NorSMB - I Chronicles

Chapter 1

1:1  Adam, Set, Enos,

1:2  Kenan, Mahalalel, Jared,

1:3  Enok, Metusalah, Lamek,

1:4  Noah, Sem, Kham og Jafet.

1:5  Sønerne hans Jafet var Gomer og Magog og Madai og Javan og Tubal og Mesek og Tiras.

1:6  Og sønerne hans Gomer var Askenaz og Difat og Togarma.

1:7  Og sønerne hans Javan var Elisa og Tarsisa, Kittim og Rodanim.

1:8  Sønerne hans Kham var Kusj og Misrajim, Put og Kana’an.

1:9  Sønerne hans Kusj var Seba og Havila og Sabta og Raema og Sabteka; og sønerne hans Raema var Sjeba og Dedan.

1:10  Og Kusj fekk ein son som heitte Nimrod. Han var den fyrste som fekk stort velde på jordi.

1:11  Misrajim vart far til ludarane og anamarane og lehabarane og naftuharane

1:12  og patrusarane og kastuharane, dei som filistarane hev kome frå, og kaftorarane.

1:13  Og Kana’an vart far til Sidon - det var fyrste sonen hans - og til Het

1:14  og jebusitarne og amoritarne og girgasitarne

1:15  og hevitarne og arkitarne og sinitarne

1:16  og arvaditarne og semaritarne og hamatitarne.

1:17  Sønerne hans Sem var Elam og Assur og Arpaksad og Lud og Aram og Us og Hul og Geter og Mesek.

1:18  Og Arpaksad fekk sonen Salah, og Salah fekk sonen Eber.

1:19  Og Eber fekk tvo søner. Den eine heitte Peleg; for i hans dagar vart jordi utbytt millom folki. Og bror hans heitte Joktan.

1:20  Og Joktan vart far til Almodad og Salef og Hasarmavet og Jarah

1:21  og Hadoram og Uzal og Dikla

1:22  og Ebal og Abimael og Sjeba

1:23  og Ofir og Havila og Jobab; alle desse var sønerne hans Joktan.

1:24  Sem, Arpaksad, Salah,

1:25  Eber, Peleg, Re’u,

1:26  Serug, Nakor, Tarah,

1:27  Abram, det er Abraham.

1:28  Sønerne hans Abraham var Isak og Ismael.

1:29  Dette er ættetavla deira: Den eldste son hans Ismael var Nebajot, deretter Kedar og Adbe’el og Mibsam,

1:30  Misma og Duma, Massa, Hadad og Tema,

1:31  Jetur, Nafis og Kedma; dette var sønerne hans Ismael.

1:32  Og dei sønerne som Ketura, fylgjekona hans Abraham, åtte, var Zimran og Joksan og Medan og Midjan og Jisbak og Suah. Sønerne hans Joksan var Sjeba og Dedan.

1:33  Og sønerne hans Midjan var Efa og Efer og Hanok og Abida og Elda’a. Alle desse var sønerne hennar Ketura.

1:34  Og Abraham var far til Isak. Sønerne hans Isak var Esau og Israel.

1:35  Sønerne hans Esau var Elifaz, Re’uel og Je’us og Jaelam og Korah.

1:36  Sønerne hans Elifaz var Teman og Omar, Sefi og Gatam, Kenaz og Timna og Amalek.

1:37  Sønerne hans Re’uel var Nahat og Serah, Samma og Mizza.

1:38  Men sønerne hans Se’ir var Lotan og Sobal og Sibeon og Ana og Dison og Eser og Disan.

1:39  Og sønerne hans Lotan var Hori og Homam, og syster hans Lotan var Timna.

1:40  Sønerne hans Sobal var Aljan og Manahat og Ebal og Sefi og Onam; og sønerne hans Sibeon var Aja og Ana.

1:41  Son hans Ana var Dison, og sønerne hans Dison var Hamran og Esban og Jitran og Keran.

1:42  Sønerne hans Eser var Bilhan og Za’avan og Ja’akan; og sønerne hans Disan var Us og Aran.

1:43  Og dette er dei kongarne som rådde yver Edomlandet fyrr det rådde nokon konge yver Israels-folket: Bela, son åt Beor, og byen han sat i, heitte Dinhaba.

1:44  Og Bela døydde, og Jobab, son åt Zerah frå Bosra, vart konge i staden hans.

1:45  Og Jobab døydde, og Husam frå Temanitarlandet vart konge i staden hans.

1:46  Og Husam døydde, og Hadad, son åt Bedad, vart konge i staden hans; det var han som vann yver midjanitarne på Moabmoen. Og byen hans heitte Avit.

1:47  Og Hadad døydde, og Samla frå Masreka vart konge i staden hans.

1:48  Og Samla døydde, og Saul frå Rehobot uppmed åi vart konge i staden hans.

1:49  Og Saul døydde, og Ba’al-Hanan, son åt Akbor, vart konge i staden hans.

1:50  Og Ba’al-Hanan døydde, og Hadad vart konge i staden hans, og hans by heitte Pa’i; og kona hans heitte Mehetabel, dotter åt Matred, som var dotter åt Mezahab.

1:51  Og då Hadad var dåen, var desse jarlarne i Edom: Timna-jarlen, Alja-jarlen, Jetet-jarlen,

1:52  Åhålibama-jarlen, Ela-jarlen, Pinon-jarlen,

1:53  Kenaz-jarlen, Teman-jarlen, Mibsar-jarlen,

1:54  Magdiel-jarlen, Iram-jarlen. Det var jarlarne i Edom.

Chapter 2

2:1  Dette var sønerne åt Israel: Ruben, Simeon, Levi og Juda, Issakar og Sebulon,

2:2  Dan, Josef og Benjamin, Naftali, Gad og Asser.

2:3  Sønerne åt Juda var Er og Onan og Sela; desse tri fekk han med dotter åt Sua, kananitarkvinna; men Herren tykte ille um Er, eldste son åt Juda, og han laga det so at han døydde.

2:4  Med Tamar, sonekona si, fekk Juda sønerne Peres og Zerah, so sønerne åt Juda var fem i alt.

2:5  Sønerne åt Peres var Hesron og Hamul.

2:6  Og sønerne åt Zerah var Zimri og Etan og Heman og Kalkol og Dara; fem i alt.

2:7  Og son åt Karmi var Akar, som førde Israel i ulukka, med di han ikkje for ærleg åt med det som var vigt til Herren.

2:8  Og son hans Etan var Azarja.

2:9  Og sønerne som Hesron fekk, var Jerahme’el, Ram og Kelubai.

2:10  Og Ram fekk sonen Amminadab, og Amminadab fekk sonen Nahson, hovdingen for Juda-sønerne.

2:11  Og Nahson fekk sonen Salma, og Salma fekk sonen Boaz.

2:12  Og Boaz fekk sonen Obed, og Obed fekk sonen Isai.

2:13  Isai fekk sonen Eliab, det var fyrste sonen hans, og Abinadab var den andre, og Simea den tridje,

2:14  Netanel den fjorde, Raddai den femte,

2:15  Osem den sette, David den sjuande.

2:16  Og systerne deira var Seruja og Abiga’il. Og sønerne åt Seruja var Absai og Joab og Asael, tri i talet.

2:17  Og Abiga’il åtte Amasa, og far åt Amasa var Jeter, ismaeliten.

2:18  Og Kaleb, son åt Hesron, fekk born med Azuba, kona si, og med Jeriot; sønerne hennar var Jeser og Sobab og Ardon.

2:19  Då Asuba døydde, tok Kaleb seg Efrat til kona, og med henne fekk han sonen Hur.

2:20  Og Hur fekk sonen Uri, og Uri fekk sonen Besalel.

2:21  Sidan gjekk Hesron inn til dotter åt Makir, som var far åt Gilead; henne tok han til kona då han var seksti år gamall, og han fekk sonen Segub med henne.

2:22  Og Segub fekk sonen Ja’ir; han åtte tri og tjuge byar i Gileadlandet.

2:23  Men gerusitarne og aramæarane tok frå deim byarne hans Ja’ir, og dessutan Kenat med seksti byar som låg ikring. Alle desse var søner åt Makir, far åt Gilead.

2:24  Og Hesron fekk sonen Ashur, far åt Tekoa, med Abia, kona si; ho åtte honom etter Hesron var dåen i Kaleb-Efrata.

2:25  Og sønerne åt Jerahme’el, eldste son hans Hesron, det var Ram, den eldste, og Buna og Oren og Osem med Ahia.

2:26  Men Jerahme’el hadde ei onnor kona og, som heitte Atara; ho var mor åt Onam.

2:27  Sønerne åt Ram, fyrste sonen hans Jerahme’el, det var Ma’as og Jamin og Eker.

2:28  Og sønerne åt Onam var Sammai og Jada. Og sønerne åt Sammai var Nadab og Abisur.

2:29  Og kona hans Abisur heitte Abiha’il; med henne fekk han sønerne Ahban og Molid.

2:30  Sønerne åt Nadab var Seled og Appajim. Seled døydde barnlaus.

2:31  Men sønerne åt Appajim var Jisi; sønerne åt Jisi var Sesan, og sønerne åt Sesan var Ahlai.

2:32  Og sønerne åt Jadas, bror hans Sammai, var Jeter og Jonatan. Jeter døydde barnlaus.

2:33  Men sønerne hans Jonatan var Pelet og ZaZa. Dette var sønerne åt Jerahme’el.

2:34  Men Sesan hadde ingi søner, anna berre døtter. No hadde Sesan ein egyptisk dreng, som heitte Jarha.

2:35  Og Sesan gav Jarha, drengen sin, dotter si til kona, og med henne fekk han sonen Attai.

2:36  Attai fekk sonen Natan, og Natan fekk sonen Zabad,

2:37  og Zabad fekk sonen Eflal, og Eflal fekk sonen Obed,

2:38  og Obed fekk sonen Jehu, og Jehu fekk sonen Azarja,

2:39  og Azarja fekk sonen Hales, og Hales fekk sonen Elasa,

2:40  og Elasa fekk sonen Sismai, og Sismai fekk sonen Sallum,

2:41  og Sallum fekk sonen Jekamja, og Jekamja fekk sonen Elisama.

2:42  Og sønerne åt Kaleb, bror hans Jerahme’el, var Mesa, som var eldst - han var far åt Zif - og sønerne åt Maresa, far hans Hebron.

2:43  Og sønerne åt Hebron var Korah og Tappuah og Rekem og Sema.

2:44  Sema fekk sonen Raham, far åt Jorkeam, og Rekem fekk sonen Sammai.

2:45  Son hans Sammai var Maon, og Maon var far åt Betsur.

2:46  Og Efa, fylgjekona hans Kaleb, åtte sønerne Haran og Mosa og Gazez, og Haran fekk sonen Gazez.

2:47  Og sønerne åt Jehdai var Regem og Jotam og Gesan og Pelet og Efa og Sa’af.

2:48  Ma’aka, fylgjekona hans Kaleb, åtte sønerne Seber og Tirhana.

2:49  Ho åtte og Sa’af, far åt Madmanna, og Seva, far åt Makbena og Gibea. Og dotter hans Kaleb var Aksa.

2:50  Dette var sønerne hans Kaleb: son åt Hur, som var eldste son åt Efrata, det var Sobal, far åt Kirjat-Jearim,

2:51  Salma, far åt Betlehem, og Haref, far åt Bet-Gader.

2:52  Sønerne hans Sobal, far åt Kirjat-Jearim, var Haroe og helvti av Hammenuhot-ætti.

2:53  Men ættgreinerne frå Kirjat-Jearim var jitritarne, putitarne, sumatitarne og misra’itarne; frå deim hev soratitarne og estaolitarne kome.

2:54  Sønerne åt Salma var Betlehem og netofatitarne, Atrot-Bet-Joab og helvti av manahtitarne, soritarne.

2:55  Og ætterne av dei skriftlærde som budde i Jabes, var tiratitar, simatitar og sukatitar. Dette var dei kinitarne som var ætta frå Hammat, far for åt Rekab-huset.

Chapter 3

3:1  Dette var sønerne som David fekk då han var i Hebron: Amnon, den fyrste sonen hans, med Ahinoam frå Jizre’el; Daniel, den andre, med Abiga’il frå Karmel.

3:2  Absalom, den tridje, son åt Ma’aka, som var dotter åt Talmai, konge i Gesur; Adonia, den fjorde, son åt Haggit;

3:3  Safatja, den femte, med Abital; Jitream, den sette, med Egla, kona hans.

3:4  Desse seks fekk han i Hebron; der rådde han i sju år og seks månader, og i tri og tretti år rådde han i Jerusalem.

3:5  Og desse sønerne han fekk i Jerusalem: Simea og Sobab og Natan og Salomo, i alt fire, med Batsua Ammielsdotter,

3:6  og Jibhar og Elisama og Elifelet,

3:7  og Nogah og Nefeg og Jafia,

3:8  Elisama og Eljada og Elifelet, ni i talet.

3:9  Dette var alle sønerne hans David umfram sønerne han fekk med fylgjekonorne, og Tamar var syster deira.

3:10  Son åt Salomo var Rehabeam; hans son var Abia; hans son var Asa; hans son var Josafat;

3:11  hans son var Joram; hans son var Ahazja; hans son var Joas;

3:12  hans son var Amasja; hans son var Azarja; hans son var Jotam;

3:13  hans son var Ahaz; hans son var Hizkia; hans son var Manasse;

3:14  hans son var Amon; hans son var Josia.

3:15  Sønerne åt Josia var Johanan, den fyrste, Jojakim, den andre, Sidkia, den tridje, Sallum, den fjorde.

3:16  Sønerne åt Jojakim var: Hans son Jekonja; hans son Sidkia.

3:17  Sønerne åt den fengsla Jekonja var: Sealtiel, son hans,

3:18  og Malkiram og Pedaja og Senassar, Jekamja, Hosama og Nedabja.

3:19  Sønerne åt Pedaja var Zerubbabel og Sime’i; og sønerne hans Zerubbabel var Mesullam og Hananja - og Selomit var syster deira -

3:20  og dertil Hasuba, Ohel og Berekja, Hasadja og Jusab-Hesed, fem i alt.

3:21  Sønerne åt Hananja var Pelatja og Jesaja, og dertil sønerne åt Refaja, Arnan, Obadja og Sekanja.

3:22  Son åt Sekanja var Semaja; og sønerne hans Semaja var Hattus og Jigal og Bariah og Nearja og Safat, seks i talet.

3:23  Sønerne hans Nearja var Eljoenai og Hizkia og Azrikam, tri i alt.

3:24  Sønerne åt Eljoenai var Hodavja, Eljasib og Pelaja, og Akkub og Johanan og Delaja og Anani, sju i talet.

Chapter 4

4:1  Sønerne åt Juda var Peres, Hesron og Karmi og Hur og Sobal.

4:2  Og Reaja, son åt Sobal, vart far til Jahat, og Jahat vart far til Ahumai og Lahad; dette var soratit-ætterne.

4:3  Og dette var sønerne åt Abi-Etam: Jizre’el og Jisma og Jidbas - og syster deira heitte Haslelponi -

4:4  og dessutan Penuel, far åt Gedor, og Ezer, far åt Husa. Desse var søner åt Hur, eldste son hans Efrata, far åt Betlehem.

4:5  Og Ashur, far åt Tekoa, hadde tvo konor, Hela og Na’ara.

4:6  Med Na’ara fekk han Ahuzzam og Hefer, og Temeni og ahastaritarne; dette var sønerne hennar Na’ara.

4:7  Og sønerne hennar Hela var Seret og Jishar og Etnan.

4:8  Og Kos vart far til Anub og Hassobeba, og ætterne hans Aharhel, son åt Harum.

4:9  Men Jabes var den gjævaste av brørne; mor hans hadde gjeve honom namnet Jabes, med di ho sagde: «Med verk og vande hev eg ått honom.»

4:10  Og Jabes kalla på Israels Gud og sagde: «Um du vilde velsigna meg og auka landviddi mi og lata di hand vera med meg, og um du vilde bægja for det som vondt er, so eg slepp å kjenna nokon verk!» Og Gud let det verta soleis som han bad um.

4:11  Og Kelub, bror hans Suha, fekk sonen Mehir; han var far åt Eston.

