TpiKJPB - Job

Chapter 1

1:1  ¶ I gat wanpela man i stap long hap Us, husat nem bilong en em Jop. Na dispela man em i inap tru na stretpela, na wanpela husat i pret long God, na i ranawe long pasin nogut.

1:2  Na meri bilong em i karim long em sevenpela pikinini man na tripela pikinini meri.

1:3  Kago bilong em tu em 7,000 sipsip, na 3,000 kemel, na 500 yok bulmakau man, na 500 donki meri, na wanpela bikpela hauslain tru, inap long dispela man em i bikpela moa long olgeta man bilong hap is.

1:4  ¶ Na ol pikinini man bilong em i go na kaikai bikpela kaikai long ol haus bilong ol, olgeta wan wan long de bilong em. Na ol i salim tok na singautim tripela susa bilong ol bilong kaikai na dring wantaim ol.

1:5  Na em i stap olsem, taim ol de bilong kaikai ol bikpela kaikai bilong ol i go pinis nabaut, long Jop i salim na mekim ol i kamap holi, na em i kirap long moning tru, na ofaim ol ofa i kuk olgeta bilong bihainim namba bilong ol olgeta. Long wanem, Jop i tok, Nogut i stap olsem long ol pikinini man bilong mi i bin mekim sin, na toknogutim God insait long ol bel bilong ol. Olsem tasol Jop i mekim olgeta taim.

1:6  ¶ Nau i gat wanpela de taim ol pikinini man bilong God i kam bilong soim ol yet long ai bilong BIKPELA, na Seten i kam tu namel long ol.

1:7  Na BIKPELA i tokim Seten, Yu kam long we? Nau Seten i bekim BIKPELA, na tok, Long wok long go i kam long dispela graun, na bilong wokabaut antap na daunbilo long en.

1:8  Na BIKPELA i tokim Seten, Ating yu bin tingim na skelim wokboi bilong Mi Jop, long i no gat wanpela i olsem em long dispela graun, wanpela man i inap tru na wanpela stretpela man, wanpela husat i pret long God, na ranawe long pasin nogut?

1:9  Nau Seten i bekim BIKPELA, na tok, Ating i yes long Jop i pret long God nating?

1:10  Ating i yes long Yu bin wokim wanpela banis long liklik bus raun nabaut long em, na raun nabaut long hauslain bilong em, na raun nabaut long olgeta samting em i gat long olgeta wan wan sait? Yu bin blesim wok bilong tupela han bilong em, na kago bilong em i kamap planti moa long dispela hap.

1:11  Tasol putim han bilong Yu ausait nau, na tasim olgeta samting em i gat, na em bai toknogutim Yu long pes bilong Yu.

1:12  Na BIKPELA i tokim Seten, Lukim, olgeta samting em i gat i stap long pawa bilong yu. Antap long em yet tasol yu no ken putim han bilong yu i go ausait. Olsem na Seten i go ausait i lusim pes bilong BIKPELA.

1:13  ¶ Na i gat wanpela de taim ol pikinini man bilong em na ol pikinini meri bilong em i kaikai na dringim wain insait long haus bilong brata i bikpela moa bilong ol.

1:14  Na i gat wanpela mausman i kam long Jop, na tok, Ol bulmakau man i brukim graun, na ol donki i kaikai klostu long ol.

1:15  Na ol lain Siba i pundaun antap long ol, na kisim ol i go. Yes, ol i bin kilim i dai ol wokboi wantaim sap bilong bainat. Na mi wanpela tasol i ranawe pinis bilong tokim yu.

1:16  Taim em i toktok yet, i gat i kam tu narapela, na tok, Paia bilong God i pundaun long heven, na i bin kukim olgeta ol sipsip, na ol wokboi, na kaikai ol olgeta. Na mi wanpela tasol i ranawe pinis bilong tokim yu.

1:17  Taim em i toktok yet, i gat i kam tu narapela, na tok, Ol lain Kaldia i wokim tripela liklik ami, na pundaun antap long ol kemel, na ol i bin karim ol i go, yes, na kilim i dai ol wokboi wantaim sap bilong bainat. Na mi wanpela tasol i ranawe pinis bilong tokim yu.

1:18  Taim em i toktok yet, i gat i kam tu narapela, na tok, Ol pikinini man bilong yu na ol pikinini meri bilong yu i kaikai na dringim wain insait long haus bilong brata i bikpela moa bilong ol.

1:19  Na, lukim, i gat wanpela bikpela win i kam long ples i no gat man, na paitim fopela kona bilong haus, na em i pundaun antap long ol yangpela man, na ol i dai pinis. Na mi wanpela tasol i ranawe pinis bilong tokim yu.

1:20  ¶ Nau Jop i kirap, na brukim saket bilong em, na sevim het bilong em, na pundaun antap long graun, na lotu,

1:21  Na tok, Skin nating mi kam ausait long bel bilong mama bilong mi, na skin nating bai mi go bek long hap. BIKPELA i givim, na BIKPELA i bin tekewe. Blesing i stap long nem bilong BIKPELA.

1:22  Long olgeta dispela Jop i no mekim sin, o putim asua long God olsem krankiman.

Chapter 2

2:1  ¶ Na gen i gat wanpela de taim ol pikinini man bilong God i kam bilong soim ol yet long ai bilong BIKPELA, na Seten i kam tu namel long ol bilong soim em yet long ai bilong BIKPELA.

2:2  Na BIKPELA i tokim Seten, Yu kam long we? Nau Seten i bekim BIKPELA, na tok, Long wok long go i kam long dispela graun, na bilong wokabaut antap na daunbilo long en.

2:3  Na BIKPELA i tokim Seten, Ating yu bin tingim na skelim wokboi bilong Mi Jop, long i no gat wanpela i olsem em long dispela graun, wanpela man i inap tru na wanpela stretpela man, wanpela husat i pret long God, na i ranawe long pasin nogut? Na yet em i holim strong pasin holi bilong em, maski yu bin kirapim Mi long birua long em, bilong bagarapim em nating olgeta.

2:4  Na Seten i bekim BIKPELA, na tok, Skin bilong senisim skin, yes, olgeta samting wanpela man i gat bai em i givim bilong lukautim laip bilong em.

2:5  Tasol nau putim han bilong Yu i go ausait nau, na tasim bun bilong em na bodi bilong em, na em bai toknogutim Yu long pes bilong Yu.

2:6  Na BIKPELA i tokim Seten, Lukim, em i stap long han bilong yu, tasol holim bek laip bilong em.

2:7  ¶ Olsem na Seten i go ausait i lusim pes bilong BIKPELA, na paitim Jop wantaim ol buk i nogut moa i stat long as bilong fut bilong em i go inap long antap tru bilong het bilong em.

2:8  Na em i kisim bilong em wanpela hap sospen graun i bruk bilong skirapim em yet olgeta. Na em i sindaun namel long ol sit bilong paia.

2:9  Nau meri bilong em i tokim em, Ating yu holim yet pasin holi bilong yu? Toknogutim God, na dai.

2:10  Tasol em i tokim meri, Yu toktok olsem wanpela bilong ol krankimeri i toktok. Wanem? Ating yumi bai kisim gutpela samting long han bilong God, na ating i yes long yumi i bai kisim samting nogut? Long olgeta dispela, Jop i no mekim sin wantaim ol lip bilong maus bilong em.

2:11  ¶ Nau taim tripela wantok bilong Jop i harim long olgeta dispela samting nogut, dispela i kam antap long em, ol i kam, olgeta wan wan long ples bilong em yet, man Timan Elifas, na man Suak Bildat, na man Neman Sofar. Long wanem, ol i bin makim wanpela taim wantaim bilong kam bilong soim sori wantaim em na bilong givim bel isi long em.

2:12  Na taim ol i litimapim ol ai bilong ol longwe, na ol i no save long em, ol i litimapim nek bilong ol, na krai tru. Na ol i brukim, olgeta wan wan, saket bilong em, na tromoi das isi isi antap long ol het bilong ol i go long heven.

2:13  Olsem na ol i sindaun wantaim em antap long graun sevenpela de na sevenpela nait, na i no gat wanpela i tokim wanpela hap tok long em. Long wanem, ol i luksave long bel sori bilong em em i bikpela tru.

Chapter 3

3:1  ¶ Bihain long dispela Jop i opim maus bilong em na toknogutim de bilong em.

3:2  Na Jop i toktok, na tok,

3:3  Larim dispela de i dai olgeta we mama i bin karim mi long en, na nait long ol i bin tok, Wanpela meri i gat bel long wanpela pikinini man.

3:4  Larim dispela de stap tudak. No ken larim God i tingting planti long en long antap, o larim lait i lait antap long en tu.

3:5  Larim tudak na tewel bilong dai bagarapim kala bilong en. Larim wanpela klaut stap antap long en. Larim blakpela bilong de i pretim dispela nogut tru.

3:6  Long sait bilong dispela nait, larim tudak i holimpas dispela strong. No ken larim dispela bung long ol de bilong yia, no ken larim dispela i kam insait long namba bilong ol mun.

3:7  Harim, larim dispela nait stap wanpis, no ken larim nek bilong amamas tru i kam insait long en.

3:8  Larim ol i toknogutim dispela husat i toknogutim dispela de, husat i redi long kirapim soim sori bilong ol.

3:9  Larim ol sta bilong apinun tru bilong en stap tudak. Larim dispela i painim lait, tasol em i no ken gat sampela. Na tu larim dispela i no ken lukim kirap bilong de.

3:10  Bilong wanem, em i no pasim ol dua bilong bel bilong mama bilong mi, o haitim bel hevi long tupela ai bilong mi.

3:11  ¶ Bilong wanem mi no bin dai long bel bilong mama? Bilong wanem mi no bin lusim spirit taim mi kam ausait long bel?

3:12  Bilong wanem tupela skru bilong lek i go pas long mi? O bilong wanem tupela bros, long mi ken pulim susu?

3:13  Long wanem, nau mi bin slip isi na stap isi, mi bin slip. Nau mi bin stap long malolo,

3:14  Wantaim ol king na ol man bilong givim tok helpim bilong dispela graun, husat i wokim ol ples i stap nating olgeta bilong ol yet,

3:15  O wantaim ol hetman husat i gat gol, husat i pulimapim ol haus bilong ol wantaim silva,

3:16  O olsem wanpela karim hait na i no taim bilong en, mi no bin stap, olsem ol bebi tru husat i no bin lukim lait.

3:17  Long dispela hap ol man nogut i lusim pasin bilong givim wari. Na long dispela hap ol man i pilim les tru i stap long malolo.

3:18  Long dispela hap ol kalabusman i malolo wantaim. Ol i no harim nek bilong man bilong givim hevi.

3:19  Man nating na bikman i stap long dispela hap. Na wokboi i fri long bikman bilong em.

3:20  ¶ Olsem wanem na God i givim lait long em husat i stap long hevi nogut, na laip i go long man husat tewel bilong em i bagarap tru,

3:21  Husat i krai bilong dai, tasol em i no kam, na digim long en moa long ol samting i dia tru i hait,

3:22  Husat i wokim amamas tru planti moa yet, na stap amamas, taim ol i ken painim pinis matmat?

3:23  Bilong wanem God i givim lait long wanpela man husat rot bilong em i stap hait, na husat God i bin banisim insait wantaim liklik bus?

3:24  Long wanem, pasin bilong lusim win bilong soim wari bilong mi i kam bipo mi kaikai, na bikpela krai bilong mi i kapsait olsem ol wara.

3:25  Long wanem, dispela samting mi pretim bikpela em i kam antap long mi, na dispela samting mi pretim em i kam long mi.

3:26  Mi no stap orait, na tu mi no bin malolo, na tu mi no stap isi, tasol trabel i kam.

Chapter 4

4:1  ¶ Nau man Teman Elifas i bekim na tok,

4:2  Sapos mipela laik traim long stori wantaim yu, ating yu bai soim bel sori? Tasol husat i ken holim bek em yet long toktok?

4:3  Lukim, yu bin skulim planti, na yu bin strongim ol han i no gat strong.

4:4  Ol toktok bilong yu i bin holim man antap husat i wok long pundaun, na yu bin strongim ol skru bilong lek i no gat strong.

4:5  Tasol nau dispela em i kam antap long yu, na yu wok long hap i dai. Dispela i tasim yu, na yu pilim wari.

4:6  Ating i yes long dispela em i pret bilong yu, strongpela bilip bilong yu, hop bilong yu, na stretpela pasin bilong ol rot bilong yu?

4:7  ¶ Holim tingting, mi askim yu plis, husat i bin dai olgeta, taim em i no bin mekim rong? O God i rausim olgeta ol stretpela man we?

4:8  Yes, olsem mi bin lukim, ol husat i brukim graun wantaim sin nogut, na planim pasin nogut, ol i kamautim wankain.

4:9  Long pairap bilong God ol i dai olgeta, na long win bilong nus bilong Em Em i kaikai ol olgeta.

4:10  Bikpela krai bilong laion, na nek bilong laion i strong tru, na ol tit bilong ol yangpela laion, i bruk.

4:11  Lapun laion i dai olgeta bikos em i sot long abus, na ol pikinini bilong strongpela laion i bruk nabaut ausait.

4:12  ¶ Nau wanpela samting hait ol i bringim long mi, na ia bilong mi i kisim liklik long en.

4:13  Long ol tingting bilong ol driman samting bilong nait, taim slip i dip tru i pundaun antap long ol man,

4:14  Pret i kam antap long mi, na pasin guria, dispela i mekim olgeta bun bilong mi long seksek.

4:15  Nau wanpela spirit i wokabaut long fran bilong pes bilong mi. Gras bilong bodi bilong mi i sanap.

4:16  Em i sanap isi, tasol mi no inap klia tru long kain olsem bilong en. Wanpela piksa i stap long ai bilong tupela ai bilong mi, i no gat nois, na mi harim wanpela nek, i spik,

4:17  Ating ol man i ken dai bai stap stretpela moa long God? Ating wanpela man bai stap klin moa long Man i wokim em?

4:18  Lukim, Em i no putim bilip long ol wokboi bilong Em. Na ol ensel bilong En Em i kotim long longlong pasin bilong ol.

4:19  Hamas liklik moa long ol husat i stap long ol haus bilong retpela graun, husat as ston bilong ol i stap long das, dispela ol i krungutim long ai bilong bataplai bilong nait.

4:20  Ol i bagarapim ol olgeta i stat long moning i go long apinun tru. Ol i dai olgeta bilong oltaim oltaim na i no gat wanpela i bin tingting planti long dispela.

4:21  Ating i yes long dispela nambawan pasin tru bilong ol i stap insait long ol i ranawe? Ol i dai, yes, na ol i no gat save tru.

Chapter 5

5:1  ¶ Singaut nau, sapos i gat wanpela husat bai bekim yu. Na bilong husat bilong ol seint bai yu tanim i go long em?

5:2  Long wanem, belhat tru i kilim i dai krankiman, na pasin mangal i kilim i dai man husat i no yusim save.

5:3  Mi bin lukim ol krankiman i putim rop daunbilo. Tasol wantu mi toknogutim ples em i stap.

5:4  Ol pikinini bilong em i stap longwe long stap orait, na ol i krungutim ol long dua bilong banis, na tu i no gat wanpela bilong kisim bek ol.

5:5  Husat ol kamautim bilong ol ol man i hangre i kaikai olgeta, na kisim dispela, yes, ausait long ol nil, na raskol stilman i daunim kago bilong ol olsem kaikai.

5:6  ¶ Maski ol hevi i no kam ausait long das, o trabel i no sut i kam ausait long graun tu,

5:7  Yet mama i karim man bilong go long trabel, olsem ol spak bilong paia i flai i go antap.

5:8  Mi gat laik long painim God, na mi gat laik long putim wari bilong mi long han bilong God,

5:9  Husat i mekim ol bikpela samting na samting yumi i no inap painimaut tru, ol samting i mekim ol man tingting planti i no gat namba bilong ol,

5:10  Husat i givim ren antap long dispela graun, na salim ol wara antap long ol ples kunai,

5:11  Bilong sanapim antap ol husat i stap daunbilo, inap long ol husat i soim sori, God i ken litimapim ol long stap orait.

5:12  Em i mekim ol plen bilong ol trikman i no kamap, inap long ol han bilong ol i no inap wokim ol wok bilong ol.

5:13  Em i kisim ol saveman long ol trik bilong ol. Na tok helpim ol bikhet man i givim ol i oraitim taim ol i no tingting gut pastaim.

5:14  Ol i bung wantaim tudak long taim bilong san, na painim painim rot long belo stret olsem ol i stap long nait.

5:15  Tasol Em i kisim bek rabisman long bainat, long maus bilong ol, na long han bilong strongpela man.

5:16  Olsem na rabisman i gat hop, na sin nogut i pasim maus bilong em yet.

5:17  ¶ Lukim, amamas i stap long man husat God i stretim. Olsem na yu no ken tingim olsem stikim bilong Man i Gat Olgeta Strong em i samting nating.

5:18  Long wanem, Em i mekim pen i kamap, na pasim dispela gut. Em i bagarapim, na ol han bilong Em i mekim i orait olgeta.

5:19  Em bai kisim bek yu long sikispela trabel. Yes, long sevenpela bai i no gat samting nogut i ken tasim yu.

5:20  Long taim hangre Em bai baim bek yu long dai, na long bikpela pait, long pawa bilong bainat.

5:21  Yu bai stap hait long wip bilong tang. Na tu yu no inap pretim bagarap olgeta taim dispela i kam.

5:22  Long taim bilong bagarap olgeta na taim hangre yu bai lap. Na tu bai yu no inap pret long ol animal bilong dispela graun.

5:23  Long wanem, yu bai gat kontrak bilong bel isi wantaim ol ston bilong ples kunai. Na ol animal bilong ples kunai bai stap bel isi wantaim yu.

5:24  Na yu bai save long haus holi bilong yu bai stap long bel isi. Na yu bai go lukim ples bilong stap bilong yu, na yu no bai sin.

5:25  Yu bai save tu long tumbuna pikinini bilong yu bai stap bikpela, na ol pikinini i kamaut long yu bai stap olsem gras bilong dispela graun.

5:26  Yu bai kam long matmat bilong yu wantaim ol krismas i pulap, olsem wanpela han bilong wit samting i kam insait long taim bilong en.

5:27  Harim dispela, mipela i bin painimaut tru dispela, olsem tasol em i stap. Harim dispela, na yu save long en bilong helpim yu.

Chapter 6

6:1  ¶ Tasol Jop i bekim na tok,

6:2  O sapos ol i ken skelim olgeta hap bilong bel sori bilong mi, na bikpela hevi bilong mi ol i ken putim long ol skel wantaim!

6:3  Long wanem, nau em bai stap hevi moa long wesan bilong biksi. Olsem na ol toktok bilong mi ol i daunim olsem kaikai.

6:4  Long wanem, ol spia bilong Man i Gat Olgeta Strong i stap insait long mi, we marasin nogut bilong en i dringim spirit bilong mi. Ol pret nogut tru bilong God i putim ol yet long lain i birua long mi.

6:5  Ating wail donki i save krai taim em i gat gras? O bulmakau man i save krai strong antap long kaikai bilong em?

6:6  Ol man i ken kaikai dispela samting i no swit taim i no gat sol? O ating i gat wanpela test long waitpela bilong kiau?

6:7  Ol dispela samting tewel bilong mi i tok nogat long tasim i stap olsem kaikai bilong mi i gat bel hevi.

