CopSahBible2 - Sirach

Chapter 1

1:1  ⲧⲥⲟⲫⲓⲁ ⲧⲏⲣⲥ ⲟⲩⲉⲃⲟⲗ ϩⲓⲧⲙ ⲡϫⲟⲉⲓⲥ ⲧⲉ ⲁⲩⲱ ⲥϣⲟⲟⲡ ⲛⲙⲙⲁϥ ϣⲁ ⲉⲛ[ⲉϩ]

1:2  ⲛⲓⲙ ⲡⲉⲧⲛⲁϣϣⲉⲡ ⲡϣⲟ ⲛⲑⲁⲗⲁⲥⲥⲁ [ⲙⲛ ⲛⲧⲗ]ⲧⲓⲗⲉ ⲙⲫⲱⲟⲩ ⲙⲛ ⲛⲉϩⲟⲟⲩ

1:3  ⲛⲓⲙ ⲡⲉⲧⲛⲁϣϩⲉⲧϩⲧⲡϫⲓⲥⲉ ⲛⲧⲡⲉ ⲙⲛ ⲡⲡⲱϫⲕ ⲙⲡⲕⲁϩ ⲙⲛ ⲡϣⲓⲕⲉ ⲙ ⲙⲛ ⲡⲛⲟⲩⲛ ⲙⲛ ⲧⲥⲟⲫⲓⲁ

1:4  ϩⲁⲑⲏ ⲛⲛⲕⲁ ⲛⲓⲙ ⲁⲩⲥⲛⲧⲧⲥⲟⲫⲓⲁ ⲁⲩⲱ ⲧⲙⲛⲧⲥⲁⲃⲉ ⲙⲛ ⲧⲙⲛⲧⲣⲙⲛϩⲏⲧ ϫⲓⲛ ⲉⲛⲉϩ

1:5  ⲧⲡⲏⲅⲏ ⲛⲧⲥⲟⲫⲓⲁ ⲡⲉ ⲡϣⲁϫⲉ ⲙⲡⲛⲟⲩⲧⲉ ϩⲛ ⲛⲉⲧϫⲟⲥⲉ ⲁⲩⲱ ⲛⲉⲥϩⲓⲟⲟⲩⲉ ϩⲛⲉⲛⲧⲟⲗⲏ ⲛⲉ ⲛϣⲁ ⲉⲛⲉϩ

1:6  ⲧⲛⲟⲩⲛⲉ ⲛⲧⲥⲟⲫⲓⲁ ⲛⲧⲁⲥϭⲱⲗⲡ ⲉⲛⲓⲙ ⲁⲩⲱ ⲛⲓⲙ ⲡⲉⲛⲧⲁϥⲉⲓⲙⲉ ⲉⲛⲉⲥⲕⲟⲧⲥ

1:7  ⲧⲉⲡⲓⲥⲧⲏⲙⲏ ⲛⲧⲥⲟⲫⲓⲁ ⲛⲧⲁⲥⲟⲩⲱⲛϩ ⲉⲛⲓⲙ ⲁⲩⲱ ⲡⲉⲥⲥⲟⲟⲩⲛ ⲧⲏⲣϥ ⲛⲓⲙ ⲡⲉⲛⲧⲁϥⲥⲟⲩⲱⲛϥ

1:8  ⲟⲩⲁ ⲡⲉ ⲡⲥⲟⲫⲟⲥ ⲉϥϯϩⲟⲧⲉ ⲉⲙⲁⲧⲉ ⲉϥϩⲙⲟⲟⲥ ϩⲓϫⲙ ⲡⲉϥⲑⲣⲟⲛⲟⲥ

1:9  ⲡϫⲟⲉⲓⲥ ⲛⲧⲟϥ ⲡⲉⲛⲧⲁϥⲥⲟⲛⲧⲥ ⲁⲩⲱ ⲁϥⲛⲁⲩ ⲉⲣⲟⲥ ⲁϥⲟⲡⲥ ⲁϥⲡⲁϩⲧⲥ ⲉϩⲣⲁⲓ ⲉϫⲛ ⲛⲉϥϩⲃⲏⲩⲉ ⲧⲏⲣⲟⲩ

1:10  ⲥϣⲟⲟⲡ ⲙⲛ ⲥⲁⲣⲝ ⲛⲓⲙ ⲕⲁⲧⲁ ⲑⲉ ⲉⲧϥϯ ⲙⲙⲟⲥ ⲁⲩⲱ ⲁϥⲧⲁⲁⲥ ⲛⲛⲉⲧⲙⲉ ⲙⲙⲟϥ

1:11  ⲑⲟⲧⲉ ⲙⲡϫⲟⲉⲓⲥ ⲟⲩⲉⲟⲟⲩ ⲧⲉ ⲙⲛ [ⲟⲩϣⲟⲩ]ϣⲟⲩ ⲁⲩⲱ ⲟⲩⲟⲩⲛⲟϥ ⲧⲉ ⲙⲛ ⲟⲩⲕⲗⲟⲙ [ⲛⲧⲉⲗⲏⲗ]

1:12  ϣⲁⲣⲉⲑⲟⲧⲉ ⲙⲡϫⲟⲉⲓⲥ ϯⲟⲩⲣⲟⲧ [ⲙⲡϩⲏⲧ] ϣⲁⲥϯ ⲛⲟⲩⲟⲩⲛⲟϥ ⲙⲛ ⲟⲩⲣⲁϣⲉ ⲙⲛ [ⲟⲩⲁ]ϣⲏ ⲛ[ⲉ]ϩⲟⲟⲩ

1:13  [ⲙⲡ]ⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲡⲡⲉ[ⲧ]ⲛⲁⲛⲟⲩϥ ⲛⲁϣⲱⲡⲉ ⲙⲙⲟϥ ϩⲛⲧⲉϥϩⲁⲏ ⲁⲩⲱ ϩⲛⲛⲉϩⲟⲟ[ⲩ]

1:14  ⲧⲁⲣⲭⲏ ⲛⲧⲥⲟⲫⲓⲁ ⲡⲉ ⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩⲱ ⲁϥⲥ ⲙⲛ ⲙⲡⲓⲥⲧⲟⲥ ϩⲛ

1:15  ⲁⲥⲥⲙⲛⲥⲛⲧⲉ ⲛϣⲁⲉⲛⲉϩ ⲙⲛⲛⲣⲱⲙⲉ ⲁⲩⲱ ⲥⲛⲁⲧⲁⲛϩⲟⲩⲧⲥ ⲙⲛ ⲡⲉⲩⲥⲡⲉⲣⲙⲁ

1:16  ⲡⲥⲉⲓ ⲛⲧⲥⲟⲫⲓⲁ ⲡⲉ ⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩⲱ ⲟⲩⲟⲩⲛⲟϥ ⲡⲉ ⲉⲃⲟⲗ ϩⲛ ⲛⲉⲥⲕⲁⲣⲡⲟⲥ

1:17  ϣⲁⲥⲙⲉϩⲡⲉⲥⲏⲓ ⲧⲏⲣϥ ⲁⲩⲱ ⲛⲉⲥ [ⲉⲃⲟⲗ] ϩⲛ

1:18  ⲡⲉⲕⲗⲟⲙ ⲛⲧⲥⲟⲫⲓⲁ ⲉⲥϯⲟⲩⲱ ⲛⲟⲩⲉⲓⲣⲏⲛⲏ

1:19  ⲁϥⲃⲉⲉⲃⲉ ⲁϥϫⲓⲥⲉ

1:20  ⲧⲛⲟⲩⲛⲉ ⲛⲧ{ⲉ}ⲥⲟⲫⲓⲁ ⲡⲉ ⲣϩⲟⲧⲉ ϩⲏⲧϥ ⲙⲡϫⲟⲉⲓⲥ

1:23  ϩⲏⲧ ϣⲁ ⲉⲟⲩⲟⲉⲓϣ ⲁⲩⲱ ⲙⲛⲛⲥⲱⲥ ⲛⲁϥ ⲛⲟⲩⲟⲩⲛⲟϥ

1:24  ϩⲱⲡ ⲉⲛⲉⲕϣⲁϫⲉ ϣⲁ ⲉⲟⲩⲟⲉⲓϣ ⲁⲩⲱ ϣⲁⲣⲉⲛⲉⲥⲡⲟⲧⲟⲩ ⲛϩⲁϩ ϣⲁϫⲉ ⲉⲧⲉϥⲙⲛⲧⲥⲁⲃⲉ

1:25  ⲟⲩⲛϩⲉⲛⲡⲁⲣⲁⲃⲟⲗⲏ ⲁϩⲱⲣ ⲛⲧⲥⲟⲫⲓⲁ [ⲟⲩⲃ]ⲟⲧⲉ ⲡⲉ ⲙⲡⲣⲉϥⲣⲛⲟⲃⲉ ⲧⲙⲛⲧϣⲙϣⲉⲛⲟⲩⲧⲉ

1:26  ⲉⲕϣⲁⲛⲉⲡⲓⲑⲩⲙⲉⲓ ⲉⲧⲥⲟⲫⲓⲁ ⲉⲛⲧⲟⲗⲏ ⲁⲩⲱ ⲡϫⲟⲉⲓⲥ ⲛⲁⲧⲁⲁⲥ ⲛⲁⲕ

1:27  ⲧⲥⲟⲫⲓⲁ ⲅⲁⲣ ⲙⲛ ⲧⲉⲥⲃⲱ ⲡⲉ ⲑⲟⲧⲉ ⲙⲡϫⲟⲉⲓⲥ ⲁⲩⲱ ⲡⲉⲧⲉϩⲛⲁϥ ⲡⲉ ⲧⲡⲓⲥⲧⲓⲥ ⲙⲛ ⲧⲙⲛⲧⲣⲙⲣⲁϣ

1:28  ⲑⲟⲧⲉ ⲙⲡϫⲟⲉⲓⲥ ⲁⲩⲱ ⲙⲡⲣϯ ⲙⲡⲉⲕⲟⲩⲟⲓ ⲉⲣⲟϥ ϩⲛ ⲟⲩⲙⲛⲧϩⲏⲧⲥⲛⲁⲩ

1:29  ⲙⲡⲉⲙⲧⲟ ⲉⲃⲟⲗ ⲛⲛⲣⲱⲙⲉ ⲛⲉⲕⲥⲡⲟⲧⲟⲩ

Chapter 2

2:1  ϩⲙϩⲁⲗ ⲙⲡϫⲟⲉⲓⲥ ⲥⲃⲧⲉⲧⲉⲕⲯⲩⲭⲏ ⲉⲩⲡⲓⲣⲁⲥⲙⲟⲥ

2:2  ⲥⲟⲩⲧⲛⲡⲉⲕϩⲏⲧ ⲁⲩⲱ ⲛⲅϥⲓ ⲉⲣⲟⲕ ⲛⲅⲧⲙϭⲉⲡϭⲡ ϩⲙ ⲡⲉⲟⲩⲟⲉⲓϣ ⲙⲡⲉⲕϩⲓⲥⲉ

2:3  ⲧⲟϭⲕ ⲉⲣⲟϥ ⲛⲅⲧⲙⲥⲁϩⲱⲕ ⲉⲃⲟⲗ ⲙⲙⲟϥ ϫⲉ ⲉⲕⲉⲁⲩⲝⲁⲛⲉ ϩⲛ ⲧⲉⲕϩⲁⲏ

2:4  ϩⲱⲃ ⲛⲓⲙ ⲉⲧⲛⲛⲏⲩ ⲉϫⲱⲕ ϣⲟⲡϥ ⲉⲣⲟⲕ ⲛⲅⲣϩⲁⲣϣϩⲏⲧ ϩⲙ ⲡⲉⲙⲕⲁϩ ⲙⲡⲉⲕⲑⲃⲃⲓⲟ

2:5  ϫⲉ ⲉϣⲁⲩⲇⲟⲕⲓⲙⲁⲍⲉ ⲙⲡⲛⲟⲩⲃ ϩⲙ ⲡⲕⲱϩⲧ ⲛⲥⲱⲧⲡ ϩⲱⲟⲩ ⲛⲣⲱⲙⲉ ϩⲛ ⲟⲩϩⲣⲱ ⲛⲑⲃⲃⲓⲟ

2:6  ⲡⲓⲥⲧⲉⲩⲉ ⲉⲣⲟϥ ⲁⲩⲱ ϥⲛⲁϣⲟⲡⲕ ⲉⲣⲟϥ ⲛⲅⲥⲟⲟⲩⲧⲛ ⲛⲛⲉⲕϩⲓⲟⲟⲩⲉ ⲛⲅϩⲉⲗⲡⲓⲍⲉ ⲉⲣⲟϥ

2:7  ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϭⲱϣⲧ ⲉⲃⲟⲗ ϩⲏⲧϥ ⲙⲡⲉϥⲛⲁ ⲙⲡⲣⲣⲓⲕⲉ ϫⲛⲛⲉⲕϩⲉ

2:8  ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲡⲓⲥ[ⲧⲉⲩⲉ] ⲉⲣⲟ[ϥ] ⲁⲩⲱ ⲛⲉⲡⲉⲧⲛⲃⲉⲕⲉ ϩⲉ ⲉⲃⲟⲗ

2:9  ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϩⲉⲗⲡⲓⲍⲉ ⲉⲛⲉⲡⲁⲅⲁⲑⲟⲛ ⲁⲩⲱ ⲟⲩⲟⲩⲛⲟϥ ϣⲁⲉⲛⲉϩ ⲙⲛ ⲟⲩⲛⲁ

2:10  [ϭ]ⲱϣⲧ ⲛⲁⲩ ⲛⲓⲙ ⲡⲓⲥⲧⲉ[ⲩⲉ] ⲏ ⲛⲓⲙ ⲡⲉⲛⲧⲁϥϭⲱ ϩⲛ ⲛⲉϥⲉⲛⲧⲟ[ⲗⲏ] ⲁϥⲕⲁⲁϥ ⲛⲥⲱϥ ⲏ ⲛⲓⲙ ⲡⲉⲛⲧⲁϥⲱϣ ⲉϩⲣⲁⲓ ⲉⲣⲟϥ ⲁϥⲟⲃϣϥ ⲉⲣⲟϥ

2:11  ϫⲉ ⲟⲩϣⲁⲛϩⲧⲏϥ ⲛⲛⲁⲏⲧ ⲡⲉ ⲡϫⲟⲉⲓⲥ ⲁⲩⲱ ϣⲁϥⲕⲁⲛⲟⲃⲉ ⲉⲃⲟⲗ ⲛϥⲧⲟⲩϫⲟ ϩⲛ ⲛⲉⲟⲩⲟⲉⲓϣ ⲛⲧⲉⲑⲗⲓⲯⲓⲥ

2:12  ⲟⲩⲟⲓ ⲛⲟⲩϩⲏⲧ ⲛϭⲱⲃ ⲙⲛ ϩⲉⲛϭⲓϫ ⲉⲩⲕⲏ ⲁⲩⲱ ⲟⲩⲣⲉϥⲣⲛⲟⲃⲉ ⲉϥⲙⲟⲟϣⲉ ϩⲓ ϩⲓⲏ ⲥⲛⲁⲩ

2:13  ⲟⲩⲟⲓ ⲛⲟⲩϩⲏⲧ ⲛϭⲱⲃ ϫⲉ ⲛϥⲡⲓⲥⲧⲉⲩⲉ ⲁⲛ ⲉⲧⲃⲉ ⲛⲁⲓ ⲛⲥⲉⲛⲁⲥⲕⲉⲡⲁⲍⲉ ⲙⲙⲟϥ ⲁⲛ

2:14  ⲟⲩⲟⲓ ⲛⲏⲧⲛ ⲛⲉⲛⲧⲁⲩⲕⲁⲧⲟⲟⲧⲟⲩ ⲉⲃⲟⲗ ⲛⲑⲩⲡⲟⲙⲟⲛⲏ ⲁⲩⲱ ⲉⲣⲉⲧⲛⲁⲣⲟⲩ ⲉⲣϣⲁⲛⲡϫⲟⲉⲓⲥ ϭⲙⲡⲉⲧⲛϣⲓⲛⲉ

2:15  ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲙⲉⲩⲣⲁⲧⲥⲱⲧⲙ ⲛⲥⲁ ⲛⲉϥϣⲁϫⲉ ⲁⲩⲱ ⲛⲉⲧⲙⲉ ⲙⲙⲟϥ ϣⲁⲩϩⲁⲣⲉϩ ⲉⲛⲉϥϩⲓⲟⲟⲩⲉ

2:16  ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϣⲁⲩϣⲓⲛⲉ ⲛⲥⲁ ⲡⲉⲧⲉϩⲛⲁϥ ⲁⲩⲱ ⲛⲉⲧⲙⲉ ⲙⲙⲟϥ ϣⲁⲩϣⲓⲛⲉ ⲛⲥⲁ ⲡⲉϥⲛⲟⲙⲟⲥ

2:17  ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲥⲉⲛⲁⲥⲟⲃⲧⲉ ⲛⲛⲉⲩϩⲏⲧ ⲁⲩⲱ ϣⲁⲩⲑⲃⲃⲓⲟ ⲛⲛⲉⲩⲯⲩⲭⲏ ⲙⲡⲉϥⲙⲧⲟ ⲉⲃⲟⲗ

2:18  ⲉⲛⲛⲁϩⲉ ϩⲛ ⲛϭⲓϫ ⲙⲡϫⲟⲉⲓⲥ ⲛϩⲛ ⲛϭⲓϫ ⲛⲛⲣⲱⲙⲉ ⲁⲛ ⲛⲉ ⲛⲑⲉ ⲅⲁⲣ ⲛⲧⲉϥⲙⲛⲧⲛⲟϭ ⲧⲁⲓ ⲧⲉ ⲧⲉϥⲙⲛⲧⲛⲁ

Chapter 3

3:1  ⲥⲱⲧⲙ ⲉⲣⲟⲓ ⲛⲁϣⲏⲣⲉ ⲉⲡⲉⲧⲛⲉⲓⲱⲧ ⲛⲧⲉⲧⲛⲣⲧⲉⲓϩⲉ ϫⲉ ⲉⲣⲉⲧⲛⲱⲛϩ

3:2  ⲡϫⲟⲉⲓⲥ ⲅⲁⲣ ⲁϥϯⲉⲟⲟⲩ ⲙⲡⲉⲓⲱⲧ ⲉϩⲟⲩⲟ ⲉⲛϣⲏⲣⲉ ⲁⲩⲱ ⲁϥⲧⲁϫⲣⲉⲫⲁⲡ ⲛⲧⲙⲁⲁⲩ ⲉϫⲛ ⲛⲉⲥϣⲉⲉⲣⲉ

3:3  ⲡⲉⲧⲧⲁⲉⲓⲟ ⲙⲡⲉϥⲉⲓⲱⲧ ϥⲛⲁⲣⲃⲟⲗ ⲉⲛⲉ[ϥⲛⲟⲃⲉ]

3:4  ⲁⲩⲱ ⲡⲉⲧϯⲉⲟⲟⲩ ⲛⲧⲉϥⲙⲁⲁⲩ ⲉϥⲟ ⲛⲑⲉ

3:5  ⲡⲉⲧⲧⲁⲉⲓⲟ ⲙⲡⲉϥⲉⲓⲱⲧ ϥⲛⲁⲉⲩⲫⲣⲁⲛⲉ [ⲉϫⲛ ⲛⲉϥ]ϣⲏⲣⲉ ⲁⲩⲱ ⲥⲉⲛⲁⲥⲱⲧⲙ ⲉⲣⲟϥ ϩⲙ ⲡⲉϩⲟⲟⲩ ⲙⲡⲉϥϣⲗⲏⲗ

3:6  ⲡⲉⲧⲧⲁⲉⲓⲟ ⲙⲡⲉϥⲉⲓⲱⲧ ϥⲛⲁⲣ ⲁⲩⲱ ⲡⲉⲧⲥⲱⲧⲙ ⲛⲥⲁ ⲡϫⲟⲉⲓⲥ ϥⲛⲁ ⲛⲧⲉϥⲙⲁⲁⲩ

3:7  ϥⲛⲁⲣϩⲙϩⲁⲗ ⲛⲛⲉϥⲉⲓⲟⲧⲉ ⲛⲑⲉ ⲛⲛ

3:8  ϩⲙ ⲡⲉⲕϩⲱⲃ ⲙⲛ ⲡⲉⲕϣⲁϫⲉ ϫⲉⲕⲁⲥ ⲉⲣⲉⲡⲉϥⲥⲙⲟⲩ ⲉⲓ ⲉϫ[ⲱⲕ

3:9  ϣⲁⲣ]ⲉⲡⲉⲥⲙⲟⲩ ⲅⲁⲣ ⲛⲛⲉⲛⲉⲓⲟⲧⲉ ϣⲁⲣⲉⲡⲥⲁϩⲟⲩ ϫⲉ ⲛⲧⲙⲁⲁⲩ ⲡⲣ[ϫ

3:10  ⲙⲡⲣϣⲟⲩϣⲟⲩ ⲙⲙⲟⲕ ⲉⲣⲉⲡⲉ ⲙⲛⲧⲕⲉⲟⲟⲩ ⲅⲁⲣ

3:11  ⲉϥϣⲁⲛⲥⲱϣⲡⲉⲟⲟⲩ ⲅⲁⲣ ⲙⲡⲉ[ ] ⲁⲩⲱ ⲟⲩⲛⲟϭⲛⲉϭ ⲡⲉ ⲛⲛϣⲏⲣⲉ ⲁⲩⲥⲏϣ

3:12  ⲡⲁϣⲏⲣⲉ ϣⲉⲡⲡⲉⲕⲉⲓⲱⲧ ⲉⲣⲟⲕ ⲁⲩⲱ ⲙⲡⲣⲗⲩⲡⲓ ⲙⲙⲟϥ ϩⲙ ⲡⲉϥⲱⲛϩ

3:13  ⲕⲁⲛ ⲉϣⲱⲡⲉ ⲉϥϣⲁⲛⲕⲁϩⲏⲧ ⲁⲩⲱ ⲙⲡⲣⲥⲟϣϥ ϩⲛ ⲧⲉⲕϭⲟ[ⲙ ⲧⲏⲣⲥ]

3:14  ⲧⲙⲛⲧⲛⲁ ⲅⲁⲣ ⲛⲟⲩⲉⲓⲱⲧ ⲛ ⲁⲩⲱ ⲉⲡⲙⲁ ⲛⲛⲉⲕⲛⲟⲃⲉ ⲉⲣⲉ ⲟⲩⲇⲓⲕⲁⲓⲟⲥⲩⲛⲏ

3:15  ⲁⲩⲱ ϥⲛⲁⲥⲱⲧⲙ ⲉⲣⲟⲕ ϩⲙ ⲡϩⲟⲟⲩ ⲛⲑⲉ ⲉϣⲁⲣⲉⲟⲩϫⲁⲙⲏ ⲃⲗⲟⲩϫⲁϥ ⲧⲁⲓ ⲧⲉ ⲑⲉ ⲉⲧⲟⲩⲛⲁⲃⲱⲗ ⲉⲃⲟⲗ

3:16  ⲉϣϫⲉ ⲟⲩϫⲁⲧⲟⲩⲁ ⲡⲉ ⲡⲉⲧ ⲁⲩⲱ ϥⲥϩⲟⲩⲟⲣⲧ ϩⲓⲧⲙ ⲡϫⲟⲉⲓⲥ ⲛϭⲓ ⲡⲉⲧϫⲓ ⲛⲟⲩϭⲟⲛⲥ ⲧⲉϥⲙⲁⲁⲩ

3:17  ⲡⲁϣⲏⲣⲉ ⲟⲩ[ⲱ] ⲛⲛⲉⲕϩⲃⲏⲩⲉ ⲧⲁⲣⲟⲩⲙⲉⲣⲓⲧⲕ ϩⲓⲧⲛ ⲟⲩⲣⲱⲙⲉ

3:18  ⲛⲑⲉ ⲉⲧⲉⲧⲛⲣⲛⲟϭ ⲑⲃⲃⲓⲉⲧⲏⲩⲧⲛ ⲧⲁⲣⲉⲕϩⲉ ⲉⲩ[ ]

3:20  ϫⲉ ⲟⲩⲛⲟϭ ⲧⲉ ⲧϭⲟⲙ ⲙ[ⲡ]ϫⲟⲉⲓⲥ ⲁⲩⲱ ϣⲁⲩϯⲉⲟⲟⲩ ⲛⲁϥ ⲉⲃⲟⲗ ϩⲓⲧⲛ ⲛⲉⲧⲑⲃⲃⲓⲏⲩ

3:21  ⲙⲡⲣϣⲓⲛⲉ ⲛⲥⲁ ⲛⲉⲧⲙⲟⲕϩ ⲛⲁⲕ ⲁⲩⲱ ⲙⲡⲣϩⲟⲧϩⲧ ⲛⲥⲁ ⲛⲉⲧⲛⲁϣⲧ

3:22  ⲙⲉⲉⲩⲉ ⲉⲛⲉⲛⲧⲁⲩⲟⲩⲉϩⲥⲁϩⲛⲉ ⲙⲙⲟⲟⲩ ⲛⲁⲕ ⲛⲅⲣⲭⲣⲓⲁ ⲅⲁⲣ ⲁⲛ ⲛⲛⲉⲧϩⲏⲡ

3:23  ⲙⲡⲣⲧⲣⲉϥϣⲓⲛⲉ ϩⲙ ⲡⲉϩⲟⲩⲟ ⲛⲛⲉⲕϩⲃⲏⲩⲉ ⲁⲩⲧⲥⲁⲃⲟⲕ ⲅⲁⲣ ⲉϩⲟⲩⲉ ⲙⲛⲧⲥⲁⲃⲉ ⲛⲛⲣⲱⲙⲉ

3:24  ϩⲁϩ ⲅⲁⲣ ⲛⲉⲛⲧⲁⲛⲉⲩⲙⲉⲉⲩⲉ ⲛϩⲏⲧⲟⲩ ⲡⲗⲁⲛⲁ ⲙⲙⲟⲟⲩ ⲁⲩⲱ ⲁⲛⲉⲩⲙⲉⲉⲩⲉ ⲉⲑⲟⲟⲩ ϯⲥⲗⲁⲁⲧⲉ ⲛⲛⲉⲩϩⲏⲧ

3:26  ⲡⲉⲧⲙⲉ ⲛⲟⲩⲕⲓⲛⲇⲩⲛⲟⲥ ϥⲛⲁϩⲉ ⲛ[ϩⲏⲧϥ] ⲟⲩϩⲏⲧ ⲉϥⲛⲁϣⲧ ϥⲛⲁϣⲡϩⲓⲥⲉ ϩⲛ ⲧⲉϥϩⲁⲏ

3:27  ⲁⲩⲱ ⲡⲣⲉϥⲣⲛⲟⲃⲉ ⲛⲁⲟⲩⲉϩⲛⲟⲃⲉ ⲉϫⲛ ⲛⲉϥⲛⲟⲃⲉ

3:28  ⲙⲙⲟⲭⲥ ⲛⲛϫⲁⲥⲓϩⲏⲧ ⲙⲛⲧⲟⲩ ⲁⲩⲧⲱϭⲉ ⲅⲁⲣ ⲉϥϩⲟⲟⲩ ϫⲉⲛⲟⲩⲛⲉ ⲉⲃⲟⲗ ⲛϩⲏⲧϥ

3:29  ⲫⲏⲧ ⲙⲡⲥⲁⲃⲉ ϣⲁϥⲙⲉⲉⲩⲉ ⲉⲩⲡⲁⲣⲁⲃⲟ[ⲗⲏ] ⲁⲩⲱ ⲡⲟⲩⲱϣ ⲛⲟⲩⲥⲁⲃⲉ ⲡⲉ ⲟⲩⲙⲁⲁϫ[ⲉ

3:30  [ⲉ]ⲣⲉϯ

3:31  ⲡⲉⲧⲛⲁϯⲉϥ ⲛⲛⲉⲧ ⲁⲩⲱ ϩⲙ ⲡⲉⲛⲉϥϩⲉ ⲛⲟⲩⲧⲁϫⲣⲟ

Chapter 4

4:1  ⲡⲁϣⲏⲣⲉ ⲙⲡⲣϩⲟⲩⲣⲱⲟⲩϩⲏⲕⲉ ⲙⲡⲉϥⲱⲛϩ ⲁⲩⲱ ⲙⲡⲣ[ⲕⲧⲉⲛⲉⲕ]ⲃⲁⲗ ⲉⲃⲟⲗ ⲛⲛⲉⲧϣⲁⲁⲧ

4:2  ⲙⲡⲣⲗⲩⲡⲓ ⲛⲟⲩⲯⲩⲭⲏ ⲉⲥϩⲕⲁⲉⲓⲧ ⲙⲡⲣϯⲛⲟⲩϭⲥ ⲛⲟⲩⲣⲱⲙⲉ ϩⲙ ⲡⲉϥϩⲃⲁ

4:3  ⲙⲡⲣϣⲧⲣⲧⲣⲟⲩϩⲏⲧ ⲉϥⲛⲟϭⲥ ⲙⲡⲣⲟⲃϣⲕ ⲉⲡϯ ⲙⲡⲉⲧⲣϭⲣⲱϩ

4:4  ⲙⲡⲣⲕⲱ ⲛⲥⲱⲕ ⲙⲡⲉⲧⲥⲟⲡⲥ ⲙⲙⲟⲕ ⲉϥⲑⲗⲓⲃⲉ ⲙⲡⲣⲕⲧⲉⲡⲉⲕϩⲟ ⲉⲃⲟⲗ ⲛⲟⲩϩⲏⲕⲉ

4:5  ⲙⲡⲣⲕⲧⲉⲛⲉⲕⲃⲁⲗ ⲉⲃⲟⲗ ⲙⲡⲉⲧϣⲁⲁⲧ ⲙⲡⲣϯⲑⲉ ⲛⲟⲩⲣⲱⲙⲉ ⲉⲧⲣⲉϥⲥϩⲟⲩⲱⲣⲕ

4:6  ⲉϥϣⲁⲛⲥϩⲟⲩⲱⲣⲕ ⲅⲁⲣ ϩⲙ ⲡⲛⲟⲩϭⲥ ⲛⲧⲉϥⲯⲩⲭⲏ ⲡⲉⲛⲧⲁϥⲧⲁⲙⲓⲟϥⲛⲁⲥⲱⲧⲙ ⲉⲡⲉϥⲥⲟⲡⲥ

4:7  ⲁⲁⲕ ⲛϣⲟⲩⲙⲉⲣⲓⲧ ⲛⲧⲉⲕⲥⲩⲛⲁⲅⲱⲅⲏ ⲛⲅⲧϩⲃⲃⲓⲉⲧⲉⲕⲁⲡⲉ ⲙⲡⲉⲕⲛⲟϭ

4:8  ⲣⲓⲕⲉⲡⲉⲕⲙⲁⲁϫⲉ ⲉⲩϩⲏⲕⲉ ⲁⲩⲱ ⲛⲅⲟⲩⲱϣⲃ ⲛⲁϥ ϩⲛ ϩⲉⲛϣⲁϫⲉ ⲛⲉⲓⲣⲏⲛⲏ ϩⲛ ⲟⲩⲙⲛⲧⲣⲙⲣⲁϣ

4:9  ⲛⲉϩⲙⲡⲉⲧϫⲏⲩ ⲛϭⲟⲛⲥ ⲉⲧϭⲓϫ ⲙⲡⲉⲧϫⲓ ⲙⲙⲟϥ ⲛϭⲟⲛⲥ ⲙⲡⲣⲣⲕⲟⲩⲉⲓ ⲛϩⲏⲧ ϩⲛ ⲧⲉⲕⲯⲩⲭⲏ ⲉⲕⲛⲁϯϩⲁⲡ

4:10  ϣⲱⲡⲉ ⲉⲕⲟ ⲛⲑⲉ ⲛⲉⲓⲱⲧ ⲛⲛⲓⲟⲣⲫⲁⲛⲟⲥ ⲛⲅⲣⲡⲙⲁ ⲛⲟⲩϩⲁⲓ ⲛⲧⲉⲩⲙⲁⲁⲩ ⲧⲁⲣⲉⲕϣⲱⲡⲉ ⲛϣⲏⲣⲉ ⲙⲡⲉⲧϫⲟⲥⲉ ⲛⲧⲉⲧⲉⲕⲙⲁⲁⲩⲙⲉⲣⲓⲧⲕ ⲛϩⲟⲩⲟ

4:11  ⲧⲥⲟⲫⲓⲁ ⲁⲥϫⲓⲥⲉ ⲛⲛⲉⲥϣⲏⲣⲉ ⲁⲩⲱ ϣⲁⲥϣⲱⲡ ⲉⲣⲟⲥ ⲛⲛⲉⲧϣⲓⲛⲉ ⲛⲥⲱⲥ

4:12  ⲡⲉⲧⲙⲉ ⲙⲙⲟⲥ ⲉϥⲙⲉ ⲙⲡⲱⲛⲉϩ ⲁⲩⲱ ⲛⲉⲧϣⲱⲣⲡ ⲙⲙⲟⲟⲩ ⲉⲣⲟⲥ ⲥⲉⲛⲁⲥⲓ ⲛⲟⲩⲟⲩⲛⲟϥ

4:13  ⲡⲉⲧⲁⲙⲁϩⲧⲉ ⲙⲙⲟⲥ ⲛⲁⲕⲗⲏⲣⲟⲛⲟⲙⲓ ⲛⲟⲩⲉⲟⲟⲩ ⲁⲩⲱ ⲡⲙⲁ ⲉⲧⲥⲛⲁⲃⲱⲕ ⲉϩⲟⲩⲛ ⲉⲣⲟϥ ϣⲁⲣⲉⲡϫⲟⲉⲓⲥⲥⲙⲁⲙⲟⲩⲟⲩϥ

4:14  ⲛⲉⲧϣⲙϣⲉ ⲛⲁⲥ ⲉⲩⲉϣⲙϣⲉ ⲙⲡⲉⲧⲟⲩⲁⲁⲃ ⲁⲩⲱ ⲛⲉⲧⲙⲉ ⲙⲙⲟⲥ ⲡϫⲟⲉⲓⲥ ⲙⲉ ⲙⲙⲟⲟⲩ

4:15  ⲡⲉⲧⲥⲱⲧⲙ ⲛⲥⲱⲥ ⲛⲁⲕⲣⲓⲛⲉ ⲛⲛϩⲉⲑⲛⲟⲥ ⲡⲉⲧⲕⲱ ⲛϩⲏⲧϥ ⲉⲣⲟⲥ ⲛⲁⲟⲩⲱϩ ⲉϥⲧⲁϫⲣⲏⲩ

4:16  ⲉϣⲱⲡⲉ ⲉⲕϣⲁⲛⲡⲓⲥⲧⲉⲩⲉ ⲕⲛⲁⲕⲗⲏⲣⲟⲛⲟⲙⲉⲓ ⲙⲙⲟⲥ ⲁⲩⲱ ⲛⲉϥⲅⲉⲛⲉⲁⲛⲁϣⲱⲡⲉ ϩⲛ ⲟⲩⲙⲁ ⲛⲁⲙⲁϩⲧⲉ

4:17  ⲥⲛⲁⲥⲟⲧⲡϥ ⲛϣⲟⲣⲡ ϩⲛ ⲟⲩϭⲱⲱⲙⲉ ⲥⲛⲁⲧⲟⲩⲛⲥ ⲛⲟⲩϩⲟⲧⲉ ⲙⲛ ⲟⲩⲙⲛⲧϭⲱⲃ ⲉϩⲣⲁⲓ ⲉϫⲱϥ ⲛⲥⲃⲁⲥⲁⲛⲓⲍⲉ ⲙⲙⲟϥ ϩⲛ ⲧⲉⲥⲥⲃⲱ ϣⲁⲛⲧⲥⲧⲁⲛϩⲟⲩⲧⲥ ⲙⲛ ⲧⲉϥⲯⲩⲭⲏ ⲁⲩⲱ ⲥⲛⲁⲡⲓⲣⲁⲍⲉ ⲙⲙⲟϥ ϩⲛ ⲛⲉⲥⲇⲓⲕⲁⲓⲱⲙⲁ

4:18  ⲁⲩⲱ ⲥⲛⲁⲕⲟⲧⲥ ⲟⲛ ⲉⲣⲟϥ ϩⲛ ⲟⲩⲥⲟⲟⲩⲧⲛ ⲛⲥⲉⲩⲫⲣⲁⲛⲉ ⲙⲙⲟϥ ⲛⲥϭⲱⲗⲡ ⲛⲁϥ ⲉⲃⲟⲗ ⲛⲉⲥⲡⲉⲑⲏⲡ

4:19  ⲉϣⲱⲡⲉ ⲉϥϣⲁⲛⲥⲱⲣⲙ ⲥⲛⲁⲕⲁⲁϥ ⲛⲥⲱⲥ ⲛⲥⲧⲁⲁϥ ⲉⲛϭⲓϫ ⲙⲡⲉϥϩⲉ

4:20  ϯϩⲧⲏⲕ ⲉⲡⲉⲩⲟⲉⲓϣ ⲛⲅⲁⲣⲉϩ ⲉⲣⲟⲕ ⲉⲡⲡⲉⲑⲟⲟⲩ ⲁⲩⲱ ⲙⲡⲣϫⲓϣⲓⲡⲉ ⲉⲧⲃⲉ ⲧⲉⲕⲙⲛⲧⲁⲧⲥⲃⲱ

4:21  ⲟⲩⲛⲟⲩϣⲓⲡⲉ ⲅⲁⲣ ⲉϣⲁϥⲉⲓⲛⲉ ⲙⲡⲛⲟⲃⲉ ⲁⲩⲱ ⲟⲩⲛⲟⲩϣⲓⲡⲉ ⲉⲩⲉⲟⲟⲩ ⲡⲉ ⲙⲛ ⲟⲩⲭⲁⲣⲓⲥ

4:22  ⲙⲡⲣϫⲓϩⲟ ⲉⲩⲡⲉⲑⲟⲟⲩ ⲛⲧⲉⲕⲯⲩⲭⲏ ⲁⲩⲱ ⲙⲡⲣϣⲓⲡⲉ ϩⲙ ⲡⲉⲕϩⲉ

4:23  ⲙⲡⲣⲁⲙⲁϩⲧⲉ ⲛⲟⲩϣⲁϫⲉ ⲛⲟⲩⲟⲩⲟⲉⲓϣ ⲛⲟⲩϫⲁⲓ

4:24  ⲉϣⲁⲩⲥⲟⲩⲛⲧⲥⲟⲫⲓⲁ ⲅⲁⲣ ϩⲙ ⲡϣⲁϫⲉ ⲁⲩⲱ ⲧⲉⲥⲃⲱ ϩⲙ ⲡϣⲁϫⲉ ⲙⲡⲗⲁⲥ

4:25  ⲙⲡⲣϯ ⲟⲩⲃⲉ ⲧⲙⲉ ⲁⲩⲱ ⲛⲅϫⲓϣⲓⲡⲉ ⲉⲧⲃⲉ ⲧⲉⲕⲙⲛⲧⲁⲧⲥⲃⲱ

4:26  ⲙⲡⲣϣⲓⲡⲉ ⲉϩⲟⲙⲟⲗⲟⲅⲉⲓ ⲛⲛⲉⲕⲛⲟⲃⲉ ⲙⲡⲣⲁⲙⲁϩⲧⲉ ⲛⲟⲩⲉⲓⲉⲣⲟ ⲉϥⲥⲱⲕ

4:27  ⲙⲡⲣⲡⲟⲣϣⲕ ⲉⲃⲟⲗ ϩⲁⲧⲛ ⲟⲩⲣⲱⲙⲉ ⲛⲥⲟϭ ⲙⲡⲣϫⲓⲫⲟ ⲛⲟⲩϫⲱⲱⲣⲉ

4:28  ⲙⲓϣⲉ ⲉϫⲛ ⲧⲙⲉ ϣⲁϩⲣⲁⲓ ⲉⲡⲙⲟⲩ ϫⲉ ⲉⲣⲉⲡϫⲟⲉⲓⲥ ⲡⲛⲟⲩⲧⲉ ⲙⲓϣⲉ ⲉϩⲣⲁⲓ ⲉϫⲱⲕ

4:29  ⲙⲡⲣⲣⲣⲉϥϭⲉⲡⲏ ⲉϣⲁϫⲉ ⲉⲕⲟⲩⲟϣϥ ⲉⲕⲃⲏⲗ ⲉⲃⲟⲗ ϩⲛ ⲛⲉⲕϩⲃⲏⲩⲉ

4:30  ⲙⲡⲣⲣⲑⲉ ⲛⲛⲓⲙⲟⲩⲉⲓ ϩⲙ ⲡⲉⲕⲏⲉⲓ ⲉⲕⲟ ⲛⲧⲣⲁϩ ϩⲛ ⲛⲉⲕϩⲙϩⲁⲗ

4:31  ⲙⲡⲣⲧⲣⲉⲧⲉⲕϭⲓϫϣⲱⲡⲉ ⲉⲥⲥⲟⲩⲧⲱⲛ ⲉⲃⲟⲗ ⲉϫⲓ ⲛⲅⲉⲓ ⲉⲕⲛⲁϯ ⲛⲅⲛⲧⲥ ⲉⲣⲟⲕ

Chapter 5

5:1  ⲙⲡⲣⲕⲁϩⲧⲏⲕ ⲉⲛⲉⲕⲭⲣⲏⲙⲁ ⲙⲡⲣϫⲟⲟⲥ ϫⲉ ⲥⲉⲣⲱϣⲉ ⲉⲣⲟⲓ ϩⲙ ⲡⲁⲱⲛϩ

5:2  ⲙⲡⲣⲟⲩⲁϩⲕ ⲛⲥⲁ ⲡⲉⲕϩⲏⲧ ⲁⲩⲱ ⲧⲉⲕϭⲟⲙ <ⲉⲧⲣⲉⲕⲙⲟⲟϣⲉ ϩⲛ ⲛⲟⲩⲱϣ ⲙⲡⲉⲕϩⲏⲧ>

5:3  ⲙⲡⲣϫⲟⲟⲥ ϫⲉ ⲛⲓⲙ ⲡⲉⲧⲛⲁϭⲙϭⲟⲙ ⲉⲣⲟⲓ {ⲉⲧⲣⲉⲕⲙⲟⲟϣⲉ ϩⲛ ⲛⲟⲩⲱϣ ⲙⲡⲉⲕϩⲏⲧ} ⲡϫⲟⲉⲓⲥ ⲅⲁⲣ ϩⲛ ⲟⲩϫⲓⲕⲃⲁ ϥⲛⲁϫⲓⲕⲃⲁ ⲛϩⲏⲧⲕ

5:4  ⲙⲡⲣϫⲟⲟⲥ ϫⲉ ⲛⲧⲉⲣⲓⲣⲛⲟⲃⲉ ⲛⲧⲁⲟⲩ ϣⲱⲡⲉ ⲛⲁⲓ ⲡϫⲟⲉⲓⲥ ⲅⲁⲣ ⲟⲩϩⲁⲣϣϩⲏⲧ ⲡⲉ

5:5  ⲙⲡⲣⲣⲁⲑⲟⲧⲉ ϫⲉ ⲉⲥⲛⲁⲕⲱ ⲉⲃⲟⲗ ⲁⲩⲱ ⲛⲅⲟⲩⲉϩⲛⲟⲃⲉ ⲉϫⲛ ⲛⲉⲕⲛⲟⲃⲉ

5:6  ⲙⲡⲣϫⲟⲟⲥ ϫⲉ ⲛⲁϣⲉⲧⲉϥⲙⲛⲧϣⲁⲛϩⲧⲏϥ ⲁⲩⲱ ϥⲛⲁⲕⲱ ⲉⲃⲟⲗ ⲙⲡⲁϣⲁⲓ ⲛⲛⲁⲛⲟⲃⲉ ⲉⲣⲉⲡⲛⲁ ⲅⲁⲣ ⲙⲛ ⲧⲟⲣⲅⲏ ⲛⲧⲟⲟⲧϥ ⲁⲩⲱ ⲡⲉϥϭⲱⲛⲧ ⲛⲛⲏⲩ ⲉϫⲛ ϩⲉⲛⲣⲉϥⲣⲛⲟⲃⲉ

5:7  ⲙⲡⲣⲱⲥⲕ ⲉⲕⲉⲧⲕ ⲉⲡϫⲟⲉⲓⲥ ⲙⲡⲣϯⲟⲩϩⲟⲟⲩ ⲛⲥⲁ ⲟⲩϩⲟⲟⲩ ⲧⲟⲣⲅⲏ ⲅⲁⲣ ⲙⲡϫⲟⲉⲓⲥ ⲛⲛⲏⲩ ϩⲛ ⲟⲩϣⲥⲛⲉ ⲛⲅⲧⲁⲕⲟ ϩⲙ ⲡⲉⲩⲟⲉⲓϣ ⲙⲡϫⲓⲕⲃⲁ

5:8  ⲙⲡⲣⲕⲁϩⲧⲏⲕ ⲉϩⲉⲛⲭⲣⲏⲙⲁ ⲛϫⲓⲛϭⲟⲛⲥ ⲛⲥⲉⲛⲁϯϩⲏⲩ ⲅⲁⲣ ⲁⲛ ⲙⲙⲟⲕ ⲗⲗⲁⲁⲩ ϩⲙ ⲡⲉϩⲟⲟⲩ ⲙⲫⲓⲥⲉ

5:9  ⲙⲡⲣϣⲱϣ ⲙⲛ ⲧⲏⲩ ⲛⲓⲙ ⲙⲡⲣⲙⲟⲟϣⲉ ϩⲓ ϩⲓⲏ ⲛⲓⲙ

5:10  ϣⲱⲡⲉ ⲉⲕⲧⲁϫⲣⲏⲩ ϩⲛ ⲧⲉⲕⲙⲛⲧⲣⲙⲛϩⲏⲧ ⲁⲩⲱ ⲡⲉⲕϣⲁϫⲉ ⲙⲁⲣⲉϥϣⲱⲡⲉ ⲉⲟⲩⲁⲁ ⲡⲉ

5:11  ϣⲱⲡⲉ ⲉⲕϭⲉⲡⲏ ⲉⲥⲱⲧⲙ ⲁⲩⲱ ⲛⲅϫⲉⲛⲉⲕϣⲁϫⲉ ϩⲛ ⲟⲩⲙⲛⲧϩⲁⲣϣϩⲏⲧ

5:12  ⲉϣϫⲉ ⲛⲧⲕⲟⲩⲙⲛⲧⲣⲙⲛϩⲏⲧ ⲁϫⲓⲥ ⲙⲡⲉⲧϩⲓⲧⲟⲩⲱⲕ ⲉϣⲱⲡⲉ ⲙⲙⲟⲛ ⲕⲁⲧⲉⲕϭⲓϫ ⲉⲣⲛ ⲣⲱⲕ

5:13  ⲉⲣⲉⲡⲉⲟⲟⲩ ⲅⲁⲣ ⲙⲛ ⲡⲉⲥⲱϣ ϩⲛ ⲧϭⲓⲛϣⲁϫⲉ ⲁⲩⲱ ⲡⲗⲁⲥ ⲙⲡⲣⲱⲙⲉ ⲡⲉ ⲡⲉϥϩⲉ

5:14  ⲙⲡⲣⲧⲣⲉⲩⲙⲟⲩⲧⲉ ⲉⲣⲟⲕ ϫⲉ ⲡⲣⲉϥⲕⲁⲥⲕⲥ ⲁⲩⲱ ⲙⲡⲣⲧⲣⲉⲩϭⲱⲣϭ ⲉⲣⲟⲕ ϩⲙ ⲡⲉⲕⲗⲁⲥ ⲟⲩⲛⲧⲉⲡⲣⲉϥϫⲓⲟⲩⲉ ⲅⲁⲣ ⲟⲩϣⲓⲡⲉ ⲁⲩⲱ ⲟⲩⲛⲟⲩⲁⲣⲓⲕⲉ ⲉϥϩⲟⲟⲩ ϩⲙ ⲡⲉⲧⲟ ⲗⲗⲁⲥ ⲥⲛⲁⲩ

5:15  ⲙⲡⲣⲣⲁⲧⲥⲟⲟⲩⲛ ϩⲛ ⲟⲩⲛⲟϭ ⲙⲛ ⲟⲩⲕⲟⲩⲉⲓ (cap 6 v 1) ⲉⲡⲙⲁ ⲛⲧⲣⲉⲕⲣϣⲃⲏⲣ ⲙⲡⲣⲣϫⲁϫⲉ ⲡⲣⲁⲛ ⲅⲁⲣ ⲉⲑⲟⲟⲩ ⲉϥⲛⲁⲕⲗⲏⲣⲟⲛⲟⲙⲉⲓ ⲙⲡϣⲓⲡⲉ ⲛⲙ ⲡⲛⲟϭⲛⲉϭ ⲧⲁⲓ ⲧⲉ ⲑⲉ ⲙⲡⲣⲉϥⲣⲛⲟⲃⲉ ⲗⲗⲁⲥ ⲥⲛⲁⲩ

Chapter 6

6:1  (cf cap 5 v15)

6:2  ⲙⲡⲣϫⲁⲥⲧⲕ ϩⲙ ⲡϣⲟϫⲛⲉ ⲙⲡⲉⲕϩⲏⲧ ϫⲉⲕⲁⲥ ⲛⲛⲉⲩⲧⲱⲣⲡ ⲛⲧⲉⲕⲯⲩⲭⲏ ⲛⲑⲉ ⲛⲟⲩⲙⲁⲥⲉ

6:3  ⲥⲉⲛⲁⲟⲩⲱⲙ ⲛⲛⲉⲕϭⲱⲱⲃⲉ ⲛⲅⲧⲁⲕⲉⲛⲉⲕⲕⲁⲣⲡⲟⲥ ⲛⲅⲕⲁⲁⲕ ⲛⲑⲉ ⲛⲛⲓϣⲉ ⲉⲧϣⲟⲩⲱⲟⲩ

6:4  ϣⲁⲣⲉⲟⲩⲯⲩⲭⲏ ⲉⲥϩⲟⲟⲩ ⲧⲁⲕⲉⲡⲉⲛⲧⲁϥⲕⲁⲁⲥ ⲛⲁϥ ⲁⲩⲱ ϣⲁⲥⲧⲣⲉⲛⲉϥϫⲁϫⲉⲣⲁϣⲉ ⲙⲙⲟϥ

6:5  ϣⲁⲣⲉⲟⲩⲗⲁⲥ ⲛⲣⲉϥϣⲁϫⲉ ⲧⲁϣⲉⲛⲉⲧⲛⲁⲱϣ ⲉⲃⲟⲗ ϩⲏⲧϥ

6:6  ⲁⲣⲓⲉⲓⲣⲏⲛⲏ ⲙⲛ ⲟⲩⲟⲛ ⲛⲓⲙ ⲛⲉⲕⲣⲉϥϫⲓϣⲟϫⲛⲉ ⲇⲉ ⲉⲟⲩⲁ ⲛⲉ ⲉⲃⲟⲗ ϩⲛ ϣⲟ

6:7  ⲉϣϫⲉ ⲕⲛⲁⲕⲁⲟⲩϣⲃⲏⲣ ⲛⲁⲕ ⲕⲁⲁϥ ⲛⲁⲕ ⲉⲃⲟⲗ ϩⲛ ⲛⲉⲕϩⲓⲥⲉ ⲁⲩⲱ ⲛⲅⲧⲙⲧⲁⲛϩⲟⲩⲧⲕ ⲛⲉⲙⲁϥ ϩⲛ ⲟ[ⲩ]ϭⲉⲡⲏ

6:8  ⲟⲩⲛϣⲃⲏⲣ ⲅⲁⲣ ⲡⲣⲟⲥ ⲟⲩⲟⲩⲟⲉⲓϣ ⲁⲩⲱ ⲉⲛⲛⲉϥϭⲱ ⲛ[ⲁⲕ(?) ϩ]ⲛⲧⲉⲕⲑⲗⲓⲯⲓⲥ

6:9  ⲁⲩⲱ ⲟⲩⲛϣⲃⲏⲣ ⲛⲉϥϭⲱⲗⲡ ⲉⲃⲟⲗ ⲙ

6:10  ⲁⲩⲱ ⲟⲩⲛϣⲃⲏⲣ ⲛⲙⲙⲁⲕ ϩⲙ ⲡⲉϩⲟⲟⲩ [ⲛⲧⲉⲕⲑⲗⲓⲯⲓⲥ]

6:11  ϩⲛ ⲛⲉⲕⲡⲉⲧⲛⲁⲛⲟⲩϥ ⲙ]ⲙⲟϥ ⲉϫⲛ ⲛⲉⲕϩⲙϩⲁⲗ

6:12  ⲉϥⲛⲁϯ ⲟⲩⲃⲏⲕ

6:13  ⲁⲩⲱ ϯ[ϩⲧⲏⲕ ⲉⲃ]ⲟⲗ ϩⲛ ⲛⲉⲕϣⲃⲉⲉⲣ

6:14  ⲟⲩϣⲃⲏⲣ [ⲙⲡⲓ]ⲥⲧⲟⲥ ⲟⲩⲛⲁϣⲧⲉ ⲉⲥⲧⲁϫⲣⲏⲩ ⲧⲉ ⲡⲉⲛⲧⲁϥϩⲉ ⲉⲣⲟϥ ⲁϥϩⲉ ⲉⲩⲁϩⲟ

6:15  ⲟⲩϣⲃⲏⲣ ⲙⲡⲓⲥⲧⲟⲥ ⲙⲛⲧⲉϥϣⲃⲃⲓⲱ ⲁⲩⲱ ⲙⲛϣⲓ ⲙⲡⲉϥⲁⲛⲁⲓ

6:16  ⲟⲩϣⲃⲏⲣ ⲙⲡⲓⲥⲧⲟⲥ ⲟⲩⲡⲁϩⲣⲉ ⲛⲱⲛϩ ⲡⲉ ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲁϩⲉ ⲉⲣⲟϥ

6:17  ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ϣⲁⲩⲥⲟⲟⲩⲧⲛ ⲛⲧⲉⲩⲙⲛⲧϣⲃⲏⲣ ϫⲉ ⲕⲁⲧⲁⲣⲟϥ ⲅⲁⲣ ⲧⲁⲓ ⲧⲉ ⲑⲉ ⲙⲡⲉⲧϩⲓⲧⲟⲩⲱϥ

6:18  ⲡⲁϣⲏⲣⲉ ϫⲓⲛ ⲧⲉⲕⲙⲛⲧⲕⲟⲩⲓ ⲥⲱⲧⲡ ⲛⲧⲉⲥⲃⲱ ⲧⲁⲣⲉⲕϩⲉ ⲉⲩⲭⲁⲣⲓⲥ ϣⲁ ⲧⲉⲕⲙⲛⲧϩⲗⲗⲟ

6:19  ϯⲡⲉⲕⲟⲩⲟⲓ ⲉⲣⲟⲥ ⲛⲑⲉ ⲙⲡⲉⲧⲥⲕⲁⲓ [ⲙⲛ] ⲡⲉⲧϫⲟ ⲛⲅϭⲱϣⲧ ⲉⲃⲟⲗ ϩⲏⲧⲟⲩ ⲛⲛⲉⲥⲕⲁⲣⲡ[ⲟⲥ] ⲉⲧⲛⲁⲛⲟⲩⲟⲩ ⲕⲛⲁϣⲡⲟⲩϣⲏⲙ ⲛϩⲓⲥⲉ ϩⲙ ⲡⲉⲥϩⲱⲃ ⲁⲩⲱ ⲕⲛⲁⲟⲩⲱⲙ ⲛⲛⲉⲥϭⲣⲱϭ ϩⲛ ⲟⲩϭⲉⲡⲏ

6:20  ϣⲁⲥⲣⲑⲉ ⲛⲛⲓϩⲱⲃ ⲉⲧⲛⲁϣⲧ ⲉⲙⲁⲧⲉ ⲛⲛⲓⲁⲑⲏⲧ ⲁⲩⲱ ⲙⲁⲣⲉⲁⲧⲥⲃⲱ ϭⲱ ⲛϩⲏⲧⲥ

6:21  ⲥⲛⲁϣⲱⲡⲉ ⲉϩⲣⲁⲓ ⲉϫⲱϥ ⲛⲑⲉ ⲛⲟⲩⲱⲛⲉ ⲛϫⲓϫⲛⲓⲧ ⲛϭⲟⲙ ⲉⲛⲟϫⲥ ⲉⲃⲟⲗ

6:22  …………ⲡⲉ]ⲥⲣⲁⲛ [ⲁⲩ]ⲱ ⲛⲥⲟⲩⲟⲛϩ ⲁⲛ ⲉ[ⲃⲟⲗ ⲛϩⲁ]ϩ

6:23  [ⲥ]ⲱⲧⲙ ⲡⲁϣⲏⲣⲉ ⲛⲅϣⲱ[ⲡ] ⲉⲣⲟⲕ ⲛⲧⲁⲥⲃⲱ ⲁⲩⲱ ⲙⲡⲣⲕⲱ ⲛⲥⲱⲕ ⲙⲡⲁϣⲟϫⲛⲉ

6:24  ϯⲛⲉⲕⲟⲩⲉⲣⲏⲧⲉ ⲉϩⲟⲩⲛ ⲉⲛⲉⲥⲡⲁⲓⲇⲉⲥ ⲁⲩⲱ ⲡⲉⲕⲙⲁⲕϩ ⲉϩⲟⲩⲛ ⲉⲛⲉⲥⲕⲗⲁⲗ

6:25  ⲕⲁⲧⲉⲕⲛⲁϩⲃⲉ ϩⲁⲣⲟⲥ ⲛⲅϥⲓ ϩⲁⲣⲟⲥ ⲛⲅⲧⲙⲙⲉⲥⲧⲉⲛⲉⲥⲙⲣⲣⲉ

6:26  ϯⲡⲉⲕⲟⲩⲟⲉⲓ ⲉⲣⲟⲥ ϩⲛ ⲧⲉⲕϭⲟⲙ ⲧⲏⲣⲥ ⲛⲅϩⲁⲣⲉϩ ⲉⲛⲉⲥϩⲓⲟⲟⲩⲉ ϩⲛ ⲧⲉⲕⲛⲟⲙⲧⲉ ⲧⲏⲣⲥ

6:27  ϩⲟⲧϩⲧ ⲛⲅϣⲓⲛⲉ ⲁⲩⲱ ⲥⲛⲁⲟⲩⲱⲛϩ ⲉⲣⲟⲕ ⲛⲅⲁⲙⲁϩⲧⲉ ⲙⲙⲟⲥ ⲛⲅⲧⲙⲕⲁⲁⲥ ⲉⲃⲟⲗ

6:28  ⲕⲛⲁϩⲉ ⲅⲁⲣ ⲉⲡⲉⲥⲙⲧⲟⲛ ϩⲛ ⲧⲉⲕϩⲁⲏ ⲛⲥⲕⲟⲧⲥ ⲛⲁⲕ ⲉⲩⲟⲩⲛⲟϥ

6:29  ⲛⲧⲉⲛⲓⲡⲁⲓⲇⲉⲥⲣϩⲁⲉⲓⲃⲉⲥ ⲛⲁⲕ ⲛϭⲟⲙ ⲁⲩⲱ ⲛⲓⲕⲗⲁⲗ ⲛⲥⲧⲟⲗⲏ ⲛⲉⲟⲟⲩ

6:30  ⲟⲩⲕⲟⲥⲙⲟⲥ ⲛⲛⲟⲩⲃ ⲡⲉⲧϩⲓϫⲱⲥ ⲁⲩⲱ ϩⲛϩⲱⲥ ⲛϩⲩⲁⲕⲓⲛⲑⲓⲛⲟⲛ ⲛⲉ ⲛⲉⲥⲙⲣⲣⲉ

6:31  ⲕⲛⲁⲧⲁⲁⲥ ϩⲓⲱⲱⲕ ⲛⲑⲉ ⲛⲛⲓⲥⲧⲟⲗⲏ ⲛⲉⲟⲟⲩ ⲁⲩⲱ ⲛⲅⲧⲁⲗⲟⲥ ⲉϫⲱⲕ ⲛⲕⲗⲟⲙ ⲛⲧⲉⲗⲏⲗ

6:32  ⲉϣⲱⲡⲉ ⲉⲕϣⲁⲛⲟⲩⲱϣ ⲡⲁϣⲏⲣⲉ ⲕⲛⲁϫⲓⲥⲃⲱ ⲉⲕϣⲁⲛϯⲡⲉⲕϩⲏⲧ ⲕⲛⲁⲣⲥⲁⲃⲉ

6:33  ⲉⲕϣⲁⲛ ⲉⲕϣⲁ[ⲛⲣⲉⲕⲧⲡ]ⲉⲕⲙⲁⲁϫⲉ ⲕⲛⲁⲣⲥⲁⲃⲉ

6:34  ⲁϩⲉⲣⲁⲧⲕ [ϩⲙ ⲡ]ⲙⲏⲏϣⲉ ⲛⲛϩⲗⲗⲟ ⲛⲅⲧⲟϭⲕ [ⲉⲡ]ⲥⲁⲃⲉ ⲉⲧⲛϩⲏⲧⲟⲩ

6:35  ⲟⲩⲉϣⲥⲱⲧⲙ ⲉϣⲁϫⲉ ⲛⲓⲙ ⲉⲛⲁⲛⲟⲩ ⲙⲡⲁⲣϩⲟⲓⲙⲓⲁ ⲙⲛ ⲙⲙⲛⲧⲣⲙⲛϩⲏⲧ ⲙⲡⲣⲧⲣⲉⲩⲣⲡⲉⲕⲃⲟⲗ

6:36  ⲉⲕϣⲁⲛϩⲉ ⲉⲩⲥⲁⲃⲉ ϣⲟⲣⲡⲕ ⲉⲣⲟϥ ⲁⲩⲱ ⲙⲁⲣⲉⲧⲉⲕⲟⲩⲉⲣⲏⲧⲉϩⲉⲧⲧⲡⲛⲛⲏ ⲙⲡⲉϥⲏⲓ

6:37  ⲙⲉⲕⲙⲟⲩⲕⲕ ϩⲛ ⲛⲟⲩⲉϩⲥⲁϩⲛⲉ ⲙⲡϫⲟⲉⲓⲥ ⲛⲅⲙⲉⲗⲉⲧⲁ ⲛⲟⲩⲟⲉⲓϣ ⲛⲓⲙ ϩⲛⲛⲉϥⲉⲛⲧⲟⲗⲏ ⲛⲧⲟϥ ⲅⲁⲣ ⲡⲉⲧⲛⲁⲧⲁϫⲣⲉⲡⲉⲕϩⲏⲧ ⲁⲩⲱ ⲡⲟⲩⲱϣ ⲛⲧⲥⲟⲫⲓⲁ ⲥⲉⲛⲁⲧⲁⲁϥ ⲛⲁⲕ

Chapter 7

7:1  ⲙⲡⲣⲣⲡⲉⲑⲟⲟⲩ ⲁⲩⲱ ⲙⲛⲡⲉⲑⲟⲟⲩ ⲛⲁⲧⲁϩⲟⲕ

7:2  ⲥⲁϩⲱⲕ ⲉⲃⲟⲗ ⲙⲡϫⲓⲛϭⲟⲛⲥ ⲧⲁⲣⲉϥⲥⲁϩⲱϥ ⲉⲃⲟⲗ ⲙⲙⲟⲕ

7:3  ⲡⲁϣⲏⲣⲉ ⲙⲡⲣϫⲟ ⲉϫⲛ ⲛⲉⲧⲗⲟⲟⲙ ⲙⲡϫⲓⲛϭⲟⲛⲥ ϫⲉ ⲛⲛⲉⲕⲟϩⲥⲟⲩ ⲛⲥⲁϣϥ ⲛⲕⲱⲃ

7:4  ⲙⲡⲣϣⲓⲛⲉ ⲛⲥⲁ ⲟⲩⲙⲛⲧⲛⲟϭ ⲉⲃⲟⲗ ϩⲓⲧⲛ ⲡϫⲟⲉⲓⲥ ⲁⲩⲱ ⲟⲩⲕⲁⲑⲉⲇⲣⲁ ⲛⲉⲟⲟⲩ ⲉⲃⲟⲗ ϩⲓⲧⲛ ⲟⲩⲣⲣⲟ

7:5  ⲙⲡⲣⲧⲙⲁⲓⲟⲕ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ

7:6  ⲙⲡⲣⲣϩⲟⲧⲉ ϩⲛⲧϥ… ……ⲉϩⲟⲩⲛ ⲉⲡⲉⲕ…

7:7  ⲙⲡⲣⲣⲛⲟⲃⲉ ⲉϩⲟⲩⲛ ⲉⲡⲙⲏⲏϣⲉ ⲛⲟⲩⲡⲟⲗⲓⲥ

7:8  ⲙⲡⲣⲣⲟⲩⲛⲟⲃⲉ ⲛⲥⲉⲡ ⲥⲛⲁⲩ ⲛⲅⲛⲁ………

7:9  ⲙⲡⲣϫⲟ…… ⲁⲩⲱ ⲉⲓϣⲁⲛ ⲉϩⲣⲁⲓ ⲙⲡⲛⲟⲩⲧⲉ ⲡⲉⲧϫⲟⲥⲉ ϥⲛⲁϫⲓⲧⲟⲩ ⲛ

7:10  ⲙⲡⲣⲣⲕⲟⲩⲓ ⲛϩⲏⲧ ϩⲙ ⲡⲉⲕϣⲗⲏⲗ ⲁⲩⲱ ⲙⲛⲧⲛⲁ

7:11  ⲙⲡⲣⲥⲱⲃⲉ ⲛⲥⲁ ⲟⲩⲣⲱⲙⲉ ⲉϥ ϥϣⲟⲟⲡ ⲅⲁⲣ ⲛ[ϭⲓ …………………]

7:12  ⲙⲡⲣⲥⲕⲁⲓϭⲟⲗ ⲉⲡⲉⲕⲥⲟⲛ ⲟⲩⲇⲉ ⲙⲡⲣⲣⲡⲁⲓ ⲙⲡⲉⲕϣⲃⲏⲣ

7:13  ⲙⲡⲣⲟⲩⲱϣ ⲉϫⲓϭⲟⲗ ϩⲛ ϭⲟⲗ ⲛⲁⲛⲟⲩϥ ⲁⲛ

7:14  ⲙⲡⲣⲣⲑⲉ ⲛⲛⲉⲧϫⲓϩⲣⲁⲩ [ⲟⲩⲉ]ϩⲙⲟⲩϣⲁϫⲉ ⲉⲕ

7:15  ⲙⲡⲣⲙⲉⲥⲧⲉⲟⲩϩⲱⲃ ⲉϥϩⲟⲥⲉ [ⲁⲩⲱ] ⲧⲙⲛⲧⲟⲩⲟⲉⲓⲏ [ⲉⲛⲧ]ⲁⲩⲥⲟⲛ[ⲧⲥ ϩⲓⲧⲙ ⲡⲉⲧϫⲟⲥⲉ]

7:16  ⲙⲡⲣⲟⲡⲕ ϩⲙ ⲡⲙⲏϣⲉ ⲛⲛⲣⲉϥⲣⲛⲟⲃⲉ ⲁⲣⲓⲡⲙⲉⲉⲩⲉ ϫⲉ ⲧⲟⲣⲅⲏ [ ]

7:17  ⲑⲃⲃⲓⲉ ⲧⲉⲕⲯⲩⲭⲏ ⲉⲙⲁⲧⲉ ϫⲉ ⲡⲕⲱϩⲧ ⲅⲁⲣ ⲛⲙ ⲡϥⲛⲧ ⲡⲉ ⲡϫⲓⲕⲃⲁ ⲙⲡⲁⲥⲉⲃⲏⲥ

7:18  ⲙⲡⲣϣⲓⲃⲉ ⲙⲡⲉⲕϣⲃⲏⲣ ⲉⲧⲃⲉ ⲟⲩⲙⲛⲧⲙⲁⲓϣⲓⲃⲉ ⲁⲩⲱ ⲟⲩⲥⲟⲛ ⲉⲛⲁⲛⲟⲩϥ ⲉⲧⲃⲉ ⲟⲩⲛⲟⲩⲃ ⲛⲥⲟⲩⲫⲓⲣ

7:19  ⲙⲡⲣⲕⲱⲛⲥ ⲉⲟⲩⲥϩⲓⲙⲉ ⲛⲥⲁⲃⲏ ⲁⲩⲱ ⲉ[ⲛⲁⲛⲟⲩⲥ ⲡⲉⲥϩⲙⲟⲧ ⲅ]ⲁⲣ ⲥⲟⲧⲡ [ⲉⲡⲛⲟⲩⲃ]

7:20  ⲙⲡⲣ… ⲁⲩⲱ ⲟⲩϫⲁⲓⲃⲉⲕⲉ ⲉϥϯ ⲙⲡⲉϥϩⲏⲧ

7:21  ⲟⲩϩⲙϩⲁⲗ ⲧⲉⲕⲯⲩⲭⲏ

7:22  ⲟ[ⲩⲛ]ⲧ[ⲕ]… ⲁⲩⲱ ϣⲁ[ⲛ]…

7:23  ⲟⲩⲛⲧⲕϣⲏⲣⲉ ⲙⲙⲁⲩ …(?) ϯⲥⲃⲱ ⲛⲁⲩ ⲕⲱⲗϫ ⲙⲡⲉⲩⲙⲁⲕϩ ϫⲓⲛ ⲧⲉⲩⲙⲛⲧⲕⲟⲩⲓ

7:24  ⲟⲩⲛⲧⲕϣⲉⲉⲣⲉ ⲙⲙⲁⲩ ϯ ϩⲧⲏⲕ [ⲉⲡ]ⲉⲩⲥⲱⲙⲁ ⲁⲩⲱ ⲙⲡⲣ… ⲉⲡⲉⲕϩⲟ ⲉϩⲟⲩⲛ

7:25  [ⲁⲩⲱ] ϯⲧⲉⲕϣⲉⲉⲣⲉ ⲧⲁⲣⲉⲕϫⲉⲕ[ⲧⲟⲟⲧⲥ] ⲉⲃⲟⲗ [ⲛⲛⲟⲩ]ⲛⲟϭ [ⲛϩⲱ]ⲃ ⲧⲁⲁⲥ ϫⲉ ⲛⲛⲟⲩϩⲁⲓ ⲣⲣⲙⲛϩⲏⲧ ⲟⲩⲙⲉⲥ…

7:26  ⲟⲩⲛⲧⲕⲟⲩⲥϩⲓⲙⲉ ⲙⲙⲁⲩ ⲕⲁⲧⲁ ⲡⲉⲕϩⲏⲧ ⲙⲡⲣⲛⲟϫⲥ ⲉⲃⲟⲗ

7:27  ϩⲙ ⲡⲉⲕϩⲏⲧ ⲧⲏⲣϥ ϯⲉⲟⲟⲩ ⲙⲡⲉⲕⲉⲓⲱⲧ ⲁⲩⲱ ⲛⲛⲁⲁⲕⲉ ⲛⲧⲉⲕⲙⲁⲁⲩ ⲙⲡⲣⲣⲡⲉⲩⲱⲃϣ

7:28  ⲁⲣⲓⲡⲙⲉⲉⲩⲉ ϫⲉ ⲛⲥⲁ ⲃⲗⲗⲁⲩ ⲛⲉⲕⲛⲁϣⲱⲡⲉ ⲁⲛ ⲡⲉ: ⲁⲩⲱ ⲉⲅⲛⲁϯⲟⲩ ⲛⲁⲩ ⲛⲑⲉ ⲛⲧⲁⲩϯ ⲛⲁⲕ

7:29  ϩⲛ ⲧⲉⲕⲯⲩⲭⲏ ⲧⲏⲣⲥ ⲁⲣⲓϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲩⲱ ⲛⲅϯⲉⲟⲟⲩ ⲛⲛⲉϥⲟⲩⲏⲏⲃ

7:30  ϩⲛ ⲧⲉⲕϭⲟⲙ ⲧⲏⲣⲥ ⲙⲉⲣⲉⲡⲉⲛⲧⲁϥⲧⲁⲙⲓⲟⲕ ⲁⲩⲱ ⲙⲡⲣⲕⲱ ⲛⲥⲱⲕ ⲛⲛⲉⲧϣⲙϣⲉ ⲛⲁϥ

7:31  ⲁⲣⲓϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲅϯⲉⲟⲟⲩ ⲛⲛⲉϥⲟⲩⲏⲏⲃ ⲛⲅϯ ⲛⲁϥ ⲛⲛⲉϥⲧⲟ ⲕⲁⲧⲁ ⲑⲉ ⲉⲛⲧⲁϥϩⲱⲛ ⲉⲧⲟⲟⲧⲕ ⲧⲁⲡⲁⲣⲭⲏ ⲁⲩⲱ ⲡϯϩⲁⲛⲟⲃⲉ ⲙⲛ ⲡⲉϭⲃⲟⲓ ⲙⲛ ⲧⲉⲑⲩⲥⲓⲁ ⲙⲡⲧⲃⲃⲟ ⲙⲛ ⲧⲁⲡⲁⲣⲭⲏ ⲛⲛⲉⲧⲟⲩⲁⲁⲃ

7:32  ⲁⲩⲱ ⲛⲅⲥⲟⲟⲩⲧⲛ ⲛⲧⲉⲕϭⲓϫ ⲉⲫⲏⲕⲉ ϫⲉ ⲉⲣⲉⲡⲉⲕⲥⲙⲟⲩ ϫⲱⲕ ⲉⲃⲟⲗ

7:33  ⲧⲉⲭⲁⲣⲓⲥ ⲙⲛ ⲟⲩⲧⲁⲓⲟ ⲙⲡⲉⲙⲧⲟ ⲉⲃⲟⲗ ⲛⲣⲱⲙⲉ ⲛⲓⲙ ⲙⲡⲣⲕⲱⲗⲩ ⲛⲟⲩϩⲙⲟⲧ ϩⲓ ⲟⲩⲣⲉϥⲙⲟⲟⲩⲧ

7:34  ⲣⲓⲙⲉ ⲙⲛ ⲛⲉⲧⲣⲓⲙⲉ ⲁⲣⲓϩⲏⲃⲉ ⲙⲛ ⲛⲉⲧⲣϩⲏⲃⲉ

7:35  ⲙⲡⲣϫⲛⲁⲁⲩ ⲉϭⲙⲡϣⲓⲡⲉ ⲛⲛⲉⲧϣⲱⲛⲉ ⲉⲩⲛⲁⲙⲉⲣⲓⲧⲕ ⲅⲁⲣ ϩⲙ ⲡⲁⲓ

7:36  ϩⲛ ⲛⲉⲕϣⲁϫⲉ ⲧⲏⲣⲟⲩ ⲁⲣⲓⲡⲙⲉⲉⲩⲉ ⲛⲧⲉⲕϩⲁⲏ ⲁⲩⲱ ⲛⲅⲛⲁⲣⲛⲟⲃⲉ ⲁⲛ ⲡⲉ ⲛϣⲁⲉⲛⲉϩ

Chapter 8

8:1  ⲙⲡⲣⲙⲓϣⲉ ⲙⲛ ⲟⲩⲣⲱⲙⲉ ⲛϫⲱⲱⲣⲉ ⲙⲏⲡⲟⲧⲉ ⲛⲅⲉⲓ ⲉⲧⲟⲟⲧϥ

8:2  ⲙⲡⲣϯⲧⲱⲛ ⲙⲛ ⲟⲩⲣⲙⲙⲁⲟ ⲙⲏⲡⲟⲧⲉ ⲛϥϣⲓⲛⲟⲩⲃ ⲉϩⲣⲁⲓ ⲟⲩⲃⲏⲕ ⲁⲡⲛⲟⲩⲃ ⲅⲁⲣ ⲧⲁⲕⲉϩⲁϩ ⲁⲩⲱ ⲁϥⲣⲓⲕⲉ ⲙⲫⲏⲧ ⲛⲛⲉⲣⲣⲱⲟⲩ

8:3  ⲙⲡⲣⲙⲓϣⲉ ⲙⲛ ⲟⲩⲣⲱⲙⲉ ⲛϫⲁⲥⲧⲥⲙⲏ ⲁⲩⲱ ⲙⲡⲣⲧⲁⲗⲉϣⲉ ⲉϩⲣⲁⲓ ⲉϫⲙ ⲡⲉϥⲕⲱϩⲧ

8:4  ⲙⲡⲣⲥⲱⲃⲉ ⲙⲛ ⲟⲩⲁⲧⲥⲃⲱ ϫⲉ ⲛⲛⲉⲩⲥⲱϣ ⲛⲛⲉⲕⲉⲓⲟⲧⲉ

8:5  ⲙⲡⲣⲛⲟϭⲛⲉϭ ⲛⲟⲩⲣⲱⲙⲉ ⲉⲁϥⲥⲁϩⲱϥ ⲉⲃⲟⲗ ⲙⲡⲛⲟⲃⲉ ⲁⲣⲓⲡⲙⲉⲉⲩⲉ ϫⲉ ⲧⲛϩⲛ ϩⲉⲛⲧϭⲁⲓⲟ ⲧⲏⲣⲛ

8:6  ⲙⲡⲣⲥⲉϣⲟⲩⲣⲱⲙⲉ ϩⲛ ⲧⲉϥⲙⲛⲧϩⲗⲗⲟ ⲉⲩⲣϩⲗⲗⲟ ⲅⲁⲣ ⲛϩⲏⲧⲛ

8:7  ⲙⲡⲣⲣⲁϣⲉ ⲉϫⲛ ⲟⲩⲁ ⲉⲁϥⲙⲟⲩ ⲁⲣⲓⲡⲙⲉⲉⲩⲉ ϫⲉ ⲧⲛⲛⲁⲙⲟⲩ ⲧⲏⲣⲛ

8:8  ⲙⲡⲣⲟⲃϣⲕ ⲉⲡϣⲁϫⲉ ⲛⲛⲥⲟⲫⲟⲥ ⲉⲕⲉⲙⲟⲟϣⲉ ⲇⲉ ϩⲛ ⲛⲉⲩⲡⲁⲣϩⲟⲓⲙⲓⲁ ϫⲉ ⲉⲕⲛⲁⲥⲁⲃⲟ ⲉⲧⲉⲥⲃⲱ ⲉⲃⲟⲗ ϩⲓⲧⲟⲟⲧⲟⲩ ⲁⲩⲱ ⲧϭⲓⲛϣⲙϣⲉ ⲛⲛⲟϭ

8:9  ⲙⲡⲣⲕⲱ ⲛⲥⲱⲕ ⲛⲛϣⲁϫⲉ ⲛⲛϩⲗⲗⲟ ⲛⲧⲁⲩⲥⲁⲃⲟ ϩⲱⲟⲩ ⲉⲣⲟⲟⲩ ϩⲓⲧⲛ ⲛⲉⲩⲉⲓⲟⲧⲉ ϫⲉ ⲉⲕⲛⲁⲥⲃⲟ ⲉⲧⲙⲛⲧⲣⲙⲛϩⲏⲧ ⲉⲃⲟⲗ [ϩⲓⲧⲟⲟⲧⲟⲩ] ⲁⲩⲱ ϩⲙ ⲡⲉⲩⲟⲉⲓϣ ⲛⲧⲭⲣⲓⲁ ⲛ[………]

8:10  ⲙⲡⲣⲧⲙϩⲉⲛϫⲃⲃⲉⲥ ⲙⲡⲣⲉϥⲣⲛⲟⲃⲉ ⲙⲏⲡⲟⲧⲉ ⲛⲅⲣⲱⲕϩ ϩⲙ ⲡⲕⲱϩⲧ ⲙⲡⲉϥϣ[ⲁϩ]

8:11  ⲙⲡⲣⲧⲱⲛⲕ ϩⲁⲑⲏ ⲛⲟⲩⲣⲉϥⲣⲛⲟⲃⲉ ϫⲉⲕⲁⲁⲥ ⲛⲛⲉϥϩⲙⲟⲟⲥ ⲛⲑⲉ ⲛⲟⲩϭⲟⲣϭⲥ ϩⲓ ⲣⲱⲕ

8:12  ⲙⲡⲣϯ ⲉⲙⲏⲥⲉ ⲙⲡϫⲱⲱⲣⲉ ⲉⲣⲟⲕ ⲕⲁⲛ ⲉⲕϣⲁⲛϯ ϣⲱⲡⲉ ⲛⲑⲉ ⲙⲡⲉⲛⲧⲁϥⲥⲟⲣⲙⲟⲩ

8:13  ⲙⲡⲣϣⲡⲧⲱⲣⲉ ⲡⲁⲣⲁ ⲧⲉⲕϭⲟⲙ ⲁⲩⲱ ⲉⲕϣⲁⲛϣⲡⲧⲱⲣⲉ ϥⲓⲡⲣⲟⲟⲩϣ ⲛⲧⲁⲁⲩ

8:14  ⲙⲡⲣϫⲓϩⲁⲡ ⲙⲛ ⲟⲩⲣⲉϥϯϩⲁⲡ ⲉⲩⲛⲁⲕⲣⲓⲛⲉ ⲅⲁⲣ ⲙⲙⲟϥ ⲕⲁⲧⲁ ⲡⲉϥⲉⲟⲟⲩ

8:15  ⲙⲡⲣⲙⲟⲟϣⲉ ϩⲓ ϩⲓⲏ ⲙⲛ ⲧⲟⲗⲙⲏⲣⲟⲥ ϫⲉⲕⲁⲥ ⲛⲛⲉϥⲧⲱⲟⲩⲛ ⲉϫⲱⲕ ⲛⲧⲟϥ ⲅⲁⲣ ⲉϥⲙⲟⲟϣⲉ ⲕⲁⲧⲁ ⲡⲉϥⲟⲩⲱϣ ⲁⲩⲱ ⲕⲛⲁⲧⲁⲕⲟ ⲡⲉ ϩⲛ ⲧⲉⲕⲙⲛⲧⲁⲑⲏⲧ