4:12  Og Eston var far til Bet-Rafa, Paseah og Tehinna, far åt Ir-Nahas. Dette var mennerne frå Reka.

4:13  Og sønerne hans Kenaz var Otniel og Seraja; og son åt Otniel var Hatat.

4:14  Og Meonotai fekk sonen Ofra, og Seraja fekk sonen Joab, far til ætti i Timbremannsdalen; for dei var timbremenner.

4:15  Og sønerne hans Kaleb Jefunneson var Iru, Ela og Na’am, og son åt Ela var Kenaz.

4:16  Og sønerne hans Jehallelel var Zif og Zifa, Tirja og Asarel.

4:17  Og sønerne hans Ezra var Jeter og Mered og Efer og Jalon. Og kvinna vart med barn og åtte Mirjam, Sammai og Jisbah, far åt Estemoa.

4:18  Og jøde-kona hans åtte Jered, far hans Gedor, og Heber, far åt Soko, og Jekutiel, far åt Zanoah; men dei hine var søner åt Bitja, dotter åt Farao, som Mered hadde teke til kona.

4:19  Og sønerne åt kona hans Hodia, syster hans Naham, var far åt Ke’ila, garmiten, og ma’akatiten Estemoa.

4:20  Og sønerne hans Simon var Amnon og Rinna, Ben-Hanan og Tulon. Og sønerne hans Jisi var Zohet og son åt Zohet.

4:21  Og sønerne hans Sela Judason var Er, far åt Leka, og Lada, far åt Maresa, og linarbeidar-ætterne av Asbea-huset,

4:22  dessutan Jokim og mennerne i Kozeba og Joas og Saraf, som vart herre yver Moab, og dertil Jasubi-Lehem. Men dette høyrer til gamall tid.

4:23  Dette var pottemakarane og folket Netajim og Gedera; dei budde der hjå kongen og var i hans arbeid.

4:24  Sønerne hans Simeon var Nemuel og Jamin, Jarib, Zerah, Saul.

4:25  Son hans var Sallum; hans son var Mibsam; hans son var Misma.

4:26  Sønerne åt Misma var Hammuel, son hans, Zakkur, hans son, og Sime’i, hans son.

4:27  Og Sime’i hadde sekstan søner og seks døtter; men brørne hans hadde ikkje mange born. Og heile ætti deira aukast ikkje so mykje som Juda-sønerne.

4:28  Og dei budde i Be’erseba og Molada og Hasar-Sual,

4:29  i Bilha, Esem og i Tolad,

4:30  i Betuel, i Horma og Siklag,

4:31  i Bet-Markabot, i Hasar-Susim, i Bet-Biri og i Sa’arajim. Dette var byarne deira alt til David vart konge.

4:32  Og i landsbyarne deira var Etam og Ajin, Rimmon, Token og Asan, fem byar,

4:33  og dertil alle bygderne deira som låg ikring desse byarne, alt til Ba’al; dette var bustaderne deira, og dei hadde ei ættarlista for seg sjølve.

4:34  Og Mesobab, Jamlek og Josa, son åt Amasja,

4:35  og Joel og Jehu, son åt Josibja, son åt Seraja, son åt Asiel,

4:36  og Eljoenai, Ja’akoba, Jesohaja, Asaja, Adiel, Jesimiel og Benaja,

4:37  og Ziza, son åt Sifi, son åt Allon, son åt Jedaja, son åt Simri, son åt Semaja.

4:38  Desse som no er nemnde, var hovdingar i ætterne sine, og ættgreinerne deira breidde seg ut og vart mangmente.

4:39  Og dei drog fram mot Gedor alt til austsida av dalen og skulde finna beite åt buskapen sin.

4:40  Og dei fann feitt og godt beite, og landet var vidt og romt, og det var stilt og fredsamt; for dei som budde der fyreåt, var ætta frå Kham.

4:41  Men desse som her er uppskrivne med namn, kom då Hizkia var konge i Juda, og øydelagde tjeldbuderne deira og hogg ned dei me’unitarne som der var, og bannstøytte deim, so dei no ikkje meir er til, og dei slo seg ned der i staden deira; for der var det beite for buskapen deira.

4:42  Og det var fem hundrad mann av deim, av Simeons-sønerne, som for til Se’irfjelli, og Pelatja og Nearja og Refaja og Uzziel, sønerne hans Jisi, var fyregangsmennerne deira.

4:43  Og dei drap den siste leivningen amalekitarne; so slo dei seg ned der, og bur der den dag i dag.

Chapter 5

5:1  Og sønerne hans Ruben, eldste son åt Israel - for han var den eldste; men med di han vanhelga lega åt far sin, vart odelsretten hans gjeven til sønerne hans Josef, son åt Israel, men då ikkje soleis at han skulde skrivast upp i ættelista som den eldste.

5:2  For Juda var nok den megtigaste millom brørne sine, og ein av etterkomarane hans vart fyrste; men odelsretten høyrde Josef til -

5:3  sønerne hans Ruben, eldste son åt Israel, var Hanok og Pallu, Hesron og Karmi.

5:4  Sønerne åt Joel var Semaja, son hans; hans son var Gog; hans son var Sime’i,

5:5  hans son var Mika, hans son Reaja, hans son Ba’al,

5:6  hans son Be’era, som Tilgat-Pilneser, kongen i Assyria, førde burt til fange; han var hovding for rubenitarne.

5:7  Og då brørne hans med sine ætter vart uppskrivne i ættarlista etter sine ættgreiner, var det desse: Je’iel, hovdingen, og Zakarja,

5:8  og Bela, son åt Azaz, son åt Sema, son åt Jo’el; han budde i Aroer, og bustaderne hans nådde radt til Nebo og Ba’al-Meon.

5:9  Og austetter nådde bustaderne hans alt fram åt øydemarki som rekk frå Eufratelvi; for dei hadde store flokkar med fe i Gileadlandet.

5:10  Men i Sauls dagar låg dei i strid med hagarenarne, som då fall for handi deira; so sette dei seg til i tjeldbuderne deira etter heile austsida åt Gilead.

5:11  Og Gads-sønerne budde midt imot deim i Basanlandet alt til Salka:

5:12  Joel, hovdingen, og di næst Safan, og so Janai og Safat i Basan.

5:13  Og brørne deira, etter sine ættgreiner, var Mikael og Mesullam og Seba og Jorai, Jakan, Zia og Eber, sju i talet.

5:14  Desse var søner åt Abiha’il, son åt Huri, son åt Jaroah, son åt Gilead, son åt Mikael, son åt Jesisai, son åt Jahdo, son åt Buz.

5:15  Ahi, son åt Abdiel, son åt Guni, var ættarhovdingen deira.

5:16  Og dei budde i Gilead i Basan og i dei bygderne som låg ikring, og på alle utmarkerne i Saron, so langt som dei rakk.

5:17  Alle desse vart uppskrivne i ættarlista i den tidi då Jotam var konge i Juda, og då Jeroboam var konge i Israel.

5:18  Rubens-sønerne og gaditarne og helvti av Manasse-ætti, dei som var stridsføre og bar skjold og sverd og spente boge og var stridskunnige, var fire og fyrti tusund sju hundrad og seksti våpnføre menner.

5:19  Og dei hadde ufred med hagarenarne og Jetur og Nafis og Nodab.

5:20  Og dei fekk siger i striden, so hagarenarne og alle som var med deim, kom i deira hender; for dei ropa til Gud i striden, og han høyrde bøni deira, av di dei leit på honom.

5:21  Og dei førde burt til herfang feet deira, femti tusund kamelar og tvo hundrad og femti tusund sauer og tvo tusund asen, og hundrad tusund mann.

5:22  For det hadde vore eit stort mannefall, etter di striden var ifrå Gud. Og dei budde i landet deira alt til burtføringi.

5:23  Sønerne åt helvti av Manasse-ætti budde og der i landet frå Basan alt til Ba’al-Hermon og Senir og Hermonfjellet, og dei var mangmente.

5:24  Og desse var ættarhovdingarne deira: Efer og Jisi, Eliel og Azriel, Jirmeja og Hodavja og Jahdiel, stridsføre hermenner, namngjetne menner, hovdingar for ættgreinene sine.

5:25  Men dei var utrue mot fedreguden og heldt seg med gudarne åt det folket der i landet som Gud hadde tynt for augo deira.

5:26  Då øste Israels Gud upp hugen hjå assyrarkongen Pul og assyrarkongen Tilgat-Pilneser, og han førde deim burt, rubenitarne og gaditarne og eine helvti av Manasse-ætti, og flutte deim til Halah og Habor og Hara og Gozanelvi, og der dei er den dag i dag.

Chapter 6

6:1  Sønerne hans Levi var Gerson, Kehat og Merari.

6:2  Sønerne hans Kahat var Amram og Jishar og Hebron og Uzziel.

6:3  Og borni hans Amram var Aron og Moses og Mirjam. Og sønerne åt Aron var Nadab og Abihu, Eleazar og Itamar.

6:4  Eleazar fekk sonen Pinehas; Pinehas fekk sonen Abisua,

6:5  og Abisua fekk sonen Bukki, og Bukki fekk sonen Uzzi,

6:6  og Uzzi fekk sonen Zerahja, og Zerahja fekk sonen Merajot;

6:7  Merajot fekk sonen Amarja, og Amarja fekk sonen Ahitub,

6:8  og Ahitub fekk sonen Sadok, og Sadok fekk sonen Ahima’as,

6:9  og Ahima’as fekk sonen Azarja, og Azarja fekk sonen Johanan;

6:10  Johanan fekk sonen Azarja; det var han som var prest i det huset Salomo bygde i Jerusalem.

6:11  Og Azarja fekk sonen Amarja, og Amarja fekk sonen Ahitub,

6:12  og Ahitub fekk sonen Sadok, og Sadok fekk sonen Sallum,

6:13  og Sallum fekk sonen Hilkia, og Hilkia fekk sonen Azarja,

6:14  og Azarja fekk sonen Seraja, og Seraja fekk sonen Josadak.

6:15  Men Josadak laut ganga med då Herren let Nebukadnessar føra Juda og Jerusalem i utlægd.

6:16  Sønerne åt Levi var Gerson, Kahat og Merari.

6:17  Og dette var namni på sønerne hans Gersom: Libni og Sime’i.

6:18  Og sønerne hans Kahat var Amram og Jishar og Hebron og Uzziel.

6:19  Sønerne hans Merari var Mahli og Musi. Dette var levitætterne etter federne deira.

6:20  Frå Gersom var Libni, son hans, ætta; hans son var Jahat, hans son Zimma,

6:21  hans son Joah, hans son Iddo, hans son Zerah, hans son Jeatrai.

6:22  Sønerne åt Kahat var: Amminadab, son hans; hans son var Korah; hans son Assir;

6:23  hans son Elkana, hans son Ebjasaf, hans son Assir;

6:24  hans son Tahat, hans son Uriel, hans son Uzzia, og hans son Saul.

6:25  Sønerne hans Elkana var Amasai og Ahimot.

6:26  Elkana - hans son var Elkana; hans son var Elkana-Sofai; hans son Nahat;

6:27  hans son Eliab; hans son Jeroham; hans son var Elkana.

6:28  Sønerne hans Samuel var Vasni, som var eldst, og Abia.

6:29  Son hans Merari var Mahli; hans son var Libni; hans son Sime’i; hans son Uzza;

6:30  hans son Simea; hans son Haggia; hans son Asaja.

6:31  So var det dei som David sette til å greida med songen i Herrens hus, etter at kista hadde fenge ein kvilestad.

6:32  Dei gjorde tenesta med song framfor møtetjeldhuset, alt til Salomo bygde Herrens hus i Jerusalem; dei stod der og gjorde sitt arbeid etter dei fyresegner dei hadde fenge.

6:33  Dei som gjorde denne tenesta, og sønerne deira, var desse: Av kahatitsønerne: Heman, songaren, son åt Joel, son åt Samuel,

6:34  son åt Elkana, son åt Jeroham, son åt Eliel, son åt Toah,

6:35  son åt Sif, son åt Elkana, son åt Mahat, son åt Amasai,

6:36  son åt Elkana, son åt Joel, son åt Azarja, son åt Sefanja,

6:37  son åt Tahat, son åt Assir, son åt Ebjasaf, son åt Korah,

6:38  son åt Jishar, son åt Kahat, son åt Levi, son åt Israel.

6:39  Dinæst Asaf, bror hans, som stod på høgre sida hans, Asaf, son åt Berekja, son åt Simea,

6:40  son åt Mikael, son åt Ba’aseja, son åt Malkia,

6:41  son åt Etni, son åt Zerah, son åt Adaja,

6:42  son åt Etan, son åt Zimma, son åt Sime’i,

6:43  son åt Jahat, son åt Gersom, son åt Levi.

6:44  Og brørne deira, Merari-sønerne, stod på den vinstre sida: Etan, son åt Kisi, son åt Abdi, son åt Malluk,

6:45  son åt Hasabja, son åt Amasja, son åt Hilkia,

6:46  son åt Amsi, son åt Bani, son åt Semer,

6:47  son åt Mahli, son åt Musi, son åt Merari, son åt Levi.

6:48  Og brørne deira, levitarne, var sette til alt slag tenesta i huset, Guds hus.

6:49  Men Aron og sønerne hans ofra på brennofferaltaret og på røykjelsealtaret og skulde greida alle gjeremål i det høgheilage romet og gjera soning for Israel, i alle måtar so som Moses, Guds tenar, hadde sagt fyre.

6:50  Desse var sønerne åt Aron: Eleazar, son hans; son hans var Pinehas; hans son var Abisua;

6:51  hans son var Bukki; hans son var Uzzi; hans son var Zerahja;

6:52  hans son var Merajot; hans son var Amarja; hans son var Ahitub;

6:53  hans son var Sadok; hans son var Ahima’as.

6:54  Og bustaderne deira, etter tjeldlægri innanfor umkverven deira, var dei som her kjem. Dei gav Arons-sønerne av kahatitætti - som fyrste luten fall på -

6:55  Hebron i Judalandet, og utmarki som låg ikring.

6:56  Men åkerlandet og gardarne som høyrde til byen, gav dei Kaleb Jefunneson.

6:57  Arons-sønerne gav dei soleis fredsstaderne Hebron og Libna, og Jattir og Estemoa

6:58  og Hilen og Debir

6:59  og Asan og Bet-Semes, alle desse byarne med bumarki som høyrde til,

6:60  og i Benjaminsfylket Geba og Allemet og Anatot med bumarki som høyrde til; det var i alt trettan byar etter ætterne deira.

6:61  Og dei andre Kehats-sønerne gav dei ti byar i det eine halve Manassefylket, og let deim draga strå um deim.

6:62  Og Gersoms-sønerne og ættgreinene deira fekk trettan byar hjå Issakars-ætti, Assers-ætti, Naftali-ætti, og Manasse-ætti i Basan.

6:63  Merari-sønerne og ættgreinene deira fekk tolv byar hjå Rubens-ætti og Gads-ætti og Sebulons-ætti, og let deim draga strå um deim.

6:64  Dess byarne med bumarki som høyrde til, gav Israels-sønerne åt levitarne.

6:65  Dei gav deim desse byarne, som dei nemde på namn, i Judafylket, Simeonsfylket og i Benjaminsfylket, og let deim draga strå um deim.

6:66  Og nokre av greinerne i Kahats-ætti fekk desse byarne i Efraimsfylket:

6:67  Fredstaderne Sikem på Efraimsfjellet og Gezer

6:68  og Jokmeam og Bet-Horon

6:69  og Ajjalon og Gat-Rimmon,

6:70  og i det eine halve Manassefylket Aner og Bileam, med bumarki som høyrde kvar by til. Dette fekk dei hine greinerne av Kahats-ætti.

6:71  Gersoms-sønerne fekk i det andre halve Manassefylket Golan i Basan og Astarot, med bumarki som høyrde til,

6:72  og i Issakarsfylket Kedes og Dobrat

6:73  og Ramot og Anem, med bumarki som høyrde til,

6:74  og i Assersfylket Masal og Abdon

6:75  og Hukok og Rehob, med bumarki som høyrde til,

6:76  og i Naftalifylket Kedes i Galilæa, og Hammon og Kirjatajim, med bumarki som høyrde kvar by til.