6:8  ¶ O sapos mi ken kisim askim bilong mi, na long God i ken givim mi dispela samting mi gat laik tru long kisim!

6:9  Yes, long em i ken amamasim God long bagarapim mi olgeta, long Em i ken lusim han bilong Em, na rausim mi i go!

6:10  Nau mi ken kisim yet bel isi. Yes, Mi ken mekim mi yet kamap olsem ston long bel hevi. Larim Em i no ken soim sori. Long wanem, mi no bin haitim ol toktok bilong dispela Man Holi.

6:11  Strong bilong mi em i wanem, inap long mi ken hop? Na pinis bilong mi em i wanem, inap long mi ken mekim laip bilong mi i ken go yet?

6:12  Ating strong bilong mi em i strong bilong ol ston? O ating bodi bilong mi em i bras?

6:13  Ating i yes long help bilong mi i stap insait long mi? Na ating Em i bin ranim save tru i go longwe long mi?

6:14  ¶ Long em husat i kisim hevi, pren bilong em i mas soim sori. Tasol em i givim baksait long pret long Man i Gat Olgeta Strong.

6:15  Ol brata bilong mi i bin wokim giaman olsem wanpela liklik wara, na olsem wara bilong ol liklik wara, ol bai pinis olgeta,

6:16  Dispela i blakpela liklik bikos ais i stap, na em i ples we ais i hait insait long en.

6:17  Wanem taim ol i wok long kamap hatpela liklik, ol i go pinis olgeta. Taim em i hat, hat i kaikai ol olgeta ausait long ples bilong ol.

6:18  Ol liklik rot bilong rot bilong ol i tanim long sait. Ol i go long nating, na dai olgeta.

6:19  Ol liklik ami bilong Tema i lukluk, ol lain ami bilong Siba i wetim ol.

6:20  Ol i paul tru, bilong wanem, ol i bin hop. Ol i kam long dispela hap, na ol i sem.

6:21  Long wanem, nau yupela i stap samting nating. Yupela i lukim tromoi i go daun bilong mi, na yupela i pret.

6:22  ¶ Ating mi bin tok, Bringim long mi? O, Givim wanpela pe long mi bilong kago bilong yu?

6:23  O, Kisim bek mi long han bilong ol birua? O, Baim bek mi long han bilong strongpela man?

6:24  Skulim mi, na mi bai pasim tang bilong mi. Na mekim mi long kisim save we mi bin lusim rot.

6:25  Ol stretpela toktok i gat strong olsem wanem! Tasol ol tok pait bilong yupela i pruvim wanem?

6:26  Ating yupela tingting nating long stretim ol toktok, na ol toktok bilong wanpela husat gat traipela nid, dispela i stap olsem win?

6:27  Yes, yupela i karamapim na winim ol pikinini i no gat papa, na yupela digim wanpela bikpela hul bilong pren bilong yupela.

6:28  Olsem na nau tok em inap, lukluk long mi. Long wanem, em i klia long yupela sapos mi giaman.

6:29  Tanim i go bek, mi askim yupela plis, no ken larim dispela i stap sin nogut. Yes, tanim i go bek gen, stretpela pasin bilong mi i stap insait long en.

6:30  Ating i gat sin nogut long tang bilong mi? Ating i yes long tang bilong mi i ken klia tru long testim ol samting i paul tru?

Chapter 7

7:1  ¶  Ating i yes long i gat wanpela taim God i makim long man antap long dispela graun? Ating i yes long ol de bilong em tu i olsem ol de bilong wanpela man yu baim bilong wok?

7:2  Olsem wanpela wokboi i strongpela tru long laikim tewel bilong san, na olsem man yu baim long wok i painim pe bilong wok bilong em,

7:3  Wankain olsem God i makim bilong mi bilong holimpas ol mun bilong samting nating, na ol nait i bilong mekim les tru Em i makim long mi.

7:4  Taim mi slipim bodi, mi tok, Wanem taim bai mi kirap, na nait i pinis? Na mi pulap wantaim pasin bilong tantanim i kam i go inap long kirap bilong de.

7:5  Bodi bilong mi i werim ol liklik snek na ol strongpela hap graun bilong das i pas olsem klos. Skin bilong mi i bruk, na i kamap samting i sting long ai bilong man.

7:6  Ol de bilong mi i hariap moa long wanpela masin bilong wokim laplap, na mi yusim taim mi no gat hop.

7:7  ¶ O holim tingting long laip bilong mi i olsem win. Ai bilong mi bai i no inap lukim gutpela samting moa.

7:8  Ai bilong em husat i bin lukim mi bai i no inap lukim mi moa. Tupela ai bilong yu i stap antap long mi, na mi no stap.

7:9  Olsem win i kaikai klaut olgeta na i go pinis olgeta, olsem tasol man husat i go daun long matmat bai i no inap long kam antap moa.

7:10  Em bai i no inap go bek long haus bilong em, na tu ples bilong em i no inap long save long em moa liklik.

7:11  Olsem na mi bai i no inap holim bek maus bilong mi. Mi bai toktok taim hevi i krungutim spirit bilong mi. Mi bai komplen long bagarap tru bilong tewel bilong mi.

7:12  Ating mi wanpela biksi, o wanpela weil, inap long yu putim wanpela was antap long mi?

7:13  Taim mi tok, Bet bilong mi bai givim bel isi long mi, liklik bet bilong mi bai slekim wari bilong mi.

7:14  Nau yu wok long pretim mi wantaim ol driman, na mekim mi pret nogut tru long ol driman samting,

7:15  Inap long tewel bilong mi i ken makim man i ken pasim nek bilong kilim mi, na dai moa long laip bilong mi.

7:16  Dispela i sting long ai bilong mi. Mi no gat laik long stap laip oltaim. Larim mi stap wanpis. Long wanem, ol de bilong mi i samting nating.

7:17  ¶ Man em i wanem samting, inap long Yu ken litimapim nem bilong em, na inap long Yu ken putim bel bilong yu antap long em,

7:18  Na long Yu ken kam lukim em olgeta wan wan moning, na traim em olgeta wan wan liklik hap taim?

7:19  Inap long wanem taim bipo Yu lusim mi, o larim mi stap wanpis inap long mi ken daunim spet bilong mi?

7:20  Mi bin mekim sin. Mi bai mekim wanem long Yu, O Yu husat i mekim ol man stap gut yet? Bilong wanem Yu bin putim mi olsem wanpela mak i birua long Yu, inap long mi stap wanpela hevi long mi yet?

7:21  Na bilong wanem Yu no lusim pe bilong ol sin bilong mi i kalapim lo, na tekewe sin nogut bilong mi? Long wanem, nau bai mi slip long das. Na Yu bai painim mi long moning, tasol mi no inap stap.

Chapter 8

8:1  ¶ Nau man Suak Bildat i bekim, na tok,

8:2  Inap long wanem taim bai yu toktok long ol dispela samting? Na inap long wanem taim bai ol toktok bilong maus bilong yu i stap olsem wanpela strongpela win?

8:3  Ating God i paulim kot? O ating Man i Gat Olgeta Strong i paulim stretpela kot?

8:4  Sapos ol pikinini bilong yu i bin mekim sin i birua long Em, na Em i bin rausim ol i go bilong pasin bilong ol bilong kalapim lo,

8:5  Sapos yu gat laik long painim God hariap, na mekim autim askim bilong yu i go long Man i Gat Olgeta Strong,

8:6  Sapos yu stap klin na stretpela, tru tumas, nau Em bai kirap long slip bilong helpim yu, na mekim ples bilong stretpela pasin bilong yu long kamap gutpela.

8:7  Maski long stat bilong yu i liklik, yet las hap bilong yu bai kamap bikpela moa tru.

8:8  ¶ Long wanem, askim, mi askim yu plis, long dispela taim bipo, na redim yu yet long painimaut tru bilong ol tumbuna papa long ol.

8:9  (Long wanem, yumi stap bilong asde tasol, na yumi no save long wanpela samting, bilong wanem, ol de bilong yumi long dispela graun i wanpela tewel bilong san.)

8:10  Ating i yes long ol bai skulim yu, na tokim yu, na kolim sampela toktok i kam ausait long ol bel bilong ol?

8:11  Ating pitpit ras i ken go bikpela taim i no gat graun malumalu? Ating pitpit plak i ken go bikpela taim i no gat wara?

8:12  Taim dispela i stap yet long grinpela bilong en, na ol i no katim i go daun, em i go drai bipo long olgeta arapela sayor.

8:13  Olsem tasol em ol liklik rot bilong olgeta husat i lusim tingting long God. Na hop bilong man bilong tupela maus bai dai olgeta,

8:14  Husat hop bilong em bai ol i rausim olgeta, na husat bilip bilong em bai stap wanpela haus bilong spaida.

8:15  Em bai lindaun antap long haus bilong em, tasol dispela bai i no inap sanap. Em bai holim dispela strong, tasol dispela i no inap stap yet.

8:16  Em i grinpela long ai bilong san, na han diwai bilong em i sutim i go ausait insait long gaden bilong em.

8:17  Ol rop daunbilo bilong em i tantanim nabaut long hip, na lukim ples bilong ol ston.

8:18  Sapos em i bagarapim em olgeta long ples bilong em, nau dispela bai tok nogat long em, i spik, Mi no bin lukim yu.

8:19  Lukim, dispela em i amamas tru bilong rot bilong em, na ausait long dispela graun ol arapela bai kamap bikpela.

8:20  ¶ Lukim, God bai i no inap rausim i go wanpela man i inap tru, na tu Em bai i no inap helpim ol man i wokim pasin nogut,

8:21  Inap long Em i pulimapim maus bilong yu wantaim pasin bilong lap, na tupela lip bilong maus bilong yu wantaim pasin bilong wokim amamas tru.

8:22  Ol husat i hetim yu tru bai werim sem olsem klos. Na ples bilong stap bilong ol man nogut bai kamap samting nating.

Chapter 9

9:1  ¶ Nau Jop i bekim na tok,

9:2  Mi save dispela em i olsem em i tru. Tasol man i ken stap stretpela wantaim God olsem wanem?

9:3  Sapos em i laik tok pait strong wantaim Em, em i no inap bekim Em wanpela bilong wan tausen.

9:4  Em i saveman tru long bel, na Em i strongpela long strong. Husat i bin strongim bel bilong em yet i birua long Em, na bin kamap gutpela?

9:5  Husat i rausim ol maunten i go, na ol i no save , husat i kapsaitim ol long belhat bilong Em.

9:6  Husat i seksekim dispela graun ausait long ples bilong en, na ol bikpela pos bilong en i guria.

9:7  Husat i tok strong long san, na em i no kamap long moning, na Em i pasim ol sta.

9:8  Husat Em wanpela i opim i go ol heven, na krungutim lek antap long sibruk bilong biksi.

9:9  Husat i wokim Arkturas, Oraion, na Pliedes, na ol rum bilong hap saut.

9:10  Husat i mekim ol bikpela samting i abrusim mak bilong painimaut. Yes, na ol bikpela wok i winim tingting i no gat namba bilong kaunim.

9:11  Harim, Em i go klostu long mi, na mi no lukim Em. Em i wokabaut klostu i go tu, tasol mi no kisim save long Em i stap.

9:12  Lukim, Em i tekewe, husat i ken pasim Em? Husat bai tokim Em, Yu mekim wanem?

9:13  Sapos God i no laik surikim belhat bilong Em, ol hambak man bilong helpim i lindaun aninit long Em.

9:14  ¶ Hamas liklik moa bai mi bekim tok long Em, na makim ol toktok bilong mi bilong stretim tok wantaim Em.

9:15  Husat, maski mi stretpela, yet mi no inap bekim tok, tasol mi bai mekim autim askim i go long Jas bilong mi.

9:16  Sapos mi bin singaut, na Em i bin bekim tok long mi, yet bai mi no inap bilip long Em i bin harim long nek bilong mi.

9:17  Long wanem, Em i brukim mi wantaim wanpela bikwin nogut, na mekim ol bagarap bilong mi i kamap nating planti moa.

9:18  Em bai i no inap larim mi pulim win bilong mi, tasol Em i pulimapim mi wantaim bel i bagarap tru.

9:19  Sapos mi toktok long strong, harim, Em i strong. Na sapos mi toktok long kot, husat bai makim wanpela taim bilong mi bilong toktok wantaim strongpela askim?

9:20  Sapos mi mekim mi yet stretpela, maus bilong mi yet bai sutim tok long mi. Sapos mi tok, Mi inap tru, dispela tu bai pruvim mi paul.

9:21  Maski mi inap tru, yet bai mi no gat laik long save long tewel bilong mi yet. Mi bai tingim laip bilong mi olsem i samting nating.

9:22  ¶ Dispela em i wanpela samting, olsem na mi tok pinis long dispela, Em i bagarapim man olgeta i inap tru na man nogut.

9:23  Sapos wip i kilim i dai wantu, Em bai lap long traim bilong man i no bin mekim rong.

9:24  Dispela graun Em i givim long han bilong man nogut. Em i karamapim ol pes bilong ol jas bilong en. Sapos nogat, em i we, na em i husat?

9:25  ¶ Nau ol de bilong mi i hariap moa long wanpela man bilong karim pas. Ol i ranawe i go, ol i no lukim gutpela samting.

9:26  Ol i go pinis olgeta olsem ol sip i ran hariap, olsem igal i hariap i go long abus.

9:27  Sapos mi tok, Mi bai lusim tingting long wari bilong mi, mi bai lusim i go hevi bilong mi, na givim bel isi long mi yet,

9:28  Mi pret long olgeta bel hevi bilong mi. Mi save long Yu no inap long makim mi olsem man i no bin mekim rong.

9:29  Sapos mi man nogut, bilong wanem nau mi hatwok nating?

9:30  Sapos mi wasim mi yet wantaim wara bilong ais, na mekim ol han bilong mi i no bin klin bipo olsem,

9:31  Yet bai Yu tromoi mi i go long baret, na klos bilong mi yet bai ting olsem mi sting olgeta.

9:32  Long wanem, Em i no stap wanpela man, olsem mi, long mi ken bekim tok long em, na mitupela i ken kam bung wantaim bilong kot.

9:33  Na tu i no gat wanpela man bilong stretim hevi namel long mitupela, husat i ken putim han bilong em antap long mitupela wantaim.

9:34  Larim Em tekewe stik bilong Em long mi, na no ken larim pret bilong Em i ken pretim mi nogut tru.

9:35  Nau bai mi toktok, na mi no inap pret long Em. Tasol em i no olsem long mi.

Chapter 10

10:1  ¶ Tewel bilong mi i les tru long laip bilong mi. Mi bai lusim wari bilong mi antap long mi yet. Mi bai toktok insait long bagarap tru bilong tewel bilong mi.

10:2  Mi bai tokim God, No ken sutim tok long mi. Soim mi long wanem as Yu pait strong wantaim mi.

10:3  Ating em i gutpela long Yu long Yu ken givim hevi, long Yu ken tingim olsem wok bilong tupela han bilong Yu i samting nating, na givim lait antap long tok helpim ol man nogut i givim?

10:4  Ating Yu gat ol ai bilong man? O ating Yu lukluk olsem man i lukluk?

10:5  Ating ol de bilong Yu i olsem ol de bilong man? Ating ol yia bilong Yu i olsem ol de bilong man,

10:6  Inap long Yu askim long sin nogut bilong mi, na painim tru long ol sin bilong mi?

10:7  Yu save long mi no man nogut. Na i no gat wanpela husat i inap long kisim bek ausait long han bilong Yu.

10:8  ¶ tupela han bilong Yu i bin wokim mi na wokim mi gut wantaim raun nabaut. Yet Yu wok long bagarapim mi olgeta.

10:9  Holim tingting, mi askim yu long daun pasin, long Yu bin wokim mi olsem retpela graun. Na ating Yu bai bringim mi i go long das gen?

10:10  Ating i yes long Yu bin kapsaitim mi olsem susu, na mekim mi bung bung i go strong olsem sis?

10:11  Yu bin putim klos long mi wantaim skin na mit, na Yu bin banisim mi wantaim ol bun na ol rop.

10:12  Yu bin givim mi laip na gutpela amamas, na taim Yu kam lukim mi i bin mekim spirit bilong mi stap gut yet.

10:13  Na ol dispela samting Yu bin haitim insait long bel bilong Yu. Mi save long dispela i stap wantaim Yu.

10:14  ¶ Sapos mi sin, nau Yu luksave long mi, na Yu bai i no inap long tok mi stretpela long ol sin nogut bilong mi.

10:15  Sapos mi man nogut, tok lukaut i kam long mi. Na sapos mi stap stretpela, yet bai mi no inap litimapim het bilong mi. Mi pulap long tingting i paul, olsem na Yu mas lukluk long hevi bilong mi.

10:16  Long wanem, em i wok long kamap planti moa. Yu painim mi olsem wanpela laion i strong tru. Na gen, Yu soim Yu Yet wanpela Man bilong mekim ol man tingting planti antap long mi.

10:17  Yu strongim gen ol witnes bilong Yu i birua long mi, na mekim i kamap planti moa bel nogut bilong Yu antap long mi. Ol senis na ol bikpela pait i birua long mi.

10:18  Olsem wanem na nau Yu bin bringim mi i kam ausait long bel bilong mama? O sapos mi bin lusim spirit bilong mi, na i no gat ai i bin lukim mi!

10:19  Gutpela mi bin stap olsem mi no bin stap. Gutpela ol i bin karim mi i lusim bel bilong mama i go long matmat.

10:20  Ating i yes long namba bilong ol de bilong mi i liklik tasol? Pinis nau, na larim mi stap wanpis, inap long mi ken kisim bel isi liklik,

10:21  Bipo mi go long hap we mi bai i no inap long kam bek, yes, long hap bilong tudak na tewel bilong dai,

10:22  Wanpela hap bilong tudak, olsem tudak em yet, na bilong tewel bilong dai, we ol samting i no lain gut liklik, na we lait em i olsem tudak.

Chapter 11

11:1  ¶ Nau man Neman Sofar i bekim, na tok,

11:2  Ating i yes long ol planti toktok tru i mas gat bekim? Na ating wanpela man i pulap long tok i mas kamap stretpela?

11:3  Ating ol giaman bilong yu i mas mekim ol man i pasim maus bilong ol? Na taim yu wokim pani bilong daunim, ating i yes long wanpela man bai mekim yu sem?

11:4  Long wanem, yu bin tok, Skul bilong mi em i klin, na mi stap klin long tupela ai bilong Yu.

11:5  Tasol O long God i ken toktok, na opim tupela lip bilong maus bilong Em bilong birua long yu.

11:6  Na long Em i ken soim yu ol samting hait bilong save tru, long ol i dabol long dispela samting i stap! Olsem na save long God i strong long kisim long yu liklik moa long ol sin nogut bilong yu i winim.

11:7  ¶ Ating taim yu painim tru yu ken painimaut God pinis? Ating yu inap long painimaut Man i Gat Olgeta Strong pinis inap long pasin bilong inap tru?

11:8  Dispela em i antap olsem heven. Yu ken mekim wanem? Em i dip moa long hel. Yu ken save wanem?

11:9  Skel bilong en em i longpela moa long dispela graun, na brait bilong en i moa long biksi.

11:10  Sapos Em i rausim olgeta, na pasim, o bungim wantaim, nau husat i ken pasim Em?

11:11  Long wanem, Em i save long ol hambak man. Em bai i lukim ol pasin nogut tu. Ating i yes nau long Em bai tingim na skelim dispela?

