TpiKJPB - Numbers

Chapter 1

1:1  ¶ Na BIKPELA i tokim Moses long ples i no gat man bilong Sainai, insait long haus sel holi bilong bung bilong ol manmeri, long namba wan de bilong namba tu mun, long namba tu yia bihain long ol i kam pinis ausait long hap bilong Isip, i spik,

1:2  Yupela kisim namba olgeta bilong olgeta bung bilong ol manmeri bilong ol pikinini bilong Isrel, i bihainim ol famili bilong ol, long hauslain bilong ol tumbuna papa bilong ol, wantaim namba bilong ol nem bilong ol, olgeta wan wan man long ol kaunim bilong ol,

1:3  I stat long 20 krismas na i go antap, olgeta husat em inap long go ausait long bikpela pait insait long Isrel. Yu na Eron bai kaunim ol long ol ami bilong ol.

1:4  Na wantaim yu bai gat wanpela man bilong olgeta wan wan lain. Olgeta wan wan husat i het bilong hauslain bilong ol tumbuna papa bilong em.

1:5  Na ol dispela em i ol nem bilong ol man husat bai sanap wantaim yu, Bilong lain bilong Ruben, Elisur, pikinini man bilong Sedeur.

1:6  Bilong Simion, Selumiel, pikinini man bilong Surisadai.

1:7  Bilong Juda, Nason, pikinini man bilong Aminadap.

1:8  Bilong Isakar, Netanel, pikinini man bilong Suar.

1:9  Bilong Sebyulan, Eliap, pikinini man bilong Helon.

1:10  Bilong ol pikinini bilong Josep, bilong Ifraim, Elisama, pikinini man bilong Amihut. Bilong Manasa, Gamaliel, pikinini man bilong Pedasur.

1:11  Bilong Benjamin, Abidan, pikinini man bilong Gideoni.

1:12  Bilong Dan, Ahieser, pikinini man bilong Amisadai.

1:13  Bilong Aser, Pagiel, pikinini man bilong Okran.

1:14  Bilong Gat, Eliasap, pikinini man bilong Deuel.

1:15  Bilong Naptalai, Ahira, Pikinini man bilong Enan.

1:16  Ol dispela em i ol man i gat biknem tru bilong bung bilong ol manmeri, ol hetman bilong ol lain bilong ol tumbuna papa bilong ol, ol het bilong ol tausen long Isrel.

1:17  ¶ Na Moses na Eron i kisim ol dispela man husat God i kolim long ol nem bilong ol.

1:18  Na ol i bungim olgeta bung bilong ol manmeri wantaim long namba wan de bilong namba tu mun, na ol i tokaut long ol lain tumbuna bilong ol i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, long ol kaunim bilong ol.

1:19  Olsem BIKPELA i tok strong long Moses, olsem tasol em i kaunim ol long ples i no gat man bilong Sainai.

1:20  Na ol pikinini bilong Ruben, namba wan pikinini man bilong Isrel, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, long ol kaunim bilong ol, olgeta wan wan man i stat long 20 krismas na i go antap, olgeta husat em inap long go ausait long bikpela pait,

1:21  Ol dispela husat ol i kaunim bilong ol, yes, bilong lain bilong Ruben, em i 46,500.

1:22  Bilong ol pikinini bilong Simion, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, ol dispela husat ol i kaunim bilong ol, bilong bihainim namba bilong ol nem, long ol kaunim bilong ol, olgeta wan wan man i stat long 20 krismas na i go antap, olgeta husat em inap long go ausait long bikpela pait,

1:23  Ol dispela husat ol i kaunim bilong ol, yes, bilong lain bilong Simion, em i 59,300.

1:24  Bilong ol pikinini bilong Gat, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:25  Ol dispela husat ol i kaunim bilong ol, yes, bilong lain bilong Gat, em i 45,650.

1:26  Bilong ol pikinini bilong Juda, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:27  Ol dispela husat ol i kaunim bilong ol, yes, bilong lain bilong Juda, em i 74,600.

1:28  Bilong ol pikinini bilong Isakar, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:29  Ol dispela husat ol i kaunim bilong ol, yes, bilong lain bilong Isakar, em i 54,400.

1:30  Bilong ol pikinini bilong Sebyulun, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:31  Ol dispela husat ol i kaunim bilong ol, yes, bilong lain bilong Sebyulun, em i 57,400.

1:32  Bilong ol pikinini bilong Josep, em i olsem, long ol pikinini bilong Ifraim, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:33  Ol dispela husat ol i kaunim bilong ol, yes, bilong lain bilong Ifraim, em i 40,500.

1:34  Bilong ol pikinini bilong Manasa, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:35  Ol dispela husat ol i kaunim bilong ol, yes, bilong lain bilong Manasa, em i 32,200.

1:36  Bilong ol pikinini bilong Benjamin, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:37  Ol dispela husat ol i kaunim bilong ol, yes, bilong lain bilong Benjamin, em i 35,400.

1:38  Bilong ol pikinini bilong Dan, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:39  Ol dispela husat ol i kaunim bilong ol, yes, bilong lain bilong Dan, em i 62,700.

1:40  Bilong ol pikinini bilong Aser, long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:41  Ol dispela husat ol i kaunim bilong ol, yes, bilong lain bilong Aser, em i 41,500.

1:42  Bilong ol pikinini bilong Naptalai, namel long ol lain tumbuna bilong ol, i bihainim ol famili bilong ol, long hauslain bilong ol tumbuna papa bilong ol, bilong bihainim namba bilong ol nem, i stat long 20 krismas na i go antap, olgeta husat em inap long go ausait long bikpela pait,

1:43  Ol dispela husat ol i kaunim bilong ol, yes, bilong lain bilong Naptalai, em i 53,400.

1:44  ¶ Ol dispela em i ol dispela husat ol i kaunim, husat Moses na Eron i kaunim, na ol hetman bilong Isrel, husat i stap twelpela man, olgeta wan wan man em i bilong hauslain bilong ol tumbuna papa bilong em.

1:45  Olsem tasol ol i kaunim olgeta dispela bilong ol pikinini bilong Isrel, long hauslain bilong ol tumbuna papa bilong ol, i stat long 20 krismas na i go antap, olgeta husat em inap long go ausait long bikpela pait insait long Isrel.

1:46  Yes, olgeta husat ol i kaunim em i 603,550.

1:47  ¶ Tasol ol lain Livai, i bihainim lain bilong ol tumbuna papa bilong ol, ol i no kaunim namel long ol.

1:48  Long wanem, BIKPELA bin toktok long Moses, i spik,

1:49  Ol lain bilong Livai tasol yu no ken kaunim, o kisim namba olgeta bilong ol namel long ol pikinini bilong Isrel.

1:50  Tasol yu bai makim ol lain Livai long bosim haus sel holi bilong testimoni, na long bosim olgeta sospen samting bilong en, na long bosim olgeta samting i bilong en. Ol bai karim haus sel holi, na olgeta sospen samting bilong en. Na ol bai wokim wok i go long en, na ol bai wokim kem raun nabaut long haus sel holi.

1:51  Na taim haus sel holi i stat long go antap, ol lain Livai bai brukim dispela i go daun. Na taim ol i mas sanapim haus sel holi, ol lain Livai bai sanapim dispela. Na ausait man husat i kam klostu ol bai mekim i dai.

1:52  Na ol pikinini bilong Isrel bai sanapim ol haus sel bilong ol, olgeta wan wan man klostu long kem bilong em yet, na olgeta wan wan man klostu long plak bilong em yet, namel long ol ami bilong ol.

1:53  Tasol ol lain Livai bai sanapim ol haus sel raun nabaut long haus sel holi bilong testimoni, inap long bai i no gat belhat tru antap long bung bilong ol manmeri bilong ol pikinini bilong Isrel. Na ol lain Livai bai holimpas wok bilong haus sel holi bilong testimoni.

1:54  Na ol pikinini bilong Isrel i mekim bilong bihainim olgeta samting BIKPELA i tok strong long Moses, olsem tasol ol i mekim.

Chapter 2

2:1  ¶ Na BIKPELA i tokim Moses na Eron, i spik,

2:2  Olgeta wan wan man bilong ol pikinini bilong Isrel bai sanapim haus sel klostu long plak bilong em yet, wantaim plak bilong hauslain bilong ol tumbuna papa bilong ol. Ol bai sanapim ol haus sel longwe raun nabaut long haus sel holi bilong bung bilong ol manmeri.

2:3  ¶ Na long is sait i go long ples san i save kam antap bai ol bilong plak bilong kem bilong Juda i sanapim ol haus sel namel long ol ami bilong ol. Na Nason, pikinini man bilong Aminadap, bai stap kepten bilong ol pikinini bilong Juda.

2:4  Na ami bilong em, na ol dispela husat ol i kaunim bilong ol, em i 74,600.

2:5  Na ol dispela husat i sanapim ol haus sel klostu stret long em bai stap lain bilong Isakar. Na Netanel, pikinini man bilong Suar, bai stap kepten bilong ol pikinini bilong Isakar.

2:6  Na ami bilong em, na ol dispela husat ol i kaunim bilong en, em i 54,400.

2:7  Nau lain bilong Sebyulan. Na Eliap, pikinini man bilong Helon, bai stap kepten bilong ol pikinini bilong Sebyulan.

2:8  Na ami bilong em, na ol dispela husat ol i kaunim bilong en, em i 57,400.

2:9  Olgeta husat ol i kaunim insait long kem bilong Juda em i 186,400, namel long ol ami bilong ol. Ol dispela bai kirap na wokabaut i go ausait pastaim.

2:10  Long hap saut bai stap plak bilong kem bilong Ruben, bilong bihainim ol ami bilong ol. Na kepten bilong ol pikinini bilong Ruben bai stap Eleasar, pikinini man bilong Sedeur.

2:11  Na ami bilong em, na ol dispela husat ol i kaunim bilong en, em i 46,500.

2:12  Na ol dispela husat i sanapim ol haus sel klostu long em bai stap lain bilong Simion. Na kepten bilong ol pikinini bilong Simion bai stap Selumiel, pikinini man bilong Surisadai.

2:13  Na ami bilong em, na ol dispela husat ol i kaunim bilong ol, em i 59,300.

2:14  Nau lain bilong Gat. Na kepten bilong ol pikinini man bilong Gat bai stap Eliasap, pikinini man bilong Reuel.

2:15  Na ami bilong em, na ol dispela husat ol i kaunim bilong ol, em 45,650.

2:16  Olgeta husat ol i kaunim insait long kem bilong Ruben em i 151,450, namel long ol ami bilong ol. Na ol bai kirap na wokabaut i go ausait long namba tu lain.

2:17  Nau haus sel holi bilong bung bilong ol manmeri bai kirap na wokabaut i go antap wantaim kem bilong ol lain Livai insait long namel bilong kem. Olsem ol i wokim kem, olsem tasol bai ol i kirap na wokabaut i go antap, olgeta wan wan man long ples bilong em klostu long ol plak bilong ol.

2:18  Long hap wes sait bai stap plak bilong kem bilong Ifraim bilong bihainim ol ami bilong ol. Na kepten bilong ol pikinini man bilong Ifraim bai stap Elisama, pikinini man bilong Amihut.

2:19  Na ami bilong em, na ol dispela husat ol i kaunim bilong ol, em 40,500.

2:20  Na klostu long em bai stap lain bilong Manasa. Na kepten bilong ol pikinini bilong Manasa bai stap Gamaliel, pikinini man bilong Pedasur.

2:21  Na ami bilong em, na ol dispela husat ol i kaunim bilong ol, em i 32,200.

2:22  Nau lain bilong Benjamin. Na kepten bilong ol pikinini man bilong Benjamin bai stap Abidan, pikinini man bilong Gideoni.

2:23  Na ami bilong em, na ol dispela husat ol i kaunim bilong ol, em i 35,400.

2:24  Olgeta husat ol i kaunim bilong kem bilong Ifraim em i 108,100, namel long ol ami bilong ol. Na ol bai wokabaut i go antap long namba tri lain.

2:25  Plak bilong kem bilong Dan bai stap long hap not klostu long ol ami bilong ol. Na kepten bilong ol pikinini bilong Dan bai stap Ahieser, pikinini man bilong Amisadai.

2:26  Na ami bilong em, na ol dispela husat ol i kaunim bilong ol, em i 62,700.

2:27  Na ol dispela husat i wokim kem klostu long em bai stap bilong lain bilong Aser. Na kepten bilong ol pikinini bilong Aser bai stap Pagiel, pikinini man bilong Okran.

2:28  Na ami bilong em, na ol dispela husat ol i kaunim bilong ol, em i 41,500.

2:29  Nau lain bilong Naptalai. Na kepten bilong ol pikinini bilong Naptalai bai stap Ahira, pikinini man bilong Enan.

2:30  Na ami bilong em, na ol dispela husat ol i kaunim bilong ol, em i 53,400.

2:31  Olgeta husat ol i kaunim long kem bilong Dan em i 157,600. Ol bai go baksait tru wantaim ol plak bilong ol.

2:32  Ol dispela em i ol dispela husat ol i kaunim bilong ol pikinini bilong Isrel long hauslain bilong ol tumbuna papa bilong ol. Olgeta dispela husat ol i kaunim long ol kem namel long ol ami bilong ol em 603,550.

2:33  Tasol ol lain Livai ol i no kaunim namel long ol pikinini bilong Isrel, olsem BIKPELA i tok strong long Moses.

2:34  Na ol pikinini bilong Isrel i mekim bilong bihainim olgeta samting BIKPELA i tok strong long Moses. Olsem tasol ol i sanapim ol haus sel klostu long ol plak bilong ol, na olsem tasol ol i kirap na wokabaut i go antap, olgeta wan wan i bihainim ol famili bilong ol, bilong bihainim hauslain bilong ol tumbuna papa bilong ol.

Chapter 3

3:1  ¶ Ol dispela tu em i ol lain tumbuna bilong Eron na Moses long dispela de long BIKPELA i toktok wantaim Moses long maunten Sainai.

3:2  Na ol dispela em i ol nem bilong ol pikinini man bilong Eron, Nedap, namba wan pikinini, na Abaihu, Eliasar, na Itamar.

3:3  Ol dispela em i ol nem bilong ol pikinini man bilong Eron, ol pris husat ol i makim, husat Em i mekim i kamap holi long wokim wok long opis bilong pris.

3:4  Na Nedap na Abaihu i dai pinis long ai bilong BIKPELA, taim ol i ofaim ol narakain paia long ai bilong BIKPELA, long ples i no gat man bilong Sainai, na ol i no gat ol pikinini. Na Eleasar na Itamar i wokim wok long opis bilong pris long ai bilong Eron, papa bilong ol.

3:5  Na BIKPELA i tokim Moses, i spik,

3:6  Bringim lain bilong Livai klostu, na givim ol long ai bilong pris Eron, inap long ol i ken wokim wok i go long em.

3:7  Na ol bai holimpas wok bilong em, na wok bilong bung bilong lain manmeri olgeta long ai bilong haus sel holi bilong bung bilong ol manmeri, long wokim wok wokboi bilong haus sel holi.

3:8  Na ol bai holimpas olgeta ol samting bilong wok bilong haus sel holi bilong bung bilong lain manmeri, na wok bilong ol pikinini bilong Isrel, long wokim wok wokboi bilong haus sel holi.

3:9  Na yu bai givim ol lain Livai i go long Eron na long ol pikinini man bilong em. Mi givim ol olgeta i go long em ausait long ol pikinini bilong Isrel.

3:10  Na yu bai makim Eron na ol pikinini man bilong em, na ol bai wet long opis bilong pris bilong ol. Na ausait man husat i kam klostu bai ol i mekim i dai.

3:11  Na BIKPELA i tokim Moses, i spik,

3:12  Na Mi, lukim, Mi bin kisim ol lain Livai namel long ol pikinini bilong Isrel long kisim ples bilong olgeta namba wan pikinini husat i opim bel bilong mama namel long ol pikinini bilong Isrel. Olsem na ol lain Livai bai bilong Mi.

3:13  Bilong wanem, olgeta namba wan pikinini em i bilong Mi. Long wanem, long dispela de, dispela Mi paitim olgeta namba wan pikinini long hap bilong Isip, Mi mekim holi olgeta long Mi olgeta namba wan pikinini insait long Isrel, man na animal wantaim, ol bai bilong Mi. Mi stap BIKPELA.

3:14  ¶ Na BIKPELA i tokim Moses long ples i no gat man bilong Sainai, i spik,

3:15  Kaunim ol pikinini bilong Livai i bihainim hauslain bilong ol tumbuna papa bilong ol, long ol famili bilong ol. Olgeta wan wan man i stat long wanpela mun na i go antap bai yu kaunim ol.

3:16  Na Moses i kaunim ol bilong bihainim tok bilong BIKPELA, olsem Em i tok strong long em.

3:17  Na ol dispela em i ol pikinini man bilong Livai long ol nem bilong ol, Gerson, na Kohat, na Merari.

3:18  Na ol dispela em i ol nem bilong ol pikinini man bilong Gerson long ol famili bilong ol, Lipni, na Simei.

3:19  Na ol pikinini man bilong Kohat long ol famili bilong ol, Amram, na Isehar, Hibron, na Usiel.

3:20  Na ol pikinini man bilong Merari long ol famili bilong ol, Mali, na Musi. Ol dispela em i ol famili bilong ol lain Livai bilong bihainim hauslain bilong ol tumbuna papa bilong ol.

3:21  Bilong Gerson em i famili bilong ol lain Lipni, na famili bilong ol lain Simei. Ol dispela em i ol famili bilong ol lain Gerson.

3:22  Ol dispela husat ol i kaunim bilong ol, bilong bihainim namba bilong olgeta man, i stat long wanpela mun na i go antap, yes, ol dispela husat ol i kaunim bilong ol em i 7,500.

3:23  Ol famili bilong ol lain Gerson bai sanapim ol haus sel baksait long haus sel holi i go long hap wes.

3:24  Na nambawan bilong hauslain bilong papa bilong ol lain Gerson bai stap Eliasap, pikinini man bilong Lael.

3:25  Na wok bilong ol pikinini man bilong Gerson insait long haus sel holi bilong bung bilong ol manmeri bai stap dispela haus sel holi, na haus sel, ol karamap bilong en, na hangamap bilong dua bilong haus sel holi bilong bung bilong ol manmeri,

3:26  Na ol hangamap bilong ol ples op, na laplap banis bilong dua bilong ples op, dispela i stap klostu long haus sel holi, na klostu long alta raun nabaut, na ol rop bilong en bilong olgeta wok wokboi bilong en.

3:27  Na bilong Kohat em i famili bilong ol lain Amram, na famili bilong ol lain Isehar, na famili bilong ol lain Hebron, na famili bilong ol lain Usiel. Ol dispela famili em i ol famili bilong ol lain Kohat.

3:28  Long namba bilong olgeta man, i stat long wanpela mun na i go antap, em i 8,600, i holimpas wok bilong rum holi.

3:29  Ol famili bilong ol pikinini man bilong Kohat bai sanapim ol haus sel long sait bilong haus sel holi i go long hap saut.

3:30  Na nambawan bilong hauslain bilong papa bilong ol famili bilong ol lain Kohat bai stap Elisafan, pikinini man bilong Usiel.

3:31  Na wok bilong ol bai stap bokis kontrak, na tebol, na ol stik kandel, na ol alta, na ol sospen samting bilong rum holi we ol i wokim wok long ol, na dispela hangamap, na olgeta wok wokboi bilong en.

3:32  Na Eleasar, pikinini man bilong pris Eron, bai stap nambawan antap long nambawan bilong ol lain Livai, na i gat wok bilong bosim ol husat i holimpas wok bilong rum holi.

3:33  Bilong Merari em i famili bilong ol lain Mali, na famili bilong ol lain Musi. Ol dispela em i ol famili bilong Merari.

3:34  Na ol dispela husat ol i kaunim bilong ol, bilong bihainim namba bilong olgeta man, i stat long wanpela mun na i go antap, em i 6,200.

3:35  Na nambawan bilong hauslain bilong tumbuna papa bilong ol famili bilong Merari em i Suriel, pikinini man bilong Abihail. Ol dispela bai sanapim ol haus sel long sait bilong haus sel holi i go long hap not.

3:36  Na aninit long lukaut na wok bilong ol pikinini man bilong Merari bai stap ol plang bilong haus sel holi, na ol ba bilong en, na ol bikpela pos bilong en, na ol soket bilong en, na olgeta sospen samting bilong en, na olgeta samting i bilong en,

3:37  Na ol bikpela pos bilong ples op raun nabaut, na ol soket bilong ol, na ol pin bilong ol, na ol rop bilong ol.

3:38  Tasol ol dispela husat i wokim kem long ai bilong haus sel holi i go long hap is, yes, long ai bilong haus sel holi bilong bung bilong ol manmeri i go long hap is, bai stap Moses, na Eron na ol pikinini man bilong em, taim ol i holimpas wok bilong rum holi bilong tok strong bilong ol pikinini bilong Isrel. Na ausait man husat i kam klostu, bai ol i mekim i dai.

3:39  Olgeta husat ol i kaunim bilong ol lain Livai, husat Moses na Eron i kaunim long tok strong bilong BIKPELA, namel long ol famili, olgeta man i stat long wanpela mun na i go antap, em i 22,000.

3:40  ¶ Na BIKPELA i tokim Moses, Kaunim olgeta namba wan pikinini bilong ol man bilong ol pikinini bilong Isrel, i stat long wanpela mun na i go antap, na kisim namba bilong ol nem bilong ol.

3:41  Na yu bai kisim ol pikinini man bilong Livai bilong Mi (Mi stap BIKPELA) long kisim ples bilong olgeta namba wan pikinini namel long ol pikinini bilong Isrel, na ol bulmakau samting bilong ol lain Livai long kisim ples bilong olgeta namba wan pikinini namel long ol bulmakau samting bilong ol pikinini bilong Isrel.

3:42  Na Moses i kaunim, olsem BIKPELA i tok strong long em, olgeta namba wan pikinini namel long ol pikinini bilong Isrel.

3:43  Na olgeta namba wan pikinini man long namba bilong ol nem, i stat long wanpela mun na i go antap, bilong ol dispela husat ol i kaunim bilong ol, em i 22,273.

3:44  Na BIKPELA i tokim Moses, i spik,

3:45  Kisim ol lain Livai long kisim ples bilong olgeta namba wan pikinini namel long ol pikinini bilong Isrel, na ol bulmakau samting bilong ol lain Livai long kisim ples bilong ol bulmakau samting bilong ol. Na ol lain Livai bai bilong Mi. Mi stap BIKPELA.

3:46  Na bilong ol dispela husat ol i mas baim bek bilong dispela 273 bilong ol namba wan bilong ol pikinini bilong Isrel, husat i stap moa long ol lain Livai,

3:47  Yes, yu bai kisim faipela sekel wan wan long namba bilong ol, i bihainim sekel bilong rum holi bai yu kisim ol. (Sekel em i 20 gera.)

3:48  Na yu bai givim mani, we long en namba bilong ol lain ol i mas baim bek i narapela, i go long Eron na long ol pikinini man bilong em.

3:49  Na Moses i kisim mani bilong baim bek bilong ol husat i antap na i antap moa long ol husat ol lain Livai i baim bek.

3:50  Bilong ol namba wan pikinini bilong ol pikinini bilong Isrel em i kisim mani, 1,365 sekel, i bihainim sekel bilong rum holi.

3:51  Na Moses i givim mani bilong ol husat ol i baim bek i go long Eron na long ol pikinini man bilong em, bilong bihainim tok bilong BIKPELA, olsem BIKPELA i tok strong long Moses.

Chapter 4

4:1  ¶ Na BIKPELA i tokim Moses na Eron, i spik,

4:2  Kisim namba olgeta bilong ol pikinini man bilong Kohat long namel long ol pikinini man bilong Livai, i bihainim ol famili bilong ol, long hauslain bilong ol tumbuna papa bilong ol,

4:3  I stat long 30 krismas na i go antap, yes, i go inap long 50 krismas, olgeta husat i go insait long ami, long wokim wok insait long haus sel holi bilong bung bilong ol manmeri.

4:4  Dispela bai stap wok wokboi bilong ol pikinini man bilong Kohat insait long haus sel holi bilong bung bilong ol manmeri, nabaut long ol samting i holi moa olgeta.

4:5  Na taim kem i stat long go antap, Eron bai kam, na ol pikinini man bilong em, na ol bai rausim i go daun laplap bilong karamap, na karamapim bokis kontrak bilong testimoni wantaim dispela.

4:6  Na ol bai putim antap long en karamap bilong ol skin bedja, na ol bai opim antap long en wanpela laplap i blupela olgeta, na ol bai putim ol stik bilong en long ples bilong ol.

4:7  Na antap long tebol bilong bret bilong soim ol bai opim wanpela blupela laplap, na putim antap long en ol dis, na ol spun, na ol dis, na ol karamap long karamapim olgeta. Na bret bilong oltaim bai stap antap long en.

4:8  Na ol bai opim antap long ol wanpela skalet laplap, na karamapim dispela stret wantaim wanpela karamap bilong ol skin bedja, na ol bai putim ol stik bilong en long ples bilong ol.

4:9  Na ol bai kisim wanpela blupela laplap, na karamapim stik kandel bilong lait, na ol lam bilong en, na ol kapis bilong en, na ol dis bilong holim paia bilong em, na olgeta sospen samting bilong wel bilong en, we wantaim dispela ol i wokim wok i go dispela.

4:10  Na ol bai putim dispela na olgeta sospen samting bilong en insait long wanpela karamap bilong ol skin bedja, na ol bai putim dispela antap long wanpela ba.

4:11  Na antap long alta gol ol bai opim wanpela blupela laplap, na karamapim dispela wantaim wanpela karamap bilong ol skin bedja, na ol bai putim ol stik bilong en long ples bilong ol.

4:12  Na ol bai kisim olgeta samting bilong wokim wok, we ol i wokim wok long rum holi wantaim ol, na putim ol long wanpela blupela laplap, na karamapim ol wantaim wanpela karamap bilong ol skin bedja, na ol bai putim ol antap long wanpela ba.

4:13  Na ol bai tekewe ol sit bilong paia long alta, na opim wanpela purpelpela laplap antap long en.

4:14  Na ol bai putim antap long en olgeta sospen samting bilong en, we ol i wokim wok nabaut long en wantaim ol, yes, ol dis bilong insens, ol huk bilong mit, na ol savol, na ol traipela dis, olgeta sospen samting bilong alta. Na ol bai opim antap long en wanpela karamap bilong ol skin bedja, na putim ol stik bilong en long ples bilong ol.

4:15  Na taim Eron na ol pikinini man bilong em i bin wokim wanpela pinis bilong karamapim rum holi, na olgeta sospen samting bilong ples holi, taim kem i kirap long wokabaut i go antap, bihain long en, ol pikinini man bilong Kohat bai kam long karim dispela. Tasol ol no ken tasim wanpela holi samting, nogut ol i dai. Ol dispela samting em i hevi bilong ol pikinini man bilong Kohat insait long haus sel holi bilong bung bilong ol manmeri.

4:16  Na long opis bilong Eleasar, pikinini man bilong pris Eron, i bilong wel bilong lait, na switpela insens, na ofa bilong kaikai bilong olgeta wan wan de, na wel bilong makim, na wok bilong bosim olgeta dispela haus sel holi, na bilong olgeta samting i stap long en, insait long rum holi, na long ol sospen samting bilong en.

4:17  Na BIKPELA i tokim Moses na Eron, i spik,

4:18  Yupela no ken rausim lain bilong ol famili bilong ol lain Kohat i lusim ol lain Livai.

4:19  Tasol yupela bai mekim olsem long ol, inap long ol i ken stap laip, na i no ken dai, taim ol i kam klostu i go long ol samting i holi moa olgeta. Eron na ol pikinini man bilong em bai go insait, na makim ol, olgeta wan wan, long wok wokboi bilong em na long hevi bilong em.

4:20  Tasol ol no ken go insait long lukluk, taim ol i karamapim ol samting i holi, nogut ol i dai.

4:21  ¶ Na BIKPELA i tokim Moses, i spik,

4:22  Kisim tu namba olgeta bilong ol pikinini man bilong Gerson, namel long ol hauslain bilong ol tumbuna papa bilong ol, long ol famili bilong ol.

4:23  I stat long 30 krismas na i go antap inap long 50 krismas bai yu kaunim ol. Olgeta husat i go insait long wokim wok wokboi, long mekim wok long haus sel holi bilong bung bilong ol manmeri.

4:24  Dispela em i wok wokboi bilong ol famili bilong ol lain Gerson, long wokim wok wokboi, na bilong ol hevi.

4:25  Na ol bai karim ol laplap banis bilong haus sel holi, na bilong haus sel holi bilong bung bilong ol manmeri, karamap bilong en, na karamap bilong ol skin bedja, dispela i stap antap long en, na hangamap bilong dua bilong haus sel holi bilong bung bilong ol manmeri,

4:26  Na ol hangamap bilong ples op, na hangamap bilong dua bilong dua bilong banis bilong ples op, dispela i stap klostu long haus sel holi na klostu long alta raun nabaut, na ol rop bilong ol, na olgeta samting bilong wok wokboi bilong, na olgeta samting ol i wokim bilong ol. Olsem tasol bai ol i wokim wok wokboi.

4:27  Long makim bilong Eron na ol pikinini man bilong em bai stap olgeta wok wokboi bilong ol pikinini man bilong Gerson, long olgeta hevi bilong ol, na long olgeta wok wokboi bilong ol. Na yupela bai makim i go long ol long wok, olgeta hevi bilong ol.

4:28  Dispela em ol wok wokboi bilong ol famili bilong ol pikinini man bilong Gerson long haus sel holi bilong bung bilong ol manmeri. Na wok bilong ol bai stap aninit long han bilong Itamar, pikinini man bilong pris Eron.

4:29  Long sait bilong ol pikinini man bilong Merari, yu bai kaunim ol i bihainim ol famili bilong ol, long hauslain bilong ol tumbuna papa bilong ol.

4:30  I stat long 30 krismas na i go antap, yes, i go inap long 50 krismas bai yu kaunim ol, olgeta wan wan husat i save go insait long wok wokboi, long mekim wok bilong haus sel holi bilong bung bilong ol manmeri.

4:31  Na dispela em i tok strong bilong ol hevi bilong ol, bilong bihainim olgeta wok wokboi bilong ol long haus sel holi bilong bung bilong ol manmeri, ol plang bilong haus sel holi, na ol ba bilong en, na ol bikpela pos bilong en, na ol soket bilong en,

4:32  Na ol bikpela pos bilong ples op raun nabaut, na ol soket bilong ol, na ol pin bilong ol, na ol rop bilong ol, wantaim olgeta samting bilong mekim wok, na wantaim olgeta wok wokboi bilong ol. Na long nem yupela bai kaunim ol samting bilong wok bilong tok strong bilong hevi bilong ol.

4:33  Dispela em i wok wokboi bilong ol famili bilong ol pikinini man bilong Merari, bilong bihainim olgeta wok wokboi bilong ol, long haus sel holi bilong bung bilong ol manmeri, aninit long han bilong Itamar, pikinini man bilong pris Eron.

4:34  ¶ Na Moses na Eron na ol nambawan bilong bung bilong ol manmeri i kaunim ol pikinini man bilong Kohat i bihainim ol famili bilong ol, na i bihainim hauslain bilong ol tumbuna papa bilong ol,

4:35  I stat long 30 krismas na i go antap, yes, i go inap long 50 krismas, olgeta wan wan husat i go insait long wok wokboi, long wok long haus sel holi bilong bung bilong ol manmeri.

4:36  Na ol dispela husat ol i kaunim bilong ol long ol famili bilong ol em i 2,750.

