’te alakisa Yawe, elongo na mampa ma mbuma ya yambo ya bilanga mpe na mpata ibale. Bongo yango ekomi bilei bisantu mpo ya Yawe. Bilei bina bikozala bya nga-nga Nzambe.

23:21  O mokolo monamei bobenga bato o likita, basangana lisanga lisantu. Mokolo mona bokoki kosala mosala makasi te. Ezali mobeko mwa seko napesi bino mpe bankoko ba bino, ata bakokofanda wapi.

23:22  Soko bobuki mbuma ya bilanga bya bino, bobuka mbuma inso tee nsuka ya bilanga te ; soko mbuma ikwei, bolokoto yango te, botikela babola na bampaya. Ngai nazali Yawe Nzambe wa bino.

23:23  Yawe alobi na Moze :

23:24  Loba na bana ba-Israel boye : mokolo mwa yambo mwa sanza ya nsambo mo­zali mokolo mwa bopemi, ‘mokolo mwa bokundoli makambo ma kala mpe mwa bobeti mindule’ ; mozala mokolo mwa likita lisantu.

23:25  Bosala mosala makasi te, mpe bobonzela Yawe libonza lya bilei bitumbami.

23:26  Yawe alobi na Moze :

23:27  Mokolo mwa zomi mwa sanza ya nsambo, mozali mokolo mwa ‘bolimbisi bonene’. Obenga bato o lisanga lisa-ntu. Bolala nzala mpe bobonzela Yawe libonza lya bilei bitumbami.

23:28  O mokolo mona bosala mosala moko te, zambi mozali mokolo mwa bofuti nyongo ya masumu, mokolo bakosala milulu mya bosengi bolimbisi o miso ma Yawe Nzambe wa biso.

23:29  Soko moto ata nani alali nzala te o mokolo mona, balongola ye o libota lya ye,

23:30  mpe moto ata nani asali mosala o mokolo mona, ngai nakolongola ye o ekolo ya ye.

23:31  Bokoki kosala mosala moko te. Ezali mobeko mwa seko napesi bino mpe bankoko ba bino, ata bakofanda wapi.

23:32  Mokolo mona mozali Sabato, mokolo mwa bopemi mpe mwa bolali nzala. Banda mpokwa ya mokolo mwa libwa mwa sanza tee mpokwa esusu, botosa mobeko mona mwa bopemi o mokolo mwa Sabato.

23:33  Yawe alobi na Moze :

23:34  Loba na bana ba-Israel : Banda mokolo mwa zomi na mitano mwa sanza eye ya nsambo, mikolo nsambo mobimba bosepela ‘Eyenga ya Biema’ o miso ma Yawe.

23:35  Mokolo mwa yambo bosangana lisanga mpe bosala mo­sala moko te.

23:36  Mikolo nsambo mobimba bobonzela Yawe mabonza ma bilei. Mokolo mwa mwambe bosangana lisanga lisantu lisusu : bobonzela Yawe libonza lya bilei ; o mokolo mwa likita bosala mosala makasi moko te.

23:37  Tala biyenga bya Yawe. Obenga bana ba-Israel basangana lisanga lisantu. O ntango ya lisanga bose­nge­li kobonzela Yawe mabonza ma bolei, mabonza ma kotumba, miboma mya bondeko, mabonza ma bomeli, lokola etindami mokolo na mokolo,

23:38  na mabonza ma mikolo mya Sabato, na mabonza bokopesa zambi bolakelaki Yawe to bolingi kobonza bino moko.

23:39  Lisusu, o mokolo mwa zomi na mitano mwa sanza ya nsambo, soko bosilisi kobuka mbuma ya bilanga bya bino, bosepela eyenga ya Yawe mikolo nsambo. Bopema mokolo mwa liboso mpe mokolo mwa mwambe.

23:40  Mokolo mwa libo­so bokamata mbuma kitoko, nkele ya mbila, na bitapi bya nzete iye izali na nkasa mingi, na mpe nsese. Bosepela bongo mikolo nsa­mbo o miso ma Yawe Nzambe wa bino.

23:41  Mobu na mobu bosala mobembo moye mwa mikolo nsambo mpo ya kokumisa Yawe. Ezali mobeko mwa seko napesi bino mpe bankoko ba bino ; bosala mobembo moye o sanza ya nsambo.