11:12  Long wanem, man i gat laik nating long kamap saveman, maski mama i karim man olsem wanpela pikinini bilong wail donki.

11:13  ¶ Sapos yu redim bel bilong yu, na stretim ol han bilong yu i go ausait i go long Em,

11:14  Sapos sin nogut i stap long han bilong yu, putim dispela i go longwe, na no ken larim pasin nogut stap long ol haus holi bilong yu.

11:15  Long wanem, nau bai yu litimapim pes bilong yu taim i no gat mak, yes, yu bai sanap strong, na yu no inap pret.

11:16  Bilong wanem, yu bai lusim tingting long hevi nogut bilong yu, na holim tingting long en olsem ol wara i ran i go pinis olgeta.

11:17  Na ol krismas bilong yu bai stap klia moa long belo stret. Yu bai lait i go ausait, yu bai stap olsem moningtaim.

11:18  Na yu bai stap gut tru, bilong wanem, i gat hop. Yes, yu bai digim nabaut long yu, na yu bai stap orait tru long malolo bilong yu yu kisim.

11:19  Na tu yu bai slipim bodi, na i no gat wanpela man bai mekim yu pret. Yes, planti bai kam bilong poromanim yu.

11:20  Tasol ol ai bilong ol man nogut bai fel, na ol bai i no inap ranawe, na hop bilong ol bai stap olsem man i givim i go spirit.

Chapter 12

12:1  ¶ Na Jop i bekim na tok,

12:2  I mas tru olgeta, yupela em dispela lain stret tasol, na save tru bai dai wantaim yupela.

12:3  Tasol mi gat gutpela save wankain olsem yupela, mi no aninit long yupela. Yes, husat i no save long ol kain samting olsem ol dispela?

12:4  Mi stap olsem wanpela husat ol man i stap klostu long em i wokim pani bilong daunim em, husat i singaut long God, tasol Em i no bekim em. Ol i lap long stretpela gutpela man inap long sem bilong tok bilas.

12:5  Man husat ol lek bilong em i redi long wel na pundaun em i olsem wanpela lam man husat i stap isi i tingim olsem i samting nating.

12:6  ¶ Ol haus holi bilong ol raskol stilman i kamap gutpela, na ol husat i skrapim bel bilong God i stap gut tru, ol husat God i bringim planti moa yet i go long han bilong ol.

12:7  Tasol askim nau ol animal, na ol bai skulim yu. Na askim ol pisin bilong skai, na ol bai tokim yu.

12:8  O toktok long dispela graun, na em bai skulim yu. Na ol pis bilong biksi bai tokaut long yu.

12:9  Husat i no save long olgeta dispela samting, long han bilong BIKPELA i bin wokim dispela?

12:10  Long han bilong husat tewel bilong olgeta wan wan samting i stap laip i stap, na win bilong olgeta manmeri.

12:11  Ating i yes long ia i traim ol toktok, na maus i testim kaikai bilong en?

12:12  ¶ Wantaim dispela Lapun Tru save tru i stap. Na gutpela save i stap long bikpela namba bilong ol de.

12:13  Wantaim Em save tru na strong i stap, Em i gat tok helpim bilong givim na gutpela save.

12:14  Lukim, Em i brukim i go daun, na ol i no inap wokim gen. Em i pasim i stap wanpela man, na i no gat rot bilong opim.

12:15  Lukim, Em i pasim bek ol wara, na ol i go drai. Na tu Em i salim ol i go ausait, na ol i kapsaitim dispela graun.

12:16  Wantaim Em strong na save tru i stap. Man ol i giamanim na man bilong giaman i bilong Em.

12:17  Em i stiaim i go ol man bilong givim tok helpim na kago bilong ol i lus, na Em i mekim ol jas i kamap ol krankiman.

12:18  Em i lusim hankap bilong ol king, na pasim ol namel bilong bel bilong ol wantaim wanpela bikpela let.

12:19  Em i stiaim i go ol hetman na kago bilong ol i lus, na Em i tromoi i go daun ol strongpela man.

12:20  Em i rausim i go ol toktok bilong ol man yu ken putim bilip long ol, na tekewe dispela gutpela save bilong ol lapun tru.

12:21  Em i kapsaitim bikpela sem antap long ol hetman, na mekim ol strongpela man long lusim strong.

12:22  Em i soim ples klia ol samting i dip tru ausait long tudak, na bringim i kam ausait lait dispela tewel bilong dai.

12:23  Em i mekim ol kantri i kamap planti moa, na bagarapim ol olgeta. Em i mekim ol kantri i go traipela, na mekim ol i pas klostu tumas gen.

12:24  Em i tekewe bel bilong ol nambawan hetman bilong ol manmeri bilong dispela graun, na mekim ol long raun nating long wanpela ples i no gat man, we i no gat rot.

12:25  Ol i painim painim rot long tudak taim i no gat lait, na Em i mekim ol long wokabaut kranki olsem wanpela spakman.

Chapter 13

13:1  ¶ Harim, ai bilong mi i bin lukim olgeta dispela, ia bilong mi i bin harim na kisim save long en.

13:2  Wanem samting yupela i save, wankain samting mi save long en tu. Mi no aninit long yupela.

13:3  Tru tumas, mi gat laik long toktok long Man i Gat Olgeta Strong, na mi gat laik long stretim tok wantaim God.

13:4  Tasol yupela i stap ol lain bilong wokim strong ol giaman, yupela olgeta em ol dokta husat i no inap long helpim liklik.

13:5  O sapos yupela i ken pasim maus olgeta, na dispela i ken stap save tru bilong yupela!

13:6  Harim nau ol tingting mi tingim, na harim gut long ol toktok wantaim strongpela askim bilong tupela lip bilong maus bilong mi.

13:7  Bai yupela toktok nogut bilong helpim God? Na bai yupela tok giaman bilong helpim Em?

13:8  Bai yupela i orait long namba bilong Em? Bai yupela i pait strong bilong helpim God?

13:9  Em i gutpela long Em i ken painimaut tru yupela? O olsem wanpela man i wokim pani long daunim narapela, yupela laik wokim pani long daunim Em olsem?

13:10  Tru tumas, Em bai krosim yupela, sapos yupela wokim hait long orait long namba bilong ol man.

13:11  Ating i yes long nambawan pasin tru bilong Em bai mekim yupela pret, na pret tru bilong Em long pundaun antap long yupela?

13:12  Ol holim tingting bilong yupela i stap olsem ol sit bilong paia, ol bodi bilong yupela olsem ol bodi bilong retpela graun.

13:13  ¶ Pasim maus bilong yupela, na larim mi stap wanpis, inap long mi ken toktok, na larim i kam antap long mi wanem samting i laik kamap.

13:14  Olsem wanem na mi kisim bodi bilong mi long ol tit bilong mi, na putim laip bilong mi long han bilong mi?

13:15  Maski long Em i kilim mi i dai, yet bai mi putim bilip long Em. Tasol mi bai lukautim gut ol rot bilong mi yet long ai bilong Em.

13:16  Em tu bai stap kisim bek bilong mi. Long wanem, man bilong tupela maus i no inap kam long ai bilong Em.

13:17  Harim strong toktok bilong mi, na samting mi kolim wantaim ol ia bilong yupela.

13:18  Lukim nau, mi bin kolim gut wari bilong mi. Mi save long Em bai kolim mi stretpela.

13:19  Em i husat, husat bai toktok wantaim strongpela askim wantaim mi? Long wanem nau, sapos mi pasim tang bilong mi, mi bai lusim spirit bilong mi.

13:20  Tupela samting tasol Yu no ken mekim long mi, nau bai mi no inap haitim mi yet long Yu.

13:21  Surikim han bilong Yu longwe long mi. Na Yu no ken larim pret tru bilong Yu i mekim mi pret.

13:22  Nau Yu singaut, na mi bai bekim tok, o larim mi toktok, na Yu ken bekim tok long mi.

13:23  ¶ Ol sin nogut na ol sin bilong mi i hamas? Mekim mi long save long pasin bilong mi bilong kalapim lo na sin bilong mi.

13:24  Olsem wanem na Yu haitim pes bilong Yu, na makim mi olsem wanpela birua bilong Yu?

13:25  Bai Yu brukim wanpela lip win i ranim i kam i go? Na bai Yu ran bihainim ol pipia bilong wit samting i drai?

13:26  Long wanem, Yu raitim ol bagarap samting tru i birua long mi, na mekim mi long holimpas ol sin nogut bilong taim mi stap yangpela.

13:27  Yu putim tupela lek bilong mi tu insait long ol diwai i kalabusim hanlek, na Yu lukluk strong i go long olgeta liklik rot bilong mi. Yu putim wanpela mak long ol baksait bilong ol fut bilong mi.

13:28  Na em, olsem wanpela samting i sting pinis, i kaikai olgeta, olsem wanpela klos, dispela bataplai bilong nait i kaikai.

Chapter 14

14:1  ¶ Man husat mama i karim i no stap planti de, na em i pulap long trabel.

14:2  Em i kam ausait olsem wanpela plaua, na Yu katim em i go daun. Em i ranawe tu olsem wanpela tewel bilong san, na em i no go yet.

14:3  Na ating Yu opim tupela ai bilong Yu long kain man olsem, na bringim mi i go long kot wantaim Yu?

14:4  Husat i ken bringim wanpela klinpela samting i kam ausait long wanpela samting i no klin? I no gat wanpela.

14:5  Taim yumi luksave olsem ol de bilong em Yu makim pinis, namba bilong ol mun bilong em i stap wantaim Yu, Yu bin makim mak bilong arere bilong em, inap long em i no inap abrusim.

14:6  Tanim na lusim em, inap long em i ken malolo, inap long em bai inapim, olsem wanpela man Yu baim long wok, de bilong em.

14:7  ¶ Long wanem, diwai i gat hop, sapos ol i katim i go daun, long em bai putim kru gen, na long han i no strong bilong en bai i no inap long pinis.

14:8  Maski rop daunbilo bilong en i wok long kamap lapun insait long graun, na as diwai bilong en i dai long graun,

14:9  Yet long smel bilong wara em bai putim kru, na mekim ol han bilong en kamap olsem wanpela samting ol i planim.

14:10  Tasol man i dai, na pinis isi isi. Yes, man i lusim spirit bilong em, na em i stap we?

14:11  Olsem ol wara i fel long biksi, na tait i pinis na i go drai,

14:12  Olsem tasol man i slipim bodi, na em i no kirap. Inap long ol heven i no stap moa, ol bai i no inap kirap, o i gat wanpela i kirapim ol long slip bilong ol.

14:13  O sapos Yu ken haitim mi long matmat, long Yu ken mekim mi stap hait, inap long belhat tru bilong Yu i pinis, long Yu ken makim mi wanpela taim, na tingim mi gen!

14:14  Sapos wanpela man i dai pinis, bai em i stap laip gen? Olgeta de bilong taim Yu makim bilong mi bai mi wet, inap long senis bilong mi i kam.

14:15  Yu bai singaut, na mi bai bekim Yu. Yu bai gat wanpela laik i go long wok bilong ol han bilong Yu.

14:16  ¶ Long wanem, nau Yu kaunim ol step bilong mi. Ating i yes long Yu was antap long sin bilong mi?

14:17  Pasin bilong mi bilong kalapim lo i pas insait long wanpela bek, na Yu samapim ol sin nogut bilong mi.

14:18  Na tru tumas, maunten i pundaun i kamap samting nating, na ston Yu rausim long ples bilong en.

14:19  Ol wara i mekim ol ston i go liklik. Yu wasim i go ol dispela samting i kamap bikpela ausait long das bilong dispela graun. Na Yu bagarapim hop bilong man olgeta.

14:20  Yu winim em oltaim oltaim, na em i dai i go. Yu senisim pes bilong em, na salim em i go.

14:21  Ol pikinini man bilong em i kamap ol man i gat biknem, na em i no save long en. Na ol man i mekim biknem bilong ol i go daunbilo, tasol em i no kisim save long dispela i kamap long ol.

14:22  Tasol bodi bilong em antap long em bai gat pen, na tewel bilong em insait long em bai soim sori.

Chapter 15

15:1  ¶ Nau man Teman Elifas i bekim, na tok,

15:2  Ating wanpela saveman bai kolim save nating, na pulimapim bel bilong em wantaim is win?

15:3  Ating em bai stretim tok wantaim tok i no gutpela bilong helpim, o wantaim ol toktok we em i no ken mekim gutpela wantaim dispela?

15:4  Yes, yu tromoi pret i go, na pasim prea long ai bilong God.

15:5  Long wanem, maus bilong yu i kolim ol sin nogut bilong yu, na yu makim bilong yu tang bilong trikman.

15:6  Maus bilong yu yet i sutim tok long yu, na i no mi. Yes, tupela lip bilong maus bilong yu yet i tokaut klia i birua long yu.

15:7  Ating yu namba wan man husat mama i karim long dispela graun, o ating God i wokim yu bipo long ol liklik maunten?

15:8  Ating yu bin harim samting hait bilong God? Na ating yu pasim save tru long yu yet?

15:9  Yu save long wanem samting, dispela mipela i no save? Yu gat save long wanem samting, na dispela i no stap insait long mipela?

15:10  Wantaim mipela em ol waitgras man na ol man i lapun tru tru wantaim, lapun planti moa long papa bilong yu.

15:11  Ating ol samting bilong God bilong givim bel isi i liklik samting long yu? Ating i gat wanpela samting hait i stap wantaim yu?

15:12  Bilong wanem bel bilong yu i karim yu i go? Na yu brukim tupela ai bilong yu long wanem samting,

15:13  Inap long yu tanim spirit bilong yu i birua long God, na larim kain toktok i go ausait long maus bilong yu?

15:14  Man em i wanem samting, inap long em i ken stap klin, na em husat meri i karim, long em i ken stap stretpela?

15:15  Lukim, Em i no putim bilip long ol seint bilong Em. Yes, ol heven i no klin long ai bilong Em.

15:16  Hamas moa man em i samting i sting na samting i doti tru, husat i dringim sin nogut olsem wara?

15:17  ¶ Mi bai soim yu, harim mi. Na dispela samting mi bin lukim mi bai tokaut long en.

15:18  Dispela samting ol saveman i bin toktok i kam long ol papa bilong ol, na ol i no bin haitim dispela.

15:19  Long husat wanpela God i bin givim dispela graun, na i no gat ausait man i go namel long ol.

15:20  Man nogut i hatwok wantaim pen olgeta de bilong em, na namba bilong ol yia bilong em i stap hait long man bilong givim hevi.

15:21  Wanpela nois bilong pretim tru i stap long tupela ia bilong em. Long taim em i gat gutpela sindaun, man bilong bagarapim olgeta bai kam antap long em.

15:22  Em i no bilipim long em bai kam bek ausait long tudak, na long bainat i wetim em.

15:23  Em i raun nating ausait bilong painim kaikai, i spik, Em i stap we? Em i save long de bilong tudak i klostu tru long han bilong em.

15:24  Trabel na taim hevi i krungutim bai mekim em pret. Ol bai winim em, olsem wanpela king i redi long pait.

15:25  Long wanem, em i stretim han bilong em i go ausait i birua long God, na strongim em yet i birua long Man i Gat Olgeta Strong.

15:26  Em i ran antap long em, yes, antap long nek bilong em, antap long patpela bilas bilong ol plang bilong han bilong em.

15:27  Bilong wanem, em i karamapim pes bilong em wantaim gris bilong em, na mekim ol hap bilong bikpela hap gris antap long sait bilong bodi bilong em.

15:28  Na em i stap long ol biktaun i stap nating olgeta, na long ol dispela haus i no gat man i stap long en, dispela i redi long kamap ol hip.

15:29  Em bai i no inap stap maniman, na tu kago bilong em bai i no inap long stap yet, na tu bai em i no inap mekim inap tru bilong ol long stap moa long dispela graun.

15:30  Em bai i no inap long lusim tudak i kam ausait. Paia bai draim i go ol han diwai bilong em, na long win bilong maus bilong em, em bai go.

15:31  No ken larim em husat ol i giamanim pinis i ken putim bilip long samting nating. Long wanem, samting nating bai stap pe bilong em.

15:32  Dispela bai kamap pinis bipo long taim bilong em, na han diwai bilong em bai i no inap stap grinpela.

15:33  Em bai seksekim i go pikinini wain i no mau bilong em olsem rop wain, na em bai tromoi i go ol plaua bilong em olsem oliv.

15:34  Long wanem, bung bilong ol manmeri bilong tupela maus bai stap nating olgeta, na paia bai kaikai olgeta ol haus holi bilong givim pe hait.

15:35  Ol i kirapim tingting long trabel, na karim samting nating i kam ausait, na bel bilong ol i redim giaman.

Chapter 16

16:1  ¶ Nau Jop i bekim na tok,

16:2  Mi bin harim planti ol kain samting. Yupela olgeta i no gutpela man bilong givim bel isi liklik.

16:3  Ating ol toktok nating bai gat wanpela pinis bilong en, o wanem samting i strongim yu inap long yu bekim tok?

16:4  Mi tu ken toktok olsem yupela i toktok. Sapos tewel bilong yupela i stap long ples bilong tewel bilong mi, mi ken hipim antap ol toktok i birua long yupela, na seksekim het bilong mi i go long yupela.

16:5  Tasol mi bai gat laik strongim yupela wantaim maus bilong mi, na taim tupela lip bilong maus bilong mi i muv, ol i ken mekim bel sori bilong yupela long go daun.

16:6  ¶ Maski mi toktok, bel sori bilong mi i no go daun. Na maski mi stap isi, em i helpim mi stap isi olsem wanem?

16:7  Tasol nau em i bin mekim mi les tru. Yu bin mekim olgeta poroman bilong mi long stap nating olgeta.

16:8  Na yu bin pulimapim mi wantaim skin i slek, dispela em i wanpela witnes birua long mi. Na bun nating bilong mi i kirap insait long mi i stap witnes long pes bilong mi.

16:9  Em i brukim mi long belhat tru bilong em, husat i hetim mi. Em i kaikaim mi wantaim ol tit bilong em. Birua bilong mi i sapim tupela ai bilong em antap long mi.

16:10  Ol i gat laik long bagarapim mi wantaim maus bilong. Ol i bin paitim mi antap long wasket wantaim sem. Ol i bin bungim ol yet wantaim bilong birua long mi.

16:11  God i bin givim mi i go long ol man bilong bihainim pasin nogut, na putim mi i go long ol han bilong ol man nogut.

16:12  Mi stap isi bipo, tasol em i bin brukim mi long ol hap. Em i bin holimpas mi tu long nek bilong mi, na seksekim mi i go long planti hap hap, na sanapim mi bilong stap mak bilong em.

16:13  Ol man bilong sutim banara bilong em i raunim mi raun nabaut, em i brukim stia bilong bel bilong mi long ol hap, na em i no soim sori. Em i kapsaitim i go ausait marasin i pait bilong mi i go antap long graun.

16:14  Em i brukim mi wantaim bruk antap long bruk, em i ran antap long mi olsem wanpela traipela man.

16:15  Mi bin samapim bek laplap antap long skin bilong mi, na mekim kom bilong mi doti insait long das.

16:16  Pes bilong mi i paul wantaim krai tru, na antap long ol laplap bilong ai bilong mi em tewel bilong dai.

16:17  ¶ Em i no bilong wanpela pasin bilong bagarapim stretpela kot long ol han bilong mi. Na tu, prea bilong mi em i klin.

16:18  O graun, no ken karamapim blut bilong mi, na no ken larim krai bilong mi i ken gat wanpela ples.