4:37  Ol dispela em i ol husat ol i kaunim bilong ol famili bilong ol lain Kohat, olgeta husat i ken wokim wok wokboi long haus sel holi bilong bung bilong ol manmeri, dispela Moses na Eron bin kaunim bilong bihainim tok strong BIKPELA long han bilong Moses.

4:38  Na ol dispela husat ol i kaunim bilong ol pikinini man bilong Gerson, namel long ol famili bilong ol, na long hauslain bilong ol tumbuna papa bilong ol,

4:39  I stat long 30 krismas na i go antap, yes, i go inap long 50 krismas, olgeta wan wan husat i go insait long wok wokboi, long wok long haus sel holi bilong bung bilong ol manmeri,

4:40  Yes, ol dispela husat ol i kaunim bilong ol, namel long ol famili bilong ol, long hauslain bilong ol tumbuna papa bilong ol, em i 2,630.

4:41  Ol dispela em i ol husat ol i kaunim bilong ol famili bilong ol pikinini man bilong Gerson, bilong olgeta husat i ken wokim wok wokboi long haus sel holi bilong bung bilong ol manmeri, husat Moses na Eron bin kaunim bilong bihainim tok strong bilong BIKPELA.

4:42  Na ol dispela husat ol i kaunim bilong ol famili bilong ol pikinini man bilong Merari, namel long ol famili bilong ol, long hauslain bilong ol tumbuna papa bilong ol,

4:43  I stat long 30 krismas na i go antap, yes, i go inap long 50 krismas, olgeta wan wan husat i go insait long wok wokboi, long wok long haus sel holi bilong bung bilong ol manmeri,

4:44  Yes, ol dispela husat ol i kaunim bilong ol, i bihainim ol famili bilong ol, em i 3,200.

4:45  Ol dispela em i ol dispela husat ol i kaunim bilong ol famili bilong ol pikinini man bilong ol lain Merari, husat Moses na Eron i kaunim bilong bihainim tok BIKPELA long han bilong Moses.

4:46  Olgeta dispela husat ol i kaunim bilong ol lain Livai, husat Moses na Eron na ol nambawan bilong Isrel i kaunim, i bihainim ol famili bilong ol, na i bihainim hauslain bilong ol tumbuna papa bilong ol,

4:47  I stat long 30 krismas na i go antap, yes, i go inap long 50 krismas, olgeta wan wan husat i kam long mekim wok wokboi, long wok wokboi bilong hevi long haus sel holi bilong bung bilong ol manmeri,

4:48  Yes, ol dispela husat ol i kaunim bilong ol, em i 8,580.

4:49  Bilong bihainim tok strong bilong BIKPELA ol i kaunim ol long han bilong Moses, olgeta wan wan bilong bihainim wok wokboi bilong em, na bilong bihainim hevi bilong em. Olsem tasol em i kaunim ol, olsem BIKPELA i tok strong long Moses.

Chapter 5

5:1  ¶ Na BIKPELA i tokim Moses, i spik,

5:2  Tok strong long ol pikinini bilong Isrel, inap long ol i ken putim ausait long kem olgeta wan wan lepraman, na olgeta wan wan husat i gat wanpela samting i kam ausait longbodi, na husat man i kamap doti long wanpela daiman.

5:3  Man na meri wantaim bai yupela putim i go ausait, ausait long kem bai yupela i putim ol, inap long ol i no ken mekim doti ol kem bilong ol, we insait long namel bilong en Mi stap.

5:4  Na ol pikinini bilong Isrel i mekim olsem, na putim ol ausait, ausait long kem. Olsem BIKPELA i tokim Moses, olsem tasol ol pikinini bilong Isrel i mekim.

5:5  Na BIKPELA i tokim Moses, i spik,

5:6  Toktok long ol pikinini bilong Isrel, Taim wanpela man o meri bai mekim wanpela sin, dispela ol man i save mekim, long wokim wanpela pasin bilong sakim lo i birua long BIKPELA, na dispela man o meri bai gat asua,

5:7  Nau ol bai autim sin bilong ol, dispela ol i bin mekim. Na em bai bekim pe long pasin bilong em bilong sakim lo wantaim nambawan samting bilong en, na skruim antap long en namba faiv hap bilong en, na givim dispela i go long em husat em i bin sakim lo i birua long em.

5:8  Tasol sapos man i no gat kandre long bekim pe long pasin bilong sakim lo i go long em, larim em i bekim pe long pasin bilong sakim lo i go long BIKPELA, yes, long pris. Dispela i antap long meme man bilong karamapim long mekim i kamap wanbel, we long en wanpela ofa bilong karamapim long mekim i kamap wanbel ol bai mekim long em.

5:9  Na olgeta wan wan ofa bilong olgeta samting i holi bilong ol pikinini bilong Isrel, dispela ol i bringim i go long ol pris, bai bilong em.

5:10  Na samting i holi olgeta bilong olgeta wan wan man bai bilong em. Wanem samting wanpela man i givim long pris, dispela bai bilong em.

5:11  ¶ Na BIKPELA i tokim Moses, i spik,

5:12  Toktok long ol pikinini bilong Isrel, na tokim ol, Sapos meri bilong wanpela man i go long sait, na mekim wanpela pasin bilong sakim lo i birua long em,

5:13  Na wanpela man i slip wantaim em long bodi sait, na dispela i stap hait long tupela ai bilong man bilong em, na i stap hait tru, na meri i kamap doti, na i no gat wanpela i witnes i birua long em, na tu meri i no kisim bel,

5:14  Na spirit bilong jeles i kam antap long man, na em i jeles long meri bilong em, na meri i stap doti, o sapos spirit bilong jeles i kam antap long man, na em i jeles long meri bilong em, na meri i no bin kamap doti,

5:15  Orait dispela man bai bringim meri bilong em i go long pris, na em bai bringim ofa bilong em long helpim em, namba ten hap bilong wanpela ipa bali plaua. Em bai i no inap kapsaitim wel antap long en, o putim frankinsens antap long en. Long wanem, em i wanpela ofa bilong pasin jeles, wanpela ofa bilong holim tingting, bilong bringim sin nogut i kam long tingting gen.

5:16  Na pris bai bringim meri klostu, na putim em long ai bilong BIKPELA.

5:17  Na pris bai kisim wara i holi insait long wanpela sospen samting graun. Na long dispela das i stap long plua bilong haus sel holi pris bai kisim, na putim insait long wara.

5:18  Na pris bai putim meri long ai bilong BIKPELA, na rausim karamap bilong het bilong meri, na putim ofa bilong holim tingting i go long tupela han bilong meri, dispela em i ofa bilong pasin jeles. Na pris bai gat insait long han bilong em dispela wara i pait i mekim tok nogut i kamap.

5:19  Na pris bai givim wok long meri long wanpela strongpela promis, na tokim meri, Sapos i no gat man i bin slip wantaim yu, na sapos yu no bin go long sait long pasin i doti wantaim narapela long kisim ples bilong man bilong yu, yu bai stap fri long dispela wara i pait, dispela i mekim tok nogut i kamap.

5:20  Tasol sapos yu bin go long sait long narapela long kisim ples bilong man bilong yu, na sapos yu stap doti, na wanpela man i bin slip wantaim yu husat i no man bilong yu,

5:21  Orait pris bai givim tok long meri wantaim wanpela strongpela promis i nogut, na pris bai tokim meri, BIKPELA i mekim yu wanpela tok nogut, na wanpela strongpela promis namel long ol manmeri bilong yu, taim BIKPELA i mekim antap bilong lek bilong yu long sting, na bel bilong yu long solap.

5:22  Na dispela wara, dispela i mekim tok nogut i kamap, bai go insait long ol rop bilong bel bilong yu, long mekim bel bilong yu long solap, na lek bilong yu long sting. Na meri bai tok, Amen, amen.

5:23  Na pris bai raitim ol dispela tok nogut insait long wanpela buk, na em bai rausim ol i go ausait wantaim dispela wara i pait.

5:24  Na em bai mekim meri long dringim dispela wara i pait i mekim tok nogut i kamap. Na dispela wara i pait i mekim tok nogut i kamap bai go insait long em, na kamap samting i pait.

5:25  Nau pris bai kisim ofa bilong pasin jeles ausait long han bilong meri, na em bai mekim ofa bilong i go i kam long ai bilong BIKPELA, na ofaim dispela antap long alta.

5:26  Na pris bai kisim wanpela han i pulap long ofa, yes, samting bilong holim tingting long en, na kukim dispela antap long alta, na bihain long en em bai mekim meri long dringim dispela wara.

5:27  Na taim em i bin mekim em long dringim wara, nau em bai kamap olsem, long, sapos em i doti, na em i bin mekim pasin bilong sakim lo i birua long man bilong em, long dispela wara i mekim tok nogut i kamap bai go insait long em, na kamap samting bilong pait, na bel bilong em bai solap, na lek bilong em bai sting. Na meri bai stap wanpela tok nogut namel long lain manmeri bilong em.

5:28  Na sapos meri i no doti, tasol em i stap klin, orait em bai stap fri, na em bai kisim bel.

5:29  Dispela em i lo bilong ol jeles pasin, taim wanpela maritmeri i go long sait long narapela long kisim ples bilong man bilong em, na i kamap doti,

5:30  O taim spirit bilong jeles i kam antap long man, na em i jeles long meri bilong em, na em bai putim meri long ai bilong BIKPELA, na pris bai wokim antap long meri olgeta dispela lo.

5:31  Nau bai dispela man i no gat asua long sin nogut, na dispela meri bai karim sin nogut bilong em

Chapter 6

6:1  ¶ Na BIKPELA i tokim Moses, i spik,

6:2  Toktok long ol pikinini bilong Isrel, na tokim ol, Taim wanpela man o meri bai brukim ol yet long wokim wanpela strongpela promis bilong wanpela Nasarait, long brukim ol yet i go long BIKPELA,

6:3  Em bai brukim em yet long wain na strongpela dring, na em bai i no inap dringim vinega bilong wain, o vinega bilong strongpela dring. Na tu bai em i no inap liklik long dringim strongpela wara bilong ol pikinini wain, o kaikai pikinini wain i gat wara, o i drai.

6:4  Olgeta de bilong bruk bilong em bai em i no inap kaikai wanpela samting ol i wokim long diwai wain, i stat long insait bilong wain, yes, i go long skin.

6:5  Olgeta de bilong strongpela promis bilong bruk bilong em bai i no gat wanpela resa i kam antap long het bilong em. Inap long ol de bilong em em i inap pinis, long ol dispela em i brukim em yet i go long BIKPELA, em bai stap holi, na bai em i larim ol rop bilong gras bilong het bilong em i go longpela.

6:6  Olgeta de long em i brukim em yet i go long BIKPELA em bai i no inap i kam klostu long wanpela daibodi.

6:7  Em no ken mekim em yet doti long papa bilong em, o long mama bilong em, long brata bilong em, o long susa bilong em, taim ol i dai. Bilong wanem, mekim i kamap holi bilong God bilong em em i stap antap long het bilong em.

6:8  Olgeta de bilong bruk bilong em em i holi i go long BIKPELA.

6:9  Na sapos wanpela man i dai wantu tru long han bilong em, na em i bin mekim doti het bilong mekim i kamap holi bilong em, orait em bai sevim het bilong em long dispela de bilong em bilong kamap klin. Long namba seven de em bai sevim dispela.

6:10  Na long namba et de em bai bringim tupela balus, o tupela yangpela balus pidgin, long pris, long dua bilong haus sel holi bilong bung bilong ol manmeri.

6:11  Na pris bai ofaim wanpela bilong wanpela ofa bilong sin, na arapela bilong wanpela ofa i kuk olgeta, na wokim wanpela karamapim long mekim i kamap wanbel long em, long wanem, long em i mekim sin long daibodi, na em bai mekim het bilong em holi olgeta long dispela de stret.

6:12  Na em bai mekim i kamap holi i go long BIKPELA ol de bilong bruk bilong em, na em bai bringim wanpela pikinini sipsip bilong namba wan yia long wanpela ofa bilong sakim lo. Tasol ol dispela de i stap bipo bai lus, bilong wanem, pasin bruk bilong em i kamap doti.

6:13  Na dispela em i lo bilong Nasarait, taim ol de bilong bruk bilong em i kamap inap pinis. Ol bai bringim em i kam long dua bilong haus sel holi bilong bung bilong ol manmeri.

6:14  Na em bai ofaim i go long BIKPELA, wanpela pikinini sipsip man bilong namba wan yia i no gat mak nogut bilong wanpela ofa i kuk olgeta, na wanpela pikinini sipsip meri bilong namba wan yia i no gat mak nogut bilong wanpela ofa bilong sin, na wanpela sipsip man i no gat mak nogut bilong wanpela ofa bilong givim bel isi,

6:15  Na wanpela basket bilong bret i no gat yis, ol kek bilong naispela plaua i bung wantaim wel, na ol liklik hap bilong bret i no gat yis ol i makim wantaim wel, na ol ofa bilong kaikai bilong ol, na ol ofa bilong dring bilong ol.

6:16  Na pris bai bringim ol long ai bilong BIKPELA, na em bai ofaim ofa bilong sin bilong em, na ofa i kuk olgeta bilong em.

6:17  Na em bai ofaim meme man bilong wanpela sakrifais bilong ol ofa bilong givim bel isi i go long BIKPELA, wantaim basket bret i no gat yis. Pris bai ofaim tu ofa bilong kaikai bilong em, na ofa bilong dring bilong em.

6:18  Na dispela Nasarait bai sevim het bilong bruk bilong em long dua bilong haus sel holi bilong bung bilong ol manmeri, na em bai kisim gras bilong het bilong bruk bilong em, na putim dispela insait long paia, dispela i stap aninit long sakrifais bilong ol ofa bilong givim bel isi.

6:19  Na pris bai kisim sol bilong han bilong meme man ol i boilim, na wanpela kek i no gat yis ausait long basket, na wanpela liklik hap bret i no gat yis, na ol bai putim ol antap long ol han bilong dispela Nasarait, bihain long gras bilong bruk bilong em em i sevim pinis.

6:20  Na pris bai mekim ol i go i kam bilong wanpela ofa bilong i go i kam long ai bilong BIKPELA. Dispela em i holi bilong pris, wantaim bros i go i kam na sol bilong han bilong tromoi. Na bihain long dispela, Nasarait i ken dringim wain.

6:21  Dispela em i lo bilong Nasarait husat bin wokim strongpela promis, na bilong ofa bilong em i go long BIKPELA bilong bruk bilong em, i no kaunim dispela samting han bilong em bai kisim. Bilong bihainim strongpela promis, dispela em i wokim, olsem tasol em i mas mekim i bihainim lo bilong bruk bilong em.

6:22  ¶ Na BIKPELA i tokim Moses i spik,

6:23  Toktok long Eron na ol pikinini man bilong em, i spik, Long dispela pasin yupela bai blesim ol pikinini bilong Isrel, i spik i go long ol,

6:24  BIKPELA i ken blesim yu, na holimpas yu.

6:25  BIKPELA i ken mekim pes bilong Em long lait tru antap long yu, na soim marimari long yu.

6:26  BIKPELA i ken litimapim pes bilong Em i go long yu, na givim yu bel isi.

6:27  Na ol bai putim nem bilong Mi antap long ol pikinini bilong Isrel. Na Mi bai blesim ol.

Chapter 7

7:1  ¶ Na em i kamap olsem long dispela de Moses i bin sanapim dispela haus sel holi olgeta, na em i bin makim dispela, na mekim em i kamap holi, na olgeta samting bilong wok bilong en, alta na olgeta sospen samting bilong en wantaim, na em i bin makim ol, na mekim ol i kamap holi,

7:2  Long ol hetman bilong Isrel, ol het bilong hauslain bilong ol tumbuna papa bilong ol, husat i ol hetman bilong ol lain, na i bosim ol husat ol i kaunim, i wokim ofa.

7:3  Na ol i bringim ol ofa bilong ol long ai bilong BIKPELA, sikispela karis i gat karamap, na twelpela bulmakau man, wanpela karis bilong tupela hetman, na bilong olgeta wan wan wanpela bulmakau man. Na ol i bringim ol long ai bilong haus sel holi.

7:4  Na BIKPELA i tokim Moses, i spik,

7:5  Kisim dispela long ol, inap long ol i ken i stap long wokim wok wokboi bilong haus sel holi bilong bung bilong ol manmeri. Na yu bai givim ol i go long ol lain Livai, long olgeta wan wan man bilong bihainim wok wokboi bilong em.

7:6  Na Moses i kisim ol karis na ol bulmakau man, na givim ol i go long ol lain Livai.

7:7  Tupela karis na fopela bulmakau man em i givim i go long ol pikinini man bilong Gerson, bilong bihainim wok wokboi bilong ol.

7:8  Na fopela karis na etpela bulmakau man em i givim i go long ol pikinini man bilong Merari, bilong bihainim wok wokboi bilong ol, aninit long han bilong Itamar, pikinini man bilong pris Eron.

7:9  Tasol long ol pikinini man bilong Kohat em i no givim wanpela. Bilong wanem, wok wokboi bilong rum holi em i bilong ol em i dispela, ol i mas karim ol samting antap long ol sol bilong han bilong ol.

7:10  ¶ Na ol hetman i ofaim bilong makim alta long dispela de ol i makim dispela, yes, ol hetman i ofaim ol ofa bilong ol long ai bilong alta.

7:11  Na BIKPELA i tokim Moses, Ol bai ofaim ol ofa bilong ol, olgeta wan wan hetman long de bilong em, bilong makim dispela alta.

7:12  Na em husat i ofaim ofa bilong em long namba wan de em i Nason, pikinini man bilong Aminadap, bilong ol lain bilong Juda.

7:13  Na ofa bilong em em i wanpela bikpela dis silva, hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol em i pulap long naispela plaua ol i abusim wantaim wel bilong wanpela ofa bilong kaikai,

7:14  Wanpela spun bilong tenpela sekel bilong gol, pulap long insens,

7:15  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:16  Wanpela pikinini bilong ol meme bilong wanpela ofa bilong sin,

7:17  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Nason, pikinini man bilong Aminadap.

7:18  Long namba tu de Netanel, pikinini man bilong Suar, hetman bilong Isakar, i mekim ofa.

7:19  Em i ofaim bilong ofa bilong em wanpela bikpela dis silva, we hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:20  Wanpela spun gol bilong tenpela sekel, pulap long insens,

7:21  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:22  Wanpela pikinini bilong ol meme bilong wanpela ofa bilong sin,

7:23  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Netanel, pikinini man bilong Suar.

7:24  Long namba tri de Eliap, pikinini man bilong Helon, hetman bilong ol pikinini bilong Sebyulan, i mekim ofa.

7:25  Ofa bilong em em i wanpela bikpela dis silva, we hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:26  Wanpela spun gol bilong tenpela sekel, pulap long insens,

7:27  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:28  Wanpela pikinini bilong ol meme bilong wanpela ofa bilong sin,

7:29  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Eliap, pikinini man bilong Helon.

7:30  Long namba foa de Elisur, pikinini man bilong Sedeur, hetman bilong ol pikinini bilong Ruben, i mekim ofa.

7:31  Ofa bilong em em i wanpela bikpela dis silva, hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:32  Wanpela spun gol bilong tenpela sekel, pulap long insens,

7:33  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:34  Wanpela pikinini bilong ol meme bilong wanpela ofa bilong sin,

7:35  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Elisur, pikinini man bilong Sedeur.

7:36  Long namba faiv de Selumiel, pikinini man bilong Surisadai, hetman bilong ol pikinini bilong Simion, i mekim ofa.

7:37  Ofa bilong em em i wanpela bikpela dis silva, we hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:38  Wanpela spun gol bilong tenpela sekel, pulap long insens,

7:39  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:40  Wanpela pikinini bilong ol meme bilong wanpela ofa bilong sin,

7:41  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Selumiel, pikinini man bilong Surisadai.

7:42  Long namba sikis de Eliasap, pikinini man bilong Deuel, hetman bilong ol pikinini bilong Gat, i ofaim.

7:43  Ofa bilong em em i wanpela bikpela dis silva, hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:44  Wanpela spun gol bilong tenpela sekel, pulap long insens,

7:45  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:46  Wanpela pikinini bilong ol meme bilong wanpela ofa bilong sin,

7:47  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Eliasap, pikinini man bilong Deuel.

7:48  Long namba seven de Elisama, pikinini man bilong Amihut, hetman bilong ol pikinini bilong Simion, i ofaim.

7:49  Ofa bilong em em i wanpela bikpela dis silva, we hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:50  Wanpela spun gol bilong tenpela sekel, pulap long insens,

7:51  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:52  Wanpela pikinini bilong ol meme bilong wanpela ofa bilong sin,

7:53  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Elisama, pikinini man bilong Amihut.

7:54  Long namba et de Gamaliel, pikinini man bilong Pedasur, hetman bilong ol pikinini bilong Manasa.

7:55  Ofa bilong em em i wanpela bikpela dis silva, hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:56  Wanpela spun gol bilong tenpela sekel, pulap long insens,

7:57  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:58  Wanpela pikinini bilong ol meme bilong wanpela ofa bilong sin,

7:59  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Gamaliel, pikinini man bilong Pedasur.

7:60  Long namba nain de Abidan, pikinini man bilong Gideoni, hetman bilong ol pikinini bilong Benjamin, i ofaim.

7:61  Ofa bilong em em i wanpela bikpela dis silva, we hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:62  Wanpela spun gol bilong tenpela sekel, pulap long insens,

7:63  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:64  Wanpela pikinini bilong ol meme bilong wanpela ofa bilong sin,

7:65  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Abidan, pikinini man bilong Gideoni.

7:66  Long namba ten de Ahieser, pikinini man bilong Amisadai, hetman bilong ol pikinini bilong Dan, i ofaim.

7:67  Ofa bilong em em i wanpela bikpela dis silva, we hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:68  Wanpela spun gol bilong tenpela sekel, pulap long insens,

7:69  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:70  Wanpela pikinini bilong ol meme bilong wanpela ofa bilong sin,

7:71  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Ahieser, pikinini man bilong Amisadai.

7:72  Long namba eleven de Pagiel, pikinini man bilong Okran, hetman bilong ol pikinini bilong Aser, i ofaim.

7:73  Ofa bilong em em i wanpela bikpela dis silva, we hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:74  Wanpela spun gol bilong tenpela sekel, pulap long insens,

7:75  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:76  Wanpela pikinini bilong ol meme bilong wanpela ofa bilong sin,

7:77  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Pagiel, pikinini man bilong Okran.

7:78  Long namba twelv de Ahira, pikinini man bilong Enan, hetman bilong ol pikinini bilong Naptalai, i ofaim.

7:79  Ofa bilong em em i wanpela bikpela dis silva, we hevi bilong en em i 130 sekel, wanpela dis silva i 70 sekel, i bihainim sekel bilong rum holi. Tupela bilong ol i pulap long naispela plaua ol i abusim wantaim wel bilong wanpela ofa bilong kaikai,

7:80  Wanpela spun gol bilong tenpela sekel, pulap long insens,

7:81  Wanpela yangpela bulmakau man, wanpela sipsip man, wanpela pikinini sipsip bilong namba wan yia, bilong wanpela ofa i kuk olgeta,

7:82  Wanpela pikinini bilong ol meme bilong wanpela ofa bilong sin,

7:83  Na bilong wanpela sakrifais bilong ol ofa bilong givim bel isi, tupela bulmakau man, faipela sipsip man, faipela meme man, faipela pikinini sipsip bilong namba wan yia. Dispela em i ofa bilong Ahira, pikinini man bilong Enan.

7:84  Dispela em i taim makim bilong alta, long dispela de ol i makim dispela, long ol hetman bilong Isrel, twelpela bikpela dis silva, twelpela dis silva, twelpela spun gol,

7:85  Olgeta wan wan bikpela dis silva i gat hevi olsem 130 sekel. Olgeta wan wan dis em i 70 sekel. Olgeta sospen samting silva i hevi olsem 2,400 sekel, i bihainim sekel bilong rum holi.

7:86  Ol spun gol em i twelpela, pulap long insens, hevi olsem tenpela sekel wan wan, i bihainim sekel bilong rum holi. Olgeta gol bilong ol spun em i 120 sekel.

7:87  Olgeta bulmakau man bilong ol ofa i kuk olgeta em i twelpela bulmakau man, ol sipsip man twelpela, ol meme man twelpela, ol pikinini sipsip bilong namba wan yia twelpela, wantaim ol ofa bilong kaikai bilong ol. Na ol pikinini meme bilong ol ofa bilong sin em i twelpela.

7:88  Na olgeta bulmakau man bilong ol sakrifais bilong ol ofa bilong givim bel isi em i 24 bulmakau man, ol sipsip man 60, ol meme man 60, ol pikinini sipsip bilong namba wan yia 60. Dispela em i taim makim bilong alta, bihain long ol bin makim dispela.

7:89  Na taim Moses i go pinis insait long haus sel holi bilong bung bilong ol manmeri long toktok wantaim Em, orait em i harim nek bilong wanpela i toktok long em long antap long dispela sia marimari i stap antap long bokis kontrak bilong testimoni, long namel long tupela serupim. Na em i toktok wantaim Em.

Chapter 8

8:1  ¶ Na BIKPELA i tokim Moses, i spik,

8:2  Toktok long Eron, na tokim em, Taim yu laitim ol lam, dispela sevenpela lam bai givim lait i pas klostu long stik kandel.

8:3  Na Eron i mekim olsem. Em i laitim ol lam bilong en i pas klostu long stik kandel, olsem BIKPELA i tok strong long Moses.

8:4  Na dispela wok bilong stik kandel em i bilong gol ol i paitim, i go long pos bilong en, i go long ol plaua bilong en, em i wok ol i paitim. Bilong bihainim dispela piksa BIKPELA bin soim Moses, olsem tasol em i wokim stik kandel.

8:5  ¶ Na BIKPELA i tokim Moses, i spik,

8:6  Kisim ol lain Livai long namel long ol pikinini bilong Isrel, na klinim ol.

8:7  Na olsem bai yu mekim long ol, bilong klinim ol. Tromoi isi isi wara bilong klinim tru antap long ol, na larim ol i sevim olgeta bodi bilong ol, na larim ol wasim ol klos bilong ol, na olsem tasol mekim ol yet i klin.

8:8  Nau larim ol i kisim wanpela yangpela bulmakau man wantaim ofa bilong kaikai bilong en, yes, naispela plaua i abusim wantaim wel, na narapela yangpela bulmakau man bai yu kisim bilong wanpela ofa bilong sin.

8:9  Na yu bai bringim ol lain Livai long ai bilong haus sel holi bilong bung bilong ol manmeri. Na yu bai bungim olgeta bung bilong ol pikinini bilong Isrel wantaim.

8:10  Na yu bai bringim ol lain Livai long ai bilong BIKPELA. Na ol pikinini bilong Isrel bai putim ol han bilong ol antap long ol lain Livai.

8:11  Na Eron bai ofaim ol lain Livai long ai bilong BIKPELA bilong wanpela ofa bilong ol pikinini bilong Isrel, inap long ol i ken mekim wok bilong wok wokboi bilong BIKPELA.

8:12  Na ol lain Livai bai slipim ol han bilong ol antap long ol het bilong ol bulmakau man. Na yu bai ofaim wanpela bilong wanpela ofa bilong sin, na arapela bilong wanpela ofa i kuk olgeta, i go long BIKPELA, long wokim wanpela karamapim long mekim i kamap wanbel bilong ol lain Livai.

8:13  Na yu bai putim ol lain Livai long ai bilong Eron, na long ai bilong ol pikinini man bilong em, na ofaim ol bilong wanpela ofa i go long BIKPELA.

8:14  Olsem tasol bai yu brukim ol lain Livai long namel long ol pikinini bilong Isrel. Na ol lain Livai bai bilong Mi.

8:15  Na bihain long dispela bai ol lain Livai i go insait long mekim wok wokboi bilong haus sel holi bilong bung bilong ol manmeri. Na yu bai klinim ol, na ofaim ol bilong wanpela ofa.

8:16  Long wanem, yupela i givim ol i go long Mi olgeta long namel long ol pikinini bilong Isrel. Long kisim ples bilong ol kain lain i opim bel bilong olgeta wan wan mama, yes, long kisim ples bilong ol namba wan pikinini bilong ol pikinini bilong Isrel, Mi bin kisim ol i go long Mi.

8:17  Long wanem, olgeta namba wan pikinini bilong ol pikinini bilong Isrel em i bilong Mi, man na animal wantaim. Long dispela de Mi paitim olgeta wan wan namba wan pikinini long hap bilong Isip, Mi mekim ol holi long Mi Yet.

8:18  Na Mi bin kisim ol lain Livai bilong senisim olgeta namba wan pikinini bilong ol pikinini Isrel.

8:19  Na Mi bin givim ol lain Livai olsem wanpela presen long Eron na long ol pikinini man bilong em long namel long ol pikinini bilong Isrel, long wokim wok wokboi bilong ol pikinini bilong Israel insait long haus sel holi bilong bung bilong ol manmeri, na long wokim wanpela karamapim long mekim i kamap wanbel bilong ol pikinini bilong Isrel, inap long bai i no gat sik nogut namel long ol pikinini bilong Isrel, taim ol pikinini bilong Isrel i kam klostu long rum holi.

8:20  Na Moses, na Eron, na olgeta bung bilong ol manmeri bilong ol pikinini bilong Isrel, i mekim long ol lain Livai bilong bihainim olgeta samting BIKPELA i tok strong long Moses long sait bilong ol lain Livai. Olsem tasol ol pikinini bilong Isrel i mekim long ol.

8:21  Na ol i klinim ol lain Livai, na ol i wasim ol klos bilong ol. Na Eron i ofaim ol olsem wanpela ofa long ai bilong BIKPELA. Na Eron i wokim wanpela karamapim long mekim i kamap wanbel bilong ol long klinim ol.

8:22  Na bihain long dispela ol lain Livai i go insait long wokim wok wokboi bilong ol insait long haus sel holi bilong bung bilong ol manmeri long ai bilong Eron, na long ai bilong ol pikinini man bilong em. Olsem BIKPELA bin tok strong long Moses long sait bilong ol lain Livai, olsem tasol ol i mekim long ol.

8:23  Na BIKPELA i tokim Moses, i spik,

8:24  Dispela em i dispela samting i bilong ol lain Livai. I stat long 25 krismas na i go antap ol bai go insait long wet long wok wokboi bilong haus sel holi bilong bung bilong ol manmeri.

8:25  Na i stat long 50 krismas ol bai lusim wok bilong wet long wok wokboi bilong en, na ol bai i no inap wokim wok wokboi moa.

8:26  Tasol ol bai wokim wok wantaim ol brata bilong ol insait long haus sel holi bilong bung bilong ol manmeri, long holimpas wok, na ol bai i no inap wokim wok wokboi. Olsem tasol bai yu mekim long ol lain Livai long sait bilong wok bilong ol.

Chapter 9

9:1  ¶ Na BIKPELA i tokim Moses long ples i no gat man bilong Sainai, long namba wan mun bilong namba tu yia bihain long ol i kam ausait long hap bilong Isip, i spik,

9:2  Larim ol pikinini bilong Isrel tu i holimpas pasova long taim Mi makim bilong en.

9:3  Long namba 14 de bilong dispela mun, long apinun tru, yupela bai holimpas dispela long taim Mi makim bilong en. Bilong bihainim olgeta wok bilong en, na bilong bihainim olgeta kain lotu bilong en, yupela bai holimpas dispela.

9:4  Na Moses i tokim ol pikinini bilong Isrel, long ol i mas holimpas pasova.

9:5  Na ol i holimpas pasova long namba 14 de bilong namba wan mun long apinun tru long ples i no gat man bilong Sainai. Bilong bihainim olgeta samting BIKPELA i tok strong long Moses, olsem tasol ol pikinini bilong Isrel i mekim.