6:77  Dei hine Merari-sønerne fekk i Sebulonsfylket Rimmono og Tabor, med bumarki som høyrde til,

6:78  og på hi sida Jordan ved Jeriko, austanfor Jordan, fekk dei i Rubensfylket Beser i øydemarki og Jahsa

6:79  og Kedemot og Mefa’at, med bumarki som høyrde til,

6:80  og i Gadsfylket Ramot i Gilead og Mahanajim

6:81  og Hesbon og Jazer, med bumarki som høyrde til.

Chapter 7

7:1  Og sønerne åt Issakar var Tola og Pua, Jasib og Simron, fire i talet.

7:2  Sønerne hans Tola var Uzzi og Refaja, Jeriel, Jahmai, Jibsam og Samuel, hovdingar for ættgreinerne sine, som var ætta frå Tola, stridsføre hermenner, uppskrivne etter sine ætter. Talet på deim var i Davids tid tvo og tjuge tusund og seks hundrad.

7:3  Sønerne åt Uzzi var Jizrahja, og sønerne åt Jisrahja var Mikael og Obadja og Joel og Jissia, ættarhovdingar alle fem.

7:4  Og med deim fylgde herbudde flokker, seks og tretti tusund mann, etter sine ætter og ættgreiner; for dei hadde mange konor og born.

7:5  Og frendarne deira i alle Issakars-ætterne var stridsføre hermenner; i alt var dei sju og åtteti tusund mann som var uppskrivne i ættarlista deira.

7:6  Sønerne åt Benjamin var Bela og Beker og Jediael, tri i talet.

7:7  Og sønerne hans Bela var Esbon og Uzzi, Uzziel, Jerimot og Iri, fem i talet, ættarhovdingar, stridsføre hermenner, og i ættarlista deira stod det tvo og tjuge tusund og fire og tretti.

7:8  Sønerne hans Beker var Zemira og Joas, Eliezer og Eljoenai, Omri og Jeremot, Abia og Anatot og Alemet; dei var søner åt Beker alle i hop.

7:9  I ættarlista deira etter ætterne, ættarhovdingarne og stridsføre hermenner, var dei tjuge tusund og tvo hundrad mann.

7:10  Sønerne åt Jediael var Bilhan, og sønerne hans Bilhan var Je’is og Benjamin og Ehud, Kena’ana og Zetan, Tarsis og Ahisahar.

7:11  Alle desse var søner åt Jediael, uppskrivne etter hovdingarne for ættgreinerne sine, stridsføre hermenner, syttan tusund og tvo hundrad våpnføre menner.

7:12  Og Suppim og Huppim var sønerne åt Ir. Men Husim var sønerne åt Aher.

7:13  Sønerne åt Naftali var Jahsiel, Guni, Jeser og Sallum, sønerne hennar Bilha.

7:14  Sønerne åt Manasse: Asriel som kvinna åtte; den syriske fylgjekona hans åtte Makir, far hans Gilead.

7:15  Og Makir tok ut kona åt Huppim og Suppim. Syster hans heitte Ma’aka. Og den andre heitte Selofhad. Og Selofhad hadde døtter.

7:16  Og Ma’aka, kona hans Makir, åtte ein son og gav honom namnet Peres, og hans bror heitte Seres. Sønerne hans var Ulam og Rekem.

7:17  Son åt Ulam var Bedan. Desse var søner åt Gilead, son åt Makir, son åt Manasse.

7:18  Og syster hans var Hammoleket; ho åtte Ishod og Abiezer og Mahla.

7:19  Og sønerne åt Semida var Ahjan og Sekem og Likhi og Aniam.

7:20  Og sønerne åt Efraim var Sutelah - hans son var Bered, hans son Tahat, hans son Elada, hans son Tahat,

7:21  hans son Zabad, og hans son Sutelah - og so Ezer og Elad. Og menner frå Gat, som var heimefolket der i landet, drap deim, for di dei hadde fare ned og vilde rana feet deira.

7:22  Då syrgde Efraim, far deira, i lang tid, og brørne hans kom og vilde trøysta honom.

7:23  Og han gjekk inn til kona si, og ho vart med barn og åtte ein son, som han kalla Beria, for di dette hende i ei ulukketid for huset hans.

7:24  Dotter hans var Se’era; ho bygde Nedre og Øvre Bet-Horon og Uzzen-Se’era.

7:25  Og son hans var Refa, og hans søner var Resef og Telah; hans son var Tahan,

7:26  hans son Ladan, hans son Ammihud, hans son Elisama,

7:27  hans son Non, hans son Josva.

7:28  Og odelslandet og bustaderne deira var Betel med bygderne ikring, og i aust Na’aran, i vest Gezer med bygderne ikring og Sikem med bygderne ikring alt til Gaza med bygderne ikring.

7:29  Men Manasse-sønerne hadde Bet-Sean med bygderne ikring, Ta’anak med bygderne ikring, Megiddo med bygderne ikring, Dor med bygderne ikring. I desse budde sønerne åt Josef Israelsson.

7:30  Sønerne åt Asser var Jimna og Jisva, Jisvi og Beria, og Serah var syster deira.

7:31  Sønerne åt Beria var Heber og Malkiel; han var far åt Birzait.

7:32  Og Heber fekk sonen til Jaflet, og Somer og Hotam, og Sua, syster deira.

7:33  Og sønerne hans Jaflet var Pasak og Bimhal og Asvat; desse var sønerne åt Jaflet.

7:34  Sønerne hans Semer var Ahi og Rohga, Jehubba og Aram.

7:35  Sønerne åt Helem, bror hans, var Sofah og Jimna og Seles og Amal.

7:36  Sønerne åt Sofah var Suah og Harnefer og Sual og Beri og Jimra,

7:37  Beser og Hod og Samma og Silsa og Jitran og Be’era.

7:38  Sønerne åt Jeter var Jefunne og Pispa og Ara.

7:39  Sønerne åt Ulla var Arah og Hanniel og Risja.

7:40  Alle desse var søner åt Asser, hovdingar for ættgreinerne sine, utvalde stridsføre hermenner, dei høgste hovdingarne; og dei som stod i ættarlista og var duglege hermenner, var seks og tjuge tusund i talet.

Chapter 8

8:1  Og Benjamin fekk sonen Bela, som var eldst; Asbel var den andre og Ahrah den tridje,

8:2  Noha den fjorde, og Rafa den femte.

8:3  Bela hadde desse sønerne: Addar og Gera og Abihud

8:4  og Abisua og Na’aman og Ahoah

8:5  og Gera og Sefufan og Huram.

8:6  Og desse var sønerne åt Ehud - og dei var ættarhovdingar for Geba-buarne som vart burtførde til Manahat,

8:7  dit Na’aman og Ahia og Gera, førde deim -: han fekk sønerne Uzza og Ahihud.

8:8  Og Saharajim fekk born i Moablandet etter han hadde sendt frå seg Husim og Ba’ara, konorne sine.

8:9  Med Hodes, kona si, fekk han sønerne Jobab og Sibja, Mesa og Malkam

8:10  og Je’us og Sakja og Mirma; desse var sønerne hans, ættarhovdingar.

8:11  Med Husim hadde han fenge Abitub og Elpa’al.

8:12  Og sønerne hans Elpa’al var Eber og Misam og Semed. Det var han som bygde Ono og Lod og bygderne ikring -

8:13  og Beria og Sema var ættarhovdingarne for Ajjalon-buarne og dreiv burt Gat-buarne,

8:14  og Ahjo, Sasak og Jeremot

8:15  og Zebadja og Arad og Eder,

8:16  Mikael og Jispa og Joha var søner åt Beria.

8:17  Og Zebadja, Mesullam, Hizki, Heber,

8:18  Jismerai, Jizlia og Jobab var sønerne hans Elpa’al.

8:19  Og Jakim, Zikri, Zabdi,

8:20  Elienai og Silletai og Eliel,

8:21  Adaja, Beraja og Simrat var sønerne hans Sime’i.

8:22  Jispan, Eber, Eliel,

8:23  Abdon, Zikri, Hanan,

8:24  Hananja, Elam, Antotia,

8:25  Jifdeja og Penuel var sønerne hans Sasak.

8:26  Og Samserai, Seharja, Atalja,

8:27  Ja’aresja, Elia og Zikri var sønerne hans Jeroham.

8:28  Desse var hovdingar for ættgreiner, hovdingar etter si ætt; dei budde i Jerusalem.

8:29  I Gibeon budde far åt Gibeon, og kona hans heitte Ma’aka.

8:30  Og den fyrste son hans var Abdon; deretter Sur og Kis og Ba’al og Nadab

8:31  og Gedor, Ahjo og Zeker.

8:32  Men Miklot fekk sonen Simea. Dei og budde i lag med brørne sine i Jerusalem, midt fyre brørne sine.

8:33  Og Ner fekk sonen Kis, og Kis fekk sonen Saul, og Saul vart far åt Jonatan og Malkisua, Abinadab og Esba’al.

8:34  Son åt Jonatan heitte Meribba’al, og Meribba’al fekk sonen Mika.

8:35  Sønerne hans Mika var Piton, Melek, Tarea og Ahaz.

8:36  Ahaz fekk sonen Joadda, og Joadda fekk sønerne Alemet, Azmavet og Zimri, og Zimri var far åt Mosa.

8:37  Mosa vart far åt Bina. Hans son var Rafa; hans son var Elasa; hans son var Asel.

8:38  Og Asel hadde seks søner, og namni deira var Azrikam, Bokeru, Ismael, Searja, Obadja og Hanan. Alle desse var søner åt Asel.

8:39  Og sønerne åt Esek, bror hans, var Ulam, som var eldst, Je’us, den andre, og Elifelet, den tridje.

8:40  Og sønerne hans Ulam var stridsføre hermenner, som spente boge, og dei hadde mange søner og sonesøner, hundrad og femti i talet. Alle desse var Benjamins-søner.

Chapter 9

9:1  Og heile Israel vart innførte i ættarlista, og no er dei uppskrivne i boki åt Israels-kongarne. Og Juda vart førd i utlægd til Babel for sin utruskap skuld.

9:2  Men det fyrre landsfolket som budde på eigedomen sin, i byarne sine; var vanlege israelitar, prestar, levitar og tempelsveinar.

9:3  I Jerusalem budde nokre av Juda-sønerne, av Benjamins-sønerne og av Efraims- og Manasse-sønerne; det var:

9:4  Utai, son åt Ammihud, son åt Omri, son åt Imri, son åt Bani, av borni åt Peres Judason;

9:5  av silonitarne: Asaja, den eldste, og sønerne hans;

9:6  og av Zerahs-sønerne: Je’uel og brørne deira, seks hundrad og nitti;

9:7  av Benjamins-sønerne: Sallu, son åt Mesullam, son åt Hodavja, son åt Hassenua,

9:8  og Jibneja, son åt Jeroham, og Ela, son åt Uzzi, son åt Mikri, og Mesullam, son åt Sefatja, son åt Re’uel, son åt Jibnija,

9:9  og brørne deira etter ætterne sine, ni hundrad og seks og femti. Alle desse mennerne var hovdingar for ættgreiner, kvar for si ættgrein.

9:10  Og av prestarne: Jedaja og Jojarib og Jakin

9:11  og Azarja, son åt Hilkia, son åt Mesullam, son åt Sadok, son åt Merajot, son åt Ahitub, hovdingen i Guds hus,

9:12  og Adaja, son åt Jeroham, son åt Pashur, son åt Malkia, og Masai, son åt Adiel, son åt Jahzera, son åt Mesullam, son åt Mesillemit, son åt Immer,

9:13  og brørne deira, hovdingar for ættgreinerne sine, eitt tusund og sju hundrad og seksti, dugande menner til å gjera tenesta i Guds hus.

9:14  Og av levitarne: Semaja, son åt Hassub, son åt Azrikam, son åt Hassabja, av Merari-sønerne,

9:15  og Bakbakkar, Heres og Galal og Mattanja, son åt Mika, son åt Zikri, son åt Asaf,

9:16  og Obadja, son åt Semaja, son åt Galal, son åt Jedutun, og Berekja, son åt Asa, son åt Elkana, som budde i netofatit-bygderne.

9:17  Og dørvaktarane: Sallum og Akkub og Talmon og Ahiman og brørne deira; Sallum var hovdingen.

9:18  Og endå vaktar dei kongeporten, på austsida. Desse var dørvaktarar i levitlægri.

9:19  Men Sallum, son åt Kore, son åt Ebjasaf, son åt Korah, og brørne hans som var av ættgreini hans, korahitarne, hadde den tenesta å halda vakt ved dørstokken til tjeldet; for federne deira hadde vakta inngangen til Herrens læger.

9:20  Og Pinhas, son åt Eleazar, var i gamle dagar forstandaren deira; Herren var med honom!

9:21  Zakarja, son åt Meselemja, var dørvaktar ved møtetjelddøri.

9:22  Alle desse var utvalde til dørvaktarar, tvo hundrad og tolv mann. Dei var uppskrivne i ættarlista i bygderne sine. David og sjåaren Samuel hadde sett deim til å tena på tru og æra.

9:23  Dei og sønerne deira stod difor ved dørerne åt Herrens hus, tjeldhuset, og heldt vakt.

9:24  Etter dei fire himmelætterne stod dørvaktarane, mot aust, mot vest, mot nord og mot sud.

9:25  Og brørne deira, som budde i bygderne sine, skulde møta fram hjå deim sjuande kvar dag, og alltid på same timen.

9:26  For desse fire var på tru og æra sette formenner for dørvaktarane. Dette var no levitarne. Dei hadde og tilsyn med kovarne og buderne i Guds hus.

9:27  Og dei heldt til rundt ikring Guds hus um natti; for det låg på deim å halda vakt, og dei skulde lata upp dørerne kvar morgon.

9:28  Sume av deim såg til med arbeidsgognerne. Dei tok då tal på deim, både når dei bar deim inn, og når dei bar deim ut.

9:29  Og sume av deim var sette til å hava tilsyn med dei andre gognerne, alle dei andre gognerne i heilagdomen, og med det fine mjølet og vinen og oljen og røykjelsen og kryddorne.

9:30  Men nokre av prestesønerne laga kryddesalven.

9:31  Og Mattitja, ein av levitarne, eldste son åt korahiten Sallum, hadde på tru og æra tilsynet med brødbakstren.

9:32  Og nokre av kahatitarne, brørne deira, såg til med skodebrødi og skulde laga deim til for kvar kviledag.

9:33  Dette var songarane, hovdingar for levitættar; dei slapp å gjera anna arbeid, og heldt til i kovarne; for dei laut halda på med sine eigne gjeremål natt og dag.

9:34  Dette var hovdingar for ættgreinerne av levitarne, hovdingar etter si ætt; dei budde i Jerusalem.

9:35  I Gibeon budde Je’uel, far hans Gibeon, og kona hans heitte Ma’aka.

9:36  Og den fyrste son hans var Abdon; og so Sur, Kis, Ba’al, Ner og Nadab,

9:37  Gedor og Ahjo, Zakarja og Miklot.

9:38  Men Miklot fekk sonen Simeam. Dei og budde i lag med brørne sine i Jerusalem, midt fyre brørne sine.

9:39  Og Ner fekk sonen Kis, og Kis fekk sonen Saul, og Saul fekk sønerne Jonatan og Malkisua, Abinadab og Esba’al.

9:40  Son åt Jonatan var Meribba’al, og Meribba’al fekk sonen Mika.

9:41  Sønerne hans Mika var Piton og Melek og Tahrea.

9:42  Ahaz fekk sonen Jara, og Jara fekk sønerne Alemet, Azmavet og Zimri, og Zimri fekk sonen Mosa.

9:43  Mosa fekk sonen Bina. Hans son var Refaja; hans son var Elasa; hans son var Asel.

9:44  Og Asel hadde seks søner, og namni deira var: Azrikam, Bokeru, Ismael, Searja, Obadja og Hanan. Dette var sønerne åt Asel.

Chapter 10

10:1  Og filistarane stridde mot Israel, og Israels-mennerne flydde for filistarane, og det vart liggjande mange falne på Gilboafjellet.