16:19  Nau tu, lukim, witnes bilong mi i stap long heven, na stori tru bilong mi i stap antap tru.

16:20  Ol wantok bilong mi i tok bilas bilong semim mi. Tasol ai bilong mi i kapsaitim ol aiwara i go long God.

16:21  O sapos wanpela i ken toktok wantaim strongpela askim wantaim God long helpim wanpela man, olsem wanpela man i toktok wantaim strongpela askim bilong helpim man i stap klostu long em!

16:22  Taim sampela yia i kam pinis, nau mi bai go long rot we mi no inap kam bek long en.

Chapter 17

17:1  ¶ Win bilong maus bilong mi i bagarap, ol de bilong mi i dai pinis, ol matmat i redi long mi.

17:2  Ating i yes long ol lain bilong wokim pani long daunim i stap wantaim mi? Na ating i yes long ai bilong mi i stap yet insait long pasin bilong skrapim bel bilong ol?

17:3  Slip i go daun nau, putim mi long wanpela samting bilong sanap baksait long dinau wantaim Yu. Em i husat, husat bai paitim ol han wantaim mi?

17:4  Long wanem, Yu bin haitim gutpela save long bel bilong ol. Olsem na bai Yu no inap litimapim nem bilong ol.

17:5  Em husat i toktok gris long ol wantok bilong em, yes, ol ai bilong ol pikinini bilong em bai fel.

17:6  Em i bin mekim mi tu wanpela provep bilong ol manmeri. Na long taim bipo mi stap olsem wanpela liklik kundu.

17:7  Ai bilong mi tu em i no lait gut bikos bel hevi i stap, na olgeta hap bilong bodi bilong mi i stap olsem wanpela tewel bilong san.

17:8  Ol stretpela man bai paul na mauspas olsem ston long dispela, na man i no bin mekim rong bai kirapim em yet long birua long man bilong tupela maus.

17:9  Stretpela man tu bai holim rot bilong em, na em husat i gat ol han i klin bai stap strong moa na strong moa.

17:10  ¶ Tasol long sait bilong yupela olgeta, yupela mas kam bek, na kam nau. Long wanem, mi no inap long painim wanpela saveman namel long yupela.

17:11  Ol de bilong mi i pinis, ol as bilong wok bilong mi i bruk pinis, yes, ol tingting bilong bel bilong mi.

17:12  Ol i senisim nait i kamap de. Lait em i sot, bilong wanem, tudak i stap.

17:13  Sapos mi wet, matmat em i haus bilong mi. Mi bin stretim bet bilong mi long tudak.

17:14  Mi bin tokim pasin bilong bagarap, Yu papa bilong mi. Mi tokim liklik snek, Yu mama bilong mi, na susa bilong mi.

17:15  Na hop bilong mi i stap we nau? Long sait bilong hop bilong mi, husat bai lukim dispela?

17:16  Ol bai go daun long ol ba bilong bikpela hul, taim malolo wantaim bilong yumi i stap long das.

Chapter 18

18:1  ¶ Nau man Suak Bildat i bekim, na tok,

18:2  Inap long wanem taim bai stap bipo yupela i wokim wanpela pinis long ol toktok? Lukim, na bihain mipela bai toktok.

18:3  Olsem wanem na yu kaunim mipela olsem ol animal, na mipela gat namba i nogut tru long ai bilong yu?

18:4  Em i brukim em yet long belhat bilong em. Ating God bai givim baksait long dispela graun bilong tingim yu? Na ating Em bai rausim ston ausait long ples bilong en?

18:5  ¶ Yes, lait bilong ol man nogut bai God i rausim, na spak bilong paia bilong paia bilong em i no inap long lait.

18:6  Lait bai stap tudak long haus holi bilong em, na kandel bilong em bai God i kilim i dai wantaim em.

18:7  Ol step bilong strong bilong em bai go pas klostu tumas, na tok helpim bilong em yet bai tromoi em i go daun.

18:8  Long wanem, tupela lek bilong em yet bai tromoi em i go long umben, na em i wokabaut antap long wanpela trap

18:9  Trep bai holimpas em long baksait bilong fut, na raskol stilman bai birua long em na winim em.

18:10  Ol i putim trap long em long graun, na wanpela trap long em long rot.

18:11  ¶ Ol samting bilong pretim nogut tru bai mekim em long pret long olgeta wan wan sait, na bai ranim em i go sanap long tupela lek bilong em.

18:12  Hangre bai kaikaim strong bilong em, na pasin bilong bagarapim olgeta bai stap klostu long sait bilong em.

18:13  Em bai kaikai strong bilong skin bilong em olgeta. Yes, namba wan pikinini bilong dai bai kaikai strong bilong em olgeta.

18:14  Ol bai digim strongpela bilip bilong rop daunbilo bilong em i kam ausait long haus holi bilong em, na dispela bai bringim em long king bilong ol samting bilong pret nogut tru.

18:15  Dispela bai stap long haus holi bilong em, bilong wanem, em i no bilong em liklik. Ston salfa bai ol i bruk brukim nabaut antap long ples em i stap.

18:16  Ol rop daunbilo bilong em bai go drai aninit, na antap ol han bilong diwai bilong em bai ol i rausim olgeta.

18:17  Pasin bilong tingim em gen bai dai olgeta long dispela graun, na em bai i no gat nem long rot.

18:18  Ol bai ranim em long lait i go long tudak, na ranim em i go ausait long dispela graun.

18:19  Em bai i no gat pikinini man o pikinini man bilong bratasusa bilong em namel long lain manmeri bilong em, o wanpela i stap yet long ol ples bilong stap bilong em.

18:20  Ol husat i kam bihain long em bai paul na mauspas olsem ston long de bilong em, olsem ol husat i bin go pas i bin pret.

18:21  Tru tumas, ol ples bilong stap bilong ol man nogut i kain olsem, na dispela em i ples bilong em husat i no save long God.

Chapter 19

19:1  ¶ Nau Jop i bekim na tok,

19:2  Inap long wanem taim bai yupela givim hevi long tewel bilong mi, na brukim mi long planti hap hap wantaim ol toktok?

19:3  Dispela tenpela taim yupela bin givim sem long mi. Yupela i no sem long yupela mekim yupela yet i kamap narakain long mi.

19:4  Na sapos em i tru long mi bin lusim rot, rong bilong mi i stap yet wantaim mi yet.

19:5  Sapos em i tru yupela laik litimapim yupela yet i birua long mi, na wantaim sem bilong mi yupela i toktok wantaim strongpela askim i birua long mi,

19:6  Save nau long God i bin tromoi mi i go daun, na Em i bin raunim mi wantaim umben bilong Em.

19:7  Lukim, mi singaut long rong, tasol i no gat wanpela i harim mi. Mi krai strong, tasol i no gat kot.

19:8  ¶ Em i bin banisim rot bilong mi inap long mi no ken go, na Em i bin putim tudak long ol liklik rot bilong mi.

19:9  Em i bin rausim ol glori bilong mi long mi, na rausim hat king i lusim het bilong mi.

19:10  Em i bin bagarapim mi olgeta long olgeta wan wan sait, na mi go pinis. Na hop bilong mi Em i bin rausim olsem wanpela diwai.

19:11  Em i bin kirapim tu paia bilong belhat tru bilong Em i birua long mi, na Em i kaunim mi long Em olsem wanpela bilong ol birua bilong Em.

19:12  Ol liklik ami bilong Em i kam wantaim, na kirapim rot bilong ol i birua long mi, na wokim kem raun nabaut long haus holi bilong mi.

19:13  Em i bin putim ol brata bilong mi longwe long mi, na ol man mi save, tru tumas, ol i go longwe long mi.

19:14  Ol kandre bilong mi i bin fel, na ol pren klostu bilong mi i bin lusim tingting long mi.

19:15  Ol husat i stap long haus bilong mi, na ol wokmeri bilong mi, i kaunim mi olsem wanpela ausait man. Mi stap wanpela man bilong longwe ples long ai bilong ol.

19:16  Mi singaut long wokboi bilong mi, na em i no bekim tok long mi. Mi mekim strongpela askim wantaim maus bilong mi.

19:17  Win bilong maus bilong mi i narakain samting long meri bilong mi, maski mi bin mekim strongpela askim bilong helpim ol pikinini bilong bodi bilong mi yet.

19:18  Yes, ol yangpela pikinini i tingim olsem mi samting nating. Mi kirap, na ol i toktok birua long mi.

19:19  Olgeta pren i stap klostu tru bilong mi i ting olsem mi sting olgeta. Na ol husat mi bin laikim tru i tanim na birua long mi.

19:20  Ol bun bilong mi i pas strong long skin bilong mi na long mit bilong mi, na mi ranawe wantaim skin bilong ol tit bilong mi tasol.

19:21  Soim sori long mi, soim sori long mi, O yupela ol pren bilong mi. Long wanem, han bilong God i bin tasim mi.

19:22  Bilong wanem yupela i givim hevi long mi olsem God, na yupela i no ting em inap tru long bodi bilong mi i tasol?

19:23  ¶ O sapos ol toktok bilong mi ol i raitim nau! O sapos ol i raitim ol long wanpela buk!

19:24  O sapos ol i raitim wantaim wanpela ingpen ain na led long ston oltaim oltaim!

19:25  Long wanem, mi save long Man bilong baim mi i stap laip, na long Em bai sanap antap long dispela graun long de bihain.

19:26  Na maski bihain long skin bilong mi ol liklik snek i bagarapim dispela bodi olgeta, yet long bodi bilong mi bai mi lukim God.

19:27  Husat mi bai lukim bilong mi yet, na tupela ai bilong mi bai lukim, na i no narapela, maski ol i kaikai ol stia bilong bel bilong mi olgeta insait long mi.

19:28  Tasol yupela mas tok, Bilong wanem mipela givim hevi long em, taim mipela i luksave olsem as bilong samting i stap insait long mi?

19:29  Yupela mas pret long bainat. Long wanem, belhat tru i bringim ol mekim save bilong bainat, inap long yupela ken save long i gat wanpela kot i stap.

Chapter 20

20:1  ¶ Nau man Neman Sofar i bekim, na tok,

20:2  Olsem na ol tingting bilong mi i mekim mi long bekim tok, na long dispela mi wok hariap.

20:3  Mi bin harim dispela pasim bilong tok bilong mi bilong givim sem, na spirit bilong gutpela save bilong mi i mekim mi long bekim tok.

20:4  Ating i yes long yu save long dispela bilong bipo, i stat long taim God i putim man long dispela graun,

20:5  Long winim tru bilong man nogut em i sotpela, na amamas tru bilong man bilong tupela maus em i bilong wantu tasol?

20:6  Maski nambawan pasin tru bilong em i go antap long ol heven, na het bilong em i go inap long ol klaut,

20:7  Yet em bai dai olgeta oltaim oltaim olsem pekpek bilong em yet. Ol husat i bin lukim em bai tok, Em i stap we?

20:8  Em bai flai i go olsem wanpela driman, na ol bai i no inap lukim em. Yes, ol bai ranim em i go olsem wanpela driman samting bilong nait.

20:9  Dispela ai tu i bin lukim em bai i no inap lukim em moa. Na tu ples bilong em bai i no inap lukim em moa liklik.

20:10  ¶ Ol pikinini bilong em bai painim rot bilong amamasim bel bilong ol rabisman, na ol han bilong em bai givim bek ol kago bilong ol.

20:11  Ol bun bilong em i pulap long sin bilong taim em i yangpela, dispela bai slipim bodi wantaim em insait long das.

20:12  Maski pasin nogut i stap switpela long maus bilong em, maski em i haitim dispela aninit long tang bilong em,

20:13  Maski em i soim sori long en, na em i no givim baksait long en, tasol em i holimpas dispela yet insait long maus bilong em,

20:14  Yet kaikai bilong em insait long ol rop bilong bel bilong em i tanim, dispela em i marasin i pait bilong ol asp insait long em.

20:15  Em i bin daunim ol planti mani samting olsem kaikai, na em bai trautim ol i go antap gen. God bai tromoi ol i go ausait long bel bilong em.

20:16  Em bai pulim marasin nogut bilong ol asp wantaim maus. Tang bilong vaipa bai kilim em i dai.

20:17  Em i no inap lukim ol riva, ol tait, ol liklik wara bilong hani na bata.

20:18  Dispela samting em i hatwok long kisim bai em i givim bek, na em bai i no inap daunim dispela i go daun. Bilong bihainim mak bilong kago bilong em bai dispela stretim bek i stap, na em i no inap wokim amamas tru insait long en.

20:19  Bilong wanem, em i bin givim hevi na em i bin givim baksait long ol rabisman. Bilong wanem, em i bin tekewe wanpela haus wantaim pasin pait, dispela em i no wokim.

20:20  Tru tumas, em bai i no inap long pilim pasin bilong stap isi insait long bel bilong em, em bai i no inap holim bek bilong dispela samting em i gat laik long en.

20:21  Bai i no gat kaikai bilong em i stap yet. Olsem na bai i no gat man i painim ol kago bilong em.

20:22  Insait long pulap bilong ol samting bilong em i inap tru, em bai stap long ol hatpela ples. Olgeta wan wan han bilong ol man nogut bai kam antap long em.

20:23  ¶ Taim em i klostu long redi long pulimapim bel bilong em, God bai tromoi belhat nogut tru bilong belhat tru bilong Em antap long em, na God bai mekim dispela olsem ren antap long em taim em i kaikai.

20:24  Em bai ranawe long samting bilong pait ain, na banara ain bai paitim em namel.

20:25  Ol i pulim dispela, na em i kamaut long bodi. Yes, bainat i lait lait nabaut i kam ausait long gal bilong em. Ol samting bilong pret nogut tru i stap antap long em.

20:26  Olgeta tudak bai stap hait insait long ol ples hait bilong em. Wanpela paia ol i no winim bai kaikai em olgeta. Dispela bai go nogut long em husat i stap yet insait long haus holi bilong em.

20:27  Heven bai kamapim ples klia sin nogut bilong em. Na dispela graun bai kirap bilong birua long em.

20:28  Ol planti samting bilong haus bilong em bai go, na ol kago bilong em bai ran i go long de bilong belhat tru bilong Em.

20:29  Dispela em i hap skel bilong man nogut i kam long God, na samting em i kisim long papa God i makim i go long em.

Chapter 21

21:1  ¶ Tasol Jop i bekim na tok,

21:2  Harim strong toktok bilong mi, na larim dispela stap ol samting bilong yupela bilong givim bel isi.

21:3  Larim mi inap long mi ken toktok. Na bihain long mi bin toktok, wokim pani bilong daunim i go.

21:4  Long sait bilong mi, ating wari bilong mi i go long man? Na sapos em i olsem, bilong wanem spirit bilong mi i no ken pilim wari?

21:5  Lukim mi, na kirap nogut, na putim han bilong yu antap long maus bilong yu.

21:6  Yes, taim mi holim tingting mi pret, na pasin guria i holimpas bodi bilong mi.

21:7  ¶ Olsem wanem na ol man nogut i stap laip, kamap lapun, yes, i stap strongpela long pawa?

21:8  Tumbuna pikinini bilong ol i kamap strong wantaim ol long hap ai bilong ol i lukim, na ol pikinini i kamaut long ol long ai bilong ol ai bilong ol.

21:9  Ol haus bilong ol i stap orait na i no gat pret, na tu stik bilong God i no stap antap long ol.

21:10  Bulmakau man bilong ol i givim bel, na i no fel. Bulmakau meri bilong ol i karim pikinini, na i no save tromoi nating pikinini bilong em.

21:11  Ol i salim i go ausait ol liklik pikinini bilong ol olsem wanpela lain sipsip, na ol pikinini bilong ol i danis.

21:12  Ol i kisim liklik kundu na harp, na wokim amamas tru long nois bilong organ.

21:13  Ol i stap long ol de bilong ol taim ol i gat bikpela mani samting, na wantu tasol ol i go daun long matmat.

21:14  Olsem na ol i tokim God, Lusim mipela. Long wanem, mipela i no gat laik long save long ol rot bilong Yu.

21:15  Man i Gat Olgeta Strong em i wanem samting, inap long mipela ken bihainim Em? Na wanem kain helpim mipela bai gat, sapos mipela beten long Em?

21:16  Harim, ol gutpela samting bilong ol i no stap long han bilong ol. Tok helpim ol man nogut i givim i stap longwe long mi.

21:17  ¶ Hamas taim paia bilong kandel bilong man nogut i dai! Na hamas taim bagarap olgeta bilong ol i kam antap long ol! God i tilim ol bel hevi insait long belhat bilong Em.

21:18  Ol i olsem pipia bilong wit samting long ai bilong win, na olsem dispela skin bilong wit samting win nogut i karim i go.

21:19  God i bungim i stap ol sin nogut bilong em bilong givim long ol pikinini bilong em. Em i givim pe long em, na em bai save long dispela.

21:20  Tupela ai bilong em bai lukim bagarap olgeta bilong em, na em bai dring long belhat tru bilong Man i Gat Olgeta Strong.

21:21  Long wanem, em i gat wanem amamas long haus bilong em bihain long em, taim namba bilong ol mun bilong em i pinis olgeta insait long namel bilong ol?

21:22  Ating wanpela bai skulim God long save, taim yumi luksave olsem Em i jasim ol husat i antap?

21:23  Wanpela i dai long taim strong bilong em i pulap, taim em i stap isi na i gat gutpela sindaun olgeta.

21:24  Tupela bros bilong em i pulap wantaim susu, na ol bun bilong em i wara liklik wantaim wara bilong bun.

21:25  Na narapela i dai taim tewel bilong em i bagarap tru, na i no bin kaikai wantaim amamas.

21:26  Ol bai slipim bodi wankain insait long das, na ol liklik snek bai karamapim ol.

21:27  ¶ Lukim, mi save long ol tingting bilong yupela, na ol dispela plen yupela tingting nating i rong i birua long mi.

21:28  Long wanem, yupela i tok, Haus bilong hetman i stap we? Na ol ples bilong stap bilong ol man nogut i stap we?

21:29  Ating i yes long yupela i bin askim ol husat i go long rot? Na ating i yes long yupela i save long ol mak bilong ol,

21:30  Long God i holim bek ol man nogut bilong de bilong bagarap olgeta? God bai bringim ol i go ausait long dispela de bilong belhat tru.

21:31  Husat bai tokaut long rot bilong em long pes bilong em? Na husat bai bekim pe long em long wanem samting em i bin mekim?

21:32  Yet God bai bringim em long matmat, na em bai stap yet insait long matmat.

21:33  Ol strongpela hap graun i pas bilong ples daun bai stap switpela long em, na olgeta wan wan man God bai pulim i kam bihain long em, olsem i gat namba man i no inap kaunim i bin go pas long em.

21:34  Nau yupela wok nating long givim bel isi long mi olsem wanem, taim yumi luksave olsem ol bekim bilong yupela i gat giaman i stap yet insait long ol?

Chapter 22

22:1  ¶ Nau man Timan Elifas i bekim na tok,

22:2  Ating wanpela man i ken helpim God, olsem man husat i saveman i ken helpim em yet?

22:3  Ating em i wanpela samting bilong amamasim Man i Gat Olgeta Strong long yu stap stretpela? O ating em i mobeta long Em long yu mekim ol rot bilong yu i stap inap tru?

22:4  Ating Em bai krosim yu bikos Em i pret long yu? Ating Em bai go wantaim yu insait long kot?

22:5  ¶ Ating i yes long sin nogut bilong yu i bikpela? Na ating i yes long ol sin nogut bilong yu i no gat namba bilong en?