23:42  Bofa­nda o bisasa mikolo nsambo. Bato banso ba-Israel bafanda bongo o bisasa,

23:43  mpo ’te bankoko ba bino bayeba ’te o eleko ngai nabimisaki bana ba-Israel o mokili mwa Ezipeti, nafandisaki bango o bisasa. Ngai nazali Yawe Nzambe wa bino.

23:44  Bobele bongo Moze ayebisi bana ba-Israel biyenga bya Yawe.

Chapter 24

24:1  Yawe alobi na Moze :

24:2  Tinda bana ba-Israel bayela yo mafuta ma oliva, masangani na eloko esusu te, mpo ya etemiseli ya mwinda mpo ’te mwinda mokoka kopela seko ;

24:3  batia mwango liboso lya elamba ya bondeko o Ema ya Likita. Aron abongisa mwango mpo ’te mopela wana o boso bwa Yawe mikolo minso banda mpokwa tee ntongo sa. Ezali mobeko mwa seko napesi bino mpe bankoko ba bino.

24:4  Atia miinda o etemiseli kitoko ya mwinda, mipela wana mikolo minso o boso bwa Yawe.

24:5  Kamata fufu mpe lamba mampa zomi na mabale ma kilo libwa.

24:6  Na nsima tia mango o milongo mibale mya mampa motoba o meza peto, o miso ma Yawe.

24:7  Tia mpaka ya malasi o molongo moko moko, bongo Yawe ayeba ’te mampa maye mazali bilei bitumbami mpo ya ye.

24:8  Batia mango bongo o boso bwa Yawe mikolo minso mya Sabato. Bana ba-Israel basala bongo seko, zambi ezali mobeko mwa seko.

24:9  Bilei bina bikozala bya Aron na bana ba ye ; balia byango o esika esantu. Ma-mpa maye mazali bilei bisantu mpenza, zambi bakamati mango o kati ya bilei bitumbami mpo ya Yawe. Ezali mobeko mwa seko.

24:10  Moto moko, mama wa ye mo-Israel, kasi tata wa ye mo-Ezipeti, abimi o ndako ya ye ; ekomi ye o kati ya ba-Israel, abandi kobundisa mo-Israel moko o nganda.

24:11  Mwana mobali wa mwasi mo-Israel atuki nkombo ya Yawe mpe atombeli ye bobe. Bato bakei na ye epai ya Moze. (Nkombo ya mama wa ye Selomit, mwana wa Didri wa libota lya Dan.)

24:12  Bapesi ye o maboko ma mokengeli ; bazili bongo mpo bayeba ndenge nini Yawe akokata likambo lina.

24:13  Yawe alobi na Moze :

24:14  Moto oyo atombeli Yawe bobe, bimisa ye o nganda. Bato banso baye bayokaki maloba ma ye, batiela ye maboko o motó, banso lisanga baboma ye na mabanga.

24:15  Na nsima oyebisa bana ba-Israel boye : Moto atombeli Nzambe wa ye bobe, ameme ngambo mpo ya lisumu lya ye.

24:16  Moto atuki nkombo ya Yawe, akoki na liwa ; bato banso lisanga baboma ye na mabanga. Azala mo-Israel to azala mompaya, soko ato­mbeli nkombo ya Nzambe bobe, akufa.

24:17  Soko moto abomi moninga wa ye, ata nani, baboma ye.

24:18  Oyo abo­mi nyama, azongisa nyama esusu : olongoli bomoi, zongisa bomoi.

24:19  Soko moto azokisi mwana mboka, bazokisa ye mpota ndenge yoko ;

24:20  soko abuki lokolo la moninga, babuka mpe la ye ; soko atuboli liso lya moninga, batubola mpe lya ye ; soko abuki lino lya moninga, babuka mpe lya ye. Oyo asali moninga mabe, basala ye mabe nde-nge yoko.

24:21  Oyo abomi nyama, azongisa nyama esusu. Oyo abomi moto, baboma ye lokola.

24:22  Bokokata likambo lya mompaya mpe lya mwana mboka ndenge yoko, za­mbi ngai nazali Yawe wa bino.