9:6  Na i gat sampela man, husat i kamap doti long daibodi bilong wanpela man, inap long ol i no inap long holimpas pasova long dispela de. Na ol i kam long ai bilong Moses na long ai bilong Eron long dispela de.

9:7  Na ol dispela man i tokim em, Mipela stap doti long daibodi bilong wanpela man. Olsem wanem na mipela i pas, inap long mipela i no ken ofaim wanpela ofa long BIKPELA long taim Em i makim namel long ol pikinini bilong Isrel?

9:8  Na Moses tokim ol, Sanap i stap, na mi bai harim wanem samting BIKPELA bai tok strong long sait bilong yupela.

9:9  Na BIKPELA i tokim Moses, i spik,

9:10  Toktok long ol pikinini bilong Isrel, i spik, Sapos wanpela man bilong yupela o bilong ol lain tumbuna bihain bilong yupela bai stap doti long wanpela daibodi, o stap long wanpela wokabaut longwe, yet em bai holimpas pasova i go long BIKPELA.

9:11  Long namba 14 de bilong namba tu mun long apinun tru ol bai holimpas dispela, na kaikai dispela wantaim bret i no gat yis na ol sayor i pait.

9:12  Ol bai i no inap lusim wanpela hap bilong en i go long moning, o brukim wanpela bun bilong en. Bilong bihainim olgeta lo Mi makim bilong pasova ol bai holimpas dispela.

9:13  Tasol man husat i klin, na i no stap long wanpela wokabaut, na i les long holimpas pasova, yes, dispela tewel stret bai Mi rausim long namel long ol lain manmeri bilong em. Bilong wanem, em i no bringim ofa bilong BIKPELA long taim Em i makim, inap long dispela man bai karim sin bilong em.

9:14  Na sapos wanpela ausait man bai stap waira namel long yupela, na em i laik holimpas pasova i go long BIKPELA, bilong bihainim lo Mi makim bilong pasova, na bilong bihainim pasin bilong en, olsem tasol bai em i mekim. Yupela bai gat wanpela lo Mi makim, long ausait man, na long em husat mama i karim long dispela hap wantaim.

9:15  ¶ Na long dispela de ol i sanapim haus sel holi, klaut i karamapim haus sel holi, em i olsem, haus sel bilong testimoni. Na long apinun tru i gat antap long haus sel holi, olsem i stap, samting i luk olsem paia, i go inap long moning.

9:16  Olsem tasol em i stap oltaim. Klaut i karamapim dispela long san, na samting i luk olsem paia long nait.

9:17  Na taim God i kisim klaut i go antap i lusim haus sel holi, nau bihain long en ol pikinini bilong Isrel i wokabaut. Na long ples we klaut i stap, long dispela hap ol pikinini bilong Isrel i sanapim ol haus sel bilong ol.

9:18  Long tok strong bilong BIKPELA ol pikinini bilong Isrel i wokabaut, na long tok strong bilong BIKPELA ol i sanapim ol haus sel. Taim klaut i stap yet antap long haus sel holi, ol i malolo insait long ol haus sel bilong ol.

9:19  Na taim klaut i stap yet longpela taim antap long haus sel holi planti de, nau ol pikinini bilong Isrel i holimpas wok bilong BIKPELA, na ol i no wokabaut.

9:20  Na em i stap olsem, taim klaut i stap sampela de antap long haus sel holi. Bilong bihainim tok strong bilong BIKPELA ol i stap long ol haus sel bilong ol, na bilong bihainim tok strong bilong BIKPELA ol i wokabaut.

9:21  Na em i stap olsem, taim klaut i stap i stat long apinun tru i go inap long moning, na long God i kisim klaut i go antap long moning, nau ol i wokabaut. Sapos em i long san o long nait long God i kisim klaut i go antap, ol i wokabaut.

9:22  O saposem i tupela de, o wanpela mun, o wanpela yia, long klaut i stap yet longpela taim antap long haus sel holi, na i stap yet antap long en, ol pikinini bilong Isrel i stap insait long ol haus sel bilong ol, na ol i no wokabaut. Tasol taim God i kisim dispela i go antap, ol i wokabaut.

9:23  Long tok strong bilong BIKPELA ol i malolo long ol haus sel bilong ol, na long tok strong bilong BIKPELA ol i wokabaut. Ol i holimpas wok bilong BIKPELA, long tok strong bilong BIKPELA long han bilong Moses.

Chapter 10

10:1  ¶ Na BIKPELA i tokim Moses, i spik,

10:2  Wokim bilong yu tupela biugel bilong silva. Bilong wanpela hap olgeta bai yu wokim ol, inap long yu ken yusim ol bilong singautim ol lain bilong bung, na bilong ol wokabaut bilong ol kem.

10:3  Na taim ol bai winim wantaim ol, olgeta lain bilong bung bai bungim ol yet long yu long dua bilong haus sel holi bilong bung bilong ol manmeri.

10:4  Na sapos ol i winim wantaim wanpela biugel tasol, orait ol hetman, husat i ol het bilong ol tausen bilong Isrel, bai bungim ol yet i go long yu.

10:5  Taim yupela winim wanpela tandok, orait ol kem husat i slip long hap is bai go antap.

10:6  Taim yupela winim wanpela tandok namba tu taim, nau ol dispela kem i slip long hap saut bai kirapim wokabaut bilong ol. Ol bai winim wanpela tandok bilong ol wokabaut bilong ol.

10:7  Tasol taim bung bilong ol manmeri i mas i bung wantaim, yupela bai winim, tasol yupela i no ken winim wanpela tandok.

10:8  Na ol pikinini man bilong Eron, ol pris, bai winim wantaim ol biugel. Na ol bai stap long yupela olsem wanpela lo Mi makim oltaim oltaim namel long ol lain tumbuna bilong yupela.

10:9  Na sapos yupela i go long bikpela pait insait long hap graun bilong yupela long pait birua long ol birua husat i givim hevi long yupela, orait yupela bai winim wanpela tandok wantaim ol biugel. Na God bai holim tinging long yupela long ai bilong BIKPELA, God bilong yupela, na Em bai kisim bek yupela long ol birua bilong yupela.

10:10  Na tu long de bilong amamas bilong yupela, na long ol de holi bilong yupela, na long ol stat bilong ol mun bilong yupela, yupela bai winim wantaim ol biugel antap long ol ofa i kuk olgeta bilong yupela, na antap long ol sakrifais bilong ol ofa bilong givim bel isi bilong yupela, inap long ol i ken stap wanpela samting bilong holim tingting long ai bilong God long yupela. Mi stap BIKPELA, God bilong yupela.

10:11  ¶ Na em i kamap olsem long namba 20 de bilong namba tu mun, long namba tu yia, long God i kisim i go antap klaut i lusim haus sel holi bilong testimoni.

10:12  Na ol pikinini bilong Isrel i go long ol wokabaut bilong ol ausait long ples i no gat man bilong Sainai. Na klaut i malolo long ples i no gat man bilong Paran.

10:13  Na ol i go long namba wan wokabaut bilong ol bilong bihainim tok strong bilong BIKPELA long han bilong Moses.

10:14  Long namba wan ples plak bilong kem bilong ol pikinini bilong Juda i go bilong bihainim ol ami bilong ol. Na antap long ami bilong em em Nason, pikinini man bilong Aminadap.

10:15  Na antap long ami bilong ol pikinini bilong Isakar em Netanel, pikinini man bilong Suar.

10:16  Na antap long ami bilong ol pikinini bilong Sebyulan em Eliap, pikinini man bilong Helon.

10:17  Na ol i rausim i go daun haus sel holi. Na ol pikinini man bilong Gerson, na ol pikinini man bilong Merari, i kirap na wokabaut i go antap, na karim haus sel holi.

10:18  Na plak bilong kem bilong Ruben i kirap na wokabaut i go antap bilong bihainim ol ami bilong ol. Na antap long ami bilong em em Elisur, pikinini man bilong Sedeur.

10:19  Na antap long ami bilong lain bilong ol pikinini bilong Simeon em Selumiel, pikinini man bilong Surisadai.

10:20  Na antap long ami bilong lain bilong ol pikinini bilong Gat em Eliasap, pikinini man bilong Deuel.

10:21  Na ol lain Kohat i kirap na wokabaut i go antap, na karim rum holi. Na arapela i bin sanapim haus sel holi bilong redi long ol i kam.

10:22  Na plak bilong kem bilong ol pikinini bilong Ifraim i kirap na wokabaut i go antap bilong bihainim ol ami bilong ol. Na antap long ami bilong em em Elisama, pikinini man bilong Amihut.

10:23  Na antap long ami bilong ol lain bilong ol pikinini bilong Manasa em Gamaliel, pikinini man bilong Pedasur.

10:24  Na antap long ami bilong lain bilong ol pikinini bilong Benjamin em Abidan, pikinini man bilong Gideoni.

10:25  Na plak bilong kem bilong ol pikinini bilong Dan i kirap na wokabaut i go antap, dispela em i baksait lain bilong olgeta kem namel long ol ami bilong ol. Na antap long ami bilong em em Ahieser, pikinini man bilong Amisadai.

10:26  Na antap long ami bilong lain bilong ol pikinini bilong Aser em Pagiel, pikinini man bilong Okran.

10:27  Na antap long ami bilong lain bilong ol pikinini bilong Naptalai em Ahira, pikinini man bilong Enan.

10:28  Olsem tasol em ol wokabaut bilong ol pikinini bilong Isrel bilong bihainim ol ami bilong ol, taim ol i kirap na wokabaut i go antap.

10:29  ¶ Na Moses i tokim Hobap, pikinini man bilong man Midian Raguel, tambu papa bilong Moses, Mipela i wokabaut i go long dispela ples, dispela BIKPELA i tok, Mi bai givim dispela long yupela. Yu kam wantaim mipela, na mipela bai mekim gut long yu. Long wanem, BIKPELA i bin toktok gut long sait bilong Isrel.

10:30  Na em i tokim em, Mi no laik go. Tasol mi bai go long hap bilong mi yet, na long kandre bilong mi.

10:31  Na em i tok, No ken lusim mipela, mi askim yu plis. Bikos yu save long mipela mas wokim kem long ples i no gat man olsem wanem, na yu ken i stap long mipela long kisim ples bilong ol ai.

10:32  Na em bai stap olsem, sapos yu go wantaim mipela, yes, em bai stap olsem, long wanem gutpela samting BIKPELA bai mekim long mipela, dispela samting stret mipela bai mekim i go long yu.

10:33  Na ol i lusim maunten bilong BIKPELA tripela de wokabaut. Na bokis kontrak bilong BIKPELA i go paslain long ol insait long dispela tripela de wokabaut, long painimaut tru wanpela ples malolo bilong ol.

10:34  Na klaut bilong BIKPELA i stap antap long ol long san, taim ol i go ausait long kem.

10:35  Na em i kamap olsem, taim bokis kontrak i kirap na wokabaut i go antap, long Moses i tok, Kirap, BIKPELA, na larim ol birua bilong Yu i stap bruk nabaut. Na larim ol husat i hetim Yu ranawe long ai bilong Yu.

10:36  Na taim dispela i malolo, em i tok, Kam bek, O BIKPELA, i kam long ol planti tausen bilong Isrel.

Chapter 11

11:1  ¶ Na taim ol manmeri i komplen, dispela i bagarapim amamas bilong BIKPELA. Na BIKPELA i harim dispela, na belhat bilong Em i kirap. Na paia bilong BIKPELA i kuk olgeta namel long ol, na kaikai olgeta ol husat i stap long ol las hap bilong kem.

11:2  Na ol manmeri i krai i go long Moses. Na taim Moses i beten i go long BIKPELA, dispela paia i dai.

11:3  Na em i kolim nem bilong dispela ples Tabera. Bilong wanem, paia bilong BIKPELA i kuk olgeta namel long ol.

11:4  ¶ Na dispela kain kain lain i planti tru husat i stap namel long ol i pundaun long mangal pasin. Na ol pikinini bilong Isrel tu i krai tru gen, na i tok, Husat bai givim mipela abus long kaikai?

11:5  Mipela i holim tingting long pis, dispela i no gat samting i bin pasim mipela long kaikai long Isip, na ol kukamba, na ol melon, na ol lik, na ol anion, na galik.

11:6  Tasol nau tewel bilong mipela em i drai i go. I no gat samting liklik i stap, dispela mana tasol, long ai bilong ol ai bilong mipela.

11:7  Na mana em i olsem pikinini korianda, na kala bilong en i olsem kala bilong badelium.

11:8  Na ol manmeri i go nabaut, na bungim dispela, na krungutim dispela long ol mil, o paitim dispela insait long dis, na kukim dispela long ol sospen, na wokim ol kek long en. Na test bilong en i olsem test bilong wel i nupela.

11:9  Na taim wara bilong nait i pundaun antap long kem long nait, mana i pundaun antap long en.

11:10  Nau Moses i harim ol manmeri i krai tru namel long ol famili bilong ol, olgeta wan wan man long dua bilong haus sel bilong em. Na belhat bilong BIKPELA i kirap bikpela. Moses tu i no amamas.

11:11  Na Moses i tokim BIKPELA, Olsem wanem na Yu bin givim hevi long wokboi bilong Yu? Na olsem wanem na Mi no bin painim pinis gutpela amamas long ai bilong Yu, inap long Yu putim hevi bilong olgeta dispela lain manmeri antap long mi?

11:12  Ating mi bin kamapim olgeta dispela manmeri? Ating mi kamapim ol, inap long Yu bai tokim mi, Karim ol long bros bilong yu, olsem wanpela papa i lukautim pikinini i karim susu pikinini, i go long dispela hap Yu wokim strongpela promis long en i go long ol tumbuna papa bilong ol?

11:13  Mi ken gat abus we long givim i go long olgeta dispela lain manmeri? Long wanem, ol i krai tru long mi, i spik, Givim mipela abus, inap long mipela i ken kaikai.

11:14  Mi no inap long karim olgeta dispela bung bilong ol manmeri mi wanpela, bilong wanem, em i hevi tumas long mi.

11:15  Na sapos Yu mekim olsem wantaim mi, kilim mi, mi askim Yu plis, wantu, sapos mi bin painim pinis gutpela amamas long ai bilong Yu. Na no ken larim mi lukim bagarap tru bilong mi.

11:16  ¶ Na BIKPELA i tokim Moses, Bungim i kam long mi 70 man bilong ol lapun hetman bilong Isrel, husat yu save long ol i stap ol lapun hetman bilong bung bilong ol manmeri, na ol ofisa antap long ol. Na bringim ol i kam long haus sel holi bilong bung bilong ol manmeri, inap long ol i ken sanap long dispela hap wantaim yu.

11:17  Na Mi bai kam daun na toktok wantaim yu long dispela hap. Na Mi bai kisim bilong dispela Spirit i stap antap long yu, na putim dispela antap long ol. Na ol bai karim hevi bilong ol manmeri wantaim yu, inap long yu no karim dispela yu yet wanpela.

11:18  Na yu tokim ol manmeri, Mekim yupela yet i kamap holi bilong redi long tumora, na yupela bai kaikai abus. Long wanem, yupela i bin krai tru long tupela ia bilong BIKPELA, i spik, Husat bai givim mipela abus long kaikai? Long wanem, em i gutpela wantaim mipela long Isip. Olsem na BIKPELA bai givim yupela abus, na yupela bai kaikai.

11:19  Yupela bai i no inap kaikai wanpela de, o tupela de, o faipela de, o tenpela de, o 20 de,

11:20  Tasol yes, wanpela mun olgeta, inap long em i kam ausait long ol hul bilong nus bilong yupela, na em i ken sting tru long yupela. Bilong wanem, long yupela i bin tingim BIKPELA olsem Em i samting nating, husat i stap namel long yupela, na yupela i bin krai tru long ai bilong Em, i spik, Bilong wanem mipela i kam ausait long Isip?

11:21  Na Moses i tok, Ol manmeri, namel long husat mi stap, em i 600,000 man bilong pait long lek. Na Yu bin tok, Mi bai givim ol abus, inap long ol i ken kaikai wanpela mun olgeta.

11:22  Ating mipela bai kilim i dai ol lain sipsip na ol lain bulmakau bilong ol, long inapim ol? O ating mipela bai bungim olgeta pis bilong biksi wantaim bilong ol, long inapim ol?

11:23  Na BIKPELA i tokim Moses, Ating han bilong BIKPELA i wok long kamap sot? Yu bai luksave nau long sapos tok bilong Mi bai kamap olsem long yu o nogat.

11:24  ¶ Na Moses i go ausait, na tokim ol manmeri long ol toktok bilong BIKPELA, na bungim dispela 70 man bilong ol lapun hetman bilong ol manmeri, na putim ol raun nabaut long haus sel holi.

11:25  Na BIKPELA i kam daun insait long wanpela klaut, na toktok wantaim em, na BIKPELA i kisim bilong dispela Spirit i stap antap long em, na givim dispela i go long dispela 70 lapun hetman. Na em i kamap olsem, long, taim dispela Spirit i slip antap long ol, ol i autim tok profet, na ol i no lusim pasin.

11:26  Tasol i gat tupela bilong dispela ol man i stap yet insait long kem, nem bilong wanpela em i Eldat, na nem bilong arapela em i Medat. Na dispela Spirit i slip antap long ol. Na ol i bilong ol husat ol i raitim, tasol ol i no go ausait i go long haus sel holi. Na ol i autim tok profet insait long kem.

11:27  Na i gat wanpela yangpela man i ran na tokim Moses, na tok, Eldat na Medat i autim tok profet insait long kem.

11:28  Na Josua, pikinini man bilong Nun, wokboi bilong Moses, wanpela bilong ol yangpela man bilong em, i bekim na tok, Bikman bilong mi Moses, tambuim ol.

11:29  Na Moses i tokim em, Yu tingim mi na yu gat mangal tingting, a? Gutpela moa em i laik bilong God long olgeta manmeri bilong BIKPELA em i ol profet, na long BIKPELA i gat laik long putim Spirit bilong Em antap long ol!

11:30  Na Moses i kisim em yet i go long kem, em na ol lapun hetman bilong Isrel.

11:31  ¶ Na i gat wanpela win i kam long BIKPELA i go ausait, na bringim ol kwel i kam long biksi, na larim ol i pundaun klostu long kem, samting olsem wanpela de wokabaut long dispela sait, na samting olsem wanpela de wokabaut long arapela sait, raun nabaut long kem, na samting olsem tupela kyubit antap antap long pes bilong dispela graun.

11:32  Na ol manmeri i sanap olgeta dispela de, na olgeta dispela nait, na olgeta hap bilong dispela de bihain. Na ol i bungim ol kwel. Em husat i bungim liklik olgeta i bungim tenpela homa. Na ol i opim ol olgeta ausait bilong ol yet raun nabaut long kem.

11:33  Na taim abus i stap yet namel long ol tit bilong ol, bipo ol i kaikaim wantaim tit, belhat tru bilong BIKPELA em i kirap i birua long ol manmeri. Na BIKPELA i paitim ol manmeri wantaim wanpela sik nogut i bikpela tru.

11:34  Na Em i kolim nem bilong dispela ples Kibrot-hateava. Bilong wanem, long dispela hap ol i planim ol manmeri husat i mangal.

11:35  Na ol manmeri i wokabaut i lusim Kibrot-hateava i go long Haserot. Na ol i stap long Haserot.

Chapter 12

12:1  ¶ Na Miriam na Eron i tok birua long Moses, bilong wanem, long meri Itiopia husat em i bin maritim. Long wanem, em i bin maritim wanpela meri Itiopia.

12:2  Na ol i tok, Ating tru tru BIKPELA i bin toktok long maus bilong Moses tasol? Ating em i yes long Em i bin toktok tu long maus bilong mitupela? Na BIKPELA i harim dispela.

12:3  (Nau dispela man Moses em i man bilong pasin isi tru, antap moa long olgeta man husat i stap antap long pes bilong dispela graun.)

12:4  ¶ Na BIKPELA i tokim Moses wantu, na Eron, na Miriam, Kam ausait, yu tripela, i go long haus sel holi bilong bung bilong ol manmeri. Na tripela ol i kam ausait.

12:5  Na BIKPELA i kam daun insait long dispela bikpela pos bilong klaut, na sanap insait long dua bilong haus sel holi, na singautim Eron na Miriam. Na ol i kam ausait wantaim.

12:6  Na Em i tok, Harim nau ol toktok bilong Mi. Sapos i gat wanpela profet namel long yupela, Mi BIKPELA bai mekim Mi Yet klia long em long wanpela driman samting, na Mi bai toktok wantaim em long wanpela driman.

12:7  Wokboi bilong Mi Moses i no olsem, husat em i man yu inap bilip long em long olgeta hauslain bilong Mi.

12:8  Wantaim em Mi bai toktok maus i go long maus, yes klia, na i no long ol toktok tudak. Na em bai lukim samting i wankain olsem BIKPELA. Olsem wanem na nau yupela i no pret long toktok birua long wokboi bilong Mi Moses?

12:9  Na belhat bilong BIKPELA i kirap i birua long ol. Na Em i lusim hap.

12:10  ¶ Na klaut i lusim antap bilong haus sel holi. Na, lukim, Miriam i kamap sik lepra meri, waitpela olsem ais. Na Eron i lukluk long Miriam, na, lukim, meri i gat sik lepra.

12:11  Na Eron i tokim Moses, Sori tru, bikman bilong mi, mi askim yu long daun pasin, no ken putim dispela sin antap long mipela, we mipela bin mekim kranki pasin long en, na we mipela bin mekim sin long en.

12:12  No ken larim em i stap olsem wanpela i dai pinis, bilong husat mit bilong bodi bilong em sik i kaikai pinis taim em i kam ausait long bel bilong mama bilong em.

12:13  Na Moses i krai i go long BIKPELA, i spik, Oraitim em nau, O God, mi askim yu long daun pasin.

12:14  Na BIKPELA i tokim Moses, Sapos papa bilong em i bin spetim tasol pes bilong em, ating i yes long em i mas stap sem sevenpela de? Larim em i stap pas ausait long kem sevenpela de, na bihain long dispela, larim ol i kisim em i kam insait gen.

12:15  Na ol i pasim Miriam ausait long kem sevenpela de. Na ol manmeri i no wokabaut inap long ol i bringim Miriam insait gen.

12:16  Na bihain long en ol manmeri i lusim Haserot na sanapim ol haus sel long ples i no gat man bilong Paran.

Chapter 13

13:1  ¶ Na BIKPELA i tokim Moses, i spik,

13:2  Yu salim ol man, inap long ol i ken go painimaut tru long hap bilong Kenan, dispela Mi givim i go long ol pikinini bilong Isrel. Bilong olgeta wan wan lain bilong ol tumbuna papa bilong ol bai yupela i salim wanpela man, olgeta wan wan wanpela hetman namel long ol.

13:3  Na Moses, long tok strong bilong BIKPELA, i salim ol long lusim ples i no gat man bilong Paran. Olgeta dispela man em i ol het bilong ol pikinini bilong Isrel.

13:4  Na ol dispela em i ol nem bilong ol. Bilong ol lain bilong Ruben, Samua, pikinini man bilong Sakur.

13:5  Bilong lain bilong Simeon, Safat, pikinini man bilong Hori.

13:6  Bilong lain bilong Juda, Kelep, pikinini man bilong Jefune.

13:7  Bilong lain bilong Isakar, Igal, pikinini man bilong Josep.

13:8  Bilong lain bilong Ifraim, Hosea, pikinini man bilong Nun.

13:9  Bilong lain bilong Benjamin, Palti, pikinini man bilong Rafu.

13:10  Bilong lain bilong Sebyulan, Gadiel, pikinini man bilong Sodi.

13:11  Bilong lain bilong Josef, em i olsem, bilong lain bilong Manasa, Gadi, pikinini man bilong Susi.

13:12  Bilong lain bilong Dan, Amiel, pikinini man bilong Gemali.

13:13  Bilong lain bilong Aser, Setur, pikinini man bilong Maikel.

13:14  Bilong lain bilong Naptalai, Nabi, pikinini man bilong Vopsi.

13:15  Bilong lain bilong Gat, Geuel, pikinini man bilong Maki.

13:16  Ol dispela em i ol nem bilong ol man husat Moses i salim long lukstil long dispela hap. Na Moses i kolim Hosea, pikinini man bilong Nun, Jehosua.

13:17  Na Moses i salim ol long lukstil long hap bilong Kenan, na tokim ol, Yupela go antap long dispela rot i go long hap saut, na i go antap long maunten.

13:18  Na lukim dispela hap, em i olsem wanem, na ol manmeri husat i stap long en, sapos ol i gat strong o i no gat strong, liklik lain tasol o planti,

13:19  Na dispela hap ol i stap long en em i wanem, sapos em i stap gutpela o nogut, na wanem ol biktaun ol i stap long en i stap olsem wanem, sapos ol i ol haus sel, o ol strongpela ples hait,

13:20  Na dispela hap i stap olsem wanem, sapos em i stap gris o i no gris, sapos i gat diwai long en, o nogat. Na yupela holimpas gutpela strong bilong pait, na bringim bilong ol kaikai bilong dispela hap. Nau taim em i taim bilong ol namba wan pikinini wain i mau.

13:21  ¶ Olsem na ol i go antap, na painimaut tru dispela hap i stat long ples i no gat man bilong Sin i go inap long Rehop, olsem ol man i kam long Hemat.

13:22  Na ol i go antap long hap saut, na kam long Hibron, we Ahiman, Sesai, na Talmai, ol pikinini bilong Anak, i stap. (Nau ol i wokim Hibron sevenpela yia bipo Soan long Isip.)

13:23  Na ol i kam long liklik wara bilong Eskol, na katim daun long dispela ples wanpela han wantaim wanpela lain bung bilong ol pikinini wain, na ol i karim dispela namel long tupela man antap long wanpela stik wokabaut. Na ol i bringim bilong ol pomigranet, na bilong ol fik.

13:24  Dispela ples ol i kolim liklik wara Eskol, bilong tingim dispela lain bung bilong pikinini wain ol pikinini bilong Isrel i katim daun long dispela ples.

13:25  Na ol i go bek long lusim wok bilong painimaut tru long dispela hap bihain long 40 de.

13:26  ¶ Na ol i go na kamap long Moses, na long Eron, na long olgeta bung bilong ol manmeri bilong ol pikinini bilong Isrel, i go long ples i no gat man bilong Paran, long Kedes. Na ol i bringim i kam bek tok i go long ol, na i go long olgeta bung bilong ol manmeri, na soim ol ol kaikai bilong dispela hap.

13:27  Na ol i tokim em, na tok, Mipela kam long dispela hap we yu salim mipela. Na tru tumas, em i ran wantaim susu na hani. Na dispela em i kaikai bilong en.

13:28  Tasol ol manmeri i stap strong husat i stap long dispela hap, na ol biktaun i gat banis, na ol i bikpela tru. Na moa tu mipela lukim ol pikinini bilong Anak long dispela hap.

13:29  Ol lain Amalek i stap long hap bilong hap saut. Na ol lain Hit, na ol lain Jebus, na ol lain Amor, i stap long ol maunten. Na ol lain Kenan i stap klostu long biksi, na klostu long arere bilong Jordan.

13:30  Na Kelep i mekim ol lain manmeri i stap isi long ai bilong Moses, na tok, Larim yumi go antap wantu, na holimpas dispela . Long wanem, yumi inap tru gut long winim dispela.

13:31  Tasol ol man husat i go antap wantaim em i tok, Yumi i no inap long go antap na birua long dispela lain manmeri. Long wanem, ol i stap strongpela moa long yumi.

13:32  Na ol i bringim antap wanpela ripot nogut long dispela hap ol bin painimaut tru bilong ol pikinini bilong Isrel, i spik, Dispela hap, dispela mipela i bin go painimaut tru namel long en, em i wanpela hap graun i save kaikai ol lain i stap long en. Na olgeta manmeri husat mipela lukim long en em ol man i longpela tru.

13:33  Na long dispela hap mipela lukim ol traipela man, ol pikinini man bilong Anak, husat i kam long ol traipela man. Na mipela, long ai bilong mipela yet, i stap olsem ol grasop, na olsem tasol mipela i stap long ai bilong ol.

Chapter 14

14:1  ¶ Na olgeta bung bilong ol manmeri i litimapim nek bilong ol, na krai. Na ol manmeri i krai tru long dispela nait.

14:2  Na olgeta pikinini bilong Isrel i tok baksait i birua long Moses na i birua long Eron. Na bung bilong ol manmeri olgeta i tokim ol, Gutpela moa em i laik bilong God long mipela i bin dai pinis long hap bilong Isip! O gutpela moa em i laik bilong God long mipela i bin dai long dispela ples i no gat man.

14:3  Na olsem wanem na BIKPELA i bin bringim mipela long dispela hap, long pundaun long bainat, inap long ol meri bilong mipela na ol pikinini bilong mipela i ken kamap wanpela prais bilong pait? Ating i yes long em i gutpela moa long yumi ken go bek long Isip, a?

14:4  Na ol i toktok wanpela i go long narapela, Larim yumi makim wanpela kepten, na larim yumi go bek long Isip.

14:5  ¶ Nau Moses na Eron i pundaun long ol pes bilong ol long ai bilong olgeta bung bilong ol manmeri bilong ol pikinini bilong Isrel.

14:6  Na Josua, pikinini man bilong Nun, na Kelep, pikinini man bilong Jefune, husat i bilong ol husat i painimaut tru long dispela hap, i brukim ol klos bilong ol.

14:7  Na ol i toktok i go long olgeta lain bilong ol pikinini bilong Isrel, i spik, Dispela hap, dispela mipela i wokabaut namel long en long painimaut tru long en, em i wanpela gutpela hap planti moa yet.

14:8  Sapos BIKPELA i gat gutpela amamas long yumi, orait Em bai bringim yumi i go insait long dispela hap, na givim dispela long yumi. Em i wanpela hap i ran wantaim susu na hani.

14:9  Tasol yupela i no ken bikhet i birua long BIKPELA, na tu yupela i no ken pretim ol manmeri bilong dispela hap. Long wanem, ol i bret bilong yumi. Strong bilong ol bilong lukautim hap i lusim ol, na BIKPELA i stap wantaim yumi. No ken pretim ol.

14:10  Tasol olgeta bung bilong ol manmeri i tok strong long tromoi ol ston long kilim ol. Na glori bilong BIKPELA i kamap ples klia long haus sel holi bilong bung bilong ol manmeri long ai bilong olgeta pikinini bilong Isrel.

14:11  ¶ Na BIKPELA i tokim Moses, Inap long wanem taim bai dispela lain manmeri i skrapim bel bilong Mi? Na inap long wanem taim bai em i stap bipo ol bai bilipim Mi, long tingim olgeta dispela mak Mi bin soim namel long ol?

14:12  Mi bai paitim ol wantaim sik nogut, na rausim ol long samting papa i givim ol, na Mi bai wokim long yu wanpela kantri i bikpela moa na strongpela moa long ol.

14:13  Na Moses i tokim BIKPELA, Nau ol lain Isip bai harim dispela, (long wanem, Yu bringim antap dispela lain manmeri long strong bilong Yu long lusim namel long ol,)

14:14  Na ol bai stori long dispela long ol husat i stap long dispela hap. Long wanem, ol i bin harim long Yu BIKPELA i stap namel long dispela lain manmeri, long Yu BIKPELA ol i bin lukim pes i go long pes, na long klaut bilong Yu i save sanap antap long ol, na long Yu save go paslain long ol, long taim bilong san insait long wanpela bikpela pos klaut, na insait long wanpela bikpela pos paia long nait.

14:15  Nau sapos Yu bai kilim olgeta dispela lain manmeri olsem wanpela man, orait ol kantri husat i bin harim biknem tru bilong Yu bai toktok, i spik,

14:16  Bikos BIKPELA i no inap long bringim dispela lain manmeri i go insait long dispela hap Em i wokim strongpela promis long ol, olsem na Em i bin kilim ol i dai long ples i no gat man.