10:2  Og filistarane sette etter Saul og sønerne hans, og då felte dei Jonatan og Abinadab og Malkisua, sønerne hans Saul.

10:3  Då dei no søkte hardt innåt Saul sjølv, og bogeskyttarane kom yver han, og han fekk ein støkk i seg for skyttarane.

10:4  Og Saul sagde til våpnsveinen sin: «Drag ut sverdet ditt og stikk det igjenom meg, so ikkje desse u-umskorne skal koma og fara ille med meg!» Men våpnsveinen hans vilde ikkje; for han var ovleg rædd. Då tok Saul sjølv sverdet og stupte seg på det.

10:5  Men då våpnsveinen såg at Saul var dåen, stupte han seg og på sitt sverd og døydde.

10:6  So døydde då Saul og dei tri sønerne hans; og dei som høyrde til hans hus, døydde alle i ein gong.

10:7  Då so alle dei Israels-mennerne som var i dalen, såg at dei hadde flytt, og at Saul og sønerne hans var falne, so for dei frå byarne sine og rømde undan, og so kom filistarane og slo seg ned i deim.

10:8  Andre dagen kom filistarane og skulde plundra liki, og dei fann då Saul og sønerne hans liggjande på Gilboafjellet.

10:9  Og dei plundra honom, og tok med seg hovudet og våpni hans og sende deim ikring i Filistarlandet, og kunngjorde gledebodet for avgudarne sine og for folket.

10:10  Og dei lagde våpni hans i gudshuset sitt; men hausen hans feste dei i Dagons-templet.

10:11  Då heile Jabes i Gilead høyrde alt det som filistarane hadde gjort med Saul,

10:12  drog dei av, alle våpnføre menner, og tok liket åt Saul og liket åt sønerne hans og førde deim til Jabes, og jorda beini deira under eiki i Jabes og heldt fasta i sju dagar.

10:13  So let Saul livet for sin utruskap mot Herren, med di han ikkje hadde fylgt Herrens ord, og like eins for di han hadde spurt ei som mana fram draugar og søkt råd hjå henne.

10:14  Han hadde ikkje søkt råd hjå Herren; difor let Herren honom døy, og sidan let han David Isaison få kongedømet.

Chapter 11

11:1  Då kom heile Israel i hop hjå David i Hebron og sagde: «Du veit me og du er same folket.

11:2  Alt longe sidan, då Saul endå var konge, var du den som førde Israel. Og til deg hev Herren din Gud, sagt: «Du skal vera ein hyrding for Israel, folket mitt, ja, du skal vera ein hovding yver mitt folk Israel.»»

11:3  Då so alle styresmennerne i Israel kom til kongen i Hebron, gjorde David eit samband med deim der i Hebron for Herrens åsyn, og sidan salva dei David til konge yver Israel, etter Herrens ord gjenom Samuel.

11:4  Og David for med heile Israel til Jerusalem, det er Jebus; der var jebusitarne, som endå var att i landet.

11:5  Og Jebus-buarne sagde til David: «Du kjem ikkje inn her.» Men David tok like vel Sionsborgi, det er Davidsbyen.

11:6  Og David sagde: «Den som fyrst drep ein jebusit, kven det so er, han skal verta hovding og herførar.» Og Joab, son åt Seruja, kom fyrst upp, og vart då hovding.

11:7  Sidan sette David seg til i borgi; difor kalla dei henne Davidsbyen.

11:8  Og han bygde byen rundt umkring, frå Millo og heilt ikring, og Joab bygde upp att det andre av byen.

11:9  Og Davids velde auka Davids velde stødt og stendigt, og Herren, allhers drott, var med honom.

11:10  Og dette er dei gjævaste kjemporne hans David, som gav honom kraftig hjelp, i lag med heile Israel, til å verta konge, til å gjeva honom kongedømet hans, etter Herrens ord um Israel.

11:11  Dette er talet på kjemporne hans David: Jasobam, son til hakmoniføraren for kjemporne; han svinga spjotet sitt yver tri hundrad, som vart drepne i ein gong.

11:12  Og etter han kom Eleazar, son åt Dodo, ahohiten; han var ein av dei tri kjemporne.

11:13  Han var med David i Pas-Dammim, då filistarane hadde kome saman til strid, og der var ein åkerlapp fullgrodd med bygg; og folket rømde for filistarane.

11:14  Då stødte dei seg upp midt på åkerleppen og varde honom og hogg ned filistarane, og Herren gav deim soleis ein stor siger.

11:15  Ein gong for tri av dei tretti hovdingarne nedetter berget til David ved Adullams-helleren, medan ein flokk med filistar hadde lægra seg i Refa’imsdalen.

11:16  Men David var den gongen i borgi, og ein av filistarvaktpost var då i Betlehem.

11:17  Då fekk David brått ein sterk hug og sagde: «Å um einkvan vilde gjeva meg vatn å drikka utor brunnen som er attmed porten i Betlehem!»

11:18  Då slo dei tri seg gjenom filistarlægret og auste vatn utor brunnen ved porten i Betlehem, og tok og bar det åt David. Men David vilde ikkje drikka det, men helte det ut for Herren.

11:19  For han sagde: «Gud late det aldri koma i mine tankar at eg skulde gjera slikt! Skulde eg drikka blodet av desse mennerne som hev våga livet? For med livs vågnad hev dei bore det hit.» Han vilde ikkje drikka det. Dette hadde dei tri kjemporne gjort.

11:20  Absai, bror hans Joab, var føraren for dei tri; han svinga spjotet sitt yver tri hundrad, som vart drepne. Og han var namngjeten millom dei tri.

11:21  Han var ein gong til so mykje vyrd som nokon annan i dette tritalet, og han var hovdingen deira; men endå nådde han ikkje upp til dei tri fyrste.

11:22  Benaja, son hans Jojada, som var son åt ein djerv og dådrik mann frå Kabse’el, han drap dei tvo Arielarne i Moab, og det var han som steig ned i brunnen ein snøversdag og slo i hel ei løva der.

11:23  Han felte og den risestore egyptaren som var fem alner høg. Endå egyptaren hadde eit spjot i handi som liktest stor-riven i ein vev, so gjekk han imot honom, og hadde ikkje anna til verja enn staven sin. Og han rykte spjotet ut or handi på egyptaren og drap honom med hans eige spjot.

11:24  Dette hadde Benaja Jojadason gjort. Og han var namngjeten millom dei tri kjemporne.

11:25  Ja, han var meir vyrd enn nokon av dei tretti; men upp til dei tri fyrste nådde han ikkje. Og David sette honom til hovding yver livvakti si.

11:26  Dei djerve herkjemporne var desse: Asael, bror åt Joab, Elhanan, son åt Dodo, frå Betlehem.

11:27  Sammot, haroriten. Heles, peloniten,

11:28  Ira, son åt Ikkes, frå Tekoa, Abiezer frå Anatot,

11:29  husatiten Sibbekai, ahohiten Ilai,

11:30  Maharai frå Netofa, Heled, son åt Ba’ana, frå Netofa,

11:31  Itai, son åt Ribai, frå Gibea i Benjaminsfylket, Benaja frå Piraton,

11:32  Hurai frå Ga’asdalarne, Abiel frå Arba,

11:33  Azmavet frå Baharum, Eljahba, sa’alboniten,

11:34  Bene-Hasem, gizoniten, Jonatan, son åt Sage, harariten,

11:35  Ahiam, son åt Sakar, harariten, Elifal, son åt Ur,

11:36  Hefer, mekeratiten, Ahia, peloniten,

11:37  Hesro frå Karmel, Na’arai, son åt Ezbai,

11:38  Joel, bror åt Natan, Mibhar, son åt Hagri,

11:39  Selek, ammoniten, Nahrai frå Berot, våpnsvein åt Joab Serujason,

11:40  Ira frå Jeter, Gareb frå Jeter,

11:41  Uria, hetiten, Zabad, son åt Ahlai,

11:42  Adina, son åt Siza, rubeniten, ein hovding millom rubenitarne, og umfram honom tretti andre,

11:43  Hanan, son åt Ma’aka, og Josafat, mitniten,

11:44  Uzzia frå Astera, Sama og Je’uel, søner åt Hotam, aroeriten,

11:45  Jediael, son åt Simri, og Joha, bror hans, tisiten,

11:46  Eliel Hammahavim og Jeribai og Josavja, søner åt Elna’am, og Jitma, moabiten,

11:47  Eliel, Obed og Ja’asiel Hammesobaja.

Chapter 12

12:1  Og dette er dei som kom til David i Siklag, medan han endå heldt seg undan Saul Kisson; dei var av dei kjemporne som hjelpte han i striden.

12:2  Dei var væpna med boge og føre til å slyngja stein og skjota piler frå bogen, både med høgre og vinstre handi. Av ættefrendarne hans Saul, av Benjamins-folket, var desse:

12:3  Ahiezer, den hævaste, og Joas, søner åt Sema’a frå Gibea, Jezuel og Pelet, sønerne åt Azmavet, og Beraka, og Jehu frå Anatot,

12:4  Jismaja frå Gibeon, ein av dei tretti kjemporne og hovding for dei tretti, Jirmeja og Jahaziel og Johanan og Josabad frå Gedera,

12:5  Eluzai og Jerimot og Bealja og Semarja og Sefatja frå Harif,

12:6  Elkana og Jissa og Azarel og Joezer og Jasobam, korahitarne,

12:7  Joela og Zebadja, søner til Jeroham, frå Gedor.

12:8  Og av gaditarne var det nokre som fall ifrå og gav seg med David i fjellborgi i øydemarki; det var djerve menner, herføre stridsmenner, væpna med skjold og spjot. Dei hadde ei uppsyn som løvor, og var rappe som gasellor på fjellet.

12:9  Ezer var den hævaste; Obadja var den andre, Eliab den tridje,

12:10  Mismanna den fjorde, Jirmeja den femte,

12:11  Attai den sette, Eliel den sjuande,

12:12  Johanan den åttande, Elzabad den niande,

12:13  Jirmeja den tiande, Makbannai den ellevte.

12:14  Desse var av Gads-sønerne og av dei hævaste i heren; den ringaste av deim var like god åleine som hundrad mann, og den gjævaste jamngod med tusund.

12:15  Det var dei som gjekk yver Jordan den fyrste månaden då elvi gjekk yver breidderne, og som jaga av alle dalbuarne mot aust og mot vest.

12:16  Av Benjamins- og Juda-sønerne kom det nokre menner til David alt til fjellborgi.

12:17  Då gjekk David ut imot deim, og tok til ords og sagde til dei: «I fall de er meinte på fred og vil hjelpa meg, so er hugen min reidug til semja med dykk. Men kjem de og vil gjeva meg yver til fiendarne mine, endå det ingen urett er i mine hender, då sjå fedreguden vår på det og refse det!»

12:18  Men anden greip Amasai, den hævaste av dei tretti, og han sagde: «Deg, David, høyrer me til, og i lag med deg, Isaisonen, vil me standa. Fred, fred vere med deg, og fred vere med hjelpesmennerne dine! For din Gud hev hjelpt deg.» Då tok David imot deim og sette deim til hovdingar yver herflokken.

12:19  Av Manasse var det og nokre som gav seg med David då han drog ut i lag med filistarane til strid mot Saul, endå han sidan ikkje fekk hjelpa deim; for då filisterhovdingarne hadde halde samråd, sende dei honom burt, med di dei sagde: «Det stend um hovudet for oss um han gjeng yver til Saul, herren sin.»

12:20  Då han so for til Siklag, gav desse av Manasse seg med honom: det var Adna, Jozabad, Jediael, Mikael, Jozabad, Elihu og Silletai, hovdingar for dei herflokkarne som høyrde til Manasse.

12:21  Desse hjelpte David mot røvarflokkarne; for dei var djerve hermenner alle saman, og dei vart hovudsmenner i heren.

12:22  For det kom dagstødt folk til David som vilde hjelpa honom, so herlægret hans til slutt vart ovleg stort, som eit Guds herlæger.

12:23  Dette er talet på dei stridsbudde hermennerne som kom til David i Hebron og vilde gjeve honom Sauls kongedøme i hende etter Herrens bod:

12:24  Juda-sønerne som bar skjold og spjot, seks tusund og åtte hundrad herbudde menner;

12:25  Simeons-sønerne, stridsføre hermenner, sju tusund og eit hundrad;

12:26  av Levi-sønerne fire tusund og seks hundrad;

12:27  og dertil Jojada, hovdingen for Arons-ætti, og tri tusund og sju hundrad mann med honom,

12:28  og Sadok, ein våpndjerv ungdom, og ætti hans, tvo og tjuge hovdingar;

12:29  av Benjamins-sønerne, ættefrendarne hans Saul, tri tusund; for mengdi av deim heldt seg endå trutt til Sauls hus i den tidi;

12:30  av Efraims-sønerne tjuge tusund og åtte hundrad herføre stridsmenner, namngjetne menner i ætterne sine;

12:31  av eine helvti av Manasse-ætti attan tusund, som var nemde med namn og kom og skulde gjera David til konge;

12:32  av Issakars-sønerne slike menner som hadde skyn på tidartekni, og visste kva Israel burde gjera; det var tvo hundrad hovdingar, og dertil alle ættefrendarne deira, som dei hadde styringi yver;

12:33  av Sebulon femti tusund stridsføre menner, herbudde med alle slag våpn; dei flokka seg samheldige;

12:34  av Naftali eit tusund hovdingar, og med deim sju og tretti tusund mann som var væpna med skjold og spjot;

12:35  av danitarne åtte og tjuge tusund og seks hundrad herbudde menner;

12:36  av Asser stridsføre og herbudde menner, fyrti tusund;

12:37  og frå hi sida åt Jordan, av rubenitarne, gaditarne og andre helvti av Manasse-ætti, eit hundrad og tjuge tusund mann med alle slag våpn som er bruklege i strid.

12:38  Alle desse hermennerne skipa seg i fylking og kom med hjartans godhug for David til Hebron og vilde gjera honom til konge yver heile Israel. Men alle hine av Israel var og sameinte i å gjera David til konge.

12:39  Og dei var der hjå David i tri dagar og åt og drakk; for brørne deira hadde laga til åt deim.

12:40  Dei som budde nær ved, alt upp til Issakar, Sebulon og Naftali, førde og nøgdi med føda til deim, på asen, kamelar, muldyr og uksar; grjonmat, fikekakor, rosinkakor, vin og olje, bufe og sauer; for det var gleda i Israel.

Chapter 13

13:1  Og David samrådde seg med dei øvste herførarane og underførarane, med alle hovdingarne.

13:2  Og David sagde til heile Israels-lyden: «I fall de so finn fyre, og um dette er ifrå Herren, vår Gud, so lat oss senda bod til alle kantar åt dei andre brørne våre i alle Israels bygder, og dessutan åt prestarne og levitarne i dei byarne som dei hev bumark ikring, at dei skal koma saman hjå oss.

13:3  Og lat oss flytja kista åt vår Gud hit til oss! For i Sauls dagar spurde me ikkje etter henne.»

13:4  Og heile lyden svara at dei skulde gjera det; for alt folket lika denne rådi.

13:5  So samla då David heile Israel ifrå kvisli frammed Egyptarlandet og alt dit der vegen gjeng til Hamat, at dei skulde føra Guds kista frå Kirjat-Jearim.

13:6  Og David for med heile Israel upp til Ba’ala, til Kirjat-Jearim, som høyrer til Juda, med den etlingi å føra upp kista åt Gud Herren, han som tronar yver kerubarne, og som ho hev fenge namnet sitt etter.

13:7  Og dei sette Guds kista på ei ny vogn og førde henne burt frå huset hans Abinadab, og Uzza og Ahjo køyrde vogni.

13:8  Og David og heile Israel leika for Gud av all si magt med song og med cithrar, harpor, trummor, cymblar og trompetar.

13:9  Men då dei kom til treskjestaden hans Kidon, rette Uzza ut handi og vilde fata i kista; for uksarne snåva.

13:10  Då vart Herren brennande harm på Uzza, og han slo honom for di han hadde rett ut handi si åt kista, so han døydde der for Guds åsyn.

13:11  Men David vart ille ved, av di Herren soleis hadde slege ned Uzza, og han kalla den staden Peres-Uzza, som det heiter den dag i dag.