24:23  Awa Moze alobi bongo na bana ba-Israel, babimisi o nganda moto oyo atombeli Yawe bobe, mpe babomi ye na mabanga. Batosi bongo maloba Yawe alobaki na Moze.

Chapter 25

25:1  O ngomba Sinai Yawe alobi na Moze :

25:2  Loba na bana ba-Israel : Soko bosili bokomi o mokili nakopesa bino, botika mabelé mapema o mobu mwa nsambo mpo ya lokumu la Yawe.

25:3  Mibu motoba bosala bilanga bya bino, mibu motoba bobongisa nzete ya vino mpe bobuka mbuma ya ya­ngo.

25:4  Kasi o mobu mwa nsambo mabelé mapema bopemi bwa Sabato mpo ya Yawe : bolona mboto o bilanga te, bobongisa nzete ya vino te.

25:5  Mbuma ya ma­mpa ya milona ibimaki yango moko o bilanga, mpe mbuma ya nzete ya vino, iye babo­ngisaki te, bobuka yango te ; mabelé mazwa bongo mobu mwa bopemi.

25:6  O mobu mwa bopemi bolia se biloko bibimaki yango moko o bilanga, biye bikokoka na yo, na basaleli babali na basi, na bato ba yo ba mosala, na bampaya bafa­ndi epai ya yo.

25:7  Bikoka mpe na nyama ya etonga ya yo na nyama isusu ya ekolo ya yo.

25:8  Tanga ‘poso ya mbula’ nsambo, to mibu nsambo mbala nsambo, lokola ’te mibu ntuku inei na libwa.

25:9  O mokolo mwa zomi mwa sanza ya nsambo, o mokolo mwa ‘Bofuti nyongo ya masumu’, bete mondule o ekolo mobimba.

25:10  Sakola ’te mobu mwa ntuku itano mozala mobu mosantu. Sakola mpe ’te baombo bakozwa lisusu bonsomi o ekolo mobimba ! Ekozala Mobu mwa Lisabwi mwa bino. Moto na moto akozonga o kati ya libota lya ye, mpe o mabelé ma ye.

25:11  Mobu mona mwa ntuku itano mozala mobu mwa Lisabwi mwa bino : bolona mboto te ; mbuma iye bobo­ngisaki te, bobuka myango te, mpe mbuma ya vino iye ikolaki yango moko, bokamola yango te.

25:12  Botala mobu mwa Lisabwi lokola mobu mosantu. Bolia se mbuma ikobima mpamba o mabelé.

25:13  O mobu mona mwa Lisabwi bato banso bakozwa mabelé ma bango lisusu, mabelé ma batata ba bango.

25:14  Soko oteki to osombi mabelé ma moninga, oyibela ye te !

25:15  Soko olingi kosomba mabelé, otia motuya na bosembo, otanga mibu boni elanga ebotaki mbuma nsima ya mobu mwa Lisabwi. Soko olingi koteke elanga ya yo, mpo ya kotia motuya na bosembo, tanga mibu boni elanga ya yo ekoki kobota naino mbuma tee mobu mwa Lisabwi mokoya.

25:16  Soko mibu mizali mingi, butisa motuya ; soko mibu mizali lisusu mingi te, kitisa motuya, zambi atekeli yo mbuma ya bilanga ya mwa mibu.

25:17  Osala mwana mboka moko mabe te : obanga Nzambe wa yo, zambi ngai Yawe nazali Nzambe wa bino.

25:18  Botosa mibeko mya ngai, bomemya mimeseno mya ngai mpe bolanda myango, bongo bokofanda na boboto o mokili.

25:19  Bilanga bikobota mbuma, bokolia malamu mpe bokofanda na boboto o mokili mwa bino.

25:20  Bokoki komituna : « Eloko nini tokolia o mobu mona mwa nsambo, awa tolonaki te mpe tobukaki mbuma te ? »

25:21  Boyeba ’te o mobu mwa motoba nakotindela bino bobenisi bwa ngai, mobu mona mokopesa biloko bikoki na mibu misato.

25:22  Bokolona o mobu mwa mwambe, kasi bokolia se mbuma ya kala ikoki tee mobu mwa libwa. Bongo mbuma ya kala ikokoka tee mokolo bokozwa mbuma ya sika.