14:17  Na nau, mi askim Yu long daun pasin, larim pawa bilong Bikpela bilong mi i stap bikpela, bilong bihainim olsem Yu bin toktok, i spik,

14:18  BIKPELA i gat pasin bilong karim pen longpela taim, na Em i Man bilong bikpela sori, i save lusim ol sin nogut na pasin bilong kalapim lo, na i no gat rot long Em i ken stretim olgeta ol man i gat asua, taim Em i mekim sin nogut bilong ol papa i kam lukim ol pikinini bilong ol i go inap long namba tri na namba foa lain tumbuna.

14:19  Lusim, mi askim Yu long daun pasin, pe bilong sin nogut bilong dispela lain manmeri bilong bihainim bikpela pasin sori bilong Yu, na olsem Yu bin lusim sin bilong dispela lain manmeri, i stat long Isip, yes, i kam inap long nau.

14:20  ¶ Na BIKPELA i tok, Mi bin lusim pe bilong sin bilong bihainim toktok bilong yu.

14:21  Tasol tru tumas, olsem Mi stap laip, olgeta dispela graun bai pulap wantaim glori bilong BIKPELA.

14:22  Bikos olgeta dispela man husat i bin lukim glori bilong Mi na ol mirakel bilong Mi, dispela Mi wokim long Isip na long ples i no gat man, na bin traim Mi nau dispela tenpela taim, na i no bin harim long nek bilong Mi,

14:23  Tru tumas, ol i no inap lukim dispela hap Mi wokim strongpela promis long en i go long ol tumbuna papa bilong ol, na tu bai i no gat wanpela bilong ol husat i skrapim bel bilong Mi bai lukim dispela.

14:24  Wokboi bilong Mi Kelep tasol, bilong wanem, em i gat narapela spirit wantaim em, na em i bin bihainim Mi olgeta. Em bai Mi bringim insait long dispela hap we em i go insait long en. Na tumbuna pikinini bilong em bai holimpas dispela.

14:25  (Nau ol lain Amalek na ol lain Kenan i stap long ples daun.) Tumora, tanim yupela, na kisim yupela go long ples i no gat man long rot bilong Retsi.

14:26  Na BIKPELA i tokim Moses na Eron, i spik,

14:27  Inap long wanem taim bai Mi karim hevi wantaim dispela bung bilong ol manmeri nogut, husat i tok baksait i birua long Mi? Mi bin harim ol tok baksait bilong ol pikinini bilong Isrel, dispela ol i tok baksait i birua long Mi.

14:28  Tokim ol, Tru tumas, olsem Mi stap laip, BIKPELA i tok, olsem yupela i bin toktok long tupela ia bilong Mi, olsem tasol bai Mi mekim long yupela.

14:29  Ol daibodi bilong yupela bai pundaun long dispela ples i no gat man. Na olgeta husat ol i kaunim namel long yupela, bilong bihainim namba olgeta bilong yupela, i stat long 20 krismas na i go antap, husat i bin tok baksait i birua long Mi,

14:30  No ken holim tupela tingting, yupela bai i no inap i kam insait long dispela hap, dispela Mi wokim strongpela promis long sait bilong en long mekim yupela long i stap long en. Kelep, pikinini man bilong Jefune tasol, na Josua, pikinini man bilong Nun.

14:31  Tasol ol liklik pikinini bilong yupela, husat yupela i tok i ken wanpela stap prais bilong pait, ol bai Mi bringim insait, na ol bai save long dispela hap yupela i bin tingim olsem i samting nating.

14:32  Tasol long sait bilong yupela, ol daibodi bilong yupela, ol bai pundaun long dispela ples i no gat man.

14:33  Na ol pikinini bilong yupela bai raun nating long dispela ples i no gat man 40 yia, na karim hevi bilong ol pamuk pasin bilong yupela, inap long ol daibodi bilong yupela i pinis nating long ples i no gat man.

14:34  Long bihainim ol namba bilong ol dispela de yupela i painimaut tru long dispela hap, yes 40 de, wanpela de bilong wanpela yia, bai yupela i karim hevi bilong ol sin nogut bilong yupela, yes 40 yia, na yupela bai save long bruk bilong promis bilong Mi.

14:35  Mi BIKPELA bin tok, Tru tumas, Mi bai mekim dispela i go long olgeta dispela bung bilong ol manmeri nogut, husat i bung wantaim i birua long Mi. Long dispela ples i no gat man bai Mi kaikai ol olgeta, na long dispela hap ol bai dai.

14:36  ¶ Na ol man, husat Moses i salim long painimaut tru dispela hap, husat i kam bek, na mekim olgeta bung bilong ol manmeri long tok baksait i birua long Em, taim ol i bringim wanpela toktok bilong giamanim nem antap long dispela hap,

14:37  Yes, ol dispela man husat i bin bringim ripot nogut antap long dispela hap, i dai pinis long sik nogut long ai bilong BIKPELA.

14:38  Tasol Josua, pikinini man bilong Nun, na Kelep, pikinini man bilong Jefune, husat i bilong ol man husat i go long painimaut tru long dispela hap, i stap laip yet.

14:39  Na Moses i tokim ol dispela toktok i go long olgeta pikinini bilong Isrel. Na ol manmeri i soim sori bikpela.

14:40  Na ol i kirap long moning tru, na kisim ol yet i go long antap bilong maunten, i spik, Harim, mipela i stap hia, na mipela bai go antap long ples BIKPELA i bin promisim. Long wanem, mipela i bin mekim sin.

14:41  Na Moses i tok, Olsem wanem na nau yupela i kalapim lo bilong tok strong bilong BIKPELA? Tasol dispela bai i no inap kamap gutpela.

14:42  No ken go antap, long wanem, BIKPELA i no stap namel long yupela, inap long ol i no ken paitim yupela long ai bilong ol birua bilong yupela.

14:43  Long wanem, ol lain Amalek na ol lain Kenan i stap long dispela hap long ai bilong yupela, na yupela bai pundaun long bainat. Bilong wanem, yupela i tanim na lusim BIKPELA, olsem na BIKPELA bai i no inap stap wantaim yupela.

14:44  Tasol ol i wokim bikhet tingting long go antap long antap bilong liklik maunten. Tasol bokis kontrak bilong BIKPELA, na Moses, i no lusim kem i go ausait.

14:45  Nau ol lain Amalek i kam daun, na ol lain Kenan husat i stap long dispela liklik maunten, na paitim ol, na bagarapim ol olgeta, yes, i go inap long Horma.

Chapter 15

15:1  ¶ Na BIKPELA i tokim Moses, i spik,

15:2  Toktok long ol pikinini bilong Isrel, na tokim ol, Taim yupela i kam pinis insait long hap bilong yupela bilong i stap long en, dispela Mi bai givim yupela,

15:3  Na yupela laik wokim wanpela ofa long paia i go long BIKPELA, wanpela ofa i kuk olgeta, o wanpela sakrifais bilong inapim wanpela strongpela promis, o long wanpela ofa long laik bilong bel, o long ol bikpela kaikai holi bilong yupela, long wokim wanpela switpela smel i go long BIKPELA, bilong ol lain bulmakau, o bilong ol lain sipsip,

15:4  Orait em husat i ofaim ofa bilong em i go long BIKPELA bai bringim wanpela ofa bilong kaikai bilong wanpela namba ten hap diel plaua i abusim wantaim namba foa hap bilong wanpela hin wel.

15:5  Na namba foa hap bilong wanpela hin bilong wain bilong wanpela ofa bilong dring bai yu redim wantaim ofa i kuk olgeta o sakrifais, bilong wanpela pikinini sipsip.

15:6  O bilong wanpela sipsip man, yu bai redim bilong wanpela ofa bilong kaikai tupela namba ten hap diel plaua i abusim wantaim namba tri hap bilong wanpela hin wel.

15:7  Na bilong wanpela ofa bilong dring yu bai ofaim namba tri hap bilong wanpela hin wain, bilong wanpela switpela smel i go long BIKPELA.

15:8  Na taim yu redim wanpela bulmakau man bilong wanpela ofa i kuk olgeta, o bilong wanpela sakrifais bilong inapim wanpela strongpela promis, o ol ofa bilong givim bel isi i go long BIKPELA,

15:9  Orait bai em i bringim wantaim wanpela bulmakau man wanpela ofa bilong kaikai bilong tripela namba ten hap diel plaua i abusim wantaim wanpela namba tu hap hin bilong wel.

15:10  Na yu bai bringim bilong wanpela ofa bilong dring wanpela namba tu hap hin wain, bilong wanpela ofa yu wokim long paia, bilong wanpela switpela smel i go long BIKPELA.

15:11  Olsem tasol bai yupela mekim bilong wanpela bulmakau man, o bilong wanpela sipsip man, o bilong wanpela pikinini sipsip, o bilong wanpela pikinini meme.

15:12  Bilong bihainim dispela namba yupela bai redim, olsem tasol bai yupela i mekim long olgeta wan wan bilong bihainim namba bilong ol.

15:13  Olgeta husat mama i karim long dispela kantri bai mekim ol dispela samting i bihainim dispela pasin, long ofaim wanpela ofa yupela i wokim long paia, bilong wanpela switpela smel i go long BIKPELA.

15:14  Na sapos wanpela ausait man i stap waira wantaim yupela, o husat man i stap namel long yupela long ol lain tumbuna bilong yupela, na em i laik ofaim wanpela ofa em i wokim long paia, bilong wanpela switpela smel i go long BIKPELA, olsem yupela i mekim, olsem tasol em bai mekim.

15:15  Wanpela lo God i makim bai stap bilong yupela bilong bung bilong ol manmeri, na tu bilong ausait man wantaim, husat i stap waira wantaim yupela, wanpela lo God i makim bilong oltaim oltaim long ol lain tumbuna bilong yupela. Olsem yupela i stap, olsem tasol ol ausait man bai stap long ai bilong BIKPELA.

15:16  Wanpela lo na wanpela pasin bai stap bilong yupela, na bilong ausait man husat i stap waira wantaim yupela.

15:17  Na BIKPELA i tokim Moses, i spik,

15:18  Toktok long ol pikinini bilong Isrel, na tokim ol, Taim yupela i kam insait long dispela hap we Mi bai bringim yupela,

15:19  Nau em bai stap olsem, long, taim yupela i kaikai long kaikai bilong dispela hap, yupela bai ofaim wanpela ofa bilong litimapim i go long BIKPELA.

15:20  Yupela bai ofaim wanpela kek bilong ol namba wan bilong bret i no kuk yet bilong yupela bilong wanpela ofa bilong litimapim. Olsem yupela i wokim ofa bilong litimapim bilong plua bilong klinim wit, olsem tasol yupela bai litimapim dispela.

15:21  Bilong ol namba wan bilong bret i no kuk yet bilong yupela bai yupela i givim i go long BIKPELA wanpela ofa bilong litimapim long ol lain tumbuna bilong yupela.

15:22  ¶ Na sapos yupela i bin lusim rot, na yupela i no lukluk gut long olgeta dispela tok strong, dispela BIKPELA bin toktok long Moses,

15:23  Yes, olgeta samting BIKPELA i bin tok strong long yupela long han bilong Moses, i stat long dispela de BIKPELA i tok strong long Moses, na i stat long nau i go namel long ol lain tumbuna bilong yupela,

15:24  Orait em bai stap olsem, sapos wanpela i no klia na mekim samting, na ol bung bilong ol manmeri i no save, long olgeta bung bilong ol manmeri bai ofaim wanpela yangpela bulmakau man bilong wanpela ofa i kuk olgeta, bilong wanpela switpela smel i go long BIKPELA, wantaim ofa bilong kaikai bilong en, na ofa bilong dring bilong en, bilong bihainim dispela pasin, na wanpela pikinini meme bilong ol meme bilong wanpela ofa bilong sin.

15:25  Na pris bai wokim wanpela karamapim long mekim i kamap wanbel bilong olgeta bung bilong ol manmeri bilong ol pikinini bilong Isrel, na God bai lusim sin bilong ol long dispela. Long wanem, ol i no klia na mekim. Na ol bai bringim ol ofa bilong ol, wanpela sakrifais ol i wokim long paia i go long BIKPELA, na ol ofa bilong sin bilong ol long ai bilong BIKPELA, bilong samting ol i no klia na mekim.

15:26  Na God bai lusim sin bilong olgeta bung bilong ol manmeri bilong ol pikinini bilong Isrel long dispela, na ausait man husat i stap waira namel long ol, taim ol i luksave olsem olgeta manmeri i no klia na mekim.

15:27  Na sapos wanpela tewel i no klia na mekim sin, orait em bai bringim wanpela meme meri bilong namba wan yia bilong wanpela ofa bilong sin.

15:28  Na pris bai wokim wanpela karamapim long mekim i kamap wanbel bilong dispela tewel husat i no klia na mekim sin, taim em i no klia na mekim sin long ai bilong BIKPELA, long wokim wanpela karamapim long mekim i kamap wanbel bilong em. Na God bai lusim sin bilong em long en.

15:29  Yupela bai gat wanpela lo bilong em husat i no klia na mekim sin, bilong em husat mama i karim namel long ol pikinini bilong Isrel, na bilong ausait man husat i stap waira namel long ol wantaim.

15:30  ¶ Tasol dispela tewel husat i mekim wanpela samting wantaim bikhet tingting, saposem i man mama i karim long dispela hap, o wanpela ausait man, tupela wantaim i givim sem long BIKPELA. Na dispela tewel ol bai rausim long namel long ol lain manmeri bilong Em.

15:31  Bikos em i bin tingim tok bilong BIKPELA olsem i samting nating, na brukim tok strong bilong Em, dispela tewel ol bai rausim olgeta. Sin nogut bilong em bai stap antap long em.

15:32  Na taim ol pikinini bilong Isrel i stap long ples i no gat man, ol i lukim wanpela man husat i bungim ol stik long de sabat.

15:33  Na ol husat i lukim em taim em i bungim ol stik i bringim em long Moses na Eron, na long olgeta bung bilong ol manmeri.

15:34  Na ol i putim em long rum kalabus, bilong wanem, God i no tokaut yet long ol i mas mekim wanem long em.

15:35  Na BIKPELA i tokim Moses, Tru tumas, yupela bai mekim em i dai. Olgeta bung bilong ol manmeri bai tromoi ol ston long em ausait long kem.

15:36  Na olgeta bung bilong ol manmeri i bringim em ausait long kem, na tromoi ol ston long em, na em i dai pinis, olsem BIKPELA i tok strong long Moses.

15:37  ¶ Na BIKPELA i tokim Moses, i spik,

15:38  Toktok long ol pikinini bilong Isrel, na tok strong long ol long ol i mas wokim ol bilas bilong ol long ol arere bilong ol klos bilong ol namel long olgeta lain tumbuna bilong ol, na long ol i putim antap long ol arere bilong dispela bilas wanpela blupela kain liklik rop.

15:39  Na em bai stap olsem long yupela bilong wanpela bilas, inap long yupela i ken lukluk long en, na holim tingting long olgeta tok strong bilong BIKPELA, na mekim ol, na long yupela i no painim samting i bihainim bel bilong yupela yet na ol ai bilong yupela yet, dispela bipo yupela i bin bihainim long go mekim pamuk pasin,

15:40  Inap long yupela i ken holim tingting, na mekim olgeta tok strong bilong Mi, na stap holi i go long God bilong yupela.

15:41  Mi stap BIKPELA, God bilong yupela, husat i bringim yupela ausait long hap bilong Isip, long stap God bilong yupela. Mi stap BIKPELA, God bilong yupela.

Chapter 16

16:1  ¶ Nau Kora, pikinini man bilong Ishar, pikinini man bilong Kohat, pikinini man bilong Livai, na Detan na Abairam, ol pikinini man bilong Eliap, na On, pikinini man bilong Pelet, ol pikinini man bilong Ruben, i kisim ol man.

16:2  Na ol i kirap long ai bilong Moses, wantaim sampela bilong ol pikinini man bilong Isrel, 250 hetman bilong bung, ol man i gat biknem tru long bung bilong ol manmeri, ol man i gat nem tru.

16:3  Na ol i bungim ol yet wantaim i birua long Moses na i birua long Eron, na tokim ol, Yutupela ikisim planti tumas long yutupela, taim yumi luksave olsem olgeta bung bilong ol manmeri i holi, olgeta wan wan bilong ol, na BIKPELA i stap namel long ol. Olsem wanem na nau yutupela i litimapim yutupela yet antap moa long bung bilong ol manmeri bilong BIKPELA?

16:4  Na taim Moses i harim dispela, em i pundaun long pes bilong em.

16:5  Na em i tokim Kora na olgeta lain bilong em, i spik, Yes, tumora BIKPELA bai soim husat i bilong Em, na husat em i holi. Na Em bai mekim em long kam klostu long Em. Yes, em husat Em i bin makim bai Em i mekim long kam klostu long Em.

16:6  Mekim dispela. Yupela kisim ol dis bilong insens, Kora, na olgeta lain bilong em.

16:7  Na putim paia long en, na putim insens long ol long ai bilong BIKPELA tumora. Na em bai kamap olsem long man husat BIKPELA i makim, em bai stap holi. Yupela kisim planti tumas long yupela, yupela ol pikinini man bilong Livai.

16:8  Na Moses i tokim Kora, Harim, mi askim yupela plis, yupela ol pikinini man bilong Livai.

16:9  Em i luk olsem wanpela liklik samting tasol long yupela, long God bilong Isrel i bin brukim yupela long bung bilong ol manmeri bilong Isrel, long bringim yupela klostu long Em Yet long wokim wok wokboi bilong haus sel holi bilong BIKPELA, na long sanap long ai bilong bung bilong ol manmeri long wokim wok long ol?

16:10  Na Em i bin bringim yu klostu long Em, na olgeta brata bilong yu ol pikinini man bilong Livai wantaim yu. Na yupela painim wok pris tu?

16:11  Long dispela wari yu na olgeta dispela lain manmeri bilong yu wantaim i bung wantaim i birua long BIKPELA. Na Eron em i wanem, inap long yupela tok baksait i birua long em?

16:12  ¶ Na Moses i salim tok long singautim Detan na Abairam, ol pikinini man bilong Eliap, husat i tok, Mipela i no laik kam antap.

16:13  Ating em i wanpela liklik samting long yu bin bringim mipela i kam antap ausait long wanpela hap we i ran wantaim susu na hani, long kilim mipela long ples i no gat man, sapos yu no mekim yu yet wanpela hetman olgeta antap long mipela?

16:14  Na moa tu yu no bin bringim mipela i go insait long wanpela hap we i ran wantaim susu na hani, o givim mipela samting papa i givim pikinini bilong ol bikpela gaden na gaden wain. Ating yu bai rausim ol ai bilong ol dispela man, a? Mipela i no laik kam antap.

16:15  Na Moses i belhat nogut tru, na i tokim BIKPELA, No ken lukluk wantaim amamas long ofa bilong ol. Mi no bin kisim wanpela donki long ol, na tu, mi no bin bagarapim wanpela bilong ol.

16:16  Na Moses i tokim Kora, Yu stap na olgeta lain bilong yu long ai bilong BIKPELA, yu, na ol, na Eron, tumora.

16:17  Na kisim olgeta wan wan man dis bilong insens bilong em, na putim insens insait long ol, na yupela bringim long ai bilong BIKPELA, olgeta wan wan man dis bilong insens bilong em, 250 dis bilong insens. Yu tu, na Eron, yupela wan wan dis bilong insens bilong em.

16:18  Na ol i kisim olgeta wan wan man dis bilong insens bilong em, na putim paia long ol, na slipim insens antap long ol, na sanap insait long dua bilong haus sel holi bilong bung bilong ol manmeri wantaim Moses na Eron.

16:19  Na Kora i bungim olgeta bung bilong ol manmeri i birua long ol i go long dua bilong haus sel holi bilong bung bilong ol manmeri. Na glori bilong BIKPELA i kamap ples klia long olgeta bung bilong ol manmeri.

16:20  Na BIKPELA i tokim Moses na Eron, i spik,

16:21  Brukim yupela yet long namel long bung bilong ol manmeri, inap long Mi ken kaikai ol olgeta wantu tasol.

16:22  Na ol i pundaun long ol pes bilong ol, na tok, O God, God bilong ol spirit bilong olgeta bodi, ating wanpela man bai mekim sin, na Yu bai belhat tru wantaim olgeta bung bilong ol manmeri?

16:23  ¶ Na BIKPELA i tokim Moses, i spik,

16:24  Toktok long bung bilong ol manmeri, i spik, Kisim yupela antap i lusim nabaut haus sel holi bilong Kora, Detan, na Abairam.

16:25  Na Moses i kirap na go long Detan na Abairam. Na ol lapun hetman bilong Isrel i bihainim em.

16:26  Na em i tokim bung bilong ol manmeri, i spik, Lusim, mi askim yupela plis, ol haus sel bilong ol dispela man nogut. Na yupela i no ken tasim wanpela samting bilong ol, nogut God i kaikai yupela olgeta insait long olgeta sin bilong ol.

16:27  Olsem na ol i lusim haus sel holi bilong bilong Kora, Detan, na Abairam, long olgeta wan wan sait. Na Detan na Abairam i kam ausait, na sanap long dua bilong ol haus sel bilong ol, na ol meri bilong ol, na ol pikinini man bilong ol, na ol pikinini bilong ol.

16:28  Na Moses i tok, Long dispela yupela bai save long BIKPELA i bin salim mi long wokim olgeta dispela wok. Long wanem, mi no bin wokim ol long tingting bilong mi yet.

16:29  Sapos ol dispela man i dai long kain dai bilong olgeta man, o sapos dai i kam lukim ol i bihainim dispela pasin olsem em i kam lukim olgeta man, orait BIKPELA i no bin salim mi.

16:30  Tasol sapos BIKPELA i wokim wanpela nupela samting, na dispela graun i opim maus bilong en, na daunim ol olgeta, wantaim olgeta samting i bilong ol, na ol i go daun kwiktaim long bikpela hul, orait yupela bai gat save long ol dispela man i bin skrapim bel bilong BIKPELA.

16:31  Na em i kamap olsem, taim em i bin wokim wanpela pinis bilong toktok long olgeta dispela toktok, long graun i bruk long tupela hap, dispela i stap aninit long ol.

16:32  Na dispela graun i opim maus bilong en, na daunim ol olgeta, na ol haus bilong ol, na olgeta man husat i bilong Kora, na olgeta kago bilong ol.

16:33  Ol, na olgeta husat i bilong ol, i go daun wantaim laip insait long dispela bikpela hul, na dispela graun i pas gen antap long ol. Na ol i dai olgeta long namel long bung bilong ol manmeri.

16:34  Na olgeta Isrel husat i stap raun nabaut long ol i ranawe long krai bilong ol. Long wanem, ol i tok, Nogut dispela graun i daunim olgeta mipela tu.

16:35  ¶ Na i gat paia i kam ausait long BIKPELA, na kaikai olgeta dispela 250 man husat i ofaim insens.

16:36  Na BIKPELA i tokim Moses, i spik,

16:37  Toktok long Eleasar, pikinini man bilong pris Eron, long em i mas kisim i go antap ol dis bilong insens ausait long dispela kuk, na yu mas brukim nabaut paia long hap. Long wanem, ol i holi olgeta.

16:38  Ol dis bilong insens bilong ol dispela sinman i birua long ol tewel bilong ol yet, larim ol i wokim ol plet i gat bikpela brait bilong wanpela karamap bilong alta. Long wanem, ol i ofaim ol long ai bilong BIKPELA, olsem na ol i holi olgeta. Na ol bai stap wanpela mak i go long ol pikinini bilong Isrel.

16:39  Na pris Eleasar i kisim ol dis bilong insens bras, we ol husat God i kukim olgeta i bin ofaim wantaim ol. Na ol i wokim ol plet i gat bikpela brait bilong wanpela karamap bilong alta,

16:40  Long i stap wanpela samting bilong holim tingim i go long ol pikinini bilong Isrel, inap long ausait man, husat em i no bilong tumbuna pikinini bilong Eron, i no ken kam klostu long ofaim insens long ai bilong BIKPELA, inap long em i no ken stap olsem Kora, na lain bilong em, olsem BIKPELA i tokim em long han bilong Moses.

16:41  ¶ Tasol long moning bihain olgeta bung bilong ol manmeri bilong ol pikinini bilong Isrel i tok baksait i birua long Moses na i birua long Eron, i spik, Yutupela i bin kilim i dai ol lain bilong BIKPELA.

16:42  Na em i kamap olsem, taim bung bilong ol manmeri i bung na birua long Moses na birua long Eron, long ol i lukluk i go long haus sel holi bilong bung bilong ol manmeri. Na, lukim, klaut i karamapim dispela, na glori bilong BIKPELA i kamap ples klia.

16:43  Na Moses na Eron i kam long ai bilong haus sel holi bilong bung bilong ol manmeri.

16:44  Na BIKPELA i tokim Moses, i spik,

16:45  Kisim yutupela antap i lusim dispela bung bilong ol manmeri, inap long Mi ken kaikai ol olgeta wantu tasol. Na ol i pundaun long ol pes bilong ol.

16:46  Na Moses i tokim Eron, Kisim wanpela dis bilong insens, na putim paia long en i kam long alta, na putim insens antap, na go kwiktaim i go long bung bilong ol manmeri, na wokim wanpela karamapim long mekim i kamap wanbel bilong ol. Long wanem, i gat belhat tru i lusim BIKPELA i go ausait. Dispela sik nogut i stat pinis.

16:47  Na Eron i kisim olsem Moses i tok strong, na i ran i go long namel bilong bung bilong ol manmeri. Na, lukim, dispela sik nogut i stat pinis namel long ol manmeri. Na em i putim insens antap, na wokim wanpela karamapim long mekim i kamap wanbel bilong ol lain manmeri.

16:48  Na em i sanap namel long daiman na man i stap laip. Na dispela sik nogut i pas.

16:49  Nau ol husat i dai pinis long sik nogut em i 14,700. Dispela i no kaunim ol husat i dai pinis long sait bilong dispela samting bilong Kora.

16:50  Na Eron i go bek long Moses long dua bilong haus sel holi bilong bung bilong ol manmeri. Na dispela sik nogut i pas.

Chapter 17

17:1  ¶ Na BIKPELA i tokim Moses, i spik,

17:2  Toktok long ol pikinini bilong Isrel, na kisim bilong olgeta wan wan bilong ol wanpela stik bilong bihainim hauslain bilong ol papa bilong ol, bilong olgeta hetman bilong ol bilong bihainim hauslain bilong ol papa bilong ol twelpela stik. Yu raitim nem bilong olgeta wan wan man long stik bilong em.

17:3  Na yu bai raitim nem bilong Eron antap long stik bilong Livai. Long wanem, wanpela stik bai stap bilong ol het bilong hauslain bilong ol tumbuna papa bilong ol.

17:4  Na yu bai putim ol insait long haus sel holi bilong bung bilong ol manmeri long ai bilong dispela testimoni, we Mi bai bung wantaim yu.

17:5  Na em bai kamap olsem, long stik bilong dispela man, husat Mi bai makim, bai putim plaua. Na Mi bai mekim long pinis long Mi ol dispela tok baksait bilong ol pikinini bilong Isrel, we ol i save tok baksait i birua long yu long en.

17:6  Na Moses i tokim ol pikinini bilong Isrel, na olgeta wan wan bilong ol hetman bilong ol i givim em wanpela stik wan wan, bilong olgeta wan wan hetman wanpela, bilong bihainim ol hauslain bilong ol tumbuna papa bilong ol, yes, twelpela stik. Na stik bilong Eron i stap namel long ol stik bilong ol.

17:7  Na Moses i putim ol stik long ai bilong BIKPELA insait long haus sel holi bilong witnis.

17:8  ¶ Na em i kamap olsem, long moning bihain Moses i go insait long haus sel holi bilong witnis. Na, lukim, stik bilong Eron bilong hauslain bilong Livai i putim kru, na i bringim ol kru ausait, na i putim ol plaua, na i givim ol almon.

17:9  Na Moses i bringim ausait olgeta stik i lusim ai bilong BIKPELA i go long olgeta pikinini bilong Isrel. Na ol i lukim, na kisim olgeta wan wan man stik bilong em.

17:10  Na BIKPELA i tokim Moses, Bringim stik bilong Eron gen long ai bilong testimoni, long yupela i ken holimpas bilong wanpela mak i birua long ol bikhet man. Na yu bai tekewe tru olgeta tok baksait bilong ol i lusim Mi, inap long ol i no ken dai.

17:11  Na Moses i mekim olsem. Olsem BIKPELA i tok strong long em, olsem tasol em i mekim.

17:12  Na ol pikinini bilong Isrel i tokim Moses, i spik, Lukim, mipela i dai, mipela i dai olgeta, mipela olgeta i dai olgeta.

17:13  Husat man i kam klostu liklik long haus sel holi bilong BIKPELA bai dai. Ating God bai kaikai mipela olgeta wantaim i dai, a?

Chapter 18

18:1  ¶ Na BIKPELA i tokim Eron, Yu na ol pikinini man bilong yu na hauslain bilong papa bilong yu wantaim yu bai karim sin nogut bilong rum holi. Na yu na ol pikinini man bilong yu wantaim yu bai karim sin nogut bilong wok pris bilong yu.

18:2  Na ol brata bilong yu tu bilong ol lain Livai, lain bilong tumbuna papa bilong yu, yu bringim wantaim yu, inap long ol i ken i pas wantaim long yu, na wokim wok long yu. Tasol yu na ol pikinini man bilong yu wantaim yu bai wokim wok long ai bilong haus sel holi bilong witnes.

18:3  Na ol bai holimpas wok bilong yu, na wok bilong olgeta haus sel holi. Tasol ol i no ken kam klostu long ol sospen samting bilong rum holi na alta, inap long ol, o yupela tu, i no dai.

18:4  Na ol bai pas wantaim long yu, na holimpas wok bilong haus sel holi bilong bung bilong ol manmeri, bilong olgeta wok wokboi bilong haus sel holi. Na wanpela ausait man bai i no inap kam klostu long yu.

18:5  Na yupela bai holimpas wok bilong rum holi, na wok bilong alta, inap long i no ken gat belhat tru liklik moa antap long ol pikinini bilong Isrel.

18:6  Na Mi, lukim, Mi bin kisim ol brata bilong yu, ol lain Livai, long namel bilong ol pikinini bilong Isrel. Long yu Mi givim ol olsem wanpela presen i go bilong BIKPELA, long wokim wok wokboi bilong haus sel holi bilong bung bilong ol manmeri.

18:7  Olsem na yu na ol pikinini man bilong yu wantaim yu bai holimpas opis pris bilong yupela bilong olgeta wan wan samting bilong alta, na insait long laplap. Na yupela bai wokim wok wokboi. Mi bin givim opis pris bilong yupela i go long yupela olsem wanpela wok wokboi bilong presen. Na ausait man husat i kam klostu bai ol i mekim i dai.

18:8  ¶ Na BIKPELA i tokim Eron, Lukim, Mi tu i bin givim yu wok bilong ol ofa bilong litimapim bilong Mi bilong olgeta samting i holi olgeta bilong ol pikinini bilong Isrel. Long yu Mi bin givim ol bikos dispela makim i stap, na long ol pikinini man bilong yu, long wanpela lo Mi makim bilong oltaim oltaim.

18:9  Dispela bai bilong yu bilong ol samting i holi moa olgeta, pas bek long paia. Olgeta wan wan ofa bilong ol, olgeta wan wan ofa bilong kaikai bilong ol, na olgeta wan wan ofa bilong sin bilong ol, na olgeta wan wan ofa bilong sakim lo bilong ol, dispela ol bai mekim i kam long Mi, bai stap holi moa olgeta bilong yu na ol pikinini man bilong yu.