22:6  Long wanem, yu bin kisim wanpela mak bilong promis long brata bilong yu nating, na rausim bilong ol man i skin nating ol klos bilong ol.

22:7  Yu no bin givim wara long dring long ol lain i les tru, na yu bin holim bek kaikai long ol lain i hangre.

22:8  Tasol long sait bilong strongpela man, em i bin holim dispela graun. Na man i gat ona i bin stap long en.

22:9  Yu bin salim ol meri man bilong ol i dai pinis i go emti, na ol han bilong ol pikinini i no gat papa yu bin brukim.

22:10  Olsem na ol trap i stap raun nabaut long yu, na pret wantu i givim wari long bel bilong yu,

22:11  O tudak, inap long yu no inap long lukim. Na planti moa yet bilong ol wara i karamapim yu.

22:12  Ating i yes long God i stap long dispela antap bilong heven? Na lukim dispela antap bilong ol sta, ol i antap inap long hamas!

22:13  Na yu tok, God i save olsem wanem? Ating Em i ken jasim namel long klaut i tudak?

22:14  Ol patpela klaut i stap wanpela karamap long Em, inap long Em i no inap lukim. Na Em i wokabaut long raun bilong heven.

22:15  ¶ Ating yu bin makim dispela rot bilong bipo ol man nogut i bin wokabaut long en?

22:16  Husat God i katim i go daun ausait long taim, husat wanpela tait i karamapim olgeta ol as ston bilong ol,

22:17  Husat i tokim God, Lusim mipela. Na Man i Gat Olgeta Strong i ken mekim wanem bilong helpim ol?

22:18  Yet Em i pulimapim ol haus bilong ol wantaim ol gutpela samting. Tasol tok helpim ol man nogut i givim i longwe long mi.

22:19  Ol stretpela man i lukim dispela, na ol i amamas. Na ol man i no bin mekim rong i lap long ol inap long sem bilong tok bilas.

22:20  We i olsem kago bilong mipela i no bagarap olgeta, tasol hap lain i stap yet bilong ol, paia i kaikai olgeta.

22:21  ¶ Yu yet mas kisim save nau long Em, na stap long bel isi. Long dispela, gutpela samting bai kam antap long yu.

22:22  Kisim, mi askim yu plis, lo long maus bilong Em, na bungim i stap ol toktok bilong Em insait long bel bilong yu.

22:23  Sapos yu go bek long Man i Gat Olgeta Strong, Em bai wokim yu i go antap, na yu bai rausim i go ol sin nogut longwe long ol haus holi bilong yu.

22:24  Nau bai yu bungim i stap gol olsem das, na gol bilong Ofir olsem ol ston bilong ol liklik wara.

22:25  Yes, Man i Gat Olgeta Strong bai stap helpim bilong yu long pait, na yu bai gat planti silva.

22:26  Long wanem, nau bai yu gat amamas bilong yu insait long Man i Gat Olgeta Strong, na yu bai litimapim pes bilong yu i go long God.

22:27  Yu bai mekim prea bilong yu i go long Em, na Em bai harim yu, na yu bai baim ol strongpela promis bilong yu.

22:28  Yu bai tokaut strong tu long wanpela samting, na Em bai strongim dispela i go long yu. Na lait bai lait antap long ol rot bilong yu.

22:29  Taim God i tromoi ol man i go daun, nau bai yu tok, I gat rot bilong litimapim. Na Em bai kisim bek man bilong daunim em yet.

22:30  Em bai kisim bek ailan bilong man i no bin mekim rong. Na God bai kisim bek dispela wantaim ol han bilong yu i klin.

Chapter 23

23:1  ¶ Nau Jop i bekim na tok,

23:2  Yes, tude wari bilong mi i pait tru. Hevi wantu bilong mi i hevi moa long krai bilong pen bilong mi.

23:3  O sapos mi ken save long mi ken painim Em we! Long mi ken kam, yes, long sia bilong Em!

23:4  Mi bai kolim gut ol wari bilong mi long ai bilong Em, na pulimapim maus bilong mi wantaim ol tok pait bilong mi.

23:5  Mi gat laik long save long ol dispela toktok Em bai bekim long mi, na kisim save long Em bai tok wanem long mi.

23:6  Ating Em bai toktok wantaim strongpela askim i birua long mi wantaim bikpela pawa bilong Em? Nogat. Tasol Em bai putim strong insait long mi.

23:7  Long dispela hap ol stretpela man i ken tok pait wantaim Em. Olsem tasol bai Em i ken kisim bek mi oltaim oltaim long jas bilong mi.

23:8  ¶ Lukim, mi go long fran, tasol Em i no stap long dispela hap. Na mi go bek, tasol mi no kisim save long Em.

23:9  Mi go long han kais, we Em i wok, tasol mi no inap lukim Em. Em i hatim Em yet long han sut, inap long mi no inap lukim Em.

23:10  Tasol Em i save dispela rot mi kisim. Taim Em i bin traim mi, mi bai kam ausait olsem gol.

23:11  Fut bilong mi i bin holim ol step bilong Em, rot bilong Em mi bin holimpas, na mi no bin go daun.

23:12  Na tu mi no bin go bek i lusim ol tok strong bilong tupela lip bilong maus bilong Em. Mi bin tingim ol toktok bilong maus bilong Em i gutpela moa long ol kaikai bilong mi mi gat nid long en.

23:13  ¶ Tasol Em i stap long wanpela tingting, na husat i ken tanim Em? Na wanem samting tewel bilong Em i laikim, yes, dispela Em i mekim.

23:14  Long wanem, Em i wokim dispela samting Em i bin makim long mi. Na planti kain samting olsem i stap wantaim Em.

23:15  Olsem na bel bilong mi i pilim wari long pes bilong Em. Taim mi tingim na skelim, mi pret long Em.

23:16  Long wanem, God i mekim bel bilong mi i malumalu, na Man i Gat Olgeta Strong i givim wari long mi.

23:17  Bilong wanem, Em i no rausim mi olgeta long ai bilong tudak, na tu Em i no bin karamapim tudak i lusim pes bilong mi.

Chapter 24

24:1  ¶ Bilong wanem, taim yumi luksave olsem ol taim i no stap hait long Man i Gat Olgeta Strong, ol husat i save long Em i no lukim ol de bilong Em?

24:2  Sampela i rausim ol mak bilong graun. Ol i tekewe ol lain sipsip, na ol kaikai bilong ol, wantaim pasin pait.

24:3  Ol i ranim i go donki bilong ol pikinini i no gat papa. Ol i kisim bulmakau man bilong meri man bilong em i dai pinis long mak bilong promis.

24:4  Ol i tanim ol man i gat nid i go ausait long rot. Ol rabisman bilong dispela graun i haitim ol yet wantaim.

24:5  Lukim, olsem ol wail donki bilong ples i no gat man, ol i go ausait long wok bilong ol. Ol i kirap hariap bilong wanpela prais bilong pait. Ples i no gat man i givim kaikai long ol na long ol pikinini bilong ol.

24:6  Ol i kamautim, olgeta wan wan, wit samting bilong em long bikpela gaden. Na ol i bungim ol nambawan hap pikinini wain bilong ol man nogut.

24:7  Ol i mekim ol man i skin nating long slip olsem taim ol i no gat klos, inap long ol i no gat samting bilong karamapim ol long taim kol.

24:8  Ol i kamap wet wantaim ol ren bilong ol maunten, na ol i holimpas ston bikos ol i sot tru long wanpela ples bilong hait.

24:9  Ol i pulim ol pikinini i no gat papa i lusim bros, na kisim mak bilong promis bilong ol rabisman.

24:10  Ol i mekim em long go skin nating na i no gat klos, na ol i tekewe mekpas long man i hangre,

24:11  Husat i wokim wel insait long ol banis bilong ol, na krungutim ol ples bilong krungutim wain bilong ol, na karim pen long nekdrai.

24:12  Ol man i wokim krai bilong pen i kam ausait long biktaun, na tewel bilong ol man i kisim bagarap i krai antap. Tasol God i no makim longlong pasin long ol.

24:13  ¶ Ol i bilong ol husat i bikhet i birua long lait. Ol i no save long ol rot bilong en, o stap long ol liklik rot bilong en.

24:14  Man bilong kilim man i dai i kirap wantaim lait bilong kilim i dai rabisman na man i gat nid, na long nait em i olsem wanpela stilman.

24:15  Ai tu bilong man bilong bagarapim marit long pamuk pasin i wetim taim tudak i kamap, i spik, I no gat ai bai lukim mi. Na em i senisim pes bilong em.

24:16  Long tudak ol i digim i go namel long ol haus, dispela ol i bin makim bilong ol yet long san. Ol i no save long lait.

24:17  Long wanem, moning i stap long ol, yes, olsem tewel bilong dai. Sapos wanpela i save long ol, ol i stap long ol pret nogut tru bilong tewel bilong dai.

24:18  ¶ Em i hariap olsem ol wara. Hap skel bilong ol i stap aninit long kot long dispela graun. Em i no lukim rot bilong ol gaden wain.

24:19  Taim drai na hat i kaikai olgeta ol wara bilong ais. Olsem tasol matmat i mekim long ol husat i bin mekim sin.

24:20  Bel bilong mama bai lusim tingting long em. Liklik snek bai kaikai switpela long em. Ol man i no inap holim tingting moa long em. Na pasin nogut bai bruk olsem wanpela diwai.

24:21  Em i askim nogut long meri husat i no inap karim pikinini. Na em i no mekim gut long meri man bilong em i dai pinis.

24:22  Em i pulim tu strongpela man wantaim pawa bilong em. Em i kirap, na i no gat man i save tru long laip bai i stap.

24:23  Maski God i makim long em i ken stap orait, we em i malolo long en, yet ol ai bilong Em i stap long ol rot bilong ol.

24:24  Ol man i givim biknem long ol liklik taim tasol, tasol ol i go na God i bringim ol i go daunbilo. God bai rausim ol ausait long rot olsem olgeta arapela, na katim ol i go olsem ol antap bilong ol ia bilong wit samting.

24:25  Na sapos em i no stap olsem nau, husat bai mekim mi wanpela man bilong giaman, na mekim toktok bilong mi samting nating?

Chapter 25

25:1  ¶ Nau man Suak Bildat i bekim, na tok,

25:2  Strong bilong bosim na pret i stap wantaim Em, Em i mekim bel isi insait long ol ples antap bilong Em.

25:3  Ating i gat namba liklik bilong ol ami bilong Em? Na antap long husat lait bilong Em i no kirap?

25:4  Olsem wanem nau man i ken kamap stretpela wantaim God? O olsem wanem man i ken stap klin husat meri i bin karim?

25:5  Lukim, yes, inap long mun, na em i no lait. Yes, ol sta i no klin long ai bilong Em.

25:6  Hamas liklik moa man, husat i wanpela liklik snek, na pikinini man bilong man, husat i wanpela liklik snek?

Chapter 26

26:1  ¶ Tasol Jop i bekim na tok,

26:2  Yu bin helpim em husat i no gat pawa olsem wanem? Yu bin kisim bek han i no gat strong olsem wanem?

26:3  Yu bin givim tok helpim long em husat i no gat save tru olsem wanem? Na yu bin tokaut planti long samting olsem em i stap stret olsem wanem?

26:4  Yu bin kolim ol toktok long husat? Na spirit bilong husat i kam ausait long yu?

26:5  ¶ Ol samting i dai pinis God i wokim long samting aninit long ol wara, na ol samting i stap long en.

26:6  Hel i skin nating long ai bilong Em, na bagarap olgeta i no gat samting bilong karamapim em.

26:7  Em i stretim hap not i go ausait antap long ples i emti, na hangamapim dispela graun long nating.

26:8  Em i pasim gut ol wara long ol patpela klaut bilong Em. Na klaut i no bruk aninit long ol.

26:9  Em i holim bek pes bilong sia king bilong Em, na opim i go klaut bilong Em antap long en.

26:10  Em i bin raunim ol wara wantaim ol mak bilong arere, inap long taim de na nait i gat wanpela pinis bilong ol.

26:11  Ol bikpela pos bilong heven i guria na i kirap nogut long hatim bilong Em.

26:12  Em i brukim biksi wantaim pawa bilong Em, na long gutpela save bilong Em Em i paitim namel long ol hambak man.

26:13  Long Spirit bilong Em Em i bin bilasim ol heven. Han bilong Em i bin wokim snek i krungut.

26:14  Harim, ol dispela em ol hap bilong ol rot bilong Em. Tasol hamas liklik hap skel ol man i harim long Em? Tasol long pairap bilong pawa bilong Em husat i ken kisim save?

Chapter 27

27:1  ¶ Na moa tu Jop i go yet long tok piksa bilong em, na tok,

27:2  Olsem God i stap laip, husat i bin tekewe i go kot bilong mi, na Man i Gat Olgeta Strong, husat i bin givim hevi long tewel bilong mi,

27:3  Olgeta taim win bilong mi i stap insait long mi, na Spirit bilong God i stap insait long tupela hul bilong nus bilong mi,

27:4  Tupela lip bilong maus bilong mi bai i no inap mekim toktok nogut, o tang bilong mi kolim tok i gat giaman.

27:5  I no ken tru long mi ken mekim yupela stretpela. Inap long mi dai, mi bai i no inap rausim pasin holi bilong mi long mi.

27:6  Stretpela pasin bilong mi mi holim strong, na mi bai i no inap lusim dispela i go. Bel bilong mi bai i no inap mekim mi long sem inap long taim mi stap laip.

27:7  ¶ Larim birua bilong mi stap olsem man nogut, na em husat i kirap bilong birua long mi olsem man i no stretpela.

27:8  Long wanem, hop bilong man bilong tupela maus em i wanem, maski em i bin winim, taim God i tekewe tewel bilong em?

27:9  Ating God bai harim krai bilong em taim trabel i kam antap long em?

27:10  Ating em bai amamasim em yet insait long Man i Gat Olgeta Strong? Ating em bai singaut long God olgeta taim?

27:11  ¶ Mi bai skulim yupela wantaim han bilong God. Dispela samting i stap wantaim Man i Gat Olgeta Strong bai mi no inap long haitim.

27:12  Lukim, olgeta yupela yupela yet i bin lukim dispela. Bilong wanem nau yupela i stap samting nating olgeta olsem?

27:13  Dispela em i hap skel bilong man nogut wantaim God, na samting man i kisim long papa bilong ol man bilong givim hevi, dispela ol bai kisim long han bilong Man i Gat Olgeta Strong.

27:14  Sapos ol pikinini bilong em i kamap planti moa, dispela em i bilong bainat. Na ol pikinini i kamaut long em bai i no inap ting em inap tru long kaikai tasol.

27:15  Ol dispela husat i stap yet bilong em bai ol i planim insait long dai. Na ol meri man bilong ol i dai pinis bilong em bai i no inap krai tru.

27:16  Maski em i hipim silva i go antap olsem das, na redim klos olsem retpela graun,

27:17  Em i ken redim dispela, tasol ol stretpela man bai putim dispela antap long ol, na man i no bin mekim rong bai brukim dispela silva.

27:18  Em i wokim haus bilong em olsem bataplai bilong nait, na olsem wanpela haus win wasman i wokim.

27:19  Maniman bai slipim bodi, tasol ol i no inap bungim em. Em i opim tupela ai bilong em, na em i no stap.

27:20  Ol pret nogut tru i holimpas em olsem ol wara, wanpela bikwin nogut i stilim em i go long nait.

27:21  Dispela is win i karim em i go, na em i go, na olsem wanpela win nogut i tromoi em i go ausait long ples bilong em.

27:22  Long wanem, God bai tromoi antap long em, na Em i no inap soim sori. Em bai gat laik nating long ranawe i go ausait long han bilong Em.

27:23  Ol man bai paitim ol han bilong ol long em, na ol bai wokim nois bilong daunim em i go ausait long ples bilong em.

Chapter 28

28:1  ¶ Tru tumas, i gat wanpela rot bilong silva, na wanpela ples bilong gol we ol i klinim dispela.

28:2  Ol i kisim ain ausait long dispela graun, na bras ol i kukim ausait long ston.

28:3  Em i putim wanpela pinis long tudak, na painimaut tru olgeta samting i inap tru, ol ston bilong tudak, na tewel bilong dai.

28:4  Tait i bruk ausait long man i stap long en. Yes, ol wara ol lek i lusim tingting long ol. Ol i go drai, ol i go lusim ol man.

28:5  Long sait bilong dispela graun, ausait long en kaikai i kamap. Na aninit long en ol i tanim i kam antap samting olsem paia.

28:6  Ol ston bilong en em ol ples bilong ol sapaia. Na em i gat das bilong gol.

28:7  I gat wanpela liklik rot, dispela i no gat wanpela pisin i save, na dispela ai bilong valtsa i no bin lukim.

28:8  Ol pikinini bilong laion i no bin wokabaut antap long en, o laion i strong tru i wokabaut klostu long en.

28:9  Em i putim han bilong em ausait antap long ston. Em i kapsaitim ol maunten long ol rop daunbilo bilong ol.

28:10  Em i katim ol riva namel long ol ston. Na ai bilong em i lukim olgeta wan wan samting i dia tumas.

28:11  Em i pasim ol tait long karamapim olgeta. Na dispela samting i stap hait em i bringim i kam ausait long lait.

28:12  Tasol yumi bai lukim save tru we? Na ples bilong gutpela save i stap we?

28:13  Man i no save long pe bilong en. Na tu dispela yumi i no inap lukim long hap bilong ol man i stap laip.

28:14  ¶ Ples daun tru i tok, Em i no stap insait long mi. Na biksi i tok, Em i no stap wantaim mi.

28:15  Yumi no inap kisim dispela long gol, na tu bai yumi no inap skelim silva long pe bilong en.

28:16  Ol i no inap makim pe bilong en wantaim gol bilong Ofir, wantaim ol oniks i dia tumas, o wantaim sapaia

28:17  Gol na kristal i no inap wanmak stret long en. Na senis bilong en bai i no inap kam long ol bilas i dia tumas bilong gol i naispela.

28:18  Ol bai i no inap mekim tok liklik long koral, o long ol kiau bilong golip. Long wanem, pe bilong save tru i antap moa long ol rubi.

28:19  Topas bilong Itiopia bai i no inap long wanmak stret long en, na tu ol i no inap makim pe bilong en wantaim gol i klin.

28:20  ¶ Save tru i kam long we nau? Na ples bilong gutpela save i stap we?

28:21  Taim yumi luksave olsem em i stap hait long ol ai bilong olgeta samting i stap laip, na God i holimpas klostu i pas long ol pisin bilong skai.

28:22  Bagarap olgeta na dai i tok, Mipela bin harim biknem tru bilong en wantaim ol ia bilong mipela.

28:23  God i gat gutpela save long rot bilong en, na Em i save long ples bilong en.

28:24  Long wanem, Em i lukluk i go long ol las hap bilong dispela graun, na Em i lukim ol samting aninit long heven olgeta,

28:25  Bilong wokim dispela hevi bilong ol win. Na Em i skelim ol wara wantaim skel.

28:26  Taim Em i wokim wanpela strongpela tokaut bilong tingim ren, na wanpela rot bilong lait bilong klaut bilong klaut i pairap.

28:27  Nau Em i bin lukim dispela, na tokaut long en. Em i redim dispela, yes, na painimaut tru dispela.

28:28  Na long man Em i tok, Lukim, pret long Bikpela, dispela em i save tru. Na long lusim pasin nogut em i gutpela save.