25:23  Bokoki koteke mabelé ma bino seko te, zambi ngai nazali nkolo wa mabelé. Epai ya bino bozali bobele bampaya mpe bauta.

25:24  O mokili mwa bino mobimba baye bateki mabelé bazali na likoki lya kosomba mango lisusu.

25:25  Soko moto moko azali na nyongo mpe ateki mabelé, ndeko wa ye, oyo azali mokóló wa ye, asengeli kosomba lisusu mabelé maye ye atekeki.

25:26  Soko azali na ndeko te, oyo akoki kosomba mabelé mana, mokolo ye moko azwi mosolo mpo ya kosomba mabelé mana lisusu,

25:27  abakisela ye mosolo mpo ya mbula iye mabelé mazalaki o maboko ma moto oyo asombaki mango, bongo na nsima akozwa mabelé ma ye lisusu.

25:28  Soko azwi mosolo te, mabelé mana matikala o maboko ma moto asombi mango tee mobu mwa Lisabwi. O mobu mona mosombi atika mabelé mana mpe nkolo wa kala azwa mabelé ma ye.

25:29  Soko moto ateki ndako ya kofanda o mboka yoko ezingami na lopango, ndakoki kokoma lisusu nkolo wa ndako bobele nsima ya mobu moye molandi mokolo mwa boteki ndako. Soko alekisi mobu mobimba, akoki kosomba yango lisusu te.

25:30  Soko asombi yango o mo­bu mona te, ndako ya mboka eye ezingami na lopango, etikala na moto oyo asombi yango mpe na bankoko ba ye ; ekozonga o maboko ma nkolo wa kala lisusu te, ata o mobu mwa Lisabwi.

25:31  Ndako ya mboka ike izali na lopango te, batala yango lokola ndako ya bato ba bilanga ; bakoki kosomba yango lisusu. Nkolo wa sika asengeli kotika yango o mobu mwa Lisabwi.

25:32  Ntango inso ba-Levi bazali na likoki lya kosomba lisusu ndako iye izalaki ya bango o mboka ya ba-Levi.

25:33  Soko o mboka yoko, esika akoki kozala nkolo, mo-Levi ateki ndako mpe akoki kosomba yango lisusu te, ndako ena ekokoma lisusu ya ye o mobu mwa Lisabwi, mpo o mboka ya ba-Levi ya Israel ndako inso izali ya bango.

25:34  Bilanga bizali penepene na mboka ena, bikoki kotekeme te, zambi bizali mabelé ma bango seko.

25:35  Soko ndeko wa yo akomi mobola mpe akoki kofuta nyongo ya ye te, osalisa ye lokola mompaya to mouta, mpo ’te akoka kofanda epai ya yo.

25:36  Oluka matabisi epai ya ye te, osenge ye lifuta mpe te, kasi obanga Nzambe wa yo, bongo moninga ayoka malamu o mboka ya yo.

25:37  Soko odefisi ye mosolo, oluka mbakisa te ; soko opesaki ye bilei, osenge ye mosolo te.

25:38  Ngai Yawe Nzambe wa bino, oyo abimisaki bino o mokili mwa Ezipeti mpo ’te napesa bino mokili mwa Kanana, nazala Nzambe wa bino.

25:39  Soko moninga wa yo akomi mobola mpe azali na nyongo epai ya yo, soko amiteki bo moombo, opesa ye mosala mwa moombo te.

25:40  Azala epai ya yo lokola mosali oyo akozwa lifuta to lokola mo-mpaya, bongo asala mosala epai ya yo tee mobu mwa Lisabwi.

25:41  O mobu mona akende elongo na bana ba ye, mpe azonga o libota lya ye mpe o mabelé ma bankoko ba ye,

25:42  zambi baye ngai nabimisaki o mokili mwa Ezipeti bazali basaleli ba ngai, bakoki kotekeme te lokola bakotekeke baombo.

25:43  Otinda ye na makasi te, kasi obanga bobele Nzambe wa yo.

25:44  Soko olingi kozwa basaleli, babali to basi, okoki kosomba baombo o kati ya bikolo bizali penepene na yo.