13:12  Og David fekk ei slik rædsla for Gud den dagen, at han sagde: «Kor kann eg våga føra Guds kista til meg?»

13:13  Difor flutte ikkje David kista til seg i Davidsbyen, men sette henne inn i huset åt gatiten Obed-Edom.

13:14  Guds kista vart då verande ved huset hans Obed-Edom, der ho stod i sitt eige hus i tri månader; men Herren velsigna Obed-Edoms hus og alt det som høyrde honom til.

Chapter 14

14:1  Og Hiram, kongen i Tyrus, sende folk til David med cedertre, og dessutan murarar og timbremenner til å byggja eit hus åt honom.

14:2  Og David skyna at Herren hadde stadfest honom til konge yver Israel; for han hadde lyft kongedømet høgt for sitt folk Israel skuld.

14:3  Og David tok seg endå fleire konor i Jerusalem, og David fekk endå fleire søner og døtter.

14:4  Dette er namni på dei sønerne han fekk i Jerusalem: Sammua og Sobab, Natan og Salomo,

14:5  Jibhar og Elisua og Elpelet

14:6  og Nogah og Nefeg og Jafia

14:7  og Elisama og Be’eljada og Elifelet.

14:8  Men då filistarane høyrde at David var salva til konge yver heile Israel, tok dei ut alle saman og skulde leita etter David. Då David fekk høyrde det, for han ut imot deim.

14:9  Filistarane kom og spreidde seg utyver i Refa’imsdalen.

14:10  Då spurde David Gud: «Skal eg draga upp imot filistarane? Vil du då gjeva deim i mi hand?» Herren svara: «Drag upp, eg vil gjeva deim i di hand.»

14:11  Og dei tok ut til Ba’al-Perasim, og der vann David yver deim. Då sagde David: «Gud hev brote igjenom fiendarne mine med mi hand, liksom vatn bryt igjenom.» Difor fekk den staden namnet Ba’al-Perasim.

14:12  Dei let etter seg gudarne sine der, og David sagde at dei skulde brennast upp.

14:13  Men filistarane kom endå ein gong og spreidde seg utyver i dalen.

14:14  Då so David spurde Gud att, svara Gud honom: «Du skal ikkje fara imot deim; kringsett deim attanfrå, so du kjem yver deim ifrå den sida der bakatrei stend!

14:15  So snart som du då høyrer ljoden av stig i toppen på bakatrei, skal du leggja ut i strid; for då fer Gud fyre deg og vil slå filistarheren.»

14:16  Og David gjorde som Gud hadde bode honom, og dei slo filistarheren og sette etter deim alt ifrå Gibeon og til Gezer.

14:17  Og gjetordet um David gjekk yver alle land, og Herren let det koma rædsla for honom yver alle folki.

Chapter 15

15:1  Og han bygde seg hus i Davidsbyen, og sidan laga han til ein stad åt Guds kista og sette upp eit tjeld åt henne.

15:2  Då baud David: «Ingen må bera Guds kista utan levitarne; for deim hev Herren valt ut til å bera Guds kista og til å tena honom» i all æva.

15:3  Og David samla heile Israel Jerusalem; til å føra Herrens kista upp til den staden han hadde laga til åt henne.

15:4  Og David stemnde i hop Arons-sønerne og levitarne:

15:5  av Kehats-sønerne Uriel, hovdingen, og brørne hans, eit hundrad og tjuge;

15:6  av Merari-sønerne Asaja, hovdingen, og brørne hans, tvo hundrad og tjuge;

15:7  av Gersoms-sønerne Joel, hovdingen, og brørne hans, eit hundrad og tretti;

15:8  av Elisafans-sønerne Semaja, hovdingen, og brørne hans, tvo hundrad;

15:9  av Hebrons-sønerne Eliel, hovdingen, og brørne hans, åtteti;

15:10  av Uzziels-sønerne Amminadab, hovdingen, og brørne hans, eit hundrad og tolv.

15:11  Og David kalla åt seg prestarne Sadok og Abjatar og levitarne Uriel, Asaja og Joel, Semaja og Eliel og Amminadab.

15:12  Og han sagde til deim: «De er hovdingar for ættgreinerne i Levi. Helga dykk, de og brørne dykkar, og før so kista åt Herren, Israels Gud, upp til den staden som eg hev laga til åt henne!

15:13  Det var for di de ikkje var med fyrre gongen, at Herren, vår Gud, braut ned ein av oss, til straff for at me ikkje søkte honom som rett var.»

15:14  Då helga dei seg, prestarne og levitarne, so dei kunde føra upp kista åt Herren, Israels Gud.

15:15  Og levitsønerne bar Guds kista med stenger som låg på herdarne deira, soleis som Moses hadde sagt deim fyre etter Herrens ord.

15:16  Og David baud levithovdingarne at dei skulde stella brørne sine, songarane, fram med spel, harpor, cithrar og cymblar, som dei skulde låta på medan dei let gledesongen ljoma.

15:17  Levitarne sette då Heman Joelsson til dette, og av hans brør Asaf Berekjason, og av brørne deira, Merari-sønerne, Etan Kusajason,

15:18  og jamsides med deim brørne deira av andre rangen, Zakarja, Ben, Ja’aziel og Semiramot og Jehiel og Unni, Eliab og Benaja og Ma’aseja og Mattitja, Eliflehu og Mikneja og Obed-Edom og Je’iel, dørvaktarane.

15:19  Songarane Heman, Asaf og Etan skulde slå på koparcymblar.

15:20  Zakarja og Asiel og Semiramot og Jehiel og Unni og Eliab og Ma’aseja og Benaja skulde spela på harpor etter Alamot.

15:21  Mattitja og Eliflehu og Mikneja og Obed-Edom og Je’iel og Azazja skulde spela på cithrar etter Sjeminit.

15:22  Kenanja, som var førar for levitarne ved beringi; skulde læra deim å bera; for han var kunnig i slikt.

15:23  Berekja og Elkana skulde vera dørvaktarar ved kista.

15:24  Sebajna og Josafat og Netanel og Amasai og Zakarja og Benaja og Eliezer, prestarne, skulle blåsa i trompetar framfyre Guds kista. Og Obed-Edom og Jehia skulde vera dørvaktarar ved kista.

15:25  So gjekk David og dei øvste i Israel og yverhovudsmennerne av stad og skulde føra Herrens sambandskista med fagnad upp or huset åt Obed-Edom.

15:26  Og med di Gud verna levitarne som bar Herrens sambandskista, so ofra dei sju uksar og sju verar.

15:27  Og David gjekk då med ei kappa av fint linan, og like eins alle levitarne som bar kista, og songarane, og Kenanja, føraren for songarane ved beringi. Dessutan bar David ein linhakel.

15:28  Og heile Israel flutte Herrens sambandskista upp med fagnadrop og lurljom, og dei bles i trompetar og slo på cymblar let harpor og cithrar.

15:29  Då so Herrens sambandskista kom til Davidsbyen, såg Mikal, dotter åt Saul, ut gjenom vindauga, og då ho fekk auga på kong David, som hoppa og leika seg, vanvyrde ho honom i sitt hjarta.

Chapter 16

16:1  Då dei hadde ført Guds kista inn, sette dei henne i tjeldet som David hadde sett upp åt henne; deretter bar dei fram brennoffer og takkoffer for Guds åsyn.

16:2  Og då David hadde ofra brennofferet og takkofferet, velsigna han folket i Herrens namn.

16:3  Og til kvar og ein av alle israelitarne, både kar og kvinna, skifte han ut ein brødleiv, eit stykke kjøt og ei rosinkaka.

16:4  Og han sette sume levitar til å gjera tenesta framfor Herrens kista, at dei skulde prisa, takka og lova Herren, Israels Gud.

16:5  Asaf var den fremste, og Zakarja næst etter honom, og so Je’iel, Semiramot, Jehiel og Mattitja, Eliab, Benaja, Obed-Edom og Je’iel med harpor og cithrar, og Asaf skulde slå på cymblar.

16:6  Men prestarne Benaja og Jahaziel skulde standa stendigt med trompetarne sine framfor Guds sambandskista.

16:7  Den dagen var det at David fyrst fastsette den skipnaden at dei ved Asaf og brørne hans skulde prisa Herren på denne visi:

16:8  «Prisa Herren, kalla på hans namn! Forkynn millom folkeslagi hans storverk!

16:9  Syng for honom, syng honom lov! Tala um alle hans under!

16:10  Rosa dykk av hans heilage namn, hjarta glede seg hjå deim som søkjer Herren!

16:11  Spør etter Herren og hans magt, søk hans åsyn alltid!

16:12  Kom i hug hans under som han hev gjort, hans undergjerningar og domsordi frå hans munn,

16:13  de etterkomarar av Israel, hans tenar, søner åt Jakob, hans utvalde.

16:14  Han er Herren, vår Gud; yver all jordi gjeng hans domar.

16:15  Kom æveleg i hug hans pakt, det ord han sette fast for tusund ætter,

16:16  den pakt han gjorde med Abraham, og hans eid til Isak!

16:17  Han gjorde det til ein rett for Jakob, for Israel til ein æveleg pakt,

16:18  med di han sagde: «Deg vil eg gjeva Kana’ans land til arvlut,»

16:19  då de var ein liten flokk, få og framande der.

16:20  Og dei vandra frå folk til folk, frå eitt rike til eit anna folk.

16:21  Han let ikkje nokon få gjera valdsverk mot deim, og han refste kongar for deira skuld:

16:22  «Rør ikkje deim eg hev salva, og gjer ikkje vondt med mine profetar!»

16:23  Syng for Herren, all jordi! Forkynn frå dag til dag hans frelsa!

16:24  Fortel millom heidningar hans æra, millom alle folkeslag hans under!

16:25  For Herren er stor og mykje lovsungen, og skræmeleg er han framfor alle gudar.

16:26  For alle gudar hjå folki er avgudar; men Herren hev gjort himmelen.

16:27  Høgd og herlegdom er for hans åsyn, styrke og gleda er på hans stad.

16:28  Gjev Herren, de folkeætter, gjev Herren æra og magt!

16:29  Gjev Herren hans namns æra, tak gåvor med og kom for hans åsyn, tilbed Herren i heilagt skrud!

16:30  Skjelv for hans åsyn, all jordi! Jordriket stend fast; det let seg ikkje rikka.

16:31  Himmelen glede seg, og jordi fagne seg, og dei skal segja millom heidningarne: «Herren er konge.»

16:32  Havet dure og alt som i det er! Marki frygde seg og alt det som på marki er!

16:33  Då fegnast trei i skogen for Herrens åsyn; for han kjem og skal døma jordi.

16:34  Prisa Herren, for han er god, for æveleg varer hans miskunn!

16:35  Og seg: «Frels oss, du vår Frelse-Gud, og samla oss og fria oss ut frå heidningarne, so me kann prisa ditt heilage namn, rosa oss av ditt lov!»

16:36  Lova vere Herren, Israels Gud, frå æva og til æva!» Og alt folket sagde amen og lova Herren.

16:37  Og der, framfor Herrens sambandskista, gav han Asaf og brørne hans det yrket, at dei stendigt skulde gjera tenesta framfor kista, soleis som det var fastsett for kvar dag.

16:38  Men Obed-Edom og brørne deira var åtte og seksti i tal, og Obed-Edom Jeditunsson og Hosa sette han til dørvaktarar.

16:39  Og pesten Sadok og brørne hans, prestarne, sette han framfor Herrens hus på offerhaugen i Gibeon,

16:40  at dei stendigt skulde ofra åt Herren brennoffer på brennofferaltaret, morgon og kveld, og gjera alt det som var fyresagt i Herrens lov, som han hadde sett for Israel.

16:41  Og i lag med deim var Heman og Jedutun og dei andre utvalde som var nemnde, at dei skulde lova Herren, av di hans miskunn varer æveleg.

16:42  Og trompetarne og cymblarne åt spelemennerne vart gøymde hjå Heman og Jedutun, og like eins andre spelgogner som høyrde gudstenesta til. Og Jedutuns-sønerne gjorde han til dørvaktarar.

16:43  Deretter gjekk heile lyden heim, kvar til sitt; men David snudde heim att, vilde helsa på husfolket sitt.

Chapter 17

17:1  Ein gong David sat i huset sitt, sagde David til profeten Natan: «Sjå, eg bur i eit hus av cedertre, medan Herrens sambandskista stend under eit tjeld!»

17:2  Natan sagde til David: «Gjer alt det som du hev i hugen; for Gud er med deg.»

17:3  Men natti etterpå kom Guds ord til Natan soleis:

17:4  «Gakk og seg til David, tenaren min: «So segjer Herren: Ikkje skal du byggja meg det huset eg skal bu i.

17:5  For eg hev då ikkje butt i noko hus, alt frå den dagen då eg førde Israel upp hit, og til denne dag, anna eg hev flutt frå tjeld til tjeld, frå hus til hus.

17:6  I all den tidi eg hev fare ikring med heile Israel - hev eg då nokosinne tala so til nokon Israels domarar som eg sette til hyrding for folket mitt: «Kvi hev de ikkje bygt meg eit hus av cedertre?»»

17:7  Og no skal du segja so til David, tenaren min: «So segjer Herren, allhers drott: Frå buhagen, der du fylgte sauerne, hev eg teke deg til fyrste yver Israel, folket mitt.

17:8  Og eg hev vore med deg på alle dine vegar og rudt ut alle fiendarne dine for deg. Og eg vil gjeva deg eit namn liksom namnet åt dei største menner på jordi.

17:9  Og eg skal reida ein heimstad åt Israel, folket mitt, og planta det so det kann verta buande der, og ikkje verta uroa meir. Valdsmenner skal ikkje meir øyda det, so som i gamle dagar,

17:10  alt ifrå den tidi då eg sette domarar yver mitt folk Israel; og eg skal mykja upp alle fiendarne dine. So gjer eg no det kunnigt for deg, at Herren skal byggja deg eit hus.

17:11  Når di æva er all, og du gjeng til federne dine, då skal eg reisa upp avkjømet ditt etter deg, ein av sønerne dine, og eg skal grunnfesta kongedømet hans.

17:12  Han skal byggja eit hus åt meg; og eg skal grunnfesta kongsstolen hans til æveleg tid.

17:13  Eg skal vera far hans, og han skal vera son min, og mi miskunn skal eg ikkje taka frå honom, liksom eg tok henne frå fyremannen din.

17:14  Og skal halda honom uppe i mitt hus og i mitt rike i all æva, og kongsstolen hans skal vera grunnfest i all æva.»»

17:15  Heilt i samhøve med desse ordi og med denne syni tala då Natan til David.

17:16  Då gjekk kong David inn og sette seg ned for Herrens åsyn og sagde: «Kven er eg, Herre Gud, og kva er huset mitt, at du hev ført meg hit?

17:17  Og endå er det for lite i dine augo, Gud, du hev gjeve lovnader til huset åt tenaren um det som ligg langt fram i tidi. Ja, du hev set til meg på mannevis, so du kunde upphøgja meg, Herre Gud.

17:18  Kva skal no David meir segja til deg um den æra du hev gjort tenaren din? Du kjenner då tenaren din.

17:19  Herre, for din tenar skuld og etter ditt hjarta hev du gjort alt dette store, og kunngjort alle desse store ting.

17:20  Herre, ingen er som du, og det er ingen Gud utan du, etter alt det me hev høyrt med øyro våre.

17:21  Og kvar finst det på jordi eit einaste folk maken til ditt folk Israel, som Gud sjølv gjekk av og løyste til si eigen lyd, til eit stort og øgjelegt namn åt deg, med di du dreiv ut heidningarne for folket ditt, som du hadde fria ut or Egyptarland.

17:22  Og du hev gjort ditt folk Israel til eit folk åt deg for all æva, og du, Herre, hev vorte deira Gud.

17:23  So lat då, Herre, det standa ved lag i all æva, som du hev tala um tenaren din og hans hus; gjer so som du hev sagt!

17:24  Då skal namnet ditt haldast for traust og verta stort til æveleg tid, so dei skal segja: «Herren, allhers drott, Israels Gud, er Gud yver Israel.» Og då skal huset åt David, tenaren din, standa stødt for di åsyn.