8:16  ⲙⲡⲣⲙⲓϣⲉ ⲙⲛ ⲟⲩⲣⲉϥϭⲱⲛⲧ ⲁⲩⲱ ⲙⲡⲣⲙⲟⲟϣⲉ ⲛⲙⲙⲁϥ ϩⲓ ⲡϫⲁⲉⲓⲉ ⲟⲩⲗⲁⲁⲩ ⲅⲁⲣ ⲡⲉ ⲡⲉⲕⲥⲛⲟϥ ⲛⲛⲁϩⲣⲁϥ ⲁⲩⲱ ϥⲛⲁⲧⲁⲩⲟⲕ ⲉϩⲣⲁⲓ ⲉⲡⲙⲁ ⲉⲧⲉⲙⲛⲃⲟⲏⲑⲓⲁ

8:17  ⲙⲡⲣϣⲟϫⲛⲉ ⲙⲛ ⲟⲩⲥⲟϭ ⲙⲛϣϭⲟⲙ ⲙⲙⲟⲟⲩ ⲉⲁⲙⲁϩⲧⲉ ⲛⲛϣⲁϫⲉ

8:18  ⲙⲡⲣⲣϩⲱⲃ ⲉϥϩⲏⲡ ⲙⲡⲉⲙⲧⲟ ⲉⲃⲟⲗ ⲛⲟⲩ[ϣⲙⲙⲟ] ⲛⲅⲥⲟⲟⲩⲛ ⲅⲁⲣ [ⲁⲛ ϫ]ⲉ ⲉⲕⲛⲁⲣⲟⲩ

8:19  ⲙⲡⲣⲟⲩⲉⲛϩⲡⲉⲕϩⲏⲧ ⲉⲣⲱⲙⲉ ⲛⲓⲙ ⲁⲩⲱ ⲙⲡⲣⲧⲁⲗⲉϩⲙⲟⲧ ⲉⲣⲟⲕ

Chapter 9

9:1  ⲙⲡⲣⲕⲱϩ ⲉⲧⲉⲕⲥϩⲓⲙⲉ ⲙⲡⲣϯⲥⲃⲱ ⲛⲁⲥ ⲉϫⲱⲕ ⲛⲟⲩⲥⲃⲱ ⲉⲥϩⲟⲟⲩ

9:2  ⲙⲡⲣϯ ⲙⲡⲉⲕϩⲏⲧ ⲉⲧⲉⲕⲥϩⲓⲙⲉ ⲉⲧⲣⲉⲥⲁⲗⲉ ⲉϩⲣⲁⲓ ⲉϫⲛ ⲧⲉⲕϭⲟⲙ

9:3  ⲙⲡⲣⲧⲱⲙⲛⲧ ⲉⲩⲥϩⲓⲙⲉ ⲛϩⲉⲧⲉⲣⲁ ⲙⲏⲡⲟⲧⲉ ⲛⲅϩⲉ ϩⲛ ⲛⲉⲥϭⲟⲣϭⲥ

9:4  ⲙⲡⲣⲧⲁϣⲟⲕ ϩⲁⲧⲛ ⲧⲉⲧⲯⲁⲗⲗⲉⲓ ⲙⲏⲡⲟⲧⲉ ⲛⲅⲧⲁⲕⲟ ϩⲛ ⲛⲉⲥϩⲃⲏⲩⲉ

9:5  ⲙⲡⲣⲙⲉϣⲧⲟⲩⲡⲁⲣⲑⲉⲛⲟⲥ ⲙⲏⲡⲟⲧⲉ ⲛⲅⲥⲕⲁⲛⲇⲁⲗⲓⲍⲉ ϩⲙ ⲡⲉⲥⲥⲁ

9:6  ⲙⲡⲣϯⲡⲉⲕϩⲏⲧ ⲛϩⲉⲛⲡⲟⲣⲛⲏ ϫⲉⲕⲁⲥ ⲛⲛⲉⲕⲧⲁⲕⲉⲧⲉⲕⲕⲗⲏⲣⲟⲛⲟⲙⲓⲁ

9:7  ⲙⲡⲣⲙⲟⲩⲣϣ ⲛⲛϩⲓⲣ ⲛⲟⲩⲡⲟⲗⲓⲥ ⲟⲩⲇⲉ ⲙⲡⲣⲕⲱⲧⲉ ϩⲛ ⲛⲉⲥⲙⲁ ⲛϫⲁⲓⲉ

9:8  ⲕⲧⲉⲛⲉⲕⲃⲁⲗ ⲉⲃⲟⲗ ⲛⲟⲩⲥϩⲓⲙⲉ ⲛⲥⲁⲓⲏ ⲁⲩⲱ ⲙⲡⲣⲙⲟⲩϣⲧ ⲛⲟⲩⲥⲁ ⲙⲡⲱⲕ ⲁⲛ ⲡⲉ ⲁϩⲁϩ ⲁⲩⲥⲱⲣⲙ ϩⲙ ⲡⲥⲁ ⲛⲛⲉϩⲓⲟⲙⲉ ⲁⲩⲱ ⲉⲃⲟⲗ ϩⲙ ⲡⲁⲓ ϣⲁⲣⲉⲟⲩⲙⲛⲧϣⲃⲏⲣⲙⲟⲩϩ ⲛⲑⲉ ⲛⲟⲩⲕⲱϩⲧ

9:9  ⲙⲡⲣϩⲙⲟⲟⲥ ⲗⲁⲁⲩ ϩⲁⲧⲛ ⲟⲩⲥϩⲓⲙⲉ ⲉⲩⲛⲧⲥϩⲁⲓ ⲁⲩⲱ ⲙⲡⲣϯⲥⲩⲙⲃⲟⲗⲏ ⲛⲙⲙⲁⲥ ⲉⲩⲏⲣⲡ ⲙⲏⲡⲟⲧⲉ ⲛⲧⲉⲡⲉⲕϩⲏⲧⲣⲁⲕⲧⲕ ⲉϫⲱⲥ ⲛⲅⲥⲗⲁⲁⲧⲉ ϩⲙ ⲡⲉⲕⲡⲛⲉⲩⲙⲁ ⲉⲡⲧⲁⲕⲟ

9:10  ⲙⲡⲣⲕⲱ ⲛⲥⲱⲕ ⲛⲟⲩϣⲃⲏⲣ ⲛⲁⲥ: ⲙⲡⲃⲣⲣⲉ ⲅⲁⲣ ϣⲏϣ ⲛⲙⲙⲁϥ ⲁⲛ ϫⲉ ⲛⲑⲉ ⲛⲟⲩⲏⲣⲡ ⲃⲃⲣⲣⲉ ⲧⲁⲓ ⲧⲉ ⲑⲉ ⲛⲟⲩϣⲃⲏⲣ ⲃⲃⲣⲣⲉ ⲉϣⲱⲡⲉ ⲉϥϣⲁⲛⲱⲥⲕ ϣⲁⲕⲥⲟⲟϥ ϩⲛ ⲟⲩⲟⲩⲛⲟϥ

9:11  ⲙⲡⲣⲕⲱϩ ⲉⲡⲉⲟⲟⲩ ⲙⲡⲣⲉϥⲣⲛⲟⲃⲉ ⲛⲅⲥⲟⲟⲩⲛ ⲅⲁⲣ ⲁⲛ ϫⲉ ⲟⲩ ⲡⲉ ⲡⲉϥϣⲟⲣϣⲣ

9:12  ⲙⲡⲣⲟⲩⲱϣ ϩⲛ ⲛⲟⲩⲱϣ ⲛⲛⲁⲥⲉⲃⲏⲥ ⲁⲣⲓⲡⲙⲉⲉⲩⲉ ϫⲉ ⲛⲥⲉⲛⲁⲧⲙⲁⲓⲟ ⲁⲛ ϣⲁ ⲁⲙⲛⲧⲉ

9:13  ⲥⲁϩⲱⲕ ⲉⲃⲟⲗ ⲛⲟⲩⲣⲱⲙⲉ ⲉⲩⲛⲧϥⲧⲉⲝⲟⲩⲥⲓⲁ ⲛϩⲱⲧⲃ ⲁⲩⲱ ⲛⲛⲉⲕⲙⲉⲉⲩⲉ ⲉⲑⲟⲧⲉ ⲙⲡⲙⲟⲩ ⲕⲁⲛ ⲉⲕϣⲁⲛϯⲡⲉⲕⲟⲩⲟⲓ ⲉⲣⲟϥ ⲙⲡⲣⲣⲛⲟⲃⲉ ϫⲉⲕⲁⲁⲥ ⲉⲛⲛⲉϥϥⲓ ⲙⲡⲉⲕⲱⲛϩ ⲉⲓⲙⲉ ϫⲉ ⲉⲕⲙⲟⲟϣⲉ ϩⲛ ⲧⲙⲏⲧⲉ ⲛϩⲉⲛϭⲟⲣϭⲥ ⲁⲩⲱ ϩⲓϫⲛ ⲛⲥⲟⲃⲧ ⲛⲟⲩⲡⲟⲗⲓⲥ

9:14  ⲕⲁⲧⲁ ⲧⲉⲕϭⲟⲙ ϯϩⲧⲏⲕ ⲉⲣⲟⲕ ⲉⲡⲉⲧϩⲓⲧⲟⲩⲱⲕ ⲁⲩⲱ ⲛⲅϫⲓϣⲟϫⲛⲉ ⲙⲛ ϩⲉⲛⲥⲟⲫⲟⲥ

9:15  ⲙⲁⲣⲉⲡⲉⲕϣⲟϫⲛⲉϣⲱⲡⲉ ⲙⲛ ϩⲉⲛⲥⲁⲃⲉ ⲁⲩⲱ ⲛⲉⲕϣⲁϫⲉ ⲧⲏⲣⲟⲩ ϩⲙ ⲡⲛⲟⲙⲟⲥ ⲙⲡⲉⲧϫⲟⲥⲉ

9:16  ⲙⲁⲣⲉϩⲉⲛⲣⲱⲙⲉ ⲛⲇⲓⲕⲁⲓⲟⲥ ϣⲱⲡⲉ ⲛϣⲃⲏⲣⲟⲩⲱⲙ ϩⲓ ⲥⲱ ⲁⲩⲱ ⲙⲁⲣⲉⲡⲉⲕϣⲟⲩϣⲟⲩϣⲱⲡⲉ ϩⲛ ⲑⲟⲧⲉ ⲙⲡϫⲟⲉⲓⲥ

9:17  ϣⲁⲩⲧⲁⲓⲉⲫⲱⲃ ϩⲛ ⲧϭⲓϫ ⲙⲡⲣⲉϥⲣⲉⲓⲟⲡⲉ ⲁⲩⲱ ⲡⲛⲟϭ ⲛⲟⲩⲗⲁⲟⲥ ⲟⲩⲥⲟⲫⲟⲥ ⲡⲉ ϩⲙ ⲡⲉϥϣⲁϫⲉ

9:18  ⲟⲩⲣⲉϥϯϩⲟⲧⲉ ϩⲛ ⲧⲉϥⲡⲟⲗⲓⲥ ⲡⲉ ⲟⲩⲣⲱⲙⲉ ⲛⲣⲉϥⲱϣ ⲉⲃⲟⲗ ⲁⲩⲱ ϣⲁⲩⲙⲉⲥⲧⲉⲡⲣⲉϥϥⲟϭϥ ⲉⲃⲟⲗ ϩⲙ ⲡⲉϥϣⲁϫⲉ

Chapter 10

10:1  ⲟⲩⲕⲣⲓⲧⲏⲥ ⲛⲥⲁⲃⲉ ϣⲁϥϯⲥⲃⲱ ⲙⲡⲉϥⲗⲁⲟⲥ ⲁⲩⲱ ⲑⲏⲅⲉⲙⲟⲛⲓⲁ ⲛⲟⲩⲥⲁⲃⲉ ⲛⲁϣⲱⲡⲉ ⲉⲥⲧⲏϣ

10:2  ⲛⲑⲉ ⲙⲡⲉⲕⲣⲓⲧⲏⲥ ⲛⲟⲩⲗⲁⲟⲥ ⲧⲁⲓ ⲧⲉ ⲑⲉ ⲛⲛⲉⲧϣⲙϣⲉ ⲛⲁϥ ⲛⲑⲉ ⲙⲡⲛⲟϭ ⲛⲟⲩⲡⲟⲗⲓⲥ ⲧⲁⲓ ⲧⲉ ⲑⲉ ⲛⲟⲩⲟⲛ ⲛⲓⲙ ⲉⲧⲟⲩⲏϩ ⲛϩⲏⲧⲥ

10:3  ⲟⲩⲣⲣⲟ ⲛⲁⲧⲥⲃⲱ ϣⲁϥⲥⲱⲣⲙ ⲙⲡⲉϥⲗⲁⲟⲥ ⲁⲩⲱ ϣⲁⲣⲉⲟⲩⲡⲟⲗⲓⲥϭⲱⲣϭ ϩⲛ ⲧⲙⲛⲧⲣⲙⲛϩⲏⲧ ⲛⲟⲩϫⲱⲱⲣⲉ

10:4  ⲉⲣⲉⲧⲉⲝⲟⲩⲥⲓⲁ ⲙⲡⲕⲁϩ ϩⲛ ⲧϭⲓϫ ⲙⲡϫⲟⲉⲓⲥ ⲁⲩⲱ ϣⲁϥⲧⲟⲩⲛⲉⲥⲡϣⲁⲩ ⲉϩⲣⲁⲓ ⲉϫⲱϥ ϩⲙ ⲡⲉⲩⲟⲉⲓϣ

10:5  ⲉⲣⲉⲡⲥⲟⲟⲩⲧⲛ ⲙⲡⲣⲱⲙⲉ ϩⲛ ⲧϭⲓϫ ⲙⲡϫⲟⲉⲓⲥ ⲁⲩⲱ ϣⲁϥϯⲡⲉϥⲉⲟⲟⲩ ϩⲓ ⲡϩⲟ ⲛⲟⲩⲅⲣⲁⲙⲙⲁⲧⲉⲩⲥ

10:6  ⲙⲡⲣⲛⲟⲩϭⲥ ⲉⲡⲉⲧϩⲓⲧⲟⲩⲱⲕ ϩⲓ ϫⲓⲛϭⲟⲛⲥ ⲛⲓⲙ ⲁⲩⲱ ⲙⲡⲣⲣⲗⲁⲁⲩ ⲛϩⲱⲃ ⲉϥⲥⲏϣ

10:7  ⲧⲙⲛⲧϫⲁⲥⲓϩⲏⲧ ϣⲁⲩⲙⲉⲥⲧⲱⲥ ϩⲓⲧⲙ ⲡϫⲟⲉⲓⲥ ⲙⲛ ⲣⲣⲱⲙⲉ ⲁⲩⲱ ⲉⲃⲟⲗ ϩⲓⲧⲟⲟⲧⲟⲩ ϩⲓ ⲟⲩⲥⲟⲡ ϣⲁⲥⲉⲓⲣⲉ ⲛⲟⲩϫⲓⲛϭⲟⲛⲥ

10:8  ϣⲁⲩⲡⲉⲛⲉⲟⲩⲙⲛⲧⲣⲣⲟ ⲉⲃⲟⲗ ϩⲛ ⲟⲩϩⲉⲑⲛⲟⲥ ⲉⲩϩⲉⲑⲛⲟⲥ ⲉⲧⲃⲉ ϫⲓⲛϭⲟⲛⲥ ϩⲓ ⲥⲱϣ ϩⲓ ⲭⲣⲏⲙⲁ

10:9  ⲁϩⲣⲟϥ ⲡⲕⲁϩ ⲙⲛ ⲡⲕⲣⲙⲉⲥ ϣⲟⲩϣⲟⲩ ⲙⲙⲟϥ ϫⲉ ⲛⲧⲁⲓⲛⲟⲩϫⲉ ⲛⲛⲉⲧⲡⲉϥϩⲟⲩⲛ ⲉⲟⲩϫⲁⲓ

10:10  ϣⲁⲣⲉⲟⲩⲥⲁⲉⲓⲛϭⲱϣⲧ ⲉⲃⲟⲗ ϩⲏⲧϥ ⲛⲟⲩϣⲱⲛⲉ ⲉⲛⲁϣⲱϥ ⲁⲩⲱ ⲡⲉⲧⲟ ⲛⲣⲣⲟ ⲙⲡⲟⲟⲩ ϥⲛⲁⲙⲟⲩ ⲣⲣⲁⲥⲧⲉ

10:11  ϩⲙ ⲡⲧⲣⲉⲡⲣⲱⲙⲉ ⲅⲁⲣ ⲙⲟⲩ ⲉⲣⲉϩⲛϫⲁⲧϥⲉ ⲙⲛ ϩⲛⲑⲏⲣⲓⲟⲛ ⲙⲛ ϩⲛϥⲛⲧ ⲛⲁⲕⲗⲏⲣⲟⲛⲟⲙⲓ ⲙⲙⲟϥ

10:12  ⲧⲁⲣⲭⲏ ⲛⲧⲙⲛⲧϫⲁⲥⲓϩⲏⲧ ⲡⲉ ⲡⲣⲱⲙⲉ ⲉⲁϥⲥⲁϩⲱϥ ⲉⲃⲟⲗ ⲙⲡϫⲟⲉⲓⲥ ⲁⲩⲱ ⲉⲁⲡⲉϥϩⲏⲧⲥⲁϩⲱϥ ⲉⲃⲟⲗ ⲙⲡⲉⲛⲧⲁϥⲧⲁⲙⲓⲟϥ

10:13  ϫⲉ ⲧⲁⲣⲭⲏ ⲛⲧⲙⲛⲧϫⲁⲥⲓϩⲏⲧ ⲡⲉ ⲡⲛⲟⲃⲉ ⲁⲩⲱ ⲡⲉⲧⲁⲙⲁϩⲧⲉ ⲙⲙⲟⲥ ⲛⲁⲃⲉⲉⲃⲉ ⲛⲧⲃⲟⲧⲉ ⲉⲧⲃⲉ ⲡⲁⲓ ⲁⲡϫⲟⲉⲓⲥⲧⲣⲉⲩⲣϣⲡⲏⲣⲉ ⲛⲛⲉϥⲙⲟⲕϩⲥ ⲁⲩⲱ ⲁϥϣⲣϣⲱⲣⲟⲩ ⲛϣⲁⲃⲟⲗ

10:14  ⲁⲡϫⲟⲉⲓⲥϣⲣϣⲣⲛⲉⲑⲣⲟⲛⲟⲥ ⲛⲛⲁⲣⲭⲱⲛ ⲁⲩⲱ ⲁϥⲑⲙⲥⲟ ⲛϩⲉⲛⲣⲙⲣⲁϣ ⲉⲡⲉⲩⲙⲁ

10:15  ⲁⲡϫⲟⲉⲓⲥⲡⲣⲕⲛⲛⲟⲩⲛⲉ ⲛⲛϩⲉⲑⲛⲟⲥ ⲁϥⲧⲱϭⲉ ⲛⲛⲉⲧⲑⲃⲃⲓⲏⲩ ⲉⲡⲉⲩⲙⲁ

10:16  ⲁⲡϫⲟⲉⲓⲥϣⲣϣⲣⲛⲉⲭⲱⲣⲁ ⲛⲛϩⲉⲑⲛⲟⲥ ⲁϥⲟϫⲛⲟⲩ ϣⲁ ⲛⲥⲛⲧⲉ ⲙⲡⲕⲁϩ

10:17  ⲁϥⲧⲣⲉϩⲟⲓⲛⲉ ⲛϩⲏⲧⲟⲩ ϣⲟⲟⲩⲉ ⲉⲁϥⲧⲁⲕⲟⲟⲩ ⲁϥϥⲓ ⲙⲡⲉⲩⲣⲡⲙⲉⲉⲩⲉ ϩⲓϫⲙ ⲡⲕⲁϩ

10:18  ⲙⲡⲟⲩⲥⲛⲧⲧⲙⲛⲧϫⲁⲥⲓϩⲏⲧ ⲛⲛⲣⲱⲙⲉ ⲟⲩⲇⲉ ⲧⲟⲣⲅⲏ ⲙⲡϭⲱⲛⲧ ⲛⲛϣⲏⲣⲉ ⲛⲛⲉϩⲓⲟⲙⲉ

10:19  ⲁϣ ⲡⲉ ⲡⲉⲥⲡⲉⲣⲙⲁ ⲉⲧⲧⲁⲓⲏⲩ ⲡⲉⲥⲡⲉⲣⲙⲁ ⲛⲛⲣⲱⲙⲉ ⲡⲉ ⲁϣ ⲡⲉ ⲡⲉⲥⲡⲉⲣⲙⲁ ⲉⲧⲧⲁⲓⲏⲩ ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲉ ⲁϣ ⲡⲉ ⲡⲉⲥⲡⲉⲣⲙⲁ ⲉⲧⲥⲏϣ ⲡⲉⲥⲡⲉⲣⲙⲁ ⲛⲛⲣⲱⲙⲉ ⲡⲉ ⲡⲉⲥⲡⲉⲣⲙⲁ ⲉⲧⲥⲏϣ ⲡⲉ ⲛⲉⲧⲡⲁⲣⲁⲃⲁ ⲛⲛⲉⲛⲧⲟⲗⲏ

10:20  [ⲡⲉⲧⲧⲁⲓⲏⲩ ϩⲛ] ⲧⲙⲏⲏⲧⲉ ⲛϩⲉⲛⲥⲛⲏⲩ ⲡⲉ ⲡⲉⲩⲛⲟϭ ⲁⲩⲱ ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲉⲧϣⲟⲟⲡ ⲛⲛⲁϩⲣⲁϥ

10:22  ⲟⲩⲡⲣⲟⲥⲏⲗⲩⲧⲟⲥ ⲙⲛ ⲟⲩⲣⲙⲙⲁⲟ ⲙⲛ ⲟⲩϣⲙⲙⲟ ⲁⲩⲱ ⲡⲉⲧⲧⲁⲓⲏⲩ ⲙⲛ ⲫⲏⲕⲉ ⲡⲉⲩϣⲟⲩϣⲟⲩ ⲡⲉ ⲑⲟⲧⲉ ⲙⲡϫⲟⲉⲓⲥ

10:23  ⲛϣϣⲉ ⲁⲛ ⲉⲥⲉϣⲟⲩϩⲏⲕⲉ ⲛⲥⲁⲃⲉ ⲁⲩⲱ ⲛϣϣⲉ ⲁⲛ ⲉϯⲉⲟⲟⲩ ⲛⲟⲩⲣⲱⲙⲉ ⲛⲣⲉϥⲣⲛⲟⲃⲉ

10:24  ⲟⲩⲛⲟϭ ⲙⲛ ⲟⲩⲣⲉϥϯϩⲁⲡ ⲙⲛ ⲟⲩϫⲱⲱⲣⲉ ⲛⲉ ⲉϣⲁⲩϫⲓⲉⲟⲟⲩ ⲙⲛ ⲡⲉⲧⲟ ⲛⲛⲟϭ ⲛϩⲏⲧⲟⲩ ⲉⲡⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ

10:25  ⲛⲣⲙϩⲉ ⲛⲁϣⲙϣⲉ ⲛⲛϩⲙϩⲁⲗ ⲛⲥⲁⲃⲉ ⲁⲩⲱ ⲟⲩⲣⲱⲙⲉ ⲛⲣⲙⲛϩⲏⲧ ⲙⲉϥⲕⲣⲙⲣⲙ

10:26  ⲙⲡⲣϯⲥⲁⲕ ⲙⲙⲟⲕ ⲉⲣⲡⲉⲕϩⲱⲃ ⲁⲩⲱ ⲙⲡⲣϯⲉⲟⲟⲩ ⲛⲁⲕ ϩⲙ ⲡⲉⲟⲩⲟⲉⲓϣ ⲙⲡⲉⲕϩⲟϫϩϫ

10:27  ⲛⲁⲛⲟⲩⲥ ⲅⲁⲣ ⲉⲕⲣϩⲱⲃ ⲉⲕⲣϩⲟⲩⲟ ⲛⲛⲕⲁ ⲛⲓⲙ ⲉϩⲟⲩⲟ ⲉⲕϯⲉⲟⲟⲩ ⲛⲁⲕ ⲉⲕⲣϭⲣⲱϩ ⲙⲡⲟⲓⲕ

10:28  ⲡⲁϣⲏⲣⲉ ⲙⲁⲧⲥⲁⲃⲉⲧⲉⲕⲯⲩⲭⲏ ⲉⲩⲙⲛⲧⲣⲙⲣⲁϣ ⲛⲅϯ ⲛⲁⲥ ⲛⲟⲩⲧⲁⲓⲟ ⲕⲁⲧⲁ ⲡⲉⲥⲙⲡϣⲁ

10:29  ⲛⲓⲙ ⲡⲉⲧⲛⲁⲧⲙⲁⲓⲉⲡⲉⲧⲣⲛⲟⲃⲉ ⲉⲧⲉϥⲯⲩⲭⲏ ⲁⲩⲱ ⲛⲓⲙ ⲡⲉⲧⲛⲁⲧⲙⲁⲓⲉⲡⲉⲧϣⲱⲥ ⲙⲡⲉϥⲱⲛϩ

10:31  ⲡⲉⲧⲧⲁⲓⲏⲩ ϩⲛ ⲧⲉϥⲙⲛⲧⲣⲙⲙⲁⲟ ϥϩⲛ ⲟⲩⲛⲟϭ ⲙⲙⲛⲧϩⲏⲕⲉ ⲁⲩⲱ ⲡⲉⲧⲥⲏϣ ϩⲛ ⲧⲉϥⲙⲛⲧϩⲏⲕⲉ ϥϩⲛ ⲟⲩⲛⲟϭ ⲙⲙⲛⲧⲣⲙⲙⲁⲟ

Chapter 11

11:1  ⲧⲥⲟⲫⲓⲁ ⲙⲡⲉⲧⲑⲃⲃⲓⲏⲩ ⲛⲁϫⲓⲥⲉ ⲛⲧⲉϥⲁⲡⲉ ⲁⲩⲱ ⲥⲛⲁⲑⲙⲥⲟϥ ϩⲛ ⲧⲙⲏⲧⲉ ⲛϩⲛⲛⲟϭ

11:2  ⲙⲡⲣⲧⲁⲓⲉⲟⲩⲣⲱⲙⲉ ⲉⲧⲃⲉ ⲡⲉϥⲥⲁ ⲁⲩⲱ ⲙⲡⲣⲃⲉⲧⲟⲩⲣⲱⲙⲉ ⲉⲧⲃⲉ ⲡⲉϥϭⲁ

11:3  ⲟⲩⲕⲟⲩⲓ ⲅⲁⲣ ⲡⲉ ⲡⲁϥⲛⲉⲃⲓⲱ ϩⲛ ⲛϩⲁⲗⲁⲧⲉ ⲁⲩⲱ ⲡⲉϥⲕⲁⲣⲡⲟⲥ ⲡⲉ ⲧⲁⲣⲭⲏ ⲛⲛⲉⲧϩⲟⲗϭ

11:4  ⲙⲡⲣϣⲟⲩϣⲟⲩ ⲙⲙⲟⲕ ϩⲛ ⲟⲩϩⲃⲥⲱ ⲛϩⲟⲉⲓⲧⲉ ⲁⲩⲱ ⲙⲡⲣϫⲓⲥⲉ ⲙⲙⲟⲕ ϩⲛ ⲟⲩϩⲟⲟⲩ ⲛⲉⲟⲟⲩ ϫⲉ ϩⲛϣⲡⲏⲣⲉ ⲛⲉ ⲛⲉϩⲃⲏⲩⲉ ⲙⲡϫⲟⲉⲓⲥ ⲁⲩⲱ ⲛⲉϥϩⲃⲏⲩⲉ ϩⲏⲡ ⲉⲛⲣⲱⲙⲉ

11:5  ⲁϩⲁϩ ⲛⲧⲩⲣⲁⲛⲛⲟⲥ ϩⲙⲟⲟⲥ ϩⲓ ⲡⲉⲥⲏⲧ ⲡⲉⲧⲉⲙⲡⲟⲩⲧⲟϭⲥ ϩⲱⲱϥ ⲉⲣⲟϥ ⲁϥⲫⲟⲣⲓ ⲛⲧⲉϭⲣⲏⲡⲉ

11:6  ⲁϩⲁϩ ⲛϫⲱⲱⲣⲉ ϫⲓⲥⲱϣ ⲉⲙⲁⲧⲉ ⲁⲩⲱ ⲁⲩϯ ⲛⲛⲉⲧⲧⲁⲉⲓⲏⲩ ⲉϩⲣⲁⲓ ⲉⲛϭⲓϫ ⲛϩⲉⲛⲕⲟⲟⲩⲉ

11:7  ⲉⲙⲡⲁⲧⲕϣⲓⲛⲉ ⲙⲡⲣϭⲛⲁⲣⲓⲕⲉ ⲉⲓⲙⲉ ⲛϣⲟⲣⲡ ⲙⲛⲛⲥⲱⲥ ⲛⲅⲉⲡⲓⲧⲓⲙⲁ

11:8  [ⲙⲡⲣϣⲁϫ]ⲉ ⲙⲡⲁⲧⲕⲥⲱⲧⲙ ⲁⲩⲱ ⲙⲡⲣⲛⲟϫⲕ ⲉⲃⲟⲗ [ϩⲛ ⲧⲙⲏ]ⲧⲉ ⲛϩⲉⲛϣⲁϫⲉ

11:9  [ⲙⲡⲣ]ϯⲧⲱⲛ ϩⲓ ϩⲱⲃ ⲉⲙⲡⲱⲕ ⲁⲛ ⲡⲉ ⲁⲩⲱ ⲙⲡⲣⲥⲱⲟⲩϩ ⲉϩⲟⲩⲛ ⲉⲡϩⲁⲡ ⲛⲛⲣⲉϥⲣⲛⲟⲃⲉ

11:10  ⲡⲁϣⲏⲣⲉ ⲙⲡⲣⲧⲣⲉⲛⲉⲕϩⲃⲏⲩⲉⲁϣⲁⲓ ⲉⲩϣⲁⲛⲁϣⲁⲓ ⲅⲁⲣ ⲛⲅⲛⲁⲣⲃⲟⲗ ⲁⲛ ⲉⲛⲟⲃⲉ ⲉϣⲱⲡⲉ ⲟⲛ ⲉⲕϣⲁⲛⲡⲱⲧ ⲛⲅⲛⲁⲧⲁϩⲟ ⲁⲛ ⲁⲩⲱ ⲛⲛⲉⲕⲣⲃⲟⲗ ⲉⲕϣⲁⲛⲡⲱⲧ

11:11  ⲟⲩⲛ ⲡⲉⲧϩⲟⲥⲉ ⲉϥⲙⲟⲩⲕϩ ⲙⲙⲟϥ ⲉϥϭⲉⲡⲏ ⲁⲩⲱ ⲉϥⲣϭⲣⲱϩ ⲛⲁⲣⲟⲟⲩ ⲛϩⲟⲩⲟ

11:12  ⲟⲩⲛ ⲡⲉⲧϣⲱⲛⲉ ⲉϥⲣⲭⲣⲓⲁ ⲙⲡⲉⲧⲛⲁϣⲟⲡϥ ⲉⲣⲟϥ ⲉϥϣⲁⲁⲧ ⲛϭⲟⲙ ⲁⲩⲱ ⲉϥⲣϩⲟⲩⲟ ϩⲛ ⲧⲙⲛⲧϩⲏⲕⲉ ⲉⲁⲡⲃⲁⲗ ⲙⲡϫⲟⲉⲓⲥ ϭⲱϣⲧ ⲉϩⲣⲁⲓ ⲉϫⲱϥ ϩⲙ ⲡⲡⲉⲧⲛⲁⲛⲟⲩϥ ⲁⲩⲱ ⲁϥⲥⲁϩⲱϥ ⲉⲣⲁⲧϥ ϩⲙ ⲡⲉϥⲑⲃⲃⲓⲟ

11:13  ⲁϥϫⲓⲥⲉ ⲛⲧⲉϥⲁⲡⲉ ⲁⲩⲱ ⲁⲩⲙⲏⲏϣⲉⲣϣⲡⲏⲣⲉ ⲙⲙⲟϥ

11:14  ⲛⲁⲅⲁⲑⲟⲛ ⲙⲛ ⲙⲡⲉⲑⲟⲟⲩ ⲡⲱⲛϩ ⲙⲛ ⲡⲙⲟⲩ ⲧⲙⲛⲧϩⲏⲕⲉ ⲙⲛ ⲧⲙⲛⲧⲣⲙⲙⲁⲟ ϩⲛ ⲉⲃⲟⲗ ϩⲓⲧⲟⲟⲧϥ ⲙⲡϫⲟⲉⲓⲥ ⲛⲉ

11:17  ⲡⲉⲧⲉⲣⲉⲡϫⲟⲉⲓⲥⲛⲁⲧⲁⲁϥ ⲡⲉⲧⲛⲁϭⲱ ϩⲛ ⲛⲣⲉϥϣⲙϣⲉⲛⲟⲩⲧⲉ ⲁⲩⲱ ⲡⲉϥⲟⲩⲱϣ ⲡⲉⲧⲛⲁⲥⲟⲟⲩⲧⲛ ⲛϣⲁⲉⲛⲉϩ

11:18  ⲟⲩⲛ ⲡⲉⲧⲟ ⲛⲣⲙⲙⲁⲟ ⲉⲧⲃⲉ ⲧⲉϥⲙⲛⲧ… ⲙⲛ ⲑⲉ ⲉⲧϥⲱⲛⲧ ⲙⲙⲟϥ ⲉⲧⲉ ⲧⲁⲓ ⲧⲉ ⲧⲉϥⲙⲉⲣⲓⲥ ϩⲙ ⲡⲉϥⲃⲉⲕⲉ

11:19  ϩⲙ ⲡⲧⲣⲉϥϫⲟⲟⲥ ϫⲉ ⲁⲓϩⲉⲟⲩⲙⲧⲟⲛ ϯⲛⲁⲟⲩⲱⲙ [ⲧⲉⲛ]ⲟⲩ ϩⲛ ⲛⲁⲁⲅⲁⲑⲟⲛ ⲛϥⲥⲟⲟⲩⲛ ⲁⲛ ϫⲉ ⲟⲩ ⲡⲉ ⲡⲉⲟⲩⲟⲉⲓϣ ⲉⲧⲛⲁ ⲉϫⲱϥ ϫⲉ ⲉϥⲛⲁⲕⲁⲁⲩ ⲛϩⲛⲕⲟⲟⲩⲉ ⲛϥⲙⲟⲩ

11:20  ⲁϩⲉⲣⲁⲧⲕ ϩⲛ ⲧⲉⲕⲇⲓⲁⲑⲏⲕⲏ ⲛϩⲏⲧⲥ ⲛⲅⲱⲥⲕ ϩⲙ ⲡⲉⲕϩⲱⲃ

11:21  ⲙⲡⲣⲣϣⲡⲏⲣⲉ ⲛⲛⲉϩⲃⲏⲩⲉ ⲙⲡⲣⲉϥⲣⲛⲟⲃⲉ ⲡⲓⲥⲧⲉⲩⲉ ⲛⲧⲟϥ ⲉⲡϫⲟⲉⲓⲥ ⲛⲅϭⲱ ϩⲛ ⲛⲉⲕϩⲓⲥⲉ ϫⲉ ⲟⲩⲗⲁⲁⲩ ⲡⲉ ⲛⲛⲁϩⲣⲛ ⲡϫⲟⲉⲓⲥ ⲛⲧⲉⲩⲛⲟⲩ ⲉⲣⲟⲩϩⲏⲕⲉ ⲛⲣⲙⲙⲁⲟ ϩⲛ ⲟⲩϣⲥⲛⲉ

11:22  ⲉⲣⲉⲡⲉⲥⲙⲟⲩ ⲙⲡϫⲟⲉⲓⲥ ϩⲙ ⲡⲃⲉⲕⲉ ⲙⲡⲉⲩⲥⲉⲃⲏⲥ ⲁⲩⲱ ϩⲛ ⲟⲩⲛⲟϭ ⲛϭⲉⲡⲏ ϣⲁϥⲧⲣⲉⲡⲉⲥⲙⲟⲩϯⲟⲩⲱ

11:23  ⲙⲡⲣϫⲟⲟⲥ ϫⲉ ⲉⲓⲣⲭⲣⲓⲁ ⲛⲟⲩ ϫⲓⲛ ⲧⲉⲛⲟⲩ ⲁⲩⲱ ⲁϣ ⲛⲁⲅⲁⲑⲟⲛ ⲡⲉⲧⲛⲁϣⲱⲡⲉ ⲙⲙⲟⲓ ϫⲓⲛ ⲙⲡⲟⲟⲩ

11:24  ⲙⲡⲣϫⲟⲟⲥ ϫⲉ ⲥⲉⲣⲱϣⲉ ⲉⲣⲟⲓ ⲁⲩⲱ ⲁϣ ⲛⲙⲕⲁϩ ⲡⲉⲧⲛⲁⲧⲁϩⲟⲓ ϫⲓⲛ ⲧⲉⲛⲟⲩ

11:25  ϩⲙ ⲡⲉϩⲟⲟⲩ ⲅⲁⲣ ⲛⲛⲁⲅⲁⲑⲟⲛ ⲙⲁⲕⲣⲡⲙⲉⲉⲩⲉ ⲛⲙⲡⲉⲑⲟⲟⲩ ⲁⲩⲱ ϩⲙ ⲡⲉϩⲟⲟⲩ ⲛⲙⲡⲉⲑⲟⲟⲩ ⲙⲁⲕⲣⲡⲙⲉⲉⲩⲉ ⲛⲙⲡⲉⲧⲛⲁⲛⲟⲩϥ

11:26  ϫⲉ ⲟⲩⲗⲁⲁⲩ ⲡⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ϩⲙ ⲡⲉϩⲟⲟⲩ ⲙⲡⲙⲟⲩ ⲉⲧⲱⲱⲃⲉ ⲙⲡⲣⲱⲙⲉ ⲕⲁⲧⲁ ⲛⲉϥϩⲓⲟⲟⲩⲉ

11:27  ⲡⲉⲙⲕⲁϩ ⲛⲟⲩⲟⲩⲛⲟⲩ ⲛⲟⲩⲱⲧ ϣⲁϥⲧⲣⲉⲕⲣⲡⲱⲃϣ ⲛⲧⲉⲧⲣⲩⲫⲏ ⲁⲩⲱ ϣⲁⲩϭⲱⲗⲡ ⲉⲃⲟⲗ ⲛⲛⲉϩⲃⲏⲩⲉ ⲙⲡⲣⲱⲙⲉ ϩⲛ ⲧⲉϥϩⲁⲏ

11:28  ⲙⲡⲣⲙⲁⲕⲁⲣⲓⲍⲉ ⲗⲗⲁⲁⲩ ⲉⲙⲡⲁⲧϥⲙⲟⲩ ⲁⲩⲱ ϣⲁⲩⲥⲟⲩⲛⲡⲣⲱⲙⲉ ϩⲛ ⲛⲉϥϣⲏⲣⲉ

11:29  ⲙⲡⲣϫⲓⲣⲱⲙⲉ ⲛⲓⲙ ⲉϩⲟⲩⲛ ⲉⲡⲉⲕⲏⲓ ϩⲁϩ ⲅⲁⲣ ⲛⲉ ⲛϭⲟⲣϭⲥ ⲙⲡⲉⲕⲣⲟϥ

11:30  ⲡⲡⲉⲣⲇⲓⲝ ⲟⲩϭⲉⲣⲏϭ ⲡⲉ ϩⲙ ⲡⲉϥⲧⲁⲡ ⲧⲁⲓ ⲧⲉ ⲑⲉ ⲙⲫⲏⲧ ⲙⲡϫⲁⲥⲓϩⲏⲧ ⲁⲩⲱ ⲛⲑⲉ ⲙⲡⲉⲧϯϩⲧⲏϥ ϣⲁϥϭⲱϣⲧ ⲛⲥⲁ ⲡⲉⲕϩⲉ

11:31  ⲙⲡⲉⲧⲛⲁⲛⲟⲩϥ ⲅⲁⲣ ϣⲁϥⲕⲧⲟⲟⲩ ⲉϩⲛⲡⲉⲑⲟⲟⲩ ⲛϥϭⲱⲣϭ ⲉⲣⲟⲕ ⲁⲩⲱ ϣⲁϥⲧⲉϭⲧⲱⲗⲙ ⲉⲣⲟⲕ ϩⲛ ⲛⲉⲕⲟⲩⲱϣ

11:32  ϣⲁⲣⲉϩⲛϫⲃⲃⲉⲥⲁϣⲁⲓ ⲉⲃⲟⲗ ϩⲛ ⲟⲩϯⲕ ⲟⲩⲣⲱⲙⲉ ϩⲱⲱϥ ⲛⲣⲉϥⲣⲛⲟⲃⲉ ϣⲁϥϭⲱⲣϭ ⲉⲡⲉⲕⲥⲛⲟϥ

11:33  ϩⲁⲣⲉϩ ⲉⲣⲟⲕ ⲉⲩⲥⲁ ⲙⲡⲉⲑⲟⲟⲩ ϫⲉ ϣⲁϥⲙⲉⲉⲩⲉ ⲉϩⲛⲡⲉⲑⲟⲟⲩ ⲙⲏⲡⲟⲧⲉ ⲛϥⲧⲉϭⲟⲩⲧⲱⲗⲙ ⲉⲣⲟⲕ ⲛϣⲁⲉⲛⲉϩ

11:34  ϭⲁⲗⲉⲟⲩϣⲙⲙⲟ ⲉⲣⲟⲕ ⲧⲁⲣⲉϥⲣⲁϩⲧⲕ ϩⲛ ⲟⲩϣⲧⲟⲣⲧⲣ ⲁⲩⲱ

Chapter 12

12:1  ⲉⲕϣⲁ[ⲛⲣⲡⲉⲧⲛ]ⲁⲛⲟⲩϥ ⲧⲁⲣⲉ …[ϣ]ⲱⲡⲉ ϩⲛ ⲛⲉⲕⲁⲅ[ⲁⲑⲟⲛ]

12:2  ⲁⲣⲓⲡⲉⲧⲛⲁⲛⲟⲩϥ ⲙⲡⲣⲙⲛⲛⲟⲩⲧⲉ [ⲧⲁ]ⲣⲉⲕ ⲛⲟⲩⲧⲁⲓⲟ ⲕⲁⲛ ⲉϣⲱⲡⲉ ⲉⲃⲟⲗ ϩⲓⲧⲟⲟⲧϥ ⲁⲛ ⲁⲗⲗⲁ ⲉⲃⲟⲗ ϩⲓⲧⲛ ⲡⲉⲧϫⲟⲥⲉ

12:3  ⲙⲛ ⲁⲅⲁⲑⲟⲛ ⲛⲁϣⲱⲡⲉ ⲙⲡⲉⲧⲧⲁϣⲉⲡⲉⲑⲟⲟⲩ ⲁⲩⲱ ⲡⲉⲧⲉ ⲛϥϯⲙⲛⲧⲛⲁ ⲁⲛ

12:4  ϯ ⲙⲡⲣⲙⲛⲛⲟⲩⲧⲉ ⲛⲅⲧⲙϣⲱⲡ ⲉⲣⲟⲕ ⲙⲡⲣⲉϥⲣⲛⲟⲃⲉ

12:5  ⲁⲣⲓⲡⲉⲧⲛⲁⲛⲟⲩϥ ⲙⲡⲉⲧⲑⲃⲃⲓⲏⲩ ⲛⲅⲧⲙϯ ⲙⲡⲁⲥⲉⲃⲏⲥ ϫⲉⲣⲉⲛⲉⲕⲟⲉⲓⲕ ⲉⲃⲟⲗ ⲛⲅⲧⲙⲧⲁⲁⲩ ⲙⲡⲁⲥⲉⲃⲏⲥ ϫⲉⲕⲁⲥ ⲉⲛⲛⲉϥϭⲙϭⲟⲙ ⲉⲣⲟⲕ ⲛϩⲏⲧⲟⲩ ⲕⲛⲁϭⲛϩⲛⲡⲉⲑⲟⲟⲩ ⲅⲁⲣ ⲉⲩⲕⲏⲃ ϩⲛ ⲡⲉⲧⲛⲁⲛⲟⲩϥ ⲛⲓⲙ ⲉⲧⲕⲛⲁⲁⲩ ⲛⲁϥ

12:6  ϫⲉ ⲡⲉⲧϫⲟⲥⲉ ϩⲱⲱϥ ⲁϥⲙⲉⲥⲧⲉⲛⲣⲉϥⲣⲛⲟⲃⲉ ⲁⲩⲱ ϥⲛⲁⲧⲱⲱⲃⲉ ⲛⲟⲩⲕⲃⲁ ⲛⲛⲁⲥⲉⲃⲏⲥ

12:8  ⲡⲉⲕϣⲃⲏⲣⲛⲁⲟⲩⲱⲛϩ ⲉⲣⲟⲕ ϩⲛ ⲛⲉⲕⲁⲅⲁⲑⲟⲛ ⲁⲩⲱ ⲛⲉⲕϫⲁϫⲉⲛⲁⲟⲩⲱⲛϩ ⲉⲣⲟⲕ ϩⲛ ⲛⲉⲕⲡⲉⲑⲟⲟⲩ

12:9  ϣⲁⲣⲉⲛϫⲁϫⲉ ⲙⲡⲣⲱⲙⲉ ⲗⲩⲡⲓ ⲉϥϩⲛ ⲛⲉϥⲡⲉⲧⲛⲁⲛⲟⲩⲟⲩ ⲁⲩⲱ ϣⲁⲣⲉⲡⲉϥϣⲃⲏⲣⲕⲁⲁϥ ϩⲛ ⲡⲉϥⲉⲑⲟⲟⲩ

12:10  ⲡⲟⲛⲏⲣⲓⲁ ⲅⲁⲣ ϣⲁϥⲣϣⲏⲃⲉ

12:11  ⲉϣⲱⲡⲉ ⲅⲁⲣ ⲉϥϣⲁⲛ ⲉⲣⲉϫⲱϥⲃⲏϩ ⲉⲡⲉⲥⲏⲧ ⲙⲁϯϩⲧⲏⲕ ⲉⲣⲟⲕ ⲉⲣⲟϥ ⲁⲩⲱ ϥⲛⲁϣⲱⲡⲉ ⲛⲑⲉ ⲙⲡⲉⲧϥⲱⲧⲉ ⲛⲟⲩⲉⲓⲁⲗ ⲛⲅⲉⲓⲙⲉ ϫⲉ ⲙⲡϥⲣϣⲏⲃⲉ ϣⲁⲃⲟⲗ

12:12  ⲙⲡⲣⲧⲁϩⲟϥ ⲉⲣⲁⲧϥ ϩⲁⲧⲏⲕ ⲙⲏⲡⲟⲧⲉ ⲛϥⲧⲁϭⲛⲉⲕ ⲛϥⲁϩⲉⲣⲁⲧϥ ⲉϫⲛ ⲡⲉⲕⲙⲁ ⲙⲡⲣⲑⲙⲟⲟϥ ϩⲓ ⲟⲩⲛⲁⲙ ⲙⲙⲟⲕ ⲙⲏⲡⲟⲧⲉ ⲛϥϣⲓⲛⲉ ⲛⲥⲁ ⲡⲉⲕⲙⲁ ⲛϩⲙⲟⲟⲥ ⲁⲩⲱ ⲕⲛⲁⲉⲓⲙⲉ ⲉⲛⲁϣⲁϫⲉ ⲉⲑⲁⲏ ⲛⲅⲙⲕⲁϩ ⲛϩⲏⲧ ⲉϫⲛ ⲛⲁϣⲁϫⲉ

12:13  ⲛⲓⲙ ⲡⲉⲧⲛⲁⲛⲁ ⲛⲟⲩⲣⲉϥⲙⲟⲩⲧⲉ ⲉⲣϣⲁⲛⲫⲟϥⲗⲟⲕⲥϥ ⲙⲛ ⲟⲩⲟⲛ ⲛⲓⲙ ⲉⲧⲙⲟⲟϣⲉ ⲉϩⲟⲩⲛ ⲉⲛⲉⲑⲏⲣⲓⲟⲛ

12:14  ⲧⲁⲓ ⲧⲉ ⲑⲉ ⲙⲡⲉⲧⲙⲟⲟϣⲉ ⲙⲛ ⲟⲩⲣⲱⲙⲉ ⲛⲣⲉϥⲣⲛⲟⲃⲉ ⲁⲩⲱ ⲉϥⲧⲏϩ ⲉⲛⲉϥⲛⲟⲃⲉ

12:15  ϥⲛⲁϭⲱ ⲛⲟⲩⲟⲩⲛⲟⲩ ⲛⲉⲙⲁⲕ ⲉϣⲱⲡⲉ ⲇⲉ ⲉⲕϣⲁⲛⲣⲓⲕⲉ ⲛⲛⲉϥϭⲱ

12:16  ϣⲁⲣⲉⲡϫⲁϫⲉⲕⲱⲣϣ ϩⲛ ⲛⲉϥⲥⲡⲟⲧⲟⲩ ⲁⲩⲱ ⲛϥⲙⲉⲉⲩⲉ ϩⲛ ⲡⲉϥϩⲏⲧ ⲉⲧⲟϭⲛⲉⲕ ⲉⲩϩⲓⲉⲓⲧ ϣⲁⲣⲉⲡϫⲁϫⲉⲣⲓⲙⲉ ϩⲛ ⲛⲉϥⲃⲁⲗ ⲉⲣϣⲁⲛ

12:17  ⲉⲣϣⲁⲛ…

12:18  [ϥⲛⲁ]ⲕⲓⲙ ϭⲓϫ ⲛϥⲉϣϣⲙϣⲏϭⲉ ⲉⲙⲁⲧⲉ ⲛϥⲉⲕⲙⲡⲉϥϩⲟ

Chapter 13

13:1  ⲡⲉⲧϫⲱϩ ⲉⲩⲗⲁⲙϫⲁⲧⲡ ϥⲛⲁⲧⲱⲗⲙ ⲁⲩⲱ ⲡⲉⲧⲙⲟⲟϣⲉ ⲙⲛ ⲟⲩϫⲁⲥⲓϩⲏⲧ ϥⲛⲁⲉⲓⲛⲉ ⲙⲙⲟϥ

13:2  ⲙⲡⲣϥⲓϩⲣⲏϣⲉ ⲡⲁⲣⲁ ⲧⲉⲕϭⲟⲙ ⲁⲩⲱ ⲙⲡⲣⲕⲟⲓⲛⲱⲛⲓ ⲙⲛ ⲟⲩϫⲱⲱⲣⲉ ⲁⲩⲱ ⲟⲩⲣⲙⲙⲁⲟ ⲉϩⲟⲩⲟ ⲉⲣⲟⲕ ⲟⲩ ⲧⲉ ⲧⲕⲟⲓⲛⲱⲛⲓⲁ ⲛⲟⲩϭⲁⲗⲁϩⲧ ⲙⲛ ⲟⲩⲭⲁⲗⲕⲓⲟⲛ ⲉϥϣⲁⲛϫⲱⲣⲡ ⲉⲣⲟⲥ ⲥⲛⲁⲟⲩⲱϭⲡ

13:3  ⲡⲣⲙⲙⲁⲟ ⲉϥϫⲓ ⲛϭⲟⲛⲥ ⲛⲧⲟϥ ⲟⲛ ⲡⲉϣⲁϥⲣⲡⲕⲉⲛⲟⲩϭⲥ ⲫⲏⲕⲉ ⲁⲩϫⲓⲧϥ ⲛϭⲟⲛⲥ ⲁⲩⲱ ⲛⲧⲟϥ ⲡⲉϣⲁϥⲣⲡⲕⲉⲥⲟⲡⲥ

13:4  ⲉϣⲱⲡⲉ ⲉⲕⲣϣⲁⲩ ⲛⲁϥ ϣⲁϥⲣϩⲱⲃ ⲛϩⲏⲧⲕ ⲁⲩⲱ ⲉⲕϣⲁⲛⲣϭⲣⲱϩ ϥⲛⲁⲕⲁⲁⲕ ⲛⲥⲱϥ

13:5  ⲉϣⲱⲡⲉ ⲟⲩⲛⲧⲁⲕ ϥⲛⲁⲙⲟⲟϣⲉ ⲛⲙⲙⲁⲕ ⲁⲩⲱ ϥⲛⲁⲡⲁϩⲧⲕ ⲛϥⲧⲙⲙⲕⲁϩ ⲛⲧⲟϥ

13:6  ⲉϥⲁϩⲉ ⲛⲁⲕ ⲉⲉⲓⲉ ϥⲛⲁⲧⲣⲉⲕⲕⲱⲧⲉ ⲛϥⲥⲱⲃⲉ ⲛⲉⲙⲁⲕ ⲛϥϯ ⲛⲁⲕ ⲛⲟⲩϩⲉⲗⲡⲓⲥ [ⲛⲁⲛ]ⲟⲩ ⲛϥ[ϫⲟⲟⲥ ϫⲉ ⲡⲉ]ⲕⲁϩⲉ ⲛ[ⲟⲩ]

13:7  [ⲁⲩⲱ ϥ]ⲛⲁϯϣⲓⲡⲉ ⲛⲁⲕ [ϩⲛ ⲛⲉϥϫⲓ]ⲛⲟⲩⲱⲙ [ϣⲁ]ⲛⲧϥⲡⲁϩⲧⲕ ⲛⲥⲟ[ⲡ ⲥⲛⲁⲩ ⲓⲉ] ϣⲟⲙⲛⲧ ⲁⲩⲱ ⲑⲁⲏ ⲛϥⲥⲱⲃⲉ ⲛ[ⲙⲙⲁⲕ] ⲛⲁⲩ ⲉⲣⲟⲕ ⲛϥⲟⲃϣϥ ⲛϥⲕⲓⲙ ⲛⲧⲉϥⲁⲡⲉ ⲉϫⲱⲕ

13:8  ϯϩⲧⲏⲕ ⲉⲣⲟⲕ ⲙⲡⲣⲡⲗⲁⲛⲁ ⲛⲅⲑⲃⲃⲓⲟ ϩⲛ ⲧⲉⲕⲙⲛⲧⲁⲑⲏⲧ

13:9  ⲉⲣϣⲁⲛⲟⲩϫⲱⲱⲣⲉⲙⲟⲩⲧⲉ ⲟⲩⲃⲏⲕ ⲥⲁϩⲧⲕ ⲙⲙⲟϥ ⲁⲩⲱ ϥⲛⲁⲙⲟⲩⲧⲉ ⲉⲣⲟⲕ ⲛϩⲟⲩⲟ

13:10  ⲙⲡⲣⲉⲓ ⲉⲧⲟⲟⲧϥ ⲙⲏⲡⲟⲧⲉ ⲛϥⲙⲉⲥⲧⲱⲕ

13:11  ⲙⲡⲣⲟⲩⲱϣ ⲉⲙⲟⲩⲧⲉ ⲉⲃⲟⲗ ϩⲏⲧⲕ ⲛⲉⲙⲁϥ ⲁⲩⲱ ⲙⲡⲣⲧⲁⲛϩⲉⲧ ⲡⲉϥⲙⲏⲏϣⲉ ⲛϣⲁϫⲉ ⲉⲃⲟⲗ ⲅⲁⲣ ϩⲛ ϩⲁϩ ⲛϣⲁϫⲉ ϥⲛⲁⲡⲉⲓⲣⲁⲍⲉ ⲙⲙⲟⲕ ⲁⲩⲱ ϥⲛⲁⲣⲑⲉ ⲛⲛⲉⲧⲥⲱⲃⲉ ⲛϥϫⲛⲟⲩⲕ

13:12  ⲟⲩⲁⲧⲛⲁ ⲡⲉ ⲡⲉⲧⲉⲛϥϩⲁⲣⲉϩ ⲁⲛ ⲉⲛⲁϣⲁϫⲉ ⲁⲩⲱ ⲛⲉϥϯⲥⲟ ϩⲛ ϩⲉⲛⲙⲕⲁϩ ⲙⲛ ϩⲉⲛⲙⲣⲣⲉ

13:13  ϯϩⲧⲏⲕ ⲉⲙⲁⲧⲉ ϫⲉ ⲉⲕⲙⲟⲟϣⲉ ⲙⲛ ⲡⲉⲕϩⲉ

13:15  ⲉⲣⲉⲍⲱⲟⲛ ⲛⲓⲙ ⲙⲉ ⲙⲡⲉⲧⲉⲓⲛⲉ ⲙⲙⲟϥ ⲁⲩⲱ ⲣⲱⲙⲉ ⲛⲓⲙ ⲙⲡⲉⲧϩⲓⲧⲟⲩⲱϥ

13:16  ⲉϣⲁⲣⲉ ⲧ ⲁⲩⲱ [ⲡⲣ]ⲱⲙⲉⲧⲟϭ

13:17  ⲟⲩ ⲧⲉ [ⲧⲕⲟⲓⲛⲱ]ⲛⲓⲁ ⲛⲟⲩⲱⲛϣ [ⲙⲛ ⲟⲩ]ϩⲓⲉ[ⲓⲃ] ⲧⲁⲓ ⲧⲉ ⲑⲉ ⲛⲟⲩⲣⲉϥⲣⲛⲟⲃⲉ ⲙⲛ ⲟⲩⲣⲉϥϣⲙϣⲉⲛⲟⲩⲧⲉ

13:18  ⲁϣ ⲧⲉ ϯⲣⲏⲛⲏ ⲛⲟⲩϩⲟⲉⲓⲧⲉ ⲙⲛ ⲟⲩⲟⲩϩⲟⲣ ⲁⲩⲱ ⲁϣ ⲧⲉ ϯⲣⲏⲛⲏ ⲛⲟⲩⲣⲙⲙⲁⲟ ⲙⲛ ⲫⲏⲕⲉ

13:19  ⲛϭⲟⲣϭⲥ ⲛⲙⲙⲟⲩⲓ ⲛⲉ ⲛⲉⲓⲁⲛⲧⲟⲟⲩ ⲙⲡϫⲁⲉⲓⲉ ⲧⲁⲓ ⲧⲉ ⲑⲉ ⲙⲙⲁ ⲙⲙⲟⲟⲛⲉ ⲛⲛⲣⲙⲙⲁⲟ ⲛⲉ ⲛϩⲏⲕⲉ

13:20  ⲧⲃⲟⲧⲉ ⲙⲡϫⲁⲥⲓϩⲏⲧ ⲡⲉⲑⲃⲃⲓⲟ

13:21  ⲉⲣϣⲁⲛⲟⲩⲣⲙⲙⲁⲟⲕⲓⲙ ϣⲁⲩⲧⲁϫⲣⲟϥ ϩⲓⲧⲛ ⲛⲉϥϣⲃⲉⲉⲣ ⲫⲏⲕⲉ ⲇⲉ ⲉϥϣⲁⲛϩⲉ ϣⲁⲩⲕⲁⲁϥ ϩⲓⲧⲛ ⲛⲉϥϣⲃⲉⲉⲣ

13:22  ⲉⲣϣⲁⲛⲟⲩⲣⲙⲙⲁⲟⲕⲓⲙ ϣⲁⲣⲉⲟⲩⲙⲏⲏϣⲉϣⲟⲡϥ ⲉⲣⲟⲟⲩ ϣⲁϥϫⲱ ⲛⲛⲉⲧⲉⲙⲉϣϣⲉ ⲁⲩⲱ ϣⲁⲩⲧⲙⲁⲓⲟϥ ⲧⲏⲣⲟⲩ ⲫⲏⲕⲉ ⲉϥϣⲁⲛⲕⲓⲙ ϣⲁⲩⲉⲡⲓⲧⲓⲙⲁ ⲛⲁϥ ϣⲁϥϫⲱ ⲛⲧⲙⲛⲧⲥⲁⲃⲉ ⲛⲥⲉⲧⲙⲧⲛ ⲛⲁϥ ⲙⲁ

13:23  ⲡⲣⲙⲙⲁⲟ ⲁϥϣⲁϫⲉ ⲁⲩⲕⲁⲣⲱⲟⲩ ⲧⲏⲣⲟⲩ [ⲉ]ϥϣⲁⲛϫⲓϫⲣ[ⲟⲡ]

13:24  [ⲛⲁ]ⲛⲟⲩ ⲧⲙⲛⲧⲣⲙⲙⲁⲟ ⲛⲟⲃⲉ ⲁⲩⲱ ⲧⲙⲛⲧϩⲏⲕⲉ ϩⲟ[ⲟⲩ] ⲙⲡⲁⲥⲉⲃⲏⲥ

13:25  ϣⲁⲣⲉⲫⲏⲧ ⲙⲡⲣⲱⲙⲉ ϣⲓⲃⲉ ⲙⲡⲉϥϩⲟ ⲏ ⲉϩⲛ ⲡⲉⲧⲛⲁⲛⲟⲩⲟⲩ ⲏ ϩⲛ ⲡⲉⲑⲟⲟⲩ

13:26  ⲡⲟⲩⲱⲛϩ ⲉⲃⲟⲗ ⲙⲫⲏⲧ ⲉϥϩⲛ ⲡⲉⲧⲛⲁⲛⲟⲩϥ ⲡⲉ ⲫⲟ ⲉⲧⲣⲟⲟⲩⲧ ⲁⲩⲱ ⲡϭⲓⲛⲉ ⲛⲟⲩⲡⲁⲣⲁⲃⲟⲗⲏ ⲡⲉ ⲟⲩⲙⲉⲉⲩⲉ ⲛϩⲓⲥⲉ

Chapter 14

14:1  ⲛⲁⲓⲁⲧϥ ⲙⲡⲣⲱⲙⲉ ⲉⲧⲉ ⲙⲡϥⲥⲗⲁⲁⲧⲉ ϩⲛ ⲣⲱϥ ⲁⲩⲱ ⲉⲙⲡϥⲙⲕⲁϩ ⲛϩⲏⲧ ϩⲛ ⲧⲗⲩⲡⲏ ⲙⲡⲛⲟⲃⲉ

14:2  ⲛⲁⲓⲁⲧϥ ⲙⲡⲣⲱⲙⲉ ⲉⲧⲉ ⲙⲡⲉⲡⲉϥϩⲏⲧϭⲛⲁⲣⲓⲕⲉ ⲉⲣⲟϥ ⲁⲩⲱ ⲉⲙⲡϥϩⲉ ⲉⲃⲟⲗ ϩⲛ ⲧⲉϥϩⲉⲗⲡⲓⲥ

14:3  ⲛⲁⲛⲟⲩ ⲧⲙⲛⲧⲣⲙⲙⲁⲟ ⲁⲛ ⲛⲟⲩⲣⲱⲙⲉ ⲛϫⲓϥ ⲁⲩⲱ ⲉⲣⲉ ⲟⲩⲣⲱⲙⲉ ⲛⲉⲓⲉⲣⲃⲟⲟⲛⲉ ⲛⲁⲣⲟⲩ ⲛϩⲉⲛⲭⲣⲏⲙⲁ

14:4  ⲡⲉⲧϭⲱ ⲙⲙⲟⲟⲩ ⲉⲧⲉϥⲯⲩⲭⲏ ⲉϥⲛⲁⲥⲟⲟⲩϩⲟⲩ ⲛϩⲉⲛⲕⲟⲟⲩⲉ ⲁⲩⲱ ϩⲛⲕⲟⲟⲩⲉ ⲛⲉⲧⲛⲁⲧⲣⲩⲫⲁ ϩⲛ ⲛⲉϥⲁⲅⲁⲑⲟⲛ

14:5  ⲡⲉⲧⲟ ⲛⲉⲓⲉⲣⲃⲟⲟⲛⲉ ⲉⲣⲟϥ ⲉϥⲛⲁⲣⲁⲅⲁⲑⲟⲥ ⲛⲛⲓⲙ ⲁⲩⲱ

14:6  ⲡⲉⲧ ⲡ [ⲉⲣ]ⲟϥ ⲁⲩⲱ ⲛⲧⲉϥ[ⲕⲁⲕⲓⲁ]

14:7  ⲕⲁⲛ ⲉϥ[ϣⲁⲛⲣⲡ]ⲉⲧⲛⲁⲛⲟⲩϥ ⲉϣⲁϥⲁⲁϥ ϫ ⲉⲩⲉϫⲟⲟⲩ ⲛⲥⲱϥ ⲁⲩⲱ ϩⲛ ⲑⲁⲏ ϣⲁϥⲟⲩⲱⲛϩ ⲉ[ⲃⲟⲗ ⲛⲧⲉ]ϥⲕⲁⲕⲓⲁ

14:8  ⲟⲩⲡⲟⲛⲏⲣⲟⲥ ⲡⲉ ⲡⲉⲧⲟ ⲛⲉⲓⲉⲣⲃⲟⲟⲛⲉ ϩⲙ ⲡⲉϥⲃⲁⲗ ⲉϥⲕⲧⲟ ⲉⲃⲟⲗ ⲙⲡⲉϥϩⲟ ⲉϥⲱⲃϣ ⲙⲙⲟϥ ⲉϩⲉⲛⲯⲩⲭⲏ

14:9  ⲙⲉⲣⲉⲟⲩⲃⲁⲗ ⲛϥⲟϭϥ ⲥⲉⲓ ⲛⲧⲉϥⲧⲟ ⲁⲩⲱ ⲟⲩϫⲓⲛϭⲟⲛⲥ ⲉϥϩⲟⲟⲩ ϣⲁϥⲥⲉϣϥ ⲟⲩⲯⲩⲭⲏ

14:10  ⲟⲩⲃⲁⲗ ⲙⲡⲟⲛⲏⲣⲟⲥ ϣⲁϥⲣⲉⲓⲉⲣⲃⲟⲟⲛⲉ ⲉϫⲛ ⲡⲟⲉⲓⲕ ⲁⲩⲱ ⲛϥⲣϭⲣⲱϩ ϩⲓ ⲧⲉϥⲧⲣⲁⲡⲉⲍⲁ

14:11  ⲡⲁϣⲏⲣⲉ ⲥⲁⲛⲟⲩϣⲕ ⲛⲑⲉ ⲉⲧⲉ ⲟⲩⲛⲧⲁⲕ ⲁⲩⲱ ⲛⲅⲧⲁⲗⲉⲑⲩⲥⲓⲁ ⲉϩⲣⲁⲓ ⲙⲡϫⲟⲉⲓⲥ ϩⲛ ⲟⲩϭⲉⲡⲏ

14:12  ⲁⲣⲓⲡⲙⲉⲉⲩⲉ ϫⲉ ⲙⲡⲙⲟⲩ ⲛⲁⲱⲥⲕ ⲁⲛ ⲁⲩⲱ ⲙⲡⲟⲩⲧⲥⲁⲃⲟⲕ ⲉⲧⲇⲓⲁⲑⲏⲕⲏ ⲛⲁⲙⲛⲧⲉ

14:13  ⲉⲙⲡⲁⲧⲕⲙⲟⲩ ⲁⲣⲓⲡⲡⲉⲧⲛⲁⲛⲟⲩϥ ⲙⲡⲉⲕϣⲃⲏⲣ ⲁⲩⲱ ⲕⲁⲧⲁ ⲧⲉⲕϭⲟⲙ ⲥⲟⲟⲩⲧⲛ ⲛⲅϯ ⲛⲁϥ

14:14  ⲙⲡⲣⲙⲟⲕϩⲕ ⲛⲟⲩϩⲟⲟⲩ ⲉⲛⲁⲛⲟⲩϥ ⲁⲩⲱ ⲟⲩⲙⲉⲣⲓⲥ ⲛⲟⲩⲱϣ ⲉⲛⲁⲛⲟⲩⲥ ⲙⲡⲣⲧⲣⲉⲥⲣⲡⲉⲕⲃⲟⲗ

14:15  ⲁⲛ ⲕⲟⲟⲩⲉ [ⲉⲛⲉⲕⲙ]ⲟⲕϩ ⲉⲧⲣⲉ[ⲩ] [ⲕ]ⲗⲏⲣⲟⲥ [ⲛ]ⲧⲟⲟⲩ

14:16  ϫⲓ ⲛⲅⲁⲡⲁⲓⲧⲉⲓ ⲛⲧ[ⲉⲕⲯⲩⲭⲏ] [ϫ]ⲉ ⲛⲉⲕϣⲓⲛⲉ ⲛⲥⲁ ⲧ[ⲣⲩⲫⲏ ϩ]ⲛ ⲁⲙⲛⲧⲉ

14:17  ⲥⲁⲣⲝ ⲛⲓⲙ ⲛⲁⲣⲡⲗϭⲉ ⲛⲑⲉ ⲛⲟⲩϩⲟⲉⲓⲧⲉ ⲧⲇⲓⲁⲑⲏⲕⲏ ⲅⲁⲣ ϫⲓⲛ ⲉⲛⲉϩ ⲧⲉ ϩⲛ ⲟⲩⲙⲟⲩ ⲕⲛⲁⲙⲟⲩ

14:18  ⲛⲑⲉ ⲛϩⲛϭⲱⲃⲉ ϩⲓ ⲟⲩϣⲏⲛ ⲉϥⲣⲟⲟⲩⲧ --- ⲟⲩⲛ ϩⲟⲉⲓⲛⲉ ⲙⲉⲛ ⲥⲣⲟϥⲣⲉϥ ⲟⲩⲛ ϩⲟⲓⲛⲉ ⲇⲉ ϯⲟⲩⲱ --- ⲧⲁⲓ ⲧⲉ ⲑⲉ ⲛⲛⲅⲉⲛⲉⲁ ⲛⲥⲁⲣⲝ ϩⲓ ⲥⲛⲟϥ ϣⲁⲣⲉⲟⲩⲉⲓⲙⲟⲩ ⲛⲥⲉϫⲡⲉⲟⲩⲉⲓ

14:19  ϩⲱⲃ ⲛⲓⲙ ⲉϣⲁϥⲧⲁⲕⲟ ϣⲁϥⲱϫⲛ ⲁⲩⲱ ⲡⲉⲧⲣϩⲱⲃ ⲉⲣⲟϥ ⲛⲁⲃⲱⲕ ⲛⲉⲙⲁϥ

14:20  ⲛⲁⲓⲁⲧϥ ⲙⲡⲣⲱⲙⲉ ⲉⲧⲛⲁⲙⲟⲩ ϩⲛ ⲧⲥⲟⲫⲓⲁ ⲁⲩⲱ ⲡⲉⲧⲛⲁϣⲁϫⲉ ϩⲛ ⲧⲉⲥⲙⲛⲧⲣⲙⲛϩⲏⲧ

14:21  ⲡⲉⲧⲙⲉⲉⲩⲉ ⲉⲛⲉⲥϩⲓⲟⲟⲩⲉ ϩⲙ ⲡⲉϥϩⲏⲧ ⲁⲩⲱ ⲉϥⲙⲟⲕⲙⲉⲕ ϩⲛ ⲛⲉⲥⲡⲉⲑⲏⲡ

14:22  ⲟⲩⲁϩⲕ ⲛⲥⲱⲥ ⲛⲑⲉ ⲛⲟⲩⲣⲉϥϭⲱⲣϭ ⲛⲅϩⲱⲣⲕ ⲉⲣⲟⲥ ϩⲓ ⲛⲉⲥϩⲓⲟⲟⲩⲉ

14:23  ⲡⲉⲧϭⲱϣⲧ ⲉⲃⲟⲗ ϩⲓⲧⲛ ⲛⲉⲥϣⲟⲩϣⲧ ⲛⲁϫⲓⲥⲙⲏ ϩⲓⲣⲛ ⲛⲉⲥⲣⲟ

14:24  ⲡⲉⲧⲟⲩⲏϩ ϩⲓⲧⲟⲩⲛ ⲡⲉⲥⲏⲓ ϥⲛⲁⲡⲏⲥⲥⲉ ⲛⲧⲉϥⲛⲁⲉⲓⲱ ϩⲓ ⲡⲉⲥϫⲟ

14:25  [ …ⲥⲕⲏⲛ]ⲏ ⲉⲣⲁⲧⲥ ϩⲛ ⲛϥⲙⲧⲟ[ⲛ ϩⲛ ⲟⲩ]ⲙⲁ ⲛϭⲟⲓⲗⲉ [ⲛ]ⲛ[ⲓⲡⲉⲧⲛⲁ[ⲟⲩⲟⲩ]

14:26  ϥⲛⲁ [ⲛⲛⲉϥϣ]ⲏⲣⲉ ϩⲁ ⲧⲉⲥϩⲁⲉⲓⲃⲉⲥ ⲁⲩⲱ ϩⲁ ⲛⲉⲥⲕⲗⲁⲇⲟⲥ

14:27  ϥⲛⲁϫⲓϩⲁⲉⲓⲃⲉⲥ ϩⲁⲣⲟⲥ ϩⲛ ⲟⲩⲕⲁⲩⲙⲁ ⲁⲩⲱ ϥⲛⲁⲙⲧⲟⲛ ⲙⲙⲟϥ ϩⲙ ⲡⲉⲥⲉⲟⲟⲩ

Chapter 15

15:1  ⲡⲉⲧⲛⲁⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲡⲉⲧⲛⲁⲁⲁⲥ ⲁⲩⲱ ⲡⲉⲧⲁⲙⲁϩⲧⲉ ⲙⲡⲛⲟⲙⲟⲥ ϥⲛⲁⲧⲁϩⲟⲥ

15:2  ⲥⲛⲁⲧⲱⲙⲛⲧ ⲉⲣⲟϥ ⲛⲑⲉ ⲛⲟⲩⲙⲁⲁⲩ ⲛⲥϣⲟⲡϥ ⲉⲣⲟⲥ ⲛⲑⲉ ⲛⲟⲩⲥϩⲓⲙⲉ ⲉⲥⲟⲩⲁⲁⲃ

15:3  ⲁⲩⲱ ⲥⲛⲁⲧⲥⲉϥ ⲟⲩⲙⲟⲟⲩ ⲛⲥⲟⲫⲓⲁ ⲥⲛⲁⲧⲙⲉϥ ⲟⲉⲓⲕ ⲙⲙⲛⲧⲥⲁⲃⲉ

15:4  ⲥⲛⲁⲧⲁϫⲣⲟϥ ⲉϫⲱⲥ ⲛϥⲧⲙⲣⲓⲕⲉ ⲁⲩⲱ ϥⲛⲁⲕⲁϩⲧⲏϥ ⲉⲣⲟⲥ ⲛϥⲧⲙϫⲓϣⲓⲡⲉ

15:5  ⲥⲛⲁϫⲓⲥⲉ ⲙⲙⲟϥ ⲡⲁⲣⲁ ⲛⲉⲧϩⲓⲧⲟⲩⲱϥ ⲁⲩⲱ ⲥⲛⲁⲟⲩⲱⲛ ⲛⲣⲱϥ ϩⲛ ⲧⲙⲏⲧⲉ ⲛⲟⲩⲙⲏⲏϣⲉ

15:6  ϥⲛⲁⲕⲗⲏⲣⲟⲛⲟⲙⲓ ⲛⲟⲩⲟⲩⲛⲟϥ ⲙⲛ ⲟⲩⲕⲗⲟⲙ ⲛⲧⲉⲗⲏⲗ ⲙⲛ ⲟⲩⲣⲁϣⲉ ⲛϣⲁⲉⲛⲉϩ

15:7  ⲙⲛ ⲣⲱⲙⲉ ⲛⲁⲧⲥⲃⲱ ⲛⲁⲧⲁϩⲟⲥ ⲁⲩⲱ ⲛⲉⲣⲱⲙⲉ ⲛⲣⲉϥⲣⲛⲟⲃⲉ ⲛⲁⲩ ⲉⲣⲟⲥ

15:8  ⲥⲟⲩⲏⲩ ⲉⲃⲟⲗ ⲛⲧⲙⲛⲧϫⲁⲥⲓϩⲏⲧ ⲛⲛⲉⲣⲱⲙⲉ ⲛⲣⲉϥϫⲓϭⲟⲗ ⲣⲡⲉⲥⲙⲉⲩⲉ

15:9  ⲛⲉⲥⲉ ⲡⲉⲥⲙⲟⲩ ⲁⲛ ϩⲛ ⲣⲱϥ ⲙⲡⲣⲉϥⲣⲛⲟⲃⲉ ϫⲉ ⲛⲧⲁⲩⲧⲛⲛⲟⲟⲩϥ ⲁⲛ ϩⲓⲧⲛ ⲡϫⲟⲉⲓⲥ

15:10  ⲥⲟⲫⲓⲁ

15:11  ⲙⲡⲣϫⲟⲟⲥ ϫⲉ ⲛⲧⲁⲓ ⲡϫⲟⲉⲓⲥ ⲛⲛⲉⲕⲉⲓⲣⲉ ⲙⲡⲉⲛⲧ…

15:12  ⲙⲡⲣϫⲟⲟⲥ ϫⲉ ⲛⲧⲟϥ ⲡⲉ ⲛⲧⲁϥⲡⲗⲁⲛⲁ ⲙⲙⲟⲓ ⲛϥⲣⲭⲣⲓⲁ ⲅⲁⲣ ⲁⲛ ⲛⲟⲩⲣⲱⲙⲉ ⲛⲣⲉϥⲣⲛⲟⲃⲉ

15:13  ⲁⲡϫⲟⲉⲓⲥⲙⲉⲥⲧⲉⲃⲟⲧⲉ ⲛⲓⲙ ⲁⲩⲱ ⲛⲉⲧⲣϩⲟⲧⲉ ϩⲏⲧϥ ⲙⲁⲩⲙⲉⲣⲓⲧⲟⲩ

15:14  ⲛⲧⲟϥ ϫⲓⲛ ⲛϣⲟⲣⲡ ⲡⲉⲛⲧⲁϥⲧⲁⲙⲓⲉⲡⲣⲱⲙⲉ ⲁⲩⲱ ⲁϥⲕⲁⲁϥ ϩⲛ ⲧϭⲓϫ ⲙⲡⲉϥϣⲟϫⲛⲉ

15:15  ⲉⲕϣⲁⲛⲟⲩⲱϣ ⲕⲛⲁϩⲁⲣⲉϩ ⲉⲛⲉⲛⲧⲟⲗⲏ ⲁⲩⲱ ⲕⲛⲁⲣⲧⲡⲓⲥⲧⲓⲥ ⲉⲧⲥⲟⲧⲡ

15:16  ⲁϥⲕⲱ ϩⲁⲧⲏⲕ ⲙⲡⲕⲱϩⲧ ⲙⲛ ⲡⲙⲟⲟⲩ ⲡⲉⲧⲕⲟⲩⲁϣϥ ⲕⲛⲁⲥⲟⲩⲧⲛⲧⲟⲟⲧⲕ ⲉⲣⲟϥ

15:17  ⲡⲱⲛϩ ⲙⲛ ⲡⲙⲟⲩ ⲙⲡⲉⲙⲧⲟ ⲉⲃⲟⲗ ⲛⲛⲣⲱⲙⲉ ⲁⲩⲱ ⲡⲉⲧⲕⲟⲩⲁϣϥ ⲥⲉⲛⲁⲧⲁⲁϥ ⲛⲁⲕ

15:18  ϫⲉ ⲟⲩⲛⲟϭ ⲧⲉ ⲧⲥⲟⲫⲓⲁ ⲙⲡϫⲟⲉⲓⲥ ϥⲧⲏⲕ ϩⲛ ⲧⲉϥϭⲟⲙ ⲁⲩⲱ ϥϭⲱϣⲧ ⲉϫⲱⲟⲩ ⲧⲏⲣⲟⲩ

15:19  ⲉⲣⲉⲛⲉϥⲃⲁⲗϭⲱϣⲧ ⲉϫⲛ ⲛⲉⲧⲣϩⲟⲧⲉ ϩⲏⲧϥ ⲁⲩⲱ ⲛⲧⲟϥ ⲡⲉⲧⲛⲁⲉⲓⲙⲉ ⲉⲛⲉϩⲃⲏⲩⲉ ⲧⲏⲣⲟⲩ ⲛⲛⲣⲱⲙⲉ

15:20  ⲙⲡϥϩⲱⲛ ⲉⲧⲟⲟⲧϥ ⲗⲗⲁⲁⲩ ⲉⲣϣⲁϥⲧⲉ ⲁⲩⲱ ⲙⲡϥ…

Chapter 16

16:1  ⲙⲡⲣⲉ[ⲡⲓⲑⲩⲙ]ⲓ ⲛⲥⲩⲙⲏⲏϣⲉ ⲛ ⲁⲩⲱ [ⲙⲡⲣⲉⲩⲫ]ⲣⲁⲛⲉ ⲉϫⲛ ϩⲛϣⲏⲣⲉ ⲛⲁⲥⲉⲃⲏⲥ

16:2  ⲉⲩϣⲁⲛ ⲙⲡⲣⲟⲩⲛⲟϥ ⲉϫⲱⲟⲩ ⲉϣⲱⲡⲉ ⲛⲑⲟⲧⲉ ⲙⲡϫⲟⲉⲓⲥ ⲛⲙⲙⲁⲩ ⲁⲛ

16:3  ⲙⲡⲣⲧⲁⲛϩⲟⲩⲧⲕ ⲙⲛ ⲡⲉⲩⲱⲛϩ ⲁⲩⲱ ⲙⲡⲣⲕⲁϩⲧⲏⲕ ⲉⲡⲉⲩⲁϣⲁⲓ ⲛⲁⲛⲟⲩ ⲟⲩⲁ ⲅⲁⲣ ⲉϩⲟⲩⲟ ⲉϣⲟ ⲁⲩⲱ ⲉⲧⲣⲉ ⲡⲣⲱⲙⲉ ⲙⲟⲩ ⲉϥⲟ ⲛⲁⲧϣⲏⲣⲉ ⲛϩⲟⲩⲟ ⲉⲧⲣⲉϥ ⲕⲱ ⲛϩⲉⲛϣⲏⲣⲉ ⲛⲁⲥⲉⲃⲏⲥ