25:45  Okoki kosomba mpe bana ba bampaya bakofandaka o mboka ya yo, na bandeko ba bango, baye babotami o mokili mwa yo : bakoki kozala baombo ba yo.

25:46  Awa okufi, bakomi o maboko ma bana ba yo ; bango bazala bankolo ba bango nsi­ma ya yo. Okoki kokomisa ba-ngo baombo seko ; kasi bandeko ba yo mpenza, bana ba-Israel, okoki kotinda bango na makasi te.

25:47  Soko ndeko wa yo akomi mobola mpe amiteki lokola moombo na mompaya, na mouta to na mwana wa bango, oyo afandi epai ya yo mpe akomi moto wa nkita,

25:48  ba­ndeko ya ye bakoki kosikola ye.

25:49  Tata motomolo to tata mozimi, to mwana wa bango, to moto mosusu wa libota lya ye, akoki kosikola ye ; to ye moko soko akoki, amisikola.

25:50  Ayokana na moto oyo asombaki ye, atanga mibu boni amiteki banda mokolo mwa bomiteki tee mobu mwa Lisabwi. Atanga mibu boni asalaki mosala mpe lifuta likokani na mosala mona, akoyeba bo­ngo na motuya nini akomisikola.

25:51  Soko mobu mwa Lisabwi mozali naino mosika, asengeli kofuta motuya engebene na mibu mina mpo ’te amisikola.

25:52  Soko mibu mitikali mingi te, afuta mpe motuya mwa mibu mina mpo ’te amisikola.

25:53  Mikolo akotikala epai ya nkolo, oyo akofuta ye lokola mosali wa ye, kasi akoki kotinda ye na makasi te lokola bakotindaka baombo.

25:54  Soko basikoli ye te, azila mobu mwa Lisabwi, na nsima akoki kokende, ye na bana ba ye,

25:55  zambi bana ba-Israel bakoki kosalela bobele ngai, bazali basali ba ngai mpenza, nabimisaki bango o mokili mwa Ezipeti. Ngai nazali Yawe Nzambe wa bino.

Chapter 26

26:1  Bomisalela banzambe ba lokuta te ; bosala bikeko te, botelemisela banzambe ba lokuta mabanga te. O ekolo ya bino bokembisa mango na bilili te mpo ya kokumisa bango, zambi ngai nazali Yawe Nzambe wa bino.

26:2  Botosa mibeko mya ngai mya Sabato, mpe bomemya ndako esantu ya ngai. Ngai Yawe.

26:3  Soko bolandi nzela ya mibeko mya ngai, bomemyi mitindo mya ngai mpe botosi myango,

26:4  nakonokisela bino mbula o eleko ya mbula, bilanga bikobota mingi mpe nzete ikopesa mbuma ebele.

26:5  Bokotuta mbuma ya mampa tee eleko ya bobuki mbuma, mpe bokobuka mbuma ya vino tee eleko ya boloni mbuma. Bokolia mampa lokola motema molingi mpe bokofanda o mokili mwa bino na boboto.

26:6  Nakopesa mokili mwa bino boboto mpe bokolala mpongi nye : eloko ekosala bino mabe ezali te. Nakolongola nyama ibe inso o mokili. Bakoya kobundisa mokili mwa bino na mopanga lisusu te.

26:7  Bokobengana banguna ba bino mpe bokokweisa bango na mopanga mwa bino.

26:8  Bato ba bino batano bako­be­ngana banguna monkama, bato ba bino monkama bakobengana banguna nkoto zomi. Bokoboma banguna ba bino na mopanga.

26:9  Nakomibongola epai ya bino mpe nakopesa bino bana. Nakokomisa bino bato ebele mpe nakome­mya bondeko nakataki na bino.

26:10  Bokokoba kolia mbuma ya kala, ikosila noki te ; bokobimisa ya kala mpo ya kobomba ya sika.

26:11  Nakopika ema ya ngai o kati ya bino, mpe nakoboya bino te.

26:12  Nakozala o kati ya bino, nakozala Nzambe wa bino mpe bino bokozala bato ba ngai.