18:10  Insait long ples i holi moa olgeta bai yu kaikai dispela. Olgeta wan wan man bai kaikai dispela. Em bai stap holi long yu.

18:11  Na dispela em i bilong yu, ofa bilong litimapim bilong presen bilong ol, wantaim olgeta ofa bilong i go i kam bilong ol pikinini bilong Isrel. Mi bin givim ol i go long yu, na long ol pikinini man bilong yu na long ol pikinini meri bilong yu wantaim yu, long wanpela lo Mi raitim bilong oltaim oltaim. Olgeta wan wan husat i klin insait long haus bilong yu bai kaikai long en.

18:12  Olgeta nambawan bilong wel, na olgeta nambawan bilong wain, na bilong wit, namba wan kaikai bilong ol, dispela ol bai ofaim i go long BIKPELA, ol Mi bin givim yu.

18:13  Na wanem kain samting em i mau pastaim long dispela hap, dispela ol bai bringim i go long BIKPELA, bai bilong yu. Olgeta wan wan husat i klin insait long haus bilong yu bai kaikai long en.

18:14  Olgeta wan wan samting ol i givim wantaim promis insait long Isrel bai bilong yu.

18:15  Olgeta wan wan samting, dispela i opim dua bilong karim pikinini long olgeta wan wan bodi, dispela ol i bringim i kam long BIKPELA, saposem i bilong ol man o ol animal, bai bilong yu. Tasol namba wan pikinini bilong ol man, tru tumas, bai yu baim bek, na namba wan pikinini bilong ol animal i no klin bai yu baim bek.

18:16  Na ol dispela husat yu mas baim bek i stat long ol i gat wanpela mun bai yu baim bek, bilong bihainim tingting bilong yu, bilong mani bilong faipela sekel, i bihainim sekel bilong rum holi, dispela em i 20 gera.

18:17  Tasol namba wan pikinini bilong wanpela bulmakau, o namba wan pikinini bilong wanpela sipsip, o namba wan pikinini bilong wanpela meme, yu no ken baim bek. Ol i stap holi. Yu bai tromoi isi isi blut bilong ol antap long alta, na yu bai kukim gris bilong ol bilong wanpela ofa yu wokim long paia, bilong wanpela switpela smel i go long BIKPELA.

18:18  Na mit bilong ol bai bilong yu, olsem bros bilong tromoi i kam i go na olsem han sut sol bilong han i bilong yu.

18:19  Olgeta ofa bilong litimapim bilong ol samting i holi, dispela ol pikinini bilong Isrel i ofaim i go long BIKPELA, Mi bin givim long yu, na ol pikinini man bilong yu na ol pikinini meri bilong yu wantaim yu, long wanpela lo Mi raitim bilong oltaim oltaim. Dispela em i wanpela kontrak bilong sol oltaim oltaim long ai bilong BIKPELA i go long yu na tumbuna pikinini bilong yu wantaim yu.

18:20  ¶ Na BIKPELA i tokim Eron, Yu bai i no gat samting papa i givim pikinini long hap bilong ol, na tu yu bai i no gat wanpela hap namel long ol. Mi stap hap bilong yu na samting papa i givim pikinini bilong yu namel long ol pikinini bilong Isrel.

18:21  Na, lukim, Mi bin givim ol pikinini bilong Livai olgeta namba ten hap insait long Isrel bilong wanpela samting papa i givim pikinini, bilong ol wok wokboi bilong ol, dispela ol i wokim, yes, wok wokboi bilong haus sel holi bilong bung bilong ol manmeri.

18:22  Na tu i stat long nau i go, ol pikinini bilong Isrel i no ken i kam klostu long haus sel holi bilong bung bilong ol manmeri, nogut ol karim sin, na dai.

18:23  Tasol ol lain Livai bai mekim wok wokboi bilong haus sel holi bilong bung bilong ol manmeri, na ol bai karim sin nogut bilong ol. Em bai stap wanpela lo Mi raitim bilong oltaim oltaim namel long ol lain tumbuna bilong yupela, inap long namel long ol pikinini bilong Isrel ol bai i no gat samting papa i givim pikinini.

18:24  Tasol ol namba ten hap bilong ol pikinini bilong Isrel, dispela ol i ofaim olsem wanpela ofa bilong litimapim i go long BIKPELA, Mi bin givim long ol lain Livai long kisim olsem samting papa i givim pikinini. Olsem na Mi bin tokim ol, Namel long ol pikinini bilong Isrel ol bai i no gat samting papa i givim pikinini.

18:25  Na BIKPELA i tokim Moses, i spik,

18:26  Toktok long ol lain Livia olsem, na tokim ol, Taim yupela kisim bilong ol pikinini bilong Isrel ol namba ten hap, dispela Mi bin givim yupela i kam long ol bilong samting papa i givim pikinini bilong yu, orait yupela bai ofaim wanpela ofa bilong litimapim bilong en i go long BIKPELA, yes, wanpela namba ten hap bilong namba ten hap.

18:27  Na dispela ofa bilong litimapim bilong yupela bai Mi kaunim long yupela, wankain olsem em i wit samting bilong plua bilong klinim wit, na wankain olsem pulap tru bilong masin bilong krungutim wain.

18:28  Yupela tu bai ofaim olsem wanpela ofa bilong litimapim i go long BIKPELA bilong olgeta namba ten hap bilong yupela, dispela yupela kisim bilong ol pikinini bilong Isrel. Na yupela bai givim bilong en ofa bilong litimapim bilong BIKPELA i go long pris Eron.

18:29  Ausait long olgeta presen bilong yupela, yupela bai ofaim olgeta wan wan ofa bilong litimapim bilong BIKPELA, bilong olgeta nambawan bilong en, yes, hap i holi olgeta bilong en ausait long en.

18:30  Olsem na yu bai tokim ol, Taim yupela i bin litimapim nambawan bilong en i long dispela, nau ol bai kaunim em i go long ol lain Livai olsem samting bilong plua bilong klinim wit i kamap planti moa, na olsem samting bilong masin bilong krungutim wain i kamap planti moa.

18:31  Na yupela bai kaikai dispela long olgeta wan wan ples, yupela na ol hauslain bilong yupela. Long wanem, dispela em i pe bilong yupela bilong wok wokboi bilong yupela insait long haus sel holi bilong bung bilong ol manmeri.

18:32  Na yupela bai i no inap karim sin bikos dispela i stap, taim yupela bin litimapim long en nambawan bilong en. Na tu yupela bai i no inap mekim doti ol samting holi bilong ol pikinini bilong Isrel, nogut yupela i dai.

Chapter 19

19:1  ¶ Na BIKPELA i tokim Moses na Eron, i spik,

19:2  Dispela em i lo Mi makim bilong dispela lo BIKPELA bin tok strong, i spik, Toktok long ol pikinini bilong Isrel, long ol i bringim long yu wanpela retpela bulmakau meri i no gat mak, we i no gat mak nogut i stap long en, na i no gat wanpela yok i bin kam long en.

19:3  Na yupela bai givim em i go long pris Eleasar, inap long em i ken bringim em ausait long kem. Na wanpela bai kilim em i dai long ai bilong pes bilong em.

19:4  Na pris Eleasar bai kisim bilong blut bilong en wantaim pinga bilong em, na tromoi isi isi bilong blut bilong en long ai stret bilong haus sel holi bilong bung bilong ol manmeri sevenpela taim.

19:5  Na wanpela bai kukim dispela bulmakau meri long ai bilong em. Skin bilong en, na bodi bilong en, na blut bilong en, wantaim pekpek bilong en, bai em i kukim.

19:6  Na pris bai kisim diwai sida, na hisop, na skalet, na tromoi dispela i go long namel bilong kukim bilong bulmakau meri.

19:7  Nau pris bai wasim ol klos bilong em, na em bai waswasim bodi bilong em long wara, na bihain long en em bai kam insait long kem, na pris bai stap doti inap long apinun tru.

19:8  Na em husat i kukim bulmakau meri bai wasim ol klos bilong em long wara, na waswasim bodi bilong em long wara, na em bai stap doti inap long apinun tru.

19:9  Na wanpela man husat i klin bai bungim ol sit bilong paia bilong bulmakau meri, na putim ol ausait long kem long wanpela klinpela ples. Na ol bai holimpas dispela bilong bung bilong ol manmeri bilong ol pikinini bilong Isrel bilong wanpela wara bilong bruk. Dispela em i wanpela samting bilong klinim bilong sin.

19:10  Na em husat i bungim ol sit bilong paia bilong bulmakau meri bai wasim ol klos bilong em, na i stap doti inap long apinun tru. Na dispela bai stap long ol pikinini bilong Isrel, na long ausait man husat i stap waira namel long ol, bilong wanpela lo Mi raitim bilong oltaim oltaim.

19:11  ¶ Em husat i tasim daibodi bilong wanpela man bai stap doti sevenpela de.

19:12  Em bai klinim em yet wantaim dispela long namba tri de, na long namba seven de em bai stap klin. Tasol sapos em i no klinim em yet long namba tri de, orait long namba seven de em bai i no inap i stap klin.

19:13  Husat man i tasim daibodi bilong wanpela man husat i dai pinis, na i no klinim em yet, i mekim doti haus sel holi bilong BIKPELA. Na dispela tewel ol bai rausim long Isrel. Bikos wara bilong bruk ol i no tromoi isi isi antap long em, em bai stap doti. Pasin doti bilong em i stap yet antap long em.

19:14  Dispela em i lo, taim wanpela man i dai insait long wanpela haus sel. Olgeta husat i kam insait long haus sel, na olgeta samting i stap insait long haus sel, bai stap doti sevenpela de.

19:15  Na olgeta wan wan sospen samting i op, dispela i no gat karamap i pas antap long en, em i doti.

19:16  Na husat man i tasim wanpela husat ol i kilim i dai wantaim wanpela bainat long ples kunai i op, o wanpela daibodi, o wanpela bun bilong wanpela man, o wanpela matmat, bai stap doti sevenpela de.

19:17  Na bilong wanpela man i no klin ol bai kisim ol sit bilong paia bilong bulmakau meri i kuk olgeta bilong klinim bilong sin, na wara i ran bai ol i putim long en long wanpela sospen samting.

19:18  Na wanpela man i klin bai kisim hisop, na putim dispela liklik long wara, na tromoi isi isi dispela antap long haus sel, na antap long olgeta sospen samting, na antap long ol man husat i stap long dispela hap, na antap long em husat i tasim wanpela bun, o wanpela ol i kilim i dai, o wanpela i dai pinis, o wanpela matmat.

19:19  Na dispela man i klin bai tromoi isi isi antap long man i doti long namba tri de, na long namba seven de. Na long namba seven de em bai klinim em yet, na wasim ol klos bilong em, na waswasim em yet long wara, na em bai stap klin long apinun tru.

19:20  Tasol man husat bai stap doti, na i no laik klinim em yet, dispela tewel ol bai rausim long namel bilong bung bilong ol manmeri, bilong wanem, em i bin mekim doti rum holi bilong BIKPELA. Wara bilong bruk ol i no bin tromoi isi isi antap long em. Em i stap doti.

19:21  Na em bai stap wanpela lo ol i raitim i no inap long pinis i go long ol, long em husat i tromoi isi isi wara bilong bruk bai wasim ol klos bilong em. Na em husat i tasim wara bilong bruk bai stap doti inap long apinun tru.

19:22  Na wanem samting man i no klin i tasim bai stap doti. Na tewel husat i tasim dispela bai stap doti inap long apinun tru.

Chapter 20

20:1  ¶ Nau ol pikinini bilong Isrel i kam, yes, olgeta bung bilong ol manmeri, i go insait long ples i no gat man Sin long namba wan mun. Na ol manmeri i stap long Kedes. Na Miriam i dai pinis long dispela hap, na ol i planim em long dispela hap.

20:2  Na i no gat wara bilong bung bilong ol manmeri. Na ol i bungim ol yet wantaim i birua long Moses na i birua long Eron.

20:3  Na ol manmeri i tok pait wantaim Moses, na toktok, i spik, Gutpela moa em i laik bilong God long mipela i bin dai pinis taim ol brata bilong mipela i dai pinis long ai bilong BIKPELA!

20:4  Na bilong wanem yupela i bin bringim antap dispela bung bilong ol manmeri bilong BIKPELA i kam long dispela ples i no gat man, inap long mipela na ol bulmakau samting bilong mipela i ken dai long dispela hap?

20:5  Na olsem wanem na yupela i bin mekim mipela long kam ausait long Isip, long bringim mipela insait long dispela ples nogut? Dispela em i no ples bilong pikinini kaikai, o bilong ol fik, o bilong ol rop wain, o bilong ol pomigranet. Na tu i no gat sampela wara long dring.

20:6  Na Moses na Eron i lusim pes bilong lain i bung i go long dua bilong haus sel holi bilong bung bilong ol manmeri. Na ol i pundaun long ol pes bilong ol. Na glori bilong BIKPELA i kamap ples klia long ol.

20:7  Na BIKPELA i tokim Moses, i spik,

20:8  Kisim dispela stik, na yu bungim dispela lain bung wantaim, yu, na Eron, brata bilong yu, na yupela toktok i go long ston long ai bilong ol ai bilong ol, na em bai givim i kam ausait wara bilong em. Na yu bai bringim i kam ausait wara long ol, ausait long dispela ston. Olsem tasol yu bai givim dring long bung bilong ol manmeri na ol animal bilong ol.

20:9  Na Moses i kisim dispela stik long ai bilong BIKPELA, olsem Em i tok strong long em.

20:10  Na Moses na Eron i bungim bung bilong ol manmeri wantaim long ai bilong dispela ston, na em i tokim ol, Harim nau, yupela ol bikhet lain. Ating mipela mas kisim wara long yupela i kam ausait long dispela ston, a?

20:11  Na Moses i litimapim han bilong em, na wantaim stik bilong em em i paitim ston tupela taim. Na wara i kam ausait planti moa yet, na bung bilong ol manmeri i dring, na ol animal bilong ol tu.

20:12  Na BIKPELA i tokim Moses na Eron, Bikos yutupela i no bilipim Mi, long mekim Mi kamap holi long ol ai bilong ol pikinini bilong Isrel, olsem na yutupela bai i no inap bringim bung bilong ol manmeri i go insait long hap, dispela Mi bin givim ol.

20:13  Dispela em i wara bilong Meriba. Bilong wanem, ol pikinini bilong Isrel i pait wantaim BIKPELA, na Em i kamap holi insait long ol.

20:14  ¶ Na Moses i salim ol mausman i lusim Kedes i go long king bilong Idom, Brata bilong yu Isrel i tok olsem, Yu save pinis olgeta dispela hatwok wantaim pen i bin kam antap long mipela,

20:15  Long ol tumbuna papa bilong mipela i go daun long Isip olsem wanem, na mipela i bin stap long Isip longpela taim. Na ol lain Isip i givim hevi tru long mipela, na ol tumbuna papa bilong mipela.

20:16  Na taim mipela krai i go long BIKPELA, Em i harim nek bilong mipela, na salim wanpela ensel, na Em i bin bringim mipela ausait long Isip. Na, lukim, mipela i stap long Kedes, wanpela biktaun long las hap bilong arere bilong yu.

20:17  Larim mipela brukim, mi askim yu plis, namel bilong kantri bilong yu. Mipela bai i no inap wokabaut namel long ol dispela gaden, o namel long ol gaden wain, na tu mipela bai i no inap dringim bilong wara bilong ol hul wara. Mipela bai go long bikpela rot bilong king. Mipela bai i no inap tanim long han sut o han kais, inap long mipela i bin abrusim ol arere bilong yu.

20:18  Na Idom i tokim em, Yu no ken wokabaut klostu long mi, nogut mi kam ausait i birua long yu wantaim bainat.

20:19  Na ol pikinini bilong Isrel i tokim em, Mipela bai go long bikpela rot. Na sapos mi o ol bulmakau samting bilong mi i dring bilong wara bilong yu, orait mi bai baim dispela. Mi bai go namel long hap long ol lek bilong mi tasol, na mi no inap mekim narapela samting.

20:20  Na em i tok, Yu no ken go namel. Na Idom i kam ausait i birua long em wantaim planti manmeri, na wantaim wanpela han i strong.

20:21  Olsem tasol Idom i tok nogat long givim Isrel rot namel long arere bilong em. Olsem na Isrel i tanim na lusim em.

20:22  ¶ Na ol pikinini bilong Isrel, yes, bung bilong ol manmeri olgeta, i wokabaut i lusim Kedes, na kam long maunten Hor.

20:23  Na BIKPELA i tokim Moses na Eron long maunten Hor, klostu long arere bilong hap bilong Idom, i spik,

20:24  Eron bai bung i go long lain bilong em. Long wanem, em bai i no inap go insait long dispela hap, dispela Mi bin givim i go long ol pikinini bilong Isrel, bilong wanem, yutupela i bikhet i birua long tok bilong Mi long wara bilong Meriba.

20:25  Kisim Eron na Eleasar, pikinini man bilong em, na bringim ol antap i go long maunten Hor.

20:26  Na rausim long Eron ol klos bilong em, na putim ol antap long Eleasar, pikinini man bilong em. Na Eron bai bung i go long ol lain bilong em, na em bai dai long dispela hap.

20:27  Na Moses i mekim olsem BIKPELA i tok strong. Na ol i go antap long maunten Hor long ai bilong olgeta bung bilong ol manmeri.

20:28  Na Moses i rausim long Eron ol klos bilong em, na putim ol antap long Eleasar, pikinini man bilong em. Na Eron i dai pinis long antap bilong maunten. Na Moses na Eleasar i kam daun long maunten.

20:29  Na taim olgeta bung bilong ol manmeri i luksave long Eron i dai pinis, ol i soim sori long Eron 30 de, yes, olgeta hauslain bilong Isrel.

Chapter 21

21:1  ¶ Na taim man Kenan king Arat, husat i stap long hap saut, i harim stori long Isrel i kam long rot bilong ol man bilong lukstil, orait em i pait birua long Isrel, na kisim sampela bilong ol i kalabus.

21:2  Na Isrel i wokim wanpela strongpela promis i go long BIKPELA, na i tok, Sapos tru tru Yu bai givim dispela lain manmeri i go long han bilong mi, orait mi bai bagarapim ol biktaun bilong ol olgeta.

21:3  Na BIKPELA i harim long nek bilong Isrel, na givim i go ol lain Kenan. Na ol i bagarapim ol olgeta na ol biktaun bilong ol. Na em i kolim nem bilong dispela ples Horma.

21:4  ¶ Na ol i wokabaut i lusim maunten Hor long rot bilong Retsi, long raunim hap bilong Idom. Na strong bilong tewel bilong ol manmeri long pait i bagarap tru, bilong wanem, dispela rot i hat.

21:5  Na ol manmeri i toktok i birua long God, na i birua long Moses, Olsem wanem na yupela i bin bringim mipela antap ausait long Isip long dai long ples i no gat man? Long wanem, i no gat bret i stap, na tu i no gat sampela wara i stap. Na tewel bilong mipela i les olgeta long dispela bret i no hevi.

21:6  Na BIKPELA i salim ol snek i lait namel long ol manmeri, na ol i kaikaim ol manmeri. Na planti manmeri bilong Isrel i dai pinis.

21:7  Olsem na ol manmeri i kam long Moses, na i tok, Mipela i bin mekim sin. Long wanem, mipela i bin toktok i birua long BIKPELA, na i birua long yu. Beten i go long BIKPELA, inap long Em i ken tekewe ol snek namel long mipela. Na Moses i beten long helpim ol manmeri.

21:8  Na BIKPELA i tokim Moses, Wokim bilong yu wanpela snek i lait, na putim dispela antap long wanpela pos. Na em bai kamap olsem, long olgeta wan wan husat snek i kaikaim pinis, taim em i lukluk antap long en, em bai stap laip.

21:9  Na Moses i wokim wanpela snek brass, na putim dispela antap long wanpela pos. Na em i kamap olsem, long sapos wanpela snek i bin kaikaim wanpela man, taim em i lukim dispela snek bras, em i no dai.

21:10  ¶ Na ol pikinini bilong Isrel i kirap na wokabaut i go antap, na sanapim ol haus sel long Obot.

21:11  Na ol i wokabaut i lusim Obot, na sanapim ol haus sel long Ise-abarim, long dispela ples i no gat man i stap long ai bilong Moap, i go long hap san i kamap.

21:12  Long dispela ples ol i lusim, na sanapim ol haus sel long ples daun bilong Saret.

21:13  Long dispela ples ol i lusim, na sanapim ol haus sel long arapela sait bilong Arnon, dispela i stap long ples i no gat man, dispela i kam ausait long ol arere bilong ol lain Amor. Long wanem, Arnon em i hap arere bilong Moap, namel long Moap na ol lain Amon.

21:14  Olsem na em i tok insait long buk bilong ol bikpela pait bilong BIKPELA, Wanem samting Em i mekim long Retsi, na long ol liklik wara bilong Arnon,

21:15  Na long liklik wara bilong ol liklik wara, dispela i go daun long hap Ar i stap, na i slip antap long arere bilong Moap.

21:16  Na long dispela ples ol i go long Biar. Dispela em i hul wara we BIKPELA i toktok long Moses long en, Bungim ol manmeri wantaim, na Mi bai givim ol wara.

21:17  Nau Isrel i singim dispela song, Sut i kam antap, O hul wara. Yupela singim song i go long en.

21:18  Ol hetman i digim hul wara, ol hetman bilong ol manmeri i digim dispela, long tok stia bilong man bilong givim lo, wantaim ol stik wokabaut bilong ol. Na ol i lusim dispela ples i no gat man i go long Matana.

21:19  Na ol i lusim Matana i go long Nahaliel. Na ol i lusim Nahaliel i go long Bamot.

21:20  Na ol i lusim Bamot long ples daun, dispela i stap long kantri bilong Moap, i go long antap bilong Pisga, dispela i lukluk i go long Jesimon.

21:21  ¶ Na Isrel i salim ol mausman i go long Saihon, king bilong ol lain Amor, i spik,

21:22  Larim mi wokabaut namel long hap graun bilong yu. Mipela bai i no inap tanim i go long ol bikpela gaden, o long ol gaden wain. Mipela bai i no inap dringim bilong ol wara bilong hul wara. Tasol mipela bai go long bikpela rot bilong king, inap long mipela abrusim ol hap arere bilong yu.

21:23  Na Saihon i no laik larim Isrel long wokabaut namel long hap arere bilong em. Tasol Saihon i bungim olgeta lain manmeri bilong em wantaim, na ol i go ausait i birua long Isrel long ples i no gat man. Na em i kam long Jahas, na pait birua long Isrel.

21:24  Na Isrel i paitim em wantaim sap bilong bainat, na holimpas hap bilong em i stat long Arnon i go inap long Jabok, yes, i go inap long ol pikinini bilong Amon. Long wanem, hap arere bilong ol pikinini bilong Amon em i strong.

21:25  Na Isrel i kisim olgeta dispela biktaun. Na Isrel i stap long olgeta biktaun bilong lain Amor, long Hesbon, na long olgeta vilis bilong en.

21:26  Long wanem, Hesbon em i biktaun bilong Saihon, king bilong ol lain Amor, husat i bin pait birua long king bipo bilong Moap, na kisim olgeta hap graun bilong em ausait long han bilong em, yes, inap long Arnon.

21:27  Olsem na ol husat i save toktok long ol provep i spik, Kam long Hesbon, larim ol i wokim na redim biktaun bilong Saihon.

21:28  Long wanem, i gat wanpela paia i go ausait long Hesbon, wanpela lait bilong paia long biktaun bilong Saihon. Em i bin kaikai Ar bilong Moap olgeta, na ol bikman bilong ol ples antap bilong Arnon.

21:29  Tok lukaut i go long yu, Moap! Yu bagarap pinis, O lain manmeri bilong Kemos. Em i bin givim ol pikinini man bilong em husat i ranawe, na ol pikinini meri bilong em, i go long kalabus long king Saihon bilong ol lain Amor.

21:30  Mipela i bin sut long ol. Hesbon i dai olgeta, yes, i go inap long Dibon, na mipela i bin mekim ol i stap nating, yes, i go inap long Nofa, dispela i go inap long Medeba.

21:31  Olsem tasol Isrel i stap long hap bilong ol lain Amor.

21:32  Na Moses i salim ol man long lukstil long Jeaser, na ol i kisim ol vilis bilong en, na ranim i go ausait ol lain Amor husat i stap long dispela hap.

21:33  Na ol i tanim na go antap long rot bilong Basan. Na Ok, king bilong Basan, i go ausait i birua long ol, em, na olgeta lain manmeri bilong em, long dispela pait long Idrei.

21:34  Na BIKPELA i tokim Moses, No ken pret long em. Long wanem, Mi bin givim em i go long han bilong yu, na olgeta lain manmeri bilong em, na hap bilong em. Na yu bai mekim long em olsem yu bin mekim long Saihon, king bilong ol lain Amor, husat i bin stap long Hesbon.

21:35  Olsem na ol i paitim em, na ol pikinini man bilong em, na olgeta lain manmeri bilong em, inap long i no gat wanpela i stap laip yet long em. Na ol i holimpas hap bilong em.

Chapter 22

22:1  ¶ Na ol pikinini bilong Isrel i kirap na wokabaut i go antap, na sanapim ol haus sel long ol ples stret bilong Moap long dispela sait bilong Jordan klostu long Jeriko.

22:2  Na Belak, pikinini man bilong Sipor, i luksave pinis long olgeta samting Isrel i bin mekim long ol lain Amor.

22:3  Na Moap em i pret tru long ol manmeri, bilong wanem, ol i planti. Na Moap em i wari tru, bilong tingim ol pikinini bilong Isrel.

22:4  Na Moap i tokim ol lapun hetman bilong Midian, Nau bai dispela lain i kaikai olgeta husat i stap raun nabaut long yumi, olsem bulmakau man i save kaikai gras bilong ples kunai. Na Belak, pikinini man bilong Sipor, em i king bilong Moap long dispela taim.

22:5  Olsem na em i salim ol mausman i go long Belam, pikinini man bilong Beor, long Petor, dispela i stap klostu long riva bilong hap graun bilong ol pikinini bilong lain manmeri bilong em, long singautim em, i spik, Lukim, i gat wanpela lain i kam ausait long Isip. Lukim, ol i karamapim pes bilong dispela graun, na ol i stap long hap i pas klostu long mi.

22:6  Olsem na kam nau, mi askim yu plis, tok nogutim dispela lain manmeri bilong helpim mi. Long wanem, ol i strong tumas long mi. Sapos i gat sans long mi bai win, inap long mipela i ken paitim ol, na inap long mi ken ranim ol ausait long dispela hap. Long wanem, mi save long em husat yu blesim em i kisim blesing, na em husat yu tok nogutim em i stap nogut.

22:7  Na ol lapun hetman bilong Moap na ol lapun hetman bilong Midian i lusim hap wantaim ol pe bilong wokim glasman pasin long han bilong ol. Na ol i kam long Belam, na tokim em ol toktok bilong Belak.

22:8  Na em i tokim ol, Slip hia long dispela nait, na mi bai bringim yupela tok gen, olsem BIKPELA bai toktok long mi. Na ol hetman bilong Moap i stap wantaim Belam.

22:9  Na God i kam long Belam, na tok, Ol dispela man i stap wantaim yu, ol i wanem samting?

22:10  Na Belam i tokim God, Belak, pikinini man bilong Sipor, king bilong Moap, i bin salim ol i kam long mi, i spik,

22:11  Lukim, i gat wanpela lain i kam ausait long Isip, husat i karamapim pes bilong dispela graun. Kam nau, na toknogutim ol bilong helpim mi. Sapos i gat sans, mi bai inap long winim ol, na ranim ol ausait.

22:12  Na God i tokim Belam, Yu no ken go wantaim ol. Yu no ken toknogutim dispela lain. Long wanem, blesing i stap long ol pinis.

22:13  Na Belam i kirap long moning, na tokim ol hetman bilong Belak, Yupela go long hap bilong yupela. Long wanem, BIKPELA i tok nogat long oraitim mi long go wantaim yupela.

22:14  Na ol hetman bilong Moap i kirap, na ol i go long Belak, na tok, Belam i tok nogat long kam wantaim mipela.

22:15  ¶ Na Belak i salim yet gen ol hetman, moa, na ol husat i gat ona moa long ol.

22:16  Na ol i kam long Belam, na tokim em, Belak, pikinini man bilong Sipor, i tok olsem, No ken larim wanpela samting, mi askim yu plis, pasim yu long kam long mi.

22:17  Long wanem, mi bai litimapim yu i go long bikpela ona tru, na mi bai mekim wanem kain samting yu tokim mi. Olsem na kam, mi askim yu plis, toknogutim dispela lain bilong helpim mi.

22:18  Na Belam i bekim na tokim ol wokboi bilong Belak, Sapos Belak i laik givim mi haus bilong em i pulap long silva na gol, mi no inap go hapsait long tok bilong BIKPELA, God bilong mi, long mekim liklik moa o moa.

22:19  Olsem na nau, mi askim yupela plis, yupela stap yet hia tu long dispela nait, inap long mi ken save wanem samting BIKPELA bai tokim mi moa.

22:20  Na God i kam long Belam long nait, na tokim em, Sapos ol man i kam long singautim yu, kirap, na go wantaim ol. Tasol yet dispela tok Mi bai tokim yu, dispela bai yu mekim.

22:21  Na Belam i kirap long moning, na putim sia long donki bilong em, na go wantaim ol hetman bilong Moap.

22:22  ¶ Na belhat bilong God i kirap, bilong wanem, em i go. Na ensel bilong BIKPELA i sanap long rot bilong stap wanpela birua long em. Nau em i ran antap long donki bilong em, na tupela wokboi bilong em i stap wantaim em.

22:23  Na donki bilong em i lukim ensel bilong BIKPELA i sanap long rot, na bainat i lusim paus i stap long han bilong em. Na donki i tanim long sait ausait long rot, na go long ples kunai. Na Belam i paitim donki, long tanim em i go long rot.

22:24  Tasol ensel bilong BIKPELA i sanap long wanpela liklik rot bilong ol gaden wain, wanpela banis i stap long dispela sait, na wanpela banis i stap long hapsait.

22:25  Na taim donki i lukim ensel bilong BIKPELA, em i sutim em yet i go long banis, na krungutim fut bilong Belam long banis. Na em i paitim donki gen.

22:26  Na ensel bilong BIKPELA i go moa, na sanap long wanpela ples i no patpela, we i no gat rot long tanim long han sut o long han kais.

22:27  Na taim donki i lukim ensel bilong BIKPELA, em i pundaun aninit long Belam. Na belhat bilong Belam i kirap, na em i paitim donki wantaim wanpela stik wokabaut.

22:28  Na BIKPELA i opim maus bilong donki, na em i tokim Belam, Mi bin mekim wanem long yu, inap long yu bin paitim mi dispela tripela taim?

22:29  Na Belam i tokim donki, Bikos yu bin wokim pani long daunim mi. Mi gat laik long i gat wanpela bainat long han bilong mi. Long wanem, nau mi bai kilim yu.

22:30  Na donki i tokim Belam, Ating i yes long mi donki bilong yu, antap long husat yu bin ran i kam i stat long taim mi bilong yu inap long tude? Ating i gat taim we mi save mekim olsem long yu? Na em i tok, Nogat.

22:31  Nau BIKPELA i opim tupela ai bilong Belam, na em i lukim ensel bilong BIKPELA i sanap long rot, na bainat bilong em i lusim paus i stap long han bilong em. Na em i lindaunim het bilong em, na pundaun long pes bilong em stret.

22:32  Na ensel bilong BIKPELA i tokim em, Olsem wanem na yu bin paitim donki bilong yu dispela tripela taim? Lukim, mi bin go ausait long sanap strong na birua long yu, bilong wanem, rot bilong yu i paul long ai bilong mi.