16:4  ϣⲁⲣⲉⲟⲩⲡⲟⲗⲓⲥ ϭⲱⲣϭⲥ ⲉⲧⲃⲉ ⲟⲩⲣⲙⲛϩⲏⲧ ⲛⲟⲩⲱⲧ ⲧⲉⲫⲩⲗⲏ ⲛⲛⲁⲛⲟⲙⲟⲥ ⲛⲁϣⲱϥ

16:5  ⲁⲡⲁⲃⲁⲗ ⲛⲁⲩ ⲉϩⲁϩ ⲛⲧⲉⲓϩⲉ ⲁⲩⲱ ⲁⲡⲁⲙⲁⲁϫⲉ ⲥⲱⲧⲙ ⲉⲡⲉⲧϫⲟⲟⲣ ⲉⲛⲁⲓ

16:6  ⲟⲩⲛ ⲟⲩⲕⲱϩⲧ ⲛⲁⲙⲟⲩϩ ϩⲛ ⲧⲥⲟⲟⲩϩⲥ ⲛⲛⲣⲉϥⲣⲛⲟⲃⲉ ⲁⲩⲱ ⲁⲟⲩⲟⲣⲅⲏ ⲙⲟⲩϩ ϩⲛ ⲟⲩϩⲉⲑⲛⲟⲥ ⲛⲁⲧⲁⲙⲁϩⲧⲉ

16:7  ⲙⲡϥⲕⲱ ⲉⲃⲟⲗ ⲛⲛⲅⲓⲅⲁⲥ ⲛϣⲟⲣⲡ ⲛⲁⲓ ⲉⲛⲧⲁⲩⲡⲱϣⲥ ⲉⲧⲃⲉ ⲧⲉⲩϭⲟⲙ

16:8  ⲙⲡϥϯⲥⲟ ⲉⲡⲙⲁ ⲛϣⲱⲡⲉ ⲛⲗⲱⲧ ⲛⲁⲓ ⲉⲛⲧⲁⲩϥⲟⲧⲟⲩ ⲉⲧⲃⲉ ⲧⲉⲩⲙⲛⲧϫⲁⲥⲓϩⲏⲧ

16:9  …ⲁⲛⲁ ⲁⲛ [ⲛⲁⲓ ⲉ]ⲛⲧⲁⲩϫⲓⲥⲉ ϩⲛ ⲛⲉ[ⲩⲛⲟⲃ]ⲉ

16:10  ⲉⲩⲙⲉϩⲥⲉ ⲛⲧⲃⲁ ⲛⲁⲓ ⲉⲛⲧⲁⲩⲥⲱⲟⲩϩ ⲉⲧ[ⲉⲩⲙⲛ]ⲧⲛⲁ[ϣⲧ]ϩⲏ

16:11  ⲕⲁⲛ ⲉϣⲱⲡⲉ ⲟⲩⲛⲁϣⲧ[ⲛⲁϩⲃⲉϥ ⲡ]ⲉ ⲟⲩⲁ ⲟⲩϣⲡⲏⲣⲉ ⲡⲉ ϫⲉ ϥⲛⲁⲟⲩⲟⲡ ⲉⲣⲉⲡⲛⲁ ⲅⲁⲣ ⲙⲛ ⲧⲟⲣⲅⲏ ⲛⲧⲟⲟⲧϥ ⲟⲩⲛϭⲟⲙ ⲙⲙⲟϥ ⲉⲕⲱ ⲉⲃⲟⲗ ⲁⲩⲱ ϣⲁϥⲡⲱϩⲧ ⲛⲧⲉϥⲟⲣⲅⲏ

16:12  ⲕⲁⲧⲁ ⲡⲁϣⲁⲓ ⲙⲡⲉϥⲛⲁ ⲧⲁⲓ ⲟⲛ ⲧⲉ ⲑⲉ ⲙⲡⲉϥϫⲡⲓⲟ ϥⲛⲁⲕⲣⲓⲛⲉ ⲙⲡⲣⲱⲙⲉ ⲕⲁⲧⲁ ⲛⲉϥϩⲃⲏⲩⲉ

16:13  ⲡⲣⲉϥⲣⲛⲟⲃⲉ ⲛⲁⲣⲃⲟⲗ ⲁⲛ ϩⲛ ⲛⲉϥⲧⲱⲣⲡ ⲁⲩⲱ ⲑⲩⲡⲟⲙⲟⲛⲏ ⲙⲡⲉⲩⲥⲉⲃⲏⲥ ⲛⲁⲱϫⲛ ⲁⲛ

16:14  ϣⲁϥⲕⲁⲙⲁ ⲙⲙⲛⲧⲛⲁ ⲛⲓⲙ ⲉⲣⲉⲡⲟⲩⲁ ⲡⲟⲩⲁ ϭⲓⲛⲉ ⲕⲁⲧⲁ ⲛⲉϥϩⲃⲏⲩⲉ

16:17  ⲙⲡⲣϫⲟⲟⲥ ϫⲉ ϯⲛⲁϩⲟⲡⲧ ⲉⲡϫⲟⲉⲓⲥ ⲁⲩⲱ ϫⲉ ⲛⲓⲙ ⲡⲉⲧⲛⲁⲣⲡⲁⲙⲉⲉⲩⲉ ϩⲙ ⲡϫⲓⲥⲉ ⲥⲉⲛⲁⲥⲟⲩⲱⲛⲧ ⲁⲛ ϩⲛ ⲟⲩⲗⲁⲟⲥ ⲉϥⲟϣ ⲛⲓⲙ ⲅⲁⲣ ⲡⲉ ⲧⲁⲯⲩⲭⲏ ϩⲙ ⲡⲉⲓⲥⲱⲛⲧ ⲉⲧⲉⲙⲛⲧϥ ⲏⲏⲡⲉ

16:18  ⲉⲓⲥ ϩⲏⲏⲧⲉ ⲉⲓⲥ ⲧⲡⲉ ⲙⲛ ⲧⲡⲉ ⲛⲧⲡⲉ ⲡⲛⲟⲩⲛ ⲙⲛ ⲡⲕⲁϩ ⲉϥϣⲁⲛϭⲙⲡⲉⲩϣⲓⲛⲉ ϣⲁⲩⲕⲓⲙ

16:19  ⲙⲛ ⲛⲧ[ⲟⲟⲩ] ϩⲙ ⲡ[ⲧⲣⲉϥ] ϣⲣ ⲉϩⲣⲁⲓ [ⲉϫⲱⲟⲩ] ⲥⲧⲱⲧ

16:20  ⲁⲩⲱ [ⲛⲛⲉϥⲙⲉ]ⲕⲙⲟⲩⲕϥ ⲉϩⲣⲁⲓ ⲉϫⲱⲟⲩ ⲛⲓⲙ ⲡⲉ[ⲛⲧⲁϥⲣⲡ]ⲙⲉⲉⲩⲉ ⲉⲛⲉϥϩⲓⲟⲟⲩⲉ

16:21  ⲙⲛ ⲑⲁⲧⲏⲩ ⲉⲧⲉⲙⲡⲣⲱⲙⲉ ⲛⲁⲩ ⲉⲣⲟⲥ ⲁⲛ ⲡⲉϩⲟⲩⲟ ⲛⲛⲉϥϩⲃⲏⲩⲉ ⲉⲩϩⲛ ⲛⲉϥⲡⲉⲑⲏⲡ

16:22  ⲛⲓⲙ ⲡⲉⲧⲛⲁϣϫⲱ ⲛⲛⲉϩⲃⲏⲩⲉ ⲛⲧⲇⲓⲕⲁⲓⲟⲥⲩⲛⲏ; ⲛⲓⲙ ⲡⲉⲧⲛⲁϭⲱ ⲧⲇⲓⲁⲑⲏⲕⲏ ⲅⲁⲣ ⲟⲩⲏⲩ

16:23  ⲟⲩⲁⲑⲏⲧ ⲡⲉ ⲡⲉⲧⲛⲁⲙⲉⲉⲩⲉ ⲉⲛⲁⲓ ⲁⲩⲱ ⲡⲣⲱⲙⲉ ⲛⲁⲧⲥⲃⲱ ⲉⲧⲡⲗⲁⲛⲁ ϣⲁϥⲙⲉⲉⲩⲉ ⲉⲛⲓⲙⲛⲧⲥⲟϭ

16:24  ⲥⲱⲧⲙ ⲉⲣⲟⲓ ⲡⲁϣⲏⲣⲉ ⲛⲅϫⲓⲥⲃⲱ ⲉⲧⲁⲥⲃⲱ ⲛⲅϯϩⲧⲏⲕ ϩⲙ ⲡⲉⲕϩⲏⲧ ⲉⲡⲁϣⲁϫⲉ

16:25  ϯⲛⲁⲟⲩⲛϩⲧⲉⲥⲃⲱ ⲉⲃⲟⲗ ϩⲛ ⲟⲩϣⲓ ϯⲛⲁⲟⲩⲛϩⲧⲙⲛⲧⲣⲙⲛϩⲏⲧ ϩⲛ ⲟⲩⲱⲣϫ

16:26  ⲉⲣⲉⲛⲉϩⲃⲏⲩⲉ ⲙⲡϫⲟⲉⲓⲥ ϩⲙ ⲡⲉϥⲧⲱϣ ϫⲓⲛ ⲛϣⲟⲣⲡ ⲁⲩⲱ ϫⲓⲛ ⲡⲉⲩⲧⲙⲁⲓⲟ ⲁϥⲡⲣϫⲛⲉⲩⲙⲉⲣⲓⲥ

16:27  ⲁϥⲕⲟⲥⲙⲓ ⲛⲛⲉϥϩⲃⲏⲩⲉ ⲛϣⲁⲉⲛⲉϩ ⲁⲩⲱ ⲛⲉⲩⲁⲣⲭⲏ ϣⲁ ⲛⲉⲩϫⲱⲙ ⲟⲩⲇⲉ ⲙⲡⲟⲩϩⲕⲟ ⲟⲩⲇⲉ ⲙⲡⲟⲩϩⲓⲥⲉ ⲁⲩⲱ ⲙⲡⲟⲩⲱϫⲛ ϩⲛ ⲛⲉⲩϩⲃⲏⲩⲉ

16:28  ⲙⲡⲉⲡⲟⲩⲁ ⲡⲟⲩⲁ ⲑⲗⲓⲃⲉ ⲙⲡⲉⲧϩⲓⲧⲟⲩⲱϥ ⲁⲩⲱ ⲛⲥⲉⲛⲁⲣⲁⲧⲥⲱⲧⲙ ⲁⲛ ⲉⲡⲉϥϣⲁϫⲉ ⲛϣⲁⲉⲛⲉϩ

16:29  ⲙⲙⲟⲥ ⲛⲉϥⲁⲅ[ⲁⲑⲟⲛ]

16:30  ⲛⲉⲯⲩⲭⲏ ⲛⲛⲉⲧⲟⲛϩ ⲡⲉϥ[ϩⲟ] ⲁⲩⲱ ⲧⲟⲟⲩ

Chapter 17

17:1  ⲡϫⲟⲉⲓⲥ ⲁϥⲥⲛⲧⲡⲣⲱⲙⲉ ⲉⲃⲟⲗ ϩⲛ ⲟⲩⲕⲁϩ ⲁⲩⲱ ⲟⲛ ⲉϥⲛⲁⲕⲧⲟϥ ⲉⲣⲟϥ

17:2  ⲟⲩⲏⲡⲉ ⲛϩⲟⲟⲩ ⲙⲛ ⲟⲩⲟⲩⲟⲉⲓϣ ⲡⲉⲛⲧⲁϥⲧⲁⲁⲩ ⲛⲁϥ ⲁⲩⲱ ⲁϥϯ ⲛⲁⲩ ⲛⲧⲉⲝⲟⲩⲥⲓⲁ ⲉⲛⲉⲧϩⲓϫⲱϥ

17:3  ⲁϥϯ ϩⲓⲱⲟⲩ ⲛⲟⲩϭⲟⲙ ⲕⲁⲧⲁ ⲣⲟⲟⲩ ⲁϥⲧⲁⲙⲓⲟⲟⲩ ⲕⲁⲧⲁ ⲧⲉϥϩⲓⲕⲱⲛ

17:4  ⲁϥⲕⲁⲧⲉⲩϩⲟⲧⲉ ϩⲓϫⲛ ⲥⲁⲣⲝ ⲛⲓⲙ ⲉⲧⲣⲉⲩⲣϫⲟⲉⲓⲥ ⲉϫⲛ ⲛⲉⲑⲏⲣⲓⲟⲛ ⲙⲛ ⲛϩⲁⲗⲁⲧⲉ

17:6  ⲟⲩϣⲟϫⲛⲉ ⲙⲛ ⲟⲩⲥⲃⲱ ⲙⲛ ⲟⲩⲗⲁⲥ ⲙⲛ ϩⲛⲃⲁⲗ ⲙⲛ ϩⲛⲙⲁⲁϫⲉ ⲁϥϯ ⲛⲁⲩ ⲛⲟⲩϩⲛⲧ ⲉⲙⲉⲉⲩⲉ

17:7  ⲁϥⲙⲁϩⲟⲩ ⲛⲥⲃⲱ ⲙⲙⲛⲧⲣⲙⲛϩⲏⲧ ⲁϥⲧⲟⲩⲟⲟⲩ ⲉⲛⲁⲅⲁⲑⲟⲛ ⲙⲛ ⲙⲡⲉⲑⲟⲟⲩ

17:8  ⲁϥⲕⲁⲛⲉⲩⲃⲁⲗ ϩⲓϫⲛ ⲛⲉⲩϩⲏⲧ ⲉⲧⲥⲁⲃⲟⲟⲩ ⲉⲙⲙⲛⲧⲛⲟϭ ⲛⲛⲉϥϩⲃⲏⲩⲉ

17:9  ⲁⲩⲱ ⲉϣⲟⲩϣⲟⲩ ⲙⲙⲟⲟⲩ ϩⲛ ⲛⲉϥϣⲡⲏⲣⲉ

17:10  ⲁⲩⲱ ⲥⲉⲛⲁⲥⲙⲟⲩ ⲉⲡⲣⲁⲛ ⲙⲡⲧⲃⲃⲟ ϫⲉ ⲉⲩⲉϫⲱ ⲛⲧⲙⲛⲧⲛⲟϭ ⲛⲛⲉϥϩⲃⲏⲩⲉ

17:11  ⲁϥⲧ ⲛⲟⲙ[ⲟⲥ]

17:12  ⲁϥ [ⲛⲙⲙ]ⲁⲩ ⲛⲧⲇⲓⲁⲑⲏⲕⲏ ⲁⲩⲱ [ⲁϥⲧⲥⲁ]ⲃⲟⲟⲩ ⲉⲛⲉϥϩⲁⲡ

17:13  ⲁⲛⲉ[ⲩⲃⲁⲗ ⲛⲁ]ⲩ ⲉⲧⲙⲛⲧⲛⲟϭ ⲙⲡⲉϥⲉⲟⲟⲩ ⲁⲩⲱ ⲁⲛⲉⲩⲙⲁⲁϫⲉ ⲥⲱⲧⲙ ⲉⲡⲉⲟⲟⲩ ⲛⲧⲉϥⲥⲙⲏ

17:14  ⲁϥϫⲟⲟⲥ ⲛⲁⲩ ϫⲉ ⲁⲣⲉϩ ⲉⲣⲱⲧⲛ ⲉⲡⲉⲑⲟⲟⲩ ⲛⲓⲙ ⲁϥϩⲱⲛ ⲉⲧⲟⲟⲧϥ ⲙⲡⲟⲩⲁ ⲡⲟⲩⲁ ⲉⲧⲃⲉ ⲡⲉⲧϩⲓⲧⲟⲩⲱϥ

17:15  ⲛⲉⲩϩⲓⲟⲟⲩⲉ ⲙⲡⲉϥⲙⲧⲟ ⲉⲃⲟⲗ ⲛⲟⲩⲟⲉⲓϣ ⲛⲓⲙ ⲥⲉⲛⲁϩⲱⲡ ⲁⲛ ⲉⲛⲉϥⲃⲁⲗ

17:17  ⲁϥⲕⲁⲑⲓⲥⲧⲁ ⲛⲟⲩⲛⲟϭ ⲉϫⲛ ⲫⲉⲑⲛⲟⲥ ⲫⲉⲑⲛⲟⲥ ⲧⲙⲉⲣⲓⲥ ϩⲱⲱϥ ⲙⲡϫⲟⲉⲓⲥ ⲡⲉ ⲡⲓⲥⲣⲁⲏⲗ

17:19  ⲛⲉⲩϩⲃⲏⲩⲉ ⲧⲏⲣⲟⲩ ⲟ ⲛⲑⲉ ⲙⲡⲣⲏ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲛⲉϥⲃⲁⲗ ϭⲱϣⲧ ⲉϫⲛ ⲛⲉⲩϩⲓⲟⲟⲩⲉ ⲛⲟⲩⲟⲉⲓϣ ⲛⲓⲙ

17:20  ⲙⲡⲉⲛⲉⲩϫⲓⲛϭⲟⲛⲥ ϩⲱⲡ ⲉⲣⲟϥ ⲁⲩⲱ ⲛⲉⲩⲛⲟⲃⲉ ⲧⲏⲣⲟⲩ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ

17:22  ⲙⲙⲛⲧⲛⲁ ⲙⲡⲣⲱⲙⲉ ⲉⲩⲟ ⲛⲑⲉ ⲛⲟⲩⲥⲫⲣⲁⲅⲓⲥ ⲛⲉⲙⲁϥ ⲁⲩⲱ ⲡⲉϩⲙⲟⲧ ⲙⲡⲣⲱⲙⲉ ⲉϥⲛⲁⲁⲣⲉϩ ⲉⲣⲟϥ ⲛⲑⲉ ⲛⲟⲩⲕⲁⲕⲉ ⲛⲃⲁⲗ ⲁⲛ[ ⲧ]ⲃⲃⲟ ⲙⲙⲛⲧⲛⲟϭ [ⲛⲛⲉ]ϥϩⲃⲏⲩⲉ

17:23  [ⲙⲛⲛ]ⲥⲁ ⲛⲁⲓ ϥⲛⲁⲧⲱⲟⲩ[ⲛ ⲛϥ]ⲧⲱⲱⲃⲉ ⲛⲁⲩ ⲛϥϯ ⲛⲁⲩ ⲧⲟⲩⲉⲓⲟ ⲉϫⲛ [ⲧⲉⲩⲁ]ⲡⲉ

17:24  ϣⲁⲧⲛ ⲛⲉⲧⲛⲁⲣϩⲧⲏⲩ ⲛⲧⲁϥϯ ⲛⲁⲩ ⲛⲧⲉϩⲓⲏ ⲛⲕⲟⲧⲟⲩ ⲁⲩⲱ ⲁϥⲥⲉⲡⲥ ⲛⲉⲛⲧⲁⲩⲕⲱ ⲛⲥⲱⲟⲩ ⲛⲑⲩⲡⲟⲙⲟⲛⲏ

17:25  ⲕⲟⲧⲕ ⲉⲡϫⲟⲉⲓⲥ ⲛⲅⲕⲱ ⲛⲥⲱⲕ ⲙⲡⲛⲟⲃⲉ ⲛⲅⲥⲟⲡⲥ ⲙⲡⲉϥⲙⲧⲟ ⲉⲃⲟⲗ ⲛⲅⲧⲥⲃⲕⲉⲛⲉⲕϫⲣⲟⲡ

17:26  ⲕⲟⲧⲕ ⲉⲡϫⲟⲉⲓⲥ ⲛⲅⲗⲟ ϩⲁ ⲡϫⲓⲛϭⲟⲛⲥ ⲛⲅⲙⲉⲥⲧⲉⲛⲃⲟⲧⲉ ⲉⲙⲁⲧⲉ

17:27  ⲛⲓⲙ ⲡⲉⲧⲛⲁⲥⲙⲟⲩ ⲉⲡⲉⲧϫⲟⲥⲉ ϩⲛ ⲁⲙⲛⲧⲉ ⲉⲡⲙⲁ ⲛⲛⲉⲧⲟⲛϩ ⲉⲧϯ ⲛⲟⲩⲙⲛⲧⲣϩⲧⲏϥ

17:28  ⲛⲧⲙⲛⲧⲣⲙⲛϩⲏⲧ ϣⲟⲟⲡ ⲁⲛ ϩⲙ ⲡⲉⲧⲙⲟⲟⲩⲧ ⲛⲑⲉ ⲟⲛ ⲉⲧⲉⲛϥϣⲟⲟⲡ ⲁⲛ ⲡⲉⲧⲟⲛϩ ⲙⲛ ⲡⲉⲧⲙⲟⲧⲛ ⲡⲉⲧⲛⲁⲥⲙⲟⲩ ⲉⲡϫⲟⲉⲓⲥ

17:29  ϫⲉ ⲟⲩⲛⲟϭ ⲧⲉ ⲧⲙⲛⲧⲛⲁ ⲙⲡϫⲟⲉⲓⲥ ⲁⲩⲱ ⲛⲉϥⲕⲱ ⲉⲃⲟⲗ ⲛⲛⲉⲧⲕⲧⲟ ⲙⲙⲟⲟⲩ ⲉⲣⲟϥ

17:30  ⲙⲛϣϭⲟⲙ ⲅⲁⲣ ⲉⲧⲣⲉϩⲱⲃ ⲛⲓⲙ ϣⲱⲡⲉ ⲛⲣⲣⲱⲙⲉ ϫⲉ ⲟⲩϣⲁⲉⲛⲉϩ ⲁⲛ ⲡⲉ ⲡϣⲏⲣⲉ ⲛⲣⲣⲱⲙⲉ

17:31  ⲟⲩ ⲡⲉⲧⲟ ⲛⲟⲩⲟⲉⲓⲛ ⲉⲡⲣⲏ ϣⲁⲣⲉⲡⲉⲓ ⲕⲉϩⲱ ⲁⲩⲱ ⲥⲁ[ⲣⲝ ϩⲓ ⲥ]ⲛⲟϥ ϣⲁⲩⲙⲉⲉⲩⲉ ⲉ

17:32  ⲧϭⲟⲙ ⲙ[ⲡϫⲓⲥ]ⲉ ⲛⲧⲡ[ⲉ] ⲛⲧⲟϥ ⲡⲉⲧϭⲓⲛ[ⲉ ⲉ]ⲡ[ⲉⲥϣⲓⲛ]ⲉ ⲁⲩⲱ ⲛⲣⲱⲙⲉ ⲧⲏⲣⲟⲩ ϩⲛ ⲕⲁϩ ⲛⲉ ϩⲓ ⲕⲣⲙⲉⲥ

Chapter 18

18:1  ⲡⲉⲧⲟⲛϩ ⲛϣⲁⲉⲛⲉϩ ⲡⲉⲛⲧⲁϥⲥⲛⲧ ⲛⲕⲁ ⲛⲓⲙ ϩⲓ ⲟⲩⲥⲟⲡ

18:2  ⲡϫⲟⲉⲓⲥ ⲙⲁⲩⲁⲁϥ ⲡⲉⲧⲛⲁⲧⲙⲁⲉⲓⲟ

18:4  ⲙⲡϥϯ ⲛⲗⲁⲁⲩ ⲉϫⲉⲛⲉϥϩⲃⲏⲩⲉ ⲁⲩⲱ ⲛⲓⲙ ⲡⲉⲧⲛⲁϣϩⲟⲧϩⲧ ⲛⲧⲉϥⲙⲛⲧⲥⲁⲃⲉ

18:5  ⲏ ⲛⲓⲙ ⲡⲉⲧⲛⲁϣⲉⲡⲡⲁⲙⲁϩⲧⲉ ⲛⲧⲉϥⲙⲛⲧⲛⲟϭ ⲁⲩⲱ ⲛⲓⲙ ⲡⲉⲧⲛⲁϣⲟⲩⲱϩ ⲉⲧⲟⲟⲧϥ ⲉϫⲱ ⲛⲛⲉϥⲛⲁ

18:6  ⲛⲛⲉⲕϣϥⲓ ⲛϩⲏⲧⲟⲩ ⲛⲛⲉⲕϣⲟⲩⲱϩ ⲉⲣⲟⲟⲩ ⲛⲛⲉⲕⲉϣϩⲟⲧϩⲧ ⲛⲛⲉϩⲃⲏⲩⲉ ⲙⲡϫⲟⲉⲓⲥ

18:7  ⲉⲣϣⲁⲛⲡⲣⲱⲙⲉ ϫⲱⲕ ⲉⲃⲟⲗ ⲛⲧⲁϥⲉⲓ ⲣⲱ ⲉϩⲟⲩⲛ ⲁⲩⲱ ⲉϥϣⲁⲛⲕⲟⲧϥ ⲉⲃⲟⲗ ⲧⲟⲧⲉ ϥⲛⲁⲁⲡⲟⲣⲓ

18:8  ⲟⲩ ⲡⲉ ⲡⲣⲱⲙⲉ ⲁⲩⲱ ⲟⲩ ⲡⲉ ⲡⲉϥϣⲁⲩ ⲟⲩ ⲡⲉ ⲡⲉϥⲁⲅⲁⲑⲟⲛ ⲁⲩⲱ ⲟⲩ ⲡⲉ ⲡⲉϥⲡⲉⲑⲟⲟⲩ

18:9  ⲧⲏⲡⲉ ⲛⲛⲉϩⲟⲟⲩ ⲙⲡⲣⲱⲙⲉ ⲉⲥϣⲁⲛⲁϣⲁⲓ ϣⲉ ⲛⲣⲟⲙⲡⲉ ⲛⲉ

18:10  ⲉⲩⲟ ⲛⲑⲉ ⲛⲟⲩⲧⲗϯⲗⲉ ⲙⲙⲟⲟⲩ ⲉⲃⲟⲗ ϩⲛ ⲑⲁⲗⲁⲥⲥⲁ ⲁⲩⲱ ⲛⲑⲉ ⲛⲟⲩⲃⲗⲃⲓⲗⲉ ⲛϣⲱ ϩⲙ ⲡϣⲱ ⲧⲁⲓ ⲧⲉ ⲑⲉ ⲛⲛⲣⲙⲡⲟⲟⲩⲉ ⲛϣⲁⲉⲛⲉϩ

18:11  ⲉϩⲣⲁⲓ ⲉϫⲱⲟⲩ ⲙ[ⲡⲉϥⲛ]ⲁ

18:12  [ⲁϥⲛ]ⲁⲩ ⲁⲩⲱ ⲁϥⲉⲓⲙⲉ ⲉⲡⲉ[ⲩⲧⲁⲕ]ⲟ ϫⲉ ⲉⲧⲃⲉ ⲡⲁⲓ ⲁϥⲧⲁϣⲉⲡⲉϥ

18:13  ⲡⲛⲁ ⲙⲡⲣⲱⲙⲉ ⲉϣⲁϥⲉⲓ ⲉϫⲛ [ⲡ]ⲉⲧϩⲓⲧⲟⲩⲱϥ ⲡⲛⲁ ⲛⲧⲟϥ ⲙⲡϫⲟⲉⲓⲥ ⲉϣⲁϥⲉⲓ ⲉϫⲛ ⲥⲁⲣⲝ ⲛⲓⲙ ⲉϥϫⲡⲓⲟ ⲉϥⲡⲁⲓⲇⲉⲩⲉ ⲉϥϯⲥⲃⲱ ⲉϥⲕⲧⲟ ⲙⲡⲉϥⲟϩⲉ ⲛⲑⲉ ⲛⲟⲩϣⲱⲥ

18:14  ϣⲁϥⲛⲁ ⲛⲛⲉⲧϭⲱϣⲧ ϩⲏⲧⲥ ⲛⲧⲉϥⲥⲃⲱ ⲁⲩⲱ ⲛⲉⲧϭⲉⲡⲏ ⲉⲣⲁⲧⲟⲩ ⲛⲛⲉϥϩⲁⲡ

18:15  ⲡⲁϣⲏⲣⲉ ⲙⲡⲣϯⲧⲱⲗⲙ ⲛⲛⲉⲕⲡⲉⲧⲛⲁⲛⲟⲩⲟⲩ ⲁⲩⲱ ⲟⲩⲗⲩⲡⲏ ⲛϣⲁϫⲉ ϩⲙ ⲡⲉⲧⲕⲛⲁⲧⲁⲁϥ ⲧⲏⲣϥ

18:16  ⲙⲏ ⲙⲉⲣⲉⲟⲩⲉⲓⲱⲧⲉ ϯⲙⲧⲟⲛ ⲛⲟⲩϩⲙⲟⲙ ⲧⲁⲓ ⲧⲉ ⲑⲉ ⲉⲧⲉⲣⲉⲡϣⲁϫⲉ ⲥⲟⲧⲡ ⲡⲁⲣⲁ ϯ

18:17  ⲙⲏ ⲛⲁⲛⲟⲩ ⲡϣⲁϫⲉ ⲁⲛ ⲉϩⲟⲩⲟ ⲉϯ ⲁⲩⲱ ⲡⲣⲱⲙⲉ ⲛϩⲙⲟⲧ ⲟⲩⲛⲧⲁϥⲥⲉ ⲙⲡⲉⲥⲛⲁⲩ

18:18  ⲡⲥⲟϭ ϣⲁϥⲛⲟϭⲛⲉϭ ⲁϫⲛ ϣⲡϩⲙⲟⲧ ⲁⲩⲱ ϣⲁⲣⲉⲡϯ ⲛⲟⲩⲉⲓⲉⲣⲃⲟⲟⲛⲉ ⲃⲱⲗ ⲉⲃⲟⲗ ⲛⲛⲉϥⲃⲁⲗ

18:19  ⲉⲓⲙⲉ ⲉⲙⲡⲁⲧⲕϣⲁϫⲉ ϫⲓⲡⲁϩⲣⲉ ⲉⲙⲡⲁⲧⲕϣⲱⲡⲉ

18:20  ⲥⲃⲧⲱⲧⲕ ϩⲁⲑⲏ ⲛⲧⲉⲕⲣⲓⲥⲓⲥ ⲁⲩⲱ ⲕⲛⲁϩⲉ ⲉⲩⲕⲱ ⲉⲃⲟⲗ ⲛⲧⲉⲩⲛⲟⲩ ⲙⲡϭⲙⲡϣⲓⲛⲉ

18:21  ⲑⲃⲃⲓⲟ[ⲕ ⲉⲙ]ⲡⲁⲧⲕϣⲱⲛⲉ ⲛⲅⲟⲩ[ⲱⲛϩ ⲉ]ⲃⲟⲗ ⲙⲡⲉⲕⲕⲧⲟ ϩⲙ ⲡⲉ[ⲟⲩⲟ]ⲉ[ⲉⲓϣ ⲛⲛ]ⲉⲕⲛⲟⲃⲉ

18:22  ⲙⲡⲣϯϫⲣⲟⲡ ⲉϯ ⲛⲛⲉⲕⲉⲣⲏⲧ ⲙⲡⲉⲟⲩⲟⲉⲓϣ ⲁⲩⲱ ⲙⲡⲣϭⲱ ⲉⲙⲡⲕⲧⲙⲁⲓⲟ ϣⲁ ⲡⲉⲕⲙⲟⲩ

18:23  ⲥⲃⲧⲉⲧⲉⲕⲯⲩⲭⲏ ⲉⲙⲡⲁⲧⲕⲉⲣⲏⲧ ⲛⲅⲧⲙϣⲱⲡⲉ ⲛⲑⲉ ⲛⲟⲩⲣⲱⲙⲉ ⲉϥⲡⲓⲣⲁⲍⲉ ⲙⲡϫⲟⲉⲓⲥ

18:24  ⲁⲣⲓⲡⲙⲉⲉⲩⲉ ⲙⲡϭⲱⲛⲧ ϩⲛ ⲛⲉϩⲟⲟⲩ ⲛⲑⲁⲏ ⲁⲩⲱ ⲡⲉⲟⲩⲟⲉⲓϣ ⲙⲡⲉ[ⲕⲃ]ⲁ ϩⲙ ⲡⲉϩⲟⲟⲩ ⲙⲫⲁⲡ

18:25  ⲁⲣⲓⲡⲙⲉⲉⲩⲉ ⲙⲡⲉⲟⲩⲟⲉⲓϣ ⲙⲫⲉⲃⲱⲱⲛ ϩⲙ ⲡⲉϩⲟⲟⲩ ⲙⲡⲥⲉⲓ ⲧⲙⲛⲧϩⲏⲕⲉ ⲙⲛ ⲡⲉϭⲣⲱϩ ϩⲙ ⲡⲉϩⲟⲟⲩ ⲛⲧⲙⲛⲧⲣⲙⲙⲁⲟ

18:26  ϫⲓⲛ ϩⲧⲟⲟⲩⲉ ⲅⲁⲣ ϣⲁ ⲣⲟⲩϩⲉ ⲡⲉⲟⲩⲟⲉⲓϣ ⲡⲱⲱⲛⲉ ⲁⲩⲱ ϩⲛⲗⲁⲁⲩ ⲧⲏⲣⲟⲩ ⲛⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ

18:27  ⲟⲩⲣⲱⲙⲉ ⲛⲥⲟⲫⲟⲥ ϣⲁϥⲣϩⲟⲧⲉ ϩⲛ ϩⲱⲃ ⲛⲓⲙ ⲁⲩⲱ ⲡⲉϩⲟⲟⲩ ⲙⲡⲛⲟⲃⲉ ϣⲁϥⲥⲁϩⲱϥ ⲉⲃⲟⲗ ⲙⲙⲟϥ

18:28  ⲁⲣⲙⲛϩⲏⲧ ⲛⲓⲙ ⲉⲓⲙⲉ ⲉⲧⲥⲟⲫⲓⲁ ⲁⲩⲱ ϣⲁⲥⲟⲩⲱⲛϩ ⲉⲃⲟⲗ ⲙⲡⲉⲛⲧⲁϥϩⲉ ⲉⲣⲟⲥ

18:29  [ⲁⲩ]ⲣⲥⲁⲃⲉ [ⲁⲩⲱ] ϣⲁⲩⲃⲉⲉⲃⲉ ⲛϩⲉⲛⲡⲁ[ⲣϩⲟⲓⲙ]ⲓⲁ ⲉⲩⲟⲣϫ

18:30  ⲙⲡⲣⲟⲩⲁϩⲕ ⲛⲥⲁ ⲡⲉⲕⲟⲩⲱϣ ⲁⲩⲱ ⲁⲙⲁϩⲧⲉ ⲙⲙⲟⲕ ⲉⲛⲉⲧⲕⲟⲩⲁϣⲟⲩ

18:31  ⲉⲕϣⲁⲛϯ ⲅⲁⲣ ⲛⲧⲉⲯⲩⲭⲏ ⲙⲡⲟⲩⲱϣ ⲉⲧⲉϩⲛⲁⲥ ϣⲁⲥⲧⲣⲉⲛⲉⲕϫⲁϫⲉ ⲣⲁϣⲉ ⲙⲙⲟⲕ

18:32  ⲙⲡⲣⲉⲩⲫⲣⲁⲛⲉ ⲉϫⲛ ϩⲁϩ ⲛⲧⲣⲩⲫⲏ ⲁⲩⲱ ⲙⲡⲣⲙⲟⲣⲕ ⲉⲧⲉⲥⲥⲩⲙⲃⲟⲗⲏ

18:33  ⲙⲡⲣϣⲱⲡⲉ ⲉⲕϯⲥⲩⲙⲃⲟⲗⲏ ⲉⲕϫⲓ ⲉϫⲱⲕ ⲉⲛⲧⲕ ⲟⲩϩⲏⲕⲉ ⲁⲩⲱ ⲉⲙⲛ ⲗⲁⲁⲩ ϣⲟⲟⲡ ⲛⲁⲕ ϩⲛ ⲧⲉⲕⲧⲱⲱⲙⲉ

Chapter 19

19:1  ⲟⲩⲉⲣⲅⲁⲧⲏⲥ ⲣⲣⲉϥϯϩⲉ ϥⲛⲁⲣⲣⲙⲙⲁⲟ ⲁⲛ ⲡⲉⲧϣⲱⲥ ⲛⲛⲉⲓϣⲁϫⲉ ϥⲛⲁϩⲉ ϣⲏⲙ ϣⲏⲙ

19:2  ϣⲁⲣⲉⲏⲣⲡ ϩⲓ ⲥϩⲓⲙⲉ ⲡⲉϣⲥⲛⲥⲁⲃⲉ ⲁⲩⲱ ⲡⲉⲧⲧⲱϭⲉ ⲙⲙⲟϥ ⲉⲡⲟⲣⲛⲏ ϥⲛⲁⲣⲧⲟⲗⲙⲏⲣⲟⲥ

19:3  ϩⲛⲗⲟϥⲗⲉϥ ⲙⲛϩⲉⲛϥⲛⲧ ⲛⲉⲧⲛⲁⲕⲗⲏⲣⲟⲛⲟⲙⲓ ⲙⲙⲟϥ ⲧⲉⲯⲩⲭⲏ ⲛⲛⲧⲟⲗⲙⲏⲣⲟⲥ ⲛⲁⲧⲁⲕⲟ

19:4  ⲁⲩⲱ ⲡⲉϣⲁϥⲛⲁϩⲧⲉ ϩⲛ ⲟⲩϭⲉⲡⲏ ϥⲁⲥⲱⲟⲩ ϩⲙ ⲡⲉϥϩⲏⲧ ⲡⲉⲧⲣⲛⲟⲃⲉ ⲉϩⲟⲩⲛ ⲉⲧⲉϥⲯⲩⲭⲏ ϥⲛⲁⲣϩⲧⲏϥ

19:5  ⲡⲉⲧⲉⲩⲫⲣⲁⲛⲉ ……ϫ…

19:6  ⲡⲉⲧⲙⲉⲥⲧⲉ(?) ⲛⲣϩⲁϩ ⲛϣⲁϫⲉ ϥⲛⲁ…

19:7  ⲙⲡⲣ…ⲟⲩϣⲁϫⲉ ⲉⲛⲉϩ ⲁⲩⲱ ⲛ[ⲕⲛⲁ]ϣⲱⲱⲧ ⲁⲛ ⲛⲗⲁⲁⲩ

19:8  ⲙⲡⲣϣⲁϫⲉ ϩⲛ ⲧⲙⲏⲧⲉ ⲛⲟⲩϣⲃⲏⲣ ⲙⲛ ⲟⲩϫⲁϫⲉ ⲁⲩⲱ ⲉϣϫⲉ ⲙⲛⲧⲕⲛⲟⲃⲉ ⲙⲡⲣⲟⲩⲟⲛϩ(?) ⲉⲃⲟⲗ

19:9  ϥⲛⲁⲥⲱⲧⲙ ⲅⲁⲣ ⲉⲣⲟⲕ ⲛϥϯϩⲧⲏϥ ⲉⲣⲟⲕ ⲁⲩⲱ ⲛⲉϥⲙⲉⲥⲧⲱⲕ ϩⲛ ⲟⲩⲟⲩⲟⲉⲓϣ

19:10  ⲁⲕⲥⲱⲧⲙ ⲉⲩϣⲁϫⲉ ⲙⲁⲣⲉϥⲙⲟⲩ ⲛⲙⲙⲁⲕ ⲧⲱⲕ ⲙⲙⲟⲕ ⲛⲛⲉϥⲣⲁϩⲧⲕ

19:11  ϣⲁⲣⲉⲡⲥⲟϭ ϯⲛⲁⲁⲕⲉ ⲛⲛⲁϩⲣⲛ ⲡϣⲁϫⲉ ⲛⲑⲉ ⲛⲧⲉⲧⲛⲁⲙⲓⲥⲉ ⲛⲛⲁϩⲣⲛ ⲡⲉⲥϣⲏⲣⲉ

19:12  ⲛⲑⲉ ⲛⲟⲩⲥⲟⲧⲉ ⲉϥⲧⲣⲧⲱⲣ ϩⲛ ⲟⲩⲙⲏⲣⲟⲥ ⲛⲥⲁⲣⲝ ⲧⲁⲓ ⲧⲉ ⲑⲉ ⲛⲟⲩϣⲁϫⲉ ϩⲛ ⲑⲏ ⲛⲟⲩⲥⲟϭ

19:13  ϫⲡⲓⲉⲡⲉⲕϣⲃⲏⲣ ϫⲉ ⲙⲉϣⲁϥ ⲙⲡϥⲁⲁⲥ ⲁⲩⲱ ⲉϣϫⲉ ⲁϥⲁⲁⲥ ϫⲉ ⲛⲉϥⲟⲩⲁϩⲙⲉϥ

19:14  ϫⲡⲓⲉⲡⲉⲕϣⲃⲏⲣ ϫⲉ ⲙⲉϣⲁϥ ⲙⲡϥϫⲟⲟⲥ ⲉϣϫⲉ ⲁϥϫⲟⲟⲥ ϫⲉ ⲛⲉϥⲟⲩⲁϩⲙⲉϥ

19:15  ϫⲡⲓⲉⲡⲉⲕϣⲃⲏⲣ ϫⲉ ϣⲁⲣⲉⲇⲓⲁⲃⲟⲗⲏ ⲅⲁⲣ ϣⲱⲡⲉ ⲛϩⲁϩ ⲛⲥⲟⲡ ⲁⲩⲱ ⲙⲡⲣⲧⲁⲛϩⲉⲧϣⲁϫⲉ ⲛⲓⲙ

19:16  ⲟⲩⲛⲡⲉϣⲁϥⲥⲗⲁⲁⲧⲉ ⲉⲛⲧⲁϥⲁⲁⲥ ⲁⲛ ϩⲙ ⲡⲉϥϩⲏⲧ

19:17  ϫⲡⲓⲉⲡⲉⲕϣⲃⲏⲣ ⲉⲙⲡⲁⲧⲕⲛⲟⲩϭⲥ ⲉⲣⲟϥ ⲁⲩⲱ ⲛⲅϯⲡⲙⲁ ⲙⲡⲛⲟⲙⲟⲥ ⲙⲡⲉⲧϫⲟⲥⲉ

19:20  ⲥⲟⲫⲓⲁ ⲛⲓⲙ ⲡⲉ ⲑⲟⲧⲉ ⲙⲡϫⲟⲉⲓⲥ ⲁⲩⲱ ⲡⲓⲣⲉ ⲙⲡⲛⲟⲙⲟⲥ ϩⲛ ⲥⲟⲫⲓⲁ ⲛⲓⲙ

19:22  ⲙⲛⲧⲉⲡⲟⲛⲏⲣⲓⲁ ⲥⲃⲱ ⲛⲥⲟⲫⲓⲁ ⲁⲩⲱ ⲟⲩⲙⲛⲧⲣⲙⲛϩⲏⲧ ⲁⲛ ⲡⲉ ⲟⲩϣⲟϫⲛⲉ ⲛⲣⲉϥⲣⲛⲟⲃⲉ

19:23  ⲟⲩⲛⲟⲩⲡⲟⲛⲏⲣⲓⲁ ⲉⲩⲃⲟⲧⲉ ⲧⲉ ⲁⲩⲱ ⲟⲩⲛⲁⲑⲏⲧ ⲉϥϣⲁⲁⲧ ⲛⲥⲟⲫⲓⲁ

19:24  ⲛⲁⲛⲟⲩⲡⲉⲧϣⲁⲁⲧ ⲙⲙⲛⲧⲣⲙⲛϩⲏⲧ ⲉϥⲟ ⲛϩⲟⲧⲉ ⲉϩⲟⲩⲟ ⲉⲡⲉⲧⲟϣ ⲙⲙⲛⲧⲣⲙⲛϩⲏⲧ ⲉϥⲡⲁⲣⲁⲃⲁ ⲙⲡⲛⲟⲙⲟⲥ

19:25  ⲟⲩⲛⲟⲩⲡⲟⲛⲏⲣⲓⲁ ⲉⲥⲟⲣϫ ⲉⲩϫⲓⲛϭⲟⲛⲥ ⲧⲉ ⲁⲩⲱ ⲟⲩⲛⲡⲉϣⲁϥⲧⲁⲕⲟ ϫⲉ ⲉϥⲉϫⲓ ⲛⲟⲩϩⲁⲡ

19:26  ⲟⲩⲛⲡⲉⲧⲟ ⲙⲡⲟⲛⲏⲣⲟⲥ ⲉⲣⲉϫⲱϥ ⲃⲏϩ ⲉⲡⲉⲥⲏⲧ ⲉϥϩⲏⲡ ⲁⲩⲱ ⲉⲣⲉⲡⲉϥϩⲟⲩⲛ ⲙⲉϩ ⲛⲕⲣⲟϥ

19:27  ⲉϥⲡⲱϩⲧ ⲙⲡⲉϥϩⲟ ⲉⲡⲉⲥⲏⲧ ⲉϥⲱⲃϣ ⲙⲙⲟϥ ⲉϥⲛⲁⲣϣⲟⲣⲡ ⲉⲣⲟⲕ ϩⲙ ⲡⲙⲁ ⲉⲧⲕⲛⲁⲧⲁⲛϩⲟⲩⲧϥ ⲉⲣⲟϥ ⲁⲛ

19:28  ⲉϣⲱⲡⲉ ⲉϥϣⲁ[ⲛϩⲉ] ⲉⲟⲩⲟⲉⲓϣ ϥ…… ϩⲛϣⲁϫⲉ ⲛⲙⲡⲁⲣⲁⲃⲟⲗⲏ

19:29  ϣⲁⲩⲛⲟⲓ ⲛⲣⲣⲱⲙⲉ ⲉⲃⲟⲗ ϩⲙ ⲡⲧⲣⲉⲩⲛⲁⲩ ⲉ[ⲣⲟⲟⲩ] ⲁⲩⲱ ϣⲁⲩⲥⲟⲩⲛⲡⲥⲁⲃⲉ ϩⲙ ⲡⲧⲱⲙⲛⲧ ⲉⲣⲟϥ ⲙⲡⲉϥϩⲟ

19:30  ϣⲁⲣⲉⲧϭⲟⲟⲗⲉⲥ ⲙⲡⲣⲱⲙⲉ ⲙⲛ ⲡⲥⲱⲃⲉ ⲛⲛⲉϥⲛⲁϫϩⲉ ⲁⲩⲱ ⲧⲉϥϭⲓⲛⲙⲟⲟϣⲉ ⲧⲁⲙⲟⲕ ⲉⲣⲟϥ

Chapter 20

20:1  ⲟⲩⲛϫⲡⲓⲟ ⲉⲛⲉⲥⲱϥ ⲁⲛ ⲁⲩⲱ ⲟⲩⲛⲡⲉⲧⲕⲱ ⲛⲣⲱϥ ⲉⲩⲥⲁⲃⲉ ⲡⲉ

20:2  ⲉϣϫⲉ ⲛⲁⲛⲟⲩϫⲡⲓⲟ ⲉϩⲟⲩⲟ ⲉϭⲱⲛⲧ

20:3  ⲁⲩⲱ ⲡⲉⲧⲣϩⲧⲏϥ ⲛⲁⲁⲙⲁϩⲧⲉ ⲙⲙⲟϥ ⲉⲡⲛⲟⲃⲉ

20:4  ⲛⲑⲉ ⲛⲧⲉⲡⲓⲑⲩⲙⲓⲁ ⲛⲟⲩⲥⲓⲟⲩⲣ ⲉⲣⲟⲩⲡⲁⲣⲑⲉⲛⲟⲥ ⲛⲥϩⲓⲙⲉ ⲧⲁⲓ ⲧⲉ ⲑⲉ ⲙⲡⲉⲧⲉⲓⲣⲉ ⲛⲛⲉϩⲃⲏⲩⲉ ⲛϭⲟⲛⲥ

20:5  ⲟⲩⲛⲡⲉⲧⲕⲱ ⲛⲣⲱϥ ⲉϣⲁⲩϩⲉ ⲉⲣⲟϥ ⲛⲥⲁⲃⲉ ⲁⲩⲱ ⲟⲩⲛⲡⲉϣⲁⲩⲙⲉⲥⲧⲱϥ ⲉⲧⲃⲉ ⲧⲉϥⲙⲛⲧϩⲁϩ ⲛϣⲁϫⲉ

20:6  ⲟⲩⲛⲡⲉⲧⲕⲱ ⲛⲣⲱϥ ⲉⲙⲛⲧϥϣⲁϫⲉ ⲙⲙⲁⲩ ⲉϫⲱ ⲁⲩⲱ ⲟⲩⲛⲡⲉⲧⲕⲱ ⲛⲣⲱϥ ⲉϥϭⲱϣⲧ ⲉⲡⲉⲟⲩⲟⲉⲓϣ ⲛϣⲁϫⲉ

20:7  ⲟⲩⲣⲱⲙⲉ ⲛⲥⲁⲃⲉ ϣⲁϥⲕⲁⲣⲱϥ ϣⲁ ⲡⲉⲟⲩⲟⲉⲓϣ ϣⲁϥⲣ[]ⲉⲟⲩⲟⲉⲓϣ

20:8  [ⲡⲉⲧ]ⲟ ⲛϩⲁϩ ⲛϣⲁϫⲉ ϣⲁⲩϥⲱ[ⲧⲉ] ⲁⲩⲱ ⲡⲉϯⲣⲉ ⲙⲡⲉϥϩⲧⲟⲣ ⲥⲉ[ⲛⲁⲙⲉ]ⲥⲧⲱϥ

20:9  ⲟⲩⲛⲟⲩⲥⲟⲟⲩⲧⲛ ⲙⲡⲣⲱⲙⲉ [ϩⲛ] ⲛⲉϥⲡⲉⲧⲛⲁⲛⲟⲩⲟⲩ ⲁⲩⲱ ⲟⲩⲛⲟⲩϭⲓⲛⲉ ϣⲟⲟⲡ ⲉⲩϣⲱⲱⲧ ⲡⲉ

20:10  ⲁⲩⲱ ⲟⲩⲛⲟⲩϯ ⲉⲛϥⲣⲛⲟϥⲣⲉ ⲛⲁⲕ ⲁⲛ ⲁⲩⲱ ⲟⲩⲛⲟⲩϯ ⲉⲣⲉⲡⲉϥⲧⲱⲱⲃⲉ ⲕⲏⲃ

20:11  ⲟⲩⲛⲡⲉⲧⲣϭⲣⲱϩ ϫⲉ ⲁⲩϯⲉⲟⲟⲩ ⲛⲁϥ ⲁⲩⲱ ⲟⲩⲛⲡⲉⲛⲧⲁϥϫⲓⲥⲉ ⲉⲃⲟⲗ ϩⲙ ⲡⲉϥⲑⲃⲃⲓⲟ

20:12  ⲟⲩⲛⲡⲉⲧϣⲉⲡϩⲁϩ ϩⲁ ⲟⲩⲕⲟⲩⲓ ⲁⲩⲱ ⲛϥⲧⲟⲟⲃⲟⲩ ⲛⲥⲁϣϥ ⲛⲕⲱⲃ

20:13  ⲡⲥⲟⲫⲟⲥ ϩⲛ ⲛⲉϥϣⲁϫⲉ ϣⲁϥⲧⲣⲉⲩⲙⲉⲣⲓⲧϥ ⲛⲉⲭⲁⲣⲓⲥ ⲇⲉ ⲛⲛⲥⲟϭ ⲛⲁⲡⲱⲱⲛⲉ ⲉⲃⲟⲗ

20:14  ⲙⲛϯ ⲛⲁⲑⲏⲧ ⲛⲁⲣⲛⲟϥⲣⲉ ⲛⲁⲕ ϩⲁϩ ⲅⲁⲣ ⲛⲉ ⲛⲉϥⲃⲁⲗ ⲉⲡⲙⲁ ⲛⲟⲩⲁ

20:15  ϥⲛⲁϯ ⲛⲁⲕ ⲛϩⲛⲕⲟⲩⲓ ⲛϥϫⲡⲓⲟⲕ ⲉⲙⲁⲧⲉ ⲛϥⲟⲩⲏⲛ ⲛⲣⲱϥ ⲉϫⲱⲕ ⲛⲑⲉ ⲛⲟⲩⲕⲏⲣⲩⲝ ϥⲛⲁϯⲛⲁⲕⲥⲉ ⲙⲡⲟⲟⲩ ⲛϥⲧⲟⲕⲥⲉ ⲛⲣⲁⲥⲧⲉ ⲟⲩⲙⲉⲥⲧⲉ ⲡⲉ ⲡⲉⲓⲣⲱⲙⲉ ⲛⲧⲉⲓϩⲉ

20:16  ϣⲁⲣⲉⲡⲥⲟϭ ϫⲟⲟⲥ ϫⲉ ⲙⲛϯϣⲃⲏⲣ ⲁⲩⲱ ⲙⲛϩⲙⲟⲧ ϣⲟⲟⲡ ⲛⲛⲁⲡⲉⲧⲛⲁⲛⲟⲩⲟⲩ

20:17  ⲉⲩϩⲟⲟⲩ ϩⲛ ⲛⲉⲩⲗⲁⲥ ⲛϭⲓ ⲛⲉⲧⲟⲩⲱⲙ ⲛⲛⲁⲟⲉⲓⲕ ϩⲁϩ ⲛⲥⲟ[ⲡ ⲟⲩ]ⲛⲟⲩⲙⲏⲏϣⲉ ⲛⲁⲥⲱⲃⲉ ⲛⲥⲱϥ

20:18  ⲛⲁⲛⲟⲩ…ⲙⲡⲕⲁϩ ⲉϩⲟⲩⲟ ⲉ…ⲗⲁ[ⲥ] ⲧⲁⲓ ⲧⲉ ⲑ[ⲉ ⲉ]ⲧⲉⲣⲉⲡⲉϩⲧⲟⲡ ⲛⲛⲉⲑⲟ[ⲟⲩ] ⲛⲏⲩ ϩⲛ ⲟⲩϭ[ⲉⲡⲏ]

20:19  ⲟⲩⲣⲱⲙⲉ ⲛⲁⲧϩⲙⲟⲧ ⲟⲩϣⲁϫⲉ ⲡⲉ [ⲛⲁⲧ]ⲟⲩⲟⲉⲓϣ ⲉϥⲛⲁⲁϣⲁⲓ ϩⲛ ⲣⲱⲟⲩ ⲛⲛⲁⲧⲥⲃⲱ

20:20  ϣⲁⲩⲥⲧⲟ ⲉⲃⲟⲗ ⲛⲧⲡⲁⲣⲁⲃⲟⲗⲏ ϩⲛ ⲣⲱϥ ⲙⲡⲥⲟϭ ⲛⲛⲉϥϫⲟⲟⲥ ⲅⲁⲣ ⲙⲡⲉⲥⲟⲩⲟⲉⲓϣ

20:21  ⲟⲩⲛⲡⲉⲧⲉⲛϥⲣⲛⲟⲃⲉ ⲁⲛ ⲉⲧⲃⲉ ⲧⲉϥⲙⲛⲧϩⲏⲕⲉ

20:22  ⲟⲩⲛⲡⲉϣⲁϥⲥⲉⲣⲙⲧⲉϥⲯⲩⲭⲏ ⲉⲧⲃⲉ ϣⲓⲡⲉ ⲁⲩⲱ ⲛϥⲧⲁⲕⲟ ⲉⲧⲃⲉ ϫⲓϩⲟ

20:23  ⲟⲩⲛⲡⲉϣⲁϥⲉⲣⲏⲧ ⲙⲡⲉϥϣⲃⲏⲣ ⲉⲧⲃⲉ ⲡϣⲓⲡⲉ

20:24  ⲟⲩϫⲃⲓⲛ ⲉϥϩⲟⲟⲩ ⲡⲉ ⲡϭⲟⲗ ϩⲙ ⲡⲣⲱⲙⲉ ⲉϥⲛⲁⲁϣⲁⲓ ϩⲛ ⲧⲧⲁⲡⲣⲟ ⲛⲛⲁⲧⲥⲃⲱ

20:25  ⲛⲁⲛⲟⲩⲟⲩⲣⲉϥϩⲱϥⲧ ⲉϩⲟⲩⲉ ⲟⲩⲣⲉϥⲁϣⲁⲓ ⲛϫⲓϭⲟⲗ ⲉⲩⲛⲁⲕⲗⲏⲣⲟⲛⲟⲙⲓ ⲇⲉ ⲙⲡⲧⲁⲕⲟ ⲙⲡⲉⲥⲛⲁⲩ

20:26  ⲟⲩⲥⲱϣ ⲡⲉ ⲫⲏⲧ ⲙⲡⲣⲱⲙⲉ ⲛⲣⲉϥϫⲓϭⲟⲗ ⲁⲩⲱ ⲡⲉϥϣⲓⲡⲉ ⲟϣ ⲛⲉⲙⲁϥ

20:27  ϣⲁⲣⲉⲡⲥⲟⲫⲟⲥ ϩⲛ ⲛⲉϥϣⲁϫⲉ ϩⲟⲛϥ ⲉϩⲟⲩⲛ ⲁⲩⲱ ⲟⲩⲣⲱⲙⲉ ⲛⲥⲁⲃⲉ ϣⲁϥⲁⲣⲉⲥⲕⲉ ⲛ…

20:28  ⲡⲉⲧⲣϩⲱⲃ ⲉⲡⲉϥⲕⲁϩ ϥ……… ⲁⲩⲱ ⲡⲉⲧⲁⲣⲉⲥⲕⲉ ⲛϩⲛⲁ… ⲉϥⲛⲁⲣ… ⲉϫⲓⲛϭⲟⲛⲥ

20:29  ⲛⲧⲁⲉⲓⲟ ⲙⲛ ⲛⲇⲱⲣⲟⲛ ϣⲁ[ⲩⲧⲟ]ⲙⲛⲃⲁⲗ [ⲛ]ⲛⲥⲟⲫⲟⲥ ⲁⲩⲱ ϣⲁⲩⲕⲧⲟ ⲉⲃⲟⲗ ⲛⲟⲩϫⲡⲓⲟ ⲛⲑⲉ [ⲛ]ⲟⲩϣⲧⲟⲃ ⲉϥϩⲛ ⲟⲩⲧⲁⲡⲣⲟ

20:30  ⲟⲩⲥⲟⲫⲓⲁ ⲉⲥϩⲏⲡ ⲙⲛ ⲟⲩⲁϩⲟ ⲉⲛϥⲟⲩⲟⲛϩ ⲉⲃⲟⲗ ⲁⲛ ⲟⲩ ⲡⲉ ⲡⲉⲩϩⲏⲩ ⲙⲡⲉⲥⲛⲁⲩ

20:31  ⲛⲁⲛⲟⲩⲟⲩⲣⲱⲙⲉ ⲉϥϩⲱⲡ ⲛⲧⲉϥⲙⲛⲧⲥⲟϭ ⲉϩⲟⲩⲟ ⲉⲟⲩⲁ ⲉϥϩⲱⲡ ⲛⲧⲉϥⲙⲛⲧⲥⲁⲃⲉ -

Chapter 21

21:1  ⲡⲁϣⲏⲣⲉ ⲁⲕⲣⲛⲟⲃⲉ ⲙⲡⲣⲟⲩⲱϩ ⲉⲧⲟⲟⲧⲕ ⲁⲩⲱ ⲥⲟⲡⲥ ϩⲁ ⲛⲉⲕⲛⲟⲃⲉ ⲛϣⲟⲣⲡ

21:2  ⲡⲱⲧ ⲉⲃⲟⲗ ⲙⲡⲛⲟⲃⲉ ⲛⲑⲉ ⲙⲡⲉⲧⲡⲏⲧ ϩⲏⲧϥ ⲛⲟⲩϩⲟϥ ⲉϥϣⲁⲛϯ ⲙⲡⲉⲕⲟⲩⲟⲓ ⲉϩⲟⲩⲛ ⲉⲣⲟϥ ϥⲛⲁⲗⲟⲕⲥⲕ ϩⲛⲛⲁϫϩⲉ ⲙⲙⲟⲩⲓ ⲛⲉ ⲛⲉϥⲛⲁϫϩⲉ

21:3  ⲉⲣⲉⲁⲛⲟⲙⲓⲁ ⲛⲓⲙ ⲟ ⲛⲑⲉ ⲛⲟⲩⲥⲏϥⲉ ⲛϩⲟ ⲥⲛⲁⲩ ⲉⲙⲛⲧⲁⲗϭⲟ ϩⲛ ⲧⲉⲥⲡⲗⲏⲅⲏ

21:4  ϣⲁⲣⲉⲟⲩⲛⲟⲩϣⲥ ⲙⲛ ⲟⲩⲥⲱϣ ϣⲉϥⲟⲩⲙⲛⲧⲣⲙⲙⲁⲟ ⲧⲁⲓ ⲧⲉ ⲑⲉ ⲉⲣⲉⲡⲏⲓ ⲛⲛϫⲁⲥⲓϩⲏⲧ ⲛⲁϣⲱϥ ⲙⲙⲟⲥ {ⲁⲩⲱ …}

21:5  ⲡⲥⲟⲡ[ⲥ ⲙⲡϩ]ⲏⲕⲉ ϫⲓⲛ ⲣⲱϥ ⲡⲉ ϣⲁ ⲛⲉϥ[ⲙⲁⲁϫⲉ] ⲁⲩⲱ ⲡ[ⲉϥϩ]ⲁⲡ ⲛⲛⲏⲩ ϩⲛ ⲟⲩϭⲉⲡⲏ

21:6  ⲉϥⲙⲟⲥ[ⲧⲉ] ⲙⲡⲉⲧϫⲡⲓⲟ ϩⲙ ⲡⲟⲩⲱⲛϩ ⲉⲃⲟⲗ ⲙⲡⲣⲉϥⲣⲛⲟⲃⲉ ⲁⲩⲱ ⲡⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲁⲕⲧⲉⲡⲉϥϩⲏⲧ

21:7  ⲡⲇⲩⲛⲁⲧⲟⲥ ϩⲙ ⲡⲉϥⲗⲁⲥ ⲟⲩⲟⲛϩ ⲉⲃⲟⲗ ⲙⲡⲟⲩⲉ ⲡⲣⲉϥⲛⲟⲉⲓ ⲇⲉ ⲉⲓⲙⲉ ⲉϥϣⲁⲛⲥⲗⲁⲁⲧⲉ

21:8  ⲉⲣⲉⲡⲉⲧⲕⲱⲧ ⲙⲡⲉϥⲏⲓ ϩⲛ ϩⲛⲭⲣⲏⲙⲁ ⲉⲛⲛⲟⲩϥ ⲁⲛ ⲛⲉ ⲉϥⲟ ⲛⲑⲉ ⲙⲡⲉⲧⲥⲱⲟⲩϩ ⲉϩⲟⲩⲛ ⲛϩⲛⲱⲛⲉ ⲉⲩⲭⲓⲙⲱⲛ

21:9  ⲟⲩⲗⲁⲥ ⲉϥϩⲟⲟⲩ ⲡⲉ ⲧⲥⲩⲛⲁⲅⲱⲅⲏ ⲛⲛⲁⲛⲟⲙⲟⲥ ⲁⲩⲱ ⲧⲉⲩϩⲁⲏ ⲡⲉ ⲟⲩϣⲁϩ ⲛⲕⲱϩⲧ

21:10  ⲧⲉϩⲓⲏ ⲛⲛⲣⲉϥⲣⲛⲟⲃⲉ ⲟⲩⲉⲃⲟⲗ ⲧⲉ ϩⲛ ϩⲛⲱⲛⲉ ⲉⲥⲥⲏϣ ⲁⲩⲱ ⲧⲉⲥϩⲁⲏ ⲡⲉ ⲡⲉϩⲓⲉⲓⲧ ⲛⲁⲙⲛⲧⲉ

21:11  ⲡⲉⲧⲁⲣⲉϩ ⲉⲡⲛⲟⲙⲟⲥ ⲛⲁⲁⲙⲁϩⲧⲉ ⲛⲛⲉϥⲙⲉⲉⲩⲉ ⲁⲩⲱ ⲧⲉϥϩⲁⲏ ⲡⲉ ⲑⲟⲧⲉ ⲙⲡϫⲟⲉⲓⲥ

21:12  ⲙⲁⲣⲉⲡⲁⲧϩⲏⲧ ϫⲓⲥⲃⲱ ⲟⲩⲛⲟⲩⲙⲛⲧⲣⲙⲛϩⲏⲧ ⲇⲉ ⲉϣⲁⲥⲧⲁϣⲉⲡⲓⲕⲣⲓⲁ

21:13  ⲡⲥⲟⲟⲩⲛ ⲛⲟⲩⲥⲟⲫⲟⲥ ⲛⲁⲁϣⲁⲓ ⲛⲑⲉ ⲛⲟⲩ[ⲕⲁⲧⲁⲕⲗⲩⲥⲙⲟ]ⲥ ⲁⲩⲱ ⲉⲣⲉⲡⲉϥϣⲟϫⲛⲉ ⲟ ⲛⲑⲉ ⲛⲟⲩⲡⲏⲅⲏ ⲛⲱⲛϩ

21:14  ⲉⲣⲉⲛⲥⲁ ⲛϩⲟⲩⲛ ⲛⲟⲩⲥⲟϭ ⲟ ⲛⲑⲉ ⲛⲟⲩϩⲛⲁⲁⲩ ⲉϥⲟⲩⲟϣϥ ⲉⲛⲛⲉϥⲉϣⲁⲙⲁϩⲧⲉ ⲛⲥⲟⲟⲩⲛ ⲛⲓⲙ

21:15  ⲉⲣϣⲁⲛⲟⲩⲥⲁⲃⲉ ⲥⲉⲧⲙⲟⲩϣⲁϫⲉ ⲙⲙⲛⲧⲣⲙⲛϩⲏⲧ ϣⲁϥⲧⲁⲉⲓⲟϥ ⲛϥⲟⲩⲱϩ ⲉⲣⲟϥ ϣⲁⲣⲉⲡⲉⲧⲥⲡⲁⲧⲁⲗⲁ ⲇⲉ ⲥⲟⲧⲙⲉϥ ⲙⲁϥⲣⲁⲛⲁϥ ⲁⲩⲱ ϣⲁϥⲛⲟϫϥ ϩⲓⲡⲁϩⲟⲩ ⲙⲙⲟϥ

21:16  ⲉⲣⲉⲡϣⲁϫⲉ ⲛⲟⲩⲥⲟϭ ⲟ ⲛⲑⲉ ⲛⲟⲩⲉⲧⲡⲱ ϩⲓ ⲟⲩϩⲓⲏ ϣⲁⲩϩⲉ ⲇⲉ ⲉⲩⲭⲁⲣⲓⲥ ϩⲓ ⲛⲉⲥⲡⲟⲧⲟⲩ ⲙⲡⲥⲁⲃⲉ

21:17  ϣⲁⲩϣⲓⲛⲉ ⲛⲥⲁ ⲧⲧⲁⲡⲣⲟ ⲛⲟⲩⲥⲁⲃⲉ ϩⲛ ⲟⲩⲙⲏⲏϣⲉ ⲁⲩⲱ ϣⲁⲩⲙⲉⲕⲙⲟⲩⲕⲟⲩ ⲉⲛⲉϥϣⲁϫⲉ ϩⲙ ⲡⲉⲩϩⲏⲧ

21:18  ⲛⲑⲉ ⲛⲟⲩⲏⲓ ⲉϥⲧⲁⲕⲏⲩ ⲧⲁⲓ ⲧⲉ ⲑⲉ ⲛⲧⲥⲟⲫⲓⲁ ⲛⲛⲥⲟϭ ⲁⲩⲱ ϩⲛϣⲁϫⲉ ⲉⲙⲡⲟⲩϫⲛϫⲱⲛⲟⲩ ⲛⲉ ⲡⲥⲟⲟⲩⲛ ⲛⲟⲩⲥⲟϭ

21:19  ⲉⲣⲉⲧⲉⲥⲃⲱ ⲛⲟⲩⲥⲟϭ ⲟ ⲛⲑⲉ ⲛⲛⲓⲡⲁⲓⲇⲉⲥ ϩⲛ ⲛⲉϥⲟⲩⲉⲣⲏⲧⲉ ⲁⲩⲱ ⲛⲑⲉ ⲛⲛⲓⲡⲁⲓⲇⲉⲥ ϩⲛ ⲧⲉϥϭⲓϫ ⲛⲟⲩⲛⲁⲙ

21:20  ϣⲁⲣⲉ[ⲟⲩⲥⲟϭ ………] ⲟⲩⲣⲱⲙ[ⲉ ⲇⲉ ⲛⲥ]ⲁⲃⲉ ⲙ[ⲟⲅⲓⲥ] ⲛϥⲛⲉⲧϥ

21:21  ⲉⲣⲉⲧⲉ[ⲥⲃⲱ] ⲟ ⲛⲑⲉ ⲛ[ⲟⲩ]ⲕⲟⲥⲙⲟⲥ ⲛⲛ[ⲟⲩⲃ] ⲙⲡⲥⲁⲃⲉ ⲁⲩⲱ ⲛⲑ[ⲉ] ⲛϩⲛⲧⲱⲧⲉ ϩⲓϫⲛ ⲟⲩϭⲃⲟⲓ ⲛⲟⲩⲛⲁⲙ

21:22  ϣⲁⲣⲉⲛⲟⲩⲉⲣⲏⲧⲉ ⲙⲡⲥⲟϭ ϭⲉⲡⲏ ⲉϩⲟⲩⲛ ⲉⲡⲏⲓ ϣⲁⲣⲉⲟⲩⲣⲱⲙⲉ ⲇⲉ ⲉϥⲧⲥⲁⲃⲏⲩ ϣⲓⲡⲉ ϩⲏⲧϥ ⲛⲛⲣⲱⲙⲉ

21:23  ϣⲁⲣⲉⲡⲁⲑⲏⲧ ⲥⲟⲩⲧⲛϫⲱϥ ⲉϩⲟⲩⲛ ⲙⲡⲣⲟ ⲙⲡⲏⲓ ⲟⲩⲣⲱⲙⲉ ⲇⲉ ⲉϥⲧⲥⲁⲃⲏⲩ ϣⲁϥⲱϩⲉⲣⲁⲧϥ ϩⲓⲣⲛ ⲡⲣⲟ

21:24  ⲟⲩⲙⲛⲧⲁⲧⲥⲃⲱ ⲛⲟⲩⲣⲱⲙⲉ ⲡⲉ ϫⲓⲥⲙⲏ ϩⲓⲣⲛ ⲟⲩⲣⲟ ⲡⲥⲁⲃⲉ ⲇⲉ ⲛⲧⲟϥ ϣⲁϥϥⲓ ϩⲁ ⲡⲉϥϣⲱⲥ

21:25  ⲛⲉⲥⲡⲟⲧⲟⲩ ⲛϩⲁϩ ⲛⲁϣⲁϫⲉ ⲉⲣⲟϥ

21:26  ⲉⲣⲉⲫⲏⲧ ⲛⲟⲩⲥⲟϭ ϩⲛ ⲧⲉϥⲧⲁⲡⲣⲟ ⲫⲏⲧ ⲇⲉ ⲛⲛⲥⲁⲃⲉ ⲡⲉ ⲣⲱⲟⲩ

21:27  ϩⲙ ⲡⲧⲣⲉⲡⲁⲥⲉⲃⲏⲥ ⲥⲁϩⲟⲩ ⲙⲡⲥⲁⲧⲁⲛⲁⲥ ⲉϥⲥⲁϩⲟⲩ ⲛⲧⲉϥⲯⲩⲭⲏ ⲙⲙⲓⲛ ⲙⲙⲟϥ

21:28  ⲡⲣⲉϥⲕⲁⲥⲕⲥ ⲛⲁⲧⲱⲗⲙ ⲛⲧⲉϥⲯⲩⲭⲏ ⲁⲩⲱ ⲥⲉⲛⲁⲙⲉⲥⲧⲱϥ ϩⲙ ⲡⲉϥⲙⲁ ⲛϭⲟⲉⲓⲗⲉ

Chapter 22

22:1  ⲉⲣⲉⲡⲣⲉϥϫⲛⲁⲁⲩ ⲧⲛⲧⲱⲛ ⲉⲩⲱⲛⲉ ⲉϥϩⲟⲣϣ ⲁⲩⲱ ⲟⲩⲟⲛ ⲛⲓⲙ ⲛⲁϥⲓϣⲙϣⲏϭⲉ ⲉϫⲛ ⲡⲉϥϣⲱⲥ

22:2  ⲉⲣⲉⲡⲣⲉϥϫⲛⲁⲁⲩ ⲧⲛⲧⲱⲛ ⲉⲩϩⲟⲉⲓⲣⲉ ⲛⲥⲟⲧ [… ]ⲉϣⲁϥⲛⲉϩⲧⲟⲟⲧϥ ⲉⲃⲟⲗ

22:3  ⲟⲩ]ϣⲓⲡⲉ ⲛⲟⲩⲉⲓⲱⲧ ⲡⲉ ⲟⲩϣⲏⲣⲉ ⲛⲁⲧⲥⲃⲱ ⲧϣⲉⲉⲣⲉ ⲇⲉ ⲉⲑⲟⲟⲩ ⲟⲩϫⲡ[ⲟ ⲛⲟⲩ]ϭⲣⲱϩ ⲧⲉ

22:4  ⲧϣⲉⲉⲣⲉ ⲛⲥⲁⲃⲏ ⲛⲁⲕⲗⲏⲣⲟⲛⲟⲙⲉⲓ ⲙⲡⲉⲥϩⲁⲓ ⲁⲩⲱ ⲧⲣⲉϥϯϣⲓⲡⲉ ⲟⲩⲗⲩⲡⲏ ⲧⲉ ⲙⲡⲉⲥⲉⲓⲱⲧ

22:5  ϣⲁⲣⲉⲧⲛⲁϣⲧⲙⲙⲉ ϯϣⲓⲡⲉ ⲙⲡⲉⲥⲉⲓⲱⲧ ⲙⲛ ⲡⲉⲥϩⲁⲓ ⲁⲩⲱ ϣⲁⲥϫⲓⲥⲱϣ ϩⲓⲧⲟⲟⲧⲟⲩ ⲙⲡⲉⲥⲛⲁⲩ

22:6  ⲟⲩϣⲁϫⲉ ⲛⲁⲧⲟⲩⲟⲉⲓϣ ⲡⲉ ϩⲛⲟⲩⲗⲗⲉ ϩⲛ ⲟⲩϩⲏⲃⲉ ⲙⲙⲁⲥⲧⲓⲅⲝ ⲇⲉ ⲁⲩⲱ ⲧⲉⲥⲃⲱ ⲉⲩϩⲛ ⲟⲟⲩⲟⲉⲓϣ ⲛⲓⲙ ⲙⲛ ⲟⲩⲥⲟⲫⲓⲁ

22:9  ⲉⲣⲉⲡⲉⲧϯⲥⲃⲱ ⲛⲟⲩⲥⲟϭ ⲟ ⲛⲑⲉ ⲙⲡⲉⲧⲧⲉϭⲃⲗϫⲉ ⲉⲃⲗϫⲉ ⲁⲩⲱ ⲛⲑⲉ ⲙⲡⲉⲧⲧⲟⲩⲛⲟⲥ ⲙⲡⲉⲧⲛⲕⲟⲧⲕ ϩⲛ ⲟⲩϩⲓⲛⲏⲃ ⲉϥϩⲟⲣϣ

22:10  ⲉⲣⲉⲡⲉⲧϣⲁϫⲉ ⲙⲛ ⲟⲩⲥⲟϭ ⲟ ⲛⲑⲉ ⲙⲡⲉⲧϣⲁϫⲉ ⲙⲛ ⲟⲩⲁ ⲉϥϩⲓⲛⲏⲃ ⲁⲩⲱ ⲑⲁⲏ ϣⲁϥϫⲟⲟⲥ ϫⲉ ⲟⲩ ⲡⲉⲧϣⲟⲟⲡ

22:11  ⲣⲓⲙⲉ ⲉϫⲛ ⲟⲩⲕⲱⲱⲥ ϫⲉ ⲁϥⲕⲁⲡⲟⲩⲟⲉⲓⲛ ⲛⲥⲱϥ ⲁⲩⲱ ⲣⲓⲙⲉ ⲉϫⲛ ⲟⲩⲥⲟϭ ϫⲉ ⲁϥⲕⲱ ⲛⲥⲱϥ ⲛⲧⲙⲛⲧⲥⲁⲃⲉ ⲛⲁⲛⲟⲩⲣⲓⲙⲉ ⲉϫⲛ ⲟⲩⲕⲱⲱⲥ ϫⲉ ⲁϥⲙⲟⲧⲛⲉϥ ⲡⲱⲛϩ ⲇⲉ ⲙⲡⲥⲟϭ ϩⲟⲟⲩ ⲉϩⲟⲩⲉ ⲡⲉϥⲙⲟⲩ

22:12  ⲥⲁϣϥ ⲛϩⲟⲟⲩ ⲡⲉ ⲡϩⲏⲃⲉ ⲛⲟⲩⲕⲱⲱⲥ ⲡⲁⲡⲥⲟϭ ⲇⲉ ⲙⲛ ⲡⲁⲥⲉⲃⲏⲥ ⲡⲉ ⲡⲉϥⲁϩⲉ ⲧⲏⲣϥ

22:13  ⲙⲡⲣⲧⲁϣⲉϣⲁϫⲉ ⲙⲛ ⲟⲩⲥⲟϭ ⲁⲩⲱ ⲙⲡⲣⲃⲱⲕ ⲉⲣⲁⲧϥ ⲛⲟⲩⲁⲑⲏⲧ ⲁⲣⲉϩ ⲉⲣⲟⲕ ⲉⲣⲟϥ ϫⲉⲕⲁⲥ ⲛⲛⲉⲕϣⲡϩⲓⲥⲉ ⲁⲩⲱ ⲛⲛⲉⲕⲧⲱⲗⲙ ⲉϥϣⲁⲛⲛⲉϩϥ ⲉⲃⲟⲗ ⲥⲁϩⲱⲕ ⲉⲃⲟⲗ ⲙⲙⲟϥ ⲧⲁⲣⲉⲕϩⲉ ⲉⲩⲙⲧⲟⲛ ⲁⲩⲱ ⲛⲛⲉⲕⲙⲕⲁϩ ⲛϩⲏⲧ ϩⲛ ⲧⲉϥⲁⲡⲟⲛⲟⲓⲁ

22:14  ⲟⲩ ⲡⲉⲧϩⲟⲣϣ ⲉⲡⲧⲁϩⲧ ⲁⲩⲱ ⲟⲩ ⲡⲉ ⲡⲉϥⲣⲁⲛ ⲛⲥⲁ ⲥⲟϭ

22:15  ⲥⲙⲟⲧⲛ ⲉϥⲓ ϩⲁ ⲟⲩϣⲱ ⲙⲛ ⲟⲩϩⲙⲟⲩ ⲙⲛ ⲟⲩⲧⲁϭ ⲙⲡⲉⲛⲓⲡⲉ ⲉϩⲟⲩⲟ ⲉⲩⲣⲱⲙⲉ ⲛⲁⲑⲏⲧ

22:16  ⲛⲑⲉ ⲛⲟⲩⲗⲟϭⲗⲉϭ ⲛϣⲉ ⲉϥⲙⲏⲣ ϩⲛ ⲟⲩⲕⲱⲧ ⲉⲛϥⲛⲁⲕⲓⲙ ⲁⲛ ϩⲛ ⲟⲩⲕⲙⲧⲟ ⲧⲁⲓ ⲧⲉ ⲑⲉ ⲛⲟⲩϩⲏⲧ ⲉϥⲧⲁϫⲣⲏⲩ ⲉϫⲛ ⲟⲩⲙⲉⲉⲩⲉ ⲛϣⲟϫⲛⲉ

22:17  ⲙⲛ ⲟⲩϩⲏⲧ ⲉϥⲧⲁϫⲣⲏⲩ ⲉϫⲛ ⲟⲩⲙⲉⲉⲩⲉ ⲙⲙⲛⲧⲣⲙⲛϩⲏⲧ ⲉⲛϥⲛⲁⲣϩⲟⲧⲉ ⲁⲛ ⲉⲛⲉϩ ⲛⲑⲉ ⲙⲡⲥⲁ ⲛⲟⲩϫⲟ ⲉⲥϫⲏϩ

22:18  ⲏ ⲛⲑⲉ ⲛϩⲛⲕⲁϣ ⲉⲩϩⲓϫⲛ ⲟⲩⲙⲁ ⲉϥϫⲟⲥⲉ [ⲉⲛⲛⲉⲩ]ϭⲱ ⲛⲛⲁϩⲣⲛ ⲧⲏⲩ ⲛⲓⲙ ⲧⲁⲓ ⲧⲉ ⲑⲉ ⲛⲟⲩϩⲏⲧ ⲛϭⲱⲃ [ϩⲛ ⲟ]ⲩⲙⲉⲉⲩⲉ ⲛⲥⲟϭ ⲉⲛⲛⲉϥϭⲱ ⲛⲛⲁϩⲣⲛ ϩⲟⲧⲉ ⲛⲓⲙ

22:19  ⲡⲉⲧⲛⲁⲧⲃⲥⲟⲩⲃⲁⲗ ϥⲛⲁⲑⲉⲓ[ⲉ]ϩⲉⲛⲣⲙⲉⲓⲏ ⲁⲩⲱ ⲡⲉⲧⲛⲁⲧⲃⲥⲟⲩϩⲏⲧ ϥⲛⲁⲟⲩⲱⲛϩ ⲉⲃⲟⲗ ⲛⲟⲩⲁⲓⲥⲑⲏⲥⲓⲥ

22:20  ⲡⲉⲧⲛⲁⲛⲉϫⲟⲩⲱⲛⲉ ⲉϩⲛϩⲁⲗⲏⲧ ϥⲛⲁⲛⲟϣⲡⲟⲩ ⲉⲃⲟⲗ ⲁⲩⲱ ⲡⲉⲧⲛⲁⲛⲉϭⲛⲉϭⲡⲉϥϣⲃⲏⲣ ϥⲛⲁⲃⲱⲗ ⲉⲃⲟⲗ ⲛⲧⲉϥⲙⲛⲧϣⲃⲏⲣ

22:21  ⲉⲕϣⲁⲛⲣⲡⲕⲉⲧⲉⲕⲙⲧⲉⲕⲥⲏϥⲉ ⲉϫⲛ ⲡⲉⲕϣⲃⲏⲣ ⲙⲡⲣⲉⲓⲁⲧⲟⲟⲧⲕ ⲛⲥⲱϥ ⲟⲩⲛⲑⲉ ⲅⲁⲣ ⲉⲧⲣⲉⲛⲕⲟⲧⲕ ⲉⲣⲟϥ