17:25  For du, min Gud, hev openberra for tenaren din at du skal byggja honom eit hus; difor hev tenaren din våga seg til å bera denne bøni fram for deg.

17:26  Og no, Herre, du er Gud, og etter di du hev lova tenaren din denne gode ting,

17:27  so lat det no og tekkjast deg å velsigna huset åt tenaren din, so det vart verande æveleg for di åsyn. For det som du, Herre, velsignar, det er velsigna i all æva.»

Chapter 18

18:1  Ei tid etter dette vann David yverpå filistarane og lagde deim under seg, og han tok då Gat og dei bygderne som låg ikring or henderne på filistarane.

18:2  Han vann og yver moabitar, og so vart dei tenarar åt David og lagde skatt til honom.

18:3  Like eins vann David på Hadarezer, kongen i Soba, ved Hamat, då han hadde fare av stad og skulde tryggja magti si ved elvi Frat.

18:4  Og David tok ifrå honom eit tusund vognhestar og sju tusund hestfolk og tjuge tusund mann fotfolk. Og David let skjera av hasarne på alle vognhestarne og sparde berre eit hundrad hestar.

18:5  Og då syrarane frå Damaskus kom og skulde hjelpa Hadarezer, kongen i Soba, slo David tvo og tjuge tusund mann av syrarane.

18:6  Og David sette inn hervakter millom syrarane i Damaskus, og syrarane vart tenarar åt David og lagde skatt til honom. Soleis gav Herren David siger kvar helst han drog fram.

18:7  Og David tok dei gullskjoldarne som tenarane hans Hadarezer hadde bore, og førde deim til Jerusalem.

18:8  Og frå Tibhat og Kun, byarne hans Hadarezer, tok David kopar i stor mengd; av det gjorde Salomo koparhavet, sulorne og koparkjeraldi.

18:9  Då so To’u, kongen i Hamat, høyrde at David hadde slege heile heren hans Hadarezer, kongen i Soba,

18:10  sende han son sin, Hadoram, til kong David, at han skulde helsa på honom og ynskja honom til lukke med krigen mot Hadarezer og med sigeren yver kongen; for Hadarezer hadde jamt havt ufred med To’u. Han sende og alle slag kjerald av gull, sylv og kopar.

18:11  Deim og vigde kong David til Herren, sameleis som det med det sylvet og gullet han hadde ført heim frå alle andre folk: frå edomitarne, moabiterne, Ammons-sønerne, filistarane og amalekitarne.

18:12  Og Absai Serujason som slo edomitarne i Saltdalen, attan tusund mann.

18:13  So sette han vakt i Edom, og alle edomitarne vart tenarar åt David. Soleis gav Herren David siger kvar helst han for fram.

18:14  David var no konge yver heile Israel, og han skipa lov og rett åt heile sitt folk.

18:15  Joab Serujason var øvste herhovding, og Josafat Ahiludsson var kanslar.

18:16  Sadok Ahitubsson og Abimelek Abjatarsson var prestar og Savsa riksskrivar,

18:17  Benaja Jojadason var hovding yver livvakti, men Davids søner var dei fyrste ved sida åt kongen.

Chapter 19

19:1  Sidan bar det so til at Nahas, kongen åt Ammons-sønerne, døydde, og son hans vart konge etter honom.

19:2  Då sagde David: «Eg vil syna Hanun Nahasson venskap, etter di far hans syne meg venskap.» Og David skikka sendemenner til å trøysta honom i hans sorg etter faren. Tenarane hans David kom då til landet åt Ammons-sønerne, til Hanun, og vilde trøysta honom.

19:3  Då sagde hovdingarne for Ammons-sønerne til Hanun: «Trur du at David vil æra far din med det at han sender trøystarar til deg? Nei, det er til å gjera seg kjende i landet, til å øydeleggja og spæja det ut, at tenararne hans er komne til deg.»

19:4  Då tok Hanun tenararne åt David og let raka deim og skjera av klædi deira på midten rett upp åt med sætet, og let deim so fara.

19:5  Og det kom folk til David med tidend um mennerne; då sende han bod imot deim; for mennerne var groveleg svivyrde. Og kongen let segja: «Ver i Jeriko til dess skjegget dykkar er utvakse, og kom so heim att.»

19:6  Då no Ammons-sønerne skyna at dei hadde gjort David hatig på seg, sende Hanun og ammonitarne tvo og eit halvt tusund vågar sylv til å leiga seg vogner og hestfolk for frå Mesopotamia, frå Aram-Ma’aka og frå Soba.

19:7  Dei leigde seg tvo og tretti tusund vogner og dertil hjelp hjå kongen i Ma’aka og hans folk; dei kom og lægra seg framfor Medba. Ammonitarane samla seg og or byarne sine og tok ut til strid.

19:8  Då David høyrde det, sende han Joab i veg med heile heren, dei djervaste hermennerne.

19:9  Og Ammons-sønerne drog ut og fylkte seg framfor byporten; men kongarne som var komne dit, stod for seg sjølve på opi mark.

19:10  Då Joab såg at han hadde fiendar både frampå og bak, gjorde han eit utval millom det utvalde mannskapet, og so fylkte han deim imot syrarane.

19:11  Men hitt folket han gav han yver til Absai, bror sin, og dei fylkte seg beint imot ammonitarne.

19:12  Og han sagde: «I fall syrarane vinn på meg, so skal du koma meg til hjelp; og vinn Ammons-sønerne på deg, skal eg hjelpa deg.

19:13  Ver no djerv; ja, lat oss syna manndom i striden for folket vårt og for byarne åt vår Gud! Og so fær Herren gjera det som han tykkjer best.»

19:14  So gjekk Joab fram med folket sitt til strid mot syrarane, og dei rømde for honom.

19:15  Men då ammonitarne såg at syrarane rømde, so flydde dei og for Absai, bror hans, og drog seg inn i byen. Då for Joab heim til Jerusalem.

19:16  Då syrarane såg at dei hadde roke for Israel, sende dei bod til syrarane som budde på hi sida åt elvi, at dei skulde taka ut med Sofak til herførar; han var hovudsmann hjå Hadarezer,

19:17  Då David spurde dette, samla han heile Israel og gjekk yver Jordan, og då han kom fram til deim, fylkte han heren til strid imot syrarane, og so gav dei seg til å strida mot honom.

19:18  Men syrarane rømde for Israel, og David hogg ned hermennerne på sju tusund vogner og fyrti tusund mann fotfolk av syrarane; herhovdingen Sofak felte han og.

19:19  Då tenarane åt Hadarezer såg at dei hadde roke for israelitarne, gjorde dei fred med David og vart tenarane hans. Då vilde ikkje syrarane hjelpa ammonitarne meir.

Chapter 20

20:1  Året etter ved det leitet kongarne plar fara i herferd, tok Joab ut med heren og herja landet åt Ammons-sønerne. Og han kom og kringsette Rabba, medan David vart verande i Jerusalem. Og Joab tok Rabba og øydela byen.

20:2  Og David tok kruna av hovudet på kongen deira; og det vart røynt at ho vog vel tvo vågar gull, og ho var prydd med ein dyr stein. Ho vart no sett på hovudet åt David, og han førde nøgdi av herfang burt or byen.

20:3  Og folket i byen førde han ut, og sette deim ved sagerne og treskjevalsarne av jarn og øksarne. Soleis for David åt med alle ammonitbyarne. So snudde David og alt folket heim att til Jerusalem.

20:4  Sidan vart det ein strid med filistarane ved Gezer; då vann husatiten Sibbekai yver Sippai, ein av Rafa-ætlingarne; so vart dei kua.

20:5  Sidan vart det ein ny strid med filistarane på nytt lag; Elhanan Ja’irsson hogg då ned Lahmi, bror åt Goliat frå Gat, som hadde eit spjotskaft som stor-riven på ein vev.

20:6  So stod det ein strid ved Gat. Der var det ein risestor mann, som hadde seks fingrar og seks tær, fire og tjuge i alt; han og var ætta frå rafa’itarne.

20:7  Han hædde Israel; men Jonatan, son åt Simea, som var bror åt David, drap honom.

20:8  Desse var ætta frå Rafa i Gat, og dei fall for David og tenarane hans.

Chapter 21

21:1  Men Satan stod upp imot Israel og eggja David til å telja Israel.

21:2  Då sagde David til Joab og dei andre hovdingarne for folket: «Gakk av stad og tak tal på Israels-folket frå Be’erseba og alt til Dan, og gjev meg so grein, so eg fær vita kor mykje folk det er.»

21:3  Joab svara: «Gjev Herren vilde auka folket sitt hundrad gonger! Er dei då ikkje, herre konge, tenarar åt herren min alle saman? Kvifor krev du då herren min slikt? Kvifor skal ein på slik måte draga skuld yver Israel?»

21:4  Men kongens bod vart standane ved lag med alt det Joab var imot. So tok då Joab ut, og for um i heile Israel og kom so heim att til Jerusalem.

21:5  Og Joab sagde David talet som var kome ut ved folketeljingi. I heile Israel var det ein million og hundrad tusund våpnføre mann, og i Juda fire hundrad og sytti tusund.

21:6  Men Levi og Benjamin hadde han ikkje mynstra i lag med hine; for kongens ord var ei styggja for Joab.

21:7  Og Gud mislika dette verket, og han slo Israel.

21:8  Då sagde David til Gud: «Eg hev synda storleg med at eg hev gjort dette. Men forlat no tenaren din misgjerningi hans; for eg hev gjort ein stor dårskap.»

21:9  Men Herren tala til Gad, sjåaren åt David, og sagde:

21:10  «Gakk av stad og tala til David og seg: «So segjer Herren: Tri ting legg eg fram fyre deg; vel deg ein av deim, som du vil eg skal gjera imot deg!»»

21:11  Då gjekk Gad inn til David og sagde til honom: «So segjer Herren: «Vel kva for eit du vil:

21:12  anten svolt i tri år, eller manneøyding i tri månader, av di fiendarne dine søkjer åt, og du ikkje kann koma undan sverdet deira - eller Herrens sverd og drepsott i landet i tri dagar, med di Herrens engel gjer eit tjon i heile Israels land.» Tenk no etter kva svar eg skal gjeva honom som hev sendt meg!»

21:13  David svara Gad: «Eg er stadd i stor våde. Men lat meg då falla i Herrens hand; for hans miskunn er stor; men i mannehand vil eg ikkje falla.»

21:14  Då let Herren det koma ei drepsott i Israel, og det fall sytti tusund mann av Israel.

21:15  Og Gud sende ein engel mot Jerusalem til å tyna byen. Men då han heldt på med tyningi, såg Herren på det og han angra det vonde, og han sagde til engelen, tynaren: «No fær det vera nok. Tak no åt deg handi att!» Og Herrens engel stod då attmed treskjevollen hans Ornan, jebusiten.

21:16  So såg David upp og vart var Herrens engel, som stod millom jord og himmel med eit drege sverd i handi, og rette det ut yver Jerusalem. David og styresmennerne kasta seg å gruve, sveipte i sekk.

21:17  Og David sagde til Gud: «Det var då eg som baud at folket skulde teljast. Det er eg som hev synda og gjort det som gale er; men desse sauerne, kva hev dei gjort? Herre, min Gud, snu då handi di imot meg og huset åt far min, men ikkje mot folket ditt til heimsøkjing!»

21:18  Men Herrens engel bad Gad segja til David, at han skulde ganga upp og reisa eit altar åt Herren på treskjarvollen hans Ornan, jebusiten.

21:19  Og David gjekk upp etter det ordet som Gad hadde tala i Herrens namn.

21:20  Då so Ornan snudde seg ikring, fekk han sjå engelen; og dei fire sønerne hans som var hjå honom, dei gøymde seg. Men Ornan heldt just på og treskte kveite.

21:21  Og David kom til Ornan, og då Ornan såg upp og vart var honom, gjekk han fram av treskjarvollen og kasta seg å gruve på jordi for David.

21:22  Og David sagde til Ornan: «Gjev meg få den staden der du hev treskjarvollen, so eg der kann byggja eit altar for Herren. Lat meg få det mot fullt vederlag, so sotti kann stana og ikkje lenger herja folket.»

21:23  Då sagde Ornan til David: «Tak vollen, og so gjere min herre kongen det som han tykkjer er best. Sjå her gjev eg deg uksane til brennofferi og treskjesledane til ved og kveiten til grjonofferet; det gjev eg alt i hop.»

21:24  Men kong David svara Ornan: «Nei, eg vil kjøpa det for fullt vederlag; for eg vil ikkje taka åt Herren det som er ditt, og ofra brennoffer som eg hev fenge for inkje.»

21:25  So greide David åt Ornan seks hundrad lodd gull i god vegt.

21:26  Og David bygde der eit altar for Herren og ofra brennoffer og takkoffer. Og han ropa til Herren, og han svara honom med eld frå himmelen på brennofferaltaret.

21:27  Og Herren baud engelen, og han stakk sverdet sitt i slira att.

21:28  Då David såg at Herren hadde høyrt bøni hans på treskjarvollen åt jebusiten Ornan, so ofra han der i den tidi.

21:29  Men Herrens hus som Moses hadde late gjera i øydemarki, og brennofferaltaret stod den tidi på offerhaugen i Gibeon.

21:30  Men David våga ikkje å ganga dit og søkja Gud, so forfærd var han for sverdet åt Herrens engel.

Chapter 22

22:1  Og David sagde: «Her skal huset åt Herren Gud standa, og her skal altaret for Israels brennoffer vera.»

22:2  Og David sende bod at dei skulde samla dei framande som var i Israels land, og han sette steinhoggarar til å hogga steinar til byggjevyrke åt Guds hus.

22:3  Og David rådde seg nøgdi av jarn til spikar i portdørerne og til kjengar, og ei slik ovmengd med kopar at han var uvegande,

22:4  og cedertre i uteljande mengd; for Sidon- og Tyrus-buarne førde nøgdi av cedertre til David.

22:5  For David tenkte: «Salomo, son min, er ung og kløkk; men huset som skal byggjast åt Herren, bør vera ovstort, so det kann verta til gjetord og æra i alle land. Difor vil eg få til vegar vyrke åt honom.» So rådde David seg ei nøgd med vyrke fyrr han døydde.

22:6  So kalla han til seg Salomo, son sin, og bad honom byggja eit hus åt Herren, Israels Gud.

22:7  Og David sagde til Salomo, son sin: «Eg hadde sjølv tenkt meg til å byggja eit hus for namnet åt Herren, min Gud.

22:8  Men Herrens ord kom til meg soleis: «Du hev rent ut mykje blod og gjort store herferder; du skal ikkje byggja eit hus åt namnet mitt; for du hev rent ut so mykje blod på jordi for mi åsyn.

22:9  Men du skal få ein son; han skal verta ein fredsæl mann; og eg skal lata honom få fred for alle fiendarne sine rundt ikring; for Salomo skal vera namnet hans, og eg skal lata fred og ro liggja yver Israel i hans dagar.

22:10  Han skal byggja eit hus åt namnet mitt. Han skal vera son min, og eg skal vera far hans. Og eg skal grunnfesta kongsstolen hans yver Israel i all æva.»

22:11  Herren vere no med deg, son min! Du have lukka med deg, so du fær byggja huset åt Herren din Gud, soleis som han hev tala um deg.

22:12  Berre Herren vil gjeva deg visdom og skyndsemd, når han set deg yver Israel, og hjelpa deg til å halda lovi frå Herren, din Gud,

22:13  so skal du hava lukka med deg, um du kjem i hug å liva etter dei bodi og loverne som Herren hev bode Moses leggja på Israel. Ver sterk og stød; du skal ikkje ræddast og ikkje fæla.

22:14  Og trass i all mi naud hev eg no fenge fram til Herrens hus eit hundrad tusund talent gull og tusund gonger tusund talent sylv, og dertil meir kopar og jarn enn ein kann vega; so mykje er det; trevyrke og stein hev eg og rådt meg, og meir må du sjølv leggja attåt.

22:15  Arbeidsfolk hev du og nøgdi av, håndverkarar, steinhoggarar og timbremenner, og dertil allslags folk som er hage til alt anna arbeid.