22:33  Na donki i lukim mi, na tanim long mi dispela tripela taim. Sapos em i no bin tanim long mi, tru tumas, nau tu mi bin kilim yu i dai, na kisim bek laip bilong em.

22:34  Na Belam i tokim ensel bilong BIKPELA, Mi bin mekim sin. Long wanem, mi no save long yu sanap long rot bilong birua long mi. Olsem na nau, sapos dispela i bagarapim amamas bilong yu, mi bai kisim mi yet i go bek gen.

22:35  Na ensel bilong BIKPELA i tokim Belam, Go wantaim ol dispela man. Tasol dispela toktok Mi bai toktok long yu tasol yu bai toktok. Olsem na Belam i go wantaim ol hetman bilong Belak.

22:36  ¶ Na taim Belak i harim long Belam i kam pinis, em i go ausait long bungim em i go long wanpela biktaun bilong Moap, dispela i stap long arere bilong Arnon, dispela i stap long las hap arere.

22:37  Na Belak i tokim Belam, Ating i yes long mi salim strongpela tok i go long yu long singautim yu? Olsem wanem na yu no kam long mi? Ating i yes long i tru tru long mi i inap tru long litimapim yu long ona, a?

22:38  Na Belam i tokim Belak, Harim, mi kam long yu. Ating nau mi gat wanpela hap pawa liklik long toktok long wanpela samting? Tok God i putim insait long maus bilong mi, dispela bai mi toktok.

22:39  Na Belam i go wantaim Belak, na ol i kam long Kiriat-husot.

22:40  Na Belak i ofaim ol bulmakau man na ol sipsip, na salim tok long Belam, na long ol hetman husat i stap wantaim em.

22:41  Na em i kamap olsem long moning bihain, long Belak i kisim Belam, na bringim em antap long ol ples antap bilong Beal, inap long dispela ples em i ken lukim las hap bilong ol lain manmeri.

Chapter 23

23:1  ¶ Na Belam i tokim Belak, Wokim bilong mi hia sevenpela alta, na redim bilong mi hia sevenpela bulmakau man na sevenpela meme man.

23:2  Na Belak i mekim olsem Belam i bin toktok. Na Belak na Belam i ofaim long olgeta wan wan alta wanpela bulmakau man na wanpela sipsip man.

23:3  Na Belam i tokim Belak, Sanap klostu long ofa i kuk olgeta bilong yu, na mi bai go. Sapos i gat sans long BIKPELA bai kam long bungim mi. Na wanem samting Em i soim mi mi bai tokim yu. Na em i go long wanpela ples antap.

23:4  Na God i bungim Belam. Na em i tokim Em, Mi bin redim sevenpela alta. Na mi bin ofaim antap long olgeta wan wan alta wanpela bulmakau man na wanpela sipsip man.

23:5  Na BIKPELA i putim wanpela tok insait long maus bilong Belam, na tok, Go bek long Belak, na yu bai toktok olsem.

23:6  Na em i go bek long em, na, harim, em i sanap klostu long sakrifais i kuk olgeta bilong em, em, na olgeta hetman bilong Moap.

23:7  Na em i kisim i go antap tok piksa bilong em, na tok, Belak, king bilong Moap, i bin bringim mi i lusim Aram, ausait long ol maunten bilong hap is, i spik, Kam, toknogutim Jekop bilong helpim mi, na kam, duim Isrel.

23:8  Mi bai toknogutim em husat God i no bin toknogutim olsem wanem? O mi bai duim em husat BIKPELA i no bin duim olsem wanem?

23:9  Long wanem, long antap bilong ol ston mi lukim em, na long antap bilong ol liklik maunten mi lukim em. Harim, ol manmeri bai stap wanpis, na ol bai i no inap kaunim ol namel long ol kantri.

23:10  Husat i ken kaunim das bilong Jekop, na namba bilong namba foa hap bilong Isrel? Larim mi dai long dai bilong ol stretpela man, na larim pinis bilong mi i stap olsem em!

23:11  Na Belak i tokim Belam, Yu bin mekim wanem long mi? Mi kisim yu bilong toknogutim ol birua bilong mi, na, lukim, Yu bin blesim ol olgeta.

23:12  Na em i bekim na tok, Ating i yes long mi mas was gut long toktok long dispela samting BIKPELA i bin putim insait long maus bilong mi, a?

23:13  ¶ Na Belak i tokim em, Kam, mi askim yu plis, wantaim mi i go long narapela ples, we long en yu ken lukim ol. Yu bai lukim las hap bilong ol tasol, na yu no ken lukim ol olgeta. Na toknogutim ol bilong helpim mi long dispela ples.

23:14  Na em i bringim em i go long ples kunai bilong Sofim, long antap bilong Pisga, na em i wokim sevenpela alta, na ofaim wanpela bulmakau man na wanpela sipsip man antap long olgeta wan wan alta.

23:15  Na em i tokim Belak, Sanap hia klostu long ofa i kuk olgeta bilong yu, taim mi bungim BIKPELA long hap.

23:16  Na BIKPELA i bungim Belam, na putim wanpela tok insait long maus bilong em, na tok, Go gen long Belak, na tok olsem.

23:17  Na taim em i kamap long em, lukim, em i sanap klostu long ofa i kuk olgeta bilong em, na ol hetman bilong Moap wantaim em. Na Belak i tokim em, BIKPELA i bin toktok wanem?

23:18  Na em i kisim i go antap tok piksa bilong em, na tok, Kirap, Belak, na harim. Harim long mi, yu pikinini man bilong Sipor.

23:19  God i no wanpela man, inap long Em i ken giaman. Na tu Em i no pikinini man bilong man, inap long Em i mas tanim bel. Em i bin tok, na ating i yes long Em bai mekim? O ating Em i bin toktok, na i yes long Em bai mekim dispela i gutpela?

23:20  Lukim, mi bin kisim tok strong long blesim. Na Em i bin blesim. Na mi no inap tanim dispela i go bek.

23:21  Em i no bin lukim sin nogut insait long Jekop, na tu Em i no bin lukim pasin paul insait long Isrel. BIKPELA, God bilong em, em i stap wantaim em, na singaut bilong wanpela king i stap namel long ol.

23:22  God i bringim ol ausait long Isip. Em i gat strong i samting olsem strong bilong wail abus i gat wanpela kom.

23:23  Tru tumas, i no gat poisin i ken birua long Jekop, na tu i no gat wanpela glasman pasin i ken birua long Isrel. Bilong bihainim dispela taim ol bai tok olsem long Jekop na long Isrel, God i bin wokim wanem!

23:24  Lukim, dispela lain manmeri bai kirap olsem wanpela bikpela laion, na litimapim em yet olsem wanpela yangpela laion. Em bai i no inap slipim bodi inap long em i kaikai long prais bilong pait, na dringim blut bilong dispela em i kilim i dai.

23:25  Na Belak i tokim Belam, No ken toknogutim ol liklik, o blesim ol liklik.

23:26  Tasol Belam i bekim na tokim Belak, Ating i yes long mi tokim yu, i spik, Olgeta samting BIKPELA i toktok, dispela mi mas mekim?

23:27  Na Belak i tokim Belam, Kam, mi askim yu plis, mi bai bringim yu long narapela ples. Sapos i gat sans long em bai amamasim bel bilong God long yu ken toknogutim ol bilong helpim mi long dispela ples.

23:28  Na Belak i bringim Belam i go long antap bilong Pior, dispela i lukluk i go long Jesimon.

23:29  Na Belam i tokim Belak, Wokim bilong mi hia sevenpela alta. Na redim bilong mi hia sevenpela bulmakau man na sevenpela sipsip man.

23:30  Na Belak i mekim olsem Belam i bin tok, na ofaim wanpela bulmakau man na wanpela sipsip man long olgeta wan wan alta.

Chapter 24

24:1  ¶ Na taim Belam i luksave long em i amamasim bel bilong BIKPELA long blesim Isrel, em i no go, olsem long ol arapela taim, long painim ol poisin samting, tasol em i strongim pes bilong em i go long ples i no gat man.

24:2  Na Belam i litimapim tupela ai bilong em, na em i lukim Isrel i stap long ol haus sel bilong em bilong bihainim ol lain bilong ol. Na Spirit bilong God i kam antap long em.

24:3  Na em i kisim i go antap tok piksa bilong em, na tok, Belam, pikinini man bilong Beor, i bin tok, na dispela man husat tupela ai bilong em i op i bin tok,

24:4  Em i bin tok, husat i harim ol toktok bilong God, husat i lukim driman samting bilong Man i Gat Olgeta Strong, taim em i pundaun long wanpela driman samting, tasol tupela ai bilong em i stap op,

24:5  Ol haus sel bilong yu i nambawan olsem wanem, O Jekop, na ol haus sel holi bilong yu, O Isrel!

24:6  Olsem ol ples daun i op ausait, olsem ol gaden klostu long sait bilong riva, olsem ol diwai likna alo, dispela BIKPELA i bin planim, na olsem ol diwai sida klostu long ol wara,

24:7  Em bai kapsaitim wara ausait long ol baket bilong em, na tumbuna pikinini bilong em bai stap long planti ol wara, na king bilong em bai stap antap moa long Egak, na kingdom bilong em bai stap antap tru.

24:8  God i bringim em ausait long Isip. Em i gat strong, samting olsem strong bilong wail abus i gat wanpela kom. Em bai kaikai olgeta ol kantri bilong ol birua bilong em, na em bai brukim ol bun bilong ol, na sutim ol namel wantaim ol spia bilong em.

24:9  Em i slip hait, em i slipim bodi olsem wanpela laion, na olsem wanpela bikpela laion. Husat bai kirapim em? Blesing i stap long em husat i blesim yu, na tok nogut i stap long em husat i toknogutim yu.

24:10  ¶ Na belhat bilong Belak i kirap i birua long Belam, na em i paitim tupela han bilong em wantaim. Na Belak i tokim Belam, Mi singautim yu long toknogutim ol birua bilong mi, na, lukim, yu bin blesim ol olgeta dispela tripela taim.

24:11  Olsem na nau yu ranawe i go long ples bilong yu. Mi gat tingting long litimapim yu i go long bikpela ona, tasol, harim, BIKPELA i bin pasim yu bek long ona.

24:12  Na Belam i tokim Belak, Ating i yes long mi tokim tu ol mausman bilong yu husat yu salim i kam long mi, i spik,

24:13  Sapos Belak i laik givim mi haus bilong em i pulap long silva na gol, mi no inap go hapsait long tok strong bilong BIKPELA, long mekim gutpela o nogut long tingting bilong mi yet. Tasol wanem samting BIKPELA i tok, dispela mi bai toktok?

24:14  Na nau, lukim, mi go long ol lain manmeri bilong mi. Olsem na kam, na mi bai tokaut long yu long wanem samting dispela lain manmeri bai mekim long lain bilong yu long ol las de.

24:15  ¶ Na em i kisim i go antap tok piksa bilong em, na tok, Belam, pikinini man bilong Beor, i bin tok, na dispela man husat tupela ai bilong em i op i bin tok,

24:16  Em i bin tok, husat i harim ol toktok bilong God, na save long save bilong Man i Antap moa Olgeta, husat i lukim driman samting bilong Man i Gat Olgeta Strong, taim em i pundaun long wanpela driman samting, tasol tupela ai bilong em i op,

24:17  Mi bai lukim Em, tasol i no nau. Mi bai lukim Em, tasol i no klostu. Bai gat wanpela Sta i kam ausait long Jekop, na wanpela Stik Bilong King bai kirap ausait long Isrel, na Em bai paitim ol kona bilong Moap, na bagarapim olgeta olgeta pikinini bilong Set.

24:18  Na Idom bai stap wanpela holimpas. Sir tu bai stap wanpela holimpas bilong ol birua bilong em. Na Isrel bai wokim strongpela pait.

24:19  Ausait long Jekop bai kam Em husat bai gat strong bilong bosim, na Em bai bagarapim em olgeta husat i stap yet long biktaun.

24:20  Na taim em i lukluk long Amalek, em i kisim i go antap tok piksa bilong em, na tok, Amalek em i namba wan bilong ol kantri. Tasol las hap bilong em i stap long em bai dai olgeta oltaim oltaim.

24:21  Na em i lukluk long ol lain Ken, na kisim i go antap tok piksa bilong em, na tok, Ples bilong yu bilong i stap em i strongpela, na yu putim haus pisin bilong yu insait long wanpela ston.

24:22  Tasol man Ken bai pinis nating, inap long Asur bai karim yu i go kalabus.

24:23  Na em i kisim i go antap tok piksa bilong em, na tok, Sori tru, husat bai stap laip taim God i wokim dispela!

24:24  Na ol sip bai kam i lusim arere bilong Kitim, na bai givim hevi long Asur, na bai givim hevi long Eber, na em tu bai dai olgeta bilong oltaim oltaim.

24:25  Na Belam i kirap, na i lusim hap na go bek long ples bilong em. Na Belak tu i go long rot bilong em.

Chapter 25

25:1  ¶ Na Isrel i stap long Sitim, na ol manmeri i stat long mekim pamuk pasin wantaim ol pikinini meri bilong Moap.

25:2  Na ol i singautim ol manmeri i go long ol sakrifais bilong ol god bilong ol. Na ol manmeri i bin kaikai, na lindaun long ol god bilong ol.

25:3  Na Isrel i bungim em yet i go long Bal-pior. Na belhat bilong BIKPELA i kirap i birua long Isrel.

25:4  Na BIKPELA i tokim Moses, Kisim olgeta het bilong ol manmeri, na hangamapim ol long ai bilong BIKPELA i pas klostu long san, inap long strongpela belhat bilong BIKPELA i ken tanim na lusim Isrel.

25:5  Na Moses i tokim ol jas bilong Isrel, Yupela kilim i dai olgeta wan wan ol man bilong em husat i pas wantaim i go long Bal-pior.

25:6  ¶ Na, lukim, wanpela bilong ol pikinini bilong Isrel i kam na bringim i kam long ol brata bilong em wanpela meri Midian long ai bilong Moses, na long ai bilong olgeta bung bilong ol manmeri bilong ol pikinini bilong Isrel, husat i krai tru long ai bilong dua bilong haus sel holi bilong bung bilong ol manmeri.

25:7  Na taim Finias, pikinini man bilong Eleasar, pikinini man bilong pris Eron, i lukim dispela, em i kirap long namel long bung bilong ol manmeri, na kisim wanpela bikpela spia long han bilong em.

25:8  Na em i go bihainim dispela man bilong Isrel i go insait long haus sel, na sutim tupela wantaim i go namel olgeta, dispela man bilong Isrel, na dispela meri namel olgeta long bel bilong em. Olsem na dispela sik nogut i pas long ol pikinini bilong Isrel.

25:9  Na ol dispela husat i dai pinis long sik nogut em i 24,000.

25:10  Na BIKPELA i tokim Moses, i spik,

25:11  Finias, pikinini man bilong Eleasar, pikinini man bilong pris Eron, i bin tanim belhat tru bilong Mi i go lusim ol pikinini bilong Isrel, taim em i hatwok long bihainim bilong tingim Mi namel long ol, inap long Mi no kaikai olgeta ol pikinini bilong Isrel long pasin jeles bilong Mi.

25:12  Olsem na tok, Lukim, Mi givim long em kontrak bilong Mi bilong bel isi.

25:13  Na em bai gat dispela, na tumbuna pikinini bilong em bihain long em, yes, kontrak bilong wanpela wok pris bilong oltaim oltaim. Bilong wanem, em i hatwok long bihainim bilong tingim God bilong em, na mekim wanpela karamapim long mekim i kamap wanbel bilong helpim ol pikinini bilong Isrel.

25:14  Nau nem bilong dispela man Isrel husat em i kilim i dai, yes, husat em i kilim i dai wantaim meri Midian, em i Simri, pikinini man bilong Salu, wanpela hetman bilong wanpela nambawan hauslain namel long ol lain Simion.

25:15  Na nem bilong dispela meri Midian husat em i kilim i dai em i Kosbi, pikinini meri bilong Sur. Em i het antap long wanpela lain manmeri, na bilong wanpela nambawan hauslain insait long Midian.

25:16  ¶ Na BIKPELA i tokim Moses, i spik,

25:17  Givim hevi long ol lain Midian, na paitim ol.

25:18  Long wanem, ol i givim hevi long yupela wantaim ol trik bilong ol, we wantaim dispela ol i bin trikim yupela long samting bilong Pior, na long samting bilong Kosbi, pikinini meri bilong wanpela hetman bilong Midian, susa bilong ol, husat Finias i kilim i dai long de bilong sik nogut bilong tingim Pior.

Chapter 26

26:1  ¶ Na em i kamap olsem bihain long dispela sik nogut, long BIKPELA i tokim Moses na Eleasar, pikinini man bilong pris Eron, i spik,

26:2  Kisim namba olgeta bilong olgeta bung bilong ol manmeri bilong ol pikinini bilong Isrel, i stat long 20 krismas na i go antap, namel long hauslain bilong ol tumbuna papa bilong ol, olgeta husat i inap long i go long bikpela pait insait long Isrel.

26:3  Na Moses na pris Eliasar i toktok wantaim ol long ol ples stret bilong Moap klostu long Jordan klostu long Jeriko, i spik,

26:4  Kisim namba olgetabilong ol manmeri, i stat long 20 krismas na i go antap, olsem BIKPELA i tok strong long Moses na ol pikinini bilong Isrel, husat i go ausait long hap bilong Isip.

26:5  ¶ Ruben, namba wan pikinini man bilong Isrel. Ol pikinini bilong Ruben, Hanok, bilong husat famili bilong ol lain Hanok i kam. Bilong Palu, famili bilong ol lain Palu.

26:6  Bilong Hesron, famili bilong ol lain Hesron. Bilong Karmi, famili bilong ol lain Karmi.

26:7  Ol dispela em ol famili bilong ol lain Ruben. Na ol husat ol i kaunim bilong ol em i 43,730.

26:8  Ol pikinini man bilong Palu, Eliap.

26:9  Ol pikinini man bilong Eliap, Nemyuel, na Detan, na Abairam. Dispela em i dispela Detan na Abairam, husat i gat biknem tru long bung bilong ol manmeri, husat i pait birua long Moses na i birua long Eron long dispela lain bilong Kora, taim ol i pait birua long BIKPELA.

26:10  Na dispela graun i opim maus bilong en, na daunim ol wantaim wantaim Kora, taim dispela lain i dai pinis, wanem taim paia i kaikai olgeta dispela 250 man. Na ol i kamap wanpela mak.

26:11  Tasol ol pikinini bilong Kora i no dai.

26:12  Ol pikinini man bilong Simion i bihainim ol famili bilong ol. Bilong Nemyuel, famili bilong ol lain Nemyuel. Bilong Jamin, famili bilong ol lain Jamin. Bilong Jakin, famili bilong ol lain Jakin.

26:13  Bilong Sera, famili bilong ol lain Sera. Bilong Saul, famili bilong ol lain Saul.

26:14  Ol dispela em ol famili bilong ol lain Simion, 22,200.

26:15  Ol pikinini bilong Gat i bihainim ol famili bilong ol. Bilong Sefon, famili bilong ol lain Sefon. Bilong Hagi, famili bilong ol lain Hagi. Bilong Suni, famili bilong ol lain Suni.

26:16  Bilong Osni, famili bilong ol lain Osni. Bilong Eri, famili bilong ol lain Eri.

26:17  Bilong Arot, famili bilong ol lain Arot. Bilong Areli, famili bilong ol lain Areli.

26:18  Ol dispela em ol famili bilong ol pikinini bilong Gat bilong bihainim ol dispela husat ol i kaunim bilong ol, 40,500.

26:19  Ol pikinini man bilong Juda em i Er na Onan. Na Er na Onan i dai pinis long hap bilong Kenan.

26:20  Na ol pikinini man bilong Juda i bihainim ol famili bilong ol. Bilong Sela, famili bilong ol lain Sela. Bilong Fares, famili bilong ol lain Fares. Bilong Sera, famili bilong ol lain Sera.

26:21  Na ol pikinini man bilong Fares em, bilong Hesron, famili bilong ol lain Hesron. Bilong Hamul, famili bilong ol lain Hamul.

26:22  Ol dispela em ol famili bilong Juda bilong bihainim ol dispela husat ol i kaunim bilong ol, 76,500.

26:23  Bilong ol pikinini man bilong Isakar i bihainim ol famili. Bilong Tola, famili bilong ol lain Tola. Bilong Pua, famili bilong ol lain Pua.

26:24  Bilong Jasup, famili bilong ol lain Jasup. Bilong Simron, famili bilong ol lain Simron.

26:25  Ol dispela em ol famili bilong Isakar bilong bihainim ol dispela husat ol i kaunim bilong ol, 64,300.

26:26  Bilong ol pikinini man bilong Sebyulan i bihainim ol famili bilong ol. Bilong Seret, famili bilong ol lain Seret. Bilong Elon, famili bilong ol lain Elon. Bilong Jalel, famili bilong ol lain Jalel.

26:27  Ol dispela em ol famili bilong ol lain Sebyulan bilong bihainim ol dispela husat ol i kaunim bilong ol, 60,500.

26:28  Ol pikinini man bilong Josep i bihainim ol famili bilong ol em i Manasa na Ifraim.

26:29  Bilong ol pikinini man bilong Manasa. Bilong Makir, famili bilong ol lain Makir. Na Makir i kamapim Gileat. Bilong Gileat famili bilong ol lain Gileat i kam.

26:30  Ol dispela em ol pikinini man bilong Gileat. Bilong Jeser, famili bilong ol lain Jeser. Bilong Helek, famili bilong ol lain Helek.

26:31  Na bilong Asriel, famili bilong ol lain Asriel. Na bilong Sekem, famili bilong ol lain Sekem.

26:32  Na bilong Semida, famili bilong ol lain Semida. Na bilong Hefer, famili bilong ol lain Hefer.

26:33  Na Selofehat, pikinini man bilong Hefer, i no gat ol pikinini man, ol pikinini meri tasol. Na ol nem bilong ol pikinini meri bilong Selofehat em i Mala, na Noa, Hokla, Milka, na Tirsa.

26:34  Ol dispela em ol famili bilong Manasa, na ol dispela husat ol i kaunim bilong ol, 52,700.

26:35  Ol dispela em ol pikinini man bilong Ifraim i bihainim ol famili bilong ol. Bilong Sutela, famili bilong ol lain Sutela. Bilong Beker, famili bilong ol lain Beker. Bilong Tahan, famili bilong ol lain Tahan.

26:36  Na ol dispela em ol pikinini man bilong Sutela. Bilong Eran, famili bilong ol lain Eran.

26:37  Ol dispela em ol famili bilong ol pikinini man bilong Ifraim bilong bihainim ol dispela husat ol i kaunim bilong ol, 32,500. Ol dispela em ol pikinini man bilong Josep i bihainim ol famili bilong ol.

26:38  Ol pikinini man bilong Benjamin i bihainim ol famili. Bilong Bela, famili bilong ol lain Bela. Bilong Asbel, famili bilong ol lain Asbel. Bilong Ahiram, famili bilong ol lain Ahiram.

26:39  Bilong Sufam, famili bilong ol lain Sufam. Bilong Hufam, famili bilong ol lain Hufam.

26:40  Na ol pikinini man bilong Bela em Art na Neman. Bilong Art, famili bilong ol lain Art. Na bilong Neman, famili bilong ol lain Neman.

26:41  Ol dispela em ol pikinini man bilong Benjamin i bihainim ol famili bilong ol. Na ol lain husat ol i kaunim bilong ol em i 45,600.

26:42  Ol dispela em ol pikinini man bilong Dan i bihainim ol famili bilong ol. Bilong Suham, famili bilong ol lain Suham. Ol dispela em ol famili bilong Dan i bihainim ol famili bilong ol.

26:43  Olgeta famili bilong ol lain Suham, bilong bihainim ol dispela husat ol i kaunim bilong ol, em i 64,400.

26:44  Bilong ol pikinini bilong Aser i bihainim ol famili bilong ol. Bilong Jimna, famili bilong ol lain Jimna. Bilong Jesui, famili bilong ol lain Jesui. Bilong Beraia, famili bilong ol lain Beraia.

26:45  Bilong ol pikinini man bilong Beraia. Bilong Heber, famili bilong ol lain Heber. Bilong Malkiel, famili bilong ol lain Malkiel.

26:46  Na nem bilong pikinini meri bilong Aser em Sara.

26:47  Ol dispela em ol famili bilong ol pikinini man bilong Aser bilong bihainim ol dispela husat ol i kaunim bilong ol, husat i 53,400.

26:48  Bilong ol pikinini man bilong Naptalai i bihainim ol famili bilong ol. Bilong Jasel, famili bilong ol lain Jasel. Bilong Guni, famili bilong ol lain Guni.

26:49  Bilong Jeser, famili bilong ol lain Jeser. Bilong Silem, famili bilong ol lain Silem.

26:50  Ol dispela em ol famili bilong Naptalai bilong bihainim ol famili bilong ol. Na ol husat ol i kaunim bilong ol em i 45,400.

26:51  Ol dispela em ol husat ol i kaunim bilong ol pikinini bilong Isrel, 601,730.

26:52  ¶ Na BIKPELA i tokim Moses, i spik,

26:53  Long ol dispela bai ol i brukim dispela hap bilong wanpela samting papa i givim pikinini bilong bihainim ol namba bilong ol nem.

26:54  Long planti lain bai yu givim samting papa i givim pikinini i moa, na long liklik lain bai yu bai givim samting papa i givim pikinini i liklik moa. Long olgeta wan wan, samting papa i givim pikinini bilong em bai stap bilong bihainim ol dispela husat ol i kaunim bilong em.

26:55  Tasol dispela hap bai ol i brukim long satu. Bilong bihainim ol nem bilong ol lain bilong ol tumbuna papa bilong ol bai ol i kisim samting papa i givim pikinini.

26:56  Bilong bihainim satu ol bai brukim holimpas bilong en namel long planti na liklik.

26:57  ¶ Na ol dispela em ol lain husat ol i kaunim bilong ol lain Livai i bihainim ol famili bilong ol. Bilong Gerson, famili bilong ol lain Gerson. Bilong Kohat, famili bilong ol lain Kohat. Bilong Merari, famili bilong ol lain Merari.

26:58  Ol dispela em ol famili bilong ol lain Livai. Famili bilong ol lain Lipna, famili bilong ol lain Hebron, famili bilong ol lain Mali, famili bilong ol lain Musi, famili bilong ol lain Kora. Na Kohat i kamapim Amram.

26:59  Na nem bilong meri bilong Amram em Jokebet, pikinini meri bilong Livai, husat mama bilong em i karim long Livai long Isip. Na meri i karim long Amram Eron na Moses, na Miriam, susa bilong ol.

26:60  Na long Eron meri i karim Nedap, na Abaihu, Eleasar, na Itamar.

26:61  Na Nedap na Abaihu i dai pinis, taim ol i ofaim narakain paia long ai bilong BIKPELA.

26:62  Na ol dispela husat ol i kaunim bilong ol em i 23,000, olgeta man i stat long wanpela mun na i go antap. Long wanem, ol i no kaunim ol namel long ol pikinini bilong Isrel, bilong wanem, ol i no givim long ol wanpela samting papa i givim pikinini namel long ol pikinini bilong Isrel.

26:63  ¶ Ol dispela em ol husat Moses na pris Eleasar i kaunim, husat i kaunim ol pikinini bilong Isrel long ol ples stret bilong Moap klostu long Jordan klostu long Jeriko.

26:64  Tasol namel long ol dispela i no gat wanpela man bilong ol husat Moses na pris Eron i kaunim, taim ol i kaunim ol pikinini bilong Isrel long ples i no gat man bilong Sainai.

26:65  Long wanem, BIKPELA i bin tok long sait bilong ol, Tru tumas, ol bai dai long ples i no gat man. Na i no gat wanpela man i stap yet bilong ol, Kelep, pikinini man bilong Jefune tasol, na Josua, pikinini man bilong Nun.

Chapter 27

27:1  ¶ Nau ol pikinini meri bilong Selofehat, pikinini man bilong Hefer, pikinini man bilong Gileat, pikinini man bilong Makir, pikinini man bilong Manasa, bilong ol famili bilong Manasa, pikinini man bilong Josep, i kam. Na ol dispela em ol nem bilong ol pikinini meri bilong em, Mala, Noa, na Hokla, na Milka, na Tirsa.

27:2  Na ol i sanap long ai bilong Moses, na long ai bilong pris Eleasar, na long ai bilong ol hetman na olgeta bung bilong ol manmeri, klostu long dua bilong haus sel holi bilong bung bilong ol manmeri, i spik,

27:3  Papa bilong mipela i dai pinis long ples i no gat man, na em i no stap insait long lain bilong ol husat i bungim ol yet wantaim i birua long BIKPELA insait long lain bilong Kora. Tasol em i dai pinis long sin bilong em yet, na em i no gat ol pikinini man.

27:4  Bilong wanem nem bilong papa bilong mipela i mas go pinis long namel bilong famili bilong em, bikos em i no gat wanpela pikinini man? Olsem na givim long mipela wanpela holimpas namel long ol brata bilong papa bilong mipela.

27:5  Na Moses i bringim wari bilong ol long ai bilong BIKPELA.

27:6  Na BIKPELA i tokim Moses, i spik,

27:7  Toktok bilong ol pikinini meri bilong Selofehat i stretpela. Tru tumas, yu bai givim ol wanpela holimpas bilong wanpela samting papa i givim pikinini namel long ol brata bilong papa bilong ol. Na yu bai mekim samting papa i givim pikinini bilong papa bilong ol i go long ol.

27:8  Na yu bai toktok long ol pikinini bilong Isrel, i spik, Sapos wanpela man i dai, na i no gat pikinini man, orait yupela bai mekim samting papa i givim pikinini bilong em i go long pikinini meri bilong em.

27:9  Na sapos em i no gat pikinini meri, orait yupela bai givim samting papa i givim pikinini bilong em i go long ol brata bilong em.

27:10  Na sapos em i no gat ol brata, orait yupela bai givim samting papa i givim pikinini bilong em i go long ol brata bilong papa bilong em.

27:11  Na sapos papa bilong em i no gat ol brata, orait yupela bai givim samting papa i givim pikinini bilong em i go long kandre bilong em husat i klostu stret long em bilong famili bilong em, na em bai holimpas dispela. Na em bai stap bilong ol pikinini bilong Isrel wanpela lo ol i raitim bilong kot, olsem BIKPELA i tok strong long Moses.

27:12  ¶ Na BIKPELA i tokim Moses, Kisim yu yet i go antap long dispela maunten Abarim, na lukim dispela hap Mi bin givim long ol pikinini bilong Isrel.

27:13  Na taim yu bin lukim dispela, yu tu bai Mi bungim i go long ol lain bilong yu, olsem Mi bungim Eron, brata bilong yu.

27:14  Long wanem, yutupela i bikhet i birua long tok strong bilong Mi long ples i no gat man Sin, long strongpela pait bilong bung bilong ol manmeri, long mekim Mi kamap holi long dispela wara long ai bilong ol ai bilong ol. Dispela em i wara bilong Meriba, long Kedes, long ples i no gat man bilong Sin.

27:15  ¶ Na Moses i tokim BIKPELA, i spik,

27:16  Larim BIKPELA, God bilong ol spirit bilong olgeta bodi, putim wanpela man long bosim bung bilong ol manmeri,

27:17  Husat i ken go ausait paslain long ol, na husat i ken kam insait paslain long ol, na husat i ken stiaim ol ausait, na husat i ken bringim ol insait, inap long bung bilong ol manmeri bilong BIKPELA i no ken stap olsem ol sipsip husat i no gat wasman bilong sipsip.

27:18  Na BIKPELA i tokim Moses, Yu kisim Josua, pikinini man bilong Nun, wanpela man insait long husat dispela spirit i stap, na slipim han bilong yu antap long em.