22:22  ⲉⲕϣⲁⲛⲟⲩⲱⲛ ⲛⲣⲱⲕ ⲉϫⲙ ⲡⲉⲕϣⲃⲏⲣ ⲙⲡⲣⲣϩⲟⲧⲉ ⲟⲩⲛⲑⲉ ⲅⲁⲣ ⲛϩⲱⲧⲡ ⲉⲣⲟϥ ϣⲁⲧⲛ ⲛⲉϭⲛⲟⲩϭϥ ⲁⲩⲱ ⲉϫⲓⲥⲉ ⲛϩⲏⲧ ⲉϫⲱϥ ⲁⲩⲱ ⲉϭⲗⲡⲡⲉϥⲙⲩⲥⲧⲏⲣⲓⲟⲛ ⲉⲃⲟⲗ ⲁⲩⲱ ⲉⲣⲟⲩⲡⲗⲏⲅⲏ ⲉⲣⲟϥ ⲛⲕⲣⲟϥ ϣⲃⲏⲣ ⲛⲓⲙ ⲛⲁⲕⲁⲁⲕ ⲉⲧⲃⲉ ⲛⲁⲓ

22:23  ϫⲡⲟ ⲛⲁⲕ ⲛⲟⲩⲛⲁϩⲧⲉ ⲙⲛ ⲡⲉⲕϣⲃⲏⲣ ϩⲛ ⲧⲉϥⲙⲛⲧϩⲏⲕⲉ ϫⲉ ⲉⲕⲉⲉⲩⲫⲣⲁⲛⲉ ϩⲛ ⲛⲉϥⲁⲅⲁⲑⲟⲛ ⲙⲟⲩⲛ ⲉⲃⲟⲗ ⲛⲉⲙⲁϥ ϩⲙ ⲡⲉⲟⲩⲟⲉⲓϣ ⲛⲛⲉϥⲑⲗⲓⲯⲓⲥ ϫⲉ ⲉⲕⲉⲕⲗⲏⲣⲟⲛⲟⲙⲓ ⲛⲙⲙⲁϥ ϩⲛ ⲧⲉϥⲕⲗⲏⲣⲟⲛⲟⲙⲓⲁ

22:24  ⲛⲑⲉ ⲉⲧⲉⲣⲉⲟⲩⲗϩⲱⲃ ⲛϩⲣⲱ ⲙⲛ ⲟⲩⲕⲁⲡ[ⲛⲟⲥ] ⲡⲃⲟⲗ ⲛⲟⲩⲕⲱϩⲧ ⲧⲁⲓ ⲧⲉ ⲑⲉ ϩⲛⲥⲁϩⲟⲩ ⲛⲉⲧϩⲁⲑⲏ ⲙⲡⲉϩⲧⲥⲛⲟϥ ⲉⲃⲟⲗ

22:25  ⲛϯⲛⲁϣⲓⲡⲉ ⲁⲛ ⲉϩⲉⲡⲡⲁϣⲃⲏⲣ ⲁⲩⲱ ⲛⲛⲁϩⲟⲡⲧ ϩⲏⲧϥ

22:26  ⲕⲁⲛ ⲉϣⲱⲡⲉ ⲟⲩⲛϩⲛⲡⲉⲑⲟⲟⲩ ⲛⲁⲧⲁϩⲟⲓ ⲉⲧⲃⲏⲧϥ ⲟⲩⲟⲛ ⲛⲓⲙ ⲉⲧⲛⲁⲥⲱⲧⲙ ⲛⲁⲁⲣⲉϩ ⲉⲣⲟϥ ⲉⲣⲟϥ

22:27  ⲛⲓⲙ ⲡⲉⲧⲛⲁϯ ⲛⲁⲓ ⲛⲟⲩⲁⲣⲉϩ ⲉⲣⲛ ⲣⲱⲓ ⲁⲩⲱ ⲟⲩⲥⲫⲣⲁⲅⲓⲥ ⲙⲙⲛⲧⲣⲙⲛϩⲏⲧ ⲉϫⲛ ⲛⲁⲥⲡⲟⲧⲟⲩ ϫⲉⲕⲁⲁⲥ ⲉⲛⲛⲁϩⲉ ϩⲛ ⲣⲱⲓ ⲁⲩⲱ ⲛⲧⲉⲡⲁⲗⲁⲥ ⲧⲁⲕⲟⲓ

Chapter 23

23:1  ⲡϫⲟⲉⲓⲥ ⲡⲓⲱⲧ ⲡϫⲟⲉⲓⲥ ⲙⲡⲁⲱⲛϩ ⲙⲡⲣⲕⲁⲁⲧ ⲛⲥⲱⲕ ϩⲙ ⲡⲉⲩϣⲟϫⲛⲉ ⲁⲩⲱ ⲙⲡⲣⲕⲁⲁⲧ ⲉϩⲉ ⲛϩⲏⲧⲟⲩ

23:2  ⲛⲓⲙ ⲡⲉⲧⲛⲁⲉⲓⲛⲉ ⲛϩⲉⲛⲙⲁⲥⲧⲓⲅⲝ ⲉϫⲛ ⲛⲁⲙⲉⲉⲩⲉ ⲁⲩⲱ ⲟⲩⲥⲃⲱ ⲛⲥⲟⲫⲓⲁ ⲉϫⲛ ⲡⲁϩⲏⲧ ϫⲉⲕⲁⲥ ⲛⲛⲉⲩϯⲥⲟ ⲉϫⲛ ⲛⲁⲙⲛⲧⲁⲧⲥⲟⲟⲩⲛ

23:3  ϫⲉ ⲛⲉⲛⲁⲟⲃϣⲥ ⲁϣⲁⲓ ⲛⲧⲉⲛⲁⲛⲟⲃⲉ ⲣϩⲟⲩⲟ ⲛⲧⲁϩⲉ ⲙⲡⲉⲙⲧⲟ ⲉⲃⲟⲗ ⲛⲛⲁϫⲁϫⲉ ⲁⲩⲱ ⲛⲧⲉⲡⲁϫⲁϫⲉ ⲣⲁϣⲉ ⲙⲙⲟⲓ

23:4  ⲡϫⲟⲉⲓⲥ ⲡⲓⲱⲧ ⲡⲛⲟⲩⲧⲉ ⲙⲡⲁⲱⲛϩ ⲙⲡⲣϯ ⲛⲁⲓ ⲛⲟⲩⲙⲛⲧⲧⲁⲥⲃⲁⲗ

23:5  [ⲁⲩⲱ ⲕⲧⲟ] ⲉⲃⲟⲗ ⲙⲙⲟⲓ ⲛⲛⲉⲡⲓⲑⲩⲙⲓⲁ

23:6  [ⲙⲡⲣ]ⲧⲣⲉⲟⲩⲙⲛⲧⲙⲁⲓⲥϩⲓⲙⲉ [ⲧⲁ]ϩⲟⲓ ⲙⲛ ⲟⲩⲟⲩⲱϣ ⲛⲧⲉ ⲑⲏ ⲙⲡⲣⲧⲁⲁⲧ ⲉⲧⲟⲟⲧⲥ ⲛⲟⲩⲯⲩⲭⲏ ⲛⲁⲧⲃⲁⲗ ⲧⲉⲥⲃⲱ ⲛⲧⲧⲁⲡⲣⲟ

23:7  ⲥⲱⲧⲙ ⲛⲁϣⲏⲣⲉ ⲉⲧⲉⲥⲃⲱ ⲛⲧⲧⲁⲡⲣⲟ ⲁⲩⲱ ⲡⲉⲧϩⲁⲣⲉϩ ⲉⲣⲟⲥ ⲛⲛⲉϥⲧⲁⲕⲟ

23:8  ⲁⲩⲱ ⲥⲉⲛⲁⲧⲁϩⲟⲥ ϩⲓ ⲛⲉϥⲥⲡⲟⲧⲟⲩ ⲡⲣⲉϥⲣⲛⲟⲃⲉ ⲙⲛ ⲡⲣⲉϥⲥⲁϩⲟⲩ ⲙⲛ ⲡϫⲁⲥⲓϩⲏⲧ ⲛⲁⲥⲕⲁⲛⲇⲁⲗⲓⲍⲉ ⲛϩⲏⲧⲟⲩ

23:9  ⲙⲡⲣⲧⲥⲁⲃⲉⲣⲱⲕ ⲉⲱⲣⲕ ⲁⲩⲱ ⲙⲡⲣⲧⲟⲡⲕ ⲉⲧⲁⲩⲉⲡⲣⲁⲛ ⲙⲡⲉⲧⲟⲩⲁⲁⲃ

23:10  ⲛⲑⲉ ⲅⲁⲣ ⲛⲟⲩϩⲙϩⲁⲗ ⲉⲩϫⲛⲟ ⲙⲙⲟϥ ⲛϩⲁϩ ⲛⲥⲟⲡ ⲉⲛϥⲛⲁⲣⲃⲟⲗ ⲁⲛ ⲉⲥⲏϣⲉ ⲧⲁⲓ ⲧⲉ ⲑⲉ ⲙⲡⲉⲧⲱⲣⲕ ⲉϥⲧⲁⲩⲟ ⲙⲡⲣⲁⲛ ⲛϩⲁϩ ⲛⲥⲟⲡ ⲉⲛϥⲛⲁⲧⲃⲃⲟ ⲁⲛ ⲉⲛⲟⲃⲉ

23:11  ⲟⲩⲣⲱⲙⲉ ⲛⲣⲉϥⲁϣⲁⲓ ⲛⲱⲣⲕ ϥⲛⲁⲙⲟⲩϩ ⲛⲁⲛⲟⲙⲓⲁ ⲁⲩⲱ ⲛⲛⲉⲙⲁⲥⲧⲓⲅⲝ ⲕⲁⲡⲉϥⲏⲓ ⲉϥϣⲁⲛⲣϩⲧⲏϥ ⲡⲉϥⲛⲟⲃⲉ ⲛϩⲏⲧϥ ⲕⲁⲛ ⲉϥϣⲁⲛⲟⲃϣϥ ⲁϥⲣⲛⲟⲃⲉ ⲥⲛⲁⲩ ⲁⲩⲱ ⲉϣⲱⲡⲉ ⲛⲧⲁϥⲱⲣⲕ ⲉⲡϫⲓⲛϫⲏ ⲛϥⲛⲁⲧⲙⲁⲉⲓⲟ ⲁⲛ ⲡⲉϥⲏⲓ ⲅⲁⲣ ⲛⲁⲙⲟⲩϩ ⲙⲙⲟⲭⲥ

23:12  ⲟⲩϣⲁϫⲉ ⲉϥϭⲟⲟⲗⲉ ⲙⲡⲙⲟⲩ ⲛⲛⲉⲩϭⲛⲧϥ ϩⲛ ⲧⲉ[ⲕⲗ]ⲏⲣⲟⲛⲟⲙⲓⲁ ⲛⲓⲁⲕⲱⲃ ⲛⲁⲓ ⲅⲁⲣ ⲧ[ⲏⲣ]ⲟⲩ ⲛⲁⲟⲩⲉ ⲛⲛⲣⲙⲛⲛⲟ[ⲩⲧⲉ] ⲁⲩⲱ ⲛⲉ…ⲛⲧⲟⲩ ϩⲛ ⲛⲟⲃⲉ

23:13  ⲙⲡⲣⲧ[ⲥⲁⲃ]ⲉⲧⲉⲕⲧⲁⲡⲣⲟ ⲉⲥⲃⲱ ⲉⲥϩⲟⲟⲩ ϫⲉ ⲟⲩⲛϣⲁϫⲉ ⲛⲛⲟⲃⲉ ⲛϩⲏⲧⲥ

23:14  ⲁⲣⲓⲡⲙⲉⲉⲩⲉ ⲙⲡⲉⲕⲉⲓⲱⲧ ⲙⲛ ⲧⲉⲕⲙⲁⲁⲩ ⲉⲕⲛⲁⲥⲱⲟⲩϩ ⲅⲁⲣ ⲉϩⲟⲩⲛ ϩⲛ ⲧⲙⲏⲧⲉ ⲛϩⲉⲛⲛⲟϭ ⲙⲏⲡⲟⲧⲉ ⲛⲅⲣⲡⲱⲃϣ ⲙⲡⲉⲩⲙⲧⲟ ⲉⲃⲟⲗ ⲛⲅⲣⲥⲟϭ ⲛⲧⲉⲕⲧⲟⲡⲥ ⲛⲅⲟⲩⲱϣ ⲉⲛⲉⲙⲡⲟⲩϫⲡⲟⲕ ⲛⲅⲥϩⲟⲩⲣⲡⲉϩⲟⲟⲩ ⲛⲧⲁⲩⲙⲁⲥⲧⲕ

23:15  ⲟⲩⲣⲱⲙⲉ ⲉϥⲧⲁⲡⲏⲩ ⲉϩⲛϣⲁϫⲉ ⲛⲛⲟϭⲛⲉϭ ⲛⲛⲉϥϫⲓⲥⲃⲱ ⲛⲛⲉϥϩⲟⲟⲩ ⲧⲏⲣⲟⲩ

23:16  ϩⲱⲃ ⲥⲛⲁⲩ ⲛⲉϣⲁⲩⲧⲁϣⲉⲛⲟⲃⲉ ⲁⲩⲱ ⲡⲙⲉϩϣⲟⲙⲛⲧ ϣⲁϥⲉⲓⲛⲉ ⲛⲟⲩⲟⲣⲅⲏ

23:17  ⲟⲩⲯⲩⲭⲏ ⲛϩⲏⲧ ϣⲏⲙ ⲛⲑⲉ ⲛⲟⲩⲕⲱϩⲧ ⲉϥⲙⲟⲩϩ ⲁⲩⲱ ⲟⲩⲣⲱⲙⲉ ⲙⲡⲟⲣⲛⲟⲥ ϩⲙ ⲡⲥⲱⲙⲁ ⲛⲧⲉϥⲥⲁⲣⲝ ⲁⲩⲱ ⲛⲉϥⲕⲁⲧⲟⲟⲧϥ ⲉⲃⲟⲗ ⲉⲙⲡϥϫⲉⲣⲉⲟⲩⲕⲱϩⲧ ⲟⲉⲓⲕ ⲛⲓⲙ ϩⲟⲗϭ ⲛⲟⲩⲣⲱⲙⲉ ⲙⲡⲟⲣⲛⲟⲥ ⲁⲩⲱ ⲛⲉϥⲕⲁⲧⲟⲟⲧϥ ⲉⲃⲟⲗ ⲉⲙⲡϥⲙⲟⲩ

23:18  ⲟⲩⲣⲱⲙⲉ ⲉϥⲧⲱⲟⲩⲛ ϩⲓ ⲡⲉϥϭⲗⲟϭ ⲉϥϫⲱ ⲙⲙⲟⲥ ϩⲙ ⲡⲉϥϩⲏⲧ ϫⲉ ⲛⲓⲙ ⲡⲉⲧⲛⲁⲩ ⲉⲣⲟⲓ ⲡⲕⲁⲕⲉ ⲙⲡⲁⲕⲱⲧⲉ ⲁⲩⲱ ⲛ[ⲓϫ]ⲟ ϩⲱⲃⲥ ⲙⲙⲟⲓ [ⲙⲛ] ⲗⲁⲁⲩ ⲛⲁⲩ ⲉⲣⲟⲓ ⲉⲓⲣϩ[ⲟⲧⲉ] ϩⲏⲧϥ ⲛⲛⲓⲙ ⲙⲡⲉⲧϫⲟⲥⲉ ⲛⲁⲣⲡⲙⲉⲉⲩⲉ [ⲁⲛ] ⲛⲛⲁⲛⲟⲃⲉ

23:19  ⲛⲃⲁⲗ ⲛⲛⲣⲱⲙⲉ ⲛⲉⲧϥⲣϩⲟ[ⲧⲉ] ϩⲏⲧⲟⲩ ⲛϥⲉⲓⲙⲉ ⲁⲛ ϫⲉ ⲛⲃⲁⲗ ⲙⲡϫⲟⲉⲓⲥ ⲟ ⲛⲟⲩⲟⲉⲓⲛ ⲉⲡⲣⲏ ⲛⲟⲩⲧⲃⲁ ⲛⲕⲱⲃ ⲉⲩϭⲱϣⲧ ⲉϫⲛ ⲛⲉϩⲓⲟⲟⲩⲉ ⲧⲏⲣⲟⲩ ⲛⲛⲣⲱⲙⲉ ⲁⲩⲱ ⲉⲩⲛⲁⲩ ⲉⲙⲙⲁ ⲉⲑⲏⲡ

23:20  ⲉⲙⲡⲁⲧϥⲥⲛⲧⲛⲕⲁ ⲛⲓⲙ ⲥⲉⲟⲩⲟⲛϩ ⲉⲣⲟϥ ⲁⲩⲱ ⲟⲩⲟⲛ ⲛⲓⲙ ⲙⲛⲛⲥⲁ ⲧⲣⲉϥϫⲟⲕⲟⲩ ⲉⲃⲟⲗ

23:21  ⲥⲉⲛⲁϫⲓⲕⲃⲁ ⲙⲡⲁⲓ ϩⲛ ⲛⲉⲡⲗⲁⲧⲓⲁ ⲛⲟⲩⲡⲟⲗⲓⲥ ⲁⲩⲱ ⲥⲉⲛⲁϭⲟⲡϥ ϩⲙ ⲡⲉⲧⲉⲙⲡϥⲙⲉⲉⲩⲉ ⲉⲣⲟϥ

23:22  ⲧⲁⲓ ⲟⲛ ⲧⲉ ⲑⲉ ⲛⲟⲩⲥϩⲓⲙⲉ ⲉⲥⲛⲁⲕⲁⲡⲉⲥϩⲁⲓ ⲛⲥⲱⲥ ⲛⲥϫⲡⲉϣⲏⲣⲉ ⲙⲛ ⲕⲉⲟⲩⲁ

23:23  ϣⲟⲣⲡ ⲙⲉⲛ ϫⲉ ⲁⲥⲣⲁⲧⲥⲱⲧⲙ ⲛⲥⲁ ⲡⲛⲟⲙⲟⲥ ⲙⲡⲉⲧϫⲟⲥⲉ ⲡⲙⲉϩⲥⲛⲁⲩ ϫⲉ ⲁⲥⲣⲛⲟⲃⲉ ⲉⲡⲉⲥϩⲁⲓ ⲡⲙⲉϩϣⲟⲙⲛⲧ ⲛⲧⲁⲥⲣⲛⲟⲉⲓⲕ ϩⲛ ⲟⲩⲡⲟⲣⲛⲓⲁ ⲁⲩⲱ ⲁⲥϫⲡⲉϣⲏⲣⲉ ⲙⲛ ⲕ[ⲉⲟⲩⲁ]

23:24  ⲉⲩⲉⲛⲧⲁⲓ ⲉⲃⲟⲗ ⲉⲧⲙⲏⲧⲉ ⲛⲟⲩⲙⲏⲏϣⲉ ⲁⲩⲱ ⲉⲩⲉϭⲛⲡϣⲓⲛⲉ ⲛⲛⲉⲥϣⲏⲣⲉ

23:25  ⲛⲛⲉⲛⲉⲥϣⲏⲣⲉ ϫⲉⲛⲟⲩⲛⲉ ⲉⲃⲟⲗ ⲁⲩⲱ ⲛⲉⲛⲉⲥⲕⲗⲁⲇⲟⲥ ⲧⲁⲩⲉⲕⲁⲣⲡⲟⲥ

23:26  ⲥⲛⲁⲕⲁⲡⲉⲥⲣⲡⲙⲉⲉⲩⲉ ⲉⲛ[ⲥⲁϩⲟⲩ …]

23:27  ⲁⲩⲱ ⲥⲉ[ⲛⲁⲉ]ⲓⲙⲉ ⲛϭⲓ ⲛⲉⲛⲧⲁⲩϣⲱ[ϫⲡ] ϫⲉ ⲙⲛ [ⲡⲉⲧ]ⲛⲁⲛⲟⲩϥ ⲉⲑⲟⲧⲉ ⲙⲡϫⲟ[ⲉⲓⲥ] ⲁⲩⲱ ⲙⲛ ⲡⲉⲧϩⲟⲗϭ ⲉϯϩⲧⲏⲕ ⲉⲛⲉϥⲉⲛⲧⲟⲗⲏ

Chapter 24

24:1  ⲧⲥⲟⲫⲓⲁ ⲛⲁⲥⲙⲟⲩ ⲉⲧⲉⲥⲯⲩⲭⲏ ⲥⲛⲁϣⲟⲩϣⲟⲩ ⲙⲙⲟⲥ ϩⲛ ⲧⲙⲏⲧⲉ ⲙⲡⲉⲥⲗⲁⲟⲥ

24:2  ⲥⲛⲁⲟⲩⲱⲛ ⲛⲣⲱⲥ ϩⲛ ⲧⲉⲕⲕⲗⲏⲥⲓⲁ ⲙⲡⲉⲧϫⲟⲥⲉ ⲛⲥϣⲟⲩϣⲟⲩ ⲙⲙⲟⲥ ⲙⲡⲉⲙⲧⲟ ⲉⲃⲟⲗ ⲛⲛⲉϥϭⲟⲙ

24:3  ϫⲉ ⲁⲛⲟⲕ ⲛⲧⲁⲓⲉⲓ ⲉⲃⲟⲗ ϩⲛ ⲣⲱϥ ⲙⲡⲉⲧϫⲟⲥⲉ ⲁⲩⲱ ⲁⲓϩⲃⲥⲡⲕⲁϩ ⲛⲑⲉ ⲛⲟⲩⲛⲓϥ

24:4  ⲁⲛⲟⲕ ⲁⲓⲟⲩⲱϩ ϩⲛ ⲛⲉⲧϫⲟⲥⲉ ⲁⲩⲱ ⲉⲣⲉⲡⲁⲑⲣⲟⲛⲟⲥ ϩⲛ ⲟⲩⲥⲧⲩⲗⲟⲥ ⲛⲕⲗⲟⲟⲗⲉ

24:5  ⲁⲓⲕⲱⲧⲉ ⲉⲡⲕⲱⲧⲉ ⲛⲧⲡⲉ ⲙⲁⲩⲁⲁⲧ ⲁⲓⲙⲟⲟϣⲉ ϩⲙ ⲡϣⲓⲕ ⲛⲛⲛⲟⲩⲛ

24:6  ϩⲛ ⲛϩⲟⲉⲓⲙ ⲛⲑⲁⲗⲁⲥⲥⲁ ⲙⲛ ⲡⲕⲁϩ ⲧⲏⲣϥ ⲁⲓⲕⲱ ⲛⲁⲓ ϩⲛ ⲗⲁⲟⲥ ⲛⲓⲙ ⲙⲛ ϩⲉⲑⲛⲟⲥ ⲛⲓⲙ

24:7  ⲁⲓϣⲓⲛⲉ ⲛⲥⲁ ⲟⲩⲱϩ ⲛⲙⲙⲁⲩ ⲧⲏⲣⲟⲩ ⲉⲓⲛⲁⲟⲩⲱϩ ϩⲛ ⲧⲉⲕⲗⲏⲣⲟⲛⲟⲙⲓⲁ ⲛⲛⲓⲙ

24:8  ⲧⲟⲧⲉ ⲁϥϩⲱⲛ ⲉⲧⲟⲟⲧ ⲛϭⲓ ⲡⲣⲉϥⲥⲱⲛⲧ ⲛⲛⲕⲁ ⲛⲓⲙ ⲁⲩⲱ ⲡⲉⲛⲧⲁϥⲥⲟⲛⲧⲧ ⲁϥⲥⲙⲓⲛⲉ ⲙⲡⲙⲁ ⲛϣⲱⲡⲉ ⲁϥϫⲟⲟⲥ ⲛⲁⲓ ϫⲉ ⲟⲩⲱϩ ϩⲛ ⲓⲁⲕⲱⲃ ⲁⲩⲱ ϫⲓⲕⲗⲏⲣⲟⲛⲟⲙⲓⲁ ϩⲙ ⲡ

24:9  ϩⲁⲑⲏ ⲛⲉⲛⲉϩ ⲁϥⲥⲟⲛⲧⲧ ϫⲓⲛ ⲛϣⲟⲣⲡ ⲁⲩⲱ ⲛϯⲛⲁⲱϫⲛ ⲁⲛ ⲛϣⲁⲉⲛⲉϩ

24:10  ⲁⲓϣⲙϣⲉ ϩⲛ ⲧⲉⲥⲕⲏⲛⲏ ⲉⲧⲟⲩⲁⲁⲃ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲧⲁⲓ ⲧⲉ ⲑⲉ ⲛⲧⲁϥⲧⲁϫⲣⲟⲓ ϩⲛ ⲥⲓⲱⲛ

24:11  ⲁϥⲧⲣⲁⲟⲩⲱϩ ϩⲛ ⲧⲉϥⲡⲟⲗⲓⲥ ⲙⲙⲉⲣⲓⲧ ⲁⲩⲱ ⲉⲣⲉⲧⲁⲉⲝⲟⲩⲥⲓⲁ ϩⲛ ⲑ

24:12  ⲁⲓϫⲉⲛⲟⲩⲛⲉ ⲉⲃⲟⲗ ϩⲙ ⲡⲗⲁⲟⲥ ⲉⲧⲧⲁⲓⲏⲩ ϩⲛ ⲧⲙⲉⲣⲓⲥ ⲛⲧⲉⲕⲗⲏⲣⲟⲛⲟⲙⲓⲁ ⲙⲡϫⲟⲓⲥ

24:13  ⲁⲓϫⲓⲥⲉ ⲛⲑⲉ ⲛⲛⲓⲕⲉⲇⲣⲟⲥ ⲉⲧϩⲛ ⲡⲗⲓⲃⲁⲛⲟⲥ ⲁⲩⲱ ⲛⲑⲉ ⲛⲛⲓⲕⲩⲡⲁⲣⲓⲥⲥⲟⲥ ⲉⲧϩⲛ ⲛⲧⲟⲟⲩ ⲛⲛⲁⲉⲣⲙⲱⲛ

24:14  ⲁⲓϫⲓⲥⲉ ⲛⲑⲉ ⲛⲛⲓⲃⲛⲛⲉ ⲉⲧϩⲛ ⲛⲉⲕⲣⲱⲟⲩ ⲁⲩⲱ ⲛⲑⲉ ⲛⲛⲓϣⲉ ⲛⲛⲓⲟⲩⲣⲧ ⲉⲧϩⲛ ϩⲓⲉⲣⲓⲭⲱ ⲁⲩⲱ ⲛⲑⲉ ⲛⲟⲩⲃⲱ ⲛϫⲟⲉⲓⲧ ⲉⲛⲉⲥⲱⲥ ϩⲛ ⲧⲥⲱϣⲉ ⲁⲓϫⲓⲥⲉ ⲛⲑⲉ ⲛⲟⲩⲡⲗⲁⲧⲁⲛⲟⲥ

24:15  ⲁⲩⲱ ⲛⲑⲉ ⲛⲟⲩϭⲓⲛⲁⲙⲱⲙⲟⲛ ⲁⲩⲱ ⲟⲩϣⲉ ⲛⲥⲱⲧϥ ⲙⲛ ⲟⲩⲁⲥⲡⲁⲗⲁⲑⲟⲥ ⲛⲁⲣⲱⲙⲁⲧⲁ ⲁⲓϯ ⲙⲡⲁⲥⲧⲟⲓ ⲁⲩⲱ ⲛⲑⲉ ⲛⲟⲩⲭⲁⲗⲃⲁⲛⲏ ⲙⲛ ⲟⲩⲉⲓⲃ ⲙⲛ ⲟⲩⲥⲧⲁⲕⲧⲏ ⲁⲩⲱ ⲛⲑⲉ ⲛⲟⲩⲗϩⲱⲃ ⲛⲗⲓⲃⲁⲛⲟⲥ ϩⲛ ⲟⲩⲥⲕⲏⲛⲏ

24:16  ⲁⲛⲟⲕ ⲁⲓⲡeⲣϣⲛⲁⲕⲗⲁⲇⲟⲥ ⲉⲃⲟⲗ ⲛⲑ[ⲉ ⲛ]ⲟⲩⲧⲉⲣⲉⲃⲓⲛⲑⲟⲥ ⲁⲩⲱ ⲛⲁⲕⲗⲁⲇⲟⲥ ϩⲛⲕⲗⲁⲇⲟⲥ ⲛⲉⲟⲟⲩ ⲛⲉ ϩⲓ ⲭⲁⲣⲓⲥ

24:17  ⲁⲛⲟⲕ ⲁⲓϯⲟⲩⲱ ⲛⲧⲉⲭⲁⲣⲓⲥ ⲛⲑⲉ ⲛⲟⲩⲃⲱ ⲛⲉⲗⲟⲟⲗⲉ ⲁⲩⲱ ⲛⲁϯⲟⲩⲱ ϩⲉⲛⲕⲁⲣⲡⲟⲥ ⲛⲉⲟⲟⲩ ⲛⲉ ϩⲓ ⲙⲛⲧⲣⲙⲙⲁⲟ

24:19  ⲛⲉⲧⲉⲡⲓⲑⲩⲙⲓ ⲉⲣⲟⲓ ϯⲡⲉⲧⲛⲟⲩⲟⲓ ⲉⲣⲟⲓ ⲛⲧⲉⲧⲛⲥⲉⲓ ⲉⲃⲟⲗ ϩⲛ ⲛⲁϭⲣⲱϭ

24:20  ⲡⲁⲣⲡⲙⲉⲉⲩⲉ ⲅⲁⲣ ϩⲟⲗϭ ⲉϩⲟⲩⲟ ⲉⲡⲉⲃⲓⲱ ⲁⲩⲱ ⲧⲁⲕⲗⲏⲣⲟⲛⲟⲙⲓⲁ ⲉϩⲟⲩⲟ ⲉⲡⲉⲃⲓⲱ ⲙⲡⲙⲟⲩⲗϩ

24:21  ⲛⲉⲧⲟⲩⲱⲙ ⲙⲙⲟⲓ ⲥⲉⲛⲁϩⲕⲟ ⲙⲙⲟⲓ ⲟⲛ ⲁⲩⲱ ⲛⲉⲧⲥⲱ ⲙⲙⲟⲓ ⲥⲉⲛⲁⲉⲓⲃⲉ ⲙⲙⲟⲓ ⲟⲛ

24:22  ⲡⲉⲧⲥⲱⲧⲙ ⲉⲣⲟⲓ ϥⲛⲁϫⲓϣⲓⲡⲉ ⲁⲛ ⲁⲩⲱ ⲛⲉⲧⲣϩⲱⲃ ⲛϩⲏⲧ ⲛⲛⲉⲩⲣⲛⲟⲃⲉ

24:23  ⲛⲁⲓ ⲧⲏⲣⲟⲩ ⲡϫⲱⲱⲙⲉ ⲡⲉ ⲛⲧⲇⲓⲁⲑⲏⲕⲏ ⲙⲡⲛⲟⲩⲧⲉ ⲉⲧϫⲟⲥⲉ ⲡⲛⲟⲙⲟⲥ ⲡⲉ ⲛⲧⲁⲙⲱⲩⲥⲏⲥ ϩⲟⲛϥ ⲉⲧⲟⲟⲧⲛ ⲛⲕⲗⲏⲣⲟⲛⲟⲙⲓⲁ ⲛⲛⲥⲩⲛⲁⲅⲱⲅⲏ ⲛⲓⲁⲕⲱⲃ

24:25  ⲡⲉⲧⲙⲟⲩϩ ⲛⲑⲉ ⲙⲫⲉⲓⲥⲱⲛ ϩⲛ ⲧⲥⲟⲫⲓⲁ ⲁⲩⲱ ⲛⲑⲉ ⲛⲧⲓⲅⲣⲓⲥ ϩⲛ ⲛⲉϩⲟⲟⲩ ⲃⲃⲣⲣⲉ

24:26  ⲡⲉⲧⲙⲟⲩϩ ϩⲛ ⲧⲙⲛⲧⲣⲙⲛϩⲏⲧ ⲛⲑⲉ ⲙ[ⲡⲉⲩ]ⲫⲣⲁⲧⲏⲥ ⲁⲩⲱ ⲛⲑⲉ ⲙⲡⲓⲟⲣⲇⲁⲛⲏⲥ ϩ[ⲛ ⲛ]ⲉϩⲟⲟⲩ ⲙⲡⲱϩⲥ

24:27  ⲡⲉⲧⲟⲩⲱⲛϩ ⲉⲃⲟⲗ ⲛⲧⲉⲥⲃ[ⲱ ⲛ]ⲑⲉ ⲙⲡⲟⲩⲟⲉⲓⲛ ⲁⲩⲱ ⲛⲑⲉ ⲛⲅⲏⲱⲛ ϩⲛ ⲛⲉϩⲟⲟⲩ ⲙⲡϫⲱⲱⲗⲉ

24:28  ⲙⲡⲉⲡϣⲟⲣⲡ ϫⲱⲕ ⲉⲉⲓⲙⲉ ⲉⲣⲟⲥ ⲁⲩⲱ ⲙⲡⲉⲡϩⲁⲉ ϩⲉⲧϩⲱⲧⲥ

24:29  ⲁⲛⲉⲥⲙⲉⲉⲩⲉ ⲅⲁⲣ ⲁϣⲁⲓ ⲉⲃⲟⲗ ϩⲛ ⲧⲉⲑⲁⲗⲁⲥⲥⲁ ⲁⲩⲱ ⲡⲉⲥϣⲟϫⲛⲉ ⲉⲃⲟⲗ ϩⲙ ⲡⲛⲟϭ ⲛⲛⲟⲩⲛ

24:30  ϫⲉ ⲁⲛⲟⲕ ⲉⲓⲟ ⲛⲑⲉ ⲛⲟⲩⲉⲓⲟⲟⲣ ⲉⲃⲟⲗ ϩⲛ ⲟⲩⲓⲉⲣⲟ ⲁⲩⲱ ⲛⲑⲉ ⲛⲟⲩϥⲟ ⲉⲥⲥⲱⲕ ⲉⲩϣⲛⲏ

24:31  ⲁⲓϫⲟⲟⲥ ϫⲉ ϯⲛⲁⲧⲥⲟ ⲙⲡⲁⲙⲁ ⲛⲟⲩⲟⲟⲧⲉ ⲁⲩⲱ ϯⲛⲁⲧⲥⲟ ⲙⲡⲁⲧⲗⲟⲙ ⲁⲩⲱ ⲉⲓⲥ ϩⲏⲏⲧⲉ ⲁⲡⲁⲉⲓⲟⲟⲣ ϣⲱⲡⲉ ⲛⲁⲓ ⲛⲉⲓⲉⲣⲟ ⲁⲩⲱ ⲁⲡⲁⲉⲓⲉⲣⲟ ϣⲱⲡⲉ ⲛⲁⲓ ⲛⲑⲁⲗⲁⲥⲥⲁ

24:32  ⲉⲧⲓ ϯⲛⲁⲟⲩⲉⲛϩⲧⲥⲟⲫⲓⲁ ⲉⲃⲟⲗ ⲛⲑⲉ ⲛϩⲧⲟⲟⲩⲉ ⲛⲧⲁⲟⲩⲟⲛϩⲟⲩ ⲉⲃⲟⲗ ⲉⲡⲟⲩⲉ

24:33  ⲉⲧⲓ ϯⲛⲁⲡⲉϩⲧⲧⲉⲥⲃⲱ ⲛⲑⲉ ⲛⲟⲩⲡⲣⲟⲫⲏⲧⲓⲁ ⲁⲩⲱ ⲛⲧⲁⲕⲁⲁⲥ ϣⲁ ⲛϫⲱⲙ ⲛϣⲁⲉⲛⲉϩ

24:34  ⲁⲛⲁⲩ ϫⲉ ⲛⲧⲁⲓϣⲡϩⲓⲥⲉ ⲛⲁⲓ ⲙⲁⲩⲁⲁⲧ ⲁⲛ ⲁⲗⲗⲁ ⲛⲟⲩⲟⲛ ⲛⲓⲙ ⲉⲧϣⲓⲛⲉ ⲛⲥⲱⲥ

Chapter 25

25:1  ⲁⲓⲥⲁⲁⲧϣⲟⲙⲛⲧ ⲛϩⲱⲃ ⲁⲩⲱ ⲁⲓⲧⲱⲱⲛ ⲉⲛⲉⲥⲱⲓ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲙⲛ ⲛⲣⲱⲙⲉ ϩⲛ ϩⲉⲛⲥⲛⲏⲩ ⲉⲩⲟ ⲛⲟⲩϩⲏⲧ ⲛⲟⲩⲟⲧ ⲁⲩⲱ ⲟⲩϣⲃⲏⲣ ⲙⲛ ⲡⲉⲧϩⲓⲧⲟⲩⲱϥ ⲁⲩⲱ ⲟⲩⲣⲱⲙⲉ ⲙⲛ ⲧⲉϥⲥϩⲓⲙⲉ ⲉⲩϥⲓ ϩⲁ ⲛⲉⲩⲉⲣⲏⲩ

25:2  ϣⲟⲙⲛⲧ ⲛϩⲱⲃ ⲛⲉⲛⲧⲁⲧⲁⲯⲩⲭⲏ ⲙⲉⲥⲧⲱⲟⲩ ⲁⲩⲱ ⲁⲓⲙⲉⲥⲧⲉⲛⲉⲩϩⲃⲏⲩⲉ ⲉⲙⲁⲧⲉ ⲟⲩϩⲏⲕⲉ ⲛϫⲁⲥⲓϩⲏⲧ ⲙⲛ ⲟⲩⲣⲙⲙⲁⲟ ⲛⲣⲉϥϫⲓϭⲟⲗ ⲙⲛ ⲟⲩϩⲗⲗⲟ ⲛⲛⲟⲉⲓⲕ ⲛⲁⲑⲏⲧ

25:3  ⲉⲙⲡϥⲥⲱⲟⲩϩ ⲉϩⲟⲩⲛ ϩⲛ ⲧⲉϥⲙⲛⲧⲕⲟⲩⲓ ⲉϥⲛⲁϭⲓⲛⲉ ⲧⲱⲛ ϩⲛ ⲧⲉϥⲙⲛⲧϩⲗⲗⲟ

25:4  ⲉϣϫⲉ ⲛⲉⲥⲉⲫⲁⲡ ⲛⲛⲣⲙⲛⲥⲕⲓⲙ ⲁⲩⲱ ⲛϩⲗⲗⲟ ⲉⲧⲣⲉⲩⲉⲓⲙⲉ ⲉϣⲟϫⲛⲉ

25:5  ⲉϣϫⲉ ⲛⲉⲥⲉⲧⲥⲟⲫⲓⲁ ⲛⲛϩⲗⲗⲟ ⲁⲩⲱ ⲡⲙⲉⲉⲩⲉ ⲙⲛ ⲡϣⲟϫⲛⲉ ⲛⲛⲉⲧⲧⲁⲓⲏⲩ

25:6  ⲡϫⲛⲧϩⲁϩ ⲡⲉ ⲡⲉⲕⲗⲟⲙ ⲛⲛϩⲗⲗⲟ ⲁⲩⲱ ⲡⲉⲩϣⲟⲩϣⲟⲩ ⲡⲉ ⲑⲟⲧⲉ ⲙⲡϫⲟⲓⲥ

25:7  ⲁⲓⲙⲁⲕⲁⲣⲓⲍⲉ ⲙⲯⲓⲧ ⲛϩⲱⲃ ϩⲙ ⲡⲁϩⲏⲧ ⲁⲩⲱ ϯⲛⲁϫⲉⲡⲙⲉϩⲙⲏⲧ ϩⲙ ⲡⲁⲗⲁⲥ ⲟⲩⲣⲱⲙⲉ ⲉϥⲉⲩⲫⲣⲁⲛⲉ ⲉϫⲛ ⲛⲉϥϣⲏⲣⲉ ⲉϥⲟⲛϩ ⲉϥϭⲱϣⲧ ⲉⲡϩⲉ ⲛⲛⲉϥϫⲁϫⲉ

25:8  [ⲛⲁⲓⲁⲧϥ ⲙ]ⲡⲉⲧϣⲟⲟⲡ ⲙⲛ ⲟⲩⲥϩⲓⲙⲉ ⲛⲥⲁⲃⲉ ⲁⲩⲱ ⲡⲉⲧⲉⲙⲡϥⲥⲗⲁⲁⲧⲉ ϩⲙ ⲡⲉϥⲗⲁⲥ ⲙⲛ ⲡⲉⲧⲉⲙⲡϥⲣϩⲙϩⲁⲗ ⲙⲡⲉⲧⲥⲏϣ ⲉⲣⲟϥ

25:9  ⲛⲁⲓⲁⲧϥ ⲙⲡⲉⲛⲧⲁϥϩⲉ ⲉⲧⲙⲛⲧⲥⲁⲃⲉ ⲁⲩⲱ [ⲡ]ⲉⲧϣⲁϫⲉ ⲉⲩⲙⲁⲁϫⲉ ⲙⲡⲉⲧⲥⲱⲧⲙ

25:10  [ⲉϣ]ϫⲉ ⲟⲩⲛⲟϭ ⲡⲉ ⲡⲉⲛⲧⲁϥϩⲉ ⲉⲧⲥⲟⲫⲓⲁ [ⲁⲗ]ⲗⲁ ⲙⲛⲡⲉⲧⲟ ⲛⲛⲟϭ ⲉⲡⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ

25:11  [ⲑⲟⲧⲉ ⲙ]ⲡϫⲟⲉⲓⲥ ⲥⲟⲧⲡ ⲉⲣⲟⲟⲩ ⲧⲏⲣⲟⲩ ⲉⲣⲉⲡⲉⲧⲁⲙⲁϩⲧⲉ ⲙⲙⲟⲥ ⲧⲛⲧⲱⲛ ⲉⲛⲓⲙ

25:13  ⲛⲁⲛⲟⲩⲡⲗⲏⲅⲏ ⲛⲓⲙ ⲉⲡⲗⲏⲅⲏ ⲛϩⲏⲧ ⲛⲁⲛⲟⲩⲡⲟⲛⲏⲣⲓⲁ ⲛⲓⲙ ⲉⲡⲟⲛⲏⲣⲓⲁ ⲛⲥϩⲓⲙⲉ

25:14  ⲛⲁⲛⲟⲩⲙⲟⲭⲥ ⲛⲓⲙ ⲉϩⲟⲩⲉ ⲙⲟⲕϩⲥ ⲛⲛⲉⲧⲙⲟⲥⲧⲉ ⲛⲁⲛⲟⲩϫⲓⲕⲃⲁ ⲛⲓⲙ ⲉϩⲟⲩⲟ ⲉϫⲓⲕⲃⲁ ⲛϫⲁϫⲉ

25:15  ⲙⲛⲁⲡⲉ ϩⲟⲟⲩ ⲉⲧⲁⲡⲉ ⲙⲫⲟϥ ⲁⲩⲱ ⲙⲛϭⲱⲛⲧ ⲉⲡⲁⲡϫⲁϫⲉ

25:16  ϯⲛⲁⲟⲩⲉϣⲟⲩⲱϩ ⲙⲛ ⲟⲩⲙⲟⲩⲓ ⲙⲛ ⲟⲩⲇⲣⲁⲕⲱⲛ ⲉϩⲟⲩⲟ ⲉⲟⲩⲱϩ ⲙⲛ ⲟⲩⲥϩⲓⲙⲉ ⲉⲥϩⲟⲟⲩ ⲁⲩⲱ ⲣⲣⲉϥϭⲱⲛⲧ

25:17  ϣⲁⲣⲉⲧⲡⲟⲛⲏⲣⲓⲁ ⲛⲟⲩⲥϩⲓⲙⲉ ⲉⲥϩⲟⲟⲩ ϣⲓⲃⲉ ⲙⲡⲉⲥϩⲟ ⲁⲩⲱ ϣⲁⲥⲣⲡⲉⲥϩⲟ ⲛⲕⲁⲕⲉ ⲛⲑⲉ ⲛⲟⲩϭⲟⲟⲩⲛⲉ

25:18  ⲉⲣϣⲁⲛⲡⲉⲥϩⲁⲓ ⲛⲟϫϥ ϩⲛ ⲧⲙⲏⲧⲉ ⲙⲡⲉⲧϩⲓⲧⲟⲩⲱϥ ⲛϥⲥⲱⲧⲙ ϣⲁϥⲁϣⲁϩⲟⲙ ⲉϥⲥⲁϣⲉ

25:19  ⲕⲁⲕⲓⲁ ⲛⲓⲙ ⲥⲟⲃⲕ ⲛⲛⲁϩⲣⲛ ⲧⲕⲁⲕⲓⲁ ⲛⲧⲉⲥϩⲓⲙⲉ ⲉⲣⲉⲡⲉⲕⲗⲏⲣⲟⲥ ⲛⲟⲩⲣⲉϥⲣⲛⲟⲃⲉ ϩⲉ ⲉⲧⲟⲟⲧⲥ

25:20  ⲛⲑⲉ ⲛⲟⲩ[ϩⲗ]ⲗⲟ ⲉϥⲱⲗ ⲉϩⲣⲁⲓ ϩⲛ ⲟⲩⲥⲕⲁⲣⲁⲕⲓⲣ ⲛϣⲱ ⲧⲁⲓ ⲧⲉ ⲑ[ⲉ ⲛ]ⲟⲩⲥϩⲓⲙⲉ ⲛⲣⲉϥⲁϣⲕⲁⲕ ⲉⲃⲟⲗ ⲛⲛⲁϩⲣⲛ ⲟⲩϩⲁⲓ ⲛⲣⲙⲣⲁϣ

25:21  ⲙⲡⲣϩⲉ ⲉⲧⲟⲟⲧⲥ ⲛⲟⲩⲥϩⲓⲙⲉ ⲉⲛⲉⲥⲱⲥ ⲁⲩⲱ ⲙⲡⲣⲙⲉⲣⲉⲥϩⲓⲙⲉ

25:22  ⲟⲩⲟⲣⲅⲏ ⲙⲛ ⲟⲩⲙⲛⲧⲁⲧⲃⲁⲗ ⲙⲛ ⲟⲩϣⲓⲡⲉ ⲡⲉ ⲟⲩⲥϩⲓⲙⲉ ⲉⲥϯ ⲉⲧⲟⲟⲧϥ ⲙⲡⲉⲥϩⲁⲓ

25:23  ⲟⲩϩⲏⲧ ⲉϥⲑⲃⲓⲏⲩ ⲙⲛ ⲟⲩϩⲟ ⲉϥⲟⲕⲙ ⲙⲛ ⲟⲩⲡⲗⲏⲅⲏ ⲛϩⲏⲧ ⲡⲉ ⲟⲩⲥϩⲓⲙⲉ ⲉⲥϩⲟⲟⲩ ϩⲛϭⲓϫ ⲉⲩⲕⲏ ⲙⲛ ϩⲛⲡⲁⲧ ⲉⲩⲃⲏⲗ ⲉⲃⲟⲗ ⲡⲉ ⲟⲩⲥϩⲓⲙⲉ ⲉⲛⲥⲙⲁⲕⲁⲣⲓⲍⲉ ⲁⲛ ⲙⲡⲉⲥϩⲁⲓ

25:24  ⲛⲧⲁⲧⲁⲣⲭⲏ ⲙⲡⲛⲟⲃⲉ ⲉⲓ ⲉⲃⲟⲗ ϩⲛ ⲧⲉⲥϩⲓⲙⲉ ⲁⲩⲱ ⲉⲧⲃⲏⲧⲥ ⲉⲛⲁⲙⲟⲩ ⲧⲏⲣⲛ

25:25  ⲙⲡⲣϯⲧⲉϩⲓⲏ ⲛⲟⲩⲙⲟⲟⲩ ⲉϥⲥⲱⲕ ⲙⲡⲣϯⲡⲁⲣϩⲏⲥⲓⲁ ⲛⲟⲩⲥϩⲓⲙⲉ ⲉⲥϩⲟⲟⲩ

25:26  ⲉϣⲱⲡⲉ ⲉⲛⲥⲛⲁⲟⲩⲁϩⲥ ⲛⲥⲱⲕ ⲁⲛ ⲥⲟⲗⲡⲥ ⲉⲃⲟⲗ ⲛⲛⲉⲕⲥⲁⲣⲝ

Chapter 26

26:1  ⲛⲁⲓⲁⲧϥ ⲙⲫⲁⲓ ⲛⲟⲩⲥϩⲓⲙⲉ ⲉⲛⲁⲛⲟⲩⲥ ⲁⲩⲱ ⲧⲏⲏⲡⲉ ⲙⲡⲉϥⲁϩⲉ ⲕⲏⲃ

26:2  ϣⲁⲣⲉⲟⲩⲥϩⲓⲙⲉ ⲛϫⲱⲱⲣⲉ ⲉⲩⲫⲣⲁⲛⲉ ⲙⲡⲉⲥϩⲁⲓ ⲁⲩⲱ ϣⲁⲥϫⲉⲕⲛⲉϥⲣⲟⲙⲡⲉ ⲉⲃⲟⲗ ϩⲛ ⲟⲩⲉⲓⲣⲏⲛⲏ

26:3  [ⲟⲩⲙⲉⲣ]ⲓⲥ ⲉⲛⲁⲛⲟⲩⲥ ⲡⲉ [ⲟⲩ]ⲥϩⲓⲙⲉ ⲉ[ⲛ]ⲁⲛⲟⲩⲥ [ⲉⲩⲛ]ⲁⲧⲁⲁⲥ ⲛⲧⲙⲉⲣⲓⲥ ⲛⲛ[ⲉⲧ]ⲣϩⲟⲧⲉ ϩⲏⲧϥ ⲙⲡϫⲟⲉⲓⲥ

26:4  ⲟⲩⲣⲙⲙⲁⲟ ⲙⲛ ⲟⲩϩⲏⲕⲉ ⲉⲟⲩⲛⲧⲟⲩⲟⲩϩⲏⲧ ⲉⲛⲁⲛⲟⲩϥ ⲛⲟⲩⲟⲉⲓϣ ⲛⲓⲙ ⲡⲉⲩϩⲟ ⲣⲟⲟⲩⲧ

26:5  ⲁⲡⲁϩⲏⲧ ⲣϩⲟⲧⲉ ϩⲏⲧϥ ⲛϣⲙⲧϩⲱⲃ ⲁⲩⲱ ⲁⲓⲟⲩⲱⲗⲥ ⲙⲡⲁϩⲟ ⲉϫⲛ ⲡⲙⲉϩϥⲧⲟⲟⲩ ⲧⲇⲓⲁⲃⲟⲗⲏ ⲛⲟⲩⲡⲟⲗⲓⲥ ⲙⲛⲧⲥ[ⲟⲟⲩ]ϩⲥ ⲛⲟⲩⲙⲏⲏϣⲉ ⲁⲩⲱ ⲟⲩϩⲓⲗⲁ ⲛⲁⲓ ⲧⲏⲣⲟⲩ ϩⲟⲟⲩ ⲉⲡⲙⲟⲩ

26:6  ⲟⲩⲙⲕⲁϩ ⲙⲛ ⲟⲩϩⲏⲃⲉ ⲡⲉ ⲟⲩⲥϩⲓⲙⲉ ⲉⲥⲕⲱϩ ⲉⲩⲥϩⲓⲙⲉ ⲁⲩⲱ ⲟⲩⲙⲁⲥⲧⲓⲅⲝ ⲛⲗⲁⲥ ⲧⲉ ⲉⲥⲕⲟⲓⲛⲱⲛⲓ ⲉⲟⲩⲟⲛ ⲛⲓⲙ

26:7  ⲟⲩⲛⲁϩⲃ ⲉϥⲕⲓⲙ ⲡⲉ ⲟⲩⲥϩⲓⲙⲉ ⲉⲥϩⲟⲟⲩ ⲉⲣⲉⲡⲉⲧⲁⲙⲁϩⲧⲉ ⲙⲙⲟⲥ ⲟ ⲛⲑⲉ ⲙⲡⲉⲧⲁⲙⲁϩⲧⲉ ⲛⲟⲩⲟⲩⲟϩⲉ

26:8  ⲟⲩⲛⲟϭ ⲛⲟⲣⲅⲏ ⲡⲉ ⲟⲩⲥϩⲓⲙⲉ ⲣⲣⲉϥϯϩⲉ ⲁⲩⲱ ⲛⲛⲉⲥϩⲱⲃⲥ ⲙⲡⲉⲥϣⲓⲡⲉ

26:9  ⲉⲣⲉⲧⲡⲟⲣⲛⲓⲁ ⲛⲟⲩⲥϩⲓⲙⲉ ϩⲛ ⲧⲉⲥⲙⲛⲧϫⲁⲥⲓⲃⲁⲗ ⲁⲩⲱ ϣⲁⲩⲥⲟⲩⲱⲛⲥ ϩⲓ ⲛⲉⲥⲃⲟⲩϩⲉ

26:10  ⲁⲣⲉϩ ⲉⲙⲁⲧⲉ ⲉⲩϣⲉⲉⲣⲉ ⲛⲛⲁϣⲧⲙⲙⲉ ϫⲉ ⲛⲉⲥϩⲉ ⲉⲩⲙⲁ {ⲛⲙⲧⲟⲛ?} ⲛⲥⲣⲡⲉⲧⲥⲟⲩⲁϣϥ

26:11  ⲁⲣⲉϩ ⲉⲣⲟ[ⲕ ⲉ]ⲟⲩⲁ[ⲗⲱ ⲛⲁⲧⲃⲁⲗ] ⲛⲟⲩϣⲡⲏⲣⲉ [ⲁⲛ ⲡⲉ] ⲉⲥϣⲁⲛⲣ[ⲛⲟ]ⲃⲉ ⲉⲣⲟⲕ

26:12  ⲉⲥⲟ ⲛⲑⲉ ⲛⲟⲩⲁ ⲉϥⲟⲃⲉ ⲉⲣⲉⲣⲱϥ ⲟⲩⲏⲛ ⲉϥⲙⲟⲟϣⲉ ϩⲓ ⲟⲩϩⲓⲏ ⲉϣⲁϥⲥⲱ ϩⲛ ⲙⲟⲟⲩ ⲛⲓⲙ ⲉⲧϩⲏⲛ ⲉⲣⲟϥ ⲁⲩⲱ ⲥⲛⲁϩⲙⲟⲟⲥ ⲛⲛⲁϩⲣⲛ ⲛⲁⲉⲓⲱ ⲛⲓⲙ ⲁⲩⲱ ⲥⲛⲁⲟⲩⲱⲛ ⲙⲡⲉⲥⲙⲁ ⲛ………

26:13  ϣⲁⲣⲉⲧⲉⲭⲁⲣⲓⲥ ⲛⲟⲩⲥϩⲓⲙⲉ [ϯⲟⲩⲣⲟⲧ] ⲙⲡⲉⲥϩⲁⲓ ⲁⲩⲱ ϣⲁⲣⲉⲧⲉⲥⲥⲃⲱ ϯⲕⲛⲛⲉ ⲛⲛⲉϥⲕⲁⲁⲥ

26:14  ⲟⲩϯ ϩⲓⲧⲛ ⲡϫⲟⲉⲓⲥ ⲡⲉ ⲟⲩⲥϩⲓⲙⲉ ⲛϩⲟⲣⲕϥ ⲁⲩⲱ ⲙⲛϣⲃⲉⲓⲱ ⲛⲧⲉⲥⲯⲩⲭⲏ ⲉⲧⲥⲁⲃⲏⲩ

26:15  ⲟⲩⲭⲁⲣⲓⲥ ⲉϫⲛ ⲟⲩⲭⲁⲣⲓⲥ ⲡⲉ ⲟⲩⲥϩⲓⲙⲉ ⲛϣⲡⲓⲉⲉⲧⲉ ⲁⲩⲱ ⲙⲛϣⲓ ⲛⲓⲙ ⲙⲡϣⲁ ⲛⲧⲉⲥⲯⲩⲭⲏ ⲛⲣⲉϥⲁⲙⲁϩⲧⲉ

26:16  ⲛⲑⲉ ⲙⲡⲣⲏ ⲉⲧϣⲁ ϩⲛ ⲛⲉⲧϫⲟⲥⲉ ⲙⲡϫⲟⲓⲥ ⲧⲁⲓ ⲧⲉ ⲑⲉ ⲛⲟⲩⲥϩⲓⲙⲉ ⲉⲛⲁⲛⲟⲩⲥ ϩⲙ ⲡⲧⲥⲁⲛⲟ ⲙⲡⲉⲥⲏⲓ

26:17  ⲛⲑⲉ ⲛⲟⲩϩⲏⲃⲥ ⲉϥⲙⲟⲩϩ ϩⲓϫⲛ ⲟⲩⲗⲩⲭⲛⲓⲁ ⲉⲥⲟⲩⲁⲁⲃ ⲧⲁⲓ ⲧⲉ ⲑⲉ ⲙⲡⲥⲁ ⲛⲟⲩϩⲟ ⲉϫⲛ ⲟⲩϭⲟⲧ ⲉⲥⲧⲏϣ

26:18  ⲛⲑⲉ ⲛⲟⲩⲥⲧⲩⲗⲟⲥ ⲛⲛⲟⲩⲃ ⲉϫⲛ ⲟⲩⲃⲁⲥⲓⲥ ⲛϩⲁⲧ ⲧⲁⲓ ⲧⲉ ⲑⲉ ⲛϩⲉⲛⲟⲩⲣⲏⲧⲉ ⲉⲛⲉⲥⲱⲟⲩ [ⲉ]ϫⲛ ϩⲛ… ⲛⲁⲧϣ[ⲧⲟⲣⲧⲣ]

26:28  …ϩⲛ…………… ⲁⲩⲱ ⲁⲡ]ϭⲱⲛⲧ [ⲉⲓ] ⲛⲁⲓ ⲉⲧⲃⲉ ⲡⲙϩϣⲟⲙⲛⲧ ⲟⲩⲣⲱⲙⲉ [ⲛⲣⲉϥⲙⲓ]ϣⲉ ⲉϥϣⲁⲁⲧ ⲉⲧⲃⲉ ⲡⲉϭⲣⲱϩ ⲁⲩⲱ ϩⲛⲣⲱⲙⲉ [ⲛⲣⲙⲛ]ϩⲏⲧ ⲉⲩϣⲁⲛ…… ⲙ…………… ⲡ[ϫⲟⲉⲓⲥ

26:29  ⲙⲟⲅⲓⲥ ⲉϣⲁⲣⲉⲟⲩⲉϣⲱⲧ ⲣⲃⲟⲗ ⲉⲛⲟⲃⲉ ⲁⲩⲱ ⲙⲛⲕⲁⲡⲏⲗⲟⲥ ⲛⲁⲧⲃⲃⲟ ⲉⲡⲛⲟⲃⲉ

Chapter 27

27:1  ⲉⲧⲃⲉ ⲡϣⲃϣⲓ ⲅⲁⲣ ⲁϩⲁϩ ⲣⲛⲟⲃⲉ ⲁⲩⲱ ⲡⲉⲧϣⲓⲛⲉ ⲛⲥⲁ ϫⲡⲉϩⲁϩ ⲛⲁⲕⲧⲟ ⲉⲃⲟⲗ ⲛⲛⲉϥⲃⲁⲗ

27:2  ϣⲁⲩⲟⲩⲉϣⲧⲱⲕⲥ ⲛⲟⲩϣⲙⲟⲩ ⲉⲟⲩⲧⲁⲡⲟⲩⲱϣ ⲛⲟⲩⲱⲛⲉ ϣⲁⲣⲉⲡⲛⲟⲃⲉ ϩⲱⲱϥ ⲉⲓ ϩⲛ ⲧⲙⲏⲧⲉ ⲛϯ ⲉⲃⲟⲗ ϩⲓ ϣⲱⲡ

27:3  ⲉϥϣⲁⲛⲧⲙⲁⲙⲁϩⲧⲉ ⲛⲑⲟⲧⲉ ⲙⲡϫⲟⲉⲓⲥ ϩⲛ ⲟⲩϭⲉⲡⲏ ⲡⲉϥⲏⲓ ⲛⲁⲧⲁⲕⲟ ⲛⲧⲉⲩⲛⲟⲩ

27:4  ⲛⲑⲉ ⲉϣⲁⲣⲉϩⲛⲉⲓⲧⲛ ϣⲱϫⲡ ϩⲙ ⲡϣⲟⲗϣⲗ ⲛⲟⲩⲥⲟⲗϥ ⲧⲁⲓ ⲧⲉ ⲑⲉ ⲉⲣⲉⲙⲡⲉⲑⲟⲟⲩ ⲙⲡⲣⲱⲙⲉ ϩⲙ ⲡⲉϥϩⲏⲧ

27:5  ⲧⲉϩⲣⲱ ⲇⲉ ⲧⲉϣⲁⲥⲇⲟⲕⲓⲙⲁⲍⲉ ⲛⲛⲥⲕⲉⲩⲏ ⲙⲡⲕⲉⲣⲁⲙⲉⲩⲥ ⲁⲩⲱ ⲉⲣⲉⲡⲡⲓⲣⲁⲥⲙⲟⲥ ⲙⲡⲣⲱ[ⲙⲉ …]

27:6  ⲛⲑⲉ ⲉⲧⲉϣⲁⲣⲉⲡⲉⲧⲣϩⲱⲃ ⲉⲩϣⲏ[ⲛ ⲟⲩⲉ]ⲛϩⲡⲉϥⲕⲁⲣⲡⲟⲥ ⲉⲃⲟⲗ ⲧⲁⲓ ⲧⲉ ⲑⲉ ⲉⲧⲉϣⲁⲣⲉⲡϣⲁϫⲉ ⲙⲛ ⲡ[…] ⲟⲩⲉⲛϩⲫⲏⲧ ⲙⲡⲣⲱⲙⲉ ⲉⲃⲟⲗ

27:7  ⲙⲡⲣⲧⲁⲓⲉⲟⲩⲣⲱⲙⲉ ⲙⲡⲁⲧⲕⲉⲓ[ⲙⲉ] ⲡⲁⲓ ⲅⲁⲣ ⲡⲉ ⲡⲡⲓⲣⲁⲥⲙⲟⲥ ⲙⲡ[ⲣⲱⲙⲉ]

27:8  ⲉⲕϣⲁⲛⲡⲱⲧ ⲛⲥⲁ ⲧⲙⲛⲧⲙⲉ […] ⲁⲩⲱ ⲕⲛⲁⲧⲁⲁⲥ ϩⲓⲱⲱⲕ ⲛⲑⲉ ⲛⲧϣⲛⲧⲱ ⲛⲉⲟⲟⲩ

27:9  ⲛⲑⲉ ⲉϣⲁⲣⲉⲛϩⲁⲗⲁⲧⲉ ⲟⲩⲱϩ ϩⲁⲧⲛ ⲛⲉϯⲛⲉ ⲙⲙⲟⲟⲩ ⲧⲁⲓ ⲧⲉ ⲑⲉ ⲉϣⲁⲣⲉⲧⲙⲉ ⲕⲟⲧⲥ ⲉⲛⲉⲧⲉⲓⲣⲉ ⲙⲙⲟⲥ

27:10  ϣⲁⲣⲉⲟⲩⲙⲟⲩⲓ ϭⲱⲣϭ ⲉⲩⲡⲁϩⲥ ⲧⲁⲓ ⲧⲉ ⲑⲉ ⲉϣⲁⲣⲉⲡⲛⲟⲃⲉ ϭⲱⲣϭ ⲉⲛⲉϯⲣⲉ ⲙⲡϫⲓⲛϭⲟⲛⲥ

27:11  ⲧⲥⲟⲫⲓⲁ ⲡⲉ ⲡϣⲁϫⲉ ⲙⲡⲣⲙⲛⲛⲟⲩⲧⲉ ⲛⲟⲩⲟⲉⲓϣ ⲛⲓⲙ ⲡⲁⲑⲏⲧ ⲇⲉ ⲛⲧⲟϥ ϣⲁϥϣⲓⲃⲉ ⲛⲑⲉ ⲙⲡⲟⲟϩ

27:12  ϫⲓⲟⲩⲟⲉⲓϣ ⲛⲧⲙⲏⲧⲉ ⲛⲛⲁⲑⲏⲧ ⲧⲁϣⲟⲕ ⲇⲉ ϩⲛ ⲧⲙⲏⲧⲉ ⲛⲛⲥⲁⲃⲉ

27:13  ⲟⲩⲙⲉⲥⲧⲉ ⲡⲉ ⲡϣⲁϫⲉ ⲛⲛⲥⲟϭ ⲁⲩⲱ ⲉⲣⲉⲡⲉⲩⲥⲱⲃⲉ ϩⲛ ⲟⲩⲥⲡⲁⲧⲁⲗⲁ ⲛⲛⲟⲃⲉ

27:14  ϣⲁⲣⲉⲧϭⲓⲛϣⲁϫⲉ ⲛⲟⲩⲣⲉϥⲧⲁϣⲉⲱⲣⲕ [ⲛⲉϩ]ϣⲗϩϥ [ⲉⲡ]ⲉⲕϣⲁϥ ⲁⲩⲱ ⲟⲩϩⲱϫⲡ ⲙⲙⲁⲁϫⲉ ⲡⲉ ⲡⲉϥⲙⲓϣⲉ

27:15  [ⲟⲩ]ⲡⲉϩⲧⲥⲛⲟϥ ⲉⲃⲟⲗ ⲡⲉ ⲡⲙⲓϣⲉ ⲛⲛϫⲁⲥⲓϩⲏⲧ ⲁⲩⲱ ⲟⲩⲥⲱⲧⲙ ⲉϥϩⲟⲟⲩ ⲡⲉ ⲡⲉⲩⲥⲁϩⲟⲩ

27:16  ⲡⲉⲧⲛⲁϭⲱⲗⲡ ⲉⲃⲟⲗ ⲛϩⲛⲙⲩⲥⲧⲏⲣⲓⲟⲛ ⲁϥⲕⲱ ⲛⲥⲱϥ ⲙⲡⲛⲁϩⲧⲉ ⲁⲩⲱ ⲛⲉϥ[ϭⲛ]ⲛϣⲃⲏⲣ [ⲛⲛⲁ]ϩⲣⲛ ⲡⲉϥϩⲏⲧ

27:17  ⲙⲉⲣⲉⲡⲉⲕϣⲃⲏⲣ ⲛⲅⲧⲁⲛϩⲟⲩⲧⲕ ⲛⲉⲙⲁϥ ⲉϣⲱⲡⲉ ⲇⲉ ⲉⲕϣⲁⲛϭⲱⲗⲡ ⲉⲃⲟⲗ ⲙⲡⲉϥⲙⲩⲥⲧⲏⲣⲓⲟⲛ ⲙⲡⲣⲡⲱⲧ ⲛⲥⲱϥ

27:18  ⲛⲑⲉ ⲅⲁⲣ ⲛⲟⲩⲣⲱⲙⲉ ⲉⲁϥⲕⲱ ⲛⲥⲱϥ ⲙⲡⲉϥϫⲁϫⲉ ⲧⲁⲓ ⲧⲉ ⲑⲉ ⲛⲧⲁⲕⲕⲱ ⲛⲥⲱⲕ ⲛⲧⲙⲛⲧϣⲃⲏⲣ ⲙⲡⲉⲧϩⲓⲧⲟⲩⲱⲕ

27:19  ⲁⲩⲱ ⲛⲑⲉ ⲛⲟⲩϩⲁⲗⲏⲧ ⲉⲁⲕⲕⲁⲁϥ ⲉⲃⲟⲗ ϩⲛ ⲧⲉⲕϭⲓϫ ⲧⲁⲓ ⲧⲉ ⲑⲉ ⲉⲛⲧⲁⲕⲕⲱ ⲛⲥⲱⲕ ⲙⲡⲉⲧϩⲓⲧⲟⲩⲱⲕ ⲁⲩⲱ ⲛⲛⲉⲕϣⲧⲁϩⲟϥ

27:20  ⲙⲡⲣⲡⲱⲧ ⲛⲥⲱϥ ϫⲉ ⲁϥⲟⲩⲉ ⲁⲩⲱ ⲁϥⲡⲱⲧ ⲛⲑⲉ ⲛⲟⲩϭϩⲟⲥ ⲉⲃⲟⲗ ϩⲛ ⲟⲩⲡⲁϣ

27:21  ⲉϣϫⲉ ⲟⲩⲛⲑⲉ ⲙⲙⲣⲟⲩⲥⲁϣ ⲁⲩⲱ ⲟⲩⲛⲑⲉ ⲛϩⲱⲧⲡ ϩⲛ ⲟⲩⲙⲓϣⲉ ⲡⲉⲧⲛⲁϭⲱⲗⲡ ⲉⲃⲟⲗ ⲛϩⲛⲙⲩⲥⲧⲏⲣⲓⲟⲛ […]ⲉⲗⲡⲓⲍⲉ

27:22  [ⲡⲉⲧϫⲱⲣ]ⲙ ϩⲛ ⲛⲉϥⲃⲁⲗ ⲉϥⲙⲉⲉⲩⲉ ⲉϩⲉⲛⲡⲉⲑⲟⲟⲩ [ⲙⲛⲗ]ⲁⲁⲩ ⲛⲁⲧⲟϭϥ ⲉⲣⲟϥ

27:23  […… ⲣ]ⲱϥ ϩⲗⲟϭ ⲙⲡⲉϥⲙⲧⲟ ⲉⲃⲟⲗ ⲛϥⲣ[ϣⲡⲏ]ⲣⲉ ⲛⲛⲉⲕϣⲁϫⲉ ⲙⲛⲛⲥⲱⲥ ϥⲛⲁⲕⲧⲉⲣⲱϥ ⲛϥϯ ⲛⲟⲩϫⲣⲟⲡ ϩⲛ ⲛⲉⲕϣⲁϫⲉ

27:24  ⲁⲓⲙⲉⲥⲧⲉϩⲁϩ ⲙⲡⲓⲧⲛⲧⲱⲛⲟⲩ ⲉⲣⲟϥ [ⲡϫⲟ]ⲉⲓⲥ ⲛⲁⲙⲉⲥⲧⲱϥ

27:25  ⲡⲉⲧⲛⲁⲛⲉϫⲟⲩⲱⲛⲉ ⲉⲧⲡⲉ ϥⲛⲁϩⲉ ⲉϫⲱϥ ⲟⲩⲡⲗⲏⲅⲏ ⲛⲕⲣⲟϥ ϣⲁⲥⲉⲓⲣⲉ ⲛϩⲛⲡⲱⲗϩ

27:26  ⲡⲉⲧϣⲓⲕⲉ ⲛⲟⲩϩⲓⲉⲓⲧ ϥⲛⲁϩⲉ ⲉⲣⲟϥ ⲁⲩⲱ ⲡⲉⲧⲧⲁϩⲟ ⲉⲣⲁⲧϥ ⲛⲟⲩⲡⲁϣ ϥⲛⲁϩⲉ ⲛϩⲏⲧϥ

27:27  ⲡⲉϯⲣⲉ ⲛϩⲛⲡⲉⲑⲟⲟⲩ ⲉⲩⲛⲛⲏⲩ ⲉϩⲣⲁⲓ ⲉϫⲱϥ ⲁⲩⲱ ⲛⲉϥⲉⲓⲙⲉ ϫⲉ ⲛⲧⲁⲩⲉⲓ ⲛⲁϥ ⲧⲱⲛ

27:28  ⲟⲩⲥⲱϣϥ ⲙⲛ ⲟⲩⲛⲟϭⲛⲉϭ ⲛⲛϫⲁⲥⲓϩⲏⲧ ⲁⲩⲱ ⲡϫⲓⲕⲃⲁ ⲛⲁϭⲱⲣϭ ⲉⲣⲟϥ ⲛⲑⲉ ⲛⲛⲓⲙⲟⲩⲓ

27:29  ⲛⲉⲧⲉⲩⲫⲣⲁⲛⲉ ⲉϫⲛ ⲡⲧⲁⲕⲟ ⲛⲛⲣⲙⲛⲛⲟⲩⲧⲉ ⲛⲁⲧⲁⲕⲟ ϩⲛ ⲟⲩⲡⲁϣ ⲁⲩⲱ ⲡⲉⲙⲕⲁϩ ⲛϩⲏⲧ ⲛⲁⲧⲁⲕⲟⲟⲩ ϩⲁⲑⲏ ⲙⲡⲉⲩⲙⲟⲩ

27:30  ϩⲛϥⲟⲧⲉ ⲛⲉ ⲟⲩⲛⲟϭⲥ ⲉϥⲙⲏⲛ ⲉⲃⲟⲗ ⲙⲛ ⲟⲩⲟⲣⲅⲏ ⲁⲩⲱ ⲟⲩⲣⲱⲙⲉ ⲛⲣⲉϥⲣⲛⲟⲃⲉ ϥⲛⲁⲁⲙⲁϩⲧⲉ ⲙⲙⲟⲟⲩ

Chapter 28

28:2  ϫⲉ ⲛⲟⲃⲉ

28:3  [ⲛ]ⲟⲩϭⲥ ⲉⲡⲣⲱⲙⲉ ⲁⲩⲱ ⲛϥϣⲓⲛⲉ ⲕⲱ ⲛⲁϥ ⲉⲃⲟⲗ ϩⲓⲧⲛ ⲡϫⲟⲉⲓⲥ

28:4  ⲉⲙⲡϥⲛⲁ ⲣⲱ ⲛⲟⲩⲣⲱⲙⲉ ⲉϥⲉⲓⲛⲉ ⲙⲙⲟϥ ⲁⲩⲱ ϥⲥⲟⲡⲥ ϩⲁ ⲛⲉϥⲛⲟⲃⲉ

28:5  ⲛⲧⲟϥ ⲉⲩⲥⲁⲣⲝ ⲡⲉ ⲉϥⲁⲣⲉϩ ⲉⲡⲉϥⲛⲟⲩϭⲥ ⲛⲓⲙ ⲡⲉⲧⲛⲁⲕⲱ ⲉⲃⲟⲗ ⲛⲛⲉϥⲛⲟⲃⲉ

28:6  ⲁⲣⲓⲡⲙⲉⲉⲩⲉ ⲛⲧⲉⲕϩⲁⲏ ⲛⲅⲗⲟ ⲉⲕⲟ ⲛϫⲁϫⲉ ⲁⲩⲱ ⲡⲧⲁⲕⲟ ⲙⲛ ⲡⲙⲟⲩ ⲛⲅⲙⲟⲩⲛ ⲉⲃⲟⲗ ϩⲛ ⲛⲉⲛⲧⲟⲗⲏ

28:7  ⲁⲣⲓⲡⲙⲉⲉⲩⲉ ⲛⲛⲉⲛⲧⲟⲗⲏ ⲛⲅⲧⲙⲛⲟⲩϭⲥ ⲉⲡⲉⲧϩⲓⲧⲟⲩⲱⲕ ⲁⲩⲱ ⲧⲇⲓⲁⲑⲏⲕⲏ ⲙⲡⲉⲧϫⲟⲥⲉ ⲛⲅⲕⲱ ⲛⲥⲱⲕ ⲛⲛⲉⲕⲟⲃϣⲥ

28:8  ⲥⲁϩⲱⲕ ⲉⲃⲟⲗ ⲙⲙⲓϣⲉ ⲛⲅⲧⲙⲣⲛⲟⲃⲉ ϣⲁⲣⲉⲟⲩⲣⲱⲙⲉ ⲣⲣⲉϥϭⲱⲛⲧ ⲧⲙϩⲉⲟⲩⲙⲓϣⲉ

28:9  ⲁⲩⲱ ϣⲁⲣⲉⲟⲩⲣⲱⲙⲉ ⲣⲣⲉϥⲣⲛⲟⲃⲉ ϣⲧⲣⲧⲣⲛⲉϥϣⲃⲉⲉⲣ ⲁⲩⲱ ϣⲁϥⲛⲟⲩϫⲉ ⲛⲟⲩⲇⲓⲁⲃⲟⲗⲏ ϩⲛ ⲧⲙⲏⲧⲉ

28:11  ⲕⲱϩⲧ ⲁⲩⲱ ⲟⲩⲙⲓϣⲉ ⲉⲁⲩϯ ⲛⲉ

28:12  ⲉⲕϣⲁⲛⲛⲓϥⲉ ⲉⲟⲩϯⲕ ϣⲁⲣⲉⲟⲩⲕⲱϩⲧ ⲙⲟⲩϩ ⲉⲕϣⲁⲛⲛⲉϫⲡⲁϭⲥⲉ ⲉϫⲱϥ ϥⲛⲁϫⲛⲉ ⲛⲧⲟⲟⲩ ⲙⲡⲉⲥⲛⲁⲩ ⲉⲩⲛⲛⲏⲩ ⲉⲃⲟⲗ ϩⲛ ⲧⲧⲁⲡⲣⲟ

28:13  ϣϣⲉ ⲉⲥϩⲟⲩⲣⲟⲩⲣⲉϥⲕⲁⲥⲕⲥ ⲙⲛ ⲟⲩⲗⲁⲥ ⲥⲛⲁⲩ ⲁϥⲧⲁⲕⲉϩⲁϩ ⲅⲁⲣ ⲉⲩⲟ ⲛⲉⲓⲣⲏⲛⲏ

28:14  ϣⲁⲣⲉⲟⲩⲗⲁⲥ ⲛⲣⲉϥϫⲟⲕϫⲕ ⲕⲓⲙ ⲉⲩⲙⲏⲏϣⲉ ⲛϥⲡⲟⲟⲛⲟⲩ ⲉⲃⲟⲗ ⲛϩⲉⲑⲛⲟⲥ ⲉϩⲉⲑⲛⲟⲥ ⲁⲩⲱ ⲛϥϣⲟⲣϣⲣ ⲛϩⲉⲛⲡⲟⲗⲓⲥ ⲉⲩⲟⲣϫ ⲁⲩⲱ ⲁϥⲧⲁⲩⲟ ⲉϩⲣⲁⲓ ⲛϩⲉⲛⲛⲟϭ ⲛⲏⲓ

28:15  ⲟⲩⲗⲁⲥ ⲛⲣⲉϥϫⲟⲕϫⲕ ⲁϥⲛⲉϫϩⲛϩⲓⲟⲙⲉ ⲉⲃⲟⲗ ⲛϫⲱⲱⲣⲉ ⲁⲩⲱ ⲁϥϩⲟⲩⲣⲱⲟⲩ ⲛⲛⲉⲩϩⲓⲥⲉ

28:16  ⲡⲉⲧⲕⲱ ⲛϩⲧⲏϥ ⲉⲣⲟϥ ⲛⲛⲉϥϩⲉ ⲉⲙⲧⲟⲛ ⲟⲩⲧⲉ ⲛⲛⲉϥⲟⲩⲱϩ ϩⲛ ⲟⲩⲥϭⲣⲁϩⲧ

28:17  ⲡⲗⲏⲅⲏ ⲡⲱⲗϩ

28:19  ϥⲃⲱⲕ ϩⲙ ⲡⲉϥϭ[ⲱⲛⲧ] ⲁⲩⲱ ⲡⲉⲧⲉⲙⲡϥⲥⲱⲕ ϩⲁ ⲡⲉϥⲛⲁϩⲃⲉϥ ⲁⲩⲱ ⲡⲉⲧⲉⲙⲡⲟⲩⲙⲟⲣϥ ϩⲛ ⲛⲉϥⲙⲣⲣⲉ

28:20  ⲡⲉϥⲛⲁϩⲃⲉϥ ⲅⲁⲣ ⲟⲩⲛⲁϩⲃⲉϥ ⲙⲡⲉⲛⲓⲡⲉ ⲡⲉ ⲁⲩⲱ ⲛⲉϥⲙⲣⲣⲉ ϩⲉⲛⲙⲣⲣⲉ ⲛϩⲟⲙⲧ ⲛⲉ

28:21  ⲟⲩⲙⲟⲩ ⲉϥϩⲟⲟⲩ ⲡⲉ ⲡⲉϥⲙⲟⲩ ⲁⲩⲱ ⲛⲁⲛⲟⲩⲁⲙⲛⲧⲉ ⲉϩⲟⲩⲟ ⲉⲣⲟϥ

28:22  ⲛⲛⲉϥⲁⲙⲁϩⲧⲉ ⲉϫⲛ ⲛⲣⲙⲛⲛⲟⲩⲧⲉ ⲁⲩⲱ ⲛⲛⲉϥⲣⲟⲭⲟⲩ ϩⲛ ⲡⲉϥϣⲁϩ

28:23  ⲉⲣⲉⲛⲉⲧⲕⲱ ⲛⲥⲱⲟⲩ ⲙⲡϫⲟⲉⲓⲥ ϩⲉⲓ ⲉⲧⲟⲟⲧϥ ⲛⲥⲉⲧⲙϩⲟⲟⲩ ⲛϩⲏⲧϥ ⲛⲥⲉⲧⲙⲱϣⲙ ⲉⲩⲉⲧⲛⲛⲟⲟⲩϥ ⲉϫⲱⲟⲩ ⲛⲑⲉ ⲛⲛⲓⲙⲟⲩⲓ ⲁⲩⲱ ⲉϥⲉⲧⲁⲕⲟⲟⲩ ⲛⲑⲉ ⲛⲟⲩⲡⲁⲣⲇⲁⲗⲓⲥ