22:16  Gullet, sylvet, koparen og jarnet kann ein ikkje halda rekning på. Upp då og tak fatt på verket, og Herren vere med deg!»

22:17  Deretter baud David alle hovdingarne i Israel hjelpa Salomo, son hans, og sagde:

22:18  «Herren, dykkar Gud, er då med dykk og hev gjeve dykk ro på alle sidor; for han hev gjeve i mi hand deim som fyrr budde i landet, og det er lagt under Herren og hans folk.

22:19  So vend no dykkar hjarta og hug til å søkja Herren dykkar Gud, og tak til og bygg Herren Guds heilagdom, so de kann få føra Herrens sambandskista og alt det andre som høyrer til Guds heilagdom, inn i det huset som skal byggjast åt Herrens namn.»

Chapter 23

23:1  Då David var gamall og mett av dagar, gjorde han Salomo, son sin, til konge yver Israel.

23:2  Og han samla alle hovdingarne i Israel, og prestarne og levitarne.

23:3  Og levitarne vart talde, ein for ein, dei som var tretti år gamle eller meir, og talet på alle karfolki var åtte og tretti tusund.

23:4  «Av desse,» sagde han, «skal fire og tjuge tusund standa fyre arbeidet i Herrens hus, og seks tusund skal vera formenner og domarar,

23:5  fire tusund skal vera dørvaktarar, og fire tusund skal lovsyngja Herren til dei spelgognerne som eg hev late gjera til lovsongen.»

23:6  Og David skifte deim i skift etter sønerne åt Levi: Gerson, Kehat og Merari.

23:7  Til gersonitarne høyrde Ladan og Sime’i.

23:8  Sønerne hans Ladan var Jehiel, hovdingen, Zetam og Joel, tri mann.

23:9  Sønerne hans Sime’i var Selomot og Haziel og Haran, tri; dei var hovdingarne for Ladans-ættgreinerne.

23:10  Og sønerne åt Sime’i var Jahat, Ziza og Je’us og Beria; desse fire var sønerne hans Sime’i.

23:11  Jahat var hovdingen, og Ziza var den andre. Men Je’us og Beria hadde ikkje mange born, difor vart dei rekna for ei ættgrein, ein flokk for seg.

23:12  Sønerne åt Kahat var Amram, Jishar, Hebron og Uzziel, fire.

23:13  Sønerne hans Amram var Aron og Moses. Og Aron vart utskild - han skulde vigjast til å vera høgheilag i all æva, han og sønerne hans, og skulde brenna røykjelse for Herren og tena honom og lysa velsigning i hans namn til æveleg tid.

23:14  Men sønerne åt Moses, Guds mann, vert rekna til Levi-ætti.

23:15  Sønerne åt Moses var Gersom og Eliezer.

23:16  Av Gersoms-sønerne var Sebuel hovding.

23:17  Og av Eliezer-sønerne var Rehabja hovding. Eliezer hadde ikkje fleire søner; men sønerne hans Rehabja var ovleg mange.

23:18  Av Jishars-sønerne var Selomit hovdingen.

23:19  Hebrons-sønerne var Jerija hovdingen, Amarja, var den andre, Jahaziel, den tridje, og Jekamam, den fjorde.

23:20  Av Uzziels-sønerne var Mika hovding, og Jissia den andre.

23:21  Merari-sønerne var Mahli og Musi. Sønerne hans Mahli var Eleazar og Kis.

23:22  Då Eleazar døydde, hadde han ingi søner etter seg, men berre døtter; men sønerne åt Kis, frendarne deira, gifte seg med deim.

23:23  Musi-sønerne var Mahli og Eder og Jeremot, tri.

23:24  Dette var Levi-sønerne etter ættgreinene deira, ættarhovdingarne for deim som var mynstra og innskrivne i manntalet, ein for ein, dei som kunde gjera arbeid som høyrde til tenesta i Herrens hus, og var tjuge år gamle og yver det.

23:25  For David sagde: «Herren, Israels Gud, hev gjeve folket sitt ro, og hev no bustaden sin i Jerusalem for all æva.

23:26  Difor tarv ikkje heller levitarne bera tjeldet meir, og ikkje heller alle arbeidsgognerne som er i huset.»

23:27  For etter fråsegni um Davids siste tid vart levitarne rekna frå tjugeårsalderen og uppetter.

23:28  Og dei vart sette med sida åt Arons-sønerne til tenesta i Herrens hus, i det som vedkom tuni og kovarne og rensingi av alt som heilagt var, og arbeidet med tenesta i Guds hus,

23:29  både skodebrødi og finmjølet til grjonofferet og dei usyrde tunnkakorne og takkorne og det knoda mjølet og med alt rom-mål og lengdemål.

23:30  Og kvar morgon skulde dei standa og lova og prisa Herren, og like eins kvar kveld.

23:31  Og dei skulde ofra alle brennoffer åt Herren på kviledagar og høgtiderne, so mange som fastsett var, og soleis som det var deim fyresagt, allstødt for Herrens åsyn.

23:32  Dei skulde gjera alt arbeidet som trongst ved møtetjeldet, og det som skulde gjerast ved heilagdomen, det som Arons-sønerne, brørne deira, hadde å gjera med gudstenesta i Herrens hus.

Chapter 24

24:1  Og Arons-sønerne var skipa i desse skifti: Sønerne åt Aron var Nadab og Abihu, Eleazar og Itamar.

24:2  Men Nadab og Abihu døydde fyre faren, og dei hadde ingi søner, og berre Eleazar og Itamar vart prestar.

24:3  Og David i lag med Sadok av sønerne åt Eleazar og Ahimelek av sønerne åt Itamar, skifte deim etter deira embætte i tenesta deira.

24:4  Dei kom då etter med at det var fleire hovdingar av Eleazars-sønerne enn Itamars-sønerne, og difor skipa dei det so at Eleazars-sønerne fekk sekstan hovdingar for sine ættgreiner, og Itamars-sønerne åtte for sine ættgreiner.

24:5  Og dei skifte deim med strådraging, båe hovudgreinerne; for heilagdoms-fyrstarne og gudsfyrstarne tok dei både av Eleazars-sønerne og Itamars-sønerne.

24:6  Og Semaja Netanelsson, skrivaren av Levi-ætti, skreiv deim upp medan kongen og hovdingarne og presten Sadok og Ahimelek Abjatarsson og ættarhovdingarne for prestarne og levitarne såg på; dei tok ut ei ættgrein for Eleazar og so til skiftes for Itamar.

24:7  Fyrste luten fall på Jojarib, den andre på Jedaja,

24:8  den tridje på Harim, den fjorde på Seorim,

24:9  den femte på Malkia, den sette på Mijamin,

24:10  den sjuande på Hakkos, den åttande på Abia,

24:11  den niande på Jesua, den tiande på Sekanja,

24:12  den ellevte på Eljasib, den tolvte på Jakim,

24:13  den trettande på Huppa, den fjortande på Jesebab,

24:14  den femtande på Bilga, den sekstande på Immer,

24:15  den syttande på Hezir, den attande på Happisses,

24:16  den nittande på Petahja, den tjugande på Ezekiel,

24:17  den ein og tjugande på Jakin, den tvo og tjugande på Gamul,

24:18  den tri og tjugande på Delaja og den fire og tjugande på Ma’azja.

24:19  Dette vart den skipnaden som dei skulde gjera tenesta si etter, når dei gjekk inn i Herrens hus, so som det var fyresagt deim gjenom Aron, far deira, etter det som Herren, Israels Gud, hadde sagt honom fyre.

24:20  Av dei andre Levi-sønerne høyrde Subael til Amrams-sønerne, og Jehdeja var av Subaels-sønerne.

24:21  Av Rehabja-sønerne var Jissia hovdingen;

24:22  av jisharitarne var det Selomot, og Jahat av Selomots-sønerne.

24:23  Og benajitar var Jeria, Amarja, den andre, Jahaziel, den tridje, og Jekamam, den fjorde.

24:24  Son hans Uzziel var Mika; av sønerne hans Mika var Samur.

24:25  Jissia var bror åt Mika; av Jissia-sønerne var Zakarja.

24:26  Merari-sønerne var Mahli og Musi, søner åt Ja’azia hans son.

24:27  Søner hans Merari gjenom Ja’azia, son hans, var både Soham, Zakkur og Ibri.

24:28  Son åt Mahli var Eleazar; men han hadde ingi søner.

24:29  Av sønerne åt Kis var høyrde Jerahme’el,

24:30  og sønerne åt Musi var Mahli og Eder og Jerimot. Dette var levitsøner etter ættgreinerne deira.

24:31  Dei og dro strå liksom frendarne deira, Arons-sønerne, medan kong David og Sadok og Ahimelek og ættarhovdingarne for prestarne og levitarne var til stades, hovdingen for ætti likso vel som dei yngste frendarne deira.

Chapter 25

25:1  Og David og herhovdingarne skilde ut til gudstenesta sønerne åt Asaf og Heman og Jedutun, som med profetisk eldhug spela på cithrar og harpor og cymblar, og dette er lista på dei mennerne som skulde hadde hava dette gjeremålet:

25:2  Av Asafs-sønerne Zakkur og Josef og Netanja og Asarela, Asafs-sønerne med rettleiding av Asaf, som spela med profetisk eldhug etter tilskiping av kongen;

25:3  Av Jedutun: Jedutuns-sønerne Gedalja, Seri og Jesaja, Hasabja og Mattitja, seks mann, med rettleiding av Jedutun, far deira, som med profetisk eldhug spela takkesongar og lovsongar åt Herren.

25:4  Av Heman: Hemans-sønerne Bukkia, Mattanja, Uzziel, Sebuel og Jerimot, Hananja, Hanani, Eliata, Giddalti, Romamti-Ezer, Josbekasa, Malloti, Hotir, Mahaziot.

25:5  Alle desse var søner åt Heman, som var kongens sjåar, etter den lovnaden gud hadde gjeve, at han vilde hevja upp hornet hans; difor gav Gud Heman fjortan søner og tri døtter.

25:6  Alle desse, kvar med sin far til rettleidar, greidde med songen i Herrens hus, med cymblar, harpor og cithrar, og gjorde soleis tenesta i Guds hus; kongen, Asaf, Jedutun og Heman rettleide dem.

25:7  Og talet på deim og frendarne deira, som var upplærde i songen for Herren, alle dei kunnige, det tvo hundrad og åtte og åtteti.

25:8  Og dei drog strå um kva dei skulde gjera, alle saman, den minste som den største, læraren som læresveinen.

25:9  Og den fyrste luten fall på Asaf, det vil segja på Josef; den andre vart Gedalja, han sjølv med brørne og sønerne sine, tolv i talet;

25:10  den tridje vart Zakkur, han og sønerne og brørne hans, tolv i talet;

25:11  den fjorde luten fall på Jisri med sønerne og brørne hans, tolv i talet;

25:12  den femte vart Netanja med sønerne og brørne hans, tolv i talet;

25:13  den sette vart Bukkia og sønerne og brørne hans, tolv i talet;

25:14  den sjuande vart Jesarela og sønerne og brørne hans, tolv i talet;

25:15  den åttande vart Jesaja og sønerne og brørne hans, tolv i talet;

25:16  den niande vart Mattanja og sønerne og brørne hans, tolv i talet;

25:17  den tiande vart Sime’i og sønerne og brørne hans, tolv i talet;

25:18  den ellevte vart Azarel og sønerne og brørne hans, tolv i talet;

25:19  den tolvte luten fall på Hasabja med sønerne og brørne hans, tolv i talet;

25:20  den trettande vart Subael og sønerne og brørne hans, tolv i talet;

25:21  den fjortande vart Mattitja og sønerne og brørne hans, tolv i talet;

25:22  den femtande luten fall på Jeremot med sønerne og brørne hans, tolv i talet;

25:23  den sekstande vart Hananja og sønerne og brørne hans, tolv i talet;

25:24  den syttande vart Josbekasa og sønerne og brørne hans, tolv i talet;

25:25  den attande vart Hanani og sønerne og brørne hans, tolv i talet;

25:26  den nittande vart Malloti og sønerne og brørne hans, tolv i talet;

25:27  den tjugande vart Eliata og sønerne og brørne hans, tolv i talet;

25:28  den ein og tjugande vart Hotir og sønerne og brørne hans, tolv i talet;

25:29  den tvo og tjugande vart Giddalti og sønerne og brørne hans, tolv i talet;

25:30  den tri og tjugande vart Mahaziot og sønerne og brørne hans, tolv i talet,

25:31  den fire og tjugande vart Romamti-Ezer og sønerne og brørne hans, tolv i talet.

Chapter 26

26:1  Um skifti som dørvaktarar var skifte i, er å segja: Av korahitarne var Meselemja, son åt Kore, av Asafs-sønerne.

26:2  Og Mesemlja hadde søner: Zakarja var den eldste, Jediael den andre, Zebadja den tridje, Jatniel den fjorde,

26:3  Elam den femte, Johanan den sette, Eljoenai den sjuande.

26:4  Og Obed-Edom hadde søner: Semaja var den eldste, Jozabad den andre, Joah den tridje, Sakar den fjorde, Netanel den femte,

26:5  Ammiel den sette, Issakar den sjuande, Pe’ulletai den åttande; for Gud hadde velsigna honom.

26:6  Og Semaja, son hans, fekk og søner, som vart styrarar i ætti si; for dei var duglege menner.

26:7  Sønerne hans Semaja heitte Otni og Refael og Obed, Elzabad og brørne hans, dugande menner, Elihu og Semakja.

26:8  Alle desse var ætta frå Obed-Edom, dei sjølve og sønerne og brørne deira, dugande og sterke menner i tenesta, - tvo og seksti av Obed-Edom.

26:9  Meselemja hadde og søner og brør, duglege menner, i alt attan.

26:10  Og Hosa av Merari-sønerne hadde søner: Simri var fyrstemannen - han var vel ikkje den eldste; men far hans sette honom til hovding -

26:11  Hilkia var den andre, Tebalja den tridje, Zakarja den fjorde. Alle sønerne og brørne hans Hosa var trettan.

26:12  Desse dørvaktar-skifti, det vil segja ættarhovdingarne, vart no sette til vakttenesta i Herrens hus, jamsides med frendarne sine.

26:13  Og um kvar port drog dei strå, den minste som den største, etter ættgreinene sine.

26:14  Romet ved austporten kom på Selemja; og dei drog strå for Zakarja, son hans, ein vitug rådgjevar, og etter strået vart hans rom i nord.

26:15  På Obed-Edom fall romet ved sudporten, soleis at sønerne hans fekk budi på sin part.

26:16  For Suppim og Hosa viste strået på romet i vest ved Salleket-porten, der vegen gjeng uppetter, den eine vaktposten attmed den andre.

26:17  Mot aust var det seks levitar, mot nord fire for kvar dag, mot sud fire for kvar dag, og ved budi tvo um gongen.

26:18  Ved Parbar mot vest stod fire attmed vegen, og tvo ved sjølve Parbar.

26:19  Dette var dørvaktar-skifti av korahitsønerne og av Merari.

26:20  Og av levitarne hadde Ahia-sønerne tilsyn med skattarne i Guds hus og tok vare på dei ting som var vigde åt Herren.

26:21  Sønerne åt Ladan, det vil segja gersonitsønerne av Ladans-ætti, hovdingarne for gersoniten Ladans ættgreinene var jehielitarne.

26:22  Jehielit-sønerne Zetam og Joel, bror hans, hadde tilsyn med skattarne i Guds hus.

26:23  Um amramitarne, jisharitarne, hebronitarne og ozzielitarne er det å segja:

26:24  Sebuel, son åt Gersom Mosesson, var øvste tilsynsmannen yver skattarne.

26:25  Og frendarne hans av Eliezers-ætti var Rehabja Eliezersson, og son hans heitte Jesaja, og hans son var Joram, og hans son Zikri, og hans son Selomot.

26:26  Denne Selomot og brørne hans hadde tilsyn med alt det godset som kong David og like eins ættarhovdingarne, yver- og underhovdingar og herhovdingar hadde vigt åt Herren.

26:27  Frå ufreden og av herfanget hadde dei vigt det til å halda Herrens hus i stand.