Chapter 29

29:1  ¶ Na moa tu Jop i go yet long tok piksa bilong em, na tok,

29:2  O sapos mi stap olsem long ol mun bipo, olsem long ol de taim God i mekim mi stap gut yet,

29:3  Taim kandel bilong Em i lait antap long het bilong mi, na taim, long lait bilong Em, mi wokabaut namel long tudak,

29:4  Olsem mi stap long ol de mi stap yangpela, taim samting hait bilong God i stap antap long haus holi bilong mi,

29:5  Taim Man i Gat Olgeta Strong i stap yet wantaim mi, taim ol pikinini bilong mi i stap nabaut long mi,

29:6  Taim mi wasim ol step bilong mi wantaim bata, na ston i kapsaitim long mi ol riva bilong wel,

29:7  ¶ Taim mi go ausait long dua bilong banis i go namel long biktaun, taim mi redim sia bilong mi long rot!

29:8  Ol yangpela man i lukim mi, na haitim ol yet. Na ol lapun tru i kirap, na sanap.

29:9  Ol hetman i holim bek ol yet long toktok, na slipim han bilong ol antap long maus bilong ol.

29:10  Ol bikman i pasim maus bilong ol, na tang bilong ol i pas strong long rup bilong maus bilong ol.

29:11  Taim ia i harim mi, nau em i blesim mi. Na taim ai i lukim mi, em i givim witnes long mi.

29:12  Bilong wanem, mi bin kisim bek rabisman husat i krai, na pikinini i no gat papa, na em husat i no gat wanpela bilong helpim em.

29:13  Blesing bilong em husat i redi long dai olgeta i kam antap long mi. Na mi mekim bel bilong meri man bilong em i dai pinis long singim song long amamas tru.

29:14  Mi putim stretpela pasin, na em i klos bilong mi. Save bilong skelim bilong mi i olsem wanpela longpela saket na wanpela hat king bilong glori.

29:15  Mi stap ol ai bilong aipas, na mi stap ol lek bilong lek nogut.

29:16  Mi stap wanpela papa long rabisman. Na dispela wari mi no save mi painimaut tru long en.

29:17  Na mi brukim ol bun bilong wasket bilong man nogut, na kamautim kago bilong pait ausait long ol tit bilong em.

29:18  ¶ Nau mi tok, Mi bai dai long haus pisin bilong mi, na mi bai mekim ol de bilong mi i kamap planti moa olsem wesan.

29:19  Rop daunbilo bilong mi i op ausait klostu long ol wara, na wara bilong nait i slip olgeta hap bilong nait antap long han diwai bilong mi.

29:20  Glori bilong mi i nupela insait long mi, na banara bilong mi i nupela gen insait long han bilong mi.

29:21  Long mi ol man i givim ia, na wet, na pasim maus long tok helpim bilong mi mi givim.

29:22  Bihain long ol toktok bilong mi ol i no toktok gen. Na toktok bilong mi i go daun antap long ol.

29:23  Ol i wetim mi olsem long ren. Na ol i opim maus bilong ol bikpela olsem long rain bilong bihain.

29:24  Sapos mi lap long ol, ol i no bilipim dispela. Na lait bilong pes bilong mi ol i no tromoi i go daun.

29:25  Mi makim rot bilong ol, na sindaun nambawan hetman, na stap olsem wanpela king insait long ami, olsem wanpela husat i givim bel isi long ol lain bilong soim sori.

Chapter 30

30:1  ¶ Tasol nau ol husat i yangpela moa long mi i bin tingim mi olsem samting bilong lap nogut long en, husat ol papa bilong ol mi bin tingim ol olsem ol i no inap long mi ken putim wantaim ol dok bilong lain sipsip bilong mi.

30:2  Yes, olsem wanem na strong bilong ol han bilong ol i ken helpim mi, long husat pasin bilong stap lapun tru i dai olgeta?

30:3  Bikos ol i sot tru na taim hangre i stap, ol i stap wanpis. Taim ol i ranawe i go long ples i no gat man long taim bipo ol i stap nating olgeta na pipia olgeta.

30:4  Husat i katim ol malo klostu long ol liklik bus, na ol rop daunbilo bilong junipa long kaikai bilong ol.

30:5  Ol i ranim ol i go ausait i lusim ol man, (ol i singaut i bihainim ol olsem ol i bihainim wanpela stilman,)

30:6  Bilong mekim ol long stap long ol ples bruk bilong ol ples daunbilo, long ol hul bilong ston bilong dispela graun, na long ol ston.

30:7  Namel long ol liklik bus ol i krai olsem donki. Aninit long ol salat ol i bin bung wantaim.

30:8  Ol i ol pikinini bilong ol krankiman, yes, ol pikinini bilong ol man i samting nating. Ol i nogut tru moa long dispela graun.

30:9  Na nau mi stap song bilong ol, yes, mi stap provep bilong ol.

30:10  Ol i ting mi sting olgeta, ol i ranawe longwe long mi, na ol i no holim bek long spet long pes bilong mi.

30:11  Bikos Em i bin lusim rop bilong mi, na givim hevi long mi, ol tu i bin lusim baklain bilong stiaim mi long ai bilong mi.

30:12  Antap long han sut bilong mi ol yangpela i kirap. Ol i subim i go tupela lek bilong mi, na ol i kirapim bilong birua long mi ol rot bilong ol bilong bagarap olgeta.

30:13  Ol i bagarapim liklik rot bilong mi, ol i putim bikpela hevi bilong mi i go long fran, ol i no gat man bilong helpim.

30:14  Ol i kam antap long mi olsem ol wara i bruk i kam insait i gat bikpela brait. Long taim bilong stap nating olgeta ol i tantanim ol yet antap long mi.

30:15  ¶ Ol pret nogut tru i tanim i kam antap long mi. Ol i ran bihainim tewel bilong mi olsem win. Na gutpela sindaun bilong mi i pinis olgeta olsem wanpela klaut.

30:16  Na nau tewel bilong mi i kapsait ausait antap long mi. Ol de bilong kisim hevi i bin holimpas mi.

30:17  Ol bun bilong mi ol i sutim insait long mi long taim bilong nait. Na ol rop bilong bun bilong mi i no kisim malolo.

30:18  Long bikpela strong bilong sik nogut bilong mi, klos bilong mi i senis. Dispela i pasim mi nabaut olsem kola bilong saket bilong mi.

30:19  Em i bin tromoi mi i go long graun malumalu, na mi kamap olsem das na sit bilong paia.

30:20  Mi krai long Yu, na Yu no harim mi. Mi sanap, na Yu no tingim mi gut.

30:21  Yu kamap Man i amamas long givim pen long mi. Wantaim strongpela han bilong Yu Yu mekim Yu Yet long birua long mi.

30:22  Yu litimapim mi i go long win. Yu mekim mi long flai antap long en, na Yu mekim kago bilong mi long pinis olgeta.

30:23  Long wanem, mi save long Yu bai bringim mi long dai, na long haus Yu makim bilong olgeta samting i stap laip.

30:24  Tasol Em bai i no i go stretim han bilong Em i go ausait inap long matmat, maski ol i krai insait long bagarap olgeta bilong Em.

30:25  Ating i yes long mi krai tru long man husat i pilim wari? Ating i yes long tewel bilong mi i soim bel sori long rabisman?

30:26  Taim mi painim gutpela samting, nau samting nogut i kam long mi. Na taim mi wetim lait, tudak i kam.

30:27  Ol rop bilong bel bilong mi i boil, na i no malolo. Ol de bilong kisim hevi i pasim mi.

30:28  Mi go soim sori taim i no gat san. Mi sanap, na mi krai insait long bung bilong ol manmeri.

30:29  Mi stap wanpela brata bilong ol dregon, na wanpela man bilong raun wantaim ol aul.

30:30  Skin bilong mi em i blakpela antap long mi, na ol bun bilong mi i kuk olgeta wantaim hat.

30:31  Harp bilong mi tu i tanim long kamap soim sori, na organ bilong mi i kamap nek bilong ol husat i krai tru.

Chapter 31

31:1  ¶ Mi wokim wanpela kontrak wantaim tupela ai bilong mi. Bilong wanem nau mi ken tingting long wanpela yangpela meri.

31:2  Long wanem, i gat wanem hap skel bilong God i kam long antap? Na wanem samting papa i givim pikinini bilong Man i Gat Olgeta Strong i kam long antap?

31:3  Ating i yes long bagarap olgeta i go long ol man nogut? Na ating i yes long wanpela narakain mekim save i go long ol man bilong mekim sin nogut?

31:4  Ating i yes long Em i lukim ol rot bilong mi, na kaunim olgeta step bilong mi?

31:5  Sapos mi bin wokabaut wantaim pasin nating, o sapos lek bilong mi i bin ran hariap i go long giaman pasin,

31:6  Larim ol skelim mi long wanpela stretpela skel, inap long God i ken save long pasin holi bilong mi.

31:7  Sapos step bilong mi i bin tanim ausait long rot, na bel bilong mi i wokabaut i bihainim tupela ai bilong mi, na sapos wanpela samting nogut i bin pas strong long tupela han bilong mi,

31:8  Orait larim mi planim, na larim narapela i ken kaikai. Yes, larim ol man i ken digim i kam ausait ol pikinini i kamaut long mi olsem rop daunbilo.

31:9  ¶ Sapos wanpela meri i bin giamanim bel bilong mi, o sapos mi bin wet hait long dua bilong man i stap klostu long mi,

31:10  Orait larim meri bilong mi i ken rabrabim i go long narapela, na larim ol arapela i lindaun antap long em.

31:11  Long wanem, dispela em i wanpela bikpela rong nogut tru, yes, dispela em i wanpela sin nogut long ol jas i ken wokim mekim save long en.

31:12  Long wanem, dispela em i wanpela paia i kaikai olgeta bilong bagarapim, na dispela bai digim i kam ausait olgeta win samting bilong mi olsem rop daunbilo.

31:13  Sapos mi bin tingim olsem wari bilong wokman bilong mi o wokmeri bilong mi i samting nating, taim ol i tok pait strong wantaim mi,

31:14  Nau mi bai mekim wanem taim God i kirap? Na taim em i kam lukim mi, mi bai bekim tok wanem long Em?

31:15  Ating i yes long Em husat i wokim mi insait long bel bilong mama i wokim em? Na ating i yes long Wanpela tasol i wokim gut mipela insait long bel bilong mama?

31:16  ¶ Sapos mi bin holim bek ol rabisman long laik bilong ol, o sapos mi bin mekim ol ai bilong meri man bilong em i dai pinis long fel,

31:17  O sapos mi bin kaikai liklik hap kaikai bilong mi yet wanpela, na pikinini i no gat papa i no bin kaikai long en,

31:18  (Long wanem, i stat long taim mi yangpela ol i lukautim em inap long em i bikpela wantaim mi, olsem wantaim wanpela papa, na mi bin stiaim meri i kam long taim mi i lusim bel bilong mama bilong mi inap long nau,)

31:19  Sapos mi bin lukim wanpela i dai olgeta bikos em i sot tru long klos, o wanpela rabisman i no gat karamap,

31:20  Sapos ol namel bilong bel bilong em i no bin blesim mi, na sapos em i no kisim hat wantaim skin bilong sipsip bilong mi,

31:21  Sapos mi bin litimapim han bilong mi i birua long pikinini i no gat papa, taim mi lukim helpim bilong mi long dua bilong banis,

31:22  Orait larim han bilong mi pundaun i lusim bun bilong sol bilong han bilong mi, na han bilong mi i ken bruk na lusim bun.

31:23  Long wanem, bagarap olgeta i kam long God em i wanpela samting bilong pretim mi nogut tru, na bikos Em i antap tru, mi no inap long stap yet.

31:24  ¶ Sapos mi bin mekim gol hop bilong mi, o mi bin tokim naispela gol, Yu stap strongpela bilip bilong mi,

31:25  Sapos mi wokim amamas tru bikos bikpela mani samting bilong mi i bikpela, na bikos han bilong mi i bin kisim planti,

31:26  Sapos mi lukim san taim em i lait, o mun i wokabaut insait long bikpela lait,

31:27  Na dispela i bin grisim bel bilong mi hait, o maus bilong mi i bin givim kis long han bilong mi,

31:28  Dispela tu em i wanpela sin nogut bilong jas i ken wokim mekim save long en. Long wanem, sapos i olsem, mi bin tok nogat long God pinis, husat i stap antap.

31:29  Sapos mi wokim amamas tru long bagarap olgeta bilong man husat i hetim mi, o litimapim mi yet taim pasin nogut i painim em pinis.

31:30  Na tu mi no bin larim maus bilong mi mekim sin long gat laik tru long wanpela tok nogut i ken go long tewel bilong em.

31:31  Sapos ol man bilong haus holi bilong mi i no tok, O sapos yumi gat bilong bodi bilong em! Yumi no inap ting em inap tru.

31:32  Ausait man i no bin slip long rot, tasol mi opim ol dua bilong mi long man pasindia.

31:33  ¶ Sapos mi karamapim ol sin bilong mi bilong kalapim lo olsem Adam, taim mi haitim ol sin nogut bilong mi long bros bilong mi,

31:34  Ating mi pretim traipela lain tru, o ating bikpela sem bilong ol famili i pretim mi nogut tru, inap long mi pasim maus, na mi no go ausait long dua?

31:35  O sapos wanpela i ken harim mi! Lukim, laik bilong mi i olsem, long Man i Gat Olgeta Strong i ken bekim tok long mi, na long birua bilong mi i bin raitim wanpela buk.

31:36  Tru tumas, mi bai kisim dispela i go antap long sol bilong han bilong mi, na pasim dispela olsem wanpela hat king long mi.

31:37  Mi bai tokaut long em long namba bilong ol step bilong mi. Olsem wanpela hetman mi bai go klostu long em.

31:38  Sapos hap graun bilong mi i krai birua long mi, o long ol graun mi brukim bilong en i komplen wankain olsem,

31:39  Sapos mi bin kaikai long ol kaikai bilong en taim mi no gat mani, o sapos mi bin mekim ol papa bilong en bilong lusim laip bilong ol,

31:40  Orait, larim ol tisel i kamap bikpela na kisim ples bilong wit, na kakel i kisim ples bilong bali. Ol toktok bilong Jop i pinis.

Chapter 32

32:1  ¶ Olsem na dispela tripela man i pinis long bekim tok long Jop, bilong wanem, em i stretpela long ai bilong em yet.

32:2  Nau belhat tru bilong Ilaihu, pikinini man bilong man Bus Barakel, bilong ol kandre bilong Ram, i kirap. Long birua long Jop belhat tru bilong em i kirap, bilong wanem, em i mekim em yet stretpela na God nogat.

32:3  Na tu i birua long tripela wantok bilong Jop, belhat tru bilong em i kirap, bilong wanem, ol i no bin painim pinis bekim tru, na yet ol i sutim tok long Jop.

32:4  Nau Ilaihu i bin wetim inap long Jop i bin toktok pinis, bilong wanem, ol i lapun moa long em.

32:5  Taim Ilaihu i luksave long i no gat bekim long maus bilong dispela tripela man, nau belhat tru bilong em i kirap.

32:6  ¶ Na Ilaihu, pikinini man bilong man Bus Barakel i bekim na tok, Mi yangpela, na yupela i lapun tru. Olsem na mi pret, na mi no laik long soim yupela tingting bilong mi.

32:7  Mi tok, Ol de i mas toktok, na planti yia tru i mas skulim long save tru.

32:8  Tasol i gat wanpela spirit insait long man. Na win bilong maus bilong Man i Gat Olgeta Strong i givim ol gutpela save.

32:9  Ol bikman i no saveman olgeta taim. Na tu ol man i lapun tru i no gat gutpela save long kot olgeta taim.

32:10  Olsem na mi tok, Harim long mi. Mi tu bai soim tingting bilong mi.

32:11  Lukim, mi wetim long ol toktok bilong yupela. Mi givim ia long ol tingting bilong yupela, taim yupela painimaut tru wanem samting bilong toktok.

32:12  Yes, mi givim ia long yupela, na, lukim, i no gat wanpela bilong yupela husat i soim Jop tru tru, o husat i bekim ol toktok bilong em.

32:13  Nogut yupela ken tok, Mipela bin painimaut save tru pinis. God i bin tromoi em i go daun, i no man.

32:14  Nau em i no bin stiaim ol toktok bilong em i birua long mi. Na tu bai mi no inap bekim tok long em wantaim ol kain toktok bilong yupela.

32:15  ¶ Ol i kirap nogut tru, ol i no bekim tok moa. Ol i lusim pasin bilong toktok.

32:16  Taim mi bin wetim, (long wanem, ol i no toktok, tasol ol i sanap isi, na ol i no bekim tok moa,)

32:17  Mi tok, Mi bai bekim tok tu long hap bilong mi. Mi tu bai soim tingting bilong mi.

32:18  Long wanem, mi pulap long samting, spirit insait long mi i pulim mi strong.

32:19  Lukim, bel bilong mi em i olsem wain, dispela i no gat rot bilong win i ken go ausait. Em i redi long bruk olsem ol nupela skin meme.

32:20  Mi bai toktok, inap long mi ken kisim strong gen. Mi bai opim tupela lip bilong maus bilong mi na bekim tok.

32:21  No ken larim mi, mi askim yupela plis, orait long namba bilong wanpela man, na tu no ken larim mi givim ol tok gris nem i go long man.

32:22  Long wanem, mi save long mi no ken givim ol tok gris nem. Sapos mi mekim olsem, Man i wokim mi bai tekewe mi kwiktaim.

Chapter 33

33:1  ¶ Olsem na, Jop, mi askim yu plis, harim ol toktok bilong mi, na harim gut olgeta toktok bilong mi.

33:2  Lukim, nau mi bin opim maus bilong mi, tang bilong mi i bin toktok insait long maus bilong mi.

33:3  Ol toktok bilong mi bai stap long stretpela pasin bilong bel bilong mi. Na tupela lip bilong maus bilong mi bai kolim save tru klia.

33:4  Spirit bilong God i bin wokim mi, na win bilong Man i Gat Olgeta Strong i bin givim mi laip.

33:5  Sapos yu ken bekim tok long mi, putim ol toktok bilong yu long lain long ai bilong mi, sanap.

33:6  Lukim, bilong bihainim laik tru bilong yu, mi stap long ples bilong God. Mi tu God i wokim ausait long retpela graun.

33:7  Lukim, pret nogut tru bilong mi i no inap mekim yu pret, na tu han bilong mi i no inap stap hevi antap long yu.

33:8  ¶ Tru tumas, yu bin toktok long harim bilong mi, na mi bin harim nek bilong ol toktok bilong yu, i spik,

33:9  Mi stap klin na mi no kalapim lo, mi no mekim rong. Na tu i no gat sin nogut insait long mi.

33:10  Lukim, Em i painim ol sans long birua long mi, Em i kaunim mi olsem birua bilong Em.

33:11  Em i putim tupela lek bilong mi insait long ol diwai i kalabusim hanlek, Em i makim olgeta liklik rot bilong mi.

33:12  Lukim, long dispela yu no stap stretpela. Mi bai bekim tok long yu, long God i winim man.

33:13  Bilong wanem yu laik pait strong i birua long Em? Long wanem, Em i no mas givim stori gut long wanpela bilong ol samting Em i mekim.

33:14  ¶ Long wanem, God i toktok wanpela taim, yes, tupela taim, tasol man i no kisim save long dispela.