28:24  ⲁⲣⲉϩ ⲛⲅϫⲗϫⲗ ⲡⲉⲕϭⲱⲙ ⲛϣⲟⲛⲧⲉ ⲙⲣⲡⲉⲕϩⲁⲧ ⲙⲛ ⲡⲉⲕⲛⲟⲩⲃ

28:25  ⲛⲅⲧⲁⲙⲓⲉⲟⲩⲙⲁϣⲑⲁⲙ ⲛⲙ ⲟⲩ[ϣⲓ ⲛ]ⲛⲉⲕϣⲁϫⲉ ⲁⲩⲱ ⲛⲅⲧⲁⲙⲓⲉⲟⲩⲣⲟ [ⲛⲣⲱ]ⲕ ⲙⲛ ⲟⲩⲙⲟⲭⲗⲟⲥ

28:26  ϯϩⲧⲏⲕ [ⲉⲣⲟⲕ ⲙⲏⲡⲟⲧⲉ ⲛⲅ]ⲥⲗⲁⲁⲧⲉ ϩⲛ ⲣⲱⲕ ⲛⲅϩⲉ ⲙⲡⲉⲙⲧⲟ ⲉⲃⲟⲗ ⲛⲛⲉⲧϭⲱⲣϭ ⲉⲣⲟⲕ

Chapter 29

29:1  ⲡⲉⲧⲉⲓⲣⲉ [ⲛⲟⲩⲛⲁ ϥⲛⲁϫⲓ]ⲙⲏⲥⲉ ⲙⲡⲉⲧϩⲓⲧⲟⲩⲱϥ ⲁⲩⲱ ⲡⲉⲧⲥⲟⲟⲩⲧⲛ ⲛⲧⲟⲟⲧϥ ⲉⲃⲟⲗ ⲉϥⲁⲣⲉϩ ⲉⲛⲉⲛⲧⲟⲗⲏ

29:2  ϯ ⲙⲡⲉⲧϩⲓⲧⲟⲩⲱⲕ ⲙⲡⲉⲟⲩⲟⲉⲓϣ ⲉⲧϥ[ⲣⲭⲣ]ⲓⲁ ⲁⲩⲱ ⲟⲛ ⲛⲅϯ ⲙⲡⲉⲧϩⲓⲧⲟⲩⲱⲕ ⲙⲡⲉϥⲧⲉ

29:3  ⲙⲁⲧⲁϫⲣⲉⲡϣⲁϫⲉ ⲛⲅⲧⲁⲛϩⲟⲩⲧⲕ ⲛⲙⲙⲁϥ ⲁⲩⲱ ⲕⲛⲁϩⲉ ⲉⲧⲉⲭⲣⲓⲁ ⲛⲟⲩⲟⲉⲓϣ ⲛⲓⲙ

29:4  ⲉⲣⲉϩⲁϩ ⲙⲉⲉⲩⲉ ϫⲉ ⲟⲩϩⲏⲩ ⲡⲉ ⲡϫⲓⲙⲏⲥⲉ ⲁⲩⲱ ⲁⲩϯϩⲓⲥⲉ ⲛⲛⲉⲛⲧⲁⲩⲃⲟⲏⲑⲓ ⲛⲁⲩ

29:5  ϣⲁϥϯⲡⲓ ⲉⲛⲉϥϭⲓϫ ϣⲁⲛⲧϥϫⲓ ⲛϥⲑⲃⲃⲓⲉⲧⲉϥⲥⲙⲏ ϩⲓ ⲛⲉⲭⲣⲏⲙⲁ ⲙⲡⲉⲧϩⲓⲧⲟⲩⲱϥ ϩⲙ ⲡⲉⲟⲩⲟⲉⲓϣ ⲛⲧⲁⲁⲩ ϣⲁϥⲧⲁⲗⲉⲛⲉ ⲉϩⲣⲁⲓ ⲛϥϫⲱ ⲛϩⲛϣⲁϫⲉ ⲡⲙⲕⲁϩ ⲛϩⲏⲧ ⲁⲩⲱ ⲛϥϭⲛⲁⲣⲓⲕⲉ ⲉⲡⲉⲟⲩⲟⲉⲓϣ

29:6  ⲉϥϣⲁⲛϭⲙϭⲟⲙ ⲙⲟⲅⲓⲥ ϣⲁϥϫⲓⲧⲡⲁϣⲉ ⲛϥ[ⲙⲉⲉⲩⲉ] ϫⲉ ⲟⲩϩⲏⲩ ⲡⲉ ⲉϣⲱⲡⲉ ⲙⲙⲟⲛ ϣⲁϥϩⲟⲩⲣⲱⲱϥ ⲛⲛⲉϥⲭⲣⲏⲙⲁ ⲛϥⲕⲁⲁϥ ⲛⲁϥ ⲛϫⲁϫⲉ ⲛϫⲓⲛϫⲏ [ϥϯ ⲛⲁϥ ⲛ]ϩⲉⲛⲥⲁϩⲟⲩ ⲙⲛ ϩⲉⲛϩⲟⲟⲩϣ [ⲁⲩⲱ ⲉ]ⲡⲙⲁ ⲛⲟⲩⲉⲟⲟⲩ ϣⲁϥϯ ⲛⲁϥ ⲛⲟⲩⲥⲱϣ

29:7  [ⲁϩⲁ]ϩ ⲕⲧⲟⲟⲩ ⲉⲃⲟⲗ ⲉⲧⲃⲉ ⲧⲡⲟⲛⲏⲣⲓⲁ ⲁⲛ [ⲁⲩ]ⲣϩⲟⲧⲉ ⲉⲧⲣⲉⲩϥⲟϭⲟⲩ ⲛϫⲓⲛϫⲏ

29:8  ⲡⲗⲏⲛ ⲁⲣⲓϩⲁⲣϣϩⲏⲧ ⲉϫⲙ ⲡⲉⲧⲑⲃⲃⲓⲏⲩ ⲁⲩⲱ ⲙⲡⲣⲟⲃϣⲕ ⲉⲣⲟϥ ⲉⲩⲙⲛⲧⲛⲁ

29:9  ϣ[ⲱⲡ ⲉⲣ]ⲟⲕ ⲙⲫⲏⲕⲉ ⲉⲧⲃⲉ ⲧⲉⲛⲧⲟⲗⲏ ⲁⲩⲱ ⲕⲁⲧⲁ ⲡⲉϥϭⲣⲱϩ ⲙⲡⲣⲕⲧⲟϥ ⲉⲃⲟⲗ ⲉϥϣⲟⲩⲉⲓⲧ

29:10  ⲛⲉϫϩⲟⲙⲛⲧ ⲉⲃⲟⲗ ⲉⲧⲃⲉ ⲥⲟⲛ ϩⲓ ϣⲃⲏⲣ ⲛⲅⲧⲙⲧⲣⲉⲩⲣϣⲏⲃⲉ ϩⲁ ⲡⲱⲛⲉ ⲉⲡⲧⲁⲕⲟ

29:11  ⲕⲁⲡⲉⲕⲁϩⲟ ⲕⲁⲧⲁ ⲛⲉⲛⲧⲟⲗⲏ ⲙⲡⲉⲧϫⲟⲥⲉ ⲁⲩⲱ ⲥⲉⲛⲁⲣⲛⲟϥⲣⲉ ⲛⲁⲕ ⲉϩⲟⲩⲟ ⲉⲡⲛⲟⲩⲃ

29:12  ⲥⲉⲩϩⲛⲉⲕⲙⲛⲧⲛⲁ ⲉϩⲟⲩⲛ ⲉⲛⲉⲕⲧⲁⲙⲓⲟⲛ ⲁⲩⲱ ⲥⲉⲛⲁⲧⲟⲩϫⲟⲕ ϩⲛ ϩⲓⲥⲉ ⲛⲓⲙ

29:13  ⲉϩⲟⲩⲟ ⲉⲡⲧⲁϫⲣⲟ ⲛⲟⲩϭⲗ ⲙⲛ ⲧϭⲟⲙ ⲛⲟⲩⲙⲉⲣⲉϩ ⲁⲩⲱ ⲥⲉⲛⲁⲙⲓϣⲉ ⲉϫⲱⲕ ⲙⲡⲉⲙⲧⲟ ⲉⲃⲟⲗ ⲙⲡϫⲁϫⲉ

29:14  ϣⲁⲣⲉⲟⲩⲣⲱⲙⲉ ⲛⲁⲅⲁⲑⲟⲥ ϣⲡⲧⲱⲣⲉ ⲙⲡⲉⲧϩⲓⲧⲟⲩⲱϥ ϣⲁⲣⲉⲡⲁⲧϣⲓⲡⲉ ⲇⲉ ⲛⲧⲟϥ ⲕⲁⲁϥ ⲛⲥⲱϥ

29:15  ⲙⲡⲣⲣⲡⲱⲃϣ ⲛⲛⲉⲭⲁⲣⲓⲥ ⲛⲟⲩϣⲡⲧⲱⲣⲉ ⲁϥϯⲧⲉϥⲯ[ⲩⲭⲏ ⲅⲁⲣ] ϩⲁⲣⲟⲕ

29:16  ϣⲁⲣⲉⲡⲣⲉϥⲣⲛⲟⲃⲉ ⲣⲡⲱⲃϣ ⲛⲛⲁⲛⲟⲩ ⲛⲟⲩϣⲡⲧⲱⲣⲉ

29:17  ⲁⲩⲱ ϣⲁⲣⲉⲡⲁⲧϩⲙⲟⲧ ϩⲙ ⲡⲉϥϩⲏⲧ [ⲕⲱ] ⲛⲥⲱϥ ⲙⲡⲉⲧⲁϥⲛⲁϩⲙⲉϥ

29:18  ⲁϣⲡⲧⲱⲣⲉ ⲧⲁⲕⲉⲟⲩⲙⲏⲏϣⲉ ⲉⲩⲥⲟⲩⲧⲱⲛ ⲁⲩⲱ ⲁϥⲕⲓⲙ ⲉⲣⲟⲟⲩ ⲛⲑⲉ ⲛⲟⲩ[ϩⲟⲉⲓⲙ ⲛ]ⲑⲁⲗⲁⲥⲥⲁ ⲁϥⲡⲱⲱⲛⲉ ⲉⲃⲟⲗ ⲛϩⲉⲛⲣⲱⲙⲉ ⲛⲇⲩⲛⲁⲧⲟⲥ ⲁⲩⲱ ⲁⲩⲡⲗⲁⲛⲁ ϩⲛ ϩⲉⲛϩⲉⲑⲛⲟⲥ ⲉⲛⲛⲟⲩⲟⲩ ⲁⲛ ⲡⲉ

29:19  ⲡⲣⲉϥⲣⲛⲟⲃⲉ ⲉϥⲉϩⲉ ⲉⲩⲙⲛⲧⲣⲉϥϣⲡⲧⲱⲣⲉ ⲁⲩⲱ ⲡⲉⲧⲡⲏⲧ ⲛⲥⲁ ϩⲉⲛⲉⲣⲅⲟⲗⲁⲃⲓⲁ ⲙⲁⲣⲉϥϩⲉ ⲉⲩϫⲓϩⲁⲡ

29:20  ϣⲱⲡ ⲉⲣⲟⲕ ⲙⲡⲉⲧϩⲓⲧⲟⲩⲱⲕ ⲕⲁⲧⲁ ⲧⲉⲕϭⲟⲙ ⲁⲩⲱ ϯϩⲧⲏⲕ ⲉⲣⲟⲕ ⲙⲏⲡⲟⲧⲉ ⲛⲅϩⲉ

29:21  ⲧⲁⲣⲭⲏ ⲛⲧϭⲓⲛⲱⲛϩ ⲡⲉ ⲟⲩⲟⲉⲓⲕ ⲙⲛ ⲟⲩⲙⲟⲟⲩ ⲙⲛ ⲟⲩϣⲧⲏⲛ ⲙⲛ ⲟⲩⲏⲓ ⲉϥϩⲱⲃⲥ ⲙⲡϣⲓⲡⲉ

29:22  ⲛⲁⲛⲟⲩ ⲧϭⲓⲛⲱⲛϩ ⲛⲟⲩϩⲏⲕⲉ ⲉϥⲟⲩⲏϩ ϩⲁ ⲧⲟⲩⲉϩⲥⲟⲓ ⲙⲡⲉϥⲏⲓ ⲉϩⲟⲩⲉ ϩⲛⲛⲟϭ ⲛϭⲓⲛⲟⲩⲱⲙ ϩⲛ ⲟⲩⲏⲓ ⲉⲙⲡⲱⲕ ⲁⲛ ⲡⲉ

29:23  ϣⲱⲡⲉ ⲉⲕⲧⲏⲕ ⲛϩⲏⲧ ⲉϫⲛ ⲡⲉⲧⲉⲟⲩⲛⲧⲁⲕϥ

29:24  ⲟⲩϭⲓⲛⲱⲛϩ ⲉⲥϩⲟⲟⲩ ⲡⲉ ⲡⲱⲛⲉ ⲉⲃⲟⲗ ϩⲛ ⲟⲩⲏⲓ ⲉⲟⲩⲏⲓ ⲁⲩⲱ ⲛⲛⲉϥⲉϣⲟⲩⲱⲛ ⲛⲣⲱϥ ϩⲙ ⲡⲉϥⲙⲁ ⲛϣⲱⲡⲉ

29:25  ϣⲁϥϯⲧⲁⲉⲓⲟ ⲁⲩⲱ ⲛϥⲧⲥⲉⲓⲟ ……ϣⲡϩⲙⲟⲧ ⲁⲩⲱ ⲙⲛⲛⲥⲁ ⲛⲁⲓ ϣⲁϥⲥⲱⲧⲙ ⲉϩⲉⲛϣⲁϫⲉ ⲉⲩⲛⲁϣⲧ

29:26  ϫⲉ ⲁⲙⲟⲩ ⲡⲣⲙⲛϣϭⲟⲣ ⲙⲁⲧⲁⲙⲓⲉⲟⲩⲧⲣⲁⲡⲉⲍⲁ ⲁⲩⲱ ⲙⲁⲧⲙⲙⲟⲓ ⲙⲡⲉⲧⲉⲟⲩⲛⲧⲁⲕϥ

29:27  ⲃⲱⲕ ⲉⲃⲟⲗ ⲡⲣⲙⲛϣϭⲟⲣ ϩⲁⲑⲏ ⲙⲡⲁⲓ ⲉⲧⲧⲁⲉⲓⲏⲩ ⲁⲡⲁⲥⲟⲛ ϭⲟⲉⲓⲗⲉ ⲉⲣⲟⲓ ϯⲣⲭⲣⲓⲁ ⲙⲡⲁⲏⲓ

29:28  ⲛⲁⲓ ϩⲟⲣϣ ⲛⲛⲁϩⲣⲛ ⲟⲩⲣⲱⲙⲉ ⲛⲥⲁⲃⲉ ⲧⲉⲡⲓⲧⲓⲙⲓⲁ ⲛⲟⲩⲏⲓ ⲙⲛ ⲡⲛⲟϭⲛⲉϭ ⲛⲟⲩⲇⲁⲛⲓⲥⲧⲏⲥ

Chapter 30

30:1  ⲡⲉⲧⲙⲉ ⲙⲡⲉϥϣⲏⲣⲉ ϥⲛⲁⲧⲁϣⲉϩⲓⲟⲩⲉ ⲉⲣⲟϥ ϫⲉ ⲉϥⲉⲉⲩⲫⲣⲁⲛⲉ ϩⲛ ⲧⲉϥϩⲁⲏ

30:2  ⲡⲉⲧϯⲥⲃⲱ ⲙⲡⲉϥϣⲏⲣⲉ ϥⲛⲁϫⲓⲉⲟⲟⲩ ⲛϩⲏⲧϥ ⲁⲩⲱ ϥⲛⲁϣⲟⲩϣⲟⲩ ⲙⲙⲟϥ ϩⲓⲱⲱϥ ϩⲛ ⲧⲙⲛⲧⲉ ⲛⲛⲉⲧⲥⲟⲟⲩⲛ ⲙⲙⲟϥ

30:3  ⲡⲉⲧϯⲥⲃⲱ ⲙⲡⲉϥϣⲏⲣⲉ ϥⲛⲁϯⲕⲱϩ ⲛⲛⲉϥϫⲁϫⲉ ⲁⲩⲱ ϥⲛⲁⲧⲉⲗⲏⲗ ⲉⲧⲃⲏⲧϥ [ⲙⲡⲉⲙⲧⲟ] ⲉⲃⲟⲗ ⲛⲛⲉϥϣⲃⲉⲉⲣ

30:4  ⲉⲣϣⲁⲛⲡⲉϥⲉⲓⲱⲧ ⲙⲟⲩ ⲉϥⲛⲁⲣⲑ[ⲉ ⲙ]ⲡⲉⲧⲉ ⲙⲡϥⲙⲟⲩ ϫⲉ ⲁϥⲕⲱ ⲛⲥⲱϥ ⲙⲡⲉⲧⲉⲓⲛⲉ ⲙⲙⲟϥ

30:5  ⲁϥⲛⲁⲩ ⲉϫⲛ ⲡⲉϥⲱⲛϩ ⲁϥⲉⲩⲫⲣⲁⲛⲉ ⲁⲩⲱ ⲙⲡⲉϥⲗⲩⲡ[ⲓ …]ⲛⲁⲙⲟⲩ

30:6  ϫⲉ ⲁϥⲕⲱ ⲛⲟⲩⲧⲁⲓⲕⲃⲁ ⲙⲡⲉⲙⲧⲟ ⲉⲃⲟⲗ ⲛⲛⲉϥϫⲁϫⲉ ⲁⲩⲱ ⲟⲩⲧⲁⲓⲭⲁⲣⲓⲥ ⲛⲛⲉϥϣⲃⲉⲉⲣ

30:7  ⲉⲧⲃⲉ ⲧⲉⲯⲩⲭⲏ ⲛⲛⲉϥϣⲏⲣⲉ ϥⲛⲁⲙⲟⲩⲣ ⲛⲛⲉⲩⲥⲁϣ ⲁⲩⲱ ⲛⲉϥⲙⲛⲧϣⲁⲛϩⲧⲏϥ ⲛⲁϣⲧⲟⲣⲧⲣ ⲉϫⲛ ⲡⲉⲩⲁϣⲕⲁⲕ ⲧⲏⲣϥ

30:8  ϣⲁⲣⲉⲟⲩϩⲧⲟ ⲉⲙⲡⲟⲩⲥⲟⲙϥ ⲉⲓ ⲉⲃⲟⲗ ⲉϥⲛⲁϣⲧ ⲁⲩⲱ ϣⲁⲣⲉⲟⲩϣⲏⲣⲉ ⲉⲁⲩⲕⲁϫⲏⲣ ⲉⲃⲟⲗ ⲛⲥⲱϥ ⲉⲓ ⲉⲃⲟⲗ ⲉϥⲁⲥⲱⲟⲩ

30:9  ϣⲉⲡϣⲡⲡⲉⲕϣⲏⲣⲉ ⲧⲁⲣⲉϥϣⲧⲣⲧⲱⲣⲕ ⲥⲱⲃⲉ ⲛⲙⲙⲁϥ ⲧⲁⲣⲉϥϯⲗⲩⲡⲏ ⲛⲁⲕ

30:10  ⲙⲡⲣⲥⲱⲃⲉ ⲛⲙⲙⲁϥ ϫⲉ ⲛⲉⲕⲙⲕⲁϩ ⲛϩⲏⲧ ⲉϫⲱϥ ⲁⲩⲱ ⲛϥϯⲛⲟⲩϣⲥ ⲛⲛⲉⲕⲛⲁϫⲉ ⲛⲑⲁⲏ

30:11  ⲙⲡⲣϯⲉⲝⲟⲩⲥⲓⲁ ⲛⲁϥ ϩⲛ ⲧⲉϥⲙⲛⲧⲕⲟⲩⲓ

30:12  ⲗⲱϫϩ ⲛⲛⲉϥⲥⲡⲓⲣⲟⲟⲩⲉ ⲉⲛϩⲟⲥⲟⲛ ⲉⲩⲕⲟⲩⲓ ⲡⲉ ϫⲉⲕⲁ[ⲥ ⲛⲛⲉ]ϥⲣ ⲛⲟϭ ⲛϥⲣⲁⲧⲥⲱⲧⲙ ⲛⲥⲱⲕ

30:13  ϯⲥⲃⲱ ⲙⲡⲉⲕϣⲏⲣⲉ ⲛⲅⲣϩⲱⲃ ⲛϩⲏⲧϥ ϫⲉⲕⲁⲁⲥ ⲛⲛⲉⲕϫⲓϫⲣⲟⲡ ϩⲙ ⲡⲉϥϣⲓⲡⲉ

30:14  ⲛⲁⲛⲟⲩ ⲟⲩϩⲏⲕⲉ ⲉϥⲙⲟⲧⲛ ⲉϥϭⲙϭⲟⲙ ϩⲙ ⲡⲉϥⲥⲱⲙⲁ ⲉϩⲟⲩⲉ ⲟⲩⲣⲱⲙⲉ ⲛⲣⲙⲙⲁⲟ ⲉϥϣⲱⲛⲉ ϩⲙ ⲡⲉϥⲥⲱⲙⲁ

30:15  ϥⲥⲟⲧⲡ ⲛϭⲓ ⲟⲩⲙⲧⲟⲛ ⲙⲛ ⲟⲩⲟⲩϫⲁⲓ ⲉϩⲟⲩⲉ ⲛⲟⲩⲃ ⲛⲓⲙ ⲁⲩⲱ ⲟⲩⲥⲱⲙⲁ ⲉϥⲙⲟⲧⲛ ⲉϩⲟⲩⲉ ⲟⲩⲙⲛⲧⲣⲙⲙⲁⲟ ⲉⲙⲛⲧⲥ ⲁⲣⲏϫⲥ

30:16  ⲛⲁⲛⲟⲩ ⲧⲙⲛⲧⲣⲙⲙⲁⲟ ⲁⲛ ⲉϩⲟⲩⲉ ⲟⲩⲥⲱⲙⲁ ⲉϥⲟⲩⲟϫ ⲁⲩⲱ ⲙⲛ ⲟⲩⲛⲟϥ ⲥⲟⲧⲡ ⲉⲡⲟⲩⲛⲟϥ ⲙⲫⲏⲧ

30:17  ⲛⲁⲛⲟⲩ ⲡⲙⲟⲩ ⲉϩⲟⲩⲉ ⲟⲩϭⲓⲛⲱⲛϩ ⲉⲥϩⲟⲟⲩ ⲁⲩⲱ ⲉϩⲟⲩⲉ ⲟⲩϣⲱⲛⲉ ⲉϥⲙⲏⲡ ⲉⲃⲟⲗ ⲉⲧⲃⲉ ϭⲓⲛⲟⲩⲱⲙ

30:18  [ⲟ]ⲩ ⲡⲉ ⲫⲏⲩ ⲛϩⲉⲛⲁⲅⲁⲑⲟⲛ ⲉⲩⲡⲁϩⲧ ⲉϫⲛ ⲟⲩⲧⲁⲡⲣⲟ ⲉⲥϣⲟⲧⲙ ⲙⲛ ϩⲛϭⲓⲛⲟⲩⲟⲟⲙ ⲉⲩϩⲟⲣϭ ⲉϫⲛ ⲟⲩⲧⲁⲫⲟⲥ

30:19  ⲁⲩⲱ ⲟⲩⲧⲁⲗⲟ ⲛⲉⲓⲇⲱⲗⲟⲛ ⲟⲩⲧⲉ ⲅⲁⲣ ⲙⲉϥⲟⲩⲱⲙ ⲟⲩ[ⲧⲉ ⲙⲉϥϣⲱⲗ]ⲙ ⲧⲁⲓ ⲧⲉ ⲑⲉ ⲙⲡⲉⲧⲉⲣⲉⲡϫⲟⲉ[ⲓⲥ …] ⲛϩⲏⲧϥ

30:20  ⲉϥϭⲱϣⲧ ⲉⲣⲟⲟⲩ ϩⲛ ⲛⲉϥⲃⲁⲗ ⲉϥⲁϣ[ⲁ]ϩ[ⲟ]ⲙ ⲛⲑⲉ ⲛⲟⲩⲥⲓⲟⲩⲣ ⲉϥϩⲟⲗϭ ⲉⲩⲡⲁⲣⲑⲉⲛⲟⲥ ⲉϥⲁϣⲁϩⲟⲙ

30:21  ⲙⲡⲣϯⲡⲉⲕϩⲏⲧ ⲉⲩⲗⲩⲡⲏ ⲁⲩⲱ ⲙⲡⲣⲑⲗⲓⲃⲉ ⲙⲙⲟⲕ ϩⲙ ⲡⲉⲕϣⲟϫⲛⲉ

30:22  ⲡⲟⲩⲛⲟϥ ⲙⲫⲏⲧ ⲡⲉ ⲡⲱⲛϩ ⲙⲡⲣⲱⲙⲉ ⲁⲩⲱ ⲟⲩⲧⲉⲗⲏⲗ ⲙⲡⲣⲱⲙⲉ ⲡⲉ ⲟⲩⲛⲟϭ ⲛⲁϩⲉ

30:23  ⲥⲗⲥⲗⲧⲉⲕⲯⲩⲭⲏ ⲛⲅⲡⲁⲣⲁⲕⲁⲗⲉⲓ ⲙⲡⲉⲕϩⲏⲧ ⲁⲩⲱ ⲙⲁⲣⲉⲧⲗⲩⲡⲏ ⲟⲩⲉ ⲛⲥⲁⲃⲟⲗ ⲙⲙⲟⲕ ⲁⲧⲗⲩⲡⲏ ⲅⲁⲣ ⲧⲁⲕⲉϩⲁϩ ⲁⲩⲱ ⲙⲛϩⲏⲩ ⲛϩⲏⲧⲥ

30:24  ϣⲁⲣⲉⲟⲩⲕⲱϩ ⲙⲛ ⲟⲩϭⲱⲛⲧ ⲧⲥⲃⲕⲉ ⲛⲉϩⲟⲟⲩ ⲁⲩⲱ ϣⲁⲣⲉⲡⲣⲟⲟⲩϣ ⲉⲓⲛⲉ ⲛⲧⲙⲛⲧϩⲗⲗⲟ ϩⲁⲑⲏ ⲙⲡⲉⲥⲟⲩⲟⲉⲓϣ

30:25  ⲛⲑⲉ ⲙⲡⲉⲧⲥⲣⲓⲧ ϩⲓⲡⲁϩⲟⲩ ⲛⲛⲉⲧϫⲱⲱⲗⲉ ⲁⲩⲱ ⲁⲓⲙⲉϩⲧⲁϩⲣⲱⲧ ⲛⲑⲉ ⲙⲡⲉⲧϫⲱⲱⲗⲉ ⲁⲓⲡⲱϩ ϩⲙ ⲡⲉⲥⲙⲟⲩ ⲙⲡϫⲟⲉⲓⲥ

30:26  ⲁⲛⲁⲩ ϫⲉ ⲛⲧⲁⲓϣⲡϩⲓⲥⲉ ⲛⲁⲓ ⲙⲁⲩⲁⲁⲧ ⲁⲗⲗⲁ ⲛⲟⲩⲟⲛ ⲛⲓⲙ ⲉⲧϣⲓⲛⲉ ⲛⲥⲁ ⲧⲉⲥⲃⲱ

30:27  [ⲥⲱⲧⲙ ⲉⲣⲟⲓ] ⲛⲁⲡⲏⲩⲉ ⲙⲡⲗⲁⲟⲥ [ⲁⲩⲱ] ⲛⲛⲟϭ ⲛⲛⲉⲕⲕⲗⲏⲥⲓⲁ ϫⲓⲥⲙⲏ

30:28  [ⲙⲡⲣ]ϯϩⲧⲟⲣ ⲙⲡⲉⲕϣⲏⲣⲉ ⲙⲛ ⲧⲉⲕⲥϩⲓⲙⲉ ⲁⲩⲱ ⲡⲉⲕⲥⲟⲛ ⲙⲛ ⲡⲉⲕϣⲃⲏⲣ ⲉϩⲣⲁⲓ ⲉϫⲱⲕ ⲉⲕⲟⲛϩ ⲙⲡⲣϯⲡⲉⲕⲭⲣⲏⲙⲁ ⲛⲕⲉⲟⲩⲁ ϫⲉ ⲛⲉⲕⲣϩⲧⲏⲕ ⲛⲅⲥⲟⲡⲥ ⲉⲧⲃⲏⲧⲟⲩ

30:29  ⲉⲛϩⲟⲥⲟⲛ ⲉⲕⲟⲛϩ ⲉⲩⲛⲛⲓϥⲉ ⲛϩⲏⲧⲕ ⲙⲡⲣⲧⲁⲛϩⲟⲩⲧⲕ ⲙⲡⲥⲁⲣⲝ ⲛⲓⲙ

30:30  ⲛⲁⲛⲟⲩⲥ ⲅⲁⲣ ⲉⲧⲣⲉⲛⲉⲕϣⲏⲣⲉ ⲧⲟⲃϩⲕ ⲉϩⲟⲩⲉ ϭⲱϣⲧ ⲉⲧⲟⲟⲧⲟⲩ ⲛⲛⲉⲕϣⲏⲣⲉ

30:31  ϣⲱⲡⲉ ⲉⲕϫⲟⲥⲉ ⲉⲣⲟⲟⲩ ϩⲛ ⲛⲉⲕϩⲃⲏⲩⲉ ⲧⲏⲣⲟⲩ ⲙⲡⲣϯⲧⲱⲗⲙ ⲙⲡⲉⲕⲉⲟⲟⲩ

30:32  ϩⲛ ⲑⲁⲏ ⲛⲛⲉϩⲟⲟⲩ ⲙⲡⲉⲕⲱⲛϩ ⲁⲩⲱ ϯ ⲛⲧⲉⲕⲕⲗⲏⲣⲟⲛⲟⲙⲓⲁ ⲙⲡⲉⲟⲩⲟⲉⲓϣ ⲙⲡⲉⲕⲙⲟⲩ

30:33  ϯⲧⲱϩ ϩⲓ ϭⲉⲣⲱⲃ ϩⲓ ⲉⲧⲡⲱ ⲛⲟⲩⲉⲓⲱ ⲁⲩⲱ ⲟⲩⲟⲉⲓⲕ ⲙⲛ ⲟⲩⲥⲃⲱ ⲙⲛ ⲟⲩϩⲱⲃ ⲛⲟⲩϩⲙϩⲁⲗ

30:34  ⲁⲣⲓϩⲱⲃ ϩⲛ ⲡⲉⲕϩⲙϩⲁⲗ ⲧⲁⲣⲉⲕϩⲉ ⲉⲩⲙⲧⲟⲛ ⲃⲉϣⲧⲟⲟⲧⲕ ⲛⲁϥ ⲧⲁⲣⲉϥϣⲓⲛⲉ ⲛⲥⲁ ⲟⲩⲙⲛⲧⲣⲙϩⲉ

30:35  ϣⲁⲣⲉⲟⲩⲛⲁϩⲃ ⲙⲛ ⲟⲩⲙⲟⲩⲥ ⲕⲗϫⲟⲩⲙⲁⲕϩ ⲁⲩⲱ ϩⲛⲙⲟⲕϩⲥ ⲙⲛ ϩⲛⲃⲁⲥⲁⲛⲟⲥ ⲛⲟⲩϩⲙϩⲁⲗ ⲉϥϩⲟⲟⲩ

30:36  ⲛⲟϫϥ ⲉⲩϩⲱⲃ ϫⲉ ⲛⲛⲉϥⲟⲩⲱⲥϥ

30:37  ϣⲁⲣⲉⲡⲟⲩⲱⲥϥ ⲅⲁⲣ ⲧⲥⲁⲃⲟⲟⲩ ⲉⲩⲛⲟϭ ⲛⲕⲁⲕⲓⲁ

30:38  ⲛⲟϫϥ ⲉⲩϩⲱⲃ ⲛϣⲟⲩⲣⲟϥ ⲉϥⲧⲙⲥⲱⲧⲙ ⲙⲁⲧⲁϣⲉ ⲛⲉϥⲡⲁⲓⲇⲉⲥ ⲁⲩⲱ ⲙⲡⲣⲣϩⲟⲩⲟ ⲙⲛ ⲥⲁⲣⲝ ⲛⲓⲙ ⲁⲩⲱ ⲙⲡⲣⲣⲗⲁⲁⲩ ⲁϫⲛ ϫⲛⲟⲩⲕ

30:39  ⲉϣϫⲉ ⲟⲩⲛⲧⲕ ϩⲙϩⲁⲗ ⲙⲁⲣⲉϥⲣⲧⲉⲕϩⲉ ϫⲉ ⲛⲧⲁⲕⲕⲁⲁϥ ⲛⲁⲕ ϩⲛ ⲟⲩⲥⲛⲟϥ ⲉϣϫⲉ ⲟⲩⲛⲧⲕ ϩⲙϩⲁⲗ ⲁⲛⲓϥ ⲛⲉⲙⲁⲕ ⲉϩⲣⲁⲓ ϩⲱⲥ ⲥⲟⲛ ⲛⲅⲙⲟⲣϥ ⲉⲣⲟⲕ ⲛⲑⲉ ⲛⲧⲉⲕⲯⲩⲭⲏ

30:40  ⲉⲕϣⲁⲛⲑⲙⲕⲟϥ ϥⲛⲁⲧⲱⲟⲩⲛ ⲛϥⲡⲱⲧ ⲁⲩⲱ ⲉⲕⲛⲁϣⲓⲛⲉ ⲛⲥⲱϥ ϩⲛ ⲁϣ ⲛϩⲓⲏ

Chapter 31

31:1  ϩⲛϩⲉⲗⲡⲓⲥ ⲉⲩϣⲟⲩⲉⲓⲧ ⲁⲩⲱ ϩⲛϭⲟⲗ ⲛⲟⲩⲣⲱⲙⲉ ⲛⲁⲑⲏⲧ ⲁⲩⲱ ϣⲁⲣⲉⲧⲣⲁⲥⲟⲩ ϯⲁⲥⲁⲓ ⲙⲡⲁⲑⲏⲧ

31:2  ⲛⲑⲉ ⲙⲡⲉⲧⲁⲙⲁϩⲧⲉ ⲛⲟⲩϩⲁⲓⲃⲉⲥ ⲉⲧⲡⲏⲧ ⲛⲥⲁ ϩⲉⲛⲧⲏⲩ ⲑⲟⲣⲁⲥⲓⲥ ⲛⲛⲣⲁⲥⲟⲩ ⲡⲉ

31:3  ⲉⲣⲉⲡⲁⲓ ⲧⲛⲧⲱⲛ ⲉⲡⲁⲓ ⲁⲩⲱ ⲡⲓⲛⲉ ⲛⲟⲩϩⲟ ⲡⲉ ⲙⲡⲉⲙⲧⲟ ⲉⲃⲟⲗ ⲙⲡⲉⲕϩⲟ

31:4  ⲟⲩ ⲡⲉⲧⲛⲁⲧⲃⲃⲟ ⲉⲃⲟⲗ ϩⲛ ⲡⲉⲧϫⲁϩⲙ ⲁⲩⲱ ⲟⲩ ⲡⲉⲧⲛⲁϫⲓⲙⲉ ϩⲛ ⲡϭⲟⲗ

31:5  ⲛⲧⲟⲛⲧⲛ ⲙⲛ ⲛϫⲓⲙⲁⲉⲓⲛ ⲙⲛ ⲛⲣⲁⲥⲟⲩ ϣⲟⲩⲉⲓⲧ [ⲁⲩⲱ ϣⲁⲣ]ⲉⲫⲏⲧ [ⲧ]ⲟⲛⲧⲛ ⲛⲑⲉ ⲛⲧⲉⲧϯⲛⲁⲁⲕⲉ

31:6  ⲉϣⲱⲡⲉ ⲛⲧⲁⲩⲧⲛⲛⲟⲟⲩⲥⲉ ⲛⲁⲕ ⲁⲛ ϩⲓⲧⲙ ⲡⲉ[ⲧϫ]ⲟⲥⲉ ϩⲛ ⲟⲩϭⲙⲡϣⲓⲛⲉ [ϫ]ⲉ ⲙⲡⲣϯⲡⲉⲕϩⲏⲧ ⲉⲣⲟⲟⲩ

31:7  ⲁⲣⲁⲥⲟⲩ ⲅⲁⲣ ⲡⲗⲁⲛⲁ ⲛϩⲁϩ ⲁⲩⲱ ⲛⲉⲧⲕⲱ ⲛϩⲧⲏⲩ ⲉⲣⲟⲟⲩ ⲁⲩϩⲉ ⲉⲃⲟⲗ

31:8  ⲉϣⲁⲩϫⲉⲕⲡⲛⲟⲙⲟⲥ ⲉⲃⲟⲗ ⲁϫⲛ ϭⲟⲗ ⲁⲩⲱ ⲟⲩϫⲱⲕ ⲉⲃⲟⲗ ⲛⲧⲧⲁⲡⲣⲟ ⲙⲡⲓⲥⲧⲟⲥ ⲡⲉ ⲧⲥⲟⲫⲓⲁ

31:9  ⲟⲩⲣⲱⲙⲉ ⲉϥⲕⲱⲧⲉ ϣⲁϥⲉⲓⲙⲉ ⲉϩⲁϩ ⲁⲩⲱ ⲡⲉⲛⲧⲁϥϫⲛⲧϩⲁϩ ϣⲁϥϫⲱ ⲛⲧⲙⲛⲧⲣⲙⲛϩⲏⲧ

31:10  ⲉⲣⲉⲡⲉⲧⲉⲙⲡⲟⲩϫⲟⲛⲧϥ ⲥⲟⲟⲩⲛ ⲛϩⲛⲕⲟⲩⲓ

31:11  ⲡⲉⲛⲧⲁϥⲙⲟⲩϣⲧ ⲇⲉ ⲛⲧⲟϥ ⲡⲉϣⲁϥⲧⲁϣⲉⲙⲛⲧⲥⲁⲃⲉ

31:12  ⲁⲓⲛⲁⲩ ⲉϩⲁϩ ϩⲙ ⲡⲧⲣⲁⲙⲟⲩϣⲧ ⲁⲩⲱ ⲧⲁⲙⲛⲧⲣⲙⲛϩⲏⲧ ⲡⲉ ⲡⲉϩⲟⲩⲟ ⲛⲛⲁϣⲁϫⲉ

31:13  ϩⲁϩ ⲛⲥⲟⲡ ⲁⲓⲕⲓⲛⲇⲩⲛⲉⲩⲉ ϣⲁ ⲡⲙⲟⲩ ⲁⲩⲱ ⲁⲓⲟⲩϫⲁⲓ ⲉⲧⲃⲉ ⲛⲁⲓ

31:14  ⲡⲉⲡⲛⲉⲩⲙⲁ ⲛⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲁⲱⲛϩ

31:15  ⲉⲣⲉⲧⲉⲩϩⲉⲗⲡⲓⲥ ⲅⲁⲣ ϩⲓ ⲡⲉⲧⲛⲟⲩϩⲙ ⲙⲙⲟⲟⲩ

31:16  ⲡⲉⲧⲣϩⲟⲧⲉ ϩⲏⲧϥ ⲙⲡⲛⲟⲩⲧⲉ […]ⲗⲁⲁⲩ ⲁⲛ ⲁⲩⲱ ⲛⲉϥⲣϭⲱⲃ ϫⲉ ⲛⲧⲟϥ ⲡⲉ ⲧⲉ[ϥϩⲉⲗⲡⲓⲥ]

31:17  ⲛⲁⲓⲁⲧⲥ ⲛⲧⲉⲯⲩⲭⲏ ⲉⲧⲣϩⲟⲧⲉ ϩⲏⲧ[ϥ] ⲙⲡϫⲟⲉⲓⲥ

31:18  ⲉϥⲕⲱ ⲛϩⲧⲏϥ ⲉⲛⲓⲙ ⲁⲩⲱ ⲛⲓⲙ ⲡⲉ ⲡⲉϥⲧⲁϫⲣ[ⲟ]

31:19  ⲉⲣⲉⲛⲃⲁⲗ ⲙⲡϫⲟⲉⲓⲥ ϭⲱϣⲧ ⲉϫⲛ ⲛⲉⲧⲙⲉ ⲙⲙⲟϥ ⲧⲛⲁϣⲧⲉ ⲡⲉ ⲛⲧⲉⲩϭⲟⲙ ⲁⲩⲱ ⲡⲧⲁϫⲣⲟ ⲙⲡⲉⲩⲛⲁϩⲧⲉ ⲡⲉ ⲛⲧⲟϥ ⲡⲉ ⲧⲉⲩϩⲉⲗⲡⲓⲥ ϩⲛ ⲟⲩⲕⲁⲩⲙⲁ ⲁⲩⲱ ⲑⲁⲓⲃⲉⲥ ⲙⲡⲛⲟⲩ ⲙⲙⲉⲉⲣⲉ ⲁⲩⲱ ⲧⲉⲩⲃ[ⲟⲏⲑⲓⲁ ϩⲛ ⲟⲩϩⲉ ]

31:20  ⲉϥϫⲓⲥⲉ ⲛⲧⲉⲩⲯⲩⲭⲏ ⲉϥⲣⲟⲩⲟⲉⲓⲛ ⲉⲛⲉⲩⲃⲁⲗ ⲉϥϯ ⲛⲁⲩ ⲛⲟⲩⲧⲁⲗϭⲟ ⲙⲛ ⲟⲩⲱⲛϩ ⲙⲛ ⲟⲩⲥⲙⲟⲩ

31:21  ⲟⲩⲡⲣⲟⲥⲫⲟⲣⲁ ⲉⲥϫⲁϩⲙ ⲡⲉ ⲡⲉⲧⲧⲁⲗⲟ ⲉϩⲣⲁⲓ ϩⲛ ⲟⲩϫⲓⲛϭⲟⲛⲥ

31:22  ⲁⲩⲱ ⲙⲉϥⲟⲩⲉϣⲡϫⲱϩⲙ ⲛⲛⲁⲛⲟⲙⲟⲥ

31:23  ⲙⲉⲣⲉⲡⲉⲧϫⲟⲥⲉ ⲟⲩⲉϣⲛⲉⲡⲣⲟⲥⲫⲟⲣⲁ ⲛⲛⲁⲥⲉⲃⲏⲥ ⲁⲩⲱ ⲛⲛⲉϥⲕⲱ ⲉⲃⲟⲗ ⲛⲛⲉⲩⲛⲟⲃⲉ ϩⲙ ⲡⲁϣⲁⲓ ⲛⲛⲉⲩⲑⲩⲥⲓⲁ

31:24  ⲉϥⲟ ⲛⲑⲉ ⲙⲡⲉⲧϣⲱⲱⲧ ⲛⲟⲩϣⲏⲣⲉ ⲙⲡⲉⲙⲧⲟ ⲉⲃⲟⲗ ⲙⲡⲉϥⲉⲓⲱⲧ ⲡⲉⲧⲧⲁⲗⲟ ⲉϩⲣⲁⲓ ⲛϩⲉⲛⲑⲩⲥⲓⲁ ϩⲛ ϩⲉⲛⲭⲣⲏⲙⲁ ⲛϩⲏⲕⲉ

31:25  ⲡⲱⲛϩ ⲙⲫⲏⲕⲉ ⲟⲩⲟⲉⲓⲕ ⲉϥϭⲣⲱϩ ⲙⲙⲟϥ ⲡⲉ ⲡⲉⲧⲛⲁϩⲟⲩⲣⲱⲟⲩ ⲙⲙⲟϥ ⲟⲩⲣⲱⲙⲉ ⲛⲥⲛⲟϥ ⲡⲉ

31:26  ⲉϥⲟ ⲛⲑⲉ ⲙⲡⲉⲧϩⲱⲧⲃ ⲙⲡⲉⲧϩⲓⲧⲟⲩⲱϥ ⲛϭⲓ ⲡⲉⲧⲛⲁϥⲓⲧⲉϥϭⲓⲛⲱⲛϩ

31:27  ⲡⲉⲧⲛⲁϥⲉϭⲟⲩϫⲁⲓⲃⲉⲕⲉ ⲙⲡⲉϥⲃⲉⲕⲉ ⲉϥⲟ ⲛⲑⲉ ⲙⲡⲉⲧⲡⲱϩⲧ ⲉⲃⲟⲗ ⲛⲟⲩⲥⲛⲟϥ

31:28  ⲟⲩⲁ ⲉϥⲕⲱⲧ ⲙⲛ ⲟⲩⲁ ⲉϥϣⲟⲣϣⲣ ⲟⲩ ⲡⲉ ⲡⲉⲩϩⲏⲩ ⲛⲥⲁ ϩⲓⲥⲉ

31:29  ⲟⲩⲁ ⲉϥϣⲗⲏⲗ ⲙⲛ ⲟⲩⲁ ⲉϥⲥⲁϩⲟⲩ ⲉⲣⲉⲡϫⲟⲉⲓⲥ ⲛⲁⲥⲱⲧⲙ ⲉⲧⲉⲥⲙⲏ ⲛⲛⲓⲙ ⲙⲙⲟⲟⲩ

31:30  ⲟⲩⲁ ⲉⲁϥϩⲟⲣⲡϥ ⲉⲩⲕⲱⲱⲥ ⲛϥⲥⲟⲧϥ ⲛϥϫⲱϩ ⲉⲣⲟϥ ⲟⲩ ⲡⲉ ⲫⲏⲩ ϫⲉ ⲁϥϩⲟⲣⲡϥ

31:31  ⲧⲁⲓ ⲧⲉ ⲑⲉ ⲛⲟⲩⲣⲱⲙⲉ ⲉϥⲛⲏⲥⲧⲉⲩⲉ ϩⲁ ⲛⲉϥⲛⲟⲃⲉ ⲁⲩⲱ ⲟⲛ ⲉϥⲉⲓⲣⲉ ⲙⲙⲟⲟⲩ ⲛⲓⲙ ⲡⲉⲧⲛⲁⲥⲱⲧⲙ ⲉⲡⲉϥϣⲗⲏⲗ ⲁⲩⲱ ⲟⲩ ⲡⲉ ⲫⲏⲩ ϫⲉ ⲁϥⲑⲃⲃⲓⲟϥ

Chapter 32

32:1  ⲡⲉⲧⲁⲣⲉϩ ⲉⲡⲛⲟⲙⲟⲥ ⲉϥⲧⲁϣⲉⲡⲣⲟⲥⲫⲟⲣⲁ

32:2  ⲡⲉⲧϯ ⲛϩⲧⲏϥ ⲉⲛⲉⲛⲧⲟⲗⲏ ⲡⲉ ⲡⲉⲧϯⲑⲩⲥⲓⲁ ⲛⲟⲩϫⲁⲓ

32:3  ⲡⲉⲧϯ ⲛⲟⲩϩⲙⲟⲧ ⲡⲉ ⲡⲉⲧ[…] ⲛⲟⲩⲥⲁⲙⲓⲧ

32:4  ⲡⲉⲧϯ ⲛⲟⲩⲙⲛⲧⲛⲁ ⲡⲉⲧⲑⲩⲥⲓⲁ[ⲍⲓ ⲛ]ⲟⲩⲥⲙⲟ[ⲩ]

32:5  ⲡⲟⲩⲱϣ ⲙⲡϫⲟⲉⲓⲥ ⲡⲉ ⲥⲁϩⲱⲕ ⲉⲃⲟ[ⲗ ⲛ]ⲧⲡⲟⲛⲏⲣⲓⲁ ⲁⲩⲱ ⲡⲉϥⲕⲱ ⲉⲃⲟⲗ ⲡⲉ ⲥⲁϩⲱⲕ ⲉⲃⲟⲗ ⲙⲡϫⲓⲛϭⲟⲛⲥ

32:6  ⲙⲡⲣⲟⲩⲱⲛϩ ⲉⲃⲟⲗ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲉⲕϣⲟⲩⲉⲓⲧ

32:7  ⲛⲁⲓ ⲅⲁⲣ ⲧⲏⲣⲟⲩ ⲉⲧⲃⲉ ⲧⲉⲛⲧⲟⲗⲏ

32:8  ϣⲁⲣⲉⲧⲉⲡⲣⲟⲥⲫⲟⲣⲁ ⲙⲡⲇⲓⲕⲁⲓⲟⲥ ϯⲕⲛⲛⲉ ⲙⲡⲉⲑⲩⲥⲓⲁⲥⲧⲏⲣⲓⲟⲛ ⲁⲩⲱ ⲡⲉⲥⲥϯⲛⲟⲩϥⲉ ⲙⲡⲉⲙⲧⲟ ⲉⲃⲟⲗ ⲙⲡⲉⲧϫⲟⲟⲥ

32:9  ⲧⲉⲑⲩⲥⲓⲁ ⲛⲟⲩⲣⲱⲙⲉ ⲛⲇⲓⲕⲁⲓⲟⲥ ϣⲏⲡ ⲁⲩⲱ ⲛⲥⲉⲛⲁⲣⲡⲱⲃϣ ⲁⲛ ⲙⲡⲉⲥⲣⲡⲙⲉⲉⲩⲉ

32:10  ϯⲉⲟⲟⲩ ⲙⲡϫⲟⲉⲓⲥ ϩⲛ ⲟⲩⲃⲁⲗ ⲛⲁⲅⲁⲑⲟⲥ ⲁⲩⲱ ⲙⲡⲣⲧⲥⲃⲕⲟ ⲛⲛⲁⲡⲁⲣⲭⲏ ⲛⲛⲉⲕϭⲓϫ

32:11  ϯⲟⲩⲣⲟⲧ ⲙⲡⲉⲕϩⲟ ϩⲛ ⲛⲉⲕϯ ⲧⲏⲣⲟⲩ ⲛⲅⲧⲃⲃⲟ ⲛⲛⲉⲕⲣⲉⲙⲏⲧ ϩⲛ ⲟⲩⲟⲩⲛⲟϥ

32:12  ϯ ⲙⲡⲉⲧϫⲟⲥⲉ ⲕⲁⲧⲁ ⲡⲉϥϯ ⲁⲩⲱ ⲡⲉⲧⲕⲛⲁϭⲛⲧϥ ϩⲛ ⲛⲉⲕϭⲓϫ ϩⲛ ⲟⲩⲃⲁⲗ ⲛⲁⲅⲁⲑⲟⲥ

32:13  ϫⲉ ⲟⲩⲣⲉϥⲧⲱⲱⲃⲉ ⲡⲉ ⲡϫⲟⲉⲓⲥ ⲁⲩⲱ ϥⲛⲁⲧⲱⲱⲃⲉ ⲛⲁⲕ ⲛⲥⲁϣϥ ⲛⲕⲱⲃ

32:14  ⲙⲡⲣϯⲇⲱⲣⲟⲛ ϫⲉ [ⲙ]ⲉϥϫⲓ

32:15  ⲁⲩⲱ ⲙⲡⲣⲕⲁϩⲧⲏⲕ [ⲉ]ⲑⲩⲥⲓⲁ ⲛϫⲓⲛϭⲟⲛ[ⲥ ϫⲉ] ⲟⲩⲕⲣⲓⲧⲏⲥ ⲡⲉ ⲡϫⲟⲉⲓⲥ ⲁⲩⲱ ⲙⲛⲉⲟⲟⲩ ⲛⲣⲱⲙⲉ ⲛⲛⲁϩⲣⲁϥ

32:16  ⲁ[ⲩ]ⲱ ⲙⲉϥϫⲓϩⲟ ϩⲓ ϩⲏⲕⲉ ϥⲛⲁⲥⲱⲧⲙ ⲉⲡⲥⲟⲡⲥ ⲙⲡⲉⲧϫⲏⲩ ⲛϭⲟⲛⲥ

32:17  ⲛⲛⲉϥⲟⲃϣϥ ⲉⲧⲙⲛⲧϩⲙϩⲁⲗ ⲛⲟⲩⲟⲣⲫⲁⲛⲟⲥ ⲁⲩⲱ ⲟⲩⲭⲏⲣⲁ ⲉⲥϣⲁⲛϫⲱ ⲙⲡⲉⲥϣⲁϫⲉ

32:18  ⲙⲏ ⲙⲉⲣⲉⲛⲣⲙⲉⲓⲏ ⲛⲟⲩⲭⲏⲣⲁ ⲉⲓ ⲉϫⲛ ⲛⲉⲥⲟⲩⲟⲟϭⲉ

32:19  ⲁⲩⲱ ⲉⲣⲉⲡⲉⲥⲁϣⲕⲁⲕ ⲛⲛⲏⲩ ⲉϫⲛ ⲡⲉⲛⲧⲁϥⲛⲧⲟⲩ ⲉϩⲣⲁⲓ

32:20  ⲉⲩⲛⲁϫⲓ ⲡⲉⲧⲣϩⲱⲃ ⲉϩⲛⲁϥ ⲁⲩⲱ ⲡⲉϥⲥⲟⲡⲥ ⲛⲁⲡⲱϩ ϣⲁ ⲛⲉⲕⲗⲟⲟⲗⲉ

32:21  ϣⲁⲣⲉⲡⲉϣⲗⲏⲗ ⲙⲡⲉⲧⲑⲃⲃⲓⲏⲩ ϫⲉⲧⲛⲉⲕⲗⲟⲟⲗⲉ ⲁⲩⲱ ⲛⲉⲩⲥⲉⲡⲥⲱⲡϥ ⲙⲡⲁⲧϥϩⲱⲛ ⲉϩⲟⲩⲛ ⲁⲩⲱ ⲛⲉϥⲥⲁϩⲱϥ ⲉⲃⲟⲗ ⲙⲡⲁⲧⲉⲡⲉⲧϫⲟⲥⲉ ϭⲙⲡⲉϥϣⲓⲛⲉ

32:22  ⲁⲩⲱ ϥⲛⲁⲕⲣⲓⲛⲉ ⲛⲛⲇⲓⲕⲁⲓⲟⲥ ⲛϥⲣⲡⲉⲩϩⲁⲡ ⲁⲩⲱ ⲛⲛⲉⲡϫⲟⲉⲓⲥ ⲱⲥⲕ ⲁⲩⲱ ⲛⲛⲉϥϩⲣⲟϣ ⲛϩⲏⲧ ⲉϩⲣⲁⲓ ⲉϫⲱⲟⲩ ϣⲁⲛⲧϥⲟⲩⲱϣϥ ⲛⲛϯⲡⲉ ⲛⲛⲁⲧⲛⲁ

32:23  ⲁⲩⲱ ⲛϥⲧⲱⲱⲃⲉ ⲛⲟⲩⲕⲃⲁ ⲛⲛϩⲉⲑⲛⲟⲥ ϣⲁⲛⲧϥϥⲓ ⲙⲡⲙⲏⲏϣⲉ ⲛⲛⲣⲉϥⲥⲱϣ ⲁⲩⲱ ⲛϥⲟⲩⲱϣϥ ⲛⲛⲉϭⲣⲏⲡⲉ ⲛⲛⲣⲉϥϫⲓⲛϭⲟⲛⲥ

32:24  [ⲁⲩⲱ ⲛ]ϥⲧⲱⲱⲃⲉ ⲙⲡⲣⲱⲙⲉ ⲕⲁⲧⲁ ⲛⲉϥ[ϩⲃ]ⲏⲩⲉ ⲁⲩⲱ ⲛⲉϩⲃⲏⲩⲉ ⲛⲛⲣⲱⲙⲉ ⲕⲁⲧⲁ ⲛⲉⲩⲙⲉⲉⲩⲉ

32:25  ϣⲁⲛⲧϥⲕⲣⲓⲛⲉ ⲛⲧⲉⲕⲣⲓⲥⲓⲥ ⲙⲡⲉϥⲗⲁⲟⲥ ⲁⲩⲱ ⲛϥⲉⲩⲫⲣⲁⲁⲛⲉ ⲙⲙⲟⲟⲩ ϩⲙ ⲡⲉϥⲛⲁ

32:26  ⲉϣϫⲉ ⲛⲉⲥⲉ ϩⲙ ⲡⲉⲟⲩⲟⲉⲓϣ ⲛⲧⲉⲑⲗⲓⲯⲓⲥ ⲛⲑⲉ ⲛⲛⲉⲕⲗⲟⲟⲗⲉ ⲛϩⲱⲟⲩ ϩⲙ ⲡⲉⲟⲩⲟⲉⲓϣ ⲉⲙⲛϩⲱⲟⲩ

Chapter 33

33:1  ⲛⲁ ⲛⲁⲛ ⲡϫⲟⲉⲓⲥ ⲡⲛⲟⲩⲧⲉ ⲛⲟⲩⲟⲛ ⲛⲓⲙ

33:2  ⲛⲅϭⲱϣⲧ ⲉϫⲱⲛ ⲛⲅⲉⲓⲛⲉ ⲛⲧⲉⲕϩⲟⲧⲉ ⲉϫⲛ ⲛϩⲉⲑⲛⲟⲥ ⲧⲏⲣⲟⲩ

33:3  ⲛⲅϥⲓ ϩⲣⲁⲓ ⲛⲧⲉⲕϭⲓϫ ⲉϫⲛ ⲛϩⲉⲑⲛⲟⲥ ⲛϣⲙⲙⲟ ⲁⲩⲱ ⲙⲁⲣⲟⲩⲛⲁⲩ ⲉⲧⲉⲕϭⲟⲙ

33:4  ⲛⲑⲉ ⲉⲛⲧⲁⲕⲧⲃⲃⲟ ⲛϩⲏⲧⲛ ⲙⲡⲉⲩⲙⲧⲟ ⲉⲃⲟⲗ ⲧⲁⲓ ⲧⲉ ⲑⲉ ⲉⲕⲉⲁⲓⲁⲓ ⲛϩⲏⲧⲟⲩ ⲙⲡⲉⲛⲙⲧⲟ ⲉⲃⲟⲗ

33:5  ⲁⲩⲱ ⲙⲁⲣⲟⲩⲥⲟⲩⲱⲛⲅ ⲕⲁⲧⲁ ⲑⲉ ⲉⲛⲧⲁⲛⲥⲟⲩⲱⲛⲅ ϫⲉ ⲙⲙⲛⲛⲟⲩⲧⲉ ⲃⲃⲗⲗⲁⲕ ⲡϫⲟⲉⲓⲥ

33:6  ⲁⲣⲓϩⲛⲙⲁⲉⲓⲛ ⲛⲃⲣⲣⲉ ⲛⲅϣⲓⲃⲉ ⲛⲛⲉⲕϣⲡⲏⲣⲉ

33:8  ⲙⲁⲧⲟⲩⲛⲉⲥⲡⲉⲕϭⲱⲛⲧ ⲛⲅⲡⲱϩⲧ ⲛⲧⲉⲕⲟⲣⲅⲏ

33:9  ⲛⲅⲧⲁⲕⲟ ⲙⲡⲉⲧⲟⲩⲃⲏⲕ ⲛⲅⲟⲩⲱⲥϥ ⲙⲡϫⲁϫⲉ

33:10  […] ⲙⲡⲉⲟⲩⲟⲉⲓϣ ⲛⲅⲣⲡⲙⲉⲉⲩⲉ ⲙⲡⲧⲱϣ [ⲁ]ⲩⲱ ⲙⲁⲣⲟⲩϫⲱ ⲛⲛⲉⲕⲙⲛⲧⲛⲟϭ

33:11  ϩⲛ ⲟⲩⲟⲣⲅⲏ ⲛⲕⲱϩⲧ ⲙⲁⲣⲉⲛⲉⲧⲑⲙⲕⲟ ⲙⲡⲉⲕⲗⲁⲟⲥ ⲧⲁⲕⲟ ⲙⲁⲣⲟⲩⲟⲩⲱⲙ ⲙⲡⲉⲧⲉⲛϥⲛⲁⲟⲩϫⲁⲓ ⲁⲛ

33:12  ⲟⲩⲱϣϥ ⲛⲧⲁⲡⲉ ⲛⲛⲁⲣⲭⲱⲛ ⲙⲡϫⲁϫⲉ ⲛⲉⲧϫⲱ ⲙⲙⲟⲥ ϫⲉ ⲙⲛⲗⲁⲁⲩ ⲛⲃⲗⲗⲁⲛ

33:13  ⲥⲱⲟⲩϩ ⲉϩⲟⲩⲛ ⲛⲉⲫⲩⲗⲏ ⲛⲓⲁⲕⲱⲃ ⲟⲩϩⲏⲧ ⲉϥⲣⲟⲟⲩⲧ ⲁⲩⲱ ⲉϥⲙⲟⲧⲛ ⲉϫⲛ ϩⲛϭⲓⲛⲟⲩⲱⲙ ⲉϥⲛⲁϥⲓ ⲡⲣⲟⲟⲩϣ ⲛⲛⲉϥϭⲓⲛⲟⲩⲱⲙ

Chapter 34

34:1  ϣⲁⲣⲉⲧⲟⲩϣⲏ ⲛⲣⲟⲉⲓⲥ ⲙⲡⲣⲙⲙⲁⲟ ⲃⲱⲗ ⲉⲃⲟⲗ ⲛⲛⲉϥⲥⲁⲣⲝ ⲁⲩⲱ ϣⲁⲣⲉⲡⲉϥⲣⲟⲟⲩϣ ⲥⲁϩⲉⲫⲓⲛⲏⲃ ⲉⲃⲟⲗ ⲙⲙⲟϥ

34:2  ϣⲁⲣⲉⲡⲣⲟⲟⲩϣ ⲛⲟⲩⲟⲩϣⲏ ⲛⲣⲟⲉⲓⲥ ⲁⲡⲁⲓⲧⲓ ⲛⲟⲩⲣⲉⲕⲣⲓⲕⲉ ⲁⲩⲱ ϣⲁⲣⲉⲟⲩϩⲓⲛⲏⲃ ⲧⲁⲗϭⲉⲟⲩϣⲱⲛⲉ ⲉϥⲛⲁϣⲧ

34:3  ϣⲁⲣⲉⲡⲣⲙⲙⲁⲟ ϩⲓⲥⲉ ⲉϥⲥⲱⲟⲩϩ ⲉϩⲟⲩⲛ ⲛⲛⲉϥⲭⲣⲏⲙⲁ ⲁⲩⲱ ϣⲁϥⲥⲉⲓ ⲛⲛⲉϥⲧⲣⲩⲫⲏ ϩⲛ ⲟⲩⲙⲟⲧⲛⲉⲥ

34:4  ⲁⲩⲱ ϣⲁⲣⲉⲫⲏⲕⲉ ϩⲓⲥⲉ ϩⲙ ⲡϣⲱⲱⲧ ⲙⲡⲉϥⲁϩⲉ ⲁⲩⲱ ϣⲁϥⲣϭⲣⲱϩ ϩⲛ ⲧⲙⲟⲧⲛⲉⲥ

34:5  ⲡⲉⲧⲙⲉ ⲛⲟⲩⲛⲟⲩⲃ ⲛϥⲛⲁⲧⲙⲁⲓⲟ [ⲁⲛ] ⲁⲩⲱ ⲡⲉⲧⲡⲏⲧ ⲛⲥⲱϥ ⲛⲁⲙⲟⲩϩ […] ⲉⲩⲧⲁⲕⲟ ⲛⲁϥ

34:6  ⲁϩⲁϩ ⲅⲁⲣ ϩⲉ ⲉⲧⲃⲉ ⲡⲛⲟⲩⲃ ⲁⲩⲱ ⲁⲡⲉⲩⲧⲁⲕⲟ ϣⲱⲡⲉ ⲙⲡⲉⲩⲙⲧⲟ ⲉⲃⲟ[ⲗ]

34:7  ⲟⲩϣⲉ ⲛϫⲣⲡ ⲡⲉ ⲛⲟⲩⲟⲛ ⲛⲓⲙ ⲉⲧϣⲙϣⲉ ⲛⲁϥ ⲁⲩⲱ ⲉⲣⲉⲁⲑⲏⲧ ⲛⲓⲙ ⲛⲁⲧⲁⲕⲟ ⲛϩⲏⲧϥ

34:8  ⲛⲁⲓⲁⲧϥ ⲙⲡⲣⲙⲙⲁⲟ ⲉⲛⲧⲁⲩϩⲉ ⲉⲣⲟϥ ⲉϥⲟⲩⲁⲁⲃ ⲁⲩⲱ ⲡⲉⲧⲉⲙⲡϥⲟⲩⲁϩϥ ⲛⲥⲁ ⲟⲩⲛⲟⲩⲃ

34:9  ⲛⲓⲙ ⲡⲉ ⲧⲁⲣⲛⲙⲁⲕⲁⲣⲓⲍⲉ ⲙⲙⲟϥ ⲁϥⲣϩⲛϣⲡⲏⲣⲉ ⲅⲁⲣ ϩⲙ ⲡⲉϥⲗⲁⲟⲥ

34:10  ⲛⲓⲙ ⲡⲉⲛⲧⲁⲩⲇⲟⲕⲓⲙⲁⲍⲉ ⲙⲙⲟϥ ⲛϩⲏⲧϥ ⲁϥϫⲱⲕ ⲉⲃⲟⲗ ⲧⲁⲣⲉϥϣⲱⲡⲉ ⲉⲩϣⲟⲩϣⲟⲩ ⲛⲓⲙ ⲡⲉⲧⲉⲟⲩⲛϣϭⲟⲙ ⲙⲙⲟϥ ⲉⲡⲁⲣⲁⲃⲁ ⲉⲙⲡϥⲡⲁⲣⲁⲃⲁ ⲁⲩⲱ ⲉⲣⲡⲉⲑⲟⲟⲩ ⲉⲙⲡϥⲉⲓⲣⲉ

34:11  ⲛⲉϥⲁⲅⲁⲑⲟⲛ ⲛⲁⲧⲁϫⲣⲟ ⲡⲉ ⲁⲩⲱ ⲟⲩⲛⲟⲩⲉⲕⲕⲗⲏⲥⲓⲁ ⲛⲁϫⲱ ⲛⲧⲉϥⲙⲛⲧⲛⲁ

34:12  ⲉϣⲱⲡⲉ ⲉⲕϣⲁⲛϩⲙⲟⲟⲥ ϩⲓ ⲟⲩⲛⲟϭ ⲛⲧⲣⲁⲡⲉⲍⲁ ⲙⲡⲣⲟⲩⲏⲛ ⲛⲣⲱⲕ ⲉⲣⲟⲥ ⲁⲩⲱ ⲙⲡⲣϫⲟⲟⲥ ϫⲉ ⲟⲩⲛϩⲁϩ ϩⲓⲱⲱⲥ

34:13  [ⲁⲣⲓⲡⲙⲉⲉⲩ]ⲉ ϫⲉ ⲡⲃⲁⲗ ⲙⲡⲡⲟⲛⲏⲣⲟⲥ ϩⲟⲟⲩ [ⲁⲩ]ⲱ ⲟⲩ ⲡⲉⲧⲥⲟⲛⲧ ⲉϥϩⲟⲟⲩ ⲉⲡⲃⲁⲗ [ⲉⲧⲃⲉ ⲡ]ⲁⲓ ϥϯⲣⲙⲉⲓⲏ ⲛⲛⲁϩⲣⲛ ϩⲟ ⲛⲓⲙ

34:14  […]ⲛⲁⲛⲁⲩ ⲉⲣⲟϥ ⲙⲡⲣⲥⲟⲩⲧⲛⲧⲟⲟⲧⲕ ⲉⲣⲟϥ ⲁⲩⲱ ⲙⲡⲣϩⲉϫϫⲧⲉⲕϭⲓϫ ⲛⲙⲙⲁϥ ϩⲛ ⲧϫⲏ

34:15  [ⲉⲓⲙⲉ] ⲉⲛⲁⲡⲉⲧϩⲓⲧⲟⲩⲱⲕ ⲉⲃⲟⲗ ⲙⲙⲟⲕ ⲁⲩⲱ ⲙⲉⲕⲙⲟⲩⲕⲕ ⲉϫⲛ ϩⲱⲃ ⲛⲓⲙ

34:16  ⲟⲩⲱⲙ ⲛⲑⲉ ⲛⲟⲩⲣⲱⲙⲉ ⲛⲛⲉⲧϩⲁⲣⲱⲕ ⲁⲩⲱ ⲙⲡⲣⲧⲁⲡⲧ ⲛⲣⲱⲕ ⲙⲏⲡⲟⲧⲉ ⲛⲥⲉⲙⲉⲥⲧⲱⲕ

34:17  ⲉⲧⲃⲉ ⲧⲉⲥⲃⲱ ⲕⲁⲧⲟⲟⲧⲕ ⲉⲃⲟⲗ ⲛϣⲟⲣⲡ ⲁⲩⲱ ⲙⲡⲣⲣⲁⲧⲥⲉⲓ ⲙⲏⲡⲟⲧⲉ ⲛⲅϫⲱⲣⲡ

34:18  ⲉⲕϣⲁⲛϩⲙⲟⲟⲥ ϩⲛ ⲧⲙⲏⲧⲉ ⲛϩⲛⲙⲏⲏϣⲉ ⲙⲡⲣⲥⲟⲩⲧⲛⲧⲟⲟⲧⲕ ⲉⲃⲟⲗ ϩⲁ ⲧⲉⲩϩⲏ

34:19  ⲉϣϫⲉ ⲛⲁⲛⲟⲩⲡⲣⲱϣⲉ ⲛⲟⲩⲣⲱⲙⲉ ⲉϥⲧⲥⲁⲃⲏⲩ ⲁⲩⲱ ⲙⲉϥϫⲗϩⲏⲥ ⲡⲉ ϩⲓ ⲡⲉϥϭⲗⲟϭ

34:20  ϣⲁⲕⲱⲃϣ ⲉⲕⲙⲟⲧⲛ ⲉⲕϣⲁⲛⲣⲡⲣⲱϣⲉ ϣⲁⲕⲧⲱⲟⲩⲛ ⲉϩⲧⲟⲟⲩⲉ ⲉⲣⲉⲡⲉⲕϩⲏⲧ ⲙⲙⲟⲕ ⲉⲣⲉⲟⲩⲙⲕⲁϩ ⲛⲟⲩϣⲏ ⲛⲣⲟⲉⲓⲥ ⲙⲛ ⲟⲩⲭⲟⲗⲏ ⲙⲛ ⲟⲩⲟⲣⲅⲏ ⲛⲟⲩⲣⲱⲙⲉ ⲛⲁⲧⲥⲉⲓ

34:21  ⲉϣⲱⲡ[ⲉ ⲇ]ⲉ ⲁϥϫⲓⲧⲕ ⲛϭⲟⲛⲥ [ϩⲛ ϩⲉⲛ]ϭⲓⲛⲟⲩⲱⲙ ⲧⲱⲟⲩⲛ ⲛⲅⲕⲁⲃⲟⲗ ⲛⲅⲙⲧⲟⲛ

34:22  ⲥⲱⲧⲙ ⲉⲣⲟⲓ ⲡⲁϣⲏⲣⲉ ⲛⲅⲧⲙⲥⲟϣ[ϥⲧ] ⲁⲩⲱ ⲕⲛⲁϩⲉ ⲉⲛⲁϣⲁϫⲉ ϩⲛ ⲑⲁⲏ ⲡⲉ ϣⲱⲡⲉ ⲉⲕⲛⲁϣⲧ ϩⲛ ⲛⲉⲕϣⲁϫⲉ ⲧⲏⲣⲟⲩ ⲁⲩⲱ ⲙⲛⲗⲁⲁⲩ ⲛϣⲱⲡⲉ ⲛⲁⲧⲱⲙⲛⲧ ⲉⲣⲟⲕ ⲡⲉ

34:23  ϣⲁⲣⲉⲛⲉⲥⲡⲟⲧⲟⲩ ⲥⲙⲟⲩ ⲉⲡⲉⲧⲣⲟⲟⲩⲧ ⲉϫⲛ ⲡⲟⲉⲓⲕ ⲁⲩⲱ ⲧⲙⲛⲧⲙⲛⲧⲣⲉ ⲙⲡⲉϥⲁⲛⲁⲓ ⲛϩⲟⲧ

34:24  ϣⲁⲣⲉⲟⲩⲡⲟⲗⲓⲥ ⲕⲣⲙⲣⲙ ⲉⲩⲡⲟⲛⲏⲣⲟⲥ ⲉϫⲛ ⲡⲟⲉⲓⲕ ⲁⲩⲱ ⲧⲙⲛⲧⲙⲛⲧⲣⲉ ⲛⲧⲉϥⲡⲟⲛⲏⲣⲓⲁ ⲟⲣϫ

34:25  ⲙⲡⲣⲣⲥⲁⲩⲏⲣⲡ ⲁⲡⲏⲣⲡ ⲅⲁⲣ ⲧⲁⲕⲉϩⲁϩ

34:26  ⲡⲁϣ ⲡⲉϣⲁϥⲇⲟⲕⲓⲙⲁⲍⲉ ⲙⲡⲗⲁⲓⲛ ϩⲛ ⲡⲟϣⲙⲉϥ ⲧⲁⲓ ⲧⲉ ⲑⲉ ⲙⲡⲏⲣⲡ ⲉϣⲁϥⲇⲟⲕⲓⲙⲁⲍⲉ ⲙⲫⲏⲧ ⲙⲡϫⲁⲥⲓϩⲏⲧ ϩⲛ ⲡⲙⲓϣⲉ

34:27  ⲟⲩⲙⲧⲟⲛ ⲡⲉ ⲡⲏⲣⲡ ϩⲛ ⲡⲁϩⲉ ⲙⲡⲣⲱⲙⲉ ⲉⲕϣⲁⲛⲥⲟⲟϥ ϩⲛ ⲟⲩⲣⲱϣⲉ ⲁϣ ⲧⲉ ⲧⲙⲟⲧⲛⲉⲥ ⲙⲡⲉⲧⲉⲛϥⲥⲉⲏⲣⲡ ⲁⲛ ϫⲉ ⲛⲧⲟϥ ⲡⲉⲛⲧⲁⲩⲥⲟⲛⲧϥ ⲉⲩⲟⲩⲛⲟϥ ⲛⲣⲣⲱⲙⲉ

34:28  ⲟⲩⲧⲉⲗⲏⲗ ⲛϩⲏⲧ ⲙⲛ ⲟⲩⲟⲩⲛⲟϥ ⲙⲯⲩⲭⲏ ⲡⲉ ⲡⲏⲣⲡ ⲉⲕϣⲁⲛ ⲥⲟⲟϥ ϩⲛ ⲟⲩⲣⲱϣⲉ ⲛⲡⲉⲟⲩⲟⲉⲓϣ

34:29  ⲟⲩⲥⲓϣⲉ ⲛⲟⲩⲯⲩⲭⲏ ⲡⲉ ⲥⲉⲟⲩⲏⲣⲡ ⲉⲛⲁϣⲱϥ

34:30  ϣⲁⲣⲉ ⲡϯϩⲉ ⲧⲁϣⲉⲡϭⲱⲛⲧ ⲙⲡⲁⲑⲏⲧ ⲟⲩϫⲣⲟⲡ ⲛⲁϥ ⲙⲛ ⲟⲩϫⲟⲕϫⲕ ⲙⲛ ⲟⲩϩⲧⲟⲡ ⲉϥⲧⲥⲃⲕⲟ ⲛⲧϭⲟⲙ ⲉϥⲉⲓⲣⲉ ⲙⲡⲡⲱⲗϩ

34:31  ⲙⲡⲣϫⲡⲓⲉ ⲡ ⲉⲧ ϩⲓ ⲧⲟⲩⲱⲕ ϩⲛ ⲟⲩⲙⲁ ⲛⲥⲉ-ⲏⲣⲡ ⲁⲩⲱ ⲙⲡⲣⲥⲟϣϥϥ ϩⲙ ⲡⲉϥⲟⲩⲛⲟϥ

Chapter 35

35:1  ⲉϣⲱⲡⲉ ⲉⲁⲩⲁⲁⲕ ⲛⲛⲟϭ ⲉⲩⲙⲏⲏϣⲉ ⲙⲡⲣϫⲓⲥⲉ ⲙⲙⲟⲕ ⲉϫⲱϥ: ⲁⲣⲓⲑⲉ ⲛⲟⲩⲁ ⲙⲙⲟⲟⲩ ⲛϩⲏⲧⲟⲩ ⲛⲅϥⲓⲡⲉⲩⲣⲟⲟⲩϣ ⲛⲅϩⲙⲟⲟⲥ

35:2  ⲛⲅⲣⲧⲉⲭⲣⲓⲁ ⲧⲏⲣⲥ ⲛⲅⲛⲟϫⲕ ϫⲉ ⲉⲕⲉⲉⲩⲫⲣⲁⲛⲉ ⲉⲧⲃⲏⲧⲟⲩ ⲁⲩⲱ ⲛⲅϫⲓⲟⲩⲕⲗⲟⲙ ⲉⲧⲃⲉ ⲡⲉⲩⲧⲥⲁⲛⲟ

35:3  ⲙⲡⲣϫⲓ ⲟⲩϣⲁϫⲉ ⲛⲁϥ ⲛⲛⲟϭⲛⲉϭ ⲁⲩⲱ ⲙⲡⲣⲑⲗⲓⲃⲉ ⲙⲙⲟϥ ⲉϣⲁⲧϥ ϣⲁϫⲉ ⲡϩⲗⲗⲟ ϫⲉ ⲥⲡⲣⲉⲡⲉⲓ ⲅⲁⲣ ⲛⲁⲕ ϩⲛ ⲟⲩⲱⲣϫ ⲛⲥⲃⲱ ⲛⲅⲧⲙϫⲱⲱⲣⲉ ⲉⲃⲟⲗ ⲛϩⲛⲙⲟⲩⲥⲓⲕⲟⲛ

35:4  ⲙⲡⲣϣⲁϫⲉ ϩⲙ ⲡⲙⲁ ⲛⲥⲱⲧⲙ ⲁⲩⲱ ⲙⲡⲣⲁⲁⲕ ⲛϩⲁⲛⲥⲁⲃⲉ ϩⲛ ⲟⲩⲙⲛⲧⲁⲧⲟⲩⲟⲉⲓϣ

35:5  ⲁⲣⲓⲑⲉ ⲛⲟⲩⲥⲫⲣⲁⲅⲓⲥ ⲛⲁⲛⲑⲣⲁⲝ ϩⲓ ⲟⲩⲕⲟⲥⲙⲟⲥ ⲛⲛⲟⲩⲃ ⲁⲩⲱ ⲟⲩⲥⲩⲅⲕⲣⲓⲙⲁ ⲙⲙⲟⲩⲥⲓⲕⲟⲛ ϩⲛ ⲟⲩⲥⲩⲙⲡⲟⲥⲓⲟⲛ ⲛⲏⲣⲡ

35:6  ⲁⲩⲱ ⲟⲩⲥⲫⲣⲁⲅⲓⲥ ⲛⲥⲙⲁⲣⲁⲅⲇⲟⲥ ϩⲓ ⲟⲩⲧⲁⲙⲓⲟ ⲛⲛⲟⲩⲃ ⲁⲩⲱ ⲛⲑⲉ ⲛⲟⲩⲗⲗⲉ ⲙⲙⲟⲩⲥⲓⲕⲟⲛ ϩⲛ ⲟⲩⲏⲣⲡ ⲉⲛⲁⲛⲟⲩϥ

35:7  ϣⲁϫⲉ ⲡϩⲣϣⲓⲣⲉ ⲉϣϫⲉ ⲥⲉⲣⲭⲣⲓⲁ ⲙⲙⲟⲕ ⲙⲟⲅⲓⲥ ⲉⲩϣⲁⲛϫⲛⲟⲩⲕ ⲛⲥⲉⲡⲥⲛⲁⲩ

35:8  ⲁⲣⲓϩⲁϩ ⲛϣⲁϫⲉ ⲛⲟⲩⲁ ϣⲱⲡⲉ ⲛⲑⲉ ⲛⲛⲉⲧⲥⲟⲟⲩⲛ ⲉⲧⲕⲱ ⲛⲣⲱⲟⲩ

35:9  ⲁⲩⲱ ⲙⲡⲣϣⲟϣⲕ ⲙⲛ ⲛⲛⲟϭ ϩⲛ ⲧⲉⲩⲙⲏⲧⲉ ⲁⲩⲱ ⲙⲡⲣϣⲁϫⲉ ⲉⲙⲁⲧⲉ ϩⲙ ⲡⲙⲁ ⲛⲛϩⲗⲗⲟ

35:10  ϣⲁⲣⲉⲛⲉⲃⲣⲏϭⲉ ϥⲱϭⲉ ϩⲁⲑⲏ ⲛⲛⲉϩⲣⲟⲩⲃⲃⲁⲓ ⲁⲩⲱ ⲧⲉⲭⲁⲣⲓⲥ ⲛⲁⲙⲟⲟϣⲉ ϩⲁⲑⲏ ⲙⲡⲉϫⲡⲓⲏⲧ

35:11  ⲧⲱⲟⲩⲛ ⲉⲟⲩⲛⲛⲁⲩ ⲁⲩⲱ ⲛⲅⲧⲙⲣϩⲁⲉ ⲃⲱⲕ ⲉⲡⲉⲕⲏⲓ ⲛⲅⲧⲙⲱⲥⲕ

35:12  ⲛⲅⲥⲱⲃⲉ ⲙⲙⲁⲩ ⲛⲅⲣⲡⲉⲧⲕⲟⲩⲁϣϥ ϣⲁⲧⲛⲛⲟⲃⲉ ϩⲓ ϣⲁϫⲉ ⲙⲙⲛⲧϫⲁⲥⲓϩⲏⲧ

35:13  ⲁⲩⲱ ⲉϫⲛ ⲛⲁⲓ ⲥⲙⲟⲩ ⲉⲡⲉⲛⲧⲁϥⲧⲁⲙⲓⲟⲕ ⲁⲩⲱ ⲡⲉⲧⲧⲥⲓⲟ ⲙⲙⲟⲕ ⲉⲃⲟⲗ ϩⲛ ⲛⲉϥⲁⲅⲁⲑⲟⲛ

35:14  [ⲡⲉⲧⲣϩⲟⲧ]ⲉ ϩⲏⲧϥ ⲙⲡϫⲟⲉⲓⲥ ϣⲁϥϣⲱⲡ [ⲉⲣⲟϥ ⲛ]ⲧⲉⲥⲃⲱ [ⲁⲩⲱ] ⲛⲉⲧ[ϣⲟ]ⲣⲡ ⲙⲙⲟⲟⲩ ⲉⲣⲟϥ ⲥⲉⲛⲁϭⲓⲛⲉ ⲙⲡⲉϥⲟⲩⲱϣ