26:28  Og like eins alt det som sjåaren Samuel og Saul Kisson og Abner Nersson og Joab Serujason hadde vigt; kvar og ein som vigde noko, let Selomot og brørne hans taka vare på det.

26:29  Av jisharitarne vart Kenanja og sønerne hans sette til dei verdslege gjeremåli i Israel, til å vera tilsynsmenner og domarar.

26:30  Av hebronitarne vart Hasabja og brørne hans, syttan hundrad menner, sette til stjorn i Israel, i landet vest for Jordan, til alle slags gjeremål åt Herren og til kongen tenesta.

26:31  Til hebronitarne høyrde Jeria, hovdingen for hebronitarne etter deira ættgreiner og huslydar; i det fyrtiande styringsåret åt Davids vart dei yversedde, og det fanst då dugande folk hjå dei i Jazer i Gilead.

26:32  Brørne hans, duglege menner, var tvo tusund og sju hundrad hovud for huslydar; deim sette kong David yver rubenitarne, gaditarne og den halve Manasse-ætti, til å greida med alle Guds og kongens målemne.

Chapter 27

27:1  Og dette er Israels-sønerne, etter talet deira, med ættarhovdingarne og med herhovdingar yver tusund og hundrad og tilsynsmennerne deira, som tente kongen i alt som vedkom herflokkarne; dei herflokkarne gjekk inn og gjekk ifrå for til skiftes kvar månad i året, og kvar flokk var fire og tjuge tusund mann sterk.

27:2  Yver den fyrste skiftet, for den fyrste månaden, stod Jasobam Zabdielsson; og i hans skift var det fire og tjuge tusund mann.

27:3  Han var av Peres-sønerne og var hovding for alle hovudsmennerne den fyrste månaden.

27:4  Yver det andre månadsskiftet, stod Dodai, ahohiten; der var og fyrsten Miklot. Og i skiftet hans var fire og tjuge tusund.

27:5  Tridje herhovdingen, for den tridje månaden, var Benaja, son åt presten Jojada, yverhovding. Og i skiftet hans var fire og tjuge tusund.

27:6  Denne Benaja var ei kjempa millom dei tretti, og hovding for dei tretti. Og i hans skift var Ammizabad, son hans.

27:7  Den fjorde, som gjorde tenesta den fjorde månaden, var Asael, bror åt Joab, og etter honom Zebadja, son hans. Og i skiftet hans var fire og tjuge tusund.

27:8  Den femte, for den femte månaden, var Samhut, jizrahiten. Og i skiftet hans var fire og tjuge tusund.

27:9  Den sette, for den sette månaden, var Ira Ikkesson, frå Tekoa. Og i skiftet hans var fire og tjuge tusund.

27:10  Den sjuande, for den sjuande månaden, var peloniten Heles, av Efraims-sønerne. Og i skiftet hans var fire og tjuge tusund.

27:11  Den åttande, for den åttande månaden, var husatiten Sibbekai, som høyrde til zerahitarne. Og i skiftet hans var fire og tjuge tusund.

27:12  Den niande, for den niande månaden, var Abiezer frå Anatot, av Benjamins-ætti. Og i skiftet hans var fire og tjuge tusund.

27:13  Den tiande, for den tiande månaden, var Maharai frå Netofa, som høyrde til zerahitarne. Og i skiftet hans var fire og tjuge tusund.

27:14  Den ellevte, for den ellevte månaden, var Benaja frå Piraton, av Efraims-sønerne. Og i skiftet hans var fire og tjuge tusund.

27:15  Den tolvte, for den tolvte månaden, var Heldai frå Netofa, av Otniels-ætti. Og i skiftet hans var fire og tjuge tusund.

27:16  Og dette er ættarhovdingarne yver Israel: Jarlen for rubenitarne var Eliezer Zikrison, for simeonitarne Sefatja Ma’akason;

27:17  for Levi Hasabja Kemuelsson, for Arons-ætti Sadok,

27:18  hjå Juda Elihu, ein av David brør, for Issakar Omri Mikaelsson,

27:19  for Sebulon Jismaja Obadjason, for Naftali Jerimot Azrielsson

27:20  for Efraims-sønerne Hosea Azazjason, for den halve Manasse-ætti Joel Pedajason,

27:21  for den halve Manasse-ætti i Gilead Jiddo Zakarjason, for Benjamin Ja’asiel Abnersson,

27:22  for Dan Azarel Jerohamson. Dette var ættarhovdingarne i Israel.

27:23  Men David tok ikkje tal på deim som var yngre enn tjuge år; for Herren hadde sagt at han vilde auka Israel so dei vart mange som stjernorne på himmelen.

27:24  Joab Serujason tok til å telja, men fullførde det ikkje; for det kom vreide yver Israel for telgjingi skuld, og talet vart ikkje uppsett på nokor lista i kong Davids krønikebok.

27:25  Azmavet Adielsson hadde tilsyn med skattarne åt kongen, og Jonatan Uzziason med forrådi på marki, i byarne og bygderne og borgerne.

27:26  Og Ezri Kelubsson såg til med onne-arbeidarane, som dreiv med jordbruket.

27:27  Sime’i frå Rama vart sett yver vinhagarne, og Zabdi, sifmiten, yver vinforrådi i vinhagarne.

27:28  Ba’al-Hanan frå Gedera hadde tilsyn med oljeplantningarne og fiketrei i låglandet, og Joas med oljeforrådi,

27:29  og Sitrai frå Saron såg til med det storfeet som beitte i Saron, og Safat Adlaison med storfeet i dalarne,

27:30  ismaeliten Obil med kamelarne, Jehdeja frå Meronot med asnorne,

27:31  og hagariten Jaziz med småfeet. Alle desse var tilsynsmenner yver eigorne åt kong David.

27:32  Men Jonatan, farbror åt David, var rådgjevar; han var ein vitug og skriftlærd mann. Jehiel Hakmonison var hjå kongssønerne.

27:33  Ahitofel var rådgjevaren åt kongen, og Husai, arkiten, var kongens ven.

27:34  Etter Ahitofel kom Jojada Benajason og Abjatar. Og Joab var kongens herhovding.

Chapter 28

28:1  Og David kalla i hop alle Israels hovdingar til Jerusalem, ættarhovdingarne, hovdingarne yver herskifti som tente kongen, og hovudsmennerne yver tusund og yver hundrad, og tilsynsmennerne yver all eiga og buskapen åt kongen og sønerne hans, og dertil hirdmennerne og kjemporne og alle djerve hermenner.

28:2  Og kong David reis upp og sagde: «Høyr på meg, brørne mine, og folket mitt! Eg hadde tenkt meg til å byggja eit hus til kvilestad for Herrens sambandskista og for fotskammelen åt vår Gud, og eg hadde rådt meg byggjevyrke.

28:3  Men Gud sagde til meg: «Du skal ikkje byggja eit hus for namnet mitt; for du er ein hermann og hev rent ut blod.»

28:4  Men Herren, Israels Gud, valde like vel meg ut or heile farsætti mi til å vera konge yver Israel i all æva; for Juda valde han ut til å vera fyrste, og or Judas hus min fars hus, og millom sønerne åt far min hadde han hugnad i meg, og gjorde meg til konge yver Israel.

28:5  Og av alle sønerne mine - for Herren hev gjeve meg mange søner - valde han ut Salomo, son min, til å sitja i Herrens kongsstol yver Israel.

28:6  Og han sagde til meg: «Salomo, son din, er den som skal byggja huset mitt og fyregardarne mine; for honom hev eg kåra ut til son min, og eg skal vera far hans.

28:7  Og eg skal grunnfesta kongedømet hans for all tid, i fall han er stød til å halda bodi og loverne mine liksom no.»

28:8  Og no segjer eg framfor heile Israel, Herrens lyd, og for vår Gud, som høyrer det: «Haldt alle bodi frå Herren, dykkar Gud, og spør etter deim, so de kann få hava dette gode landet og lata det ganga i arv åt borni dykkar til æveleg tid!»

28:9  Og du Salomo, son min, lær å kjenna far din’s Gud, og å tena honom med heilt hjarta og viljug sjæl! For Herren ransakar alle hjarto og skynar alt det som rører seg i tankarne. Um du søkjer Herren, so let han deg finna honom; men vender du deg frå honom, so støyter han deg frå seg for æveleg.

28:10  So sjå deg no fyre; for Herren hev kåra deg ut til å byggja eit hus åt heilagdomen. Ver sterk og tak fat på verket!»

28:11  Og David gav Salomo, son sin, eit bilæte av forhalli og tempelbygnaderne og buderne, yversalarne og innromi og romet åt nådestolen,

28:12  og eit bilæte av alt det som leika i hugen hans, av tuni åt Herrens hus, og alle kovarne rundt ikring for skattarne som høyrde Guds hus til, og for dei ting som var vigde åt Herren,

28:13  og fyreskrifter um presteskifti og levitskifti og um all tenesta i Herrens hus, og um alle kjeraldi som skulde brukast ved gudstenesta i Herrens hus,

28:14  og um gullet med uppgåva på den gullvegti som kvart kjerald til gudstenesta heldt, og um all sylvkjerald med uppgåva på vegti som kvart kjerald til tenesta heldt.

28:15  Og han gav upp vegti på gull-ljosestakarne med gull-lamporne som til høyrde, serskilt for kvar stake og lampa, og vegti på kvar sylvljosestake med lamporne som til høyrde, etter det kvar stake skulde brukast til,

28:16  like eins vegti på gullet til skodebrødsbordi, kvart bord for seg, og sylvet til sylvbordi.

28:17  Og han gav honom fyreskrifter um gaflarne og skålerne og kannorne av skirt gull, og um gullstaupi og sylvstaupi, og gav upp vegti på kvart gullstaup og sylv staup,

28:18  og um røykjelsealtaret av reinsa gull etter vegt, og eit bilæte av vogni, gullkerubarne som breidde ut vengjerne og hylde Herrens sambandskista.

28:19  «Um alt dette,» sagde David, «som skal gjerast etter bilæte, hev Herren rettleidt meg i ei skrift frå si hand.»

28:20  Og David sagde til Salomo, son sin: «Ver sterk og stød og tak fat på verket; du skal ikkje ræddast og ikkje fæla. For Gud Herren, min Gud, skal vera med deg. Han vil ikkje sleppa deg og slå handi av deg, fyrr det er fullført, alt arbeidet som skal gjerast for tenesta i Herrens hus.

28:21  Og sjå, her er alle skifti av prestar og levitar, som skal gjera allskyns tenesta i Guds hus. Og til alt som skal gjerast, hev du hjå deg alle slag folk som er viljuge og hev fenge visdom til alle slag arbeid; dessutan er hovdingarne og alt folket reiduge til alt det du segjer deim fyre.»

Chapter 29

29:1  Og kong David sagde til heile lyden: «Salomo, son min, den einaste Gud hev valt ut, er ung og kløkk, og arbeidet er stort; for denne borgi er ikkje etla til eit menneskje, men til Gud Herren.

29:2  Men det meste eg hev kunna, hev eg, åt huset for min Gud, rådt meg gull til det som skal vera av gull, sylv til det som skal vera av sylv, kopar til det som skal vera av kopar, jarn til det som skal vera av jarn, og tre til det som skal vera av tre, dessutan sjohamsteinar og andre innfellingssteinar, svartblanke og brokute steinar, stutt sagt allskyns dyre steinar og marmorstein i mengd.

29:3  Og etter di eg tykkjer um Guds hus, gjev eg dessutan det eg eig av gull og sylv til min Guds hus umfram alt det eg hev rådt meg åt det heilage huset,

29:4  tri tusund talent gull, Ofir-gull, og sju tusund talent reinsa sylv, so dei kann klæda veggjerne i husi med det,

29:5  og gjera alle dei ting som skal vera av gull, og deim som skal vera av sylv, ja, all slags arbeid som kunstmenner kann gjera. Vil då nokon annan no i dag godvilljugt fylla handi si med gåvor åt Herren?»

29:6  Dei kom då friviljugt, hovdingarne for ættgreinerne og Israels ættarhovdingar, og hovdingarne yver tusund og yver hundrad og formennerne yver kongens arbeid.

29:7  Og dei gav til arbeidet på Guds hus fem tusund talent og femti tusund dalar gull, ti tusund talent sylv, attan tusund talent kopar og eit hundrad tusund talent jarn.

29:8  Og kvar og ein som hadde dyre steinar i sitt eige, gav deim til skatten i Herrens hus, som gersoniten Jehiel hadde i varveitsla.

29:9  Og folket gledde seg yver at dei gav unøydde; for av heile sitt hjarta kom dei friviljugt med gåvorne sine åt Herren; kong David og gledde seg storom.

29:10  Og David lova Herren framfor heile lyden; David sagde: «Lova vere du, Herre, du Gud åt far vår Israel, frå æva til æva!

29:11  Deg, Herre, høyrer stordomen til og velde og æra og bragd og herlegdom, ja, alt som i himmelen og på jordi er; ditt er riket, Herre, og du hev hevja deg upp til eit hovud yver alt.

29:12  Rikdom og æra kjem frå deg, du råder yver alt, og i di hand er kraft og velde; det stend i di hand å gjera alt stort og sterkt.

29:13  So prisar me deg no, vår Gud, og lover ditt herlege namn.

29:14  For kven er eg, og kva er folket mitt, at me sjølve skulde evla å gjeva slike gåvor friviljugt? Nei, frå deg kjem alt, og or di hand hev me gjeve deg det.

29:15  For me er framande for di åsyn, og gjester som alle våre feder; som ein skugge er våre dagar på jordi, og utan von.

29:16  Herre, vår Gud, all denne midelen som me hev rådt oss, so me kunde byggja deg eit hus for det heilage namnet ditt - frå di hand er han komen, og ditt er alt i hop.

29:17  Og eg veit, min Gud, at du ransakar hjarto og hev hugnad i det som rett er. Med ærlegt hjarta hev eg bore fram alle desse gåvorne sjølvviljugt, og no hev eg set med gleda korleis folket ditt, som her stend, hev sjølvviljugt bore fram åt deg gåvorne sine.

29:18  Herre, Abrahams, Isaks og Israels Gud, fedreguden vår, lat hugen og tankarne hjå folket ditt allstødt vera viljuge til slike ting, og vend hjarto deira til deg!

29:19  Og gjev Salomo, son min, eit heilt hjarta til å fylja bodi, loverne og fyreskrifterne dine, og gjera alt dette, og byggja den borgi som eg hev gjort fyrebuingar til!»

29:20  So sagde David til heile lyden: «Lova Herren, dykkar Gud!» Og heile lyden lova Herren, fedreguden sin, og kasta seg ned å gruve for Herren og for kongen.

29:21  Og andre dagen slagta dei slagtoffer og ofra brennoffer åt Herren: tusund uksar, tusund verar og tusund lamb med dei drykkofferi som til høyrde, og ei stor mengd med slagtoffer for heile Israel.

29:22  Og dei åt og drakk for Herrens åsyn på den dagen med stor gleda. Og dei gjorde Salomo, son åt David, andre gongen til konge; dei salva honom til ein fyrste for Herren, og Sadok til prest.

29:23  Og Salomo konge sat då konge i Herrens kongsstol etter David, far sin, og var lukkeleg, og heile Israel lydde honom.

29:24  Og alle hovdingarne og kjemporne, og dessutan alle sønerne åt kong David gav seg under kong Salomo.

29:25  Og Herren gjorde Salomo ovleg stor for augo åt heile Israel og gav honom ein kongeleg herlegdom som ingen konge i Israel fyre honom hadde havt.

29:26  Men David, son åt Isai, hadde rådt yver heile Israel.

29:27  Den tidi han var konge yver Israel, var fyrti år; i Hebron styrde han i sju år, og i Jerusalem styrde han i tri og tretti år.

29:28  Og han døydde i ein god alderdom, mett av dagar og rikdom og æra. Og Salomo, son hans, vart konge i staden hans.

29:29  Og soga um kong David frå upphavet til enden, ho er uppskrivi i krønikeboki åt sjåaren Samuel, i krønikeboki åt profeten Natan og i krønikeboki åt sjåaren Gad.

29:30  Der er og fortalt um heile styringi hans, og um storverki hans, og den lagnad som kom yver honom og Israel og alle andre land og rike.