27:19  Na putim em long ai bilong pris Eleasar, na long ai bilong olgeta bung bilong ol manmeri. Na givim em wanpela wok long ai bilong ol.

27:20  Na yu bai putim sampela ona bilong yu antap long em, inap long olgeta bung bilong ol manmeri bilong ol pikinini bilong Isrel i ken bihainim tok.

27:21  Na em bai sanap long ai bilong pris Eleasar, husat bai askim tok helpim bilong helpim em i bihainim kot bilong Yurim long ai bilong BIKPELA. Long tok bilong em ol bai go ausait, na long tok bilong em ol bai kam insait, em, na olgeta pikinini bilong Isrel wantaim em wantaim, yes, olgeta bung bilong ol manmeri.

27:22  Na Moses i mekim olsem BIKPELA i tok strong long em. Na em i kisim Joshua, na putim em long ai bilong pris Eleasar, na long ai bilong olgeta bung bilong ol manmeri.

27:23  Na em i slipim tupela han bilong em antap long em, na givim em wanpela wok, olsem BIKPELA i tok strong long han bilong Moses.

Chapter 28

28:1  ¶ Na BIKPELA i tokim Moses, i spik,

28:2  Tok strong long ol pikinini bilong Isrel, na tokim ol, Ofa bilong Mi, na bret bilong ol sakrifais bilong Mi ol i wokim long paia, bilong wanpela switpela smel i kam long Mi, bai yupela i lukluk gut long en long ofaim long Mi long taim stret bilong ol.

28:3  Na yu bai tokim ol, Dispela em i ofa ol i wokim long paia, dispela yupela bai ofaim i go long BIKPELA, tupela pikinini sipsip bilong namba wan yia husat i no gat mak olgeta wan wan de, bilong wanpela ofa i kuk olgeta bilong oltaim.

28:4  Wanpela pikinini sipsip bai yu ofaim long moning, na arapela pikinini sipsip bai yu ofaim long apinun tru.

28:5  Na wanpela namba ten hap bilong wanpela ifa bilong plaua bilong wanpela ofa bilong kaikai, i abusim wantaim wanpela namba foa hap bilong wanpela hin wel ol i paitim.

28:6  Dispela em i wanpela ofa i kuk olgeta bilong oltaim, dispela Mi makim long maunten Sainai bilong wanpela switpela smel, wanpela sakrifais ol i kukim long paia i go long BIKPELA.

28:7  Na ofa bilong dring bilong en bai stap wanpela namba foa hap bilong wanpela hin bilong dispela wanpela pikinini sipsip. Long ples holi bai yu mekim ol i kapsaitim strongpela wain i go long BIKPELA bilong wanpela ofa bilong dring.

28:8  Na dispela arapela pikinini sipsip bai yu ofa long apinun tru. Olsem ofa bilong kaikai bilong moning, na olsem ofa bilong dring bilong en, yu bai ofaim dispela, wanpela sakrifais ol i wokim long paia, bilong wanpela switpela smel i go long BIKPELA.

28:9  ¶ Na long de sabat, tupela pikinini sipsip bilong namba wan yia husat i no gat mak, na tupela namba ten hap diel plaua bilong wanpela ofa bilong kaikai, i abusim wantaim wel, na ofa bilong dring bilong en,

28:10  Dispela em i ofa i kuk olgeta bilong olgeta wan wan sabat, i no kaunim dispela ofa i kuk olgeta bilong oltaim, na ofa bilong dring bilong en.

28:11  Na long ol stat bilong ol mun bilong yupela, yupela bai ofaim wanpela ofa i kuk olgeta i go long BIKPELA, tupela yangpela bulmakau man, na wanpela sipsip man, sevenpela pikinini sipsip bilong namba wan yia i no gat mak,

28:12  Na tripela namba ten hap diel plaua bilong wanpela ofa bilong kaikai, i abusim wantaim wel, bilong wanpela bulmakau man, na tupela namba ten hap diel plaua bilong wanpela ofa bilong kaikai, i abusim wantaim wel, bilong wanpela sipsip man,

28:13  Na wanpela kain kain namba ten hap diel plaua i abusim wantaim wel bilong wanpela ofa bilong kaikai i go long wanpela pikinini sipsip, bilong wanpela ofa i kuk olgeta bilong wanpela switpela smel, wanpela sakrifais ol i wokim long paia i go long BIKPELA.

28:14  Na ol ofa bilong dring bilong ol bai stap wanpela namba tu hap hin bilong wain i go long wanpela bulmakau man, na wanpela namba tri hap bilong wanpela hin i go long wanpela sipsip man, na wanpela namba foa hap bilong wanpela hin i go long wanpela pikinini sipsip. Dispela em i ofa i kuk olgeta i go long olgeta mun bilong yia.

28:15  Na wanpela pikinini meme bilong ol meme bilong wanpela ofa bilong sin i go long BIKPELA yupela bai ofaim, i no kaunim dispela ofa i kuk olgeta bilong oltaim, na ofa bilong dring bilong en.

28:16  ¶ Na long namba 14 de bilong namba wan mun em i pasova bilong BIKPELA.

28:17  Na long namba 15 de bilong dispela mun em i bikpela kaikai. Sevenpela de yupela bai kaikai bret i no gat yis.

28:18  Long namba wan de bai gat wanpela bung holi. Yupela bai i no inap wokim wanpela kain hatwok long en.

28:19  Tasol yupela bai ofaim wanpela sakrifais ol i wokim long paia bilong wanpela ofa i kuk olgeta i go long BIKPELA, tupela yangpela bulmakau man, na wanpela sipsip man, na sevenpela pikinini sipsip bilong namba wan yia. Ol bai stap bilong yupela i no gat mak nogut.

28:20  Na ol ofa bilong kaikai bilong ol bai stap bilong plaua i abusim wantaim wel. Tripela namba ten hap diel bai yupela i ofaim bilong wanpela bulmakau man, na tupela namba ten hap diel bilong wanpela sipsip man.

28:21  Wanpela kain kain namba ten hap diel bai yu ofaim bilong olgeta wan wan pikinini sipsip, namel long dispela sevenpela pikinini sipsip,

28:22  Na wanpela meme bilong wanpela ofa bilong sin, long wokim wanpela karamapim long mekim i kamap wanbel bilong yupela.

28:23  Yupela bai ofaim ol dispela i no kaunim ofa i kuk olgeta bilong moning, dispela em i bilong wanpela ofa i kuk olgeta bilong oltaim.

28:24  Long bihainim dispela pasin yupela bai ofaim olgeta wan wan de, namel long sevenpela de, ofa bilong kaikai bilong sakrifais ol i wokim long paia, bilong wanpela switpela smel i go long BIKPELA. Dispela yupela bai ofaim i no kaunim dispela ofa i kuk olgeta bilong oltaim, na ofa bilong dring bilong en.

28:25  Na long namba seven de yupela bai gat wanpela bung holi. Yupela bai i no inap wokim wanpela hatwok.

28:26  Na tu long de bilong ol namba wan kaikai, taim yupela i bringim wanpela nupela ofa bilong kaikai i go long BIKPELA, bihain long ol wik bilong yupela i pinis, yupela bai gat wanpela bung holi. Yupela bai i no inap wokim wanpela hatwok.

28:27  Tasol yupela bai ofaim ofa i kuk olgeta bilong wanpela switpela smel i go long BIKPELA. Tupela yangpela bulmakau man, wanpela sipsip man, sevenpela pikinini sipsip bilong namba wan yia,

28:28  Na ofa bilong kaikai bilong ol bilong plaua i abusim wantaim wel, tripela namba ten hap diel i go long wanpela bulmakau man, tupela namba ten hap diel i go long wanpela sipsip man,

28:29  Wanpela kain kain namba ten hap diel i go long wanpela pikinini sipsip, namel long sevenpela pikinini sipsip,

28:30  Na wanpela pikinini meme bilong ol meme, long wokim wanpela karamapim long mekim i kamap wanbel bilong yupela.

28:31  Yupela bai ofaim ol, i no kaunim dispela ofa i kuk olgeta bilong oltaim, na ofa bilong kaikai bilong en, (ol bai stap bilong yupela i no gat mak nogut) na ol ofa bilong dring bilong ol.

Chapter 29

29:1  ¶ Na long namba seven mun, long namba wan de bilong mun, yupela bai gat wanpela bung holi. Yupela bai i no inap mekim wanpela hatwok. Dispela em i wanpela de bilong winim ol biugel i go long yupela.

29:2  Na yupela bai ofaim wanpela ofa i kuk olgeta bilong wanpela switpela smel i go long BIKPELA, wanpela yangpela bulmakau man, wanpela meme man, na sevenpela pikinini sipsip bilong namba wan yia i no gat mak nogut.

29:3  Na ol ofa bilong kaikai bilong ol bai stap bilong plaua i abusim wantaim wel, tripela namba ten hap diel bilong wanpela bulmakau man, na tupela namba ten hap diel bilong wanpela sipsip man,

29:4  Na wanpela namba ten hap diel bilong wanpela pikinini sipsip, namel long sevenpela pikinini sipsip,

29:5  Na wanpela pikinini meme bilong ol meme bilong wanpela ofa bilong sin, long wokim wanpela karamapim long mekim i kamap wanbel bilong yupela.

29:6  Dispela i no kaunim ofa i kuk olgeta bilong dispela mun, na ofa bilong kaikai bilong en, na ofa i kuk olgeta bilong olgeta wan wan de, na ofa bilong kaikai bilong en, na ol ofa bilong dring bilong ol, bilong bihainim pasin bilong ol, bilong wanpela switpela smel, wanpela sakrifais ol i wokim long paia i go long BIKPELA.

29:7  Na yupela bai gat long namba ten de bilong dispela namba seven mun wanpela bung holi. Na yupela bai givim hevi long ol tewel bilong yupela. Yupela i no ken wokim wanpela wok long en.

29:8  Tasol yupela bai ofaim wanpela ofa i kuk olgeta i go long BIKPELA bilong wanpela switpela smel, wanpela yangpela bulmakau man, wanpela sipsip man, na sevenpela pikinini sipsip bilong namba wan yia, ol bai stap bilong yupela i no gat mak nogut.

29:9  Na ofa bilong kaikai bilong ol bai stap bilong plaua i abusim wantaim wel, tripela namba ten hap diel bilong wanpela bulmakau man, na tupela namba ten hap diel bilong wanpela sipsip man,

29:10  Wanpela kain kain namba ten hap diel bilong wanpela pikinini sipsip, namel long dispela dispela sevenpela pikinini sipsip,

29:11  Wanpela pikinini meme bilong ol meme bilong wanpela ofa bilong sin, i no kaunim ofa bilong sin bilong karamapim long mekim i kamap wanbel, na ofa i kuk olgeta bilong oltaim, na ofa bilong kaikai bilong en, na ol ofa bilong dring bilong ol.

29:12  ¶ Na long namba 15 de bilong namba seven mun yupela bai gat wanpela bung holi. Yupela bai i no inap mekim wanpela hatwok, na yupela bai holimpas wanpela bikpela kaikai i go long BIKPELA sevenpela de.

29:13  Na yupela bai ofaim wanpela ofa i kuk olgeta, wanpela sakrifais ol i wokim long paia, bilong wanpela switpela smel i go long BIKPELA, 13 yangpela bulmakau man, tupela sipsip man, na 14 pikinini sipsip bilong namba wan yia, ol bai i no gat mak nogut.

29:14  Na ofa bilong kaikai bilong ol bai stap bilong plaua i abusim wantaim wel, tripela namba ten hap diel bilong olgeta wan wan bulmakau man bilong dispela 13 bulmakau man, tupela namba ten hap diel bilong olgeta wan wan sipsip man bilong dispela tupela sipsip man,

29:15  Na wanpela kain kain namba ten hap diel bilong olgeta wan wan pikinini sipsip bilong dispela 14 pikinini sipsip.

29:16  Na wanpela pikinini meme bilong ol meme bilong wanpela ofa bilong sin, i no kaunim ofa i kuk olgeta bilong oltaim, ofa bilong kaikai bilong en, na ofa bilong dring bilong en.

29:17  Na long namba tu de yupela bai ofaim twelpela yangpela bulmakau man, tupela sipsip man, 14 pikinini sipsip bilong namba wan yia i no gat mak,

29:18  Na ol ofa bilong kaikai bilong ol na ol ofa bilong dring bilong ol bilong ol bulmakau man, bilong ol sipsip man, na bilong ol pikinini sipsip, bai stap bilong bihainim ol namba bilong ol, i bihainim dispela pasin,

29:19  Na wanpela pikinini meme bilong ol meme bilong wanpela ofa bilong sin, i no kaunim ofa i kuk olgeta bilong oltaim, na ofa bilong kaikai bilong en, na ol ofa bilong dring bilong ol.

29:20  Na long namba tri de elevenpela bulmakau man, tupela sipsip man, 14 pikinini sipsip bilong namba wan yia i no gat mak nogut,

29:21  Na ofa bilong kaikai bilong ol na ol ofa bilong dring bilong ol bilong ol bulmakau man, bilong ol sipsip man, na bilong ol pikinini sipsip, bai stap bilong bihainim ol namba bilong ol, i bihainim dispela pasin,

29:22  Na wanpela meme bilong wanpela ofa bilong sin, i no kaunim ofa i kuk olgeta bilong oltaim, na ofa bilong kaikai bilong en, na ofa bilong dring bilong en.

29:23  Na long namba foa de tenpela bulmakau man, tupela sipsip man, na 14 pikinini sipsip bilong namba wan yia i no gat mak nogut,

29:24  Na ofa bilong kaikai bilong ol na ol ofa bilong dring bilong ol bilong ol bulmakau man, bilong ol sipsip man, na bilong ol pikinini sipsip, bai stap bilong bihainim ol namba bilong ol, i bihainim dispela pasin,

29:25  Na wanpela pikinini meme bilong ol meme bilong wanpela ofa bilong sin, i no kaunim ofa i kuk olgeta bilong oltaim, ofa bilong kaikai bilong en, na ofa bilong dring bilong en.

29:26  Na long namba faiv de nainpela bulmakau man, tupela sipsip man, na 14 pikinini sipsip bilong namba wan yia i no gat mak nogut,

29:27  Na ofa bilong kaikai bilong ol na ol ofa bilong dring bilong ol bilong ol bulmakau man, bilong ol sipsip man, na bilong ol pikinini sipsip, bai stap bilong bihainim ol namba bilong ol, i bihainim dispela pasin,

29:28  Na wanpela meme bilong wanpela ofa bilong sin, i no kaunim ofa i kuk olgeta bilong oltaim, na ofa bilong kaikai bilong en, na ofa bilong dring bilong en.

29:29  Na long namba sikis de etpela bulmakau man, tupela sipsip man, na 14 pikinini sipsip bilong namba wan yia i no gat mak nogut,

29:30  Na ofa bilong kaikai bilong ol na ol ofa bilong dring bilong ol bilong ol bulmakau man, bilong ol sipsip man, na bilong ol pikinini sipsip, bai stap bilong bihainim ol namba bilong ol, i bihainim dispela pasin,

29:31  Na wanpela meme bilong wanpela ofa bilong sin, i no kaunim ofa i kuk olgeta bilong oltaim, ofa bilong kaikai bilong en, na ofa bilong dring bilong en.

29:32  Na long namba seven de sevenpela bulmakau man, tupela sipsip man, na 14 pikinini sipsip bilong namba wan yia i no gat mak nogut,

29:33  Na ofa bilong kaikai bilong ol na ol ofa bilong dring bilong ol bilong ol bulmakau man, bilong ol sipsip man, na bilong ol pikinini sipsip, bai stap bilong bihainim ol namba bilong ol, i bihainim dispela pasin,

29:34  Na wanpela meme bilong wanpela ofa bilong sin, i no kaunim ofa i kuk olgeta bilong oltaim, ofa bilong kaikai bilong en, na ofa bilong dring bilong en.

29:35  Na long namba et de yupela bai gat wanpela bung holi. Yupela bai i no inap wokim wanpela hatwok long en.

29:36  Tasol yupela bai ofaim wanpela ofa i kuk olgeta, wanpela sakrifais ol i wokim long paia, bilong wanpela switpela smel i go long BIKPELA, wanpela bulmakau man, wanpela sipsip man, sevenpela pikinini sipsip bilong namba wan yia i no gat mak nogut,

29:37  Ol ofa bilong kaikai bilong ol na ol ofa bilong dring bilong bulmakau man, bilong sipsip man, na bilong ol pikinini sipsip, bai stap bilong bihainim namba bilong ol, i bihainim dispela pasin,

29:38  Na wanpela meme bilong wanpela ofa bilong sin, i no kaunim ofa i kuk olgeta bilong oltaim, na ofa bilong kaikai bilong en, na ofa bilong dring bilong en.

29:39  Ol dispela samting yupela bai mekim i go long BIKPELA long ol bikpela kaikai bilong yupela Mi makim, i no kaunim ol strongpela promis bilong yupela, na ol ofa long laik bilong bel bilong yupela, bilong ol ofa i kuk olgeta bilong yupela, na bilong ol ofa bilong kaikai bilong yupela, na bilong ol ofa bilong dring bilong yupela, na bilong ol ofa bilong givim bel isi bilong yupela.

29:40  Na Moses i tokim ol pikinini bilong Isrel bilong bihainim olgeta samting BIKPELA i tok strong long Moses.

Chapter 30

30:1  ¶ Na Moses i tokim ol het bilong ol lain long sait bilong ol pikinini bilong Isrel, i spik, Dispela em i samting BIKPELA i bin tok strong.

30:2  Sapos wanpela man i wokim wanpela strongpela promis i go long BIKPELA, o wokim wanpela strongpela promis long pasim tewel bilong em wantaim strongpela promis, em i no ken brukim tok bilong em, em bai mekim bilong bihainim olgeta samting i kam ausait long maus bilong em.

30:3  ¶ Sapos wanpela meri tu i wokim wanpela strongpela promis i go long BIKPELA, na pasim em yet wantaim wanpela strongpela promis, taim emi stap long haus bilong papa bilong em, taim em i stap yangpela,

30:4  Na papa bilong em i harim strongpela promis bilong em, na strongpela promis bilong em we em i bin pasim tewel bilong em long en, na papa bilong em bai pasim maus bilong em long em, orait olgeta strongpela promis bilong em bai sanap, na olgeta wan wan strongpela promis we em i bin pasim tewel bilong em long en bai sanap.

30:5  Tasol sapos papa bilong em i tok nogat long em long dispela de em i harim, i no gat wanpela bilong ol strongpela promis bilong em, o ol strongpela promis bilong em we em i bin pasim tewel bilong em long en, bai sanap. Na BIKPELA bai lusim sin bilong em, bilong wanem, papa bilong em i tok nogat long em.

30:6  Na sapos meri i gat wanpela man bilong em liklik, taim em i wokim strongpela promis, o wanpela hap toktok i kam ausait long tupela lip bilong em, we em i pasim tewel bilong em long en,

30:7  Na man bilong em i harim dispela, na pasim maus bilong em long em long dispela de em i harim dispela, orait ol strongpela promis bilong em bai sanap, na ol pasim we em i pasim tewel bilong em long en bai sanap.

30:8  Tasol sapos man bilong em i tok nogat long em long dispela de em i harim dispela, orait em bai mekim dispela strongpela promis bilong em em i wokim, na dispela samting em i toktok wantaim tupela lip bilong em, we em i pasim tewel bilong em long en, i no gat mining. Na BIKPELA bai lusim sin bilong em.

30:9  Tasol olgeta wan wan strongpela promis bilong wanpela meri man bilong em i dai pinis, na bilong em husat marit i bruk, we ol i bin pasim ol tewel bilong ol long en, bai sanap i birua long em.

30:10  Na sapos em i wokim strongpela promis insait long haus bilong man bilong em, o pasim tewel bilong em wantaim wanpela strongpela promis,

30:11  Na man bilong em i harim dispela, na pasim maus bilong em long em, na i no tok nogat long em, orait olgeta strongpela promis bilong em bai sanap, na olgeta wan wan pasim we em i pasim tewel bilong em long en bai sanap.

30:12  Tasol sapos man bilong em i bin mekim ol long kamap samting nating olgeta long dispela de em i harim ol, orait wanem samting i kam ausait long tupela lip bilong meri long sait bilong ol strongpela promis bilong em, o long sait bilong pasim bilong tewel bilong em, bai i no inap sanap. Man bilong em i bin mekim ol samting nating. Na BIKPELA bai lusim sin bilong em.

30:13  Olgeta wan wan strongpela promis, na olgeta wan wan strongpela promis i pasim long givim hevi long tewel, man bilong em i ken strongim dispela, o man bilong em i ken mekim dispela long kamap samting nating.

30:14  Tasol sapos man bilong em i pasim maus bilong em olgeta long em long olgeta wan wan de, orait man i strongim olgeta strongpela promis bilong em, o olgeta pasim bilong em, dispela i stap antap long em. Man i strongim ol, bilong wanem, em i pasim maus bilong em long em long dispela de em i harim ol.

30:15  Tasol sapos em bai mekim ol long kamap samting nating long wanpela rot bihain long em i bin harim ol, orait em bai karim sin nogut bilong meri.

30:16  Ol dispela em i ol lo ol i raitim, dispela BIKPELA i tok strong long Moses, namel long wanpela man na meri bilong em, namel long papa na pikinini meri bilong em, taim em i stap yangpela yet insait long haus bilong papa bilong em.

Chapter 31

31:1  ¶ Na BIKPELA i tokim Moses, i spik,

31:2  Bekim pe nogut bilong ol pikinini bilong Isrel long ol lain Midian. Bihain long en bai Mi bungim yu i go long ol manmeri bilong yu.

31:3  Na Moses i tokim ol manmeri, i spik, Redim long pait sampela bilong yupela yet bilong redi long bikpela pait, na larim ol i go birua long ol lain Midian, na bekim pe nogut bilong BIKPELA long Midian.

31:4  Bilong olgeta wan wan lain wan tausen, namel long olgeta lain bilong Isrel, bai yupela i salim long bikpela pait.

31:5  Olsem na ol i givim i kam ausait long ol tausen bilong Isrel, wan tausen bilong olgeta wan wan lain, 12,000 i gat ol samting bilong bikpela pait.

31:6  Na Moses i salim ol i go long bikpela pait, wan tausen bilong olgeta wan wan lain, ol na Finias, pikinini man bilong pris Eleasar, long bikpela pait, wantaim ol samting bilong wok holi, na ol biugel bilong winim long han bilong em.

31:7  ¶ Na ol i wokim bikpela pait birua long ol lain Midian, olsem BIKPELA i tok strong long Moses. Na ol i kilim i dai olgeta man.

31:8  Na ol i kilim i dai olgeta king bilong Midian, i no kaunim olgeta arapela bilong ol husat ol i kilim i dai. Em i olsem, Evi, na Rekem, na Sur, na Hur, na Reba, faipela king bilong Midian. Belam tu, pikinini man bilong Beor, ol i kilim i dai wantaim bainat.

31:9  Na ol pikinini bilong Isrel i kisim olgeta meri bilong Midian kalabus, na ol liklik pikinini bilong ol, na kisim ol kago bilong pait bilong olgeta bulmakau bilong ol, na olgeta lain sipsip bilong ol, na olgeta kago bilong ol.

31:10  Na ol i kukim olgeta olgeta biktaun bilong ol we ol i save stap long en, na olgeta nambawan haus king bilong ol, wantaim paia.

31:11  Na ol i kisim olgeta kago bilong pait, na olgeta prais bilong pait, bilong ol man na bilong ol animal wantaim.

31:12  Na ol i bringim ol kalabus, na prais bilong pait, na ol kago bilong pait, i go long Moses, na pris Eleasar, na i go long bung bilong ol manmeri bilong ol pikinini bilong Isrel, i go long kem long ples stret bilong Moap, dispela i stap klostu long Jordan klostu long Jeriko.

31:13  ¶ Na Moses, na pris Eleasar, na olgeta hetman bilong bung bilong ol manmeri, i go ausait long bungim ol ausait long kem.

31:14  Na Moses i belhat tru wantaim ol ofisa bilong ami, wantaim ol kepten long bosim ol tausen, na ol kepten long bosim ol handret, husat i kam long dispela pait.

31:15  Na Moses i tokim ol, Ating yupela i bin kisim bek olgeta meri i stap laip, a?

31:16  Lukim, ol dispela i mekim ol pikinini bilong Isrel, long tok helpim bilong Belam, long mekim pasin bilong sakim lo i birua long BIKPELA long samting bilong Pior, na i gat wanpela sik nogut namel long bung bilong ol manmeri bilong BIKPELA.

31:17  Olsem na nau kilim i dai olgeta wan wan man namel long ol liklik pikinini, na kilim i dai olgeta wan wan meri husat i bin save long man taim em i slip wantaim em.

31:18  Tasol olgeta meri pikinini, husat i no bin save long wanpela man taim em i slip wantaim em, larim ol i stap laip bilong yupela yet.

31:19  Na yupela i mas stap ausait long kem sevenpela de. Husat man i bin kilim i dai wanpela man, na husat man i bin tasim wanpela husat ol i kilim i dai pinis, klinim yupela yet na ol kalabus bilong yupela wantaim long namba tri de, na long namba seven de.

31:20  Na klinim olgeta klos bilong yupela, na olgeta samting ol i wokim long ol skin, na olgeta samting ol i wokim long gras bilong meme, na olgeta samting ol i wokim long diwai.

31:21  Na pris Eleasar i tokim ol man bilong bikpela pait husat i go long dispela pait, Dispela em i lo God i makim bilong lo, dispela BIKPELA i tok strong long Moses.

31:22  Gol tasol, na silva, bras, ain, tin, na led,

31:23  Olgeta dispela wan wan samting i inap long stap long paia, yupela bai mekim dispela i go namel long paia, na em bai stap klin. Tasol em bai kamap klin wantaim wara bilong bruk. Na olgeta samting i no inap stap long paia, yupela bai mekim i go namel long wara.

31:24  Na yupela bai wasim ol klos bilong yupela long namba seven de, na yupela bai stap klin, na bihain long en, yupela bai kam insait long kem.

31:25  ¶ Na BIKPELA i tokim Moses, i spik,

31:26  Kisim namba olgeta bilong dispela prais bilong pait ol i kisim, ol man na ol animal wantaim, yu, na pris Eleasar, na ol nambawan papa bilong bung bilong ol manmeri.

31:27  Na brukim prais bilong pait i go long tupela hap, namel long ol husat i kisim bikpela pait antap long ol, husat i go ausait long pait, na namel long olgeta bung bilong ol manmeri.

31:28  Na kirapim wanpela takis i go long BIKPELA long ol man bilong bikpela pait husat i go ausait long pait, wanpela tewel bilong 500, bilong ol manmeri, na bilong ol bulmakau, na bilong ol donki, na bilong ol sipsip wantaim.

31:29  Kisim dispela bilong namba tu hap bilong ol, na givim dispela i go long pris Eleasar, bilong wanpela ofa bilong litimapim i go long BIKPELA.

31:30  Na bilong namba tu hap bilong ol pikinini bilong Isrel, yu bai kisim wanpela hap skel bilong 50, bilong ol manmeri, bilong ol bulmakau, bilong ol donki, na bilong ol lain sipsip, bilong olgeta kain animal, na givim ol i go long ol lain Livai, husat i holimpas wok bilong haus sel holi bilong BIKPELA.

31:31  Na Moses na pris Eleasar i mekim olsem BIKPELA i tok strong long Moses.

31:32  Na prais bilong pait, taim em i stap olgeta dispela arapela hap bilong prais bilong pait ol man bilong bikpela pait i bin kisim, em i 675,000 sipsip,

31:33  Na 72,000 bulmakau,

31:34  Na 61,000 donki,

31:35  Na 32,000 meri olgeta, bilong ol meri husat i no bin save long man taim em i slip wantaim em.

31:36  Na namba tu hap, dispela i hap skel bilong ol husat i go ausait long bikpela pait, em i long namba 337,500 sipsip.

31:37  Na takis bilong BIKPELA bilong ol sipsip em i 675.

31:38  Na ol bulmakau em 36,000. Bilong dispela, takis bilong BIKPELA em i 72.

31:39  Na ol donki em i 30,500. Bilong dispela, takis bilong BIKPELA em i 61.

31:40  Na ol meri em i 16,000. Bilong dispela, takis bilong BIKPELA em i 32 meri.

31:41  Na Moses i givim takis, dispela em i ofa bilong litimapim bilong BIKPELA, i go long pris Eleasar, olsem BIKPELA i tok strong long Moses.

31:42  Na bilong namba tu hap bilong ol pikinini bilong Isrel, dispela Moses i brukim i lusim ol man husat i wokim bikpela pait,

31:43  (Nau dispela namba tu hap i bilong bung bilong ol manmeri em i 337,500 sipsip,

31:44  Na 36,000 bulmakau,

31:45  Na 30,500 donki,

31:46  Na 16,000 manmeri,)

31:47  Yes, namba tu hap bilong ol pikinini bilong Isrel, Moses i kisim wanpela hap skel bilong 50, long man na ol animal wantaim, na givim ol i go long ol lain Livai, husat i holimpas wok bilong haus sel holi bilong BIKPELA, olsem BIKPELA i tok strong long Moses.

31:48  ¶ Na ol ofisa husat i bosim ol tausen bilong ami, ol kepten bilong ol tausen, na ol kepten bilong ol handret, i kam klostu long Moses.

31:49  Na ol i tokim Moses, Ol wokboi bilong yu i bin kisim namba olgeta bilong ol man bilong bikpela pait husat i stap aninit long wok bilong mipela, na i no gat wanpela man bilong mipela i sot.

31:50  Olsem na mipela i bin bringim wanpela ofa bilong BIKPELA, wanem samting olgeta wan wan man bin kisim, bilong ol bilas i dia tru bilong gol, ol sen, na ol paspas, ol ring, ol ring bilong ia, na ol bilas taplet, long wokim wanpela karamapim long mekim i kamap wanbel bilong ol tewel bilong mipela long ai bilong BIKPELA.

31:51  Na Moses na pris Eleasar i kisim gol bilong ol, yes, olgeta bilas i dia tru ol man i wokim.

31:52  Na olgeta gol bilong ol ofa, dispela ol i ofaim i go long BIKPELA, bilong ol kepten bilong ol tausen, na bilong ol kepten bilong ol handret, em i 16,750 sekel.

31:53  (Long wanem, ol man bilong bikpela pait i bin kisim kago bilong pait, olgeta wan wan man bilong em yet.)

31:54  Na Moses na pris Eleasar i kisim gol bilong ol kepten bilong ol tausen na bilong ol handret, na bringim dispela i go long haus sel holi bilong bung bilong ol manmeri, bilong wanpela samting bilong holim tingting bilong ol pikinini bilong Isrel long ai bilong BIKPELA.

Chapter 32

32:1  ¶ Nau ol pikinini bilong Ruben na ol pikinini bilong Gat i gat traipela lain tru bilong ol bulmakau samting. Na taim ol i lukim hap bilong Jaser, na hap bilong Gileat, long, lukim, dispela ples em i wanpela ples bilong ol bulmakau samting,

32:2  Ol pikinini bilong Gat na ol pikinini bilong Ruben i kam na toktok long Moses, na long pris Eleasar, na long ol hetman bilong bung bilong ol manmeri, i spik,

32:3  Atarot, na Dibon, na Jaser, na Nimra, na Hesbon, na Eleale, na Sebam, na Nibo, na Beon,

32:4  Yes, dispela hap BIKPELA i paitim long ai bilong bung bilong ol manmeri bilong Isrel, em i wanpela hap bilong ol bulmakau samting, na ol wokboi bilong yu i gat ol bulmakau samting.

32:5  Olsem na, ol i tok, sapos mipela i bin painim pinis marimari long ai bilong yu, larim dispela hap yu ken givim i go long ol wokboi bilong yu bilong wanpela holimpas, na yu no ken bringim mipela hapsait long Jordan.