35:15  [ⲡ]ⲉⲧϣⲓⲛⲉ ⲛⲥⲁ ⲡⲛⲟⲙⲟⲥ ⲛⲁⲥⲓ ⲙⲙⲟϥ ⲁⲩⲱ ⲡⲉⲧϩⲩⲡⲟⲕⲣⲓⲛⲉ ⲛϩⲏⲧϥ ϥⲛⲁⲥⲕⲁⲛⲇⲁⲗⲓⲍⲉ ⲛϩⲏⲧϥ

35:16  ⲛⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲛⲁϩⲉ ⲉⲫⲁⲡ ⲁⲩⲱ ⲥⲉⲛⲁϫⲉⲣⲟ ⲛⲛⲇⲓⲕⲁⲓⲱⲙⲁ ⲛⲑⲉ ⲙⲡⲟⲩⲟⲉⲓⲛ

35:17  ϣⲁⲣⲉⲟⲩⲣⲱⲙⲉ ⲛⲣⲉϥⲣⲛⲟⲃⲉ ⲣⲓⲕⲉ ⲉⲃⲟⲗ ⲛⲟⲩϫⲡⲓⲟ ⲁⲩⲱ ϥⲛⲁϩⲉ ⲉⲡϣⲱϣ ⲙⲡⲉϥⲟⲩⲱϣ

35:18  ⲟⲩⲣⲱⲙⲉ ⲛϣⲟϫⲛⲉ ⲛⲛⲉϥⲟⲃϣϥ ⲉⲩⲙⲟⲕⲙⲉⲕ ⲟⲩϣⲙⲙⲟ ⲛϫⲁⲥⲓϩⲏⲧ ⲛⲉϥϣⲡⲟⲩϩⲟⲧⲉ ⲁⲩⲱ ⲙⲛⲛⲥⲁ ⲧⲣⲉϥⲁⲁⲥ ⲛⲉⲙⲁϥ ⲁϫⲛ ϣⲟϫⲛⲉ

35:19  ⲙⲡⲣⲣⲗⲁⲁⲩ ⲁϫⲛ ϣⲟϫⲛⲉ ⲁⲩⲱ ⲉⲕϣⲁⲛⲁⲁⲩ ⲙⲡⲣⲣϩⲧⲏⲕ

35:20  ⲙⲡⲣⲙⲟⲟϣⲉ ϩⲓ ⲟⲩϩⲓⲏ ⲛϩⲧⲟⲡ ⲁⲩⲱ ⲙⲡⲣϫⲓϫⲣⲟⲡ ϩⲓ ⲟⲩⲙⲁ ⲛⲱⲛⲉ

35:21  ⲙⲡⲣⲧⲁⲛϩⲟⲩⲧⲕ ϩⲓ ⲟⲩϩⲓⲏ ⲛⲁⲧϫⲣⲟⲡ

35:22  ⲁⲩⲱ ϩⲁⲣⲉϩ ⲉⲣⲟⲕ ⲉⲛⲉⲕϣⲏⲣⲉ

35:23  ⲧⲁⲛϩⲉⲧⲡⲉⲕϩⲏⲧ ϩⲛ ϩⲱⲃ ⲛⲓⲙ ⲕⲁⲓⲅⲁⲣ ⲡⲁⲓ ⲡⲉ ⲡⲁⲣⲉϩ ⲉⲛⲉⲛⲧⲟⲗⲏ

35:24  ⲡⲉⲧⲡⲓⲥⲧⲉⲩⲉ ⲉⲡⲛⲟⲙⲟⲥ ϥⲛⲁϯϩⲧⲏϥ ⲉⲛⲉⲛⲧⲟⲗⲏ ⲁⲩⲱ ⲡⲉⲧⲛⲁϩⲧⲉ ⲉⲡϫⲟⲉⲓⲥ ⲛⲛⲉϥⲣ[…

Chapter 36

36:1  ⲙⲛⲡⲉⲑⲟⲟⲩ ⲛⲁⲧⲱⲙⲛⲧ ⲉⲡⲉⲧⲣϩⲟⲧⲉ ϩⲏⲧϥ ⲙⲡϫⲟⲉⲓⲥ ⲁⲗⲗⲁ ϥⲛⲁⲣⲡⲕⲉⲧⲟⲩϫⲟϥ ϩⲛ ⲡⲉϥⲡⲓⲣⲁⲥⲙⲟⲥ

36:2  ⲛⲛⲉⲟⲩⲣⲱⲙⲉ ⲛⲥⲟⲫⲟⲥ ⲙⲉⲥⲧⲉⲡⲛⲟⲙⲟⲥ ⲡⲉⲧϩⲩⲡⲟⲕⲣⲓⲛⲉ ⲇⲉ ⲛϩⲏⲧϥ ⲉϥⲟ ⲛⲑⲉ ⲛⲟⲩϫⲟⲓ ϩⲛ ⲟⲩϩⲁⲧⲏⲩ

36:3  ϣⲁⲣⲉⲟⲩⲣⲱⲙⲉ ⲛⲥⲁⲃⲉ ⲡⲓⲥⲧⲉⲩⲉ ⲉⲡⲛⲟⲙⲟⲥ ⲁⲩⲱ ⲡⲛⲟⲙⲟⲥ ⲛϩⲟⲧ ⲛⲁϥ ⲛⲑⲉ ⲙⲡⲉⲧⲟⲩϣⲓⲛⲉ ⲙⲙⲟϥ ⲉϥϫⲱ ⲙⲙⲟϥ

36:4  ⲥⲃⲧⲉⲡⲉⲕϣⲁϫⲉ ⲧⲁⲣⲟⲩⲥⲟⲧⲙⲉϥ ⲙⲣⲧⲉⲕⲥⲃⲱ ⲧⲟⲧⲉ ⲛⲅϣⲁϫⲉ

36:5  ⲛⲑⲉ ⲛⲟⲩⲕⲟⲧ ⲛⲁϭⲟⲗⲧⲉ ⲡⲉ ⲡⲥⲁ ⲛϩⲟⲩⲛ ⲛⲟⲩⲥⲟϭ ⲁⲩⲱ ⲉⲣⲉⲡⲉϥⲙⲉⲉⲩⲉ ⲟ ⲛⲑⲉ ⲛⲟⲩⲁⲝⲱⲛ ⲉϥⲕⲱⲧⲉ

36:6  ⲛⲑⲉ ⲛⲟⲩϩⲧⲟ ⲉϥϩⲁ ⲟⲩⲕⲁⲣⲟⲩⲭⲓⲟⲛ ⲉϣⲁϥϩⲙϩⲙ ϩⲁ ⲡⲉⲧϩⲙⲟⲟⲥ ϩⲓϫⲱϥ ⲧⲏⲣϥ ⲧⲁⲓ ⲧⲉ ⲑⲉ ⲛⲟⲩϣⲃⲏⲣ ⲣⲣⲉϥⲥⲱⲃⲉ

36:7  ⲉⲧⲃⲉ ⲟⲩ ⲟⲩⲛϩⲟⲟⲩ ϫⲟⲥⲉ ⲉϩⲟⲟⲩ ⲉⲡⲓⲣⲏ ⲛⲟⲩⲱⲧ ⲡⲉⲧⲣⲟⲩⲟⲉⲓⲛ ⲉϩⲟⲟⲩ [ⲛⲓⲙ ⲛ]ⲧⲉⲣⲟⲙⲡⲉ

36:8  ⲁⲩⲡⲟⲣϫⲟⲩ ⲉⲃⲟⲗ ϩⲙ ⲡⲥⲟⲟⲩⲛ ⲙⲡϫⲟⲉⲓⲥ [ⲁϥ]ϣⲓⲃⲉ ⲛⲛⲉⲟⲩⲟⲉⲓϣ ⲙⲛ ⲛϣⲁ

36:9  ⲁϥϫⲓⲥⲉ ⲉⲃⲟⲗ ⲛϩⲏⲧⲟⲩ ⲁⲩⲱ ⲁϥⲧⲃⲃⲟⲟⲩ ⲁϥⲕⲱ ⲉⲃⲟⲗ ⲛϩⲏⲧⲟⲩ ⲉϩⲛⲏⲡⲉ ⲛϩⲟⲟⲩ

36:10  ⲛⲣⲱⲙⲉ ϩⲱⲟⲩ ⲧⲏⲣⲟⲩ ϩⲛⲉⲃⲟⲗ ϩⲙ ⲡⲕⲁϩ ⲛⲉ ⲁⲩⲱ ⲛⲧⲁⲩⲥⲛⲧⲁⲇⲁⲙ ⲉⲃⲟⲗ ϩⲙ ⲡⲕⲁϩ

36:11  ⲁⲡϫⲟⲉⲓⲥ ⲡⲟⲣϫⲟⲩ ⲉⲃⲟⲗ ϩⲙ ⲡⲁϣⲁⲓ ⲛⲧⲉϥⲥⲃⲱ ⲁⲩⲱ ⲁϥϣⲓⲃⲉ ⲛⲛⲉⲩϩⲓⲟⲟⲩⲉ

36:12  ⲁϥⲥⲙⲟⲩ ⲉϩⲟⲓⲛⲉ ⲛϩⲏⲧⲟⲩ ⲁⲩⲱ ⲁϥϫⲁⲥⲧⲟⲩ ⲁϥⲧⲃⲃⲟ ⲉⲃⲟⲗ ⲛϩⲏⲧⲟⲩ ⲁϥϩⲟⲛⲟⲩ ⲉⲣⲟϥ ⲁϥⲥϩⲟⲩⲣϩⲟⲓⲛⲉ ⲛϩⲏⲧⲟⲩ ⲁⲩⲱ ⲁϥⲑⲃⲃⲓⲟⲟⲩ ⲁⲩⲱ ⲁϥⲧⲁⲩⲟⲟⲩ ⲉϩⲣⲁⲓ ϩⲓ ⲛⲉⲩⲙⲁ ⲛⲁϩⲉⲣⲁⲧⲟⲩ

36:13  ⲉⲩⲟ ⲛⲑⲉ ⲛⲟⲩⲟⲙⲉ ⲛⲕⲉⲣⲁⲙⲉⲩⲥ ϩⲛ ⲧⲉϥϭⲓϫ ⲉⲣⲉⲛⲉϥϩⲓⲟⲟⲩⲉ ⲧⲏⲣⲟⲩ ϣⲟⲟⲡ ⲕⲁⲧⲁ ⲡⲉϥⲟⲩⲱϣ ⲧⲁⲓ ⲧⲉ ⲑⲉ ⲉⲧⲉⲣⲉⲛⲣⲱⲙⲉ ϩⲛ ⲧϭⲓϫ ⲙⲡⲉⲛⲧⲁϥⲧⲁⲙⲓⲟⲟⲩ ⲉⲧⲱⲱⲃⲉ ⲛⲁⲩ ⲕⲁⲧⲁ ⲡⲉϥⲟⲩⲱϣ

36:14  ⲡⲁⲅⲁⲑⲟⲛ ⲙⲡⲉⲙⲧⲟ ⲉⲃⲟⲗ ⲙⲡⲡⲉⲑⲟⲟⲩ ⲁⲩⲱ ⲡⲱⲛϩ ⲙⲡⲉⲙⲧⲟ ⲉⲃⲟⲗ ⲙⲡⲙⲟⲩ ⲧⲁⲓ ⲧⲉ ⲑⲉ ⲙⲡⲣⲉϥⲣⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡⲣⲙⲛⲛⲟⲩⲧⲉ

36:15  ⲁⲩⲱ ϥϭⲱϣⲧ ⲛⲧⲉⲓϩⲉ ⲉⲛⲉϩⲃⲏⲩⲉ ⲧⲏⲣⲟⲩ ⲙⲡⲉⲧϫⲟⲥⲉ ⲥⲛⲁⲩ ⲥⲛⲁⲩ ⲟⲩⲁ ⲙⲡⲉⲙⲧⲟ ⲉⲃⲟⲗ ⲛⲟⲩⲁ

36:16  ⲁⲛⲟⲕ ϩⲱ ⲁⲓⲣⲟⲩϣⲏ ⲛⲣⲟⲉⲓⲥ ⲉⲡϩⲁⲉ ⲁⲩⲱ ⲁⲓⲕⲗⲏⲣⲟⲛⲟⲙⲓ ⲙⲙⲟⲟⲩ ⲛⲑⲉ ⲛϣⲟⲣⲡ

36:17  ⲛⲁ ⲙⲡⲗⲁⲟⲥ ⲛⲧⲁⲩⲧⲁϩⲙⲉϥ ϩⲙ ⲡⲉⲕⲣⲁⲛ ⲁⲩⲱ ⲡ ⲉⲛⲧⲁⲕⲧⲛⲧⲱⲛϥ ⲉⲡⲉⲕϣⲣⲡ ⲙⲙⲓⲥⲉ

36:18  ϣⲛϩⲧⲏⲕ ϩⲁ ⲧⲡⲟⲗⲓⲥ ⲙⲛ ⲡⲉⲕⲙⲁ ⲉⲧⲟⲩⲁⲁⲃ ⲑ ⲡⲉⲕⲙⲁ ⲛϣⲱⲡⲉ

36:19  ⲙⲟⲩϩ ⲛⲥⲓⲱⲛ ⲛⲁⲣⲉⲧⲏ ⲛⲛⲉⲕϣⲡⲏⲣⲉ ⲁⲩⲱ ⲡⲉⲕⲗⲁⲟⲥ ⲛⲡⲉⲕⲉⲟⲟⲩ

36:20  ϯⲟⲩⲙⲛⲧⲣⲉ ⲛⲛⲉⲕⲥⲱⲛⲧ ⲛϣⲟⲣⲡ ⲛⲅⲧⲟⲩⲛⲉⲥⲛⲉⲡⲣⲟⲫⲏⲧⲓⲁ ⲛⲁⲓ ⲉⲩϩⲓ ⲡⲉⲕⲣⲁⲛ

36:21  ϯⲟⲩⲃⲉⲕⲉ ⲛⲛⲉⲧϩⲩⲡⲟⲙⲓⲛⲉ ⲉⲣⲟⲕ ⲡϫⲟⲓⲥ ⲁⲩⲱ ⲙⲁⲣⲟⲩⲧⲁⲛϩⲉⲧⲛⲉⲕⲡⲣⲟⲫⲏⲧⲏⲥ

36:22  ⲡϫⲟⲉⲓⲥ ⲥⲱⲧⲙ ⲉⲡⲥⲟⲡⲥ ⲛⲛⲉⲕϩⲙϩⲁⲗ ⲕⲁⲧⲁ ⲡⲉⲥⲙⲟⲩ ⲛⲁⲁⲣⲱⲛ ⲉⲧⲃⲉ ⲡⲉⲕⲗⲁⲟⲥ ⲁⲩⲱ ⲛϭⲓ ⲟⲩⲟⲛ ⲛⲓⲙ ⲉⲧϩⲓϫⲛ ⲡⲕⲁϩ ϫⲉ ⲛⲧⲟⲕ ⲡⲉ ⲡϫⲟⲉⲓⲥ ⲡⲛⲟⲩⲧⲉ ⲛϣⲁⲉⲛⲉϩ

36:23  ⲉⲥⲟⲩⲉⲙϭⲓⲛⲟⲩⲱⲙ ⲛⲓⲙ ⲟⲩⲛϭⲓⲛⲟⲩⲱⲙ ⲇⲉ ⲉϥⲥⲟⲧⲡ ⲉϭⲓⲛⲟⲩⲱⲙ

36:24  ⲧⲉϣⲟⲩⲱⲃⲉ ⲧⲉϣⲁⲥⲧⲱⲡⲉ ⲛϩⲛⲁϥ ⲧⲁⲓ ⲧⲉ ⲑⲉ ⲉϣⲁⲣⲉⲫⲏⲧ ⲛⲛⲥⲁⲃⲉ ⲧⲉⲡϩⲛϣⲁϫⲉ ⲛϭⲟⲗ

36:25  ϣⲁⲣⲉⲟⲩϩⲏⲧ ⲉϥϭⲟⲟⲙⲉ ϯⲟⲩⲗⲩⲡⲏ ⲁⲩⲱ ϣⲁⲣⲉⲟⲩⲣⲱⲙⲉ ⲛⲥⲁⲃⲉ ⲧⲟⲟⲃⲉⲥ ⲛⲁϥ

36:26  ϣⲁⲣⲉⲧⲉⲥϩⲓⲙⲉ ϫⲓϩⲟⲟⲩⲧ ⲛⲓⲙ ⲟⲩⲛⲥϩⲓⲙⲉ ⲇⲉ ⲉⲛⲁⲛⲟⲩϥ ⲉⲥϩⲓⲙⲉ

36:27  ϣⲁⲣⲉⲡⲥⲁ ⲛⲟⲩⲥϩⲓⲙⲉ ϯⲟⲩⲣⲟⲧ ⲙⲡⲉⲥϩⲟ ⲁⲩⲱ ⲥⲥⲟⲧⲡ ⲉⲉⲡⲓⲑⲩⲙⲓⲁ ⲛⲓⲙ

36:28  ⲉϣⲱⲡⲉ ⲟⲩⲛⲛⲁ ϩⲓ ⲙⲛⲧⲣⲙⲣⲁϣ ϩⲓ ⲛⲉⲥⲡⲟⲧⲟⲩ ⲉⲉⲓⲉ ⲡⲉⲥϩⲁⲓ ⲛⲟⲩⲕⲁⲧⲁ ⲛϣⲏⲣⲉ ⲛⲣⲣⲱⲙⲉ ⲁⲛ ⲡⲉ

36:29  ⲡⲉⲧⲛⲁⲕⲱ ⲛⲁϥ ⲛⲟⲩⲥϩⲓⲙⲉ ⲁϥⲁⲣⲭⲓ ⲛⲕⲱ ⲛⲁϥ ⲛⲟⲩⲃⲟⲏⲑⲟⲥ ⲕⲁⲧⲁⲣⲟϥ ⲁⲩⲱ ⲟⲩⲥⲧⲩⲗⲟⲥ ⲛⲙⲧⲟⲛ

36:30  ⲡϭⲱⲙ ⲉⲧⲉⲙⲛϫⲟⲗϫⲗ ⲙⲙⲟϥ ϣⲁⲩⲧⲟⲣⲡϥ ⲁⲩⲱ ⲡⲉⲧⲉⲙⲛⲧϥⲥϩⲓⲙⲉ ϥⲛⲁⲁϣⲁϩⲟⲙ ⲉϥⲕⲱⲧⲉ

36:31  ⲛⲓⲙ ⲡⲉⲧⲛⲁⲧⲁⲛϩⲟⲩⲧϥ ⲙⲛ ⲟⲩⲥⲟⲟⲛⲉ ⲉϥϩⲏⲕ ⲉϥϥⲱϭⲉ ⲉⲃⲟⲗ ϩⲛ ⲟⲩⲡⲟⲗⲓⲥ ⲉⲟⲩⲡⲟⲗⲓⲥ ⲧⲁⲓ ⲧⲉ ⲑⲉ ⲛⲟⲩⲣⲱⲙⲉ ⲉⲙⲛⲧϥⲙⲁ ⲛϣⲱⲡⲉ ⲉϣⲁϥϭⲟⲉⲓⲗⲉ ⲉⲡⲙⲁ ⲉⲧϥⲛⲁϫⲓⲣⲟⲩϩⲉ ⲛϩⲏⲧϥ

Chapter 37

37:1  ϣⲃⲏⲣ ⲛⲓⲙ ⲛⲁϫⲟⲟⲥ ϫⲉ ⲁⲓⲣϣⲃⲏⲣ ϩⲱ ⲁⲗⲗⲁ ⲟⲩⲛϣⲃⲏⲣ ⲉⲡⲉϥⲣⲁⲛ ⲙⲙⲁⲧⲉ ⲡⲉ ϣⲃⲏⲣ

37:2  ⲙⲏ ⲙⲛⲗⲩⲡⲏ ϣⲟⲟⲡ ϣⲁϩⲣⲁⲓ ⲉⲡⲙⲟⲩ ⲁⲩⲱ ⲟⲩⲛϣⲃⲏⲣ ⲉⲩⲛⲙⲙⲁⲕ ⲉϣⲁⲩⲕⲟⲧⲟⲩ ⲉⲩⲙⲛⲧϫⲁϫⲉ

37:3  ⲱ ⲡⲙⲉⲉⲩⲉ ⲉⲑⲟⲟⲩ ⲛⲧⲁⲕⲉⲓ ⲧⲱⲛ ⲉϩⲃⲥⲡⲕⲁϩ ϩⲛ ⲟⲩⲕⲣⲟϥ

37:4  ϣⲁⲣⲉⲟⲩϣⲃⲏⲣ ϩⲏⲇⲁⲛⲉ ⲙⲡⲉϥϣⲃⲏⲣ ϩⲛ ⲟⲩⲟⲩⲛⲟϥ ⲁⲩⲱ ϩⲙ ⲡⲉⲟⲩⲟⲉⲓϣ ⲛⲧⲉⲑⲗⲓⲯⲓⲥ ϥⲛⲁϯ ⲟⲩⲃⲏϥ

37:5  ϣⲁⲣⲉⲟⲩϣⲃⲏⲣ ϣⲡϩⲓⲥⲉ ⲙⲛ ⲡⲉϥϣⲃⲏⲣ ⲉⲧⲃⲉ ϩⲏⲧϥ ⲁⲩⲱ ϥⲛⲁϫⲓ ⲛⲟⲩϭⲗ ⲙⲡⲉⲙⲧⲟ ⲉⲃⲟⲗ ⲛⲟⲩⲡⲟⲗⲉⲙⲟⲥ

37:6  ⲙⲡⲣⲣⲡⲱⲃϣ ⲙⲡⲉⲕϣⲃⲏⲣ ϩⲙ ⲡⲉⲕϩⲏⲧ ⲁⲩⲱ ⲙⲡⲣⲣⲡⲱⲃϣ ⲙⲡⲉⲕϣⲃⲏⲣ ϩⲛ ⲛⲉⲕⲭⲣⲏⲙⲁ

37:7  ⲣⲉϥϫⲓϣⲟϫⲛⲉ ⲛⲓⲙ ⲛⲁⲧⲟⲩⲛⲉⲥⲟⲩϣⲟϫⲛⲉ ⲁⲗⲗⲁ ⲟⲩⲛⲣⲉϥϫⲓϣⲟϫⲛⲉ ⲉⲣⲟϥ ⲟⲩⲁⲁϥ

37:8  ⲁⲣⲉϩ ⲧⲉⲕⲯⲩⲭⲏ ⲉⲣⲉϥϫⲓϣⲟϫⲛⲉ [ⲁⲩⲱ ⲉ]ⲓⲙⲉ ⲛϣⲟⲣⲡ ϫⲉ ⲉϥⲁϩⲉ ⲛⲁⲕ ⲛⲟⲩ ⲕⲁ]ⲓ ⲅⲁⲣ ϥⲛⲁϫⲓϣⲟϫⲛⲉ ⲉⲣⲟϥ ⲟⲩⲁⲁϥ ⲙⲏⲡⲟⲧⲉ ⲛϥⲛⲉϫⲕⲗⲏⲣⲟⲥ ⲉϫⲱⲕ

37:9  ⲛϥϫⲟⲟⲥ ⲛⲁⲕ ϫⲉ ⲛⲁⲛⲟⲩⲧⲉⲕϩⲓⲏ ⲛϥⲁϩⲉⲣⲁⲧϥ ⲙⲡⲉⲕⲙⲧⲟ ⲉⲃⲟⲗ ⲉⲛⲁⲩ ⲉⲡⲉⲧⲛⲁϣⲱⲡⲉ ⲙⲙⲟⲕ

37:10  ⲙⲡⲣϫⲓϣⲟϫⲛⲉ ⲙⲛ ⲡⲉⲧⲙⲟⲩϩ ⲛⲉⲓⲁⲧϥ ⲙⲙⲟⲕ ⲁⲩⲱ ϩⲱⲡ ⲛⲛⲉⲕϣⲁϫⲉ ⲉⲛⲉⲧⲕⲱϩ ⲉⲣⲟⲕ

37:11  ⲙⲡⲣϫⲓϣⲟϫⲛⲉ ⲙⲛ ⲟⲩⲥϩⲓⲙⲉ ⲉⲧⲃⲉ ⲧⲉⲥⲕⲟⲓϩⲉ ⲁⲩⲱ ⲙⲛ ⲟⲩϭⲱⲃ ⲉⲧⲃⲉ ⲟⲩⲡⲟⲗⲉⲙⲟⲥ ⲁⲩⲱ ⲙⲛ ⲟⲩⲉϣⲱⲧ ⲉⲧⲃⲉ ⲟⲩⲙⲉⲧⲁⲃⲟⲗⲏ ⲙⲛ ⲡⲉⲧϣⲱⲡ ⲉⲧⲃⲉ ϯ ⲉⲃⲟⲗ ⲁⲩⲱ ⲙⲛ ⲟⲩⲉⲓⲉⲣⲃⲟⲟⲛⲉ ⲉⲧⲃⲉ ⲟⲩⲙⲛⲧⲣⲉϥϯ ⲙⲛ ⲟⲩⲁⲧⲛⲁ ⲉⲧⲃⲉ ⲟⲩⲙⲛⲧⲛⲁⲏⲧ ⲁⲩⲱ ⲙⲛ ⲟⲩⲣⲉϥϫⲛⲁⲁⲩ ⲉⲧⲃⲉ ϩⲱⲃ ⲛⲓⲙ ⲙⲛ ⲟⲩϫⲁⲓⲃⲉⲕⲉ ⲙⲙⲏⲏⲛⲉ ⲉⲧⲃⲉ ⲟⲩϫⲱⲕ ⲉⲃⲟⲗ ⲁⲩⲱ ⲙⲛ ⲟⲩϩⲙϩⲁⲗ ⲛⲁⲣⲅⲟⲥ ⲉⲧⲃⲉ ⲟⲩⲛⲟϭ ⲛϩⲱⲃ ⲙⲡⲣⲕⲁϩⲧⲏⲕ ⲉⲛⲁⲓ ⲉⲧⲃⲉ ϣⲟϫⲛⲉ ⲛⲓⲙ

37:12  ⲁⲗⲗⲁ ⲉⲕⲛⲁⲧⲁϣⲟⲕ ⲙⲛ ⲟⲩⲣⲙⲛⲛⲟⲩⲧⲉ ⲡⲉⲧⲕⲛⲁⲉⲓⲙⲉ ⲉⲣⲟϥ ϫⲉ ϥⲛⲁⲁⲣⲉϩ ⲉⲧⲉⲛⲧⲟⲗⲏ ⲉⲣⲉⲡⲉϥϩⲏⲧ ⲛⲛⲏⲩ ⲉϩ[ⲟⲩⲛ …] ⲁⲩⲱ ⲉⲕϣⲁⲛϫⲱⲣⲡ ϥⲛⲁϣⲡϩⲓⲥⲉ […]

37:13  (b) ⲙⲛⲡⲉⲧⲛϩⲟⲧ ⲅⲁⲣ ⲉⲣⲟϥ ⲛⲁⲕ

37:14  ϣⲁⲣⲉⲧⲉⲯⲩⲭⲏ ⲅⲁⲣ ⲙⲡⲣⲱⲙⲉ ⲧⲟⲛⲧⲛ ⲛϩⲛⲥⲟⲡ ⲉϩⲟⲩⲉⲥⲁϣϥ ⲛⲣⲉⲣϭⲱϣⲧ ⲉⲃⲟⲗ ⲉⲩϩⲙ[ⲟ]ⲟⲥ ⲉⲩϭⲱϣⲧ ϩⲓ ⲟⲩⲙⲁ ⲉϥϫⲟⲥⲉ

37:15  ⲉϫⲛ ⲛⲁⲓ ⲧⲏⲣⲟⲩ ⲥⲟⲡⲥ ⲙⲡⲉⲧϫⲟⲥⲉ ϫⲉ ϥⲥⲟⲟⲩⲛ ⲛⲧⲉⲕϩⲓⲏ ϩⲛ ⲟⲩⲙⲉ

37:16  ⲧⲁⲣⲭⲏ ⲛϩⲱⲃ ⲛⲓⲙ ⲡⲉ ⲡϣⲁϫⲉ ⲁⲩⲱ ⲑⲁⲏ ⲛϩⲱⲃ ⲛⲓⲙ ⲡⲉ ⲡϣⲟϫⲛⲉ

37:17  ⲡⲟⲩⲱⲛϩ ⲉⲃⲟⲗ ⲙⲡϣⲓⲃⲉ ⲡⲉ ⲫⲏⲧ

37:18  ϥⲧⲟⲟⲩ ⲛϩⲱⲃ ⲛⲉⲧⲟⲩⲟⲛϩ ⲉⲃⲟⲗ ⲡⲁⲅⲁⲑⲟⲛ ⲙⲛ ⲡⲡⲉⲑⲟⲟⲩ ⲡⲱⲛϩ ⲙⲛ ⲡⲙⲟⲩ ⲡⲉⲧⲟ ⲇⲉ ⲛϫⲟⲉⲓⲥ ⲉϫⲱⲟⲩ ⲛϩⲁϩ ⲛⲥⲟⲡ ⲡⲉ ⲡⲗⲁⲥ

37:19  ⲟⲩⲛⲣⲱⲙⲉ ⲛⲥⲁⲃⲉ ⲛⲣⲉϥϯⲥⲃⲱ ⲛⲟⲩⲙⲏⲏϣⲉ ⲉⲩⲁⲧϣⲁⲩ ⲡⲉ ⲛⲧⲉϥⲯⲩⲭⲏ ⲙⲙⲓⲛ ⲙⲙⲟϥ

37:20  ⲟⲩⲛⲡⲉⲧϯⲥⲁⲕ ⲙⲙⲟϥ ϩⲛ ⲛⲉϥϣⲁϫⲉ ⲉⲩⲙⲉⲥⲧⲉ ⲡⲉ ⲡⲁⲓ ⲛⲁⲣϭⲣⲱϩ ϩⲛ ⲧⲣⲩⲫⲏ ⲛⲓⲙ

37:21  ⲙⲡⲟⲩϯⲛⲉϥⲭⲁⲣⲓⲥ ⲅⲁⲣ ⲛⲛⲁϩⲣⲛ ⲡϫⲟⲉⲓⲥ ϫⲉ ⲁⲩϩⲟⲩⲣⲱⲱϥ ⲛⲥⲟⲫⲓⲁ ⲛⲓⲙ

37:22  ⲟⲩⲛⲡⲉⲧⲟ ⲛⲥⲟⲫⲟⲥ ϩⲛ ⲧⲉϥⲯⲩⲭⲏ [ⲉ]ⲣⲉⲛⲕⲁⲣⲡⲟⲥ ⲛⲧⲉ ⲧⲉϥⲙⲛⲧⲥⲁⲃⲉ ⲛϩⲟⲧ ϩⲛ ⲧⲉϥⲧⲁⲡⲣⲟ

37:23  ϣⲁⲣⲉⲟⲩⲣⲱⲙⲉ ⲛⲥⲟⲫⲟⲥ ϯⲥⲃⲱ ⲙⲡⲉϥⲗⲁⲟⲥ ⲁⲩⲱ ⲛⲕⲁⲣⲡⲟⲥ ⲛⲧⲉϥⲙⲛⲧⲥⲁⲃⲉ ⲛϩⲟⲧ

37:24  ⲟⲩⲛⲟⲩⲣⲱⲙⲉ ⲛⲥⲟⲫⲟⲥ ⲛⲁⲙⲟⲩϩ ⲛⲟⲩⲥⲙⲟⲩ ⲁⲩⲱ ⲟⲩⲟⲛ ⲛⲓⲙ ⲉⲧⲛⲁⲩ ⲉⲣⲟϥ ⲛⲁⲧⲙⲁⲉⲓⲟϥ

37:25  ⲡⲁϩⲉ ⲙⲡⲣⲱⲙⲉ ⲉϥϩⲛ ⲟⲩⲏⲡⲉ ⲛϩⲟⲟⲩ ⲁⲩⲱ ϩⲛⲁⲧⲏⲡⲉ ⲛⲉ ⲛⲉϩⲟⲟⲩ ⲙⲡ

37:26  ⲡⲥⲟⲫⲟⲥ ϩⲛ ⲡⲉϥⲗⲁⲟⲥ ⲛⲁⲕⲗⲏⲣⲟⲛⲟⲙⲓ ⲛⲟⲩⲡⲓⲥⲧⲓⲥ ⲁⲩⲱ ⲡⲉϥⲣⲁⲛ ⲛⲁⲱⲛϩ ⲛϣⲁⲉⲛⲉϩ

37:27  ⲡⲁϣⲏⲣⲉ ⲡⲉⲓⲣⲁⲍⲉ ⲛⲧⲉⲕⲯⲩⲭⲏ ϩⲙ ⲡⲉⲕⲱⲛϩ ⲛⲅⲛⲁⲩ ϫⲉ ⲟⲩ ⲡⲉⲧϩⲟⲟⲩ ⲛⲁⲥ ⲛⲅⲧⲙⲧⲁⲁϥ ⲛⲁⲥ

37:28  ⲛⲥⲉⲣⲛⲟϥⲣⲉ ⲅⲁⲣ ⲧⲏⲣⲟⲩ ⲁⲛ ⲛⲟⲩⲟⲛ ⲛⲓⲙ ⲁⲩⲱ ⲯⲩⲭⲏ ⲛⲓⲙ ⲧⲏⲧ ⲁⲛ ⲛϩⲏⲧⲟⲩ ⲧⲏⲣⲟⲩ

37:29  ⲙⲡⲣⲣⲁⲧⲥⲉⲓ ϩⲛ ⲟⲩⲙⲏⲏϣⲉ ⲛⲧⲣⲩⲫⲏ ⲁⲩⲱ ⲙⲡⲣⲡⲟⲣϣⲕ ⲉⲃⲟⲗ ⲉϫⲛ ϩⲛϭⲓⲛⲟⲩⲱⲙ

37:30  ⲉⲃⲟⲗ ⲅⲁⲣ ϩⲛ ϩⲁϩ ⲛϭⲓⲛⲟⲩⲱⲙ ϣⲁⲣⲉϣⲱⲛⲉ ϣⲱⲡⲉ ⲁⲩⲱ ϣⲁⲣⲉⲟⲩⲙⲛⲧⲁⲧⲥⲉⲓ ϩⲱⲛ ⲉϩⲟⲩⲛ ⲉⲩⲭⲟⲗⲏ

37:31  ⲁϩⲁϩ ⲙⲟⲩ ⲉⲧⲃⲉ [ⲟⲩⲙⲛⲧⲁⲧⲥⲉⲓ] ⲡⲉ[ⲧ… …]

Chapter 38

38:1  ⲙⲁⲧⲁⲉⲓⲉ ⲡⲥⲁⲉ[ⲓⲛ ] ⲕⲁⲓ ⲅⲁⲣ ⲡϫⲟⲉⲓⲥ ⲡⲉⲛⲧⲁϥⲥⲟⲛⲧϥ

38:2  ⲉⲣⲉⲡⲧⲁⲗϭⲟ ⲅⲁⲣ ϩⲓⲧⲙ ⲡϫⲟⲉⲓⲥ ⲡⲛ[ⲟⲩ]ⲧⲉ ⲁⲩⲱ ϣⲁϥϫⲓⲧⲁⲉⲓⲟ ⲛⲑⲉ ⲛⲟⲩⲣⲣⲟ

38:3  ϣⲁⲣⲉⲧⲉⲡⲓⲥⲧⲏⲙⲏ ⲛⲟⲩⲥⲁⲉⲓⲛ ϫⲓⲥⲉ ⲛⲧⲉϥⲁⲡⲉ ⲁⲩⲱ ϣⲁⲩⲣϣⲡⲏⲣⲉ ⲙⲙⲟϥ ⲙⲡⲉⲙⲧⲟ ⲉⲃⲟⲗ ⲛϩⲛⲛⲟϭ

38:4  ⲁⲡϫⲟⲉⲓⲥ ⲥⲛⲧⲙⲡⲁϩⲣⲉ ⲉⲃⲟⲗ ϩⲙ ⲡⲕⲁϩ ⲁⲩⲱ ⲟⲩⲣⲱⲙⲉ ⲛⲥⲁⲃⲉ ⲙⲁϥⲙⲉⲥⲧⲱⲟⲩ

38:5  ⲙⲏ ⲛⲧⲁⲟⲩⲙⲟⲟⲩ ⲁⲛ ϩⲗⲟϭ ⲉⲃⲟⲗ ϩⲛ ⲟⲩϣⲉ ⲉⲧⲣⲉⲩⲉⲓⲙⲉ ⲉⲧⲉϥϭⲟⲙ

38:6  ⲁⲩⲱ ⲛⲧⲟϥ ⲡⲉⲛⲧⲁϥϯⲥⲃⲱ ⲛⲣⲣⲱⲙⲉ ⲉⲧⲣⲉⲩϫⲓⲉⲟⲟⲩ ϩⲛ ⲛⲉϥϣⲡⲏⲣⲉ

38:7  ⲁϥⲣⲡⲁϩⲣⲉ ⲛϩⲏⲧⲟⲩ ⲁϥϥⲓ ⲛⲛⲉⲩⲧⲕⲁⲥ

38:8  ⲉⲣⲉⲙⲡⲁⲥⲥⲟϭⲛ ⲛⲁⲧⲁⲙⲓⲉⲟⲩⲙⲓⲅⲙⲁ ϩⲛ ⲛⲁⲓ ⲁⲩⲱ ⲛⲛⲉⲛⲉϥϩⲃⲏⲩⲉ ⲱϫⲛ ϯⲣⲏⲛⲏ ⲉⲃⲟⲗ ϩⲓⲧⲟⲟⲧϥ ⲉⲧϩⲓϫⲛ ⲫⲟ ⲙⲡⲕⲁϩ

38:9  ⲡⲁϣⲏⲣⲉ ⲙⲡⲣⲟⲃϣⲕ ϩⲙ ⲡⲉⲕϣⲱⲛⲉ ⲁⲗⲗⲁ [ⲥⲟⲡⲥ ⲙⲡϫⲟⲉⲓ]ⲥ ⲁⲩⲱ ⲛⲧⲟϥ ⲉ[… ] ⲛⲁⲕ

38:10  [ⲥⲁ]ϩⲉ ⲉⲃⲟⲗ ⲙⲙⲟⲕ ⲙⲡⲛⲟⲃⲉ ⲁⲩⲱ ⲛⲅⲥⲟⲟⲩⲧⲛ ⲛⲛⲉⲕϭⲓϫ ⲁⲩⲱ ⲧⲃⲃⲟ ⲙⲡⲉⲕϩⲏⲧ ⲉⲛⲟⲃⲉ ⲛⲓⲙ

38:11  ϯ ⲛⲟⲩⲥϯⲛⲟⲩϥⲉ ⲙⲛ ⲟⲩⲣⲡⲙⲉⲉⲩⲉ ⲛⲥⲁⲙⲓⲧ ⲛⲅⲧⲁϣⲉⲧⲉⲕⲡⲣⲟⲥⲫⲟⲣⲁ ⲛⲑⲉ ⲛⲛⲉⲧⲉⲛⲥⲉϣⲟⲟⲡ ⲁⲛ

38:12  ⲛⲅϯⲙⲁ ⲛⲟⲩⲥⲁⲉⲓⲛ ⲕⲁⲓ ⲅⲁⲣ ⲡϫⲟⲉⲓⲥ ⲁϥⲥⲟⲛⲧϥ ⲙⲡⲣⲧⲣⲉϥⲟⲩⲉ ⲙⲙⲟⲕ ⲕⲁⲓ ⲅⲁⲣ ⲕⲛⲁⲣⲭⲣⲉⲓⲁ ⲛⲁϥ

38:13  ⲟⲩⲛⲟⲩⲟⲩⲟⲉⲓϣ ⲅⲁⲣ ⲉⲣⲉⲡⲥⲟⲟⲩⲧⲛ ϩⲛ ⲧⲉϥϭⲓϫ

38:14  ⲕⲁⲓ ⲅⲁⲣ ⲥⲉⲥⲟⲡⲥ ϩⲱⲟⲩ ⲙⲡϫⲟⲉⲓⲥ ϫⲉ ⲉϥⲉⲥⲟⲟⲩⲧⲛ ⲛⲁⲩ ⲙⲡⲉⲙⲧⲟⲛ ⲁⲩⲱ ⲡⲧⲁⲗϭⲟ ⲉⲧⲃⲉ ⲧⲉⲩϭⲓⲛⲱⲛϩ

38:15  ⲉⲣⲉⲡⲉⲧⲣⲛⲟⲃⲉ ⲙⲡⲉⲙⲧⲟ ⲉⲃⲟⲗ ⲙⲡⲉⲛⲧⲁϥⲧⲁⲙⲓⲟϥ ⲉⲓ ⲉⲧⲟⲟⲧϥ ⲙⲡⲥⲁⲉⲓⲛ

38:16  ⲣⲓⲙⲉ ⲉϫⲛ ⲟⲩⲕⲱⲱⲥ ⲛⲅⲁⲣⲭⲓ ⲛⲧⲟⲉⲓⲧ ⲛⲑⲉ ⲙⲡⲉⲧⲙⲟⲕϩ ⲉⲙⲁⲧⲉ ⲁⲩⲱ ⲛⲅⲗⲡⲉϥⲥⲱⲙⲁ ⲕⲁⲧⲁ ⲧⲉϥⲙⲓⲛⲉ ⲁⲩⲱ ⲙⲡⲣⲟⲃϣⲕ ⲉⲧⲉϥⲕⲁⲉⲓⲥⲉ

38:17  ⲁⲣⲓⲟⲩⲣⲓⲙⲉ ⲉϥⲛⲁϣⲧ ⲛⲅⲧⲁϣⲉⲟⲩⲛⲉϩⲡⲉ ⲛⲅⲣⲡⲉϥϩⲏⲃⲉ ⲕⲁⲧⲁ ⲡⲉϥⲙⲡϣⲁ ⲟⲩϩⲟⲟⲩ ϣⲁ ⲥⲛ[ⲁⲩ] ⲁⲩⲱ ⲛⲅⲥⲗⲥⲱⲗ […]

38:18  ϣⲁⲣⲉⲡⲙⲟⲩ ⲅⲁⲣ ϣⲱⲡⲉ ⲉⲧⲃⲉ ⲧⲗⲩ[ⲡⲏ] ⲁⲩⲱ ϣⲁⲣⲉⲧⲗⲩⲡⲏ ⲕⲱⲗϫ ⲛⲧϭⲟⲙ ⲙⲫⲏⲧ

38:19  ⲉϣⲁⲣⲉⲧⲗⲩⲡⲏ ⲟⲩⲱϩ ϩⲛ ϩⲉⲛϩⲓⲥⲉ ⲁⲩⲱ ⲧϭⲓⲛⲱⲛϩ ⲙⲫⲏⲕⲉ ϩⲙ ⲡⲉϥϩⲏⲧ

38:20  ⲙⲡⲣϯⲡⲉⲕϩⲏⲧ ⲉⲩⲗⲩⲡⲏ ⲥⲁϩⲱⲥ ⲉⲃⲟⲗ ⲙⲙⲟⲕ ⲉⲁⲕⲣⲡⲙⲉⲉⲩⲉ ⲛⲧⲉⲕϩⲁⲏ

38:21  ⲙⲡⲣⲣⲡⲱⲃϣ ⲙⲛⲑⲉ ⲅⲁⲣ ⲉⲧⲣⲉϥⲕⲟⲧϥ ⲉⲣⲟⲕ ⲁⲩⲱ ⲕⲛⲁϯϩⲏⲩ ⲁⲛ ⲙⲡⲁⲓ ⲁⲩⲱ ⲕⲛⲁⲑⲙⲕⲟⲕ

38:22  ⲁⲣⲓⲡⲙⲉⲉⲩⲉ ⲙⲡⲁϩⲁⲡ ϫⲉ ⲧⲁⲓ ⲧⲉ ⲑⲉ ⲙⲡⲱⲕ ⲁⲥϣⲱⲡⲉ ⲙⲙⲟⲓ ⲛⲥⲁϥ ⲁⲩⲱ ⲙⲙⲟⲕ ⲙⲡⲟⲟⲩ

38:23  ϩⲙ ⲡⲉⲛⲕⲟⲧⲕ ⲛⲟⲩⲕⲱⲱⲥ ⲙⲁⲧⲁⲗϭⲉⲡⲉϥⲣⲡⲙⲉⲉⲩⲉ ⲁⲩⲱ ⲛⲅⲥⲗⲥⲱⲗⲕ ⲉϫⲱϥ ϩⲙ ⲡⲓ ⲉⲃⲟⲗ ⲙⲡⲉϥ

38:24  ⲉⲣⲉⲧⲥⲟⲫⲓⲁ ⲛⲟⲩⲅⲣⲁⲙⲙⲁⲧⲉⲩⲥ ϩⲛ ⲟⲩⲟⲩⲟⲉⲓϣ ⲛⲥⲣϥⲉ ⲁⲩⲱ ⲡⲉⲧⲉⲣⲉⲛⲉϥϩⲃⲏⲩⲉ ⲥⲟⲃⲕ ⲛⲧⲟϥ ⲡⲉⲧⲛⲁⲣⲥⲟⲫⲟⲥ

38:25  ⲉϥⲛⲁⲣⲥⲟⲫⲟⲥ ϩⲛ ⲟⲩ ⲛϭⲓ ⲡⲉⲧⲁⲙⲁϩⲧⲉ ⲛⲟⲩϩⲃⲃⲉ ⲉϥϣⲟⲩϣⲟⲩ ⲙⲙⲟϥ ϩⲙ ⲡϣⲉ ⲙⲡⲉϥϫⲟⲕⲉϥ [………]ⲏⲕ ϩⲛ ⲛⲉϥ[ϩ]ⲃⲏⲩⲉ [ⲁⲩⲱ] ⲡⲉϥϣⲁϫⲉ […] ϩⲛ ⲡϣⲏⲣⲉ ϩⲱ ⲛⲙⲙⲁⲥⲉ

38:26  [ϥⲛⲁϯ] ⲙⲡⲉϥϩⲏⲧ ⲉⲩⲥⲟⲟⲩⲧⲛ ⲙⲡⲉϥⲧⲗⲟⲙ [ⲁ]ⲩⲱ ⲧⲉϥⲟⲩϣⲏ ⲛⲣⲟⲉⲓⲥ ⲡⲉ ϯϩⲣⲉ ⲛⲛⲉϥⲃⲁϩⲥⲉ

38:27  [ⲧ]ⲁⲓ ⲧⲉ ⲑⲉ ⲛϩⲁⲙϣⲉ ⲛⲓⲙ ϩⲓ ⲁⲣⲭⲓⲧⲉⲕⲧⲱⲛ ⲛⲓⲙ ⲡⲁⲓ ⲉϯⲣⲉ ⲛⲧⲉⲩϣⲏ ⲛⲑⲉ ⲙⲡⲉϩⲟⲟⲩ ⲛⲉⲧϣⲟϫⲧ ⲛϩⲛⲕⲗⲩⲙⲁ ⲛⲥⲫⲣⲁⲅⲓⲥ ⲁⲩⲱ ⲧⲉϥϩⲩⲡⲟⲙⲟⲛⲏ ⲡⲉ ϣⲓⲃⲉ ⲛⲁⲩⲁⲛ ϥⲛⲁϯ ⲙⲡⲉϥϩⲏⲧ ⲉⲩⲉⲓⲛⲉ ⲛⲍⲱⲅⲣⲁⲫⲓⲁ ⲁⲩⲱ ⲧⲉϥⲟⲩϣⲏ ⲛⲣⲟⲉⲓⲥ ⲡⲉ ϫⲉⲕⲡⲉϥϩⲱⲃ ⲉⲃⲟⲗ

38:28  ⲧⲁⲓ ⲧⲉ ⲑⲉ ⲛϩⲁⲙⲕⲗⲗⲉ ⲛⲓⲙ ⲉϥϩⲙⲟⲟⲥ ϩⲁⲧⲏ ⲡⲉⲙⲏϣ ⲉϥϯ ⲛϩⲧⲏϥ ⲉⲫⲱⲃ ⲙⲡⲡⲉⲛⲓⲡⲉ ⲡⲗϩⲱⲃ ⲙⲡⲕⲱϩⲧ ⲛⲁⲃⲗⲛⲉϥⲕⲁⲁⲥ ⲉⲃⲟⲗ ⲁⲩⲱ ⲉϥⲛⲁϯ ⲙⲛ ⲑⲙⲙⲉ ⲙⲡⲁϣ ⲡⲉϩⲣⲟⲟⲩ ⲙⲫⲁⲧⲏⲣ ⲛⲁⲧⲙⲧⲙ ⲛⲉϥⲙⲁⲁϫⲉ ⲉⲣⲉⲛⲉϥⲃⲁⲗ ϯ ⲛϩⲧⲏⲩ ⲉⲡⲓⲛⲉ ⲙⲡⲉϥϩⲛⲁⲁⲩ ϥⲛⲁϯ ⲙⲡⲉϥϩⲏⲧ ⲉϫⲉⲕⲛⲉϥϩⲃⲏⲩⲉ ⲉⲃⲟⲗ ⲁⲩⲱ ⲧⲉϥⲟⲩϣⲏ ⲛⲣⲟⲉⲓⲥ ⲡⲉ ⲧⲥⲁⲛⲟ ⲛⲧⲉⲩⲉⲙⲏ

38:29  ⲧⲁⲓ ⲧⲉ ⲑⲉ ⲙⲡⲕⲉⲣ[ⲁⲙⲉⲩⲥ ⲉϥϩⲙⲟⲟⲥ ⲉ]ⲡⲉϥϩⲱⲃ ⲉϥⲕⲧⲟ ⲙⲡⲉϥⲧⲣⲟⲭⲟⲥ ⲛⲛⲉϥⲟ[ⲩⲉⲣⲏⲧⲉ] ⲡⲁⲓ ⲉⲧϥⲓⲣⲟⲟⲩϣ ⲛⲟⲩⲟⲉⲓϣ ⲛⲓⲙ ⲙ[ⲡⲉϥ]ϩⲱⲃ ⲁⲩⲱ ⲉⲣⲉⲧⲉϥⲉⲓⲟⲡⲉ ⲧⲏⲣⲥ ϩⲛ ⲟⲩⲱ[ⲡ]

38:30  ϥⲛⲁϯⲥⲙⲟⲧ ⲉⲡⲟⲙⲉ ϩⲛ ⲛⲉϥϭⲃⲟⲉ[ⲓ] ⲁⲩⲱ ϥⲛⲁⲕⲱⲗϫ ⲛⲧⲉϥϭⲟⲙ ϩⲁ ⲛⲉϥⲟⲩⲉⲣⲏⲧⲉ ϥⲛⲁϯ ⲙⲡⲉϥϩⲏⲧ ⲉϫⲉⲕⲧⲧⲁϩⲥ ⲉⲃⲟⲗ ⲁⲩⲱ ⲧⲉϥⲟⲩϣⲏ ⲛⲣⲟⲉⲓⲥ ⲡⲉ ⲧⲃⲃⲟ ⲛⲧⲉϥϩⲣⲱ

38:31  ⲉⲣⲉⲛⲁⲓ ⲧⲏⲣⲟⲩ ⲕⲱ ⲛϩⲧⲏⲩ ⲉⲛⲉⲩϭⲓϫ ⲁⲩⲱ ⲉⲣⲉⲡⲟⲩⲁ ⲡⲟⲩⲁ ⲛⲁⲣⲥⲟⲫⲟⲥ ϩⲙ ⲡⲉϥϩⲱⲃ

38:32  ⲙⲛⲡⲟⲗⲓⲥ ⲛⲁϭⲱⲣϭ ⲁϫⲛⲧⲟⲩ ⲁⲩⲱ ⲛⲛⲉⲩⲟⲩⲱϩ ⲛϩⲏⲧⲥ ⲟⲩⲇⲉ ⲛⲛⲉⲩⲙⲟⲟϣⲉ

38:33  ⲛⲛⲉⲩϫⲓⲥⲉ ⲙⲙⲟⲟⲩ ϩⲛ ⲟⲩⲙⲏⲏϣⲉ ⲛⲛⲉⲩϩⲙⲟⲟⲥ ϩⲓ ⲧⲟϭⲥ ⲛⲣⲉϥϯϩⲁⲡ ⲁⲩⲱ ⲛⲉⲩⲙⲉⲕⲙⲟⲩⲕⲟⲩ ⲉⲩⲇⲓⲁⲑⲏⲕⲏ ⲛϩⲁⲡ ⲟⲩⲇⲉ ⲛⲉⲩⲟⲩⲱⲛϩ ⲉⲃⲟⲗ ⲛⲟⲩⲥⲃⲱ ⲙⲛ ⲟⲩⲕⲣⲓⲙⲁ ⲁⲩⲱ ⲛⲉⲩϩⲉ ⲉⲣⲟⲟⲩ ϩⲛ ϩⲉⲛⲡⲁⲣⲁⲃⲟⲗⲏ

38:34  ⲁⲗⲗⲁ ⲉⲩⲛⲁⲧⲁϫⲣⲟ ⲛⲛⲉⲩⲥⲱⲛⲧ ⲛϣⲁⲉⲛⲉϩ [ⲁⲩⲱ ⲡⲉⲩⲥⲟ]ⲡⲥ ϩⲛ ⲧⲉⲣⲅⲁⲥⲓⲁ ⲛ[ⲟⲩⲧ]ⲉⲭⲛⲏ [ⲡⲗⲏⲛ] ⲡⲉⲧⲛⲁϯ ⲙⲙⲁⲧⲉ ⲛⲧⲉϥⲯⲩⲭⲏ [ⲁⲩ]ⲱ ⲛϥⲙⲉⲉⲩⲉ ϩⲙ ⲡⲛⲟⲙⲟⲥ ⲙⲡⲉⲧϫⲟⲥⲉ

Chapter 39

39:1  [ϥ]ⲛⲁϣⲓⲛⲉ ⲛⲥⲁ ⲧⲥⲟⲫⲓⲁ ⲛⲛⲓⲁⲣⲭⲁⲓⲟⲥ ⲧⲏⲣⲟⲩ ⲁⲩⲱ ⲛϥⲧⲙⲥⲣϥⲉ ϩⲛ ⲛⲉⲩⲡⲣⲟⲫⲏⲧⲓⲁ

39:2  ϥⲛⲁⲁⲣⲉϩ ⲉⲡϣⲟϫⲛⲉ ⲛⲛⲓⲣⲙⲛⲥⲟⲉⲓⲧ ⲁⲩⲱ ϥⲛⲁⲃⲱⲕ ⲉϩⲟⲩⲛ ⲛⲙⲙⲁⲩ ϩⲛ ϩⲉ(ⲛ)ⲕⲧⲟ ⲙⲡⲁⲣⲁⲃⲟⲗⲏ

39:3  ϥⲛⲁϣⲓⲛⲉ ⲛⲥⲁ ⲙⲡⲉⲑⲏⲡ ⲛⲙⲡⲁⲣϩⲟⲓⲙⲓⲁ ⲁⲩⲱ ϥⲛⲁⲃⲱⲕ ϩⲛ ⲛⲁⲓⲛⲓⲅⲙⲁ ⲛⲙⲡⲁⲣⲁⲃⲟⲗⲏ

39:4  ϥⲛⲁϣⲙϣⲉ ϩⲛ ⲧⲙⲏⲧⲉ ⲛⲛⲛⲟϭ ⲛϥⲟⲩⲱⲛϩ ⲉⲃⲟⲗ ϩⲛ ⲛⲓⲁⲛϫⲱϫ ϥⲛⲏⲩ ⲉⲃⲟⲗ ϩⲓⲧⲛ ⲡⲕⲁϩ ⲛϩⲛϩⲉⲑⲛⲟⲥ ⲛϣⲙⲙⲟ ⲛⲁⲅⲁⲑⲟⲛ ⲅⲁⲣ ⲙⲛ ⲙⲡⲉⲑⲟⲟⲩ ⲉⲧϩⲛ ⲛⲣⲱⲙⲉ ⲁϥϫⲟⲛⲧⲟⲩ

39:5  ϥⲛⲁϯⲡⲉϥϩⲏⲧ ⲛϣⲟⲣⲡ ⲉⲡϫⲟⲉⲓⲥ ⲡⲉⲛⲧⲁϥⲧⲁⲙⲓⲟϥ ⲁⲩⲱ ⲛϥⲥⲟⲡⲥ ⲙⲡⲉⲙⲧⲟ ⲉⲃⲟⲗ ⲙⲡⲉⲧϫⲟⲥⲉ ϥⲛⲁⲟⲩⲱⲛ ⲛⲣⲱϥ ϩⲙ ⲡⲉϥϣⲗⲏⲗ ⲁⲩⲱ ϥⲛⲁⲥⲟⲡⲥ ϩⲁ ⲛⲉϥⲛⲟⲃⲉ

39:6  ⲉⲣϣⲁⲛⲡϫⲟⲉⲓⲥ ⲡⲛⲟϭ ⲟⲩⲱϣ ϥⲛⲁⲙⲁϩϥ ⲙ ⲙ[…] ⲁⲩⲱ ϥⲛⲁⲧⲁⲟⲩⲟ ⲉ[…… ⲛ]ⲧⲉϥⲥⲟⲫⲓⲁ ϥⲛⲁⲉⲝⲟⲙⲟⲗⲟⲅⲉⲓ ⲙⲡϫⲟⲉⲓⲥ ϩⲙ [ⲡϣⲗⲏⲗ]

39:7  ⲁⲩⲱ ⲛⲧⲟϥ ϥⲛⲁⲥⲟⲟⲩⲧⲛ ⲙⲡⲉϥϣ[ⲟ]ϫⲛⲉ ⲙⲛ ⲧⲉϥⲥⲃⲱ ϥⲛⲁⲙⲉⲕⲙⲟⲩⲕϥ ϩⲛ ⲛⲉϥⲡⲉⲑⲏⲡ

39:8  ⲛⲧⲟϥ ϥⲛⲁⲟⲩⲱⲛϩ ⲉⲃⲟⲗ ⲛⲧⲉⲥⲃⲱ ⲙⲡⲉϥⲧⲥⲁⲃⲟ ⲁⲩⲱ ϥⲛⲁϣⲟⲩϣⲟⲩ ⲙⲙⲟϥ ϩⲙ ⲡⲛⲟⲙⲟⲥ ⲛⲧⲇⲓⲁⲑⲏⲕⲏ ⲙⲡϫⲟⲉⲓⲥ

39:9  ⲁⲩⲱ ⲟⲩⲛϩⲁϩ ⲛⲁⲥⲙⲟⲩ ⲉⲧⲉϥⲙⲛⲧⲣⲙⲛϩⲏⲧ ⲁⲩⲱ ⲛⲥⲛⲁϥⲱⲧⲉ ⲉⲃⲟⲗ ⲁⲛ ⲛϣⲁⲉⲛⲉϩ ⲡⲉϥⲣⲡⲙⲉⲉⲩⲉ ⲛⲁⲗⲟ ⲁⲛ ⲁⲩⲱ ⲡⲉϥⲣⲁⲛ ⲛⲁⲱⲛϩ ϣⲁ ϩⲛϫⲱⲙ ⲛϫⲱⲙ

39:10  ⲛϩⲉⲑⲛⲟⲥ ⲛⲁϫⲱ ⲛⲧⲉϥⲥⲟⲫⲓⲁ ⲁⲩⲱ ⲟⲩⲛⲟⲩⲥⲟⲟⲩϩⲥ ⲛⲁϫⲱ ⲙⲡⲉϥⲧⲁⲓⲟ

39:11  ⲉϥϣⲁⲛⲙⲟⲩⲛ ⲉⲃⲟⲗ ϥⲛⲁⲕⲱ ⲙⲡⲉϥⲣⲁⲛ ⲉϩⲟⲩⲉϣⲟ ⲁⲩⲱ ⲉϥϣⲁⲛⲙⲟⲩ ϥⲛⲁⲣϩⲱⲃ ⲛⲁϥ

39:12  ⲉⲧⲓ ⲇⲉ ⲁⲓⲙⲉⲕⲙⲟⲩⲕⲧ ϯⲛⲁϣⲁϫⲉ ⲁⲩⲱ ⲁⲓⲙⲟⲩϩ ⲛⲑⲉ ⲙⲡⲟⲟϩ

39:13  ⲥⲱⲧⲙ ⲉⲣⲟⲓ ⲛⲁϣⲏⲣⲉ ⲉⲧⲟⲩⲁⲁⲃ ⲛⲧⲉⲧⲛϯⲟⲩⲱ ⲛⲑⲉ ⲛⲟⲩⲉⲣⲧ ⲉϥⲣⲏⲧ ϩⲓϫⲛ ⲟⲩⲙⲟⲟⲩ ⲉϥϫⲁⲓⲉ

39:14  ⲁⲩⲱ ⲛⲧⲉⲧⲛϯ ⲙⲡⲉⲧⲛⲥϯⲛⲟⲩϥⲉ ⲛⲑⲉ ⲛⲟⲩⲗⲓⲃⲁⲛⲟⲥ ⲛⲧⲉⲧⲛϯⲟⲩⲱ ⲛⲟⲩϩⲣⲏⲣⲉ ⲛⲑⲉ ⲛⲟⲩⲕⲣⲓⲛⲟⲛ ϯ ⲙⲡⲉⲧⲛⲥⲧⲟⲓ ⲛⲧⲉⲧⲛⲥⲙⲟⲩ ϩⲛ ⲟⲩⲥⲙⲟⲩ ⲥⲙⲟⲩ ⲉⲡϫⲟⲉⲓⲥ ⲉϫⲛ ⲛⲉϥϩⲃⲏⲩⲉ ⲧⲏⲣⲟⲩ

39:15  ϯⲟⲩⲙⲛⲧⲛⲟϭ ⲙⲡⲉϥⲣⲁⲛ ⲁⲩⲱ ⲛⲧⲉⲧⲛⲟⲩⲱⲛϩ ⲉⲃⲟⲗ ⲙⲡⲉϥⲥⲙⲟⲩ ϩⲛ ϩⲉⲛϩⲱⲇⲏ ⲛⲥⲡⲟⲧⲟⲩ ⲙⲛ ϩⲛϭⲓⲛⲩⲣⲁ ⲁⲩⲱ ⲛⲧⲉⲧⲛϫⲟⲟⲥ ⲛⲧⲉⲓϩⲉ ⲉⲧⲉⲧⲛⲟⲩⲱⲛϩ ⲉⲃⲟⲗ

39:16  ϫⲉ ⲛⲉϩⲃⲏⲩⲉ ⲧⲏⲣⲟⲩ ⲙⲡϫⲟⲉⲓⲥ ⲛⲁⲛⲟⲩⲟⲩ ⲉⲙⲁⲧⲉ ⲁⲩⲱ ⲟⲩⲉϩⲥⲁϩⲛⲉ ⲛⲓⲙ ⲛⲁϣⲱⲡⲉ ⲙⲡⲉϥⲟⲩⲟⲉⲓϣ

39:17  ⲛⲛⲉⲕⲉϣϫⲟⲟⲥ ϫⲉ ⲟⲩ ⲡⲉ ⲡⲁⲓ ⲁⲩⲱ ⲉⲩⲛⲁⲣⲟⲩ ⲙⲡⲁⲓ ⲥⲉⲛⲁϣⲓⲛⲉ ⲅⲁⲣ ⲛⲥⲱⲟⲩ ⲧⲏⲣⲟⲩ ϩⲙ ⲡⲉⲩⲟⲩⲟⲉⲓϣ ϩⲙ ⲡⲉϥϣⲁϫⲉ ⲁⲡⲙⲟⲟⲩ ⲁϩⲉⲣⲁⲧϥ ⲛⲑⲉ ⲛⲟⲩϫⲁⲧⲙⲉ ⲛϫⲛⲟⲟⲩ ⲁⲩⲱ ⲛⲛⲟⲩⲧ ⲙⲙⲟⲟⲩ ϩⲛ ⲛϣⲁϫⲉ ⲛⲣⲱϥ

39:18  ⲉⲣⲉⲡⲉϥⲟⲩⲱϣ ⲧⲏⲣϥ ϩⲙ ⲡⲉϥⲟⲩⲉϩⲥⲁϩⲛⲉ ⲁⲩⲱ ⲙⲛⲡⲉⲧⲛⲁϣϭⲱϫⲃ ϩⲙ ⲡⲉϥⲟⲩϫⲁⲓ

39:19  ⲛⲉϩⲃⲏⲩⲉ ⲛⲥⲁⲣⲝ ⲛⲓⲙ ⲙⲡⲉϥⲙⲧⲟ ⲉⲃⲟⲗ ⲁⲩⲱ ⲛⲛⲉⲩϩⲱⲡ ⲉⲛⲉϥⲃⲁⲗ

39:20  ⲁϥϭⲱϣⲧ ⲉϫⲱⲟⲩ ϫⲓⲛ ⲉⲛⲉϩ ⲛϣⲁ ⲉⲛⲉϩ ⲁⲩⲱ ⲙⲛⲗⲁⲁⲩ ⲛϣⲡⲏⲣⲉ ⲙⲡⲉϥⲙⲧⲟ ⲉⲃⲟⲗ

39:21  ⲛⲛⲉⲕⲉϣϫⲟⲟⲥ ϫⲉ ⲟⲩ ⲡⲉ ⲡⲁⲓ ⲁⲩⲱ ⲉⲩⲛⲁⲣⲟⲩ ⲙⲡⲁⲓ ⲛⲧⲁⲩⲥⲟⲛⲧⲟⲩ ⲅⲁⲣ ⲧⲏⲣⲟⲩ ⲉⲧⲉⲩⲭⲣⲓⲁ

39:22  ⲁⲡⲉϥⲥⲙⲟⲩ ⲙⲟⲩϩ ⲛⲑⲉ ⲙⲡⲉⲓⲉⲣⲟ ⲁⲩⲱ ⲁϥⲧⲥⲟ ⲙⲡⲕⲁϩ ⲛⲑⲉ ⲛⲟⲩⲕⲁⲧⲁⲕⲗⲩⲥⲙⲟⲥ

39:23  ⲧⲁⲓ ⲧⲉ ⲑⲉ ⲉⲧⲉⲣⲉⲧⲉϥⲟⲣⲅⲏ ⲛⲁⲕⲗⲏⲣⲟⲛⲟⲙⲓ ⲛϩⲉⲑⲛⲟⲥ ⲛⲓⲙ ⲛⲑⲉ ⲉⲛⲧⲁϥⲕⲧⲉϩⲉⲛⲙⲟⲟⲩ ⲉⲩⲙⲗϩ

39:24  ⲛⲉϥϩⲓⲟⲟⲩⲉ ⲥⲟⲩⲧⲱⲛ ⲛⲛⲉⲧⲟⲩⲁⲁⲃ ⲁⲩⲱ ⲥⲉⲟ ⲛϫⲣⲟⲡ ⲛⲛⲁⲛⲟⲙⲟⲥ

39:25  ⲛⲧⲁϥⲥⲛⲧⲛⲁⲅⲁⲑⲟⲛ ⲛⲛⲉⲧⲛⲁⲛⲟⲩⲟⲩ ϫⲓⲛ ⲛϣⲟⲣⲡ ⲁⲩⲱ ⲙⲡⲉⲑⲟⲟⲩ ⲛⲛⲣⲉϥⲣⲛⲟⲃⲉ

39:26  ⲧⲁⲣⲭⲏ ⲛⲭⲣⲓⲁ ⲛⲓⲙ ϩⲙ ⲡⲱⲛϩ ⲙⲡⲣⲱⲙⲉ ⲡⲉ ⲡⲙⲟⲟⲩ ⲙⲛ ⲡⲕⲱϩⲧ ⲙⲛ ⲡⲡⲉⲛⲓⲡⲉ ⲙⲛ ⲡⲉϩⲙⲟⲩ ⲁⲩⲱ ⲡⲥⲁⲙⲓⲧ ⲙⲡⲥⲟⲩⲟ ⲙⲛ ⲡⲉⲣⲱⲧⲉ ⲙⲛ ⲡⲉⲃⲓⲱ ⲁⲩⲱ ⲡⲉⲥⲛⲟϥ ⲙⲡⲉⲗⲟⲟⲗⲉ ⲙⲛ ⲡⲛⲉϩ ⲙⲛ ⲧⲉϣⲧⲏⲛ

39:27  ⲛⲁⲓ ⲧⲏⲣⲟⲩ ⲛⲧⲁⲩⲥⲟⲛⲧⲟⲩ ⲛⲛⲣⲙⲛⲛⲟⲩⲧⲉ ⲉϩⲛⲁⲅⲁⲑⲟⲛ ⲧⲁⲓ ⲧⲉ ⲑⲉ ⲉⲧⲟⲩⲛⲁⲕⲧⲟⲟⲩ ⲛⲛⲣⲉϥⲣⲛⲟⲃⲉ ⲉϩⲛⲡⲉⲑⲟⲟⲩ

39:28  ⲟⲩⲛϩⲛ ⲛⲧⲁⲩⲥⲟⲛⲧⲟⲩ ⲉϫⲓⲕⲃⲁ ⲁⲩⲱ ϩⲛ ⲡⲉⲩϭⲱⲛⲧ ⲁⲩⲧⲁϫⲣⲟ ⲛⲛⲉⲩⲙⲁⲥⲧⲓⲅⲝ ϩⲛ ⲡⲉⲟⲩⲟⲉⲓϣ ⲛⲑⲁⲏ ⲥⲉⲛⲁⲡⲱϩⲧ ⲛⲧⲉⲩϭⲟⲙ ⲁⲩⲱ ⲥⲉⲛⲁϯϩⲣⲟⲕ ⲙⲡϭⲱⲛⲧ ⲙⲡⲉⲛⲧⲁϥⲧⲁⲙⲓⲟⲟⲩ

39:29  ⲡⲕⲱϩⲧ ⲙⲛ ⲧⲉⲭⲁⲗⲁⲍⲁ ⲙⲛ ⲫⲉⲃⲱⲱⲛ ⲙⲛ ⲡⲙⲟⲩ ⲛⲁⲓ ⲧⲏⲣⲟⲩ ⲛⲧⲁⲩⲥⲟⲛⲧⲟⲩ ⲉϫⲓⲕⲃⲁ

39:30  ⲛⲛⲁϫϩⲉ ⲛⲛⲉⲑⲏⲣⲓⲟⲛ ⲙⲛ ⲛⲟⲩⲟⲟϩⲉ ⲙⲛ ⲛϩⲟϥ ⲁⲩⲱ ⲧⲥⲏϥⲉ ⲉⲧϫⲓⲕⲃⲁ ⲉⲡⲧⲁⲕⲟ ⲛⲛⲁⲥⲉⲃⲏⲥ

39:31  ⲥⲉⲛⲁⲉⲩⲫⲣⲁⲛⲉ ϩⲛ ⲧⲉϥⲉⲛⲧⲟⲗⲏ ⲁⲩⲱ ⲛⲥⲉⲥⲃⲧⲱⲧ ϩⲛ ⲛⲉϥϭⲓϫ ϩⲓϫⲙ ⲡⲕⲁϩ ⲛⲛⲉⲩⲡⲁⲣⲁⲃⲁ ⲛⲟⲩϣⲁϫⲉ ϩⲛ ⲟⲩⲟⲩⲟⲉⲓϣ

39:32  ⲉⲧⲃⲉ ⲡⲁⲓ ⲁⲓⲧⲁϫⲣⲟⲓ ϫⲓⲛ ⲛϣⲟⲣⲡ ⲁⲓⲙⲉⲕⲙⲟⲩⲕⲧ ⲁⲓⲕⲁⲁⲩ ϩⲛ ⲟⲩⲥϩⲁⲓ

39:33  ϫⲉ ⲛⲉϩⲃⲏⲩⲉ ⲧⲏⲣⲟⲩ ⲙⲡϫⲟⲉⲓⲥ ⲛⲁⲛⲟⲩⲟⲩ ⲁⲩⲱ ϥⲛⲁϯⲭⲣⲓⲁ ⲛⲓⲙ ϩⲛ ⲧⲉⲥⲟⲩⲛⲟⲩ

39:34  ⲙⲉⲕⲉϣϫⲟⲟⲥ ϫⲉ ⲡⲁⲓ ϩⲟⲟⲩ ⲉⲡⲁⲓ ⲛⲁⲛⲟⲩⲟⲩ ⲅⲁⲣ ⲧⲏⲣⲟⲩ ϩⲙ ⲡⲉⲩⲟⲩⲟⲉⲓϣ

39:35  ⲧⲉⲛⲟⲩ ϭⲉ ⲥⲙⲟⲩ ⲉⲣⲟϥ ϩⲙ ⲡⲉⲧⲛϩⲏⲧ ⲧⲏⲣϥ ⲙⲛ ⲧⲉⲧⲛⲧⲁⲡⲣⲟ ⲛⲧⲉⲧⲛⲥⲙⲟⲩ ⲉⲡⲣⲁⲛ ⲙⲡϫⲟⲉⲓⲥ

Chapter 40

40:1  ⲁⲩⲥⲛⲧⲟⲩⲛⲟϭ ⲙⲙⲛⲧⲁⲧⲥⲣϥⲉ ⲣⲣⲱⲙⲉ ⲛⲓⲙ ⲁⲩⲱ ⲟⲩⲛⲁϩⲃ ⲉϥϩⲟⲣϣ ⲉϫⲛ ⲛϣⲏⲣⲉ ⲛⲁⲇⲁⲙ ϫⲓⲛ ⲡⲉϩⲟⲟⲩ ⲛⲧⲁⲩⲉⲓ ⲉⲃⲟⲗ ⲛϩⲏⲧⲥ ⲛⲧⲉⲩⲙⲁⲁⲩ ϣⲁ ⲡⲉϩⲟⲟⲩ ⲙⲡⲧⲟⲙⲥⲟⲩ ⲉⲡⲙⲁ ⲛⲟⲩⲟⲛ ⲛⲓⲙ

40:2  ⲉⲧⲉⲛⲉⲩⲙⲟⲕⲙⲉⲕ ⲛⲉ ⲙⲛ ⲑⲟⲧⲉ ⲙⲡⲉⲩϩⲏⲧ ⲙⲙⲉⲉⲩⲉ ⲉⲧⲟⲩϭⲱϣⲧ ⲉⲃⲟⲗ ϩⲏⲧⲟⲩ ⲙⲛ ⲡⲉϩⲟⲟⲩ ⲙⲡⲉⲩⲙⲟⲩ

40:3  ϫⲓⲛ ⲡⲉⲧϩⲙⲟⲟⲥ ϩⲓ ⲟⲩⲑⲣⲟⲛⲟⲥ ⲉϥϩⲁⲉⲟⲟⲩ ϣⲁ ⲡⲉⲧⲑⲃⲃⲓⲏⲩ ϩⲛ ⲡⲕⲁϩ ⲙⲛ ⲡⲕⲣⲙⲉⲥ

40:4  ϫⲓⲛ ⲡⲉⲧⲫⲟⲣⲓ ⲛⲟⲩϩⲩⲁⲕⲓⲛⲑⲓⲛⲟⲛ ⲙⲛ ⲟⲩⲕⲗⲟⲙ ϣⲁϩⲣⲁⲓ ⲉⲡⲉⲧⲉⲣⲉⲟⲩϭⲁϭⲓⲧⲱⲛ ϩⲓⲱⲱϥ

40:5  ⲡϭⲱⲛⲧ ⲙⲛ ⲡⲕⲱϩ ⲙⲛ ⲡⲉϣⲧⲟⲣⲧⲣ ⲙⲛ ⲡⲕⲓⲙ ⲁⲩⲱ ⲑⲟⲧⲉ ⲙⲡⲙⲟⲩ ⲙⲛ ⲡⲛⲟⲩϭⲥ ⲙⲛ ⲡϯⲧⲱⲛ ⲁⲩⲱ ϩⲛ ⲧⲉⲩⲛⲟⲩ ⲙⲡⲉⲙⲧⲟⲛ ϩⲓ ⲡⲉⲩⲙⲁ ⲛⲛⲕⲟⲧⲕ ϣⲁⲣⲉⲫⲓⲛⲏⲃ ⲛⲧⲉⲩϣⲏ ϣⲓⲃⲉ ⲙⲡⲉϥⲥⲟⲟⲩⲛ

40:6  [ⲟⲩ]ⲕⲟⲩⲓ ⲛⲑⲉ ⲛⲟⲩⲗⲁⲁⲩ ⲡⲉ ⲡⲉϥⲙⲧⲟⲛ ⲁⲩⲱ ϩⲙ ⲡⲁⲓ ⲉϣϫⲉ ⲉϥϩⲙ ⲡⲉϩⲟⲟⲩ ϩⲙ ⲡϭⲱϣⲧ ⲉⲃⲟⲗ ⲛⲣⲣⲁⲥⲟⲩ ⲉϥϣⲧⲣⲧⲱⲣ ϩⲛ ⲑⲟⲣⲁⲥⲓⲥ ⲙⲡⲉϥϩⲏⲧ ⲛⲑⲉ ⲙⲡⲉⲛⲧⲁϥⲣⲃⲟⲗ ϩⲛ ⲟⲩⲡⲟⲗⲉⲙⲟⲥ

40:7  ⲁϥⲧⲱⲟⲩⲛ ϩⲛ ⲧⲉⲩⲛⲟⲩ ⲙⲡⲉϥⲟⲩϫⲁⲓ ⲉⲛϥⲣϣⲡⲏⲣⲉ ⲁⲛ ⲗⲗⲁⲁⲩ ⲛϩⲟⲧⲉ

40:8  ⲙⲛ ⲥⲁⲣⲝ ⲛⲓⲙ ϫⲓⲛ ⲛⲣⲱⲙⲉ ϣⲁ ⲛⲧⲉⲃⲛⲏ ⲁⲩⲱ ⲥⲁϣϥ ⲛⲕⲱⲃ ⲛⲛⲁⲓ ⲛⲉⲧⲛⲛⲏⲩ ⲉϫⲛ ⲛⲣⲉϥⲣⲛⲟⲃⲉ

40:9  ⲡⲙⲟⲩ ⲙⲛ ⲡϯⲧⲱⲛ ⲙⲛ ⲡⲉⲥⲛⲟϥ ⲙⲛ ⲧⲥⲏϥⲉ ⲛⲉⲥⲛⲁⲩϩ ⲙⲛ ⲫⲉⲃⲱⲱⲛ ⲙⲛ ⲡⲟⲩⲱϣϥ ⲙⲛ ⲙⲙⲁⲥⲧⲓⲅⲝ

40:10  ⲛⲧⲁⲩⲥⲛⲧⲛⲁⲓ ⲧⲏⲣⲟⲩ ⲉⲛⲁⲛⲟⲙⲟⲥ ⲁⲩⲱ ⲛⲧⲁⲡⲕⲁⲧⲁⲕⲗⲩⲥⲙⲟⲥ ϣⲱⲡⲉ ⲉⲧⲃⲏⲧⲟⲩ

40:11  ⲛⲕⲁ ⲛⲓⲙ ⲉⲛⲧⲁⲩⲉⲓ ⲉⲃⲟⲗ ϩⲙ ⲡⲕⲁϩ ⲉⲩⲛⲁⲕⲟⲧⲟⲩ ⲉⲡⲕⲁϩ ⲁⲩⲱ ⲛⲉⲃⲟⲗ ϩⲛ ⲙⲙⲟⲟⲩ ⲉⲩⲛⲁⲕⲟⲧⲟⲩ ⲉⲑⲁⲗⲁⲥⲥⲁ

40:12  ⲇⲱⲣⲟⲛ ⲛⲓⲙ ⲁⲩⲱ ϫⲓⲛϭⲟⲛⲥ ⲛⲓⲙ ⲛⲁϥⲱⲧⲉ ⲉⲃⲟⲗ ⲧⲡⲓⲥⲧⲓⲥ ⲇⲉ ⲛⲁⲁϩⲉⲣⲁⲧⲥ ⲛϣⲁⲉⲛⲉϩ

40:13  ⲛⲉⲭⲣⲏⲙⲁ ⲛⲛⲣⲉϥϫⲓⲛϭⲟⲛⲥ ⲛⲁϣⲟⲟⲩⲉ ⲛⲑⲉ ⲛⲟⲩⲉⲓⲉⲣⲟ ⲁⲩⲱ ⲥⲉⲛⲁⲱϣ ⲉⲃⲟⲗ ⲛⲑⲉ ⲛⲟⲩϩⲣⲟⲩⲃⲃⲁⲓ ⲛⲟϭ ϩⲛ ⲟⲩϩⲱⲟⲩ

40:14  ϩⲙ ⲡⲧⲣⲉϥⲟⲩⲱⲛ ⲛⲛⲉϥϭⲓϫ ⲥⲉⲛⲁⲉⲩⲫ[ⲣⲁ]]ⲛ[ⲉ] ⲧⲁⲓ ⲧⲉ ⲑⲉ ⲛⲛⲉⲧⲡⲁⲣⲁⲃⲁ ⲥⲉⲛⲁⲱϫⲛ ⲛ[ⲑⲁ]ⲏ

40:15  ⲛⲛⲉⲛϣⲏⲣⲉ ⲛⲁⲥⲉⲃⲏⲥ ⲧⲁϣⲉⲛⲉⲩⲕⲗⲁⲇⲟⲥ ⲁⲩⲱ ⲛⲛⲟⲩⲛⲉ ⲛⲛⲓⲁⲕⲁⲑⲁⲣⲧⲟⲥ ⲉⲩⲟ ⲛⲑⲉ ⲛⲛⲉⲧϩⲓϫⲛ ⲛⲓⲡⲉⲧⲣⲁ ⲉⲧⲛⲁϣⲧ