33:15  Insait long wanpela driman, long wanpela driman samting bilong nait, taim slip i dip tru i pundaun antap long ol man, insait long ol hap slip antap long bet,

33:16  Nau em i opim ol ia bilong ol man, na pasim tok bilong skul Em i givim ol,

33:17  Inap long Em i ken surikim man long as bilong wok Em i gat long ol, na haitim hambak pasin long man.

33:18  Em i holimpas tewel bilong em long bikpela hul, na laip bilong em long dai olgeta long bainat.

33:19  ¶ Man i kisim stik tu wantaim pen antap long bet bilong em, na long planti bun tru bilong em wantaim strongpela pen,

33:20  Inap long laip bilong em i ting bret i sting olgeta, na tewel bilong em naispela kaikai.

33:21  Hangre i kaikai bodi bilong em olgeta, inap long ol i no inap lukim dispela. Na ol bun bilong em ol man i no lukim i kamap ples klia.

33:22  Yes, tewel bilong em i wok long go klostu long matmat, na laip bilong em long ol man bilong bagarapim olgeta.

33:23  Sapos i gat wanpela mausman wantaim em, wanpela man bilong tanim tok, wanpela namel long 1,000, bilong soim man stretpela pasin bilong Em,

33:24  Nau Em i soim marimari long em, na tok, Kisim bek em long em i no go daun long bikpela hul. Mi bin painim pinis wanpela pe bilong baim bek.

33:25  Bodi bilong em bai stap nupela moa long bodi bilong wanpela pikinini. Em bai go bek long ol de bilong em bilong stap yangpela.

33:26  Em bai beten i go long God, na Em bai mekim gutpela long em. Na em bai lukim pes bilong Em wantaim amamas tru. Long wanem, Em bai bekim stretpela pasin bilong man i go long em.

33:27  Em i lukim ol man, na sapos wanpela i tok, Mi bin mekim sin, na paulim dispela samting i stretpela, na dispela i no helpim mi,

33:28  Em bai kisim bek tewel bilong em long i go daun long bikpela hul, na laip bilong em bai lukim lait.

33:29  ¶ Harim, olgeta dispela samting God i wokim planti taim wantaim man,

33:30  Bilong bringim tewel bilong em i kam bek long bikpela hul, bilong kisim lait wantaim lait bilong ol man i stap laip.

33:31  Luksave gut, O Jop, harim gut long mi. Pasim maus bilong yu, na mi bai toktok.

33:32  Sapos yu gat wanpela samting long toktok, bekim tok long mi. Toktok, long wanem, mi gat laik long mekim yu kamap stretpela.

33:33  Sapos nogat, harim gut long mi. Pasim maus bilong yu, na mi bai skulim yu long save tru.

Chapter 34

34:1  ¶ Na moa tu Ilaihu i bekim na tok,

34:2  Harim ol toktok bilong mi, O yupela saveman. Na givim ia long mi, yupela husat i gat save.

34:3  Long wanem, ia i traim ol toktok, olsem maus i testim ol kaikai.

34:4  Larim yumi makim bilong yumi gutpela kot. Larim yumi save namel long yumi yet wanem samting i gutpela.

34:5  Long wanem, Jop i bin tok, Mi stap stretpela. Na God i bin tekewe kot bilong mi.

34:6  Ating mi ken giaman i birua long stretpela pasin bilong mi? I no gat rot bilong stretim bagarap bilong mi em na i no gat pasin bilong kalapim lo.

34:7  Wanem man em i olsem Jop, husat i dringim sem bilong tok bilas olsem wara?

34:8  Husat i go raun wantaim ol man bilong wokim pasin nogut, na wokabaut wantaim ol man nogut.

34:9  Long wanem, em i bin tok, Em i no inap helpim man liklik long em i ken amamasim em yet wantaim God.

34:10  ¶ Olsem na harim long mi, yupela ol man bilong gutpela save. I mas stap longwe long God, long Em i ken mekim pasin nogut, na long Man i Gat Olgeta Strong, long Em i ken mekim sin nogut.

34:11  Long wanem, wok bilong wanpela man bai Em i bekim i go long em, na mekim olgeta wan wan man long painimaut bilong bihainim ol rot bilong em.

34:12  Yes, tru tumas, God bai i no inap mekim pasin nogut, na tu Man i Gat Olgeta Strong bai i no inap paulim kot.

34:13  Husat i bin givim Em wanpela wok long bosim dispela graun? O husat i bin stretim dispela graun olgeta?

34:14  Sapos Em i putim bel bilong Em antap long wanpela man, sapos Em i bungim i go long Em Yet Spirit bilong Em na win bilong Em,

34:15  Olgeta bodi bai dai olgeta wantaim, na man bai tanim gen i go long das.

34:16  ¶ Sapos nau yu gat gutpela save, harim dispela. Harim gut long nek bilong ol toktok bilong mi.

34:17  Yes, ating em husat i hetim stretpela pasin i ken bosim samting? Na bai yu sutim tok long em husat i stretpela moa long ol arapela?

34:18  Ating em i fit long tokim wanpela king, Yu stap man nogut? Na long ol hetman, Yupela stap ol man i bihainim pasin nogut?

34:19  Hamas liklik moa long em husat i no orait long namba bilong ol hetman, o i no tingim namba bilong maniman moa long rabisman? Long wanem, ol olgeta i wok bilong ol han bilong Em.

34:20  Wantu tasol bai ol i dai, na ol manmeri bai pilim wari long belo biknait, na pinis olgeta. Na ol strongpela man bai Em i tekewe taim i no gat wanpela han i stap.

34:21  Long wanem, ol ai bilong Em i stap antap long ol rot bilong man, na Em i lukim olgeta wokabaut bilong em.

34:22  Tudak i no stap, o tewel bilong dai, we ol wokman bilong sin nogut i ken haitim ol yet.

34:23  Long wanem, Em bai i no inap putim antap long man moa long samting i stretpela, inap long em i ken go insait long kot wantaim God

34:24  Em bai brukim long planti hap hap ol strongpela man i no gat namba bilong ol, na putim ol arapela bilong kisim ples bilong ol.

34:25  Olsem na Em i save long ol wok bilong ol, na Em i kapsaitim ol long nait, inap long ol i bagarap olgeta.

34:26  Em i paitim ol olsem ol man nogut long ples klia long hap ai bilong ol arapela i lukim.

34:27  Bilong wanem, ol i tanim bek i lusim Em, na ol i no gat laik long tingim na skelim wanpela bilong ol rot bilong Em.

34:28  Inap long ol i mekim krai bilong ol rabisman long kam long Em, na Em i harim krai bilong ol man i kisim hevi.

34:29  Taim Em i givim taim bilong stap isi, husat nau i ken wokim trabel? Na taim Em i haitim pes bilong Em, husat nau i ken lukim Em, sapos Em i wokim bilong birua long wanpela kantri, o bilong birua long wanpela man tasol?

34:30  Inap long man bilong tupela maus i no ken bosim kingdom, nogut ol manmeri i go insait long trap

34:31  ¶ Tru tumas, em i fit long man i tokim God, Mi bin karim hevi bilong kisim stik, mi bai i no inap bagarapim bel bilong Yu moa liklik.

34:32  Dispela samting mi no luksave long en Yu mas skulim mi. Sapos mi bin mekim sin nogut, mi bai i no inap mekim moa.

34:33  Ating dispela i mas stap bilong bihainim tingting bilong yu? Em bai bekim pe long dispela, sapos yu tok nogat, o sapos yu makim dispela. Na i no mi. Olsem na toktok long wanem samting yu save long en.

34:34  Larim ol man bilong gutpela save tokim mi, na larim wanpela saveman harim gut long mi.

34:35  Jop i bin toktok taim em i no gat save, na ol toktok bilong em i no bin gat save tru long ol.

34:36  Laik bilong mi em i long Jop i ken kisim traim i go long pinis bilong en, bilong wanem, bilong ol bekim tok bilong em bilong helpim ol man nogut.

34:37  Long wanem, em i skruim bikhet pasin i go long ol sin bilong em, em i paitim tupela han bilong em namel long yumi, na mekim ol toktok bilong em i kamap planti moa i birua long God.

Chapter 35

35:1  ¶ Ilaihu i tok moa tu, na tok,

35:2  Yu tingim dispela em i stretpela, long yu tok, Stretpela pasin bilong mi em i moa long bilong God?

35:3  Long wanem, yu bin tok, Em bai helpim Yu olsem wanem? Na, Wanem helpim bai mi gat, sapos mi stap klin long sin bilong mi?

35:4  Mi bai bekim yu, na ol poroman bilong yu wantaim yu.

35:5  Lukluk i go long ol heven, na luksave. Na lukim ol dispela klaut i stap antap moa long yu.

35:6  Sapos yu mekim sin, Yu mekim wanem i birua long Em? O sapos pasin bilong yu bilong kalapim lo i kamap planti moa, yu mekim wanem long Em?

35:7  Sapos yu stap stretpela, yu givim wanem long Em? O Em i kisim wanem long han bilong yu?

35:8  Ol sin nogut bilong yu i ken bagarapim wanpela kain man i stap olsem yu. Na stretpela pasin bilong yu i ken helpim pikinini man bilong man.

35:9  ¶ Bikos i gat planti pasin tru bilong mekim man i kisim taim ol i mekim ol man bilong kisim taim long krai. Ol i krai strong bikos han bilong ol strongpela man i givim hevi.

35:10  Tasol i no gat wanpela i tok, God, Man bilong wokim mi, i stap we, husat i givim mi ol song long nait,

35:11  Husat i skulim yumi moa long ol animal bilong dispela graun, na mekim yumi long gat save tru moa long ol pisin bilong heven?

35:12  Long dispela hap ol i krai, tasol i no gat wanpela i givim wanpela bekim, bilong wanem, hambak pasin bilong ol man nogut i stap.

35:13  Tru tumas, God bai i no inap harim samting nating, na tu Man i Gat Olgeta Strong bai i no inap tingim gut dispela.

35:14  ¶ Maski yu tok yu bai i no inap lukim Em, yet kot i stap long ai bilong Em. Olsem na yu mas putim bilip long Em.

35:15  Tasol nau, bikos em i no olsem, Em i bin kam lukim yu long belhat bilong Em. Yet Em i no save long dispela long bikpela arere olgeta bilong en.

35:16  Olsem na Jop i opim maus bilong em nating. Em i mekim ol toktok i kamap planti moa taim em i no gat save.

Chapter 36

36:1  ¶ Ilaihu i go moa tu, na tok,

36:2  Larim mi liklik, na mi bai soim yu dispela toktok mi gat yet long sait bilong God.

36:3  Mi bai kisim save bilong mi long longwe, na mi bai makim stretpela pasin long Man i wokim mi.

36:4  Long wanem, tru tumas, ol toktok bilong mi bai i no inap stap giaman. Em husat em inap tru long save i stap wantaim yu.

36:5  ¶ Lukim, God em i strong, na Em i no tingim wanpela olsem i samting nating. Em i strong long strong na save tru.

36:6  Em i no mekim laip bilong man nogut stap gut yet. Tasol Em i givim stretpela samting long rabisman.

36:7  Em i no surikim tupela ai bilong Em long ol stretpela man. Tasol wantaim ol king ol i stap long sia king. Yes, Em i strongim ol oltaim oltaim, na ol i kisim biknem.

36:8  Na sapos ol i pasim ol long ol samting bilong pasim lek, na ol i pasim ol long ol rop bilong kisim hevi,

36:9  Nau Em i soim ol ol wok bilong ol, na ol pasin bilong kalapim lo bilong ol, dispela ol i bin go planti moa yet long ol.

36:10  Em i opim tu ol ia bilong ol long pasin bilong mekim gutpela wok olgeta taim, na Em i tok strong long ol long kam bek na lusim sin nogut.

36:11  Sapos ol i bihainim tok na bihainim Em, ol bai stap long ol de bilong ol long gutpela sindaun, na ol yia bilong ol long ol samting bilong amamasim bel.

36:12  Tasol sapos ol i no bihainim tok, ol bai dai olgeta long bainat, na ol bai dai taim ol i no gat save.

36:13  Tasol ol man bilong tupela bel bai hipim antap belhat tru. Ol i no krai taim Em i pasim ol.

36:14  Ol i dai long taim ol i yangpela, na laip bilong ol i stap namel long ol man i no klin.

36:15  ¶ Em i kisim bek ol rabisman long taim bilong kisim hevi bilong ol, na opim ol ia bilong ol long taim bilong kisim hevi bilong ol.

36:16  Yes, olsem tasol Em i gat laik long rausim yu ausait long liklik ples i go insait long wanpela ples i gat bikpela brait, we i no liklik. Na dispela samting Em i laik putim antap long tebol bilong yu i ken pulap wantaim gris.

36:17  Tasol yu bin inapim kot bilong ol man nogut. Kot na stretpela kot i holimpas yu.

36:18  Bikos belhat tru i stap, lukaut gut, nogut Em i tekewe yu wantaim hevi wantu bilong Em. Nau wanpela bikpela pe bilong baim bek i no inap kisim bek yu.

36:19  Ating Em bai tingim ol planti mani samting bilong yu i gutpela? Nogat, i no gol, o olgeta pawa bilong strong bilong yu.

36:20  No ken gat laik long nait, taim ol i rausim olgeta ol manmeri long ples bilong ol.

36:21  Was gut, no ken tingim sin nogut i gutpela. Long wanem, dispela yu bin makim bilong yu moa long taim bilong kisim hevi.

36:22  Lukim, God i litimapim wantaim pawa bilong Em. Husat i skulim olsem Em?

36:23  Husat i bin tok strong long Em long rot bilong Em? O husat i ken tok, Yu bin wokim sin nogut?

36:24  ¶ Holim tingting long yu mas litimapim wok bilong Em, dispela ol man i lukim.

36:25  Olgeta wan wan man bai lukim dispela. Man i ken lukim dispela longwe.

36:26  Lukim, God i bikpela, na yumi no save long Em, na tu namba bilong ol yia bilong Em yumi no inap long painimaut tru.

36:27  Long wanem, Em i mekim ol drop bilong wara i go liklik. Ol i kapsaitim ren bilong bihainim smok wara bilong en,

36:28  Dispela ol klaut i lusim i go daun na tromoi isi isi antap long man planti moa yet.

36:29  Na tu ating wanpela i ken kisim save long ol opim bilong ol klaut, o nois bilong haus holi bilong Em?

36:30  Lukim, Em i opim lait bilong Em antap long en, na karamapim as daunbilo bilong biksi.

36:31  Long wanem, long ol Em i jasim ol manmeri. Em i givim kaikai i pulap tru.

36:32  Wantaim ol klaut Em i karamapim lait. Na Em i tok strong long em i no ken lait long dispela klaut i kam namel.

36:33  Nois bilong en i soim long sait bilong en, ol bulmakau samting tu long sait bilong smok wara bilong en.

Chapter 37

37:1  ¶ Long dispela tu bel bilong mi i guria, na muv i kam ausait long ples bilong en.

37:2  Harim gut tru nois bilong nek bilong Em, na dispela nois i go ausait long maus bilong Em.

37:3  Em i stiaim dispela aninit long heven olgeta, na lait bilong klaut bilong Em i go long ol las hap bilong dispela graun.

37:4  Bihain long en wanpela nek i krai bikpela. Em i wokim bikpela nois wantaim nek bilong Em i nambawan tru. Na Em bai i no inap pasim ol taim ol i harim nek bilong Em.

37:5  God i wokim bikpela nois wantaim nek bilong Em i mekim man i tingting planti. Ol bikpela samting Em i mekim, dispela yumi i no inap save long en.

37:6  ¶ Long wanem, em i tokim ais, Yu stap antap long dispela graun. Wankain tu long liklik ren, na long bikpela ren long strong bilong Em.

37:7  Em i pasim gut han bilong olgeta wan wan man, inap long olgeta man i ken save long wok bilong Em.

37:8  Nau ol animal i go insait long ol hul, na stap yet long ol ples bilong ol.

37:9  Ausait long hap saut raunwin i kam, na kol ausait long hap not.

37:10  Wantaim win bilong maus bilong God Em i givim ais bilong moning. Na win bilong maus bilong ol wara i pas klostu tumas.

37:11  Na tu taim Em i putim wara Em i mekim ol patpela klaut i les tru. Em i brukim nabaut klaut bilong Em i lait.

37:12  Na dispela i tanim raun nabaut long ol tok helpim Em i givim, inap long ol i ken mekim wanem samting Em i tok strong long ol antap long pes bilong dispela graun long dispela graun.

37:13  Em i mekim dispela long kam, sapos em i bilong stretim, o bilong hap graun bilong Em, o bilong sori.

37:14  ¶ Harim gut long dispela, O Jop. Stap isi, na tingim na skelim ol dispela wok bilong God i winim tingting.

37:15  Ating yu save long taim God i stretim ol, na mekim lait bilong klaut bilong Em long lait?

37:16  Ating yu save long ol skel bilong ol klaut, ol wok i winim tingting bilong Em husat i inap tru long save?

37:17  Ol klos bilong yu i hatpela liklik olsem wanem, taim Em i mekim dispela graun i stap isi wantaim win i kam long hap saut?

37:18  Ating yu wantaim Em i opim skai i go ausait, dispela i strong, na i olsem wanpela glas ain bilong lukim pes?

37:19  Skulim mipela long mipela bai tok wanem long Em. Long wanem, mipela i no inap long stretim gut ol toktok bilong mipela bikos tudak i stap.

37:20  Ating ol bai tokim Em long mi toktok? Sapos wanpela man i toktok, tru tumas, Em bai daunim em olgeta.

37:21  ¶ Na nau ol man i no lukim ol klaut i lait, dispela i stap insait long ol klaut. Tasol win i abrusim ol, na klinim ol.

37:22  Gutpela taim i kam ausait long hap not. Wantaim God em pasin bilong king long pretim ol man nogut tru.

37:23  Long sait bilong Man i Gat Olgeta Strong, mipela i no inap painimaut Em. Em i nambawan tru long pawa, na long kot, na long planti stretpela kot. Em bai i no inap givim hevi.

37:24  Olsem na ol man i pret long Em. Em i no tingim namba bilong wanpela husat i gat save tru bilong bel.

Chapter 38

38:1  ¶ Nau BIKPELA i bekim tok long Jop ausait long raunwin, na tok,

38:2  Dispela em i husat, husat i mekim tok helpim man i givim i go tudak wantaim ol toktok i no gat save?

38:3  Pasim strong nau klos bilong ol namel bilong bel bilong yu olsem man tru. Long wanem, Mi bai askim strong long yu, na yu bekim tok long Mi.

38:4  ¶ Yu bin stap we taim Mi slipim ol as ston bilong dispela graun? Tokaut, sapos yu gat gutpela save.

38:5  Husat i bin slipim ol skel bilong en, sapos yu save? O husat i bin stretim dispela lain i go ausait antap long en?

38:6  Ol as ston bilong en i pas strong antap long we? O husat i slipim dispela nambawan ston bilong kona bilong en,

38:7  Taim ol sta bilong moning i bin sing wantaim, na olgeta pikinini man bilong God i singaut long amamas tru?

38:8  O husat i pasim biksi wantaim ol dua, taim em i bruk i kam ausait, wankain olsem em i bin ran i kam ausait long bel bilong mama?

38:9  Taim Mi wokim klaut i kamap klos bilong en, na strongpela tudak wanpela klos bilong raunim bebi bilong en,

38:10  Na brukbrukim bilong en ples Mi bin tokaut long en, na putim ol ba na ol dua,

38:11  Na tok, Inap long dispela hap yu ken kam, tasol i no moa. Na hia ol hambak sibruk bilong yu bai pas?