32:6  Na Moses i tokim ol pikinini bilong Gat, na ol pikinini bilong Ruben, Ating ol brata bilong yupela bai go long bikpela pait, na bai yupela i sindaun hia?

32:7  Na olsem wanem na yupela i laik bagarapim strong bilong bel bilong ol pikinini bilong Isrel long go hapsait i go long dispela hap long pait, dispela BIKPELA i bin givim ol?

32:8  Olsem tasol ol papa bilong yupela i bin mekim, taim mi salim ol i lusim Kedes-bania long lukluk long dispela hap.

32:9  Long wanem, taim ol i go antap i go long ples daun bilong Eskol, na lukim dispela hap, ol i bagarapim strong bilong bel bilong ol pikinini bilong Isrel long pait, inap long ol i no laik go insait long dispela hap BIKPELA i bin givim ol.

32:10  Na belhat bilong BIKPELA i bin kirap long dispela taim stret, na Em i wokim strongpela promis, i spik,

32:11  Tru tumas, i no gat wanpela bilong ol dispela man husat i kam ausait long Isip, i stat long 20 krismas i go antap, bai lukim dispela hap Mi wokim strongpela promis long en i go long Ebraham, i go long Aisak, na i go long Jekop. Bilong wanem, ol i no bin bihainim Mi olgeta.

32:12  Kelep tasol, pikinini man bilong man Kenes Jefune, na Joshua, pikinini man bilong Nun. Long wanem, ol i bin bihainim BIKPELA olgeta.

32:13  Na belhat bilong BIKPELA i kirap i birua long Isrel. Na Em i mekim ol i raun nating long ples i no gat man 40 yia, inap long olgeta dispela lain tumbuna, husat i bin mekim pasin nogut long ai bilong BIKPELA, Em i kaikai ol olgeta.

32:14  Na, lukim, yupela i kirap long kisim ples bilong ol papa bilong yupela, wanpela lain bilong ol man i pulap long sin i kamap planti moa, bilong mekim i go bikpela yet strongpela belhat bilong BIKPELA i go long Isrel.

32:15  Long wanem, sapos yupela i tanim na lusim pasin bilong bihainim Em, Em bai yet lusim ol gen long ples i no gat man. Na yupela bai bagarapim olgeta olgeta dispela lain manmeri.

32:16  ¶ Na ol i kam klostu long em, na tok, Mipela bai wokim ol haus sipsip hia bilong ol bulmakau samting bilong mipela, na ol biktaun bilong ol liklik pikinini bilong mipela.

32:17  Tasol mipela yet bai go redi wantaim ol samting bilong pait long ai bilong ol pikinini bilong Isrel, inap long mipela i bin bringim ol i go long ples bilong ol. Na ol liklik pikinini bilong mipela bai stap long ol biktaun i gat banis, bilong tingim ol husat i stap long dispela hap.

32:18  Mipela bai i no inap go bek long ol haus bilong mipela, inap long olgeta wan wan man bilong ol pikinini bilong Isrel i bin kisim samting papa i givim pikinini bilong em.

32:19  Long wanem, mipela i no inap kisim samting papa i givim pikinini wantaim ol long hapsait long Jordan, o antap. Bilong wanem, samting papa i givim pikinini bilong mipela i pundaun long mipela long dispela sait long Jordan i go long hap is.

32:20  Na Moses i tokim ol, Sapos yupela bai mekim dispela samting, sapos yupela bai go wantaim ol samting bilong pait long ai bilong BIKPELA long bikpela pait,

32:21  Na olgeta bilong yupela bai go wantaim ol samting bilong pait hapsait long Jordan long ai bilong BIKPELA, inap long Em i bin ranim i go ausait ol birua bilong Em long ai bilong Em,

32:22  Na dispela hap i stap aninit long ai bilong BIKPELA, orait bihain long en yupela bai go bek, na i no gat asua long ai bilong BIKPELA, na long ai bilong Isrel. Na dispela hap bai stap holimpas bilong yupela long ai bilong BIKPELA.

32:23  Tasol sapos yupela i no laik mekim olsem, lukim, yupela i bin mekim sin i birua long BIKPELA. Na save tru long sin bilong yupela bai painimaut yupela.

32:24  Wokim bilong yupela ol biktaun bilong ol liklik pikinini bilong yupela, na ol haus sipsip bilong ol sipsip bilong yupela. Na mekim dispela samting i bin kam ausait long maus bilong yupela.

32:25  Na ol pikinini bilong Gat na ol pikinini bilong Ruben i tokim Moses, i spik, Ol wokboi bilong yu bai mekim olsem bikman bilong mi i tok strong.

32:26  Ol liklik pikinini bilong mipela, ol meri bilong mipela, ol lain sipsip bilong mipela, na olgeta bulmakau samting bilong mipela, bai stap long dispela hap, long ol biktaun bilong Gileat

32:27  Tasol ol wokboi bilong yu bai go hapsait, olgeta wan wan man wantaim ol samting bilong pait bilong bikpela pait, long ai bilong BIKPELA long pait, olsem bikman bilong mi i tok.

32:28  ¶ Olsem na long sait bilong ol Moses i tok strong long pris Eleasar, na Josua, pikinini man bilong Nun, na ol nambawan papa bilong ol lain bilong ol pikinini bilong Isrel.

32:29  Na Moses i tokim ol, Sapos ol pikinini bilong Gat na ol pikinini bilong Ruben bai go wantaim yupela hapsait long Jordan, olgeta wan wan man wantaim ol samting bilong pait long pait, long ai bilong BIKPELA, na dispela hap bai stap aninit long ai bilong yupela, orait yupela bai givim ol dispela hap bilong Gileat bilong wanpela holimpas.

32:30  Tasol sapos ol i no laik go hapsait wantaim yupela wantaim ol samting bilong pait, ol bai gat ol holimpas namel long yupela long hap bilong Kenan.

32:31  Na ol pikinini bilong Gat na ol pikinini bilong Ruben i bekim tok, i spik, Olsem BIKPELA i bin tokim ol wokboi bilong yu, olsem tasol bai mipela i mekim.

32:32  Mipela bai go hapsait wantaim ol samting bilong pait long ai bilong BIKPELA i go long hap bilong Kenan, inap long holimpas bilong ol samting papa i givim pikinini bilong mipela long dispela sait long Jordan i ken stap bilong mipela.

32:33  Na Moses i givim i go long ol, yes, long ol pikinini bilong Gat, na long ol pikinini bilong Ruben, na i go long hap lain bilong Manasa, pikinini man bilong Josep, kingdom bilong Saihon, king bilong ol lain Amor, na kingdom bilong Ok, king bilong Basan, dispela hap, wantaim ol biktaun bilong en insait long ol arere, yes, ol biktaun bilong hap raun nabaut.

32:34  Na ol pikinini bilong Gat i wokim Dibon, na Atarot, na Aroa,

32:35  Na Atrot, Sofan, na Jaser, na Jokbeha,

32:36  Na Bet-nimra, na Bet-haran, ol biktaun i gat banis, na ol haus sipsip bilong ol sipsip.

32:37  Na ol pikinini bilong Ruben i wokim Hesbon, na Eleale, na Kiriatim,

32:38  Na Nibo, na Bal-meon, (bikos ol i senisim ol nem bilong ol,) na Sibma. Na ol i givim ol arapela nem i go long ol dispela biktaun ol i wokim.

32:39  Na ol pikinini bilong Makir, pikinini man bilong Manasa, i go long Gileat, na kisim dispela, na kisim ol holimpas bilong ol lain Amor husat i stap long en.

32:40  Na Moses i givim Gileat i go long Makir, pikinini man bilong Manasa. Na em i stap long en.

32:41  Na Jair, pikinini man bilong Manasa, i go na kisim ol liklik taun bilong en, na kolim ol Havot-jair.

32:42  Na Noba i go na kisim Kenat, na ol vilis bilong en, na kolim dispela Noba, i bihainim nem bilong em yet.

Chapter 33

33:1  ¶ Ol dispela em ol wokabaut bilong ol pikinini bilong Isrel, husat i lusim hap bilong Isip i go ausait wantaim ol ami bilong ol aninit long han bilong Moses na Eron.

33:2  Na Moses i raitim ol taim bilong go ausait bilong ol bilong bihainim ol wokabaut bilong ol long tok strong bilong BIKPELA. Na ol dispela em ol wokabaut bilong ol bilong bihainim ol taim bilong go ausait bilong ol.

33:3  Na ol i lusim Rameses long namba wan mun, long namba 15 de bilong namba wan mun. Long moning bihain long pasova ol pikinini bilong Isrel i go ausait wantaim wanpela han antap long ai bilong olgeta lain Isip.

33:4  Long wanem, ol lain Isip i planim olgeta namba wan pikinini bilong ol, husat BIKPELA i bin paitim namel long ol. Antap long ol god bilong ol tu BIKPELA i wokim ol kot.

33:5  Na ol pikinini bilong Isrel i lusim Rameses, na sanapim ol haus sel long Sukot.

33:6  Na ol i lusim Sukot, na sanapim ol haus sel long Etam, dispela em i long arere bilong ples i no gat man.

33:7  Na ol i lusim Etam, na tanim gen i go long Pi-hahirot, dispela i stap long ai bilong Bal-sefon. Na ol i sanapim ol haus sel long ai bilong Mikdol.

33:8  Na ol i lusim ai bilong Pi-hahirot, na wokabaut namel long namel bilong biksi i go long ples i no gat man, na go tripela de wokabaut insait long ples i no gat man bilong Etam, na sanapim ol haus sel long Mara.

33:9  Na ol i lusim Mara, na kam long Elim. Na long Elim twelpela ai bilong wara i sut i stap, na 70 diwai palmen. Na ol i sanapim ol haus sel long dispela hap.

33:10  Na ol i lusim Elim, na wokim kem klostu long Retsi.

33:11  Na ol i lusim Retsi, na wokim kem long ples i no gat man bilong Sin.

33:12  Na ol i kisim wokabaut bilong ol i go ausait long ples i no gat man bilong Sin, na wokim kem long Dopka.

33:13  Na ol i lusim Dopka, na wokim kem long Alus.

33:14  Na ol i lusim Alus, na wokim kem long Refidim, we i no gat wara bilong ol manmeri long dring.

33:15  Na ol i lusim Refidim, na sanapim ol haus sel long ples i no gat man bilong Sainai.

33:16  Na ol i lusim ples i no gat man Sainai, na sanapim ol haus sel long Kibrot-hateava.

33:17  Na ol i lusim Kibrot-hateava, na wokim kem long Haserot.

33:18  Na ol i lusim Haserot, na sanapim ol haus sel long Ritma.

33:19  Na ol i lusim Ritma, na sanapim ol haus sel long Rimon-peres.

33:20  Na ol i lusim Rimon-peres, na sanapim ol haus sel long Lipna.

33:21  Na ol i lusim Lipna, na sanapim ol haus sel long Risa.

33:22  Na ol i wokabaut i lusim Risa, na sanapim ol haus sel long Kehelata.

33:23  Na ol i lusim Kehelata, na sanapim ol haus sel long maunten Safer.

33:24  Na ol i lusim maunten Safer, na wokim kem long Harada,

33:25  Na ol i lusim Harada, na sanapim ol haus sel long Makhelot.

33:26  Na ol i lusim Makhelot, na wokim kem long Tahat.

33:27  Na ol i lusim Tahat, na sanapim ol haus sel long Tera.

33:28  Na ol i lusim Tera, na sanapim ol haus sel long Mitka.

33:29  Na ol i lusim Mitka, na sanapim ol haus sel long Hasmona.

33:30  Na ol i lusim Hasmona, na wokim kem long Moserot.

33:31  Na ol i lusim Moserot, na sanapim ol haus sel long Bene-jakan.

33:32  Na ol i lusim Bene-jakan, na wokim kem long Hor-hagitgat.

33:33  Na ol i lusim Hor-hagitgat, na sanapim ol haus sel long Jotbata.

33:34  Na ol i lusim Jotbata, na wokim kem long Ebrona.

33:35  Na ol i lusim Ebrona, na wokim kem long Esion-geber.

33:36  Na ol i lusim Esion-geber, na sanapim ol haus sel long ples i no gat man bilong Sin, dispela em Kedes.

33:37  Na ol i lusim Kedes, na sanapim ol haus sel long maunten Hor, long arere bilong hap bilong Idom.

33:38  Na pris Eron i go antap long maunten Hor long tok strong bilong BIKPELA, na dai pinis long dispela hap, long namba 40 yia bihain long ol pikinini bilong Isrel i kam ausait long hap bilong Isip, long namba wan de bilong namba faiv mun.

33:39  Na Eron i gat 123 krismas taim em i dai pinis long maunten Hor.

33:40  Na man Kenan king Arat, husat i stap long hap saut bilong hap bilong Kenan, i harim long ol pikinini bilong Isrel i kam.

33:41  Na ol i lusim maunten Hor, na sanapim ol haus sel long Salmona.

33:42  Na ol i lusim Salmona, na sanapim ol haus sel long Punon.

33:43  Na ol i lusim Punon, na sanapim ol haus sel long Obot.

33:44  Na ol i lusim Obot, na sanapim ol haus sel long Ise-abarim, long arere bilong Moap.

33:45  Na ol i lusim Im, na sanapim ol haus sel long Dibon-gat.

33:46  Na ol i lusim Dibon-gat, na wokim kem long Almon-diplataim.

33:47  Na ol i lusim Almon-diplataim, na sanapim ol haus sel long ol maunten bilong Abarim, long ai bilong Nibo.

33:48  Na ol i lusim ol maunten bilong Abarim, na sanapim ol haus sel long ol ples stret bilong Moap klostu long Jordan klostu long Jeriko.

33:49  Na ol i sanapim ol haus sel klostu long Jordan, i stat long Bet-jesimot, yes, i go inap long Abel-sitim, long ol ples stret bilong Moap.

33:50  ¶ Na BIKPELA i tokim Moses long ol ples stret bilong Moap klostu long Jordan klostu long Jeriko, i spik,

33:51  Toktok long ol pikinini bilong Isrel, na tokim ol, Taim yupela i brukim Jordan pinis i go long hap bilong Kenan,

33:52  Nau yupela bai ranim i go ausait olgeta husat i stap long dispela hap long ai bilong yupela, na bagarapim olgeta olgeta piksa bilong ol, na bagarapim olgeta olgeta piksa god ain bilong ol, na rausim i go daun olgeta olgeta ples antap bilong ol.

33:53  Na yupela bai kisim ol holimpas bilong ol husati stap long dispela hap, na stap long ol. Long wanem, Mi bin givim long yupela dispela hap bilong holimpas dispela.

33:54  Na yupela bai brukim dispela hap long satu bilong wanpela samting papa i givim pikinini namel long ol famili bilong yupela. Na long lain i moa yupela bai givim moa samting papa i givim pikinini. Na long lain i liklik moa, yupela bai givim liklik moa samting papa i givim pikinini. Samting papa i givim pikinini bilong olgeta wan wan man bai stap long ples we hap skel bilong em i pundaun. Bilong bihainim ol lain bilong ol tumbuna papa bilong yupela, yupela bai kisim samting papa i givim pikinini.

33:55  Tasol sapos yupela i no laik ranim i go ausait ol husat i stap long dispela hap long ai bilong yupela, orait em bai kamap olsem, long ol dispela husat yupela larim i stap yet bilong ol bai stap ol samting i gat sap long ol ai bilong yupela, na ol nil long ol sait bilong yupela. Na ol bai givim hevi long yupela long hap we yupela bai stap long en.

33:56  Na moa tu em bai kamap olsem, long Mi bai mekim long yupela, olsem yupela i bin tingting long mekim long ol.

Chapter 34

34:1  ¶ Na BIKPELA i tokim Moses, i spik,

34:2  Tok strong long ol pikinini bilong Isrel, na tokim ol, Taim yupela i kam long hap bilong Kenan, (dispela em i dispela hap bai pundaun i go long yupela bilong wanpela samting papa i givim pikinini, yes, hap bilong Kenan wantaim ol arere bilong en,)

34:3  Orait hap saut graun bilong yupela bai stat long ples i no gat man bilong Sin i klostu long arere bilong Idom, na hap saut arere bilong yupela bai stap las hap arere bilong biksi sol i go long hap is.

34:4  Na arere bilong yupela bai tanim i lusim hap saut i go long antap bilong Akrabim, na ran i go inap long Sin. Na go ausait bilong en bai stat long hap saut i go long Kedes-bania, na bai go yet long Hasar-adar, na go yet long Asmon.

34:5  Na arere bai raunim hap i stat long Asmon i go inap long riva bilong Isip, na ol go ausait bilong en bai stap long biksi.

34:6  Na long sait bilong hap arere bilong hap wes, yes, yupela bai gat bikpela biksi bilong wanpela arere. Dispela bai stap arere bilong hap wes bilong yupela.

34:7  Na dispela bai stap arere bilong yupela long hap not. I stat long bikpela biksi, yupela bai makim maunten Hor long yupela.

34:8  I stat long maunten Hor yupela bai makim hap arere bilong yupela i go long dua bilong Hemat. Na go ausait bilong dispela arere bai go long Sedat.

34:9  Na arere bai go yet long Sifron, na ol go ausait bilong en bai stap long Hasar-enan. Dispela bai stap hap arere not bilong yupela.

34:10  Na yupela bai makim hap is arere bilong yupela i stat long Hasar-enan i go long Sefam.

34:11  Na arere bai go daun i lusim Sefam i go long Ripla, long is sait bilong Ain. Na arere bai go daun, na bai go inap long sait bilong biksi bilong Kineret long hap is.

34:12  Na arere bai go daun long Jordan, na ol go ausait bilong en bai stap long biksi sol. Dispela bai stap hap bilong yupela wantaim ol arere bilong en raun nabaut.

34:13  Na Moses i tok strong long ol pikinini bilong Isrel, i spik, Dispela em i dispela hap yupela bai kisim olsem samting papa i givim pikinini long satu, dispela BIKPELA i tok strong bilong givim i go long nainpela lain, na long hap lain.

34:14  Long wanem, lain bilong ol pikinini bilong Ruben bilong bihainim hauslain bilong ol tumbuna papa bilong ol, na lain bilong ol pikinini bilong Gat bilong bihainim hauslain bilong ol papa bilong ol, i bin kisim pinis samting papa i givim pikinini bilong ol. Na hap lain bilong Manasa i bin kisim samting tumbuna papa i givim pikinini bilong ol.

34:15  Dispela tupela lain na hap lain i bin kisim pinis samting papa i givim pikinini bilong ol long dispela sait Jordan klostu long Jeriko i go long hap is, i go long hap san i kam antap.

34:16  ¶ Na BIKPELA i tokim Moses, i spik,

34:17  Ol dispela em i ol nem bilong ol man husat bai brukim dispela hap long yupela, pris Eleasar, na Josua, pikinini man bilong Nun.

34:18  Na yupela bai kisim wanpela hetman bilong olgeta wan wan lain, long brukim dispela hap long samting papa i givim pikinini.

34:19  Na ol nem bilong ol man em i dispela. Bilong lain bilong Juda, Kelep, pikinini man bilong Jefune.

34:20  Na bilong lain bilong ol pikinini bilong Simion, Semyuel, pikinini man bilong Amihut.

34:21  Bilong lain bilong Benjamin, Elidat, pikinini man bilong Kislon.

34:22  Na hetman bilong lain bilong ol pikinini bilong Dan, Buki, pikinini man bilong Jokli.

34:23  Hetman bilong ol pikinini bilong Josep, bilong lain bilong ol pikinini bilong Manasa, Haniel, pikinini man bilong Ifot.

34:24  Na hetman bilong lain bilong ol pikinini bilong Ifraim, Kemyuel, pikinini man bilong Siftan.

34:25  Na hetman bilong lain bilong ol pikinini bilong Sebyulan, Elisafan, pikinini man bilong Parnak.

34:26  Na hetman bilong lain bilong ol pikinini bilong Isakar, Paltiel, pikinini man bilong Asan.

34:27  Na hetman bilong lain bilong ol pikinini bilong Aser, Ahihut, pikinini man bilong Selomi.

34:28  Na hetman bilong lain bilong ol pikinini bilong Naptalai, Pedahel, pikinini man bilong Amihut.

34:29  Ol dispela em i ol husat BIKPELA i tok strong long brukim samting papa i givim pikinini i go long ol pikinini bilong Isrel long hap bilong Kenan.

Chapter 35

35:1  ¶ Na BIKPELA i tokim Moses long ples stret bilong Moap klostu long Jordan klostu long Jeriko, i spik,

35:2  Tok strong long ol pikinini bilong Isrel, inap long ol i ken givim i go long ol lain Livai bilong samting papa i givim pikinini bilong holimpas bilong ol, ol biktaun long stap long en. Na yupela bai givim tu i go long ol lain Livai ol ples arere bilong biktaun raun nabaut long ol.

35:3  Na ol biktaun bai ol i gat long stap long ol. Na ol ples arere bilong biktaun bilong ol bai stap bilong ol bulmakau samting bilong ol, na bilong ol kago bilong ol, na bilong olgeta animal bilong ol.

35:4  Na ol ples arere bilong ol biktaun, dispela yupela bai givim i go long ol lain Livai, bai go inap long banis bilong biktaun na i go ausait 1,000 kyubit raun nabaut.

35:5  Na yupela bai mitaim i stat long ausait long biktaun long is sait 2,000 kyubit, na long hap saut sait 2,000 kyubit, na long hap wes sait 2,000 kyubit, na long hap not sait 2,000 kyubit. Na biktaun bai stap long namel. Dispela bai stap long ol olsem ol ples arere bilong biktaun.

35:6  Na namel bilong ol dispela biktaun yupela bai givim long ol lain Livai, bai gat sikispela biktaun bilong hait, dispela yupela bai makim bilong man i kilim man i dai, inap long em i ken ranawe long dispela hap. Na long ol yupela bai skruim 42 biktaun.

35:7  Olsem tasol olgeta dispela biktaun yupela bai givim long ol lain Livai, bai stap 48 biktaun. Ol bai yupela i givim wantaim ol ples arere bilong biktaun bilong ol.

35:8  Na ol dispela biktaun yupela bai givim bai stap bilong holimpas bilong ol pikinini bilong Isrel. Long ol husat i gat planti yupela bai givim planti. Tasol long ol husat i no gat planti, yupela bai givim liklik. Olgeta wan wan bai givim bilong ol biktaun bilong em i go long ol lain Livai bilong bihainim samting papa i givim pikinini bilong em, dispela em i kisim long papa.

35:9  ¶ Na BIKPELA i tokim Moses, i spik,

35:10  Toktok long ol pikinini bilong Isrel, na tokim ol, Taim yupela i kam pinis hapsait long Jordan i go long hap bilong Kenan,

35:11  Orait yupela bai makim bilong yupela ol biktaun bilong i stap ol biktaun bilong hait bilong yupela, inap long man i kilim man i ken ranawe long dispela hap, husat i kilim i dai man taim man i no save.

35:12  Na ol bai stap long yupela ol biktaun bilong hait long man bilong bekim pe nogut, inap long man i kilim man i no inap i dai, inap long em i sanap long ai bilong bung bilong ol manmeri long kot.

35:13  Na bilong ol dispela biktaun yupela bai givim, sikispela biktaun bai yupela i gat bilong ples hait.

35:14  Yupela bai givim tripela biktaun long dispela sait Jordan, na tripela biktaun bai yupela i givim long hap bilong Kenan, dispela bai stap ol biktaun bilong hait.

35:15  Dispela sikispela biktaun bai stap wanpela ples hait, bilong ol pikinini bilong Isrel, na bilong ausait man, na bilong waira namel long ol wantaim, inap long olgeta wan wan husat i kilim man taim man i no save i ken ranawe i go long dispela hap.

35:16  Na sapos em i paitim em wantaim wanpela samting ain, inap long em i dai, em i stap wanpela man bilong kilim man i dai. Tru tumas, man bilong kilim man i dai bai ol i mekim i dai.

35:17  Na sapos em i paitim em wantaim wanpela ston bilong tromoi, we em i ken dai long en, na em i dai, em i stap wanpela man bilong kilim man i dai. Tru tumas, man bilong kilim man i dai bai ol i mekim i dai.

35:18  O sapos em i paitim em wantaim wanpela samting bilong pait bilong han bilong diwai, we em i ken dai long en, na em i dai, em i stap wanpela man bilong kilim man i dai. Tru tumas, man bilong kilim man i dai bai ol i mekim i dai.

35:19  Man bilong bekim pe nogut bilong blut em yet bai kilim i dai dispela man bilong kilim man i dai. Taim em i bungim em, em bai kilim em i dai.

35:20  Tasol sapos em i sutim em wantaim pasin bilong hetim, o tromoi long em taim em i wet hait, inap long em i ken dai,

35:21  O long pasin birua paitim em wantaim han bilong em, inap long em i dai, tru tumas, em husat i paitim em bai ol i mekim i dai. Long wanem, em i wanpela man bilong kilim man i dai. Man bilong bekim pe nogut bilong blut bai kilim i dai dispela man bilong kilim man i dai, taim em i bungim em.

35:22  Tasol sapos em i sutim em wantu, na i no gat pasin birua, o i bin tromoi antap long em wanpela samting taim em i no wet hait,

35:23  O wantaim wanpela ston, we wanpela man i ken dai long en, taim em i no lukim em, na tromoi dispela antap long em, inap long em i dai, na em i no birua bilong em, o painim rot long bagarapim em,

35:24  Orait bung bilong ol manmeri bai jasim namel long man i kilim man i dai na man bilong bekim pe nogut bilong blut bilong bihainim ol dispela kot.

35:25  Na bung bilong ol manmeri bai kisim bek man i kilim man i dai ausait long han bilong man bilong bekim pe nogut bilong blut. Na bung bilong ol manmeri bai givim em i go bek long biktaun bilong hait bilong em, we em i ranawe pinis. Na em bai stap long en inap long dai bilong hetpris, husat ol i makim wantaim wel holi.

35:26  Tasol sapos man i kilim man i dai bai kam ausait wanpela taim long arere bilong dispela biktaun bilong hait bilong em, we em i ranawe pinis,

35:27  Na man bilong bekim pe nogut bilong blut i lukim em ausait long ol arere bilong biktaun bilong hait bilong em, na man bilong bekim pe nogut bilong blut i kilim dispela man i kilim man i dai, em bai i no gat asua bilong blut.

35:28  Bilong wanem, em i sapos long i stap yet insait long biktaun bilong hait bilong em inap long dai bilong hetpris. Tasol bihain long dai bilong hetpris, man i kilim man bai go bek long hap bilong holimpas bilong em.

35:29  Olsem na ol dispela samting bai stap wanpela lo ol i raitim bilong kot i go long yupela namel long olgeta lain tumbuna bilong yupela long olgeta hap yupela i stap.

35:30  Husat man i kilim wanpela man, dispela man bilong kilim man i dai bai ol i mekim i dai long maus bilong ol witnes. Tasol wanpela witnes i no ken tokaut klia i birua long wanpela man bilong mekim em i dai.

35:31  Na moa tu yupela bai i no inap kisim amamas long bagarapim laip bilong man bilong kilim man i dai, husat i gat asua bilong i dai. Tasol tru tumas, ol bai mekim em i dai.

35:32  Na yupela bai i no inap kisim amamas long bagarapim em husat i ranawe pinis long biktaun bilong hait bilong em, inap long em i ken i kam i stap gen long hap bilong em, inap long dai bilong pris.

35:33  Olsem tasol yupela i no ken mekim doti dispela hap we yupela i stap long en. Long wanem, blut i save mekim dispela hap doti. Na graun i no inap kamap klin long dispela blut i kapsait long en, nogat, long blut bilong em husat i kapsaitim dispela tasol em i ken kamap klin.

35:34  Olsem na yupela i no ken mekim dispela hap doti, dispela yupela bai stap long en, we Mi stap long en. Long wanem, Mi BIKPELA i stap namel long ol pikinini bilong Isrel.

Chapter 36

36:1  ¶ Na ol nambawan papa bilong ol famili bilong ol pikinini bilong Gileat, pikinini man bilong Makir, pikinini man bilong Manasa, bilong ol famili bilong ol pikinini man bilong Josep, i kam klostu, na toktok long ai bilong Moses, na long ai bilong ol hetman, ol nambawan papa bilong ol pikinini bilong Isrel.

36:2  Na ol i tok, BIKPELA i tok strong long bikman bilong mi long givim dispela hap bilong samting papa i givim pikinini long satu long ol pikinini bilong Isrel. Na BIKPELA i tok strong long bikman bilong mi long givim samting papa i givim pikinini bilong Selofehat, brata bilong mipela, i go long ol pikinini meri bilong em.

36:3  Na sapos ol i marit long wanpela bilong ol pikinini man bilong ol arapela lain bilong ol pikinini bilong Isrel, orait bai ol i kisim samting papa i givim pikinini bilong ol i lusim samting papa i givim pikinini bilong ol tumbuna papa bilong mipela, na ol bai putim long samting papa i givim pikinini bilong dispela lain we ol i kisim ol insait long en. Olsem tasol bai dispela i lusim hap satu bilong samting papa i givim pikinini bilong mipela.

36:4  Na taim jubili bilong ol pikinini bilong Isrel bai stap, orait ol bai putim samting papa i givim pikinini bilong ol i go long samting papa i givim pikinini bilong lain we ol i kisim ol insait long en. Olsem tasol ol bai tekewe samting papa i givim pikinini bilong ol long samting papa i givim pikinini bilong ol lain bilong ol tumbuna papa bilong mipela.

36:5  ¶ Na Moses i tok strong long ol pikinini bilong Isrel bilong bihainim tok bilong BIKPELA, i spik, Lain bilong ol pikinini man bilong Josep i bin toktok gutpela.

36:6  Dispela em i samting BIKPELA i tok strong long en long sait bilong ol pikinini meri bilong Selofehat, i spik, Larim ol i marit long husat ol i ting em i gutpela, tasol long famili bilong lain bilong ol tumbuna papa bilong ol bai ol i marit.

36:7  Olsem na samting papa i givim pikinini bilong ol pikinini bilong Isrel bai i no inap lusim lain i go long lain. Long wanem, olgeta wan wan bilong ol pikinini bilong Isrel bai holimpas em yet long samting papa i givim pikinini bilong lain bilong ol tumbuna papa bilong em.

36:8  Na olgeta wan wan pikinini meri, husat i holimpas wanpela samting papa i givim pikinini bilong wanem lain bilong ol pikinini bilong Isrel, bai stap meri bilong wanpela bilong famili bilong lain bilong tumbuna papa bilong em, inap long ol pikinini bilong Isrel i ken amamas, olgeta wan wan man, insait long samting papa i givim pikinini bilong ol tumbuna papa bilong em.

36:9  Na tu bai samting papa i givim pikinini i no inap lusim wanpela lain i go long narapela lain. Tasol olgeta wan wan bilong ol lain bilong ol pikinini bilong Isrel bai holimpas em yet long samting papa i givim pikinini bilong em yet.

36:10  Yes, olsem BIKPELA i tok strong long Moses, olsem tasol ol pikinini meri bilong Selofehat i mekim.

36:11  Long wanem, Mala, Tirsa, na Hokla, na Milka, na Noa, ol pikinini meri bilong Selofehat, i marit i go long ol pikinini man bilong ol brata bilong ol tumbuna papa bilong ol.

36:12  Na ol i marit i go long famili bilong ol pikinini man bilong Manasa, pikinini man bilong Josep. na samting papa i givim pikinini bilong ol i stap yet long lain bilong famili bilong papa bilong ol.

36:13  Ol dispela em i ol tok strong na ol kot, dispela BIKPELA i tok strong long han bilong Moses i go long ol pikinini bilong Isrel long ol ples stret bilong Moap klostu long Jordan klostu long Jeriko.