40:16  ϣⲁⲩϥⲉϭⲡⲁϩⲣ ⲉⲧϩⲓϫⲛ ⲙⲟⲟⲩ ⲛⲓⲙ ⲁⲩⲱ ⲛⲉⲥⲡⲟⲧⲟⲩ ⲙⲡⲓⲉⲣⲟ ϩⲁⲑⲏ ⲛⲭⲟⲣⲧⲟⲥ ⲛⲓⲙ

40:17  ⲉⲣⲉⲧⲉⲭⲁⲣⲓⲥ ⲟ ⲛⲑⲉ ⲛⲟⲩⲡⲁⲣⲁⲇⲓⲥⲟⲥ ϩⲛ ⲛⲉⲥⲙⲟⲩ ⲁⲩⲱ ⲧⲙⲛⲧⲛⲁ ⲛⲁϣⲱⲡⲉ ⲛϣⲁⲉⲛⲉϩ

40:18  ⲛⲁⲛⲟⲩⲡⲱⲛϩ ⲉⲧⲧⲏϣ ⲛⲟⲩⲉⲣⲅⲁⲧⲏⲥ ⲛⲁϥ ⲡⲉⲛⲧⲁϥϩⲉ ⲇⲉ ⲉⲩⲁϩⲟ ⲥⲟⲧⲡ ⲉⲣⲟϥ

40:19  ϣⲏⲣⲉ ϩⲓ ⲕⲱⲧ ⲙⲡⲟⲗⲓⲥ ⲛⲉϣⲁⲩⲧⲁϫⲣⲉⲣⲁⲛ ⲟⲩⲛⲟⲩⲥϩⲓⲙⲉ ⲇⲉ ⲉⲥⲟⲩⲁⲁⲃ ⲥⲟⲧⲡ ⲉϩⲟⲩⲉ ϩⲣⲁⲓ ⲙⲡⲉⲥⲛⲁⲩ

40:20  ⲏⲣⲡ ϩⲓ ⲙⲟⲩⲥⲓⲕⲟⲛ ⲡⲉϣⲁϥⲉⲩⲫⲣⲁⲛⲉ ⲙⲫⲏⲧ ⲧⲁⲅⲁⲡⲏ ⲇⲉ ⲙⲛ ⲧⲥⲟⲫⲓⲁ ⲥⲟⲧⲡ ⲉⲣⲟⲟⲩ ⲙⲡⲉⲥⲛⲁⲩ

40:21  ⲥⲏϥⲉ ⲛϫⲱ ϩⲓ ⲯⲁⲗⲧⲏⲣⲓⲟⲛ ⲛⲉϣⲁⲩϯ ⲛⲟⲩⲗⲗⲉ ⲟⲩⲗⲁⲥ ⲇⲉ ⲉϥⲛⲟⲧⲙ ⲥⲟⲧⲡ ⲉⲣⲟⲟⲩ ⲙⲡⲉⲥⲛⲁⲩ

40:22  [ⲡⲉⲕⲃⲁⲗ ⲛⲁⲉ]ⲡⲓⲑⲩⲙⲓ ⲉⲩⲭⲁⲣⲓⲥ ⲙⲛⲟⲩⲥⲁ [ⲡⲟⲩⲟⲧ]ⲟⲩⲉⲧ ⲇⲉ ⲛⲧⲥⲱϣⲉ ⲥⲟⲧⲡ ⲉⲣⲟⲟⲩ ⲙⲡⲉⲥⲛⲁⲩ

40:23  [ϣⲁⲣ]ⲉⲡⲉⲕϣⲃⲏⲣ ⲙⲛ ⲡⲉⲕⲣⲱⲙⲉ ⲧⲱⲙⲛⲧ ⲉⲣⲟⲕ ⲙⲡⲉⲕⲟⲩⲟⲉⲓϣ ⲟⲩⲥϩⲓⲙⲉ ⲇⲉ ⲙⲛ ⲡⲉⲥϩⲁⲓ ⲥⲟⲧⲡ ⲉⲣⲟⲟⲩ ⲙⲡⲉⲥⲛⲁⲩ

40:24  ϣⲁⲣⲉϩⲛⲥⲛⲏⲩ ϯⲧⲟⲟⲧⲕ ⲙⲛ ⲟⲩⲃⲟⲏⲑⲓⲁ ϩⲙ ⲡⲉⲟⲩⲟⲉⲓϣ ⲛⲟⲩⲑⲗⲓⲯⲓⲥ ⲧⲙⲛⲧⲛⲁ ⲇⲉ ⲛⲁⲛⲟⲩϩⲙ ⲉϩⲟⲩⲉⲣⲟⲟⲩ ⲙⲡⲉⲥⲛⲁⲩ

40:25  ϣⲁⲣⲉⲡⲛⲟⲩⲃ ⲙⲛ ⲫⲁⲧ ⲥⲙⲛⲡⲣⲱⲙⲉ ⲡϣⲟϫⲛⲉ ⲇⲉ ⲥⲟⲧⲡ ⲉⲣⲟⲟⲩ ⲙⲡⲉⲥⲛⲁⲩ

40:26  ϣⲁⲣⲉⲭⲣⲏⲙⲁ ϩⲓ ϭⲟⲙ ϫⲓⲥⲉ ⲙⲫⲏⲧ ⲑⲟⲧⲉ ⲇⲉ ⲙⲡϫⲟⲉⲓⲥ ⲥⲟⲧⲡ ⲉⲣⲟⲟⲩ ⲙⲡⲉⲥⲛⲁⲩ ⲙⲛϣⲱⲱⲧ ϩⲛ ⲑⲟⲧⲉ ⲙⲡϫⲟⲉⲓⲥ ⲁⲩⲱ ⲙⲛⲧⲣⲉⲕϣⲓⲛⲉ ⲛⲥⲁ ⲃⲟⲏⲑⲓⲁ ⲉⲕⲛϩⲏⲧⲥ

40:27  ⲉⲣⲉⲑⲟⲧⲉ ⲙⲡϫⲟⲉⲓⲥ ⲟ ⲛⲑⲉ ⲛⲟⲩⲡⲁⲣⲁⲇⲓⲥⲟⲥ ⲛⲥⲙⲟⲩ ⲁⲩⲱ ⲥⲛⲁϩⲟⲃⲥϥ ⲉϩⲟⲩⲉⲟⲩⲟⲛ ⲛⲓⲙ

40:28  ⲡⲁϣⲏⲣⲉ ⲙⲡⲣⲣⲧϭⲓⲛⲱⲛϩ ⲛⲟⲩⲣⲉϥⲧⲱⲃϩ ⲛⲁⲛⲟⲩⲥ ⲅⲁⲣ ⲉⲧⲣⲉⲕⲙⲟⲩ ⲉϩⲟⲩⲉⲧⲱⲃϩ

40:29  ⲟⲩⲣⲱⲙⲉ ⲉϥϭⲱϣⲧ ⲉⲩⲧⲣⲁⲡⲉⲍⲁ ⲉⲛⲧⲱϥ ⲁⲛ ⲧⲉ ⲛⲟⲩⲁϩⲉ ⲁⲛ ϥⲛⲁⲧⲙⲙⲉⲧⲉϥⲯⲩⲭⲏ ⲛϩⲉⲛϭⲓⲛⲟⲩⲟⲟⲙ ⲉⲛⲛⲟⲩϥ ⲁⲛ ⲛⲉ ⲟⲩⲛⲟⲩⲣⲱⲙⲉ ⲇⲉ ⲛⲥⲁⲃⲉ ⲁⲩⲱ ⲉϥⲧⲥⲁ[ⲃⲏⲩ] ⲛⲁϩⲁⲣⲉϩ ⲉⲣⲟϥ

40:30  ⲡⲧⲱⲃϩ ⲛⲁϩⲗⲟϭ ϩⲛⲧⲧⲁⲡⲣⲟ ⲙⲡⲁⲧϣⲓⲡ[ⲉ] ⲁⲩⲱ ⲟⲩⲛⲟⲩⲕⲱϩⲧ ⲛⲁⲙⲟⲩϩ ⲛϩⲏⲧϥ

Chapter 41

41:1  ⲱ ⲡⲙⲟⲩ ⲉϣϫⲉ ⲡⲉⲕⲣⲡⲙⲉⲉⲩⲉ ⲥⲁϣⲉ ⲛⲟⲩⲣⲱⲙⲉ ⲉϥⲥⲙⲟⲛⲧ ϩⲛ ⲛⲉϥϩⲩⲡⲁⲣⲭⲟⲛⲧⲁ ⲛⲟⲩⲣⲱⲙⲉ ⲉϥⲟ ⲛⲁⲧⲣⲟⲟⲩϣ ⲁⲩⲱ ⲉϥⲥⲟⲩⲧⲱⲛ ϩⲛ ϩⲱⲃ ⲛⲓⲙ ⲁⲩⲱ ⲉⲩⲛϭⲟⲙ ⲙⲙⲟϥ ⲉⲟⲩⲱⲙⲧⲉϥϩⲣⲉ

41:2  ⲱ ⲡⲙⲟⲩ ⲉϣϫⲉ ⲛⲁⲛⲟⲩⲡⲉⲕϩⲁⲡ ⲛⲟⲩⲣⲱⲙⲉ ⲛϩⲏⲕⲉ ⲉϥⲟ ⲛϭⲱⲃ ⲛϩⲗⲗⲟ ⲉⲙⲁⲧⲉ ⲉϥⲡⲉⲣⲓⲥⲡⲁ ϩⲛϩⲱⲃ ⲛⲓⲙ ⲉϥⲟ ⲛⲁⲧⲛⲁϩⲧⲉ ⲉⲁϥⲕⲱ ⲛⲥⲱϥ ⲛⲑⲩⲡⲟⲙⲟⲛⲏ

41:3  ⲙⲡⲣⲣϩⲟⲧⲉ ϩⲏⲧϥ ⲙⲡⲉⲕⲣⲓⲙⲁ ⲙⲡⲙⲟⲩ ⲁⲣⲓⲡⲙⲉⲉⲩⲉ ⲛⲛⲉⲕϣⲟⲣⲡ ⲙⲛ ⲛⲉⲕϩⲁⲉⲉⲩ

41:4  ϫⲉ ⲡⲁⲓ ⲡⲉ ⲡⲧⲱϣ ⲛⲥⲁⲣⲝ ⲛⲓⲙ ⲉⲃⲟⲗ ϩⲓⲧⲛ ⲡϫⲟⲉⲓⲥ ⲁⲩⲱ ⲉⲕⲛⲁϣⲥⲧⲉⲟⲩ ⲉⲃⲟⲗ ⲉⲡⲟⲩⲱϣ ⲙⲡⲉⲧϫⲟⲥⲉ ⲡⲉ ⲉⲓⲧⲉ ⲉⲕⲣⲙⲏⲧⲉ ⲉⲓⲧⲉ ⲉⲕⲣϣⲉ ⲉⲓⲧⲉ ⲉⲕⲣϣⲟ ⲛⲣⲟⲙⲡⲉ ⲙⲛϫⲡⲓⲉⲁϩⲉ ϩⲛ ⲁⲙⲛⲧⲉ

41:5  [ⲛϣ]ⲏⲣⲉ [ⲛⲛⲣⲉϥⲣ]ⲛⲟ[ⲃ]ⲉ ⲛⲁⲣϩⲛϣⲏⲣⲉ [ⲉⲩ]ⲃⲏⲧ [ⲁⲩ]ⲱ ⲛⲉⲧⲙⲟⲟϣⲉ ϩⲛ ⲙⲙⲁ ⲛϣⲱⲡⲉ ⲛⲛⲁⲥⲉⲃⲏⲥ

41:6  [ⲧⲉ]ⲕⲗⲏⲣⲟⲛⲟⲙⲓⲁ ⲛⲁⲧⲁⲕⲟ ⲛⲛϣⲏⲣⲉ ⲛⲛⲣⲉϥⲣⲛⲟⲃⲉ ⲁⲩⲱ ⲡⲛⲟϭⲛⲉϭ ⲛⲁⲙⲟⲩⲛ ⲉⲃⲟⲗ ⲙⲛ ⲡⲉⲩⲥⲡⲉⲣⲙⲁ

41:7  ϣⲁⲣⲉⲛϣⲏⲣⲉ ϭⲛⲁⲣⲓⲕⲉ ⲉⲩⲉⲓⲱⲧ ⲛⲁⲥⲉⲃⲏⲥ ϫⲉ ⲥⲉⲛⲁⲛⲉϭⲛⲟⲩϭⲟⲩ ⲉⲧⲃⲏⲧϥ

41:8  ⲟⲩⲟⲓ ⲛⲏⲧⲛ ⲛⲣⲱⲙⲉ ⲛⲁⲥⲉⲃⲏⲥ ⲛⲁⲓ ⲉⲛⲧⲁⲩⲕⲱ ⲛⲥⲱⲟⲩ ⲙⲡⲛⲟⲙⲟⲥ ⲙⲡⲛⲟⲩⲧⲉ ⲉⲧϫⲟⲥⲉ

41:9  ϫⲉ ⲉⲩϣⲁⲛϫⲡⲉⲧⲏⲩⲧⲛ ⲉⲩⲛⲁϫⲡⲉⲧⲏⲩⲧⲛ ⲉⲡⲥⲁϩⲟⲩ ⲁⲩⲱ ⲟⲛ ⲉⲧⲉⲧⲛϣⲁⲛⲙⲟⲩ ⲉⲩⲛⲁⲧⲉϣⲧⲏⲩⲧⲛ ⲉⲡⲥⲁϩⲟⲩ

41:10  ⲛⲕⲁ ⲛⲓⲙ ⲉⲛⲧⲁⲩⲉⲓ ⲉⲃⲟⲗ ϩⲙ ⲡⲕⲁϩ ⲉⲩⲛⲁⲕⲟⲧⲟⲩ ⲉⲡⲕⲁϩ ⲧⲁⲓ ⲧⲉ ⲑⲉ ⲛⲛⲁⲥⲉⲃⲏⲥ ⲉⲃⲟⲗ ϩⲙ ⲡⲥⲁϩⲟⲩ ⲉⲩⲛⲁ ⲉⲡⲧⲁⲕⲟ

41:11  ⲉⲣⲉⲫⲏⲃⲉ ⲛⲛⲣⲱⲙⲉ ϩⲙ ⲡⲉⲩⲥⲱⲙⲁ ⲡⲣⲁⲛ ⲇⲉ ⲛⲛⲣⲱⲙⲉ ⲉⲧⲛⲁⲛⲟⲩⲟⲩ ⲛⲁϥⲱⲧⲉ ⲉⲃⲟⲗ ⲁⲛ

41:12  ϥⲓⲡⲣⲟⲟⲩϣ ⲙⲡⲉⲕⲣⲁⲛ ϫⲉ ⲛⲧⲟϥ ⲡⲉⲧⲛⲁϭⲱ ⲛⲁⲕ ⲉϩⲟⲩⲉϣⲟ ⲛⲁϩⲟ ⲛⲛⲟϭ ⲛⲛⲟⲩⲃ

41:13  ⲟⲩⲏⲡⲉ ⲛϩⲟⲟⲩ ⲡⲉ…… ⲁⲩⲱ ⲟⲩⲛⲟⲩⲣⲁⲛ ⲉⲛⲁⲛⲟⲩϥ [ⲛⲁϣⲱ]ⲡⲉ ⲛϣⲁⲉⲛⲉϩ

41:14  ⲛⲁϣⲏⲣⲉ ⲁⲣⲉϩ ⲉⲧⲉⲥⲃⲱ ϩⲛ ⲟⲩⲉⲓⲣⲏⲛⲏ ⲟⲩⲥⲟⲫⲓⲁ ⲉⲥϩⲏⲡ ⲙⲛ ⲟⲩⲁϩⲟ ⲉⲛϥ[ⲟⲩ]ⲟⲛϩ ⲉⲃⲟⲗ ⲁⲛ ⲟⲩ ⲡⲉ ⲡⲉⲩϩⲏⲩ ⲙⲡⲉⲥⲛⲁⲩ

41:15  ⲛⲁⲛⲟⲩⲟⲩⲣⲱⲙⲉ ⲉϥϩⲱⲡ ⲛⲧⲉϥⲙⲛⲧⲥⲟϭ ⲉϩⲟⲩⲉ ⲟⲩⲣⲱⲙⲉ ⲉϥϩⲱⲡ ⲛⲧⲉϥⲙⲛⲧⲥⲁⲃⲉ

41:16  ⲉⲧⲃⲉ ⲡⲁⲓ ϭⲉ ϣⲓⲡⲉ ϩⲓ ⲡⲁϣⲁϫⲉ ⲛⲁⲛⲟⲩϣⲓⲡⲉ ⲅⲁⲣ ⲁⲛ ϩⲛ ϣⲓⲡⲉ ⲛⲓⲙ ⲁⲩⲱ ϩⲱⲃ ⲛⲓⲙ ⲥⲟⲧⲡ ⲁⲛ ⲛⲥⲟⲡ ⲛⲓⲙ ⲛⲟⲩⲟⲛ ⲛⲓⲙ

41:17  ϣⲓⲡⲉ ϩⲏⲧϥ ⲙⲡⲉⲧⲛⲉⲓⲱⲧ ⲙⲛ ⲧⲉⲧⲛⲙⲁⲁⲩ ϩⲓ ⲟⲩⲡⲟⲣⲛⲓⲁ ⲁⲩⲱ ϩⲏⲧϥ ⲛⲟⲩⲛⲟϭ ⲙⲛ ⲟⲩⲇⲩⲛⲁⲥⲧⲏⲥ ⲉⲧⲃⲉ ϭⲟⲗ

41:18  ⲁⲩⲱ ϩⲏⲧϥ ⲛⲟⲩⲕⲣⲓⲧⲏⲥ ⲙⲛ ⲟⲩⲁⲣⲭⲱⲛ ⲉⲧⲃⲉ ⲛⲟⲃⲉ ⲁⲩⲱ ϩⲏⲧϥ ⲛⲟⲩⲥⲩⲛⲁⲅⲱⲅⲏ ⲙⲛ ⲟⲩⲗⲁⲟⲥ ⲉⲧⲃⲉ ⲁⲛⲟⲙⲓⲁ ⲁⲩⲱ ϩⲏⲧϥ ⲛⲟⲩⲕⲟⲓⲛⲱⲛⲟⲥ ⲙⲛ ⲟⲩϣⲃⲏⲣ ⲉⲧⲃⲉ ϫⲓⲛϭⲟⲛⲥ

41:19  ⲁⲩⲱ ⲡⲙⲁ ⲉⲧⲕϭⲁⲗⲱⲟⲩ ⲉⲣⲟϥ ⲉⲧⲃⲉ ⲟⲩϩⲱϥⲧ ⲁⲩⲱ ϩⲏⲧⲥ ⲛⲧⲙⲉ ⲙⲡⲛⲟⲩⲧⲉ ⲙⲛ ⲧⲇⲓⲁⲑⲏⲕⲏ ……ⲟϫⲕ ϩⲛ ⲟⲩⲙⲁ ⲛⲥⲱ [ⲁⲩⲱ ϩⲏ]ⲧϥ {ϩ}ⲛⲟⲩⲙⲛⲧⲙⲁⲓϣⲓⲃⲉ ϩⲛ ⲟⲩϫⲓ ⲙⲛ ⲟⲩϯ

41:20  ⲁⲩⲱ ϩⲏⲧⲟⲩ ⲛⲛⲉⲧⲁⲥⲡⲁⲍⲉ ⲙⲙⲟⲕ ⲛⲅⲕⲁⲣⲱⲕ [ⲁ]ⲩⲱ ϩⲏⲧϥ ⲛⲛⲁⲩ ⲉⲩⲥϩⲓⲙⲉ ⲛϩⲉⲧⲉⲣⲁ

41:21  ⲁⲩⲱ ϩⲏⲧϥ ⲛⲕⲧⲉⲡⲉⲕϩⲟ ⲉⲃⲟⲗ ⲛⲟⲩⲥⲩⲅⲅⲉⲛⲏⲥ ⲁⲩⲱ ϩⲏⲧϥ ⲛⲟⲩϣⲱⲡ ⲙⲛ ⲟⲩϯ ⲁⲩⲱ ϩⲏⲧϥ ⲛⲛⲁⲩ ⲉⲩⲥϩⲓⲙⲉ ⲉⲩⲛⲧⲥϩⲁⲓ

41:22  ⲁⲩⲱ ϩⲏⲧϥ ⲙⲙⲉϣⲧⲧⲉϥϩⲙϩⲁⲗ ⲁⲩⲱ ⲙⲡⲣⲁϩⲉⲣⲁⲧⲕ ϩⲓϫⲛ ⲡⲉⲥⲙⲁ ⲛⲛⲕⲟⲧⲕ ⲁⲩⲱ ϩⲏⲧϥ ⲛϩⲛϣⲃⲉⲉⲣ ⲉⲧⲃⲉ ⲟⲩϣⲁϫⲉ ⲛⲛⲟϭⲛⲉϭ ⲁⲩⲱ ⲙⲡⲣⲛⲉϭⲛⲟⲩϭⲟⲩ ⲙⲛⲛⲥⲁ ⲧⲣⲉⲕϯⲛⲁⲩ

Chapter 42

42:1  ⲁⲩⲱ ϩⲏⲧϥ ⲛⲟⲩϣⲁϫⲉ ⲉⲁⲕⲥⲟⲧⲙⲉϥ ⲁⲩⲱ ϩⲏⲧϥ ⲛϭⲗⲡϩⲛϣⲁϫⲉ ⲉⲃⲟⲗ ⲉⲩϩⲏⲡ ⲧⲁⲣⲉⲕϣⲱⲡⲉ ⲛⲁⲙⲉ ⲛϣⲡⲓⲏⲧ ⲁⲩⲱ ⲉⲕϭⲓⲛⲉ ⲛⲟⲩⲭⲁⲣⲓⲥ ⲙⲡⲉⲙⲧⲟ ⲉⲃⲟⲗ ⲛⲣⲱⲙⲉ ⲛⲓⲙ ⲙⲡⲣϣⲓⲡⲉ ⲛⲧⲟϥ ϩⲏⲧⲟⲩ ⲛⲛⲁⲓ ⲁⲩⲱ ⲙⲡⲣϫⲓϩⲟ ⲉⲧⲣⲉⲕⲣⲛⲟⲃⲉ

42:2  ⲉⲧⲃⲉ ⲡⲛⲟⲙⲟⲥ ⲙⲡⲉⲧϫⲟⲥⲉ ⲙⲛ ⲧⲇⲓⲁⲑⲏⲕⲏ ⲁⲩⲱ ϩⲛ ⲟⲩϩⲁⲡ ⲉⲧⲙⲁⲓⲉⲡⲁⲥⲉⲃⲏⲥ

42:3  ⲉⲧⲃⲉ ⲡϣⲁϫⲉ ⲛⲟⲩⲕⲟⲓ[ⲛⲱⲛⲟⲥ …]ϣⲃⲏⲣ ⲉⲧⲃⲉ ⲡϯ ⲛⲧⲉⲕⲕⲗⲏⲣⲟⲛⲟⲙⲓⲁ […]

42:4  ⲉⲧⲃⲉ ⲟⲩⲁⲕⲣⲓⲃⲓⲁ ⲙⲙⲁϣⲉ ⲙⲛ ϩⲛϣⲓ ⲉⲧⲃⲉ ϫⲡⲉϩⲁϩ ϩⲓ ⲕⲟⲩⲓ

42:5  ⲉⲧⲃⲉ ⲟⲩⲙⲛⲧⲙⲁⲓϣⲓⲃⲉ ⲛϯ ⲉⲃⲟⲗ ϩⲓ ⲉϣ[ⲱⲧ] ⲉⲧⲃⲉ ϯⲟⲩⲥⲃⲱ ⲉⲛⲁϣⲱⲥ ⲛϩⲉⲛϣⲏⲣⲉ ⲉⲧⲃⲉ ⲧϩⲓⲉⲥⲛⲟϥ ⲛⲛⲥⲡⲓⲣⲟⲟⲩⲉ ⲛⲟⲩϩⲙϩⲁⲗ ⲉϥϩⲟⲟⲩ

42:6  ⲛⲁⲛⲟⲩⲟⲩⲥⲫⲣⲁⲅⲓⲥ ⲉϫⲛ ⲟⲩⲥϩⲓⲙⲉ ⲉⲥϩⲟⲟⲩ ⲁⲩⲱ ϣⲧⲙⲧⲟⲟⲧⲕ ϩⲙ ⲡⲙⲁ ⲛϩⲁϩ ⲛϭⲓϫ

42:7  ⲁⲩⲱ ⲛⲅϯⲡⲉⲧⲕⲛⲁⲧⲁⲁϥ ϩⲛ ⲟⲩⲏⲡⲉ ⲙⲛ ⲟⲩϣⲓ ⲁⲩⲱ ⲡϫⲓ ⲙⲛⲡϯ ϩⲛ ⲟⲩⲥϩⲁⲓ ⲧⲏⲣⲟⲩ

42:8  ⲉⲧⲃⲉ ϯⲥⲃⲱ ⲛⲟⲩⲁⲑⲏⲧ ⲙⲛ ⲟⲩⲥⲟϭ ⲁⲩⲱ ⲟⲩϩⲗⲗⲟ ⲉϥϫⲓϩⲁⲡ ⲉⲧⲃⲉ ⲟⲩⲡⲟⲣⲛⲓⲁ ⲧⲁⲣⲉⲕϣⲱⲡⲉ ⲛⲁⲙⲉ ⲉⲕⲧⲥⲁⲃⲏⲩ ⲁⲩⲱ ⲉⲕⲥⲟⲧⲡ ⲙⲡⲉⲙⲧⲟ ⲉⲃⲟⲗ ⲛⲣⲱⲙⲉ ⲛⲓⲙ ⲉⲧⲟⲛϩ

42:9  ⲟⲩⲟⲩϣⲏ ⲛⲣⲟⲉⲓⲥ ⲉⲥϩⲏⲡ ⲛⲟⲩⲉⲓⲱⲧ ⲡⲉ ⲟⲩϣⲉⲉⲣⲉ ⲁⲩⲱ ϣⲁⲣⲉⲡⲉⲥⲣⲟⲟⲩϣ ⲥⲁϩⲉⲫⲓⲛⲏⲃ ⲉⲃⲟⲗ ⲙⲙⲟϥ ⲉⲥϩⲛⲧⲉⲥⲙⲛⲧⲕⲟⲩⲓ ϫⲉ ⲙⲏⲡⲟⲧⲉ ⲛⲥⲣⲛⲟϭ ⲁⲩⲱ ⲉⲁⲥϫⲓϩⲁⲓ ⲙⲏⲡⲟⲧⲉ ⲛϥⲙⲉⲥⲧⲱⲥ

42:10  [ⲙⲏⲡⲟⲧⲉ ⲛ]ⲥϫⲱϩⲙ ⲛⲧⲉⲥⲙⲛⲧⲣⲟⲟⲩⲛⲉ [… …] ϩⲙ ⲡⲏⲓ ⲛⲛⲉⲥⲉⲓⲟⲧⲉ [ⲁⲩⲱ] ⲉⲁⲥϫⲓϩⲁⲓ ⲙⲏⲡⲟⲧⲉ ⲛⲥⲡⲁⲣⲁⲃⲁ [ⲁ]ⲩⲱ ⲉⲥϩⲙⲟⲟⲥ ⲛⲙⲙⲁϥ ⲙⲏⲡⲟⲧⲉ ⲛⲥⲣⲁϭⲣⲏⲛ

42:11  ⲁⲣⲉϩ ⲉⲙⲁⲧⲉ ⲉⲩϣⲉⲉⲣⲉ ⲛⲛⲁϣⲧⲙⲙⲉ ⲙⲏⲡⲟⲧⲉ ⲛⲥⲧⲣⲉⲛⲉⲕϫⲁϫⲉ ⲣⲁϣⲉ ⲙⲙⲟⲕ ⲁⲩⲱ ⲛⲥϯϣⲓⲡⲉ ⲛⲁⲕ ϩⲛ ⲟⲩⲙⲏⲏϣⲉ ⲉⲛⲁϣⲱϥ

42:12  ⲙⲡⲣⲉⲓⲱⲣⲙ ⲛⲥⲁ ⲣⲱⲙⲉ ⲛⲓⲙ ⲉⲛⲉⲥⲱϥ ⲁⲩⲱ ⲙⲡⲣⲥⲱⲟⲩϩ ⲉϩⲟⲩⲛ ϩⲛ ⲧⲙⲏⲧⲉ ⲛϩⲛⲥϩⲓⲙⲉ

42:13  ⲉϣⲁⲣⲉⲑⲟⲟⲗⲉ ⲅⲁⲣ ⲉⲓ ⲉⲃⲟⲗ ϩⲛ ⲛϩⲟⲓⲧⲉ ⲁⲩⲱ ⲧⲡⲟⲛⲏⲣⲓⲁ ⲛⲟⲩⲥϩⲓⲙⲉ ⲟⲩⲉⲃⲟⲗ ϩⲛⲟⲩⲥϩⲓⲙⲉ ⲧⲉ

42:14  ⲛⲁⲛⲟⲩⲧⲡⲟⲛⲏⲣⲓⲁ ⲛⲟⲩϩⲟⲟⲩⲧ ⲉϩⲟⲩⲉⲟⲩⲥϩⲓⲙⲉ ⲛⲣⲉϥⲣⲡⲉⲧⲛⲁⲛⲟⲩϥ ⲁⲩⲱ ⲥⲛⲁϣⲱⲡⲉ ⲉⲩⲛⲟϭⲛⲉϭ ⲛϭⲓ ⲟⲩⲥϩⲓⲙⲉ ⲉⲥϯϣⲓⲡⲉ

42:15  ϯⲛⲁⲣⲡⲙⲉⲉⲩⲉ ⲛⲛⲉϩⲃⲏⲩⲉ ⲙⲡϫⲟⲉⲓⲥ ⲁⲩⲱ ϯⲛⲁϫⲱ ⲛⲛⲉⲛⲧⲁⲓⲛⲁⲩ ⲉⲣⲟⲟⲩ ⲉⲣⲉⲛⲉϩⲃⲏⲩⲉ ⲙⲡϫⲟⲉⲓⲥ ϩⲛ ⲛⲉϥϣⲁϫⲉ ⲁⲩⲱ ⲁϥϣⲱⲡⲉ ⲛϭⲓ ⲡⲉⲥⲙⲟⲩ ⲛⲛⲉϥϩⲁⲡ

42:16  ⲡⲣⲏ ⲉⲧⲣⲟⲩⲟⲉⲓⲛ ⲉⲧϭⲱϣⲧ ⲉϫⲱⲟⲩ ⲧⲏⲣⲟⲩ ⲁⲩⲱ ⲫⲱⲃ ⲙⲡϫⲟⲉⲓⲥ ⲙⲉϩ ϩⲛ ⲡⲉϥⲉⲟⲟⲩ

42:17  ⲙⲡⲉⲡϫⲟⲉⲓⲥ ϯⲑⲉ ⲛⲛⲉ[………] ⲛⲉϥϣⲡⲏⲣⲉ ⲛⲉⲛⲧⲁⲡϫⲟⲉⲓⲥ ⲡⲡⲁⲛⲧⲟⲕⲣⲁⲧ[ⲱⲣ … ] ⲉⲧⲁϫⲣⲉⲡⲧⲏⲣϥ ϩⲛ ⲡⲉϥⲉⲟⲟⲩ

42:18  ⲁϥϩⲉⲧϩⲧⲡⲛⲟⲩⲛ ⲙⲛ ⲫⲏⲧ ⲁⲩⲱ ⲁϥⲙⲉⲕⲙⲟⲩⲕϥ ϩⲛ ⲛⲉϥⲥⲃⲟⲟⲩⲉ ⲁⲡϫⲟⲉⲓⲥ ⲅⲁⲣ ⲉⲓⲙⲉ ⲉⲥⲩⲛⲉⲓⲇⲏⲥⲓⲥ ⲛⲓⲙ ⲁⲩⲱ ⲁϥϭⲱϣⲧ ⲉⲩⲙⲁⲉⲓⲛ ϣⲁⲉⲛⲉϩ

42:19  ⲉϥϫⲱ ⲛⲛⲉⲛⲧⲁⲩⲟⲩⲉⲓⲛⲉ ⲙⲛ ⲛⲉⲧⲛⲁϣⲱⲡⲉ ⲁⲩⲱ ⲉϥϭⲱⲗⲡ ⲉⲃⲟⲗ ⲛⲙⲙⲁⲉⲓⲛ {ⲙ}ⲛⲛⲉⲧϩⲏⲡ

42:20  ⲙⲡⲉⲗⲁⲁⲩ ⲅⲁⲣ ⲙⲙⲉⲉⲩⲉ ⲥⲁⲁⲧϥ ⲁⲩⲱ ⲙⲡⲉⲟⲩϣⲁϫⲉ ⲛⲟⲩⲱⲧ ϩⲱⲡ ⲉⲣⲟϥ

42:21  ⲁϥⲧⲁⲙⲓⲟ ⲛ{ϩⲛ}ⲧⲙⲛⲧⲛⲟϭ ⲛⲧⲉϥⲥⲟⲫⲓⲁ ⲛⲧⲟϥ ϥϣⲟⲟⲡ ϩⲁⲑⲏ ⲛⲉⲛⲉϩ ⲁⲩⲱ ϣⲁⲉⲛⲉϩ ⲙⲡϥⲙⲟⲩϩ ⲟⲩⲇⲉ ⲙⲁϥϭⲱϫⲃ ⲁⲩⲱ ⲙⲡϥⲁϩⲉ ⲛⲗⲁⲁⲩ ⲛⲣⲉϥϫⲓϣⲟϫⲛⲉ

42:22  ⲛⲑⲉ ⲉⲧⲉⲣⲉⲛⲉϥϩⲃⲏⲩⲉ ⲧⲏⲣⲟⲩ ⲥⲟⲧⲡ ⲁⲩⲱ ϩⲁ ⲡⲧⲣⲉⲛⲛⲁⲩ ⲡⲉ ⲉⲁ(?)ⲩϯⲕ

42:23  ⲛⲁⲓ ⲧⲏⲣⲟⲩ ⲟⲛϩ ⲁⲩⲱ ⲥⲉϣⲟⲟⲡ ⲛϣⲁ ⲛⲓⲉⲛⲉϩ ⲁⲩⲱ ϩⲛ ⲭⲣⲓⲁ ⲛⲓⲙ ⲥⲉⲛⲁⲥⲱⲧⲙ ⲧⲏⲣⲟⲩ

42:24  ⲥⲉⲟ ⲛⲥⲛⲁⲩ ⲥⲛⲁⲩ ⲧⲏⲣⲟⲩ ⲟⲩⲁ ⲙⲡⲉⲙⲧⲟ ⲉⲃⲟⲗ ⲛⲟⲩⲁ ⲁⲩⲱ ⲙⲡϥⲕⲁⲗⲁⲁⲩ ⲉϥϣⲁⲁⲧ

42:25  ⲁϥⲧⲁϫⲣⲉⲟⲩⲁ ⲛⲛⲉϥⲁⲅⲁⲑⲟⲛ ⲉⲟⲩⲁ ⲁⲩⲱ ⲛⲓⲙ ⲡⲉⲧⲛⲁⲥⲉⲓ ⲉϥⲛⲁⲩ ⲉⲡⲉϥⲉⲟⲟⲩ

Chapter 43

43:1  ⲡϣⲟⲩϣⲟⲩ ⲙⲡϫⲓⲥⲉ ⲙⲡⲧⲃⲃⲟ ⲙⲡⲉⲥⲧⲉⲣⲉⲱⲙⲁ ……ⲟⲩϩⲟⲣⲟⲙⲁ ⲛⲉⲟⲟⲩ

43:2  [ⲡⲣⲏ ⲉϥϣⲁⲛ]ϣⲁ ⲉϥⲟⲩⲱⲛϩ ⲉⲃⲟⲗ ϩⲙ ⲡⲉϥ[ⲉⲓ ⲉ]ⲃⲟⲗ [ⲟⲩ]ⲥⲕⲉⲩⲟⲥ ⲛϣⲡⲏⲣⲉ ⲡⲉ ⲟⲩϩⲱⲃ ⲛⲧⲉ ⲡⲉⲧϫⲟⲥⲉ ⲡⲉ

43:3  ϩⲙ ⲡⲛⲁⲩ ⲙⲙⲉⲉⲣⲉ ϣⲁϥϣⲉϩⲃⲛⲉⲭⲱⲣⲁ ⲁⲩⲱ ⲛⲓⲙ ⲡⲉⲧⲛⲁϣⲱϩ ⲉⲣⲁⲧϥ ⲙⲡⲉⲙⲧⲟ ⲉⲃⲟⲗ ⲙⲡⲉϥⲕⲁⲩⲙⲁ

43:4  ⲟⲩϩⲣⲱ ⲉⲩⲛⲓϥⲉ ⲉⲣⲟⲥ ⲉϫⲉⲣⲉϩⲛϩⲃⲏⲩⲉ ⲡⲣⲏ ⲣⲱⲕϩ ⲛⲛⲧⲟⲟⲩ ⲛϣⲙⲧⲕⲱⲃ ⲉϩⲟⲩⲉⲣⲟⲥ ⲉϥⲛⲓϥⲉ ⲛϩⲛⲗϩⲱⲃ ⲛⲕⲱϩⲧ ⲁⲩⲱ ϣⲁϥϯϩⲗⲟⲥⲧⲛ ⲛⲛⲃⲁⲗ ⲉϥⲧⲁⲁⲧⲉ ⲛⲛⲉϥⲁⲕⲧⲓⲛ

43:5  ⲟⲩⲛⲟϭ ⲡⲉ ⲡϫⲟⲉⲓⲥ ⲉⲛⲧⲁϥⲧⲁⲙⲓⲟϥ ⲁⲩⲱ ϩⲣⲁⲓ ϩⲛ ⲛⲉϥϣⲁϫⲉ ⲁϥϭⲉⲡⲏ ϩⲛ ⲧⲉϥϩⲓⲏ

43:6  ⲁⲩⲱ ⲡⲟⲟϩ ⟨ϩⲛ⟩(?) ϩⲱⲃ ⲛⲓⲙ ⲙⲡⲉϥⲟⲩⲟⲉⲓϣ ⲡⲟⲩⲱⲛϩ ⲉⲃⲟⲗ ⲛⲛⲉϥⲟⲩⲟⲉⲓϣ ⲡⲉ ⲁⲩⲱ ⲡⲙⲁⲉⲓⲛ ⲛϣⲁⲉⲛⲉϩ ⲡⲉ

43:7  ⲉⲣⲉⲡⲙⲁⲉⲓⲛ ⲙⲡϣⲁ ⲉⲃⲟⲗ ϩⲙ ⲡⲟⲟϩ ⲡⲣⲉϥⲣⲟⲩⲟⲉⲓⲛ ⲉϥϭⲱϫⲃ ϩⲛ ⲧⲉϥϩⲁⲏ

43:8  ⲉⲩⲙⲟⲩⲧⲉ ⲉⲡⲉⲃⲟⲧ ⲕⲁⲧⲁ ⲡⲉϥⲣⲁⲛ ⲟⲩϣⲡⲏⲣⲉ ⲡⲉ ϩⲙ ⲡⲉϥⲙⲟⲩϩ ⲉϥϣⲓⲃⲉ ⲡⲉⲥⲕⲉⲩⲟⲥ ⲛⲙⲡⲁⲣⲁⲃⲟⲗⲏ ⲙⲡϫⲓⲥⲉ ⲉϥⲣⲟⲩⲟⲉⲓⲛ ϩⲙ ⲡⲉⲥⲧⲉⲣⲉⲱⲙⲁ ⲛⲧⲡⲉ

43:9  ⲡⲥⲁ ⲛⲧⲡⲉ ⲡⲉⲟⲟⲩ ⲛⲛⲥⲓⲟⲩ ⲡϫⲟⲉⲓⲥ ⲡⲉⲧⲧⲁⲙⲓⲟ ⲉⲧⲣⲟⲩⲟⲉⲓⲛ ϩⲛ ⲛⲉⲧϫⲟⲥⲉ

43:10  ϩⲣⲁⲓ ϩⲛ ⲛⲉϥϣⲁϫⲉ ⲥⲉⲛ[ⲁ……] ⲁⲩⲱ ⲛⲉⲩⲃⲱⲗ ⲉⲃⲟⲗ ϩⲛⲛⲉ[ⲩ……]

43:11  ⲁⲛⲁⲩ ⲉⲧⲡⲓⲧⲉ ⲛⲅⲥⲙⲟⲩ ⲉⲡⲉⲛⲧⲁϥ[ⲧⲁ]ⲙⲓⲟⲥ ⲛⲉⲥⲱⲥ ⲉⲙⲁⲧⲉ ϩⲙ ⲡⲉⲥⲟⲩⲟⲉⲓⲛ

43:12  ⲁⲥⲕⲧⲉⲧⲡⲉ ⲙⲡⲕⲱⲧⲉ ⲙⲡⲉⲥⲉⲟⲟⲩ ⲛϭⲓϫ ⲙⲡϫⲟⲉⲓⲥ ⲛⲉⲛⲧⲁⲩϫⲟⲕⲥ ⲉⲃⲟⲗ

43:13  ϩⲣⲁⲓ ϩⲙ ⲡⲉϥⲟⲩⲉϩⲥⲁϩⲛⲉ ⲁϥϫⲉⲣⲉⲡⲉⲭⲓⲱⲛ ⲁⲩⲱ ϣⲁϥϫⲉⲣⲙⲛⲉⲃⲣⲏϭⲉ ϩⲙ ⲡⲉϥⲧⲱϣ

43:14  ⲁⲩⲱ ⲁⲛⲉⲕⲗⲟⲟⲗⲉ ⲉⲓ ⲉϩⲣⲁⲓ ⲛⲑⲉ ⲛⲛⲉⲧϩⲏⲗ ⲁⲛⲁϩⲱⲣ ⲟⲩⲱⲛ ⲉⲧⲃⲉ ⲡⲁⲓ

43:15  ⲁϥϯϭⲟⲙ ⲛⲛⲉⲕⲗⲟⲟⲗⲉ ⲛⲧⲉϥⲙⲛⲧⲛⲟϭ ⲁⲩⲱ ⲁϥϫⲱⲱⲣⲉ ⲉⲃⲟⲗ ⲛⲛⲱⲛⲉ ⲛⲧⲉⲭⲁⲗⲁⲍⲁ

43:16  ⲁⲩⲱ ⲛⲧⲟⲟⲩ ⲛⲁⲕⲓⲙ ϩⲙ ⲡⲉϥⲟⲩⲱⲛϩ ⲉⲃⲟⲗ ⲉⲣⲉⲡⲧⲟⲩⲣⲏⲥ ⲛⲁⲥⲱⲕ ϩⲙ ⲡⲉϥⲟⲩⲱϣ

43:17  (a) ⲁϥⲧⲣⲉⲡⲕⲁϩ ϯⲛⲁⲁⲕⲉ ϩⲙ ⲡⲉϩⲣⲟⲟⲩ ⲛⲛⲉϥϩⲣⲟⲩⲃⲃⲁⲓ (b) ⲁⲩⲱ ⲑⲁⲧⲏⲩ ⲙⲡⲉⲙϩⲓⲧ ϩⲛ ⲟⲩⲕⲟⲧⲥ ⲛⲧⲏⲩ ϣⲁϥⲡⲏⲥⲥⲉ ⲙⲡⲉⲭⲓⲱⲛ ⲛⲑⲉ ⲛϩⲛϩⲁⲗⲏⲧ ⲉⲩϩⲏⲗ ⲁⲩⲱ ⲡⲉϥⲉⲓ ⲉϩⲣⲁⲓ ⲛⲑⲉ ⲛϩⲛϣϫⲉ ⲉⲩⲟⲩⲱϩ

43:18  ϣⲁⲣⲉⲡⲃⲁⲗ ϣⲧⲟⲣⲧⲣ ϩⲙ ⲡⲟⲩⲃⲁϣ ⲙⲡⲉϥⲛⲁ [ϣⲁⲣⲉⲫⲏⲧ ⲣ]ϣⲡⲏⲣⲉ ϩⲛ ⲧⲉϥϭⲓⲛϩⲱⲟⲩ

43:19  ……ⲡϫⲁϥ ⲉϫⲛ ⲡⲕⲁϩ ⲛⲑⲉ ⲛ[ⲟⲩϩ]ⲙⲟⲩ [ⲁⲩ]ⲱ ⲉϥϣⲁⲛⲱϭⲣ ϣⲁϥⲣⲑⲉ ⲛϩⲧⲏⲩ ⲛⲛⲥⲟⲩⲣⲉ

43:20  ϣⲁⲣⲉⲡⲉⲙϩⲓⲧ ⲥⲱⲕ ⲛⲟⲩⲧⲏⲩ ⲉϥⲕⲏⲃ ϣⲁⲣⲉⲡⲉⲕⲣⲩⲥⲧⲁⲗⲗⲟⲥ ⲱϭⲣ ϩⲓϫⲛ ⲙⲙⲟⲟⲩ ⲁⲩⲱ ⲉϥⲛⲛⲏⲩ ⲉϫⲛ ⲥⲟⲟⲩϩⲥ ⲛⲓⲙ ⲙⲙⲟⲟⲩ ⲁⲩⲱ ϣⲁϥϭⲗⲡⲙⲟⲟⲩ ⲛⲑⲉ ⲛⲟⲩϩⲱⲕ

43:21  ϥⲛⲁⲟⲩⲱⲙ ⲛⲛⲧⲟⲟⲩ ⲛϥⲣⲱⲕϩ ⲙⲡϫⲁⲉⲓⲉ ⲛϥϩⲉϭⲙⲛⲟⲩⲟⲧⲟⲩⲉⲧ ⲛⲑⲉ ⲛⲟⲩⲕⲱϩⲧ

43:22  ⲡⲧⲁⲗϭⲟ ⲛⲛⲁⲓ ⲧⲏⲣⲟⲩ ϩⲛ ⲟⲩⲥⲡⲟⲩⲇⲏ ⲡⲉ ⲡⲛⲓϥ ϣⲁⲣⲉⲟⲩⲉⲓⲱⲧⲉ ϯⲟⲩⲣⲟⲧ ⲛⲁⲩ ⲙⲛⲛⲥⲁ ⲟⲩϩⲙⲟⲙ

43:23  ϩⲣⲁⲓ ϩⲙ ⲡⲉϥϣⲟϫⲛⲉ ⲁϥⲥⲙⲛⲡⲛⲟⲩⲛ ⲁⲩⲱ ⲁⲓⲏⲥⲟⲩⲥ ϫⲟⲟϥⲉϥ

43:24  ⲛⲉⲧⲡⲗⲉⲁ ϩⲛ ⲑⲁⲗⲁⲥⲥⲁ ⲛⲉⲧϫⲱ ⲙⲡⲉⲥϭⲓⲛⲇⲩⲛⲟⲥ ⲁⲩⲱ ⲧⲛⲣϣⲡⲏⲣⲉ ⲛⲛⲉⲧⲛⲥⲱⲧⲙ ⲉⲣⲟⲟⲩ

43:25  ⲉⲣⲉⲛⲉϣⲡⲏⲣⲉ ⲙⲙⲁⲩ ⲙⲛ ⲛⲉϩⲃⲏⲩⲉ ⲉⲧⲟ ⲛⲁⲩⲉⲓ ⲛⲁⲩⲁⲛ ⲙⲛ ⲍⲱⲟⲛ ⲛⲓⲙ

43:26  ⲉⲣⲉⲡⲥⲟⲟⲩⲧⲛ ϣⲟⲟⲡ ⲉⲧⲃⲏⲧϥ ⲁⲩⲱ ⲡⲱϥ ⲡⲉ ⲡϫⲱⲕ ⲁⲩⲱ ⲉⲣⲉⲡⲧⲏⲣϥ ⲥⲙⲟⲛⲧ ϩⲙ ⲡⲉϥϣⲁϫⲉ

43:27  ⲧⲛⲛⲁⲩ ⲉϩⲁϩ ⲁⲩⲱ ⲧⲛⲛⲁϣⲡⲱϩ ⲉⲣⲟϥ ⲁⲛ ⲁⲩⲱ ⲡϫⲱⲕ ⲛⲛ.[… ⲛⲧⲟϥ ⲡⲉ] ⲡⲧⲏⲣϥ

43:28  ⲉⲛϯⲉⲟⲟⲩ ⲛⲁϥ ⲉⲛⲁϣⲡⲱϩ ⲉ[ⲟⲩ] ⲛⲧⲟϥ ⲅⲁⲣ ⲟⲩⲛⲟϭ ⲡⲉ ⲡⲁⲣⲁ ⲛⲉϥϩⲃ[ⲏⲩⲉ] ⲧⲏⲣⲟⲩ

43:29  ⲟⲩϩⲟⲧⲉ ⲡⲉ ⲡϫⲟⲉⲓⲥ ⲁⲩⲱ ⲟⲩⲛⲟϭ ⲉⲙⲁⲧⲉ ⲡⲉ ⲁⲩⲱ ⲟⲩϣⲡⲏⲣⲉ ⲧⲉ ⲧⲉϥϭⲟⲙ

43:30  ϫⲓⲥⲉ ⲙⲡϫⲟⲉⲓⲥ ⲉⲧⲉⲧⲛϯⲉⲟⲟⲩ ⲛⲁϥ ⲛⲑⲉ ⲉⲧⲉⲧⲛⲁϣⲁⲁⲥ ϥϫⲟⲥⲉ ⲅⲁⲣ ⲉϩⲟⲩⲟ ⲉⲣⲟⲥ ⲛϩⲟⲩⲟ ⲁⲩⲱ ⲙⲁⲧⲁϣⲟ ϩⲛ ⲟⲩϭⲟⲙ ⲉⲧⲉⲧⲛϫⲓⲥⲉ ⲙⲙⲟϥ ⲙⲡⲣϩⲓⲥⲉ ⲛⲛⲉⲧⲛⲉϣⲡⲱϩ ⲅⲁⲣ ⲉⲣⲟϥ

43:31  ⲛⲓⲙ ⲡⲉⲛⲧⲁϥⲛⲁⲩ ⲉⲣⲟϥ ⲧⲁⲣⲉϥϣⲁϫⲉ ⲉⲣⲟϥ ⲁⲩⲱ ⲛⲓⲙ ⲡⲉⲧⲛⲁϣϫⲁⲥⲧϥ ⲛⲑⲉ ⲉⲧϥⲟ ⲙⲙⲟⲥ

43:32  ϩⲛⲕⲟⲩⲓ ⲅⲁⲣ ⲛⲉⲛⲧⲁⲛⲛⲁⲩ ⲉⲣⲟⲟⲩ ϩⲛ ⲛⲉϥϩⲃⲏⲩⲉ ⲉⲩⲛϩⲁϩ ⲉⲩϩⲏⲡ ⲉⲩⲟ ⲛⲛⲟϭ ⲉⲛⲁⲓ

43:33  ⲡϫⲟⲉⲓⲥ ⲛⲧⲟϥ ⲡⲉⲛⲧⲁϥⲧⲁⲙⲓⲉⲛⲕⲁ ⲛⲓⲙ ⲁⲩⲱ ⲁϥϯ ⲛⲧⲥⲟⲫⲓⲁ ⲛⲛⲣⲙⲛⲛⲟⲩⲧⲉ

Chapter 44

44:1  ⲙⲁⲣⲛⲥⲙⲟⲩ ⲉⲛⲣⲱⲙⲉ ⲉⲧⲧⲁⲉⲓⲏⲩ [……]ⲡⲧⲁⲉⲓⲟ

44:2  [ⲡⲛⲟⲩⲧⲉ ⲁϥⲥⲛ]ⲧⲟⲩⲛⲟϭ ⲛⲉⲟⲟⲩ ⲛⲧⲉϥ[ⲙⲛ]ⲧⲛⲟϭ ϫⲓⲛ ⲉⲛⲉϩ

44:3  [ⲉ]ⲩⲟ ⲛϫⲟⲉⲓⲥ ϩⲛ ⲧⲉⲩⲙⲛⲧⲣⲣⲟ ⲁⲩⲱ ϩⲛⲣⲱⲙⲉ ⲛⲥⲟⲉⲓⲧ ⲛⲉ ϩⲛ ⲧⲉⲩϭⲟⲙ ⲉⲩⲟ ⲛⲣⲣⲟ ϩⲛ ⲧⲉⲩⲙⲛⲧⲣⲙⲛϩⲏⲧ ⲉⲩϣⲁϫⲉ ⲉⲣⲟⲟⲩ ϩⲛ ⲛⲉⲡⲣⲟⲫⲏⲧⲏⲥ

44:4  ⲉⲩⲟ ⲛⲁⲡⲉ ⲉϩⲛⲗⲁⲟⲥ ϩⲛ ⲛⲉⲩϣⲟϫⲛⲉ ⲉⲩⲟ ⲛⲅⲣⲁⲙⲙⲁⲧⲉⲩⲥ ⲙⲡⲗⲁⲟⲥ ϩⲛ ⲛⲉⲩⲙⲛⲧⲣⲙⲛϩⲏⲧ ϩⲛϣⲁϫⲉ ⲛⲥⲁⲃⲉ ⲛⲉⲧϩⲛ ⲧⲉⲩⲥⲃⲱ

44:5  ⲉⲩϣⲓⲛⲉ ⲛⲥⲁ ϩⲛⲟⲩⲗⲗⲉ ⲙⲙⲟⲩⲥⲓⲕⲟⲛ ⲉⲩϫⲱ ⲛϩⲛϣⲁϫⲉ ϩⲛ ⲟⲩⲥϩⲁⲓ

44:6  ϩⲛⲣⲱⲙⲉ ⲛⲣⲙⲙⲁⲟ ⲛⲉ ⲉⲩⲙⲉϩ ⲛϭⲟⲙ ⲉⲩⲟ ⲛⲉⲓⲣⲏⲛⲏ ϩⲛ ⲛⲉⲩⲙⲁⲛϣⲱⲡⲉ

44:7  ⲁⲛⲁⲓ ⲧⲏⲣⲟⲩ ϫⲓⲉⲟⲟⲩ ϩⲛ ⲛⲉⲩⲅⲉⲛⲉⲁ ⲁⲩⲱ ⲁⲩϣⲱⲡⲉ ⲛϣⲟⲩϣⲟⲩ ϩⲛ ⲛⲉⲩϩⲟⲟⲩ

44:8  ⲟⲩⲛⲟⲩⲟⲛ ⲛϩⲏⲧⲟⲩ ⲉⲁⲩⲕⲱ ⲙⲛⲛⲥⲱⲟⲩ ⲙⲡⲉⲩⲣⲁⲛ ⲉϫⲱ ⲛⲛⲉⲩⲧⲁⲓⲟ

44:9  ⲁⲩⲱ ⲟⲩⲟⲛ ⲛϩⲏⲧⲟⲩ ⲉⲙⲛⲧϥⲣⲡⲙⲉⲉⲩⲉ ⲁⲩⲱ ⲁⲩⲧⲁⲕⲟ ⲛⲑⲉ ⲛⲛⲉⲧⲉⲛⲥⲉϣⲟⲟⲡ ⲁⲛ ⲁⲩⲱ ⲁⲩⲣⲑⲉ ⲛⲛⲉⲧⲉⲙⲡⲟⲩϣⲱⲡⲉ ⲁⲩⲱ ⲛⲉⲩϣⲏⲣⲉ ⲙⲛⲛⲥⲱⲟⲩ

44:10  ⲁⲗⲗⲁ ⲛⲁⲓ ϩⲛⲣⲱⲙⲉ ⲛⲛⲁⲁ ⲛⲉ ⲛⲁⲓ ⲉⲧⲉⲙⲡⲟⲩⲣⲡⲱⲃϣ ⲛⲛⲉⲩⲇⲓⲕⲁⲓⲟⲥⲩⲛⲏ

44:11  ⲥⲛⲁϣⲱⲡⲉ ⲙⲛ ⲡⲉ[ⲩ……] ⲛⲁⲛⲟⲩⲧⲉⲕⲗⲏⲣⲟⲛⲟⲙⲓⲁ [ … ]

44:12  ⲁⲡⲉⲩⲥⲡⲉⲣⲙⲁ ⲁϩⲉⲣⲁⲧϥ ϩⲛ [ⲛⲇⲓⲁⲑⲏ]ⲕⲏ

44:13  ⲡⲉⲩⲥⲡⲉⲣⲙⲁ ϣⲟⲟⲡ ϣⲁ ⲛⲓⲉⲛⲉϩ ⲁⲩⲱ ⲡⲉⲩⲉⲟⲟⲩ ⲛⲁϥⲱⲧⲉ ⲉⲃⲟⲗ ⲁⲛ

44:14  ⲁⲩⲧⲱⲙⲥ ⲛⲛⲉⲩⲥⲱⲙⲁ ϩⲛ ⲟⲩⲉⲓⲣⲏⲛⲏ ⲁⲩⲱ ⲡⲉⲩⲣⲁⲛ ⲟⲛϩ ϣⲁ ϩⲛϫⲱⲙ ⲛϫⲱⲙ

44:15  (b) ⲁⲩⲱ ⲟⲩⲛⲟⲩⲥⲟⲟⲩϩⲥ ⲛⲁϫⲱ ⲙⲡⲉⲩⲧⲁⲓⲟ

44:16  ⲁⲉⲛⲱⲭ ⲣⲁⲛⲁϥ ⲙⲡϫⲟⲉⲓⲥ ⲁϥⲡⲟⲟⲛⲉϥ ⲉⲃⲟⲗ ⲛⲥⲙⲟⲧ ⲛ⟨ⲣ⟩ϩⲏⲧ ⲛⲛⲅⲉⲛⲉⲁ

44:17  ⲁⲩϭⲛⲛⲱϩⲉ ⲛⲧⲉⲗⲓⲟⲥ ⲛⲇⲓⲕⲁⲓⲟⲥ ⲁϥϣⲱⲡⲉ ⲛϣⲃⲃⲓⲱ ϩⲙ ⲡⲉⲟⲩⲟⲉⲓϣ ⲛⲧⲟⲣⲅⲏ ⲉⲧⲃⲉ ⲡⲁⲓ ⲁⲡⲕⲁⲧⲁⲕⲗⲩⲥⲙⲟⲥ ϣⲱⲡⲉ ϩⲓⲧⲛ ⲡⲁⲓ ⲛⲧⲁⲩϣⲱϫⲡ ϣⲱⲡⲉ ϩⲙ ⲡⲕⲁϩ

44:18  ⲁⲩⲥⲙⲓⲛⲉ ⲛⲙⲙⲁϥ ⲛⲟⲩⲇⲓⲁⲑⲏⲕⲏ ⲛϣⲁⲉⲛⲉϩ ϫⲉⲕⲁⲁⲥ ⲛⲛⲉⲩϥⲉⲧⲥⲁⲣⲝ ⲛⲓⲙ ⲉⲃⲟⲗ ϩⲛ ⲟⲩⲕⲁⲧⲁⲕⲗⲩⲥⲙⲟⲥ

44:19  ⲁⲃⲣⲁϩⲁⲙ ⲡⲛⲟϭ ⲛⲉⲓⲱⲧ ⲛⲟⲩⲙⲏⲏϣⲉ ⲛϩⲉⲑⲛⲟⲥ ⲁⲩⲱ ⲙⲡⲟⲩϩⲉ ⲉⲡⲉⲧⲉⲓⲛⲉ ⲙⲙⲟϥ ϩⲙ ⲡⲉϥⲉⲟⲟⲩ

44:20  ⲡⲁⲓ ⲉⲛⲧⲁϥⲁⲣⲉϩ ⲉⲡⲛⲟⲙⲟⲥ ⲙⲡⲉⲧϫⲟⲥⲉ [……] ⲇⲓⲁⲑⲏⲕⲏ ⲛⲉⲙⲁϥ […ⲇⲓⲁ]ⲑⲏⲕⲏ ⲉⲣⲁⲧϥ ϩⲛ ⲧⲉϥⲥⲁⲣⲝ [ⲁⲩⲱ ⲁⲩϩ]ⲉ ⲉⲣⲟϥ ⲙⲡⲓⲥⲧⲟⲥ ϩⲙ ⲡⲡⲓⲣⲁⲥⲙⲟⲥ

44:21  ⲉⲧⲃⲉ ⲡⲁⲓ ⲁϥⲧⲁϩⲟϥ ⲛⲁϥ ⲛⲟⲩⲁⲛⲁϣ ⲉⲧⲣⲉⲛϩⲉⲑⲛⲟⲥ ϫⲓⲥⲙⲟⲩ ϩⲛ ⲡⲉϥⲥⲡⲉⲣⲙⲁ ⲉⲧⲁϣⲟϥ ⲛⲑⲉ ⲙⲡϣⲟⲉⲓϣ ⲙⲡⲕⲁϩ ⲁⲩⲱ ⲉⲧⲁϩⲉⲡⲉϥⲥⲡⲉⲣⲙⲁ ⲉⲣⲁⲧϥ ⲛⲑⲉ ⲛⲛⲥⲓⲟⲩ ⲉⲧⲣⲉⲩⲕⲗⲏⲣⲟⲛⲟⲙⲓ ϫⲓⲛ ⲑⲁⲗⲁⲥⲥⲁ ϣⲁ ⲑⲁⲗⲁⲥⲥⲁ ⲁⲩⲱ ϫⲓⲛ ⲡⲓⲉⲣⲟ ϣⲁ ⲁⲣⲏϫϥ ⲙⲡⲕⲁϩ

44:22  ⲁϥⲧⲁϩⲟϥ ⲉⲣⲁⲧϥ ϩⲓ ⲛⲁⲓ ϩⲛ ⲓⲥⲁⲁⲕ ⲉⲧⲃⲉ ⲁⲃⲣⲁϩⲁⲙ ⲡⲉϥⲉⲓⲱⲧ

44:23  ⲡⲉⲥⲙⲟⲩ ⲛⲣⲱⲙⲉ ⲛⲓⲙ ⲙⲛ ⲧⲇⲓⲁⲑⲏⲕⲏ ⲁⲩⲟⲩⲱϩ ⲉϫⲛ ⲧⲁⲡⲉ ⲛⲓⲁⲕⲱⲃ ⲁϥⲥⲟⲩⲱⲛϥ ϩⲛ ⲛⲉϥⲥⲙⲟⲩ ⲁⲩⲱ ⲁϥϯ ⲛⲁϥ ⲛⲟⲩⲕⲗⲏⲣⲟⲛⲟⲙⲓⲁ ⲁⲩⲱ ⲁϥⲧⲱϣ ⲛⲛⲉϥⲙⲉⲣⲓⲥ ⲁϥⲡⲟϣⲟⲩ ⲉⲙⲛⲧⲥⲛⲟⲟⲩⲥ ⲙⲫⲩⲗⲏ

Chapter 45

45:1  ⲉⲁⲩⲙⲉⲣⲓⲧϥ ϩⲓⲧⲛ ⲡⲛⲟⲩⲧⲉ ⲙⲛ ⲛⲣⲱⲙⲉ ⲙⲱⲩ̈ⲥⲏⲥ ⲡⲁⲓ ⲉⲧⲉⲡⲉϥⲣⲙⲉⲉⲩⲉ ϩⲛ ⲛⲉⲥⲙⲟⲩ

45:2  ⲁϥⲧⲛⲧⲱⲛ[ϥ] ⲉⲡⲉⲟⲟⲩ [ⲛⲛⲉⲧⲟⲩⲁⲁⲃ] ⲁⲩⲱ ⲁϥϫⲁⲥⲧϥ ϩⲛ ⲛϩⲟⲧ[ⲉ ⲛⲛϫⲁϫⲉ]

45:3  ⲁϥⲉⲓⲣⲉ ⲛϩⲛⲙⲁⲉⲓⲛ ϩⲛ ⲛⲉϥϣⲁϫⲉ ⲁϥϯⲉⲟⲟⲩ ⲛⲁϥ ⲙⲡⲉⲙⲧⲟ ⲉⲃⲟⲗ ⲙⲡⲣⲣⲟ ⲁϥϩⲱⲛ ⲉⲧⲟⲟⲧϥ ⲛⲛⲁϩⲣⲛ ⲡⲗⲁⲟⲥ ⲁⲩⲱ ⲁϥⲧⲟⲩⲟϥ ⲉⲃⲟⲗ ϩⲙ ⲡⲉϥⲉⲟⲟⲩ

45:4  ⲁϥⲧⲃⲃⲟϥ ϩⲛ ⲧⲡⲓⲥⲧⲓⲥ ⲙⲛ ⲧⲉϥⲙⲛⲧⲣⲙⲣⲁϣ ⲁϥⲥⲟⲧⲡϥ ⲉⲃⲟⲗ ϩⲛ ⲥⲁⲣⲝ ⲛⲓⲙ

45:5  ⲁϥⲧⲣⲉϥⲥⲱⲧⲙ ⲉⲧⲉϥⲥⲙⲏ ⲁⲩⲱ ⲁϥϫⲓⲧϥ ⲉϩⲟⲩⲛ ⲉⲡϭⲟⲥⲙ ⲁϥϯ ⲛⲁϥ ⲛⲛⲉⲛⲧⲟⲗⲏ ⲙⲡⲉϥⲙⲧⲟ ⲉⲃⲟⲗ ⲡⲛⲟⲙⲟⲥ ⲙⲡⲱⲛϩ ⲙⲛ ⲧⲉⲥⲃⲱ ⲉⲧⲥⲁⲃⲉⲓⲁⲕⲱⲃ ⲉⲧⲉϥⲇⲓⲁⲑⲏⲕⲏ ⲁⲩⲱ ⲡⲓⲏⲗ ⲉⲛⲉϥϩⲁⲡ

45:6  ⲁϥϫⲓⲥⲉ ⲛⲁⲁⲣⲱⲛ ⲡⲉϥⲥⲟⲛ ⲉⲧⲟⲩⲁⲁⲃ ⲉϯⲛⲉ ⲙⲙⲟϥ ⲉⲃⲟⲗ ϩⲛ ⲧⲉⲫⲩⲗⲏ ⲛⲗⲉⲩⲉⲓ

45:7  ⲁϥⲥⲙⲓⲛⲉ ⲛⲙⲙⲁϥ ⲛⲧⲉϥⲇⲓⲁⲑⲏⲕⲏ ⲛϣⲁⲉⲛⲉϩ ⲁϥϯ ⲛⲁϥ ⲛⲧⲙⲛⲧⲟⲩⲏⲏⲃ ⲙⲡⲗⲁⲟⲥ ⲁϥⲙⲁⲕⲁⲣⲓⲍⲉ ⲙⲙⲟϥ ϩⲛ ⲟⲩⲧⲥⲁⲛⲟ ⲁⲩⲱ ⲁϥⲙⲟⲣϥ ϩⲛⲟⲩⲥⲧⲟⲗⲏ ⲛⲉⲟⲟⲩ

45:8  ⲁϥϯ ϩⲓⲱⲱϥ ⲛⲟⲩⲥⲩⲛⲧⲉⲗⲓⲁ ⲛϣⲟⲩϣⲟⲩ ⲁⲩⲱ ⲁϥⲧⲁϫⲣⲟϥ ϩⲛ ϩⲉⲛⲥⲕⲉⲩⲏ ⲛϭⲟⲙ ϩⲛ ϩⲉⲛⲡⲉⲣⲓⲥⲕⲉⲗⲏ ⲙⲛ ⲟⲩⲡⲟⲇⲏⲣⲏ [ⲙⲛ ⲟⲩⲉ]ⲡⲱⲙⲓⲥ

45:9  [ⲁϥⲕⲟⲧϥ ϩ]ⲛ ϩⲉⲛϩⲣⲟⲓⲥⲕⲟⲥ ϩⲛ ⲟⲩⲙⲏⲏϣⲉ ⲛϣϭⲗϭⲓⲗ ⲛⲛⲟⲩⲃ ⲙⲡⲉϥⲕⲱⲧⲉ ⲉⲧⲣⲉⲩϯϩⲣⲟⲟⲩ ϩⲛ ⲧⲉϥⲧⲁϭⲥⲉ ⲉⲧⲣⲉⲩⲥⲱⲧⲙ ⲉⲡⲉⲩϩⲣⲟⲟⲩ ϩⲙ ⲡⲉⲣⲡⲉ ⲉⲩⲣⲡⲙⲉⲉⲩⲉ ⲛⲛϣⲏⲣⲉ ⲙⲡⲉϥⲗⲁⲟⲥ

45:10  ϩⲛ ⲟⲩⲥⲧⲟⲗⲏ ⲉⲥⲟⲩⲁⲁⲃ ⲛⲛⲟⲩⲃ ϩⲓ ϩⲩⲁⲕⲓⲛⲑⲓⲛⲟⲛ ⲙⲛ ⲟⲩϫⲏϭⲉ ⲛϩⲱⲃ ⲙⲡⲟⲓⲕⲓⲗⲧⲏⲥ ϩⲛ ⲟⲩⲗⲟⲅⲓⲟⲛ ⲛⲕⲣⲓⲥⲓⲥ ⲛⲟⲩⲱⲛϩ ⲉⲃⲟⲗ ⲛⲧⲙⲉ

45:11  ϩⲛ ⲟⲩⲕⲟⲕⲕⲟⲥ ⲉϥϩⲟⲥⲉ ⲛϩⲱⲃ ⲛⲧⲉⲭⲛⲓⲧⲏⲥ ϩⲛ ϩⲉⲛⲉⲛⲉⲙⲙⲉ ⲛϣⲟϣⲧ ⲛⲥⲫⲣⲁⲅⲓⲥ ϩⲛ ⲟⲩⲙⲣⲣⲉ ⲛⲛⲟⲩⲃ ⲛϩⲱⲃ ⲛⲣⲉϥⲕⲉϩⲕⲱⲛⲉ ⲉⲥϣⲉⲧϣⲱⲧ ϩⲛ ⲟⲩⲥϩⲁⲓ ⲉⲩⲣⲡⲙⲉⲉⲩⲉ ⲕⲁⲧⲁ ⲧⲏⲡⲉ ⲛⲛⲉⲫⲩⲗⲏ ⲙⲡⲓⲏⲗ

45:12  ϩⲛ ⲟⲩⲕⲗⲟⲙ ⲛⲛⲟⲩⲃ ϩⲓ ⲧⲡⲉ ⲛⲧϭⲓⲇⲁⲣⲓⲥ ⲟⲩⲧⲩⲡⲟⲥ ⲛⲥⲫⲣⲁⲅⲓⲥ ⲛⲧⲃⲃⲟ ⲟⲩϣⲟⲩϣⲟⲩ ⲛⲧⲁⲉⲓⲟ ⲛϩⲱⲃ ⲛϭⲟⲙ ⲉⲛⲉⲥⲱⲟⲩ ⲛⲛⲃⲁⲗ ⲉⲩⲧⲥⲁⲛⲏⲩ

45:13  ⲙⲡⲉⲟⲩⲟⲛ ϣⲱⲡⲉ ⲛⲧⲉϥϩⲉ ϩⲁⲧⲉϥϩⲏ ⲁⲩⲱ ⲙⲛϣⲙⲙⲟ ⲛⲁϯ ϩⲓⲱⲱϥ ⲛϣⲁⲉⲛⲉϩ ϣⲁⲧⲛⲛⲉϥϣⲏⲣⲉ ⲙⲙⲁⲧⲉ ⲁⲩⲱ ⲛϣⲏⲣⲉ ⲛⲛⲉϥϣⲏ[ⲣⲉ ⲛϣⲁⲉⲛ]ⲉϩ

45:14  ⲥⲉⲛⲁⲧⲁⲗⲉⲧⲉⲩⲑⲩⲥⲓⲁ ⲉϩⲣⲁⲓ ⲧⲏⲣⲥ ⲛⲥⲟⲡ ⲥⲛⲁⲩ ⲙⲙⲏⲏⲛⲉ ϣⲁⲃⲟⲗ

45:15  ⲁⲙⲱⲩ̈ⲥⲏⲥ ⲙⲉϩⲛⲉϥϭⲓϫ ⲁϥⲧⲱϩⲥ ⲙⲙⲟϥ ⲛⲟⲩⲛⲉϩ ⲉϥⲟⲩⲁⲁⲃ ⲁϥϣⲱⲡⲉ ⲛⲁϥ ⲉⲩⲇⲓⲁⲑⲏⲕⲏ ⲛϣⲁⲉⲛⲉϩ ⲁⲩⲱ ⲙⲛ ⲡⲉϥⲥⲡⲉⲣⲙⲁ ϩⲛ ⲛⲉϩⲟⲟⲩ ⲛⲧⲡⲉ ⲉϣⲙϣⲉ ⲛⲁϥ ⲁⲩⲱ ⲉⲣⲟⲩⲏⲏⲃ ⲁⲩⲱ ⲉⲥⲙⲟⲩ ⲉⲡⲉϥⲗⲁⲟⲥ ϩⲛ ⲡⲉϥⲣⲁⲛ

45:16  ⲁϥⲥⲱⲧⲡ ⲙⲙⲟϥ ϩⲛ ⲣⲱⲙⲉ ⲛⲓⲙ ⲉⲧⲣⲉϥⲧⲁⲗⲟ ⲉϩⲣⲁⲓ ⲛⲛⲁϩⲣⲛ ⲡϫⲟⲉⲓⲥ ⲉⲩϣⲟⲩϩⲏⲛⲉ ⲙⲛ ⲟⲩⲥϯⲛⲟⲩϥⲉ ⲉⲩⲣⲡⲙⲉⲉⲩⲉ ⲉⲕⲱ ⲉⲃⲟⲗ ⲙⲡⲉⲕⲗⲁⲟⲥ

45:17  ⲁϥⲧⲁⲁϥ ⲛⲛⲉϥⲉⲛⲧⲟⲗⲏ ⲛⲉⲝⲟⲩⲥⲓⲁ ϩⲛ ⲧⲇⲓⲁⲑⲏⲕⲏ ⲛϩⲁⲡ ⲉⲧⲥⲁⲃⲉⲓⲁⲕⲱⲃ ⲉⲛⲉϥⲙⲛⲧⲙⲛⲧⲣⲉ ⲁⲩⲱ ⲉⲙⲟⲩⲧⲉ ⲉⲡⲓⲏⲗ ϩⲙ ⲡⲉϥⲛⲟⲙⲟⲥ

45:18  ⲉⲃⲟⲗ ϫⲉ ⲁⲩⲧⲱⲟⲩⲛ ⲉⲣⲟϥ ⲛϭⲓ ϩⲛϣⲙⲙⲟ ⲁⲩⲱ ⲁⲩⲕⲱϩ ⲉⲣⲟϥ ϩⲓ ⲡϫⲁⲉⲓⲉ ⲛϭⲓ ⲛⲣⲱⲙⲉ ⲛⲇⲁⲑⲁⲛ ⲙⲛ ⲁⲃⲓⲣⲱⲛ ⲁⲩⲱ ⲧⲥⲩⲛⲁⲅⲱⲅⲏ ⲛⲕⲟⲣⲉ ϩⲛ ⲟⲩϭⲱⲛⲧ ⲙⲛ ⲟⲩⲟⲣⲅⲏ

45:19  ⲁⲡϫⲟⲉⲓⲥ ⲛⲁⲩ ⲁⲩⲱ ⲙⲡϥⲟⲩⲱϣ ⲁϥϥⲟⲧⲟⲩ ⲉⲃⲟⲗ ϩⲙ ⲡϭⲱⲛⲧ ⲛⲧⲉϥⲟⲣⲅⲏ [ⲁϥⲉⲓⲣⲉ ⲛϩ]ⲏⲧⲟⲩ ⲛϩⲛϣⲡⲏⲣⲉ [……] ⲙⲡⲕⲱϩⲧ ⲙⲡⲉϥϣⲁϩ

45:20  ⲁϥⲟⲩⲉϩⲉⲟⲟⲩ ⲉⲁⲁⲣⲱⲛ ⲁⲩⲱ ⲁϥϯ ⲛⲁϥ ⲛⲟⲩⲕⲗⲏⲣⲟⲛⲟⲙⲓⲁ ⲛⲁⲡⲁⲣⲭⲏ ⲛⲛϣⲣⲡⲛϭⲣⲱϭ ⲁⲩⲱ ⲁϥⲧⲱϣ ⲛⲁϥ ⲛⲟⲩⲟⲉⲓⲕ ⲛϣⲟⲣⲡ ⲉⲩⲥⲉⲓ

45:21  ⲕⲁⲓⲅⲁⲣ ⲥⲉⲛⲁⲟⲩⲱⲙ ⲛⲛⲉⲑⲩⲥⲓⲁ ⲙⲡϫⲟⲉⲓⲥ ⲛⲉⲛⲧⲁϥⲧⲁⲁⲩ ⲛⲁϥ ⲙⲛ ⲡⲉϥⲥⲡⲉⲣⲙⲁ

45:22  ⲡⲗⲏⲛ ϥⲛⲁⲕⲗⲏⲣⲟⲛⲟⲙⲓ ⲁⲛ ϩⲙ ⲡⲕⲁϩ ⲙⲡⲗⲁⲟⲥ ⲁⲩⲱ ⲙⲛⲧϥⲙⲉⲣⲓⲥ ⲙⲙⲁⲩ ϩⲙ ⲡⲉϥⲗⲁⲟⲥ ⲛⲧⲟϥ ⲅⲁⲣ ⲧⲉ ⲧⲉⲕⲙⲉⲣⲓⲥ ⲁⲩⲱ ⲧⲉⲕⲕⲗⲏⲣⲟⲛⲟⲙⲓⲁ

45:23  ⲫⲓⲛⲉⲉⲥ ⲡϣⲏⲣⲉ ⲛⲉⲗⲉⲁⲍⲁⲣ ⲡⲙⲉϩϣⲟⲙⲛⲧ ⲉⲡⲉⲟⲟⲩ ϩⲙ ⲡⲧⲣⲉϥⲕⲱϩ ϩⲛ ⲑⲟⲧⲉ ⲙⲡϫⲟⲉⲓⲥ ⲁⲩⲱ ⲛϥⲁϩⲉⲣⲁⲧϥ ϩⲙ ⲡϭⲱⲛⲧ ⲙⲡⲗⲁⲟⲥ ϩⲛ ⲧⲙⲛⲧⲁⲅⲁⲑⲟⲥ ⲙⲡⲟⲩⲣⲟⲧ ⲛⲧⲉϥⲯⲩⲭⲏ ⲁⲩⲱ ⲁϥϥⲓ ⲉⲃⲟⲗ ϩⲓϫⲛ ⲡⲗⲁⲟⲥ ⲙⲡⲓⲏⲗ

45:24  ⲉⲧⲃⲉ ⲡⲁⲓ ⲁⲩⲥⲙⲓⲛⲉ ⲛⲙⲙⲁϥ ⲛⲟⲩⲇⲓⲁⲑⲏⲕⲏ ⲛⲉⲓⲣⲏⲛⲏ ⲉⲁϩⲉⲣⲁⲧϥ ⲉⲡⲉⲧⲟⲩⲁⲁⲃ ⲙⲡⲉϥⲗⲁⲟⲥ ϫⲉ ⲉⲥⲉϣⲱⲡⲉ ⲛⲁϥ ⲙⲛ ⲡⲉϥⲥⲡⲉⲣⲙⲁ ⲧⲙⲛⲧⲛⲟϭ ⲙⲛ ⲧⲙⲛⲧⲟⲩⲏⲏⲃ ϣⲁⲉⲛⲉϩ

45:25  ⲁⲩⲱ ⲟⲩⲇⲓⲁⲑⲏⲕⲏ ⲙⲡϣⲏ[ⲣⲉ ⲇⲁⲩⲓⲇ] ⲉⲃⲟⲗ ϩⲛ ⲧⲉⲫⲩⲗⲏ ⲛ[ⲓⲟⲩⲇⲁ] ⲟⲩⲕⲗⲏⲣⲟⲛⲟⲙⲓⲁ ⲙⲡϣⲏⲣⲉ ⲙⲡⲣⲣⲟ ⲉⲃⲟⲗ ϩⲛ ⲟⲩϣⲏⲣⲉ ⲛⲟⲩⲱⲧ ⲧⲉⲕⲗⲏⲣⲟⲛⲟⲙⲓⲁ ⲛⲁⲁⲣⲱⲛ ⲙⲛ ⲡⲉϥⲥⲡⲉⲣⲙⲁ

45:26  ⲉϥⲉϯ ⲛⲏⲧⲛ ⲛⲟⲩⲥⲟⲫⲓⲁ ϩⲙ ⲡⲉⲧⲛϩⲏⲧ ⲉⲕⲣⲓⲛⲉ ⲙⲡⲉϥⲗⲁⲟⲥ ϩⲛ ⲟⲩⲇⲓⲕⲁⲓⲟⲥⲩⲛⲏ ϫⲉ ⲛⲉⲛⲉⲩⲁⲅⲁⲑⲟⲛ ⲧⲁⲕⲟ ⲛⲧⲉⲡⲉⲩⲉⲟⲟⲩ ϣⲱⲡⲉ ϣⲁ ϩⲛϫⲱⲙ ⲛϫⲱⲙ

Chapter 46

46:1  ⲓⲏⲥⲟⲩⲥ ⲡϣⲏⲣⲉ ⲛⲛⲁⲩⲏ ⲡϫⲱⲱⲣⲉ ϩⲙ ⲡⲡⲟⲗⲉⲙⲟⲥ ⲡⲉⲛⲧⲁϥⲣⲡⲙⲁ ⲙⲙⲱⲩ̈ⲥⲏⲥ ϩⲛ ⲛⲉⲡⲣⲟⲫⲏⲧⲓⲁ ⲡⲁⲓ ⲉⲛⲧⲁϥϣⲱⲡⲉ ⲕⲁⲧⲁ ⲡⲉϥⲣⲁⲛ ⲛⲛⲟϭ ⲉϫⲛ ⲡⲉⲩϫⲁⲓ ⲛⲛⲉϥⲥⲱⲧⲡ ⲉϫⲓⲕⲃⲁ ϩⲛ ⲛϫⲁϫⲉ ⲉⲧⲧⲱⲟⲩⲛ ⲉϫⲱⲟⲩ ϫⲉ ⲉϥⲉϯⲕⲗⲏⲣⲟⲛⲟⲙⲓⲁ ⲙⲡ

46:2  ⲛⲑⲉ ⲉⲛⲧⲁϥϫⲓⲉⲟⲟⲩ ϩⲙ ⲡⲉϥϥⲓ ⲉϩⲣⲁⲓ ⲛⲛⲉϥϭⲓϫ ϩⲙ ⲡⲧⲣⲉϥⲥⲟⲟⲩⲧⲛ ⲉⲃⲟⲗ ⲛⲧⲥⲏϥⲉ ⲉϫⲛ ⲙⲡⲟⲗⲓⲥ