26:13  Ngai Yawe nazali Nzambe wa bino, nabimisaki bino o mokili mwa Ezipeti mpo ’te bozala baombo lisusu te. Nakataki minyololo mya bino mpe nase-mbolaki mikongo mya bino mpo ’te botambola lokola bansomi.

26:14  Kasi, soko boyoki ngai te, soko bosali te lokola mibeko mya ngai mitindi,

26:15  soko bobwaki mibeko mya ngai mosika mpe boboyi mimeseno mya ngai, soko boboyi kosala makambo manso natindaki bino mpe bobomi bondeko nakataki na bino,

26:16  ngai nakosala boye : Nakotindela bino bokono : bokolenge mpe bokokondo, bokoyoka fefele ekopesa miso kilo mpe ekosilisela bino bokasi bwa nzoto. Bokolona mboto, kasi banguna bakolia mbuma.

26:17  Nakotala bino na nkanda, mpe banguna bakokweisa bino. Baye bayini bino bakokoma bayangeli ba bino. Bokobanda kokima, ata moto moko abengani bino te.

26:18  Soko na nsima bolingi kotosa naino te, mpo ya masumu ma bino nakotindela bino bitumbu bileki biye bya liboso mbala nsambo.

26:19  Nakosilisa bokasi bwa bino, nakosukisa lolendo la bino. O ekolo ya bino likolo likobongwana bibende, mpe mabelé makokoma makasi lokola mbengi.

26:20  Bokosala mosala makasi se mpamba, bilanga bikobota eloko te, mpe nzete o mokili mwa bino ikobota mbuma lisusu te.

26:21  Soko boboyi ngai mpe bolingi kotosa ngai te, nakoyokisa bino mpasi eleki masumu ma bino mbala nsambo.

26:22  Nakotindela bino nyama ibe ya zamba, ikolia bana ba bino, ikosilisa bibwele bya bino mpe ikoboma bino moko ; bokotikala mingi te, mpe o mboka ya bino bokokuta moto moko o nzela lisusu te.

26:23  Mpe soko, ata natumboli bino, bolingi komibongisa te mpe boboyi kotosa ngai,

26:24  ngai mpe nakolakisa bino motema libanga. Nakotindela bino bitumbu mbala nsambo mpo ya masumu ma bino.

26:25  Mpe nakotindela bino mopanga mpo ya kozongisela bino mabe mpo bobebisi Bondeko bwa ngai. Soko boluki kosangana o bingumba bya bino, nakotindela bino bokono bobe mpe nakokaba bino o maboko ma banguna.

26:26  Nakopima bino ma-mpa. Basi zomi bakolamba mampa o fulu se yoko ; bakoyela bino ma­mpa make make ; bokolia mango, kasi bokotonda te.

26:27  Soko ata bongo boboyi kotosa ngai mpe bosali matata,

26:28  ngai mpe nakolakisa bino motema nkanda, nakopesa bino bitumbu mbala nsambo mpo ya masumu ma bino.

26:29  Bokolia misuni mya bana babali na basi ba bino.

26:30  Nakoboma ndako ya banzambe ba bino, nakobuka bitumbelo bya bino bya mpaka ya malasi ; nakolalisa bibembe lya bino o bibembe bya banzambe ba bino, mpe nakoboya bino.

26:31  Nakokomisa bingumba bya bino mipotu, nakobebisa binso nye, nakoboma bisika bisantu bya bino, mpe nakolumbuta lisusu nsolo mpimbo ya malasi ma bino te, maye bokobonzelaka ngai mpo ya kosepelisa ngai.

26:32  Ngai moto nakobebisa mokili mwa bino. Banguna ba bino, baye bakoya kofanda wana bakokamwa mpenza.

26:33  Nakopanza bino o bikolo bisusu. Nakobimisa mopanga mpo ya kobundisa bino ; nakokomisa ekolo ya bino ekolo ezali na bato te, mpe bingumba bya bino bikozala mipotu.

26:34  O ntango ena bokotosa mobeko mwa Sabato, awa bokozala na mawa manene, bokofanda o ekolo ya banguna ba bino, zambi mokili mozali kopema mpe mokosala mosala te o mikolo mya Sabato.

26:35  Mokili mokopema o mikolo minso bokozala na mawa manene mpo ya kokokisa mikolo mya Sabato, miye bino bopemaki te o ntango bofandaki kuna.