38:12  ¶ Ating yu bin tok strong long moningtaim i stat long ol de bilong yu, na mekim sankamap long save long ples bilong em,

38:13  Inap long em i ken holimpas ol las hap bilong dispela graun, inap long em i ken seksekim ol man nogut i go ausait long en?

38:14  Dispela ol i tantanim olsem retpela graun bilong kamap mak bilong pasim. Na ol i sanap olsem wanpela klos.

38:15  Na long ol man nogut, lait bilong ol ol i holim bek, na han antap ol bai brukim.

38:16  Ating yu bin go insait long ol ai bilong wara bilong biksi? O ating yu bin wokabaut bilong painim tru ples i dip tru?

38:17  Ating ol dua bilong banis bilong dai i bin op long yu? O ating yu bin lukim ol dua bilong tewel bilong dai?

38:18  Ating yu bin kisim save long brait bilong dispela graun? Tokaut sapos yu save long olgeta samting.

38:19  Rot we lait i stap em we? Na long sait bilong tudak, ples bilong en i stap we,

38:20  Inap long yu ken karim dispela i go long mak bilong arere bilong en, na inap long yu ken save long ol liklik rot i go long haus bilong en?

38:21  Yu save long en, bikos mama i bin karim yu long dispela taim? O bikos namba bilong ol de bilong yu em i bikpela?

38:22  Ating yu bin go insait long ol samting i dia tru bilong ais? O ating yu bin lukim ol samting i dia tru bilong ren ais,

38:23  Dispela Mi bin holim bek long taim bilong trabel, long de bilong pait na bikpela pait?

38:24  Lait em i bruk long wanem rot, dispela i brukbrukim nabaut is win antap long dispela graun?

38:25  ¶ Husat i bin brukim wanpela rot bilong wara long ol wara i karamapim olgeta, o wanpela rot bilong lait bilong klaut i pairap,

38:26  Bilong mekim ren long kam long dispela graun, we i no gat man i stap, antap long ples i no gat man, we i no gat man long en,

38:27  Bilong inapim hap graun i stap nating olgeta na i pipia, na bilong mekim kru bilong sayor i no strong bilong sut i kam ausait?

38:28  Ating ren i gat wanpela papa? O husat i bin kamapim ol drop bilong wara bilong nait?

38:29  Ais i kam ausait long bel bilong husat? Na ais bilong moning i wait olgeta bilong heven, husat i bin kamapim dispela?

38:30  Ol wara i stap hait olsem wantaim wanpela ston, na pes bilong ples dip i aisblok olgeta.

38:31  Ating yu inap long pasim ol switpela tingting Pliedes i givim, o lusim ol baklain i holim bilong Oraion?

38:32  Ating yu inap long bringim Masarot i kam ausait long taim bilong em? O ating yu inap long stiaim Arkturas wantaim ol pikinini man bilong em?

38:33  Yu save long ol lo Mi makim bilong heven? Yu inap long putim strong bilong bosim bilong en long dispela graun?

38:34  Ating yu inap long litimapim nek bilong yu i go long ol klaut, inap long pulap bilong ol wara i ken karamapim yu?

38:35  Ating yu ken salim ol lait bilong klaut, inap long ol i ken go, na tokim yu, Mipela i stap hia?

38:36  Husat i bin putim save tru insait long ol insait hap? O husat i bin givim gutpela save long bel?

38:37  Husat i inap long kaunim ol klaut wantaim save tru? O husat i ken pasim ol skin meme bilong heven,

38:38  Taim das i go bikpela i kamap strong tru, na ol strongpela hap graun i pas i pas strong wantaim?

38:39  Ating yu bai painim abus bilong helpim ol laion? O pulimapim hangre bilong ol yangpela laion,

38:40  Taim ol i slip insait long ol hul bilong ol, na stap long ples hait bilong wet hait?

38:41  Husat i givim kotkot kaikai bilong em? Taim ol yangpela bilong em i krai i go long God, ol i raun nating, long wanem, ol i no gat kaikai.

Chapter 39

39:1  ¶ Yu save long taim ol wail meme bilong ston i karim? O ating yu inap long luksave long taim ol haind i karim pikinini?

39:2  Ating yu inap long kaunim ol mun ol i inapim? O yu save long taim ol i karim?

39:3  Ol i lindaunim ol yet, ol i karim ol yangpela bilong ol, ol i tromoi i go ol bel hevi bilong ol.

39:4  Ol yangpela bilong ol i luk naispela, ol i go bikpela wantaim wit samting. Ol i go ausait, na ol i no kam bek long ol.

39:5  Husat i bin salim wail donki i go fri ausait? O husat i bin lusim ol baklain bilong holim bilong wail donki,

39:6  Husat haus bilong em Mi bin mekim ples i no gat man, na ol hap bilong em long stap graun i no gat samting?

39:7  Em i tok bilas bilong semim planti manmeri tru bilong biktaun, na tu em i no tingim gut krai bilong man bilong ran antap long donki.

39:8  Hap bilong ol maunten em i ples gras bilong em, na em i painim tru i bihainim olgeta wan wan samting i grinpela.

39:9  Ating wail abus i gat wanpela kom bai i gat laik long wokim wok wokboi bilong yu, o stap klostu long haus animal bilong yu?

39:10  Ating yu ken pasim wail abus i gat wanpela kom wantaim baklain bilong holim bilong em long ples bilong digim gaden? O ating em bai brukbrukim ol hap graun bilong gaden long ol ples daun bihain long yu?

39:11  Ating yu bai putim bilip long em, bikos strong bilong em i bikpela? O ating yu bai lusim olgeta hatwok bilong yu long han bilong em?

39:12  Ating yu bai bilipim em, long em bai bringim pikinini kaikai bilong yu long haus, na bungim dispela i go insait long bakstua bilong yu?

39:13  ¶ Yu bin givim ol nambawan wing i go long ol pikok, o ol wing na gras i go long ostaris?

39:14  Husat i lusim ol kiau bilong em long graun, na hatim ol liklik long das,

39:15  Na lusim tingting long fut i ken krungutim ol, o long wail animal i ken brukim ol.

39:16  Bel bilong em i olsem ston i birua long ol yangpela bilong em, olsem ol i no bilong em. Hatwok bilong em i samting nating na i no gat pret.

39:17  Bilong wanem, God i bin tekewe save tru long em, na tu Em i no bin givim gutpela save i go long em.

39:18  Wanem taim em i litimapim em yet antap, em i tok bilas bilong semim hos na man bilong ran long em.

39:19  ¶ Ating yu bin givim strong long hos? Ating yu bin putim klos long nek bilong em wantaim klaut i pairap?

39:20  Yu inap long mekim em pret olsem wanpela grasop? Glori bilong tupela hul bilong nus bilong em em samting bilong mekim man i pret nogut tru.

39:21  Em i paitim graun long ples daun, na em i wokim amamas tru long strong bilong em. Em i go bilong bungim ol man i gat ol samting bilong pait.

39:22  Em i wokim pani long daunim pasin pret, na em i no pret. Na tu em i no tanim bek na lusim bainat.

39:23  Paus bilong spia i wokim nois pas klostu long em, spia bilong tromoi i lait lait nabaut na plang.

39:24  Em i daunim graun olgeta wantaim strongpela pasin na belhat nogut tru. Na tu em i no bilip long dispela em i nois bilong biugel.

39:25  Em i tok namel long ol biugel, Ha, ha. Na em i smelim pait longwe tru, dispela bikpela pairap bilong ol kepten, na dispela singaut.

39:26  ¶ Ating hawk i flai long save tru bilong yu, na stretim tupela wing bilong em i go ausait long hap saut?

39:27  Ating igal i go antap long tok strong bilong yu, na wokim haus pisin bilong em antap?

39:28  Em i stap na stap yet antap long ston, antap long dispela ston antap i bruk, na dispela strongpela ples.

39:29  Long dispela ples em i painim abus, na tupela ai bilong em i lukim longwe tru.

39:30  Ol yangpela bilong em tu i pulim blut wantaim maus. Na we ol lain ol i kilim i dai i stap, long dispela hap em i stap.

Chapter 40

40:1  ¶ Na moa tu BIKPELA i bekim Jop, na tok,

40:2  Ating em husat i tok pait strong wantaim Man i Gat Olgeta Strong i ken skulim Em? Em husat i stretim God, larim em bekim tok long dispela.

40:3  Nau Jop i bekim BIKPELA, na tok,

40:4  Lukim, mi stap nogut tru. Mi bai bekim wanem tok long Yu? Mi bai putim han bilong mi antap long maus bilong mi.

40:5  Wanpela taim mi bin toktok. Tasol mi bai i no inap bekim tok. Yes, tupela taim, tasol mi bai i no inap go moa.

40:6  ¶ Nau BIKPELA i bekim Jop i kam ausait long raunwin, na tok,

40:7  Pasim strong klos bilong ol namel bilong bel bilong yu nau olsem man tru. Mi bai askim strong long yu, na yu tokaut long Mi.

40:8  Ating yu tu bai mekim kot bilong Mi i kamap samting nating? Ating yu bai sutim tok long Mi, inap long yu ken stap stretpela?

40:9  Ating yu gat wanpela han olsem God? O ating yu ken pairap bikpela wantaim wanpela nek olsem Em?

40:10  Bilasim yu yet tru nau wantaim pasin bilong king na nambawan pasin tru. Na bilasim yu yet wantaim glori na samting i naispela tru.

40:11  Tromoi ausait dispela belhat nogut tru bilong belhat tru bilong yu. Na lukim olgeta wan wan husat i hambak, na daunim em.

40:12  Lukluk long olgeta wan wan husat i hambak, na bringim em daunbilo. Na krungutim ol man nogut wantaim lek long ples bilong ol.

40:13  Haitim ol insait long das wantaim. Na pasim ol pes bilong ol hait.

40:14  Nau bai Mi tok yes tu long yu long han sut bilong yu yet i ken kisim bek yu.

40:15  ¶ Lukim nau behemot, husat Mi bin wokim wantaim yu. Em i kaikai gras olsem wanpela bulmakau man.

40:16  Harim nau, strong bilong em i stap long ol namel bilong bel bilong em, na strong bilong em i stap long bitono bilong bel bilong em.

40:17  Em i muvim tel bilong em olsem wanpela sida. Ol rop bilong ol ston bilong em i pas wantaim.

40:18  Ol bun bilong em i stap olsem ol strongpela hap hap bilong bras. Ol bun bilong em i stap olsem ol ba bilong ain.

40:19  Em i nambawan bilong ol rot bilong God. Em husat i wokim em i ken mekim bainat bilong Em long go klostu long em.

40:20  Tru tumas, ol maunten i karim kaikai long em, we olgeta animal bilong ples kunai i pilai.

40:21  Em i slipim bodi aninit long ol diwai i gat malur, insait long ples hait bilong ol tiktik, na ol ples tais.

40:22  Ol diwai i gat malur i karamapim em wantaim tewel bilong ol. Ol wilo bilong dispela liklik wara i ranim em nabaut.

40:23  Lukim, em i dringim wanpela riva i go antap, na em i no hariap. Em i putim bilip olsem em i inap long pulim Jordan i kam antap insait long maus bilong em.

40:24  Em i kisim dispela wantaim tupela ai bilong em. Nus bilong em i sutim i go namel long ol trap

Chapter 41

41:1  ¶ Ating yu ken pulim levaiatan i kam ausait wantaim wanpela huk? O tang bilong em wantaim wanpela rop, dispela yu lusim i go daun?

41:2  Ating yu ken putim wanpela huk i go insait long nus bilong em? O boaim hul namel long bun bilong wasket bilong em wantaim wanpela nil?

41:3  Ating em bai wokim planti autim askim i kam long yu? Ating em bai toktok wantaim ol toktok isi isi i go long yu?

41:4  Ating em bai wokim wanpela kontrak wantaim yu? Ating yu bai kisim em bilong wanpela wokboi oltaim oltaim?

41:5  Ating yu bai pilai wantaim em olsem wantaim wanpela pisin? O ating yu bai pasim em bilong ol yangpela meri bilong yu?

41:6  Ating ol poroman bai wokim wanpela bikpela naispela kaikai long bodi bilong em? Ating ol bai brukim em namel long ol bisnisman?

41:7  Ating yu inap long pulimapim skin bilong em wantaim ol ain i gat nil, o het bilong em wantaim ol spia bilong pis?

41:8  Putim han bilong yu antap long em, holim tingting long pait, no ken mekim samting moa.

41:9  Lukim, hop bilong em em i samting nating. Ating i yes long ol bai tromoi wanpela i go daun, yes, taim ol i lukluk long em?

41:10  I no gat wanpela i strongpela man olsem husat i no pret long kirapim em. Husat nau em i inap long sanap long ai bilong Mi?

41:11  ¶ Husat i bin pasim Mi, inap long Mi mas bekim pe long em? Wanem samting i stap aninit long heven olgeta em i bilong Mi.

41:12  Mi bai i no inap long haitim ol hap bilong em, o pawa bilong em, o hap skel bilong em i fit tru.

41:13  Husat i ken kamapim ples klia pes bilong klos bilong em? O husat i ken kam long em wantaim dabol baklain bilong stiaim bilong em?

41:14  Husat i ken opim ol dua bilong pes bilong em? Ol tit bilong em i samting bilong pretim nogut tru raun nabaut.

41:15  Ol grile bilong em em i hambak bilong em, pas klostu wantaim olsem wantaim wanpela samting bilong pasim i klostu.

41:16  Wanpela i klostu olsem long narapela, inap long i no gat win i ken kam namel long ol.

41:17  Ol i bung wantaim wanpela i go long narapela, ol i pas wantaim, inap long samting i no inap brukim.

41:18  Taim nus bilong em i pairap wanpela lait i lait, na tupela ai bilong em i olsem ol laplap bilong ai bilong moningtaim.

41:19  Ausait long maus bilong em ol lam i kuk olgeta i go ausait, na ol spak bilong paia i kalap i go ausait.

41:20  Ausait long tupela hul bilong nus bilong em smok i go ausait, olsem i go ausait long wanpela sospen i boil o traipela sospen.

41:21  Win bilong em i kirapim paia long ol sakol, na wanpela paia i go ausait long maus bilong em.

41:22  Long nek bilong em strong i stap yet, na bel hevi i senis i kamap amamas tru long ai bilong em.

41:23  Ol hap bilong mit bilong em i pas wantaim. Ol i strong long ol yet. Ol i no inap muv.

41:24  Bel bilong em i strong olsem wanpela ston, yes, strong olsem wanpela hap bilong dispela ston daunbilo bilong krungutim wit.

41:25  Taim em i kirapim em yet i go antap, ol strongpela man i pret. Bikos ol samting i bruk, ol i klinim ol yet.

41:26  Bainat bilong em husat i pait i go long em i no inap long holim, spia bilong tromoi, spia, o siot kapa tu.

41:27  Em i tingim ain i olsem pipia stik wit samting, na bras olsem diwai i sting.

41:28  Spia i no inap long mekim em long ranawe. Ol ston bilong katapel wantaim em i tantanim i kamap pipia.

41:29  Ol liklik spia em i kaunim olsem pipia. Em i lap taim man i seksekim wanpela spia bilong tromoi.

41:30  Ol ston i sap i stap aninit long em. Em i opim ol samting i sap na i gat hap sap bilong en antap long graun malumalu.

41:31  Em i mekim ples dip long boil olsem wanpela sospen. Em i mekim biksi olsem wanpela sospen i gat wel i gat marasin.

41:32  Em i mekim wanpela liklik rot long lait bihain long em. Wanpela bai tingim olsem ples dip i waitpela tru.

41:33  Antap long dispela graun i no gat wanpela i wankain olsem em, husat God i wokim na em i no gat pret.

41:34  Em i lukim olgeta samting i antap. Em i king long bosim olgeta pikinini bilong hambak pasin.

Chapter 42

42:1  ¶ Nau Jop i bekim BIKPELA, na tok,

42:2  Mi save long Yu ken mekim olgeta wan wan samting, na long i no gat wanpela tingting man em inap long holim bek long Yu.

42:3  Em i husat, husat i haitim tok helpim na i no gat save? Olsem na mi bin toktok long dispela mi no gat gutpela save long en, ol samting i winim tingting tumas long mi, dispela mi no save.

42:4  Harim, mi askim Yu long daun pasin, na mi bai toktok. Mi bai askim strong long Yu, na Yu tokaut long mi.

42:5  Mi bin harim long Yu long harim bilong ia, tasol nau ai bilong mi i lukim Yu.

42:6  Olsem na mi ting mi yet i sting olgeta, na mi tanim bel long das na ol sit bilong paia.

42:7  ¶ Na em i stap olsem, long bihain long BIKPELA i bin tokim ol dispela toktok i go long Jop, BIKPELA i tokim man Timan Elifas, Belhat tru bilong Mi i kirap na birua long yu, na i birua long tupela wantok bilong yu. Long wanem, yupela i no bin toktok long sait bilong Mi long dispela samting i stretpela, olsem wokboi bilong Mi Jop i mekim.

42:8  Olsem na kisim i kam long yupela nau sevenpela bulmakau man na sevenpela meme man, na go long wokboi bilong Mi Jop, na ofaim bilong yupela yet wanpela ofa i kuk olgeta. Na wokboi bilong Mi Jop bai beten bilong helpim yupela. Long wanem, em bai Mi orait long en. Nogut Mi mekim save long yupela i bihainim longlong pasin bilong yupela, long dispela, yupela i no bin toktok long sait bilong Mi dispela samting i stretpela, olsem wokboi bilong Mi Jop.

42:9  Olsem na man Timan Elifas na man Suak Bildat na man Neman Sofar i go, na mekim bilong bihainim samting BIKPELA i tok strong long ol. BIKPELA tu i orait long beten bilong Jop.

42:10  ¶ Na BIKPELA i tanim kalabus bilong Jop, taim em i beten bilong helpim tripela wantok bilong em. Na tu BIKPELA i givim Jop tupela taims long hamas em i gat bipo.

42:11  Nau i kam long em olgeta brata bilong em, na olgeta susa bilong em, na olgeta husat i bin save long em bipo, na ol i bin kaikai bret wantaim em long haus bilong em. Na ol i krai sori long em, na givim bel isi long em long sait bilong olgeta samting nogut long BIKPELA i bin bringim i kam antap long em. Olgeta wan wan man tu i givim em wanpela hap mani, na olgeta wan wan wanpela ring gol bilong ia.

42:12  Olsem tasol BIKPELA i blesim las hap bilong Jop moa long stat bilong em. Long wanem, em i gat 14,000 sipsip, na 6,000 kemel, na 1,000 yok bulmakau man, na 1,000 donki meri.

42:13  Em i gat tu sevenpela pikinini man na tripela pikinini meri.

42:14  Na em i kolim nem bilong namba wan, Jemaima. Na nem bilong namba tu, Kesaia. Na nem bilong namba tri, Keren-hapuk.

42:15  Na long olgeta dispela hap ol i no lukim ol meri i naispela olsem ol pikinini meri bilong Jop. Na papa bilong ol i givim ol ol samting papa i givim pikinini namel long ol brata bilong ol.

42:16  Bihain long dispela Jop i stap laip 140 yia, na lukim ol pikinini man bilong em, na ol pikinini man bilong ol pikinini man bilong em, yes, inap long fopela lain tumbuna.

42:17  Olsem na Jop i dai pinis, taim em i lapun na pulap wantaim ol de.