46:3  ⲛⲓⲙ ⲡⲉⲛⲧⲁϥⲱϩⲉⲣⲁⲧϥ ϩⲁⲧⲉϥϩⲏ ⲛⲧⲉⲓϩⲉ ⲡϫⲟⲉⲓⲥ ⲅⲁⲣ ⲡⲉϯⲛⲉ ⲛⲁϥ ⲛⲛⲉⲧϯ ⲟⲩⲃⲏϥ

46:4  ⲙⲏ ϩⲛ ⲧⲉϥϭⲓϫ ⲁⲛ ⲁⲡⲣⲏ ⲧⲟⲟⲧⲉ ⲉⲡⲁϩⲟⲩ [……ϩ]ⲟⲟⲩ ⲣⲥⲛⲁⲩ

46:5  [ⲁϥⲉⲡⲓ]ⲕⲁⲗⲉⲓ ⲙⲡϫⲟⲉⲓⲥ ⲛⲛϭⲟⲙ ⲡⲉⲧϫⲟⲥⲉ ϩⲙ ⲡⲧⲣⲉϥⲑⲗⲓⲃⲉ ⲛⲛϫⲁϫⲉ ⲉⲧⲙⲡⲉϥⲕⲱⲧⲉ ⲁⲩⲱ ⲁⲡϫⲟⲉⲓⲥ ⲥⲱⲧⲙ ⲉⲣⲟϥ ϩⲛ ϩⲛⲱⲛⲉ ⲛⲭⲁⲗⲁⲍⲁ ⲛⲛⲟϭ ⲛϭⲟⲙ

46:6  ⲁϥⲉⲓⲛⲉ ⲙⲙⲟⲟⲩ ϩⲙ ⲡⲡⲟⲗⲉⲙⲟⲥ ⲉϫⲛ ⲟⲩϩⲉⲑⲛⲟⲥ ⲁⲩⲱ ⲁϥⲧⲁⲕⲟ ⲛⲛⲉⲧⲟⲩⲃⲏϥ ϩⲙ ⲡⲉⲩⲉⲓ ⲉϩⲣⲁⲓ ϫⲉ ⲉⲣⲉⲛϩⲉⲑⲛⲟⲥ ⲉⲓⲙⲉ ⲉⲧⲉⲩⲡⲁⲛϩⲟⲡⲗⲓⲁ ϫⲉ ⲉⲣⲉⲡⲉϥⲡⲟⲗⲉⲙⲟⲥ ⲙⲡⲉⲙⲧⲟ ⲉⲃⲟⲗ ⲙⲡϫⲟⲉⲓⲥ ⲕⲁⲓ ⲅⲁⲣ ⲁϥⲟⲩⲁϩϥ ⲛⲥⲁ ⲟⲩϫⲱⲱⲣⲉ

46:7  ⲁⲩⲱ ⲁϥⲉⲓⲣⲉ ⲛⲟⲩⲛⲁ ϩⲛ ⲛⲉϩⲟⲟⲩ ⲙⲙⲱⲩ̈ⲥⲏⲥ ⲛⲧⲟϥ ⲙⲛ ⲭⲁⲗⲉⲃ ⲡϣⲏⲣⲉ ⲛⲓⲉⲫⲟⲛⲏ ⲁⲩⲱϩⲉⲣⲁⲧⲟⲩ ⲟⲩⲃⲏⲩ ⲉⲕⲱⲗⲩⲉ ⲙⲡⲗⲁⲟⲥ ⲉⲡⲛⲟⲃⲉ ⲁⲩⲱ ⲉⲧⲁⲗϭⲟ ⲙⲡⲉⲕⲣⲙⲣⲙ ⲛⲧⲡⲟⲛⲏⲣⲓⲁ

46:8  ⲁⲩⲱ ⲛⲧⲟⲟⲩ ⲛⲉ ⲛⲧⲁⲩⲟⲩϫⲁⲓ ⲙⲡⲉⲥⲛⲁⲩ ⲉⲃⲟⲗ ϩⲛ ⲥⲉ ⲛⲧⲃⲁ ⲙⲡⲉⲍⲟⲥ ⲉϫⲓⲧⲟⲩ ⲉϩⲟⲩⲛ ⲉⲧⲉⲕⲗⲏⲣⲟⲛⲟⲙⲓⲁ ⲉⲩⲕⲁϩ ⲉϥϣⲟⲩⲉⲉⲣⲱⲧⲉ ⲉⲃⲟⲗ ϩⲓ ⲉⲃⲓⲱ

46:9  ⲁⲡϫⲟⲉⲓⲥ ϯⲟⲩϭⲟⲙ ⲛⲭⲁⲗⲉⲃ ⲁⲥϭⲱ ⲛⲙⲙⲁϥ ϣⲁ ⲧⲉϥⲙⲛⲧϩⲗⲗⲟ ⲉⲧⲣⲉⲩⲁⲗⲉ ⲉϫⲛ ⲡϫⲓⲥⲉ ⲁⲩⲱ ⲁⲡⲉϥⲥⲡⲉⲣⲙⲁ ⲁⲙⲁ[ϩⲧⲉ ⲛⲟⲩⲕⲗⲏ]ⲣⲟⲛⲟⲙⲓⲁ

46:10  ϫⲉⲕⲁⲁⲥ ⲉⲣⲉⲛϣⲏⲣⲉ ⲧⲏⲣⲟⲩ ⲙⲡ︤ⲓ︦ⲏ︦ⲗ︥ ⲛⲁⲩ ϫⲉ ⲛⲁⲛⲟⲩⲟⲩⲁϩⲕ ⲛⲥⲁ ⲡϫⲟⲉⲓⲥ

46:11  ⲁⲩⲱ ⲛⲉⲕⲣⲓⲧⲏⲥ ⲡⲟⲩⲁ ⲡⲟⲩⲁ ϩⲙ ⲡⲉϥⲣⲁⲛ ⲛⲉⲧⲉⲙⲡⲉⲡⲉⲩϩⲏⲧ ⲡⲟⲣⲛⲉⲩⲉ ⲛϩⲏⲧⲟⲩ ⲁⲩⲱ ⲛⲉⲧⲉⲙⲡⲟⲩⲕⲟⲧⲟⲩ ⲉⲃⲟⲗ ⲙⲡϫⲟⲉⲓⲥ ⲉⲣⲉⲡⲉⲩⲣⲡⲙⲉⲉⲩⲉ ϣⲱⲡⲉ ϩⲛ ϩⲉⲛⲥⲙⲟⲩ

46:12  ⲁⲩⲱ ⲉⲣⲉⲛⲉⲩⲕⲁⲁⲥ ϯⲟⲩⲱ ⲉⲃⲟⲗ ϩⲙ ⲡⲉⲩⲙⲁ ⲁⲩⲱ ⲛⲥⲉϯⲡⲉⲩⲣⲁⲛ ⲛϣⲃⲉⲓⲱ ⲉϫⲛ ⲛⲉⲩϣⲏⲣⲉ ⲉⲧⲧⲁⲓⲏⲩ

46:13  ⲁⲩⲙⲉⲣⲉⲥⲁⲙⲟⲩⲏⲗ ϩⲓⲧⲛ ⲡⲉⲧϫⲟⲥⲉ ⲡⲉⲡⲣⲟⲫⲏⲧⲏⲥ ⲙⲡϫⲟⲉⲓⲥ ⲡⲉ ⲁϥⲕⲁⲑⲓⲥⲧⲁ ⲛⲧⲙⲛⲧⲣⲣⲟ ⲁⲩⲱ ⲁϥⲧⲱϩⲥ ⲛϩⲛⲁⲣⲭⲱⲛ ⲉϫⲛ ⲡⲉϥⲗⲁⲟⲥ

46:14  ⲁϥⲕⲣⲓⲛⲉ ⲛⲧⲥⲩⲛⲁⲅⲱⲅⲏ ⲙⲡⲛⲟⲙⲟⲥ ⲙⲡⲉⲧϫⲟⲥⲉ ⲁⲡϫⲟⲉⲓⲥ ϭⲛⲡϣⲓⲛⲉ ⲛⲓⲁⲕⲱⲃ

46:15  ⲁϥⲥⲟⲧⲡϥ ϩⲛ ⲧⲉϥⲡⲓⲥⲧⲓⲥ ⲙⲡⲣⲟⲫⲏⲧⲏⲥ ⲁⲩⲱ ⲁⲩⲥⲟⲩⲱⲛϥ ϩⲛ ⲧⲉϥⲣⲁⲥⲟⲩ ϫⲉ ϥⲛϩⲟⲧ ⲛⲁϥ

46:16  ⲁϥⲉⲡⲓⲕⲁⲗⲉⲓ ⲙⲡϫⲟⲉⲓⲥ ⲛⲛϭⲟⲙ ϩⲙ ⲡⲧⲣⲉⲛⲉϥϫⲁϫⲉ ⲑⲗⲓⲃⲉ ⲙⲙⲟϥ ⲙⲡⲉϥⲕⲱⲧⲉ [ϩⲛ ⲟⲩⲡⲣⲟⲥ]ⲫⲟⲣⲁ ⲛϩⲓⲉⲓⲃ ⲛⲟⲩⲁⲙ[ⲉⲣⲱⲧⲉ]

46:17  ⲁⲩⲱ ⲁⲡϫⲟⲉⲓⲥ ϯϩⲣⲟⲩⲃⲃⲁⲓ ⲉⲃⲟⲗ [ϩⲛ] ⲧⲡⲉ ⲁⲩⲱ ⲁϥⲧⲣⲉⲩⲥⲱⲧⲙ ⲉⲧⲉϥⲥⲙⲏ ϩⲛ ⲟⲩⲛⲟϭ ⲛϩⲣⲟⲟⲩ

46:18  ⲁϥⲟⲩⲱϣϥ ⲛⲛⲟϭ ⲛⲧⲩⲣⲁⲛⲛⲟⲥ ⲁⲩⲱ ⲛⲁⲣⲭⲱⲛ ⲧⲏⲣⲟⲩ ⲛⲛⲉⲫⲩⲗⲓⲥⲧⲓⲉⲓⲙ

46:19  ⲁⲩⲱ ϩⲁⲑⲏ ⲉⲙⲡⲁⲧϥⲕⲟⲧϥ ⲛϣⲁⲉⲛⲉϩ ⲁϥⲣⲙⲛⲧⲣⲉ ⲙⲡⲉⲙⲧⲟ ⲉⲃⲟⲗ ⲙⲡϫⲟⲓⲥ ⲙⲛ ⲡⲣⲣⲟ ϫⲉ ⲙⲡⲓϫⲓⲭⲣⲏⲙⲁ ⲛⲧⲛ ⲥⲁⲣⲝ ⲛⲓⲙ ϣⲁϩⲣⲁⲓ ⲉⲩⲧⲟⲟⲩⲉ ⲁⲩⲱ ⲙⲡⲉⲗⲁⲁⲩ ⲛⲣⲱⲙⲉ ⲉⲛⲕⲁⲗⲓ ⲛⲁϥ

46:20  ⲁⲩⲱ ⲁϥⲡⲣⲟⲫⲏⲧⲉⲩⲉ ⲙⲛⲛⲥⲁ ⲧⲣⲉϥⲙⲟⲩ ⲁϥϫⲱ ⲉⲡⲣⲣⲟ ⲙⲡⲉϥⲙⲟⲩ ⲁⲩⲱ ⲁϥϫⲓⲥⲉ ⲛⲧⲉϥⲥⲙⲏ ⲉⲃⲟⲗ ϩⲙ ⲡⲕⲁϩ ϩⲛ ⲟⲩⲡⲣⲟⲫⲏⲧⲓⲁ ⲉϥⲱⲧⲉ ⲉⲃⲟⲗ ⲛⲧⲁⲛⲟⲙⲓⲁ ⲙⲡⲗⲁⲟⲥ

Chapter 47

47:1  ⲙⲛⲛⲥⲁ ⲛⲁⲓ ⲁⲛⲁⲑⲁⲛ ⲧⲱⲟⲩⲛ ⲁϥⲡⲣⲟⲫⲏⲧⲉⲩⲉ ϩⲛ ⲛⲉϩⲟⲟⲩ ⲛⲇⲁⲩⲉⲓⲇ

47:2  ⲛⲑⲉ ⲛⲟⲩⲱⲧ ⲉⲁⲩⲡⲟⲣϫϥ ⲉⲃⲟⲗ ϩⲛ ⲟⲩⲥⲱⲧⲏⲣⲓⲟⲛ ⲧⲁⲓ ⲧⲉ ⲑⲉ ⲛⲇⲁⲩⲉⲓⲇ ⲉⲃⲟⲗ ϩⲛ ⲛϣⲏⲣⲉ ⲙⲡ

47:3  ⲁϥⲥⲱⲃⲉ ⲙⲛ ⲙⲙⲟⲩⲓ ⲛⲑⲉ ⲛⲟⲩⲙⲁⲥ ⲃⲃⲁⲁⲙⲡⲉ ⲁⲩⲱ ⲙⲛ ⲛⲁⲣⲝ ⲛⲑⲉ ⲛⲟⲩϩ[ⲓⲉⲓⲃ ]

47:4  ⲙⲡϥⲙⲟⲩⲟⲩⲧ ⲛⲟⲩⲅⲓⲅⲁⲥ ϩⲛ ⲧⲉϥⲙⲛⲧⲕⲟⲩⲓ ⲁⲩⲱ ⲁϥϥⲓ ⲛⲟⲩⲛⲟϭⲛⲉϭ ⲉⲃⲟⲗ ϩⲙ ⲡⲗⲁⲟⲥ ϩⲙ ⲡⲧⲣⲉϥϥⲓ ⲛⲧⲉϥϭⲓϫ ⲉϩⲣⲁⲓ ϩⲛ ⲟⲩⲱⲛⲉ ⲛⲥⲫⲉⲛⲇⲟⲛⲏ ⲉⲧⲁⲟⲩⲟ ⲉϩⲣⲁⲓ ⲙⲡϫⲓⲥⲉ ⲛⲅⲟⲗⲓⲁⲑ

47:5  ⲁϥⲉⲡⲓⲕⲁⲗⲉⲓ ⲙⲡϫⲟⲉⲓⲥ ⲡⲉⲧϫⲟⲥⲉ ⲁⲩⲱ ⲁϥϯ ⲛⲟⲩϭⲟⲙ ϩⲛ ⲧⲉϥⲟⲩⲛⲁⲙ ⲉⲧⲁⲕⲉⲟⲩⲣⲱⲙⲉ ⲛϫⲱⲱⲣⲉ ϩⲙ ⲡⲡⲟⲗⲉⲙⲟⲥ ⲉϫⲓⲥⲉ ⲙⲡⲧⲁⲡ ⲙⲡⲉϥⲗⲁⲟⲥ

47:6  ⲁⲩϯⲉⲟⲟⲩ ⲛⲁϥ ϩⲛ ϩⲉⲛⲧⲃⲁ ⲛⲧⲃⲁ ⲛⲧⲉⲓϩⲉ ⲁⲩⲱ ⲁⲩⲥⲙⲟⲩ ⲉⲣⲟϥ ϩⲛ ⲛⲉⲥⲙⲟⲩ ⲙⲡϫⲟⲉⲓⲥ ϩⲙ ⲡⲧⲣⲉⲩⲉⲓⲛⲉ ⲛⲁϥ ⲛⲟⲩϭⲣⲏⲡⲉ ⲛⲉⲟⲟⲩ

47:7  ⲁϥⲟⲩⲱϣϥ ⲅⲁⲣ ⲛⲛϫⲁϫⲉ ⲉⲧⲙⲡⲉϥⲕⲱⲧⲉ ⲁⲩⲱ ⲁϥⲥⲉϣϥⲛⲉⲫⲩⲗⲓⲥⲧⲓⲉⲓⲙ ⲉⲧⲟⲩⲃⲏϥ ⲁϥⲟⲩⲱⲥϥ ⲙⲡⲉⲩⲧⲁⲡ ϣⲁϩⲣⲁⲓ ⲉⲡⲟⲟⲩ

47:8  ⲁϥϯ ⲛⲟⲩⲉⲝⲟⲙⲟⲗⲟⲅⲏⲥⲓⲥ ϩⲛ ⲛⲉϥϩⲃⲏⲩⲉ ⲧⲏⲣⲟⲩ ⲙⲡⲉⲧϫⲟⲥⲉ ⲉⲧⲟⲩⲁⲁⲃ ϩⲛ ⲟⲩϣⲁϫⲉ ⲛⲉⲟⲟⲩ ⲁϥⲥⲙⲟⲩ ϩⲙ ⲡⲉϥϩⲏⲧ ⲧⲏⲣϥ ⲁⲩⲱ ⲁϥⲙⲉⲣⲉⲡⲉⲛⲧⲁϥⲧⲁⲙⲓⲟϥ

47:9  [ⲁϥⲱϩⲉⲣⲁⲧ]ⲟⲩ ⲛϩⲛⲣⲉϥⲯⲁⲗⲗⲉⲓ ϩⲁⲑⲏ [ⲙⲡ]ⲑⲩⲥⲓⲁⲥⲧⲏⲣⲓⲟⲛ ⲉⲧⲣⲉⲩϫⲱ ⲛⲟⲩⲗⲗⲉ ⲙ[ⲡⲉ]ϥϩⲣⲟⲟⲩ

47:10  ⲁϥϯ ⲛⲟⲩⲥⲁ ϩⲛ ⲛϣⲁ ⲁⲩⲱ ⲁϥⲕⲟⲥⲙⲓ ⲛⲛⲉⲟⲩⲟⲉⲓϣ ϣⲁ ⲑⲁⲏ ϩⲙ ⲡⲧⲣⲉⲩⲥⲙⲟⲩ ⲉⲡⲉϥⲣⲁⲛ ⲉⲧⲟⲩⲁⲁⲃ ⲁⲩⲱ ⲛⲧⲉⲡⲉⲧⲟⲩⲁⲁⲃ ⲱϣ ⲉⲃⲟⲗ ϫⲓⲛ ϩⲧⲟⲟⲩⲉ

47:11  ⲁⲡϫⲟⲉⲓⲥ ⲕⲁⲛⲉϥⲛⲟⲃⲉ ⲉⲃⲟⲗ ⲁⲩⲱ ⲁϥϫⲓⲥⲉ ⲙⲡⲉϥⲧⲁⲡ ⲛϣⲁⲉⲛⲉϩ ⲁϥϯ ⲛⲁϥ ⲛⲧⲇⲓⲁⲑⲏⲕⲏ ⲛⲛⲉⲣⲱⲟⲩ ⲁⲩⲱ ⲟⲩⲑⲣⲟⲛⲟⲥ ⲛⲉⲟⲟⲩ ϩⲙ ⲡ

47:12  ⲁϥⲧⲱⲟⲩⲛ ⲙⲛⲛⲥⲱϥ ⲛϭⲓ ⲡⲉϥϣⲏⲣⲉ ⲛⲥⲁⲃⲉ ⲁϥⲟⲩⲱϩ ϩⲛ ⲟⲩⲟⲩⲱϣⲥ ⲉⲃⲟⲗ ⲉⲧⲃⲏⲧϥ

47:13  ⲁⲥⲟⲗⲟⲙⲱⲛ ⲣⲣⲣⲟ ϩⲛ ⲛⲉϩⲟⲟⲩ ⲛϯⲣⲏⲛⲏ ⲡⲁⲓ ⲉⲛⲧⲁⲡⲛⲟⲩⲧⲉ ϯⲙⲧⲟⲛ ⲛⲁϥ ⲙⲡⲉϥⲕⲱⲧⲉ ϫⲉ ⲉϥⲉⲥⲙⲓⲛⲉ ⲛⲟⲩⲏⲓ ϩⲓ ⲡⲉϥⲣⲁⲛ ⲁⲩⲱ ⲛϥⲥⲟⲃⲧⲉ ⲙⲡⲉⲧⲟⲩⲁⲁⲃ ⲛϣⲁⲉⲛⲉϩ

47:14  ⲛⲑⲉ ⲉⲛⲧⲁⲕⲣⲥⲁⲃⲉ ϩⲛ ⲧⲉⲕⲙⲛⲧⲕⲟⲩⲓ ⲁⲩⲱ ⲁⲕⲙⲟⲩϩ ⲙⲙⲛⲧⲣⲙⲛϩⲏⲧ ⲛⲑⲉ ⲙⲡⲓⲉⲣⲟ

47:15  ⲁⲧⲉⲕⲯⲩⲭⲏ ⲡⲱⲣϣ ⲉⲃⲟⲗ ϩⲓϫⲛ ⲡⲕⲁϩ ⲁⲩⲱ ⲁⲕⲙⲟⲩϩ ⲙⲡⲁⲣⲁⲃⲟⲗⲏ ⲛⲁⲓⲛⲓⲅⲙⲁ

47:16  ⲁⲡⲉⲕⲣⲁⲛ ⲡⲱϩ ϣⲁ ⲛⲛⲏⲥⲟⲥ ⲉⲧⲟⲩⲏⲟⲩ ⲁⲩⲱ ⲁⲩⲙⲉⲣⲉ[ⲧⲉⲕⲉⲓⲣⲏⲛⲏ]

47:17  ϩⲛ ⲛⲉⲕϩⲱⲇⲏ ⲙⲛ [ⲛⲉⲕⲡⲁⲣ]ϩⲟⲓ[ⲙⲓⲁ ⲙ]ⲛ [ⲙⲡⲁⲣⲁ]ⲃⲟ[ⲗⲏ] ⲁⲩⲱ [ⲁϩⲛ]ⲭⲱⲣⲁ ⲣϣⲡⲏⲣⲉ ⲙⲙⲟⲕ ϩⲛ ϩⲉⲛⲃⲱⲗ

47:18  ϩⲙ ⲡ[ⲣⲁⲛ] ⲙⲡϫⲟⲉⲓⲥ ⲡⲛⲟⲩⲧⲉ ⲡⲉⲧⲟⲩⲙⲟⲩⲧⲉ ⲉⲣⲟϥ ϫⲉ ⲡⲛⲟⲩⲧⲉ ⲙⲡ ⲁⲕⲥⲉⲩϩⲛⲟⲩⲃ ⲉϩⲟⲩⲛ ⲛⲑⲉ ⲙⲡⲃⲁⲥⲛϭ ⲁⲩⲱ ⲫⲁⲧ ⲛⲑⲉ ⲙⲡⲧⲁϩⲧ

47:19  ⲁⲕⲣⲓⲕⲉ ⲛⲛⲉⲕⲕⲉϩⲧⲉ ⲉⲛⲉϩⲓⲟⲙⲉ ⲁⲩⲱ ⲁⲩⲣϫⲟⲉⲓⲥ ⲉⲣⲟⲕ ϩⲛ ⲛⲉⲕⲥⲱⲙⲁ

47:20  ⲁⲕϯ ⲛⲟⲩⲧⲱⲗⲙ ⲙⲡⲉⲕⲉⲟⲟⲩ ⲁⲩⲱ ⲁⲕϥⲱⲧⲉ ⲙⲡⲉⲕⲥⲡⲉⲣⲙⲁ ⲉⲉⲓⲛⲉ ⲛⲟⲩⲟⲣⲅⲏ ⲉϫⲛ ⲛⲉⲕϣⲏⲣⲉ ⲁⲩⲱ ⲟⲩⲙⲕⲁϩ ⲛϩⲏⲧ ⲉϫⲛ ⲧⲉⲕⲙⲛⲧⲁⲑⲏⲧ

47:21  ⲉⲧⲣⲉⲧⲙⲛⲧⲉⲣⲟ ⲡⲱϣ ⲉⲁⲡⲉⲃⲟⲗ ϩⲛ ⲉⲫⲣⲁⲓⲙ ⲁⲣⲭⲓ ⲉϫⲛ ⲟⲩⲙⲛⲧⲉⲣⲟ ⲛⲁⲧⲥⲱⲧⲙ

47:22  ⲛⲛⲉⲡϫⲟⲉⲓⲥ ⲇⲉ ⲕⲱ ⲛⲥⲱϥ ⲙⲡⲉϥⲛⲁ ⲁⲩⲱ ⲛⲉϥⲕⲁⲧⲟⲟⲧϥ ⲉⲃⲟⲗ ϩⲛ ⲛⲉϥϩⲃⲏⲩⲉ ⲁⲩⲱ ⲛⲉϥϥⲱⲧⲉ ⲉⲃⲟⲗ ⲛⲛϣⲏⲣⲉ ⲙⲡⲉϥⲥⲱⲧⲡ ⲛⲛⲉϥϥⲓ ⲙⲡⲉⲥⲡⲉⲣⲙⲁ ⲙⲡⲉⲛⲧⲁϥⲙⲉⲣⲓⲧϥ ⲁϥϯ ⲛⲟⲩϣⲱϫⲡ ⲛⲓⲁⲕⲱⲃ ⲁⲩⲱ ⲟⲩⲛⲟⲩⲛⲉ ⲛⲇⲁⲩⲉⲓⲇ ⲉⲃⲟⲗ ⲛϩⲏⲧϥ

47:23  ⲙⲛ ⲛⲉϥⲉⲓⲟⲧⲉ [ⲁϥ]ⲕⲱ ⲙ[ⲛⲛⲥⲱϥ ⲉⲃⲟⲗ ϩ]ⲙ ⲡⲉϥⲥⲡⲉⲣⲙⲁ ⲛⲟⲩⲁⲑⲏⲧ ⲙⲡⲗⲁⲟⲥ ⲉϥϣⲁ[ⲁⲧ ⲙ]ⲙⲛⲧⲥⲁⲃⲉ ϩⲣⲟⲃⲟⲁⲙ ⲡⲉⲛⲧⲁϥⲡⲉϣⲡ[ⲗⲁ]ⲟⲥ ϩⲙ ⲡⲉϥ[ϣⲟ]ϫⲛⲉ aⲩⲱ ϩⲓⲉⲣⲟⲃⲟⲁⲙ ⲡϣⲏⲣⲉ ⲛⲛⲁⲃⲁⲧ ⲡⲉⲛⲧⲁϥⲧⲣⲉⲡ ⲣⲛⲟⲃⲉ ⲁϥϯⲧⲉϩⲓⲏ ⲙⲡⲛⲟⲃⲉ ⲛⲉⲫⲣⲁⲓⲙ

47:24  ⲁⲩⲱ ⲁⲩⲁϣⲁⲓ ⲛϭⲓ ⲛⲉⲩⲛⲟⲃⲉ ⲉⲙⲁⲧⲉ ⲉⲡⲟⲟⲛⲟⲩ ⲉⲃⲟⲗ ϩⲛ ⲡⲉⲩⲕⲁϩ

47:25  ⲁⲩⲱ ⲁϥϣⲓⲛⲉ ⲛⲥⲁ ⲡⲟⲛⲏⲣⲓⲁ ⲛⲓⲙ ϣⲁⲛⲧⲉⲡϫⲓⲕⲃⲁ ⲉⲓ ⲉϩⲣⲁⲓ ⲉϫⲱⲟⲩ

Chapter 48

48:1  ⲁⲩⲱ ⲁϥⲧⲱⲟⲩⲛ ⲛϭⲓ ϩⲏⲗⲓⲁⲥ ⲡⲉⲡⲣⲟⲫⲏⲧⲏⲥ ⲛⲑⲉ ⲛⲟⲩⲕⲱϩⲧ ⲉⲣⲉⲡⲉϥϣⲁϫⲉ ⲙⲟⲩϩ ⲛⲑⲉ ⲛⲛⲓⲗⲁⲙⲡⲁⲥ

48:2  ⲡⲁⲓ ⲉⲛⲧⲁϥⲉⲓⲛⲉ ⲙⲫⲉⲃⲱⲱⲛ ⲉϩⲣⲁⲓ ⲉϫⲱⲟⲩ ⲁⲩⲱ ⲁϥⲧⲥⲃⲕⲟⲟⲩ ϩⲛ ⲡⲉϥⲕⲱϩ

48:3  ⲁϥⲥⲉϣⲧⲧⲡⲉ ϩⲙ ⲡϣⲁϫⲉ ⲙⲡϫⲟⲉⲓⲥ ⲁϥⲛⲡⲕⲱϩⲧ ⲉϫⲱⲟⲩ ⲛϣⲙⲧⲥⲟⲡ

48:4  ⲛⲑⲉ ⲉⲛⲧⲁⲕϫⲓⲉⲟⲟⲩ ϩⲏⲗⲓⲁⲥ ϩⲛ ⲛⲉϣⲡⲏⲣⲉ ⲁⲩⲱ ⲛⲓⲙ ⲡⲉϯⲛⲉ ⲙⲙⲟⲕ ⲉⲧⲣⲉϥϣⲟⲩϣⲟⲩ ⲙⲙⲟϥ

48:5  ⲡⲉⲛⲧⲁϥⲧⲟⲩⲛⲉⲥⲟⲩⲕⲱⲱⲥ ⲉⲃⲟⲗ ϩⲙ ⲡⲙⲟⲩ ⲁⲩⲱ ϩⲛ ⲁⲙⲛⲧⲉ ϩⲙ ⲡϣⲁϫⲉ ⲙⲡⲉⲧϫⲟⲥⲉ

48:6  ⲡⲉⲛⲧⲁϥⲧⲁⲩⲉⲛⲉⲣⲱⲟⲩ [ⲉⲩⲧⲁⲕⲟ] ⲁⲩⲱ ⲛⲉⲧϩⲁⲉⲟⲟⲩ ⲉⲃⲟⲗ ϩⲛ ⲡ[ⲉⲩϭ]ⲗⲟ[ϭ]

48:7  ⲡⲉⲧⲥⲱⲧⲙ ⲉⲡⲉϫⲡⲓⲟ ϩⲛ ⲥⲉⲓⲛⲁ ⲁⲩⲱ [ⲛϩⲁ]ⲡ ⲙⲡⲉⲕⲃⲁ ⲛⲭⲱⲣⲏⲃ

48:8  ⲡⲉⲧ[ⲧⲱ]ϩⲥ ⲛⲛⲉⲓⲉⲣⲟ ⲉⲩⲧⲱⲱⲃⲉ ⲁⲩⲱ ⲛⲓⲡⲣⲟⲫⲏⲧⲏⲥ ⲉⲣⲡⲉϥⲙⲁ ⲙⲛⲛⲥⲱϥ

48:9  ⲡⲉⲛⲧⲁⲩⲁⲛⲁⲗⲁⲙⲃⲁⲛⲉ ⲙⲙⲟϥ ϩⲛ ⲟⲩⲉⲙⲛⲧ ⲛⲕⲱϩⲧ ϩⲛ ⲟⲩϩⲁⲣⲙⲁ ⲛϩⲧⲟ ⲛⲕⲱϩⲧ

48:10  ⲡⲉⲛⲧⲁⲩⲥϩⲁⲉⲓϥ ⲛϫⲡⲓⲟ ⲉⲛⲉⲩⲟⲉⲓϣ ⲉⲧⲁⲗϭⲟ ⲛⲧⲟⲣⲅⲏ ϩⲁⲑⲏ ⲙⲡϭⲱⲛⲧ ⲉⲕⲧⲉⲫⲏⲧ ⲛⲟⲩⲉⲓⲱⲧ ⲉⲡⲉϥϣⲏⲣⲉ ⲉⲥⲙⲓⲛⲉ ⲛⲛⲉⲫⲩⲗⲏ ⲛⲓⲁⲕⲱⲃ

48:11  ⲛⲁⲉⲓⲁⲧⲟⲩ ⲛⲛⲉⲛⲧⲁⲩⲛⲁⲩ ⲉⲣⲟⲕ ⲁⲩⲱ ⲛⲉⲛⲧⲁⲩⲛⲕⲟⲧⲕ ϩⲛ ⲟⲩⲙⲉ ⲕⲁⲓ ⲅⲁⲣ ⲁⲛⲟⲛ ϩⲛ ⲟⲩⲱⲛϩ ⲧⲛⲛⲁⲱⲛϩ

48:12  ϩⲏⲗⲓⲁⲥ ⲡⲉⲛⲧⲁⲩⲥⲕⲉⲡⲁⲍⲉ ⲙⲙⲟϥ ϩⲛ ⲟⲩϩⲁⲧⲏⲩ ⲁⲩⲱ ⲁⲉⲗⲓⲥⲥⲁⲓⲟⲥ ⲙⲟⲩϩ ϩⲙⲡⲉϥⲡ︤ⲛ︦ⲁ︥ ⲙⲡⲉⲁⲣⲭⲱⲛ ⲕⲓⲙ ⲉⲣⲟϥ ϩⲛ ⲛⲉϥϩⲟⲟⲩ ⲁⲩⲱ ⲙⲡⲉⲗⲁⲁⲩ ϫⲓⲧϥ ⲛϫⲛⲁϩ

48:13  ⲙⲡⲉⲗⲁⲁⲩ ⲛϣⲁϫⲉ ϫⲓⲥⲉ ⲉⲣⲟϥ ⲁⲩⲱ ⲁⲡⲉϥⲥⲱⲙⲁ ⲡⲣⲟⲫⲏⲧⲉⲩⲉ ⲉϥⲙⲟⲟⲩⲧ

48:14  ϩⲣⲁⲓ ϩⲙ ⲡⲉϥⲱⲛϩ ⲁϥⲉⲓⲣⲉ ⲛϩⲛϣⲡⲏⲣⲉ ⲁⲩⲱ ϩⲛϣⲡⲏⲣⲉ ⲛⲉ ⲛⲉϥϩⲃⲏⲩⲉ ϩⲙ ⲡⲉϥⲕⲉⲙⲟⲩ

48:15  [ϩⲛ ⲛⲁⲓ ⲧⲏⲣⲟⲩ] ⲙⲡⲉⲡⲗⲁⲟⲥ ⲙⲉⲧⲁⲛⲟⲓ [ⲁⲩ]ⲱ ⲙⲡⲟⲩⲥⲁϩⲱⲟⲩ ⲉⲃⲟⲗ ⲛⲛⲉⲩⲛⲟⲃⲉ ϣⲁⲛⲧⲟⲩⲡⲟⲟⲛⲟⲩ ⲉⲃⲟⲗ ϩⲓϫⲙ ⲡⲕⲁϩ ⲁⲩⲱ ⲁϥϫⲟⲟⲣⲟⲩ ⲉⲃⲟⲗ ϩⲓϫⲙ ⲡⲕ[ⲁϩ ⲧ]ⲏⲣϥ ⲁⲡⲗⲁⲟⲥ ϭⲱ ⲉϥⲥⲟⲃⲕ ⲉⲙⲛⲁⲣⲭⲱⲛ ϩⲙ ⲡⲏⲓ ⲛⲇⲁⲩⲉⲓⲇ

48:16  ϩⲟⲉⲓⲛⲉ ⲙⲉⲛ ⲛϩⲏⲧⲟⲩ ⲁⲩⲉⲓⲣⲉ ⲙⲡⲉϥⲟⲩⲱϣ ϩⲉⲛⲕⲟⲟⲩⲉ ⲇⲉ ⲁⲩⲧⲁϣⲉⲛⲟⲃⲉ

48:17  ⲁⲉⲍⲉⲕⲓⲁⲥ ϫⲓⲥⲉ ⲛⲧⲉϥⲡⲟⲗⲓⲥ ⲁϥϫⲓⲱⲅ ⲉϩⲟⲩⲛ ⲉⲧⲉⲩⲙⲏⲧⲉ ⲁϥϣⲉⲕⲧⲟⲩⲡⲉⲧⲣⲁ ϩⲛ ⲟⲩⲡⲉⲛⲓⲡⲉ ⲁⲩⲱ ⲁϥⲕⲱⲧ ⲛⲕⲣⲏⲛⲏ ⲉϯⲙⲟⲟⲩ

48:18  ⲁⲥⲉⲛⲛⲁⲭⲏⲣⲉⲓⲙ ⲉⲓ ⲉϩⲣⲁⲓ ϩⲛ ⲛⲉϥϩⲟⲟⲩ ⲁϥϫⲉⲩϩⲣⲁⲯⲁⲕⲏⲥ ⲁϥⲃⲱⲕ ⲁϥϫⲓⲥⲉ ⲛⲧⲉϥϭⲓϫ ⲉϫⲛ ⲥⲉⲓⲱⲛ ⲁⲩⲱ ⲁϥϫⲓⲙⲛⲧϩⲣⲟⲩⲟ ϩⲛ ⲧⲉϥⲙⲛⲧϫⲁⲥⲓϩⲏⲧ

48:19  ⲧⲟⲧⲉ ⲁⲛⲉⲩϩⲏⲧ ⲕⲓⲙ ⲙⲛ ⲛⲉⲩϭⲓϫ ⲁⲩⲱ ⲁⲩϯⲛⲁⲁⲕⲉ ⲛⲑⲉ ⲛⲧⲉⲧⲛⲁⲙⲓⲥⲉ

48:20  ⲁⲩⲱϣ ⲉϩⲣⲁⲓ ⲉⲡϫⲟⲉⲓⲥ ⲡⲛⲁⲏⲧ ⲁⲩⲱ ⲁⲩⲡⲱⲣϣ ⲛⲛⲉⲩϭⲓϫ ⲉϩⲣⲁⲓ ⲉⲣⲟϥ ⲁⲩⲱ ⲁⲡⲉⲧⲟⲩⲁⲁⲃ ⲥⲱⲧⲙ ⲉⲣⲟⲟⲩ ϩⲛ ⲟⲩϭⲉⲡⲏ ⲉⲃⲟⲗ ϩⲛ ⲧⲡⲉ ⲁϥⲥⲱⲧⲉ ⲙⲙⲟⲟⲩ ϩⲛ ⲧϭⲓϫ ⲛⲏⲥⲁⲓⲁⲥ

48:21  ⲁϥⲡⲁⲧⲁⲥⲥⲉ ⲛⲧⲡⲁⲣⲉⲙⲃⲟⲗⲏ ⲛⲛⲁⲥⲥⲩⲣⲓⲟⲥ ⲁⲩⲱ ⲁⲡⲉϥⲁⲅⲅⲉⲗⲟⲥ ⲟⲩⲟϣϥⲟⲩ

48:22  ⲁⲉⲍⲉⲕⲓⲁⲥ ⲅⲁⲣ ⲣⲡⲟⲩⲱϣ ⲙ[ⲡϫⲟⲉⲓ]ⲥ ⲁⲩⲱ ⲁϥϭⲙϭⲟⲙ ϩⲛ ⲛⲉϩⲓⲟⲟⲩⲉ ⲛⲇⲁⲩⲉⲓⲇ ⲡ[ⲉϥⲉ]ⲓⲱⲧ ⲛⲁⲓ ⲉ[ⲛⲧⲁ]ⲏⲥⲁⲓⲁⲥ ⲡⲉⲡⲣⲟⲫⲏⲧⲏⲥ ϩⲟⲛⲟⲩ ⲉⲧⲟⲟⲧϥ ⲡⲛⲟϭ ⲁⲩⲱ ⲉⲧⲛϩⲟⲧ ϩⲛ ⲛⲉϥϩⲟⲣⲁⲥⲓⲥ

48:23  ⲁⲡⲣⲏ ⲧⲟⲟⲧⲉ ⲉⲡⲁϩⲟⲩ ϩⲛ ⲛⲉϥϩⲟⲟⲩ ⲁϥⲟⲩⲉϩⲟⲩⲁϩⲉ ⲉⲡⲣⲣⲟ

48:24  ϩⲛ ⲟⲩⲛⲟϭ ⲙⲡ︤ⲛ︦ⲁ︥ ⲁϥⲛⲁⲩ ⟨ⲉ⟩ⲛϩⲁⲉⲟⲩ ⲁⲩⲱ ⲁϥⲡⲁⲣⲁⲕⲁⲗⲓ ⲛⲛⲉⲧⲣϩⲏⲃⲉ ⲛⲥⲓⲱⲛ

48:25  ⲁϥⲧⲁⲙⲟⲟⲩ ⲉⲛⲉⲧⲛⲁϣⲱⲡⲉ ⲛϣⲁⲉⲛⲉϩ ⲁⲩⲱ ⲛⲉⲧϩⲏⲡ ⲉⲙⲡⲁⲧⲟⲩϣⲱⲡⲉ

Chapter 49

49:1  ⲉⲣⲉⲡⲉⲣⲡⲙⲉⲉⲩⲉ ⲛⲓⲱⲥⲉⲓⲁⲥ ϣⲱⲡⲉ ⲉⲩⲥⲙⲓⲛⲉ ⲛϣⲟⲩϩⲏⲛⲉ ⲉϥⲧⲥⲁⲛⲏⲩ ⲛϩⲱⲃ ⲛⲣⲉϥⲡⲉⲥⲥⲟϭⲛ ϥⲛⲁϩⲗⲟϭ ⲛⲑⲉ ⲛⲟⲩⲉⲃⲓⲱ ϩⲛ ⲧⲧⲁⲡⲣⲟ ⲧⲏⲣⲥ ⲁⲩⲱ ⲛⲑⲉ ⲛϩⲛⲙⲟⲩⲥⲓⲕⲟⲛ ϩⲛ ϩⲉⲛⲥⲩⲙⲡⲟⲥⲓⲟⲛ ⲛⲏⲣⲡ

49:2  ⲛⲧⲟϥ ⲁϥⲥⲟⲟⲩⲧⲛ ⲙⲡⲉⲕⲧⲟ ⲙⲡⲗⲁⲟⲥ ⲁⲩⲱ ⲁϥϥⲓ ⲛⲛⲃⲟⲧⲉ ⲛⲧⲁⲛⲟⲙⲓⲁ

49:3  ⲁϥⲥⲟⲩⲧⲛ ⲡⲉϥϩⲏⲧ ⲉⲡϫⲟⲉⲓⲥ ⲁϥⲧⲁϫⲣⲉⲧⲙⲛⲧⲙⲁⲉⲓⲛⲟⲩⲧⲉ ϩⲛ ⲛⲉϩⲟⲟⲩ ⲛⲛⲁⲛⲟⲙⲟⲥ

49:4  ⲡⲃⲟⲗ ⲛⲇⲁⲩⲉⲓⲇ ⲙⲛ ⲉⲍⲉⲕⲓⲁⲥ ⲙⲛ ⲓⲱⲥⲉⲓⲁⲥ ⲁⲩⲣⲛⲟⲃⲉ ⲧⲏⲣⲟⲩ ⲛⲟⲩⲛⲟⲃⲉ ⲁⲩⲕⲱ ⲅⲁⲣ ⲛⲥⲱⲟⲩ ⲙⲡⲛⲟⲙⲟⲥ ⲙⲡⲉⲧϫⲟⲥⲉ [ⲁ]ⲛⲉ[ⲣⲱⲟⲩ ⲛⲓⲟⲩ]ⲇⲁⲥ ⲱϫⲛ

49:5  ⲁⲩϯⲡⲉⲩⲧⲁⲡ ⲅⲁⲣ ⲛϩⲉⲛⲕⲟⲟⲩⲉ ⲁⲩⲱ ⲡⲉⲩⲉⲟⲟⲩ ⲛⲟⲩϩⲉⲑⲛⲟ[ⲥ ⲛϣ]ⲙⲙⲟ

49:6  ⲁⲩⲣⲱⲕϩ ⲅⲁⲣ ⲛⲧⲥⲱⲧⲡ ⲙⲡⲟ[ⲗⲓⲥ ⲙ]ⲡⲉⲩⲟⲩⲟⲡ ⲁⲩⲱ ⲁⲩⲣⲛⲉⲥϩⲓⲟⲟⲩⲉ ⲛϫⲁⲉⲓⲉ

49:7  ϩⲛ ⲧⲟⲟⲧϥ ⲛⲓⲉⲣⲏⲙⲓⲁⲥ ⲁⲩⲑⲙⲕⲟϥ ⲅⲁⲣ ⲁⲩⲱ ⲛⲧⲟϥ ⲁⲩⲧⲃⲃⲟϥ ⲙⲡⲣⲟⲫⲏⲧⲏⲥ ϩⲛ ⲧⲟⲟⲧⲉ ⲉⲡⲱⲣⲕ ⲉⲑⲙⲕⲟ ⲉⲧⲁⲕⲟ ⲁⲩⲱ ⲉⲕⲱⲧ ⲉⲧⲱϭⲉ

49:8  ⲉⲍⲉⲕⲓⲏⲗ ⲡⲁⲓ ⲛⲧⲁϥⲛⲁⲩ ⲉⲑⲟⲣⲁⲥⲓⲥ ⲙⲡⲉⲟⲟⲩ ⲧⲉⲛⲧⲁϥⲧⲟⲩⲟⲥ ⲉⲣⲟϥ ϩⲓϫⲙ ⲫⲁⲣⲙⲁ ⲛⲛⲉⲭⲉⲣⲟⲩⲃⲉⲓⲛ

49:9  ⲕⲁⲓ ⲅⲁⲣ ⲁϥⲣⲡⲙⲉⲉⲩⲉ ⲛⲛϫⲁϫⲉ ϩⲛ ⲟⲩϩⲱⲟⲩ ⲉⲣⲡⲉⲧⲛⲁⲛⲟⲩϥ ⲛⲛⲉⲧⲥⲟⲟⲩⲧⲛ ⲛⲛⲉϩⲓⲟⲩⲉ

49:10  ⲉⲣⲉⲛⲕⲉⲉⲥ ⲙⲡⲙⲛⲧⲥⲛⲟⲟⲩⲥ ⲙⲡⲣⲟⲫⲏⲧⲏⲥ ϯⲟⲩⲱ ⲉⲃⲟⲗ ϩⲙ ⲡⲉⲩⲙⲁ ⲁϥⲡⲁⲣⲁⲕⲁⲗⲓ ⲇⲉ ⲛⲓⲁⲕⲱⲃ ⲁⲩⲱ ⲁϥⲥⲟⲧⲟⲩ ϩⲛ ⲟⲩⲡⲓⲥⲧⲓⲥ ⲛϩⲉⲗⲡⲓⲥ

49:11  ⲉⲛⲛⲁϫⲉⲥⲧⲍⲟⲣⲟⲃⲁⲃⲉⲗ ⲛⲁϣ ⲛϩⲉ ⲁⲩⲱ ⲛⲧⲟϥ ⲉϥⲟ ⲛⲑⲉ ⲛⲟⲩⲥⲫⲣⲁⲅⲓⲥ ϩⲛ ⲟⲩϭⲓϫ ⲛⲟⲩⲛⲁⲙ

49:12  ⲁⲩⲱ ⲓⲏⲥⲟⲩⲥ ⲡϣⲏⲣⲉ ⲛⲓⲱⲥⲉⲇⲉⲕ ⲛⲁⲓ ⲛⲧⲁⲩⲕⲉⲧⲡⲏⲓ ϩⲛ ⲛⲉⲩϩⲟⲟⲩ ⲁⲩⲱ ⲁⲩϫⲓⲥⲉ ⲙⲡⲗⲁⲟⲥ ⲉⲧⲟⲩⲁⲁⲃ ⲙⲡϫⲟⲉⲓⲥ ⲉⲧⲥⲃⲧⲱⲧ ⲉⲩⲉⲟⲟⲩ ⲛϣⲁⲉⲛⲉϩ

49:13  ⲁⲩⲱ ⲉⲧⲓ ⲉⲧⲛϯ ⲉⲙⲁⲧⲉ ⲙⲡⲉϥⲣⲡⲙⲉⲉⲩⲉ ⲙⲡⲉⲛⲧⲁϥⲧⲟⲩⲛⲉⲥⲛⲉⲛⲥⲟ[ⲃⲧ ⲛⲧⲁⲩϩⲉ] ⲁⲩⲱ ⲁϥⲧⲁϩⲟ ⲉⲣⲁⲧⲟⲩ ⲛⲙⲡⲩⲗⲏ ⲙⲛ ⲙⲙ[ⲟⲭⲗ]ⲟⲥ ⲁⲩⲱ ⲉ[ⲁϥⲧ]ⲟⲩⲛⲉⲥⲛⲉⲛⲏⲉⲓ

49:14  ⲙⲡⲟⲩⲥⲛⲧⲗⲁⲁⲩ ϩⲓϫⲙ ⲡⲕⲁϩ ⲛⲑⲉ ⲛⲉⲛⲱⲭ ⲕⲁⲓ ⲅⲁⲣ ⲛⲧⲟϥ ⲁⲩⲁⲛⲁⲗⲁⲙⲃⲁⲛⲉ ⲙⲙⲟϥ ϩⲓϫⲙ ⲡⲕⲁϩ

49:15  ⲙⲡⲟⲩϫⲡⲉⲣⲱⲙⲉ ⲉϥⲉⲓⲛⲉ ⲛⲓⲱⲥⲏⲫ ⲛⲛⲟϭ ⲉⲛⲉϥⲥⲛⲏⲩ ⲛⲧⲁϫⲣⲟ ⲙⲡⲗⲁⲟⲥ ⲁⲩⲱ ⲁⲩϭⲙⲡϣⲓⲛⲉ ⲛⲛⲉϥⲕⲉⲉⲥ

49:16  ⲥⲏⲙ ⲙⲛ ⲥⲏⲑ ⲁⲩϫⲓⲉⲟⲟⲩ ϩⲛ ⲛⲣⲱⲙⲉ ⲁⲩⲱ ⲁⲇⲁⲙ ⲉϩⲟⲩⲉⲣⲱⲙⲉ ⲛⲓⲙ ϩⲙ ⲡⲥⲱⲛⲧ

Chapter 50

50:1  ⲥⲓⲙⲱⲛ ⲡϣⲏⲣⲉ ⲛⲓⲉⲭⲟⲛⲓⲁⲥ ⲡⲛⲟϭ ⲛⲟⲩⲏⲏⲃ ⲡⲁⲓ ⲛⲧⲁϥϫⲓϫⲁⲥϥⲉ ⲙⲡⲏⲓ ϩⲙ ⲡⲉϥⲱⲛϩ ⲁⲩⲱ ⲁϥⲧⲁϫⲣⲉⲡⲉⲣⲡⲉ ϩⲛ ⲛⲉϥϩⲟⲟⲩ

50:2  ⲁⲩⲱ ⲁⲩⲥⲙⲛⲥⲛⲧⲉ ⲙⲡϫⲓⲥⲉ ⲛⲧⲇⲓⲡⲗⲏ ⲉⲃⲟⲗ ϩⲓⲧⲟⲟⲧϥ ⲧⲡⲉ ⲙⲛ ⲡϫⲓⲥⲉ ⲙⲡⲕⲱⲧⲉ ⲙⲡⲉⲣⲡⲉ

50:3  ϩⲣⲁⲓ ϩⲛ ⲛⲉϥϩⲟⲟⲩ ⲁⲛⲥⲟⲟⲩϩⲥ ⲙⲙⲟⲟⲩ ⲱϫⲛ ⲁϥⲧⲁϣⲉⲡϣⲓ ⲙⲫⲟⲙⲧ ⲛⲧⲉ ⲑⲁⲗⲁⲥⲥⲁ

50:4  ⲡⲉⲧϥⲓ ⲙⲡⲣⲟⲟⲩϣ ⲙⲡⲉϥⲗⲁⲟⲥ ϫⲉ ⲛⲛⲉϥϩⲉ ⲁⲩⲱ ⲁϥϯϭⲟⲙ ⲛⲧⲡⲟⲗⲓⲥ ϩⲙ ⲡⲕⲱⲧⲉ ⲉⲣⲟⲥ

50:5  ⲛⲑⲉ ⲛⲧⲁϥϫⲓⲉⲟⲟⲩ ϩⲙ ⲡⲉⲕⲧⲟ ⲙⲡⲗⲁⲟⲥ ϩⲙ ⲡⲉⲓ ⲉⲃⲟⲗ ⲙⲡⲏⲓ ⲙⲡⲕⲁⲧⲁⲡⲉⲧⲁⲥⲙⲁ

50:6  [ⲉϥ]ⲟ ⲛⲑⲉ ⲛ[ⲟⲩ]ⲥⲓⲟⲩ ⲛϩⲧⲟⲟⲩⲉ ⲛⲧⲙ[ⲏⲧⲉ] ⲛⲛⲉⲕⲗⲟⲟⲗⲉ ⲁⲩⲱ ⲛⲑⲉ ⲙⲡⲟⲟϩ ⲉⲧⲙⲉϩ ⲛ[…] ϩⲛ ⲛⲉϥϩⲟⲟⲩ

50:7  ⲛⲑⲉ ⲙⲡⲣⲏ ⲉⲧⲣⲟⲩⲟⲉⲓⲛ ⲉϫⲙ [ⲡⲣ]ⲡⲉ ⲙⲡⲉⲧϫⲟⲥⲉ ⲁⲩⲱ ⲛⲑⲉ ⲛⲧⲡⲓⲧⲉ ⲉⲧⲣⲟⲩⲟⲉⲓⲛ ϩⲛ ⲛⲉⲕⲗⲟⲟⲗⲉ ⲛⲉⲟⲟⲩ

50:8  ⲛⲑⲉ ⲛϩⲉⲛϩⲣⲏⲣⲉ ⲛⲟⲩⲣⲧ ϩⲛ ⲛⲉϩⲟⲟⲩ ⲛⲃⲣⲣⲉ ⲁⲩⲱ ⲛⲑⲉ ⲛⲟⲩⲕⲣⲓⲛⲟⲛ ⲉϥϩⲓϫⲛ ⲟⲩⲙⲟⲟⲩ ⲉϥϩⲁⲧⲉ ⲛⲑⲉ ⲛⲟⲩϯⲟⲩⲱ ⲛⲗⲓⲃⲁⲛⲟⲥ ϩⲛ ⲛⲉϩⲟⲟⲩ ⲙⲡϣⲱⲙ

50:9  ⲁⲩⲱ ⲛⲑⲉ ⲛⲟⲩⲕⲱϩⲧ ⲙⲛ ⲟⲩⲗⲓⲃⲁⲛⲟⲥ ⲉϫⲛ ⲟⲩϣⲟⲩⲣⲏ ⲁⲩⲱ ⲛⲑⲉ ⲛⲟⲩϩⲛⲁⲁⲩ ⲛⲛⲟⲩⲃ ⲛϫⲁϩϫ ⲉϥⲟ ⲛⲉⲓⲉⲡⲉⲛⲉⲙⲙⲉ ⲛⲓⲙ

50:10  ⲁⲩⲱ ⲛⲑⲉ ⲛⲟⲩⲃⲱ ⲛϫⲟⲉⲓⲧ ⲉⲥⲧⲁⲩⲟ ⲉⲃⲟⲗ ⲛⲛⲉⲥⲕⲁⲣⲡⲟⲥ ⲛⲑⲉ ⲛⲟⲩⲕⲩⲡⲁⲣⲓⲥⲥⲟⲥ ⲉⲥϫⲟⲥⲉ ϩⲛ ⲛⲉⲕⲗⲟⲟⲗⲉ

50:11  ϩⲙ ⲡⲧⲣⲉϥϫⲓ ⲛⲟⲩⲥⲧⲟⲗⲏ ⲛⲉⲟⲟⲩ ⲁⲩⲱ ⲛϥϯ ϩⲓⲱⲱϥ ⲛⲟⲩⲥⲩⲛⲧⲉⲗⲉⲓⲁ ⲛϣⲟⲩϣⲟⲩ ϩⲙ ⲡⲧⲣⲉϥⲁⲗⲉ ⲉϫⲙ ⲡⲉⲑⲩⲥⲓⲁⲥⲧⲏⲣⲓⲟⲛ ⲉⲧⲟⲩⲁⲁⲃ ⲁϥϯⲉⲟⲟⲩ ⲙⲡⲉⲣϣⲱⲛ ⲙⲡⲉⲩⲟⲡ

50:12  ϩⲙ ⲡⲧⲣⲉϥϫⲓ ⲇⲉ ⲛⲟⲩⲉⲃⲓⲱ ⲛⲧⲛ ⲛϭⲓϫ ⲉⲧⲛⲉⲥⲱⲟⲩ ⲁⲩⲱ ⲛⲧⲟϥ ⲉϥⲁϩⲉⲣⲁⲧϥ ϩⲁⲧⲛ ⲧⲉⲥⲭⲁⲣⲁ ⲛⲧϣⲟⲩⲣⲏ ⲉϥⲟ ⲛⲟⲩⲕⲗⲟⲙ ⲉϥⲙⲡⲕⲱⲧⲉ ⲛⲛⲉ[ⲥⲛⲏⲩ] ⲉϥⲟ ⲛⲑⲉ ⲛⲟⲩϯⲟⲩⲱ ⲛⲕⲉⲛⲇⲣⲟⲥ ϩⲙ [ⲡⲗⲓⲃ]ⲁⲛⲟⲥ ⲁⲩⲱ ⲁ[ⲩⲕ]ⲱⲧⲉ ⲉⲣⲟϥ ⲛⲑⲉ ⲛⲛⲓⲕⲁϥ ⲛⲃⲛⲛⲉ

50:13  ⲁⲩⲱ ⲛϣⲏⲣⲉ ⲧⲏⲣⲟⲩ ⲛⲁⲁⲣⲱⲛ ϩⲙ ⲡⲉⲩⲉⲟⲟⲩ ⲉⲣⲉⲧⲉⲡⲣⲟⲥⲫⲟⲣⲁ ⲙⲡϫⲟⲉⲓⲥ ϩⲛ ⲛⲉⲩϭⲓϫ ⲙⲡⲉⲙⲧⲟ ⲉⲃⲟⲗ ⲛⲧⲉⲕⲕⲗⲏⲥⲓⲁ ⲧⲏⲣⲥ ⲙⲡ

50:14  ⲁⲩⲱ ⲡϫⲱⲕ ⲉⲃⲟⲗ ⲛⲣⲣⲉϥϣⲙϣⲉ ϩⲓϫⲛ ⲛϣⲏⲟⲩⲉ ⲉⲕⲟⲥⲙⲉⲓ ⲛⲧⲉⲡⲣⲟⲥⲫⲟⲣⲁ ⲙⲡⲡⲁⲛⲧⲟⲕⲣⲁⲧⲱⲣ ⲉⲧϫⲟⲥⲉ

50:15  ⲁϥⲥⲟⲩⲧⲛⲧⲟⲟⲧϥ ⲉⲃⲟⲗ ⲉⲡⲉⲛⲕⲁ ⲛⲟⲩⲱⲧⲛ ⲉⲃⲟⲗ ⲁⲩⲱ ⲁϥⲟⲩⲱⲧⲛ ⲉⲃⲟⲗ ⲙⲡⲉⲥⲛⲟϥ ⲙⲡⲉⲗⲟⲟⲗⲉ ⲁϥⲡⲱϩⲧ ϩⲁ ⲣⲁⲧϥ ⲙⲡⲉⲑⲩⲥⲓⲁⲥⲧⲏⲣⲓⲟⲛ ⲛⲟⲩⲥϯⲛⲟⲩϥⲉ ⲙⲡⲉⲧϫⲟⲥⲉ ⲡⲣⲣⲟ ⲙⲡⲧⲏⲣϥ

50:16  ⲧⲟⲧⲉ ⲁⲛϣⲏⲣⲉ ⲛⲁⲁⲣⲱⲛ ϫⲓϣⲕⲁⲕ ⲉⲃⲟⲗ ⲁⲩⲙⲟⲩⲧⲉ ϩⲛ ϩⲉⲛⲥⲁⲗⲡⲓⲅⲝ ⲛϫⲁϩϫϩ ⲁⲩⲧⲣⲉⲩⲥⲱⲧⲙ ⲉⲩⲛⲟϭ ⲛⲥⲙⲏ ⲉⲩⲣⲡⲙⲉⲉⲩⲉ ⲙⲡⲉⲙⲧⲟ ⲉⲃⲟⲗ ⲙⲡⲉⲧϫⲟⲥⲉ

50:17  ⲧⲟⲧⲉ ⲁⲡⲗⲁⲟⲥ ⲧⲏⲣϥ ϭⲉⲡⲏ ϩⲓ ⲟⲩⲥⲟⲡ ⲁⲩⲡⲁϩⲧⲟⲩ ⲉϫⲙ ⲡⲉⲩϩⲟ ⲉϫⲙ ⲡⲕⲁϩ ⲉⲩⲟⲩⲱϣⲧ ⲙⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲡⲛⲟⲩⲧⲉ ⲉⲧϫⲟⲥⲉ

50:18  ⲁⲩⲱ ⲁⲛⲣⲉϥⲯⲁⲗⲗⲉⲓ ⲥⲙⲟⲩ ϩⲛ ⲛⲉⲩⲥⲙⲏ [ⲁⲟⲩⲗ]ⲗⲉ ⲥⲱⲕ ϩⲙ ⲡⲛⲟϭ ⲛⲏⲉⲓ

50:19  ⲁⲩⲱ ⲁⲡⲗⲁⲟⲥ ⲥⲉⲡⲥⲡϫⲟⲉⲓⲥ ⲉⲧϫⲟⲥⲉ ϩⲙ ⲡⲉⲩϣⲗⲏⲗ ⲙⲡⲉⲙⲧⲟ ⲉⲃ[ⲟⲗ ⲙ]ⲡⲛⲁⲏⲧ ϣⲁⲛⲧⲉⲡⲕⲟⲥⲙⲟⲥ ⲙⲡϫⲟⲉ[ⲓⲥ ϫ]ⲱⲕ ⲉⲃⲟⲗ ⲁⲩⲱ ⲁⲩϫⲱⲕ ⲉⲃⲟⲗ ⲙⲡⲉϥϣⲙϣⲉ

50:20  ⲧⲟⲧⲉ ⲁϥⲉⲓ ⲉⲡⲉⲥⲏⲧ ⲁϥϥⲓ ⲛⲛⲉϥϭⲓϫ ⲉϩⲣⲁⲓ ⲉϫⲛ ⲧⲥⲟⲟⲩϩⲥ ⲧⲏⲣⲥ ⲛⲛϣⲏⲣⲉ ⲙⲡ ⲉϯ ⲙⲡⲉⲥⲙⲟⲩ ⲙⲡϫⲟⲉⲓⲥ ⲉⲃⲟⲗ ϩⲛ ⲛⲉⲩⲥⲡⲟⲧⲟⲩ ⲁⲩⲱ ⲉϣⲟⲩϣⲟⲩ ϩⲙ ⲡⲉϥⲣⲁⲛ

50:21  (b) ⲉϫⲓ ⲡⲉⲥⲙⲟⲩ ⲛⲧⲛ ⲡⲉⲧϫⲟⲥⲉ

50:22  ⲧⲉⲛⲟⲩ ϭⲉ ⲥⲙⲟⲩ ⲉⲡⲛⲟⲩⲧⲉ ⲛⲟⲩⲟⲛ ⲛⲓⲙ ⲡⲉϯⲣⲉ ⲛⲙⲙⲛⲧⲛⲟϭ ϩⲙ ⲙⲁ ⲛⲓⲙ ⲡⲉⲧϫⲓⲥⲉ ⲛⲛⲉⲛϩⲟⲟⲩ ⲉⲃⲟⲗ ϩⲛ ⲧⲟⲟⲧⲉ ⲡⲉⲧⲉⲓⲣⲉ ⲛⲙⲙⲁⲛ ⲕⲁⲧⲁ ⲡⲉϥⲛⲁ

50:23  ⲉϥⲉϯ ⲛⲁⲛ ⲛⲟⲩⲟⲩⲛⲟϥ ⲛϩⲏⲧ ⲉⲧⲣⲉⲟⲩⲉⲓⲣⲏⲛⲏ ϣⲱⲡⲉ ϩⲛ ⲛⲉⲛϩⲟⲟⲩ ϩⲙ ⲡ ⲕⲁⲧⲁ ⲛⲉϩⲟⲟⲩ ⲛϣⲁⲉⲛⲉϩ

50:24  ⲉⲧⲁⲛϩⲉⲧⲡⲉϥⲛⲁ ⲛⲙⲙⲁⲛ ⲁⲩⲱ ⲉⲥⲟⲧⲛ ϩⲛ ⲛⲉϥϩⲟⲟⲩ

50:25  ⲁⲧⲁⲯⲩⲭⲏ ⲙⲉⲥⲧⲉϩⲉⲑⲛⲟⲥ ⲥⲛⲁⲩ ⲁⲩⲱ ⲡⲙⲉϩϣⲟⲙⲛⲧ ⲛⲟⲩϩⲉⲑⲛⲟⲥ ⲁⲛ ⲡⲉ

50:26  ⲛⲉⲫⲩⲗⲓⲥⲧⲓⲉⲓⲙ ⲉⲧⲟⲩⲏϩ ϩⲛ ⲧⲥⲁⲙⲁⲣⲓⲁ ⲁⲩⲱ ⲡⲗⲁⲟⲥ ⲛⲥⲟϭ ⲉⲧⲟⲩⲏϩ ϩⲛ ⲥⲓϭⲓⲙⲁ

50:27  ⲧⲉⲥⲃⲱ ⲛⲧⲙⲛⲧⲣⲙⲛϩⲏⲧ ⲙⲛ ⲧⲙⲛⲧⲥⲁⲃⲉ ⲁⲓⲥϩⲁⲓⲥⲟⲩ ϩⲓ ⲡⲉⲓϫⲱⲱⲙⲉ ⲓⲏⲥⲟⲩⲥ ⲡϣⲏⲣⲉ ⲛⲥⲉⲓⲣⲁⲭ ⲉⲗⲉⲁⲍⲁⲣ ⲡϩⲓⲉⲣⲟⲥⲟⲗⲩⲙⲉⲓⲧⲏⲥ ⲡⲁⲓ ⲛⲧ[ⲁϥⲃ]ⲉⲉⲃⲉ ⲛⲧⲥⲟⲫⲓⲁ ϩⲙ ⲡⲉϥϩⲏⲧ

50:28  ⲛⲁⲉ[ⲓⲁⲧϥ ⲙ]ⲡⲉⲧⲛⲁⲙⲟⲟϣⲉ ϩⲛ ⲛⲁⲓ ⲁⲩⲱ ⲡⲉⲧⲛⲁⲕⲁⲁⲩ ϩⲙ ⲡⲉϥϩⲏⲧ ⲛⲁⲣⲥⲁⲃⲉ

50:29  ⲉϥϣⲁⲛⲣⲛⲁⲓ ⲅⲁⲣ ϥⲛⲁϭⲙϭⲟⲙ ⲉⲣⲟⲟⲩ ⲧⲏⲣⲟⲩ ϫⲉ ⲡⲟⲩⲟⲉⲓⲛ ⲙⲡϫⲟⲉⲓⲥ ⲡⲉ ⲡⲉϥⲟⲩⲱⲛϩ ⲉⲃⲟⲗ

Chapter 51

51:1  ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲡϫⲟⲉⲓⲥ ⲡⲁⲣⲣⲟ ϯⲛⲁⲥⲙⲟⲩ ⲉⲣⲟⲕ ⲡⲛⲟⲩⲧⲉ ⲡⲁⲥⲱⲧⲏⲣ ϯⲛⲁⲟⲩⲱⲛϩ ⲉⲃⲟⲗ ⲙⲡⲉⲕⲣⲁⲛ

51:2  ϫⲉ ⲁⲕϣⲱⲡⲉ ⲛⲁⲓ ⲛⲃⲟⲏⲑⲟⲥ ⲁⲩⲱ ⲛⲥⲕⲉⲡⲁⲥⲧⲏⲥ ⲁⲩⲱ ⲁⲕⲥⲱⲧⲉ ⲙⲡⲁⲥⲱⲙⲁ ⲉⲃⲟⲗ ϩⲙ ⲡⲧⲁⲕⲟ ⲁⲩⲱ ⲉⲩϭⲟⲣϭⲥ ⲛⲇⲓⲁⲃⲟⲗⲏ ⲛⲗⲁⲥ ⲙⲛ ⲛⲉⲥⲡⲟⲧⲟⲩ ⲛⲛⲉⲧⲣϩⲱⲃ ⲉⲡϭⲟⲗ ⲁⲩⲱ ⲙⲡⲉⲙⲧⲟ ⲉⲃⲟⲗ ⲛⲛⲉⲧⲁϩⲉ ⲟⲩⲃⲏⲓ

51:3  ⲁⲩⲱ ⲁⲕⲥⲟⲧ ⲕⲁⲧⲁ ⲡⲁϣⲁⲓ ⲙⲡⲉⲕⲛⲁ ⲙⲛ ⲡⲉⲕⲣⲁⲛ ⲁⲕⲛⲁϩⲙⲉⲧ ⲉⲣⲱϥ ⲙⲡⲉⲧⲥⲃⲧⲱⲧ ⲉⲩⲟⲙⲧ ⲉⲃⲟⲗ ⲛⲛϭⲓϫ ⲛⲛⲉⲧϣⲓⲛⲉ ⲛⲥⲁ ⲧⲁⲯⲩⲭⲏ ⲉⲃⲟⲗ ϩⲙ ⲡⲙⲏⲏϣⲉ ⲛⲑⲗⲓⲯⲓⲥ ⲛⲧⲁⲩⲧⲁϩⲟⲓ

51:4  ⲁⲩⲱ ⲉⲡϭⲱⲛⲧ ⲛⲟⲩϣⲁϩ ⲙⲡⲁⲕⲱⲧⲉ ⲉⲙⲡⲟⲩⲣⲟⲕϩⲧ ⲉⲃⲟⲗ ϩⲛ ⲧⲙⲏⲧⲉ ⲛⲟⲩⲕⲱϩⲧ

51:5  ⲁⲩⲱ ⲉⲡϣⲓⲕ ⲛϩⲏⲧϥ ⲛⲁⲙⲛⲧⲉ ⲉⲩⲗⲁⲥ ⲛⲁⲕⲁⲑⲁⲣⲧⲟⲥ ⲙⲛ ⲟⲩϣⲁϫⲉ ⲛϭⲟⲗ

51:6  [ⲁ]ⲩⲱ ⲉⲩϩⲓⲗⲁ ⲛⲗⲁⲥ ⲛϫⲓⲛϭⲟⲛⲥ ⲛⲟⲩⲣⲣⲟ ⲁⲧⲁⲯⲩⲭⲏ ϩⲱⲛ ⲉϩⲟⲩⲛ ϣⲁ ⲡⲙⲟⲩ ⲁⲩⲱ ⲛⲉⲣⲉⲡⲁⲱⲛϩ ϩⲏⲛ ⲉϩⲟⲩ[ⲛ ⲁⲙ]ⲛⲧⲉ ⲙⲡⲉⲥⲏⲧ

51:7  ⲁⲩⲁⲙⲁϩⲧⲉ ⲙⲙⲟⲓ ⲛⲥⲁ ⲥⲁ ⲛⲓⲙ ⲁⲩⲱ ⲛⲉⲙⲛⲡⲉⲧ[ⲃⲟⲏ]ⲑⲉⲓ ⲉⲣⲟⲓ ⲉⲉⲓϭⲱϣⲧ ⲉⲧⲣⲉⲟⲩⲣⲱⲙⲉ ϣⲟⲡⲧ ⲉⲣⲟϥ ⲁⲩⲱ ⲙⲡⲓϭⲛⲧϥ

51:8  ⲁⲓⲣⲡⲙⲉⲉⲩⲉ ⲙⲡⲉⲕⲣⲁⲛ ⲡϫⲟⲉⲓⲥ ⲁⲩⲱ ⲡⲉⲕϩⲱⲃ ϫⲓⲛ ⲉⲛⲉϩ ϫⲉ ⲁⲕⲛⲟⲩϩⲙ ⲛⲛⲉⲧϩⲩⲡⲟⲙⲓⲛⲉ ⲉⲣⲟⲕ ⲁⲩⲱ ϣⲁⲕⲧⲟⲩϫⲟⲟⲩ ⲛϭⲓϫ ⲛⲛϫⲁϫⲉ

51:9  ⲁϥϫⲓⲥⲉ ⲛⲧⲁⲙⲛⲧϩⲙϩⲁⲗ ⲉⲃⲟⲗ ϩⲙ ⲡⲕⲁϩ ⲁⲩⲱ ⲁⲓⲥⲟⲡⲥ ⲉⲛⲁϩⲙⲉⲧ ⲉⲡⲙⲟⲩ

51:10  ⲁⲓⲉⲡⲓⲕⲁⲗⲉⲓ ⲙⲡϫⲟⲉⲓⲥ ⲡⲓⲱⲧ ⲙⲡⲁϫⲟⲉⲓⲥ ⲉⲧⲙⲕⲁⲁⲧ ϩⲛ ⲛⲉϩⲟⲟⲩ ⲛⲧⲉⲑⲗⲓⲯⲓⲥ ϩⲛ ⲟⲩⲟⲩⲟⲉⲓϣ ⲛϫⲁⲥⲓϩⲏⲧ ⲉⲙⲛⲃⲟⲏⲑⲓⲁ

51:11  ϯⲛⲁⲥⲙⲟⲩ ⲉⲡⲉⲕⲣⲁⲛ ⲛⲟⲩⲟⲉⲓϣ ⲛⲓⲙ ⲁⲩⲱ ϯⲛⲁⲥⲙⲟⲩ ⲉⲣⲟⲕ ϩⲛ ⲟⲩⲟⲩⲱⲛϩ ⲉⲃⲟⲗ ϫⲉ ⲁⲕⲥⲱⲧⲙ ⲉⲡⲁⲥⲟⲡⲥ

51:12  ⲁⲕⲧⲟⲩϫⲟⲉⲓ ⲅⲁⲣ ⲉⲃⲟⲗ ϩⲙ ⲡⲧⲁⲕⲟ ⲁⲩⲱ ⲁⲕⲛⲁϩⲙⲉⲧ ⲉⲩⲟⲩⲟⲉⲓϣ ⲙⲡⲟⲛⲏⲣⲟⲛ ⲉⲧⲃⲉ ⲡⲁⲓ ϯⲛⲁⲟⲩⲱⲛϩ ⲛⲁⲕ ⲉⲃⲟⲗ ⲧⲁⲥⲙⲟⲩ ⲉⲣⲟⲕ ⲁⲩⲱ ⲧⲁⲥⲙⲟⲩ ⲉⲡⲉⲕⲣⲁⲛ ⲡϫⲟⲉⲓⲥ

51:13  ⲉⲧⲓ ⲉⲓⲟ ⲛⲕⲟⲩⲓ ⲉⲙⲡⲁϯⲕⲱⲧⲉ ⲁⲓϣⲓⲛⲉ ⲛⲥⲁ ⲧⲥⲟⲫⲓⲁ ϩⲁⲑⲏ ⲙⲡⲁϣⲗⲏⲗ

51:14  ⲁⲩⲱ ⲁⲓⲧⲱⲃϩ ϩⲁ ⲧⲁⲓ ⲙⲡⲉⲙⲧⲟ ⲉⲃⲟⲗ ⲙⲡⲉⲣⲡⲉ ⲁⲩⲱ ϯⲛⲁϣⲓⲛⲉ ⲛⲥⲱⲥ ϣⲁ ⲑⲁⲏ

51:15  ⲁⲉⲓϯⲟⲩⲱ ⲛⲑⲉ ⲛⲟⲩⲗⲟⲟⲗⲉ ⲉⲁϥⲡⲱϩ ⲁⲡⲁ[ϩⲏⲧ ⲉⲩ]ⲫⲣⲁⲛⲉ ⲛϩⲏⲧⲥ ⲁⲧⲁ[ⲟⲩⲉⲣ]ⲏⲧⲉ ⲁϩⲉⲣⲁⲧⲥ ϩⲙ ⲡⲥⲟⲟⲩⲧⲛ ⲛⲉⲓ[ϭⲱⲣϭ] ⲛⲥⲱⲥ ϫⲓⲛ ⲧⲁⲙⲛⲧⲕⲟⲩⲓ

51:16  ⲁⲓⲣⲓⲕⲉ ⲙⲡⲁⲙⲁⲁϫⲉ ⲛⲟⲩϣⲏⲙ ⲁⲓϫⲓⲧⲥ ⲁⲓϩⲉ ⲛⲁⲓ ⲉⲩⲛⲟϭ ⲛⲥⲃⲱ ⲉⲧⲃⲏⲧⲥ

51:17  ⲁⲟⲩϫⲓⲥⲉ ϣⲱⲡⲉ ⲛⲁⲓ ⲛϩⲏⲧⲥ ϯⲛⲁϯⲉⲟⲟⲩ ⲙⲡⲉⲧϯ ⲛⲁⲓ ⲛⲧⲥⲟⲫⲓⲁ

51:18  ⲁⲓⲙⲉⲉⲩⲉ ⲅⲁⲣ ⲉⲁⲁⲥ ⲁⲓⲕⲱϩ ⲉⲡⲁⲅⲁⲑⲟⲛ ⲁⲩⲱ ⲛϯⲛⲁϫⲓϣⲓⲡⲉ ⲁⲛ

51:19  ⲁⲧⲁⲯⲩⲭⲏ ⲙⲓϣⲉ ϩⲣⲁⲓ ⲛϩⲏⲧⲥ ⲁⲩⲱ ⲁⲓϩⲉⲧϩⲱⲧⲥ ϩⲛ ⲟⲩϩⲕⲟ ⲁⲓⲡⲣϣⲛⲁϭⲓϫ ⲉϩⲣⲁⲓ ⲉⲧⲡⲉ ⲁⲩⲱ ⲁⲓⲣϩⲏⲃⲉ ⲛⲛⲁⲙⲛⲧⲁⲧⲥⲟⲟⲩⲛ ⲛϩⲏⲧⲥ

51:20  ⲁⲓⲥⲟⲟⲩⲧⲛ ⲛⲧⲁⲯⲩⲭⲏ ⲉⲣⲟⲥ ⲁⲩⲱ ⲁⲓϩⲉ ⲉⲣⲟⲥ ϩⲛ ⲟⲩⲧⲃⲃⲟ ⲁⲓϫⲡⲟ ⲛⲁⲓ ⲛⲟⲩϩⲏⲧ ⲛⲙⲙⲁⲩ ϫⲓⲛ ⲛϣⲟⲣⲡ ⲉⲧⲃⲉ ⲡⲁⲓ ⲛϥⲛⲁⲕⲁⲁⲧ ⲛⲥⲱϥ ⲁⲛ

51:21  ⲁⲩⲱ ⲁⲡⲁϩⲏⲧ ϣⲧⲟⲣⲧⲣ ⲉⲉⲓϣⲓⲛⲉ ⲛⲥⲱⲥ ⲉⲧⲃⲉ ⲡⲁⲓ ⲁⲓⲕⲱ ⲛⲁⲓ ⲛⲟⲩⲕⲧⲏⲙⲁ ⲉⲛⲁⲛⲟⲩϥ

51:22  ⲁⲡϫⲟⲉⲓⲥ ϯ ⲛⲁⲓ ⲛⲟⲩⲗⲁⲥ ⲛⲃⲉⲕⲉ ϯⲛⲁⲥⲙⲟⲩ ⲉⲣⲟϥ ⲛϩⲏⲧϥ

51:23  ⲁⲙⲏⲉⲓⲧⲛ ϣⲁⲣⲟⲓ ⲛⲁⲧⲥⲃⲱ ⲧⲁⲣⲉⲧⲛⲟⲩⲱϩ ϩⲛ ⲡⲏⲓ ⲛⲧⲉⲥⲃⲱ

51:24  [ⲉ]ⲧⲃⲉ ⲟⲩ ⲧⲉⲧⲛϣⲁⲁⲧ ⲉⲧⲉⲧⲛⲛⲁϣⲁϫⲉ ϩⲛ ⲛⲁⲓ ⲡⲉ ⲁⲩⲱ ⲛⲉⲧⲛⲯⲩⲭⲏ ⲟⲃⲉ ⲉⲙⲁⲧⲉ

51:25  ⲁⲓⲟⲩⲱⲛ ⲛⲣⲱⲓ ⲁⲓϣⲁϫⲉ ϣ[ⲱⲡ ⲛ]ⲏⲧⲛ ⲛϫⲓⲛϫⲏ

51:26  ⲕⲁⲡⲉⲧⲛⲙⲁⲕϩ ⲉϩⲟⲩⲛ ϩⲁ ⲡⲁⲛⲁϩⲃϥ ⲁⲩⲱ ⲙⲁⲣⲉⲧⲉⲧⲛⲯⲩⲭⲏ ϫⲓⲧⲉⲥⲃⲱ ⲥϩⲏⲛ ⲅⲁⲣ ⲉϩⲟⲩⲛ ⲉⲣⲟⲥ

51:27  ⲁⲛⲁⲩ ϩⲛ ⲛⲉⲧⲛⲃⲁⲗ ϫⲉ ⲛⲧⲁⲓϣⲡϩⲓⲥⲉ ⲛⲟⲩⲕⲟⲩⲓ ⲁⲩⲱ ⲁⲓϩⲉ ⲛⲁⲓ ⲉⲩⲛⲟϭ ⲛⲙⲧⲟⲛ

51:28  ϫⲓ ⲛⲏⲧⲛ ⲛⲧⲉⲥⲃⲱ ϩⲛ ⲟⲩⲛⲟϭ ⲛⲏⲡⲉ ⲛϩⲟⲙⲛⲧ ⲁⲩⲱ ⲧⲉⲧⲛⲛⲁϫⲡⲉⲟⲩⲛⲟϭ ⲛⲟⲩⲟⲉⲓϣ ⲛϩⲏⲧⲥ

51:29  ⲉⲣⲉⲧⲉⲧⲛⲯⲩⲭⲏ ⲉⲩⲫⲣⲁⲛⲉ ϩⲙ ⲡⲉϥⲛⲁ ⲁⲩⲱ ⲛⲛⲉⲧⲛϫⲓϣⲓⲡⲉ ϩⲙ ⲡⲉϥⲥⲙⲟⲩ

51:30  ⲁⲣⲓϩⲱⲃ ⲉⲡⲉⲧⲛϩⲱⲃ ϩⲁⲑⲏ ⲙⲡⲉⲟⲩⲟⲓϣ ⲁⲩⲱ ϥⲛⲁϯ ⲛⲏⲧⲛ ⲙⲡⲃⲉⲕⲉ ⲙⲡⲉⲟⲩⲟⲓϣ ⲧⲥⲟⲫⲓⲁ ⲛⲓⲏⲥⲟⲩⲥ ⲡϣⲏⲣⲉ ⲛⲥⲉⲓⲣⲁⲭ