26:36  O kati ya bino, baye bakokoma kin’o mokolo mona, nakotia nsomo o mitema mya bango ; bakobanga mpenza o mokili mwa banguna ba bango. Awa bakoyoka makelele ma lokasa lokwei mpo ya mompepe, bakobanda kokima lokola bato bakokimaka mopanga, mpe bako­kwe­ya ata moto moko alandi bango te.

26:37  Bakopusana mpe bakokweisana lokola bato bakokimaka mopanga, ata moto moko azali kobengana bango te. Ndebokoki kolonga ba-nguna soki te.

26:38  Bokokufa o bikolo bya bampaya, mpe mokili mwa banguna mokosilisa bino.

26:39  O kati ya bino, baye bakufi naino te, bakokufa sikawa o ekolo ya banguna mpo ya masumu ma bango moko, solo, kasi mpo ya masumu ma ba-nkoko ba bango lokola.

26:40  O mikolo mina bakosakola masumu ma bango na mpe maye ma bankoko ba bango, mpo batikaki mpe baboyaki ngai.

26:41  Ngai mpe nakoboya bango mpe nakokamba bango o ekolo ya banguna. Mokolo bakotika lolendo mpe bakosilisa etumbu ya bango,

26:42  nakokanisa lisusu bondeko nakataki na Izaka mpe bondeko nakataki na Abarama ; nakokanisa lisusu ekolo ya bango.

26:43  O ntango ena ekolo ekozala na bato te, mabelé ma bango makobota mbuma te, mpo baboyaki kotosa mobeko mwa mikolo mya Sabato. Bakosala etumbu mpo ya mabe ma bango ; mpamba te, bakinolaki maloba ma ngai mpe babwakaki mibeko mya ngai.

26:44  Nzokande o eleko bakozala o mokili mwa banguna ba bango, nakobwaka bango te, nakoyoka bango mpi te, nakosilisa bango banso te, mpo nalingi koboma bondeko te, boye nakataki na bango, zambi nazali Yawe Nzambe wa bango.

26:45  Nakoku­ndola bondeko nakataki na bankoko ba yambo, bato ngai nabimisaki o mokili mwa Ezipeti o miso ma bikolo bisusu, mpo ’te ngai Yawe nazala Nzambe wa bango.

26:46  Myango nde mitindo, mimeseno na mibeko Yawe apesi bana ba-Israel o ngomba Sinai na maboko ma Moze.

Chapter 27

27:1  Yawe alobi na Moze :

27:2  Loba na bana ba-Israel : Soko moto alakeli Yawe elako ’te akobonzela Yawe moto, kasi na nsima alingi kosikola ye, tala motuya mwa mosolo ase­ngeli kofuta :

27:3  Mpo ya mobali akokisi mibu ntuku ibale tee ntuku motoba, afuta mitako mya palata ntuku motoba, lokola bakotangaka o ndako esantu.

27:4  Mpo ya mwasi, mitako ntu­ku isato.

27:5  Mpo ya mwana mobali wa mibu mitano tee mibu ntuku ibale, mitako ntuku ibale ; mpo ya mwana mwasi, mitako zomi.

27:6  Mpo ya mwana mobali wa sanza motoba tee mbula itano, mitako mitano ; mpo ya mwana mwasi, mitako misato.

27:7  Mpo ya mobali akokisi mibu ntuku motoba mpe leka ntuku motoba, mitako zomi na mitano ; mpo ya mwasi mitako zomi.

27:8  Soko moto alakeli elako azali mobola, mpe akoki kofuta yango te, akende epai ya nganga Nzambe, oyo atala ye, atia motuya moye moto alakeli akoki kofuta.

27:9  Soko moto alakeli Yawe nyama yoko, eye bakobonzelaka Yawe, nya­ma inso babonzeli Yawe izali isantu.

27:10  Bakoki kopesa nyama esusu te, bapesa nyama ebe te o esika ya nyama kitoko. Soko apesi nyama esusu, nyama inso ibale ikomi isantu.

27:11  Soko alakeli Yawe nyama mbi­ndo, eye bakobonzelaka Yawe te, bakende kolakisa nganga Nzambe yango.

27:12  Oyo atala yango soko eza­li na mbeba to te, atia motuya mwa nyama, bongo bandima motuya atiaki.

27:13  Kasi soko na nsima moto alingi kosikola yango, abakisa eteni ya bitano ya lifuta.

27:14  Soko moto alakeli Yawe ndako, nganga Nzambe atala yango soko ezali ya motuya monene to moke, mpe atia motuya, bongo bandima motuya ye atiaki.

27:15  Kasi soko nsima alingi kosomba yango lisusu, abakisa eteni ya bitano mpe bongo akokoma lisusu nkolo wa ndako ya ye.

27:16  Soko moto alakeli Yawe elanga, batala mbuma boni elanga ekoki kobota mpo batia motuya mwa elanga ; soko elanga ekoki kopesa kilo nkama itano, bafuta mitako mya palata ntuku itano.

27:17  Soko alakeli Yawe elanga o mobu mwa Lisabwi, balanda se motuya mona.

27:18  Kasi soko alakeli Yawe bongo nsima ya mobu mwa Lisabwi, nganga Nzambe atanga mibu boni elanga ya ye ekoki kobota mbuma tee mobu mwa Lisabwi ; bongo bakitisa motuya batiaki.

27:19  Soko alingi kosomba elanga ya ye lisusu, abakisa eteni ya bitano ya motuya batiaki, bongo akokoma nkolo wa elanga ya ye lisusu.

27:20  Soko ye asombi yango te, kasi atekeli moto mosusu yango, akoki koso-mba yango lisusu te.

27:21  O mobu mwa Lisabwi, moto asombaki ya-ngo asengeli kotika yango, elanga ena ekokoma eloko ebonzami na Yawe, lokola elanga babonzeli ye seko. Mabelé ma moto oyo mase­ngeli kopesama na nganga Nzambe.

27:22  Soko alakeli Yawe elanga eye asombaki, elanga azwaki na tata wa ye te,

27:23  nganga Nzambe atala mibu boni elanga ekoki kobota naino mbuma tee mobu mwa Lisabwi, bongo atia motuya ; moto oyo afuta motuya mona se o mokolo monamei, bo eloko ebonzami na Yawe seko.

27:24  O mobu mwa Lisabwi ela­nga ezo­nga o maboko ma moto ateki yango, oyo azalaki nkolo wa mabelé.

27:25  Batia motuya mwa mosolo engebene na mitako mya ndako esantu, mosolo moke mokoki na motako moko.

27:26  Nzokande, moto akoki kolakela Yawe mwana nyama wa yambo ya bibwele bya ye te, zambi mwana nyama wa yambo esili ekabami na Yawe. Mwana nyama wa yambo ya nyama inene to ike, ezali eloko ya Yawe.

27:27  Kasi soko ezali nyama mbi­ndo, bakoki kosikola yango na motuya moye batiaki, bakisa eteni ya bitano. Soko basikoli yango te, bakoki koteke nyama eye na motuya moye batiaki.

27:28  Kasi soko moto alakeli Yawe ’te akobonzela ye moto to nyama to elanga, akoki koteke to kosikola yango te. Biloko binso bipesi Yawe seko, bikomi biloko bisantu, bikozala bobele bya Yawe.

27:29  Moto balakeli Yawe bongo, akoki kosikwama te, basengeli koboma ye.

27:30  Eteni ya zomi ya biloko binso bya mokili, ezala mbuma ya bilanga to mbuma ya nzete, ezali ya Yawe, ezali eloko ebonzami na Yawe seko.

27:31  Soko moto alingi ndambo ya eteni ya zomi ezonga o maboko ma ye, asengeli kobakisa eteni ya bitano ya motuya mona.

27:32  Eteni ya zomi ya nyama : ngombe, mpata to nini, ezali eloko ebonzami na Yawe seko.

27:33  Bakopono te soko ezali nya­ma kitoko to te. Eye bapesi, bapesi yango seko, bakoki kozongisa ya­ngo te. Soko balingi kopesa esusu, inso ibale ikozala isantu, bakoki kosomba yango lisusu te.

27:34  Tala mibeko Yawe apesaki Moze o ngomba Sinai mpo ya bana ba-Israel.